Шеър азиз олам аро...

[Masud Mahsudov]

Ko'ngling g'ash,
Negadir ko'zlaring mayus,
Xo'rsinib kuningni varaqlaysan jim.
Dardlaring aytgani topolmaysan do'st,
So'ngsiz so'roqlarga chiqmaydi yechim.

So'z deging kelmaydi istiholadan,
Garchand eshitguvchi yoningda bisyor.
Hech kim-la bo'lishmas bunday sir-asror,
Bor bo'lar ekanmi har qiz bolada?!

Boshingni chigalga to'ldirgan o'ylar,
Quvnoq kayfiyatning yo'lin to'sadi.
Notanish tuyulgan g'alat tuyg'ular,
Chiqolmas xayoling iskanjasidan...

Jimsan...
Sokinlikning tubsiz qa'riga,
Yashringan sog'inchmi, nolami, o'kinch?
Orzular yetaklar qayon sariga?
Ne chuqur daryosan, oqayotgan tinch.

Mayli, bahorlarni ko'rmayin boshqa,
Mayliga, tikonga to'lsa ham yo'lim.
Shubhayu gumonni solmasin boshga,
Qalbingga hech g'ubor qo'nmasin, gilim.


(c)

[Masud Mahsudov]

Kel,
Hassos yuragim senga intizor,
Ming yillar yo'qotgan halovatini.
Kelaqol, u yerda yaratgin gulzor,
Eshitmay o'zgalar malomatini.

Kel,
Kaftim poyingga poyandoz etay,
O'stirganim-guldan yasab guldasta.
Qay zamon kelasan?
Men qachon kutay,
Ko'zimga izlaring etib payvasta.

Kel,
Intiq dilimni o'rtamay, yoqmay,
Xijron olovlari kuydirgan - yetar.
Men tomon qadam bos,
Ortingga boqmay,
"Bugun" kerakroqdir,
"Kecha"-chi, o'tar.

Kel,
Orzu-havasing bosib ko'ksingga,
Hech kimga ko'rsatmay, o'zimga keltir.
O'ngla xayolimni - aylantir chinga,
Tashrifing bilan bo'sh hayotim to'ldir.

Kel,
darding alaming chetga qo'y,
Quvna,
La'li lablaringdan tomsin tabassum.
Qadam ranjidangdan olam quvonar,
Gulim, nozik qalbing bunchalar ma'sum...

Kel, mezbon kerakdir ko'ngil uyimga,
Qayg'ularni tashlab, baxtga to'lib kel.
Manglayda bitilgan taqdir yo'limga,
Qaytar yo'lovchimas,
Qaytmas bo'lib kel...

(c)

[Masud Mahsudov]

Qayerdadir iqbol egasin izlab,
Topolmay havotir kezar dunyoni.
Tuganmas mehning konini ko’zlab,
Qidirar gulimni – mehridaryoni.

Qayerdadir orzu orziqib, to’lib,
Ro’yobi sariga uchmoq istaydi.
Qaniydi, charx urib, parvozlar qilib,
Qanotida meni olib ketsaydi.

Qayeradir visol ko’zi nigoron,
Firoq kunlarini yirtib boradi.
Yaldo kechasidek uzun zimiston
Ortidan subhidam - tongni ko’radi.

Qayerdadir sog’inch ichin kemirib,
Kezmoqda darbadar so’roqlab yorin.
Bedor tunlar uzra hadsiz o’y surib,
Qizg’onar oydan ham go’zal dildorin.

Qayerdadir, baxtning ostonasida,
Bir qiz o’y suradi intiqqancha jim.
Bilmas u, taqdirim koshonasida,
Kutganin sog’inib uni yuragim…

(c)

[Masud Mahsudov]

Ummonning yuzida qalqigan muz tog' –
Armonli xislardan muzlab qolgan men.
Quyoshning mehridan olgancha saboq,
On sayin, kun sayin erib boramen.

Garchand boshim dengiz ustida mag'rur
Tursa ham,
yashirib olganim - tanam
Zalvorli iztirob yukini olib shu
Cheki yo'q suvlikni kezar betinim.

Dardim qolib ketar,
Azoblar bitar,
Eniga o'sadi alamning bo'yi.
Ko'ksimda darz asta qalbimni sitar,
Tugab borayapman mana shu kuyi.

Bilmam, yashashimda nimadir g’oya,
Bilib, qasd qilmoqmi o’zin joniga.
Ko’zimning yoshidan yaralgan qoya
Balki qaytmoq istar asli holiga.

Mayli, orolgacha bormasam yetib,
Mayliga, sho'r suvning zahrini yutsam.
Roziman, bug'lanib, uchib, suvlanib,
Ziyoga talpinib yo'q bo'lib ketsam...

(c)

[Masud Mahsudov]

Tungi osmonimni bezar yangi oy,
Ichim to’lib ketgan yaxshi niyatga.
Orzu-havaslardan qidirib chiroy,
Ruhim talpinadi abadiyatga.

Shukr, imonimdan ishtiboh yiroq,
Gunohning zalvori tortmas oyoqdan.
Har tong duo aytib, olaman maroq
Uzoqda charaqlab turgan mayoqdan.

Peshonam yulduzi hiloldek go’zal,
Yaratgan manglayim yorug’ yaratgan.
Tashakkur, munavvar taqidiri azal
Yuzimni tuganmas nurga qaratgan…

Gumroh xayollarim ketgan tark etib,
Tabarruk maqsadlar bezar qalbimni.
Yorug’lik dilimning tubiga yetib,
Himmat tuyg’ulari kezar qalbimni.

Konglimga ezgulik murodin o’rab,
Suv kelsa simirib, tog’ni yoraman.
Qilgan xatolar chun Haqdan avf so’rab,
Mangulikka qadam bosib boraman…

Tunggi osmonda-chi, kular yangi oy,
Beqiyos jamolin zo’rg’a ko’rsatib…

(c)

[Masud Mahsudov]

Qalbim timdalandi;
sizib chiqar qon,
O’ylamam bext nedir, nima halovat,
Garchi sadoqatdan tutsam-da, qalqon,
Yuragimni teshib chiqdi hiyonat.

Balki tunlar bedor,
chashmlar tinib,
Men kabi xijronda yonmagandirsan.
Xudoga yolvorib, so’rab, o’tinib
Dard yutib, yutoqib, qonmagandirsan.

Balki, sog’inch hissi senga begona,
Iztirob kalomi lug’atingda yo’q.
Orzu-havas boshda emas parvona,
Faqat dud;
oloving qoldirmagan cho’g.

Balki, niyatlarim sening hududing,
Hatlab o’tmagandir xatto bir bora.
Vafo umr mazmuni bo’lgan hayotda,
Saodat neligin bilsayding, zora.

Balki sen muhtoji bo’lgan mehrni,
Bera ham olmadi she’rim, soz’larim.
Yo, balki, ko’mirga aylangan durni,
Marjondek ko’rgandir yanglish ko’zlarim.

Balki, balki…lardan ezilgan dilim,
O’chirmoq istaydi ko’ksda dog’imni.
Ko’rasan, isbot ham etarman balkim,
Teshik yurak bilan yashmog’imni…

(c)

[Masud Mahsudov]

Qanchalardan beri kutganim,
Yurakni qo’sh qo’lda tutganim,
Gullaganim - chamanim manim
Bahor meni ketmoqda tashlab…

Baxt – men, dedim,
Baxtiyor edim,
Tugamasdek tashlardim odim,
Mana, endi, o’tiribman jim,
Ketar bahor, ko’nglimni g’ashlab…

Kiprigimni ivitar yomg’ir,
Peshonamni yuvadi taqdir…
So’ngigacha yashirib bir sir,
Ketar bahor…
ko’zlarim yoshlab…

Kunlar sayin bo’lib begona,
Tushunmayin qalbi adoni,
O’zi bilan olib saboni,
Ketar bahor dardimni boshlab…

Orzu vayron,
umidlar maxzun,
Dilga solib yechilmas tugun,
Tark etmoqda bahorim bugun,
Qo’llarida armonim ushlab…

Bahor meni ketmoqda tashlab…
(c)

[Masud Mahsudov]

Ko’zlarimga kelmayapti yosh,
Garchi ichim yig’lamoqda zor.
Xo’ngramoqqa yetmaydi bardosh,
Ruhim zaif, tanam bemador…
Dardim bisyor,
Alam beme’yor,
Qancha gapni ko’nglimga oldim.
Orzularga o’ralib takror,
Armonlarga aylanib qoldim

Ko’zlarimga kelmayapti yosh -
Ham tilimga chiqmaydi ohim,
Shaytonlarga bo’lganman yo’ldosh -
Avfin kutar qancha gunohim…
Haqdan so’rab asil panohim,
Tunlar o’tar - qo’lim duoda
“Sevganlardan qilgin,
ilohim,
qalbsiz o’tmay yorug’ dunyoda…”

Ko’zlarimga kelmayapti yosh –
Dil tubida vulqon qaynaydi.
Garchand yuzda kulsa-da quyosh,
Qorong’ulik ko’ksim qiynaydi….
G’ijimlaydi,
O’rtar,
Tirnaydi,
Amalini topmagan o’ylar.
Xayollarim sarhad bilmaydi.
Havas to’gi ko’klarni bo’ylar…

Ko’zlarimga kelmayapti yosh -
Halovatin izlaydi yurak…
Topolmayin o’ziga sirdosh,
Osmonlarni ko’zlaydi yurak…
Orziqqancha bo’zlaydi yurak,
Qiynoqlarni sezmyadi yurak,
Imonimdan ziyo axtarib,
Umidini uzmaydi yurak…

Ko’zlarimga kelmasa-da yosh…
Ichim daryo bo'lib ulgurgan...

(c)

[Masud Mahsudov]

Adashgan qush..

Sabotmi?
Yo’q, menga nasib etmagan,
Nafsim boshim yeydi - o’zimga dushman.
Kuzda sheriklar-la uchib ketmagan,
Jonini o’ylagan jonsarak qushman…

Nomimni o’zim ham bilmayman xatto,
Holimga monand ot qo’yaman, ba’zan.
Qilgan ishim to’g’ri – ko’rinmas xato,
O’zim turgan shoxni o’yaman ba’zan…

Chittakman - turolmam, so’zim aytmasam,
Dumim likillatib saqlayman jonim.
Ne qilay, shusiz bir kunim o’tmasa,
Inimda ko’z tikar polapon, xonim…

To’timan, o’z tilim unutib butkul,
O’zgalar nutqiga aylayman havas.
To’g’ri-da, shu bilan yechilar mushkul –
Vaqtida don-suvim ichib, yesam bas.

Chumchuqman – chaqimchi,
Kasbim yoqadi,
Haqmi u, nohaqmi, aslo qilmas farq.
Tomirda xasadgo’y qoni oqadi,
Istagan g’animni cho’ktiraman g’arq…

Sorman – vaqtin poylab, qulay zamonda,
Bechora jo’jaga changalin solgan
Kayfu safoga boy yorug’ jahonda,
Tayyorga ayyorlik nasldan qolgan…

Beozor qushchaman – musichadirman,
Ne bo’lar atrofda, qiziqmas menga,
Olamda benavo,
beso’z taqdirman,
Sen menga tegma va tegmayman senga…

Niyat qilgan edim bo’lib qaldirg’och,
Qut va barakani elga ulashgan.
Achchiq haqiqatdir, haq uchun xiroj –
Dumimni ilonlar uzib olishgan…

Burgut bo’lmoqchiydim - yozmagan ekan,
Manglayga.
Nima ham qilardim, yo rab,
Qanot qirqiq, tumshuq bog’langan mahkam,
Turibman jarlikda, osmonga qarab…

Katta bo’lsam, orzum bulbullar edi,
Chamanlar makonim shubhasiz, derdim.
Endi zabon yig’lar, navolar o’lgan,
Gulimni yo’qotdim,
Gulzorim berdim…

Issiqsevar qushman, ketaman kuzda,
Ko’klam ortga.
Yo’q hech IN degan tuyg’u,
Xavfni sezsam, qarshi chiqmayin tezda,
Qochaman,
Uchaman -
Eng to’gri yo’l shu…

Sabotmi?
Yo’q, menga nasib etmagan…

(с)

[Masud Mahsudov]

Qalbim tun qo’ynidan qidirar ziyo,
Umidga g’arq bo’lgan bedor ko’zlarim.
Umrim zulmatlardan yaralgan go’yo,
Nurdan bebahradek aytgan so’zlarim…

Qorong’u osmonning sarhadlarida,
Oy edi, kutganim – yakkash ilinjim…
Mana,
Ko’z tikkancha kundan narida,
Yorug’lik qidirib, o’tiribman jim…

Ul yog’du – sustlashib qolgan imonim,
Zimiston – ortimdan ergashgan gunoh.
Xatolar tinmasdan yoqadi jonim,
Bariga Allohdan so’rayman panoh…

Tong yaqin,
Ko’nglim ham sezib turibdi,
G’aflat uyqulari menga begona.
Tanamda nimadir kezib yuribdi,
Orzu-havaslarim boshda parvona…

Garchand bugunlarim mavhum o’tsa-da,
Ertam tonggi shabnam qadar jilvagar.
Qaydadir, ezgulik ostonasida,
Yaxshi amallarim tugmoqdadir zar…

Qalbim tun qo’ynidan qidirar ziyo…

(c)

[Masud Mahsudov]

Yomg’ir shivalaydi…
So’ng’siz sukunat…
Asrdek tuyular har o’tgan onim.
Dardlarim kimgadir aytmog’im fursat –
Sassizlik o’ymoqda tilingan jonim.

Yomg’ir tommoqda-yu,
qalbim yonmoqda,
Tomchilar otashni so’ndira olmas.
Tanam ruhim azobidan tonmoqda,
Tubi yo’q jimlikka asab chidolmas…

Yomg’ir bildirmaydi,
ko’zimdan zo’rg’a chiqa boshlayotgan
alamli yoshim.
Balki u sinamoq istab qolgandir,
Tugab borayotgan metin bardoshim

Yomg’ir yuzlarimda qoladi to’xtab,
Sochim ivib ketgan – parvoim palak,
Qiblasin yo’qotgan derveshga o’xshab,
Urish-urmaslikni bilmaydi yurak…

Yomg’ir, tinim bilmas,
Yog’averadi,
Fasllar almashar, o’tadi yillar.
Osmon o’z suvini so’gaveradi,
Ayro tushganida qo’shaloq yo’llar…

Mayus termulaman…
Tun bilan birga,
Xayolim yomg’irga qo’shilib ketdi…

©

[Masud Mahsudov]

Tun o’tmoqda;
imillaydi vaqt,
Qalb bedorlik qo’shig’in kuylar.
Qayerdandir kutib yashar baxt
Yechimini topmagan o’ylar…
Ketar xayol osmonga uchib,
Goh zulmatga bo’laman taslim.
Tushlarimda yerlarni quchib,
So’ng o’ngimda topaman aslim.
Uyg’oqmanmi, uxlaganmanmi,
Bilolmayman; boshlarim garang.
Alamlardan yongan tanamni,
Umid ushlab turibdi arang.

Tun o’tmoqda,
Chiqillar soat,
Millarida umrim tortqilab.
Hech narsaga etmay itoat,
Ba’zan urib, ba’zida silab.
Barchasiga bu yurak chidar,
Ortib borar ortiga g’amni.
Bo’lsa zulmatlar haminqadar,
Shuncha yorqin yoqadi shamni
Charchamaydi,
Shukr,
Uradi,
Haq belgilab bergan ongacha,
Hovuchimda davron suradi,
Balki yillar,
Balki tonggacha…

Tun o’tmoqda,
O’tmoqda hayot,
Zimistondan ziyoni izlab…
Saqlayapman mushtumdek jonim,
Kimni senlab, kimnidir sizlab…
Imonim-chi, oriqlab ketgan,
Nur qidirar tunda tentirab.
Bilmam, qancha kechalar o’tgan,
Qo’llarimni manglayga tirab…

Tun o’tmoqda,
Subhidam yaqin,
Quyoshlarni sog’inib ketdim…


(c)

[Masud Mahsudov]

O'zim juda yoqtirgan she'rlarimdan biri...


