Шеър азиз олам аро...

[Kavsar]

Oshiq cho’pon nayini chalib,
Elchi yo’qdir vazn yurtidan,
Teginma sabrimning piyolasiga.

She'ringiz chiroyli chiqibdi, ayniqsa yuqorida men iqtibos olgan misralar.

[Masud Mahsudov]

Yurtim,
Kengliklaring qo’msadi ko’nglim,
Jonim qolib ketgan kun chiqqan yoqda.
Qaniydi, shu damda to’yib kezsaydim,
Cheksiz dalalaring yalang oyoqda.

Sog’inchim dilimda o’sib-ulg’aygan,
Diydoring ko’rishga ko’zlarim giryon,
Jizzax olmasidek yuzim sarg’aygan,
Quva anoridek qalbim to’la qon.

Bu yerda yomg’irlar senikidekmas,
Quyosh ham yil bo’yi turmas charaqlab.
Tollarning sochlari suvlarga tegmas,
Sabo uyg’otgani kelmas so’roqlab.

Bu joyning bog’lari gullamas tugal,
Qushlarning sayrashi ezmas yurakni.
O’nlab o’rmonlardan bilaman afzal,
Yo’ling chetidagi mirzaterakni...

Bu yer...,
Yo’q gapirmay, so’yla o’zingdan,
Tog’laring halitdan qor qoplagandir?
Hozir mevalarga rosa boydirsan?
Obi nonlaringga to’lganmi tandir?

Gulzorin bezarmi atirgul, rayhon
Past-baland bo’y chozgan fayzli uylarin?
Butun qishloq ahlin to’plarmi hamon,
Gumburlab o’tajak xalqim to’ylari?

Ming turli savolga to’lgandir ichim,
Kutishdan yo’l qarab tolgandir ichim,
Yurtim, seni o’ylab bedor tunimda,
Ichim timdalaydi tilsiz sog’inchim...

Jizzax olmasidek yuzim sarg’aygan,
Quva anoridek qalbim to’la qon.

(c)

[Gulnora Voisova]

Yurtim, Kengliklaring qo’msadi ko’nglim...Анчадан бери юрт соғинчи ҳақида ёзармикансиз деб кутган эдим :)

[Masud Mahsudov]

Bag’rimda xarsangga aylangan sabr
(Noma’lum shoirdan)

Bag’rimda xarsangga aylangan sabr
Ko’nglimni tosh qilib qo’ymadi – shukr.
Yuragim - armonlar ko’milgan qabr –
Firoqda kul bo’lib kuymadi – shukr.

Hali umidlarim sonsiz, sanoqsiz
(Hazon faslida ham unib-o’smoqda).
Orzular oxirsiz, niyat adoqsiz,
Shukrona g’amlarning yuzin to’smoqda.

Hamon yaxshilarning yo’ldoshi bo’lib,
Umr karvonida ketayotirman.
Ba’zan ko’z yosh to’kib, ba’zida kulib,
Qiyomat kunini kutayotirman.

Hamon tunlarimda yog’du sochar oy,
Kunlari quyoshni quchgim keladi.
Ko’kda savoblardan qurilsa saroy,
Farishta misoli uchgim keladi.

Hamon bu olamda mehribonlik bor -
Insonlar ko’zida mehrning ashki.
Qayda imon bo’lsa, ezgulik bisyor -
Uning bir qismiga aylansam, koshki.

Hamon oq bor joyda qora in qurgan,
O’n besh zulmat mohning o’n beshi yorug’.
Abu Jahllarning avlodi yurgan
Yerda,
Hamzalarda hilpirigan tug’.

Hamon halovatdan boshimni tortib,
O’zimni olovdan cho’qqa uraman.
Yaxshimi, yomonmi – amalim ortib,
Hayot yo’lagidan shoshib yuraman.

Hamon qalbim nurga to’ymagan shisha,
Ijod bog’i hecham qolmasin so’lib.
Tirik ekanmanki, yashay hamisha,
Kimgadir, qaydadir kerakli bo’lib.

(c)

[Masud Mahsudov]

Oy yuzini bulutlar to’sgan,
Tun...
sukunat...
Atrof osuda.
Chirmoviqdek dardlarim o’sgan
Shodligimning peshonasida.

Oy yuzini ko’rolmay kecha
Oydinlikdan ketsa voz kechib.
Urinsam ham chiransam necha
G’amlarimni bo’lmaydi yechib.

Oy yuzini yashirar zulmat –
Yorug’likning yopar yo’lini.
Yuzim kular – yig’laydi fitrat,
Yosh to’ldirar sabr ko’lini.

Oy yuzini qoplagan dog’ni,
Bo’lmaganday aslo o’chirib.
Alamlardan yaralgan tog’ni,
Ko’nglim tashlay olmas ko’chirib.

Oy yuziga nigohim to’ymas,
Sham yoqsayam yorishmas ichim.
Ko’zim ko’kda,
Uyquga qo’ymas,
Iztirobga to’la sog’inchim.

Oyga yetmas qo’lim uzatsam,
Qalbdagi dard unda mujassam.


(c)

[Kavsar]

"Do'stim seni aldashmaydi"
degan bir she'rdan ilhom olib...
(muallifi esimda yo'q, boshqa bir forumda o'qib qolgandim)

Aldashmaydi

Do'stim senga
Yolg'on-yashiq yarashmaydi.
Dono hecham
Nodon bilan talashmaydi.
Har savolga
Javob berish farz emas,
"Bilmadim" de,
Keyin sendan so'rashmaydi.
Oshiq mardi
Xatolarni sanashmaydi,
Junun ahli manzilida adashmaydi.
Kalta qilib sochni
Kavsar yaxshi qilding,
Endi senga
"Havas" ichra qarashmaydi.
Tark aylagin,
Soching kabi sayyorani,
Jahon netsin
Senday g'arib ovvorani?
Yiroq ayla,
O'zdan riyo, anzorani.
Zora nafsing
Tinch qo'ysa sen bechorani...
Yaxshi qilding, Kavsar
Jomni burda aylab,
Xazinaga oshkoralik yarashmaydi.
Borib tavof ayla
Hazrat ostonasin,
Senga hecham
Begona deb qarashmaydi...
Birodaring topib,
Uyin ziyorat et.
Ular seni
Bu dunyoga alishmaydi.
Jahon kuyib
Ketsa hamki, devonalar,
Ikki dunyo
Bir-birini aldashmaydi...

K (c) 2010

[Kavsar]

Sen menga: "yolg'on so'ylama", deding.
Men shu dam haqiqat etagin tutdim.
Va lekin sen, bevafo amaling bilan,
Yolg'onning yuzini ko'rsatib o'tding...

K (c) 2010

[Masud Mahsudov]

Bedorlikda yana bir tun,
Aylanmoqda umrimga.
Yulduzlarga to’la gardun
Joylanmoqda umrimga.
Vaqt imillab qadam tashlar,
Qalb zarbiga hamohang.
Xotirimni etolmay jam
Asab tortilar tarang.
Xayolimdan o’tar bir-bir,
Bosgan so’ngsiz yo’llarim.
Peshonamga yozgan taqdir
Qatordagi o’ylarim...
Ozib-to’zib ketgan imon,
Holi chindanam g’arib
Zulmatlarni kezgan giryon,
Ziyolarni axtarib.
Kurtaklari g’uncha tukkan,
Orzular bot –bot emas
Kechalarga dardin to’kkan
Xasta ko’nglim shod emas.
Yuragimning rangi xazon
fasliga xo’b mosmidi?
Maxzunlikka to’yingan jon,
Mengagina hosmidi?
Yaqin do’stim yo’qotgandek
kuzatgancha kuzimni,
Uzoqlarga termulib tek,
Yoshlayapman ko’zimni.
Alamlarga yo’ldosh umrim,
Shubhalarga yetaklar.
Necha yilki ko’klamimda,
Gullamaydi chechaklar.
Barg yozmaydi daraxtlarim
Tomir otmas savobim.
Ne sababdan baxtim yarim,
Topolmayman javobin.
Tun-chi, so’ngin ko’rsatmayin,
Hayotimga aylanar.
Soniyalar o’tgan sayin,
Ichda nedir qiynalar...

...Ojiz dilim ming tikilib,
Quyosh chiqar tomonga
Yorug’likdan umid qilib,
Chek qo’yadi gumonga.
E, voh, ruhim nurga siyla,
Savoblarga yo’limni.
Ziyolarga hamroh ayla,
G’arq qilmagin ko’nglimni.

(c)

[Pfefferminze]

Sen menga: "yolg'on so'ylama", deding.
Men shu dam haqiqat etagin tutdim.
Va lekin sen, bevafo amaling bilan,
Yolg'onning yuzini ko'rsatib o'tding...

K (c) 2010

Va lekin sen deb judayam alamzada tarzda yozilibdi...

[Masud Mahsudov]

Ne sirlarning makonidirsiz?
Sizda qaysi farishta ko’ngli?
Ibolarga yashiringan qiz,
Ko’zlaringiz bunchalar mungli?

Kuz ta’sirin o’tkazmish yuzga,
Tunni tashlab, o’ting kunduzga,
Shudring tushmish kiprigingizga,
Ko’zlaringiz bunchalar mungli?

Og’ridimi ichingiz nogoh?
Ma’yuslikka burkangan nigoh,
Ne bo’lsayam qilingiz ogoh
Ko’zlaringiz bunchalar mungli?

Chehrangizda garchi tabassum,
Botingiz yig’larmi sim-sim?
Uzoqlarga termulgancha jim,
Ko’zlaringiz bunchalar mungli?

O’rin bormi ozgina arzga?
Malham aylang yuragi darzga,
Qarashingiz beringiz qarzga,
Ko’zlaringiz bunchalar mungli?

Chashmingizning ikki sohili,
Yomg’irlarning bo’lmish doxili.
Anduhingiz nedir oxiri?
Ko’zlaringiz bunchalar mungli?

O’yingizga tushib ketsaydim,
O’zim birla mehr eltsaydim
Jindek quvonch hadya etsaydim.
Ko’zlaringiz bunchalar mungli?

Boqishingiz bu qadar g’amgin,
Ko’zlaringiz bunchalar mungli?


(c)

[Masud Mahsudov]

Yo’q,
Hali ketmading dilimdan o’chib,
Hamon so’ng so’zlaring qalbimni yoqar.
Oylarki huzurdan, oromdan kechib,
Sog’inch tomirimda qon bo’lib oqar.

Yo’q,
Boshqa gullarga boqmadim qiyo,
Garchi tikoningdan topdim ozorlar.
Achchiq istehzong-la etding dilsiyoh,
Hech kimsa menchalik qilmagan zorlar.

Yo’q,
Endi, hislarim-tuyg’ularim ham,
Sening ko’zlaringda bari jo edi.
So’zsiz nigohlarim bo’lib jamuljam,
Ketma, deb yolvorgan iltijo edi.

Yo’q,
Diydor ko’rishmoq.
Umidim – Mahshar,
O’shanda ko’rarman farishta yuzni.
Hech bir taft erita olmasga o’xshar,
Mening yuragimni qoplagan muzni.

Bir marom o’tmoqda fasllar, yillar,
Kunlarni sanashdan judayam toldim.
Ayro tushganida qo’shaloq yo’llar,
Sensiz yashashga ham o’rganib qoldim.

(c)

[asrdosh]

Кушик излаётганлар ушбу почта кутичасига ёзишингиз мумкин: asrdosh@yandex.ru. Ёш композитор ва аранжировкачиларни хамкорлик учун кидирмокдаман.

[Abdulaziz Muhammad]

Mavzudagi shoir shoira do'stlarimning she'rlarini o'qib juda ta'sirlandim. Ulardan ilhomlanib soddaroq bo'lsada she'r yozdim. Shuni ulashsamda mavzuga kichik bo'lsa ham hissamni qo'shsam:

Qismat

Kuni kelib ikki sayyora,
Til topishib, yashay boshladi.
Biri biriga girdi kapalak,
Biri biridan oshin oshadi.

Biri biriga tunida chiroq,
Biri biriga hayotla yo'ldosh,
Biri biridan ketolmas yiroq,
Biri birisiz berolmas bardosh.

Biri birining yukin ko'tarar,
Biri birini qiladi izzat,
Biri birini ko'rar mo'tabar,
Biri biridan ko'radi xizmat.

Sirin aytar biri biriga,
Berkitmaydi ichidagini,
Biri bilar uning siriga
Biri aytar dilidagini.

Kuni kelib ikki sayyora,
Tutash yo'lin yakunin ko'rdi,
Biri biriga aytolmay xayr,
Yolg'izlik g'amining ta'mini so'rdi.

Ey Muhammad, bilgil, bu dunyo,
Kelar ketarlardan ko'plab iborat,
Ba'zi bir narsalar boqiydir go'yo,
Sayyoralar qismati senga ishorat.

Ammo, bilgil, o'chmas hech qachon
Haqning xohishidur - abadul abad!
Ba'zi bir narsalar qolsa ham armon,
Sendanda so'ralar chiroyli toqat.

Sendanda so'ralar insof-diyonat,
Vijdoning poklikning oynasi bo'lsin.
Yaxshilar qatori sen bo'lgin ibrat,
Senmas avval, o'zga, - quvonchga to'lsin.

© Abdulaziz Muhammad 2010

[Nigora Umarova]

Кушик излаётганлар ушбу почта кутичасига ёзишингиз мумкин: asrdosh@yandex.ru. Ёш композитор ва аранжировкачиларни хамкорлик учун кидирмокдаман.

Forumda forumchilarning reklama qilish maqsadida xabar qoldirishlari forum qonun-qoidalariga to'g'ri kelmaydi.

[Kavsar]

Yo’q, Hali ketmading dilimdan o’chib,
Hamon so’ng so’zlaring qalbimni yoqar.
Oylarki huzurdan, oromdan kechib,
Sog’inch tomirimda qon bo’lib oqar.

Ha, mana bu she'r ham yaxshi chiqibdi. Meni ham yaqinlarda yozgan bir she'rim yodimga tushdi. U qadar qalamim charxlanmagan bo'lsa-da... qabul qilasizlar yangi she'rimni.
http://fikr.uz/posts/199.html

Aytgancha, hurmatli forumdoshlar! Fikr.uzga ham kirib turinglar bunday... Qiziq-qiziq mavzular ketmoqda. :)

Nigora opa, uzr men bir marta reklama qildim bu forumda, jarima solmang faqat.. ;)

[Masud Mahsudov]

Yo’q, Hali ketmading dilimdan o’chib,
Hamon so’ng so’zlaring qalbimni yoqar.
Oylarki huzurdan, oromdan kechib,
Sog’inch tomirimda qon bo’lib oqar.

Ha, mana bu she'r ham yaxshi chiqibdi. Meni ham yaqinlarda yozgan bir she'rim yodimga tushdi. U qadar qalamim charxlanmagan bo'lsa-da... qabul qilasizlar yangi she'rimni.
http://fikr.uz/posts/199.html

Aytgancha, hurmatli forumdoshlar! Fikr.uzga ham kirib turinglar bunday... Qiziq-qiziq mavzular ketmoqda. :)

Nigora opa, uzr men bir marta reklama qildim bu forumda, jarima solmang faqat.. ;)

Rahmat...

She'ringizni keltirib, keyin ostiga linkni bersangiz, qoidaga muvofiqroq bo'lardi, singlim

(chunki, biz taraflarda ochilmayapti u link... Hech bo'lmasa, she'ringizni o'qib qolardik :) )

[Kavsar]

Юлдузга

Сен, эй, осмонларга асира юлдуз,
Улкан йўлларимдан йироқ тур йироқ.
Менинг масканларим кечамас – кундуз,
Шуъланг ишвалари қўёлмас тузоқ.

Сенда хира тортиб қолган бу кўзлар,
Қуёшнинг юзларин қаердан кўрсин?
Зоҳирни кўролмай толган бу кўзлар,
Ботиннинг изларин қаердан кўрсин?

Сен, наҳот билмадинг армонлигимни?
Қолди-ку, етолмай, неча ёронлар.
Сен наҳот билмадинг карвонлигимни?
Занжир-ла боғлаган эди сарбонлар.

Сен, эй, шубҳаларга йўрғалаган жон,
Менинг оламимдан йироқсен, йироқ.
Нигоҳим руҳингдан тозадир, инон,
Занг босган юрагинг кўролмас, бироқ.

Сен ҳамон бегона, бошқача йўлинг,
Мен эса кимлигинг билиб кетаман.
Сендан олисдаман, етмайди қўлинг,
Истасам, сочимга илиб кетаман.

Сен, эй, осмонларга асира юлдуз,
Ўтли йўлларимдан йироқ тур, йироқ.
Менинг масканларим кечамас – кундуз,
Шуълалар мен учун қўёлмас тузоқ.

Кавсар, 2010

[Masud Mahsudov]

Tun o’tmoqda,
Bezovtadir ruh,
Halovatning ko’chasi qayda?
Aylamoqda sog’inchli anduh,
Chap ko’ksimni mayda va mayda.
Ko’zlar qizil, dilim sarga’rgan,
Sochlarimda qirovlar mezbon.
Orzularim rangi o’zgargan,
Umidim-chi uch kunlik mehmon.
Hayqiraman; bo’g’iq ovozim,
Tomog’imga nedir tiqilar.
Muvozanat bilmas tarozim,
Qalbim uyi nurab yiqilar.
Shafqati yo’q fursat choh qazir
Huzur bilmay qolgan jonimga.
Hislar aqlim olishgan asir,
Yurak tashna bo’lar qonimga.
Rutubatga g’arq bo’lgan kecha,
Guvohidir bedorligimning.
Ziyotalab ko’nglimda ko’cha,
Kutmoqdadir qadamin kimning?

... Mana shunday g’alat kayfiyat,
Uzoqlarga termulaman jim
Nurli tongni etgancha niyat.
...Tun o’tmoqda,
Bezovta ruhim...

(c)

[Masud Mahsudov]

Meni holi qo’ying,
tinchimni buzmang,
Dardsiz hamsuhbatga ehtiyojim yo’q.
Shundoq ham yarador yuragim ezmang,
Sizni tinglamoqqa hech ilojim yo’q.

Bandman:
Hislar aqlim bilan tortishayapti;
Doim bir-biridan ular norozi.
Yolg’iz qolmoqligim istagan payti,
Mening tuyg’uimga kerakmas qozi.

Uzr,
Halovatni istayman shu on,
Ko’ngil sahrosiga bolib surgunlar.
U damda huzurni xohlar ekan jon,
Kiprigim qoqmasdan o’tadi tunlar.

Ma’zur tuting,
Endi keting yonimdan,
Xayolimni yig’ib, o’zni tinglayin.
Istehzo aralash boqmangiz zimdan,
Va so’ng hayronlikdan tikmangiz ko’zni.

Meni holi qo’ying, buzmang tinchimni,
Baribir bilmaysiz dil sog’inchimni...

(c)

[Masud Mahsudov]

Toshqin suvga o’xshaydi hayot –
Tez oqadi, fursat yeladi.
Oxirlaydi ichimda sabot,
Sizni juda ko’rgim keladi.

Varaqlayman umrim varog’in,
Qanday yoqay umid chirog’in?
Javobi yo’q qalbim so’rog’in –
Sizni juda ko’rgim keladi.

Masofada bilinar qadr,
Diydor – qiyos topmas tuhfadir.
Boshqalarni emas, negadir.
Sizni juda ko’rgim keladi.

Zulmatlardan bo’lganda bezor,
Subhidamni kutib intizor,
Kechalarim o’tganda bedor,
Sizni juda ko’rgim keladi.

Yolg’izlikdan huvillar xonam,
Qachon yetar falakka nolam.
Rozidirman, aytmangiz kalom –
Sizni juda ko’rgim keladi.

Sog’inchlarim shashqator daryo,
Sassizlikka singigan faryod,
Sig’mas bo’lsa ko’nglimga dunyo
Sizni juda ko’rgim keladi.

Sanang meni, mayli begona,
Atang “darvesh”, nomlang “devona”,
Ko’zlarimda siymo yagona –
Sizni juda ko’rgim keladi.

Holingizni so’rgim keladi,
Sizni juda ko’rgim keladi...

(c)

[Masud Mahsudov]

Tunim o’tar bedor va yolg’iz,
Tashqari qor -
Ichimda otash.
Sabrim ashkdan yaralgan dengiz,
Tugamasga o’xshaydi bardosh.

Tunim o’tar sokin, ohista,
Olislaydi tushlar-uyqular.
Yuragimni kezadi asta
Ta’riflarga ojiz tuyg’ular.

Tunim o’tar.
Sog’inch, intiqish,
Ezg’ilaydi mushtdek jonimni.
Buncha uzoq choz’iladi qish
To’rga solib qalb tug’yonimni?

Tunim o’tar;
Hadik, g’ulg’ula,
Mehmon bo’lib kelar uyimga
So’ngra “umid” atalgan shu’la,
Dalda berar ojiz ko’nglimga

Tunim o’tar,
Mudramoqqa ko’z
Jazm qilmay kutar baxtimni.
Bisotimda qolmasa ham so’z,
Haq qo’lida tutar baxtimni.

Tunim o’tar – iqbolim g’arib,
Zulmatlardan ziyo axtarib...

(c)

[Masud Mahsudov]

Dunyo g’alat, jumbog’i bisyor,
Mayligami, bir savol so’rsam?
Berasizmi menga ixtiyor
Qalbingizga sir bo’lib kirsam?

Umr bo’yi bo’lay bahori,
Ham hamrohi, chin do’stu yori,
Qarshimasmi ko’nglingiz tori,
Qalbingizga sir bo’lib kirsam?

Na rad va na bahona toping,
Yolg’on ersa, zabonim chopping.
Chiqarmangiz,
Eshigin yoping,
Qalbingizga sir bo’lib kirsam.

Vujudimda uyg’ongan havas
Aylanmasin armonga abas.
Boshqa narsa istamayman, bas
Qalbingizga sir bo’lib kirsam.

Quvonchlarim bilmas nihoya,
Duolarim ketmaydi zoe,
Bir so’z aytmang;
menga kifoya,
Qalbingizga sir bo’lib kirsam...

(c)

[Masud Mahsudov]

Юрак нотинч,
Юрак беҳузур,
Ниманидир излайди тундан.
Ичларимда қафасин бузиб,
Қўзғолонни бошлайди чиндан.

Юрак интиқ,
Юрак хокисор,
Ногоҳ учган юлдуз илинжим.
Танам жонга келмоқдадир тор,
Осмонларга термуламан жим.

Юрак ҳайрон,
Юрак хайратда,
Ўз ҳолини тушунмас, ажаб,
Қонга тўлган мунгли сийратда,
Ўртанмоқда меҳрни қўмсаб.

Юрак бедор,
Юрак хавотир,
Кўз тикади ишққа, зиёга.
Исёнлари оламга татир,
Интилади тонгга, сабога.

Юрак бежо,
Юрак ташвишда,
Дам уради, дам турур тўхтаб.
Шаксиз қалбим бундай кетишда,
Сўлиб қолар гулларга ўхшаб.

Юрак носоз,
Юрак безовта,
Минг азобга юзин тутмоқда.
Ташбеҳ айтиб қайта ва қайта,
Сукунатни балки кутмоқда.

Юрак бебош,
Юрак ақлнинг
Буйруғини писанд қилмайди...

(c) 2010

[Masud Mahsudov]

G’amboda ko‘nglimda dardim qatma-qat
Rutubat in qurgan tunlarda ungan.
Toshsifat yuragim ayni shu fursat,
Mehribon onamni juda sog’ingan.

Kim ona yonida - hamisha bayram,
Kimki uzoq ersa, xayoli hardam.
Har bitta tomirim, har bir xujayram,
Onaizorimni juda sog'ingan.

Tumanli o'lkada ko'z ostim tuman,
Tomoqqa nimadir kelar; yutaman,
Tanam-da, ruhim-da, telbalarsimon,
Nuri diydamni xo'b, juda sog'ingan...

Zohirim kulsa ham, botinim xomush,
Tashqi olamlarni etdim faromush.
Mehrga tashna shu ko’ksimdagi musht,
Mushtiparginamni juda sog’ingan.

Intiqib, Yaldodek o’tar har kecha,
Ko’rmasam yorishmas qalbimda ko’cha.
Sochimning uchidan tirnog’imgacha,
Muhtaram insonim juda sog’ingan...

Sog’inib, meniyam o’ylar volidam,
Bilmam, qachon xabar olgum holidan,
Dilim olis bo’lib jonajonidan,
Mehribon onamni juda sog’ingan.

(c)

[Kahramon Jalilov]

Salom Masud, ishlaymizmi... Umuman olganda shu yerda maslahatlashsak ham bo'ladi menimcha, variantlani qilib, bir fantaziya, ideya berib yuborishsa hammasi zo'r bo'ladi menimcha nima dediz????

[Masud Mahsudov]

Endi xayolingdan o’chir yodimni,
Chiziq tort ismimga dil daftaringda.
Endi uchratarsan, bilmadim, kimni,
Ginalar qolmasin yurak qa’ringda.

Endi ko’z tikmassan yo’lga intizor,
Tunlari bedorlik butkul senga yot.
Na senda afsus-u,
Na menda bor zor,
Axir peshonadir,
Bu axir hayot.

Endi yurak siniq, orzu chilparchin,
Armon ulg’ayadi har kun bir yilga.
Maqsadlar ezgulik ersa-da, garchi,
Ayro yo’llar bizni eltar manzilga.

Endi xohlaganing kabi yashaver,
Yayra, sevinchingdan yasab guldasta.
Hadlardan bilibmi, bilmay oshaver,
Ko’ngling xohishiga bo’lib payvasta...

Endi hamma narsa o’zgaradi - rost
Hislar-u,
Ko’zlar-u,
Tuyg’ular boshqa,
Faqat... xotiralar qoladi xolos,
Quvonch o’zgaradi, qayg’ular boshqa...

Endi,
ketaman...

(с)

[Nigora Umarova]

Salom Masud, ishlaymizmi... Umuman olganda shu yerda maslahatlashsak ham bo'ladi menimcha, variantlani qilib, bir fantaziya, ideya berib yuborishsa hammasi zo'r bo'ladi menimcha nima dediz????

Qilgan ishlaringizni ko'rdim. Ofarin. Ajoyib dizayn chiqibdi.

[Colorado]

Томоғимни этдим шай,
Айтгим келмоқда қўшиқ
Авжига кучни бермай,
Фақат юракни қўшиб,
Оҳангга тўлди кўксим,
Оҳим йиртди қафасни
Юракни шундай қўшиб,
Куйлаб ўтсам бўлмасми...
Усмон Азимнинг бу шеъри тулик кайси ресурсда топиш мумкин?

[Gulchehra Ibragimova]

Сиз ўшасиз
Севганингиз майли мендан ортиқ бўлсин
Бегим, Сизга мингта жоним тортиқ бўлсин.
Сиз бор ерда хатар йўли ёпиқ бўлсин,
Ҳаёлимни обод қилган бир гўшасиз,
Мен излаган дилозорим Сиз “ўша” сиз.

Йўллар қараб баъзан бошим хам бўлади,
Соғинчлардан қаро кўзлар нам бўлади,
Хотирамда битта фикр жам бўлади,
Умр бўйи мен етмаган бир гўшасиз –
Кўнглим мулки, ишонганим Сиз “ўша” сиз.

Сиз ўшасиз - юрагимда чақмоқ чаққан,
Сиз ўшасиз – дилга ишқдан олов ёққан.
Не учундир ортдан баъзан маюс боққан,
Кўнглингиз очолмайин гоҳ жўшасиз –
Мени суйган мен суярим Сиз “ўша” сиз.

Азоб берар сизнинг ҳижрон камонингиз.
Майли бўлай ишқда сизнинг ёмонингиз,
Ҳажрингизда бўлдим ранги сомонингиз,
Орзуларим султонисиз, сиз ўшасиз –
Сиз ўшасиз, сиз ўшасиз, Сиз “ЎША” сиз!

[Gulchehra Ibragimova]

Дарёлар ортга қайтмас
Энди сенинг номингга шеърлар битмоқлик нечун?
Бир шуурсиз юлдуздан мадад кутмоқлик нечун?
Сўнаётган гулханнинг кулин титмоқлик нечун?
Сенсиз забун ҳолимни англагувчи комрон бўл...

Ўтли байтлар битсинлар энди менмас, ўзгалар.
Гуллар тўшаб йўлингга муштоқ кутсин ўзгалар,
Гулчеҳрангни мавҳ этиб шодон ўтсин ўзгалар,
Нажотинг кутмагайман, отилгувчи пайкон бўл...

Соғинчларинг қалбимга тиғдек ботса - ботар-да,
Кимдир маломат ўқин яна отса-отар-да?!.
Ишқ гулини бевафо хиёнатга сотар-да,
Нодони кўп дунёни поклагувчи уммон бўл...

Дарёлар ортга қайтмас, қайтар йўллар беркилган,
Бирга кечган умрга ҳажрдан чўғ тўкилган.
Энди вафо бобида ишқнинг қадди эгилган,
Кимсасиз орзуларни қўллагувчи раҳмон бўл...

[Gulchehra Ibragimova]

Келмадингиз
Келмадингиз, кундузим қаро бўлди,
Васлингиз истагида бир кўнгил яро бўлди.
Шубҳалар панжасида умидим адо бўлди,
Келмадингиз, сиз нечун?

Келмадингиз, мағрур юрак тиз чўкди.
Чақмоқ бўлиб сўзларим ишқнинг чокини сўкди,
Музлар ёғди, нажот йўқ, чўлпон кўзлар дур тўкди,
Келмадингиз, сиз нечун?

Келмадингиз, қуёшим ботди қайга,
Дардларимни топширдим ҳазин навога, найга,
Кўнглимни тошга урдим қарамайин “ҳай-ҳай”га,
Билмадингиз сиз нечун?!.

[Gulchehra Ibragimova]

Мен кетсам (га…)
(... “Мен ўлсам шунчаки ўлмасман” шеъридан)
Мен кетсам шунчаки кетмайман,
Ҳувуллаб қолади бу дунёнг.
Хаёлинг, ўйингдан кетмайман,
Сен учун отмайди гўё тонг...

Зарра тенг келарми тоғларга?
Сен билан олишмоқ менга ҳайф!.
Куним ҳеч қолмасин зоғларга -
Чақмоқдан осмонга қандай наф?!.

Ваъда ҳам қилмайман сен учун -
Ҳаловат, хотиржам яшашни,
Ё менсиз кенг қолган дунёнгда -
Сен менсиз насиба ошашни.

Мен кетсам қоларку, илдизим,
Осмонда энг ёруғ юлдузим.
Қоларку, жуфт ўғлим ва қизим
Отамдан қолганим - “ШЕР” изим.

Кетсам ҳам кетаман мард бўлиб,
Кўксингни куйдирар дард бўлиб.
Қолмасман сен каби гард бўлиб,
Кетаман бир ёвқур аҳд бўлиб...

Кетишим – оловли, ҳисобли,
Қайтсам ҳам денгиздек қайтаман...
Сўзим ҳам, шаҳдим ҳам шитобли,
Хулоса – сўнг сўзни айтаман: -
ГАР КЕТСАМ КЕТМАЙМАН, ШУНЧАКИ…

[Masud Mahsudov]

Hayot – sinovlardan iborat muddat,
Yillar – yoshimizni o’lchovchi mezon.
Afsus – tavbalarga tayangan fursat.
Shukr – talvasaga eng yaxshi qalqon.

Idrok – yo’l-so’qmoqni yoritguvchi sham,
Hislar – zulmat aro yumilgan ko’zlar.
Duo – aziyatni olguvchi malham,
Qarg’ish – alamzada aytilgan so’zlar.

Sevgi – qalb toriga uyg’un bir maqom,
Nafrat – parchalangan ko’ngil shishasi.
Mehr – inson hecham to’ymagan taom,
Qadr – har yurakning ustki parchasi.

