Шеър азиз олам аро...

[Баходир кушаков]

Инсон кўнгли нозик бўлар, сўзлашганда сўзингга боқ,
Кўримсиздан кулмай туриб, бир ойнада юзингга боқ.

Бировлардан ранжимагин, бирор нарса қизғансалар,
Ўзинг эҳсон қилганмисан, берган ошу тузингга боқ.

Бу дунёда барча бирмас,ким бадавлат, ким "ҳеч киммас"
Такаббурлик қилма зинҳор, олган ризқу рўзингга боқ.

Қиёматда савол оғир, қинғир йўлдан юрганларга,
Ҳар қадаминг ўйлаб босиб, ортда қолган изингга боқ....


Эй Баҳодир ўпкангни бос, ўзгаларга ақл бўлмай,
Панд насиҳат сенга эмас, сен аввало ўзингга боқ.
(С)

[Баходир кушаков]

Сўрадилар:- мусулмонмисан?
Айтдиларки:-Алҳамдулиллоҳ.
Сўрадилар:- Унда, Роббинг ким?
Айтдиларки:- Якка бир Аллоҳ.


Аллоҳдан кейин ҳам бир эганг бордир?
Отамнинг буйруғи жисмимга жодир.

Сен учун доимо ким у жонсарак?
У онам, мен учун кўкдаги малак.

Акангчи, у сенга қанчалар керак?
Отамнинг ўрнида отамдир бешак.

Опангни, қандайин кўрарсан азиз?
Пойига бош қўйгум, онамдек лазиз.

Укалар, сингиллар, ким сенга улар?
Бири қош, бири кўз, борлиғим шулар.

Фарзанднинг сенга бор қандай қиммати?
У кўзим қароси, белим қуввати.

Аёлинг сен учун ким эрур ўғлон?
Севгилим, қувончим, жисмимдаги жон.

Дўстларинг ўрнини сўзлачи бизга,
Дўстим кўп, қай бирин айтайин сизга?

Рост сўзла, дўст учун бергаймисан жон?
Ўйланиб ўтирсам тарк этсин иймон....


Бу сўзлар, бир муслим йигит сўзлари,
Ҳар кимса, ҳулоса қилсин ўзлари.
Баҳодир, дуо қил, йигитнинг бўлсин,
Қиёмат кунида ёруғ юзлари.

Сўрадилар:- мусулмонмисан?
Айтдиларки:-Алҳамдулиллоҳ.
Сўрадилар:- Унда, Роббинг ким?
Айтдиларки:- Якка бир Аллоҳ.
(С)

[Баходир кушаков]

Ёзнинг иссиқ кунларида келди рамазон,
Мўминларга синов учун улкан бир имкон.
Сабр тоқат тилай сизга соҳиби иймон,
Синовлардан ўтиб олинг сиз эсон-омон.
Ифторликда дастурхонлар неъматга тўлсин,
УЛУҒ АЙЁМ, МОҲ РАМАЗОН МУБОРАК БўЛСИН!

(С)

[Баходир кушаков]

Барчани ўтган ҳайит айёми билан муборакбод этамиз! (Ҳечдан кўра кеч)

Сизларга бир тилак айтсам дўстларим,
Бахт учун курашган етар муродга.
Саодат берса гар инсонга Эгам,
Тинчлик ҳам билингки кетмайди ётга.
Омонлик барқарор бўлғуси албат,
Ҳамиша умидла яшангиз фақат.
Ёр бўлинг яхшига, мардга ошно,
Бўлсин шу қалбларда эзгулик қат-қат
*****
Тилакми, насиҳат билмоқчи дўстлар,
Шеъримни қайтадан ўқий қолсинлар.
Биринчи сўзларин жамлаб кетма-кет,
Тилагим нелигин билиб олсинлар.
(С)

[Баходир кушаков]

МЕН СЕВГАН АЁЛ!
Сиз меҳр офтоби,умрим китоби,
Умидим дарахтин япроқларисиз.
Муҳаббат домида мен чўкаётган,
Севги уммонининг қирғоқларисиз.

Сиз қалбим севгани,борлиғи,ёри,
Сиз кўнглим қувончи,ардоқларисиз.
Чиқолмай қолганим,севги ўрмонин,
Нажотга қурилган,сўқмоқларисиз.

Сиз вафо тимсоли,ёрининг ори,
Садоқат дарёсин ирмоқларисиз.
Сиз кўнглим бепоён осмонида бир,
Ярақлаб чақнаган чақмоқларисиз.

Сиз билан юрагим,сиздадир ҳаёл,
Сизни деб яшайман,етганча мажол.
Баҳодир севгисин қилмаган увол,
Бир умр ғам кўрманг МЕН СЕВГАН АЁЛ!
(С)

[Lobar AZIZ]

Bolam,
Menga hassa olib keldingmi?
O`zingga suyansam bo`lmasmi bolam?
Bolam,
tugayapman chog`i, bildingmi?
Ketsam,
Senga og`ir bo`lmasmi bolam?
Bolam,
Qo`llarimda qolmadi mador.
Bolam,
oyog`imda quvvat qolmadi.
Bir kun sog` o`tirsam yetti kun bemor,
Ko`rgulik suvratu sumbat qolmadi…
Bolam,
Ko`zlarimda hiralashdi nur,
Ko`ksimda ilvirab tugayapti jon.
Bolam, salomingni eshitmoq huzur,
Bolam, yuzlaringni ko`raman qachon?
Bolam,
Kelishingdan ketishlaring tez.
Bu dardi bezorga diydoring malham.
Yo`lingga ko`z tikib kutsamu har kez,
Bolam,
Menga aytar gaping muncha kam?
Bolam!
Duolarda Xudodan so`rib,
Tuqqanda quvonchdan yig`lagan bolam,
To`qqiz oy tanimda ko`tarib yurib,
Uch kunga uyiga sig`magan bolam,
Diydasi qattig`u zardasi og`ir,
Dunyoning ishidan ortmagan bolam,
Do`stu begonaga yetgan vaqti bir,
Qo`ng`iroq qilishga yetmagan bolam!
Ko`nglim uzilmaydi ko`zim uzsam ham,
Uyog`i oz qoldi, bildingmi bolam?
Qo`lingdan tutay deb qo`llarim cho`zsam,
Menga hassa olib keldingmi, bolam?..
Bolam…
(C)

[Mahmud Jurat]

***
Кебитимда кўкандай юввош
Итмак ердим сўкнинг донидан.
Мулгим бузди қайбир қорабош,
Олиб келиб хоннинг нонидан.

Шунда куврак нонни қўйиб тез,
Кишим олиб йўлга шайландим.
Кўча бўйлаб ётар хазонрез,
Мен қулонга бирдан айландим.

Осмон бир тўнг, кўча кезар қаз,
Жунжикади танам ҳовури.
Итмак дори, менга у - қалаз,
Ўз нонингдан қўймасин Тангри.

[Знакомый]

Сизларга бир тилак айтсам дўстларим,
Бахт учун курашган етар муродга.
Саодат берса гар инсонга Эгам,
Тинчлик ҳам билингки кетмайди ётга.
Омонлик барқарор бўлғуси албат,
Ҳамиша умидла яшангиз фақат.
Ёр бўлинг яхшига, мардга ошно,
Бўлсин шу қалбларда эзгулик қат-қат

Bolam
Офарин!

[Colorado]

Bolam…

https://img.uforum.uz/images/nlmpeba3644973.jpg

[Баходир кушаков]

Ёнинга келдим чиқмадинг,келганлигим билмасмидинг,
Бу юрак васлингга ҳуммор,бўлганлигин билмасмидинг.

Истамас зинҳор юрак,жониға жонингдин ўзга жон,
Жондин кечиб,паймона ҳам,тўлганлигин билмасмидинг.

Чиқмадинг кутдим интизор,бир даста гуллар келтириб,
Зор кутиб гуллар тонг қадар,сўлганлигин билмасмидинг.

Тунда кўрдим оинангда, ўзга бир инсон суратин,
Ғолиб мисол қараб менга,кулганлигин билмасмидинг.

Эй Баҳодир чекма фарёд,гар ўзгага дил берса ёр,
Сен учун ул бевафо ёр,ўлганлигин билмасмидинг.
(С)

[Aliya]

So`rama...

Sen so`rama.
Hasratlar -
Ko`z yoshimda yuvilgan,
Ishq - qanotsiz kabutar,
Yuragimga ko`milgan.

Izlab kelma.
Qalb olis.
Baxt yo`llari tikanzor -
Kuldek to`zgan yetim his
Mozoriga eltar, yor...

Parvo qilma.
Yuragim -
Tuproq bo`lib to`kilgan.
Va bag`rida baxt yarim -
Janozasi o`qilgan...

Ket.
Izlama!
Endi kech -
Orom topsin ishq ruhi.
Tushingga ham kirmas hech -
Xazon qalbning og`rig`i.

Qaytib kelma!
Ayb kimda -
Na men, na ishq bilgaydir.
Va har bahor qalbimda
Qizg`aldoqlar gullaydir...

Sen ortingga qarama...

©

[Aliya]

Юрагимнинг зарбларида туғилганим,
Бешигимнинг зебларида туғилганим,
Алла бўлиб, етмиш икки томиримда
Оққан ҳаёт ирмоғига йўғрилганим -
Она тупроқ жон-танимга айланади...

Тонгларида шабнам бўлиб, юз очаман,
Ҳилол бўлиб, тунларида кўз очаман,
Оҳ, жонимни тилкалайди азоб тиғи -
Қодирийдан, Чўлпонидан сўз очаман:
Тарих дарди-гулханимга айланади...

Оташ ичра эрк йўлларин босиб ўтган,
Ҳақсизликни хун дорига осиб ўтган,
Минг бир тузум минг томонга йўл бурса ҳам,
Тақдирига ЎЗ сўзини ёзиб ўтган -
Бу ифтихор ҳур шаънимга айланади...

Аршдан келган Ҳумо қушим бошга қўниб,
«Бу - Ўзбек!» - дер бир кун мени дунё таниб,
Шу тонгларнинг умидида кун санайман:
Толеимнинг чўққисида юксак шаъни,
Орзуларим чаманимга айланади...

Умид - рўёб, кўнгил - шодон, кетар бўлсам,
Ҳаётимнинг сўнг сўзлари айтилар дам,
Юрагимнинг торларига туташ тафтли
Она тупроқ қучоғига олар ўлсам -
Бир кун хоким Ватанимга айланади...

©

[Aliya]

Bu bir orzu...

Koinotning yulduzlaridan
To`lib-toshgan bir yuragim bor.
Bir yuksak ishq yonar bag`rimda -
Har lahzaga tutashgan diydor.

Bu bir ishqki - topmagay zavol,
Ming yillardan o`tgaydir daxli.
Ta`rifiga asrlar ham lol,
Noil bo`lmoq - Ollohning haqqi...

Bu bir taqdir - samodan yuksak,
Ko`z-ko`z qilsak, ko`zlar tegmaydi.
Quchog`iga zarra baxt eksak -
Ikki dunyo tole gullaydi...

Bu bir orzu - Olloh yo`lida
Qo`lim yetgan yorug` osmonim.
O`t tutashgan qalbim to`rida -
Mening jonim ichra jahonim.

Bu bir tuproq - izni ko`k qadar,
Havoday sof, jon qadar aziz.
Mening ishqim shunday bo`lsa gar -
Vatanimga atalgan shaksiz!

Bu bir yurtki, hilol oshig`i,
Shams sog`inib shoshar bag`riga.
Tunlarini Zuhroning tig`i
Kuzatadi tonglar sariga...

Bu bir Ka`ba, agar ayrilsam -
O`z ismimdan tonaman butkul.
Qalb Ollohning vatani bo`lsa,
Mening qalbim - Vatanimga yo`l...

Bu - murodga tutashgan ertak,
Quchog`ida borliq yashnaydi.
Ahli jahon bilgaydir beshak -
Oftob mening yurtda yashaydi!

©

[Quvonchbek Karimov]

Жумагул Сувонова
ЙЎЛДА

Автобус ғириллаб боради,
Беш соату қирқ беш минут...
Қиз кўзларин юмиб олади,
Унут... унут.., Барини унут!,,
Автобус ғириллаб боради,
Бошни кафтда сиқар қўл.
Фикр-тош бир-бирин ёради,
Фикрлар талашиб ётар йўл.
Автобус ғириллаб боради,
Бир бола онасин хит қилар.
Югуриб-югуриб толиққан
Қароқлар киприкка йиқилар.
Қалбимга бир ниҳол экиш-чун
Ёқамга тирмашар гунг, сукут.
Автобус Тошкентга етади
Беш соату қирқ беш минут...