Siz uxlaysiz…
Qaydadir bir dil,
Tuni bo’yi
Sizni o’ylaydi.
Xayolida balki
U ko’ngil
Sirlarini
Sizga so’ylaydi…

Siz uxlaysiz,
Tinch ham osuda,
Tushingizda
xatto jilmayib.
Havasimni
keltirar juda…
Uyg’otmoqlik–
go’yo bir ayb…

Siz uxlaysiz,
Ma’sum, beg’ubor,
Osmonlarni,
Kezib ro’yoda
Ayni damda,
Qaydadir bedor,
Kimdir o’ylar
Sizni dunyoda…

Siz uxlaysiz…
Sezayapsizmi?
Oy ham so’nib,
Quyosh qaytmoqda…
O’sha kimdir,
Sizni topgan-chun,
Yaratganga
shukr aytmoqda…

Siz uxlaysiz…
kimdir uyqusiz…
Sizga alla aytar ichida…


(c)

[Masud Mahsudov]

Kunning yuzi kular –
Yuragim hafa…
Oftob charaqlaydi –
Menda zim-ziyo.
Inson qadri yerga urilgan da’fa,
Qorong’u ko’rinar ko’zimga dunyo.

Ne sabab yaxshilik gullari so’liq,
Zalolat tomiri ketmoqda o’sib?
Xasadning mevasi yetilib bo’liq,
Quyoshning nurini oladi to’sib?

Ne uchun imonning charog’on nuri,
Umrimiz yo’lini yoritmay qo’ygan?
Hayotning bezagi - insofning shuuri,
Jaholat o’tida yonmayin kuygan…

Nega ezgulikning umri muxtasar?
Mehrning kulbasi mukammal emas?
Moziyga zumga-da etmaymiz safar,
Ziyoli insonga qilmaymiz havas?

Savollar, savollar…
Topmaydi yechim,
Ilojsiz, qog’ozga so’ylayman dardim.
Imkoni bo’lsaydi, o’zimdan kechib,
Mangulik bag’riga singib ketardim…

Kunning yuzi kular…
Menda zim-ziyo…

(c)

[Shokir Dolimov]

Ўхшата олдимми-йўқми, билмадим. Юракдан чиққан сўзларни ҳукмингизга ҳавола этмоқдаман.

МЕНИНГ ДАДАМ ОФИЦЕР

Боғча опа бизни аранг
Базўр тўплаб олишди,
«Ота касби» мавзусида
Қизиқ суҳбат бошлашди.

- Қани келинг, болажонлар
Фикрни аста йиғинг,
Қайда ишлар дадажонлар
Шошилмай баён қилинг.

Ҳовлиқиб турди Аҳрор
Ўнг қўлини кўтариб,
- Менинг дадам шифокор!
Эълон қилди гердайиб.

- Сизга айтсам, оҳ дўстлар,
Совуқ сув ичманг зинхор,
Сўнг дадамга учраманг
Боплаб қилади укол.

- Менинг дадам тракторчи!
Керилди дўстим Али,
- Менинг дадам футболчи!
Деди боғчадош Вали

«Пахтакорда» дадажоним
Ҳар кун копток тепади,
Гол уролмай дарбозага
Роса хуноб бўлади.

Хуршиджоннинг дадаси
Жуда машҳур қурувчи,
Комилжоннинг дадаси
Оддийгина ҳайдовчи.

Дадаси билан Мурод
Очар зўр бир кашфиёт,
Шохистанинг дадаси-чи
Адолатли милициячи...

Ҳайратланар боғча опа
Қалби қувончга тўлди.
Оталарни олқишлаб,
Суҳбатдан мамнун бўлди.

Аста келиб ёнимга
Бошимни силаб, деди:
- Қани айтчи Бобуржон
Даданг касби нимади?

Қолдим бир оз ўйланиб,
Сўнгра гапим бошладим.
Киссамдаги юлдузчани
Авайлаб қўлга олдим.

- Менинг дадам офицер!
Ҳамма менга юзланди
Ишларин суриштирсам,
- Ҳарбий сир, - деб кулади.

Ҳар кун тонгда, мен турмасдан
Ишга кетиб қолади,
Баъзан эса сафарларда
Хафта, ойлаб юради.

Қоронғи тунда бирдан
Телефон жиринглайди,
Дадажонимни ишга
- «Келинг» деб тайинлайди

Ойим ширин таомларни
Бизга роса тайёрлар,
Кечалари ухламасдан
Дадам йўлини пойлар

Шохсанам синглим билан
Биз ҳам йўлга қараймиз,
Сафардан қайтиб келса
Ичимизга сиғмаймиз.

Ойим билан синглимга
Олиб келибди лола,
Менга эса тошбақанинг
Учтасин қилди совға

Нима ишлар қилишини
Дадам хеч хам айтмайди,
- Катта бўлсанг албатта
Сўйлаб бераман, - дейди.

Шу пайт боғча опамлар
Мени қучиб, ўпдилар
- Бобуржоннинг дадасини
Мен танийман, -дедилар.

- У киши зўр паҳлавон,
Энг меҳрибон, мард жангчи
Бу тинчлик ва тотувликка
Асли улар сабабчи.

Ўлкамиз осмонида
Самолётда учишар,
Чегарамиз ёнида
Жуда сергак туришар.

Бошқаришар қўшинларни,
Юртни жуда севишар,
Атрофдаги ёвуз ёвлар
Ундан жуда қўрқишар.

Уйимизга келибоқ
Дадамни қучиб олдим,
Бугун унинг сирини
Боғчада билиб олдим.

Саккиз қирра юлдузларга
Яна бир бор қарайман,
Катта бўлсам ҳарбий сирга
Мен ҳам эга бўламан.

[Masud Mahsudov]

Yuragimda bir tugun,
Negadir yecholmayman.
Ichimdagi dardimni
Hech kimga ocholmayman,
Yechimga zor holimni,
Ayta olsaydim zora,
Qalbim chiqib ziyoga,
Qiynalmasdi, bechora.
Atrofimda ming odam –
Arzigulik so’ylasam.
Nima qilay, o’znimas,
O’zgalarni o’ylasam.
Do’stlarim ko’p,
barchasin,
Ziyodi bor, kami bor.
O’zlariga yetgulik,
Tashvishi-yu, g’ami bor.
Bir tugunim mingtaga,
Bo’lishimdan ne foyda?
Yaxshisi, saqlay sirim,
Hech kim bilmagan joyda.
Dilim tubi changalzor,
Adashasiz kirsangiz.
Sinoatim intizor,
Dardkash kutar bilsangiz.
Chiqarishga yo’q xohish;
Ko’ksim qur’gur qiynaydi.
To’g’ri kelgan odamga,
Aytishga ko’z qiymaydi.
Hassos yurak,
qon yurak,
Ko’kni tutar faryodi.
Chigallarga kon yurak,
Yagonadir dunyoda…

Chap ko’ksimda bir tugun,
Hech kimga ocholmayman…

©

[Masud Mahsudov]

Majnun aytar, menga davo kerakmas…
(Qo’shiqdan)

Ko’nglim aytar, menga darmon kerakmas,
Ishqdan paydo bo’lgan armon kerakmas.
Iztiroblar makon qurgan yurakka,
Tuyg’ulardan o’zga farmon kerakmas.

O’zga yurtda ming teng bo’lsin sherlarga,
Oshna bolsin, o’rtoq bo’lsin zo’rlarga,
O’z zabonin qadrin ursa yerlarga,
So’zi chechan, tili biyron kerakmas

Ortdan g’iybat qilib o’ngim, so’limni,
Yaxshi kunda tutib hotam qo’limni,
Kulfatimda yolg’izlatsa yo’limni,
Qadrdon-u, do’st-u, yoron kerakmas.

Mayli bezab tursin so’ngsiz nazokat,
Nur taratsin yuzlaridan nafosat,
Bo’lmas ersa qalqon unga sadoqat,
Menga unday oromijon kerakmas.

E’tiqodin saqlasa tor qafasda,
Jannat sayrin qilmas orzu-havasda,
Haqni yod olmasa har nafasda,
Zohir zangin, botin vayron kerakmas…

Kibr-havo osmon qilib tashlasa,
Manmanlikni izzat deya boshlasa,
Miskinlarning ko’zlarini yoshlasa,
Dilga riyo kabi qalqon kerakmas…

Umrim tashkil bo’lsa faqat ozordan,
Kelmas bo’lsam erta-yu kech bozordan,
Gulmas, tikon o’sib chiqsa mozordan,
Ortimdan hech ohu-fig’on kerakmas

Sevmas bo’lsam,
Sevilmasam,
Kulmasam,
Muhabbatga, zavq-u, shavqqa to’lmasam,
Taqidrimdan rozi bo’lib o’lmasam,
Hayot nima, yorug’ jahon kerakmas…


(c)

[Shokir Dolimov]

Асосан севги-муҳаббат туғён тортган ушбу саҳифаларга қатағон йилларининг қурбонлари эмас, айнан ижрочилари ҳақида мавзу ташласам тўғри келармикан?

[Masud Mahsudov]

Асосан севги-муҳаббат туғён тортган ушбу саҳифаларга қатағон йилларининг қурбонлари эмас, айнан ижрочилари ҳақида мавзу ташласам тўғри келармикан?

Agar she'r ko'rinishida va o'z ijodingiz bo'lsa, bemalol, marhamat...

[Shokir Dolimov]

Agar she'r ko'rinishida va o'z ijodingiz bo'lsa, bemalol, marhamat...
Албатта! Марҳамат, бир қулоқваччанинг гаплари.

ЙЎҚ ЭНДИ ҒОЯ

Бекатда турарди ёт бир қария
Ҳассага таянган, қариган инсон.
Билмадим нимаси кўринди менга,
Тикилиб қолибман ўйланиб бир он.

Ишга келибманки, фикрим ўшанда,
Уйда ҳам ҳеч бир гап қулоққа кирмас,
Унинг савлати, ажинли юзи
Ва айниқса нигоҳи хаёлдан чиқмас.

Турарди бекатда атрофга қараб,
Қаерда эканин тушунмагандек,
Гўё бургут-у, лек кексаликдан
Манзилга етмай, мажбур қўнгандек.

Нимани ўйларсан шу тоб қария?
Нигоҳинг маъносин тушуниш қийин.
Ҳаётинг тонгида йўлга чиққан-ча
Қай бекат томон йўл олган эдинг?!

Эсларсан эҳтимол ёшлигинг ҳозир,
Йўлланма, ғоялар берган зотларни?
Шу ғоя йўлига тўғоноқ бўлган,
«Босмачи» бобомни қувган кезларни?

Ёдингга тушгандир сен қурган бир уй
«Колхоз» деб аталган – мажбурийхона
«Қулоқларга» қарши қонли курашга
Даъват қилган у мавҳум ғоя

Тўғри бўлганми шу ғояни деб,
Юмалоқ бўлса-да, сен ёзган бир хат?
Қўшнининг боласи етим қолди-ку!
Виждонинг қийналар қилмишинг эслаб?

Қалтироқ босар-ми қўлларинг сени
Тепкини босганинг эсласанг ҳар дам?
Кафансиз кўмилди «ҳалқ душманлари»
Ғоя сени мажбур қилган бўлса ҳам.

Жаҳонга ҳам олиб чиқмоқчи эдинг
Ғояни экспорт қилмоқчи бўлиб,
Афсусда сарсон фикр-у хаёлинг
Ғоя пуч эканин англамай қолиб.

Ачингандек бўламан, ёш бўлсам-да ҳам,
Бу чол кечирган ҳаётни ўйлаб,
Назаримда у ҳам тушди шу кўйга
Бекатнинг номига тикилиб қараб.

«Мустақиллик майдони» ёзилган эди,
У интилган бекат умуман бошқа,
(Номини тилимга олгим келмайди)
Бекати топилмас, йўқ энди ғоя!

Нимадир пичирлаб кетади нари
Бекатнинг номига яна бир қараб,
Нафаси бўғилар юргани сари,
Алжираб, қалтираб, бошини чайқаб.

- Наҳотки адашдим, -дейди қария,
- Наҳотки алдашди йўл кўрсатганлар,
Муқаддас эди-ку менга у ғоя
Қай томон йўл олди энди одамлар?!

Тикилиб қарадим чолнинг кетидан
Ҳаётим маъносин ўйлайман бехос,
Адашиб, шу кўйга тушиб қолишдан
Оллоҳнинг ўзи айласин халос.

[OmoN]

ЙЎҚ ЭНДИ ҒОЯАжойиб...
"Босмачилар ўзи қаерни босиб олишган эди?" деган савол ҳеч ҳаёлимдан кетмай қолди.

[Ustoz]

Ko’nglim aytar, menga darmon kerakmas, Ishqdan paydo bo’lgan armon kerakmas. Iztiroblar makon qurgan yurakka, Tuyg’ulardan o’zga farmon kerakmas.
Masudjon, bunaqa gaplarni qayerdan olasiz, she`rlaringizga qoyilman, men o`z she`rlarimni shu yerga qo`ymoqchi edim, siznikini kor`ganimdan keyin o`zimnikini qo`yishdan voz kechdim, ijodingizga rivoj!

[Masud Mahsudov]

Qayerdadir notinch kezar xayolim,
Nimadir yo’qotib qo’ygandek bejo…
Tumanlardan boshi garang iqbolim,
Ziyoni qidirib, qilar iltijo…

Qayerdadir qismat yulduzim porlar,
Garchi ko’zlarimdan judayam yiroq.
Bilmadim, qachon u o’ziga chorlar…
Bilganim – oxiri ko’rinmas firoq…

Qayerdadir mayus kezar darbadar,
Mehrsirab qolgan oshufta ko’nglim.
Kimdandir kutgancha sog’inchli xabar,
Taqdir yo’llariga termulmoqda jim…

Qayerdadir bahor gullarin ochib,
Yo’limga poyondoz etmoqqa tayyor…
Minglab qahratondan necha yil qochib,
Umrim ko’klamlarga bo’lgan intizor.

Qayerdadir meni izlab, intiqib,
Ba’zan o’ychan,
baz’an parvoyi palak - .
Ba’zida siqmagan jonini siqib,
Hadik ham sog’inch-la urar bir yurak…

Qayerdadir, xayol iskanjasida,
Ruhim sog’inchlarga ko’milib qoldi…


(C)

[Masud Mahsudov]

O'shlik jigarbandimga...