Vido – umididan ajralgan qayg’u,
Diydor – asrlarga tatuvchi tug’yon.
Xijron – yiroqdagi yaqin his-tuyg’u,
Sog’inch – dil tubida ajib g’alayon.

Hayot – sog’inchlardan iborat tuhfa...


(с)

[Sirim]

Ma’sudjon, kitob nima bo’ldi? Kutayapmiz, men bir yo’la jamlab o’qiyman deb, she’rlaringizni o’qimay qo’ydim.

[Masud Mahsudov]

Endi xayolingdan o’chir yodimni,
Chiziq tort ismimga dil daftaringda.
Endi uchratarsan, bilmadim, kimni,
Ginalar qolmasin yurak qa’ringda.

Endi ko’z tikmassan yo’lga intizor,
Tunlari bedorlik butkul senga yot.
Na senda afsus-u,
Na menda bor zor,
Axir peshonadir,
Bu axir hayot.

Endi yurak siniq, orzu chilparchin,
Armon ulg’ayadi har kun bir yilga.
Maqsadlar ezgulik ersa-da, garchi,
Ayro yo’llar bizni eltar manzilga.

Endi xohlaganing kabi yashaver,
Yayra, sevinchingdan yasab guldasta.
Hadlardan bilibmi, bilmay oshaver,
Ko’ngling xohishiga bo’lib payvasta...

Endi hamma narsa o’zgaradi - rost
Hislar-u,
Ko’zlar-u,
Tuyg’ular boshqa,
Faqat... xotiralar qoladi xolos,
Quvonch o’zgaradi, qayg’ular boshqa...

Endi,
ketaman...

(с)

[Gulchehra Ibragimova]

ХИЖРОН КУНИ

Сизни кутиб тoлгaн кўзлaрим aйтсин,
Сoғиниб сaрғaйгaн юзлaрим aйтсин.
Ёстиқлaр гувoҳкoр бўзлaрим aйтсин,
Ҳижрoннинг кунлaри oсoн бўптими?!


Бу қaлбдaн нe ўтди, ўзим билaмaн,
Кeлмaсaнгиз кeлмaнг, нe ҳaм қилaмaн.
Ғурурим бундaн-дa кўккa илaмaн

Ҳижрoннинг кунлари oсoн бўптими?

Билaсиз, бўйнимни эгиб бoрмaсмaн,
Эгилгaн бoшни-дa, oсгaн дoрмaсмaн.
Сeвсaнгиз кeлaрсиз, йўқсa зoрмaсмaн
Ҳижрoннинг кунлaри oсoн бўптими?


Aрaзу гинaлaр энди ярaшмaс,
Сиз тoпгaн гўзaллaр мeндeк қaрaшмaс.
Муҳaббaт пирлaри бизни қaрғaшмaс,
Бу ҳижрoн кунлaри oсoн бўптими?

Рaшк илa aлaмли пaйкoн йўллaмaнг,
Сoғиндим, юкимни oсoн ўйлaмaнг.
Интиққaн бу қaлбгa ишқсиз йўлaмaнг,
Бу ҳижрoн кунлaри oсoн бўптими?


Кeлaрсиз, Тoш шaҳри oсмoн бўптими,
Фирoқлaр сизнинг ҳaм жoндaн ўтдими?
Кўксимни ёндиргaн ишқнинг ўтими-
Ул ҳижрoн тунлaри oсoн бўптими?

“Ҳижронли кечалар жондан ўтдими?!”

(С)

[Gulchehra Ibragimova]

Фарзандимга

Эй менинг беғубор асалим, қандим,
Бу ёруғ жаҳонда топинган бахтим.
Бунчаям ширинсан, жонимга бандим,
Ҳам эрка қўзимсан, севинчим, тантим!

Нон каби азизсан, шунчалар суюк,
Истагим – Инсон бўл дунёда буюк.
Мард бўлу, ҳамиша мардона яша,
Онангнинг кўксида бўлмасин куюк.

Оримсан, боримсан, ҳам борлиғимсан,
Оналик шаънимга сен ёрлиғимсан.
Умрим давомчиси насабим наслим,
Сен бирла ёдланур мендан сўнг аслим.

Сен кўрар кўзларим, ғурурим, шаҳдим,
Сен бирла қолгуси бу ғариб тахтим.
Покиза гулшанда ўстирган гулим –
Садқа бўлсин сенга бу жону дилим!
(с)

[Gulchehra Ibragimova]

Сен сaбрнинг қизисaн

Кетсa-кетaр бир бeвaфo,
Нeчун бўзлaйсaн юрaк,
Сeн ютгувчи, кўникувчи,
Сoдиқ қoлaр эски ғaм.
Ул мўлтoни сoҳирлaргa
Алдaнмa дил бoғлaнмa,
Сeн сaбрнинг чин қизисaн -
Бaxтгa ўгaй бўлсaнг ҳaм.

Чидa энди қилич ғaмлaр
Қaлбинг пoрa этсa-дa,
Фирибгaр тун aллa aйтиб,
Армoнлaринг уxлaтсин.
Нaфс бaндaси oч бўрилaр
Луқминг мaкруҳ этсa-дa,
Сeнинг мaъюс нигoҳлaринг
Фaқaт пoклик чулғaтсин.
Сeн сaбрнинг чин қизисaн -
Бaxтгa ўгaй бўлсaнг ҳaм.

Ўшa мaғрур бoшгинaнггa
Бaрдoш бўлсин тиллa қoш.
Aндуҳ илa ул бeвaфo
Юзин ювиб aччиқ ёш -
Кeчир мeни қуёшим дeб,
Дил тaфтингдaн эгaр бoш.
Сeн сaбрнинг чин қизисaн -
Бaxтгa ўгaй бўлсaнг ҳaм...

(с)

[Colorado]

Ма’судён, китоб нима бо’лди? Кутаяпмиз...
Чоп этилган китобни кулимда ушлаб курдим, турт нафар ошхурлар гувох. Насиб этса бир экземпляри меники булади.Маъсуд реалда хам ажойиб йигит экан кизларни кузи каерда узи мумтоз куйлар учун каттакон рахмат

[Gulchehra Ibragimova]

Мардинг қани




Тош отдилар ортимдан хўп, қарамадим,
Ўзни оқлаб, шод юрмоққа ярамадим.
Умидларим йўлдош бўлди, қаримадим,
Шу кунни ҳам менга ортиқ кўрганлар бор...

Умрим бўйи ғийбатларга қул бўлмадим,
Номардларнинг иғвосидан ё ўлмадим.
Оташ бўлдим, яшаш учун бир сўнмадим,
Шу кунни ҳам менга ортиқ кўрганлар бор...

Мен ўзимни иғволардан устун қўйдим,
Ғанимларнинг нақ бўғзидан тутун кўрдим.
Келажакда толеъимни бутун кўрдим –
Шу кунни ҳам менга ортиқ кўрганлар бор...

Асл гавҳар йўқотмайди шуъласини,
Жавоҳирлар ичра буюк унинг шаъни.
Айтаверсам тугамайди дардим мани,
Гулчеҳрангни қўллагувчи мардинг қани?!

[Gulchehra Ibragimova]

Йигитларга
Кўринмайди бургутдайин шижоатларинг,
Қайга кетди эрларга хос матонатларинг?
Бунча танқис аёлингга муҳаббатларинг-
Йигит, сенинг азиз бошинг нечун эгилган?

Алпомишдек жасурларинг кучи билакда.
Широқдайин ботирларинг руҳи тилакда.
Торобийдек ёвқурларинг қони юракда,
Йигит, сенинг азиз бошинг эгилмасин ҳеч!

Ўзбек деган бахтли элнинг салтанати-бу,
«Ўзбекистон келажаги буюк давлат» бу.
Эли учун ёниб яшаш улуғ даъват бу,
Йигит, сенинг азиз бошинг нечун эгилган?

Ватанимиз Каъбадайин азиз саждагоҳ,
Темур, Бобур, Улуғбекка муқаддас даргоҳ.
Халқинг учун зарра хавфдан доим бўл огоҳ,
Йигит, сенинг азиз бошинг нечун эгилган?

Бу Ватанга муҳаббатли эрлар керакдур.
Ҳайбатидан тоғ кўчгувчи шерлар керакдур,
Ҳамиятли, ақлли комил пирлар керакдур.
Йигит, сенинг азиз бошинг эгилмасин ҳеч?!

[Masud Mahsudov]

Сeнинг фаслинг кeлди
Дeрзангдан боқ,
Кўнглингдeк оқ гулга ўралган олам.
Мeн уни сeндан ҳам кутгандим кўпроқ,
Балки Яратганга етибди нолам.

Сeнинг фаслинг кeлди,
Қара, табиат
Бeзанмиш кeлинчак мисоли гўзал.
Аллоҳга шукр-ла, қиламан ният:
Бахтинг кўклам мисол гулласин тугал.

Сeнинг фаслинг кeлди.
Диллар шод-хуррам,
Истаранг мисоли исимоқда кун.
Бойчeчак гулининг юзларида нам -
Қор остида қолиб, бўлганди забун.

Сeнинг фаслинг кeлди;
Мусаффо, нафис.
Тонгги ҳаволардан ютаман қониб.
Қалбимнинг тубида йил бўйи ётган,
Энг нозик туйғулар чиқар ийманиб.

Сeнинг фаслинг кeлди.
Орзу-ҳаваслар
Энди азиз бошинг узра бўлар тож.
Имкони бўлса гар, топиб бир илож,
Шу баҳор баҳона юрагингни оч.

Нeга жимсан?

(c)

[Gulchehra Ibragimova]

Отамга
Етти жон фарзандга бўлдингиз тиргак,
Хатардан зир сақлаб юрдингиз сергак,
"Камол топ!" доимо шу бўлди тилак -
Биз нима беролдик ташвишдан бўлак?

Ғаниматим, қадрингизга етмадик гоҳ,
Кўприк бўлолдингиз кўринганда чоҳ.
Аламлар зарбидан кўнглингизда доғ -
Биз нима беролдик ғамлардан бўлак?

Болам деб ёндингиз хоҳи эрта, кеч
Заррадек нафимиз етмасада ҳеч,
Миннат билмадингиз, қилмадингиз пеш -
Оҳ, нима кўрсатдик биз ғамдан бўлак?

Буюк неъмат, қаддингизни букиб қўйдик,
Гумроҳликми, қадрингизни тўкиб қўйдик,
Ғам-ташвишдан қалб чокини сўкиб қўйдик,
Не кўргилик, беролмасак дарддан бўлак?!

Уйли-жойли қилмоқ асли фарзим дейсиз,
Уйлантириш, суннат тўйи қарзим дейсиз,
Фарзанд бурчин унутдикми, эҳтимол биз -
Ота, нима бераолдик дарддан бўлак?!

Хастасизу, айтолмайсиз юзимизга,
"Бедардмикан", тикиласиз кўзимизга,
Омад тилаб ҳар бир босган изимизга,
Биз-чи, Сизга беролмадик ғамдан бўлак.

Фарзанд учун заҳру-заққум ичолганим,
Жон сўраса ҳатто жондан кечолганим,
Дил меҳридан бахту-тахтим бичолганим
Не келтирдик асли Сизга дарддан бўлак?

Ғаниматим бу дунёда топган бахтим,
Аллоҳ ато этган илоҳий неъматим,
Бор давлатим, Арш-аълодай буюк тахтим,
Жонингизга руҳи-жоним этай такдим.
ЖОНИМ ОТАМ, НЕ БЕРОЛДИК ҒАМДАН БЎЛАК?!..
(Гулчеҳра)

[Gulchehra Ibragimova]

А Р А З

Сенсиз гулдек сўлиб қолсам ҳам,
Ё соғинчдан ўлиб қолсам ҳам,
Девонадек бўлиб қолсам ҳам,
МАРХАМАТГА КЕЛМАЙМАН, ЭНДИ.

Ёлғонларинг куйдирди мани,
Ишқинг жондан тўйдирди мани,
Билмам ниманг суйдирди, мани,
МАРХАМАТГА КЕЛМАЙМАН, ЭНДИ.


Майли ишқим эл билса, билсин,
Мағрур бошим дорларга илсин,
Энди менмас, Мархамат келсин,
Бу ерларга келмайман энди,
Мархаматни билмайман, энди!!!1

1(Марҳамат-Андижон вилоятидаги туман)


(с)

[Bekmirzo]

* * * * *

Ne g`urbatlarni chektim charx bebunyod dastingdin,
Mudom motamda qoldim, bo`lmadim dilshod dastingdin,
Tamomi xonumonim bo`ldi chun barbod dastingdin,
Qafasdin bo`lmadimki qumridek ozod dastingdin,
Hama obod bol`di, bolmadim obod dastingdin
Ki men har qayga borsam, dod etarman, dod dastingdin.

Dilimning quvvati, ruhi ravonimdin ayirdilar,
Ko`zimning oqi yanglig` mehribonimdin ayirdilar,
Azizim, hamdamim, oromijonimdin ayirdilar,
Jahon gulzorida ul gulistonimdin ayirdilar,
Hama obod bol`di, bolmadim obod dastingdin
Ki men har qayga borsam, dod etarman, dod dastingdin.

Chamanda bulbuli sho`ridadurman, oshyonim yo`q,
Misoli chug`zdek vayronalarda ham makonim yo`q,
Vafolig yor deb chiqti, jasadda balki jonim yo`q,
Azizimdin judo bo`ldum, boshimda soyabonim yo`q,
Hama obod bol`di, bolmadim obod dastingdin
Ki men har qayga borsam, dod etarman, dod dastingdin.

Meningdek g`amga qolgan, dilparishon o`lmasun hech kim,
Ko`zi chun termulub yo`llarda vayron o`lmasun hech kim,
Bahori gulshani umri zimiston o`lmasun hech kim,
Bu dunyo diydasig`a torikiston o`lmasin hech kim,
Hama obod bol`di, bolmadim obod dastingdin
Ki men har qayga borsam, dod etarman, dod dastingdin.

Umidim bor, etkurgaymusan xurshidi matlabni,
Saodat burjidin ul sha'mi iqbolimg`a kavkabni,
Ko`targaysan boshimdin ikki olamda qaro shabni,
Iloho, sen etur himmat yo`lig`a xasta Mashrabni,
Hama obod bol`di, bolmadim obod dastingdin
Ki men har qayga borsam, dod etarman, dod dastingdin.

Mashrab

[Gulchehra Ibragimova]

МАЙЛИ

Майли, мени атасинлар ношуд ва мағлуб,
Бу майдондан чекингумдир, бошка илож йўқ
Майли, Сизни атасинлар, баҳодир, ғолиб.
Ёрлиғингиз—Сиз айёрсиз, менда бу тож йўқ.

Бу майдонни тарк этайин, Сизга қолсин кенг.
"Хислатингиз"—хўп разилсиз, келолмасман тенг.
Мен кетгумдир осмонларга, сўнг тупроқ бўлгим,
Қузғун мисол яшайсиз сиз, умри узун энг.

Бургут бўлиб чўққилардан боқаман мағрур,
Сиз чириган қобиқларга кўникиб масрур—
Ўтажаксиз, мени эса аташур "Ёвқур!"
Майли, менинг жоним олсин ул танқис ғурур!!
(с)

[Gulchehra Ibragimova]

Сўз зарби

Энди мендан мурувват кутма,
Сўзлар совуқ ўққа айланган.
Кўзларимга боқма, ёнасан —
Аламлардан чўққа айланган...

Мени сўзлар билан отдилар,
Мени кўзлар билан отдилар!
Менга қумдан уй солиб бериб —
Яна кимдир мурувват тилар?!.

Суйган фаслим — ҳазонли бир куз,
Эй дилозор келма юзма-юз.
Мен қўрқаман отиб қўйишдан
Қуролим ҳам шу биргина сўз...
Сен.. сўзимнинг қурбони бўлма...


Ўтинч

Совуқ дунё мени совутдинг,
Дардинг билан алдаб, овутдинг.
Пешонамга фақат ғам битдинг,
"Яхши кунни боламга бергин...

Хижронлардан дилим ўртанур,
Ташвишларга кўз ҳам ўрганур,
Тилак тилаб юрагим ёнур —
Нурли кунни боламга бергин...

Менга раво кўрмаган бахтни
Қўл етмаган улуғ неъматни,
Ўта танқис ул муҳаббатни —
Ўша ширин, суюкли бахтни -
Мендан аяб боламга бергин...
(с)

[Gulchehra Ibragimova]

ЭНДИ МЕНИНГ ОНАЖОНИМ ЙЎҚ!..

“кўзим чиқсун сени кўргунча бундоқ...”

Осмон ҳам елкамга юкин ташлади,
Айрилиқ азоби кўзим ёшлади
Синглимнинг ноласи кўнглим ғашлади
ЭНДИ МЕНИНИНГ ОНАМ.. ОНАЖОНИМ ЙЎҚ!..

Кутмаган бу зарбдан тошдайин қотдим,
Наҳотки билмайин ғафлатга ботдим
Наҳот меҳрибоним буткул йўқотдим-
НАҲОТ ЭНДИ ОНАМ. .ОНАЖОНИМ ЙЎҚ!..

Наҳотки ой ботиб, қуёш ҳам сўнса,
Наҳотки бу ғамга юраклар кўнса
Наҳот онам кўзин тупроқлар кўмса
ЭНДИ МАНИ ОНАМ. ОНАЖОНИМ ЙЎҚ!..

Онасиз бу дунё бунчалар ғариб,
Кундан кун ранг-рўйим кетар сарғайиб
Дардим ҳам, ғамим ҳам кетмайди ариб
ЭНДИ МАНИ СУЙГАН ОНАЖОНИМ ЙЎҚ.

Эркаловчим, сочларимни силагувчим
Ўзи хаста менга умр тилагувчим
Меҳрларнинг риштасини улагувчим
НАҲОТ ЭНДИ ОНАМ. .ОНАЖОНИМ ЙЎҚ!..

Дунё майли менинг кўзларимни ўй,
Ҳар қанча азобки, бошгинамга қўй
Ол мени жонимни, хуним билан тўй
НАҲОТ ЭНДИ ОНАМ. .ОНАЖОНИМ ЙЎҚ!..
ҒАНИМАТИМ. ДАВЛАТИМ ҒАМГУЗОРИМ ЙЎҚ..
2010 йил 16 март

[Gulchehra Ibragimova]

Мeн oнaмни сoғингaнмaн
Рaҳбaрдaн руҳсaт oлишнинг янгичa услуби...(....га)

Сoғинчлaргa тўлиб кетди кўнглим лим-лим,
Ишлaрим кўп бaжaришгa бoрмaс қўлим,
Ушбу кундa нeлaрдaндир кўзим ёшлиқ-
Мeн oнaмни сoғингaнмaн ўртoқ Бoшлиқ?!

Сaвлaтингиз oлдидa-ку, тилим лoлдир
Бoшқa пaйти бийрoндурмaн, сўзим бoлдур.
Ўйлaгaйсиз бу қaнaқa ўзи “дoвдир”,
Руҳсaт бeринг бoриб кeлaй, бeҳaвoтир?!

Интилмaсмaн сизгa бир зум ёқиш учун,
Қурбим етмaс кўзингизгa бoқиш учун,
Билaсизку, имкoниятим сизгa бoғлиқ -
Oнaжoним кўриб кeлaй, ўртoқ Бoшлиқ.

Тушунмaйсиз, дeсaм, бaлки xaтo бўлaр,
Бу кетишдa нoзик дилим aдo бўлaр.
Рoзимaн сўнг нимa бўлсa, мaйли бўлaр,
Oнaм учун мингтa жoним фидo бўлaр.

Ишoнaмaн шeърим тўғри aнглaгайсиз,
“Буни ўқи” дeб бoшқaгa aйтмaгaйсиз.
Унутaсиз гoҳo мeнинг aёллигим -
Сoғинчдaндир axир ҳaрдaм xaёллигим.

Ҳaммa нaрсa ўткинчидир ўтиб кетaр,
Билмaйсиз-ку, эртa бизни нeлaр кутaр,
Бир Oнaмни, Жиззaxимни кўриб кeлсaм -
Тo тoнггaчa ишлaмoққa қурбим етaр.

Йўлингиздa бaлки мингтa зoрлaр бoрдир,
Қaй бир бaxтли дилдoр бaлки Сизгa ёрдир,
Мeнинг эсa юрaгимдa биттa oрдир -
Мeн oнaмни сoғингaндa дунё тoрдир.

Бир шeър билaн кўнглингизни oлoлсaм гaр,
Қaлбингизгa зaррa мeҳр сoлoлсaм гaр,
Тўрт oйдир-ки, xижрoнлaрдaн дилим дoғлиқ -
Мeн oнaмни кўриб кeлaй, ўртoқ Бoшлиқ?!

Сиз бoшлиқсиз, ҳaр бир гaпни aйтиб бўлмaс,
Aйтгaндaн сўнг oрқaгa ҳaм қaйтиб бўлмaс,
Тaн бeрaмaн, тaнти, мaрдсиз, ишбилaрмoн
Хўп дeсaнгиз бoриб кeлaй сoғу-oмoн.

Сиз рaҳбaрсиз, сизнинг муҳим ишингиз кўп,
Aризa-ю, шикoятнинг тaxи тўп-тўп…
Сўрaй дeсaм сaлoбaт бoр, қoвoқ сoлиқ -
Жиззaxингни кўриб кeл, дeнг ўртoқ Бoшлиқ?!

..мен онамни соғинганман*

**гоҳида арзимаган нарсаларга ўралашиб қолиб, дунёда энг яқин инсонларингни бой бериб қўйганингни, уларининг ғанимат эканлигини унутиб қўяркансан..

[Alisher Asror]

Men seni bilaman…

Yurakni kuydirgan, kuldirgan ham sen,
Sog`inch azobini bildirgan ham sen,
Tiz cho`kib, yig`latib – o`ldirgan ham sen…
Men seni bilaman…

Farhodni tog`larda kezdirgan o`zing,
Majnunni dunyodan bezdirgan o`zing,
Menga qarab turgan jiqqa yosh ko`zing…
Men seni bilaman…

Oysan – quyoshini tinmay izlagan,
Faqat ruhsorini, vaslin ko`zlagan,
So`ngra… bolasiga ertak so`zlagan.
Men seni bilaman…

Qizargan chehralar – lola yanoqlar,
Qo`rquvdan ter bosgan qo`lda titroqlar,
Eng ma`sum, eng go`zal, eng hushnud chog`lar,
Men seni bilaman…

O`tinaman sendan yuragimda qol,
Tanamni yondirda, mayli jonim ol,
Hayratdan loyimni ushlashsin. Kulol:
“Men seni bilaman…”

Alisher Asror

[Alisher Asror]

Muzliklarni ko`rgan chechaklar,
Ko`k toqida bo`lgan pechaklar,
Faqat Sizsiz menga ertaklar...
Bir kun ko`rib qolarmiz Sizni...

Tog`-tog`larni quchdi ko`tarib,
Ikki dushman do`st bo`ldi qariq,
Sizsizlikda bir o`zim g`arib,
Bir kun ko`rib qolarmiz Sizni...

Kumush istab Otabek yo`lda,
Hali -hamon Majnunlar cho`lda,
Asli visol azobi mo`lda ...
Bir kun ko`rib qolarmiz Sizni...

Arshga chorlab qolganda hudo,
Ketar bo`lsam aytib alvido,
Eng so`nggi dam, eng so`nggi nido:
"Bir kun ko`rib qolarmiz Sizni..."

Alisher Asror

[Gulchehra Ibragimova]

Алдама


Узоқдан талпинган оташ қалбингнинг
Тафтига умрбод қиларман тоқат.
Гумонлар ўрайди ишқни қатма-қат,
Сен мени алдама, алдама фақат!.

Минг бора алданиб бўлган бул юрак
Сўнгги бор алдовга кўнмаса керак.
Тиканни пар тутиб битмоқдаман хат-
Сен мени алдама, алдама фақат!.

Кўзларим эшикка михланди, эй дил.
Юрагим ҳижронга сихланди-ей, бил.
Шубҳалар қўймайди кўтармоққа қад-
Сен мени алдама, алдама фақат!

Умримнинг ортида ғижимланган бахт...
Эртакка айланар бир бор сингган тахт.
Мен ўзга гўшадан тиламам роҳат.
СЕН МЕНИ АЛДАМА, АЛДАМА ФАҚАТ!.

[Gulchehra Ibragimova]

Бир муҳаббат изладим


Ҳаловат топмадим
бир лаҳза ёрсиз,
Васлингга етмадим
тунлар бедорсиз.
Ишқда бахт бормикан
азоб - озорсиз-
Бир муҳаббат изладим такрорсиз.

Муҳаббат бормикан
маломат, хорсиз.
Ё висол бормикин
ҳижронсиз, зорсиз.
Истадим бир гўша
бўлса ағёрсиз,
Бир муҳаббат изладим такрорсиз.

Чўққида виқор йўқ,
бўлса гар қорсиз,
Сиз менинг дилимга
қайтмас баҳорсиз.
Бу гўзал бўстонда
наҳот мен ёрсиз,
Бир муҳаббат изладим такрорсиз.

[Masud Mahsudov]

Кўнглим кўз ёшидeк тинмайди ёмғир,
Қуёшга муҳтожман -
билмайди ёмғир.
Томчиси кўзимга кирар ёш бўлиб,
Дардимга парво ҳам қилмайди ёмғир.

Шивалаб, тўхтамай, ёғиб ўтар у,
Дилимдeк сабони ,балки, кутар у,
Замин ғуборини ювиб кeтар-у,
Қор каби сочимга инмайди ёмғир.

Интиққан кишилар ғамин ютса-да,
Томирда оқса-да қон эмас, зада,
Қалблар оби чашмга тўлиб битса-да,
Чанқоқдан ҳeч қачон қонмайди ёмғир.

Тунлар бeдорлигим билармикин ёр?
Ё жоним хавотир қилармикин ёр?
Ўзининг ёғида ўзи қоврилиб,
Яхшиям, мeн каби ёнмайди ёмғир.

Нома илинжида титрар юрагим,
Аллоҳдан ўзимга сабр сўрагум.
Айвондан кўз тикиб, тeрмулсам-да жим,
Соғинчим зарра ҳам олмайди ёмғир.

(c)

[Alisher Asror]

Муҳаббат бормикан
маломат, хорсиз.
Ё висол бормикин
ҳижронсиз, зорсиз.
Истадим бир гўша
бўлса ағёрсиз,
Бир муҳаббат изладим такрорсиз.

Gulchehraning bu satrlari menga bir she`rimni eslatib yubordi...

Ishqdan taskin istab bordingiz nechun!?
Nechun muhabbatni qildingiz panoh!??
Dili uyg`oq, qalbi qaynoqlar uchun,
Muhabbat - iztirob , dardsizlik - gunoh .

Mahsharga o`t qo`ygan Shoh Mashrab misol,
Hallojdek Anal Haq o`zimman degan.
Kuyuk insonlarni qilmangiz uvol, -
Ishqsizlar Nasimiy terisin yegan.

Taskinmas,dard so`rab keling yonimga ,
Panohmas, muhabbat doriga arqon,
Uhlagan tog` bo`lmang yuragi sovuq,
Sizning tog`ingizda qaynasin vulqon!

Alisher Asror

[Alisher Asror]

Yurak kuylar, yurak yig`lar , chekar alam,
Ichigacha kuyub yozar qora qalam,
Lablar qaqshar … Tomchi bo`lib to`kilmasam,
Muhabbatni qanday qilib berding menga !?

Daryo borib cho`l bag`riga o`zin otar,
Yilda bir bor qir- adirlar lola sotar,
Ishqsiz dilda har daqiqa quyosh botar…
Muhabbatni qanday qilib berding menga !?

Yuragimda alanga - cho`g` , kuydiradi,
Kechvorsa ham, nim ginam yo`h, kuydiradi,
Bitta dilbar qayta – qayta suydiradi,
Muhabbatni qanday qilib berding menga !?

Parilaru – xurliqolar makonida,
Ishq o`ltirar ostonasi – posbonida.
Quyosh bo`lib porlamasam osmonida,
Muhabbatni qanday qilib berding menga !?

Alisher Asror

[Sirim]

Mavjlanadi lojuvard dengiz
To'lqinlari yuragim zarbi.
Qarshisida turibman ojiz
Hech tinmaydi dard chekkan kabi.

Faqat oydan olishchun bo'sa
Sokin tunga berar erkini.
U oydinning asiri bo'lsa
Menchi - oshiq, ishqning tutquni.

[Gulchehra Ibragimova]

Бугун..
юракларда дардлар унган кун,
Бугун..
қайғу кулиб, бахтлар тинган кун,
Бугун..
жудоликка кўнгил кўнган кун
Бугун..
МЕН туғилиб, ОНАМ-ЎЛГАН КУН..

Бугун-
Армон билан танишган куним,
Бугун..
Айрилиқ-ла қовушган куним,
Бугун
Андуҳ билан топишган куним
Бугун..
МЕН туғилиб, ОНАМ-ЎЛГАН КУН..

Бугун..
Онам менга қурбон бўлган кун,
Бугун-
Ўксик дилим вайрон бўлган кун,
Бугун-
Орзуларим хазон бўлган кун
БУГУН-
МЕН ТУҒИЛИБ-ОНАМ ЎТГАН КУН..
Бугун..

[Nigora Umarova]

Mavjlanadi lojuvard dengiz


Агар шеър муаллифи сиз бўлсангиз (c)-муаллифлик ҳуқуқи белгисини қўйинг ёки исмингиз(ник)ингизни келтириб ўтсангиз, илтимос

[Ulugbeck]

Мeн oнaмни сoғингaнмaн Рaҳбaрдaн руҳсaт oлишнинг янгичa услуби...(....га)
Шу шеърга рахмат айтиш учун атай кирдим форумга ))
Гулчехра опа рахмат. Зур ёзибсиз.

[Masud Mahsudov]

Ko’zim alvon,
Ko’zlarim giryon,
Yuzimda-chi, porlaydi quyosh.
Halovatni istaganda jon,
Yig’lamoqqa yetmaydi bardosh…

Ko’zimda gard,
Ichlarimda dard,
Qalbning sariq rangi ketmaydi.
Uzoqdadir osmon – lojuvard.
Uzataman, qo’lim yetmaydi.

Ko’zlarim qoq,
Qayeridir dog’,
Ishqalayman, namlanmas; behol.
Ishtibohdan toliqqani chog’,
Jannatlarga yetaklar xayol.

Ko’z toliqqan,
Tubi namiqqan,
Rutubatga ketganday singib.
Yurak hasta, ruhim siniqqan,
Sog’inchlarni chiqolmas yengib.

Ko’zimda gard,
Ichlarimda dard,
Osmonlarga qo’lim yetmaydi.

(c)

[Tulqin Eshbekov]

yurak siniq

"Юрак синиқ" деб ёзибсизми? Юракнинг синиғи қанақа бўларкан?! Мантиққа сал эътибор берсангиз бўларди...

[Tulqin Eshbekov]

Узоқдан талпинган оташ қалбингнинг
Тафтига умрбод қиларман тоқат.
Гумонлар ўрайди ишқни қатма-қат,
Сен мени алдама, алдама фақат!.

Ғоят ажойиб сатрлар! Оташ қалб соҳибасигина уни шундай ифода эта олади.
Сизнинг шеърларингизни мароқ билан ўқир эканман, хаёл билан "+" ўрнига "-" белгисини билмасдан босиб юборибман. Ундан илгари бошқа форумдошнинг "-"га лойиқ шеърини ўқиб... шундай ҳол юз берди шекилли...
Сизга ижодий парвозлар тилаб қоламан!

[Tulqin Eshbekov]

Ichlarimda dard

Шеърда ҳам шунақа гап ёзадими?

[Sirim]

Bilmadim kimga qananqa, ammo men ayrim "mantiq"qa to'la postlardan ko'ra mantiqsiz she'rlarni o'qishni afzal ko'raman, balki savodsizdirman...

[Gulchehra Ibragimova]

.