Кувончбек Каримов
Йулда

Йулларнинг зарбида эзилиб бордим,
Бошланиш манзилим топмас нихоя.
Мени кутмокдадир балки такдрим,
Соатдай чузилар хар бир сония,

Соатга карайман, миллари жилмас,
Автобус шошилмай колдиради из.
Шошкалок узиммас, эмасман ёлгиз! (Фикримча шундай)
Кузларини юмиб кетмокда бир киз!

[мафтун]

Ассалому алайкум. Маълум вақтдан сўнг Сиз-азизлар билан ғойибона дийдорлашганимдан мамнунман. Албатта айрим шеърларимни эътиборларингга ҳавола қиламан. Ҳурмат ила Абдулазиз.

Мени унут

Турналар осмондан ўтдилар куйлаб,
Парпираб-парпираб қочди оқ булут.
Жонингни қийнама, гўзалим, ўйлаб,
Мени унут…

Шовуллаб олисга кетар дарёлар,
Ловуллаб бағрига ютар саҳролар.
Хижрон азобига қилма парволар,
Мени унут…

Тўрт томони қибла - жўнади шамол.
Кўкнинг қай буржига кўмилди ҳилол.
Сенга осон бўлмас балки… эхтимол…
Мени унут…

Гўзалим, мен учун асло ғам ема.
Умрим уммон узра адашган кема.
Ўтинчим ҳеч качон сен шундай дема:
«Мени унут…»

[мафтун]

Келади

Кетмай хаёлингдан тургим келади.
Ёнингда ярашиб юргим келади.
Ҳижрон жондан ўтиб соғинганимда
Соғинган кўзингни кўргим келади.

Мунгни кўргандайман карокларингда.
Эҳтимол исмим йўқ сўрокларингда.
Қароғим куйганда фироқларингда
Тунлар тушларингга киргим келади.

Моҳитобонимсан, осмон бўлсайдим.
Бу ҳусн мулкингга посбон бўлсайдим.
Маликам, мен сенга султон бўлсайдим.
Гоҳ ширин хаёллар сургим келади.

Сен-ку соғинчлардан омонлардасан,
Билмам, қайси манзил-маконлардасан.
Майли борса-келмас томонлардасан,
Йўлни сен томонга бургим келади.

Яноғинг ловуллаб ёнар гулҳанми?
Нозикойим дейми, нозикбаданми?
Сенга дуч келгунча яшаганманми?
Ўзимдан саволлар сўргим келади.

2013 й.

[Mahmud Jurat]

***
Дунё деган тешик халта,
Тилло солсанг тўлмас экан.
Алдаб ўтар у албатта,
Юз йил юриб арча эксанг.

Дунё деган тешик тўрва,
Тошга ҳам у тўлмас экан.
Англадим деб зўрға-зўрға,
Ишонсанг у алдар экан.

Дунё деган тешик хўржин,
Бўйнингга у тушар экан.
Дод солсанг ҳам турар у жим,
Навбатчилик сабоқ битган.

Дунё деган тешик хаёл,
Ўтган замон – келар замон.
Дунё деган – эркак-аёл,
Зор интилиб ўтар экан.

Дунё экан асли ўзим,
Ҳаётимни олдим текин.
Дунё ширин - тўймас кўзим,
Келдим бир кун – кетдим бир кун.

[мафтун]

БУНЧАЛАР ЯХШИСАН

Юрагим сен учун ошиён,
Ошуфта кўнглимнинг нақшисан.
Мен учун қанчалар меҳрибон,
Не учун бунчалар яхшисан?

Нур ёғар сен турган жойингга,
Майлига тиз чўксам пойингга.
Яратган не қўшмиш лойингга,
Не учун бунчалар яхшисан?

Мен сени севишдан қўрқаман.
Демасман куйишдан қўрқаман—
Йўқотиб қўйишдан қўрқаман,
Не учун бунчалар яхшисан?

Маликам, мунисам, маҳбубим,
Табибим, мақсудим, матлубим.
Эҳтимол ноўрин таажжубим,
Не учун бунчалар яхшисан?

Мен ҳамон содиқман аҳдимга,
Ҳеч ким банд беролмас шаҳдимга.
Яхшиям сен борсан бахтимга,
Яхшиям шунчалар яхшисан...

[мафтун]

КУТДИМ

Ситамларнинг қўлидан тутдим,
Ёлғизликда қанча қон ютдим.
Ёдинг менга юпанч, суянчиқ,
Сендан яхши хабарлар кутдим.

Ҳаёт билан ҳамдам, ҳамнафас
Бўламан деб кўп бор қилдим қасд.
Балки бу бир орзудир, ҳавас
Сендан яхши хабарлар кутдим.

Тўлиб борар сабр деган жом,
Тонгми уфқда кўринган, ё шом?
Бир илинж бор кўнгилда мудом
Сендан яхши хабарлар кутдим.

Омадхоним танноз, нозиктаъб,
Кулар бир-бир танлаб, саралаб.
Ўз-ўзимни авайлаб, авраб
Сендан яхши хабарлар кутдим.

Гоҳи малол келар ожиз юракка,
(Кошки ўхшасайди ҳаёт эртакка)
Узоқ яшашимга боис шу якка,
Сендан яхши хабарлар кутдим.

[мафтун]

ЙЎҚОТЯПМАН

Тунлар қувиб ўтди кундузларимни,
Осмон ютаётир юлдузларимни.
Яшаб, билмадиму нима топяпман,
Бир бир йўқотяпман азизларимни.

Отам. Суянчиғим. О келбатлари,
Тоғдай босар эди салобатлари.
Афсус тузалмади эски дардлари,
Бир бир йўқотяпман азизларимни.

Онам. Худо берган меҳрибонгинам.
Унга фидо дедим минг бир жонгинам.
Аммо ўйлаганда оғрир жонгинам
Бир бир йўқотяпман азизларимни.

Онамдай эркалаб, отамдай суяр,
Қанчалар жонҳалак, ғамхор эди-я,
Акам—қаторини бузган нортуя,
Бир бир йўқотяпман азизларимни.

Кимга азиздирман, кимларга хорман,
Зор бўлсам, таъмасиз меҳрга зорман.
Нетай айрилиқдан шундай безорман,
Бир бир йўқотяпман азизларимни.

Ҳаёт бир кун, яъни бугун, азизам,
Аразлар, гиналар нечун, азизам?
Севишдан қўрқаман тушун, азизам,
Бир бир йўқотяпман азизларимни.

[мафтун]

ЯШАСАЙДИМ

Кўзларимга бундай боқма савол билан.
Мен юрибман гўё телба хаёл билан.
Узун тунлар тиллашаман ҳилол билан,
Яшасайдим сендай яхши аёл билан.

Гоҳ йиғига ўхшаб кетар кулгуларим,
Кимлар учун кулгулидир қайғуларим.
Аммо ишон самимийдир орзуларим,
Яшасайдим сендай яхши аёл билан.

Гар нолисам, ношукурман ҳаётимдан,
Фақат қувонч бўйи келар баётимдан.
Нетай тақдир боғлаб олган қанотимдан,
Яшасайдим сендай яхши аёл билан.

Кошки эди биров дардим англасайди.
Ё дардларим қўшиқ бўлиб янграсайди.
Ул қўшиқни тошюраклар тингласайди:
“Яшасайдим сендай яхши аёл билан.”

Қайда хато қилдим, қачон адашганман?
Бир адашдим, аммо ёмон адашганман.
Бир хатога умрим товон, адашганман,
Яшасайдим сендай яхши аёл билан.

Яшагим йўқ, атай қасддан яшаяпман.
Қўлларингдан ўполмасдан яшаяпман.
Айбим нима, тополмасдан яшаяпман,
Яшасайдим сендай яхши аёл билан.

Сиримсан сен, кимса билмас, ичимдасан,
Ҳаётимда йўқсан, фақат тушимдасан.
Биламан ҳеч учрамайсан ҳушимда сан.
Яшасайдим сендай яхши аёл билан.
Яшаяпман шундай телба хаёл билан.

[мафтун]

СЕНИ УНУТОЛМАЙМАН

Ҳамма нарса бўлиши мумкин,
Менга омад кулиши мумкин.
Мен ҳайрон, лол:нимаям дейман?
Билолмайман аммо не учун
Сени унутолмайман...

Ҳамма нарса бўлиши мумкин,
Кетган қайтиб келиши мумкин.
Мен ҳар нега тайёрман, шайман,
Лек қийналиб ёнаман, чунким
Сени унутолмайман...

Ҳамма нарса бўлиши мумкин,
Ёмон эрта ўлиши мумкин.
Ғам емайман, ичга олмайман,
Аммо ечим топмас бир тугун:
Сени унутолмайман...

Ҳамма нарса бўлиши мумкин,
Кемтик кўнглим тўлиши мумкин.
Биламан, лек тан ололмайман,
Балки узоқ яшашим учун
Сени унутолмайман...

[мафтун]

ХХХХ
Кўнглимни ёритган нурли қиз,
Соддадил ва лекин сирли қиз,
Севаман самимий ва холис,
Юлдузсан энг ёруғ, лек олис,
Самоларимдасан.

Чорласанг, ёнингга учгайман,
Ва сени гул мисол қучгаймен.
Висолинг майидан қучгаймен,
Сен учун қўлларим очгаймен,
Дуоларимдасан.

Сайратиб мудраган торимни,
Эритдинг қалбдаги қоримни,
Шеър қилдим нолаю зоримни:
Сен учун бергайман боримни
Савдоларимдасан.

Сувратман, сийратим ўзингсан.
Ғайрату журъатим ўзингсан.
Бирдан бир ҳайратим ўзингсан.
Илҳомим, санъатим ўзингсан,
Наволаримдасан.

Айт, дунё бор йўғи бир камми?,
Бир олам ғам босди елкамни.
Сенсизлик қуритди тинкамни,
Етаклаб олиб кел кўкламни,
Саболаримдасан.

Юрагим кўйингда девона,
Оловга урилган парвона,
На илож шу бўлса пешона?
Ёлғизман, ғарибман, бегона
Дунёларингда ман.

[мафтун]

ЮЛДУЗИМ

(туркум)

1. Юлдузим, бош олиб кетайлик десак,
Бизга қучоқ очган осмон қайдадир?
Бахтманзилга бирга етайлик десак,
Йўл қайда, сарбону карвон қайдадир?

Ҳикмат тополмадим аломатлардан,
Ҳилват тополмадим маломатлардан.
Дардим достон қилсам дўсту ёронга,
Улар гап бошлайди буромадлардан.

Қўрқдим—қафас дедим ҳою ҳавасни,
Аммо кечир мендай севгипарастни.
Сенга етаман деб ҳар шому саҳар
Ҳатто санаб юрдим ҳар бир нафасни.

Кечикиб борган мен бахт улашганда.
Қайда қолган эдим вақт улашганда?
Тақдир насибамни нася қилди хўп,
Наҳот мен йўқ эдим нақд улашганда.

Не деса майлига оғзи полвони,
Асли сен берасан асл баҳони.
Аммо ишқ бобида, севги бобида
Мендай яхшиси йўқ, мендан ёмони.

[мафтун]

2. Қадрдон қалдирғоч инига қайтди,
Мени дуо қилиб “вал фажр” айтди.
Қиличдай қошингни солди ёдимга
Бошимда гирёна айланган пайти.

Айни ҳаётимнинг кўклам фаслида,
Англадим, чин нажот ёрнинг васлида.
Адашиб қолмадим, ёруғ дунёга
Мен сени ахтариб келдим аслида.

Хаёллар шамолдай қувди уйқуни,
Номи нима экан ушбу туйғуни,
Сирли нигоҳларинг, майин табассум
Мумдай эритди-я эски қайғуни.

Тун бўйи йиғлаган юраккинамни—
Титраб-титраб ёнган ярадор шамни,
Кўриб раҳминг келиб парволар қилиб,
Ўзинг авраб-алдаб юпатмайсанми?

Дарвозаси қайда чорбоғларингни?
Ҳижронми куйдирган қароғларингни?
Дудоғим ловуллаб куяр ҳасратдан
Ўйласам оловранг яноқларингни.

Юлдузим, тўрт томон етмади бизга.
Еру етти осмон етмади бизга.
Кўнгил томонларга қайтайлик десак
Вақт етмади, имкон етмади бизга.

[мафтун]

3.
Юлдузим, чўчитма осмонинг билан,
Осмондай поёнсиз имконинг билан.
Сенга берган кўнглим—омонатимни
Эзғилаб ташлама товонинг билан.