Mungli ko’zlarigdan qalqimasin yosh,
Siniq ko’ngling hecham bo’lmasin yarim.
Biz senga hamrohmiz, hamisha dildosh,
Urush neligini ko’rgan jigarim.
Yig’lama,
Xo’rsinma,
O’ksinma,
Tinchlan,
Orom ol bir nafas,
Kiprigingni yum
Kecha shodon seni o’ynatib yurgan,
Qo’rqmas akang uchun yig’lama yum-yum.
Kel, bosay bag’rimga,
Dardlaringni ber,
Vahshatdan yuraging ketibdi bezib.
Mayus qarashlaring ich-etimni yer,
Gapir, jim turmagin,
Ko’ksimni ezib…
Mehribon opangni eslayotirsan,
Ko’rgilik boshingni qilgandir garang.
Qo’zim, yonimizda bexavotirsan,
Birimiz akangdir, birimiz opang…
Uxla,
Tushlaringni qo’riqlab turay,
Cho’chib uyg’onmagin,
O’rtab jonimni.
Murg’agim,
Iloyo, xush kuning ko’ray,
Sen uchun sarflayin bor imkonimni.
Jajji qo’llaringni qo’llarimga qo’y,
Ertak aytib beray; sen olgin maroq.
Jovdirab turganing - ayni shu damda,
Mehrga tasnasan suvdan ham ko’proq
Sen O’shda yo’qotib qo’ygan mehrni,
Berguvchi erkalab undan ziyoda.
Boshing silaguvchi,
Yo’l ko’rsatuvchi,
Yaxshi insonlar ham ko’pdir dunyoda…

Yong’in gavdalanar ko’zing o’ngida,
Son ‘gsiz baqiriqdan qulog’ing bitgan.
Seni xavfsiz joyga yashrish son’gida,
Bir daydi o’q dadangni olib ketgan.
Qo’ygin,
Eslamagin,
Kipriginni yum,
Qadriga yetaylik tinchlik tuhfasin.
Haqqinga tinmayin duolar qilgum,
“Yomon odamlarga yo’liqtirmasin…”
Yayra istagancha,
Kel, oting bo’lay,
Mindirin ortimga, ketaylik g’amdan.
Faqat tabassum qil,
so’ng men ham kulay,
Voz kechgin, iltimos, ko’zdagi namdan…
Hali zamon kelar,
O’tar bu kunlar,
Qanday musibatlar kechdi oradan…
Yechilar sen bilmas mavhum tugunlar
Ajratib olasan oqni qoradan.
Faqat, o’ksimagin,
Ichikib qolma,
Sen yolg’iz emassan,
Cho’kmasin qalbing,
Azob ham imtihon - ko’nglingga olma,
Minglab yaqinlaring bilishar qadring.
Peshonang quyoshi porlar zamon bor,
Hozir tinch uxlagin,
Yolg’izim, qo’zim,
Biz-chi, iltijolar etib ming takror
Haqdan yaxshilikka so’raymiz to’zim…

Mungli ko’zlarigdan qalqimasin yosh,
Avlodim, jigarim, dilbandim, qo’zim…

(c)

[Masud Mahsudov]

шамол... қуюқ булут... кўркам хиёбон,
майсада ўтириб ўйга толаман.
кўзимни бир зумга юмиб, ногаҳон,
узоқ-узоқларга кетиб қоламан.

неча йил ғам билан ҳамхона бўлдим,
ичим тимдалади армон қанча вақт.
ҳар баҳор ундим-у, гулламай сўлдим,
эшигимни қоқиб ҳеч келмади бахт.

шамолдек шиддат-ла умр ўтмоқда,
бир зум тўхтатишга сира йўқ илож...
билмам, эрта мени нелар кутмоқда,
эй, тақдир ёзиғи, сирларингни оч.

қуюқ булутларга айланган қалбим,
маъносиз ўтмишдан бўлгандек мажруҳ.
мавҳум дунёлардан тўйиб кетиб, жим,
тубсизлик тубига кетиб қолар руҳ...

..хорғин ўйларимдан чарчаб кетиб сўнг,
кўзларимни очдим...
ором топди жон.
ажиб ҳисларимни аста уйғотиб,
нажотдек туюлди яшил хиёбон...

шамол... қуюқ булут... кўркам хиёбон...

(c)

[Masud Mahsudov]

Yolg'izlik falsafasi (Eski al'bomdan...)

Сенсиз ҳам баҳорни кутиб олдим шод,
Завқ берар ранго-ранг кўклам гуллари.
Махзун ишқ чечагин этмай қўйдим ёд,
Умр чаманзорин кезган кунларим.

Сенсиз туйғуларим ҳамон ўлмади,
Ёки ўз жонимга қилмадим-ку қасд.
Сабр косаси ҳам ҳали тўлмади,
Ё ичиб бир он-да бўлмадим сармаст.

Сенсиз, ўйловдимки, яшашим мушкул,
Дегандим қўлим ҳам бормайди ишга.
Ҳаёт мажбур қилиб қўяркан буткул,
Дардни дардсизликка алмаштиришга.

Сенсиз қадам босиш секин ўргандим,
Тетапоя қилган гўдак сингари.
Юрдим... йиқилдим, сўнг тик туриб қолдим.
Энди қалбим мағрур, қайғудан нари.

Сенсиз бахтлиликка бўлдим даъвогар,
Ёлвориб сўрмадим ортга қайтишни.
Чўлдек қақраб ётган қонсиз юракка,
Меҳрга йўғрилган бир сўз айтишни.

Ҳаёт тугамаган ғалат фалсафа,
Нолимам, экан, - деб – бевафо дунё.
Ишқсиз кун кечириш мушкул-ку, лекин,
Ёлғиз яшашда ҳам бор экан маъно!

(c)

[Masud Mahsudov]

Ko’ngil yashillikka intiqqan chunon,
Yuring, bahorlarni kutaylik birga.
Ziyoga talpinib tipirlaydi jon,
Orzular yurtiga ketaylik birga…

U yerda asrdek chozilmaydi tun,
Kutish onlari ham bundan boshqacha.
U joyda har juftning yuragi butun,
Quyosh ham charaqlar shomdan tonggacha.

U yurtda sarobga aylanmagay ishq,
Vafo o’z manosin to’liq oqlaydi.
Fano hech kimsaga bo’lmaydi tashvish,
Hech kim xasad bilan ortdan boqmaydi.

G’amdan forig’ go’zal o’shal zaminda,
Armon, degan yovga qo’yishgan tuzoq.
Ishonch va sadoqat gurkirar unda -
Xijron azoblari judayam uzoq…

Oqibat bezaydi barcha shaharin,
Mehrdan yaralgan har bitta qishloq.
Azon boshlab berar erta saharin,
Insonlar qalblari qor misol oppoq…

Yuring,
o’sha yoqqa ketaqolaylik...
Mavhum dunyolarda nima qilasiz?

(c)

[Masud Mahsudov]

Yana sassizlikka bo’laman oshno,
Yana varaqlanar umrim kitobi.
Tongdan umid qilib ozgina ro’shno,
Satrga aylanar qalbim xitobi.

Zulmat xonam uzra sukunat kezar,
Tunning darpardasi to’sgan olamni
Mavhum qorong’ilik bag’rimni ezar,
Xirgoyi qilaman sog’inch nolamni.

Bir yonib, bir o’chgan yulduzlar misol,
Mehr ilinjida o’rtar yuragim.
Namlangan kiprigim yumgancha xiyol,
Ichimga dardlarim yutmoqdaman jim...

Ko’nglim timdalangan – lek bezar ishonch,
Orzu-niyatlarim kular dam-badam
Bilaman, qaydadir ulashib quvonch,
Men tomon kelmoqda nurli subhidam.

Quyoshni ko’rishga orziqib intiq,
To’lgan, kutib-kutib, dil paymonasi
Nur, asli, qidirib topganim – mantiq,
Shu tong - taqdir uchun baxt ostonasi...

(c)

[Masud Mahsudov]

Charxpalak misoli to’xtamas hayot,
Suvdek tarqaladi boshimdan o’ylar.
Qadamlab, tarixim etganimda yod
Bugunim, ertamni yutmoqda yo’llar.

Simyog’och ketidan simyog’och kelar,
Dalalar o’rmonga almashaverar,
So’qmog’u, adirlar ortimdan yelar -
Umrimni opichib o’tmoqda yo’llar.

Bir tashvish bitar-u, yana muammo,
Yorug’ olam g’ami tugamas also...
Manzilim qay tomon bilaman, ammo,
Bilmam, qay tomonga ketmoqda yo’llar.

Ko’zim mudroq bosib,
Birdan uyg’onib,
Ichim g’alat bo’lar, tushga ishonib...
Kelajak baxtimdek qizarib-yonib,
Quyosh-la ufqlarga botmoqda yo’llar

Tong otar, kun botar – ulg’ayadi dil,
Orzu-havaslarga oshufta ko’ngil ,
Qalb aytar: “Taqdirga ne yozsa, ko’ngin”
Manglayga nelarni bitmoqda yo’llar?

Meni yana qancha kutmoqda yo’llar?

(c) Bristol-London

[Masud Mahsudov]

Yo’llar yiroq,
Istaklar olis,
Manzil uzoq - qachon yetaman?
Garchand qalb oq, niyatlar xolis,
Ming yillarki, baxtni kutaman.

Sham yoqsayam yorishmas ichim,
Yillarga teng har o’tgan onim.
Dard yenggani yetmaydi kuchim,
Iqbol qachon bo’lar mehmonim?

Boshim garang – xayol qaynaydi,
Halovatim misoli sarob.
Tinchlim bermay ruhim qiynaydi,
Saodatga intilgan azob.

Peshonamda bitilgan yozuv,
Balki nurin sochar falakda.
Faqat shu on yarador orzu,
Tole mudrab turar yurakda.

Kun keladi, qushdek uchaman,
Baxtdan qanot yasab o’zimga.
Ezgulikning tog’in quchaman,
Jannat rangin olib yuzimga.

Hozircha-chi, yo’ldaman hamon,
Manzil yiroq
Ko’zlarim giryon...


(c) London-Nottingham

[Атиргул]

Ассалому алейкум. Мен бу форумда эндигина иштирок эта бошладим. Ижод килиш жуда яхши албатта. Лекин нима учун хамма шеърлар айрилик ва норозилик рухида ёзилган?

[Masud Mahsudov]

Ассалому алейкум. Мен бу форумда эндигина иштирок эта бошладим. Ижод килиш жуда яхши албатта. Лекин нима учун хамма шеърлар айрилик ва норозилик рухида ёзилган?

Sahifaga xush kelibsiz :)
Bu yerda, asosan, forumdoshlarning qalamlariga mansub she'rlar qo'yib boriladi. Sahifani yaxshilab o'qib chiqsangiz, Siz aytgan mavzudan boshqa mavzularda ham yozilganlarini topasiz... Sizning ham ijod namunlaringizni kutib qolamiz...

[Masud Mahsudov]

Hadik...

Sog’inch yuragimni vatan aylagan,
Umid ko’kragimdan topgandir qo’nim.
Mehrga tashna qalb hecham qonmagan,
Tunlari yil sanab, otmagay kunim.

Hafta xayolimda asrlarga teng,
Oylar ming faslga tatuvchi fursat.
Taqdir manglayimni etganmikan keng,
Yo Rab, peshonamning yozig’in ko’rsat!

Ko’rsat,
Kimlarga men qilaman havas?
Qayerda xasadga duchor bo’laman?
Savobim gunohga kerlarmikan bas?
Qay zamon gullayman, qachon so’laman?

... Javobsiz savollar hamxonam mening,
Bilganim – umr bu imtihon-xatar.
Garchi bugun olam g’amxonam mening,
Ertam ziyolarga burkanib ketar.

Behisob o’ylarim – so’ngsiz o’ylarim,
Tuganmas yo’limdek siqar jonimni...
Osmonlarga yetib ketar bo’ylarim,
Haq butun etsa gar nim imonimni...

Bilmam, ne sababdan tinchim egallab,
Sog’inch yuragimni vatan aylagan...

(c) Nottingham-London

[OmoN]

Мен бу форумда эндигина иштирок эта бошладим. Ижод килиш жуда яхши албатта. Лекин нима учун хамма шеърлар айрилик ва норозилик рухида ёзилган?Сиз Булғағонийнинг шеърларини ўқиб кўринг :)

[Masud Mahsudov]

Bilmam nima,
Sen tomonga
xayolimni buradi,
“topib ber -, deb –
quvonchimni”,
Ahvolingni so’radi.

Bilmam nima,
Hislarimni
uyg’otishni boshladi,
Kunim nursiz,
Tunlarimni bedor qilib
Tashladi.

O’sha narsa
Bir zumgina
Nigohingni tutsaydi,
O’yim bilan
O’zimniyam
birga olib ketsaydi…

Bilmam nima,
g’ijimlaydi
Chap tarafim tinmasdan.
Qaysar juda,
Tinch qo’ymaydi,
zorimgayam
Ko’nmasdan…

Bilmam nima,
Orzu, havas,
niyatlarni to’ldirar,
Yuzimga dam g’am soladi,
Dam beg’ubor kuldirar.

Bilmam nima,
bir umrga
Mehrlaring qistaydi,
Shu davrda seni faqat,
Xursand ko’rmoq istaydi.

Bilmam nima,
Undamoqda
she’r yozishga qalbimni.
Nima qilay,
Kerak so’zni
Topolmasam - aybimmi?

Bilmam nima,
Xijronga yov –
Visolga-chi, mushtarak.
Zir yugurar,
Lek joyidan,
Siljimaydi bu yurak…

Bilmam nima,
Yolvormoqda,
Poylarimga cho’kib zor,
So’ng jimgina,
Sen tarafga,
Ko’z tikadi,
Intizor…

Bilmam nima –
Sog’inchmikin?


(c) 2010

[Masud Mahsudov]

Bedorlikka oshino ko’ngil,
Tun qo’ynidan izlaydi shu’la.
Topolmayin qiynaladi dil,
Ko’ksim ezar mungli ashula…
O’tiribman,
Sassiz, sadosiz,
Kutib, nogoh kelar ziyoni.
Ichimdagi dardim – adosiz –
Tor deb bilar shu keng dunyoni.
Xo’rsinaman,
Yog’duni istab,
Xonam kezar zulmat sharpasi.
Nur qidirgan xayolim qistab,
Nola qilar yurak zarbasi.
Sog’inchlarga to’lgan tanamni,
Qo’yarimga joy bergin, Xudo.
Quyoshlarga ko’mib olamni,
Xislarimdan etmagin judo.
Yorug’likka intilib o’sdim,
Duolardan topib panohim.
O’zim haq, deb,
O’zgani to’sdim,
Endi avfin kutar gunohim…
Anglayapman qancha xatoim,
Tongga qadam qo’yganim sari.
Jaholatdan asra, Xudoyim,
Bir beg’ubor go’dak singari.
O’zing endi rost yo’lga boshla,
Yo’liqtirmay g’amga, baloga.
Ichlarimni to’ldirib tashla,
Yorug’likka, nurga, ziyoga…

©

[Masud Mahsudov]

O'zga yurtda kechgan o'ylar...

"O'zga yurtda shoh bo'lguncha, o'z yurtingda gado bo'l" deb bejiz aytmagan xalqimiz... Ish, o'qish bilan yurtdan tashqarida bo'lishga to'gri keladi... Harakat qilamiz,intilamiz...o'qiymiz...ishlaymiz...lekin.. lekin baribir bir kun kelib ona yurtga qaytish kerakligini ich-ichimizdan xis qilsak-da, buni hammamiz ham tan olgimiz kelmaydi... Hayot esa...to'xtamaydi, o'tib boraveradi...

Har o'tgan yil bizlarni tobora yurtga begonalashtirib, o'zga yurtga bog'lab boraveradi...Yaqinlarni, qon-qarindoshlarni, sinfdoshlarni, qadrdon do'stlarni eslab ich-ichimizdan g'alati sog'inch keladi-yu, kimga aytishni bilmaymiz... Yana o'zimizni ovutib yashayveramiz - "menga shu yerda yaxshi-ku.. Yaxshi o'qiyapman/ishlayapman..Yeganim oldimda, yemaganim ketimda" deb o'zimizni aldab yashayveramiz... soatlar, kunlar, haftalar esa o'tib boraveradi...

Onajonimiz, buvijonimiz tizzalariga boshimizni qo'yib bir lahzaga bo'lsa-da, halovat topgimiz keladi... Ukamizga, akamizga yaqin bo'lib, yelkadosh bo'lib yashagimiz keladi... Onajonimiz, otajonimzga ertalab issiq non bilan qaymoq ko'tarib kirib, birga nonushta qilishdek orzuni, yetolmayotgan bo'lsak-da, qilaveramiz... oylar esa...o'taveradi, o'taveradi...

Haftaning ma'lum kuni uyga, yaqinlarimizga telefon qilib, ko'ngillarini ovlagandek bo'lamiz... "Qachon kelasan?" degan savollariga o'qishni, ishni "bahona" qilib, "shularni tugatib olay, boraman" ,- deb va'dalar beramiz... Bilmaymiz-ki, onajonimiz deyarli har kuni, har soatda bizlarni kutib yashaydilar...yonlarida bo'lishimizni judayam-judayam xohlasalar-da, "Mayli, o'glim/qizim, qayerda bo'lsang ham, tinch bo'lsang bo'ldi", -deb (noiloj) javob qaytaradilar... Biz esa, bir qo'ng'iroq qilib ularni "ko'ngillarini olganimiz"dan xursand bo'lib yashashda davom etaveramiz... fasllar almashaveradi...