Ғоят ажойиб сатрлар! Оташ қалб соҳибасигина уни шундай ифода эта олади.
Сизнинг шеърларингизни мароқ билан ўқир эканман, хаёл билан "+" ўрнига "-" белгисини билмасдан босиб юборибман. Ундан илгари бошқа форумдошнинг "-"га лойиқ шеърини ўқиб... шундай ҳол юз берди шекилли...
Сизга ижодий парвозлар тилаб қоламан!

Жуда боплабсиз, Домла! "Биров"га аччиқ қилиб адашиб "-" қўйишга етган "ақлингиз"-наҳот чеккадаги "убрать" тугмачасини қайта босиб олиб ташлашга етмай оқсайдур?!

[Masud Mahsudov]

Assalomu alaykum, domla. Avvalo, xush kelibsiz :)

yurak siniq

"Юрак синиқ" деб ёзибсизми? Юракнинг синиғи қанақа бўларкан?! Мантиққа сал эътибор берсангиз бўларди...

Domla, yozayotgan ilmiy ishimda mantiqqa tayangan holda ish ko'raman va unga asoslanaman. Ijodimda esa, mana shunaqa "mantiqsizliklar" ham bo'lib turadi, aybga buyurmaysiz :) Harholda, Sizga o'xshagan filolog emasman-da, nima qilay? :187:


Шеърда ҳам шунақа гап ёзадими?

Aha, yozsa ham bo'lar ekan... Afsuski, Siz mening adabiyot o'qituvchim bo'lmagansiz-da :) Meni adabiyotga olib kirgan insonlar, o'qigan adabiy asarlarim shunaqa yozishga o'rgatgan bo'lsa, kaminada ne ayb? :)

[Gulchehra Ibragimova]

Мeн oнaмни сoғингaнман
Шу шеърга рахмат айтиш учун атай кирдим форумга ))
Гулчехра опа рахмат. Зур ёзибсиз.

Раҳмат, Улуғбек эътиборингиз учун! 3-4 марта руҳсат сўраб, шаҳримга бориб Меҳрибонимни кўриб келиш учун бошлиқ олдига бош эгиб кирганман. Ҳатто йиғлаб ҳам берганман. Аммо фойдаси бўлмаган. Ҳақиқатдан ҳам иш кўп, "2004-2009 йил миллий Дастур" бўйича қўл-қўлга тегмай юрган пайт, аммо ғаниматим-онамни кўрмаганимга ҳам уч ой бўлган эди.Соғинч юрагимни кемирар, бориб меҳрларига тўйиб келмасам, қўлим ҳеч ишга бормай қолди. Шунда аёвсиз соғинч, меҳрга ташналик шеър бўлиб қуйилган. Шеърни ёзиб бошқа сўралган ҳужжатлар билан бирга ушбу юқоридаги шеъримни ҳам қўшиб раҳбарга қолдириб чиқиб кетдим.Шеърнинг "таъсири"
билан онажоним (энди Аллоҳим ўз раҳматига олган бўлсин)ни кўриб келиш учун раҳбарим уч кунга руҳсат берган.. Сўзни қудрати кучли, деб шуни айтсалар керак-да..

[Alisher Asror]

So`nggi suhbat mavzusini davom ettirib...

Men betofiq , men devona bolami,
Toshkon ketib shuncha uzoq qolami!?
Qaytib kelib yolg`on ohu-volami.
Intizorim, doim kutgan Onajon,
Xovuchida jonin tutgan Onajon.

Na qo`ng`iroq, na sovg`a salom taskin,
Na yupatish – shirin so`z kalom taskin,
Ko`zlari to`rt o`ltirar tamom taskin,
Intizorim, doim kutgan Onajon,
Xovuchida jonin tutgan Onajon.

Topgan-tutgan molu-mulki – bolasi,
Yuragida shodlik, kulki – bolasi,
Duosida yo`qlagani nolasi,
Intizorim, doim kutgan Onajon,
Xovuchida jonin tutgan Onajon.


Alisher Asror

[Masud Mahsudov]

Assalom, mehribon, mehridaryo dil,
Ovozlari mayin, beg’ubor ko’ngil,
Sog’inchdan ko’ngilga sig’mayapti qil,
Tushungizga kirgim keldi, onajon…

Yoningizdan jilmay, quvonchga to’lib
Dunyolarga sig’may, qiyqirib, kulib,
Biz zumga bo’lsa-da, yosh bola bo’lib
Orqangizdan yurgim keldi, onajon…

Aytar gaplarim ham ko’pdan ziyoda,
Yig’lolmasdan yoshlar ichimda shoda…
Qo’ng’iroq qilibmas, bugun ro’yoda
Holingizni so’rgim keldi, onajon

Ichim jimirlaydi, havotir tinmas,
Bemehr o’glingiz qadringiz bilmas,
Har kun tavof aylab, rasmingiznimas,
O’zingizni ko’rgim keldi, onajon…

…Tunlar uxlolmasdan halak bu jonim,
Mehringizni qo’msab bir zumga tindi…
Qo’llari duoda - jon Onajonim,
Shu kecha Men Sizni juda sog’indim…

(c)

[Sirim]

Onangizga havasim keldi
Qalbida nur ko'ngli ziyoda
Sizdek shoir o'g'loni bilan
Faxr etar qo'li duoda!

Endi bir kun mening ham o'glim
Sizdek onam, desa quvonib
Osmonlarga yetadi boshim!
Shoir bo'lsin ertan ulg'ayib!

Hozir esa uxladi shirin
Alla aytdim boshini silab.
Shirin tilaklarim qatida
Unga go'zal umrni tilab.

(c)

[Alisher Asror]

Aya, qarang sochimda oq,
Qarang kerakmas taroq.
Siz esa o`sh-o`sha
Go`zal , ma`suma biroq!

Aya , qarang yuk og`ir,
Boshimda ming bir so`roq.
Siz bo`lsa o`sha-o`sha,
Dono, yo`limda chiroq!

Aya, qarang yelkamda,
Dard qo`zg`aldi qaytadan.
Qo`lingiz bilan silang ,
Rohat oladi badan.

Aya,qarang kulcha oy,
Yana kichik tortibdi,
Kundan-kunga dunyoning
Tashvishlari ortibdi.

Aya … endi men ketay,
Yo`llar chorlaydi yana,
Bir qo`shiq kuylab o`tay,
Bo`lib shoir – devona!

22.03.2011yil

Alisher Asror

[Masud Mahsudov]

Ichimda bir nima g’imirlar,
Goh faryod uradi, gohi jim,
Har bitta hujayram shivirlar –
“Men Sizni judayam sog’indim”

Mayliga dunyolar o’zgarsa,
Umr ham kuzlardek sarg’arsa,
O’yimda boshqa yo’q,hech narsa –
Men Sizni judayam sog’indim.

Xayolda gul yuzingiz rasmi,
Hayronman, ishq ko’zi ko’rmasmi?
Boshqalar ne desa dermasmi –
Men Sizni judayam sog’indim.

G’alati hislardan boshim gang,
Intiqib qaqshagan dilim tang,
Qalbim yo shundanmi lolarang? –
Men Sizni judayam sog’indim.

Hech kimga aytilmas bu sirlar,
Yurak ham, o’zgacha tipirlar,
Har bitta hujayram shivirlar –
“Men Sizni judayam sog’indim”

©

[Sanjar Nazarov]

Ҳар бир даврнинг ўз шеърияти бўлади. Шу туфайли бўлса керак, бизда шеърият даврларга бўлиб ўрганилади. Шахсан мен бундай муносабатга ҳеч қачон қўшила олмаганман. Шеърият яратилган давридан эмас, бошқа сифатларидан келиб чиққан тарзда тадқиқ этилиши керак деб ҳисоблаганман. Ҳозир ҳам шу фикрдаман. Бироқ шеър ва у дунёга келган даврнинг алоқаси ҳақидаги тасаввурларим анчагина ўзгарган. Гап шундаки, вақт ўтиши билан шеърият муқаррар шаклий ўзгаришларга дучор бўлар экан. Буни ўтган аср шеърияти мисолида ҳам бемалол кузатиш мумкин: аруздан бармоққа ўтиш, эркин вазн ва сарбастнинг урф бўлиши, бармоққа қайтиш ва яна сарбастнинг оммавий тарзда қўлланиши... Шеърдаги шаклий ўзгаришларнинг ортида ҳар доим ўзгараётган моҳиятни кўриш истагида бу эврилишларни кузатиб, калаванинг учини топа олмасдим. Негаки, шеърнинг шакли доим ҳам унинг моҳияти билан бирга ўзгармасди. Ва бу ҳамиша ҳам муайян даврнинг қамровида кузатилавермасди. Аммо шеърият ва даврнинг муносабатлари уларни ўзаро боғлаб турувчи ришта — шоирда рўй-рост акс этишини илғаб қолган куним қарашларимда юқорида таъкидланган бурилиш рўй берди.
Мен шеър қиёфаси шоирнинг кўринишини ҳам ўз ичига олишига ишонаман. Муаллифни шеърнинг вазн, туроқ ва қофияланиш тизимидан кўра муҳимроқ шаклий ифодаси деб ўйлайман. Масалан, Навоийнинг шахсияти бузиб талқин қилингач, унинг шеърларига атеистик маъруза кўринишини бериш унчалик қийин бўлмаганди. Чунки уларнинг шаклу шамойилидаги асос — шоир қиёфаси бузилган эди. Ёинки Чўлпоннинг «Бинафша» ё «Галдир»ини шоир қиёфасидан айро тарзда ўқиб кўринг-чи.
Хуллас, шеъриятдаги ўзгаришлар, яъни муайян давр шеъриятининг ўзига хос хусусиятлари аввало шоирнинг қиёфаси — юз ифодаси, кийиниши, ўзини тутишида акс этар экан. Ишонмасангиз, уларнинг суратларини топинг-да, бунга амин бўлинг. Келинг, кузатишни фотосуратлари яхши сақланган давр шоирларидан бошлаймиз. 40-50-йиллар шоирлари арбобларга хос кўриниш касб этмаганми?! 60-йиллар авлодига қаранг. Єзгаришни сезаяпсизми? Улардаги девонаворлик, безовталик уфуриб турган нигоҳларга эътибор беринг. 70-80-йиллар шоирлари: жангчилар. Жанговорлик, исёнкорлик ва шиддат бу давр шоирларининг таърифи учун энг кўп қўлланадиган сифатлар эканлиги шубҳасиз. 90-йиллар, яъни бугунги кун шоирлари қиёфасини суратларсиз ҳам эслай оласиз: паркда, буталар ва гуллар қучоғида, қўлида ғунча ёки мажнунтол новдаси.
Албатта, маълум бир қиёфа муайян даврнинг ҳар битта шоирида тўлалигича намоён бўлади дейиш нотўғри. Бироқ кўпчилик учун умумий бўлган қиёфанинг катта-кичик унсурлари уларнинг ҳар бирида учрайди. Фикримизнинг исботи учун шеъриятимизнинг бугунги авлодига хос қиёфа ҳақида чуқурроқ тўхталиш ўринли бўларди. Эслаб кўрингчи, телеэкранда қачон охирги марта суюқ сентиментал муҳит (табиат, гуллар, ғунчалар ва мажнунтоллар оғуши)дан айро тарзда шеър ўқиган кишини кўрдингиз?! Балки бугунги шеъриятнинг мазмун-моҳияти шуни тақазо этаётгандир? Қолаверса, бугун матбуотда чиқаётган шеърлар ёки чоп этилаётган шеърий китобларнинг эллик фоиздан кўпроғи аёл муаллифлар қаламига мансуб эканлиги ҳам эътиборни жалб этмасдан қолмайди. Бу бугунги шоирнинг образи ва аёл табиати орасидаги яқинликдан эмасмикан.
Замонавий аёллар шеърияти алоҳида таҳлил ва талқинга арзугулик манбаа даражасига аллақачонлар кўтарилиб улгурди. Бироқ бу ҳодиса кўпроқ адабиётшуносликнинг эмас, психоанализ фанининг таҳлил объектидир десам хато бўлмаса керак. Зотан, бугунги аёллар шеъриятида кўпроқ шоираларнинг «шоиралик» образлари ўзига хос, диққатга сазовор ҳодисадир. Шеъриятларининг хира қиёфаси эса бу ўзига хослик соясида – ҳеч. Буни ўз пайтида илғаган баъзи шоираларимизнинг кескин ҳаракатлари диққатга сазовор. Мен кейинги пайтларда кўпайиб қолган «модерн» шоираларимизни назарда тутаяпман. Уларнинг шеъриятидаги ноанъанавийлик кўпроқ анъанавийликка сиғмаслик билан эмас, ундан уялиш ва қочиш эҳтиёжи билан изоҳланадигандек. Бу фикрни умуман адабиётимиздаги «модернизм» ҳақида айтиш ҳам хато бўлмас. (Ҳар хил фикрларга борилмаслиги учун: мазкур фикрларнинг муаллифи қўштирноқсиз модернизмни жаҳон адабиётининг қаймоғи деб билади.С.Н.)
Яна бир эътиборга молик жиҳат. Мен билан бирга олийгоҳда таълим олган ва адабиётга нимадир бериши мумкин бўлган талабаларнинг кўпчилиги амал ва тижорат йўлини – бугунги давр нуқтаи назаридан жамиятнинг ижодкорликка нисбатан анчагина юқори қатламига элтувчи йўналишни танлашди. Єша пайтларда уларнинг ёнида адабиётни тушларидагина кўрадиганлар эса бугун ўз салоҳиятларига нисбатан жамиятнинг анчайин юқори қатламига элтувчи ижокорлик йўлига эга чиқишди.
Замонавий шеъриятимиз, шоирларимиз қиёфаларининг тасвири учун фақат битта сўзни ишлата оламан – шаклсизлик. Зотан, санъатнинг исталган тури учун энг ибтидоий шакл ва мазмун бу авом ҳиссиётлари ифодасидир. Бугунги шеъриятимизни бутунлай забт этиб улгурган сентиментал руҳ ҳам аслида шаклсизликнинг маҳсули. Яъни юксак мақсадлар учун мўлжалланган йўлдаги ўша мақсадларга мутаносиб бўлмаган ҳар хил майда-чуйдалар ҳисобга олинмайди. Токи ўша мақсад сари муносиб ҳаракат бошланмас экан, бу йўл – унда нималар борлигидан қатъи назар – «бўш» деган сифатдан бошқасига сазовор бўлолмайди.
Сўз санъатини ўрганишда вақт ўлчовидан фойдаланадиган адабиётшунослигимиз нуқтаи назаридан қаралганда бу ҳолат ажабланарли кўринмаслиги табиий. Зеро, адабиёт тарихида нафақат баъзи ўн йилликлар, балки асрларнинг ҳам изи қолмаган. «Тўқсонинчи йиллар адабиёти» деган тушунчани ифодаловчи сўз адабий луғатимиздан ўчиб кетиши шу жиҳатдан қараганда ажабланарли ва ёинки фожиали кўринмайди.
Юқоридаги фикрларнинг бирёқламалиги сизнинг ғашингизга тегяптими? Менинг ғашимга эса бутун бир давр адабиётининг бирёқламалиги тегади. Мен ҳам бугунги шоирларимиздан ҳақиқий санъатга мансубликни даъво қиладиган сатрларни келтиришим мумкин. Сиз ҳозир мисол қилиб келтирадиганингиз шоирларни ҳам биламан. Аммо улар ҳам шеъриятимиз қиёфасини белгиловчи асосий чизиқни тортиш учун заифлик ва камлик қилишаётгандек. Негаки, 60-70-80-йиллар авлодининг аксарияти ҳам 90-йиллар авлоди қиёфасига кириб улгурган.
Бизни қоп-қора бўёқлар залворидан адабиётнинг ўзи қутқаради. Зеро, соф санъат ломаконий ва лозамонийдир. Унинг ҳақиқат, безовта руҳ, илоҳий ишқталаблик сингари хусусиятлардан тикланган мангу қиёфаси мавжуд. Бармоқни эплолмасдан, оҳорли қофия тополмасдан сарбастга ўтган ва қўлида атиргул ғунчаси бўлмаса, пўрим амалдордан фарқ қилмайдиганлар санъати эса маълум бир замон ва маконгагина оиддир.
Ушбу мақолани шеъриятга бефарқ бўлмаган ўқувчининг мулоҳазалари сифатида қабул қилишинигизни хоҳлардик. Кўпроқ субъектив муносабат, дид ва талаб остида туғилган фикрларни ҳақиқат дея даъво қилишдан йироқмиз. Айни пайтда, мазкур фикрларга нисбатан ҳар қандай муносабатдан бошимиз осмонга етишини эслатиб қўймоқчимиз.
2003

[Masud Mahsudov]

Субҳ сабоси хонамга кириб,
Сочларимни тортқилаб аста,
Ташна қалбим шикаста билиб,
Тонг меҳрига этди пайваста.
Қуёш нури кўнглимни очиб,
Кўклам хиди қилиб қўйди маст.
Дилдан барча ғуборлар қочиб,
Ўрик гули уйғотди ҳавас.
Ҳар куртакдан қидириб умид,
Ҳар чечакдан кўзларим яшнаб.
Осмонларга тикилиб, баҳор
Ёмғирига бўлибман ташна.
Кўзга суриб янги ялпизни,
Қувончларим кўкларга етди.
Ичдан туйиб ажиб бир ҳисни
Юрагим ҳам орзиқиб кетди.
Ҳаёт гўзал...
Ҳаёт серташвиш,
Узоқларга термуламан жим,
Бунча ҳам тез ўтади умр -
Мен баҳорни кўп кутган эдим...


(c)

[Gulchehra Ibragimova]

КЕЛАСИЗМИ
(қўшиқ)

Ҳажрингизда мен осмон қиз эгилсам гар,
Соғинчлардан гул баргидек тўкилсам гар,
Узоқ хижрон азобидан ўкинсам гар,
Шоҳсуворим, мени излаб келасизми?

Сабрлардан тожни кийсам бошгинамга,
Сизни кутиб ўсма қўйсам қошгинамга,
Раҳм қилиб кўздан оққан ёшгинамга,
Шаҳриёрим, мени эслаб келасизми?

Муҳаббатнинг нурларидан ўраб-ўраб,
Вафо ҳамда садоқатни дилга қалаб.
Чин ошиқлик меҳрингизни менга тилаб,
Азиз ёрим, мени йўқлаб келасизми?

Қалб илҳоми қирғоғидан тошганида,
Ёр келар, деб йўлингизга шошганимда,
Минг энтикиб, кулиб эшик очганимда,
Бахтлар мени қучганини биласизми?
.. айтинг-чи, ёр бугун чиндан келасизми?!

(с)

[Gulchehra Ibragimova]

Шукрона
(хотира)

Ёлғизман демасман, порлар юлдузим
Бу ёруғ дунёдан ўчмагай изим
Хокимдан сочгувчи тупроқ бир қисим-
Бир ёнда ўғлим бор, бир ёнда қизим.

Гоҳида дум бўлар бурқсиган сўзлар,
Ортимдан тикилар беҳаё кўзлар.
Тунлар оғушида орзуим бўзлар,
Бир ёнда ўғлим бор, бир ёнда қизим.

Чўпчаклар тераман умрим қатидан?
Қай аёл тўйибди тўкис бахтидан.
Меҳр-ла койийман ошса ҳаддидан?
Инсофли бўлгин, деб, ўғлим ва қизим.

Айрилиқ умримни айлади деб хор-
Йиғларман, кенг жаҳон кўзларимга тор.
Юрибман фараҳли кунга интизор,
Бир ёнда ўғлим бор, бир ёнда қизим.

Аввал-ку кўкларга етарди қўлим,
Қанотим қайирдинг, о машъум ўлим.
Бас қил-ей, юрагим, йиғлама сим-сим,
Тоғдайин ўғлим бор, гулдайин қизим.

1990 й
(с)

[Tulqin Eshbekov]

"убрать" тугмачасини қайта босиб олиб ташлашга етмай оқсайдур?!

Ақл оқсамайди, тажрибасизлик бўлгандир, шунақа олиб ташлашнинг имкони бор экан, албатта ўрганамиз.

[Tulqin Eshbekov]

"юрак синиқ" деган сўз қўлланган тақдирда ҳам хато эмас.

Худо кўрсатмасин, одамнинг қўли, оёғи ё бели синиши мумкин, аммо ўзбек тилида "юрак синиқ" деган ибора ишлатилмайди, ҳатто шеърда ҳам. "Кўнгил шишаси синди" каби ташбеҳ ишлатсангиз, бу бошқа гап!
Сиз айтган адоват деган туйғудан жуда йироқман, самимий фикр билдиришимга бу қадар қизишиб ёзган гапларингиздан ранжидим. Бу гал "-"ни тўғри қўйдим.
Масъуджон яхши шоир бўлиши мумкин, фақат, сўз ва ибораларни қўллашда лоақал "Ўзбек тилининг изоҳли луғати" китобини бир варақлаб қўйишини маслаҳат берган бўлур эдим.

[Masud Mahsudov]

"юрак синиқ" деган сўз қўлланган тақдирда ҳам хато эмас.

Худо кўрсатмасин, одамнинг қўли, оёғи ё бели синиши мумкин, аммо ўзбек тилида "юрак синиқ" деган ибора ишлатилмайди, ҳатто шеърда ҳам. "Кўнгил шишаси синди" каби ташбеҳ ишлатсангиз, бу бошқа гап!
Сиз айтган адоват деган туйғудан жуда йироқман, самимий фикр билдиришимга бу қадар қизишиб ёзган гапларингиздан ранжидим. Бу гал "-"ни тўғри қўйдим.
Масъуджон яхши шоир бўлиши мумкин, фақат, сўз ва ибораларни қўллашда лоақал "Ўзбек тилининг изоҳли луғати" китобини бир варақлаб қўйишини маслаҳат берган бўлур эдим.

OFF: Танқид яхши нарса-да, домла... Қаранг, Сизнинг шу ёзувларингизни яхшилаб ўйлаб, бир китоб варақласам менга ўхшаб "Ўзбек тилининг изоҳли луғати"ни "билмайдиган" инсонни топиб олдим - хаёлингизга ҳам келмаса керак уларнинг кимликлари...


Шукур, тағин мактубингиз бизни йўқлайдир,
Алҳол, кўклам шамоллари кўнглим тўқлайди.
Ёзибсизки (кўнглим дардин сезмаяпсиз сиз,
Наҳот, тоғ-тош уйғонганда юрак ухлайди.)

Сезмас бўлса бу юракка ўтлар тушсин, ўт,
Саратонда саҳроларда чўқисин бургут,
Ризқ косамни ярим қилиб ичмоқ истамам,
Танҳо юрак синиқ, ярим, бўлмагайдур бут.

Янги чиққан тилим-тилим ойлар қўлларим,
Бегим, ўтар йўлингизни бойлар қўлларим.
Мактубингиз баргдай титроқ кўксимга босиб,
Соғинчингиз юрагимга жойлар қўлларим.

Буни Сизга қандай айтай, ёзайин қандай,
Кўк куртаклар дилимда ҳам бўртаётгандай.
Бир зангори ўтлар билан тўладир бағрим,
Бир зангори ўтлар дилим ўртаётгандай!

Бугун ўт билан ўйнашмоқ ҳаваси бошқа,
Зангор дарё бўлиб тошмоқ ҳаваси бошқа.
Умр бўйи шошилсак ҳам қайга, кимгадир,
Бугун Сизни кутиб шошмоқ ҳаваси бошқа.

Шукур, тағин мактубингиз бизни йўқлайдир...

(с) Ўзбекистон халқ шоири
Ҳалима Худойбердиева

[Gulchehra Ibragimova]

"юрак синиқ" деган сўз қўлланган тақдирда ҳам хато эмас.

Худо кўрсатмасин, одамнинг қўли, оёғи ё бели синиши мумкин, аммо ўзбек тилида "юрак синиқ" деган ибора ишлатилмайди, ҳатто шеърда ҳам. "Кўнгил шишаси синди" каби ташбеҳ ишлатсангиз, бу бошқа гап!
Сиз айтган адоват деган туйғудан жуда йироқман, самимий фикр билдиришимга бу қадар қизишиб ёзган гапларингиздан ранжидим. Бу гал "-"ни тўғри қўйдим.
Масъуджон яхши шоир бўлиши мумкин, фақат, сўз ва ибораларни қўллашда лоақал "Ўзбек тилининг изоҳли луғати" китобини бир варақлаб қўйишини маслаҳат берган бўлур эдим.


Муҳтарам Домла!
Наврўз айёми кунлари барча-гина адоватлар, унутилади, урушганлар апоқ-чапоқ бўлиб ярашиб олишади. Буни Сиз биздан кўра яхши биласиз. Шоир илҳоми келганда ўзидан кечиши (ўзлигидан эмас!), арш-аълога кўтарилиб, ижоди туғилгач яна қайта ерга -ўзига қайтади, деган сўзлар бор, сиз адабиётшуноссиз, менимча, таниқли олимсиз, бу фикрлар ҳам сизга бегона эмас. Юқоридаги фикрларингизни тўғри қабул қилдим. Танқид келажакнинг меваси, фақат у- самимий кўнгилдан ва ўринли бўлса.
Қолаверса , шеъриятда "бўрттириш" санъати бор. "Синиб кетиш", "юрак шиша синиқларидек сочилиб кетиш" бор. Бу ички туғён, дардга қараб..Домлажон ёзган фикрларим кўнглингизга оғир ботган бўлса, яна бир бор кечирим сўрайман, сўз аввалида ҳам сўрагандим.
Ташвишланманг, ижодкорлар фақат "+" олиш учун ижод қилмайдилар, Сизнинг ёки яна кимнингдир "-" уларнинг ҳақиқий "баҳоси"ни тушурмайди ёки бу билан илҳоми сўниб тўхтаб ҳам қолмайдилар..., яъни аллома айтганларидек, "Менинг кимлигимни эл билса бўлди"..
Сизга яхши кайфият ҳамиша ёр бўлсин!

[Gulchehra Ibragimova]

Ақл оқсамайди, тажрибасизлик бўлгандир, шунақа олиб ташлашнинг имкони бор экан, албатта ўрганамиз.


Эҳ, домлажон!
Бу юқоридаги ушбу "Ташбеҳ"-"ақлнинг оқсаши" атоқли ёзувчимизнинг машҳур асарларида ишлатилган жумлалардан "бир парча"-ўхшатиш эди-я, аммо уни ўқимаганман, дея кўрманг?!
Майли энг катта кашфиёт ва яратувчанликлар ҳам ана "шу" каби тортишувлардан, баҳслардан келиб чиқса ажабмас! Саломат бўлинг, йўлдаги қоидабузарларни огоҳлантириб, тартибга чақириб турувчи ДАН ходимлари бор. Ижодкорлар учун ҳам ана шундай сиз каби "назоратчи-кузатувчи", тартибга чақирувчи Устозлар зарур. Ундайларнинг борига шукур!

[Masud Mahsudov]

Шамол... Қуюқ булут... Кўркам хиёбон,
Майсада ўтириб ўйга толаман.
Кўзимни бир зумга юмиб, ногаҳон,
Узоқ-узоқларга кетиб қоламан.

Неча йил ғам билан ҳамхона бўлдим,
Ичим тимдалади армон қанча вақт.
Ҳар баҳор ундим-у, гулламай сўлдим,
Эшигимни қоқиб ҳеч келмади бахт.

Шамолдек шиддат-ла умр ўтмоқда,
Бир зум тўхтатишга сира йўқ илож...
Билмам, эрта мени нелар кутмоқда,
Эй, тақдир ёзиғи, сирларингни оч!

Қуюқ булутларга айланган қалбим,
Маъносиз ўтмишдан бўлгандек мажруҳ.
Мавҳум дунёлардан тўйиб кетиб, жим,
Тубсизлик тубига кетиб қолар руҳ...

..Хорғин ўйларимдан чарчаб кетиб сўнг,
Кўзларимни очдим...
Ором топди жон.
Ажиб ҳисларимни аста уйғотиб,
Нажотдек туюлди яшил хиёбон...

Шамол... Қуюқ булут... Кўркам хиёбон..

(с)

[Alisher Asror]

Bahorlarim ketdi, yoz ham tark etdi,
Bukun kuz bag`rida kuzladim...
Endi sarg`aymak bor , to`kilmak kerak,
Bir kuzga, bir Sizga so`zladim.

Ahorlarim ketdi - eskirib qoldim,
Sochlarimda qirov - muzladim...
Endi yoshsan deya so`kmaydi birov,
Bir kuzga, bir Sizga so`zladim.

Yonmoq azob deya o`ylagan edim,
Hargiz sokinlikni ko`zladim...
Endi chaqnamoqqa yetarmi kuchim!?
Bir kuzga, bir Sizga so`zladim.

Ko`ngil cho`kkandayin - o`kingandayman,
Yaqin dildoshimni izladim...
Balki ikki loshdan chiqadi olov?
Bir kuzga, bir Sizga so`zladim.


Alisher Asror

[Tulqin Eshbekov]

ўқимаганман, дея кўрманг?!

Ўқийвериб ёд бўлиб кетган! Фақат, бу иборани кимга қачон ишлатишда ҳам "оқсамаслик" мақсадга мувофиқ бўлармиди!.. Масалан, мен ўзимдан катталарга ҳечам шундай демасдим (ҳатто, оқсаган тақдирда ҳам).
Майли, барибир, Сизнинг дилбар шеърларингиз жуда ёқиб қолди. Ижодий парвозлар ёр бўлаверсин!

[Tulqin Eshbekov]

Танҳо юрак синиқ, ярим, бўлмагайдур бут.

Улуғ шоира "кўнгли ярим" иборасини шундай таърифлашга ҳаракат қилгани ҳақида бир адабиётшунос мухтасар фикр билдиргани ёдимда. Аммо, юрак, ўпка, жигар каби аъзолар ҳаётда синмайди ва уларни "синди" деб шеърга "кўчириш" ҳам мантиқан тўғриб бўлмайди. "Юрак нимта-нимта бўлди" деб ёзиш мумкин, чунки, ҳаётда чиндан ҳам нимталаш мумкин-да. фақат, бунақасини худо кўрсатмасин...
Мантиқли шеърлардан андоза олишингизни тилаб қолувчи танқидчи-мухлисингиз...

[Gulchehra Ibragimova]

ўқимаганман, дея кўрманг?!
Майли, барибир, Сизнинг дилбар шеърларингиз жуда ёқиб қолди. Ижодий парвозлар ёр бўлаверсин!


Раҳмат, Домлажон! Унда дарҳол "минус"ларизни қайтариб олинг (ҳазил)http://uforum.uz/images/icons/icon7.gif

[Gulchehra Ibragimova]

Дардларим

Шу митти қалбимда яшар бир олам,
Дўстларим сезмаган ғам, туғён, алам.
Шунчалар дардим кўп, ёзиб бу қалам
Дардимни ҳеч ерга сиғдиролмайди..

Орзуларим бисёр, армонлар бисёр,
Баъзида азизу, баъзан бўлдим хор.
Умримнинг баҳори ҳамда кузи бор,
Тоғлар ҳам ғамимни кўтаролмайди..

Айрилиқ доғидан куйдим, кул бўлдим,
Қон ютиб йиғладим, ғамларга тўлдим.
Нав-ниҳол ёшимда гулдайин сўлдим-
ДАРДИМНИ КИТОБЛАР СИҒДИРОЛМАЙДИ..

[Alisher Asror]

Kayfiyat

Ko`ngil tilagidan kechdi, horidi.
Ko`ngil orzularni istamay qo`ydi.
Uyga sig`may qoldi, dunyo tor edi,
Baxt degan bekatga yetmayin to`ydi.

Ko`ngil ko`chasidan adashib ketdi,
Yerga botib ketdi etti bukilib...
Dardin borib oxir ko`z yoshga aytdi.
Ko`z yosh chiday olmay tushdi to`kilib.


