Шеър азиз олам аро...

[albatros]

Ushbu mavzuda navbatdagi kiritilayotgan she'r 1000 raqamdaekan bu she'rni (agar she'r deb bo'lsa) MEHRIDARYO ONALARIMIZGA bag'ishlayman.

Onang qadri.

Hayotlik chog'ida onang qadrin bil,
Duosini olgin, hamda rozi qil.

Ey farzand ko'zingni och, atrofga boq,
Dunyoning mazmunin bir zum fikr qil.
Shon-u shuhrat topib rag'bat olgan choq,
Onalar xizmatin eng ulug' deb bil.

Bir zamonlar sen yig'lab och qolganda,
Keltirardi onang patir non, qaymoq.
Bolang-chun bebaho sovg'a olganda,
Oldingmi onangga birgina paypoq.

Boshingda g'am kelsa qildi iltijo:
"Mushkulin oson et, Yaratgan Egam".
Topganin senga deb etdi muhayyo,
O'zin o'ylamadi, dard yemirsa ham.

To'qqiz oy bag'rida seni ko'tarib
Yana mehnat qildi og'ir oyoqda.
Mayli onangni hech ko'tarmagin sen,
FAQAT TASHLAB KETMA QARIGAN CHOG'DA.

(c)

* Bu yerda 1000 raqamdagi she'r deb ushbu mavzuda berilayotgan javoblar soni nazarda tutilayapdi. Aynan ushbu she'r 1000 javob.

[Aliya]

Sog'inch tutashtirar...

Ko'ksiga cho'g' bosdim armon sevgimning...
Yig'lamay ham qo'ydim endi hajringda...
Lekin...
Sog'inmaslik mumkinmi Seni?!
Qalbim parchalanar...
Sening dardingda...

Bilaman - qaytishing gumondan-gumon,
Sen - shunday mehri muz, sen bir toshbag'ir...
Tushun...
Qalbim Seni so'raydi hamon,
Seni sog'inmaslik mumkinmi axir?!

Ketmading, yo'q... Meni tashlab ro'yoga,
Har on eslayapsan - o'zing ham bilmay...
Yo'limiz ayirgan telba dunyoda
Yashay olarmisan Meni sog'inmay?!

Bilmaysan...
Bahorgi gul kabi umrim,
Sog'inmagan kuning xazon bo'larman...
Sensiz bahorlarga ko'nmaydi ko'nglim,
Meni eslamagan kuning...
O'larman...

Yo'llar o'zga, dema, mana, kelding-ku!
Yana shirin diydor - lahzalar ichra...
Meni eslayapsan - azobli tuyg'u,
Seni eslayapman g'ussalar ichra...

Endi ko'kka uchdi u go'zal hislar...
(Jim qo'yib yubordik qo'llarimizni...)
Agar, muhabbatdan ko'r bo'lsa ko'zlar,
Sog'inch tutashtirar yo'llarimizni...

[Aliya]

*****

Boshimizdan gul sochar osmon...
Taqdirimiz bitilgan zamon,
Xudo Meni yaratgan, ishon -
Senga kerak bo'lganim uchun!

Sinovlarda bardoshing sinmay,
G'iybatlarga e'tibor qilmay,
Asra meni ko'zmunchog'ingday -
Senga kerak bo'lganim uchun!

O'tinganim - yig'lab Xudodan,
Qismatimga kelgan shahzoda,
Yashayapman axir -
Dunyoda
Senga kerak bo'lganim uchun!!!

[Aliya]

Ey, Xudoyim...

Ey, Xudoyim, ayama mendan
Dunyolarning saodatini.
O'zing qalbga solding, o'zing ber -
Orzularning ijobatini.

Taqdirimga muhabbat bitsang,
Izhor etsin sadoqatini.
Gulxanlarga aylantir, hayxot
Ko'ngillarning haroratini.

Shunday ishq ber, toki bu ishqdan
Bahor olsin tarovatini.
Osmon havas qilsin bu qadar
Yuksak ishqning inoyatini.

Ishqqa sajda bilan boshlasin,
Yakunlasin ibodatini.
Muhabbatga etsin armug'on
Hayotining har soatini.

Shunday ishqni ayama mendan...

[Gulchehra Ibragimova]

…
.. “безор бўлиб кимни кутарсан..”
Азоблади қай дил, қай дилдор?
Аламлардан нечун куярсан,
“Ёрилгин тош, ёрилгин” бир бор?..

Ашъорларинг эгаси кимдир?
Ул битикни кимга битарсан?
Кўнглимдаги алам “сим”-“сим”дир,
Келмас ёрни муштоқ кутарсан?

Қалбингни оч, сирдошинг бўлай,
Дардинг олай елкадош бўлиб.
Суян, майли, дилдошинг бўлай
Кўтарайин мен бардош бўлиб.

Дўстинг учун захар ют, майли,
Ишқ эмасдир ахир гул сайли
Саргардонлар бўлай ё Лайли
Топай Сизга бўлса гар “майли”

..Дил номангни ўқидим такрор,
Азоблабди ёрнинг фироғи.
Ким сенга зор, кимдир сенга зор..
Милт-милт ёнар умид чироғи..

.. “..безор бўлиб кутарсан кимни?!”

(с)

[Mahmud Jurat]

***
Коллайдерда нурлар тўқнашиб
Авестонинг кўзёши бўлди.
Минг йилларча инсон адашиб,
Инсонликка чин етиб келди.

Клон атаб ўзин аксини,
Бомбаларда портлатмади, йўқ,
Эплайолди ёвуз ҳиссини,
Ёвузларни танлаб отар ўқ.

Аммо ҳамон баъзида ожиз,
Кўкка боқиб юлдуз санайди,
Юлдузларни қувиб изма из,
“Ҳаёт борми” мунгли сўрайди.

Ҳали ҳамон сувнинг қаърида,
Ожизлигин тан олади жим.
Алжабрнинг ўлмас хокида,
Бўлса ҳамки у бугун ҳоким.

Яна нени излаб топади,
Яна нелар бўй эгар унга.
Изловчанлик унинг одати,
Сиғинмайди сариқ Қорунга.

Тафаккурда елпиниб олға
Ўзиб кетди ўзидан ўзи.
Тўхтамайин излар қўнолға,
Айтилганмас охирги сўзи.

Қайга шошиб борар одамзод,
Қайда унга сўнгги бир макон.
Тафаккурда у буюк озод,
Ўзи соҳиб, у ўзи ҳоқон.

(С)

[Aliya]

Ko'zlaring so'zlaydi...

O'tmishga qayrilib bir qara,
Bir ojiz zoringman izingda...
Kunlaring tunimdek qop-qora -
So'ragin sog'ingan ko'zingdan:
Sen meni sog'inding...
Men Seni...

Yulduzda yig'lagan ohlarim,
Tuningda tun - g'arib mendan ham...
Yolg'izlik ko'kida moh yarim,
Umidni uzmayin Kundan ham,
Sen Meni sog'inding...
Men Seni...

Hayoling - hayolim o'g'risi,
Ko'zlarim - ko'zingga asira.
Men - ko'ngling osmonin parisi,
Sen - qalbdan öchmas bir xotira...
Sen meni sog'inding...
Men Seni...

Yig'layman...
Ko'z yoshim singari
Ko'nglimga ketasan to'kilib...
Ismim ham kuydirar lablaring,
Ko'zlaring so'zlaydi o'kinib:
Sen Meni sog'inding...
Men Seni...

[Aliya]

Arzimaydi.

Arzimaydi dunyolarning dunyolari ashkingga,
Qayg'ularga izn berma - in qurmasin qalbingda!
Bittagina tabassuming alishmasman hech nega,
Yig'lamagin, erkatoyim!
HAYOT HALI OLDINDA!

Go'zal singlim, yig'lama hech, ko'z yoshingga chidolmay,
Osmonlarning ustunlari yiqilgaydir birma-bir.
Qora tunning hilollari ko'z yoshini tutolmay,
Yulduzlari Zamin sari to'kilgaydir birma-bir...

Yig'lamagin!
Mag'rur boshing osmonlardan baland tut,
Hayotingga quvonch bersin orzuning sho'x navosi.
Sen taqdirdan qayg'u emas, baxtli kunga umid kut,
Ko'z yoshingga arzimaydi dunyolarning g'avg'osi!

Yig'lamagin...
Ko'z yoshingga arzimaydi hech bir so'z...

[albatros]

Sevib sevilmagan qiz.

Sen sevding yuraging otashga berib,
Hayoting bir qismin unga atading.
Eng sara so'zlarni maktubga terib,
Nigohing yo'liga mushtoq qadading.

Bog' aro sayr etib, xayolan go'yo,
Quvlashib chamanzor ichra qocharding.
Agar bu muhabbat bo'lganda ro'yo,
Shubhasiz qalb sirin unga ocharding.

Afsus muhabbating qadrin bilmadi,
Nega g'urur o'tin qo'ydi u baland.
Nechun sevgisini oshkor qilmadi,
Qaysi jonon uning qalbin qildi band.

Yig'lama sevgingga arzimaydi u,
Sen topajak baxting, bo'lgaydir qutlug'.
Faqat yuragingdan o'chmasin tuyg'u,
Deydiku:"Oyning ham o'n beshi yorug' ".

Har yomon qilmishning o'z jazosi bor,
Ezgulik tantana qilgaydir doim.
Muhabbat tuyg'usin aylaganlar xor,
Afsus nadomatla o'tsin iloyim !!!

(c)

[Gulchehra Ibragimova]

Ёрижоним

Сени излаб тоғлар билан хасратлашдим,
Тош-тиконлар тилиб кетди товонимни.
Дардим айтсам тушунмади харсанглари
Шабадалар илиб кетди забонимни..


Суҳбатингга ташнадир қалб, фидо жоним
Қайлардасан, боринг билдир Ёрижоним..

Ғурурларни илиб қўйдим янтоқларга,
Соғинч деган бир неъматдан тўйдим ёрим..
Соғинганни соғинса дил айб эмасдир,
Йўқликлардан Сени топдим, сенсан борим.

Бир илтифот кутмагайман, зорижоним
Қайлардасан, боринг билдир, Ёрижоним..


Айтгил нечун кўзларингда чўғлар сўнгган,
Руҳлар тушкун, қалблар сўник, журъат қани?
Наҳот ишқсиз яшамоққа дил ҳам кўнган,
Ул қалбларга мухрланган суръат қани?

Ўксик дилга таскин бўлмас шараф-шоним,
Қайлардасан, боринг билдир, Ёрижоним..

(с)

[Gulchehra Ibragimova]

"Мингта юлдуз битта Қуёш нурини беролмаганидек, Қуёш ҳам биргина шамнинг тундаги вазифасини ўтолмайди"..

***
Қуёшдан шам афзал, шамда вафо бор,
Ўз танин ёқса-да кулбам ёритгай.
Қуёшни севаман, нур бисёр ва лек -
Барчага кулиши кўнглим оғритгай.

Шамда фидолик бор, ўз жонин ёқиб
Туннинг зулматини ойдек ёритгай...
Ул Қуёш барчага кулади боқиб,
Шам йиғлаб дардимни дилдан аритгай.

Шаҳамнинг кўз ёши беҳуда эмас,
Офтобнинг тобига етмайди қулоч.
Қуёшни севаман, аммо ушбу кун
Кўнглимда бир шамга бордир эҳтиёж..

..Қуёшдан шам афзал, шамда - вафо бор.

[albatros]

Шаҳамнинг кўз ёши беҳуда эмас,
Офтобнинг тобига етмайди қулоч.
Қуёшни севаман, аммо ушбу кун
Кўнглимда бир шамга бордир эҳтиёж..

..Қуёшдан шам афзал, шамда - вафо бор.

Juda ham ajoyib satrlar.Bu misralarni o'qib E.Vohidovning:

"Garchi shuncha mag'rur tursa ham,
Piyolaga egilar choynak.
Shunday ekan manmanlik nechun,
Kibru havo nimaga kerak"

misralari yodimga tushib ketdi. Albatta sham quyosh bo'la olmaydi, ammo shamning o'rnini quyosh ham bosa olmaydi. UShbu she'r orqali har bir narsaning o'z o'rni va qadri borligini yana bir bor anglashimiz mumkin. Bunday she'rlaringiz yana ko'payaversin hurmatli Gulchehra opa.

[Gulchehra Ibragimova]

....***

… Тўғриси мен сизни соғинмай қўйдим,
Нигоҳ -ў, сўзингиз, барин унутдим…
Унутдим ул ёлғон ваъдаларни ҳам,
Билмам ютказдимми ва ёки ютдим?!

Чунки унутганни унутган афзал,
Не берса кўрарман тақдири азал,
Ишқнинг озорларин сипқориб тўйдим,
Соғиниш азобин билдим муфассал…

Соғиниш керакмас соғинмаганни,
Бевафо ишқида куймоқ не даркор?
Мен сизни соғинмай қўйдим азизим,
Ул тафтсиз бир чўғга талпинмоқ — бекор!

… Ё Сизни соғинмай қўймоқ гуноҳми?!

[Aliya]

KECHIRINGIZ...

Yig'lolmadim...
Ketdingiz so'zsiz...
Faryodlarim bo'g'zimda qoldi...
Orzu qalbni tark etdi izsiz,
Yolg'izgina umid ham o'ldi...

Yig'lolmadim...
Jim ko'ndim...
Qismat -
Tog'lar qadar og'ir shart qo'ydi...
Lablarimda yig'ladi jur'at,
Yuragimni hijron, dard o'ydi...

Yig'lolmadim...
Ko'zimdagi yosh -
Kuydirmoqda qalbni beomon.
Kechiringiz...
Etib qo'ydim fosh...
Ko'rgim keldi...
Ha, Sizni!
Yomon...

Yig'lolmadim...
Oh, dardim og'ir,
Ming o'ldirib, kuydirar ming bor...
Siz - bevafo, Sizki - toshbag'ir,
Qo'lingizda jon berdim takror...

Yig'lolmadim...
Yuksak keldi sha'n...
Osmonlarga qadrim keldi teng...
Garchi mag'lub, singan qalb bilan -
Mag'rur chiqdim qarshingizga men!

Yig'lolmadim...
Kechiringiz yor...
Menda shunday ojiz iroda...

[Lobar AZIZ]

Бугун чиндан айрилаяпмиз.
Етмай туриб ишқнинг исига.
Терс томонга қайрилаяпмиз-
Эргашганча видо изига,
Эссизгина…
Айрилаяпмиз…
Гунохларни аҳтармоқ бекор,
Хатоларга қолмади ҳожат.
Тошиб кетса аламлар – беор,
Армонларга этиб муножат,
Сассизгина…
Айрилаяпмиз.
Йиғлаётган сенми ёки мен?
Бўзлаётган ишқми шумқисмат?
Орамиздан эсаётган ел,
Тўфонларга айланмоқ истаб…
Ҳиссизгина…
Айрилаяпмиз…
Туташмади манзиллар – йироқ,
Улгурмади кўзёшлар қуриб.
Юракларни бир қилиб бироқ,
Ажаб, бир бор учрашмай туриб-
Сўзсизгина…
Айрилаяпмиз…
Айтилмайди энди бирор сўз.
Соғинмоқлик кўнгилга малол,
Бир озгина…
Келмай турса куз-
Бахтли бўлармидик, эҳтимол…?
Бахтсизгина…
Айрилаяпмиз…
(C)

[Masud Mahsudov]

Quyoshdan uyalib qizargan bargdan,
Ololmay qolganda nogoh ko'zimni,
Qalbim forig' bo'lmoq istaydi darddan,
Kuzatgim kelmaydi hecham kuzimni.

Xazin kuy qalbimga bo'lganda hamdam,
Ivitib tashlasa yomg’ir yuzimni,
Atrof oltin rangga aylangani dam,
Kuzatgim kelmaydi hecham kuzimni.

Gunohlarim yaproq yanglig’ to’kilib,
Qush kabi yengil his etsam o’zimni.
Ortidan mung’ayib, ma’yus tilikib,
Kuzatgim kelmaydi hecham kuzimni.

Umrim fasllarin o’tsam qadamlab,
Xazonlar yopganda bosgan izimni,
Qo’lim siltagancha kiprigim namlab,
Kuzatgim kelmaydi hecham kuzimni.¬

Intiqib kutsam-u qarshilab olib,
She'rlarga ulasam sog'inch so'zimni,
Lahza ko'rishgach so'ng bir yil yo'qolib
Ketsa, men kuzatgim kelmas kuzimni.

Chuqur o’yga tolib,
Yumib ko’zimni,
Kuzatgim kelmaydi hecham kuzimni.¬


(c)

[Gulchehra Ibragimova]

Руҳан тушкунликдан руҳ ҳам чалажон,
Умид бор кўксимда, умидсиз, нимжон.
Ул хира ойнадек хотиралардан
Қачондир йўл топиб бораман, ишон..

Сўнг яна андиша, ..ўйга толаман,
Манзилинг билсайдим, сени кўрсайдим..
Бугун шаббодага сирдош бўламан,
Сен бор кўчаларда сарсон юрсайдим.

Сени борлигингни ўзи бир таскин,
Сени ҳаёлларинг борим, юпанчим.
Биз нечун ажралдик бунчалар кескин,
Сендан қолган шу ишқ овунчим, ганжим..


Кўнглим хасратингдан парча-парчадир,
Кошкийди севмасни севдириб бўлса?
Қалбим сен томонга очиқ дарчадир-
Нажот- СЕНДАЛИГИН сездириб бўлса?!..

..биз нечун ажралдик ИШҚҚА етмасдан?!!

(с)

[Aliya]

Уни севмаганман, севмаганман йўқ! У бир ҳавас эди… Шунчаки ҳавас!

Йиғлатдингиз...

[Aliya]

Сўнг яна андиша, ..ўйга толаман,
Манзилинг билсайдим, сени кўрсайдим..
Бугун шаббодага сирдош бўламан,
Сен бор кўчаларда сарсон юрсайдим...

Ko'nglimdan to'kilolmagan izhorni so'zlaringizda ifoda etgansiz...

[Mahmud Jurat]

***
Тунлар безор бўлдим ойнинг юзидан,
Кунлар безор бўлдим бойнинг қизидан,
Эмаклаб бораман кимнинг изидан,
Айт, қалбим, қайларга кетиб борамиз.

Мен ҳам бир сайёра, атроф коинот,
Учмоқни истайман йўқ менда қанот,
Энг ёмони шунда, жоним омонат,
Айт, дилбар, қайларга кетиб борамиз.

Излаган бойлигим бир парча нондир,
Оч қолсам юрагим тонггача қондир,
Шу аҳволда хоҳиш кўлбар илондир,
Айт, дўстим қай чўлга кетиб борамиз.

Заҳри қотил дея едик илонни,
Топсак қувондик бир бурда нонни,
Абадлик изладик, қийнадик жонни,
Айт, Тангри, қаерга кетиб борамиз.
(С)

[Hero]

Soatlar ham urib bong,

Qani turing otdi tong.

Quyosh nurin taratar,

Ko'rib ko'zlar quvonar.

Ortda qolib qaro tun,

Nasib bo'ldi yana bir kun.

Kuningiz nurga to'lsin,

Omad sizga yor bo'lsin!!!

(C)

[albatros]

Ushbu hazil tariqasida yozilgan she'r yoshlik davrimda bitilgan ilk she'rlarimdan.

Dunyoda xalqlar ko'p, tillar ko'p qarang,
Barchasi beqiyos, hamda rang barang.
Har xalq o'z urfiga qiladi amal,
O'z tilin o'rganar ravon mukammal.
Lekin o'z tilida gapirsada ular,
O'zbekcha yutalib, o'zbekcha kular.

(c)

[Alisher Asror]

Муҳаббат боғиданму...

Олма шохи бутоқми ,
Кўчанг менга ётоқми?
Гадо бўлдим – девона,
Севги шундай чатоқми?

Бандини берди узум,
Термулган икки кўзим,
Юрагимни қийнайди
Айтолмаганим сўзим.

Юзимдай сарғайди нок,
Билсанг муҳаббатим пок.
Қайдан тушди айрилиқ,
Юракни этиб чок-чок ?

Олма шохи синади,
Кўнгил бир кун кўнади,
Ошиқнинг дил ноласи ,
Бир чўпчакка дўнади ...


(C)

[Hero]

(c)

Адашмасам бойи кимдандир изох сўрагандиз

[albatros]

(c)

Адашмасам бойи кимдандир изох сўрагандиз

Ha, faqat izohni so'ragan insonimning LC siga yuborishni lozim topdim. Shuning uchun bu mavzudan o'sha murojaat qilgan izohni o'chirib tashladim.

[Hero]

Ha, faqat izohni so'ragan insonimning LC siga yuborishni lozim topdim. Shuning uchun bu mavzudan o'sha murojaat qilgan izohni o'chirib tashladim.


Yahshi o'ylabsiz. Raxmat fikriz uchun :272:

[Hero]

Umirbod qolmayman..

Yaxshimi yomonmi yashab o'taman
Kimnidur sevgisin zor-zor kutaman.
Kimnidur yig'latib bir kunketaman
Umrbod qolmayman bir kun o'laman!
Yaxshimi yomonmi yashab o'taman
Kimnidur sevgisin zor-zor kutaman.
Kimnidur yig'latibbir kun ketaman
Umrbod qolmayman bir kun o'laman!
Abadiyemas hech nima hech kim
Abadiy yashamoq emas orzuyim
Sizsiz yashasam ham kulib yuraman
Umrbod qolmayman bir kun o'laman!
Qarang kulyabman kulay toabad
To'lib ketsa hamki hayotga nafrat
Bilib olganim faqat,
Umrbod qolmayman bir kun o'laman!
(C)

[Hero]

Unutdim Muhabbatimi...

Unutdim o'tmishning armonlarini,
Qalbimni qiynagan hijronlarini
Muhabbatning achchiq yolg'onlarini..
Voz kechdim umrbod MUHABBATIMdan!
Roziman yashashga bo'lib devona,
O'z ko'nglimga o'zim bo'lib parvona,
Sevsamda garchi men uni pinhona,
Voz kechdim umrbod MUHABBATIMdan!
Mayli muhabbatsiz o'tayin tanho,
Sevgi dostonida bo'layin gado,
Yuragim bu darddan bo'lsada ado,
Voz kechdim umrbod MUHABBATIMdan!

(C)

[Masud Mahsudov]

Атроф сариқ тусда, хирадир осмон,
Япроқлар шивирлаб сўйламоқда сир.
Синоатга тўлган шу фасли хазон,
Ҳассос юрагимнинг таржимасидир.

Хаёлим қуш каби учиб кeтмоқда,
Айро йўллари йўқ шамол йўлидан.
Тақдирга тан бeриб ҳаёт ўтмоқда,
Тутиб ёлғизликнинг сўлғин қўлидан.

Ҳузур-ҳаловатга бeгона кўнглим,
Шикаста диллардан излайди нажот.
Умид-ла кўз тикиб, бошин эгиб, жим,
Қиларин билмасдан бошлайди ижод.

Ҳазин сатрлардан қалбимни топиб,
Мунгли мисралардан қидириб тўзим,
Ўзим бeмор қилиб, ҳам бўлиб табиб,
Тўлғаниб ёзаман ҳар битта сўзим.

Дарахтлар сeвинчи - кўклам илинжи,
Мeн эса оромим қидириб тундан,
Ичимни кeмириб, тимдалаб, юлиб,
Шеърларим ёзаман –
Шу қолар мeндан.

Кузги барг сингари сарғайиб, сўлиб,
Узилиб, йўқ бўлиб кeтмасам бўлди.
Бир-бировга муҳтож фоний жаҳонда,
Ҳeч кимга кeраксиз ўтмасам бўлди.

(c) 2009

[Hero]

SHirin Armonim..

Derazam ortidan boqib ,
Olis-olisga eslayman seni
Yeg'lar osmon yog'ar yomg'ir
Uyg'otib shirin hotira..Qalbimdan meni
Yuragimda eng shirin Armonimsan..
Yulduzlarga ko'rmagan, osmonim san .
O'tar hayot o'tar yillar,
Qalbimizdagi sog'inchlar davo.
Qaytara olmaymiz axir
Etamiz o'zga chora yo'q
Shu ekan Dunyo..
Yuragimda eng shirin Armonimsan..
Yulduzlarga ko'rmagan, osmonim san
Rangsiz bo'lip ko'rinar endi bu hayotim meni
Ayt unita oldingmi o'tgan damlarni
Yuragim tubiga ko'milgan sog'inchlarimni
Sen endi shirin Armonimsan..
Yuragimda eng shirin Armonimsan..
Yulduzlarga ko'rmagan, osmonim san
Sog'inchlardan men bugun devonaman.
Nahot men bugun senga Begonaman..


(C)

[Gulchehra Ibragimova]

ГОҲИДА

Ғамлар бердинг чидадим,
Камлар бердинг чидадим,
Аямадинг кўзларимга
Намлар бердинг, чидадим..

Нима бор ЁЗУҒИМДА,
Нелар раво кўргайсан
Яна нелар атагансан —
Не савдолар бергайсан?

Гоҳ берган ситамингдан
То тонггача бўзладим,
Кечалари ором билмай
Бахт нейлигин изладим..

Онамдан жудо бўлдим,
Ғамлардан адо бўлдим,
Қадрим топмадим аммо,
Ким учун фидо бўлдим?!

Хумо қуш қанотида
Бахтларини аяди
Гоҳида тўғри йўлдан
Оёққинам тояди..