Magazinda yoki ishxonada bizga g'alati ko'z bilan bilan "nonimni yarimta qilgan kelgindi" qabilida qaragan odamga yeb qo'ygudek bolib o'qrayib qaraymiz, lekin hech nima deyolmaymiz... O'zga yurtda baribir begonadek yashayotganimizni yana bir bor xis qilamiz... ertaga nasib qilsa, oilali bo'lsak, farzandimizni biz yashayotgan jamiyatda, o'zga yurt, o'zga xalq ichida katta bo'lib, tarbiya olishini umuman istamaymiz-u, lekin, nima ham qilardik, biz shu yerda yaxshi o'qiyapmiz/ishlayapmiz..." Shuning o'zi baxtli bo'lish uchun yetarli emasmi", - deb fikr qilamiz... Aslida esa, baxtning makoni ona yurtimizda, ona shahrimizda/qishlog'imizda, onajonimiz, buvijonimzning yonlarida ekani bilmaymiz... Ertalab nonushtaga olib kirilgan qaymoq uchun otamizning ko'ngli ko'tarilib, qilgan duolarida-yu, akamiz-ukamiz bilan yelkadosh bo'lib, kulib, yayrab yashashimizda, qarindoshlar, yaqin do'stlar, sinfdoshlar davrasida, oz bo'lsa-da, rizqimizni terib yurishimizda ekanini bilmaymiz... Umr esa... o'taveradi...o'taveradi...Shu kuyi yashab Olami Boqiyga safar vaqti yetganini ham bilmay qolamiz...Afsus...

(c) Iyun... 2009 yil

[Masud Mahsudov]

Yana tun – dardimning yangi bosqichi,
Ko’kragimda sog’inch yana g’imirlar.
Aqlning yurakka yetmaydi kuchi,
So’ngsiz xayollarim tinmay shivirlar.

Go’yo hayot to’xtab qolganday; sokin
Kecha o’rnin bermas oppoq saharga,
Ko’z yumaman, birpas olish uchun tin -
O’ylar aylantirar soqov va karga…

So’zsizman, so’zimning ummonlarida.
Yorni uyg’otishga bormaydi qo’lim.
Qaydadir, qalbimning tubsiz qa’rida
Unga asrab kelgan - gullaydi – gulim.

Mehrning suvini tamshanib ichgan,
Gulg’uncha lovullar ko’nglim yoritib.
Qanotsiz niyatlar ko’klarga uchgan,
Hipqirgan jonimni bo’lmaydi yutib.

Umid – zulmatlarda ilinjim yakkash,
Ishonch – halovatim - yolg’iz murodim.
Visol – maqsadlarga aylangan dardkash,
Duo – Haqqa tinmay aytolgan dodim.

Tongotarga hali uzoq bo’lsa-da,
Ko’nglim yorishadi, gulg’uncha sabab...

©

[Masud Mahsudov]

Мени “бевафо” деб,
Айблама, гулим,
“Меҳрингиз қаттиқ”,-деб
Солма юзимга.
Тошга қиёслама
тирик вужудим,
Тўр солма
ҳар куни босган изимга.

Ширин ўйларингни
Қилма дастурхон,
Бу таом туюлар
Мисоли заққум.
Кўзларингга қараб
Эзилади жон,
Сен-ла қололмайман.
Йўқ бунга ҳаққим!

Виждоним йўл қўймас,
Қалбим қийналар.
Дардим қанчалигин
Билмайсан, гулим.
Пичоқсиз сўйилар,
Тиғсиз тирналар,
Ипсиз осилади
Нотавон дилим.

Бўлди.
Кетаяпман.
Умидингни уз!
Бир нарса тўсиқдир
Пок ниятингга:
Кўксимда илк севгим
Яшайди ҳануз.
Мен лойиқ эмасман
Муҳаббатингга.

(c)

[Masud Mahsudov]

Qalb – Mendan yashirgan dil daftaringiz,
Ko’ngil - Siz qizg’angan sirli tuguncha…
Ko’z yosh – yuragingiz g’arq etgan dengiz,
Orzu – niyatlardan yaralgan g’uncha.

Jimlik – Sizni jumboq aylagan asr,
Tabassum – chehrangiz abad mehmoni
Sabr – malikasi siz bo’lgan qasr,
Sevgi – Siz tuymagan tuyg’u ummoni

Subhidam – sizni ilk o’ylaganim vaqt,
Oqshom – xiralashib qolgan bir xayol.
Uyqu – men bilmagan o’zga halovat,
Bedorlik – meni ko’p qiynagan savol…

Nur – Sizdan taralgan ajib chin yog’du,
Shabboda – sochingiz o’ynagan nasim…
Mehr –so’zingizda yashirin jodu…
Tundek ko’zingizga kelar havasim…

(c)

[Masud Mahsudov]

O’tdi qancha adoqsiz oylar,
Baxt ortidan g’amlar ergashib.
Boshlarimni tinch qo’ymas o’ylar -
Tushlarimda, xatto, tergashib.

O’tdi fasl: ko’klamlar xazon,
Barg o’rnida yastanadi qor.
Xijronlarni tortolmas mezon,
So’zim tanqis, she’rlarim bekor.

O’tdi yil ham, tortib komiga,
Alamlarga to’lgan bir yoshim.
Qalbim tushib hislar domiga
Erib ketdi metin bardoshim…

O’tmoqdadir olib ming shiddat,
Asrlarga o’rangan sabot.
Ikki eshik o’lchovchi muddat
Oddiy qilib, atalar “hayot”…

O’tdi qancha gaplar o’rtada,
Barisini ichimga yutdim.
Garchi dardim eski bo’lsa-da,
Hamma narsa o’zgarib ketdi..

O’zgarmadi faqat masofa…

(c)

[Masud Mahsudov]

Мени зор айлаган хижрон ҳамон қалбим муаммоси,
Кетар зое юракимнинг илтижо-ю, таваллоси.

Ўзим ҳайрон, нетай вайрон бўлиб битди базўр қурган,
Муҳаббатни макон этган ошуфта кўнглим маъвоси.

Туриб бедор, қолмай мадор, озиб-ёзиб кўзим кетса,
Тушларимда аён эрмиш тузалмас дардим давоси.

Куйиб жоним, хонумоним, ёниб битди, адо бўлди,
Магар дилдор назар қилмас, келмас бўлди ҳеч парвоси

Рутубатдан, уқубатдан заҳга босган кўксим узра,
Пайкон мисол қадалмишдир карам, ишва, таманноси

Тиқиб бошим, тўкиб ёшим, ёруғ чеҳрам қаройир, воҳ,
Недан менга керак эрди, ажаб, ишқнинг бу ғавғоси?

Ўтар кечмиш, бўлар ўтмиш, умид масъуд замонимдин,
Вале чиқмас хаёлимдин ҳаловатим шум яғмоси.


(c)

[Remix]

Ishonch, umid mehr bari bir bo'lib,
Meni bu yo'llardan sen tomon boshlar.
Hamma yahshi niyyatlar bugun yeg'ilib,
Ikkimizni muhabbatning domiga tashlar.

Yo'lingizni yoritajak qalbimdagi nur.
Baxt ila taxt kelsin doim talashib,
Yetaklasin doim bizni tafakkur, shuu'r...

[Remix]

Sizga muhabbatim ortib bormoqda,
Yurak meni sizga tortib bormoqda.
Sog'inchning ketidan yana hayajon,
Qalbda sevgi kurtak otib bormoqda...

[Remix]

Hamma shirin narsa eslatar seni,
Omonmisan yoku yo'q endi bilmayman.
Balki sen ham intizorim eslarsan meni,
O'shal baxtli lahzalarni yig'lab eslayman.

Ketma-ket seningsiz kunlarim o'tti,
Yana sensiz kulamanmi endi bilmayman,
Armon holim ko'rib mani alamlar yutti,
O'sha baxtli lahzalarni hamon qumsayman.

Endi baxtni izlamayman sening izingdan,
Endi ko'zlaringda aslo ma'no ko'rmayman.
Endi izla o'z baxting asalgina qizingdan,
Endi ko'changizga qaytib bormayman...

Sani sevgan usha bola endi boshqa,
Kutma qo'ng'irog'im endi qilmayman.
Boshingni urma endi achinib toshga,
Endi men ham hajringda yurak tilmayman.

http://www.verytiksi.ru/yzor_na_stekle.jpg

[Remix]

Agent, qizla, tanishuv, boshida o'yin kulgi,
O'ylamasdan bosiladi asta bir ikki qadam.
Nimayam bo'lardi, gullar, komplement, ohiri sevgi,
Bir oygina munosabat va yana bitta qizga dam.

U sezmaydi vaqtida ajoyib muhabbatin,
Ustidan kuldi rosa, qiz esa ko'ngli vayron.
Oradan vaqtlar o'tib qidirib qoldi baxtin,
Qiz endi boshqa edi, yigit ham ko'rib hayron.

"Iltimos qaytgin" dedi, yigit yolvordi ancha,
Foydasiz edi ammo hamma-hamma aytgani.
Qiz bundan rohatlandi, yolvorgan sari shuncha,
Endi yo'llari boshqa, sabab yo'qdur qaytgani.

Yigit tushunib yetmadi, yana topdi bir malak,
Endi esa o'zga qizl, so'zlar o'zgarmas sira.
"Men seni sevib qoldim", yugurar joni halak,
Mahliyo bo'lgan edi kipriklaru, qora ko'z....


http://i068.radikal.ru/0807/f9/43dc245e7020.jpg

[Masud Mahsudov]

Shukrona

Tungi osmonimni bezar yangi oy,
Ichim to’lib ketgan yaxshi niyatga.
Orzu-havaslardan qidirib chiroy,
Ruhim talpinadi abadiyatga.

Shukr, imonimdan ishtiboh yiroq,
Gunohning zalvori tortmas oyoqdan.
Har tong duo aytib, olaman maroq
Uzoqda charaqlab turgan mayoqdan.

Peshonam yulduzi hiloldek go’zal,
Yaratgan manglayim yorug’ yaratgan.
Tashakkur, munavvar taqidiri azal
Yuzimni tuganmas nurga qaratgan…

Gumroh xayollarim ketgan tark etib,
Tabarruk maqsadlar bezar qalbimni.
Yorug’lik dilimning tubiga yetib,
Himmat tuyg’ulari kezar qalbimni.

Konglimga ezgulik murodin o’rab,
Suv kelsa simirib, tog’ni yoraman.
Qilgan xatolar chun Haqdan avf so’rab,
Mangulikka qadam bosib boraman…

Tunggi osmonda-chi, kular yangi oy,
Beqiyos jamolin zo’rg’a ko’rsatib…

(c)

[Nigora Umarova]

Remix, xabarlaringizni odatiy hajmda yozing!
294,295,296 xabarlrni to'g'rilab qo'ydim.

[Remix]

Remix, xabarlaringizni odatiy hajmda yozing!
xabarlrni to'g'rilab qo'ydim.
kelishdik. Ma'lumot uchun rahmat!

[Masud Mahsudov]

Men Seni baxtiyor ko'rmoq istayman,
Quvonchdan kulishing, yayrashing chindan.
Dilimda borini bermoq istayman,
Ezgu niyatlarim aytib ko'ngildan.

Musaffo osmonning moviy rangini,
Va tunning malagi oyning - yangini,
Tog'lar shalolasin sho'x jarangini,
Senda mujassamligin tuymoq istayman.

Ko'ngil ko'chalarim, yo'lim shahrimni,
Bag'ishlab dilimda bori sehrimni,
Bir inson bergancha berib mehrimni,
Yaqin insonimdek suymoq istayman.

Hayotning mushkulin yengib hamnafas,
Noumid o'ylarga qo'yib men qafas,
Baxtli insonlarga qilib chin havas,
Sen birla bir yoldan yurmoq istayman.

Doimo mast bo'lib baht sururidan,
Ajratib joy Senga yurak to'ridan,
Quyoshning eng aziz, yorqin nuridan,
Qalbingda jannatni qurmoq istayman.

Men Seni baxtiyor ko'rmoq istayman...

(c) 2004

[Masud Mahsudov]

https://img.uforum.uz/images/rfscxui4539218.jpg

Bir qiz kezar yolg'iz dunyoni,
Qadam tashlab sekin, ohista.
Kecha ko'rgan ajib ro'yoni,
O'z-oz'iga pichirlab asta...

Bir qiz kezar...
O'rmonlar qirlar,
Orqasidan yurar ergashib.
Oq orzular, havaslar... sirlar,
Tegrasiga olgan mingashib...

Bir qiz kezar,
oyog'i yalang,
Harir libos qalbidek nafis.
Odimlaydi taqdirda arang -
Maysalarda qolib ketar iz...

Bir qiz kezar,
Xayolga chomib,
Uzoqlarga termulganchai jim.
Ham o'zini gullarga ko'mib,
Yaratgandan so'raydi to'zim...

Bir qiz kezar,
Qo'lida tutib
Avaylagan nozik yuragin
Ming yillarki baxtini kutib,
Izlab borar yakkash keragin...

Bir qiz kezar,
xayol parishon,
Ham boshida chechakdan chambar...

(c)

[Masud Mahsudov]

*****

Necha kun yotgan qalamni qo’lda tutdim sog’inib,
So’ngra yorga xat misoli she’rni bitdim sog’inib.

“Ey, gulim, qirmiz dilim sarg’arar sensiz, ajab,
Indamay xijron yo’lida, g’amni yutdim, sog’inib.

Ber xabar azon qadar, ne bo’lur, so’z ayt manga,
Tushlarimda ko’z tikib yuz, qancha kutdim, sog’inib.

Tun uzun, ko’ksim tugun, axtarib, holim g’arib,
O’ylarimda vasling izlab, nurga yetdim, sog’inib.

La’l yuzing, ohu ko’zing ko’rmayin devonavor,
Ohlar otdim, sassiz o’tdim, dardga botdim, sog’inib.

Qon bag’ir, ko’ngil sag’ir, kiprigimda qatra yosh –
Ne qilay, qalbim yarodur; juda ketdim sog’inib,

Sen yiroq, kayfim taroq, umrim hech mas’ud emas,
Noiloj, ishqim g’azalda, izhor etdim sog’inib”.

(c)

[Masud Mahsudov]

Ҳар тонг қуёш уфқдан чиқиб,
Нур улашса олам кулади.
Термуламан унга интиқиб -
Сизни жуда кўргим келади.
Соғинаман...хўрсиниб бесас,
Чарх уради бошда минг савол.
Гоҳ чақириб тушда уйғонсам,
Илинжимни учирар шамол.
Уйқу келмас саҳаргача то,
Хонам зулмат… чироқ ёқмайман.
Асаблар ҳам бўлгандир адо.
Энди бир зум мижжа қоқмайман.
Пешонамни қўлимга тираб,
Тунда узоқ ўтираман жим.
Қайлардадир унсиз тентираб
Талпинади Сизга юрагим.
Майли менга битта сўз айтманг,
Имо қилманг хатто кўз билан.
Ҳеч бўлмаса бегоналардек,
Дийдорлашгим келар Сиз билан.