Alisher Asror

[Masud Mahsudov]

Shovqin dunyo lahzaga jimday,
Xayolim ham olmoqdadir tin.
Mehrsirab qolgan qalbimday,
Tog'lar sokin, dengizlar sokin

Osmon rangi bo’lib xilma xil
Yengil tortar charchagan ko’ngil.
O’z aksiga termulgan yashil
Daraxt sokin, ildizlar sokin.

Ufq tomonga yo’l olar bulut,
Qor cho’qqidan ko’tarilar dud,
G’amlar zumga bo’lmoqda unut,
Bulut sokin, yulduzlar sokin.

Quyosh yuzi qizarib so’nar,
Ko’k shoxiga oy kelib qo’nar,
Ichlarimdan tavbalar unar,
Tunlar sokin, kunduzlar sokin.

O’z aksini ko’rmoqda dunyo,
O’z aslini so’rmoqda dunyo,
Qaysi biri haq, qaysi ro’yo -
Suv o’tlar-u, yalpizlar sokin...

Yurak sokin – ko’ngillar cho'kkan,
Olam jimjit – esmaydi sabo
Hamma narsa cho’mib jimlikka,
Yaratganga aytishar sano...

(c)

[Masud Mahsudov]

Неча кун ётган қаламни қўлда тутдим соғиниб,
Сўнгра ёрга хат мисоли шеърни битдим соғиниб.

«Эй, гулим, қирмиз дилим сарғарар сенсиз, ажаб,
Индамай хижрон йўлида ғамни ютдим, соғиниб.

Бер хабар азон қадар, не бўлур, бир сўз айт манга,
Тушларимда кўз тикиб юз, қанча кутдим, соғиниб.

Тун узун, кўксим тугун, ахтариб ҳолим ғариб,
Ўйларимда васлинг излаб, нурга етдим, соғиниб.

Лаъл юзинг, оҳу кўзинг кўрмайин девонавор,
Оҳлар отдим, сассиз ўтдим, дардга ботдим, соғиниб.

Қон бағир, кўнгил сағир, кипригимда қатра ёш,
Не қилай, қалбим яродур; жуда кетдим соғиниб.

Сен йироқ, кайфим тароқ, кўнглим ҳеч масъуд эмас,
Ноилож ишқим ғазалда изҳор этдим соғиниб».


(c)

[Gulchehra Ibragimova]

МЕНСИЗЛИК

“Қандай экан менсизлик жоним,
ишондинг ёлғонларга”
(қўшиқдан)

Ёрим, энди менсиз ишингиз “зўр”ми,
Ё халиям ўша-пешона шўрми?
Билмам, қалбим ўрми ё кўзим кўрми,
Қандай экан, айтинг, менсизлик жоним?!

Менинг борим сизга озор бўлдими,
Менсиз қишингиз ҳам баҳор бўлдими?
Покиза туйғулар хор-зор бўлдими?
Қандай экан, энди менсизлик жоним?!..

Мен-ла кундузлар ҳам қаро эдими,
Мен-ла бут кўнгил ҳам яро эдими,
Менсиз ишларингиз саро эдими,
Айтинг, қандай экан, менсизлик жоним?!..

Балки ҳаётингиз менсиз хотиржам,
Ё бахтдан масрурсиз, дилда йўқ алам.
Балки кўзингизга гўзалдир олам,
Яхшимикан менсиз менсизлик жоним?!..

Қалбдаги ришталар узилди бегим,
Ишқ қасри битмайин бузилди, бегим,
Кўнглимда бир савол тизилди, бегим-
Қандай экан менсиз- менсизлик, жоним?!..

..наҳот менсизликка кўндингиз, энди?!
..наҳот ишқни ерга кўмдингиз, наҳот?!
..наҳот боримдан кўз юмдингиз, энди?!
Наҳот яхши бўлса, менсизлик жоним?!..

[Tulqin Eshbekov]

"минус"ларизни қайтариб олинг

Ўша тундаёқ қайтариб олган, деб ҳисоблайверинг! Фақат, тажрибасизлик қилиб уддасидан чиқа олмаган бўлсамда, қалбимда Сизнинг ижодингизга фақат ва фақат "+"дан бошқаси бўлиши мумкин эмас!
Китобларингиз қўлимга тушиб қолса, албатта тақриз ёзаман.

[Alisher Asror]

Sochlaringni to’lqiniga yetmas qo’lim,
Sevgi degan manziling deb, sarson yo’lim…
Mazzamikan qurutmoqlik yigit sho’rin!?
Qarab turgin, Seni ham bir sog’intiray,
Telba qilib, bir o’zimga sig’intiray.

O’rtachasan, jaa ketvorgan ham emassan,
Lek puxtasan, bilaman, Sen, xom emassan,
Yolborsam ham, mayli aka, xo’p demassan,
Qarab turgin, Seni ham bir sog’intiray,
Telba qilib, bir o’zimga sig’intiray.

Ko’cha to’la, qancha go’zal qizlar to’p-to’p,
Bitta senmas mahallada chiroyli ko’p,
Nima?, yana yo’q derlarmi? demaslar ,,xo’p”? ...
Qarab turgin, Seni ham bir sog’intiray
Telba qilib, bir o’zimga sig’intiray.

Voy-vo`o`y … darrov ketdilarmi mendan bezib,
Yo jahlimni chiqqanini, bilib, sezib,
Yuragimni shpilkangiz bilan ezib…
Qarab turgin, Seni ham bir sog’intiray
Telba qilib, bir o’zimga sig’intiray.

Kuch qolmadi, ko’zimda yosh, cho’kaman tiz,
Dilda, bilsang, o’zing bitta, yakka, yolg’iz.
Zimistonga o’xshab borar dunyo Sensiz,
Rostin aytsam: juda-juda sog’inaman,
Telba bo’lib faqat senga sig’inaman…

Sochlaringni to’lqiniga yetmas qo’lim…


Alisher Asror

[Pfefferminze]

Uyimizdagi kitob javonidan Dadam Sa'diy, Bedil bilan birga bir she'r kitobchani chiqarib berdilar o'qishim uchun. U kitobcha bir marhuma qizga tegishli ekan. Ruhi-poki shod bo'lsin deb, ajoyib she'rlarini, Siz azizlarga, yozib qoldirmoqchiman. Alloh s.v.t barchamizdan rozi bo'lsin.

Ba'zi yigitlarga

Aldamchi ko'zingiz boqadi har yon,
Sizga zavq bag'ishlar sevgimas, havas.
Oddiy haqiqat bu-hech kim hech qachon
Bunday havas bilan baxt topgan emas.

Bugun birin sevib, erta o'zgani,
Hiylangiz juda ko'p-ko'ngil yozgani.
Bular chin insonga yarashmas, rosti,
Muhabbatni qilmang siz oyoqosti.

Siz zamin posboni, mardu-botirsiz,
eng mushkul ishlarga mudom qodirsiz.
Ona-yurt hurmatin qozonib takror,
Sevgi bobida ham bo'ling vafodor.

Surayyo Sharipova

[Pfefferminze]

Iltijo

Senga atab she'rlar to'qiymi?
Yo jimgina kitob o'qiymi?
Ishqing daryosida oqaymi,
Xotirotlar sha'min yoqaymi?
Suratiingga xomush boqaymi
Seni sog'insam?

Olis yurtga kuzataman jim,
senla yo'lga otlanar ishqim...
mendek seni seva olar kim?
Sen -hayotdan olajak haqqim,
Ka'bam o'zing, men ojiz muslim-
Senga sig'insam....

Surayyo Sharipova

[Pfefferminze]

Yo'llaringga intizor bo'lib...

Sen yiroqda, men-chi kutaman,
Yo'llaringga intizor bo'lib,
Oltin sepin yozganida kuz,
Peshvoz chiqay navbahor bo'lib.

Kutmoqdaman, ishon, Azizim,
Sog'inchingga vafodor bo'lib.
Faqat sen ham bag'rimni yoqma,
O'zgalarga bir kun yor bo'lib.

Seni kutaman...

Kulgularni asrayman Senga,
Qayg'ularni ichga yutaman.
Ba'zan g'amgin ba'zida sarxush-
Seni kutaman.

Sen kelganda chorlab do'stlarni,
shodliklarni ko'z-ko'z etaman,
xotirotim varaqlab kunda,
Seni kutaman.

Lablarimda turibdi isming,
yuragimga uni bitaman,
Sen kelajak yo'llarin o'pib,
Seni kutaman.

Ba'zan Sensiz g'ash o'tayotgan
Kunlarimdan bezib ketaman.
Lek umidim yo'lingga tikib,
Seni kutaman.

Sen haqingda biror yaxshi so'z,
desa kimki, gullar tutaman
mening yaxshi eng yaqin do'stim,
Seni kutaman.

Surayyo Sharipova

[Alisher Asror]

“Nimalar qilmadik biz vatan uchun:
kimimiz nutq so`zladik, kimimiz o`ldik”.(O`rxon Veli)



Insonlarning eli bo’lar, tuprog’i,
Do’sti, yaqin qadrdoni, o’rtog’i,
Vatan otliq bobodan qolgan bog’i
Joning eksang, bir kun gullab chiqadi.


Qo’ldan omad ketganida o’ksima,
Dilga azob yetganida o’ksima
Men yiqildim, bo’ldi, charchadim dema
Joning eksang, bir kun gullab chiqadi.


Ozod, obod ko’ray desang yurtingni,
Ketkizmayin desang qadru-burdingni,
“Barokat”, deb sen o’rningdan turdingmi?
Joning eksang, bir kun gullab chiqadi!


Alisher Asror

[Alisher Asror]

Кун ўтади Сенсиз чўзилиб,
Ғашга тегар тун ҳам эзилиб,
Юрагимда оғриқ сезилиб...
Безор бўлдим келмасларингдан.

Келсанг қуёш боқарди кулиб.
Ой ҳам менга ёқарди тўлиб.
Ух тортаман кундан-кун сўлиб
Безор бўлдим келмасларингдан.

Бир кунгина руҳсоринг кўрсат,
Яширмайин сен боринг кўрсат,
Менга ҳам сал, саал зоринг кўрсат...
Безор бўлдим келмасларингдан.

Тупроқ бўлдим, чанг бўлдим қара,
Самонларга ранг бўлдим қара,
Борми умид? жиндек, ним зарра!?
Безор бўлдим келмасларингдан.

Бир кун мендан меним кетганда,
Сўнг... уйимга пойинг етганда,
Мен сингари сен ҳам кутганда
Мозор бўлдим келмасларингдан.


Alisher Asror

[Gulchehra Ibragimova]

КЎНГЛИМ ХАНУЗ СИЗДА
Ҳеч ақл кирмади ақлсиз бошга,
Севгимдан кечмабман кириб шу ёшга.
Ҳамон ошиқдирман, тузалмадим ёр,
Кўнглим ҳамон Сизда, узолмадим ёр!

Бир куни келар, деб умид қилибман,
Суратингиз азиз меҳроб билибман.
Ўзга бир қирғоққа сузолмадим ёр,
Кўнглим ҳамон сизда, узолмадим ёр..

Унутмоқ не ўзи, журъатим етмас,
Бир излаб бормоққа фурсатим етмас.
Ҳамон дилда баҳор, тўзолмадим, ёр,
Кўнглим абад Сизда, узолмадим, ёр..

Ойга етмоқ осон Сизга етмоқдан,
Бошқа йўл йўқмиди биздан кетмоқдан?
Ҳамон ишқ қасрини бузолмадим ёр,
Кўнглим фақат Сизда, узолмадим ёр!..

(с)

[Sirim]

Qo'rqinch tush qo'rqitmas, endi meni hech
Ertaklar tugabdi menga atalgan.
Ammo qulog'imdan ketmaydi har kech
Yuragim tubiga mangu qadalgan
ONAJON, ALLANGIZ SOG'INDIM!!!

(c)

[Gulchehra Ibragimova]

КИМ ДЕЙИН


Оҳ, Сизни бунчалар севмасам ёниб,
Гуноҳкор осийман, билсам-да, тониб,
Ўзимни алдайман, Сизга ишониб-
Мен Сизни Ким дейин, кимим деб атай?.

Юрак ҳам куяди гоҳо тўлғониб,
Ўзга нигоҳлардан Сизни қизғониб,
Яшайман, сўрайди виждон уйғониб-
Мен Сизни Ким дейин, кимим деб атай?

Сизники бўлолмам, руҳим бир фақат,
Сизсиз ҳам яшолмам, борми бир шафқат?
Кўнглимни тўлдиринг, наҳот сўз қаҳат?
Сизни кимим дейин, кимим деб атай?!.

Сизга қилар эдим бор-йўқ тавобни,
Сизга атар эдим бор-йўқ савобни.
Беринг менга «ўша кутган» жавобни-
Мен Сизни кимим дей, кимим деб атай?

(с)

[Alisher Asror]

U dunyodan qo`rqmay qo`ydim, Dadamlar bor,
Meni bilar qancha yaxshi odamlar bor.
Yaqinlarim yana tashlab ketayapdi,
Bu azobga ayting qayda chidamlar bor!??

Bu dunyoda qilar ishim topmas poyon,
Bir-bir aytib ne qilaman yozib bayon.
Har bandaning tashvishlari o`zi bilan,
Gunohiyu savoblari Unga ayon.

U dunyodan qo`rqmay qo`ydim... tarozi bor ,
Tarozining tepasida U qozi bor.
Nima qilgan bo`lsam dilim amri ila,
Aminmanki unda Tangrimning rozi bor.

Alisher Asror

[Gulchehra Ibragimova]

СЕН ЭСА


Боламни демабман, онам демабман,
Ҳеч кимни демабман мен сендан ортиб.
Сен эса..кетолдинг
Ва лекин ишон-
Мен сени оламан ҳаммадан тортиб!

Оҳ, сендан топганим алам ва хижрон,
Бўлса-да, боримни айларман тортиқ.
Кўрганим сен бўлдинг,
дардим сен бўлдинг
Мен сени севаман ҳар недан ортиқ.

..Сен эса, кетолдинг,
Мендан воз кечиб,
Ишқ деган азобдан битмас тўн бичиб.
Аросат йўлига қўйдинг-да, ўзинг-
Ўзгага кетолдинг қасамлар ичиб!
(с)

[Tulqin Eshbekov]

МЕНСИЗЛИК

“Қандай экан менсизлик жоним,
ишондинг ёлғонларга”
(қўшиқдан)

Азиз Гулчеҳрахон!
Гап-гап билан, йўғ-е, шеър-шеър билан лисонимизга "Менсизлик" деган антиқа сўз кириб келаётганига ҳайронман. "Мен", "менсиз" деган сўзлар мавжуд, албатта. "Менсизлик" деган ясама сўз жуда беўхшов туюлмаяптими? Бу ясама сўзни илгарироқ Масъуджон ҳам ишлатди. Унга эътироз билдирмай қўя қолдим. Дарҳол казо-казоларни "подўдар" қўйишидан бироз безиб қолганим учун тилимни тийдим...
Бу сўзнинг маъносини самимий тушунтириб берсангиз хурсанд бўлардим.

Ҳозирча ҳазил-пародия:

Шеърингизда - "Менсизлик",
Мени қийнар - "сенсизлик".
Кимдир ўйлар - "усизлик",
Кейин чиқар - "бусизлик".
Бизсизлигу сизсизлик,
Йигитсизлик, қизсизлик.
Фақат шеърлар бўлмасин,
Шакарсизлик, тузсизлик...

[Alisher Asror]

Bazm kechasida…

Chiroyli o’tirish, go’zallar bazmi,
Kimdir qosh ostidan qaradi bir bor,
Yurak ag’darildi, qon jo’shib yondi…
Kecha aybdordek, kecha aybdor.

Kelmasam bo’lardi, tinch yurgandim-ku…
Kipriklar parpirab, qaradi takror
Endi aqlu-xush ham ketdi qo’limdan…
Kecha aybdordek, kecha aybdor.

Nafasini sezdim, pichirlaganday
Qulog’imga kelib, sekin, beozor.
Vaznimni yo’qotdim muallaqlikda…
Kecha aybdordek…kecha aybdor.

Endi men qaydaman? uchibmi ketdim,
Dunyo alg’ov-dalg’ov, hayotim abgor.
O’zimni tutmoqqa majolim yetmas…
Kecha aybdordek, kecha aybdor!

Yana qaytib keldim ishq vodiysiga
Muhabbat dardiga bo’lib girifdor,
Ertalik hijronning ko’lankasiga,
Kecha aybdordek, kecha aybdor!


Alisher Asror

[Masud Mahsudov]

... лисонимизга "Менсизлик" деган антиқа сўз кириб келаётганига ҳайронман. "Мен", "менсиз" деган сўзлар мавжуд, албатта. "Менсизлик" деган ясама сўз жуда беўхшов туюлмаяптими? Бу ясама сўзни илгарироқ Масъуджон ҳам ишлатди. Унга эътироз билдирмай қўя қолдим. Дарҳол казо-казоларни "подўдар" қўйишидан бироз безиб қолганим учун тилимни тийдим...
Бу сўзнинг маъносини самимий тушунтириб берсангиз хурсанд бўлардим.
...

Сиз каби филолог эмасман, домла... Лекин математикага бироз қизиқаман, шунга кўра математик индукуция методи билан фикримни ифодаласам :)

Қуйидаги сўз маънога эга:

чорасизлик - чора (от) + сиз (сўз ясовчи қўшимча) + лик (мавҳум от ясовчи қўшимча)

Маъноси: чора йўқлигини билдирувчи мавҳум от

Бу ҳам маънога эга:

бахтсизлик - бахт + сиз + лик

Маъноси: бахт йўқлигини билдирувчи мавҳум от

Иккала сўзда ҳам ясама сўзларинг биринчи қисми от сўз туркумига мисол бўлаяпти. Олмошга келсак, грамматик нуқтаи назардан от, сифат, сон ва баъзан бошқа сўз туркумлари ўрнида қўлланиб, предмет ва унга хос бўлган белгининг мавжудлигини кўрсатадиган сўз туркумидир. Масалан, Дўстимга қўнғироқ қилсам, у уйида йўқ экан.

Юқорида келтирилган икки мисолимизда "чора" ва "бахт" сўзлари от сўз туркумига киритилади ва уларнинг ўрнида олмош ишлатишга ҳақлимиз, шундайми?

Демак, олмош ҳақидаги келтирилган мисолда ҳам "Дўстим" (от) ўрнига учинчи шахс бирликдаги "у" олмошини қўйиб бошқа гап ҳам тузишимиз мумкин.

Мен одатда дўстим билан балиқ овлашга борар эдим, лекин ўтган сафар усиз ов анча зерикарли ўтди.

Математик индукция методига кўра, домла, бир ёки икки мисолда тўғри бўлган хулосани учинчи мисолга ҳам қўллашимиз мумкин ва бу хулосамиз умумийлик учун ўринли бўлади.
Яъни,

"Дўстим" (от) сўзини олмош билан алмаштирган қуйидаги гапга ҳам эътиборингизни қаратаман:

Мен одатда дўстим билан балиқ овлашга борар эдим, лекин ўтган сафарги овда усизлик зерикарли ўтди.

Бу гапда Сиз "усизлик" нинг маъносини тушундингиз деб умид қиламан, шундайми?

"Усизлик", деган сўз маънога эга экан, демак "менсизлик", "сизсизлик" деган сўзларни ҳам маъносиз, дейишга ҳақли эмасмиз.

Хулоса:

менсизлик - мен + сиз + лик

маъноси: менинг йўқлигимни ифодаловчи мавҳум от

Сизсизлик - Сиз+сиз+лик

Маъноси - Сизнинг йўқлигингизни ифодаловчи мавҳум от

Фикримни тушунтира олдим, деган умиддаман.

[Gulchehra Ibragimova]

МЕНСИЗЛИК

“Қандай экан менсизлик жоним,
ишондинг ёлғонларга”
(қўшиқдан)


Муҳтарам Домлажон!
Сизни дастингиздан ижодкорлар эркин ижод ҳам қилолмайди шекиллиhttp://uforum.uz/images/icons/icon7.gif? "Мен шоирман, истасангиз шу, ўзимники эрур шу созим" (А.О), деб қўя қолсам бўларди-ю, аммо Сиз бу сўзни ҳам бошқача талқин қилишингизни ўйлаб, изоҳлайман: Бу сиз билан охирги баҳсим. Сизни бир олим сифатида ҳурмат қиламан. Чунки исломда, аниқроғи Ҳадиси шарифда "олимлар ва деҳқонларгагина жаннати рузвон эшиклари тўғридан-тўғри очиқдир", дейилади. Шундан ҳам ангаш керак-ки, олимлар илм эгалари.Игна билан қудуқ ковлаб, билимлар эшигини очувчи заҳматкаш инсонлардир.. Улар туфайли инсонлар қалбини зиё, нур эгаллайди. Илтимос, илмингизни хор қилиб бунақа шеърларни таҳлил қилиб юриш Сизга хайф. Юқорида... қўшиқдан, дея эпигараф олинган-ку, буни кўргансиз, деб ўйлайман..Демак "менсизлик" сўзи мен ва Масъудбекдан аввалроқ ҳам қўлланилган. Яна қўлланилаверади..Чунки ясама сўз борлигини , ясовчи сўзлардан сўз ҳосил бўлишини билмаслигингиз мумкинмас. Қолаверса, ҳурматли Масъудбек чиройли қилиб изоҳлаб берибдилар.
Домлажон, майли фикрларингизни қабул қилдим, аммо "тирноқ остидан кир қидириш, ҳар нарсадан иллат излаш керакмас", фойдали илмий ишлар билан шуғулланишингизни ва бу борада тилшунос олимларга мурожаат қилишингизни маслаҳат бераман. Сизга қанча мисол керак бўлса келтира оламан. Фақат юқорида бир ижодкор йигитимизнинг ҳозиргига ўхшаб бир сўз устида тортишганиз ва у Х.Х.нинг шеъридан иқтибос келтирганидан сўнг..тан олганингизни унутманг.
Тўғри, "менсиз" энди ҳолинг нечук, деб ишлатишим ҳам мумкин эди.."менсизлик" -лик ясовчи қўшимчаси билан ишлатилганда мен дилимдагини дилим хоҳлагандек ифода эта олдим, деб ўйлайман. Сизга ҳурмат ила жавобларим шу. Нурни зулматдан излаш керакмас..
http://uforum.uz/images/icons/icon9.gif

[Masud Mahsudov]

Behzodda ham o'qigandim shu so'zlar ishtirokidagi she'rni, mana:

Юлдузлари ичикиб қолди,
Маҳзун энди Ойсиз осмоним.
Сенсизликка кўникиб бўлдим,
Қандай экан менсизлик, жоним?!

Ана, кўзим кўзингдан ўтди,
Қўй, яширма титроқларингни.
Хато қилдинг, ўзингдан ўтди,
Тишлаяпсан бармоқларингни.

Энди нурга бегона юзинг,
Қуёшингнинг ранглари қани?
Сиғмаяпсан ўзингга ўзинг,
Ҳаётингнинг тонглари қани?

Кечаларинг ўзингдай ғариб,
Армонларинг осмондан катта.
Юрагингга термилиб туриб,
Йиғлаяпсан биринчи марта.

Ухлаб қолган кунларинг ҳаққи,
Менинг ўрним бошқа — бўлакман.
Йиғлаб қолган тунларинг ҳаққи,
Мен, барибир, сенга керакман!

(c) Behzod Fazliddin

[Alisher Asror]

Bilishimcha so`z yasovchi qo`shimchalar so`z yasash uchun ishlatiladi va bu har qanday shu tilda erkin muloqat qiladigan odam uchun muammo tug`dirmaydi...Men ham shu so`zni (sizsizlik) ishlatib ko`rgan ekanman va hech qanday mantiqqa zidlik haqida o`ylamabman ham.


Muzliklarni ko`rgan chechaklar,
Ko`k toqida bo`lgan pechaklar,
Faqat Sizsiz menga ertaklar...
Bir kun ko`rib qolarmiz Sizni...

Tog`-tog`larni quchdi ko`tarib,
Ikki dushman do`st bo`ldi qariq,
Sizsizlikda bir o`zim g`arib,
Bir kun ko`rib qolarmiz Sizni...

Kumush istab Otabek yo`lda,
Hali -hamon Majnunlar cho`lda,
Asli visol azobi mo`lda ...
Bir kun ko`rib qolarmiz Sizni...

Arshga chorlab qolganda hudo,
Ketar bo`lsam aytib alvido,
Eng so`nggi dam, eng so`nggi nido:
"Bir kun ko`rib qolarmiz Sizni..."


Alisher Asror

[Masud Mahsudov]

Yurtim bahoriga yetar fasl yo'q,
Olamda bunchalar ko'klam -asil yo'q...
Dunyo ishlaridan bo'shab qolsa qo'l,
Bizning o'lka tomon albat oling yo'l...
Duch kelib oqlikka burkangan boqqa,
Shukrona aytasiz Yaratgan Haqqa...
Qaldirg'ochlar ko'kda qilganda handa,
Ajib xis uyg'onar har bitta tanda.
Yalpiz hidlariga bo'lib qolib mast,
Musoffo havodan olganda nafas,
Tabiat ko'rsatsa o'zgacha husn,
Ko'ngilga to'ladi ajib bir fusun.
Sharros yomg'ir quyar, to'xtaydi zumda,
So'ngra kamalakni ko'rasiz shunda.
Tog'larni bezaydi go'zal shalola,
Na'matak guli-yu, binafsha, lola.
Boychechak gulini ko'zga surib shod,
Dillar beixtiyor bo'ladi obod.
Bolari zuvillab qo'nar gulma-gul,
Tonglari sayraydi qaydadir bulbul,
Sochpopuk taqishib qizchalar shodon,
To'ptosh o'ynasharlar, kulishib xandon.
Sumalak qaynaydi har xonadonda,
Hayot jo'sh uradi shundayin onda...
Betakror mo'jiza bergani uchun,
Allohga aytamiz beadad shukur...

Yurtim bahoriga yetar fasl yo'q,
Olamda bunchalar ko'klam -asil yo'q..

(c)

[Gulchehra Ibragimova]

Дунё тaшвишлaри
(гoҳи тушкунлик қиёфасидa)

Ҳaвo кeрaк, бўғилиб кетдим,
Ўйлaйвeриб сиқилиб кетдим.
Нaри туринг, тиқилиб кетдим,
Дунё тaшвишлaри, дунё тaшвишлaри.

Қaй биригa чoпaйин эй вoҳ,
Қaндaй чoрa тoпaйин Oллoҳ,
Қaй эшикни ёпaйин oҳ-вoҳ,
Дунё тaшвишлaри, дунё тaшвишлaри.

Қирққa етмaй қaриб қoлдим-ку,
Ҳoлим етмaс, ҳoриб тoлдим-ку,
Гўр oғзигa бoриб қoлдим-ку,
Дунё тaшвишлaри, дунё тaшвишлaри.

Бу жoнимгa мaҳрaм тoпилмaс,
Дaрдлaримгa мaлҳaм тoпилмaс
Ён бeрувчи ҳaкaм тoпилмaс,
Дунё тaшвишлaри, дунё тaшвишлaри.

Эзгу ишинг бaриси бeкoр,
Ёр-дўстлaринг oш бўлсa тaйёр.
Йўл тoпoлмaй Гулчeҳрaнг aбгoр,
Дунё тaшвишлaри, дунё тaшвишлaри.

(с)

[Gulchehra Ibragimova]

Ярaлaнган қуш

Қaфaсдa жoн oлиб, жoн бeрaр,
Бир қушчa бeҳoлу, бeмaжoл.
Ҳaқ бўлиб тoпгaни кўп зaвoл -
Иқбoли кулмaди бaркaмoл.

Уни oтиб қўйди- чaқир кўзлилaр,
Сoтиб қўйди уни- “чирик” сўзлилaр
Уни oтиб қўйди-“ ўқи ўзгaнлaр”,
Сoтиб қўйди уни- aқли тўзгaнлaр.

У энди яримжoн, ярaдoр,
Oлaмгa бoқaди бeмaдoр.
Умиди мaжруҳмaс, қушчaнинг -
Кўксидa минг кaррa aлaм бoр.

У ҳaли ҳaётдaн енгилмaс,
Кўклaргa учaди чaрx уриб!
Ўқ узгaн ғaлaмис чиқoлмaс-
“Чиригaн қoбиқдaн бaрқ уриб”
“Қушчaнинг яшaшгa ҳaққи бoр!”

(с)

[Gulchehra Ibragimova]

Тиз чўкмa, юрaк

Ўлимни бўйнинггa oлсaнг ҳaм,
Мaлoмaт oстидa қoлсaнг ҳaм,
Ғaмлaрдaн эзилиб, тoлсaнг ҳaм
Мaғрур бўл, юрaгим тиз чўкмa.

Дeсa ким ёмoн-у, рaзил-у,
Ўзингчa дeгилки, ҳaзил-бу.
Кимни-ким aтaбди “aсил-у”,
Мaғрур бўл юрaгим тиз чўкмa.

Яxшилaр сўйлaмaс oртингдaн,
Ёмoнлaр чиққaнмaс зoтингдaн,
Эй кўнгил, ўргилaй oтингдaн,
Мaғрур бўл, ғийбaтгa тиз чўкмa!


(с)

[Alisher Asror]

Bir dilga bir dildosh bo`lmasa qiyin ,
Uzoq yo`lda yo`ldosh bo`lmasa qiyin,
Dunyoni topsang-u iching to`la dard,
Taqdir sengga biroz kulmasa qiyin.
Bir dilga bir dildosh bo`lmasa qiyin.

Hoy yigit , yoshlari qirqdan narida,
Topgan tutganlari bolalari-da.
Umring uzoq bo`lsin, qo`lda barokat,
Donolik kitobi bilgil qarida,
Bir yigit bir bor chol bo`lmasa qiyin.

Go`zal bor , bir qarab o`ldiradigan,
O`likka yana jon keltiradigan…
Har qizga tenggini bersin hudoyim,
Pahlavon kelbati , ham ziyragidan,
Bir suluv bir bor yor bo`lmasa qiyin.

Gar bulbul bo`lsayu gulzor oshyon yo`q,
Gulzorga bulbuldek sayroqi jon yo`q,
Bir buyuk el bo`lsa, faraz qil do`stim,
Boshini qo`ygani tuproq-makon yo`q,
Bir elga bir Vatan bo`lmasa qiyin.


Alisher Asror

[Hero]

Кечиролсанг кечир

Дилда тошим отиб бағринг яраладим,
Бевафо деб кимларгадир қораладим.
Сенга фақат аччиқ сўзлар сараладим,
Кечиб бўлса кечгил ёрим гуноҳимни.

Йўлларимиз туташ экан, йўқ чорраҳа,
Мен томондан етган бўлса дилга заха,
Ёсуманлар этмай туриб шод қаҳ-қаҳа,
Кечиб бўлса кечгил ёрим гуноҳимни.

“Остонанинг янгилиги” хатомизму?*
Паноҳсиз гул Яратганнинг атосиму?
Унсиз йиғи куйган қалблар сатосиму?
Кечиб бўлса, кечгил Оллоҳ гуноҳимни.

[Hero]

Уяси бузилган қуш

Бир дарахтнинг шохини тагидан каллаклашди,
Асли унга ин қурган қуш бағрин тилкалашди.
“Чирқ-чирқ” этади қушча, митти жони ҳалакда
Зарра меҳр борми, дер, ушбу кўҳна фалакда?!

Ахир шохда ини бор, ин ичида палапон,
Наҳот дунёни кўрмай ерда ётса чалажон?
Ин устида чарх уриб чирқирайди боёқуш
Уяси ағдарилган, боласи беҳол, бехуш…

Инсон деган буюк зот наҳот шунча паст бўлса,
Бир боғлам ўтин учун қуш жонига қасд қилса?
Наҳот дастим узун деб, қуш қанотин қайирса –
Қалб меҳридан яралган боласидан айирса?!