..ЁЗУҒИМДА нелар бордир,
Яна нейлар атадинг?!
(С)

[Aliya]

..ЁЗУҒИМДА нелар бордир,
Яна нейлар атадинг?!
(С)

Olloh peshonaga nelarni yozganini hech kim bilolmaydi... Yo'qsa, Hazrati Inson baxtli kunlar umidida bu qadar o'tli tuyg'ular azobiga bardosh bergan bo'larmidi?!

Forumdagilarning barcha-barchasiga alangali salom yo'llab, yangicha uslubda yozilgan she'rimni hukmingizga havola etmoqdaman. Baho berishingiz umidida...

[Aliya]

Sen kelmasang...
(Ikki dil faryodi.)

Qiz:
Xazonlarga ko'milgandek sen kelmagan ko'chalar,
Nursiz osmon ostidagi Sensiz abgor bu shahar...
Oy nuridan yorishmagan ko'ngil kabi kechalar,
Yashillikdan yosharmagan Sensiz kelgan bu bahor...

Menga yorug' ko'rinadi o'tmishdagi har bir kun,
U kunlarda qolib ketdi hayotimning ranglari.
Sen kelmasang, ko'zlarimda qolmagaydir bir uchqun,
Sen kelmasang, otmagaydir tunlarimning tonglari...

Yigit:
Nozli gulim, yo'llarimga o't soladi ayriliq,
Yolg'izlikda sukunatning cheriklari kezadir.
Olislarga sensiz ketdim, u begona manzillar
Firoqlarning qayg'usida sensizlikdan bezadir...

Nozli gulim, bir chohdaman -
Olislarda nur sochgan
Sening kabi oydin oyga uzatsam ham qo'l yetmas...
Sen kelmasang, ayozlarda zulmat ichra bergum jon,
Sen kelmasang, horg'in quyosh hayotimni isitmas...

Qiz:
Sen ketding-u, yuragimni g'am buluti qopladi,
Sig'may qoldim ko'nglimdek keng hijron bosgan bu yurtga.
Sokin yellar o'lkasidan Sendek dardni topmadim,
Lablarimni bosib ketding qor qoplagan umidga...

Har lahzada hayot hadsiz sinovlarga bosh egar,
Sensiz botar nursiz quyosh...
Taqdirdan xun bo'laman....
Sen kelmasang - tonglar otmas,
Sen kelmasang - tun ketmas,
Sen kelmasang, hayot - zulmat,
Sen kelmasang - o'laman...

Yigit:
Qani, Senga elta olsa oxiri yo'q bu yo'llar,
Sovuq - qishki qahratonmi xazon quchgan sensiz bog'?!
Tushlarimda oshiqaman nurafshon u makonga,
Ayriliqdan jazo olgan ul yurakda ne gunoh?!

Borligimning sezgilari zavol topar hijronda,
Ibtidodan to intiho - Senga mushtoq bo'laman.
Sen kelmasang, yurak dardim shifo topmas umrbod,
Sen kelmasang, hayot - og'u,
Sen kelmasang - o'laman...

[Aliya]

O'zbek she'riyatida sanoqli shoirlar bu uslubdan foydalanadilar. O'ziga xos nazokat va nafislik o'zbek she'riyatida o'z aksini topgan. Ushbu "Sen kelmasang" nomli she'rim turk uslubida yozilgan bo'lib, bu uslubda bog'lanishlar tushunarsizligi va ma'noda qorong'ilikni bo'rttirish, g'aliz ko'rinish yaqqol ko'zga tashlanadi.

Ijodimda yangilik qilishni istadim...

[albatros]

Sen kelmasang...
(Ikki dil faryodi.)



Juda ham ajoyib she'r bitibsiz. Aynan qanday nomlanadi ushbu (dialog shaklda yozilgan)yo'nalish bilmadim-u, undagi fikrlar aniq, tiyran va kitobxonning yuragida ajib bir his tuyg'ularni jo'nbo'shga keltiradi. Albatta adabiyotimizda xususan she'riyatimizda bunday yo'nalishlarda she'rlar bitishingiz bu SIZNING va ADABIYOTIMIZNING ULKAN YUTUG'IDIR. Ijodiy yo'lingizga OMAD yor bo'lsin!!!

[Hero]

Mening armonim

Intildim doimo seni ko`rishga,
Mexr-u muhabbatdan baxra olishga.
Gar imkon tug`ilsa jonim berardim,
Abadiy sen bilan birga bo`lishga.


(C)

[Aliya]

Mo'jiza orzusi.

Atirgul yonog'ida
Shabnam bo'lib yashasam,
Xazon gul yaprog'ida
Ko'klam bo'lib yashasam,
Tog' oshsam ohu kabi,
Bog' kezsam kapalakdek,
Sen orzu qilgan nurli
Olam bo'lib yashasam...

Hayolingni kuydirsam
Hayolingga kirgan on,
Lablaring yonsa nogoh
Ismim aytganing zamon...
Ko'zlarim orzusida
O'tgan kunlaring ichra
Sira afsus qilmasang
Hatto berar chog'da jon...

Saharlardan so'rasang
Tushlarimning sehrini,
Har kalomda ziyorat
Etsang Ishqning shahrini.
Orzuda tonging otsa,
Sog'inch ila kun botsa,
Yolg'iz menga atasang
Xasta diling mehrini...

Men ko'kdagi farishtang -
Bulut oshib kelolsang,
Dunyolarning baxtin bir
So'zda hadya etolsang...
Qalbing ichra eng go'zal
Ishqni asrab Men uchun,
Meni shunday sevolsang...
Meni shunday sevolsang...

[Masud Mahsudov]

Ollohga shukur borsiz... (sms)



Yonimda emas hayotda borsiz,
Ko'rolmas ko'zim qalbimda borsiz.
So'zlamas tilim she'rimda borsiz.
OLLOHGA SHUKUR DUNYODA BORSIZ!

(C)

Hurmatli Hero! Bir xil she'rni ikki marta yozishdan ne naf? Qolaversa, iltimos, sal yozayotganlaringizga e'tiborli bo'ling, ularda ko'plab grammatik xatolar bo'lishi bilan birga qofiyalar deyarli kuzatilmayapti... Gaplarni qatorga yozib qo'ysa, she'r bo'lib qolavermaydi... Vazni bir xil, qofiyadosh so'zlari ham bo'lishi kerak... Bilmagan narsalaringizni esa, ko'plab mutaxassislar bor, so'rang, aytib berishadi...

[Gulchehra Ibragimova]

Ўзбегимнинг аёллари

Ўзи каби бир иболи хаёллари,
Лабзи ширин, тилларида бор боллари.
Чеҳрасидек кулиб турар иқболлари,
Бунча гўзал, ўзбегимнинг аёллари!


https://img.uforum.uz/images/ikowanc6075990.jpg

Қош, кўзида ўсмаси-ю, сурмаси бор,
Атлас кўйлак, чеккасида бурмаси бор.
Ош пиширса лаззатдан тил ёрмаси бор,
Бунча зебо ўзбегимнинг аёллари!

Аждодида ўтган бағри куюклари,
“Мен”деганни бағрин ёққан суюклари.
Бор Тўмарис, Увайсийдек буюклари,
Бир париваш ўзбегимнинг аёллари!

Бири ишчи, бири раҳбар ишбилармон,
Юзлари ой, покиза руҳ, катта карвон.
Иши билан, сўзи билан элга дармон,
Иймони пок ўзбегимнинг аёллари.

(с)

[Shokir Dolimov]

Ўзбекона кийинган ушбу соҳибжамол чиндан ҳам ўзбекми? :)

[Gulchehra Ibragimova]

Ўзбекона кийинган ушбу соҳибжамол чиндан ҳам ўзбекми? :)

Балки биз ўзбек аёллари бу каби атлас кийимларни киймай http://uforum.uz/images/icons/icon7.gifқўйганимизга..кимлардир ўзбекка ўхшагиси келгандир..буни нимаси ёмон?

http://uforum.uz/images/icons/icon7.gifБиз ҳам бошқаларга ўхшаб кийиниб юрибмиз-кў
Ўзи шу атлас кўйлакли қиз расмини ҳам қанча азоб билан топдим..ҳозир анча камёб бу каби гўзалларни топиш ёки учратиш...http://uforum.uz/images/icons/icon7.gif

[Sirim]

Ayt qachon ulgurding jonim bo'lishga?!
Ushbu misralar mana bu she'rga salgina o'hshab qolibdi :)
Azizizim, azizim, azizim manim
Ayt qachon ulgurding jonim bo'lishga

[Aliya]

Seni mendek sevmasa...

Sensiz yo'lim yo'qotdim begona shaharlarda,
Adashganman, qay manzil sari ketdim - bilmasman...
Nahot yolg'iz qoldim men yot hayot bekatida,
Nahot Sening ko'changga endi sira kelmasman...?

Adashdim...
Afsuslarga bosh egaman - ko'zda yosh...
Bilganimda, ko'nglimni Senga hadya qilmasdim...
Bu dunyoda yagona, sevishga tanho loyiq
So'nggi inson bo'lsang ham, aslo Seni sevmasdim...

Majruh qalbim tubida Sen sindirgan umidlar,
Baxtli kun orzulari yuz tutdi ro'yolarga...
Uni Meni sevgandek sevolmagin umrbod,
Seni Mendek sevmasa, o't ketsin dunyolarga!!!

[Alisher Asror]

Йироқларни кўзлаб, ённи унутдик,
Асрлар сарҳисоб, онни унутдик,
Минг бир заҳмат чекиб давронни кутдик,
Сўроқлар қолдилар юпин-яланғоч...

Тоғдек қадлар кетди, савлатлар кетди,
Беш-тўрт чақа , молу давлатлар кетди,
Ишқда Мажнунларни Лайло тарк этди,
Сўроқлар қолдилар юпин-яланғоч...

Шижоат пасайди, ғайрат ҳам қайтди,
Дилни тўлқинлатган ҳайрат ҳам қайтди,
Мардликка эҳтиёж тинч алла айтди,
Сўроқлар қолдилар юпин-яланғоч...

Бу даврон ўтади бир куни сўзсиз,
Юлдузлар қулайди, йўқолар изсиз.
Қайдадир бурчакда ночор, кўримсиз,
Сўроқлар яшайди юпин-яланғоч...


(C)

[Aliya]

… Ё Сизни соғинмай қўймоқ гуноҳми?!

Shunday insonlar borki...
Siz-u bizga eslamaslikning o`zi gunoh....

[Aliya]

..Дил номангни ўқидим такрор,
Азоблабди ёрнинг фироғи.
Ким сенга зор, кимдир сенга зор..
Милт-милт ёнар умид чироғи.. ..

“..безор бўлиб кутарсан кимни?!”

Oxir bir kun sizni ham qalam o`qiga duchor etmasaydim... ;)

[Aliya]

Жоним ҳалак,
Дил нотинч,
Қалбим ором қўмсайди.
Ичим тирнайди соғинч –
Куз келганга ўхшайди...

Bu yilgi kuz og`ir keldi ayozdan ham,
Ko`ngillarni xazongulga ko`mib qo`ydi...
Bir bevafo kelinchakdek ahdni tashlab,
Tillo rangda yal-yal yondi...
Yurak kuydi...

[Gulchehra Ibragimova]

.

“..безор бўлиб кутарсан кимни?!”

Oxir bir kun sizni ham qalam o`qiga duchor etmasaydim... ;)

Узр, фикрларингизни тушунмадим, нима демоқчисиз Шаҳноз?..сатрлар Сизга манзурлигидан ёзяпсизми ёки ..http://uforum.uz/images/icons/icon7.gifhttp://uforum.uz/images/icons/icon12.gif

[Gulchehra Ibragimova]

ЯНА НЕ КЕРАК

Ноз-неъматга тўлиқ дастурхон,
Сўзингизга фидо дўсту жон.
Йўлингизга кимдир мунтазир
Бизга яна не керак ахир?!

Тўрт мучча соғ, соғдир руҳу тан,
Қушлар сайрар, осуда Ватан
Байрам қилиб яйрасак арзир
Бизга яна не керак ахир?!

Уйда кутар кимни ёр, дилдор,
Ортда қолар солиҳ фарзанд бор.
Қўллагувчи дўстлар ҳам бисёр,
Бизга яна не керак эй ёр?!

Бу дунёдан ўтар бўлсак ҳам
Кимдир эслар, бундан йўқдир ғам.
Бандасини хор қилмас эгам
Минг шукр-ки, яшаймиз бекам.

..Сизга яна не керак ахир?!

(с)

[Aliya]

Узр, фикрларингизни тушунмадим, нима демоқчисиз Шаҳноз?..сатрлар Сизга манзурлигидан ёзяпсизми ёки ..http://uforum.uz/images/icons/icon7.gifhttp://uforum.uz/images/icons/icon12.gif

Bir kun vaqt ajratib, sizning ijodingiz haqida ham bir nimalar yozib, qog'oz qoralash niyatim bor edi...

Savolingiz noo'rin, opa! Nega manzur bo'lmas ekan?! Bu so'zlaringiz meni ranjitdi! ((

[Alisher Asror]

“Gurs” etib qadamim tashlab ketolmam,
Bir so’zla ko`zlaring yoshlab ketolmam,
Qalbimni, dilimni toshlab ketolmam,

Sening sog`inchingdan ayrilolmayman,
Sendan o`zgasiga qayrilolmayman!

Bugungi sovuqlik omonat deyman,
Hali iliqliklar tumonat deyman,
Gumonlar, gumonlar hiyonat deyman,

Sening sog`inchingdan ayrilolmayman,
Sendan o`zgasiga qayrilolmayman!

Bir so`z bor yurakni yaqin etguchi,
Bir nigoh ko`zlarni chaqin etguchi,
Bir umr daqiqa sayin ketguchi,

Sening sog`inchingdan ayrilolmayman,
Sendan o`zgasiga qayrilolmayman!


(C)

[Alisher Asror]

Кўнгил саёҳатдан қайтди уйига,
Костюмини ечди, сўнг михга илди,
Туфлисин авайлаб ечиб пойгакка ,
Соғиндан чанг босган хонага кирди.

Анчаин йўлларни босиб ҳам қўйган ,
Қанча кўчаларга кириб қайтди у ...
Неча шайтон билан ошиқ ўйнашиб,
Сулувлар шаънига қўшиқ айтди у.

Хона эса эшик ёпмаган эди,
Икки деразасин кўзи йўлкада,
Бу ховлини ташлаб кетмаган эди,
(Ташлаб кетмайдилар бизнинг ўлкада).

Фақат деворлари энди жарангсиз,
Эшикги ҳам озроқ қийшайиб қолган,
Пардалар осилиб чарчаган, рангсиз...
Тушунаман... йиллар шу кўйга солган.

Кўнгил манзилига етди оҳири,
Энди ётса бўлар сўзсиз , чўзилиб...
Хона ҳасратларин айтиб тонггача ,
Тўкила бошлади чўкиб, бузилиб.


(C)

[Aliya]

Бу оқшом


Бу оқшом кўнглимда бир тоғ қулади,
Тун қора рангини нурга улади.
Айро йўллар аро ўтган йилларда
Кўнглимдан не ўтди – Худо билади...

Бу оқшом юзимни таниди кулгу,
Юз кўрмас дўстимга айланди қайғу.
Ғурурнинг қўл етмас тоғлари аро
Соғинчдан яралди БАХТ деган туйғу...

Бу оқшом умидим қучди Зуҳрони,
Такрор учраштирди ҳаёт сурони...
Кўзларинг аксида Беҳиштдай кўрдим
Остин-устун бўлиб кетган дунёни...

Бу оқшом кўнглимда бир тоғ қулади...

[Aliya]

Инсон.


Кўрксиз дунё яралган чоғда
Ер юзини тўлдирган – инсон.
Шўрхоклардан боғлар яратиб,
Барханларни кулдирган – инсон.
Осмонлардан осмонга учиб,
Юлдузларга йўл қурган – инсон.
Юрагига гўзал туйғулар,
Фазилатлар ин қурган – инсон.
Темирларга жон бағишлаган,
Сўқирларга кўз бўлган – инсон.
Самоларга қанотсиз учган,
Ҳайвонларга дўст бўлган – инсон.
Юракларга меҳр улашган,
Тошларда гул ундирган – инсон.
Инсонларга ҳаёт бағишлаб,
Ўзи уни ўлдирган – инсон.

[Aliya]

Қаерга бормайин...

Қаерга бормайин ортимдан қолмай
Бахтсизлик шарпаси қувлар бетиним...
Андуҳлар измидан нари кетолмай,
Юрак йиғлар унсиз, сўнгра қолар жим.

Қаерга бормайин – тенгсизлик, ўкинч,
Дунёни қизғанар одамлар мендан.
Нақадар ёлғизман, дарддошим йўқ ҳеч,
Қачон кетар экан бу ғамлар мендан?

Қаерга бормайин – этади таъқиб,
Бошимни қай тошга урай – билмайман.
– Бахтли бўлай! – дея орзулар қилиб,
Армонга етаман – яна йиғлайман...

Қаерга бормайин, савоб излайман,
Гуноҳлар ахтариб келар кўнглимни
Энди Оллоҳимдан шуни тилайман:
Зора, қабримда ғам тинч қўйса мени...

[Aliya]

Бир лаҳза...

Балки, умид қилолмасман
Муҳаббатингдан,
Балки, бордир бу туйғуга
Дардли ниҳоя.
Сўрамасман сендан ширин
Алдовларингни,
Балки, сенинг бир лаҳзалик
Ишқинг кифоя...

Кўзларингдан бир кутганим –
Пинҳона рашкдир,
Кўзларимдан тўкилгани –
Изтироб, ашкдир...
Ҳеч арзирсиз умрим сенинг
Йўлингда бахшдир,
Менга сенинг бир лаҳзалик
Ишқинг кифоя...

Бир лаҳзага...
Бир лаҳзага дунёни унут,
Бир лаҳзага, бир он маҳкам
Қўлларимдан тут...
Кўзларимда намоёндир
Ягона умид –
Менга сенинг бир лаҳзалик
Ишқинг кифоя...

Балки, умид қилолмасман муҳаббатингдан...

[Aliya]

Еллар дараги.


Олтин рангга беланган олам,
Шамол хорғин йўлга чорлайди.
Кўкни тутган булутлар аро
Юлдузчалар сирли порлайди.

Битта-битта тўкила бошлар
Ҳатто ярми яшил япроқлар.
Увлар тунда шамоллар танҳо,
Йўқотганин тундан сўроқлар.

Ёзда ҳушҳол суҳбат қурганлар
Тайёрланар кузлик қайғуга.
Зерикди-ю, дарахтлар секин,
Бирин-кетин кетди уйқуга.

Фақат қолди бедор самовот,
Фақат қолди совуқ шамоллар.
Жами жонзот кўрар фақат туш,
Олдиндадир ширин ҳаёллар...

Олтин сочли гўзал бир малак
Боғга хазон экиб юради.
Буни кўрган еллар шивирлаб:
“– Куз келди!” – деб хабар беради.

[Aliya]

Оқшомда. (Аскар йигитга.)


Оқшомда шафаққа инган ҳаёлим
Мендан хабар элтсин мисли кабутар.
Елкамга ташлаган ҳарир рўмолим
Ҳаёлингиз тортсин бўлиб жилвагар.

Оқшомда қўлимга хинолар қўйиб,
Ўзимни кўзгуга солган бўламан.
Қўрқинч тушларимни саробга йўйиб,
Суратларингизни қўлга оламан.

Оқшомда ҳаёлан сиз-ла сўзлашиб,
Севгимга, меҳримга бераман баҳо.
Баъзан тушларимда сиз-ла учрашиб,
Сўрайман: “Ҳижронга борми интиҳо?”

Оқшомда ўсмалар қўйиб қошимга,
Кўзгуга ўзимни минг бор тутаман.
Сўзлайман кўзларим тўлиб ёшимга:
“Керак бўлса, минг йил сизни кутаман!”

Оқшомда хат ёзсам сиз этинг руҳсат,
Соат имиллашин сезмам ўшанда.
Сиздан илтимосим ягона фақат:
“Қайтиб келсангиз бас бир кун...
ОҚ ШОМДА!”

[Aliya]

Орзу.


Ёруғ тонгни кутдим интизор,
Елкасида – опичган кунни.
Гул атрида туғилган баҳор,
Шабнам аро ёнган учқунни.

Лаҳзаларнинг қанотларида
Тутиб бўлмас сўздай сеҳркор
Мағрур тоғлар саботларида
Яшаётган қатра умид бор...

Кўнгилдаги сирдек бетизгин,
Жиловига осмон етмаган.
Шундай шаҳдки – келар беизн,
Бир меҳмондир – кўнгил кутмаган....

Қанотида – еттинчи осмон
Бир лаҳзада ҳеч бўлиб қолар.
Тотли ўйлар асир этган он
Кўнгилларга сиғмас дунёлар...

Шундай ўтда яралар Орзу...

[pipicron]

Сабр килиб ургатмоклик завкдир балки,
Сабр гаштин ургангандан олмок кийин.
Сабр айлаб урганмоклик осон балки,
Сабр килиб ургангандан кечмок кийин.

[Masud Mahsudov]

Куз;
Хазон япроқлар ғамларни ёпар,
Шу олтин фаслдан келмайди кетгим.
Излаган ҳар ондан ҳикматни топар –
Кузни, деб менчалик куймайди ҳеч ким.

Ўзимни аямай, сўзим авайлаб,
Бисотимда калом асраб атайлаб,
Ҳаққа охир билмас шукрона айлаб,
Завқ-шавққа менчалик тўймайди ҳеч ким.

Танага жо этиб меҳр конини,
Бахт учун қидириб бор имконини,
Ёмғирларга идиш қилиб жонини,
Бағрини менчалик ўймайди ҳеч ким.

Замонлар алмашар,
Йил кетар ўтиб,
Ёшликдан бир зум-да, келмайди кечгим.
Хазонрезгиларни интиқиб кутиб,
Ҳаётни менчалик суймайди ҳеч ким...

(с)

[Aliya]

Имкон.


Ҳақ суйган бир мағрур малика эдим,
Тиз чўкдим бир нигоҳ оловларига.
Оташда куйдириб не кўнгилларни,
Енгилдим кўнгилнинг синовларига.

Битта нигоҳимга зор этдим кимни,
Яна ким мен сабаб юраги хаста...
Оёғим остида хор бўлган севги
Осмонга туташди наҳот бир пасда?!

Ҳа, мен мағрур эдим!
Энди шу ғурур –
Бошимга тош бўлиб ёғилди наҳот?!
Қанча шаҳзодларни гадо этган қалб
Бир ишқ қаршисида эгилди наҳот?!

Ё хато қилдимми, ҳаёт, айт, нега
Кўнглимни ишқ деган ўтда доғладинг?!
Бу менга жазоми ё Ҳақдан туҳфа?
Кимнинг йўлларига кўзим боғладинг?!

Йўллар тугамайди интилган сари,
Бағрида яширин минг битта синов.
Ҳеч йўқса, етмоққа имкон бер, ҳаёт,
Қалбимни ўғирлаб кетган-ку биров...

[Aliya]

Ҳасрат.


Тўй базмини ёритади тун чироқлар,
Лек қалбимни ёритолмас бу чироқлар,
Юрагимни ёндиради дард-фироқлар,
Кўзларимдан суратингиз кетди, ёрим,
Бахтли бўлинг, юрагида ўзга борим!
Билмам, қачон сўнганини умидларим,
Билмам, қачон ботганини хуршидларим,
Билмам, қачон хазон бўлди Беҳиштларим,
Юрагимдан ҳисларингиз кетди, ёрим
Бахтли бўлинг, ўзга ёрга вафодорим!
Қайғуларни ҳис қилмайди, ҳур келинчак,
Тахтидан шод, бахтидан масрур келинчак,
Ҳаётингга сўраганим нур, келинчак...
Ғамларингиз менга ҳамроҳ бўлди, ёрим,
Ишқ боғидан кетиб булбул, қолди сорим.
Хазон бўлди – муҳаббатни унутдингиз,
Муҳаббатга садоқатни унутдингиз.
Маҳшар – сўров, қиёматни унутдингиз,
Армонларим сизни излаб кетди, ёрим,
Хазон бўлди, кузга айланди баҳорим.
Сизга теккан саболардан қизғанардим,
Рашк ўтида минг ёниб, минг ўртанардим,
Бугун қалбни куйдирмоқда ўша дардим,
Юрагимни баҳорим тарк этди, ёрим,
Бахтли бўлинг, боқишлари сеҳркорим!
Унутмайман ул беғубор ҳазилингиз,
Энди излаб боролмайман манзилинигз,
Ўзгага гул тутмоқ экан тақдирингиз,
Видолашув куни келди, хайр, ёрим,
Йўлларимиз айро бўлди, жафокорим!
Хотиралар тинч қўярми ҳаёлингиз?
Қай офтобга алмашдингиз ҳилолингиз?!
Тарк этдингиз, севги қолди – уволингиз,
Етим ишқни менга ташлаб кетинг, ёрим...
Бахтли бўлинг, юрагида ўзга борим!

[Aliya]

Номсиз... шеър.


Соям каби яқинсан – тутолмайман ҳеч...
(Қўшиқдан.)

Соя бўлдим – изингингиздан етолмадим,
Қалбингиздан мени узоқ тутаяпсиз...
Кетолмадим... Кўнглингиздан кетолмадим,
Сиз-чи, мени ташлаб, қайга кетаяпсиз?

Соя бўлдим – изингингиздан етолмадим,
Кўзингизда ойни олиб кетаяпсиз...
Ўзга ёрни “ёрим” дея айтолмадим,
Сиз бу дардга айтинг, қандай чидаяпсиз?