(c)

[Abror Qodirov]

Masud Mahsudov, smslarimda she'rlarizdan foydalanganimda muallifni yozmasam maylimi? :-)

[Dilya]

Узр, мен биринчи мартта бу форумда, бу шеърлар муаллифи ким? Масуд Махсудовми? Жуда шеърларингиз тушгун кайфиятда))) минг бор узр, Навоий хам дунёвий ишқига етолмай (албатта, бунақа деб булмайди, аммо, бир оз эрк берган холда шундай ёздим) у дунёи бу дунё ишқидан сўзлаган экан)))

[Masud Mahsudov]

Masud Mahsudov, smslarimda she'rlarizdan foydalanganimda muallifni yozmasam maylimi? :-)

Aha, she'rlarimdan, faqat sms da foydalansangiz, muallifini yozish shart emas :)

[Masud Mahsudov]

Узр, мен биринчи мартта бу форумда, бу шеърлар муаллифи ким? Масуд Махсудовми? Жуда шеърларингиз тушгун кайфиятда))) минг бор узр, Навоий хам дунёвий ишқига етолмай (албатта, бунақа деб булмайди, аммо, бир оз эрк берган холда шундай ёздим) у дунёи бу дунё ишқидан сўзлаган экан)))

Sahifaga xush kelibsiz! Hammasi ham emas, to'gri, aksariyati o'shanday ruhda yozilgan... Qozonda bori cho'michga chiqar ekan-da... :)

[Masud Mahsudov]

Shovqin dunyo lahzaga jimday,
Xayolim ham olmoqdadir tin.
Mehrsirab qolgan qalbimday,
Tog'lar sokin, dengizlar sokin

Osmon rangi bo’lib xilma xil
Yengil tortar charchagan ko’ngil.
O’z aksiga termulgan yashil
Daraxt sokin, ildizlar sokin.

Ufq tomonga yo’l olar bulut,
Qor cho’qqidan ko’tarilar dud,
G’amlar zumga bo’lmoqda unut,
Bulut sokin, yulduzlar sokin.

Quyosh yuzi qizarib so’nar,
Ko’k shoxiga oy kelib qo’nar,
Ichlarimdan tavbalar unar,
Tunlar sokin, kunduzlar sokin.

O’z aksini ko’rmoqda dunyo,
O’z aslini so’rmoqda dunyo,
Qaysi biri haq, qaysi ro’yo -
Suv o’tlar-u, yalpizlar sokin...

Yurak sokin – ko’ngillar cho'kkan,
Olam jimjit – esmaydi sabo
Hamma narsa cho’mib jimlikka,
Yaratganga aytishar sano...

(c)

[OmoN]

бу шеърлар муаллифи ким? Масуд Махсудовми? Жуда шеърларингиз тушгун кайфиятдаЭркин Комилов бош ролда ўйнаган битта кино бўларди. Бир қиз ёзган шеърларини редакцияга олиб келса "Қаерингиз оғрийди?" деб сўрайди.

[Masud Mahsudov]

Osmonlar, osmonlar uzoqib ketgan,
Yer qattiq; kirishga yetmaydi kuchim.
Evoh, ruhim zulmat komiga yutgan,
O'zing imon bilan yoritgin ichim...

(c)

[Kavsar]

Қарамадинг

Юрагимни чизиб бердим, қарамадинг,
Харитасин тузиб бердим, қарамадинг.
Форсий тилда айтолмаган дардларимни,
Туркийда ҳам ёзиб бердим, қарамадинг.

Қарамадинг, индамадинг, инонмадинг,
Юраккинам қон ютишидан қонмадинг.
Муҳаббатдан дунё хасдек ёниб кетди,
Сен тошмидинг, темирмидингки ёнмадинг?

Гар куй бўлсанг, қайси тордан таралгансан?
Кўзгу бўлсанг, қай томонга қаралгансан?
Бойсундаги ҳар бир тошнинг юраги бор,
Сен қайси тоғ тошларидан яралгансан?

Юрагимни узиб бердим, қарамадинг,
Орзуйимни сузиб бердим, қарамадинг.
Ўтмишимни, кечмишимни бошдан оёқ,
Вайронадек бузиб бердим, қарамадинг.

Жаъфар М

[Kavsar]

Гадолик

Шоҳмизми ё гадо, барчаси бекор –
Бандаи ожизмиз, Худо эмасмиз.
Фақир ҳам бўлсак-да, Ватан бағрида,
Ҳеч қачон бенаво, гадо эмасмиз.

Бу кўҳна бозорда гадолар бисёр:
Кимдир гул гадоси, пулгадо кимдир.
Кимдир нонга, кимдир тирноққадир зор,
Мансабу маснаддан мосуво кимдир.

Билсангиз, аслида менга ҳам мерос,
Энг яхши гадолик – сухангадолик.
Ҳеч кимга қолмасин мерос, илоё,
Энг ёмон гадолик – ватангадолик.

Жаъфар М

[Kavsar]

Ғазални севган қиз

Сен кулиб турибсан, ҳар қандай шоир,
Кўзларинг ўтида эриб кетади.
Ҳофизи Шеърозий тирилиб, ҳозир,
Холингга дунёни бериб кетади...

Э. Воҳидов

[Kavsar]

Ошкор айлама

Ғамим азобидин нафсни бошимда тож айлама.
Ё Раб, мени ўзингдин бошқага муҳтож айлама,

Файсозор файзинг ила, ўзгага қиё айламай,
Ва фарзи ибодатда, ногаҳон риё айламай.

Эй Рафиқ, менга сенсизин бировни ёр айлама,
Ҳам унинг хаёли чун тунимни бедор айлама.

Маҳзуна, ғариб ҳолим бандангга ошкор айлама,
Йўлдош эт зикримни ҳар дам, ғанимга хор айлама.

Қалбим меҳробини нафс ганжидин обод айламай,
Ул диёнат тайрини кўнгилдин озод айламай.

Майли, жунун ичра элтки, фақат нодон айлама,
Мағфират эт гуноҳим, дилимни ҳуфтон айлама.

К.

[Kavsar]

Тўртликлар

Ортиқ менга ошён керакмас.
Мол-дунёга ҳамён керакмас,
Элтинг мени, дўстлар олдига,
Фақат менга нодон керакмас.

* * *
Сўз гавҳари маъно дедилар.
Сўнг уларни сўзга сотдилар.
Тиканларга ўраб аёвсиз,
Яхшиларга қараб отдилар.

* * *
Тун кирди ашкимни яширмак учун,
Ҳатто раҳм этди бу омонат дунё.
Сен-чи, сен қадрингни оширмак учун,
Кетдингми ташлабон, эй гули рўё.

* * *
Сен эй, инсон, кўзни авайла,
Яхшиларни кўрмоғинг учун.
Тиканлардан сўзни авайла,
Қасри савоб қурмоғинг учун.

* * *
Ҳаёт ўйин мисли, инсон – овунчоқ.
Яшамоқ – шам эрур, қўйибсан ёқиб,
Фақат эмас бунда лисон – ўйинчоқ,
Сўзларинг дарёга кетмайди оқиб.

* * *
Шу латофат, шу чирой, битта хол ила,
Ҳофиз Шерозийни лол этган малак.
Жонимнинг риштасин бўйнингга боғла,
Бугун мен Ҳофизу телбаман, ҳалак.



K.

[Kavsar]

Musaffo osmonning moviy rangini, Va tunning malagi oyning - yangini, Tog'lar shalolasin sho'x jarangini, Senda mujassamligin tuymoq istayman.

Hamma she'rlarni o'qib chiqishga hali ulgurmadimu, lekin o'qiganlarim orasida shukrona ruhidagi eng chiroyli she'r ekan.

Aksar she'rlarimizda hijrondan nolib yozilganligini guvohi bo'lamiz. Ammo bu ayriliqni mardlarcha qarshi olish kam uchraydigan hodisa. Insonning go'zal fazilatlaridan biri uning shukrli bo'la olishidadir deb bilaman.

Aslida oshiq uchun hijron ham visoldek tuyilmog'i kerak nazarimda.


Yo'lida niyozing fard bo'lmoq lozim,
Payvasta harifi dard bo'lmoq lozim.
Mardlik sanalmagay vasl izlab chopmoq,
Hijron kunida ham mard bo'lmoq lozim.

(M.Rumi)

[Masud Mahsudov]

Hamma she'rlarni o'qib chiqishga hali ulgurmadimu, lekin o'qiganlarim orasida shukrona ruhidagi eng chiroyli she'r ekan.

Aksar she'rlarimizda hijrondan nolib yozilganligini guvohi bo'lamiz. Ammo bu ayriliqni mardlarcha qarshi olish kam uchraydigan hodisa. Insonning go'zal fazilatlaridan biri uning shukrli bo'la olishidadir deb bilaman.

Aslida oshiq uchun hijron ham visoldek tuyilmog'i kerak nazarimda.


Rahmat...

Shukrli bo'lish albatta yaxshi. Men aksariyat she'rlarim bilan noshukrlik qilayotganim yo'q, balki noto'gri tushungandirsiz :)

Siz o'sha she'rlar yozilgan vazoyatni boshingizdan o'tkazganingizda va shukrona she'r yozganingizda, haqiqatan ham qoyil qolgan bo'lardim... :)

Hammaning tabiati, dunyoqarashi, fikrlashi turlicha... Shu sabab bo'lsa kerak, har bir ijodkorning o'ziga hosligi bo'ladi... G'amginlik, tushkunlik, dard, alam, iztirob mavzulariga ko'p yozganman... Ularning hammasini ham faqat dunyoviy ishq deb tushunsangiz, noto'gri o'ylabsiz. Ularni chuqurroq tahlil qilsangiz, boshqa ma'nolarini ham topa olasiz, degan umiddaman.

Shu bilan birga, Sizdan kelajakda shukronaga o'ralgan she'rlarni kutib qolaman. :)

[Kavsar]

Хато айламанг

Хаёл ичра сузганим кўриб сиз парво айламанг,
Каъбадек кўнгил уйин шубҳадин расво айламанг.

Шайхи Санъон учун бунча, сиз тавалло айламанг,
Тарсолиқдин жудо айлаб, ани порсо айламанг.

Мажнуни Қайсни кўриб, ани мудово айламанг,
Васлдин айру фироқни ошиққа раво айламанг.

Қаю моҳ кўкда юзин сиза тажалло айласа,
Самарқанду Бухорони анга ҳибо айламанг.

K.

[Kavsar]

КЕЛДИМ

Шоҳмену эгнимда хирқа, мен сени кўргали келдим.
Бисотимда йўқ мири ҳам, базми жом қургали келдим.

Нурнисор деб таърифинг еткурдилар жаҳон аҳлиға,
Кўнглима ишқ тиғин санчдинг, боисин сўргали келдим.

Демагил сен эй, лоларуҳ, келсам магар туфайл нечун,
Қаро сочларинг тўзғимиш, аларни ўргали келдим.

Шоҳ эрур ишқнинг гадоси деб кулса нодон кимсалар,
Менким андин тафохурда, санга бош ургали келдим.

Не учунким келурсан боз, деб жонима қилма жафо,
Кўнглимнинг меҳр вафосидин ишқ қасрин қургали келдим.

Фироқу ғам ўтини мендин рафъи эт, сумонсо,
Васлинг биҳиштида бўлиб, мен муқийм тургали келдим.

K.

[Kavsar]

Кўнгил ишқи

Кўнглим дардига даво йўқ, ишқингда овораман,
Улус аро йўқким тоқат, дашт сори равонаман.

Алифдек қоматим дол, куйдирди-ку фироқинг,
Ман ҳажрингда дилафгору ҳам дили садпораман.

Висолки ҳушдин айирмиш Лайлини Мажнун каби,
Мен-ку, васлингда гадо, бир фақир бечораман.

Жаҳон кезганда кўнгил бир ватан сори тортадур,
Ман кулбамға етолмасдин, жаннатда бегонаман.

Бошима келса ишқ тиғи, жоним нисор этурман,
Андин ўзга йўқ бисотим, ман ғариб сайёраман.

Бир замон кўкдан кўнглима ишқинг шуъласи тушди!
Бу исим сеҳру шавқидин мен ҳануз девонаман.

Эй ошиқлар, Кавсарни бу ишқидин сўз очмангиз,
Куйдирса ҳам шавқ аро ишқ ўтида парвонаман.

[Kavsar]

Нолаи дил

Зебогўй эрурсан, зеболик сенга ярашгай,
Наин зеболик, балки дилраболик ярашгай.

Узлат истагай кўнгил бугун ёдинг ила,
Бесабрлик менга, Сенга иболик ярашгай.

Лоба кўргуздиму дединг: “берурман, тила”
Султонлик Сенга, менга гадолик ярашгай.

Хўблиқ айла манга, бериб ишқдин насиба,
Ки мажнун эсам, ишқда савдолик ярашгай.

Узмам умидимни дийдор диёридин мен,
Ки, қалбим дардига бедаволик ярашгай.

Мисли моҳтоб билмангиз, чеҳраи зардимни,
Ки, дили хунман менга шайдолик ярашгай.

Оламороликму ишинг, мендек ғарибга,
Эриб битгай жон Сенга жафолик ярашгай.

Роҳим эрурсен Роҳимли зот ўзинг, ё Раб,
Кавсарингга васл, Сенга танҳолик ярашгай.

К.

[Kavsar]

Иймон билан яратган

Тўлин ой, сени Раббим танҳо этиб яратган,
Сенга кўз тегмасин, деб доғлар суртиб яратган.

Юлдузларни атрофга чаман қилиб яратган,
Сени ул чаманда мисли санам қилиб яратган.

Бизни Aллоҳ дунёда ҳалол бўл, деб яратган,
Хоксор-ла қадди дол, ҳилол бўл, деб яратган.

Биз-чи, ҳалол бўлдикми ечиб ҳаё пардасин?
Ваҳоланки, У бизни инсон қилиб яратган.

Нафс йўлига оғдикми, ичиб ҳаёт бодасин?
Демадикми, У бизни нодон этиб яратган?

Одамзотга бу борлиқ мўъжизадир шубҳасиз,
Кўрмадикми, эркагу аёл қилиб яратган?!

Ойга ҳам қўйиб қадам, топганимиз не бўлди?
Бари жумбоқ биз учун, хаёл қилиб яратган.

Етти олам асрори сенга Ундан хабардур,
Эшит, инсон, борлиқдан ёлғиз Аллоҳ Акбардур!

Кел эй одам, бирлашиб, ибодатга боғла бел,
Аллоҳ бизни мусулмон банда қилиб яратган.

Турку Ажам, Мағрибдан келар йиғлаб одамзот,
Зеро, кўнгил уйини иймон билан яратган.

Моҳим, сени У кўкда танҳо қилиб яратган,
Нур юзингни биз учун ҳаё қилиб яратган.

Қалқон бўлсин энг гўзал ахлоқимиз туну кун,
Зеро, Аллоҳ барчани ибо билан яратган!

К.

[Kavsar]

Келади

Юрдим қамишзорнинг кенг саройида,
Найистон ичра бир наво келади.
Тенги йўқ, ҳар бири ўз чиройида,
“Алиф”дек қомати расо келади.

Бир мажлис эмишки, дилга ёқар хуш,
Алар суҳбатидан зиё келади.
Хушбахтхона ичра кел эй, зоҳид туш.
Ҳар хонадан бўйи Худо келади...

Қамиш аро эди топганим бир соз,
Чалдиму, шошилиб сабо келади.
Топганини йиғиб яна, дейди: “Оз..”
“Мим” каби эгилиб гадо келади.

К.

[Kavsar]

* * *
Ишқинг борлиғимда сўниш топмоқда,
Дил ҳам мангуга осойиш топмоқда.
Ҳақнинг ишқи дилим этмоқда асир,
Ажиб бир дунё оройиш топмоқда...

Энди хаёлимга кирмоғинг ҳавас,
Туйғу ирмоғимда юрмоғинг абас.
Танибон йўлимни дедимки: “Аллоҳ”,
Сен фоний ҳисларим сўйламагин, бас...

* * *
“Мен” бўлса, дунёга ҳавас бўларкан.
Руҳият қушига қафас бўларкан,
Аллоҳнинг энг гўзал мўъжизасидан
Бандага берилган нафас бўларкан.

Диндошим, биродар, улоқтир “мен”ни,
Покиза кўнгилга жойлагил “сен”ни.
Мушарраф бўлгайсан, топмоққа балки,
Ҳаётнинг сайқали ўшал “ҳеч ким”ни.