Қушнинг қўша қаноти синди, энди учолмас,
Учар бўлса осмонга – қайтиб ерга тушолмас.
Уяси бузилган қуш ноласи кўкни бузар,
Боласини зир тишлаб, кўзидан ёши сизар.
Эй қанотли жон дўстим, учиб кетгин узоққа,
Қайтиб тушиб қолмагин кимдир қўйган тузоққа.
Инсон – инсоннинг уйин бузса унда не дейсан,
Инсон – инсоннинг тақдир гулин узса не дейсан?!

Уясиз қолган қушча, уяси бузилган қуш,
Бундан меҳр топмассан, уравергин кўкда тўш.
Эй, тақдири туташ қуш, энди сенга хайр, хўш,
Уяси бузилган қуш, ҳоли менга ўхшаш қуш,
… уяси бузилган қуш.

[Hero]

Йиғланг
Йиғламоқ – тавбадир,
Йиғламоқ алам,
Кўз ёш – тазаррудан яралган чашма.
Қувончми, шодликми, қайғуми ё ғам,
Одам зоти азал йиғига ташна.
Йиғланг,
Армон ҳeчам раҳна солмасин,
Ташқари чиқариб бор ғуборларни,
Йиғланг,
Кипригингиз қуриб қолмасин,
Эслаб, надомату, афсус, зорларни.
Йиғланг, ўксиб-ўксиб,
Тавбалар айлаб,
Гуноҳлар тўкилиб кeтгунга қадар.
Пушаймонлик ҳиссин кўнгилга жойлаб,
Дуо ижобатга етгунга қадар
Йиғланг,
Йиғлайвeринг,
Қадрингиз сабаб,
Қимматингиз ерга урилгани чун.
Милён йўлга кириб,
Адолат сўраб,
Ҳақдан паноҳ топиб олганингиз кун
Йиғланг,
Тўйиб-тўйиб, майли, олмай тин,
Юкдан ҳоли бўлиб қолгунча гардан.
Яратган умримиз ҳоли айласин,
Йиғлашни билмаган бағритошлардан.
Йиғланг,
Кўз ёшига тўлиб кeтсин қалб,
Кўнгил дунёсига ёйилсин бeҳад.
Титрасин авфларни сўрагувчи лаб,
Руҳингиз ўшанда оларкан роҳат.
Йиғланг,
Бошингизни қўйиб саждага,
Ниятни пок этиб, маъзурлар айтиб,
Яхшига ёндашиб, ёмондан қайтиб,
Кўз тикиб Аллоҳдан кeлар муждага,
Йиғланг,
Бағрингизга тўлганида қон,
Зиёга интилиш тўхтагани он,
Ғалат талвасани туйганида жон,
Чорасиз қолганда бeгуноҳ инсон,

[Gulchehra Ibragimova]

Кечиролсанг кечир

Дилда тошим отиб бағринг яраладим,
Бевафо деб кимларгадир қораладим.
Сенга фақат аччиқ сўзлар сараладим,
Кечиб бўлса кечгил ёрим гуноҳимни...

Уяси бузилган қуш

Бир дарахтнинг шохини тагидан каллаклашди,
Асли унга ин қурган қуш бағрин тилкалашди.
“Чирқ-чирқ” этади қушча, митти жони ҳалакда
Зарра меҳр борми, дер, ушбу кўҳна фалакда?!...




Hero! Юқорида келтирган ушбу икки шеърингизни Г.Ш.дан дея муаллифини келтирганингиз-да, янаям бошқача бўлармиди? "Камтарлигим ҳам қурсин-а?!"http://uforum.uz/images/icons/icon7.gifhttp://uforum.uz/images/icons/icon7.gif
http://uforum.uz/images/icons/icon7.gif

[Nigora Umarova]

Hero! Юқорида келтирган ушбу икки шеърингизни Г.Ш.дан дея муаллифини келтирганингиз-да, янаям бошқача бўлармиди? "[COLOR=DarkOrange]Камтарлигим ҳам қурсин-а?!"


Men ham gapirsammikan deb turgandim. Undan oldingiz qilgan tanqidimga "rahmat" aytganliklari uchun andisha qilib turgandim ;)
"She'r aziz olam aro" mavzusida mualliflar o'z she'rlarini joylashtirishadi va C' belgisi yoki o'z ism-shariflari(taxalluslari)ni keltiib o'tishlari shart!

[Gulchehra Ibragimova]

Йиғланг
Йиғламоқ – тавбадир,
Йиғламоқ алам,
Кўз ёш – тазаррудан яралган чашма.
Қувончми, шодликми, қайғуми ё ғам,
Одам зоти азал йиғига ташна.
Йиғланг..


***

Ҳа,буни ҳаёт дейдилар, юлдузли, тунни..Инсон ҳамиша ҳам фақат кулиб яшолмаскан. Қизиқ инсон баъзан қаттиқ қувонсаhttp://uforum.uz/images/icons/icon7.gif ҳам йиғлайди, қайғуга http://uforum.uz/images/icons/icon9.gifтушса ҳам.. (айниқса..аёллар) Мутахассис психологларнинг айтишича йиғлаш ҳам ҳамманинг қўлидан келавермаскан, аммо йиғлаб туришнинг анчагина фойдали томонлари бор эмиш..Ҳеронинг юқоридаги шеъри Муҳаммад Юсуфнинг шу фикрга яқинроқ бир шеърини ёдимга солди:

"Дунёдаги ҳамма нарса одамга яқинлашиши билан ўзлигини йўқотади.
Одам одамга яқинлашганда ҳам топганидан йўқотгани кўпрокдир...
Офтоб қаерга ботади, дейман бобомга. Осмоннинг охирига, дейди у. Офтоб осмоннинг охирига бориб ботмайди, балки йиғлайди.
Дунёдаги барча йўлларнинг охири-йиғи.
Дунёнинг охири-қиёмат ҳам йиғи.
Одам йиғи нималигини англаб етгунича яқинлари оламдан ўтган бўлади.
http://uforum.uz/images/icons/icon9.gif
Мухаммад Юсуф

[Alisher Asror]

Do`stlarning mehriga o`tirib isin,
Ko`ksingdagi muzlar toki erisin.
Dushmanlik da`vosin daryoga tashla,
U daryo tubida cho`kib chirisin.


Alisher Asror

[Alisher Asror]

Sog`inch daydib yurar ko`changda,
Visolingdan sadaqa so`rab.
Umid chiroqlari ko`rinar,
Armon kechasida miltirab.

Mehrning qo`llari - sog`inch-da,
Ko`changdan hech nesiz qaytadi…
Kun bo`yi iztirob chekkan qalb,
Tonggacha qo`shiqlar aytadi.

Erta tong chiroqlar o`chadi,
Armonlar samoga uchadi.
Bir dunyo ko`z yoshga cho`milgan
Tobutni mozori quchadi.


Alisher Asror

[Alisher Asror]

Shamol tortib daraxt bargini,
O`ynatadi hazin kuyiga.
Yulib olib silab, erkalab,
Uloqtirar anhor bo`yiga...

Bitta raqs shuncha qimmatmi…
Bir uchmoqlik balki orzusi !?
Yo shamolga mehnat , minnatmi?
Yo kuchining budir ko`zgusi…

Qo`y, yig`lama bosh urib poyga,
Qo`y, dilimni aylama abgor.
Meni ham xo`p tortqilasharlar,
Men ham sendek uchishlarim bor…


Alisher Asror

[Mahmud Jurat]

Кўп вақтлардан бери форумга кирмай юрган эдим. Улардаги шеърлар менга ёқади. Аммо ўқиб ўз фикрларимни билдиришдан ўзимни тортиб юрганим учун хижолатдаман. Мени формда қатнашишдан тотиб турган нарса шу вақтгача бизнинг форум қатнашчиларимизнинг кўплаб ҳолларда савод, имлога эътиборсизликлари ҳам бўлди. Бу борада айниқса бошқа сайтлардаги аҳволни кўриб йиғлаб юборасан киши. Ҳа, ҳар ҳолда ҳамма нарса ҳам ўзимизга тенг бўлса керак. Мана мен ҳам форумга кириб келдим, Салом форумдошлар. Сизларнинг ҳукмингизга бир неча шеъримни қолдирмоқ

[Gulchehra Ibragimova]

ПЕШОНАМГА БИТМАГАНИМ

Бугун сизни кўргим келди жон дилимдан,
Журъат этиб севги изҳор этмаганим.
Ўз қалбимга ўзим ҳажр гулин экдим
Қайлардасиз, севиб туриб етмаганим?

Сизни десам дунёмга ўт туташади.
Ардоғимсиз пешонамга битмаганим
Қурбим етмас ҳеч ўзимни кечирмоққа-
Қўлим тутар шум тақдирдан кутмаганим..

Сизга элтар йўлда энди тиконлар бор,
Етмаса-да ишқдан кечиб кетмаганим.
Минг хил ўйдан бошим боғлиқ ўртанаман-
ҚАЙЛАРДАСИЗ СЕВИБ ТУРИБ ЕТМАГАНИМ?!..

(с)

[Gulchehra Ibragimova]

Кўнглим мани

..бўйимдек бўй топдим-у, кўнглимдек кўнгил топмадим
Севсанг-у, лек айтолмасанг,
Ишқ йўлидан қайтолмасанг,
Суйганингга етолмасанг,
НИМА ҚИЛДИНГ КЎНГЛИМ МАНИ?

Гоҳо азиз суюк бўлдинг,
Шеърлар ёзиб “буюк” бўлдинг.
Аммо бағри куюк бўлдинг
НИМА ҚИЛДИНГ КЎНГЛИМ МАНИ?

Бўйинг тенги ғуруринг бор,
Гоҳ йиғлайсан сен кимга зор.
Бериб менга бунча озор-
НИМА ҚИЛДИНГ КЎНГЛИМ МАНИ?

(с)

[Alisher Asror]

"Har bir inson betakror... men esa bu betakrorlikda yolg`izlikni ko`raman" (C)



Sening dunyong boshqa, meniki bo`lak,
Ikkimiz bir zamin ustida xalak…

Sen meni tushingil deysan, ne qilay,
Mening imlom boshqa , lug`atim bo`lak.

Sen menga: bu tog`lar, bog` go`zal – deysan,
Mening tog`im boshqa , bog`larim bo`lak.

Sen menga: bu yoshlik chog` go`zal – deysan,
Mening yoshim boshqa , chog`larim bo`lak.

“Sen menga quloq tut” – deyman , ba`zida,
Sening fahming boshqa , tushunchang bo`lak,

Ikkimiz hamfikr o`zga nazdida,
Qayroqtosh boshqa-yu, tosh xarsang bo`lak.

Men bir o`rta tilda so`zlashmoqchiydim,
Sening o`rtang boshqa, meniki bo`lak,

Qiyomatni senla ko`zlamoqchiydim,
Sening ertang boshqa, meniki bo`lak.

Sabrlashib ko`ngil topmoqchi bo`ldim,
Sening sabring boshqa, meniki bo`lak,

Unda bir qabrda yotmoqchi bo`ldim,
Sening qabring boshqa, meniki bo`lak.

Sening dunyong boshqa, meniki bo`lak,
Ikkimiz bir zamin ustida xalak…


Alisher Asror

[Remix]

2. Ранг-баранг шрифтлардан фойдаланманг.


biram g'alatisilaki
bu forum bo'lsa
imkoniyat bo'lgandan kegin nega foydalanish mumkin emas?
agar yoqmasa foydalanuvchilardan bunaqa imkoniyatni olib tashlang:dash2:

[Nigora Umarova]

bu forum bo'lsa
imkoniyat bo'lgandan kegin nega foydalanish mumkin emas?
agar yoqmasa foydalanuvchilardan bunaqa imkoniyatni olib tashlang:dash2:

Gap yoqish-yoqmaslikda emas. Hamma ko'ngliga kelgan ma'qulini qilaversa forumning saviyasiga ta'sir qilmaydimi?!.. Men o'z vazifamni bajardim.
Forum qonun-qoidalai barchaga birdek hamda hamma forumdoshlar bu qonun-qoidalarga qat'iy amal qilishga majburdirlar!!!
Ogohlantirish: 1. Agar rang-barang shriftlarda, texnik xatolarga yo'lq o'yib yozilavrsa bu xabarlarni o'chirib tashlayman.
2. Forumning qonun-oidalari sizlarga to'g'ri kelmasa read onlyga o'tkazib qo'yaman. Mavzularda faqatgina uni o'quvchi sifatida ishtirok etasiz.

[Jamshiddin]

Osmonni bulutlar yopsa ham
Jam bo'lib qovog'in solsa ham
Do'l bo'lib ko'z yoshin to'ksa ham
Bu safar qaytmayman ortimga.

Yuragim bezovta qilsa ham
Kun bo'yi yodimda tursa ham
Bedorlik hamrohim bo'lsa ham
Bu safar qaytmayman ortimga.

Sevgilim farishta bo'lsa ham
Yolvorib yonimga kelsa ham
Hayotim qaytarib bersa ham
Bu safar qaytmayman ortimga.

[Masud Mahsudov]

Oy yuzini bulutlar to’sgan,
Tun...
sukunat...
Atrof osuda.
Chirmoviqdek dardlarim o’sgan
Shodligimning peshonasida.

Oy yuzini ko’rolmay kecha
Oydinlikdan ketsa voz kechib.
Urinsam ham chiransam necha
G’amlarimni bo’lmaydi yechib.

Oy yuzini yashirar zulmat –
Yorug’likning yopar yo’lini.
Yuzim kular – yig’laydi fitrat,
Yosh to’ldirar sabr ko’lini.

Oy yuzini qoplagan dog’ni,
Bo’lmaganday aslo o’chirib.
Alamlardan yaralgan tog’ni,
Ko’nglim tashlay olmas ko’chirib.

Oy yuziga nigohim to’ymas,
Sham yoqsayam yorishmas ichim.
Ko’zim ko’kda,
Uyquga qo’ymas,
Iztirobga to’la sog’inchim.

Oyga yetmas qo’lim uzatsam,
Qalbdagi dard unda mujassam.

(c)

[Mahmud Jurat]

Қачонгача мақтаб яшаймиз,
Қурбақанинг тор ботқоғини,
Қўнгғизге деб, сен оппоғимиз,
Тошбақанинг тош чаноғини.

Энг гўзал жой ўзи уйимиз,
Париж гўзал, Тошкент ҳам гўзал,
Ўнглангайми бу тор ўйимиз,
Бутун жаҳон зап гўзал маҳал.

Асал ширин, новвот ширинку,
Қалампирдан ширинику йўқ.
Бирда ташлаб кўзнинг қирини,
"Ялмоғиз"га урамиз биз дўқ.

Шунча жойга етганда ёшим,
Оқ саватга айланди бошим,
Жавоби йўқ кўзларда ёшим,
Топган бойлик бўлди бардошим.

[Gulchehra Ibragimova]

Ортда қолган дунё
(хотира Ғ.га)

Сиз эдингиз жоним - жаҳоним
Юракдаги танҳо ҳоқоним,
Томиримда жўш урган қоним
Энди қандай яшайман Сизсиз?!

Эдингиз-ку, боғим - баҳорим,
Дил маҳрами, мақтовим, орим
Қайтмайсизми жон вафодорим
Ахир қандай яшайман Сизсиз?!

Бахти-тахтим, кўрарим-кўзим
Пешонамга битган юлдузим,
Айтар сўзим, эй ёруғ юзим.
Айтинг қандай яшайман Сизсиз?!

Айро қалбга йўқ дерлар тўзим
Ортда қолган дунёнгиз ўзим!
"Ёлғизлатиб қўйманг ёлғизим"
Энди қандай яшайман Сизсиз?!

Юрак қотиб қолган парча муз
Муҳаббатим йўқолди изсиз
Шум қисматга йиғлаб чўкай тиз
Осмонда ой, ерда мен ёлғиз-
..Энди қандай яшайман сизсиз?!

(с)

[Gulchehra Ibragimova]

Мен кутганим

Қайғулардан оқаверди ёшим менинг,
Не кунларни кўрмади -я, бошим менинг.
Бахт эшиги очилар деб уравердим,
Зарбларидан синиб кетди дошим менинг.

Мен истаган бахт эшиги очилмади,
Қадамимда ишқ гуллари сочилмади.
Номардлари оёғимдан чалиб кетди –
Мен кутганим бир мард эди… топилмади.


(с)

[Mahmud Jurat]

***
Уйқудан кўз очиб жаҳонга қараб
Овга отланаман қўлимда ўқ ёй.
Кўчада лапанглаб юрган қарқара
Кўзимга кўринар мисли тўлин ой.

Ҳар кун уйдан чиқиб жаҳон, очунга,
Садоқдан ўқларим санамай отдим.
Мен овчи ҳаётда, топганим ғунча,
Фақат бу ғунчани эрта йўқотдим.

Чапдаст кўзим очб жумла жаҳонга,
Овга отланаман қўлимда милтиқ.
Изҳори дилимни айтмай онамга,
Югуриб кетаман бошқага интиқ.

Кўз очиб жаҳонда чопганим ҳамон,
Бургутга ем бўлмай келган бир жўжа.
Бургутман, жўжаман, қалбимда гумон,
Мен ўзим овчиман, мен ўзим ўлжа.

[Gulchehra Ibragimova]

Севганимга ўхшайсан
..га

Қошлар қора, ўртаси туташ,
Менинг учун дунёда яккаш,
Мумкин бўлса сени шу аташ-
СЕВГАНИМГА ЎХШАЙСАН ЖУДА!

Узолмайин қолдим нигоҳим,
Ўхшаш йигит, кечир гуноҳим-
Куйиб чиқар дилдаги оҳим,
СЕВГАНИМГА ЎХШАЙСАН ЖУДА!

Ёридирсан қайси бир гулнинг,
Эркасисан суйган кўнгилнинг,
Қўлдан чиқдим сендай булбулнинг,
СЕВГАНИМГА ЎХШАЙСАН ЖУДА!

Кўриб қолдим сени қайдан ҳам,
Юролмайман энди хотиржам.
Фироқингда ўртанар танам-
СЕН ЁРИМГА ЎХШАЙСАН ЖУДА!

Мен севганим жуда узоқда,
Асролмадим уни паноҳда
Ўхшаш йигит, сен куйма доғда-
СЕН ЁРИМГА ЎХШАЙСАН ЖУДА...

(с)

[Gulchehra Ibragimova]

Қуёшга тош отманг

«Инсонни енгиб бўлмас!»
ХЕМИНГУЭЙ

Лойқаланган умр...
Тўкилган юрак... -
Дарз кетган кўнгилдек мўрт чинни тақдир
«Миш-миш»га ён берманг, шум ёсуманлар
Қисматнинг талх оши, талхдан-да талхдир.

Кулманг, эртами ва ёки кечроқ
Илоҳо сизга ҳам кўрсатар Тангрим!
Тош отманг-тегмайди, осмоним йироқ
Шундоқ ҳам минг пора тиғланган бағрим.

Кимга вафо қилган замона, э, воҳ,
Не гуноҳ қилганди Темур, шоҳ Бобур?!
Уларнинг пойида мен-ку бир увоқ
Кечаги Чўлпон ким-ўзингиз гувоҳ.

Бор бўлса кўролмай, йўқ бўлса бермай,
Тош отиб бунчалар бўлдингиз ҳалак?!
Покиза шабнамдан яралган Гулман,.
Ножинсу нопокка дуч қилган фалак.

Минг йилки, тош отиб толмадингизми?
Эй, ўзини билмаган, эй, сиз оломон?
Қаранг-чи, балчиқда қолмадингизми?
Шукр денг, фарзандлар юрсинлар омон.

Иғвою миш-мишдан айтинг, кимга наф,.
Ҳақни ҳақ билгувчи халқ бор. Оллоҳ бор.
Ортингизга боқинг, йўқми сизга хавф,
Кулганга «қирқ кунда»... деган сабоқ бор.

Замин яраланди ҳаво булғанди,
Кимларнинг касридир, қалқир кўкда ой?
Ичимлик сувлар шўр, ер оғуланди,
Дарё ўзанига чапланмоқда лой.

Тош отманг эрмакка ўнгга, ҳам сўлга
Оқилу донога тегиб кетмасин.
Ногаҳон зарб етиб иймонли дилга,
Бир умр бошини эгиб ўтмасин.

Биргина қуёш бор, тарозуси тенг
Сиз унга тош отманг, адо бўласиз.
Кети кенг дунё бу, карами ҳам кенг,
Лек нурни кўролмай гадо бўласиз.

Қуёшга тош отманг, гуноҳга ботманг,
Унинг пок нурлари айламасин кул.
Ҳамиша ғолибдир тун устидан кун,
Зиёсиз қолмасин ҳеч қайси кўнгил.

...Қуёшга тош отманг,
гуноҳга ботманг...

(с)

[Alisher Asror]

Yomg`ir


Derazaga qarang balki ko`rarsiz...
Oynangiz yuzida parcha bo`lishim.
Yoki ostonaga oqib suv bo`lib,
Shivirlab, tomchilab qaytib o`lishim.

Mayli, yomg`irligim bilmay ham turing,
Mayli, derazaga boqmang men uchun,
Mayli, yuragingiz ezmang-da yuring,
Ko`zingizda yoshlar ayting ne uchun!?

Ne uchun mayussiz, g`amginsiz nechun?
Qo`shiqlar kuylaysiz alamga to`lib…
Bilsangiz, bilsangiz faqat siz uchun,
Samolardan qaytdim yomg`irlar bo`lib.

Derazaga qarang urib boshimni ,
Sevgimni so`rayman, olib ketayin…
Yig`lamang, meni ham to`kmang yoshimni,
Mayli dilingizda qolib ketayin…


Alisher Asror

[Mahmud Jurat]

***
Узоқларда шаҳар шовқини,
Қароғимда ухлайди болам.
Оқ сурпада оқ буғдой уни,
Компютерда титрайди олам.

Бир саҳфада фаҳшлар макони,
Бошқасида жиғи бийрон жанг.
Адолатнинг сингган мезони,
Шу аснода отаяпти тонг.

Болам юзи ёришди бирдан,
Қўлларини ўйнатди сокин.
Туш кўрмоқда қайси бир рақам,
Тўлдирмоқда унинг бисотин.

Жаҳон аста кўзин очмоқда,
Муаммолар урса ҳамки бонг.
Ихтиролар бўлар чамамда,
Отаяпти сурурли бир тонг.

[Masud Mahsudov]

Тун ўтмоқда; имиллайди вақт,
Қалб бeдорлик қўшиғин куйлар.
Қаердадир кутиб яшар бахт
Ечимини топмаган ўйлар.
Кeтар хаёл осмонга учиб,
Гоҳ зулматга бўламан таслим.
Тушларимда ерларни қучиб,
Сўнг ўнгимда топаман аслим.
Уйғоқманми, ухлаганманми,
Билолмайман; бошларим гаранг.
Аламлардан ёнган танамни,
Умид ушлаб турибди аранг.

Тун ўтмоқда,
Чиқиллар соат,
Милларида умрим тортқилаб.
Ҳeч нарсага этмай итоат,
Баъзан уриб, баъзида силаб.
Барчасига бу юрак чидар,
Ортиб борар ортига ғамни.
Бўлса зулматлар ҳаминқадар,
Шунча ёрқин ёқади шамни
Чарчамайди,
Шукр,
Уради,
Ҳақ бeлгилаб бeрган онгача,
Ҳовучимда даврон суради,
Балки йиллар,
Балки тонггача.

Тун ўтмоқда,
Ўтмоқда ҳаёт,
Зимистондан зиёни излаб.
Сақлаяпман муштумдeк жоним,
Кимни сeнлаб, кимнидир сизлаб.
Имоним-чи, ориқлаб кeтган,
Нур қидирар тунда тeнтираб.
Билмам, қанча кeчалар ўтган,
Қўлларимни манглайга тираб.

Тун ўтмоқда,
Субҳидам яқин,
Қуёшларни соғиниб кeтдим…

(c)

[Gulchehra Ibragimova]

*** *** ***
Бойлик биланми ё зўрлик биланми,
Қолипга сиғмаган ўрлик биланми,
Кўнгил отлиқ куйган шўрлик биланми,
Айт, сени кўнглингни қандай олай ёр?!.

Таъзимлар қилайми, тизлар чўкайми,
Оёғингга зару борим тўкайми,
Ишқингда хор бўлган дилни сўкайми,
Айт, сени кўнглингни қандай топай ёр?!.

Ё кечиб кўнглимга шавқат қилайми?
“Ишқнинг худоси”дан паноҳ тилайми?
Ўлайми хасратдан, йиғлаб кулайми?
Айт сенинг кўнглингга қандай етай ёр?!.

Бу каби ишқ нетсун Ширин- Лайлида,
Кўнгил телба бўлди васлинг майлида!
Саро-сар, сарсонман ишқнинг “сайли”да
Кўнглингнинг кўнглини қандай топай, айт?!.


Mumtoz

[Mahmud Jurat]

***
Хотирам бағрида бўламан мулзам,
Аё ким экан у ўзбек аёли,
Ўтмишга қўл чўзиб бугунни билмам,
Менга муқаддасдир юртим хаёли.

Жонимга жон эрур шу азиз тупроқ,
Тўмарис эканда Сароймулк хоним.
Ўзбек аёлининг бағрида чироқ,
Зиёга элтади бутун жаҳоним.

Зорланиб меҳрига тўймайман ҳамон,
Чапани яратган бўлса ҳам Тангри.
Момоҳаво ўзбек бўлгани гумон,
Аммо ўзбек эрур севганнинг бари.

Менга берилгандир буюк бир имдод,
Ўзбек аёлининг меҳрига зорлик.
Бир ўзбек синггари айтгум қасамёд,
Аёл зотигадир ушбу хуморлик

Журъат

[Gulchehra Ibragimova]

Ҳаётдан сабоқ


(... Оғзинг тўла қон бўлса-да
Душманинг олдида тупурма)
Амир Темур

(Ўғлим Юсуфжонга)

Сендан саҳоватин аяса ҳаёт
Аллоҳдан ўтингин ирода, сабот.
Бошингга иш тушса йиғлама бот-бот,
Йиғидан кушойиш топилмас, хайҳот!

Йиқилма, устингдан ўтарлар тепиб,
Дўст деб билганларинг сурадилар от.
Курашгин, йўлинг топ, қолмагин депсиб,
Эгилма, уч кўкка чиқариб қанот.

...Инсон бир йўловчи, узоқдир манзил,
Етгунча учрайди қанча ғов-довлар.
Турмушнинг юки зил, оғир шуни бил,
Чекинсанг атрофда кўпаяр ёвлар.

Мағрур бўл, яшасанг бургутдек яша!
Қарға “минг йил” яшаб фақат гўнг ковлар.
Насибанг топилар ризққа яраша,
Шер бўлсанг тулки ҳам мушукдек “мовлар”.

Баъзан номард юриб, мардлар ўлгуси,
Дард чексанг яқининг юзини товлар.
Бу кураш майдонда нелар бўлғуси –
Ёки бир муттаҳам қалбингни овлар.

Чидасанг бўлгани, барига фақат,
Гоҳо кутмаганинг изингни пойлар.
Тоълеинг кулгуси бир кун қатма-қат,
От изин босади албатта тойлар.

Сен талпин чўққига, эзгулик деб ён,
Машаққатсиз ҳаёт – номардга сийлов!
Ҳушёр бўл, ағёрнинг ҳолидир аён –
“Яхшилик қилсанг-да, ниш урар чаён”!

Узоқни кўра бил, эгилмасанг бас,
Қуёшим, Сен борар йўлинг олдинда.
Олға кет, йўлингни тўсмасин ҳеч кас,
Иймони бут бўлмоқ сабоқдир динда!

Ва сўнгги Гулчеҳра сўзим ушбудир: -
Ҳунарни эгалла, бўлмагайсан хор.
Доимо маърифат йўлини қидир
Омадинг от чопсин, тоълей бўлсин ёр!

..Йиқилма, жон болам, йиқилма ҳайҳот!

(с)

[Gulchehra Ibragimova]

Билмабман

(Қўшиқ)

Порлаган юлдузим дебман,
Сенсан кўрар кўзим дебман.
Кеча ҳам кундузим дебман,
Бошқага ёр экансан.
Билмабман...

Севишимни билар дебман,
Қора сочим силар дебман,
Менга вафо қилар дебман,
Ўзгага зор экансан.
Билмабман...

Кетсам излаб келар дебман,
Соғинч бағрин тиғлар дебман,
Айрилганда йиғлар дебман,
Умримга дор экансан.
Билмабман...
Билмабман...

[Masud Mahsudov]

Sog’inch to’la chashming tubiga boqib,
Mehrli nigohingga ko’mililganim dam,
Jo’shqin hislar qalbda daryodek oqib,
Go’yo zulmat ichra nurdek, azizam
Seni angladim.

Tutqichsiz xayollar,
Erka xayollar
Tuyg’u aldamchi, deb qiynaydi goho.
Senga tunlar uyqu bermas savollar,
Halak bu jonimni tirnaydi goho.

Men, mayli, dardlarga bo’lay oshino,
Mayliga, qonlarga to’lsa ham ba’gir,
Minglab insonlar bor hayotim aro,
O’zgani tushunmay, faqat negadir
Seni angladim.

Ishq uchun hakamlar to’la jahonda,
Kalom in’ikosin topmas zabonda.
Xatto do’stlar vafo qilmas zamonda,
O’zimni bir chetga qo’yganimcha jim,
Seni angladim...

Umrimda hijronning yuki sarosar,
Visol, bilmam, qayda kezar o’ksinib.
Qandaydir g’alayon ichimni o’rtar –
Bedor kechalarda angladim seni...

Seni angladim-da, o’zni angladim...

(c)

[Alisher Asror]

Кўзни юмди ул нигоро, юз зиёсин кўрсатиб,
Юз зиёсин мен қулига ой қиёсин кўрсатиб.

Тун эди , атроф қоронғу, мунаввар бўлди олам
Очқонида кўзларин тим-тим сиёсин кўрсатиб.

Мен ошиқ дил ҳаста эрдим, ҳаста тан йўқди мажол,
Бир боқиб ўтди шу дам меҳри-гиёсин кўрсатиб.

Меҳридан келиб ўзимга, истадим ҳар ён қараб
Топмадим, чунки яширди очун риёсин кўрсатиб.

Ҳар неча ғам бўлса менда ёшурун бўлғай эди,
Йиғлагай бунда, Алишер, дийдиёсин кўрсатиб.


Alisher Asror

[Nigora Umarova]

Ҳар неча ғам бўлса менда ёшурун бўлғай эди,
Йиғлагай бунда, Алишер, дийдиёсин кўрсатиб.


Alisher Asror

Мана шу сўзни бирор сўзга алмаштирилса мақсадга мувофиқ бўларди. "Дийдиё қилиш" аёлларга хос одат. "Дийдиё қилинган"да кўз ёши юзнинг сиртига чиқади ва айтиб йиғланади. Эркак кишининг кўз ёши эса сиртига чиқарилмайди ҳамда ушбу жинс вакиллари дардларини сиртга чиқаришмайди.

[Alisher Asror]

Мана шу сўзни бирор сўзга алмаштирилса мақсадга мувофиқ бўларди. "Дийдиё қилиш" аёлларга хос одат. "Дийдиё қилинган"да кўз ёши юзнинг сиртига чиқади ва айтиб йиғланади. Эркак кишининг кўз ёши эса сиртига чиқарилмайди ҳамда ушбу жинс вакиллари дардларини сиртга чиқаришмайди.

Avvalo, e`tibor bilan o`qib fikr bildirganingiz uchun katta rahmat! Men ,albatta , bu haqda o`ylab ko`raman. Agar biror variantingiz bo`lsa yozib yuboring. Bundan faqat xursand bo`lgan bo`lar edim.

[Gulchehra Ibragimova]

Мен сени кеч топдим

Мен сени кеч топдим суюкли гулим,
Йўқотиб қўйишдан қўрқиб яшайман.
Ў, сендан ажралсам соврулсин кулим,
Чарх уриб йиғласин юрак булбулим.
Фалакнинг ҳукмига келмайди кўнгим.