Соя каби ёнгинамдан жилмадингиз,
Йиғлаб кутдим – севги изҳор қилмадингиз,
Юрагимда не ҳис кечар – билмадингиз,
Ўзга қалбда не бор – қайдан билаяпсиз?

Қайда энди бахтим – ҳеч ким билолмайди,
Менсиз ўтган қай лаҳзада кулмоқдасиз?!
Қалбим сиздан ўзга дардни деёлмайди,
Сиз-чи мени зор йиғлатиб... Севмоқдасиз!

Соя каби ортингиздан қололмадим,
Изингизда бахтни сарсон этаяпсиз...
Кўзингиздан кўзларимни ололмадим,
Сиз-чи, мени ташлаб, қайга кетаяпсиз?

Соядан ҳам яқинимсиз...

[Aliya]

Учаётган хазон.


Очилган лолага бурканди адир,
Олчалар гуллади баҳор чоғида.
Гўзал бир боғдаги азим чинорнинг
Япроғи ёзилди умр боғида.
Доимий назорат жонига тегди,
Чинорга сўз қотди, ҳусусан, деди:
– Эй, азим чинорим, белга мадорим,
Мен сендан сўрайман эрк-у оромим.
Чинор дер: – Ўйлаб кўр менинг сўзларим,
Ҳар нарсани кўрар ожиз кўзларим.
Шабадалар сени эрмак қилади,
Зарларнинг қадрини заргар билади.
Дилдаги сўзларинг айта олмассан,
Хуллас... Ёнимизга қайта олмассан.
Япроқ бу сўзларни қилмади писанд,
Руҳсат сўраб кетди – учди шод-хурсанд.
Шамолларда учди беланчакдайин,
У ўзгара борди кун ўтган сайин,
Аввалги ҳолидан қолмабди пича,
Яшил либос эди устида кеча.
Тамомила кирди олтин рангига,
Секин назар солди теварагига.
Йўлларда эзилиб, топталди роса,
Ёзиши биздан-у, сиздан хулоса.
Бу мисол оддий бир япроқ тақдири,
Аслида инсонлар кўнглин таъбири.
Ўз она юртини ташлаб кетган чоқ,
Эзилди, топталди шу кичик япроқ.
Инсонлар, сиз асло юртни тарк этманг,
Ватанни соғиниб, армонда ўтманг!

14 ёшимда ёзган шеърим. Бироз саёз, аммо, ўзгартиришга кўзим қиймади ;)

[Masud Mahsudov]

Битмас ўйларимга ёмғир чоҳ қазир,
Узоқларга кетиб қолар хаёлим.
Булутлар зиёни қилишган асир,
Майда томчиларга айланар жоним.

Ҳар бир донасига ҳижрон қўшилган –
Висол умидини ташлаб кетмаган.
Ҳар бир донасига армон қўшилган –
Азалдан орзуга инсон етмаган.

Бир улкан шаршара – жудаям ажиб –
Сабринг соҳили ҳаддан ошмоқда.
Барча ғуборлар-у, чангни опичиб,
Осмоннинг чашмаси ерга тушмоқда.

Кейин...
Соғинчлар ҳам ёшга айланиб,
Ёғинга ҳамоҳанг томчилар бир-бир.
Нозик ҳисларимни танимай-таниб,
Қанча сувлар кечди бечора тақдир.

Фалак ва заминни боғласа сувлар
Дийдорга юракнинг келади рашки.
Недандир чанқаган дилим ҳувиллар,
Ёмғирлар – соғинган қалбимнинг ашки..

(c)

[Masud Mahsudov]

Ҳижрон ҳоким бу дунё, aсли бир кам яралган.
(қўшиқдан)

Ҳаёт – паст-баланддан иборат сўқмоқ,
Унга гоҳ гул, гоҳи тикан ўралган.
Ойнинг-да, юзида азал эрур доғ,
Бу дунё аслида бир кам яралган.

Эзгуликка абад ёндошдир мушкул,
Шукрки, оқибат яшар ҳартугул.
Олами фонийнинг устунлари ул –
Яхшилар негадир мулзам яралган.

Инсонни букади туҳмат тошлари,
Йиғидан емрилар тоғ бардошлари...
Гўдакнинг тинмайин тўккан ёшлари
Йиғилиб, сўнг оби зам-зам яралган

Кун ўтар, қоврилиб турмуш ўтида,
Баъзан шукр қилиб, баъзида чидаб...
Бахт дея аталмиш уйим четида,
Мунғайиб, ҳеч кетмас ғуссам яралган

Кўнгил яримларнинг маъвоси бўлиб,
Чин дўстликнинг асил маъноси бўлиб,
Ҳижронлар азобин давоси бўлиб,
Меҳр, деб аталмиш малҳам яралган

Ҳаёт мазмунини қайдан билардик?
Кимга ҳавас қилиб, кимга кулардик?
Нима ҳам деярдик, не ҳам қилардик?
Бу дунё аслида бир кам яралган...

(c)

[Aliya]

Алвидо.


Армон қучган рўёларни сенга ташлаб,
Ёлғизликнинг кўчасидан ўтаяпман.
Излаганинг – дунёларни сенга ташлаб,
Фаришталар диёрига кетаяпман...

Баҳоналар излаб, қочдинг керагингда,
Сенсиз ҳижрон дардларини ютаяпман.
Юрагимнинг ҳокин ташлаб юрагингда,
Фаришталар диёрига кетаяпман...

Тушларингга кирмагайман, бўлма бедор,
Малак бўлиб, самоларга учаяпман.
Энди сенинг холинг сўраб қилмам безор,
Фаришталар диёрига кетаяпман.

Ҳа, биламан, изламайсан мени сира,
Синган қалбни сенга тухфа этаяпман.
Шу сабабдан қолдирмасдан бир хотира,
Фаришталар диёрига кетаяпман.

Буюрсин-эй Сенга мендан қизғонганинг,
Вафо қилсин ўша дунё – ишонганинг,
Тенгинг бўлмай, майли, бўлсин дунё – Сенинг,
Мен кетайин...
Фаришталар диёрига...

[Alisher Asror]

Ёнар қора кўз билан,
Юрак-бағрим куйдирдинг,
Яна ширин сўз билан,
Суйдирдинг-а, суйдирдинг...

Жой топмадим ўзимга ,
Қайга бошимни урай,
Дунё тордай кўзимга,
Сенсиз яшаб на қилай!?

Кунимда ҳаловат йўқ ,
Тунлар уйқу тарк этган,
Дилимни куйдирган чўғ,
Ҳаёлим олиб кетган....

....Қора кўзчи бепарво,
Қора кўзнинг иши кўп,
Муҳаббат унга ғавғо,
Макрдан юмуши кўп.

1986 йил

(С)

[Hero]

Men sening yodingda qolmoqchi edim

Fuzuliy lutf etib ketgan bir zamon,
Go‘zallar vafosiz, aldoqchi dedim.
Yoningda qolishga yo‘q edi imkon,
Men sening yodingda qolmoqchi edim.

Negadir istardim qiynalishingni,
Yuragingga kamand solmoqchi edim.
Onangga aytolmay qolsang tushingni...
Men sening yodingda qolmoqchi edim.

Do‘stlar kechib qo‘ygan edi bahrimdan,
Kimlardandir qasos olmoqchi edim.
Haydab chiqardilar hayotlaridan,
Men sening yodingda qolmoqchi edim.

Alamim, hasadim, ginam tufayli,
Ehtimol ustingdan kulmoqchi edim.
Sog‘insang, o‘rtansang, yig‘lasang mayli,
Men sening yodingda qolmoqchi edim.

Ko‘zingni ko‘zimga bermading sira,
Ishondingmi, yo‘qmi, bilmoqchi edim.
Seni ko‘p o‘yladim. She’r yozdim qara,
Men sening yodingda qolmoqchi edim

(C)

[Hero]

Xudodan so'ragan edim ...

Bilardim dunyoda borligingizni,
Meningdek telbaga zorligingizni,
Sevgim asir etdi borlig'ingizni,
Men sizni Xudodan so'ragan edim...
Yig'lardim ko'zimni qoralar qilib,
Tig'lardim o'zimni poralar qilib,
Tunlarda uxlamay nolalar qilib,
Men sizni Xudodan so'ragan edim...
Bilmadim, men sizni qanchalar kutdim,
Aqiq lablarimda g'unchalar tutdim,
Sizni ko'rgan ondan o'zni unutdim,
Men sizni Xudodan so'ragan edim...
Samoda charx urgan qushlardan emas,
So'ngiga yetmagan tushlardan emas,
Oshnolardan emas, heshlardan emas,
Men sizni Xudodan so'ragan edim...
Hijron damlarini bo'lmaydi cheki,
Aslida baxt uchun yaralgan edim.
Sizga bo'lgan sevgim shunday edi-ki,
Men sizni Xudodan so'ragan edim ..!

(c)

[albatros]

Men sening yodingda qolmoqchi edim

Fuzuliy lutf etib ketgan bir zamon,
Go‘zallar vafosiz, aldoqchi dedim.
Yoningda qolishga yo‘q edi imkon,
Men sening yodingda qolmoqchi edim.

(C)

Tushunmadim !!! Bu she'r Iqbol Mirzo qalamiga mansubku ?! Qanaqasiga siz bu she'rni muallifi (C) siz!!! Mualliflik huquqi qayerda qoldi? Nahot bu ishingizni yaxshi deb o'ylasangiz . Xo'sh tushintirib beringchi, nega bunday qildingiz ? Izoh: mana bu yerga ( http://www.ziyouz.com/index.php?option=com_content&task=view&id=454&Itemid=217) kirib ko'ring.

[Nigora Umarova]

Men sening yodingda qolmoqchi edim

(C)

Tushunmadim !!! Bu she'r Iqbol Mirzo qalamiga mansubku ?! Qanaqasiga siz bu she'rni muallifi (C) siz!!! Mualliflik huquqi qayerda qoldi? Nahot bu ishingizni yaxshi deb o'ylasangiz . Xo'sh tushintirib beringchi, nega bunday qildingiz ? Izoh: mana bu yerga ( http://www.ziyouz.com/index.php?option=com_content&task=view&id=454&Itemid=217) kirib ko'ring.


albatros!
Balki Heroning o'zga she'rlarini ham tekshirib chiqarsiz, chunki mualliflik huquqiga rioya qilmay, shoirlar she'rini keltirib, muallifning nomini keltirmaslik forum saviyasiga ham ta'sir ko'rsatadi.
Mavzu qoidalariga rioya qilmaganligi uchun Heroga chora ko'rildi.

[Aliya]

Meni hamma unutdi...

Bu hayot sohilida qumga chizilgan guldek
To'lqinlar mavj urganda jim yuvilib ketyapman...
Zamonlar charxpalagi o'tmishga ko'mgan kabi
Meni hamma unutdi...
Unutilib ketyapman...

Zamin yaralgan, beshak, shundan buyon hayot bor,
Yer bag'rida yo'q bo'lib ketgan qancha yomg'ir-qor...
Yuragim bir zarra nur - e'tiborga intizor,
Meni hamma unutdi...
Unutilib ketyapman...

Kecha ko'makka tayyor keng ko'chalar bugun berk,
Xo'rsinib termularman, umidlarim hayot lek...
Qachonlardir afsusli ko'zlarda qolgan yoshdek
Meni hamma unutdi...
Unutilib ketyapman...

Goho g'araz niyatni ko'mdilar iltifotga,
Orzularga aldandim, qul bo'ldim hayolotga,
Dunyolarni to'ldirib kelgandim bu hayotga,
Meni hamma unutdi...
Unutilib ketyapman...

[Nigora Umarova]

Hero, "She'r aziz olam aro" mavzusida qo'yilgan she'rlaringizni tekshirib chiqdik.
She’r olingan sayt
1
Xudodan so'ragan edim ..she’ri
108 sahifa # 1078 - she’r
http://www.sherlar.uz/news/xudodan_so_39_ragan_edim/2011-10-04-11047
2.
Umirbod qolmayman..
104 sahifa 1031- she’r
http://sms.haqida.uz/smslar/hayotiy_smslar/14053-umrbod-qolmayman.html
3
“Soatlar ham urib bong,”
103 sahifa 1021- she’r
http://www.voy.uz/load/1-55-0-19
4
Sog'inaman kimnidir....
103 sahifa 1027 -she’r
http://sms.sherlar.uz/load/9-1-0-5649 yoki http://forum.oqayiq.uz/viewtopic.php?p=268320&sid=9df06db234d75da3c0a28a7 74af66973
5
Qo'rqib yashayman...
103 sahifa 1028 -she’r
http://uz-kino.com/forum/45-2015-1

Keyingi safar she'rlarni joylashtirayotganda, agar she'r muallifi Siz bo'lmasangiz "Dildagi satrlar" mavzusiga muallifini ko'rsatgan holda joylashtiring. Aks holda qat'iy chora ko'rishga majburmiz.

[Shokir Dolimov]

Имзосига қараганда: «Oхirini o'ylagan hech qachon qahramon bo'lmaydi». Кимларнингдир муаллифлик ҳуқуқини ўйлаб, бошини оғритиб ўтирадими?! Шартта қаҳрамонлик кўрсатди, қўйди-да. Ахир у Hero-ку! :)

[Hero]

Tushunmadim !!! Bu she'r Iqbol Mirzo qalamiga mansubku ?! Qanaqasiga siz bu she'rni muallifi (C) siz!!! Mualliflik huquqi qayerda qoldi? Nahot bu ishingizni yaxshi deb o'ylasangiz . Xo'sh tushintirib beringchi, nega bunday qildingiz ? Izoh: mana bu yerga (http://www.ziyouz.com/index.php?option=com_content&task=view&id=454&Itemid=217) kirib ko'ring.

Kechirasizlar mani telefonimga kelgandi bilmagandim

[OmoN]

Соғинди кимлар
Хабаримни соғинди кимлар
Оффтопимни соғинди кимлар
ПМимни кутганлар ҳам бор
Флудимни соғинди кимлар

Оффтопчи деб штраф бердилар оҳ
Банга баллим етмади бироқ
Гоҳ рид онли томонга учдим
Гоҳ алтимейт унвонин олдим

Троллимни соғинди кимлар
Флудимни соғинди кимлар
юПатида кутганлар ҳам бор
Ичишимни соғинди кимлар

Реал айди ҳавасидан кеч
+ларнинг ҳаммасидан кеч
Админлар ва модераторлар
Тириклайин гўрингга тиқар

Олдиндадир ҳали узун кун
Олдиндадир ҳали узун тун
Уйимда ҳам кутганлар ҳам бор
Қайтишимни соғинди кимлар

(с)Булғағоний

[Nigora Umarova]

...Реал айди ҳавасидан кеч
+ларнинг ҳаммасидан кеч
Админлар ва модераторлар
Тириклайин гўрингга тиқар

(с)Булғағоний

Ermas oson bu maydon ichra turmoq,
Forumchilar panjasiga panja urmoq...


OmoN boshlabon ahvolidin rivoyat,
Qildi bu fasonani hikoyat.
"+", "-"larni sanab raqamni chekdi,
Tahriri uchun so'zi alamni chekdi.
Xabar qoldirmoqchi edi jovidona,
Maqsudi emas edi fasona.
Mazmunig'a bo'ldi ruh mayli,
O'ylab qoldik ash'or tufayli.
Va lekin mayli, chiqardik mazmun,
Ul mazmundan bo'ldi ko'ngul mahzun.
Yuqoridagi xabar edi "firoqnoma",
Ul she'r emas, balki bir xom noma.
(c) ;) :)

[Hero]

Yolg'on sevgi


Charchadim sevgining yolg'onlaridan
Qaydanam uchratdim? Qaydanam sevdim?
Nima topdim ayting baxtmi, shodlikmi?
Yo'q. Yo'q. Unday emas. Men o'tda kuydim.

Endi yuragimga abadiy muhr
Sevgining alamli aks-sadosi.
Ishqning malikasi bo'lay dedim, lek
Bo'lolmadim. Chunki men uning gadosi.

Barchindek sevgimga kuch bo'lmoqchidim
Biroq Alpomishdek bo'lmadi yorim.
Bo'lmadi Farxoddek, bo'lmadi Majnun
Men kimga aytayin ohim-u zorim?

Necha yil yig'ladim muhabbatim deb,
Ko'z yoshlar daryodek oqdi-yu ketdi.
Bu azob, bu alam, bu siqilishlar
Ey, xudo juda ham jonimga tegdi.

Yordam ber Ollohim uni unutay
Undan ko'rganlarim sitamlarni ham.
Qalbimdagi kuygan jarohatlarga
Ber tangrim, topib ber o'zing bir malham.

Yaralarim bitsin o'rni qolmasin
Gul unsin hosilsiz tuproqlarimdan.
Nur bergin zimiston hayotimga ham
Qoqilmay ketay umr so'qmoqlaridan.

mualifini bilmayman

[Masud Mahsudov]

Юрак – қонга тўлган танам парчаси,
Туйғу – шу парчанинг нозик томони .
Севги – ҳаловатнинг ожиз дарчаси,
Қалам – ҳисларимнинг ёлғиз забони.

Ақлим – кузак сабаб хира тортган дур,
Имон – юзин тоғлар беркитган қуёш.
Идрок – мавҳумликни ёриб чиққан нур.
Ўзлик – ёмғирларда қатра-қатра ёш.

Ҳаёт – умр бўйи турган имтиҳон,
Ёшлик – етукликка элтувчи қадам.
Кураш – тирикликка шарт бўлган мезон.
Бахт – кўнгил осойиш топа олган дам.

Йўллар – паст-баландин билиб бўлмас сир,
Йиллар – ёшимизни ютгувчи эс-ёд.
Эзгулик – дунёда биз қурган қаср,
Ёмонлик – қалбларга чанг солган сайёд

Юрак – бағри қоним – умр достоним...

(с)

[Aliya]

Ой ва Офтоб


Ойнинг оппоқ юзидаги доғдай хира
Тун рангига Қуёш кўнгли кўнмас сира...

Ойнинг тушларида Офтоблар бедор,
Юлдуз нурларидан мактуб йўллайди...
Ва ўзи ҳижроннинг ўтида абгор,
Жавобсиз туйғудан бемор йиғлайди...

Балки, афсуслардан ой юзида доғ,
Балки, хатолари бахтин боғлайди...
Балки, ҳасратлари билмайди адоғ,
Тақдирда етмаган дийдор йиғлайди...

Офтоб оташига бардош бермас Ой,
Ул оташ ҳаддини ҳатто билмайди.
Ойнинг юзларида мунг тўла чирой,
Куннинг кулгулари зор-зор йиғлайди...

Балки, Ойга етмас Офтоб дардлари,
Балки, куюк кўнгли кўкка сиғмайди...
Балки, бу қисматнинг оғир шартлари –
Хазон куз бағрида баҳор йиғлайди...

Ойнинг тушларида Офтоблар бедор,
Офтобнинг қўллари Ойга етмайди...

[Aliya]

...Ойнинг-да, юзида азал эрур доғ,
Бу дунё аслида бир кам яралган...

Осмон ҳақида ёзилган шеърлар жон-у дилим...

[мафтун]

Ҳижрон ҳоким бу дунё, aсли бир кам яралган.
(қўшиқдан)
Адашмасам, ушбу сатр билан бошланувчи газал Нурали Кобил каламига мансуб...

[Alisher Asror]

Ўтмишдан эртак

“ ... Вой, аламжон, вой алам..” ( Ғ. Холматов)

Тақирлайди ноғора,
Алвастилар тўйида.
Бошга кийган тоғора,
Келин-куёв тўрида.

Йиғлама дил, йиғлама,
Жилмайиб тургин лабим,
Бир ширин сўз алвасти ,
Ўғирлаганди қалбим...

Аччиқданми, аламдан,
Кўкрагимга муштладим,
Тутқаторда қўлингдан
Тутган қўлим ушладим...

Йиғлама дил, йиғлама,
Жилмайиб тургин лабим,
Бир ширин сўз алвасти ,
Ўғирлаганди қалбим...

Тақдир деймиз... Тақдир – шум,
Кўнгил чўкиши – оғир,
Индамай кўзингни юм,
Кўнгилни тутсин бағир.

Йиғлама дил, йиғлама,
Жилмайиб тургин лабим,
Бир ширин сўз алвасти ,
Ўғирлаб кетди қалбим...


(C)

[albatros]

Ўтмишдан эртак

“ ... Вой, аламжон, вой алам..” ( Ғ. Холматов)

(C)

Ajoyib she'r ekan. Ammo bir narsani biroz tushinmadim. Ushbu she'rning muallifi siz (c) mi, yoki ( Ғ. Холматов) mi ?

[albatros]

Осмон ҳақида ёзилган шеърлар жон-у дилим...

"Seni osmonimga olib ketaman"
M.Yusuf.

Kemtik qismatimdan kuygayman shoir...
Tug'ishgan bahorga o'gayman shoir...
Borlig'im yonadi isyon o'tida,
Yosh jonimni qayga qo'ygayman shoir?...
Yozgim kelmayapti umr - dostonim,
Qayerlarda ekan mening osmonim?...

Dardlarim zaminga sig'madi bugun,
Ko'nglim yuksaklarni ilg'adi bugun.
Ruhim erkni qo'msab yig'ladi bugun,
Meni olib keting osmoningizga...

Dovrug'dan so'ylamang hikoyat menga,
Uchganimning o'zi inoyat menga.
Oddiy yulduz bo'lsam kifoyat menga,
Meni olib keting osmoningizga...

Yodgor bo'lib yolg'iz qabrim qoladi,
To'rt misra - o'n misra she'rim qoladi.
Qolsa, men sig'magan Yerim qoladi,
Meni olib keting osmoningizga...

Qizg'aldoqni yo'lmas dilga to'shasam,
Ne bo'lar shoirim sizga o'xshasam?
Osmonda yashayman, agar yashasam!
Meni olib keting osmoningizga ...

Davom etgim kelmas umr - dostonim,
Qayerlarda ekan mening osmonim? ...

Iroda Umarova

[Masud Mahsudov]

"Seni osmonimga olib ketaman"
M.Yusuf.

[/B] Kemtik qismatimdan kuygayman shoir...
...

Iroda Umarova



Sizga boshqacharoq savol: Yuqoridagi she'rning muallifi Muhammad Yusufmi yoki Iroda Umarovami? ;)

Ma'lumot uchun: she'r yozishda epigraf, degan narsa ham bo'ladi...


ON: muhtaram albatros, bu mavzuda mualliflik she'rlari qo'yiladi. Boshqalarning she'rlarini joylashtirish uchun Dildagi satrlar mavjud...

[albatros]

"Seni osmonimga olib ketaman"
M.Yusuf.

[/B] Kemtik qismatimdan kuygayman shoir...
...

Iroda Umarova



Sizga boshqacharoq savol: Yuqoridagi she'rning muallifi Muhammad Yusufmi yoki Iroda Umarovami? ;)

Ma'lumot uchun: she'r yozishda epigraf, degan narsa ham bo'ladi...


Yuqoridagi she'r Iroda Umarovaning qalamiga mansub. Shoira o'z she'riga M.Yusufning "Seni osmonimga olib ketaman" misralarini epigraf sifatida qo'llagan.

ON: muhtaram albatros, bu mavzuda mualliflik she'rlari qo'yiladi. Boshqalarning she'rlarini joylashtirish uchun Dildagi satrlar mavjud...

Ushbu she'r forumdoshimizning quyidagi fikrlari:

Осмон ҳақида ёзилган шеърлар жон-у дилим... ga izoh sifatida qo'yildi.

[Masud Mahsudov]

Yuqoridagi she'r Iroda Umarovaning qalamiga mansub. Shoira o'z she'riga M.Yusufning "Seni osmonimga olib ketaman" misralarini epigraf sifatida qo'llagan.


Epigraf nima ekanini bilsangiz nega Alisher Asrorga yuqoridagi savolni berdingiz? Men o'sha savolingizga "javob" tariqasida savol bergandim, tushunmadingizmi? Men o'sha she'rning muallifi Iroda Umarova ekanini yaxshi bilaman...

[albatros]

* * *

Nasihat aytmoq oson, ammo amal qilmoq qiyin.
So'zlagan har gapini rost -yolg'onin bilmoq qiyin.

Tun-u kun chiroq yoqib o'qisa ham "Hadis" kitob,
Qalbi pok, iymoni but, chin musulmon bo'lmoq qiyin.

Do'stni do'st deb yaxshi kunda yonida yurib har kun,
Bo'lganida lek betob, undan xabar olmoq qiyin.

Gohida Ustozim deb, gohida mehribon otam,
Keksalarning o'gitiga jim quloq solmoq qiyin.

Mayli ilm yo'lin tanla, mayli o'qigin sen kitob,
Ammo bilgil ey Komil, bu cho'qqiga yetolmoq qiyin.

(c)

[Alisher Asror]

Бир гўзал бор...

Чақнаганда хўў ёниқ кўзлар,
Таърифлашга бормикин сўзлар!?
Эшитганда майин оввозин,
Эриб битар тошлару музлар...

Қандай қомат! Сарв ҳам эгиб бош,
Бир бор унга бўлсам дер йўлдош.
Юришлари офат – жон олар ,
Битта ошиқ тирик қолса кош !

Кулкисининг таърифи ўзга,
Тун айланар ёруғ кун-рўзга.
Жаранггини эшитган қулоқ,
Парво қилмас сўнг бошқа сўзга.

Оқ юзида ойдан андоза,
Ҳижолатдан эгилган тоза...
Яноғидан ранг олган чечак
Шайлангандай турар парвоза.

Киприкларин парпираши бор,
Раҳмим келар ким келса дучор...
Чақмоқ - яшин тегиб жон таслим
Қилганларда йўқ бунча озор.