К.

[Kavsar]

Нима топдинг?

Ҳаёлардан қочиб-қочиб,
Бориб охир, хато топдим.
Хатоларнинг юзин очиб,
Бориб йўлдан асо топдим.

Йиқилдиму, дедим: “Аллоҳ”
Гуноҳимга жазо топдим.
Шукр дебон, сўрдим паноҳ,
Бу дардимга даво топдим.

Баҳоуддин изларидан,
Юриб-юриб, дуо топдим.
Дуоларнинг сўзларидан,
Ҳурматидан ҳаё топдим.

Ҳаё олиб бордим унга,
Қайтишимда зиё топдим.
Хамир қилди қориб унга,
Жафолардан вафо топдим.

Сен, эй, Кавсар топмадинг ҳеч,
Нафс балосидан ўзгани
Кўнгил айтар: “Ўзингдан кеч!”
Қўй, Ризосидан ўзгани.

К.

[Masud Mahsudov]

Ишқим пинҳон тутгум, асло ошкор этмам ёрима,
Изтироб-азоб ўтини бермагум дилдорима.

Кузги япроқ сингари дил сарғайиб сўлди тамом,
Келди кўклам, лек яшилдан қатра йўқ гулзорима.

Айни фасли ёшлигимда келди-ю, кетди шитоб,
Энди қилмам қанча афсус, эшитмайди зорима.

Қўлим ишда, ёр ёнима, кўнгул бунда шод эди
Йўқотиб лол ўлтирибман, ҳеч унум йўқ корима.

Қай ерни ул этди макон осмонними, ё замин?
Менки тайёр кетишликка, қурбон айлаб борима

Оразини кўрмоғим чун интиҳодан қайтмагум
Майли қўйсин икки устун ва сиртмоқни дорима.

Оҳларимга қулоқ тутмас дўсту ёрон минг тараф,
Баён этдим дардларимни шу мўжаз ашъорима.

(с)

[Kavsar]

Раво кўрдингми?

Менга тун чеҳрангни раво кўрдингми?
Қаҳрингни мен учун жазо кўрдингми?

Рашк дея аталган чоҳга йиқилиб,
Сўзимни, ишимни хато кўрдингми?

Айт, менга яна сен неларни кўрдинг?
Қадди дол ҳилолни расо кўрдингми?

Не учун эгнингда янги, оқ либос,
Сен эски жомани қаро кўрдингми?

К.

[Kavsar]

Ватан недир?
I
Ватан недир?
Ватан не демак?
Мен тинглаган
Аллами ёхуд
Бувим айтган
Ёқимли эртак?
Билмам унинг
Қай бирида бор?
Қай бирида
Унинг нафаси?
Ватан балки
Оппоқ қушларнинг
Макон тутган
Кўнгил қафаси...
Ватан недир?
Ватан не демак?
Бухоронинг тинч
Саҳросими?
Ё хофизнинг
Майин садоси?
Ватан мағрур
Нигоҳларини
Қадаган тоғлар
Қоясими?
Ё қўлимга
Оҳиста чиққан
Чумолининг тор
Уясими?..
II
Ватан недир?
Ватан не демак?
Айтинг касбу
Коримми Ватан?
Жайрон туёқлари
Остида,
Қолган хасу
Хоримми Ватан?...
Айтма гўзал
Ташбеҳларингни,
Ватан ташбеҳ
Эмасдир шоир.
Сен ўйлаган
Бир сиқим тупроқ
Ёки увоқ
Эмасдир Ватан.
Ватан менга
Бегона эмас.
У – Чинорим,
Минорим – ватан.
Ватан мени
Бегона демас,
У – мардонам,
Дурдонам – Ватан.

III
Мен англаган
Туйғулар, ҳатто
Кўксимдаги
Дардим – бир ватан.
Униб чиққан
Ялпиз, райҳоннинг
Бўйидаги
Гарди ҳам – ватан.
Ватан недир?
Ватан не демак?
У заминнинг
Сарҳадларими?
Йўқ, йўқ...
Сарҳад дея
Чалғима шоир,
Сен ватанни
Билмоғинг керак.
Ватан асли –
Қизғалдоқ ичра,
Ўйнаб юрган
Бетиним бола!
Ватан менга
Бағрини очиб,
Кулиб боққан
Меҳрибон Она!

К.

[Kavsar]

* * *
Олиб кўнглим илкида, бағрим яро этди ишқ,
Ул девоналиқ дастидин, юзум қаро этди ишқ.
Не айлама таваккул, дедим: “Бошдин нисор эт”,
Олиб жисму суратим, ишққа гадо этди ишқ.

К.

[Kavsar]

* * *
Нигоҳ дошти би ман, тоҳир шудам.
Аз ишқи ту лафзи моҳир шудам.
Ҳеч кас будам, вақтэ боҳам будем,
Бад аз ҳичрони ту шоир шудам.

* * *
Бир нигоҳ ташлаб мени тоҳир этдинг,
Аввал гунг айлабон, сўнг моҳир этдинг.
Васфинг учун топмасимдан байт сенга,
Лаҳза фироқинг ила шоир этдинг.

* * *
Хуш аст ҳар даме ҳичрон,
Аз таъмаи васли Он.
Нагу би мо аз биҳишт,
Хуш аст нигоҳи чонон.

***
Надонам гар ҳичрони ман чист,
Надонам гар вайрони дил чист.
Чихел бандаи ту мебошам бигу,
Надонам ман дар ин олам кист..

К.

[Kavsar]

Шеърим

Шеърим менинг –
Ўқилмас сирим.
Тўқиб бўлмас
Ҳаётий эртак.
Шеърим менинг –
Топилмас зарим,
Безар уни
Пинҳона тилак.
Шеърим менинг –
Қайғу аламим
Ёки арзи
Аҳволим эмас.
Шеърим менинг –
Ноёб малҳамим,
Шамим эрур –
Ҳеч кимса билмас.

К.

[Kavsar]

Жавоб бер, юрак...

Кечир, юрагимни алдаёлмадим,
Бедору хастани алдамоқ абас.
Ўтмиш хаёлимни ҳайдаёлмадим,
Энди ёлғизгина зоҳидлик ҳавас.

Ҳаёт недир, недир ҳақиқат?..
Саволларга кўмар юрагим.
Ўзинг айт деб сўрама фақат,
Шудир сендан битта тилагим...

Бу дунё нимадир, омонат нима?!
Ваъдами ёки бир ваъдали иймон...
Унда омонатга хиёнат нима?!.
Хиёнат – ваъдани унутмоқ, инон...

Ҳаёт недир, фоний дам нечун?..
Яна сендан сўрайман такрор.
Сен қайдасан, энди сен учун,
Жавоб берар юрагим бемор...

Кечиргин сенсизин яшай олмадим,
Камалак дунё ҳам қалбимга қафас.
Ўзганинг дилини ғашлай олмадим,
Хаёлимда исминг, кезар ҳар нафас.

Ҳаёт недир, недир ҳақиқат?
Жавоб берасанми юрагим?
Индамасанг сен ҳам бешафқат,
Юрак бўласан-ку керагим...

К.

[Kavsar]

Бормикан

Бу жаҳонда Сенингдек шарм айлагувчи бормикан,
Тун зулматда ўзини шам айлагувчи бормикан.

Бу дунёда емоқлик бор биров ҳаққин хотиржам,
Лек виждонан бошини хам айлагувчи бормикан.

Хайр этсак-да Ҳотам каби юз кун бечораларга,
Ҳалол бир нон ила карам айлагувчи бормикан.

Бу оламда нафс йўлидан юриб йиққанлари самм,
Савоблардан гуноҳни кам айлагувчи бормикан.

Магар ҳисоб вақти ҳамма Машҳаргоҳда бўлса жамъ,
Қўрқиб гуноҳдин кўзни нам айлагувчи бормикан.

Очмагай кўнглини Кавсар, ўзгадин кўрмиш ситам,
Анга Сендек ўзни маҳрам айлагувчи бормикан.

К.

[Masud Mahsudov]

Bir holat,
yuragim izidan chiqqan,
Visol chizig'i-la kesishmaydi u.
Bir holat,
jonimmni bedorlik siqqan,
Aqlimga bo'ysinmay qo'ygandir tuy'gu.

Bir holat,
Xayolim tumandek xira -
Hislarim ko'zini to'sib oladi.
Qalbim gulzoriga kun bermay sira,
Tikonlar gulimni bosib qoladi...

Bir holat,
osmonlar judayam yaqin,
Qo'llarim yetadi bulutni tutsam.
Yo darddan bir zumga olgamnimda tin,
Yer yumshoq, kirsamu, yo'qolib ketsam.

Bir holat,
halovat ko'nglimdan yiroq,
Topolmam, jonimni berib jabborga
Uch nuqta umrimga to'lgandir so'roq,
Huzurim almashdim nolayu zorga.

Bir holat,
goh soqov,gunga aylanib,
Gohida mungli kuy chalguvchi nayman.
Shu taxlit kimnidir tanimay-tanib,
Umrining mazmuni bo'lib yashayman

Bir holat,
holatki, ko'zlar nigoron,
Garchi umidimdan asar qolmagan...

(c)

[Kavsar]

Изламанг мени

Қайларда қолдинг деб изламанг мени,
Интизор кўзингиз ирмоғидаман.
Йўқ, йўқ, мени деб довондан ошган,
Чашми изтиробнинг қирғоғидаман.

Вафодан яралган бевафогинам,
Мен энди фироқнинг ишқ тўридаман.
Кетяпман, сиздан йўқ ҳеч қандай гинам,
Чунки мен покиза қалб тўридаман.

Сиз мени изламанг, кўкдаги ойдан,
Мен ойдан узоққа учиб кетганман.
Фақат сиздан қочиб бевафогинам,
Қуёшнинг бағрига кўчиб ўтганман.

Келмангиз ёнимга кўнгил сўргани
Мен сизга дилимни бериб кетганман,
Сиздан яшириб бу юрагингизни,
Ўзим билан олиб, кўкка етганман.

Қайларда қолдинг деб изламанг мени,
Мен маъюс чеҳрангиз нигоҳидаман,
Йўқ, йўқ, мени излаб самога боққан,
Ҳар тола киприкнинг даргоҳидаман.

K.

[Remix]

Osmon yig'lar yerga qilolmay izxor,
Yomg'irlarga bitar dilida borin.
Osmonku aytolmas sevdim deb takror,
Menchi she'rga joylayman sevgim izxorin.

Men osmonman doim yerga talpingan,
Men quyoshmanoyni ko'rishga mushtoq.
Menku bahor kuzni juda sog'ingan,
Menku kunman tunsiz yashayman qandoq....

[Remix]

Erta tong turganda sen haqada o'ylab
To kun botguncha davom etaman
Kun bo'yi ko'changda chiqishing poylab
Ko'zlarim to'rt bo'lib seni kutaman.

Mayli bo'laqolgin bo'ynimga sirtmoq,
Mayli o'ylab seni o'tsin saharlar
Sen menga bir bora sevaman degin
Sevgimdan yashnasin jonim bahorlar....

[Remix]

Afu aylang jonim mening nodonligimni,
O'zim-ku ahir sababchi sizning rashk uchun.
O'ylmadim siz uchun qanchalik og'ir,
Kechiring so'ngi bor nodonligimchun...

Biling men ham sizsiz yashay olmasman,
Yo'llaringiz kutib mushtoqdir dilim.
Bir umr ham sizga boqib tolmasman,
Bir sizni ko'raman, sizni der tilim.

Chin so'z yorim ketmam aslo sizni yig'latib
Siz ko'z yosh to'kmang faqat qalbimni tirnab.
Ketaman deb aytmang boshqa qalbim tig'latib,
Tashlab ketmang gumonlarga siz meni qiynab...

[Remix]

Ko'zing ko'rmoq so'nggi bora armon bo'ldi
Cho'milmadim nigohingiz ummonida
Umid kutib sevgimizni sarson bo'ldi
Uchib yurar endi sevgi osmonida...

[Remix]

hayollarda bir bor quchgin sog'ingancha
mayli shu ham bizga armon bo'lmasin
loqal bir bor sevaman de ko'zing yumgancha
mayli boshqa ko'zim seni ko'rmasin

[Remix]

yomg'irlardan qizg'ondim yuzinnga tushgan
rashkimni qo'zg'ar qorlar sen bilan o'ynab
shamoldan qizg'ondim uzoqdan quchgan
sevgim sinar tabiat go'yoki qiynab

[Remix]

Men seni qizg'andim bahordan-kuzdan,
Rashk qilardim hatto yuzing ko'rmayin bir bor.
Men seni qizg'andim kecha-kunduzdan,
Bittagina suratingga termulib takror.

[Remix]

Aytting bo'lmagayman sevginnga asir,
Muhabbatning ko'chalari oh bunchalar tor.
Shu ko'chada muhabbattan men qurgan qasr,
Bir sening jonginam tashrifingga zor.

[Remix]

Yana yomg'ir, yana esga tushar shirin hotira
O'tgan baxtli damlarimiz eslayman bir-bir.
Unutolmay o'sha lahzalarni bir zum ham sira,
Seni o'ylab kun botadi, tong otar ohir...
Yog'ar yomg'ir erkalanib tomchi-tomchilab,
Erkam erka qiliqlaring eslatar menga.
Sharros yomg'ir tagida ovozing eslab,
Yana xatlar yozaman hayolda senga...
Shunchaki she'r yozgim keldi senmas sababchi,
Suratingga sog'inchlarim qo'shib yoqaman.
Hayot asli shunday ekan, umr aldamchi,
Yonayotgan suratinnga asta boqaman...

[Remix]

Bilmam nega yolg'onlardan yaralmish dunyo,
Kimdir do'stin aldaydi, kimdir sevganin.
Ishonsang-u, ishonmasang chindir sevganim,
Ishon sevar edim hammadan ortiq
Sevgim emas, yuragimni qilgandm tortiq.

Sevganini rozi qilmay uyiga borish,
Hohlamagan paytidayam suhbatin olish,
Kelaman deb indamasdan yo qochib qolish
Sevgi emas bu o'yinmi, balki bu hordiq,
Men ahmoq chin sevgimni qilibman tortiq.

Kelasanmi yoki yo'qmi balki kutarman,
To o'lguncha kutish bilan sabrim kosasi,
Sen bilmaysan men pinhona she'rlar bitarman,
Sen bilmaysan alam yo'qdur kutishdan ortiq,
Sevgim bilan sevgimni ham qilgandim tortiq...

[Remix]

Hayotmikan yoki bilmam o'zimmanmi bevafo?
Aybni o'zgalardan ahtarmoq nechun?
Muhabbatim hech ham menga qilmadi vafo,
Endi vafodorsiz jonim boshqasi uchun...

Menmas endi hayot yo'ling yakuni,
Menmas senla tunnu tongga ulovchi.
Men emasman muhabbatnng tanho ustuni,
Lekin tanhoman sen haqingda kuylovchi...

Sen o'stirding muhabbatning bog'ida gullar
Sen taratting muhabbatning uyiga ifor,
O'zing bilan birga ketmadi sog'inchli o'ylar
Yolg'iz o'zing eding tanho dildagi dildor...

[Nigora Umarova]

Remix, she'rlar muallifi Sizmisiz?
Iltimos, imlo xatolariga jiddiy e'tibor bering.

[Remix]

she'rlar muallifi Sizmisiz?aha man.
keyingi safar e'tiborliroq bo'laman ))

[Kavsar]

Zamin

Osmon olislarga
Chorlagan sari,
Men zamin bag'rida
Qolaveraman.
Tungi chiroqlardek
Porlagan bari,
Yulduz tasvirini
Solaveraman.
O'zing ayt, menga sen
Qildimmi xato?
Qarshingda oyni ham
O'ylayveraman.
Rashk etib nolima,
Bilmaysan hatto
O'zingdan seni men
Yo'qlayveraman.
Fusunkor ohanglar,
Mayin navolar
Ko'ngil tilsimlarin
Ochaveradi...
Dil esa eng go'zal
Tuyg'ularini,
Shu zamin ustiga
Sochaveradi...