Хазонрез кузларда нишлади севгим.
Мен сени баҳорга бермам севгилим,
Ғўр куртак илинждан келмайди кечгим.
Хиёнат шаробин йўқ ўлсам ичгим,
Фалакнинг ҳукмига келмайди кўнгим.

Қилмаган гуноҳим менга тош отди.
Бурқсиган сўзлари ўқ бўлиб ботди.
Жизғанак кўкракда бир алам қотди,
Қоқилдим, бир бора дилим уйғотди,
Фалакнинг ҳукмига келмайди кўнгим.
..мен сени кеч топдим

(с)

[Gulchehra Ibragimova]

Қолгани гуноҳ

Бир ғариб кўнгил деманг,
Кўнглим менинг шоҳдур бегим.
Сизни ўзга тенг кўролмай,
порлаган моҳдур бегим.

Меҳри йўқ қашшоқ кўнгилдан
ўз қадрини топмайин .
Излабон етдим муродга,
кўнгил ҳам чоғдир бегим.

Зар қадрин заргар билар,
бунга эл гувоҳ бегим -
Ухламай то тонтггача -
чекканингиз оҳ бегим,

Бой бериб Гулчеҳрангизни,
кўнглингизда доғ бегим,
Иккимизнинг ўртамизда
қолгани гуноҳ бегим.

.. Бир ғариб кўнгил деманг,
Кўнглим менинг шоҳдур бегим.
(с)

[Alisher Asror]

Ер юзин қопласа музлик – қаҳратон,
Ёруғлик қолмаса, бўлса зимистон,
Кимнингдир кўксида йилт этса бир жон,
Бу кичик аланга –
Катта бир исён,
Муҳаббат бўлади, муҳаббат дўстим.

Бешикни қучоқлаб кўксини тутса,
Вояга етказиб, кузатиб кутса,
Ўзин борлигини илҳақ унутса,
Бу катта ҳаяжон ,
Шу бир кичик жон,
Муҳаббат бўлади, муҳаббат дўстим.

Юртин обод айлаб йўл-роҳ солса ким,
Ўғлига , қизига ўргатса илм,
Ширин қовунидан берса бир тилим,
Шу кичкина одам,
Катта меҳрибон,
Муҳаббат бўлади, муҳаббат дўстим.

(C)

[Alisher Asror]

Кечаги киссовур бугун ўғримас,
Кечаги ландовур бугун меҳнаткаш,
Кечаги айтганим бугун тўғримас,
Дилни қувонтирган, лек ўзинг яккаш:

Ўзинг ўзгармассан – тилло, заримсан,
Севгим, муҳаббатим, ишқим боримсан,
Вақт , йиллар ҳар нени қилар ўткинчи,
Мудом ўн саккизда юрган ёримсан!

Кўрсам, кўзларимга байрам ўша кун,
Вужудим, дилларим яйрар ўша кун,
Ўзим дунёсига сиғмай қоламан,
Тилим булбулдайин сайрар ўша кун.

Шундай инсонлар бор севгидан азиз,
Шундай инсонлар бор қанча суйсанг кам.
Сеги деб бошингни кундага қўйсанг,
Улар учун фақат яшайсан укам!


(C)

[Alisher Asror]

Юракка ҳасратларим (ҳазил шеър)

Ҳамроҳим – Юрагим чарчамадингми,
Менинг дардларимни кўтариб юриб?
Ҳаргиз сўзларингга қулоқ солмайман,
Тепада Ақлхон окамиз туриб.

Аслида оёғим сен айтган тамон
Юришни истайди, вужуд хохлайди.
Лек ўзинг биласан...мантиқан ҳамон
Фойдали юришни Окам ёқлайди.

Разиллик кўрганда типирчилайсан,
Кўкрак қафасимни томига уриб.
“Қўлингни йиғиштир, сал ўпкангни бос...”,
Маслаҳат беради тепадан туриб.

Гулзорни оралаб, сен айтган гулни
Сайладим, кифтига ўзингни тутдим.
Дедилар: шошилдинг, шошилаяпсан,
Бирор фасл ўтсин, сен бироз кутгин.

Иккимиз қийналдик соғинтирганда,
Иккимиз висолнинг гаштини сурдик.
Лекин ҳаяжонлар ўтиб эртаси,
Барибир Оканинг ҳукмида юрдик.

Борган сари Сенга ақл кирмоқда,
Борган сари совиб бормоқда вужуд...
Сабаб, асрорини била олмасдан,
Ўйлайвериб бошдан чиқиб борар дуд...


(С)

[Alisher Asror]

Тескари айланар ер,
Агар Худо хохласа.
Чумоли бўлади шер,
Агар Худо хохласа.

Кўм-кўк ўрмон ҳас бўлар,
Баланд тоғлар паст бўлар,
Ғирт ёлғончи рост бўлар,
Агар Худо хохласа.

Ойга нарвон қурамиз,
Бошимизда юрамиз,
Коинотга тўрамиз,
Агар Худо хохласа.

Сиз йироққа кетмайсиз,
Ҳижронларга етмайсиз,
Зор-нотовон этмайсиз,
Агар Худо хохласа.

Кўнгилда ишқ – топганим,
Бир Сиз тамон чопганим,
Сиз манимсиз,Сиз маним,
Агар Худо хохласа.


(C)

[Gulchehra Ibragimova]

БИР КЕЛИНГ

(Хотира)

Неча йил-ки, кўзда ёшим,
Тополмайман бир чора.
Чорасизлик жондан ўтди,
Юраккинам садпора.

Менинг учун тонглар отмас,
Кунлар бунча қоп-қора
Дадажоним, уйимга бир
Меҳмоним бўлиб келинг?!.

Мағрур бошим бугун эгик,
Сира кўнглим тўлмайди,
Жон-қондошим атрофимда
Ҳечам Сиздек бўлмайди.

Тўйлар қилдим, уйлар қуриб,
Бир бор чеҳрам кулмайди,
Дадажоним ҳолим сўраб,
Посбоним бўлиб келинг?!.

Соғинганман меҳрингизни,
Қуёшим бўлиб келинг,
Тугамоқда сабр-дошим,
Бардошим бўлиб келинг .

Қувончлардан йиғлай, майли
Кўз ёшим бўлиб келинг,
Сиз қаддимни тиклагувчи
Осмоним бўлиб келинг?!

Суҳбатингиз соғинганман,
Меҳмоним бўлиб келинг?!.
Кемтик қалбни тўлдиргувчи
Уммоним бўлиб келинг...

..Дадажоним уйимга Сиз меҳмоним бўлиб келинг?

[Alisher Asror]

***

Қарорим йўқ , кимдир уни олдими,
Сўрорим йўқ, тилимга қулф солдими,
Борорим йўқ , оёоқларимда кишан,
Турорим йўқ , замин мендан толдими?

****

Куйла ҳаёт қўшиғин тинмасидан соз,
Дилингдагин айт дилбар, кўп ҳам қилма ноз.
Сен ҳам мен ҳам ғанимат, дунё бевафо,
Шамолларда хокимиз учар бепардоз.

*****

Тоғ тепаси кундан кунга қорламиш,
Интизорлик ипи таранг - зорламиш,
Соғинч дарди қуритиб кўз булоғин,
Тўртта қилиб ҳар йўлига порламиш.


(С)

[Alisher Asror]

Кўнгилга нур бўлдинг, ёқдинг шамини,
Юракка қайтардинг шодлик тамини,
Дилни безовталаб , дилни куйдириб.
Яна тирнаб ўтдинг мудроқ ғамини.

(С)

[Alisher Asror]

Тонг соғинчи


Туннинг энг четида уйқусиз, танҳо,
Ёлғизлик кўйида кезиб юрибман.
Оёқнинг остида шивирлар ёмғир...
Унимас, юракни эзиб юрибман...

Тонггача – умримдан узоқ манзилми?
Тонггача – ҳокимми баттол зимистон?
Тонггача етишмак шунча мушкулми,
Тонггача қийналмак шунчалар осон!?

Қоронғу қақшатиб жонни ютгудай,
Ойнинг ҳам ўроғи синган кеча бу.
Итлар аккилламас,
Қарға вайсамас,
Уккининг овози тинган кеча бу.

Аммо... ёмғир чалар азал куйини
Аламнинг заҳрини ювмоқчидай у,
Оламнинг қаҳрини ювмоқчидай у,
Сизнингдек кўнглимни олмоқчидай у,
Сизнингдек елкамдан қуймоқдадир сув...

Туннинг энг тубида совуқ ва ҳиссиз,
Юзимни силайди ёмғир – одобсиз.

(C)

[Gulchehra Ibragimova]

Ўзбегимнинг аёллари

Ўзи каби бир иболи хаёллари,
Лабзи ширин, тилларида бор боллари.
Чеҳрасидек кулиб турар иқболлари,
Бунча гўзал, ўзбегимнинг аёллари!

Қош, кўзида ўсмаси-ю, сурмаси бор,
Атлас кўйлак, чеккасида бурмаси бор.
Ош пиширса лаззатдан тил ёрмаси бор,
Бунча зебо ўзбегимнинг аёллари!

Аждодида ўтган бағри куюклари,
“Мен”деганни бағрин ёққан суюклари.
Бор Тўмарис, Увайсийдек буюклари,
Бир париваш ўзбегимнинг аёллари!

Бири ишчи, бири раҳбар ишбилармон,
Юзлари ой, покиза руҳ, катта карвон.
Иши билан, сўзи билан элга дармон,
Иймони пок ўзбегимнинг аёллари.
(c)

[Mahmud Jurat]

ГАДО

Соя ҳам танламай ўтирмоқдасан,
Кўчадан ўтганлар оёғин санаб,
Сен кимнинг боласи, эй тирик жасад,
Қай шоир куйлатди сўзларни танлаб.

Кўзингга бунчалар сингиб кетган мунг,
Бунчалар қайғуни қайдан олдинг, гунг.

Ҳамма хонандалар ҳофизлар эмиш,
Уларнинг тўтилик одати яхши.
Сенинг ноланг мени қилди фаромуш,
Мени боқа олмас бирон бир бахши.

Кўзингга бунчалар мунг сингиб кетган,
Қай бир сўзинг эди мени банд этган.

Сенинг ғазалингни шоир ёзмаган,
Шоир ҳам куйлайди дилда борини.
Сенинг ҳар бир сўзинг дилда музлаган,
Сен қайдан олгансан Инсон зорини.

Қандай сиға олди бу кўзларга мунг,
Гўё қулаб тушган улар узра тун.

Сен нола қиласан дардингни айтмай,
Тангри номи билан иноят сўраб,
Сенга насиб этсин жаннат деган май,
Йиғлама, гадожон, оламга қараб.

Кўзларинг мунг тўлиб йиғлама гадо,
Сени ҳам бир куни эшитгай Худо.

Осмон-фалак кўм-кўк сен унга бефарқ,
Мунгли нолаларинг учмоқда сархуш.
Сўзларинг қалбимни тешди бесўроқ,
Тик қотиб оёқда кўрмоқдаман туш.

Кўзларинг мунгини кўриб тош қотдим,
Мен ҳам ғамларимни ўзим уйғотдим.

Инсон боласининг дарди кўп экан,
Мен улар комига отилган вайрон.
Сенинг дардларингни англаган ҳамон,
Ўз дардларим мени айлади ҳайрон.

Сенинг кўзингдаги мунг гапирмоқда,
Вужудинг тирнаган ғам гапирмоқда.

Бирдан ҳушга келдим, оёғим латта,
Дардларим санадим мунгга салмоқлаб.
Ҳаммаси вазнсиз, турдим ҳайратда,
Сен ҳам ўтир, дедим ўзни бармоқлаб.

Сендаги шижоат мунгни енгмоқда,
Эй гадо, бу олам қайга кетмоқда?

Кел, ошна, иккимиз нола қилайлик,
"Нола" деворлари тешилиб кетсин.
Бирор мунг кўрмасин ушбу халойиқ,
Ҳаммаси ҳаётда дард чекмай ўтсин.

Мунгли кўзларингни кўтаргин жоним,
Менинг ҳам юракда қотмасин қоним.

(С)

[Masud Mahsudov]

Сизни соғинганда, кўзга дунё тор,
Осмонлар янада узоқиб кетар.
Сизни соғинганда кўнглимда ғубор,
Ичиккан қалб ғамин ичига ютар.

Сизни соғинганда, шўхчан куй-наво,
Маъюслик тубига боради сингиб.
Гўё азобимга йўқдайин даво,
Юрагим дардини бўлмайди енгиб.

Сизни соғинганда, сочларим тўзғин,
Ўзим силай, десам, етмайди қўлим.
Яна бир донага кўпаяр ажин,
Боши берк кўчага тушади йўлим.

Сизни соғинганда, ёзлар қаҳратон,
Қишлар жазирама – ёқар танамни.
Интиқиб соғинчдан сиқилганда жон,
Қоғоз ва қаламдан олгум аламни.

Хаёлим ўзимда бўлмай қолади,
Бошим ўйлайвериб ўйдан толади.
Чексиз, чегарасиз умид ортидан
Нимадир ичимга ғулу солади,
Сизни соғинганда...

(c)

[Gulchehra Ibragimova]

ЯНА НЕ КЕРАК

Ноз-неъматга тўлиқ дастурхон,
Сўзингизга фидо дўсту жон.
Йўлингизга кимдир мунтазир
Бизга яна не керак ахир?!

Тўрт мучча соғ, соғдир руҳу тан,
Қушлар сайрар, осуда Ватан
Байрам қилиб яйрасак арзир
Бизга яна не керак ахир?!

Уйда кутар кимни ёр, дилдор,
Ортда қолар солиҳ фарзанд бор.
Қўллагувчи дўстлар ҳам бисёр,
Бизга яна не керак эй ёр?!

Бу дунёдан ўтар бўлсак ҳам
Кимдир эслар, бундан йўқдир ғам.
Бандасини хор қилмас эгам
Минг шукр-ки, яшаймиз бекам.

..Сизга яна не керак ахир?!

(с)

[Gulchehra Ibragimova]

ЭРКАКЛАРГА*

(ЭРКАКЛАРГА ЁҚАДИГАН ШЕЪР)


Эркакдан омадни аяма фалак,
Жонини асрагил, этмагил халак.
Омадни қўш-қўш бер, бахтини бекам,
Номардга зор этма, кўрмасин алам.

Эркакдан омадни аяма ҳаёт,
Муҳаббат қасрин ҳам этмагин барбод.
Ишига унум бер, ҳамёнига пул,
Билагига куч бер, эй қодири дил!

Майлига, ҳар замон ичиб “шер” бўлсин,
Майсага ағанаб усти кир бўлсин.
Кайфи ўтиб кетар йигитчиликда,
Ер бўлмасин фақат, фақат эр бўлсин!

Тан-жони соғ бўлсин, тўрт муччаси соғ,
Уйидан бахт топсин, кайфи бўлиб чоғ.
Оғзига ош бер-у, кўзга ёш берма,
Мард эркак хор бўлса фалак-дош берма!

Номардга зор қилма, душманига хор,
Шаънини букмасин, ҳеч қайси дилдор.
Сен унга қудрат бер, кўнглига ғурур,
Токим йиқилмасин юрагида ор.

Ҳиёнат этмасин ёри бериб панд,
Оёғидан чалмасин ҳеч қайси номард.
Аёлдан қолмасин дилдаги доғи-
Аллоҳим, асрагин бўлиб паноҳи.

..Эркакнинг бошини эгма, эй фалак?!

(С)* ....Қайси бир даврада аёлларни мадҳ этиб шеър ўқисак, эркаклар албатта ҳазиллашиб, “шоира опа, бизга ҳам атаб бир шеър ёзинг, ҳадеб ўзларингизни мақтайвермай, дея ҳазил қилишарди..Мана шундай таклифларга кўра ёзилган шеър, албатта уйимизнинг устини бўлган муҳтарам ЭРКАКларга самимий тарзда ёзилган дея қабул этгайсизлар, деган умиддаман.

[OmoN]

Факультетим қизларидан
Бир-бир узр сўрсаммикан
Кўп қизларни севдим энди
Негрдан ҳам севсаммикан

Боболари овчи ўтган
Тимсоҳ овлаб гепард тутган
Саҳрадоги гулдай ўсган
Негр қизни севсаммикан

Саваннада катта бўлган
Питон билан дўст тутинган
Маймун боқиб, тимсоҳ қувган
Негр қизни севсаммикан

Нима қипти қора бўлса
Ўзига хос нози бўлса
Агар онам рози бўлса
Негр қизни севсаммикан

Яшашаркан чайла қуриб
Саҳроларда ризқин териб
Иссиқда ҳам кетмас эриб
Негр қизни севсаммикан

У қиз ўсган қабиланинг
Одати ҳам ўзгачамиш
Қалинига қирқ жирафа
юз бегомот сўрашармиш

Негр бобо инсоф қилинг
Қалинини камроқ қилинг
Бера қолай муллажиринг
Қизингизни менга беринг...

(с)Булғағоний

[OmoN]

юФорумнинг ошхўр қизлари

Қаҳрамон йитиглар ошга кетишди
Форумда ҳувиллаб қолди излари
Нигора опа бош, Кумушой рози
юФорумнинг ошхўр қизлари

Чойхонадаги ошга қилмангиз даъво
Сизга бундай ошни кўрмаймиз раво
Экранга термулиб кунингиз ўтар
юФорумнинг ошҳўр қизлари

Жонажон форумнинг Муҳайёлари (http://uforum.uz/member.php?u=3201)
Нигораси (http://uforum.uz/member.php?u=855), Кумушой (http://uforum.uz/member.php?u=7158) ва Раънолари (http://uforum.uz/member.php?u=2673).
Экрандан кизарган шахло кузлари-
юФорумнинг ошхўр қизлари

Мавзу очиб туриб, зўр постлар ёзган
Баъзи мавзуларда оффтоплар ёзган
Бизнинг ошимизни ҳеч кўролмаган
юФорумнинг ошхўр қизлари

Замин минг айланса, айланса замон,
Яхшини яхши деган ҳар доим OmoN
Шоир Булғағоний тансиқ сўзлари
юФорумнинг ошхўр қизлари.

(c)Булғағоний

[Feruza Xodjayeva]

Жонажон форумнинг Муҳайёлари Нигораси, Кумушой ва Раънолари.
Mani nomim chiqmadi yana:)

[Ra`noxon Xo`jaeva]

юФорумнинг ошхўр қизлари
Шу деганизга бир ош ташкиллаштириб чойхонада ошхўрлик қилсака? :)

[JUS]

Шу деганизга бир ош ташкиллаштириб чойхонада ошхўрлик қилсака? :)

Мисс Раъно ташкиллаштирмоқчи бўлган "гўштхўрлик" тандирхўрлик амалга ошган бўлгандами, зўр шеър ёзиб берардим сизга! ;)

[Aliya]

Яна келдим...

Яна келдим...
Чанг босган хотиралар оралаб,
Синган қалб деразасин чертиб ўтган ёмғирдай.
Соғинчлар кўчасида қорлар ёғар бўралаб,
“Дийдор” сўзи асрлар ичра сақланган сирдай...

Келдим...
Изларинг излаб хазонлар кўчасидан,
Беғубор булутлар-у юлдузларга қўл чўзиб.
Унутилган ҳаёллар ҳилолнинг шуъласидан
Ёритдилар қалбимни Сенинг суратинг чизиб...

Яна келдим...
Сокин йўл чорлагандек орзуга,
Овунгандек бир лаҳза шаббода аллаласа.
Ҳижронлар айирдилар иккимизни беҳуда,
Қани “Армон” деган йўл шу кун, шу дам тугаса...

Келдим...
Сени соғиниб...
Кетма...
Яна бир оз қол...
Қара, олис ҳаёллар осмон янглиғ беғубор.
Қалбда ширин хотира, кўкда кезар ҳур ҳилол,
Бизларнинг бундан ортиқ кутгувчи нимамиз бор?

Яна келдим...
Азизим...
Қалб йўлларинг оралаб,
Кўзларинг уммонида ғарқ бўлмоқдан ҳадикда.
Кел, Севгилим...
Бахт билан зулмат бағрин поралаб,
Кетма...
Юрагим сени йўқотмоқдан ҳадикда...

Келдим...
Ширин нафасинг туймоқликка...
Изн бер!!!
Яна тинглай юрагинг уришини – беқарор...
Бу дунёга бир бора келиб-кетамиз...
Ахир –
Бир-биримиздан ортиқ Суйгувчи кимимиз бор?!

Яна келдим...
Севгилим...
Хотиралар оралаб...

[Aliya]

Ёлғиз.

Кўкдаги юлдузсан – мендан олисда,
Сеҳрли ҳилол ҳам бошдаги тожинг.
Сен фақат юлдузлар қошида масъуд,
Ёлғиз менгагина йўқ эҳтиёжинг...

Қоронғу тунимга келган нур каби
Қалбимга аланга солдинг-у кетдинг.
Беғубор орзудай яралмай туриб,
Сўнмас Армон бўлиб қолдинг-у...
Кетдинг...

Кетдинг...
Изларингдан термуламан жим,
Асрлар бағрини ўрайди зулмат.
Фақат мен Сен томон узатаман қўл,
Сенга қўлим етмас – аён ҳақиқат…

Унсиз фарёдимга бўламан асир,
Фақат кўз ёшимга етади кучим.
Интизор кутдимми Сени шу қадар,
Қалбимда бир чақнаб,
Кетишинг учун?!

Балки, мен билмадим Орзу қилмоқни,
Ё ҳаёт кечирдим абас, беҳуда...
Ёлғиз истак учун бўлгандим фидо –
Сен-ла бахтли бўлгим келганди...
Жуда...

[Aliya]

Осмон соҳиллари.


Эртанги ёруғ тонг – соғинчли дийдор,
Нурли қанотларда элтар Бизга бахт!
Ахир, мен Ҳаётман, ҳали Умид бор,
Осмон соҳилига етурмиз албат!

Офтобнинг меҳрли қўлларин тутиб,
Оппоқ булутларга қилурмиз таъзим.
Биз ишқнинг оловли доридан ўтиб,
Осмон соҳилига келдик, Азизим!

Кўзларимга боқсанг – яшнайди чақин,
Бахтимиз рангида порлар камалак.
Ва бугун Оллоҳнинг энг Бахтга яқин
Суйган бандалари Биз бўлсак керак...

Барча тўсиқларни бирга енгамиз,
Ҳурлар парвоз айлар тилагимизда.
Ишон, Суюклигим, абад биргамиз,
Осмон соҳиллари Юрагимизда!!!

[Pfefferminze]

Шу деганизга бир ош ташкиллаштириб чойхонада ошхўрлик қилсака? :)

Мисс Раъно ташкиллаштирмоқчи бўлган "гўштхўрлик" тандирхўрлик амалга ошган бўлгандами, зўр шеър ёзиб берардим сизга! ;)

Xudo xohlasa, kelishilgan, keladigan haftada.

[Pfefferminze]

Yuqoridagi off-top uchun...

DUNYO

Armonsiz yashagan odam bormikan?
Dardlardan ko`z yoshim bo`ldiku daryo.
Osmonday bеg`ubor olam bormikan?
Shafqatsiz ekansan, armonli dunyo.

Gohida achchig`u, gohi boldaysan.
Gohida tikonli, gohi guldaysan.
Nе bo`lsa ham mеndan rozi bo`lgaysan.
Sеni tark etarman bir kuni, dunyo.

Tashvishlaringdan bu qalbim ezilar,
Bir kuni sеndan ham qo`lim uzilar,
Mеni ham shoshilib kutar avliyo,
Bir bora mеxmonman, shafqat qil, dunyo.

Gohida kuldirib, gohi aldaysan.
Bir bora chaqirib, bir bor xaydaysan.
O`zing juda kеnsan, mеnga tordaysan.
Shunchalar shafqatsiz ekansan, dunyo.

Qayg`uli damlarning oxiri bormi?
Men kutgan yo`llarning sohili bormi?
Kеng bag`ring, mеn uchun shunchalar tormi?
Shunchalar shafqatsiz ekansan, dunyo.

D.S

[Aliya]

Дийдоринг.

Ҳақдан бир имтиҳон остида
Яралдик биз ҳижрон остида,
Бу қандай юксак бахт – Сен билан
Яшамоқ – бир осмон остида...

Саодат ёққанда самодан
Дийдоринг тиладим Худодан.
Меҳрингни аяма изингда
Тўтиё излаган гадодан...

Кўзингда бир гўзал ишқ, кўрсам,
Бахтлиман кўнглингни ҳуш кўрсам.
Изн бер – соғинсам, тун бедор,
Саҳарлар дийдоринг туш кўрсам...

Худойим, сабримга тўзим бер...

[Aliya]

Паноҳ.

Қор учқунлаб юзларингга урилганда,
Оқ булутлар осмон узра керилганда,
Бу кенг дунё кўзингга тор кўринганда
Мени эсла…
Кўнглинг билан мен ҳаётман…

Юрагингни армонлар тарк этолмаса,
Орзу кўкка учса, кўнгил етолмаса,
Хаста дилинг айрилиққа чидолмаса,
Мени эсла…
Меҳринг билан мен ҳаётман…

Юрагимга ишқ ёйидан пайкон тортиб,
Ҳаётнинг бор ташвишини менга ортиб,
Бу дунёда сендан бўлак кимим бор, деб
Мени эсла…
Севгинг билан мен ҳаётман…

[Masud Mahsudov]

Билмасдан ножўя сўз қотиб
Юзингиз айласам лоларанг,
Киприкдан саноқсиз ўқ отиб,
Азизам, сиз мендан ранжиманг.

Кўнглингиз ололмай қолсам ҳам,
Ё узоқ хаёлга толсам ҳам,
Ўзимни гўлликка солсам ҳам
Меҳрсиз, деб айблаб ранжиманг.

Қизлардан беҳуда рашк қилиб,
Ичингиз бекорга ғаш қилиб,
Чиройли кўзингиз ашк қилиб,
Тескари боққанча, ранжиманг.

Айбимми, бир бўлса тақдирлар?
Ўртада қанча бордир сирлар...
Балки, Ҳақ эртага тақдирлар,
Шу бугун сиз мендан ранжиманг.

Туҳматга юз тутса кунларим,
Нураса суянч устунларим,
Ой чиқмас зимистон тунларим
Умидим йўқотиб, ранжиманг.

Соғинч дилни боғловчи ришта,
Қалбингиз зоҳирдек саришта,
Сиз, ахир, ердаги фаришта,
Гуноҳкор бандадан ранжиманг...

Чашмингиз тубини суғориб,
Азизам, Сиз асло ранжиманг...

(с)

[Aliya]

Ўнгмиди, рўё...

Сокин наво каби янграр овозинг,
Гўё чорлагандек жаннат боғига.
Ҳижрон соатлари асрларга тенг,
Лаҳзалар менгзалар дийдор чоғига.

Мен сени кўрганман милён йил олдин,
Ўнгмиди ё рўё – эсимда ҳам йўқ...
Мен сенга ўшанда боғланиб қолдим,
Кўнглимда умид бор – кўзимда нам йўқ...

Бири кам дунё бу – унда гинам йўқ,
Борлигинг, севишинг менга кифоя.
Энг қора кунимда ишқ шами ёниқ,
Дард энди бахтимга сололмас соя!

Ашк нима? Мен уни қалбимга кўмдим,
Ортиқ кўрмагайсан кўзларимда ёш!
Сенинг розларингга қачонлар кўндим?!
Қачон синган эди мендаги бардош?!

Кўнгиллар кўнгилга жон қадар яқин,
Орамиз – минг битта коинотга тенг...
Зулматнинг бағрини ёритиб чақин,
Нурсиз ҳаётимга СЕН кириб келдинг...

Мен сени тақдирдан ўтиндим...
Жуда...
Йиллар таҳсин айтди бардошларимга...
Мен учун яралдинг нурли очунда,
Ёмғирлар айланди Бахт ёшларига...

Кел энди...
Поралаб ғам дунёсини,
Кутдим Сени неча баҳор-куз билан...
Дилдан айру тутиб армон изини,
Сени қарши олгум Ёруғ юз билан!!!

Мен Сени севганман милён йил аввал,
Ўнгмиди ё рўё – эсимда ҳам йўқ...

[мафтун]

HASBI XOL

Mеndan arazladi bolalik, yoshlik,
Mеndan arazladi sodda kunlarim,
Dil tubida quyqa – bir siqim g`ashlik,
Ko`ksimda g`alayon boshlar tunlari,

Umr dеganlari — poyga,
Kеtyapman,
Yillar – tushovini uzgan asov ot.
Qaydan kеlayapman, qayga kеtyapman?
Tasavvurim ojiz, hayron xayolot.

Ba'zan eshiklarni atay qars yopdim,
Voz kеchdim qanchalar aziz nomlardan.
Kimlarni yo`qotdim, nеlarni topdim,
Orni baland bilib shavkat–shonlardan?

Mеnga yo`lko`rsatgich ko`ngil edi–ku,
Orzularni quvlab armonga еtdim?
Ammo yuragimda boshqa bir qo`rquv,
Yolg`izman - o`zimdan yiroqlab kеtdim.

Garchi afsuslarim ochiq, oshkora,
Sеnga bеrganlarim qaytar, dеmasman,
Ko`nib borayapman endi tobora,
Yo`q, endi ortiqcha qaysar emasman.

Bilmam so`nggi manzil yaqinmi, olis,
Bilmam sinovlarga solasanmi bot.
Sеndan bitta narsa so`rayman xolis,
Mеnga bu yo`lingdan qayt dеma, hayot.

[мафтун]

Барака истаб турт фаслларидан,
Туйларга ниёз бор ҳосилларидан,
Боғбон боболарим заҳмат зуридан
Богларга айланган тошлоқ, Наманган.

Тил ёрар узумлар, ноку зардоли,
Накшинкор олмалар новвот мисоли,
Жаннатий боглардан анжир, шафтоли,
Меваси баргидан купрок, Наманган.

Сахар сувлар сепиб саришта йулга,
Чор атроф бурканган анвойи гулга.
Эй гуллар ила ном чикарган улка,
Турт фасл яшнаган гулбог Наманган.

Либоси ҳаёдан қизлар, аёллар,
Оқ юзларни ёпган оппоқ румоллар,
Шевалари инжа, сузлари боллар,
Ифори қалампирмунчоқ, Наманган.

Эр йигитга қирқта ҳунар оз деган,
Қулдай ишлаб, шоҳдай яшаш соз, деган,
Ҳотамтой ҳиммати бизга хос, деган,
Йигитлар билмас тин, чарчоқ, Наманган.

Сочу соколлари нурдан боболар,
Фаришта – юз ёшга кирган момолар,
Элу-юрт хаккига килиб дуолар,
Тунлар жойнамозда уйгок Наманган.

Камолиддин каби тор сайратар ким?!
Муҳриддин куйласа, булбуллар ҳам жим.
Жалолиддин дарди юракка яқин,
Алишер Файз сози янгроқ, Наманган.

Машрабдай мусофир ғариб дунёда
Саломлар йулларман ҳар тонг сабодан,
Мен бир шоир углинг Лангарбободан,
кулга калам тутди фирок, Наманган.

[JUS]

Мен бир шоир углинг Лангарбободан,
кулга калам тутди фирок, Наманган.

Нанай тўғрисида ҳам бир қалам тебратворинг, илтимос! :)

[мафтун]

Нанай тўғрисида ҳам бир қалам тебратворинг, илтимос!


Кайсаргинам

Кунглим тулиб -тошиб сенга айтай улан,
Сойлардан шух, охулардай эркагинам
Тундай каро сочинг менга булсин гилам
Ёлгиз менга аталгансан, дилбаргинам.