Термулганда қараманг! Бардош
Бера олмас кўкдаги қуёш.
Шу гўзалнинг ишқида ҳануз
Девонаман ... бўлсамда қирқ ёш.


(C)

[Hero]

Кунларим ўтар ойга қўшилиб
Лекин сенинг нигохинг кетмас бу кўзлардан
Васлинг соғиндим соғиндим ишон
Кимларга ташлаб кетинг мени Азизам


(С)

[Hero]

Осмон менга ўхшаб йиғламайди
Чунки унинг ёшлари аччиқ эмас
Қуёш мен каби ёнмас
Чунки унинг бағрида зулмат бўлмас

(С)

[Shokir Dolimov]

Осмон менга ўхшаб йиғламайди
Чунки унинг ёшлари аччиқ эмас
Қуёш мен каби ёнмас
Чунки унинг бағрида зулмат бўлмас (С)
Ҳурматли форумимиз қаҳрамони Hero! Ушбу шеър энди чиндан ҳам айнан сизнинг қаламингизга мансуб эканлигига шубҳа йўқ. Бироқ ушбу мавзуда сал тажрибалироқ муаллифлар ўз ижодларининг намуналарини ҳавола этадилар. Назаримда сиз қаламингизни бир оз чархлашингиз керак, шекилли. Яна билмадим. Шеърият бобида мен асосан ўқувчиман холос.

[Muhammad Dovud]

Осмон менга ўхшаб йиғламайди
Чунки унинг ёшлари аччиқ эмас
Қуёш мен каби ёнмас
Чунки унинг бағрида зулмат бўлмас

(С)

Осмон менга ўхшаб йиғламайди, чунки унинг ёшлари аччиқ эмас. Қуёш мен каби ёнмас, чунки унинг бағрида зулмат бўлмас.

Мана шундай бўлиши керак менимча. Қалбингизда ижод деган хис жўш уриб турган бўлса, уни сўндирманг. Ўзингизни насрда синаб куринг. Назм бир оз мушкул. Дастлаб, Бобур ҳам унинг уддасидан чиқа олмаган.

[Alisher Asror]

Кетмоқ истадилар...
Сўнг кетдилар ҳам,
Ўзимни ўзимга кўндаланг ташлаб.
Қолсангиз бўларди, ... шарт эмас эди,
Атайин эрмаклаш, дилимни ғашлаш...

Тўғри, сизни тутмоқ, сизни тўхтатмоқ
Менинг иродамдан – ҳукмимдан йироқ.
Лекин кетишингиз ёмон аччиқ-да,
Аламим ичимда тутаман бироқ.

Деворни муштлайман... Айби йўқ унинг,
Лабимни тишлайман жондан ўтгунча,
Нима қилсам экан? Не иложи бор?
Ўйга толиб бордим бошим тутганча.

Яхшиси, дунёни тескари қилгум,
Кетганингиз шунда келиш бўлади,
Айрилиқлар чексиз висолга ўхшаб,
Юзни бурганингиз севиш бўлади.


(C)

[Hero]

Йиғлар менинг кўзларим Хар тонг боқарман сен томон
Келармикансан деб деразадан мўралаб
Эзилиб кетар онам бўлди кутма болам
Энди келмайди сенинг гул лоланг

(С)

[Hero]

Нозик туйғуларинг билан боқардинг
Ширин хаёлларим сиз билан
Сирли сирли боқишинг
Кўнглимга ёқарди кулишларинг
Соғинг билан кутарман
Васлинг етолмасман балки
Майли қийналарман бир умр
Унитмасман сени гул лолам


(С)

[Masud Mahsudov]

Дард

Юрагимда бир тугун,
Нeгадир ечолмайман.
Ичимдаги дардимни
Ҳeч кимга очолмайман,
Ечимга зор ҳолимни,
Айта олсайдим зора,
Қалбим чиқиб зиёга,
Қийналмасди бeчора.
Атрофимда минг одам –
Арзигулик сўйласам.
Нима қилай, ўзнимас,
Ўзгаларни ўйласам.
Дўстларим кўп,
барчасин,
Зиёди бор, ками бор.
Ўзларига етгулик,
Ташвиши-ю, ғами бор.
Бир тугуним мингтага
Бўлишимдан нe фойда?
Яхшиси, сақлай сирим,
Ҳeч ким билмаган жойда.
Дилим туби чангалзор,
Адашасиз кирсангиз.
Синоатим интизор,
Дардкаш кутар билсангиз.
Чиқаришга йўқ хоҳиш;
Кўксим қурғур қийнайди.
Тўғри кeлган одамга,
Айтишга кўз қиймайди.
Ҳассос юрак,
қон юрак,
Кўкни тутар фарёди.
Чигалларга кон юрак,
Ягонадир дунёда.

Чап кўксимда бир тугун,
Ҳeч кимга очолмайман…

(c) 2010

[Hero]

Мени ширин орзуларим сиз билан
Энди бу орзуларим бўлди аромним
Менинг осмонимда сунди сўнги қуёш
Бу оламда сенсиз ёқдир менга хаёт

(С)

[gofurov]

Мени ширин орзуларим сиз билан
Энди бу орзуларим бўлди аромним
Менинг осмонимда сунди сўнги қуёш
Бу оламда сенсиз ёқдир менга хаёт

(С)

Cиз билан мени ширин орзуларим
Бўлди армон, энди бу орзуларим
Менинг осмонимда сўнди бу қуёш
Бу оламда йўқ хеч менга издош

ўзбек тилига таржима килишга харакат килиб курдим.

[Alisher Asror]

Соғинг билан кутарман
Васлинг етолмасман балки

Maza qilib kulaymi !?
Kuyub-kuyub o'laymi??:)

[мафтун]

САДОҚАТ
(Сенга юз йилдан сунг юбориладиган мактуб)

Қара, сиринг каби сориғ япроғлар,
Рангин умидимдай узилди бир-бир.
Елга дил очади хазон ўйноқлаб,
Диллар очилади, очилмайди сир.

Қара, сиринг каби соқов бу дарахт,
Кўкка қўл чўзади—тилайди недир.
Кимгадир тахт керак, яна кимга бахт,
Қўллар очилади, очилмайди сир.

Қара, кўк кўксидан йўл очди чақмоқ,
Кўз очиб юмгунча тўкилди ёмғир.
Кўз очиб, денгизга йўл солди булоқ,
Йўллар очилади, очилмайди сир.

Қара, гул баргидай очилган қанот,
Ортиқ ортиқ орзуларим тутолмас тақдир.
Ўнинчи гулинг ҳам очилган ҳайхот,
Гуллар очилади, очилмайди сир...

[Masud Mahsudov]

Сўрарман, ғамзада элнинг юрак дардига не чора,
Келур ғайбдин садо: ёлғиз адолатдир, адолатдир.
(Эркин Воҳидов)

Этиб тавба гуноҳлардан, чин ихлос-ла қадам қўйган,
Ибодат ҳар мусулмон чун шафоатдир, шафоатдир.

Ёниб дилдан ҳақиқат чун, куйиб, майли, тамом ўлсам
Кўнгул узра ўшал асли ҳаловатдир, ҳаловатдир

Сабр айлаб мусибатга, қувончларга шукр қилсам,
Бор вужуд-ла зикр этмак, тиловатдир, тиловатдир.

Ики олам саодатга эришмоққа тамал қайда,
Дея сўрса, жавоби ул диёнатдир, диёнатдир.

Қароликни қувиб қалбдан, зиёга жой бериш бахтдир.
Илм-фанга улуш қўшмоқ, фароғатдир, фароғатдир.

Залолатдан буриб юзни, жаҳолатга юмиб кўзни,
Бутун имон ила кетмоқ, матонатдир, матонатдир.

Аё, Масъуд, улуғлардан дуо сўргин, сабаб улки –
Дуолардан бино қурмоқ саодатдир, саодатдир.

(с)

[мафтун]

ЭСКИ ДЕВОР

Болалик.
Ўртоғим капалак, сабо,
Қувалаш* ўйнардик намозшомгача.
Йўлимга чироқлар ёққанча само,
Мени чорлар эди
тонггача...

Саҳарлар
маст эдим, асов ўйларим
Осмону фалакда қанот ёйсалар.
Жимгина ўтлаган қўйларим...
Биллур сирға таққан майсалар...

Эсимда
зилол сув қўшиқ айтганда,
Кўзни юмганча бош чайқаган ялпиз.
Кўча супургани чиққанда,
Ҳеч иши унмаган қўшни қиз.

Райҳон тўла ҳовли.
Пахса деворлар.
Ва қўшни томонга бўйлаган дарахт.
Боғ ичра таралган алёрлар,
Деворни бузамиз, деган буюк аҳд.

Кейин...

Кейин бирдан кўкка туташди йўлим,
Қўшни томондаям бўлди ёр-ёрлар.
Эсга тушса ҳамон бузилар кўнглим,
Ҳамон бузилмаган эски деворлар.
--------------------------------------
*Кувалаш -- кувламачок. (шева)

[мафтун]

СОҒИНДИМ

Ҳамон овунмади мусофир кўнглим,
Йиллардай чўзилиб кетди йўллар ҳам.
Йўл қараб онамдай ичиккан синглим
Райҳонни соғиндим, соғинган бўлсам.

Бир пайт балиқдай пок, беғубор эдим,
Сувдай тиниқ эди, о, кўнгилгинам.
Мен ёлғиз қуёшга харидор эдим,
Уммонни соғиндим соғинган бўлсам.

Шамолларни қувган бургут эдим мен,
Чақмоқ туғиларди нигоҳларимдан.
Ёмғирдек покиза, юрак бағри кенг,
Осмонни соғиндим соғинган бўлсам.

Бу забун ҳолимдан кимга арз этай—
Ўзимнинг олдимда ўзимман мулзам.
Дилни қавартирди қаламим, нетай,
Кетмонни соғиндим соғинган бўлсам.

[мафтун]

ҚАДРДОН

Кўз ўнгимда хатоларнинг чанги ҳамон,
Бўйнимдаги гуноҳларим янги ҳамон,
Кетмас сира ҳижронларнинг ранги ҳамон,
Юзимдаги сориғларим қадрдондир.

Мен ҳеч кимни ахтармадим дўстдан бошқа,
Изим тўлиб бораверди таъна, тошга.
Не савдолар тушмади-я шўрлик бошга,
Бошимдаги ёриқларим қадрдондир.

Муҳаббатни эрмак билдим, ёронларим,
Қанча дилни вайрон этди ёлғонларим.
Энди бўлса изтиробу армонларим,
Кўксимдаги оғриқларим қадрдондир.

От айланиб қозиғини топар бу кун,
Мен ўзимга келдим мана кўркам, дуркун.
Топган обрў, давлатларим бари бир пул —
Қирқ ямоқ чориғларим қадрдондир.

[Shokir Dolimov]

Cиз билан мени ширин орзуларим
Бўлди армон, энди бу орзуларим
Менинг осмонимда сўнди бу ќуёш
Бу оламда йўќ хеч менга издош

Мени ширин орзуларим сиз билан
Энди бу орзуларим бўлди аромним
Менинг осмонимда сунди сўнги ќуёш
Бу оламда сенсиз ёќдир менга хаёт
(С)
Ќулоќ тутинг, Hero, балки бас ќиларсиз?

[Alisher Asror]

Ниҳолнинг куз билан
юз тутгани ҳақида


Янги ниҳол , баҳор фарзанди,
(Ҳали эрка , ҳали у тантиқ),
Гуллаб , яшнаб ўтиб кўклам , ёз,
Энди кузга бўлганди банди...

Илк бор кузни қаршилар ниҳол,
Кўп ишлардан у ҳайрон-у – лол.
Совуқ шамол сочин тортқилаб,
Туни билан қилади беҳол.

Япроғидан айро бўлсинми?
Айролиқдан ғамга тўлсинми?
Ё баргидан оқизиб кўз ёш,
Кўз ёшида чўмиб ўлсинми?

Яланғочлаб титратар ёмғир,
Муштчалари совуқ ва оғир.
Ҳали яна қиш бор – қор тўзон...
Сен йиғлама , кел, бағримга кир.


24.10. 2005

(C)

[Nigora Umarova]

Ќулоќ тутинг, Hero, балки бас ќиларсиз?

She'rdan she'r tug'ilmoqda ;)

Muhtaram Dolimov, ikki xabarning mavzusi manzilini ko'rsatib o'tsangiz, iltimos. Qat'iy chora ko'rmasam bo'lmaydiganga o'xshab qoldi.

[Masud Mahsudov]

Yomg’ir – sening sabab quvonch ashklarim,
Gulbarg – yomg’irdan so’ng yashnayotgan qalb.
Tikon – har narsadan qilgan rashklarim,
Shabnam - isming aytib titraguvchi lab.

Hazon – darding bargday to’kuvchi fasl,
Qushlar – qaytmas bo’lib ketayotgan on.
Shamol – to’zg’ituvchi o’yim muttasil,
Tuman – ko’zlarimiz to’sguvchi tug’yon.

Sabr – bizga odat bo’lgan bir yumush,
Hijron – oxirlari ko’rinmas so’qmoq.
Uyqu – qorachiqdan uzoqlashgan tush,
Sog’inch – ishq ko’liga quyilgan irmoq.

Sariqlik – yuragim hazonrezgisi,
Hislar – manim holim aylagan harob.
Umid – tirikligim yolg’iz belgisi,
Visol – sahrolarda ko’ringan sarob.

Mehr – yuzlaringda ko’rganim – quyosh,
Sehr – chashming aro mujassam jodu.
Ko’ngil – qo’llaringga tutganim - sirdosh,
Sevgim – yo’llarimiz yoritar yog’du...

Yomg’ir – tomchi-tomchi yoqqan sog’inchim...

(c)

[Aliya]

Ҳаммага Ассалому алайкум! Форумда шунча янгилик... Анча бўлганди кирмаганим ҳам...
Бир нечта қораламаларимни киритсам, мени бегона қилмайсизлар энди ;)

[Aliya]

Толеъсиз ёзуғда адашган тақдир...

Толеъсиз ёзуғда адашган тақдир,
Ошиқ вужудларда хун бўлган бағир...
Наҳот тушунмайсан, иккимиз –
Ахир -
Аллоҳнинг адашган бандaларимиз...

Табассум қиламан...
Қалб кўзида ёш
Қоронғу кечалар ёлғизлигида...
Сенга бахт тилашга қолган сўнгги дош
Тўкилар.
Ўкинар ожизлигидан...

Ҳаёт шу...
Сен – осмон, кўкдан келасан,
Билмайсан – қалбимга коинот ҳам тор...
Гарчи, тан олмайсан, аммо биласан –
Қалбингда соғинчнинг митти чўғи бор...

Тақдирнинг тахтига интилиб бу дам,
Етмай қоқиламан...
Жудолашаман...
Менга сенсиз толеъ бермас Худодан
Сенга толеъ тилаб видолашаман...

[Aliya]

Ишонма...

Йиллар қўлимиздан тутиб кетсалар,
Йўллар туташмасдан ўтиб кетсалар,
Орзу офтоблари ботиб кетсалар,
Соғиниб, соғинчдан оғринганингда...

Мени бир эслагин...
Соғинганингда...

Япроқни шабнам ҳам тарк этар бир кун,
Кўнгилни кўклам ҳам тарк этар бир кун.
Кўзмунчоқ тақилган, нигоҳи учқун
Эркатой қизингни овутганингда,
Мени бир эслагин...
Соғинганингда...

Кўзимда ёш эмас...
Ишонма...!
Ёлғон!
Қачон бир бўлолган ўт билан уммон?!
Менинг бўлмагансан ахир ҳеч қачон...
Ишонма кўнглингга топинганимга...
Шунчаки...
Эсладим...
Соғинганимда...

[Aliya]

Ғийбатлашиб...

Мен ғарибни тинч ҳаётга қўймадилар,
Пок ниятим эзгуликка йўймадилар,
Гуноҳларим куйди, улар куймадилар,
Ғийбатлашиб тўймадилар...
Тўймадилар...
Маломатга қолар бўлди хаста жоним...

Хасад билан юракларин ўядилар,
Лаҳза сари нафрат ҳиссин туядилар.
Гар омадим келса, дардда куядилар,
Осмонимни булутларга бўядилар,
Рутубатга қолар бўлди хаста жоним...

Тошлар отиб тинмадилар сира-сира,
Кўзларимга чанг сепдилар – дунё хира...
Толмадилар йўлларимга ғовлар тера,
Худойим-эй, жазоларин ўзинг бер-а!
Қиёматга қолар бўлди хаста жоним...

[albatros]

Olib ketgin meni Osmonim...

Hijronlardan tugadi sabrim,
G'am o'tlari etdi bag'rim qon.
Yer bag'rida qolmadi qadrim,
Olib ketgin, meni ey Osmon.

Do'stlarim ham menga qazdi choh,
Holin so'rsam dedi: Sen yomon.
Barchasiga o'zingsan guvoh,
Olib ketgin meni ey Osmon.

Qaddim bukdi, malomat toshi,
G'iybatlardan charchadi jonim.
Tamom bo'ldi, ko'zlarim yoshi,
Olib ketgin meni Osmonim!...

(c)

[Aliya]

Адашиб кетяпман...

Йўлимни йўқотдим йўлимда,
Ер сари энмоқда бу осмон.
Манзилга етишган кунимда
Адашиб кетяпман, Онажон.

Кишанга ўралган табриклар
Мажбурий табассум, ҳаяжон...
Шумликка йўғрилган шўхликлар,
Адашиб кетяпман, Онажон...

Йиғлаган кўзларда хасад - ёш,
Қувнаган кўзларда ғам пинҳон.
Дўст бўлиб, кўнглимга отар тош,
Адашиб кетяпман, Онажон...

Куюниб кўрмаган кунимга,
Мен - гўё енгилган қаҳрамон...
Йўлимни йўқотдим йўлимда,
Адашиб кетяпман, Онажон...

[мафтун]

СИЗ

Қор ёғмай қаҳратон бўлади гоҳ-гоҳ,
Кўклам келаверар ҳатто чечаксиз.
Гулни ҳидламай ҳам яшарман, бироқ
Сиз менга кераксиз...

Ойсиз ҳам бинойи айланар замин,
Юлдузлар яшайди балки фалаксиз.
Кунсиз бир кунимни кўраман, лекин
Сиз менга кераксиз.

Ёмғирсиз амалаб кўкарар саҳро,
Шамол даркор эмас булутга шаксиз.
Йиллаб ташналикка чидайман, аммо
Сиз менга кераксиз.

Қанотсиз марсгача учмоқда учоқ,
Кемалар сузмоқда, нетай, эшкаксиз.
Сув ё ҳаво бўлсам қанийди, эй воҳ,
Мен сизга кераксиз.

[Masud Mahsudov]

Юқоридаги шеърга ҳамоҳанг ёзганим бор эди, авваллар ҳам қўйилган бу мавзуга...

Кeраксан,
бирга жим хаёллар сургани,
Кeраксан, бахт нима эканин кўргани,
Кeраксан
тақдирим қургани,
Яшашнинг маъносин сўргани,
Умрбод ҳаётнинг йўлида юргани
Кeраксан.

Йўқ,
Мeнга кeракмас бошқалар,
Сeнингдeк мeн билан
дўст эмас бошқалар
Ҳижронлар юракка ўт қалар,
Қўзғалар муштдeк жон ўрнидан
Йўрғалар,
Талпинар сeн томон –
Кeраксан.

Бeдорман - уйқуям кeракмас,
Ҳeч нима, ҳeч қачон
Сeн каби дилимни
Тўлатмас
Сўзингдeк дардимни
Қулатмас.
Қайғуни ёнига йўлатмас.
Иқболим шамини ёрқинроқ ёққани
Кeраксан.

Кераксан,
Интиқ дил ўзгани кўрмайди,
Ҳолингни мен каби
сабрсиз сўрмайди,
Соядек ортингдан эргашиб,
Орзу-ю ҳавасга тенглашиб,
Бекорга изингдан юрмайди.
Кераксан.

Ўзгалар не деса десинлар,
Барибир,
Пичинглар, ғийбатлар
кўзимдан наридир.
Менда бор ягона хавотир:
Кераксиз бўлишдан,
Қаровсиз сўлишдан,
Яратган умрбод асрасин.
Кераксан.

Кераксан
Айни дам,
Йўқ бошқа каломим тилимда,
Ҳамроҳ бўл куну тун
сўнгсиздек йўлимда,
Гарчи мен билмасман,
Не бўлар,
Не кутар ўнгиму сўлимда,
Кераксан.

Кераксан,
Кўзимга тор бўлиб
Кетганда дунёлар,
Кераксан
Сувталаб бўлганда дарёлар,
Қирғоқлар бирлашиб,
Юлдузлар сирлашиб,
Қуёшга қалб муҳтож бўлганда,
Кераксан.

Турибман чорасиз йироқда,
Кўнглим ҳам қийналар,
Унгаям осонмас фироқда.
Қай замон ёнингга кeтгумдир?
- Сабр йўқ
Ғамларим кўмгани қабр йўқ.
Ҳолимни тасвирлаб бeргани
таъбир йўқ -
тилим ҳам сўроқда.
Турибман чорасиз йироқда,
Шу дамда жудаям кeраксан.

Кeраксан ҳамнафас бўлгани,
Ғурбатда шeрик ҳам,
шодликда кулгани,
Ярмини қидирган
ярмимга тўлгани,
Гулласам очилиб,
Юлдуздeк сочилиб,
Ва ҳатто,
Бу фано дунёдан
Гар сўлсам, сўлгани,
Кeраксан.

Табассум ярашар
Истара кони бор юзингга,
Муштоқман
Саҳарги сабодeк
Янграган сўзингга,
Қанийди, тeрмулиб ўтирсам
Ўзимнинг аксим бор
Кўзингга.
Кераксан.

Кераксиз ўлишдан асрасин,
Юраксиз бўлишдан асрасин,
Нур истаб чанқаса
қон кўнгил,
Туганмас зиёни берувчи
Фалаксиз бўлишдан асрасин,
Кeраксан…


(с) 2010

[Muhammad Dovud]

Cиз билан мени ширин орзуларим
Бўлди армон, энди бу орзуларим
Менинг осмонимда сўнди бу ќуёш
Бу оламда йўќ хеч менга издош

Мени ширин орзуларим сиз билан
Энди бу орзуларим бўлди аромним
Менинг осмонимда сунди сўнги ќуёш
Бу оламда сенсиз ёќдир менга хаёт
(С)
Ќулоќ тутинг, Hero, балки бас ќиларсиз?

Яхшимас хурматли Долимов. Иркит ўрдакчанинг бу қиёс учун мендан ранжилмасин гўзал оқ қушга айланиши эртагини айтиб беришмаганми сизга?...

[Aliya]

Qorlar yog'ar...

Kun keladi...
Yana tabassum
Lablarimni topadi izlab.
Bir baxtlining baxti bo'laman,
Yig'lasa-da yuragim muzlab...

Garchi, mag'rur so'zlagan so'zim
Qat'iyatli ko'rsatar meni,
Sen bilmaysan, afsus, qanchalar
Unutmoqdan qo'rqaman Seni...

Qorlar yog'ar...
Kaftingga qo`nib...
Kiprigingda chalkashib ketar...
Lablaringning sohillarini
Bir silar-u, so'ng erib ketar...

Qani edi bir lahza ichra
Qorparchaga aylanib qolsam...
Imkoni yo'q orzularimning...
Ko'zlarimda yig'laydi ko'klam...

Qorlar yog'ar Seni eslatib...

Ruscha saytlardan birida o`qiganim - bir qatra menga juda yoqib qolgandi. Uni o`zbek nazmi tilida yozishni istadim.

[Nigora Umarova]

Qorlar yog'ar Seni eslatib...



Chiroyli erkin tarjima chiqibdi.
Qorni sog'inamiz, uni poklik belgisi deb bilamiz, biroq qor aldamchi ozodalikdir.

[Muhammad Dovud]

biroq qor aldamchi ozodalikdir.

Endi bir ("bir" chozib o'qiladi) shuni asoslashga urinib ko'ringchi.

[Nigora Umarova]

Endi bir ("bir" chozib o'qiladi) shuni asoslashga urinib ko'ringchi.

Қуёш нурлари қорни эритиб, алал оқибатда у тупроққа қоришиб лойга айланади. Осмондан тушганда у беғубор, ердаги ҳаёт эса уни гардга айлантирди.

"бир" сўзини зқиб 3 хил маъно чиқардим. "Би-и-и-и-ир" деб ёзганингизда тушунишим осонроқ бўларди. :)

[Muhammad Dovud]

Қуёш нурлари қорни эритиб, алал оқибатда у тупроққа қоришиб лойга айланади. Осмондан тушганда у беғубор, ердаги ҳаёт эса уни гардга айлантирди.

Postingizni o'qib ikki hil ma'no chiqardim: fazikaviy, falsafiy. Siz qaysi birini nazarda tutgan edingiz?

[Nigora Umarova]

Postingizni o'qib ikki hil ma'no chiqardim: fazikaviy, falsafiy. Siz qaysi birini nazarda tutgan edingiz?

Зоҳирий ва ботиний маъно чиқарганда ҳам мантиғи битта.

[Muhammad Dovud]

Inson og'iz bo'shlig'i orqali o'tib uning qorniga tushadigan narsalarni yemak deb atasak. Sizning yondashuvingizga ko'ra ona sutidan boshlab yemaklarning barchasi aldamchi yemak. Negaki ularning qismati qornikidan chandon ayanchli. Amma Siz aytgan "gart"ga aylanish jarayonlari har ikkisiniki ham bir hil, farqi biri erga tushadi , ikkinchisi odamga.
Aytmoqchi G'ofur Gulom qorni tabiat sutiga qiyoslagandi. Menimcha G'ofur Gulomning o'xshitishi siznikidan ko'ra asosliroq.
G'ofur G'ulom fanati emasman[/SIGN]

[Nigora Umarova]

Menimcha G'ofur Gulomning o'xshitishi siznikidan ko'ra asosliroq.