Зар кўнглим қадрига заргар етмади,
Ё зўрим бўлмади, ё зар етмади.
Муроду мақсадга етардим, аммо
Осмонимга сендай ҳулкар етмади.

Гулойим, гулларинг, гулзоринг гўзал,
Ойдан гўзал, гулдан рухсоринг гўзал.
Яратганнинг тугал санъати сенсан,
Ҳатто дилга берган озоринг гўзал.

Борлигинг билганим омаддир, омад,
Сенга дуч келганим—кўкдан иноят.
Яшаш учун боис топдим ниҳоят,
Ниҳоят, ниҳоят, ниҳоят...

[мафтун]

БОРЛИГИНГНИ

Шундоқ ҳам дилгинам сим-сиёҳ эди,
Ёлғизлик жонимга берарди озор.
Балки билмаганим яхшироқ эди,
Сенинг борлигингни дунёда, дилдор.

Асли-ку умидни узиб бўлгандим.
(Осмон паст, ер эса жудаям энсиз)
Момақаймоқ мисол тўзиб бўлгандим,
Жимгина яшардим севгисиз, сенсиз.

Қадр кечасидай осуда тунлар,
Кунлар ҳам кечарди бир нав, ҳасратсиз.
Қаҳ-қаҳ отиб кулса бағрибутунлар,
Мен ҳам жилмаярдим синиқ, ҳасадсиз.

Гарчи умид сўниб, эгилдим, синдим,
Кўниб ҳам бўлгандим тақдирга ночор.
Яхшиям сен борсан, яхшиям билдим
Сенинг борлигингни дунёда, дилдор.

[мафтун]

ЎЧИРОЛМАЙМАН

Майлига мен сени кечирдим, аммо
Асло ўз-ўзимни кечиролмайман.
Қушдай қўлларимдан учирдим, аммо
Сени юрагимдан ўчиролмайман.

Кутмасдан кузатдим баҳор-кузларни,
Қор кўмди қанчадан қанча изларни.
Қум босди нечалар қаро кўзларни
Сени юрагимдан ўчиролмайман.

Ким менга ёмонлик тилади, майли.
Нафсига ёмонлик қилади, майли.
Билганлар устимдан кулади, майли,
Сени юрагимдан ўчиролмайман.

Етти мучам соғу ғамнок, ҳолсизман,
Сенсиз бу оламда ғариб, ёлғизман.
Нетай нотовонман, нетай ожизман,
Сени юрагимдан ўчиролмайман.

Майли борлигингни асло билдирма,
Ҳоҳи тушимга кир, ҳоҳласанг кирма.
Мен сени бир умр ахтарадурман,
Сени юрагимдан ўчиролмайман.

[мафтун]

Тўртликлар
1.
Дилим сенга интиқ, яхши кўраман,
Борим сенга тортиқ, яхши кўраман.
Сени сендан кўра яхшироқ англаб,
Сени сендан ортиқ яхши кўраман.
2.
Кўзу қошинг, айт, гулим, недин қаро?
Анор юзингдаги ҳолинг тим қаро.
Ҳаққимга дуо қил, оқкўнгил дилдор,
Менинг юзим соруғ ва бахтим қаро.
3.
Қувдим дунё ортидан тинмай,
Пояфзални фақат чанг босди.
Уни артсам кетади, нетай
Кўнгилниям роса занг босди.

[Mahmud Jurat]

***
Birgina muammo - bu mеning o’zim 1
O’ngga boray dеsam chapni tanlayman.
Dunyo shaldir shuldir tortadi ko’zim
O’zimni bitta dеb o’zim talayman.

Birgina muammo - bu mеning o’zim
Shohlarga adolat so’zin tutqazib
Ko’zimda ko’zyoshlar go’yoki uzum
Adolat bobida poyga yutqazib.

Birgina muammo - bu mеning o’zim
Kamalak nuriga ranglar chaplayman.
Yon atrof do’stlarga tilayman to’zim
Tovuslik rolini o’jar eplayman.

Birgina muammo - bu mеning o’zim
Qachon qaramayin yuragim timda.
Ey olam nahotki qolmaydi izim
Amalda suyuqman buyukman tilda.

Birgina muammo - bu mеning o’zim
Ey hayot tinch qo’ygin tizginimni bеr.
Osmon boshim sila yupatgin o’zing
Gunohim shuncha ko’p ko’tarolmas yer.

Birgina muammo - bu mеning o’zim
Ishgamas gapimga olqish aytaman.
Birgina muammo - bu mеning o’zim
So’roqqa mеn o’zim kеlsam qaytaman.

Birgina muammo - bu mеning o’zim
Nahot mеn o’zimdan mеn o’zim kеchdim.
Mеn o’zim tilayman o’zimga to’zim
Mеn o’zim muammo - mеn o’zim еchim.
1. Musallambonu so’zi

[Адхамжон]

Ит хуради лекин хур эмас.

Кўркоқ одамларни аланглатганча,
Бўшроқ асабларни таранглатганча,
Озодлик қўшиғин жаранглатганча
Чопиб кетаётир занжир узган ит.
Хотиржам халойиқ тинчин бузган ит.

О, менинг доғули дўстим, қўрқмасим,
Озодлик юртидан келган ур насим,
Ичимдан чиқолмай қолган нафасим,
Утиб кетаётир занжир узган ит.

Чопавер, занжиринг чалсин қўнгироқ,
Қоронгу зулматда ёнган шаъмчироқ,
Хурликни қулликдан кўрган яхшироқ,
Чопиб кетаётир занжир узган ит,
Ухлаб ётганларнинг тинчин бузган ит.

[Адхамжон]

ШАЖАРАМ

Онам Фарғонадир, отам Андижон,
Тошкент юрагиму, жигарим Қуқон.
Билмоқ бўлсанг менинг наслим жўражон,
Онам Фаргона-ю, отам Андижон.

Наманган синглимдир, Бухоро акам,
Сирдарё, Гулистон амма-ю, холам.
Жиззах, Навоийлар дўсту, хамсоям,
Онам Фаргонадир, отам Андижон,
Тошкент юрагиму, жигарим Қуқон.

Қашкадарё юрти – Қаршибой тогам,
Термиз бешигимни тебратган оғам,
Кўхна Самаркандим дардимга малхам,
Онам Фаргонадир, отам Андижон,
Тошкент юрагиму, жигарим Кукон.

Урганч, Нукус, Хива куда – андалар,
Манғитда яшайди турфа янгалар,
Дилимда борини айтсам мен агар,
Онам Фаргонадир, отам Андижон,
Тошкент юрагиму, жигарим Кукон.

Чотқол тоғларидир эгилмас бошим,
Қуриб бораётган Орол куз ёшим,
Эл суйган юртбошим – метин бардошим,
Онам Фаргонадир, отам Андижон,
Тошкент юрагиму, жигарим Қўкон.

Уруғинг не дейсан, қариндош сероб,
Барини эслолмай турибман шу тоб,
Шу юртга ёйилган томирим, қоним,
Улуғ шажарамдир Узбекистоним.

[omonali nazarov]

Assalomu aleykum forumdoshlar, anchadan buyon shu mavzuni kuzatib sherlaringizni o'qib boraman. Samimiy mulohazalaringizni kutgan holda, o'z mashqlarimdan namuna keltirishga qaror qildim.


Umrning chang, tosh yo'llarida
Ko'nglim pora etib, netaman.
Razolatdan to'ygan kunimda
Odamlardan qochib ketaman.
Izlamasin meni so'ng shamol
Do'stim qani demasin hazon,
Hayot ko'zim ochayotgan payt
Zaharlamoq hohlar bu jaxon.
Bo'ysunmayman sening so'zingga
Men, yurakka amal etaman.
Agar yurak botqoqqa botsa,
Men o'zimdan qochib ketaman.
Ko'zlarimga boqib turar tik,
U ongimni maxf etmoqqa shay
Bir chekkada kulib men o'zim
Aqlim unga beryapman atay!
Yana buzdi hayolim biri,
Qo'lim silkib, davom etaman
Indamasdan yurishim siri
Odamlardan qochib ketaman!!! (n)
05-10-2013 21:30

[Minglar]

UMR O’RTOG’I

Qo’ling tutib
taftingni his etolmadim,
Shuncha yurib
Ko’nglinggacha yetolmadim.

Balki tiling boshqa edi,
yo’ling boshqa,
Majununlaring
kezib yurgan cho’ling boshqa.

Balki hayot to’fonida
adashib biz,
Cho’kmaslik chun
bir-birimizni tutibmiz.

Balki to’le
ustimizdan kuldimikin,
Kulib turib
ahvolimiz bildimikin?!

Bu hayotda kelmagandir
balki omad,
Yetmagandir ikkimizga
shakaru-qand…

Tushunmading
so’zlarimni - umr o’tdi,
So’zlaringga tushunmadim,
Ertak bitdi…


(С)

[Minglar]

MUHABBAT


SALOM!
Yana keldim,
Kuz bo’lib – tinib.
Yonguchi yurakka intiq, yukunib.
Yana kuymaklikni orzulab, ko’nib.

SALOM!
Sochlarimda oqargan bahor,
Ko’zim daryolari to’kilgan ummon,
Uyqusiz tunlarim guvohlari - tong,
Kichkina yuragim sig’magan osmon.

Salom, yana keldim…


(C)

[Minglar]

Balki,
yashaganim chinmasdir,
Balki, umr ko’rganim yolg’on.
Balki, ko’rgan kunim - kunmasdir,
Davru-davron surganim yolg’on.

Faqat,
faqat sevganlarim rost...

Balki, yolg’on osmon, kapalak,
Gullar ranggi, balki, chinmasdir.
Balki, yolg’on bu zamin, falak,
Bu yolg’onlar, balki, tinmasdir.

Faqat,
Sizni sevganlarim rost.


(C)

[Minglar]

Armon – uka, kuyunma ,
Nayrang kulib boradi.
Hiyonat sen suyunma ,
Tong ham otib qoladi.

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

Muhabbat kel jigarim,
Dilimda dog' , dardim bor.
Bitta gulni suygandik ,
Bilsang unda o`zga yor.

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

To`kilib ketdi qadrim…
Do`st deb yukingan edim,
Ortimda qoya bor, deb,
biroz chekingan edim…

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

Aldashar yaqin olib,
Yolg`on - shirin, yolg`on - rost.
Foydani ichga solib,
Gunohni bo`yningga os!

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

Armon - uka...

(C)

[Знакомый]

Sparc жаноблари, салбий баҳони шарҳлаб беришни имконияти борми?:)

[Sparc]

Sparc жаноблари, салбий баҳони шарҳлаб беришни имконияти борми?:)

Шоиримиз армонга қарата "ука" деб мурожаат қиляпти. Нега ука - жиян, огайни, дўст, биродар, эмас? Нега айнан "ука" - ака, тога, амаки, ёки бошқа эмас? Армоннинг шоирга " қариндошлиги" нинг сабаби нимада, ўзига яқин олиб шундай чақиряптими? Ёки бу шунчаки шоирнинг шўхлигимикан? Хуллас, шеърни охиригача ўқиб шу саволга жавоб тополмадим. Бошқа саволларим хам бор.

P.S. Биринчи сатрни "Армон сира куюнма" деб ўзгвртирилса "қариндошлик" муаммоси хал бўларди :)

[Знакомый]

Хуллас, шеърни охиригача ўқиб шу саволга жавоб тополмадим. Бошқа саволларим хам бор. Менга қолса, армонни олис қариндошим деб ҳам атамас эдим. Саволингизга муаллиф жавоб берса керак деган умиддаман :)

[Minglar]

Шоиримиз армонга қарата "ука" деб мурожаат қиляпти. Нега ука - жиян, огайни, дўст, биродар, эмас?

Sizning ukangiz bormi? Onangiz tuqqan jigarday yaqin - armoningizchi?? Agar bo'lmasa siz o'quvchi emassiz , men sizga shoir emasman.
Ezgu orzu har kasning umrini belgilaydi, nimaga yashayotganini ta'kidlab turadi, armon esa vaqt davomida ulgurmagan , eplay olmagan , xato qilgan orzularimiz. U biz xohlagan - MEN.

[Знакомый]

Agar bo'lmasa siz o'quvchi emassiz , men sizga shoir emasman. Менича, зиддият келтириб чиқармасдан, ўзгалар фикрини/танқидни тўғри қабул қилган ҳолда мулойим жавоб берилса, нур устига нур бўлар эди:)

[Minglar]

Rind ahli bilmaydi qarori qayda,
Aql-hushi yorda, humori mayda.
Andin berikim, qoshida yori yo`qtur,
Na aql, na hushu , na maydin foyda.