K.

[Masud Mahsudov]

Yuragim oshiqar sen tomon,
Yarim tun…
Uyqu yo’q ko’zimda.
Xijroning yukini tortaman,
Dunyoning azobi o’zimda.
Nimadir ko’ksimda tipirlab,
Sog’inchga aylangan pallalar.
Ichimda mehr-la pichirlab,
Men senga aytaman allalar.
Olamning ishidan bo’sh qolib,
Intiqib, orziqib ketgan dam.
Qaniydi, yoningga borvolib,
Yuzingga termulib o’tirsam.
Diydorga tashna bu ko’ngilni,
Ayt menga, nima deb ovutay?
Olovga aylangan bu dilni,
So’ylagin, qandayin, sovutay?
Sog’indim -
boshqa so’z kelmaydi,
O’ylardan charchagan xayolga.
Yuzim ham sensiz hech kulmaydi,
Qay zamon yetkazar visolga?
Qanaqa bo’ladi baxt rangi?
U qanday qog’ozga o’ralgan?
Eshitsa bo’larmi jarangin?
Muhtasham uymi u qurilgan?
Savollar…
Savollar, tinch qo’ymas,
Javobi – yakлashim – o’zingsan.
Taqdirda bitganim, peshonam,
Umrbod dardkashim – o’zingsan.

Tinch uxla…
Sen uchun men bedor,
Nigohim tushingdan umidvor…

Yuragim oshiqar sen tomon,
Yarim tun…
Uyqu yo’q ko’zimda…


(с)

[Masud Mahsudov]

Balki bu soginchning so'nggi lahzasi,
Balki dard nomasin so'ng bor bitaman...
Mana shu bo'lsa gar ishqing lahjasi,
Bo'ldi...
Tugataman...
Sendan ketaman...

Qalbimda quyoshni ko'rmaysan boshqa,
Shirin so'zlarimni ichga yutaman...
Axir chegara bor sabr-bardoshga,
Yolvorma...
Endi kech...
Sendan ketaman...

Endi tunlaring ham oysiz, yulduzsiz,
Nursiz ko'ngling uzra qolib netaman...
Iznsiz,
indamay,
gapirmay,
so'zsiz,
Ortimga qaramay,
Sendan ketaman...

Endi o'ylarim ham sendan yiroqda,
Yuragimni yolg'iz qo'lda tutaman...
Mayli kuyib ketay otash-firoqda,
Baribir, butunlay
Sendan ketaman...

Orzu-havaslaring siylov o'zingga,
Taqdir yo'lagidan yakka o'taman...
Qarshimdan chiqsang ham,
boqmay ko'zingga,
Qayrilib, manguga
Sendan ketaman...

(c)

[Shokir Dolimov]

Bo'ldi...
Tugataman...
Sendan ketaman...
Офарин!

[Remix]

Javobi – yakлashim – o’zingsan.
bu nima so'z?

[OmoN]

bu nima so'z?Yakkashim сўзи. Иккинчи К ҳарфини ёзаётганда клавиатуранинг раскладкаси кириллчага ўтиб қолган.

[Nigora Umarova]

bu nima so'z?Yakkashim сўзи. Иккинчи К ҳарфини ёзаётганда клавиатуранинг раскладкаси кириллчага ўтиб қолган.

Kimdir so'zni "yakka shim" ma'nosida tushunishi mumkin. :)

Yakkashim- "yagonam" degani. Bu yerda -kash qo'shimchasi qo'llanilgan.(dilkash, zahmatkash, mehnatkash so'zlari yasalgan qo'shimcha)

[Kavsar]

Ona

(Dunyodagi barcha aziz onalarga bag'ishlanadi)

Qildim, bayon vasfing
Uzundan - uzoq.
Ona, so'z topmadim,
Senga loyiqroq.
Quyosh bor, dunyoda
Charog'on, biroq
Men uchun quyoshdan
Mehring ulug'roq.

Dunyo tushungaydir,
O'zicha bizni.
Bildik o'zimizcha,
Biz ham dunyoni
Bugun o'zgalarga
Bo'lib beqadr,
Men bildim, onajon
Yaxshiroq seni.

Podshoh ham, Gado ham
Kimgadir farzand.
Barchaga teng bergan
Mehrini ona.
Qabul et, poyingda
Aylayin ta'zim,
Bir doston tug'ildi
Bugun sha'ningga...

O'qidim, nozikta'b
Shoirlaring ham,
Vasfingni yoymakka
Ojiz qalami...
Ne sabab bunday ey,
Aytgin, buyuk zot?
Balki qalbing to'la
Hayajon, titroq...

Bilmadim, taqdirim
Ne yo'lga boshlar?
Hali yashirin bu
Kelajak siri.
Shoira bo'lolsam
Faqat sizga deb,
Men qasr quraman
Birinchi bo'lib...

Tojmahal qurildi,
Sevgiga atab.
Men deyman bo'lg'usi
Onaga atab.
Ey, dunyo, jamiiyki
Qizlarni asra,
Chunki u avvalo,
Bo'lg'usi ona!

Ha, qizlar biladi
Ona qadrini.
Qachondir ular ham
Ona bo'lganda...
Ona iztirobin
Tushunar, balki
Ular ham bolam deb
Qayg'urganida...

Men diyor izladim
Dunyoni kezib.
Ham qo'nim istadim
Kulba axtarib.
Qush bo'lib uchdimu,
Bag'ringdan uzoq,
Men makon topmadim
Qalbingdan yiroq...

X.

[Masud Mahsudov]

("Keraksan" nomli she'rimga qo'shimcha sifatida...)

Keraksan...
Intiq dil boshqani ko'rmaydi,
Holinngni men kabi
sabrsiz so'rmaydi,
soyadek ortingdan ergashib,
orzu-yu havasda tenglashib,
Bekorga izingdan yurmaydi,
Keraksan.

O'zgalar, ne desa desinlar,
baribir,
Pichinglar, g'iybatlar
ko'zimdan naridir.
Menda bor yagona havotir:
Keraksiz bo'lishdan,
Qarovsiz so'lishdan,
Yaratgan umrbod asrasin...
Keraksan.

Keraksan,
Ayni dam
yo'q boshqa kalomim tilimda,
Hamroh bo'l,
kunu tun
oxir yo'q yo'limda.
Garchi men bilmasman
ne bo'lar,
ne kutar o'ngimu so'limda...
Keraksan...

Keraksan,
Ko'zimga tor bo'lib
ketganda dunyolar,
Keraksan,
suvtalab bo'lganda daryolar,
Qirg'oqlar birlashib,
Yulduzlar sirlashib,
Quyoshga qalb muhtoj
bo'lganda.
judayam keraksan...

Keraksiz o'lishdan asrasin,
Yuraksiz bo'lishdan asrasin,
Nur istab chanqasa
qon ko'ngil,
Tuganmas ziyoni beruvchi,
Falaksiz bo'lishdan asrasin...
Keraksan....

(c)

[Kavsar]

Buxoroning osmonlaridan,
Nur to'kilar qamar ardoqda.
Hur oromning isyonlaridan,
She'r to'kilar Samarqand haqda...

Men teraman, ma'yus teraman,
Tugamaydi, harflar, misralar...
Terib qog'ozlarga beraman,
Mendan sog'inch degan his qolar.

Uzun-qisqa she'rlar hud-behud,
Kunlarimga qo'yilgan ism.
She'r yozmagan kularim unut,
Nomsiz ketgan umr bir qism...

U.

[Masud Mahsudov]

Yig’lamoq – tavbadir,
Yig’lamoq alam,
Ko’z yosh – tazarrudan yaralgan chashma.
Quvonchmi, shodlikmi, qayg’umi yo g’am,
Odam zoti azal yig’iga tashna…

Yig’lang,
Armon hecham rahna solmasin,
Tashqari chiqarib bor g’uborlarni,
Yig’lang,
Kiprig’ingiz qurib qolmasin,
Eslab, nadomatu, afsus, zorlarni.
Yig’lang,
o’ksib-o’ksib,
Tavbalar aylab,
Gunohlar to’kilib ketgunga qadar.
Pushaymonlik hissin ko’ngilga joylab,
Duo ijobatga yetgunga qadar
Yig’lang,
Yig’layvering,
Qadringiz sabab,
Qimmatingiz yerga urilgani chun.
Milyon yo’lga kirib,
Adolat so’rab,
Haqdan panoh topib olganingiz kun
Yiglang,
To’yib-to’yib,
mayli olmay tin,
Yukdan holi bo’lib qolguncha gardan.
Yaratgan umrimiz holi aylasin,
Yig’lashni bilmagan bag’ritoshlardan.
Yig’lang,
Ko’z yoshiga to’lib ketsin qalb,
Ko’ngil dunyosiga yoyilsin behad.
Titrasin avflarni so’raguvchi lab,
Ruhingiz o’shanda olarkan rohat.
Yig’lang,
Boshingizni qo’yib sajdaga,
Niyatni pok etib, ma’zurlar aytib,
Yaxshiga yondoshib, yomondan qaytib,
Ko’z tikib Allohdan kelar mujdaga,
Yig’lang,
Bag’ringizga to’lganida qon,
Dunyo tashvishidan bo’lganda xijil,
Ziyoga intilish to’xtagani on,
G’alat talvasani tuyganida jon,
Chorasiz qolganda begunoh inson,
Razolatga botib qolganda jahon,
Vijdon qiynoqlardan chekkanda fig’on,
Insof yiroqlarda kezganda sarson,
E’tiqod sotilsa suvdan ham arzon,
Adovat mehrga bermasa imkon,
G’uborga oshino bo’lganda imon,
Yig’lang,
Titrab yig’lang,
Ich-ichdan yig’lang…

Ajab, yig’ingizni to’xtatgan zamon,
Ajib bir yengillik tortar ekan dil…

(c)

[Masud Mahsudov]

Yurak indamadi, turaverdi jim...
(Bir she'rdan...)


Garchi men firoqda olovsiz yondim,
Havoga uchsa ham so'ngsiz nolalar.
Yolg'iz Haqdan umid qilib inondim,
Garchand ichimda ol gullar lolalar,
Yurak indamadi, turaverdi jim...

Endi savollarim o'rtaydi jonim,
Bir chetda chorasiz turar imkonim,
Zulmatga aylandi yorug' jahonim...
Yurak-chi, indamay turaverdi jim...

Xayol daryosida oqaman yolg'iz,
Xijron sahrosiga boqaman yolg'iz,
Eski maktublarni yoqaman yolg'iz,
Yurak turaverar... Indamaydi... Jim...

Azoblar qalbimni tirnar mahalda,
Mungga burkansa ham alamli diydam,
Garchi dunyo unga bo'lsa ham dalda,
Yurak indamasdan yig'layverar jim...

(c)

[Kavsar]

Yig’lamoq – tavbadir, Yig’lamoq alam, Ko’z yosh – tazarrudan yaralgan chashma. Quvonchmi, shodlikmi, qayg’umi yo g’am, Odam zoti azal yig’iga tashna…

Har bir she'ringizda yangi-yangi ma'nolar bor ekan. Ularni o'qib chiqib xuddi ulkan dengiz oqimiga tushib qolganday bo'ldim. Bu katta daryo o'ziga g'arq qilgudek falsafiy fikrlarga o'ralgan ekan..

She'rlaringiz kitob bo'lganmi? Nega shu paytgacha hech kim e'tibor qilmagan ekan yoki men bilmaganman? Bu she'rlarning ohangi musiqiy, xuddi kuylanayotgan qo'shiqqa o'xshaydi.

Men filolog bo'lsam-da hali qalam yurgizishni bilmayman. G'azal deb qo'yganlarim mutlaqo aruzda emas. Lekin g'azallaringiz ham aruz ohangida juda chiroyli o'qilar ekan.. Balki kelajakda bu kamchiliklarimni to'grilab men ham she'riyatning ulkan ostonasiga bora olsam o'zimni behad mamnun sezardim.

Darhaqiqat she'rlaringiz faqat majozdan iborat emas, ularda tasavvufiy qarashlarni ham ilg'adim. Balki anchasiga tishim o'tmagandir, ammo shuni bilamanki, boshqalar ham bu she'rlardan bahramand bo'lib kitoblaringizni o'qishsa savoblarning yaxshilaridan bo'lardi..

Ijod yo'lingizga ulkan muvaffaqiyatlar tilab, samimiyat bilan...

[Kavsar]

Yorning quliman

Dunyo meni
Anglamoq uchun,
O'ttiz yil kerakdir,
Balki ellik yil.
O'shal kun inson deb
Tan olmoq uchun,
Sarflamoq kerakdir
Umrni balki...
Sen kimsan demading:
Yorning quliman,
Gunohkor bandaman
Devonasifat...
Xaroba edimu,
Yerga to'kildim,
Kezaman dunyoni
Xarobasifat...
Ko'zlardan oqqani
Tomchi yosh emas,
Dengiz qa'ridagi
Durdan nishona.
Olgan malomatim
Asli tosh emas,
Bog'ida ko'ringan
Hurdan nishona.
Ayting bu dunyoni
Qurgan kim edi?
Kim edi, kim uchun
Bunyod ayladi?
Jim edi, koinot
Asli jim edi.
Jimlikda insonni
U yod ayladi...

K.

[Kavsar]

Yurt sog'inchi

(chet elda o'qib yurgan barcha
Uzbekiston yoshlariga bag'ishlanadi)

Tasavvurlar ingan satrdan,
Nur to'kilar, yog'du taralar.
O'zga bir yurt manzillaridan,
Sen haqingda orzu yaralar.

Men teraman, ma'yus va mahzun,
Ortda qolgan sog'inchlarimni.
Oh, bu yurtda qanchalar uzun,
Kechgan ko'kning kechalarini.

Sog'inchlaring o'tidan kuyib,
Yaralgaydir she'rlar hud-behud
O'z nomingga o'zga nom qo'yib,
To'kilmagan satrlar mavjud.

Oqshomlari oy ham jilvagar,
Yot ko'chalar oydin, yorishar.
Tor ko'changdan o'tsa kim agar,
Tunda oydan ko'zi qamashar.

Mayin, mayin shabboda elib,
Yurt nafasin olib keladi.
Shu on butun borliqdan kechib,
Samarqandni quchgim keladi.

X.

[Masud Mahsudov]

Har bir she'ringizda yangi-yangi ma'nolar bor ekan. Ularni o'qib chiqib xuddi ulkan dengiz oqimiga tushib qolganday bo'ldim. Bu katta daryo o'ziga g'arq qilgudek falsafiy fikrlarga o'ralgan ekan..

She'rlaringiz kitob bo'lganmi? Nega shu paytgacha hech kim e'tibor qilmagan ekan yoki men bilmaganman? Bu she'rlarning ohangi musiqiy, xuddi kuylanayotgan qo'shiqqa o'xshaydi.

Men filolog bo'lsam-da hali qalam yurgizishni bilmayman. G'azal deb qo'yganlarim mutlaqo aruzda emas. Lekin g'azallaringiz ham aruz ohangida juda chiroyli o'qilar ekan.. Balki kelajakda bu kamchiliklarimni to'grilab men ham she'riyatning ulkan ostonasiga bora olsam o'zimni behad mamnun sezardim.

Darhaqiqat she'rlaringiz faqat majozdan iborat emas, ularda tasavvufiy qarashlarni ham ilg'adim. Balki anchasiga tishim o'tmagandir, ammo shuni bilamanki, boshqalar ham bu she'rlardan bahramand bo'lib kitoblaringizni o'qishsa savoblarning yaxshilaridan bo'lardi..

Ijod yo'lingizga ulkan muvaffaqiyatlar tilab, samimiyat bilan...


Assalomu alaykum.