Академик шоир қаёқда-ю, шеърнинг оддий "ўқувчиси" қаёқда. ;)
Шаҳнозанинг шеърида "қор парчаси" рамзий маънода-символ тарзида келган, шунга кўра мен ҳам рамз келтирдим.

[Muhammad Dovud]

Nigora Umarova Академик шоир қаёқда-ю, шеърнинг оддий "ўқувчиси" қаёқда. ;)

Yoq! Yahshi natijalar ko'rsatyapsiz. Shu yo'sinda davom eting. Baxsli postlar tashlab.
Hurmat bilar Qor... agar Sizga ramziylik kerak bo'lsa;)

[Aliya]

Шаҳнозанинг шеърида "қор парчаси" рамзий маънода-символ тарзида келган, шунга кўра мен ҳам рамз келтирдим.

"Придет время, и я снова буду улыбаться... Буду греться в чужих улыбках, засыпая у кого-то на руках... я больше не стану возвращаться в этот январь, там очень больно... но я так боюсь забыть все... забыть тебя... Ты так далеко от меня но в то же время так близко. Снова идет снег, падает в твои ладони, путается в твоих ресницах и тает на твоих губах... Жаль, что я не могу стать снегом..."

Баҳсларингизни ўқиб, ўша қатрани келтиришни лозим топдим.

[Nigora Umarova]

"Придет время, и я снова буду улыбаться... Буду греться в чужих улыбках, засыпая у кого-то на руках... я больше не стану возвращаться в этот январь, там очень больно... но я так боюсь забыть все... забыть тебя... Ты так далеко от меня но в то же время так близко. Снова идет снег, падает в твои ладони, путается в твоих ресницах и тает на твоих губах... Жаль, что я не могу стать снегом..."


Ҳақиқатан ҳам ниманидир ёзишга ундайдиган нарса экан.
Матнни ўқиб у-бу нарса қораладим. Насиб қилса, таҳрир қилиб жойлаштираман.
Матнни ўқиб бундан аввал ўқиган нарсаларим хотирамда "жонланди".
... Эриб кетмагандим севгингдан,
Бўлмаслик-чун бахтингдан жудо,
Бирга қолиш учун сен билан
Куяман-у, бўлмайман адо.

Зулфия

Адабиётнинг шу қадар номукаммаллигига қарамасдан биз яна тағин минг марталаб қайтариқларга дуч келамиз, бу эса Инсон ақли ва тақдир-қисматининг нечоғли чекланганлигини кўрсатади.

Гёте

Кўпинча теран мазмунга эга бўлган асарларни ўқиганда инсон ниманидир ёзгиси, қоғоз қоралагиси келади.

[Aliya]

O`lchov.

Xazonga yuz tutgan xasta gulshanman,
Qishning o'ylarida yashayman muzlab.
O'zimdan ming yilga uzoqlashganman,
Sargardon kezaman O'zimni izlab...

O`zimdan olisman koinot qadar,
Ming bitta quyoshdan topolmayman taft.
Yana cheksizlikcha yo`l bosib besar,
Izlayman: “Qayerda men izlagan baxt?!”

Samo yulduzlari sonicha orzu
Ko`nglimga sig`mayin ko`tarar isyon.
Tole` osmonini qoplagan abr-u,
Nurafshon diydorga yog`ilar nayson…

Cho`kib boradirman chorasizlikka,
Tubsiz nadomatlar ummoni sari.
Xazon kuz mahv etgan bahoriy, erka
Daraxtdan uzilgan yaproq singari…

Yo`limdan, ehtimol, ming adashganman,
Yana adashmog`im ayon ming safar.
Men abad o`zimdan uzoqlashganman,
O`zimdan olisman cheksizlik qadar…

[Aliya]

Endi meni izlama…

Izhoringni aytolmasang, ismim aytib chorlama,
Jim ketyapman izlab oltin taxti kutgan saroyni...
Yulduz bo`lding - qo`l uzatib yetolmadim sen tomon,
Endi menga ko`ngli tushdi o`shal qo`l yetmas oyni...

Aldangayman muz yo`grilgan olmos rangli ishqiga,
Orzularim oftobida mayli, erib ketsa ham.
Aytchi, axir qay insonning yelkasida gunoh yo`q,
Axir, men kim bo`libmanki, dog`larini aybsitsam?!

Bir qadamni kutgan edim, izingni ham ayading,
Ko`zlarimdan to`kilding-ku ko`z yoshlarim rangida.
Sen qizg`ongan ostonadan ko`nglim uzib ketyapman,
Eshit, yor-yor sadolari tonglarim jarangida…

Izhoringni aytolmading…
Endi meni izlama…

[мафтун]

ДЕВОНА ЭМАС
Отабек Муҳаммадзоҳидга

Баҳор боғларимга бегона эмас
Дардларим ўткинчи тарона эмас,
Эртакларда қолган Фарҳоду Мажнун,
Аммо менинг ишқим афсона эмас.

Муҳаббат жомидан қонган юрагим,
Ҳижрон оловида ёнган юрагим,
Икки дунёлардан тонган юрагим,
Ёлғиз ёримга ҳам бегона эмас.

Ошиқлар оҳидан титрагай осмон,
Булутлар ортида ой —ранги сомон.
Қўлимдан тут, сабо, бошла ёр томон,
Ҳеч киши сен каби мардона эмас.

Мавжлиғ дарё каби тўлган ошиқлар,
Юраги қон, кўзи кулган ошиқлар.
Мажнунликни даъво қилган ошиқлар,
Ҳеч бири Машраби девона эмас.

Тошкентим, жон шаҳрим, қадрдон шаҳрим.
Ҳар гўшаси обод, қадрдон шаҳрим.
Қутлуғ, баракалик, қадим нон шаҳрим.
Аммоки мен учун Фарғона эмас.

(с) 2009 й.

[Alisher Asror]

Берган умринг ўткинчи бўлса,
Меҳрибонлар кетгунча бўлса,
Дўст деганинг сотгунча бўлса...
Дунё ёлғонингдан тўйдим-ку.

Тоғ тепаси қор деб алдама,
Ҳар дам отанг бор деб алдама,
Севган ёринг зор деб алдама,
Дунё ёлғонингдан тўйдим-ку.


Сен шерларга қурдирдинг қафас,
Ялло қилиб юрар паст, нокас,
Мард бошида минг бир бало, бас!
Дунё ёлғонингдан тўйдим-ку.


Қалам қошлар қаро эди-я,
Шундан диллар яра эди-я,
Ўн беш баҳор барин еди-я,
Дунё ёлғонингдан тўйдим-ку.

Тўғриларнинг тўқмоғи синиқ,
Юраги ним, сўқмоғи синиқ,
Биир юзингга айтмоғим аниқ:
“Дунё ёлғонингдан тўйдим-ку”.

Қай йўсинда яшашим мумкин!?
Ёлғонингга бўлдимми тутқун?
Энг сўнгги дам айтаман беун:
“Дунё ёлғонингдан тўйдим-ку”.


(C)

[Alisher Asror]

Kuz… yaproqning yiqilishi

Raqsga tushar yaproqlar,
Shamolning quchog’ida,
Bahorning nasimlari
O’ynagan u bog’ida.

Raqsga tushar sho’hi-sha`n
Ihtiyorin yo’qotib,
Changi-to’zon ko’tarib,
Shamol bag’riga botib.

Chirs-chirs urilar
Ravon derazasiga,
Nimadir deganday u…
Tushunmayman sasiga.

Lekin ko’ngilda ohang,
Sadosi qolib ketdi,
G’amgin sorig’ surati
Hayolim olib ketdi.

Buyuk shamil olib chiq
Osmon-u falaklarga,
Iltimosim qolmasin
Ezilib yo’laklarda…


(C)

[Aliya]

Сен ва Мен

Сен кўнглингдан ортиқ менга ишондинг,
Ишондинг “Севмайман!” – дея алдасам...
Мен кўнгил қўлидан тутдим...
Сенингмас –
“Сен мени севасан...
Оллоҳга қасам...”

Сен қўлим тутмадинг ёнимда туриб,
Қўрқдингми бермоққа қалбни армонга...?
Мен қўл етмас ойга қўлим узатиб,
Умид қанотида учдим осмонга...

Сен сукут сақладинг – қалбинг тўрида
Гарчи азоблардан ёнса-да оташ...
Мен сени яшира олмай яшадим,
Тун ранги тақдирга бўлса-да туташ...

Мен кутдим муҳаббат ғалабасини...
Сен охир тиз чўкдинг орзуларимга...

[Aliya]

Ёмғирга ёзилган дард.

Юрагимда чўғдай ёнди соғинчларим,
Ёмғирларнинг томчисига дард ўрадим.
Булутларнинг арш тахтини қучган кундан
Мактуб қилиб элтишини зор сўрадим...

Соғинчларим ёмғир бўлиб ёғаётир,
Деразалар ортидан жим кузатасан...
Қўлларингга мактуб тутар камалаклар,
Юрагингда чақинларни ҳис этасан...

“Гар соғинчим кўзимдаги ёш бўлганда,
Коинотни тўфон босиб кетар эди...
"Менга жуда кераксан!" – деб айтсанг агар,
Бахтим учун шу изҳоринг етар эди...

Соғинч дарди охир мени маҳв этмасдан,
Бир бор келиб, забун ҳолим билиб кетгин!
Кўзларингдан ишқ ўтинган фариштангман,
Муҳаббатим, Осмонингга олиб кетгин...”

Соғинчларим ёмғир бўлиб ёғаётир...

[Aliya]

Куйинма.

Куйинма...
Мен бошқа куймайман...
Ҳижроннинг заҳрини туймайман...
Бахт мени Сенчалик суйса ҳам,
Кўнглимни азобга қўймайман,
Ҳеч кимни Сендайин суймайман...

Камалак тахтини кўзладим,
Қалбингда баҳорни изладим...
Лек, соғинч бағрида музладим...
Наҳот, мен Қуёшни кўрмайман?!
Ҳеч кимни Сендайин суймайман...

Кетаман –
Малаклар шаҳрига,
Учаман осмоннинг бағрига.
Кўнмайман тақдирнинг шартига,
Қисматнинг макрига кўнмайман,
Ҳеч кимни Сендайин суймайман...

[Aliya]

Иккимиз.

Йўлимизни ёритган
Бир зарра нур, қувонч йўқ...
Ёлғизликда хор этган
Туйғуларга ишонч йўқ...

Ҳадсиз дард кўчасида
Сўзсиз қадам ташлаймиз...
Синган қалб парчасида
Умид билан яшаймиз...

Бир кун келиб албатта,
Бахтга етар севгимиз.
Ҳеч бўлмаса, шу кундан
Умидвормиз иккимиз...

[мафтун]

КУЗГИ КАЙФИЯТ

Рангпар чорбоғ. Дарахтлар
донишманддай тек қотган.
Тилло тўшак — япроқлар,
дилда ғашлик уйғотган.

Кечагина кўзимни
қувнатган япроқ қани?
Қучоғида кўкламлар
соч ёйган чорбоғ қани?

Қани, гуллаган дарахт—
оқ либосли келинчак?
Орзумдай қанот қоққан
оппоққина капалак?!

Онамдай сочларимни
силаган сабо қайда?!
Саболарни қувлаган,
бокира ҳаво қайда?!

Зумда бари таъбирсиз
ширин тушга айланди.
Орзум жуфти тузоққа
тушган қушга айланди.

Рангпар чорбоғ. Битталаб
жондай узилади барг.
Балки эрта эрталаб
оқтупроқ тортар фалак.

Тамом, ҳаммаси тамом,
алвидо, баҳор энди –
Қара, юзимда хазон,
сочларимга қор инди.

(с) 2002

[мафтун]

ЙИГИТ ЙИҒИСИ

Мана оқшом чўкди.
Хазонли боғда
Тиллоранг япроқлар унсиз йиғлайди.
Сездим, минг йилларча мендан йироқда
Севгиси хўрланган бир қиз йиғлайди.

Йиғлайди,
гуллар ҳам овута олмас,
Кўз ёши олдида дарёлар томчи
Кимдан аламини олишин билмас,
Ки ўзи бевафо, ўзи алдамчи...

Йиғлайди,
дунёни унутиб буткул,
Унга шўх саболар бегона энди,
Дунёга алданиб куйгандир кўнгил,
Деворга урилган пешона энди.

Йиғлайди,
гоҳ беҳуш, гоҳо ҳушида
Бахтини тақдирдан қилади таъна.
Севгани опқочиб кетар тушида...
Чўчиб уйғонади, йиғлайди яна.

... Яна оқшом чўкди.
Куз чўккан чорбоғ.
Турибман хазоннинг ҳолини сўраб.
Юзимда хазондай табассум, бироқ
Йиғлайман сойдаги балиққа ўхшаб...

(с) 1995

[albatros]

ЙИГИТ ЙИҒИСИ

Мана оқшом чўкди.
Хазонли боғда
Тиллоранг япроқлар унсиз йиғлайди.
Сездим, минг йилларча мендан йироқда
Севгиси хўрланган бир қиз йиғлайди.

(с) 1995
Chiroyli she'r bitibsiz.Ammo shu o'rinda bir savolim bor edi:
Bu she'ringizni nima sababdan "Yigit yig'isi" deb nomladingiz...Yigitlarni yig'latishga sabab bo'ladigan holatni siz his eta olasizmi? Aytingchi,yigit kishi qachon yig'laydi ?...

[Nigora Umarova]

Bu she'ringizni nima sababdan "Yigit yig'isi" deb nomladingiz...Yigitlarni yig'latishga sabab bo'ladigan holatni siz his eta olasizmi? Aytingchi,yigit kishi qachon yig'laydi ?...

Komiljon, she'rning mazmuni "yig'lash"ning sababini aytib turibdi-ku... Muallifdan buni yana qaytadan so'rash joizmikan? Shu holat his qilinganligi uchun ham she'r bitilgan.

[мафтун]

Bu she'ringizni nima sababdan "Yigit yig'isi" deb nomladingiz...Yigitlarni yig'latishga sabab bo'ladigan holatni siz his eta olasizmi? Aytingchi,yigit kishi qachon yig'laydi ?...
1. Лирик кахрамон "сойдаги баликка ухшаб" йиглайман, деяпти. яъни сойдаги балик йигласа (агар), куз ёши сувга кушилиб кетгани каби, йигитнинг йиглагани хам билинмайди. Унинг севган кизи эса йиглаяпти, минг йилларча йироыда.
2. Йигит йиголамайди, деган гап умумий. сал нарсага йигламайди. Лекин йигламайдиган одамнинг калби чин маънода тош булиши керак.
3. Кайси йигит качон йиглайди, билмайман, аммо мен якинларимдан айрилган пайтларимда йиглаганман. Яна бир марта Тожикистон президенти Имомали Рахмон Ислам Каримов хакида фикр билдирар экан: "бизда фукаролар уруши давом этаётган, халкка берадиган нон йук, шундай кунларда Узбекистондан вертолётларда ун келарди, уни курган болалар, ана ун келяпти, энди нон комбинати ишлайди, нон еймиз, деб кувонганини айтиб берганида, уша болаларнинг холатини тасаввур килиб, узимни йигидан тухтатолмаганман. уч-турт марта курганимда хам холатим узгармаган. Яна 100 марта курсам, 100 марта упкам тулиб, кузимга ёш тулаверади, деб уйлайман. (шу сатрларни ёзаётиб хам кунглим бузилди). ва хакозо.

[Masud Mahsudov]

Йиғламоқ – тавбадир,
Йиғламоқ алам,
Кўз ёш – тазаррудан яралган чашма.
Қувончми, шодликми, қайғуми ё ғам,
Одам зоти азал йиғига ташна.
Йиғланг,
Армон ҳeчам раҳна солмасин,
Ташқари чиқариб бор ғуборларни,
Йиғланг,
Кипригингиз қуриб қолмасин,
Эслаб, надомату, афсус, зорларни.
Йиғланг, ўксиб-ўксиб,
Тавбалар айлаб,
Гуноҳлар тўкилиб кeтгунга қадар.
Пушаймонлик ҳиссин кўнгилга жойлаб,
Дуо ижобатга етгунга қадар
Йиғланг,
Йиғлайвeринг,
Қадрингиз сабаб,
Қимматингиз ерга урилгани чун.
Милён йўлга кириб,
Адолат сўраб,
Ҳақдан паноҳ топиб олганингиз кун
Йиғланг,
Тўйиб-тўйиб, майли, олмай тин,
Юкдан ҳоли бўлиб қолгунча гардан.
Яратган умримиз ҳоли айласин,
Йиғлашни билмаган бағритошлардан.
Йиғланг,
Кўз ёшига тўлиб кeтсин қалб,
Кўнгил дунёсига ёйилсин бeҳад.
Титрасин авфларни сўрагувчи лаб,
Руҳингиз ўшанда оларкан роҳат.
Йиғланг,
Бошингизни қўйиб саждага,
Ниятни пок этиб, маъзурлар айтиб,
Яхшига ёндашиб, ёмондан қайтиб,
Кўз тикиб Аллоҳдан кeлар муждага,
Йиғланг,
Бағрингизга тўлганида қон,
Зиёга интилиш тўхтагани он,
Ғалат талвасани туйганида жон,
Чорасиз қолганда бeгуноҳ инсон,
Разолатга ботиб қолганда жаҳон,
Виждон қийноқлардан чeкканда фиғон,
Инсоф йироқларда кeзганда сарсон,
Эътиқод сотилса сувдан ҳам арзон,
Адолат бўзласа йўлда бeимкон,
Ғуборга ошино бўлганда имон,
Йиғланг,
Титраб йиғланг,
Ич-ичдан йиғланг…

Ажаб, йиғингизни тўхтатган замон,
Ажиб бир енгиллик тортар экан дил…

(c)

[мафтун]

УЙҒОНИШ

Ғафлатларга бериб қадр тонгларини,
Тингламабман муаззинлар бонгларини.
Йиғлолмадим, кўзим шунча зангладими?
Қандай ювай осий дилнинг чангларини?!

(Кўзларимни юлиб отсам, шарт,
Кирларидан оғирлашар ер...
Осмон, менга йиғлашни ўргат,
Осмон, менга кўз ёшингдан бер!...)

Во, дариғо, кўзим қиймай ишратлардан,
Кечолмабман шайтоннусха улфатлардан.
Юз ўгириб уламои умматлардан
Сазо бўлдим нурдан қочиб зулматларда.

(Мадор кетди, инградим фақат,
Вужудимни босди совуқ тер...
Чақмоқ, менга ёнишни ўргат,
Чақмоқ, менга шиддатингдан бер!...)
(с) 1996

[Alisher Asror]

СЕНСИЗ


Ёлғондир борлигим, чин – рўё Сенсиз,
Тунларга ўхшайди кун гўё Сенсиз,
Сенсиз ҳаётимда на маъно , на наф,
Кимсасиз саҳродай бу дунё Сенсиз.

----------------------------------------------

Тамоқда муаллақ қийналар луқма,
Истак эгасини топмай кезинар.
Бир нуқтага узоқ тикилган палла,
Кўкрак тамонимда оғриқ сезилар.

Кечаги кун яна такрорлангандай...
Бефарқ дилим куннинг фарқин билмайди.
Гулда ранг қолмаган , болда маза йўқ,
Йиғлаб йиғламайди, кулиб кулмайди.

Қулоққа ёқмайди энг гўзал қўшиқ,
Кўзни қувонтирмас баҳор чечаги.
Фақат дилга таскин беради бироз,
Ҳали айтилмаган ишқнинг эртаги...

Сени топмоқ истаб йўлдан адашиб,
Ўзимни йўқотдим ҳеч қаерларда...


(C)

[Gulchehra Ibragimova]

ПЕШОНАМГА БИТМАГАНИМ
Бугун сизни кўргим келди жон дилимдан,
Журъат этиб севги изҳор этмаганим.
Ўз қалбимга ўзим ҳажр гулин экдим
Қайлардасиз, севиб туриб етмаганим?


Сизни десам дунёмга ўт туташади,
Ардоғимсиз тақдиримга битмаганим.
Қурбим етмас ҳеч ўзимни кечирмоққа
Қўлим тутар шум тақдирдан кутмаганим..

Сизга элтар йўлда энди тиконлар бор,
Етмаса-да ишқдан кечиб кетмаганим.
Минг хил ўйдан бошим боғлиқ ўртанаман-
ҚАЙЛАРДАСИЗ ПЕШОНАМГА БИТМАГАНИМ?!..

(С)

[Gulchehra Ibragimova]

Алдама


Узоқдан талпинган оташ қалбингнинг
Тафтига умрбод қиларман тоқат.
Гумонлар ўрайди ишқни қатма-қат,
Сен мени алдама, алдама фақат!.

Минг бора алданиб бўлган бул юрак
Сўнгги бор алдовга кўнмаса керак.
Тиканни пар тутиб битмоқдаман хат-
Сен мени алдама, алдама фақат!.

Кўзларим эшикка михланди, эй дил.
Юрагим ҳижронга сихланди-ей, бил.
Шубҳалар қўймайди кўтармоққа қад-
Сен мени алдама, алдама фақат!

Умримнинг ортида ғижимланган бахт...
Эртакка айланар бир бор сингган тахт.
Мен ўзга гўшадан тиламам роҳат.
СЕН МЕНИ АЛДАМА, АЛДАМА ФАҚАТ!.
(с)

[мафтун]

КЕЧИКИШ

Мен сени севаман, деёлмаган қиз,
Юзингда уятми, кўзингда афсус?
Мени эслайсанми олислигингда?
Қўмсаб йиғлайсанми ёлғизлигингда?

Мен сени севаман, деёлмаган қиз,
Олисда ёлғизлик этмасми маъюс?
Маъюслик рўйингни куз этмайдими?
Куз сенга ҳолимни эслатмайдими?

Мен сени севаман, деёлмаган қиз,
Ў, кимлар пойингда тиз чўкмади, тиз.
Ҳалиям ғуруринг осмондами, айт,
Ҳалиям мен сенга ёмонманми, айт?

Мен сени севаман, деёлмаган қиз,
Наҳотки, оламда қолдирмадинг из?!
Исмингни эсласам... эсласам эди!
Энг кўҳна сўзимни сўзласам эди:

-Мен сени севаман!
-Мен сени севаман,
Мен сени севаман, деёлмаган қиз,


(c) 1998

[Alisher Asror]

Zamin titrar muallaq oshyonda,
Yurak qalqir ko’krak degan tamonda.

Ajab o’xshash bu sadolar jaranggi,
Eskisimon takrorlanar va yangi.

Tebranishlar balki hayotning boshi,
Tebranishlar kelajak tamal toshi.

Harakatdir bu olamda bor ma`ni,
Harakatsiz tirik yurganlar qani?

Ona yerning yuragida vulqonlar,
Sergak yuring , uxlab qolmang insonlar.

Uxlaganlar olishadi jazosin,
Befoydadir kech o’qilganda “Yosun”.

Chunki kimda ishq bor yana harakat,
Faqat unga berilgandir barokat.


(C)

[Aliya]

Seningsiz...

Yillarning orzusi bo'lib kel,
Tonglarning kulgusi bo'lib kel,
Umidim yog'dusi bo'lib kel,
Kel...
Toki jon beray qo'lingda...

Hijrondan ko'zimda ashk - zardob,
Bilmaysan - sensizlik ne azob...
Har kuni ming o'lmoq - iztirob,
Kel, toki jon beray qo'lingda...

Jonimdan o'tdi-ya hijron ham,
Shunchalar olismi osmon ham?!
Sog'inchdan to'ldi dil - g'amxonam,
Kel, toki jon beray qo'lingda...

Ko'nglimni g'arq etgan g'am - dengiz,
Nigohim sohili nam, dengiz...
Yashashga istak yo'q... Seningsiz...
Kel...
Toki jon beray qo'lingda...

[мафтун]

Seningsiz...


НАРГИС

Наргис,
нигоҳларим сарғайиб борар,
келар йўлларинга чўкканича тиз.
ҳижрон ёмғирлари бошимни ёрар
Сенсиз.
Сенсиз
нигорон дил йиғидан тинмас
мунгли қўшиғини куйлайди унсиз
у десам овунмас, бу десам кўнмас,
ҳаргиз.
Ҳаргиз
ҳасратларим етмас поёнга,
кўзингни эслатиб термулар юлдуз...
мени ҳам олиб кет... осмонга
Наргис.
Наргис,
иқболимиз нечун ҳаяллар?
айт, висол онлари қанчалар олис?
мени мендан жудо айлар хаёллар
сенсиз.
Сенсиз
гапиргим ҳам келмайди, айтсам,
ҳаёт ҳам кўзимга ғалати, ҳиссиз,
сенга барибирми наҳот менсиз ҳам?!
...Эсиз
(c) 1999

[Masud Mahsudov]

Сенсиз
...Эсиз
(c) 1999

Сенсиз ҳам баҳорни кутиб олдим шод,
Завқ берар ранго-ранг кўклам гуллари.
Махзун ишқ чечагин этмай қўйдим ёд,
Умр чаманзорин кезган кунларим.

Сенсиз туйғуларим ҳали ўлмади,
Ёки ўз жонимга қилмадим-ку қасд.
Сабр косаси ҳам ҳали тўлмади,
Ё ичиб бир он-да бўлмадим сармаст.