(C)

[Адхамжон]

ЁЛГОН

Кел дустим, узимиз алдаб яшайлик.
Рост айтиб нимага эришдик ахир.
Хаёт алдаб келди, майли бу сафар
Биз хам узимизни алдаб яшайлик.
Ёлгончи дунё бу, бариси ёлгон.
Ёлгоннинг бариси кадимдан колгон.
Ёлгонсиз яшашга колмагач имкон,
Узлик узимизни алдаб яшайлик.
Ёлгон асрларда ёлгон касрлар,
Ёлгон хоқимлару, ёлгон вазирлар.
Ёлгончи ватанда кўру, басирлар.
Азизим, ёлгондан кайга кочайлик.
Яхшиси бизлар хам алдаб яшайлик.
Яшайлик бизлар хам ёлгончи булиб,
Яшайлик фалончи-пистончи булиб,
Шоир булмасак хам чистончи булиб,
Ёлгон хиссиётла тулиб-тошайлик,
Илхом парисини алдаб яшайлик.
Ёлгонга кўрилар севги мухаббат,
Ёлгон тунин кийиб яшар хакикат.
Ёлгонга ишониб яшаймиз факат,
Ёлгоннинг отаси-онаси шайтон,
Ёлгиз хакикатдир тандирдаги нон.

[Адхамжон]

УЗБЕК АЁЛИ

Оёгида калиш, кулида кетмон,
Сочлари чамбарак килиб урилган.
Узбекнинг аёли неча бир замон
Пахта териш учун яралган.

Шоирлар шеър укиб алкайди,
Хофизлар куйлайди шонини.
Аслида бариси алдайди,
Туя килиб унинг нонини.

[Адхамжон]

БОЛАГИНАМ

Улар бўлдим болагинам,
Элтиб кабрга от мани.
Бир кунингга ярар булсам,
Бир коп кепакка сот мани.

Бошима етди бу замон,
Эл беиймон, халқ беиймон,
Кўрар куни итдан ёмон,
Тушунмаслар хайхот мани.

Алпомишнинг гурури йўқ,
Донишманднинг шуури йўқ,
Дардим айтсам уришиб дук,
Дерлар мухолифат мани.

Майдон ичра мард топилмас,
Борини ёв писанд этмас,
Эл на қиларини билмас,
Уйгот мани, уйгот мани.

Бир суз демайди баччагар,
Жуфти халолин бичсалар,
Тубан кетдикми шу кадар,
Кийнар ахир иснод мани.

Улар бўлдим болагинам,
Элтиб кабрга от мани.
Бир кунингга ярар булсам,
Бир коп кепакка сот мани.

[Адхамжон]

МАРДИКОР АЁЛ

Ўзбекнинг аёли мардикор бўлди,
Бешикда боласи сутга зор бўлди,
Замона зайлига боқди у лекин,
Аёллик шаънини сотиб ҳор бўлди,
Ўзбекнинг аёли мардикор бўлди,

Кун ўтар, тун ўтар, ғамлари ўтмас,
Йил утар, аламли дамлари ўтмас,
Рузғори ғор бўлиб ўзини ютмас,
Охудек кўзлари ёшларга тўлди,
Ўзбекнинг аёли мардикор бўлди,

Шохию атласга бурканган аёл,
Малохат бобида ўлкан бу аёл,
Ўзгага қарашга ийманган аёл,
Аламдан, ташвишдан ҳоқисор бўлди,
Ўзбекнинг аёли мардикор бўлди,
Тилида боли бор эркаклар қайда?
Кўксида ёли бор эркаклар қайда,
Минг афсус ғурурлар майдадан майда,
Кўзларга бу дунё жуда тор бўлди,
Ўзбекнинг аёли мардикор бўлди,

[Адхамжон]

УЗБЕК АЁЛИ Оёгида калиш, кулида кетмон, Сочлари чамбарак килиб урилган. Узбекнинг аёли неча бир замон Пахта териш учун яралган. Шоирлар шеър укиб алкайди, Хофизлар куйлайди шонини. Аслида бариси алдайди, Туя килиб унинг нонини. Хеч бўлмаса - қўйинглар!

[Sparc]

Кўксида ёли бор эркаклар қайда
Хеч бўлмаса - қўйинглар!

[Баходир кушаков]

Норизо бўлма ҳаётдан, бўлсангда сен безорлар,
Кўринсада дашт мисоли, гул кўкарган гулзорлар,

Шукр қилгин ҳар кунингга, сақла иймон фарзини.
Чўз қўлингни ҳар касгаким, еткурса ҳам озорлар.

Бу оламга келдинг инсон, ушла адл тошини,
Тарозунинг палласида, ҳакни топсин бозорлар.

Осмон узра улкан қуёш, ёритса ҳам оламни,
Иймон нури ёритса гар, бўлмагайсан зор-зорлар.

Эй Баҳодир дам ғанимат, ибодатга ўзни чоғла,
Ўлим ҳакдир, сенга ҳам бор, зор-интизор мозорлар.
(С)

[Знакомый]

Норизо бўлма ҳаётдан, бўлсангда сен безорлар,
Кўринсада дашт мисоли, гул кўкарган гулзорлар Офарин, Баходир ака! "лар" қўшимчасини олиб ташласа, тобига келармиди, нима дейсиз?

[Баходир кушаков]

Офарин, Баходир ака! "лар" қўшимчасини олиб ташласа, тобига келармиди, нима дейсиз?
Эътиборингиз учун раҳмат Знакомый! Аслини олганда ўзим ҳам билмайман бу шеър қандай чиққанини. Анча-мунча "эксперт" форумдошларимиз бор эди, улар ҳам бирор нарса дейишмапти. Баҳодир аканинг "феъли чатоқроқ" деб танқидий фикрлари бўлса билдиришмаган бўлишлариям мумкин. Лекин биз ҳам кейинги пайтда танқидларга ижобий ёндоша бошлаяпмиз. шунинг учун бемалол фикр билдиришса мамнун бўлардим. Сизнинг маслаҳатингизга келсак, ўйлаб кўриш керак экан.

[Баходир кушаков]

Норизо этма кишини, бўлса у бечора ҳам,
Доимо бўлгил кўмакда,бўлсангда овора ҳам.
Дўст билан кўнгил бутун,кетмагил андин йироқ,
Билки рафиқ,сув келмаса,гўзалмас фаввора ҳам.
(С)

[gofurov]

Яхши қиз Лида

Жануб дея аталган кўча ,
Акация гуллаган қийғос.
Лида деган ажойиб қизча ,
Шу кўчага жуда жуда хос.
У кўчадан чопиб ўтганда,
Деразадан кўринар акси.
Чиройли қиз,яхши қиз Лида!
Нимаси яхши экан?
Сўранг буни қўшни боладан
Ким дея бу Лида деган қиз
Шу ном билан ухлар у шодон
Шу ном билан уйғонар харгиз.
Ўша уйнинг остонасида
Катта қилиб ёзди у бир кун
ЧИРОЙЛИ ҚИЗ, ЯХШИ ҚИЗ ЛИДА
Ким дея бу Лида деган қиз?
Таъсир қилар ўтган-кетганга
Остонага ёзилган бу хат
Балки Пушкин шундай севгандир
Балки Гейне севгандир шундай
Катта бўлиб машхур бўлади
Ва бу ерни тарк этар бир кун
Бу кўчалар торлик қилади
Бундай юксак мухаббат учун
Йўқдир тўсиқ хеч бир севгига
Хижолат ва хуркиш - бу ёлгон
Куррамизнинг ҳар чоррахасига
Ёзиб қўяр унинг исмини
Олов билан жанубий қутбга
Буғдой билан Кубань чўлига
Гуллар билан Русь даласига
Кўпик билан денгиз бағрига
Тунда осмон сари интилиб
Бармоқларин олар куйдириб
Ва самода порлар шубхасиз
Лида деган янги бир юлдуз.

Ярослав Смеляков
Х.Мирзабдуллаев таржимаси
(Шурикнинг саргузаштлари фильмидан)

[Minglar]

Indamay, osmondan to’kilib,
Ukamday yelkamga yukinib,
Xuddi bir hafaday, o’kinib,
Oppoq qor yog’moqda,
Oppoq qor…

Havoda muallaq chayqalib,
Ona-yer bag’riga suykalib,
Oyoqlar ostida jim, g’arib.
Oppoq qor yog’moqda,
Oppoq qor…

Yomg’irday shiddati-shashti yo’q,
(Qish-da bu bahorning gashti yo’q).
Qarg’alar tepadan qilar do’q:
“Oppoq qor yog’moqda,
Oppoq qor…”


(C)

[Баходир кушаков]

Шеърга қараганда Ўзбекистонда қор ёққан кўринади.:)

[Баходир кушаков]

Форумнинг кўп мавзулари жуда совиб кетибди. Хеч ким бирор бир фикр билдирмай қўйибди. Русча мавзуларни кузатиб турибмиз, анча - мунча қизғинлик бор. Лекин айрим ўзбекча форумлар, мени кечирасизлару, ҳудди қабристоннинг ўзи. Онда сонда қабрга марҳум олиб келиниб турилганидек, айрим мавзуларгаям шу тариқа ёндошиляпти. Бунинг сабаби битта, ҳеч кимга керак бўлмаган олифтагарчилик деб ўйлайман. Ҳудди мушукка ўҳшаб бурчакда сичқонни пойлаб тургандек иш тутиляпти. Яъни, кимдан нима гап чиқаркин дегандек. Ёзинг, фикр билдиринг, маслаҳат беринг, маслаҳат олинг. Ўрганинг, ўргатинг. Фақат меъёрни билинг. Ақллилик қилманг, қўполлик қилманг, бировлар учун сиз фақат бир инсонгина эканингизни унитманг, бошқа ҳеч ким эмаслигингизни ҳис қилган ҳолда.(дейдиган одам йўқ) Жуда кўп яхши инсонлар форумда фаол иштирок этиб туришарди, лекин ҳозир бирортасиниям тополмайсиз. Сабаби бездирилган. Ўзига бошқа номда саҳифа очиб олиб, бездиришяпти. Аллақачон ким аслида ким эканлигини билиб бўлганмиз. (компьютернинг бу ҳусусда имкониятлари кўп, буни кўпчилик билади.).Лекин индамай кузатиб турибмиз, ҳурматини билармикин деган андишада. Вақти келиб, мажбур бўлишимиз мумкин исбот қилишга. Лекин гап бунда эмас, ҳар ким ҳоҳлаган ник билан кириши мумкин. Юқорида жуда кўп шеърлар қўйилган. Лекин жуда кам одам фикр билдирган. Ўзимникини назарда тутятганим йўқ. Мен шоир эмасман, даъвогар ҳам эмасман. Ёшлигимдан ёзиб турсам ҳам, шоир бўлишга қизиққан эмасман. Бу менга бир "хобби" дек гап. Лекин бошқа кўп шеърларга фикр билдирилмагани мени таажжубга солмоқда. Масалан: Адҳамжон, Минглар, Барлос, Гулчеҳрахон, Пипикрон, Фирдавс, Мафтун ва яна мен билган кўп ижодкорлар ёзиб туришади.Аммо кўпчилиги ёзмай қўйди, сабаби эътиборсизлик бўлаверса кимнинг ҳам ёзгиси келар эди. Раҳматли Ҳожибой Қизиқ айтганларидек: "Қарсак чалиб турсангиз, бизгаям илҳом тўҳтамай келаверади". Агар шеър ёққан бўлса "плюс"ни босиб қўйсангиз Асакангиз кетадими?
Ёқмаса "минус"ни босиш шарт эмас ( бу минус, форум маъмуриятининг форумдошлар орасида "провокация" қилиш учун ўйлаб топилган. Ўта қўпол.) Мен "плюс"ни, маъқул, яхши, ёқди, қўшиламан, розиман деган маъноларда тушинаман. Энди "минус" учун ҳам шунча синоним сўзлар топиб кўрингчи. Мен, "Фуу, фойдасиз ҳабар" деб бўлганимдан кейин, сиз юмшоқ қилиб айтилган, маъқулмас, яхши чиқмапти, қўшилмайман, рози эмасман деган маъноларни тушинасизми? Мен ундай қабул қилмайман. Менинг характерим шундай ва менга ўҳшаганлар жуда кўп. Маъмурият шуниям назарда тутиши керак эди. Беш қўл баробар эмасу. Мен қўполликни умуман ёқтирмайман. Ва мен кабилар жуда кўп. Мундай ўйлаб қарасангиз, "ҳа нима бўпти, шунга шунчами" дейиш мумкин. Лекин бу яхши эмас. Бу бизнинг муомала маданиятимизга тўғри келмайди. Яна рус тилида ёзилганичи? Нима учун бошқа тилда фикр билдиришимиз керак? "Плюс"га изоҳ берилмапдими, демак "минус"гаям изоҳ берилмаса, ўша юқорида келтирганим, бир бирига яқин маънодаги сўзларни тушиниб олса бўлаверади. Уч йил бўлди форумга кирганимга, тўғри, бу жуда оз вақт айрим форумдошларнинг кирган вақтига қараганда. Лекин гап бунда эмас, фойдаланувчи кўпайиши ўрнига камайиб бораётганлиги, форумнинг ўз нуфузини йўқотаётгани деб ўйлайман. Ҳар бир форум аъзоси, ҳар интернетини ёққанида, бир марта бўлсаям форумга қараб қўяди. Ҳеч гап йўқлигини кўриб, ўз ишини давом эттираверади. Мавзу очган форумдошлар унинг маъсулиятини ҳам бажаришлари керак. Четдан кирган кузатувчи, кетаётган мунозара, бахсни кўриб, ўзи билмаган ҳолда, беиҳтиёр форум аъзосига айланиши керак. Каминани маъзур тутасизлар, бир айтдим қўйдимда. Бир ўз миллатини, ватанини севувчи инсон сифатида. Барча ҳамюртларимизнинг осмони ҳамиша мусаффо бўлсин!