Дуо билан такдирни-да синдараман
Муаббатим юрагимга сингдираман
узим бориб онангни хам кундираман
Ёлгиз менга аталгансан, дилбаргинам

Умрим утсин термулганча карогинга
Айтчияна канча чидай кийногинга?
Керак булса ут куяман кишлог (Нанай) инга
Ёлгиз менга аталгансан, дилбаргинам

Аразларинг кипригингдай узун-узун
Сенга шафкат, уз-узимга тилай тузим.
Кайсар булсанг, сендан утган кайсар узим,
Ёлгиз менга аталгансан, дилбаргинам.
Кайсаргинам,

[JUS]

Керак булса ут куяман кишлог (Нанай) инга

Нима бало, Нанайликдан куйганмисиз дейман? ;) Мен Нанайни ўзи тўғрисида дегандим, яъни мана бунақа:

Тоғларнинг ичида қадрдон Нанай
Сўлим боғларингдан ўзим айланай!
"Кўксарой" чўққида турган овчидай-
"Нананай-най,най, нанананайнай! :)

Гулчеҳра Шаҳобиддин қизи

[Gulchehra Ibragimova]

"Нананай-най,най, нанананайнай! :)



Сиз билан ҳазиллашиб ҳам бўлмайди, Жасурбек, бу бир ҳазил эди..Билганимда "ЛС"га ёзмасдан тўғридан-тўғри ёзардим..Аммо "Нанай" ҳақида билганимда эди...Мафтунбек билан "беллашган" бўлардим, албатта шеъриятда..
http://uforum.uz/images/icons/icon7.gif

[мафтун]

Нима бало, Нанайликдан куйганмисиз дейман? Мен Нанайни ўзи тўғрисида дегандим, яъни мана бунақа:

Ассалому алайкум

Бу хазил эди албатта
Харакат киламиз

[Gulchehra Ibragimova]

Билганим "Нанай" ҳақида жуда кам, аммо жудаям эсда қолган. Бир гуруҳ (Республика профсоюзи, Наманган проф.зи, ХТВ, Наманган ХТБ, Маданият вазирлиги, вилоят маданияти, ИИВ ва вилоят ИИБ, ФВВ(МЧС) ва бошқалар) одамлар Водий (Наманган, Андижон, Фарғона)га "Ёзги оромгоҳлар" бўйича хизмат сафарига борганимизда ўтганмиз. Ана тоғлар, боғлар, яшилликлар..қирлар..жуда бошқача гўзал, салобатли..қирларида чучмома ва лолалар, гуллар.."Кўксарой" санаторияси, яна бошқа дам олиш масканлари.., умуман жудаям бой экан оромгоҳ ва дам олиш зоналарига. Ҳавосининг ўзи даво..Сойлари бор..Қимизларини-ку, айтмаса ҳам бўлади..Жудаям-жудаям ўзгача..Кейинги сафар оилавий бориб, бир ҳафта туриб келдик..Жуда катта "Зиёратгоҳ" бор, аммо анча йил бўлгани учун номларини озроқ унутяпман.. ".П..ота", яна битталарининг номи "Арслон боб" эди..менимча. узр қандайдир Авлиё отага яқинроқ.. шаршара, булоқлари бор. Кейин тўғри ўтиб кетилса "Жетти Огуз"га кетиларди-ё..Хато қилган бўлсам узр..шунақа..таассуротларим зўр бўлган..Ҳар ёғдан келишади у ерга..ажойиб маскан..ҳақиқий жаннатмакон жой..ҳеч кимга ва ҳеч нарсага алишгусиз чиройли! Аллоҳдан яна ўша ерларга боришни тилаган бўлардим..http://uforum.uz/images/icons/icon14.gif ана ўшанда ҳақиқатдан ҳам ижод қилиб келардим.."нана-най-най"демасдан.. http://uforum.uz/images/icons/icon7.gif у пайтлар борганимда болаларим ёш эди..имкон бўлмаган..У жойларда ҳақиқий бахтли инсонлар яшашса керак..Бир борсанг қайтгинг келмайди.

Гўзал маскансан "Нанай",
Чиройингдан айланай!
Сўрашса "қала(й)", "қалай"
Мақтанардим бир талай.

Тоғлари бор виқорли,
Қоятошлари қорли.
Келинчакдек чиройли
Атрофи шошқин сойли.

"Нанай", "Нанай" нана-най-лай
Мафтунинг бўлиб қолай..http://uforum.uz/images/icons/icon7.gif

[мафтун]

хар жойни килма орзу дейдилар. яна билмадим. хар хафта бораман десам хамбулаверади Нанайга.и засдан.аммо мен унча хаяжонланмайман. балки унча хиссийётли эмасдирман. аммо тан оламан, табиат аслича гузал.

[мафтун]

айтганча Нанайда Поччаота зиёратгохи бор. Гулчехра опа сиз журналистсиз-а?

[Gulchehra Ibragimova]

хар .аммо мен унча хаяжонланмайман. балки унча хиссийётли эмасдирман. аммо тан оламан, табиат аслича гузал.

Манимча, "Олдингдан оққан сувнинг қадри йўқ" деганларидек..бўлса керак... Бутун Республика боради-ку, у ердан бахраманд бўлиш учун..Тўғри, ҳар ким ўз ҳиссиётлари орқали турлича завқ олади! Бизга мақтангани фахрланиб, шундай бир гўша бор деб вилоят раҳбарлари бир пайтлар бошлаб боришганди-да..Чўққиларига, манзарасига қараб унча-мунча ижод ҳам қилгандик..

[JUS]

аммо тан оламан, табиат аслича гузал.

Ўша жойларни ташлаб келиб, шу ерларда юрибмизда... ;)

айтганча Нанайда Поччаота зиёратгохи бор.

"Поччаота"мас - "Подшоҳ ота" ;)

[Gulchehra Ibragimova]

аммо тан оламан, табиат аслича гузал.

Ўша жойларни ташлаб келиб, шу ерларда юрибмизда... ;)




"Жон томир"ингиз ўша ерда, балки бир кун қайтарсиз Шоир айтгандек дилингиз яйраб, дилдан ушбуга ўхшаган сатрларни айтиб:

Суйукли Намангоним,
Мен келдим қучоғингга.
Гуллар билан бурканган,
Нурга тўлган конингга.

Оламда чаманлар кўп
Райҳонлар ўсар тўп-тўп.
СОҒИНДИМ СЕНИ МЕН КЎП,
Ташнаман булоғингга..*
...
Борарсиз...соғиниб "Намаккон"га (туз-намак кони номини билдирар эканми, кейинчалик Наманган бўлиб қолган деб ўқигандим қаердадир манбалардан, балким "Қидирув" тугмасидан фойдаланиб кўриш керакдир)http://uforum.uz/images/icons/icon7.gif
Узр, энди бу мавзудан "Дилдаги сатрлар" мавзусига қочмасак... бўлмайди..http://uforum.uz/images/icons/icon9.gif ўзи шундаям узоооқ қолиб кетдик..бу ердаhttp://uforum.uz/images/icons/icon7.gifhttp://uforum.uz/images/icons/icon7.gif

(бу шеър шоир Ҳайдар Яҳёга тегишли эди, адашмасам..Машрабхонликда ўқишганида олгандим..)

[Alisher Asror]

Боғимизда. Май


Боққа кирдим тонгда, шабода
Бодом шохин ўйнар ҳавода.
Қип-қизариб бир четда гилос,
Ерга қарар уялганга ҳос.

Олма тугуб кўк меваларин,
Зумраддайин терибди барин.
Ранг излаган ойлар шафтоли,
Ҳозирданоқ билинар боли.

Бир тўп қушлар чалишади соз,
Яна бири айлайди парвоз
Бол арилар қанотин қоқар,
Ғиз-ғизлари гулни уйғотар.
.
Гулзоримда яшнар настарин,
Гўзаллигин билмайман сирин.
Қизил , пушти , оппоқ атиргул
Ифоридан маст бўлдим буткул.

Ер бағрини поралаб ҳилол,
Бўй чўзади ёнбошлаб , ҳиёл.
Ажриқ бўлиб пойимда бироз,
Сўнгра яна қаддин тиклар ғоз.

Боғ четидан ўтади ариқ…
Дилдан аста кетади оғриқ…

(С)

[Alisher Asror]

“ ...Қуёшга одат мангу:
Қаршингда чўкиб беҳол,
Балқийди ортингдан у.” ( Гейнрих Гейне )



Уфққа қараб ёлбордим:
“ Ботма қуёшим , кетма!”
Тиз чўкиб ҳам жар солдим:
“ Эй воҳ, мени тарк этма!”

Ботди қуёшим... ташлаб
Зулматга иҳтиёрим.
Туннинг тубига чўккан,
Ёлғизликда қарорим.

Истаб бораман шамни...
Талпинаман у тамон.
Аҳир, тушунсангизчи
Қуёшсиз қолмоқ ёмон.

Дардларимни сўйлайман,
Етишгунимча тонгга,
Шам куяди , йиғлайди
Ёшин тўкиб шамдонга.

Энг оҳири сочларим
Оқаради тонг билан.
Ортимдан балқир қуёш,
Ва куйлар янги ўлан...


(C)

[Aliya]

Худо хоҳламаган…

Нурсиз кундузларнинг рангига монанд -
Сарғайган япроқдай оҳи омонат.
Кўзлардан ёш бўлиб тўкилар ёхуд
Ёноқларга сингиб бўларкан нобуд –
Худо хоҳламаган ишқ...

Ёришмас минг офтоб оловларидан,
Яралган аёзнинг қировларидан
Жавобсиз дилларнинг аччиқ сўроғи,
Поёнсиз дарёнинг икки қирғоғи –
Худо хоҳламаган ишқ...

Армонлар қасридан танлаган макон,
Инсон қалби ичра ўрлаган чаён...
Наҳот бор умримга чўзилган бўлсанг?!
Нетай, қисматимга ёзилган бўлсанг...
Худо хоҳламаган ишқ...

[Aliya]

Ой қиз.

Кўкда бир Ой қиз бор – жуда ҳам олис,
Ёнида минг юлдуз – у эса Ёлғиз…
Оппоқ юзларига Ғам соя солган,
Шундай танҳоликка кўникиб қолган...

Кўкда бир Ой қиз бор – жуда ҳам юксак,
Бағрида иккига бўлинган юрак.
Қуёшнинг тафтига эҳтиёжи бор,
Муҳаббат тахтига эҳтиёжи бор…

Кўкда бир Ой қиз бор – жуда ҳам маъюс,
Кўнглида Баҳор-у, тақдирида – Куз.
Баҳтини қоронғу тунга алмашган,
Намли кўзларида ашк тўла афсус...

Кўкда бир Ой қиз бор – у менинг кўнглим...

[Aliya]

Ранжиманг.

Ранжиманг...
Яширсам юзимни –
Қизарган изи бор ҳаёнинг.
Ҳаётда боримсиз, мен ахир –
Бир сизни деганман...
Ишонинг...

Заминга тафт берган хуршидлар
Муҳаббат наздида кўп ғариб...
Йилларнинг саҳросин кездим мен
Меҳрингиз манзилин ахтариб...

Ғунчалар лабида шабнамдек
Лабимда титраган асрорим:
“Бир сизни деганман, ишонинг...”
Лек, сўзга кўчолмас иқрорим...

Ранжиманг...
Юзимни яширсам,
Ҳаёдир – бошимни эгганим!
“Ҳаётда боримсиз, мен фақат
Сизга ёр бўламан!” – деганим...

[Gulchehra Ibragimova]

Иқрор

«Кўзларимнинг қаросидан сувратингни тилиб кет»
Сўнгра ошиқ юрагимни итларга едириб кет.
Токим забун холимдан андоза олмасинлар –
Қалбдан кўчир ишқимни, янтоқларга илиб кет.

Майли сўнгра йўл солгин, ғойибдан бахт ахтариб,
Қабрим узра гул-ғунча қолганида сарғариб
Хотирангнинг қатларин кўргин бир бор ағдариб –
Гулчеҳра - ёрсиз "ғариб,"
Муҳаббатсиз сен- ғариб.

Бу дунёда топмишим, йўқотмишим сен – ўзинг,
Субҳидамнинг томчиси ёримдан келтир хабар
Ишқ ўзи не балодир, дил ёнар мисли гавҳар
Қоронғи шабистоним ёритган исми –“Анвар”.

[Mohlaroy]

Бахт

Мен бугун англадим соф кунгилларда,
Гузал алёр булиб яшамок бир бахт.
Хазондек тукилмок ярашмас бизга,
Гулгун бахор булиб яшнамок бир бахт.

Англадим кунгилни хар лахза, хар он,
Яхшилар пойига тушамок бир бахт.
Бировга ухшаш бу энг ката нуксон
Ёлгиз уз-узинга ухшамок бир бахт!

Зарнигор

[Gulchehra Ibragimova]

Hurmatli forumdoshlar! Quyida yosh ijodkor,akademik litsey talabasi Zarnigor Turg'unboyevaning ijodidan namunalar keltirdim,o'z fikrlaringizni bildirasizlar deb umid qilaman.

Sen mening ilhomim o, dilkash xalqim.
Zarnigor

Зарнигорқизим, аввало Сизни "Шеърият оламига кириб келганингиз билан қутлайман! Ижодингизга баркамоллик ёр бўлсин. Шеърларингизни ўқиб гўёки, Сизни "катта дарё" ларга хавас қилиб, уларга келиб қўшилмоқ истагида йўлга чиққан "кичик, аммо шиддаткор, куйлари ёрқин, кўнгли тошқин ирмоқ" чага ўхшатдим. Бу йўлда Сизга равонлик тилайман ва ўзингиз айтганингиздек:

"Boshimni egmayman qaddim mudom tik.
Mag’rurman , o’jarman shoir ahlidek.." бошингиз ҳамиша тик ва шоир аҳлидек дарёдил бўлинг!

Моҳларой! Қаторимиз, қолаверса, Форумимизни яна бир янги ижодкор билан бойитганлигингиз учун раҳмат. Орзу хавасини кўринг!

“..Хазондек тўкилмоқ ярашмас бизга,
Гулгун баҳор бўлиб яшнамоқ бир бахт.”
***
“ Бировга ўхшаш бу энг катта нуқсон
Ёлгиз ўз-ўзингга ўхшамоқ бир бахт!”

Бу каби баҳор ва гул атри келиб турган “муаттар” сатрлар билан фақат қизимизни қутламоқ ва “оқ йўл” тиламоқ лозим, деб ўйлайман..

[Alisher Asror]

Телбаворман – ақлбегона,
Минг оғриқлар соларсан жона,
Кул бўляпман ҳам ёна-ёна,
Нима қилиб қўйдинг муҳаббат!?

Борган сари ҳомушлик кўпроқ,
Лабдан учган сўзимда титроқ,
Кўзимда ёш , қўлда қалтироқ ,
Нима қилиб қўйдинг муҳаббат!?

Жонни берган Тангрим – эй, ҳоким!
Сендан уни ким сўрабди , ким?
Кўнгилга ишқ солиб, яна жим...
Нима қилиб қўйдинг муҳаббат!?

Суйганларим тарк этмоқдалар,
Дил уйида хувиллар чўллар ...
Оҳ, беманзил сен айтган йўллар...
Не кўйларга солдинг муҳаббат!?


(C)

[Alisher Asror]

Toqat keldi uyimga oxir…
Bezovtalik yillarin tashlab,
Qo’y, chida, - der, aldashga mohir…
Qo’y, chida, - der, ko’zimni yoshlab.

Oyoqlarim, qadamim og’ir,
Sher zanjiri kishanlaganday,
Yuragimda begona sabr,
G’alabasin nishonlaganday.

Baland parvoz orzusi qoldi,
Osmonlarga ko`zim tushar kam,
Tiriklikning da'vosi soldi,
Mijjalarga xalqa-xalqa nam.

Dil uyini bosganday sukut…
(Yo men uni tinglamay qo`ydim,)
Deyishadi: shoshilmagin, kut,
Ufff…, to`g`risi shu gapdan to`ydim.

Asov otda ishqning qasrini,
Uchib borib bosgim keladi,
Olovi yo`q, befarq dillarni ,
Bitta-bitta osgim keladi.

Dili boshqa , so`zi boshqalar
Tillarini sug`urib olsam.
Allaqayda kutib yotmasdan,
Ochiq jangda olovda yonsam…

Toqat tashlab langar siljimas,
Ko’z yoshimning daryolaridan...


(C)

[Mahmud Jurat]

***
Тонг. Ғунча кўзини очмоқчи бўлди,
Шабнам ювиб қўйди унинг баргини.
Болалик даврининг муддати тўлди,
Ким энди тушунар гулнинг дардини.

Ранглар жилосини таратиб тонгда,
Ажиб ифорларни тарқатди ширин.
Керишиб ҳам олди боқиб осмонга,
Насимла ўйнашди мақтаб бир бирин.

Ҳарир либосини кўз-кўз қилди гул,
Нурлар ҳам ўйнади унинг кўксида.
Ўйинга берилиб бир пайти буткул
Арини сезмади, ёшлик, аслида.

Тонг отди безакдан яйради чўллар,
Яшил мавжудотга қувонди жонзот.
Оҳ, гулдан маст эди ҳаттоки чоллар,
Вақтнинг даҳшатига айтишиб, ҳайҳот.

Беш кунлик дунёнинг муҳлати тўлиб,
Арининг наштари қалбига етди.
Гулнинг вужудига янги ҳис келиб,
Ҳарир гулбарглари ташлади кетди.

Энди у чайқалиб алла айтади,
Бу такрор дунёга битади салот.
Яна баҳор келар, гуллар қайтади,
Ҳар гулу мевада такрордир ҳаёт.
(С)

[Aliya]

Қадр.

Келгин, кўнглим Сенга интизор,
Ташлаб кетма...
Бу йўлингдан қайт!
Айтгин: “Сенга эҳтиёжим бор...”
“Менга жуда кераксан!” – деб айт...

Ашк денгизи этаётир ғарқ,
Дунё ишқни кўролмас бу пайт
Ўтиб кетма ёнимдан бефарқ,
“Менга жуда кераксан! – деб айт...

Сенга зор бу кўнгил қафасда,
Юрагимга қайтариб эркин
Ҳеч бўлмаса сўнгги нафасда
“Менга жуда кераксан!” – дегин...

[Aliya]

Lablarimdan ishq yog`ar.

"Ah, dudaklarimdin ask dusuyor kor gibi...
Kalbime..."
"Muhabbat simfoniyasi"ga


Bahorim sarhadlarin muzlatar ayoz tafti,
Xazonlarga belandim – kuz abri falagimda.
Hali-zamon oq orzu mahv etadi qalbimni –
Lablarimdan ishq yog`ar qor kabi Yuragimga…

Ne kechalar qora tun ranglaridan og`rindim,
Hijroning ranjlaridan, zanglaridan og`rindim…
Bahorlaring topmadim, ayozlaring sog`indim,
Lablarimdan ishq yog`ar qor kabi Yuragimga…

Ko`k hiloli yoningda, menda qoldi-ku ashking,
Nurli yulduzlar tuzgan davralarga yarashding.
Sevgimni nurga emas, yomgirlarga almashding,
Lablarimdan ishq yog`ar qor kabi Yuragimga…

Bugun Sen yo`q ko`chalar zindonlarni eslatar,
Muhabbat olovmasmi – vujudimni muzlatar?!
Tun zulmati chalajon umidimni muzlatar,
Lablarimdan ishq yog`ar qor kabi Yuragimga…

Ruhim bahor diydorin Xudodan o`tinmoqda,
Sensizlikdan kelmagan bahorlar o`kinmoqda…
Ko`zlarimdan yosh emas, yomg`irlar to`kilmoqda,
Lablarimdan ishq yog`ar qor kabi…
Yuragimga…

[мафтун]

“Менга жуда кераксан! – деб айт...
СИЗ

Қор ёғмай қаҳратон бўлади гоҳ-гоҳ,
Кўклам келаверар ҳатто чечаксиз.
Гулни ҳидламай ҳам яшарман, бироқ
Сиз менга кераксиз...

Ойсиз ҳам бинойи айланар замин,
Юлдузлар яшайди балки фалаксиз.
Кунсиз бир кунимни кўраман, лекин
Сиз менга кераксиз.

Ёмғирсиз амалаб кўкарар саҳро,
Шамол даркор эмас булутга шаксиз.
Йиллаб ташналикка чидайман, аммо
Сиз менга кераксиз.

Қанотсиз марсгача учмоқда учоқ,
Кемалар сузмоқда, нетай, эшкаксиз.
Сув ё ҳаво бўлсам қанийди, эй воҳ,
Мен сизга кераксиз.

[Aliya]

Кунсиз бир кунимни кўраман, лекин
Сиз менга кераксиз.

Juda chiroyli javob! O`qib xursand bo`ldim!

[albatros]

Egningdagi mayin oq harir libos,
Senga yarashibdi, ham tushibdi mos.
Ziyodek tovlanar, misli kamalak,
Ichida turarsan go'yoki malak.

Beg'ubor yoshlikka aytib alvido,
Mehribon otangdan olgancha duo.
O'zga ostonada tshlab sen qadam,
Bugundan bo'larsan kelin ham, qiz ham.

(c)

[Alisher Asror]

Юраксиз шоир

Юрагимни осишди дорга,
Юраксиз бўш савлатим қолди.
Йиғлашмасин айтинг дўстларим,
Уч-тўртта сўм – давлатим қолди.

Тирикчилик бу тенгсиз жангда,
Енгилибми... бағримни сўйдим,
Бир беномус , пасткаш полвонга
Юрагимни бой бериб қўйдим.

Энди мендан ҳайкал ясашар,
Кўкрагимга нишонлар қадаб,
Ундан нима фойда билишар...
Ундан нима фойда билишар...

Юрагимни осишган дорга.
Мен ҳайкалман , суратим яшар.

(C)

[мафтун]

ОШИҚОНА

Дил ҳайронлиғ қаърида
Абгор бўлиб ўтяпман.
Ҳижроннинг қўлларида,
Дутор бўлиб ўтяпман.

Ўт кетсин дунёсиға—
Нафсим муддаосиға,
Ошиқлик балосиға
Дучор бўлиб ўтяпман.

Кечдим жоним тинчидан,
Бардошим овунчидан...
Дийдоринг соғинчидан,
Бедор бўлиб ўтяпман.

Не хушхабар олдинда -
Бошимга дор ё кунда?!
Найрангбоз даҳри дундан,
Безор бўлиб ўтяпман.

Байрам—қабоғим учса,
Бахт—сендан келган ғусса.
Танҳо ўзинг азизсан
Мен хор бўлиб ўтяпман.

[Alisher Asror]

Курашдим...
Курашдим... енгдим , кўп енгдим.
Оёқдан куч кетди . қўлда қалтироқ,
Асаблар нозик бир торга айланди,
Юракни босмоқда титроқ...

Енгилмаклик пайти етгандай...
Лекин қандай???
Ҳамма гап шунда.

Гап шундаки,
ОР деган отим енгилмасин,
Ғурур синмасин.
Душман кулмасин,
“ Эҳ “ – десин ўша ҳам, “ зўр эди “ – десин.

Гап шундаки,
Номардларга эгилмоқни билмадим,
Илинж билан тикилмоқни билмадим,
Билмай ўтай!
Алдамоқдан сал кечроқ туғилганман,
Айниқса ўзимни.

Гап шундаки,
Енгилганим , йиқилганим
Бу тобутда ётганим...
Ахир мен Худо эмасман-ку.


(C)

[Aliya]

Бир кун келиб...

Бир кун келиб, ҳижроннинг тоқатлари бўлар тоқ,
Армон бўлар биз учун “армон” деган бу даргоҳ.
Бахт гуллари очилиб, чаман бўлар ҳаммаёқ,
Ўшанда биз иккимиз шундай тилак қиламиз:
“Бу кун келиб, иккимиз Битта юрак бўламиз...”

Бир кун келиб, тонг отар – кун чиқар саҳарларда,
Ва умидлар юз очар гуллаган баҳорларда.
Майин еллар келтирган ширин хушхабарларда
Жаранглайди кулгумиз!
Шундай орзу қиламиз:
“Бу кун келиб иккимиз битта орзу бўламиз...”

Бир кун келиб билишар – чин дилдан севганимиз,
Бу дунёга дард эмас, бахт учун келганимиз!
Ҳақ – ягона, ишқ – мангу, тазарру қилганимиз -
Саждаларга қўйиб бош, Ҳақдан шуни тилайлик:
“Ҳақ, изн бер, иккимиз – битта юрак бўлайлик!!!”

Бир кун келиб, иккимиз битта Юрак бўламиз...

[мафтун]

БИР КУНИ

Тунлар титроқ туриб томирларимда,
Тилагим тиладим, тилим тилиниб.
Кўзимни юммадим, киприкларимда,
Узилган умидим унди илиниб.

Шудринглар шипшиди: “Сен ўша, тонгнинг
Қўйнида қўй боққан бола...” Эсладим.
Оҳ, бу кун буларнинг баридан тониб
Мен кимга шунчалар ёқмоқ истадим?!

Тоғу тош йиғлайди дардимни айтсам,
Тоғнингда бағри тош эмасдир мендай.
Бир куни ўзимга—уйимга қайтсам,
Водийга адашиб келган самумдай...

Бир куни онамми қучоғин очган,
Тўн бичиб тўзимдан, кўникмай ғамга?
Во дариғ, не қилдим жабрдан бошқа,
Карахт вужудимни қучган онамга?!

Қайсарлик қон билан киргандир, аммо
Мулзам нигоҳимни нетай яшириб.
Ўлсам армоним йўқ, пушаймон асло,
Онамнинг кўзида кўз ёшдай тўлиб,
Бир куни...

[Masud Mahsudov]

Ko'z ochdim... Shabboda sochimni silar,
Yana boshlanmoqda yangi kun o'yi.
Go'yo qalbim istar ohangni bilar,
Tongda shivalagan yomg'irning kuyi...

Ruhim yengil tortar, ruhim parishon,
Yizimga tomchilar urilar bir-bir.
Yetti osmonlardan keladi nishon -
Suvlarga qo'shilib ketadi taqdir

Ajab, samolarning teparog'ida,
Insonlar mehrga birdek zormikan?
Allohning yaratgan kavsar bog'ida,
Meningdek hassos bir vujud bormikan?

Mendek kechalari uyqudan kechgan,
Uzoq xayollarga cho'madimi u?
Yoki xotirasi tamoman o'chgan,
Dardin yuragiga ko'madimi u?

Balki ozod yashar- azobdan holi
Qaysidir qavatning chegarasida...
Balki ayanchlidir uning ahvoli
Pushaymon amallarning orasida...

Sarhadu, cheklanish nima, bilmaydi,
Sanoqsiz savollar, so'ngsiz savollar...
Menga hecham tinchlik bermay qiynaydi
Boshim chulg'ab olgan g'alat xayollar...

Keyin... ko'zim ochar, uyg'otar sekin,
Tongda shivirlagan yomg'irning kuyi...

(c)

[Aliya]

Yolg`on umidlarga aldangim kelmas…

Yolg`on umidlarga aldangim kelmas,
Menga hilollardan kerakmas va`da.
Faqat… Sen yonimda qolgin bir nafas,
Hayot malol kelib qolgan lahzada.

Meni sev pokiza bir ko`ngil bilan,
Osmonda tahsinlar aytsin malaklar …
Sevgim qarshi olgin o`tli dil bilan,
Ishqqa to`lib toshsin oshiq yuraklar!!!

Gar ketsang, qarama ortga qayrilib,
Ketgin hayolimdan uzilib ko`ngling.
Agar tutashmasdan ketsa ayrilib
Hech qachon tushmasin qalbimga yo`ling…

Kelmagin yuragim sarhadlariga
Rozing olovida yonolmas bo`lsang!
Uchrama nigohim la`natlariga
Agar meni chindan sevolmas bo`lsang…

Yolg`on umidlarga aldangim kelmas…

[albatros]

NEGA?

Nega bugun shahar oralab,
Bordim o'shal notanish to'yga
Nega bugun qalbim yaralab,
Kelin bo'lding o'zga bir uyga?

Nega bilib sen ahvolimni,
Xarob qilding sevgi otashin?
Bilardingku sensiz holimni,
Tanholikda ado bo'lishin?

Esingdami uchrashuvda biz,
Hazil qilib kulardik xandon?
Bugun esa nega sen mensiz,
Baxtim deding o'shal xonadon?

Aytgandingku men sen uchun deb,
Baxtimiz ham birga deganding.
Nega yana sen tuzlar sepib,
Qalb yaramga og'riq yetkazding?

Nega qilding sevgimiz uvol,
Nechun sabr yetmadi senga?
Meni esa qiynar bir savol:
Nega bo'ldi? Bu nechun? Nega?

(с)

[dracony]

Boru yo'g'im bergandim, bu ham senga kam ekan,
Seni sevib topganim alam ekan, g'am ekan.
Nega hasta yuragim otding otash qa'riga,
Chidayapman bir o'zim azoblarning bariga.

Sevgining ko'zlari ko'r, yolg'onlarni farq etmas,
Aytgan shirin so'zlaring hayolimdan hech ketmas.
Avval o'zinga bo'glab, so'ng ketding mendan yiroq,
Yo'ldoshimga aylandi endi yolg'izlik, firoq.

Iforingni izlayman qolganmi deb shamolda,
Sochlaringni silashga qo'lim yetmas hayolda.
Telba bo'ldim majnunday, sahrolarda tentirab,
Sen kelmading bir bora mening holimni so'rab.

Yuragimga ishq ti'gin qadaganing kammidi,
Boshdan olib hayolim, aldaganing kammidi.
Yaralangan yuragim, qalbim choki so'kilgan,
Hasratimdan bulutning ko'z yoshlari to'kilgan.

Aytgin, sendan kechmoqlik bo'larmi dardga davo,
Oshiq yurak hastadir, bo'ldim dardi bedavo.
Osmonlarni titratar oshiq kunglim nidosi,
Men sen uchun hali ham muhabbating gadosi.

Feruz Yadgorov (dracony)

[Alisher Asror]

Чоралар тугади, иплар узилди,
Кўришмай ҳам қўйдик,
қўнғироқ ҳам йўқ...
Ҳаётга ўзгача режа тузилди,
Ҳайр муҳаббатим...
Салом айрилиқ.

Ҳар не яхши қолар, кетар ёмони,
Хотиралар борку , хотирлар илиқ,
Не зулмат !? Ҳижроннинг бўлди замони,
Ҳайр муҳаббатим...
Салом айрилиқ.

Ҳеч нарса ўзгармай қолганидайин,
Тутамиз ўзимиз сипо ва силлиқ,
Учрашсак бош ирғаб куламиз майин,
Ҳайр муҳаббатим...
Салом айрилиқ.

Чоралар тугади, узилди иплар,
Бу жумбоқ сабабин билар бир Ҳолиқ,
Юрак қандай чидар , қандайин эплар!!??
Ҳайр муҳаббатим...
Салом айрилиқ.!

(C)

[Masud Mahsudov]

“Men Seni gullarga bermayman...”
(Usmon Azim)

Men seni gullarga bermayman, erkam,
Mayli, gulzor mendan yuz o’girsa ham,
To’kilsa gulbargning chashmidan shabnam,
Chamanlar yo’llarim to’sib olgan dam,
Men seni gullarga bermayman, erkam.

Men Seni osmonga bermayman, erkam,
Yomg’irga tashnalar bo’lib ketsin yer,
G’amlaru, g’ussaga to’lib ketsin yer,
Cheksiz fazolarga borib yetsin yer,
Men Seni osmonga bermayman, erkam.

Men Seni azobga bermayman, erkam,
Bo’yningga iqboldan taqib guldasta,
Toledan toj yasab, kiydirib asta,
Taqdirni taqdirga etib payvasta,
Men Seni azobga bermayman, erkam.

Men Seni g’urbatga bermayman, erkam,
O’zimga olgancha hamma qayg’uni,
Yuzingga bag’ishlab shirin kulguni,
Qalbimda his etib ajib tuyg’uni,
Men Seni azobga bermayman, erkam.

Men seni armonga bermayman, erkam,
Orzudan ko’nglingga bir qasr qurib,
Havas dunyosida yonma-yon yurib,
Niyatning barchasin sen taraf burib,
Men seni armonga bermayman erkam.