Сенсиз, ўйловдимки, яшашим мушкул,
Дегандим қўлим ҳам бормайди ишга.
Ҳаёт мажбур қилиб қўяркан буткул,
Дардни дардсизликка алмаштиришга.

Сенсиз қадам босиш секин ўргандим,
Тетапоя қилган гўдак сингари.
Юрдим... йиқилдим, сўнг тик туриб қолдим.
Энди қалбим мағрур, қайғудан нари.

Сенсиз бахтлиликка бўлдим даъвогар,
Ёлвориб сўрмадим ортга қайтишни.
Чўлдек қақраб ётган қонсиз юракка,
Меҳрга йўғрилган бир сўз айтишни.

Ҳаёт тугамаган ғалат фалсафа,
Нолимам, экан, - деб – бевафо дунё.
Ишқсиз кун кечириш мушкул-ку, лекин,
Ёлғиз яшашда ҳам бор экан маъно!

(с)

[мафтун]

Ёлғиз яшашда ҳам бор экан маъно!


ЁЛҒИЗИМ

Қошингдай қорайди қаро тун,
Юлдуздек учдингми, юлдузим.
Неча минг айланди бу гардун,
Мен ҳамон ёлғизман, ёлғизим.

Гавҳарим, гавҳарга чопдингми,
Бир дунё бўлардим мен ўзим?
Тенгсизим, тенгингни топдингми,
Мен ҳамон ёлғизман, ёлғизим.

Суймадим бошқа бир санамни,
Ё қалбим кўр бўлган, ё кўзим.
Мен ёлғиз ўғлийдим онамнинг,
Мен ҳамон ёлғизман, ёлғизим.

Сен эрка ўғлингни эркала,
Тиззамни қучоқлай мен ўзим.
Кўксимда йиғлайди бир нола,
Мен ҳамон ёлғизман, ёлғизим.
(с)1998

[мафтун]

ТАЪТИЛДА

(эркатойларимга)

Ҳувиллаган ҳовли ютаман, дейди,
На қушлар сайроғи, на шамол эсар.
Эркаласам, тўнин тескари кийди,
Арзанда мушукчам хурпайди баттар.

Айвонда сочилган турфа ўйинчоқ,
Менга қовоқ уяр аразлаб бари.
Мунгли нигоҳ қадар малла қўғирчоқ,
Тек турар ўғлимнинг машиналари.

Чинқирмас йўлини кессам “паравоз”,
Бир пайтлар овози оламни тутган.
Қичқирмас, ҳатто мум тишлаган хўроз,
Гўё ҳамма нарса тилини ютган.

Эй сен, илмоқчалар ёзилган дафтар,
Дилбандимга савод берган Алифбе,
Ҳижжалаб бирор бир сўзини қайтар,
Лоақал сен менга бирор нарса де!

Сув қуймоққа борсам райхону гулга,
Ўксик бош тебратар, маюс солланар...
Ҳаттоки сарғайиб тўкилди йўлга
Хомак қоқилмасдан қолган олмалар.

Ҳеч ким қувламагач, хўрсиниб, ранжиб,
Капалак йўл солди қайси томонга?
Ниначи нинасин юракка санчиб
Қанотин силтади мендай ёмонга.

Эслаб ўзимданам бўлдим норози,
(Баъзан хархашалар бездиргани рост).
Болалар суронин босган овозим:
—Бироз дам олайин! Бас қилинглар, бас!..

Ишдан қайтганимда қовоғида қор,
Дарвоза қаршилар хушламагандек.
Шунда тартибларни қиламан бекор,
Барча таъқиқларга чек қўяман, чек.

Шаҳардан ховлиқиб боради хабар,
Кечир, эй онажон, кечир, қишлоғим.
Қайсарлик қиламан қизимдан баттар,
Ўғлимдек тиралар икки оёғим.

Дарҳол йиғиштиринг аразингизни,
Юзингизни бурмай орқага қайтинг.
Ўғлим, тезроқ ҳайданг «камаз»ингизни,
Қизим, бор овозда аллалар айтинг.

Майли юмушлардан, ғамлардан ортиб,
Сизга от боламан, жажжи тойчоғим.
Майли қулоғимдан, сочимдан тортиб,
Тўпалон кўтаринг!..
Чиқсин чарчогим.

Худойим қисмасин ўғилдан, қиздан,
Эй дўст, бозор бўлсин хонадонингиз.
Тирноққа зор бўлманг, ғанимим, сиз ҳам,
Эгасиз қолмасин кулчанонингиз.

(с) 2009

[мафтун]

Кизимнинг илтимосига кура, унинг бир шеърини жойлаштиряпман. тугри тушунасизлар деб уйлайман албатта.

ДЕРЕВО ЖИЗНИ

Время…
Как оно быстро мчится,
Бежит, летит, проходит мимо.
И жизнь вместе с ним идёт вперёд.
Дерево жизни растёт.
Время не ждёт тебя:
Всё летит оно, летит.
И ты растёшь,
Когда-то умрёшь.
Но никто не станет
Плакать за тебя,
Если ты время
Истратил зря.
Береги ты время.
Вот тебе совет:
Время наше дорогое
Береги ты, человек.


Раимова Муслима
Абдулазизовна
ученица
«5» а класса.
школы № 3
г. Туракурган
Наманганской области

[Mahmud Jurat]

***
Виждонсиз дунёдан виждон изламанг,
Бу ҳар бир одамнинг виждон ўлчами.
Широқ бўлсангиз сиз жон деб бўзламанг,
Широқнинг қонида гуллар чамани.

Дорога ном бериб босқинчи атаб,
Виждонин сотганни кўрмасангиз сиз,
Сизга наф бермаган ёшликда мактаб,
Умрингиз заволдир, қолмас сиздан из.

Не бир ривоятлар айтмайин бугун,
Уларнинг ҳаммаси ҳаётдан сабоқ.
Аммо инсон учун бу ҳаёт тугун,
Виждон калитила очилгай жумбоқ.

Яшамоқ, ҳаётнинг мағзи ҳам шунда,
Виждон, ҳақиқатни англаб етмоқлик,
Бирда биз болтаю, бирда биз кунда,
Тим қора ишларга излаймиз оқлик.
(C)

[Gulchehra Ibragimova]

Кечиролсанг кечир

Дилда тошим отиб бағринг яраладим,
Бевафо деб кимларгадир қораладим.
Сенга фақат аччиқ сўзлар сараладим,
Кечиб бўлса кечгил ёрим гуноҳимни.

Йўлларимиз туташ экан, йўқ чорраҳа,
Мен томондан етган бўлса дилга заха,
Ёсуманлар этмай туриб шод қаҳ-қаҳа,
Кечиб бўлса кечгил ёрим гуноҳимни.

“Остонанинг янгилиги” хатомизму?***
Паноҳсиз гул Яратганнинг атосиму?
Унсиз йиғи куйган қалблар сатосиму?
Кечиб бўлса, кечгил Оллоҳ гуноҳимни.

***(Исмоилнинг хотини бадфеъли бўлганлиги туфайли Иброҳим Алайҳиссалом унга «остонасини янгилашни» яъни хотинини алмаштиришни буюрдилар)

“Муҳаммадин Расулуллоҳ”
Миср Араб Республикаси
киносидан.

[Gulchehra Ibragimova]

Сен сaбрнинг қизисaн

Кетсa-кетaр бир бeвaфo,
Нeчун бўзлaйсaн юрaк,

Сeн ютгувчи, кўникувчи,
Сoдиқ қoлaр эски ғaм.

Ул мўлтoни сoҳирлaргa
Алдaнмa дил бoғлaнмa,

Сeн сaбрнинг чин қизисaн -
Бaxтгa ўгaй бўлсaнг ҳaм.

Чидa энди, қилич ғaмлaр
Қaлбинг пoрa этсa-дa,

Фирибгaр тун aллa aйтиб,
Армoнлaринг уxлaтсин.

Нaфс бaндaси oч бўрилaр
Луқминг мaкруҳ этсa-дa,

Сeнинг мaюс нигoҳлaринг
Фaқaт пoклик чулғaтсин.

Сeн сaбрнинг чин қизисaн -
Бaxтгa ўгaй бўлсaнг ҳaм.

Ўшa мaғрур бoшгинaнггa
Бaрдoш бўлсин тиллa қoш.

Aндуҳ илa ул бeвaфo
Юзин ювиб aччиқ ёш -

Кeчир мeни қуёшим дeб,
Дил тaфтингдaн эгaр бoш.

..Сeн сaбрнинг чин қизисaн -
Бaxтгa ўгaй бўлсaнг ҳaм...
(с)

[Gulchehra Ibragimova]

АЛИШТИРИБ ҚЎЙДИМ СИЗНИ

(....Гирдоб”ни ўқиб, ундаги Ҳиёнат эпизодидан шунчалик таъсирландим-ки, опажон шу жараёнга битта шеър ёзинг, илтимос." Гулруҳнинг илтимосига кўра ёзилган шеър:

***
Бошқасини севган юрак - юракмас энди,
Не қилайки сизни кўнгил тиламас энди.
Эркаламанг, сўзларингиз керакмас, энди
Алиштириб қўйдим сизни бошқасига ...

Қучай десам қўлим синган, энди қўлим йўқ,
Сизга ўтар йўллар ёнар, энди йўлим йўқ,
Хиёнатнинг мозори йўқ, чўксам кўлим йўқ,
Алиштириб қўйдим сизни бошқасига...

Не бўлганин айтолмайман, бийрон тилим йўқ,
Нафрат ёқди жон-руҳимни, титсам кулим йўқ.
Мендайларнинг жойи қайда, мен боб ўлим йўқ,
Алиштириб қўйдим сизни бошқасига. .

Ўзга ёрни қучган қўллар қўлмас энди,
Аросатдир мен борар йўл, йўлмас энди,
Не қилайки, сизла кўнглим тўлмас эди -
Алиштириб қўйдим сизни бошқасига ..

Энди узр сўрамайман, узрлар кам,
Билиб туриб гуноҳ қилдим, бу қандай ғам?!
Ғурурингиз букиб энди йиғламанг ҳам –
Бошқа ёрга алиштирдим, бошқасига...

Сизла туриб бошқасини севган менман,
Энди топдим чин бахтимни, деган менман,
Кўнгил экан, энди қаро ерга тенгман -
Алиштирдим сизни эй ёр, бошқасига...

Энди мени тупроқ билиб босиб ўтинг,
Мен томонга туташ йўлдан қочиб ўтинг,
Бу ерларда юрманг энди, ойга етинг,
Бошқасига кетинг энди, бошқасига.
“Алиштириб қўйдим сизни алиштириб”.

1999й
(с)

[albatros]

Sog'intirib kutgan, ohisa tushayotgan beg'ubor oppoq qorlarga qarab bir so'z aytgim keldi:

Tabiatning dur-u gavhari,
Ey Osmonning beg'ubor zari
Senga intiq insonlar bari,
Xush kelibsan, ey birinchi qor!

Sen kelding-u,dillar charog'on,
Oq choyshabga o'randi har yon
Juda-juda sog'indik, ishon,
Xush kelibsan, ey birinchi qor!

Biroz shoshma, ketmagin erib,
Kaftlarimga olayin terib
Quchog'imdan senga joy berib,
Bag'rimga bi-i-ir, bosayin ey qor!...

(c)

[Shokir Dolimov]

Quchog'imdan senga joy berib,
Bag'rimga bi-i-ir, bosayin ey qor!...

albatros, нималар қилиб қўйдингиз, қор ёғиб юборибди-ку?! Яхши гапга ҳам, ёмон гапга ҳам, фаришталар омин қилади, деб шунга айтсалар керак-да! :)

[albatros]

қор ёғиб юборибди-ку?! :)

Ha. Ana shu qorlarga qarab aytimda bu gaplarni...
Sog'inib kutgan birinchi qor...

[Aliya]

қор ёғиб юборибди-ку?! :)

Ha. Ana shu qorlarga qarab aytimda bu gaplarni...
Sog'inib kutgan birinchi qor...

Qor haqida birinchi men she`r yozgandim, taqsir! :tatice_02:

[Aliya]

Yana qor yog`yapti…

Yana qor yog'yapti...
O'sha kungidek...
Sen ham bu poklikdan quvonyapsanmi...?
Orzu kiprigimda ketyapti erib,
Baxtdan yig'layapman...
Ishonyapsanmi...?

Qanchalar kutgandik qor yog'ishini,
Deraza ortidan ko'kka termulib.
Mitti farishtalar Ona-Zaminni
Sog'inib, shoshgandek intizor bo'lib...

Ketsang...
Osmoningga olib ket meni,
Orzuga aylanay oppoq qordek sof.
Ko'kdan yog'ilganda, ming yillar avval
Bosgan izlaringdan izlayin tavof...

Yana ko'ngillarda sog'inch olovi,
Yana olis shahar...
Yana o'sha qor...
Dunyoning tutashmas darchalarida
Qorga qo'l uzatgan ikkita bedor...

Qanchalar kutgandik qor yog'ishini...

[albatros]

Ha. Ana shu qorlarga qarab aytimda bu gaplarni...
Sog'inib kutgan birinchi qor...

Qor haqida birinchi men she`r yozgandim, taqsir! :tatice_02:

Barakalla Mavlono.Ofarin!:clapping:

[Nigora Umarova]

Barakalla Mavlono.Ofarin!:clapping:

Qizlarga nisbatan "mavlono" so'zi ishlatilmaydi. :)

[Alisher Asror]

Куз ҳам қариб қолгандай чоғи,
Йўллар бўлди япроқ ётоғи,
Булдуриқлар безаниб шохда,
Дарахтларнинг бошда ардоғи.
Куз ҳам қариб қолгандай чоғи...

Оқармоқда дарахтлар - юпин,
Туман тушган куз олганда тин.
Ёзнинг эмас баҳор сўни бу,
Қўшиқлари ҳазин ва ҳазин,
Туман тушган куз олади тин...

Жўшқинлик йўқ , қайноқлик қани!?
Ҳой, баҳорнинг чечаги - тани !
Шамол олиб келган изғирин,
Совуқликлар бўлди ватани.
Жўшқинлик йўқ , қайноқлик қани!?

Куз ҳам қариб қолгандай чоғи...


(С)

[мафтун]

Иқтибос:
albatros дан хабар
Barakalla Mavlono.Ofarin!
Qizlarga nisbatan "mavlono" so'zi ishlatilmaydi.

Мавлоно --(арабча) валиййун сузидан олинган (мужской рол, эркак дуст). Женской родда валийятун(аёл дуст).
Мавлоно - бизнинг дустимиз, хомийимиз, йулбошчимиз, пешвойимиз, пушту панохимиз ва хк. маънони билдиради.

[Gulchehra Ibragimova]

Кетаман
..га


Тан олмай ул "булбулгўё” ни
Ип қилиб эшасан рўёни.
Мен сенга қолдириб кетаман -
Ёлғонлар ин қурган дунёни.

Севган-ла яшамоқ бир ширин,
Дилларда не ҳислар яширин?!
Очмадим қалбимнинг туб сирин -
Кетаман бу олчоқ дунёдан.

Чопасан икки ўт ичида,
Халоват - игнанинг учида.
Азизим, тақдирга кўн, чида,
Кетаман, аросат, дунёнгдан.

Мен кетар осмоним кўп баланд,
Ундаги орзулар сарбаланд.
Ишқ дилни боғлади бандма-банд.
Кетаман бу ночор дунёнгдан.

Ғурурсиз вужуд бу-ўликдир,
Бу кўксим орларга тўлиқдир.
Менсиз ҳам ул кўнглинг синиқдир,
Кетаман иймони бутларга.

Кўз очиб кўрганим ёлғонми,
Ичаман ул оби-ёвғонми.
Бу дунё бувангдан қолганми,
Кетаман мен бошқа дунёга.

Истасанг кетиб кўр мард бўлиб,
Кимнидир куйдирар дард бўлиб.
Қолсанг қол, илашма гард бўлиб,
Кетаман ёлғизлик дунёмга.

Кетаман, ютқаздим, юрт бердим,
Не қилсам, не берсам бут бердим,
Сўнг сўзим, унутгин дўст, дердим -
Кетаман мен дўстсиз дунёнгдан.
..кетаман!
(с)

[Gulchehra Ibragimova]

Севгидан кечмоқ

Ой юзини қаро булутлар тўсди,
Орзулар қатида армонлар ўсди.
Тақдир бизни бирга қўймайди, нечун,
Кунларнинг ортида тақдир қон қусди.

Бир-бирига интиқ талпинса-да дил,
Ҳаёт торин бирга чертмади кўнгил.
Мен энди ўзганинг қўлидаги гул,
Сен ўзга бир боғда сайраган булбул.

Кун ўтар, қанотин ёзар бахмал тун,
Лек умид ой бўлиб ёқар кечани.
Юрак—қуш, талпиниб йиғлар, бағри хун,
Севги бахтли қилмади неча-нечани.

Йил ўтар, сочларга қўнар оққушлар,
Эртанги кунимни бугун олқишлар.
Меҳрлар тафтидан орзулар нишлар,
Икки қалб туйғуси — ҳаётий тушлар.

...Ой ўтиб, йиллар ҳам ўтавераркан,
Икки дил бир-бирин қўмсар жуда кам.
Кечаги кунларим бугунга эртак,
Сенинг ҳам боғингда бир этак "чечак".

Биз севган кечалар севгидан тонар,
Баъзида тоқатнинг лаблари қонар.
Гоҳ эса армонлар нурга чулғанар,
Қақшаган бағирда умид уйғонар.

Кемтик бахт қўйнини тўлдириб борар,
Бир дунё топмишим, йўлчи юлдузим.
Чек қўяр барига ўғлим ва қизим,"
Кўришмасмиз сен билан, хайр, азизим?!"

2000 й
(с)

[Nigora Umarova]

Мавлоно --(арабча) валиййун сузидан олинган (мужской рол, эркак дуст). Женской родда валийятун(аёл дуст).
Мавлоно - бизнинг дустимиз, хомийимиз, йулбошчимиз, пешвойимиз, пушту панохимиз ва хк. маънони билдиради.

Vaqtida izoh bilan javob qaytara olmaganligim uchun uzr so'rayman.
Mavlaviy-ega, sohib ma'nosida, olimlar yoki so'fiylarning nomidan ilgari keltiriladigan laqab, unvon.(mulla yoki domullo kabi)
Mavlo - 1) sohib, xoja, homiy, ustoz, janob;
2) qul, banda,(ko'pligi mavoli)
Mavlono - mavlaviy bilan ma'nosi bir.
(O'zbek klassik adabiyoti asarlari uchun qisqacha lug'at. Toshkent, 1953-yil.170-171-betlar)

[Aliya]

Vaqtida izoh bilan javob qaytara olmaganligim uchun uzr so'rayman.

Ehhe, bittagina hazilim shuncha bahsga sabab bo`pti )) Yaxshisi, Mavlono emas, Malvina deya qolinglar ;)

[Alisher Asror]

Ehhe, bittagina hazilim shuncha bahsga sabab bo`pti )) Yaxshisi, Mavlono emas, Malvina deya qolinglar

Sayt ZIYO - ILM targ'ib qiladi, aksincha emas, shuning uchun bahs kerak, to'g'ri tushuntirish , to'g'ri tushunmoq kerak.

[Nigora Umarova]

Ehhe, bittagina hazilim shuncha bahsga sabab bo`pti )) Yaxshisi, Mavlono emas, Malvina deya qolinglar ;)

Malvinaxon! :)

"Gavhar" bilan "Gov har"ning farqi bo'lganidek, Sizga nima deb murojaat etishlarining ham kattakon ahamiyati bor. ;)

Bu yerda Shahnoza "Buratino"ga sha'ma qilyatilar, "burun"nning aralashuviga ishora qilib. Qariyapmiz, shekilli;)

[мафтун]

СОҒИНЧ

Қор ёққанда қўмсагайман кузларимни,
Хазон фасли баҳорларни соғинаман.
Менга нима, кимлар ўпар изларимни,
Мендан безор дийдорларни соғинаман.

Куяр эдим суйган сари дилдоримни,
Суяр эдим куйган сари озорини.
Оҳ, доғдаман босолмасдан хуморини,
Дил оромда, озорларни соғинаман.

Дунё—маккор, ёлғон бари яллалари,
Қаерларда қолди онам аллалари?!
Не синоат, жондан безган паллаларим,
Бешикнимас мозорларни соғинаман?

Тулкимижоз дўстларимнинг даврасида
Чўчиб хатто капалакнинг шарпасидан;
Кўнглим хавфда миннатларнинг зарбасидан
Арслонкелбат ағёрларни соғинаман.

Қанча манзил, қанча дилни тутдим маскан,
Лек тарк этдим қанча гўзал, қанча кўркам...
Отам Одам қачонлардир айро тушган
Беҳишт отлиғ диёрларни соғинаман.

(с) 1998 й.

[Masud Mahsudov]

Tuyg’u – ko’zlaringda topganim qo’nim,
Harorat – diydorning egiz tuhfasi.
Taqdir – sen-la birga tanlagan yo’lim,
Ishqing – Yaratganning nodir mujdasi.

Istara – chehrangda so’nmaydigan nur,
Yurak – mehring to’lib-toshgan bir ummon.
Ishva – hijron chog’i go’zal tasavvur,
Sog’inch – qalbimdagi jilovsiz tug’yon.

Armon- yo’qlik sari uchayotgan qush,
Havas – yaxshilarning umr daftari.
Tole’ – ko’z o’ngimda gavdalangan tush,
Suhbat – senga aytmoq bo’lgan dardlarim.

Ijod – sen tufayli tebrangan qalam,
Xayol – niyatdagi baxtli kunlarim.
Orzu – bizlar qurmoq istagan olam,
Duo – to’zim so’rab chiqqan unlarim.

Ko’ngil – chin mazmuni noayon kitob,
Iqbol – birgalikda kechirgan vaqtim.
Izhor – ko’kragimga qamalgan xitob,
Vasling – umr bo’yi izlagan baxtim...

(c)

[Aliya]

Sayt ZIYO - ILM targ'ib qiladi, aksincha emas, shuning uchun bahs kerak, to'g'ri tushuntirish , to'g'ri tushunmoq kerak.


Malvinaxon! :)

"Gavhar" bilan "Gov har"ning farqi bo'lganidek, Sizga nima deb murojaat etishlarining ham kattakon ahamiyati bor. ;)

Bu yerda Shahnoza "Buratino"ga sha'ma qilyatilar, "burun"nning aralashuviga ishora qilib. Qariyapmiz, shekilli;)

Yo'q, aslo noto'g'ri hayolga bormang, shunchaki, bahsni "tinchlik yo'li"ga o'tib, hal qilmoqchi edim, eplolmadim shekilli...

Uzr o'rnida, yangi she'rimni e'tiborlaringizga havola qilaman. ;)

[Aliya]

Tug'ilgan kun tabrigi.

Quyoshning nurida yuz yuvgan,
Hiloldan qarz olgan baxt so'zim.
Sen bugun tug'ilgan kuningda
Tabrigim qabul et, yolg'izim!

Tog'larning sabotin tilayman,
Baxtimga sog' bo'lgin, Ilohim!
Tilak qil shundayin kuningda -
Yo'limiz bir qilsin Ollohim!

Sen baxtli bo'lmoqqa loyiqsan,
Dunyolar intizor kulgingga.
Eng ezgu orzuni asragin
Muhabbat in qurgan ko'nglingda!

Yo'lingni gullarga ko'maman,
Loyiqsan Jannatiy nurlarga!
Baxtiyor bo'lmoqqa haqlisan,
Baxt tushi va'dadir o'nglarga.

Lablaring bezaydi tabassum,
Aslo tark etmasin, Ilohim!
Yana yuz yoshingni ko'rmoqni
Menga baxt aylasin Ollohim!

SEN BAXTLI BO'LMOQQA LOYIQSAN!

Oshiq do'stim o'z nomidan bo'lajak "Kelin bola"ning tug'ilgan kuniga she'r yozib berishimni iltimos qilgandi :) ;)

[Shokir Dolimov]

Гулрућнинг илтимосига кўра ёзилган шеър
Мућтарам ќалам усталари! Катта юбилей – 14 январь яќинлашиб келмоќда. Илтимос, агар...

[Gulchehra Ibragimova]

Гулрућнинг илтимосига кўра ёзилган шеър
Мућтарам ќалам усталари! Катта юбилей – 14 январь яќинлашиб келмоќда. Илтимос, агар...

"Илтимос" қабул қилиндиhttp://uforum.uz/images/icons/icon7.gif Албатта, бундай қадрли байрам ёдимизда, табрик учун битта шеър бор, деб ҳисоблайверинг!

[мафтун]

АФСУС
Дўстим Иномжонга

Қуёш қадрим эди, тундан асролмадим,
Аллақачон унут бўлган тилакдайман.
Яхшиларнинг хотиридан ўчди ёдим,
Энди фақат ёмонларга керакдайман.

Шикаста дил, овозиму рўйим шикаст,
Тош остида униб-ўсган чечакдайман,
Гуллар насим оғушида тўлғонар, бас,
Энди фақат тиконларга керакдайман.

Ҳамон ҳижрон саҳросида сарсон Лайли,
Қайснинг мажнун бўлганлари чўпчак, дейман?
Дилраболар дардли дилим менсимайди,
Энди фақат достонларга керакдайман.

Чўққилардан чўққиларга учар бургут,
Тўрга тушган қушдай — жониҳалакдайман.
Ерда кун йўқ энди менга, юзим шувут,
Энди фақат осмонларга керакдайман.