[barlos]

ЎЗИМГА

Кўчаларда лойга ботмайсан асло,
Тўғри йўлдан юрар бўлса ковушинг.
Сўзингни тушуниб олади омма,
Тилингмас, дилингдан чиқса товушинг.

Сени ғафлат эмас, Ғаффор сийлайди,
Гар қалбинг уйғонса - кўзингдан аввал.
Сенга ёмонликни кўзи қиймайди,
Ўзгани ўйласанг - ўзингдан аввал.

Шоирим, битганинг бўлса шеър, ғазал,
Муҳиблар олдида бўлма ҳавойи.
Касбу коринг эрса эзгулик азал,
Шунда ярашади бўлсанг Навоий... (с)

[Баходир кушаков]

Кўчаларда лойга ботмайсан асло,
Тўғри йўлдан юрар бўлса ковушинг.
Сўзингни тушуниб олади омма,
Тилингмас, дилингдан чиқса товушинг.

Сени ғафлат эмас, Ғаффор сийлайди,
Гар қалбинг уйғонса - кўзингдан аввал.
Сенга ёмонликни кўзи қиймайди,
Ўзгани ўйласанг - ўзингдан аввал.

Шоирим, битганинг бўлса шеър, ғазал,
Муҳиблар олдида бўлма ҳавойи.
Касбу коринг эрса эзгулик азал,
Шунда ярашади бўлсанг Навоий...
Ажойиб сатрлар!

[Баходир кушаков]

БАРЧА ФОРУМДОШЛАРНИ ЯНГИ, 2014 ЙИЛ БИЛАН МУБОРАКБОД ЭТАМАН, КИМ ЯНГИ ЙИЛДА НИМА НИЯТ ҚИЛГАН БЎЛСА, ИЛОҲИМ НИЯТИГА ЕТСИН!

[Minglar]

Қалдирғоч

Қайрилма қошларинг, қаро қошларинг,
Мени соғинтирган бало қошларинг,
Раҳм-шафқат билмас дили тошларинг...
Бир бора кел букун, кел , кўнглимни оч,
Менинг айвонимда қўнгил қалдирғоч.

Қишу - совуғимдан безибми - кетдинг
Юрагим, юрагим эзибми кетдинг,
Менда бахт йўқлигин сезибми кетдинг
Бир бора кел букун, кел , кўнглимни оч,
Менинг айвонимда қўнгил қалдирғоч.


Жудолиқ жонимдан ўтди нарига,
Сингиб адо бўлдим ҳижрон қаърига.
Қандоқ чидаш мумкин заҳмларига!?
Бир бора кел букун, кел , кўнглимни оч,
Менинг айвонимда қўнгил қалдирғоч.

Сўзлайин озгина меҳринг билан боқ,
Озгина яқин тут, бўл дўсти-ўртоқ,
Майли ундан кейин қанотингни қоқ...
Бир бора кел букун, кел , кўнглимни оч,
Менинг айвонимда қўнгил қалдирғоч.


Чарҳ уриб осмонни кесиб учасан,
Гоҳ пастлаб, гоҳида кўкни қучасан...
Мен учун барибир ўша-ўшасан.
Бир бора кел букун, кел , кўнглимни оч,
Менинг айвонимда қўнгил қалдирғоч.

Келишнинг ҳамиша савоби бордир,
Келганга соғиниш тавоби бордир,
Кўнгилни ёритар офтоби бордир,
Бир бора кел букун, кел , кўнглимни оч,
Менинг айвонимда қўнгил қалдирғоч.


(C)

[Minglar]

ҚЎШИҚ

Тунда ёқдим шамчироқ,
Ёнди шам , куйди юрак.
Кўз ёшимдан нам чироқ,
Оҳ, кимни суйди юрак?!

Изларида зорлигим
Ўша дилдор билмайди,
Тунлари бедорлигим
Ё назарга илмайди?!

Тунда ёқдим шамчироқ,
Ёнди шам , куйди юрак.
Кўз ёшимдан нам чироқ,
Оҳ, кимни суйди юрак?!

Бепарвоми ё атай
Биз тамонга қарамас,
Айтинг, дўстим, мен нетай?
Оғрийди дил – ярамас.

Тунда ёқдим шамчироқ,
Ёнди шам , куйди юрак.
Кўз ёшимдан нам чироқ,
Оҳ, кимни суйди юрак?!

Неча кунки интизор
Кўчасидан ўтаман,
Дарвозасидан бўйлаб
Қўйишини кутаман.

Алам қилар , аламлар
Ачиштирар юрагим,
Балки, мутлоқ у қизга
Йўқдир менинг керагим...

Тунда ёқдим шамчироқ,
Ёнди шам , куйди юрак.
Кўз ёшимдан нам чироқ,
Оҳ, кимни суйди юрак?!

(C)

[мафтун]

Dilim senga intiq, yaxshi ko'raman.
Borim senga tortiq, yaxshi ko'raman.
Seni sendan ko'ra yaxshiroq anglab,
Seni sendan ortiq yaxshi ko'raman.

[Colorado]

Masud Mahsudov (https://www.facebook.com/mahsudov)ШЕЪРИЯТ (https://www.facebook.com/groups/muroddil/)

.....................................
Ҳалол луқма нима, билмас кўпчилик,
Харомни номлашар - бу “тирикчилик”
Раҳмонмас, шайтонни айлашар шерик,
Мен бозорни жуда ёмон кўраман.

Шарм йўқ, ҳаё йўқ пулнинг дастидан,
Оқибат бир чақа емиш қасдидан,
Ёлғон онт ичишар чақа устидан,
Мен бозорни жуда ёмон кўраман.

.................................................. .......

[Баходир кушаков]

Ёлгиз хакикатдир тандирдаги нон
Ҳа, ҳаётимиз кейинги пайтда ёлғондан иборат бўлиб бормоқда. Шунинг учун бўлса керак, мазкур мавзу ҳам тўҳтаб қолди. Чунки қаёққа қараманг ёлғон. Менинг онамлар уч кам саксонга кирдилар. Онамни маҳалламиздагилар баҳши дейди. Лекин онамлар ҳеч қачон баҳшилик қилмаганлар. Сабаби Оллоҳга ҳуш келмас эмиш. Бироқ бизни онда сонда кўриб айтиб турадилар. Бир гаплари бор, агар сенлар бировга яхши ният билдирсаларинг албатта ижобат бўлади, чунки мен ўз имкониятимни Оллоҳ йўлида сир сақлаяпман. Адҳамжон, сиз ёлғон ҳаётдан нолиб ушбу чиройли шеърни ёзибсиз, лекин билиб қўйинг, ундан ҳам пастроқ иш тутадиган одамлар ҳам бор. Мен янги йил билан қутлаб, барча форумдошларни дуо қилдим. Лекин ҳеч ким менга қўшилиб дуога қўл очмади. Кейин онамга бўлган воқеани скайп орқали айтсам, жуда соз болам, демак улар сенинг дуоингдан кўра "юқорироқ мартабадаги одамлар" эканлар дедилар. Улар "Ҳудодан ҳам кучли", сен улар билан тортишма дедилар.Мен онамни тўғри тушиндим. Адҳамжон, агар сизнинг шеърингизга биров фикр билдирмаган бўлса ҳурсанд бўлаверинг. Чунки чиройли шеър битибсиз. Агар бирор бир ҳато топишганида, ўзларини каламуш каби яширишиб, бошқа НИК билан сизни талашган бўлишарди. Шеърларингиз бизга ёқади, ёзаверинг.

[OmoN]

Соц.сетлардан биридан топиб олдим. Муаллифини билмайман:

Майли марожналар олиб ҳам берманг,
Майли велосопед минмай дадажон.
Менга котта тўйлар қилиб ҳам берманг,
Фақат россияга кетманг дадажон.

Бошлаган уйимиз тезда битмасин,
Эски жигулингиз жойдан жилмасин,
Тўйимга Озодбек майли келмасин,
Фақат россияга кетманг дадажон.

Дам олсайз оёгим учида юрай,
Тур деган жойизда жимгина турай,
Бита марожнага алданмай ўлай,
Факат россияга кетманг дадажон.

Сўзлашсам суратдан чикмайди садо,
Отанинг меҳрига булдим мен гадо,
Пулингиз хеч качон бўлмасин адо,
Фақат россияга кетманг дадажон.

Тўпладим қолдирмай аргумчокларим,
Битта хам қолдирмай ўйинчокларим,
Россияга берай овунчокларим,
Фақат россияга кеманг дадажон.

Ишингиз хамиша ўнгидан келсин,
Илоё бахт қуши бошийзга қўнсин,
Киссангиз уйда ҳам долларга тўлсин,
Фақат россияга кетманг дадажон.

Катта бўлсам сизга НЕКСИЯ оберай,
Битмаган уйларни ўзим битирай,
Ойим иккингизни ҳажга оборай,
Фақат россияга кетманг дадажон.

Эккан райҳонингиз асло сўлмасин,
Бувимнинг сўзлари икки булмасин,
Ойимнинг кўзлари ёшга тўлмасин,
Фақат россияга кетманг дадажон.

Бобомнинг тушлари ўнгидан келсин,
Сиз минган поездлар тўхтамай елсин,
Аллох дуоларим ижобат қилсин,
Фақат россияга кетманг дадажон.

Тирикчилик жудо қилмасин бизни,
Улғайиб босмайин сиз босган изни,
Мен хам уйга ташлаб бир куни сизни,
Россияга кетиб қолмай Дадажон

[Minglar]

Дил лаббай дегудек сўроқ топмадик,
Кўришмак истадик қароқ топмадик.
Ёнма-ён яшаймиз минг йилдан бери,
Сен мени , мен сени , бироқ топмадик.

(С)

[Minglar]

Йироқларни кўзлаб, ённи унутдик,
Асрлар сарҳисоб, онни унутдик,
Минг бир заҳмат чекиб давронни кутдик,
Сўроқлар қолдилар юпин-яланғоч...

Тоғдек қадлар кетди, савлатлар кетди,
Беш-тўрт чақа , молу давлатлар кетди,
Ишқда Мажнунларни Лайло тарк этди,
Сўроқлар қолдилар юпин-яланғоч...

Шижоат пасайди, ғайрат ҳам қайтди,
Дилни тўлқинлатган ҳайрат ҳам қайтди,
Мардликка эҳтиёж тинч алла айтди,
Сўроқлар қолдилар юпин-яланғоч...

Бу даврон ўтади бир куни сўзсиз,
Юлдузлар қулайди, йўқолар изсиз.
Қайдадир бурчакда ночор, кўримсиз,
Сўроқлар яшайди юпин-яланғоч...


(C)

[Minglar]

Мудом қисмат ҳоким,
ҳасрат бор , тун бор,

Висолга жудолиқ
деган якун бор.

Уммон уммон эмас,
кўздан оққан ёш,

Буни идрок этган
жигари хун бор...


(C)

[Minglar]

Yo`l bor senga tamon, boshqa yo`lim yo`q,
Dilim bor u senda boshqa dilim yo`q.
Baxt bor o`g`ushingda, o`zgasin bilmam.
O`lim bor poyingda, boshqa o`lim yo`q.

(C)

[Minglar]

Куйла ҳаёт қўшиғин тинмасидан соз,
Дилингдагин айт дилбар, кўп ҳам қилма ноз.
Сен ҳам мен ҳам ғанимат, дунё бевафо,
Шамолларда хокимиз учар бепардоз.