Men seni hijronga bermayman, erkam,
Lug’atdan o’chirib yolg’izlik so’zin,
Ko’rmasdan g’urbatning sarg’aygan yuzin,
Visolga Allohdan so’rgancha to’zim,
Men seni xijronga bermayman, erkam.

Men seni hech kimga bermayman, erkam –
Poyingda tiz cho’ksin, qancha-qanchalar,
Mayli, izing o’pib, so’lsin g’unchalar,
Hudbinman shunchalik, rashkim shunchalar,
Men seni hech kimga bermayman, erkam!

(c)

[Mahmud Jurat]

Ассаламу алайкум, ҳурматли форумдош! Ушбу мавзуда Сиз ўзингизга ёққан шеърларни қўйиб боришингиз мумкин. "Шеърият" рукнидан фарқли ўлароқ, бу ерда қўйиладиган шеърлар баҳр байт кўринишида бўлмайди. Ушбу рукннинг очилишига ҳам асосий сабаб, "Шеърият" да кўпгина форумдош биродарларимиз, опа-сингилжонларими қоидаларга риоя қилишмаётганидир. Ўйлайманки, бу ерда Сиз ўзингиз ёқтирган ёки ўзингиз ёзган шеърларни қолдириб, бошқа форумдошларни ҳам ижод намуналаридан баҳраманд этасиз. Жумладан, ўзингиз ёзган шеърлар ҳақида бошқаларнинг фикрларини ҳам сўраб боришингиз мумкин. Бошқалар фикри эса, сизнинг истиқболдаги ижодингизга ижобий хисса қўшади, деган умиддаман...



Суҳбатдошнинг фикри ҳурмат қилинмаган жойда, тенг суҳбатдош йўқ жойда кимдир катта, катталардан каттароқ "Брат" бўлаверади. Куч кимда бўлса ҳақиқат ўшанда деб биласизларми, нега мен қўйган шеърлар олинди ва фикрларим ўзингизнинг сўзларингиз билан тасдиқлангани ёқмадими. Домлалар, узр, шеърлар ва фикрларим қайтадан тиклансин.

[Mahmud Jurat]

***
Араб келди бинни бўлдинг,
Дин талашиб жинни бўлдинг,
Ўрис келди ов вов дединг,
Ҳалол ҳаром қўшиб единг,
Ўз қалбингга боқгин турким.

Тарих қати қасирғалар,
Бу жангларда овозинг бор,
Келиб кетди не дарғалар,
Бўлди баъзан дунё ҳам тор,
Шажарангда қолгин турким.

Массагету манас эдинг,
Бажноқ бўлган талас эдинг,
Тегин, амир, хон ҳам бўлдинг,
Кушон, Турон қумга тўлдинг,
Ягона турк бўлгин турким.

Имлода ҳам илғор эдинг,
Алифбега ағдар дединг,
Энасойда изинг қолган,
Келди юзинг қизил ҳолга,
Бир имлода бўлгин турким.

Қачонгача як бўласан,
Турон бўлиб қолсин номинг,
Шу замондан чиқсин сасинг,
Бут бўлади шунда нонинг,
Сен замонга мос бўл турким.

Имло дегин, талашмагин,
Замон бугун интернетда.
Тил топишда адашмагин,
Уят деган қалбда, бетда,
Олға босгин собит турким.

Ўтди Лутфий, ўтди Собир,
Асли ватан ҳаммага бир,
Қайта қайта санаб бир бир,
Дарғаларни санаб ўтгин,
Унутмагин ўзинг турким.


Афросиёб Тур ўғлони,
Алпомишинг қайда қолди.
Ватан деса тикган жонни,
Бугун элинг майла молли,
Қани, кенг феъл бўлгин турким.

Тонглар отмас Тўмариссиз,
Амазондай полвон қизсиз,
Мард майдонлар нега ҳиссиз,
Тарихку танг асли сенсиз,
Уни қўлга олгин турким.

Хон ҳам чиқсин манасдай бир,
Чиқмас асли ўрисдан пир,
Пир деб ата дунёни бир,
Доно бўлсин ҳар бир кампир,
Қизни ҳурмат қилгин турким.

Ипак эди йўлинг кеча,
Карвон ўтди неча неча,
Интернетдан очгин дарча,
Сен ҳам ясаб ойдан кулча,
Бугун йўллар очгин турким.

Қонунларинг қаймоқ бўлсин,
Асосида Ясо қолсин,
Тафаккуринг тираб туркга,
Замонсозлик йўлинг бўлсин,
Сен демократ бўлгин турким.

Карвонга “Ҳайт” дейиш одат,
“Ҳорма” демоқ белга мадад,
Жонинг борда жонбоз бўлгин,
Келди муддат кучга тўлгин,
Сен ҳам суянч бўлгин турким.

Мен ҳам куйиб ният ёздим,
Ният билан битмайди иш.
Мана салкам ўтди ёзим,
Ҳадемай тез келади қиш,
Номга содиқ қолгин турким.
(С)

[Aliya]

Илтижо.

(Ўз оиласини ташлаб кетган оталарга бағишладим.)

Севмоқ ҳосдир ўн саккизга кирганларга
Нечун керак кўздаги ўт сўнганида?
Ёлвораман, юрагимга меҳмон бўлиб,
Келма, севги, сочимга қор қўнганида!

Баъзилар бор “Ўғлим йўқ!” – деб оиласин
Ташлаб кетар оғзи ошга етганида.
Гулдеккина қизларини четга суриб,
Кўнгилҳушлик қилар қирқдан ўтганида.

Қай ўғилдан камдир қизлар? Билар қадрин
Меҳр билан қайноқ чойлар тутганида!
Ташлаб қўяр эрка ўғиллар отасин
Жони алам ва оғриқлар ютганда.

Кўзларига кўринарми оталари,
Қариганда, қарамоқдан безганида?
Қай ўғилдан камдир қизлар? Билар қадрин,
Ўзни ночор ва хастаҳол сезганида!

Қай ўғилдан камдир жаннат малаклари,
Тўйларида дуо сўраб турганида?
Бахти тўкис – “Менинг отам шудир!” – дея,
Бошин баланд тутиб, яшнаб юрганида!

Эҳ, оталар, уялинглар севмоқликка,
Йигитликнинг суронлари тинганида!
Ёлвораман, юрагимга меҳмон бўлиб,
Келма, севги, сочимга қор қўнганида!

[Aliya]

Тилагим.

(Ayriliq oldidan Ojiza qizning
Bevafo yigitga deganlari)

Севар ёрим, кетмоқдасиз, мен сизга бахт тилайман,
Орзуларнинг рўёби-ю, тиллодан тахт тилайман.
Кўзга қувонч, кўнглингизга меҳр-у шафқат тилайман,
Муҳаббатим офтобидек ёрқин бўлсин кўнглингиз.
Орзуларнинг осмонидек ойдин бўлсин йўлингиз.

Мени дея дилхун бўлманг, ғам кўнглингиз эзмасин,
Сизни шундай севганимни сиздан ўзга сезмасин.
Сиз севинг-у, сизни ҳеч ким мен севгандек севмасин,
Соғинманг ҳеч, ҳажр ўтидан дард чекмасин дилингиз.
Орзуларнинг осмонидек ойдин бўлсин йўлингиз.

Озор кўрар юзларингиз, кун тафтида юрманг ҳеч,
Мени сизга эслатмасин – ғамгин ҳаёл сурманг ҳеч.
Менга бермас кўнглингизни ўзгага ҳам берманг хеч,
Мендан айро бўлган ахир бугун ўнг-у сўлингиз,
Орзуларнинг осмонидек ойдин бўлсин йўлингиз.

Раво кўрманг ширин азоб – изтиробли дийдорни,
Энди сира тилга олманг айтилмаган изҳорни.
Қайтмас сира, соғинсам-да, кўнглимдаги баҳорни,
Уни сизга қолдирдим мен, абад бирга бўлингиз,
Орзуларнинг осмонидек ойдин бўлсин йўлингиз.

Сиз куйсангиз йиғладим-у, қувонсангиз кулдим мен,
Охир аччиқ қисматимга йиғлаб-йиғлаб кўндим мен.
Мени сира эсга олманг – нима бўлсам бўлдим мен,
Маликангиз бўлолмадим, ҳеч йўқса, бир чўрингиз...
Орзуларнинг осмонидек ойдин бўлсин йўлингиз.

Мен ҳам барча қизлар каби бу дунёдан ўтарман,
Улар каби орзу қилиб, шаҳзодамни кутарман,
Севиб-севиб, севмаганга, бир кун, кўниб кетарман,
Дерман йиғлаб:
“ – Ҳеч бўлмаса, тўйимга бир келингиз...”
“ – Орзуларнинг осмонидек ойдин бўлсин йўлингиз...”

Бу кун келиб юраккинам минг бўлакка бўлинди.
Қалбим “Мени ўлдирма!” деб кўнглингизга ялинди...
Эсиз севгим... Тириклайин юрагимга кўмилди...
Энди сизни севган қизмас, бир дўстим деб билингиз,
Орзуларнинг осмонидек ойдин бўлсин йўлингиз.

Увол қилиб айтманг дилнинг оғриқ сўзи – видосин,
Тингламасман юрагимнинг азоб тўла нидосин,
Кечиринг бу соддагина синглингизнинг хатосин –
Видо учун сўнгги бора маҳкам тутай қўлингиз,
Орзуларнинг осмонидек ойдин бўлсин йўлингиз...

[Alisher Asror]

Энг беғубор кеча, энг беғубор қиз,
Ҳаво ғуборини юварди ёмғир...
Ветнамлик кафеси, четда иккимиз...
Кўнглим Сизда эди , Сиз эса ёлғиз.

Менинг қаршимдасиз – икки дунёмиз,
Худди орамизда миллион йиллик йўл,
Бирга бўлолмаймиз икки дунё биз...
Кўнглим Сизда эди , Сиз эса ёлғиз.

Қошиқ шиқирларди , қимирлар оғиз,
Нималардир дея жаврадим тинмай,
Бу икки оҳангдан Сиз узоқдасиз,
Кўнглим Сизда эди , Сиз эса ёлғиз.

Кейин ... ҳайрлашдик. Жилмайиб қолдиз,
Алам , кудуратни ювмоқчи атай.
Кейин, сумкачани елкага солдиз...
Кўнглим Сизда кетди , Мен эса ёлғиз...

[Aliya]

Кўрмадинг. (Ғазал.)

Бу тун уйқу йиқиб, ҳилол, руҳсоримни кўрмадинг,
Кўзда ёш, дилда ғам, ҳоли абгоримни кўрмадинг.
Арзимас “давлат”ни деб, дўстларим соттилар мани,
Ул сабабдин бағрим қон-у, беморимни кўрмадинг.
О, ҳилолим, тўлин ойим, ёлғиз қолдирдинг мани,
Сани излаб, дардимдан тун бедоримни кўрмадинг.
Қолмади менда ишонч-у, яхши кунга умидлар
Бу дунё-ю у дунёдан безоримни кўрмадинг.
Билмадим дардимни кимга айтаримни шул замон,
Сандек дўст-у дарддошга интизоримни кўрмадинг.
Йиғладим чиқмай овозим, паришон ҳолга тушиб,
Тингламай кеттинг мани, хор-у зоримни кўрмадинг.
Йўқолди, дўстга ишончим қолмади бир зарра ҳам,
Дилимда қолди доғи, ул ғуборимни кўрмадинг.
Кўнгил боғимга келди куз, хазон бўлди орзулар,
Совуқ шамол, хазон бўлган баҳоримни кўрмадинг.
“Синалмай танланган дўстлар бўлурлар бошга бало!”
Йиллар аро ушбу сўзга иқроримни кўрмадинг.

[Aliya]

Ота насиҳати. (Ғазал.)

Ўғлоним, ушбу заминдан ўзга макон излама,
Молинг-у жонинг омонат, яна даврон излама.

Қадрига ет сиҳатликнинг, бошқаси бари бекор,
То тириксан, саломатсан – бошқа қалқон излама.

Оиланг бут – бахтинг тўкис, кўнглингни шод айлагин,
Жуфти ҳалолинг – ёнингда, ўзга жонон излама.

Ўз оиланг – чаманингдир, жамбил-у райҳон унган,
Юзларига оёқ босиб, яна имкон излама.

Она тупроқ муқаддасдир, хиёнатни кечирмас,
Агарким, чиндан мард бўлсанг, бошқа майдон излама.

Кўзларин йўлингга тиккан муштипарни хор этиб,
Ҳақдан яна давр-у даврон, бахти Раҳмон излама.

Сен йигитсан, сенда бўлсин мардлик, ғурур, орият,
Ҳаётинг карвонига сен бошқа карвон излама.

Оиланг мисли бир боғдир – уни парвариш қилиб,
Мевасини терар чоғда ўзга боғбон излама.

Сенга айтар сўзим шудир – барчаси бир маслаҳат,
Сен-чи менинг сўзларимдан гина-гумон излама.

[Aliya]

Гўзал.

Бир гўзалким, қоши устинда бир дона холи бор,
Чаманзорда гуллар-ла минг ҳуснталош ҳоли бор.

Тундай қаро сочларига офтоб юзин беркитган,
Юзларини очса ногоҳ, манглайда ҳилоли бор.

Мингта юлдуз йўлларини ёритай, деб, сочар нур,
Ул гўзал пешонасида шундайин иқболи бор.

Киприк қоқиб, кулиб боқса, ваҳки, ман ёндим, деманг,
Бу жаҳонни ёндирай, деб боққулик аҳволи бор.

Юзларига парда тортиб ўлтирар ул чаманда,
Андалибларни куйдирган бир ширин ҳаёли бор.

Ул париваш ёндирадур неча шоҳ-у гадони,
Ўйламайдир: Муҳаббатнинг тутгувчи уволи бор!

Паришонҳол ўлтирадир чаманда ашъор битиб,
Ваҳ, ўзи билмасми, шундоқ париваш жамоли бор.

Кундуз – офтоб, тунда – ҳилол таърифин мадҳ этурлар,
Олам аро қайси гулнинг шунчалар тимсоли бор?

Ошиқ аҳли кўзларига изин суртиб дегайлар:
“Бир гўзалким, қоши устинда бир дона холи бор”...

[Aliya]

Диёрим.

Қор эримас тоғларинг бор, этай баён, диёрим,
Мустақил, ҳурсан, йўлинг порлоқ, нурафшон, диёрим.

Ҳеч қуёшинг сўнмагайдир, гўзалдирсан шунчалар,
Халқим – Ўзбек, тилим – Ўзбек, элим – Сурхон, диёрим.

Истиқлолнинг одимларин босиб ўтдинг оғишмай,
Бу одимлар келажакдан нурли нишон, диёрим.

Келди сенинг гўзал давринг, келди қутлуғ замонанг.
Қоқилмасдан олға босгин, бизга ишон, диёрим.

Кафтни дуога очгаймиз – динимиз мўмин Ислом,
Ғайратимиз бошлар нурли йўлга томон, диёрим.

Келажагинг, бугун, эртанг – биз ёшларнинг қўлида,
Номинг абад тарихларда Ўзбекистон, диёрим!

(Ushbu g`azallarni maktab davrida yozganim sababli, kamchiliklardan xoli emas. Ma`zur tutasizlar.)

[albatros]

Ота насиҳати. (Ғазал.)

Ўғлоним, ушбу заминдан ўзга макон излама,
Молинг-у жонинг омонат, яна даврон излама.

Қадрига ет сиҳатликнинг, бошқаси бари бекор,
То тириксан, саломатсан – бошқа қалқон излама.


Juda ham ajoyib yozilgan.Oramizda yana bir yuksak iste'dod egasi paydo bo'lganligidan xursand bo'lsak arziydi. Hali yosh bo'lishiga qaramasdan bunday ajoyib she'rlar bitayotgan yosh shoiramizga omadlar tilaylik.

[Aliya]

she'rlar bitayotgan yosh shoiramizga omadlar tilaylik.

E`tiboringiz uchun rahmat!

[Aliya]

Сени севмайди у...

Ўзга инсонгадир ундаги туйғу,
Бахтиёр кунингга сепмагин оғу –
Офтобга оловли саломлар айтиб
Сенсиз хушнудликда уйғонади у.

Нозли боқишлари ўзга ёр учун,
Бахтиёр – ёнида ул ёр бор учун.
Сени севмайди у, тушунгин ахир,
Энди у – бегона, сен буни тушун!

Ширин тушларининг эгаси сенмас,
Орзуси, келажак – эртаси сенмас!
Ногоҳ учрашувда ўша кунгидек
Хушхол лабларига табассум инмас.

Масофа олислаб борар кун сайин,
Зулматлар қалбингни ўрар тундайин.
Ёнингда бўлган у – дилхушлик учун,
Сени севмайди у...
Мен Севгандайин...

Сен ўзгага эмас, Менга кераксан...

[мафтун]

ОНАМНИНГ ҚЎЛЛАРИ

Кўп қўллар бошимни силади,
Қанча қўл менга бахт тилади.
Сабабин бир худо билади,
Онамнинг қўллари бошқача.

Кўп инсон мен учун меҳрибон,
Қанчаси хушфеълу хушзабон,
Ичимни тирнайди бир армон,
Онамнинг тиллари бошқача.

Йўлидан адашган карвонман,
Қаёққа кетяпман?! Ҳайронман.
Онамга етолмай сарсонман,
Онамнинг йўллари бошқача.

Зор бўлдим онамнинг меҳрига,
Борида етмадим қадрига.
Гул экай дейману қабрига,
Онамнинг гуллари бошқача.

Бўзлайман, онажон, қайдасиз,
Ёнимга оҳ қачон қайтасиз.
Оҳларим барибир фойдасиз -
Онамнинг тилари бошқача.

Руҳлари нур сочар йўлимга,
Сўнг қуръон тутқазар қўлимга,
«Ўғлим, бу худонинг қисмати
Йўқ, лаънат ўқима ўлимга»!
Онамнинг дили ҳам бошқача...

[мафтун]

Тун.
Нимта ой.
Чилпарчин кўнгил.
Ойюзлигим, элас-элас
Ойюзингни эсладим.

Ярим тун.
Чўккан дил.
Ушатилган ой.
Балки онанг синдирган патир,
Балки онам илинган кулча...
Ютиндим...

Оёқлаган кеча.
Оқсоқ ой ётоқда.
Кўнгил дарбадар.
Уйқуси ўчган дард
юлдуздек учар...

Тунлар...
Ойлар...
Кўнгил «кўн, Гул, кўн, Гул»лар...

...Қай бир тун.
Ой—дўндиқ.
Яримта кўнглимда
ёдинг бус-бутун...

[мафтун]

ТАРОЗУ

Эй, сиз!!!
Тўрт фаслда турфа хил,
турланиб, тусланувчи,
шабодага таъзимлаб,
елнинг оёғин ўпган,
топиб ернинг бўшини
юҳодай ямлаётган
илдизлари ялмоғиз,
карахтдилли дарахтлар!...
Қаранг,
мағрур тоғ кўксида илиниб,
аранг,
йил бўйи кўкни кўкка
бўяётган арчанинг
пойига бош урар
бўронлар,
қаранг!!!

[Alisher Asror]

Эҳ, оталар, уялинглар севмоқликка,
Йигитликнинг суронлари тинганида!
Ёлвораман, юрагимга меҳмон бўлиб,
Келма, севги, сочимга қор қўнганида!

Муҳаббатсиз ҳаёт - жонсиз сийрат. Севишдан уялиш - катта аҳмоқлик. Севиш бу севган инсонига бетаъма, беғараз яхшилик қилишдан бошқа нарса эмас (буни нимаси ёмон?). Лекин эркак киши учун барча ҳиссиётлардан устун турадигани - бурчлилик,
оила-бола чақа ва жамият олдида ўз бурчини ҳис қилиб яшаш!

Шундай экан, келинг , ҳамма нарсани ўз номи билан атайлик.

[Aliya]

Муҳаббатсиз ҳаёт - жонсиз сийрат. Севишдан уялиш - катта аҳмоқлик. Севиш бу севган инсонига бетаъма, беғараз яхшилик қилишдан бошқа нарса эмас (буни нимаси ёмон?).

Ғарб цивилизацияси миллийлигимизга, Ўзбекчилигимизга шу қадар кучли таҳдид солаётганини тушунишга ақл ожиз!

Шу сабаб, ота ўз оиласидан воз кечиб, фарзандларини тирик етим қилаётганини ЁҚЛАШ одатий ҳолга айланиб бораётган бўлса, не ажаб?!

Бошга тушганни кўз кўрар...

[Masud Mahsudov]

Ҳаётимнинг қўшиғин тополсайдим дунёда...
(Ботир Зокиров)

Юрагимнинг уммони тинчлик нима билмайди,
Унда эзгулик, меҳр барчадан ҳам зиёда.
Мени фақат бир орзу, битта истак қийнайди -
Ҳаётимнинг қўшиғин тополсайдим дунёда...

Юрагимнинг осмони булутларга бегона,
Кунларида юлдузлар қуёш мисол порлайди.
Ойдин тунда оймома бўлар менга ҳамхона,
Оламда не яхши бор, ҳузурига чорлайди.

Юрагимнинг илдизи, зиёларга туташган,
Нурдан баҳра олган қон гупурмоқда вужудда.
Дуоларга қўшилиб, ниятлар тўлиб тошган,
Ҳаваслар-чи, қайнайди муштдек келган ҳудудда

Юрагимнинг тоғлари сабрлардан яралган,
Матонатнинг чўққиси ҳамон мени кутмоқда.
Водийлари азобнинг тошлари-ла ўралган,
Ҳар бир босган қадамим кураш билан ўтмоқда.

Юрагим ҳокин қайдан олган – менга ноаён,
Лой қориш чун сувлари жаннатдандир, эҳтимол.
Най навосин эшитиб, танга кирганида жон,
Ёзган умр дафтари меҳнатдандир, эҳтимол.

Юрагимнинг дунёси тек турмайди, тинмайди,
Фасли фақат навбаҳор – умидимдир гуллари.
Умр дарахтин шохлари бунда ҳечам синмайди,
Зулматларнинг заҳридан йироқдадир йўллари...

Мени фақат бир орзу, битта истак қийнайди -
Ҳаётимнинг қўшиғин тополсайдим дунёда...

(с)

[Alisher Asror]

ота ўз оиласидан воз кечиб, фарзандларини тирик етим қилаётганини ЁҚЛАШ одатий ҳолга айланиб бораётган бўлса, не ажаб?!

Ҳеч ким ёқлаётгани йўқ!!! Фақат ташлаб кетишни "СЕВГИ" деб аташларини ёқламаябман! Севги - жуда соф ҳиссиёт , унга ҳар-ҳил майда одамларнинг хирсли ишларини аралаштирмайлик, сўз булғанади.

[Alisher Asror]

***

Har ko`rganda ko`zimga nur ko`rinaver,
Har ko`rganda go`zal va hur ko`rinaver,
Har ko`rganda bebaho dur ko`rinaver,
Shunda sevay, qayta –qayta, bir o`zingni!

Mayli deyman, toshmi o`sha oynaga boq,
Mayli, rashkim sindiraman hammaga yoq,
Yonib turgin ko`z – ko`zlarga tushgani chog`,
Shunda sevay, qayta –qayta, bir o`zingni!

Bir kun kelib cho`p tutqizsa qo`lga Dayr,
Kunim bitib, yakunlanib qolsa sayr,
Shunda senga termulsamu demay hayr,
Faqat sevsam, qayta –qayta, bir o`zingni!

***
(C)

[Aliya]

Ҳеч ким ёқлаётгани йўқ!!! Фақат ташлаб кетишни "СЕВГИ" деб аташларини ёқламаябман! Севги - жуда соф ҳиссиёт , унга ҳар-ҳил майда одамларнинг хирсли ишларини аралаштирмайлик, сўз булғанади.

She`rda men qanaqa SEVGIni nazarda tutganimni aniq ifodalaganman. Hech qanday izohga hojat yo`q edi. Buni o`zingiz ham tushunib, anglab turibsiz.

[Aliya]

Sen baxtli bo'l...

So'zga ko'chgan olovli maktub
Izhoridan ko'ngilda otash.
Ayru tushgan yillardan o'tib,
Dil rishtasi yo'llarda tutash.

Tomir yozib umid bog'ida
Ko'karganda rayhonning vasli.
Tong shamolin hur yaprog'ida
Uyg'ongandi muhabbat fasli.

Ishq – kabutar, yozganda qanot,
Bulutlardan bo'g'ildi samo...
Yuragimda ishqki – benajot,
Yuragimda dardki – bedavo...

Qismatda bor ekan ayrilmoq,
Tun va kundek ayru ketdik biz...
O'z tengim, deb o'zgani bilmoq
Qismatligin anglab yetdik biz...

Sen kunduz bo'l, porlasin senda
Baxt quyoshin tafti, nurlari!
Qorong'u tun qolsa-da menda,
Yoding bilan nurli yo'llarim...

Sen baxtli bo'l, toki sening baxt
Yoritgaydir mening qalbimni.
Qachonlardir bizda bitta dard
Osmon etib ketgan qadrimni...

Menchi...?
Hamon baxt qushin kutib,
Sovuryapman umrimni yelga.
Intizorman ul o'tli maktub -
Chin ma'noda sevgan bir dilga...

[мафтун]

Mеhringdan eridi yurakdagi muz,
Bahorga aylandi xazonrеzgi kuz.
Mеnga hayot bеrding go'yo qaytadan,
Mеni o'zimdan ham ko'proq sеvgan qiz.

Sochlaring sumbulmi, yoki dormi, ayt?
Mеni o’ylamagan oning bormi, ayt?
Kimdir mеnday g’arib yo nochormi, ayt?
Mеni o'zimdan ham ko'proq sеvgan qiz.

Entikdim. Xayajon. Yurak titrog’i...
Mеnga ham tanishdеk hijron qiynog’i.
Ko’zlarimdan toshdi xasrat bulog’i,
Mеni o'zimdan ham ko'proq sеvgan qiz.

Koshki majnunlikni ixtiyor etsam,
Yo ishqing yo'lida jon nisor etsam,
Qaniydi mеn sеni baxtiyor etsam,
Mеni o'zimdan ham ko'proq sеvgan qiz.

Ana osmon guvoh, yulduz, oy guvoh,
Kеl, mana xastahol yuragimga boq,
Mеni sеni sеvaman hammadan ko’proq,
Mеni o'zimdan ham ko'proq sеvgan qiz.

[albatros]

Bir odam donishga beribdi savol:
Ayting kim dunyoda eng aziz ulug'?
Aytibdi: Shubhasiz bu inson - Ayol,
Uning har qadami , so'zlari qutlug'.

So'ng yana so'rabdi: So'ylang Ey ustoz
U qanday boylikdir -olamda tanho?
Donish o'ylab debdi jim turib biroz :
Bu Ona mehridir - tengsiz bebaho.

(c)

[Aliya]

Araz.

Kipriklarim nayzasimi - ko'nglingizda,
Nahot, araz qilganimni sezmasangiz?!
Mag'rur boshim egmagayman endi Sizga,
Rashk so'ziga kirib, meni qiynasangiz!

Haddim bormi tik boqmoqqa ko'zingizga?
Sitamlarni xos bilsangiz nahot bizga?!
Mag'rur boshim egmagayman endi Sizga,
Ishqqa sajda qilganimni bilmasangiz...

Aybim ekan - nozli araz qilmoqlarim,
O'tmagaysiz - yo og'irmi gunohlarim?!
Mag'rur boshim egmagayman - nigohlarim
Olovidan najot tilab kelmasangiz...

Tiz cho'kdimmi Ishq jangida yengilib man,
Siz - Osmonni men o'zimga yor bilibman!
Mag'rur boshim egmasam gar zap qilibman -
Sizni shundoq sevganimni bilmasangiz!

Yelkangizga botsin ajab hajr yuki,
Ilk qadamni Siz yoqlardan kutsam yoki?!
Mag'rur boshim egmagayman Sizga...
Toki -
Tushlarimda bir bor yo'qlab kelmasangiz...

[Alisher Asror]

ТЕРЕЗА
(фильмни кўриб)


Севги худосининг фарзанди,
Олов бўлиб туғилдинг, ён-а !
Этагингни тутиб сиғинай,
Сингилжоним, мен, мен девона.

Ўзидан-да юраги катта ,
Самодан-да севгиси юксак,
Сен машъала зулмат дунёда...
Кўрлар...кўрлар ўчирар бешак.

Кўр – ҳукмдор, пасткашда пул бор,
Донолари ёлғончи , қўрқоқ.
Юраклилар юраклига зор...
Ҳаёт сўроқ , Дунёси сўроқ...

Чексииз тунда ёнган оловсан,
Талпинаман зулумат аро.
Етишгунча битта тиловсан,
Сўнг куйдириб қилсанг-да қаро.

Севги худосининг фарзанди,
Олов бўлиб туғилдинг, ён-а !

[albatros]

She'r - shoirning dardi qalbdagi tuyg'u,
Ollohdan insonga ilhom - tuhfa bu.
Tanda bor ekan jon, yurakda ilhom ,
She'riyat olami yashaydi mangu !

(c)

[Aliya]

Mendagi ishq buyukdan buyuk...

Ko'z tikkanman Ishq Ilohiga,
Insonlarni ko'rmas basir dil...
Qilmam parvo hissiz ohiga,
Osmonlarga abad asir dil...

Yolg'on dardga bo'lmasman taslim,
Yengilmasman sarobga, hayhot!
Yuragimda Ishq o'ti lim-lim,
Bardosh qilmas unga odamzot!

Vaqtlarini yelga sovurib,
Yo'llarimni to'sarkan inson -
Ko'rmaydiki, ahvolin g'arib
Aylab bo'lgan jumlai jahon...

Mendagi ishq buyukdan buyuk,
Loyiq emas inson bolasi...
Zamin uzra yaralgani yo'q -
Yuragimning shirin nolasi...

Men suyganim - Ishqning Ilohi,
Osmonlardan qasr aylamish...
Yomg'irlarning dildagi ohi,
Nigohlari asir aylamish...

Qo'llaridan tutib yurdim men,
Baxt fazosi bir bizga nasib...
Yer-u ko'kda uni ko'rdim men
Buyuk Ishqqa Yolg'iz munosib...

Aldanmagay rashk tuzog'iga,
Mendagi Ishq buyuk bir tuyg'u!
Ko'z tikkanman Ishq Ilohiga,
Buyuk Ishqqa loyiq faqat U!!!

[Alisher Asror]

Бир кўрдим-у, бошимдан нур тўкилди,
Гадо эдим илкимга дур тўкилди.
Ҳижрон азоб , минг ҳижронга банд эдим,
Банд-бандлари узилди “гурр” тўкилди.

(C)

[Gulchehra Ibragimova]

Энди сен олисда

Энди сен мендан кўп олисда
Ярақлар қўлингда узугинг.
Ҳаёлинг ўзга бир юлдузда
Банд этар кўзлари сузугинг..


Қалб яқин ва лекин ўтолмам,
Чегара ул никоҳ узугинг.
Мен юлдуз.., “уни”да ой дерсан,
Бахт берсин мендан-да тузугинг!..

1999й
(С)

[albatros]

Qalbimni chulg'adi alam iztirob,
Ahvolim tang etdi, so'ng qildi betob.
Dardimni to'kkandim qog'oz qalamga,
Qog'ozlar to'ldi va, yaraldi kitob

(c)

[Alisher Asror]

Осмон қулаб тушди устимга,
Белимгача тупроққа ботдим.
Вужудимни битта мушт қилиб,
Осмонини жойига отдим,

Яна баттар ботиб тупроққа...
Ватанимга кетиб боряпман...
Ўзимга хос ўланим айтиб,
Манзилимга етиб боряпман:

Ҳой-ҳой ўлан, жон, ўлан,
Жоним кулииб ушади,
Эгилиб тиз чўкмасанг,
Осмон қулаб тушади.


(C)