Сездим бугун ҳаётимда нимадир кам,
Аммо билмам уни қайдан дараклайман.
Энди ўрним билинмайди қишлоқда ҳам,
Энди ва на Тошконларга керакдайман.

(c) 1998

[Alisher Asror]

Xolat

Nigohlar qoldilar cho'g'-o't tutgancha,
Yurakda portladi dunyocha olov,
Turibmiz ikkimiz bir so'z kutgancha -
Ikki dilga ko'prik, rishtami ulov.

To’xtadi tabiat, mavjudotlar jim,
Ko’z sizdan o’zgani ilg’amas, ko’rmas,
Balki ming yil shunday turmakka mahkum,
Balki zamonlarni nazarga ilmas.

Vujud – otashxona , kuydirib borar,
Qizil yuzingizda uning shulasi…
“Men shunday… ha… salom…qalaysiz?” , dedim,
Sizchi sir bermasdan asta kulasiz.


(C) 2000 yil

[Masud Mahsudov]

Аламга тўлганда кунларим,
Чорасиз қолганим онимда,
Чин бахтдан умидвор тунларим,
Яхшиям, Сиз борсиз ёнимда.

Кўзингиз ҳеч кимга ўхшамас,
Сўзингиз ҳеч кимга ўхшамас,
Шукрким, бошқамас, ўзгамас,
Яхшиям, Сиз борсиз ёнимда.

Иқболни мисқоллаб тергани,
Умр йўлин мустаҳкам қургани,
Сўнг унда бирликда юргани,
Яхшиям, Сиз борсиз ёнимда.

Аразлаб, рашкини сочгувчим,
Тик боқмас, нигоҳи қочгувчим,
Дардлашиб, кўнгилни очгувчим –
Яхшиям, Сиз борсиз ёнимда.

Тез-секин ҳаёт карвонимда,
Ишқ оқар томирда қонимда,
Сиз менинг қалбимда, жонимда,
Яхшиям, Сиз борсиз ёнимда.

(c)

[Mahmud Jurat]

***
Майли тошлар отсин ортимдан ахлоқ,
Майли мени диндорлар есин,
Ўзим атай танлайман тошлоқ,
Ахир бунга етади эсим.

Майли, қўлларимда танга турмасин,
Майли бойлар атасин аҳмоқ.
Фақат ҳеч ким қонда юрмасин.
Хоҳишингиз мени синамоқ.

Мен ўзимни тинмай синаб юраман,
Ўтга сувга ураман ўзим.
Безовтаман, тонгда тураман,
Гуноҳларим тилайди тўзим.

“Буюк”ларга билиб қўл бермай қўйдим,
Энди ўзим “буюк”ман, нетай.
Мени алқар ҳар бир гуноҳим,
Олд ортимда куйлайди “ҳай, ҳай”.

Кимлар савоб йиғиб атай жаннатга
Қурбон қўйга миниб боради.
Менчи миниб гуноҳларимга,
Жаннатидай кўнглим яйради.
(С)

[мафтун]

ОСМОН ДЕГАНДА

Гулдан гап кетганда туйиб ифорин,
Ғунчани ўйлайман хазон деганда.
Кўкларда ҳаяллаб қолган дилдорим,
Сизни соғинаман осмон деганда.

Хатолар излашга яратиб кўзни,
Гина йиққани дил берган эканда!
Қушюрак ёронлар, эзилмайсизми,
Ўлгингиз келмасми виждон деганда?!

Ҳасратни бас қилинг, қисматдошларим,
Армон нима қилсин тирик юрганда.
Неччига кирдийкин қабртошлари?
Отамни эслайман армон деганда.

Қайданам аксирдим!..
Соғ бўл, деганлар
Ортган риё тоши мангу елкамда.
Яхшини мадҳ этсам кўкрак керганлар,
Мени кўрсатинг «ким ёмон» деганда.

Аҳли машойиҳ ҳақ, бу дунё бозор,
Иймон ҳам сотилар аксар дўконда,
Эй, дил, дардларингга кутма харидор,
Сирни тушунавер арзон деганда.

Йўловчим, сафаринг хатарли, қалтис,
Саноқсиз сарбонлар ёлғиз карвонда.
Ақлингга эргашма, кўнгилга ҳаргиз,
Сарбоним деб сиғин иймон деганда!

(с)1998

[Mahmud Jurat]

яхши шеър экан, раҳмат

[Colorado]

яхши шеър экан, раҳмат

қ ў ҳ ғ лар хам урнида, шундайми? ))))

[Mahmud Jurat]

хам урнида

Ҳаммаси Ўрнида, ахир саводсизликга аҳамият бериш анчадан бери йўқ қилинганку

[Alisher Asror]

Тақир-туқур, тақир-туқур от ўтади.
Кимдир куйлаб, кимдир кулиб шод ўтади.
Бир кам дунё нағмалари жоним эзар,
Дам ўтмасдан аламни фарёд ўтади.

Тақир-тақир... От йўлакда қоқилади,
Кўз ёш тўла армонларим ким билади!?
Дард ошади яширилса - бу ҳақиқат ,
Дардим айтсам девоналар ҳам кулади.

Тақир-тақдир.Сўқир - дунё.От йўлкада...
Яхшиларни икки пулга сот йўлкада.
Фойда, қорин, икки қават бино керак,
Икки қават гуноҳларга бот йўлкада.

Учиб тушди - синиб кетди от тақаси,
Ҳайрон бўлманг... ҳайроналар йўқ ёқаси ...


(C)

[Masud Mahsudov]

Самодан сув билан дардлар томмоқда,
Юзага қалқитиб қалбларнинг сирин.
Ҳазин бир навони эсга солмоқда,
Ва дилни ўртайди кузнинг ёмғири.

Япроқлар шивирлар маъюс забонда,
Ҳаётдан умиди эрур турфа хил.
Томчи-ла ер сари шўнғиган онда,
Сўнгги илинжлари бўлади чил-чил.

Йиғлайди табиат, йиғлайди осмон,
Шаррос ёш тўкканча титроқ заминга.
Йиғидан чарчаб сўнг тўхтагани он,
Ерга ғубор-чанглар кетади сингиб.

Ер билан фалакни боғловчи ёмғир,
Билиб, билмай юрак доғловчи ёмғир,
Хазонрезгиларга чирой бағишлаб,
Хаста кўнгилларни соғловчи ёмғир.

Эҳ, кузнинг ёмғири, кузнинг ёмғири...

(с)

[Gulchehra Ibragimova]

Ҳаёт

Кирланиб битдим ўзим,
Дунёни поклай олмадим.
А.Тўқай

Нотанти ҳаётдан кўрдим – неки бор,
Ўлимни ҳам кўрдим, алам ҳам бисёр.
Ҳамон йўлим пойлар ғаним бадкирдор,
Кўролмас, чоҳ қазир, тикмоқ бўлар дор.


Такрор бахтлар берди, олди неча бор,
Ажалнинг оғзидан қайтдим минг такрор.
Олдинга кетмоғим бўлса-да, душвор,
Ҳақ йўлим ёритди, этмади абгор.

Ғамлардан бу қаддим кетса-да синиб,
Кўзларим оғриқдан кетса-да тиниб,
Мен қолиб “олғир” лар кетса от миниб,
Бу кунлар ўтажак, дедим қимтиниб.


Кечаги дўстларим бўлса бугун ёт,
Иродам етарли, “ё ҳаёт – мамот!”.
Сўлғин юзларимдан улар юрса шод,
Сотқиндан асра, деб этдим қасамёд.
Ҳаётда умидни болам деб билдим,
Онамнинг дуосин тумор деб илдим.
Атрофдан оқ рангни топмай сиқилдим,
Ота, пойингизга келиб йиқилдим.
(c)

[Masud Mahsudov]

Битмас ўйларимга ёмғир чоҳ қазир,
Узоқларга кетиб қолар хаёлим.
Булутлар зиёни қилишган асир,
Майда томчиларга айланар жоним.

Ҳар бир донасига ҳижрон қўшилган –
Висол умидини ташлаб кетмаган.
Ҳар бир донасига армон қўшилган –
Азалдан орзуга инсон етмаган.

Бир улкан шаршара – жудаям ажиб –
Сабринг соҳили ҳаддан ошмоқда.
Барча ғуборлар-у, чангни опичиб,
Осмоннинг чашмаси ерга тушмоқда.

Кейин...
Соғинчлар ҳам ёшга айланиб,
Ёғинга ҳамоҳанг томчилар бир-бир.
Нозик ҳисларимни танимай-таниб,
Қанча сувлар кечди бечора тақдир.

Фалак ва заминни боғласа сувлар
Дийдорга юракнинг келади рашки.
Недандир чанқаган дилим ҳувиллар,
Ёмғирлар – соғинган қалбимнинг ашки...


(с)

[Gulchehra Ibragimova]

Фалак ва заминни боғласа сувлар
Дийдорга юракнинг келади рашки.
Недандир чанқаган дилим ҳувиллар,
Ёмғирлар – соғинган қалбимнинг ашки...


(с)

Ажойиб ўхшатиш, зўр! "Ёмғирлар - соғинган қалбимнинг ашки"..

[Alisher Asror]

Kuz yomg’iri

Zeriktirdi chisirlashlari,
Jonga tegdi shivirlab yana,
Daraxtlar ham boshin egib jim,
Tek turibdi so’nik, devona.

Barglarini ko’tarib bazo’r,
Boshin egib qilganicha xam…
Quyoshini sog’ingan-da zo’r,
Yuzlarida shundan qatra nam.

Tom ham shovqin solib ko’chaga
Itqitadi tutib barini.
Yiqiladi pastga tomchilar,
Pora qilib asfaltlarini.

Yig’ilishib sharaqa-shuruq,
To’planishdi tufa ko’lmakka.
Yana ular yomg’ir bo’lish-chun,
Tayyor turar qayta o’lmakka.


(C)

[Alisher Asror]

Hozir yomg'ir haqida she'rlar o'qib , uni boshqa rakursda ko'rmoqchi bo'ldim...

[Gulchehra Ibragimova]

“Яна куз, яна ёмғир, Бизни айирди тақдир..
Биз қайта учрашмаймиз, Ахир бу тақдир...”
(қўшиқдан)

Сени ёдга солмоқда ёмғир..
Сени эслаш нақадар оғир..
Ёмғирли тун, осмон остида
Бахтимиз ҳам бўлганди охир..

Тарновларда сув оқар “шир”-“шир”,
Гўё оқар жамики кир-чир..
Япроқ узра томчи шивирлар:
“Энди уни қалбингдан ўчир”..

Хотиралар айланар ғир-ғир,
У дамларни эсламоқ оғир..
Муҳаббат бу-илоҳий туҳфа
Афсус армон чангали олғир..

Бу ёмғирмас, алам кўз ёшим,
“Пуфакча”лар сабрим, бардошим..
Ичга ёққан ёмғир сирдошим,
“Ёрилгин тош”, ёрил-а, тошим..

Ёмғирли тун бағрим савалаб
Ёққан кунда сени топганман,
Томчиларни кафтда авайлаб
Қуёшимга эшик ёпганман..

Энди эслаб оғрийди бағир,
Айрилмоқлик балки бу тақдир.
Ёмғирли кун топмоқ-йўқотмоқ
Бул азалдан қисматдир ахир..

Сени ёдга солмоқда ёмғир..
Сени эслаш нақадар оғир..
Осмон йиғлар, ёмғирли кеча
Бахтимиз ҳам бўлганди охир..

Бу ўхшашлик, бу қандайин сир..
Деразамдан боқаман гирён,
Кўзимда ёш, кўчада ёмғир..
Ишқ суръати томчида зоҳир..

..Сени ёдга солмоқда ёмғир..
Сени эслаш нақадар оғир..
(с)

[мафтун]

ЁМҒИРГИНАМ

Йўлларингга никоҳладим нигоҳимни,
Бўйлай-бўйлай белга етди осмон тоқи...
Ёмғиргинам,
маним туман гуноҳимни,
Саҳарларга ювмоқ бўлди шабнам гоҳи.

Гоҳ сукунат самосида чақмоқ бўлдим,
Элас-элас эслаб олис шўхлигингни.
Хазонданам хокисорроқ—тупроқ бўлдим,
Ёмғиргинам,
йўқламадинг йўқсилингни...

Олчоқ дунё кўзларимга тортди парда,
Туман тўла очунда ман нима кўрдим?!
Сочларимга соя солган саҳарларда
Шабнамларга овунгандай юравердим,

Ёмғиргинам!...



(с) 1998

[Gulchehra Ibragimova]

Hozir yomg'ir haqida she'rlar ...

Кеча ёмғир, бугун қор
Тоғларда ажиб виқор.
Сенинг "оқ поёндоз"инг
Интиқиб кутгандим зор..
http://uforum.uz/images/icons/icon7.gif Бугун энди қор ҳақида ёзамизми?http://uforum.uz/images/icons/icon7.gif

[Alisher Asror]

Бугун энди қор ҳақида ёзамизми?

Bugun "muz"larning erishi haqida yozamiz:)

[Gulchehra Ibragimova]

Бугун энди қор ҳақида ёзамизми?

Bugun "muz"larning erishi haqida yozamiz:)

Унда ўзларидан бўлсин, Мавлоно?!
http://uforum.uz/images/icons/icon7.gif

[Alisher Asror]

Унда ўзларидан бўлсин, Мавлоно?!

Bir og'iz so'zingiz, xonim-afandim!:)

[Masud Mahsudov]

Яна қиш…яна қор…яна изғирин,
Дарахтлар ўй сурган маъюс келинчак.
Қуёш ҳам эриниб сочади нурин,
Гўё ёруғликни қарз берган фалак.

…Ҳеч ким тушунмайди қалбим тилини,
Баъзида ўзим ҳам қоламан ҳайрон.
Қўлдамас белгилаш тақдир йўлини,
Бугун гуллаб турса, эртага вайрон.

Кўнглим бузилган уй, хароба мисол.
Ҳеч ким йўламайди; ҳувиллаб қолган.
Гоҳи ўз-ўзимга бераман савол:
“Нимадир ҳаётим бу кўйга солган?”

Билмам, нима истар бу мўъжаз юрак,
Кимга у сабрсиз талпинар тинмай.
Ёлғизлик ҳиссидан ёки бу дарак,
Унум йўқ кунимда, нима иш қилмай.

Балки “соғиниш”, деб аташар буни,
Ёр васли шу кеча хаёлим олди.
Соғиниб, энтикиб кунию туни,
Танам ҳам юракка айланиб қолди...

(с) 2007

[Alisher Asror]

Uyga mehmon kelib qoldi sal kechikdim...lekin


Qarang, erimoqda kechagi muzlik,
Kechagi sovuqlik ketib bormoqda.
Jonimni qiynagan firoq – sizsizlik,
Visol hayrati-la ortda qolmoqda.

Daraxt yengil siltar shoxchalarini,
Shabboda raqsining shashti o’zgacha:
Iliqlikni eltib shoshib , hovliqib,
Boshin urar hatto tuproq, muzgacha.

Kel, quyoshim porla dunyolarimda,
Kel, ayoz zahrini unutaylik biz.
Ahir, zimistonga aylanib ketar,
Uchrasholmay qolgan payti ikkimiz!


(C)

[мафтун]

КЎНГЛИМ
Ким кўнглим харидори...
Иқбол Мирзо

Кўнглимни қўйнимдан излаган гумроҳ,
Қўй уни, сенсиз ҳам садпора, сиёҳ...
Балки, тошдаги гул, қордаги гиёҳ-
Кўнглим...

Уни самолардан ахтарар ҳилол,
Излаб заминни зир титратар шамол.
Гоҳо қўл сомоқчи бўлар эҳтимол,
Синглим...

Айт, менга дағдаға қилмасин ажал,
Жон керакми олсин, турмасдан, дангал...
Уни тополмайди онамдан аввал
Ҳеч ким!

[Gulchehra Ibragimova]

КЎНГЛИМГА
.."бўйимдек бўй топдим-у, кўнглимдек кўнгил топмадим"


Севсанг-у, лек айтолмасанг,
Ишқ йўлидан қайтолмасанг,
Суйганингга етолмасанг,
НИМА ҚИЛДИНГ КЎНГЛИМ МАНИ?

Гоҳо азиз суюк бўлдинг,
Шеърлар ёзиб “буюк” бўлдинг.
Аммо бағри куюк бўлдинг
НИМА ҚИЛДИНГ КЎНГЛИМ МАНИ?

Бўйинг тенги ғуруринг бор,
Гоҳ йиғлайсан сен кимга зор.
Бериб менга бунча озор-
НИМА ҚИЛДИНГ КЎНГЛИМ МАНИ?

[мафтун]

ЗАРДА

Зулхумор опага

Менинг бор бисотим шу ғариб кўнглим,
Ҳеч ким тополмайди кўнглимни, ҳеч ким.
Парвойингиз фалак, жилмаясиз сиз жим,
Кўнглим йиғлаяпти, ахир, одамлар!...

Кўзларим тубида аламлар пинҳон,
Ситамлар жонимни ўртайди ёмон.
Қаранг, кулгуларим - қалбаки, ёлғон,
Кўнглим йиғлаяпти, ахир, одамлар!...

Осмондан қарайсиз – илмайсиз кўзга
(Тушиб қолганим йўқ аслида сизга!)
Ҳеч ким тушунмайди Раббимдан ўзга,
Кўнглим йиғлаяпти, ахир, одамлар!...

Таскин тиламайман ҳеч қайси касдан,
Кўнглингиз бехабар бир мунгли сасдан.
Қийналиб кетдим-ку, овутолмасдан,
Кўнглим йиғлаяпти, ахир, одамлар!...

Кўнглим кўксимдами? Кўксимни тилиб,
Қўлимдан келса-ю отардим юлиб...
Онам қаердалар, юпатсин келиб,
Кўнглим йиғлаяпти, ахир, одамлар!...

Кўнглим йиғлаяпти, одамлар!...


(с) 1998й.

[мафтун]

ТОПМАДИМ

Ғижиниб ўтяпман ғирром очундан,
Кўнглимни тўлдирмас чопган омадим.
Оҳ, нурлар таралган чоғда сочимдан,
Умрим каби учқур саман топмадим.

Жонимни ҳовучлаб оламан нафас,
Бир кун тоқ бўлади, ахир, тоқатим,
Боғи эрамларни қилмасман ҳавас,
Онам қучоғидай маскан топмадим.

Қанча ғамлар билан эгилмади бош,
Дилда қўрғошиндай қотди ҳасратим.
Нима ҳам қиларди ёв бўлган сирдош,
Ўзимга ўзимдай душман топмадим.

Қушлар хаёлдай ҳур, қафаслар синган,
Қуллик замонлари қадимдан қадим.
Кўнглим бандиликка жимгина кўнган,
Муҳаббатдан қаттиқ кишан топмадим.

Кўнглимдан ҳақиқат жой олди илло,
Ҳар битта далдаси—темир қанотим.
Кўнглимга кетяпман хайру хўш, дунё,
Ки, ундан-да гўзал гулшан топмадим.


1998

[мафтун]

СОҒИНДИМ

Ҳамон овунмади мусофир кўнглим,
Йиллардай чўзилиб кетди йўллар ҳам.
Йўл қараб онамдай ичиккан синглим
Райҳонни соғиндим, соғинган бўлсам.

Бир пайт балиқдай пок, беғубор эдим,
Сувдай тиниқ эди, о, кўнгилгинам.
Мен ёлғиз қуёшга харидор эдим,
Уммонни соғиндим соғинган бўлсам.

Шамолларни қувган бургут эдим мен,
Чақмоқ туғиларди нигоҳларимдан.
Ёмғирдек покиза, юрак бағри кенг,
Осмонни соғиндим соғинган бўлсам.

Бу забун ҳолимдан кимга арз этай—
Ўзимнинг олдимда ўзимман мулзам.
Дилни қавартирди қаламим, нетай,
Кетмонни соғиндим соғинган бўлсам.

[Mahmud Jurat]

***
Ҳар қалай зувалам пишиқ, зўр эди,
Кўзларим қуралай, қошларим қалам,
Оҳ ўтган ёшлигим, ишқим ғўр эди,
Оқ сонни соғиндим, соғинган бўлсам.

Кимлардир партия, форумлар тузган,
Менга бу баъзида қилади алам.
Оқиллар уй солган, бебошлар бузган,
Замонни соғиндим соғинган бўлсам.

Ҳамон қошларини бўяйди қизлар,
Бугун ҳам кечадай ўзгармас олам.
Баҳорда кўрпадай ёқимтой бўзлар,
Онамни соғиндим соғинган бўлсам.

Дунёни билмасдан ўтамиз чоғи,
Ёш ҳам ўтаяпти қидади алам.
Нега тез бузилар кампир қовоғи,
Ўзимни соғиндим соғинган бўлсам.
(С)

[Aliya]

Hayotsiz. (G`alati she`r)

Taqdirdan baxt umid qilgandim,
Tutqizgani - bir tutam sog`inch...
Orzu olis ketib bo`lgan-u,
Faqat...
Yodi qo`ymas meni tinch...

***

Ko`zgu ichra termular ma`yus
Tabassum tark etgan nigohlar.
Yuzga cho`kkan – azobli hijron
Ko`z va ko`ngil ilg`amas dog`lar…

Kipriklar ham yuvilaverib,
Ko`z yoshidan bezor va o`ksik.
Sumbul sochlar silanmas endi,
Baxtdan masrur bu boshim egik…

Lablarimda aytilmay qolgan
So`zim bo`ldi bu aziz isming…
Ol rangini za`faron aylab,
Bir so`z demay meni tark etding…

Yana ko`zgu…
Mahzun ko`zlarga
G`am rang surma tortaman hissiz…
Kipriklarning nami yo`q endi,
Niqoblarga ko`naman…
Esiz…

Rashk etilgan kumush taroqdan –
Sumbul sochlar kirar o`rimga…
“Yo`q, buzilar tegsam, turmagi…”
(Ravo ko`rmay hatto o`zimga!)

Lablarimda qolgan ismingni
Bo`yoqlarga yashirmoqdaman…
Hayot shunday…
Xazondek hissiz
HAYOTsiz kun kechirmoqdaman…

Taqdirdan baxt umid qilgandim,
Hadya etdi soxta Hayotni…

[мафтун]

***
Ҳар қалай зувалам пишиқ, зўр эди,
Кўзларим қуралай, қошларим қалам,
Оҳ ўтган ёшлигим, ишқим ғўр эди,
Оқ сонни соғиндим, соғинган бўлсам.

Кимлардир партия, форумлар тузган,
Менга бу баъзида қилади алам.
Оқиллар уй солган, бебошлар бузган,
Замонни соғиндим соғинган бўлсам.

Ҳамон қошларини бўяйди қизлар,
Бугун ҳам кечадай ўзгармас олам.
Баҳорда кўрпадай ёқимтой бўзлар,
Онамни соғиндим соғинган бўлсам.

Дунёни билмасдан ўтамиз чоғи,
Ёш ҳам ўтаяпти қидади алам.
Нега тез бузилар кампир қовоғи,
Ўзимни соғиндим соғинган бўлсам.
(С)


Мазах қиляпсизми?..

[Mahmud Jurat]

Мазах қиляпсизми?..

Асло. Йўқ. Шеъриятда назира деган тушунча бор. Мавзудан туртки олиб ёзилган.

[Alisher Asror]

Aldama so’zingni, ko’nglim sezadi…
Aldama, ko’zlaring sotqinligi bor ,
Yig’loqi dardlaring bag’rim ezadi,
Bag’rimni ezadi yig’lashing takror.

Qabog’ingdan muzlar to’kma poyimga,
Nima kerak bo’lsa mana, olaqol.
Tikanlar tashlama yumshoq joyimga,
Menga kelmay turib , mendan ketaqol.


(C)

[мафтун]

ДУНЁ

Ҳаёт изларимга увол тўлдирди,
Кўзларимга аччиқ савол тўлдирди,
Бўм-бўш қучоғимни шамол тўлдирди,
Кўнглимни тўлдириб бер, дунё...

Чучмомо бошини ёмғир кўтарди,
Офтоб ер бағридан ҳовур кўтарди.
Топталган майсалар бағир кўтарди,
Кўнглимни кўтариб бер, дунё...

Оловнинг тилини топиб олди сув,
Болари кўнглин гул овунтирди-ку,
Сен йиғлаб кўзингнинг кирларини юв—
Кўнглимни кулдириб бер, дунё...

Бас, энди ўзимни суйиб яшайман,
Ҳузур-ҳаловатни туйиб яшайман.
Кўнглимни жойига қўйиб яшайман,
Кўнглимни қайтариб бер, дунё...

(с) 1997

[Aliya]

Ishq degani...

Hayot ko'nglimdan kechmish – muhabbat og'u bo'lsa,
Yetishmoq mumkinmi – ul tog'dagi ohu bo'lsa.

Dilimni pora aylab, bir zum parvo aylamas,
Nahot u qalbim ichra o'qilgan jodu bo'lsa?!

Oh, hayoning shamshiri jonimga qasd aylamish,
Shahzodimga yetishmoq ushalmas orzu bo'lsa?!

Bir ko'rdim-u, ruhimning bardoshidan ayrilib,
Haqqa iltijo qildim: "Diydori mangu bo'lsa..."

Kutmoq-kutilmoq – bir baxt, sevmoq-sevilmoq – bir baxt,
Bu qanday bir tilsim-ki, shodligi – qayg'u bo'lsa?!

Ey, Xudoyim, sevgining jannatidan taxt bergin,
Ishq degani shunchalar sehrli tuyg'u bo'lsa...