(C)

[Sparc]

кўп ҳам қилма ноз.
учар бепардоз.
зўрама-зўраки қофия. "учар бепардоз" иборасида мантиқ йўқ. "кўп ҳам қилма ноз" шеъриятга хос бўлмаган, қўпол жумла.

[Minglar]

Go’zallik istagan topadi uni,
G’araz kovlasangiz – g’araz yakuni.
Qorli zimistonda izladim chechak,
Ulashdim barchaga topganim kuni.


(C)

qordan chechak izlagan bandani ko'ylagi yirtiq, deb, so'kmanglar!

[Minglar]

Shirin damlar, bilki, poyonsiz bo’lmas,
Ketma-ket ziyofat ziyonsiz bo’lmas.
Topsang moli-dunyo ehtiyoting qil,
Mudom hazinalar ilonsiz bo’lmas.


(C)

[Баходир кушаков]

Эгам умр бермиш, шукр қил дўстим,
Иймонни фарз этмиш, зикр қил дўстим.
Қалбимда ҳеч ғубор қолмасин десанг,
Намозни бошлашни фикр қил дўстим.
(С)

[Minglar]

Ўтмишдан эртак

“ ... Вой, аламжон, вой алам..” ( Ғ. Холматов)

Тақирлайди ноғора,
Алвастилар тўйида.
Бошга кийган тоғора,
Келин-куёв тўрида.

Йиғлама дил, йиғлама,
Жилмайиб тургин лабим,
Бир ширин сўз алвасти ,
Ўғирлаганди қалбим...

Аччиқданми, аламдан,
Кўкрагимга муштладим,
Тутқаторда қўлингдан
Тутган қўлим ушладим...

Йиғлама дил, йиғлама,
Жилмайиб тургин лабим,
Бир ширин сўз алвасти ,
Ўғирлаганди қалбим...

Тақдир деймиз... Тақдир – шум,
Кўнгил чўкиши – оғир,
Индамай кўзингни юм,
Кўнгилни тутсин бағир.

Йиғлама дил, йиғлама,
Жилмайиб тургин лабим,
Бир ширин сўз алвасти ,
Ўғирлаб кетди қалбим...


(C)

[Баходир кушаков]

КЎНГЛИМ САБОҒИ.

Кўнглимдан сўрадим:-Нима истайсан?
-Ўзим ҳам билмайман-жавоб берди у.
-У ҳолда не сабаб безовтадирсан?
-Шишадек нозикман, бўлолганим шу.

-Доимо мен сенга қарайман, аммо,
Ҳеч сени топмадим, бу не муаммо?
-Сен менга қарама, қарама асло,
Ҳаётинг ўтади, изсиз, бе маъно.

Мен фақат роҳатни ўйлайман тинмай,
Ўзимдан бошқани писанд ҳам қилмай.
Сен менинг кўчамга кирмоқчи бўлсанг,
Билиб қўй, қоларсан жойингдан жилмай.

Бизни деб инсонлар не кўйга тушмас,
Шунда ҳам роҳатни истайверамиз,
Кўнгилга қул бўлиш бил яхши ишмас,
Ҳамиша "яна" деб қистайверамиз.

-Сени ҳам тўлдирмоқ йўллари бордир....
Наҳотки шу қадар тубсиз жар бўлсанг?
Қай йўлни тутмайин бари бекордир,
Не бўлар лоақал бир бора тўлсанг?

-Эҳ инсон, албатта бунинг йўли бор,
Гар иймон, эътиқод бўлса мададкор,
Сен фақат ибодат йўлин танласанг,
Ҳақ Эгам нафсимни айламиш бекор..

(С)

[Minglar]

Қўшиқ

Майсаларин сочиб,
Гуллари билан
Келди-ку Наврўз,
Иқболини очиб, юртим бағрига
Тўлди-ку Наврўз.

Варраклар ҳавода, булбуллар навода,
Илк баҳор базми бу,
Жилғалар жарангги - минг турфа рангли
Муҳаббат назми бу.

Шафтоли шохида оқ , қизил чечак
- Пардоз қилибди,
Юртимга шодлик келганин, қаранг,
У ҳам билибди.

Бойчечак мўралаб , печакгул ўралиб
Отмоқдадир тонг,
Янги йил келди, деб,
Янги кун келди , деб,
Қушлар урар бонг!

11.03. 2014 йил


(С)

[pipicron]

Мен йиғлай бошласам овутолмайсиз,
Менда ҳам сизлардек бир дунё ғам бор.
Сиз топа олмаган даво менда йўқ,
Менда сиз қолдирган дунё, бир кам бор.

Мен кула бошласам тўхтатолмайсиз:
Завқимнинг шоди бор, алами ҳам бор.
Сиз эса кулишни эплай олмайсиз:
Кулгу деб кимгадир берасиз озор.

Йиғлаймиз, сиқтаймиз, кимга не фойда?
Куламиз, қувнаймиз, кимга нима ғам?
Мухими, йиғлатинг, дилдан йиғлатинг,
Кулдиринг, кулгудан ўлиб қолса ҳам.

(C)

[Баходир кушаков]

ЭГАМНИНГ ЯРАТГАН ИНСОНИ!

Адолат боғининг боғбони,
Ҳар гапда ростгўйлик посбони,
Бажарсанг ваъдага вафони,
Қўлингга оларсан дунёни,
Эгамнинг яратган Инсони.

Бировнинг бахтига куймасанг,
Ғийбату туҳматни уймасанг,
Ёмону, зулматни суймасанг,
Дейдилар яхшилик ҳоқони,
Эгамнинг яратган Инсони.

Кўролмай бировни ковлама,
Ҳеч кимни ҳеч қачон товлама,
Осмондан қуённи овлама,
Шармисор бўларсан шул они,
Эгамнинг яратган Инсони.

Дўст учун жонингни берсайдинг,
Душманга тик қараб кулсайдинг,
Ватан деб, элим деб ўлсайдинг,
Барча дер, бут экан иймони,
Эгамнинг яратган Инсони.

Дўст билсанг йўлингда ҳамроҳни,
Кўрмайсан сафарда оҳ-воҳни,
Севолсанг сен Эгам Аллохни,
Бўларсан муҳаббат султони,
Эгамнинг яратган Инсони.

Баҳодир насиҳат қилма кўп,
Сенда ҳам гуноҳлар бисёр ҳўп,
Аввало жойнамоз пойин ўп,
Намоздан топарсан маънони,
Эгамнинг яратган Инсони.
(С)

[Minglar]

Jonga jon bo’lguchi Havo topmadim,
Shunda ishq saylidan ma’no topmadim,
Savol ummonida javob - baliqdan,
Bir so’z eshitmadim, sado topmadim.

(C)

[Minglar]

Яшасанг-у севган гули-жон бўлмаса,
Пинҳон суҳбат қургани имкон бўлмаса,
Бир жуфт қанот бўлса-ю осмон бўлмаса,
Қийин экан…

Қоқиниб ҳам, туртиниб ҳам юра билсанг,
Чорасизлик пайтида ним кула билсанг,
Йиқилганда минг бир марта, тура билсанг,
Суюн экан…

Жон берсанг-у жаноналар қарамаса,
Дўст деганинг бир кунингга ярамаса,
Атрофингдан тулки феъллар аримаса,
Куюн экан…

Қизиқ бўди, қизиқ бўлди Одам насли,
Омад келса осон экан яшаш асли,
Дунё бунда, дунё бунда “гард кам” дарсли –
Ўйин экан…

(C)

[Minglar]

ENDI, UNUTMOQLIK UCHUN YASHAYMI?
Endi, iztiroblar qilar tantana,
Endi, yuragimni itga tashlaymi,
Kul bo’ldimmi , endi , yona va yona?!

Alam ezg’ilagan tanam qaqshaydi,
Kelar yo’lingizga ko’nglim to’shaymi?!
Baribir vaslingiz rostga o’hshaydi,
Yoki unutmoqlik uchun yashaymi?!


(C)

[мафтун]

Хаеллар суриб хам сени согиндим.
Тушимда куриб хам сени согиндим.
Хижрон азобига не булур даво,
Ёнингда туриб хам сени согиндим?

[мафтун]

Эрталаб уйгонсанг
кул телефонингга
Юлдуздек ёгилар смс-хатлар.
Укиб жилмаясан,
тегмас жонингга
Кунгил изхорларим, дилдаги дардлар.

Алока панд бериб бормаса хайхот.
Йулда колиб кетса калбим розлари.
Биз гариб кулларга айлаб илтифот
Эринмай бир йуклаб куйсин узлари.

[Minglar]

VAHIMA

Qat’iyatim “qars” etib sindi
yuragimni larzaga solib,
Nahot?!
Bo’g’imlarim bo’shashdi birdan,
Beholgina tiz cho’kdim.
Yerga malol keldim…
Cho’kib boryapman.


(C)

[Minglar]

TUSH

Laylakqor tinmagan kechada,
Ketardik ikkimiz ko’chada…
Osmon pastda - yerga qulagan ,
Yo bir kechada u tullagan.

Ketardik ikkimiz qo’l-qo’lda,
Yuraklar topishgan bu yo’lda.
Oyoqlar ostida oq choyshab,
Qaniydi yursaydik yil, oylab?!

Qo’lingiz isitar lablarim,
Bilinar ikki dil zarblari.
Atrofda bo’lsa-da qahraton,
Yonardi bo’salar bu zamon.

Oppoq qorda qolgan izimiz,
Sevgimiz, sevgimiz, sevgimiz…
Laylakqor tinmagan kechada,
Ketardik ikkimiz …


(C)

[Minglar]

Yaqinda , "seni qanday sevishimni bilsang edi" mavzusida she'rlar o'qib, men ham eslamoqchi bo'ldim qanday sevganimni... bilolmadim...

Eslolmayman seni qanday sevishimni…
Ko’rganimda esu-hushim uchgandi,
Aql yurak tamonlarga ko’chgandi,
Zamon to’xtab, daqiqalar o’chgandi,
Eslolmayman…

Bilolmayman seni qanday sevishimni…
Chunki sevgim chegarasiz , hududsiz,
“Hayr”i yo’q, “kechir”i yo’q , “ unut”siz,
Jim yonguchi - sadosizdir, ham dudsiz.
Bilolmayman…

(C)

[Mohlaroy]

Кузги хазонларга тўлди яна боғ,
шамоллар учирди дилдан доғларни,
Эски суратларга термилган чоғи,
Мен яна соғиндим ўшал чоғларни

[Minglar]

Ko'ngil ko'chalarida
o'zim izlab boraman,
Yozganlarim she'r emas,
o'zdan so'zlab boraman.
Talpinaman qaygadir,
Oshiqqanim siz emas,
Yettinchi samodagi
ishqni ko'zlab boraman.

(C)

[Адхамжон]

СОЯМ
Мени йукотмаган битта сен колдинг,
Менга ук отмаган битта сен колдинг,
Барча ташлаб кетди, битта сен колдинг,
Сенга таянаман жисмсиз коям,
соям.
Дуст хам дустлигидан тонар гохида,
Ошга етиб бурнинг конар гохида,
Юрагинг бехуда ёнар гохида,
Сен узинг хамдардим, химоям,
соям.
Баъзида онанг хам дилинг тушунмас,
Куш отанг баъзида тилинг тушунмас,
Озурда дилингни дининг тушунмас,
Йук, йук, факат шунинг учунмас,
Саждада каддимга якин жудаям,
соям.
Севганинг хиёнат килиши мумкин,
Уз боланг киёмат килиши мумкин,
Аканг хам "сиёсат" килиши мумкин,
Сенга суянаман жисмсиз коям,
соям.
Мен билан доимо бирга юрасан,
Дардларимни бирга бахам курасан,
Улсам, гуримга хам бирга кирасан,
Гоям, коям, химоям, соям.

[Sparc]

Факат шу жойига тушунмадим...
Куш отанг баъзида тилинг тушунмас

[Адхамжон]

Факат шу жойига тушунмадим...
Цитата:
Сообщение от Адхамжон
Куш отанг баъзида тилинг тушунмасКечирасиз,шеър муаллифи мен эмасман,сураб кураман...
фейсбук Мирза Анвар Хамидов
·
ОНАГА ИЛТИЖО
Болангни қарғама оҳ онаизор,
Унинг мурғак қалби чекмасин озор.
Мўлтираб термулган кўзлари ҳаққи,
Титраган юраги чекмасин озор,
Болангни қарғама оҳ, онаизор.
Икки елканг узра икки фаришта
Сени қўллаб турар ҳар қандай ишда.
Дуо кетиб қолса, қолгунг ташвишда.
Титраган юраги чекмасин озор,
Болангни қарғама ох, онаизор.
Икки қорачуғда икки қатра ёш.
Нима гуноҳ илди фарзандинг бевош?
Томоғидан ўтмас захар бўлган ош,
Титраган юраги чекмасин озор.
Болангни қарғама ох, онаизор.
Сендан кўнгли қолса қайга борар ул!
Дарди-дунёсига ўт кетар буткул,
Сен учун қанчалик бўлмасин мушкул,
Титраган юраги чекмасин озор.
Болангни қарғама оҳ, онаизор.
Дунёда фарзанднинг тирноғига зор,
Жигари қон бўлган қанча аёл бор!
Сендан ўтинаман такрор ва такрор,
Титраган юраги чекмасин озор.
Болангни каргама ох, онаизор!!!

[мафтун]

Факат шу жойига тушунмадим...
Куш отанг баъзида тилинг тушунмас

к,уш тилини к,уш тушунади дейдилар. муаллиф
менимча шуни назарда тутган булса керак

[Биллур]

Dada, dalangizga dard
sochib keldim,
Yana mashaqqat-u
zahmatlar Sizga.
Belingiz og‘ridi, men
qochib keldim,
Qachon olib berdim
rahmatlar Sizga?
Aya, sog‘inchingiz sochi
oqardi,
Bormadim – ko‘payib
ketdi to‘ylarim.
Shu yoshimda faqat
sevish yoqardi,
Sizdan ko‘ra ko‘proq uni
o‘yladim.
Boshdan nima o‘tdi –
bildirganim yo‘q,
Kimdir to‘kaverdi nur
izlarimga.
O‘zimni-ku xafa
qildirganim yo‘q,
Ozor berib qo‘ydim
azizlarimga.
Maysalar, paryostiq
bo‘ling, bosh qo‘ysa,
Chinorlar, Otamning
yonida yuring.
Bolasini o‘ylab yuragi
kuysa,
Achchiqqina qilib choy
damlab bering.
Bu tashvishlar bilan
bo‘lmaydi qarib,
Meni kutish uchun
kelgan olamga.
Qo‘llari tolmasin chelak
ko‘tarib,
Bulutlar, suv tashib
turing Onamga.
Dada, dardingizga
boshman, bilaman,
Aya, tushlaringiz bir kun
kelar o‘ng.
Hali yuzingizni yorug‘
qilaman,
Odamshoir bo‘lib
borganimdan so‘ng.

(muallifni bilmayman, uzr)

[omonali nazarov]

Ko'zimga ko'rinmay yurgan malaklar,

Yana yuragimni qiynab qolishdi.

Boshimda uch kuncha bo'lib halaklar

Meni o'zlariga bog'lab olishdi!!

Aqlimni o'zimga qaytarib oldim,

Hijronning yuziga shapaloq soldim.

Sevgi qarshisida jim turib qoldim,

Meni o'zlariga bog'lab olishdi.

Berkindim hayollar hokimligidan,

Tutib yuragimga soliq solishdi.

Ko'nglim hohishidan ular nolishdi,

Meni o'zlariga bog'lab olishdi.

Qolishni hohlardim sizniki bo'lib,

Lekin bo'g'zimgacha qoldi dard to'lib.

Meni qiynamoqdan ular tolishdi

Lekin o'zlariga bog'lay olishdi.

Meni kimlar o'ylab qolishdi.

O'ylashdi-yu, bog'lab olishdi..
(C)

[Sparc]

http://kun.uz/news/2016/11/05/uzbekiston-halk-soiri-abdulla-oripov-aetdan-kuz-umdi
Ўзбекистон халқ шоири, миллатимизнинг буюк шоири Абдулла Орипов хаётдан кўз юмди.

Сен мисли камалак - юксак ва сўлмас,
Камалакни эса парчалаб бўлмас.

[Shuhrat Rizayev]

http://kun.uz/news/2016/11/05/uzbekiston-halk-soiri-abdulla-oripov-aetdan-kuz-umdi
Ўзбекистон халқ шоири, миллатимизнинг буюк шоири Абдулла Орипов хаётдан кўз юмди.

Сен мисли камалак - юксак ва сўлмас,
Камалакни эса парчалаб бўлмас.

“ТОНГЛАРИМ ТИЙРАДИР, ОҚШОМЛАР ПУРҒАМ”
(Улуғ шоир Абдулла Ориповни ёд этиб)

Бундан олти ой аввал “Видо” деб ёзган эдим, икки ой аввал эса “Совуқ нафас инди – кўз тегди...” деб. Энди не деб ёзай, не дебон бўзлай... яна бир томирим кетди-ей... яна бир ботирим ўтди-ей... Вой, бу ўлимнинг дастидан кун борми-ей, ёронлар, эранлар, эманлар...
Астағфируллоҳ, астағфируллоҳ... Оллоҳ, Ўзинг кечир, Ўзинг ҳидоятингга, мағфиратингга бошла, хато-ю саҳвимни заифимни кечир...
Нима қилайки, “видо” сўзини айтаверишдан юрак безиллаб қолди. Қайдадир хунук нафас эсса, “яна ким?” дея жавдираб қоляпман. Қалбим пора, юрак хун...
Бундан ўн саналар бурун беназир устозимиз, оғамиз Бегали домла (Қосимов) ўтганларида қабрлари узра:
Тонгларим тийрадир, оқшомлар пурғам,
Бир-бир кетаётир жўраларим ҳам, –
дея Абдулла ака бўзлаб сўз айтган эди. Навбат ўзларига ҳам етаётганини, ҳадигу хавотир билан ўтаётган кунларини қалбдан ҳис этиб, фарёд чеккан эдилар, сассиз-садосиз...
Гарчи ортиғи билан ўттиз йиллар чамаси салом-алик қилган эсак-да, сўнгги йигирма йиллар анча яқин бўлиб, турли сафарларда бирга юрдик, мажлис-издиҳомларда, тўй-тантаналарда учрашдик, гурунглар қилдик. Ўзига яқин олиб улфатчиликка чорлаган паллалари ҳам кам эмас...
1985 йил – Ойбек домланинг 80 йиллик хотира тантаналарини ўтказамиз деб водий вилоятларида бўлдик. Биз Ойбек уй-музейининг Ўткир Ёрмуҳаммад бошлиқ бир-икки ходими Ёзувчилар уюшмасининг Абдулла Орипов етакчилигидаги делегациясига кўчма кўргазмамиз билан қўшилиб, Андижону Фарғона, Наманганнинг қишлоғу шаҳарларини кезиб, кўргазма-учрашувлар ўтказиб юрибмиз. Табиий, ҳар йиғинда улоқ Абдулла акада кетади. Асли тадбирга халқ Абдулла Орипов номини ҳам эшитиб келади. Гарчи орамизда бошқа шоиру номдор ҳофизлар бўлса-да, Абдулла аканинг мавқеи бўлак – халойиқнинг ростмана гуриллаб, қарсак урганини, олқишу алёрларга кўмиб, ҳиссиётлари жўш урганини дастлаб ўшанда, сўнгроқ оғамиз билан боғлиқ деярли барча сафарлар – Қашқадарёда Бегали аканинг 50 йиллик, Сурхондарёда Эркин Аъзам ва Усмон Азимнинг 60 йиллик саналарини нишонлаганда ва яна шу дамда хотирамга келиб-келмаётган ўнлаб тадбирларда кўрдим – гувоҳи бўлдим. Халқи айрича ҳарорат билан суйиб, алқайдиган шоирни, бу қадар муҳаббат ва эъзозни умрим давомида Абдулла ака мисолида кўрдим, билдим.
Бу-ку – бир томони, ташқи шакл-белгиси. Аммо бу издиҳомлар мазмуни-чи, эҳ-ҳе... Ундан-да ўтиб сафар чоғи тантана-зиёфатлардан сўнг меҳмонхона ётоқларида расмийликдан холи бўлиб, тонготар гурунгларнинг шукуҳи, маърифати, илмини айтиб, адоғига етиб бўлармикан... Абдулла аканинг гурунглари ўшандай чоғларда фавқулодда фикрга бой, тафаккур пучмоқларини ёритиб юборадиган, бетакрор суҳбатлар эди. Ўзбек мумтоз шеърияти, жаҳон адабиёти, катта-кичик замондош устоз ва дўст-биродарлар, қаламкашлар ҳақидаги оғамнинг мушоҳадалари, тушунча ва билимларининг теранлиги, чўнг ҳам инжалиги, хулоса ҳам умумлашмаларининг оҳору маҳобати эшитгувчини шошириб, тараддудга солиб қўярди.
Водийдаги ойбекхонлик – ўша дастлабки яқинлашув чизгилари пайдо бўлган кунларда, хоссатан, Намангандаги меҳмонхонада тонгботар суҳбат қурарканмиз, Абдулла ака не бир сабаб билан бори мумтоз адабиётимизга экскурс қилиб, мушоҳадаларини сўйларкан, бирдан Зокиржон Фурқатга тўхтаб, узоқ гапирди. Фурқатга айрича муҳаббат, завқ-шавқ билан ёндошиб, шоирга бағишланган машҳур шеърини, унинг тарихини айтиб берди. Фурқатнинг ғурбати фақат Ватандан айро тушганида эмас, балки замонга сиғмаганида, ўз юртида ҳам мусофир бўлиб, қалбига малҳам ёру вафодор, ғамгусор тополмаганида, яқинлари ичра меҳр кўрмай, сайду сайёра ҳолида умр ўтказганида эканин аламланиб, эзилиб сўйлади. Кўз қароғи сувга тўлиб, пиёладаги “оқ сув”дан ҳўплаб-ҳўплаб, узоқ гапирди. Гарчи Фурқат ижодини университетда махсус ўрганиб, унинг услуби, ўзига хослиги ҳақида илмий тадқиқот олиб бораётган эсам-да, Абдулла аканинг аксарият фикрлари мени ниҳоятда мутаассир этди. Шоирнинг шоир ҳақидаги ўйлари ўзи бир зўр мақола эди...

[Shuhrat Rizayev]