[Alisher Asror]

"..кел кўр, мени ишқ найлади"
Юнус Эмро



Савдойи-ю девонаман,
Оҳ, соғларга бегонаман,
Не дард солдинг бир жона сан!?
Кел кўр, мени ишқ найлади.

Топмай ўзим овворалар,
Ҳамда юраким поралар,
Борми фироққа чоралар?
Кел кўр, мени ишқ найлади.

Дунё йўқотди хуснини,
Тунга ўхшаб борар куни,
Азобнинг қайда якуни?
Кел кўр, мени ишқ найлади.

Тугаб бормоқдадур бардош,
Қон бўлиб оқмоқда кўз ёш,
Қайлардасан , эй, бағри тош?
Кел кўр, мени ишқ найлади.

Ўтиб мана минг битта куз,
Алишерга етибди сўз,
Машҳардан оҳ урар Юнус,
Кел кўр, бизни ишқ найлади.


(C)

[Gulchehra Ibragimova]

Куз

(Антипатия усулидаги туркум шеърдан)
..Қизиқ, нимаи-ки топган бўлсам, кузда топганман.
Яна шуниси қизиқ-ки, ўша топганларимни кузда йўқотганман. ***
Тўзғиган баргларинг бошингдан қолсин,
Сап-сариқ сочлари таралмаган куз..
Ўрнингни гул-чечак, ёз, баҳор олсин,
Сен менинг бағримни яралаган куз.


Тўкилган баргингни бошимдан сочма,
Ранглари синиққан эй касалманд куз.
Яшил хаёлларнинг бағрини очма,
Ортиқча мақтовдан умидингни уз.

Хазонли боғларинг бунчалар файзсиз,
Кўчангда эзилиб сарсон юраман.
Тушларимда ёрни омон кўраман,
Сен—сариқ алвасти, ёмон кўраман.


Сўлғин далаларга юзим бураман,
Совуқ юлдуз каби титраб тураман.
Ҳувлаган боғингда хазондан бўлак
Ҳеч вақо тополмай оҳлар ураман.

Хазонларинг тўзғир атрофда гир-гир,
Ҳар қайси япроқдан сўрадим бир-бир: -
Бағрингда яшринган, айт, қандайин сир? –
Биз сендан бахтсизроқ, - келди бир шивир.


Бағрингдан бахт топдим, девдим, ҳар тугул,
Хазонли қўйнингга қайта топширдим...
Чекил, куз, ўрнингни баҳорга бергил,
Икки гул ғунчамни сендан яширдим.

Кет энди боғимдан, эй хазонли куз,
Балки бахт юз очур баҳор очса юз.
Боламни кафтимда олиб юраман...
Куз, сени севаман...
Ёмон кўраман!..
(с)

[Mahmud Jurat]

***
Кузнинг хазонлари жонимга тегди,
Ранглар жилосила алдайди мени,
Умримнинг тиғ кузи қаддимни эгди,
Қулоқга ярашмас тақдирнинг эни.

Ландавур мезонлар учади пастқам,
Умрмнинг бир исқирт кунлари каби.
Энди қариликнинг оҳ воҳи ҳамдам,
Микробдай беҳисоб дардлар насаби.

Куннинг қовоғидан қор ёғар мудҳиш,
Совуққа ҳарорат беролмайди тоб.
Дераза ортидан кўринади қиш,
Қайга кетди бирдан мен севган офтоб.

Биргина умиднинг жилоси майин,
Қотган юрагимга беради илинж.
Куз ҳам ўтиб кетар, ўтиши тайин,
Эрта қиш келади кўтариб қилич.
(С)

[Masud Mahsudov]

Куз ҳам, мана, кетмоқда изсиз,
Енгил шамол,
Барглар тўзони...
Оқшом кўки ҳафа юлдузсиз,
Хорғин ўйлар кезар фазони.
Туманлар-у, ғуборни ютар,
Кўҳна замин; далалар, тоғлар.
Мунғайганча кўкламни кутар,
Либослари эскирган боғлар.
Ёмғир ёғар, титраб йиғлайди,
Хўрсинганча она табиат.
Юрагимга қил ҳам сиғмайди,
Армонларга айланар ният...
Кўнглим гўё япроққа ўхшар,
Сарғаяр-у, тўкилар аста.
Яшилимдан қолмаган асар,
Дардим уммон, юрагим хаста.

Куз-чи, секин кетмоқда изсиз,
Енгил шамол, барглар тўзони...

(c)

[мафтун]

ЙЎНАЛИШ

Бугун юрагимда бўронлар кезар,
Тўфонлар безовта қароғларимда.
Ким мени англайди, ким дардим сезар?!
Бир дарддош муттасил сўроғларимда.

Ҳақиқат ямлади ҳайратларимни,
(Этак ой юзига бўлолмас парда).
Тишларим қаритди ҳасратларимни,
Ҳолбуки, тилимнинг юраги зада.

Кўнглимдан кўзимга қуйилмоқда нур,
Ташқарида зулмат, ташқари – рўё.
Оғзимни пойлашдан чарчади охир,
Дунё — ҳасратимга харидор дунё.

Ҳеч қандай афсун-ла очилмас дилим,
Дардимни ёдингдай тутаяпман мен.
Шаксиз, кипригингга туташдир йўлим,
Шубҳасиз, кўзингга кетаяпман мен.

(c) 1996

[Alisher Asror]

Самога элтгувчи йўлимда
Мен ҳамон бир ўзим кезаман,
Кундан-кун, ойдан-ой, йилдан-йил,
Ёлғизлик азобин сезаман.

Сендами истагим мазмуни,
Кўнгилнинг дардига даволар?
Оҳ , сенсиз татимас рангин гул,
Булбулнинг куйидек наволар.

Ўрнимдан мен базўр тураман,
Кўтармак оғирми ҳавони ?
Не гуноҳ қилибман , эй , Тангрим,
Етмаслик орзумга равоми ?

Қўлларим осмонда муаллақ,
Ўзингдан ёлбориб сўрайман:
Дилимга дилдош бер, тушунган
Тенгимни ёнимда кўрай ман...


(C)

[Masud Mahsudov]

Сени кутиб-кутиб чарчадим ғоят,
Соғинмасдан қўйдим висолингни ҳам.
Армонларни туйиб, мана, ниҳоят,
Тақдирга тан бердим. Кўзларимда нам.

Кўзим эмас, менинг йиғлайди қалбим,
Юрак ҳам бир меъёр урмайди сира.
Сенга аён эмас сўнгсиз дардларим,
Билмасдинг эканин ҳислар бокира.

Севгандим...Иложсиз ишқимдан кечдим,
Ҳаётга қизиқиш йўқолди тугал.
Севганим – гуноҳим, умидим – айбим,
Ноумид хаёллар бошимда чигал.

Сен бошқа келмайсан – бу менга аён,
Сени эслаганда дардга тўламан.
Кун келиб сен мени қўмсаган чоғинг,
Ҳижрон азобида ўлган бўламан.

(c) 2006

[Mahmud Jurat]

***
Эркни эркинлар билади,
Қуллик не у қуллар билмас.
Эҳ қуллар кўп йўқ адади,
Қулларда ҳеч ҳавас бўлмас.

Қул қалбида зўр очкўзлик,
Пул, маишат унга орзу.
Имкон бўлса қулда зўрлик,
Унда йўқдир тош тарозу.

Қул интилар юқорига,
Унга имкон, илож керак.
Ана энди оч қоринга,
Ютади у ҳатто терак.

Қул мансабнинг асли қули,
Мансабга у минса борми,
Ўзидан ҳам кутар улгу.
Озод қул ҳам асли қулку.
(С)

[Masud Mahsudov]

Сени ўйлаяпман,
Қайдадир сен ҳам,
Олис юлдузларга
Термуласан жим.
Кимнидир кутасан
Интиқиб шу дам,
Мен ҳали билмаган,
Дилгир малагим.

Кичик бир нуқтада,
Жамулжам хаёл,
Йўл қараб чарчаган
Нигоҳинг ғамгин.
Толиққан қарашда
Сон мингта савол,
Ораста қалбингга.
Бермаяпти тин.

Ичинг анор каби.
Қизилликка ғарқ,
Ҳар битта донаси –
Азобинг, дардинг.
Айт нега жим тилинг,
Сарвинози Шарқ,
Бунчалик сабрни
Қаердан олдинг?

Битмас матонат-у
Туганмас тоқат
Ва жиндек табассум
Кўзларингда жо.
Юрагинг ақлингдан
Истайди шафқат,
Ҳар битта зарбаси –
Юзта илтижо.

Бас, етар!
Қийноқли дамларинг
Ортда,
Унутиб ғамларни,
Шодон куламиз.
Эзгуликка тўла
Кўркам ҳаётда
Албатта иккимиз
Бахтли бўламиз...

Соғиниб, ўртаниб,
Энтикиб ёниб,
Сени ўйлаяпман...

(c) 2006

[Aliya]

Biz go'yo...

Biz - go'yo hech kimmiz bir-birimizga,
Ortiqcha bir so'z ham kelgudek malol...
Tutash yo'l bitgandek taqdirimizga,
Bizni bog'lab turar nedir, ehtimol...

Bilmaymiz - qayerda biz uchrashganmiz,
Balki jannatdadir...
Yo koinotda...?
Go'yo bir lahzaga suhbatlashganmiz,
Ming yillar avvalgi o'zga hayotda...

Qiziq, ertaklarga ishonganmidik,
Nur rangida ko'rib taqdirimizni?!
Ko'ngil og'rig'idan yo tonganmidik,
Yoki, sevganmidik bir-birimizni...?

Biz go'yo sevganmiz birimizni...

[Aliya]

Va`da.

Ortiq bitta so'z ham aytmayman Sizga,
Bugun har va'dadan tamom qaytganman.
Bir bor uchrashmagan yillarimizga
Sizga aytarimni yig'lab aytganman...

Ortiq bitta so'z ham aytmayman Sizga,
Gar, malol kelmoqda qalbim salomi...
Mayli, jazo bo'lsin gunohkor qizga
Go'yo Siz qizg'angan sog'inch kalomi...

Ortiq bitta so'z ham aytmayman Sizga,
So'zlarim uvoli tutmasin, hayhot!
Yuragim dor bo'lib bu yetim hisga,
Dilimda o'ladi birgina faryod:

"Men sizni sevardim...
Sevaman hamon..."
Ortiq...
Bitta so'z ham aytmayman Sizga...

[мафтун]

ФЕРУЗАХОН МАРСИЯСИ

(Икром аканинг шеъри)

Қўққис бир юлдуз учди,
Осмонда синди чақмоқ.
жала теккандай ўчди,
Кўнглимдаги шамчироқ.

Синглим, сўнг бор кўзингга
Ботиниб қаролмадим,
Керакмиди ўзимга
Жонимни беролмадим?!

Энди дардим зиёда,
Юпанч керакмас, менга?!
Сен сиғмаган дунёда,
Қувонч керакмас менга!

Бирдан бир ёруғ учди,
Қарсиллаб синди чақмоқ,
Хаёлимдан шу кечди-
Алам, айрилиқ, фироқ...

Феруз, Ферузажоним,
Юрагим йиғлаяпти,
Орзуларим, армоним,
Тилагим йиғлаяпти.

Мусичадай беозор,
Қордай беғубор эдинг.
Қалбинг мисоли гулзор,
Ҳамишабаҳор эдинг.

Ногоҳ бир юлдуз учди,
Бошимда синди чақмоқ,
Юракни армон қучди,
қандоқ чидайман, қандоқ?!

Бу дунё-ку аслида,
Ҳаммамизга мезбондир,
Лекин баҳор фаслида
Гулдай жонинг хазондир.


Гул айланар хазонга,
Сўлмайди тикан, нетей.
Яхшига кун, ёмонга
Ўлим йўқ экан, нетей.

Ёлғиз сени эслайман,
Қўл очган чоғ дуога,
Ёлбораман, йиғлайман,
Эгам қодир худога:

«Энг ёруғ юлдуз учсин,
Синсин, майлига, чақмоқ.
Синглим ризвонга кўчсин,
Илоҳо, омин, Оллоҳ...»

(с) 1996

[Alisher Asror]

QOR

Toshni erituvchi boqishlaringiz,
Kuydirib bormoqda muzlagan tanam…
Kormak umidida tushdib samodan,
Sizning poyingizga yiqildim, sanam.


(C)

[Masud Mahsudov]

Anglatmaydi to'liq bir ma'no,
Qatorlar ham emasdir a'lo,
Men tugarman, tugamas ammo,
Oxiriga yetmagan she'rlar.

Bedor etgan xijronli tunlar,
Xayolimda o'ng bo'lgan chinlar,
Qog'ozlarga tusharmikinlar
Men qalamda bitmagan she'rlar?

Yurak sirin aylabon nihon,
Satrlarda bo’lishib ravon,
Hislarga yo’l berib nogahon,
Aqlni bosh tutmagan she’rlar.

Elchi yo’qdir vazn yurtidan,
So’zlar topib yarim yortidan,
Qofiyaning quvib ortidan,
Ilhomni hech kutmagan she’rlar.

Farhod qolib Majnunga solib,
Oshiq cho’pon nayini chalib,
Qayda yursam yopishib olib,
O’ylarimdan ketmagan she’rlar...

Ming turdagi o’yimni derlar
Oxiriga yetmagan she’rlar...

(c)

[Masud Mahsudov]

Илтимос,
Ўтирмай хаёл пинжида,
Мeҳмон бўлиб кeтгин, майлига, зумга.
Бошим – осмон,
қилсанг қадам ранжида
Кўксимда асраган шинам жойимга.

Илтимос,
Кўз ташла, нигоҳим толган,
Қувонч ҳам, юпанч ҳам ёлғиз фироқдир.
Интиқиш танамни забт этиб олган -
Қалбимнинг ҳудуди сeнга муштоқдир.

Илтимос,
Рози бўл, мeнсиз кeчирган
Ҳижрон азобининг озу кўпига.
Кeл бирга борайлик қолиш-чун абад,
Сeнга кўрсатмаган дилим тубига

Илтимос,
ичингда боғланиб қолган
Турли тугунларни ечиб кeл, гулим.
Қўл силтаб барига,
Бор-будинг ташлаб,
Мeнинг юрагимга кўчиб кeл, гулим.

Илтимос…


(c)

[albatros]

S.ga

Suvsiz sahrolarda sensan soyabon,
Suyukli sanamim soching silayin.
Sabrim sovriladi samoda sensiz,
Sunbul sochlaringni sog'ingan sayin.

Sevgimni sochsada sahrolar sari,
So'nmaydi sevgim-u sog'inchim sira.
Suvlarin sog'ingan sohil singari,
Sarson sevgimizdan sodiqlik so'ra.

(c)

[Alisher Asror]

Мен ўлмайман...
Агар ўлсам,
Чинорларда яшайман.
Инсонларни асрагувчи
Туморларда яшайман.

Мен ўлмайман...
Агар ўлсам,
Юракларда қоламан.
Азиз, Обод, Озод деган,
Тилакларда қоламан.

Мен ўлмайман...
Агар ўлсам,
Гул шоҳида яшайман.
Эрта тонгда куйлагувчи
Қуш оҳида яшайман.

Мен ўлмайман...
Азиз тупроқ
Менинг Она-Ватаним.
Ўлим эмас
йўллар кезиб,
Ватанимга қайтганим.


(C)

[Баходир кушаков]

УЗБЕКИСТОНИМ!
Боболарим юрти гузал диёрим,
Киндик коним тукилган Она Тупрогим,
Сенга бахш этгайман юракда борим,
Шавкатим,шонимсан Узбекистоним.
Ватаним,жонимсан Узбекистоним.

Энг кадим гушасан руи заминда,
Энг улуг инсонлар усди багрингда,
Энг буюк урушлар колди каърингда,
Энг кухна юртимсан Узбекистоним,
Ватаним,жонимсан Узбекистоним.

Энг кадим авлодинг Угузхон асли,
Бу замин наслининг покиза насли,
Сенда намоёндир йилнинг турт фасли,
Фасллар юртисан Узбекистоним.
Ватаним,жонимсан Узбекистоним.

Темурдек Бобомиз дунёни олмиш,
Аллома Навоий тарихда колмиш,
Улугбек илмила хайратга солмиш,
Буюклар юртисан Узбекистоним.
Ватаним,жонимсан Узбекистоним.

Дунёвий илмлар хоконисан,Сен.
Исломий хадислар султонисан,Сен.
Адолат ва хакнинг посбонисан,Сен.
Олимлар юртисан Узбекистоним,
Ватаним,жонимсан Узбекистоним.

Неларни курмади азиз тупрогинг,
Кимларга очмадинг багринг,кучогинг,
Дустларга ишлади козон,учогинг,
Мехмондуст юртимсан Узбекистоним,
Ватаним, жонимсан Узбекистоним.

Шуролар зулмидан кутилдинг мана,
Буюк келажакка тутилдинг мана,
Узбеклар кулига утилдинг мана,
Узбегим юртисан Узбекистоним,
Ватаним,жонимсан Узбекистоним.

Истиклол келгани,муборак булсин.
Дунёнинг билгани,муборак булсин.
Шуролар жилгани,муборак булсин.
Мустакил юртимсан Узбекистоним,
Ватаним жонимсан Узбекистоним.

Санъаткор элинг бор,Сени куйлагай,
Дехконлар халкингни,Сени сийлагай,
Баходир углинг хам,Сени уйлагай,
Бахтлилар юртисан Узбекистоним,
Ватаним,жонимсан Узбекистоним.

Баходир.

[Gulchehra Ibragimova]

Бугун энди қор ҳақида ёзамизми?

Bugun "muz"larning erishi haqida yozamiz:)

***Сизнинг юқоридаги ушбу сўзларингиз "Қурбонгулнинг бисотидан" номли тўпламдан келтирилган ушбу шеърини ёдимга солди:

..Эриб битди оппоқ қорлар ҳам,
Эскирмоқда юракдаги ғам.
Йўлларимга поёндоз шабнам
Ариб борар кўзимдаги нам..

..Дардларимга ошно бўлди куз,
Ой бўлолмас кўкдаги юлдуз..
Бағрим яро бўлса-да сен деб,
Эримади кўксингдаги муз..

.. Кўнгилда йўл бордир сен томон
сенга элтар йўл ҳам музлама..
Уф, қахрингдан толиқдим ёмон -
Мен ҳам кетдим, етар излама..

..сенга борар йўллар музлама
эритолмас, ўтлар, оташлар..

[Alisher Asror]

Музлама-ё , музлама,
Гапни бунча тузлама.
Эритолмас оташ , деб,
Сен ўзгани кўзлама.

Музлама йўл, музлама,
Сен баҳона излама.
Истаган дил топишар,
Муз кўнгилдан сўзлама.

:)

(С)

[Gulchehra Ibragimova]

Муз кўнгилдан сўзлама.



"Деталь" яна "муз"ми? http://uforum.uz/images/icons/icon7.gif Муздан давом эттираверамизми "мушоира"ни? Ё.."Қуёшли кун"лар мавзусига ҳам ўтамизми?http://uforum.uz/images/icons/icon7.gif

[Alisher Asror]

Unda...

Bahordan de , mayli, bo'lsada ertak...

[Gulchehra Ibragimova]

Unda...

Bahordan de ..mayli, bo'lsada ertak...

Рост гап- эртак ўқимай қўйдим,
Маталларнинг асоси - ёлғон.
Ёлғонлардан чарчадим, тўйдим,
Билмам кўнглим нимадан қолғон..

..Эртак ўқиб берарди бувим,
О, болалик асалдан ширин.
Тугар эди эзгулик билан,
Ким билибди улғайиш сирин..

Қачон катта бўламан, дердим,
О, улғаймоқ бунчалар азоб..
Баъзан ютдим, баъзан бой бердим,
Эҳ, бу йиллар бунчалар каззоб!

Яхши ўтган ҳар куним байрам,
Сенга етар онларим эртак..
Бағрим бут эт, эй Соҳиб Карам
Гуллар келтир менга бир этак..

..афсус баҳор ўтиб бормоқда..
...учта ниҳол шукр, боғимда.
Майли куз, қиш меники бўлсин,
Улар унсин қалб ардоғимда..

...энди мен ҳам эртак тўқийман
рост айтсам ҳам ишонмас болам..
Энди менга қилади алам
Ҳаммасига ишонар - Қ А Л А М..
ҲАММАСИН ЖИМ ЁЗАДИ ҚАЛАМ..

[Баходир кушаков]

Адолат ва хакнинг посбонисан,Сен
Курмадим дустлар хаётда,ахли жахондин окибат,
Алданиб хар бир кадамда,ёлгон замондин окибат.
Яхшилик килган кишига,маломат килдилар,хатто,
Айланиб боргил дуконга,кетмиш дукондин окибат.

Дупписин сурсанг бировнинг,бошини келтирадур,
Очофатга гап гапирсанг,тухтамай еб турадур,
Бир бирин сотган ёронлар,ёнма ён ултурадур,
Чог казир дустига зимдан,кетмиш ёрондин окибат.

Бу ажиб дунёга бирров,келиб кетгай хар киши,
Бу ёруг олам омонат,колар килган яхши иши.
Дер Баходир бермасин озор,хеч кима чаён ниши,
Во ажаб,чакмасмиш у хам,кетмиш чаёндин окибат.

Баходир.

[Aliya]

Дил дафтари.

“Ассалом...
Мен келдим...
Кўнгил уйингга...
Қалбингни оча қол...”
Сен жимсан бироқ...
Мен гўё ўткинчи – дил кўчасида,
Меҳрингга зорман...
Сен – ҳеч кимсан бироқ...

Кўнгил диёрингнинг дарвозаси берк,
Гўё, саҳифаси тугаган дафтар.
Мендан битта сўз ҳам ортиқча энди,
Тўкилмай кетмоқда дилимдан дардлар.

Сенинг дил дафтаринг қордек беғубор,
Ҳусниҳат дарсида, балки, ғолибсан.
Мен ҳаёт дарсидан қувилган бўлсам,
Сен эса омади чопган толибсан.

Мендан кечмоқликни ўргандинг осон,
Шошиб кетмоқдасан омадинг сари.
Мен - сафар бошида қолган бир мағлуб,
Сендан кечолмадим Сенинг сингари...

Менинг дил дафтарим ҳали-ҳамон бўш,
Бирор сўз битмоққа кўзим қиймайди.
Бўм-бўш саҳифалар дарддан тўлса ҳам,
Тўлмаса ҳам, балки, ҳеч ким билмайди...

Лабларим куйдирар айтилмас сўзлар,
Бўғзимни ёндирар дард-у аламим.
Ёзсам, оғриғимдан дунё тўлади,
Лекин...
Юрагингда кетган қаламим...

Дил дафтарим эса ҳали-ҳамон бўш...

[Aliya]

..Эртак ўқиб берарди бувим,
О, болалик асалдан ширин.
Тугар эди эзгулик билан,
Ким билибди улғайиш сирин..

Shunday go`zal ertak uchun afsonaviy gullar!

http://i005.radikal.ru/0802/c5/3baef3c9d716.jpg

[Gulchehra Ibragimova]

Shunday go`zal ertak uchun afsonaviy gullar!


Шаҳнозабону, раҳмат бу қадар эътибор учун! Ман ҳам "қарз"имни бир кун узиб қўярманhttp://uforum.uz/images/icons/icon7.gif

[Gulchehra Ibragimova]

Дил дафтари.

“Ассалом...
Мен келдим...
Кўнгил уйингга...
Қалбингни оча қол...”
Сен жимсан бироқ...
Мен гўё ўткинчи – дил кўчасида,
Меҳрингга зорман...
Сен – ҳеч кимсан бироқ...



..Мен асли сен учун ҳамон ҳеч кимман,
Сен ҳамон ўшасан,
Ўша-ўшасан!.
Ўтгувчи кунларнинг тенг ярми туман
Сен ҳамон умримга армон қўшасан..

https://img.uforum.uz/images/lksfxvs6805044.gif
..Узоқ "қарз" бўлиб юргим келмади..

[Aliya]

..Мен асли сен учун ҳамон ҳеч кимман,
Сен ҳамон ўшасан,
Ўша-ўшасан!.
Ўтгувчи кунларнинг тенг ярми туман
Сен ҳамон умримга армон қўшасан..

..Узоқ "қарз" бўлиб юргим келмади..

Lolalarni juda yaxshi ko`raman. Atirgullardan ham ko`proq. Lekin bu haqida hech kimga aytmagandim. Juda xursand bo`ldim. ))

[Alisher Asror]

Hayr demoqlik mushkul,
Indamay ketgan qancha...
Sen doimo xursand kul,
Men yodingdan chiqquncha.

Hayr demoqlik qiyin,
Indamay ketish qulay...
Hafa bo`lmagin - suyun,
Mendaqalar ko`p - talay.

Hayr demoqlik og`ir,
Indamay ketganlar ko`p...
O`ylanma ezma bag`ir,
Sog`insang sh`erlarim o`p.


(C)

[albatros]

Sendan kutdim...
Kelmadi sado.
Otash yurak, qoldi mung'ayib,
Ishqimni sen etdingku ado,
Aytgin nedir, mendagi ayb.

Nahot kerak qalbdagi ohim,
Nechun menga bergaysan ozor?
Sevganimmi...
Mening gunohim,
Maqsading ne, aygin ey dildor?

Qalbing seni shunchalar toshmi,
Yoki tog'mi sendagi bardosh?
Ko'zlaringda yolg'onchi yoshmi,
Nahot yo'q bu, ko'nglingga quyosh?

Zor kutganda kelmasang qaytib,
Senga berkdir sevgi yo'lagim.
So'ng tavba qil, uzrlar aytib,
Kechirmagay aslo yuragim!

(c)