Гапираверса, гапнинг адоғи йўқ. 1998 йил кеч кузида Германияда ўзбек маданияти кунларини ўтказиб юрибмиз. Берлин кўчаларида лайлакқор майин укпар каби оби раҳматдек ёғиб турганда, Оврупонинг юрагида икковлон яёв кезиндик. Каттагина гавжум майдоннинг бир чеккасида хитойликлар ўзларининг қандайдир хос мазали аччиқ шўрваларини очиқ осмон остида бақириб-чақириб мақтаб сотиб турибдилар. Елим товоқларда шу таомдан олиб, тик турганча укпар ёғдулари остида оғзимизни куйдириб, хўриллатиб ичиб олдик. Шўрвасидан ташқари товуқ қайлали лағмонсифат қуюғини еёлмай, зарқоғозга ўратиб олдик. Абдулла ака: “Сўранг-чи, бундай мазали таомининг номи нима экан?” деб қолди. Хитойлик ошпаздан сўрасам, Абдулла акага ишора қилиб, нималарнидир сўйлаб кетди. Мен унча англамадим. Шунда Абдулла аканинг ўзи ёнимга келди-да: “Бу мени хитойлик деб ўйлаяпти, ўзидан сўра деяпти”, деди кулиб. Сўнг Москвада Озод домла, шоир Отаёр билан бирга юрганларда учовларини хитой, вьетнам ва индонезияликлар деб қабул қилганларини хандон отиб сўйлаб берди ва: “Кўрдингизми, иним, шоирни ҳамма халқ ўзидан деб ўйлайди”, дея беғубор лутф қилди... Ҳа, шоирни ўз халқи ҳам, ўзга халқлар ҳам қалбига яқин олиб муносабат кўрсатади. Чунки у яхшилик, эзгулик элчиси, Оллоҳдан инсониятга тинчлик, омонлик, фаровонлик, бахту иқбол тилагувчи зот. Ўзининг ана шу покиза нияти ва беғубор ўйлари билан элда ҳам, ўзга элларда ҳам ардоқли, суюмли инсон.
Германия сафаридан уч-тўрт сана ўтиб, Абдулла ака, камина ва Беҳзод исмли йигит Қозоғистонга – Олмаота шаҳрига сафар қилдик. У ерда Умумжаҳон интеллектуал мулк ташкилотининг халқаро йиғилиши ўтказилар экан. Абдулла ака Ўзбекистон Муаллифлик ҳуқуқи агентлигининг раҳбари, Беҳзод – ҳуқуқшунос, камина эса Вазирлар Маҳкамаси вакили сифатида иштирок этдик. Уч кунлик анжуманнинг биринчи куни – биринчи йиғилишидаёқ халқаро ташкилотнинг мутасадди вакилларидан бири Абдулла акани Ўзбекистон Қаҳрамони унвонига сазавор бўлгани билан қизғин табриклади ва бутун тадбир давомида ҳурматини ошкора намоён этиб юрди, шундай нуфузли ташкилотда Абдулла Ориповдек баланд рутбали инсоннинг борлиги ўзлари учун шараф эканини қайта-қайта таъкидлаб турди. Мен шоир зоти барча халқу элатларнинг “ўзиники”дек эканини, у жаҳон элчиси, тинчлик элчиси эканлигини яна бир марта дилдан ҳис этдим.
Бундай сафарлар, бирга-бирга юришлар, суҳбатлар, учрашувлар, айтганимдек, кўп бўлди. Бири-биридан маънили, серзавқ, ёқимли... Айтаверсанг, адоғи йўқ. Балки ҳозирги кори-аъмолим тақозосими, биргина халқаро сафарларга доирлари қоғозга тушди. Бундан бўлаклари қанча, мен каби у кишининг суҳбатидан завқ олганлар қанча...
Аммо кўплаб учрашувлар, суҳбатлар ичра яна бир суҳбат борки, уни қайд этиб қўймасам бўлмас. Янглишмасам, бу бафуржа ўлтириб гурунглашган сўнгги учрашувимиз бўлса керак.
Ўтган йил, янглишмасам, куз бошларимиди, Абдулла ака бир неча ой Америка Қўшма Штатларида бўлиб, юрак операциясини ўтказиб қайтдилар. Ўртоғим Бобир (Алимов), шифокор дўстимиз Анвар (Ражабов), “Ижод уйи” директори Абдусаттор ака ва камина – тўртовлон пешин пайтлар аканинг ҳовлисига кириб бордик. Дарвоза очиқ, ичкарида ҳеч ким йўқдек. Билсак, пастки уйнинг иккинчи қаватида-ишхонасида Абдулла ака қандайдир хусусий киностудияга Америкада ёзиб келган янги шеърларини ўқиб бераётган, улар эса камерага ёзиб олаётган экан. Меҳмонхонага кирдик. Бироз ўтиб юқоридан Абдулла ака тушиб келди. 15-20 дақиқалик мўлжалимиз уч-уч ярим соат давом этди. Орада келинойи келиб, ош ҳам дамлаб улгурдилар. Абдулла ака эса бизни қўйиб юборгиси келмас, қайсидир ишонганларидан кўнгли ранжиб, бироз гинахонлик ҳам қилар, бу билан бизга самимиятини сездирар, очиқ дил изҳор этар эди. Мавзу, табиий, сафар, муолажа, шунинг натижаси ўлароқ янги шеърлар ҳақида бўлди. Абдулла ака жўшиб кетди. “Укалар, ишонинглар, тўрт-беш кўйлакни ортиқ йиртган оғаларинг гапига ишонинглар, биз ҳали билмаганларимиз жуда кўп экан, билмаймиз. Ўзи Ғаллаоролдан нарига ўтмай, “Нима бизга – Америка?” дея ёзган устозларнинг гапи билан юраверибмиз. “Сариқ иблис мамлакатини”ни сўкиб. Унинг қудрати, қуввати, маҳобати шунчаки гапларга сиғмайди. Кўриб, билиб, таниб, юздан ортиқ шеър ёзиб келдим. Лекин бу билан кимларнингдир ашуласини айтиб, нағмасига ўйнаганим йўқ. Агар юртда “Ватан!” деб жонини тиккан иккита одам бўлса, бири менман. Юртни бемалол суйганимдан ўзгаларнинг қудратига ҳавас қилдим, неларигадир қиёс қилдим. Ўша буюк Американинг беадоқ бойлиги, қудрати негизида Хоразмий, Беруний каби боболаримизнинг закоси ётганини, ўшалардан қувват олиб бани башар илми равнақ топганини англадим, не-не шоҳидликлар кўрдим. Ғурурим ошдики, ўшаларга ҳавас қилдим. Юртимнинг ҳам одимлари ҳали ундан кам бўлмаслигини тиладим, эртанги кунимга-да ишондим, имон келтирдим. Укалар, ўзларингни эҳтиёт қилинглар, чин билан сохтанинг, яхши билан ёмоннинг фарқига боринглар. Ўткинчи шамоллардан ўзларингни асранглар!”
Абдулла ака бу гапларни, бизга ростмана оға бўлиб, бизни ўзига қадрдон билиб, яқин тутиб, дилдан айтди. Неки бизга, назаримда, барчамизга, элимизга айтди...

[Shuhrat Rizayev]

Шуни бугун, машъум хабарни эшитгач, яхши бир инсоннинг ҳиммати билан келиб қолганим Германиянинг Бавария ерлари марказида туриб, чоғроққина меҳмонхонанинг чоғроққина ётоғида кимсасиз кўнгил, дилгир кайфият билан қоғозга тушириб ўтирибман... “Кимсасиз” деган сўзни ишлатиб, шу сўз ва Абдулла ака билан боғлиқ яна бир кичик хотира хаёлимга келяпти. Беш-олти сана аввал, 9 апрель – Соҳибқирон Амир Темур таваллуди куни марказий хиёбондаги ҳайкал пойига гуллар қўйиб қайтар эканмиз, иттифоқо, Абдулла ака билан учрашиб қолдик. Ёнимда театршунос Омонулла (Ризаев) бор эди. Шу ерда Абдулла ака нима учундир Тамарахонимдан сўз очиб, Опа билан учрашганида, у кимсасизлик ҳақида туркча бир тўртлик айтганини эслади ва ёддан ўқиб берди. Омонулла қўл телефонига дарҳол ёзиб олди:
Ҳеч кимса йўқдур кимсасиз,
Ҳар кимсанинг бор кимсаси.
Кимсасиз бир кимсаям ё
Кимсасизлар кимсаси.
Эй, Оллоҳ, дунёларинг қизиқ, бандаларинг ғофил... Тамарахонимдек довруқли санъаткор шунча асъасаю дабдабаси билан “кимсасизман” деса, ўзбекнинг асрларга татигулик буюк шоири шону шуҳратининг авжу адосида “кимсасизлик” шевасини ёд этиб турса, биз шўрликларнинг ёзуғимиз не эканки, Яратгандан нуқул нажот тилаймиз, синовли дамларда таваллолар ила тириклик таъмаларини қиламиз...
Шифокор дардимни эшитиб, текшириб, ташхис қўйиб, жарроҳлик амалиётини қилмаса бўлмайди деб турибди. Йўқса, қолган умрим оқсоқлик билан ўтар экан...
Бандаи ожиз, ҳаётдан умидим бор... Ёшим умр фусулининг кузида эрса ҳам, сафларга ярагим, жабҳаларда бўлгим келяпти. Юрт учун не бир хизматим сингиб, элимнинг маънавий тўкислигини кўргим, баркамоллик қўрғонини қурмоқда иштирок этгум бор; неларгадир ярашга ҳақлиман деб ўйлайман ўзимни... Вақти-соати етиб, ўлимни ҳам саодат билиб қабул қилмоққа ҳам қурбим етар, иншооллоҳ... Дунёга келиб одамлигимни англаб, юртимни, аждодим, ота-бобомни таниб, ўзбеклигимни билиб, энди эса шуларни кимларгадир, жилла қурса, авлодларимга, набираларимга билдириб кетмасам, бу оламга нега келдиму нега кетаман?!
Шифокорнинг жарроҳлик амалиёти олдидан “мабодо жараёнда бирор кутилмаган кор-ҳол бўлиб қолса ёки юрагингиз уришдан тўхтаб қолса ҳам розимисиз дея турли қоғозларга қўл қўйдиргани тўлиб турган юрагимни қақшатиб юборди. Устига-устак, машъум хабар... Бугун қаердасан, эрта қаён бўлурсан... Холиқи қудратнинг Ўзигагина аён. Аммо бир ҳақиқат борки, буни кураш – ҳаёт, тириклик учун мамот кураши дейдилар. Абдулла ака бу кураш яловбардори эди. Худди Ислом ака (Каримов), Эркин ака (Воҳидов) каби элимизни нурли манзилларга олиб чиқиб, шу йўлда тиним, ҳаловат билмаган кўнгли-вужуди нисор жон эди. Уларнинг тафаккури умр бўйи тўхтовсиз ишлади, юраклари халқ, Ватан, миллат деб урди, ёнди ва шу сўнмас ёлқин-ҳарорат бугун ўттиз икки миллион халқнинг қалбини иситиб, ҳаётига нур таратиб турибди.
Буюклар ўлмайди, улар бир фурсат тин олиб, маънавий барҳаётликка кўчиб, шу билан жисмоний барҳаётларнинг тириклигини эслатиб, одамлигини билдириб туради...
Жойингиз равзайи райҳон, жаннати наимларда бўлсин, Абдулла оғажон! Буюклар каҳкашонида ўрнингиз ва номингиз мудом пойдор бўлғай!


Германия, Мюнхен шаҳри, 6 ноябрь

[Kavsar]

Manim ustozlarim

Nazm aro yo`l ko`rsatib, ustozim dilso`z Dilorom,
Aylagay oshufta she’rga, shirin so`z birla mudom.

Tutdilar tahrirga misram, dedim: “mantiqqa qoyil”,
Derdi: “Bergay ul samar”, ustoz Jahongir Ismoil.

Haq yo`lida ul manga, chun berib tahsilni Qur’on,
Orifi billoh erurmi, ki ustodim Komiljon.

Ham valiy, hamda g`aniydir, ma’rifat birla alar,
Ustozim Abdumurodu, ustozim borki Ja’far.

Tingla shogird, agarda sen topay desang Saodat,
Avvalo O`zi Ustozkim, shudir aslida hikmat.

Birida la’l, biri yoqut, ki manim ustozlarim,
Tinglasin olamda barcha, manim sho`x ovozlarim.


Toshkent, 2017

(c) Kavsar

[MirjalolTV]

Salom. Men bugun bugun telegramda @meningijodim degan kanal ochdim. Bu kanalda ijodkorlarning ijodini yoritib bormoqchiman. Bu guruhdagi she'rlarni muallifi o'zlaringiz bo'lsa, shu she'rlaringizni kanalim orqali ulashib borsam nima deysizlar?

[pipicron]

Она қизим, соғинчим!

- Она қизим, момо қизим, йиғламасдан
Қани айтинг: “Оқ йўл дада!” - айтинг қизим.
Сизга катта бир қўғирчоқ олиб келай,
Эргашмасдан остонадан қайтинг қизим!

Кўз ёшингиз артиб олай рўмолчамга,
Исингизни хидлаб олай, кулинг қизим.
Мунчоққинам, юрагимда туморимсиз,
Мен қайтгунча ўйнаб кулиб юринг қизим!

Онажони, меҳрибони, қараб туринг,
Сочларини оғритмасдан таранг қизим.
Биргалашиб дарс қилинглар, уйнанг ўйин,
Қаранг, қандай кулгулари жаранг қизим!

Осмон узоқ, ер қаттиқлик қилар энди.
Олислардан топган ишим кимга керак?!
Сабр дейман, аммо гапга кўнмас соғинч,
Қизим билан уйда қолган хатто юрак.

Қўлим ишга бормас, хаёл мунчоғимда:
Нима қилди? Нима кийди? Нима еди?
Мактабичи? Муаллими мажлисга деб
Чақиртирса содда қизим нима деди?

Тушларимда арз қилади айиқчаси:
“Менга хатто қарамайди сизни ўйлаб”.
Уйқу қочар, соғинч эзар, чарчоқ ғолиб,
Ухлатаман ўз-ўзимга эртак сўйлаб.

Қуриб кетсин рўзғори ҳам, тирикчилик,
Қуриб кетсин орзу хавас, топиш-тутиш.
Фарзандидан узоқ бўлса оталарнинг
Хаёти ҳам ит ётишу, мирза туриш.

Ишим тугаб тез қайтаман, бағрим тўлар.
- Отасини меҳрибони бўлган қизим!
Келинг битта ачом қилай, соғинганман,
Жажжи қўли дуоларга тўлган қизим!

Али Ал Мехр
25-Июль, 2017 йил.
Соғинчли тун.

[pipicron]

Salom. Men bugun bugun telegramda @meningijodim degan kanal ochdim. Bu kanalda ijodkorlarning ijodini yoritib bormoqchiman. Bu guruhdagi she'rlarni muallifi o'zlaringiz bo'lsa, shu she'rlaringizni kanalim orqali ulashib borsam nima deysizlar?
Мен карши эмасман. Муаллифи, олинган манба (Uforum) ва булса, шеърнинг ёзилган санасини курсатиб утишни унутманг.