Samimiy fikrlaringiz uchun tashakkur. Sizning she'rlaringiz ham juda ajoyib, rang-barang, so'z tanlashlaringiz maqtovga sazovor. G'azallaringizga kelsak, haqiqatan ham, aytganingizdek, mukammallashtirish kerak. Aruzni chuqurroq o'rgansangiz, mumtoz adiblarimiz asarlarini yanada ko'proq o'qisangiz, yaxshigina yoza olasiz, so'z boyligingiz katta ekan. Forsiyda yozganlaringiz, ayniqsa, taxsinga sazovor. Mening forscham ancha sayoz bo'lgani sabab, she'r yozib ko'rmaganman, ustida ancha ishlashim kerak - she'r yoza oladigan darajaga ancha bor hali :)

She'rlarimga kelsak, nasib qilsa, shu kunlarda nashrga tayyorlayapman. Yaqinda chiqib qolishiga umid qilaman va barcha do'stlarimizdan duo qilib turishlarini iltimos qilaman. Yaratganning o'zi shu ulug' kunlarda qilgan ezgu ishimizning barakasini bersin.

She'rlardagi botiniy ma'noni to'gri anglabsiz, ularning aksariyatida chuqurroq mulohaza qilishga, kishini o'ylantirishga majbur qiladigan mavzuni yoritishga harakat qilaman.

hurmat bilan,

Mas'ud

[Masud Mahsudov]

Yurt sog'inchi

(chet elda o'qib yurgan barcha
Uzbekiston yoshlariga bag'ishlanadi)

Tasavvurlar ingan satrdan,
Nur to'kilar, yog'du taralar.
O'zga bir yurt manzillaridan,
Sen haqingda orzu yaralar...


X.

Juda yaxshi yozibsiz... o'qib, bir she'rim esimga tushib ketdi...

Янги ой осмонда кeзади,
Паришон боқаман унга жим.
Ичимни минг соғинч эзади,
Уйимни жудаям соғиндим.

Мeн кeтгач хаёлин йиғмаган,
Ўғлисиз ҳeч қайга сиғмаган,
Тeлeфонда хўрсиниб йиғлаган,
Онаизоримни соғиндим.

Ҳар ерда фахрим ҳам савлатим,
Суянган тоғим ҳам, ҳайбатим,
Бошимда энг азиз давлатим -
Падари бузургим соғиндим.

Бири шўх, бошқаси ҳокисор,
Ичида кири йўқ, бeғубор,
Болалик йўлимда изи бор,
Синфдош дўстларим соғиндим.

Кeчаю кундузда ўйлаган,
Дардларин дафтарга сўйлаган,
Дилининг созида куйлаган –
Мeнга кўз тикканни соғиндим

Киприкда ёш бўлиб қотгувчи,
Фарзандга борини тутгувчи,
Қучоғин ланг очиб кутгувчи,
Шаҳарим, қишлоғим соғиндим.

Охири кўринмас далани,
Хув, ўша мол боққан болани,
Тонгдаги қатиқчи холани -
Ҳаммасин, ҳаммасин соғиндим.

Янги ой осмонда кeзади,
Паришон боқаман унга жим…

(c)

[Kavsar]

She'rlarimga kelsak, nasib qilsa, shu kunlarda nashrga tayyorlayapman. Yaqinda chiqib qolishiga umid qilaman va barcha do'stlarimizdan duo qilib turishlarini iltimos qilaman. Yaratganning o'zi shu ulug' kunlarda qilgan ezgu ishimizning barakasini bersin.

Bu juda yaxshi xabar bo'ldi-ku, kutib qolamiz unda... :)


Afsuski, forschada endi o'zimni sinab ko'ryapman, agar tushunadiganlar bo'lsa balki xatolarimni bilib olardim...

[kanishka]

Afsuski, forschada endi o'zimni sinab ko'ryapman, agar tushunadiganlar bo'lsa balki xatolarimni bilib olardim...


Мумкин бўлса, форсча шеърларингизни кўрсатсангиз. Балки ёрдамим тегиб қолар.

[Nigora Tursunova]

Мумкин бўлса, форсча шеърларингизни кўрсатсангиз. Балки ёрдамим тегиб қолар.
Kavsarning forscha sherlari mana bu yerda (http://uforum.uz/showthread.php?t=5503&page=33).

[Masud Mahsudov]

Сенсизликка, мана ўрганиб қолдим,
Ойнинг тили бўлса, айтади, сўра.
Қоғозу қаламдан аламим олдим,
Тушкунлик нафасин олишдан кўра.

Қадрдон кўчани ёлғиз кезаман,
Қара, ўзгармабди мағрур чинорлар.
Таниш шабаданинг сасин сезаман
Сен ҳақда сўрайди сўнгсиз саволлар…

Кунлар ўтиб кетди биринма- кетин,
Ҳар куннинг ташвиши яккама дукка.
Энди висолингни ҳавас қилмайин,
Кўникиб ҳам қолдим эсламасликка.

Ҳафталар, ой, фасл, ўтсалар йиллар,
Битиб кетар экан ишқнинг яраси.
Енгиллик тортгандай бўлади диллар,
Вужудни забт этар ёшлик нафаси…

Умидларим тилаклардан зиёда,
Бу кун омад кулиб боқар йўлимдан.
Бахтлиман сен каби мен ҳам дунёда,
Сенсиз яшаш келар экан қўлимдан!

(c) 2006

[Masud Mahsudov]

Ketayapman kelajak sari,
Bedorlikda o'tar yangi tun.
Tug'ilishga yuzim teskari,
O'lim taraf yaqinman bir kun...

(c)

[Shokir Dolimov]

Ketayapman kelajak sari,
Bedorlikda o'tar yangi tun.
Tug'ilishga yuzim teskari,
O'lim taraf yaqinman bir kun...
Мен ё ўзбек тилини яхши тушунмадим, ё бу мисралар ҳаддан ташқари тарки дунё кайфиятда битилибди. Гарчи мусулмон банда ўлим ҳақ эканлигини бир кунда етти маротаба тан олиш керак деган маънодаги гапни эшитган бўлсам-да, ўлим тараф онгли равишда яқинлашиб бориш яхшимикан?

[Masud Mahsudov]

Ketayapman kelajak sari,
Bedorlikda o'tar yangi tun.
Tug'ilishga yuzim teskari,
O'lim taraf yaqinman bir kun...
Мен ё ўзбек тилини яхши тушунмадим, ё бу мисралар ҳаддан ташқари тарки дунё кайфиятда битилибди. Гарчи мусулмон банда ўлим ҳақ эканлигини бир кунда етти маротаба тан олиш керак деган маънодаги гапни эшитган бўлсам-да, ўлим тараф онгли равишда яқинлашиб бориш яхшимикан?

Aha, she'r to'rt qator bo'lgani uchun ham, fikrimni ifodalay olmagandirman. Demoqchi bo'lgan fikrimni lo'ndaroq aytay: Gyotening bir gapi bor edi - "Tug'ilish - o'lim sari qo'yilgan ilk qadamdir" deb. Ya'ni, kishi yoshi o'tgan sari, xohlaydimi-yo'qmi, o'limiga yaqinlasha boradi - bu haqiqat. (Ya'ni, mantiqan olsa ham, noto'gri emas, shundaymi? ). Mana shu fikrni to'rtlikka sig'dirmoqchi bo'lgandim, eplolmagan ko'rinaman... Lekin, she'r hech ham tushkun kayfiyatda yozilmagan, shunchaki, saharlikdan keyin, o'ylanib o'tirgandim, o'yimga shu keldi va yozib qo'ydim.

[Kavsar]

Tong quyoshi

Sen ila yorug' bu - olam, koinot,
Beminnat nuringla odamzot hayot
Dunyoda yaralgan har turfa jonzot,
Munavvar tong uchun aylagay salot.

Aks etib yuzlaring tonggi shudringda,
Solib naqsh yaproqqa jajji shabnamlar.
Go'zallik bor bo'lsa, balki shudir-da,
Qarshingda hayrona hatto sanamlar.

Quyosh, sochlaringni zamin uzra yoy,
Kiprikdan o'qlanur qoshlar misli yoy.
Sen borki dunyoda ko'rarman uni,
Oshiqlar yuragi ishq dardiga boy.

Qarayman tiniq va beg'ubor osmon,
Kuzda daraxtlarning ranglari somon,
Ko'zlarda tajalliy surating hamon,
Munavvar shams, sendan ayrilish yomon.

K.

[Kavsar]

Musavvir

Hayot, sen nechun
Beshafqat rassom?
Quvonchda g'amni
Tasvirlayotgan.
Eng baxtli damni
Bir chetga surib,
Mening qismatim
Belgilayotgan.
Hisobda turibdi,
Umr ham so'zsiz.
Kimlardir taqdirga
Ko'ndi shubhasiz.
Kim bo'ldi baxtiyor,
Kim esa baxtsiz..
Ul sening chizgan
Qismat surating...
Hayot, sen nechun
Beshafqat hofiz?
Nechun kuylayapsan
Sirimni hanuz?
Barini oshkora
Kuylaga hofiz,
Chizayapsan misli
Qalbim suratin...
Bilsang bu san'at
Meni etgan rom,
Go'yo yuragimning
Bir bo'lakchasi.
Hayot, sen uchun
Aylay ehtirom,
Ammo sen haliyam
Beshafqat rassom.

K. 2009

[Kavsar]

Chin mehr

Kimgadir nomingu
Kimgadir moling,
Kimgadir joyingu
Kimgadir shoning.
Xullas kimlargadir
Kerak xizmating.
Faqat bir zot - onang
Ularni demas,
Unga bu olamda
Omon yursang bas.

K.

[Kavsar]

Go'zalim ayol
(H. Xudoyberdiyeva ustozimizning "Muqaddas ayol"
she'rlaridan ilhomlanib o'xshatma tarzida yozilgan she'r )

Oshiq deb dilini ochgan bo'lsa ham,
So'ng tonib ishqidan qochgan bo'lsa ham.
G'animlar siringni sochgan bo'lsa ham,
Yig'lama, dunyoda go'zalim Ayol.

Sen kelsang poyingda yotsalar nogoh,
Ketsangu g'amlarga botsalar nogoh.
Va turib bo'htonni otsalar nogoh,
Ishonma ularga, go'zalim Ayol.

Sen yurgan olamda armon bo'lmagay,
Sen kulgan yurakda iymon o'lmagay.
Sensiz oshiqlikka imkon qolmagay,
Olamda yagona go'zalim Ayol.

K. 2009

[Kavsar]

Оффтоп: Мумкин бўлса, форсча шеърларингизни кўрсатсангиз. Балки ёрдамим тегиб қолар.

Muhtaram Kanishka, hali fors-tojik tilida ijod qilishga endi harakat qilyapman. Shu sabab bu misralar hali to'g'rimi yo'qmi, men uchun mavhum. Agar fors tili she'riyatini yaxshi tushunsangiz, yaxshi bo'lardi misollar keltirib o'z fikrlaringizni, munosabatingizni qoldirishingiz.


Aytadilar-ku: "So'rab o'rgangan olim..." deya. Samimiyat ila...

[Shokir Dolimov]

Tug'ilish - o'lim sari qo'yilgan ilk qadamdir
Ҳа, энди тушунарли. Сизга ўша қадамларни майда-майда, шошилмай ташлаб бориш, узоқ ҳаёт кечириб, соғ-саломат умрингизни сермазмун ўтказиш, саҳарлик ва ифторлик вақтида билдирган ниятларингизни Худо ўз даргоҳида қабул қилишини, муҳаббатни тараннум этган мисралар билан ўз мухлисларингизни қувонтириб боришингизни тилайман. Буюртма деб билманг-у, ватанпарварлик руҳида битилган бизнинг соҳамизбоп фикр-мулоҳазаларингиз бўлса, аямасангиз.

[Kavsar]

Iftixor

Bir ayol bor do'stim, dunyoda
Yuzlaridan yog'iladi nur
Nigohida bir dunyo hayo,
Malak misol - onam bo'ladi.

Bir inson bor do'stim, dunyoda
So'zlaridan yog'iladi dur.
Har subhidam aylagay duo,
Duogo'yim - otam bo'ladi.

Bir yigit bor do'stim, dunyoda,
Yurtin asrab turadi mag'rur
Mardlik hissi bo'lsin ziyoda,
U mehribon - akam bo'ladi.

Bir o'lka bor, do'stim dunyoda,
Osmonidan to'kiladi nur.
Savob bo'lur borsang piyoda,
Sharifim, Buxoro bo'ladi.

K.

[kanishka]

Нигоҳ дошти би ман, тоҳир шудам.
Аз ишқи ту лафзи моҳир шудам.
Ҳеч кас будам, вақтэ боҳам будем,
Бад аз ҳичрони ту шоир шудам.

Шу тўртлигингиз анча яхши чиқибди. Фақат вазнини англай олмадим. Балки ўзингиз ёрдам бериб юборарсиз?

Форс адабиётининг қайси классикларини кўпроқ мутолаа қиласиз?

[kanishka]

Бу реда фақат шахсий ижод маҳсули бериб бориладими ёки устозлар шеъриятидан намуналар келтириш мумкинми? Агар постнинг жойи бошқа мавзуда бўлса, ҳурматли модердан хатоимизни тўғирлаб қўйишни сўрайман

Бўйи чўйи Мулиён ояд ҳаме,
Ёди ёри меҳрубон ояд ҳаме.

Реги Омуву дуруштиҳойи ў,
Зери поям парниён ояд ҳаме.

Оби Чайҳун бо ҳама паҳноварий,
Ҳинги моро то миён ояд ҳаме.

Мир сарв асту Бухоро бўстон,
Сарви суйи бўстон ояд ҳаме.

(с) Устод Рўдакй.

[Kavsar]

Оффтоп: Форс адабиётининг қайси классикларини кўпроқ мутолаа қиласиз?

Tashakkur, muhtaram Kanishka. Fors-tojik adabiyotidan Sohrab Sipehri, Ja'far Muhammad she'rlari juda yoqadi menga. Ba'zan Hofizni o'qiyman. Asosan, Jaloliddin Rumiyni ruboiylarini o'qib turaman.

To'rtliklarimni vazni har holda ahrab va ahramda emas. Vaznsiz desak ham bo'laveradi. :) Umuman, bir fikr kelib qolsa shuni qisqa to'rt qatorda yozib qo'yaman. Vaznga solishni hali eplay olmayman. Asosiy kamchiligim ham shu..

[kanishka]

To'rtliklarimni vazni har holda ahrab va ahramda emas. Vaznsiz desak ham bo'laveradi. Umuman, bir fikr kelib qolsa shuni qisqa to'rt qatorda yozib qo'yaman. Vaznga solishni hali eplay olmayman. Asosiy kamchiligim ham shu..

Tajriba sekin-sekin keladi, qiziqishning borligi muhim.

Hazajga solish uchun quyidagicha shaklga solish kerak menimcha:

Нигоҳ дошти би ман Тоҳир шудам,
Зи ишқат лафзи сармоҳир шудам.
Касе нистам, даме боҳам будем,
Бад аз ҳичрони ту шоир шудам.

v - - - / v - - - / v -

IMHO, she`r sizniki.

[Kavsar]

Нигоҳ дошти би ман Тоҳир шудам,
Зи ишқат лафзи сармоҳир шудам.
Касе нистам, даме боҳам будем,
Бад аз ҳичрони ту шоир шудам.
v - - - / v - - - / v -

Qoyil, she'r zo'r chiqibdi ku... :)

"Zi" - "az" ni qisqargan shakli, ha, shuni o'ylamagan ekanman..


Az shumo xele minnatdor hastam, bisyor tashakkur. Bo ehtiromi kalon...


To'g'ri, endi tahrir qilib chiqmasam bo'lmaydiganga o'xshayapti... Men uchun hazaj bilan ramal osonroq, harakat qilaman keyingi safar vaznga solib ko'rishga.... Yo'nalish berib yuborganingiz uchun rahmat...

[kanishka]

Qoyil, she'r zo'r chiqibdi ku...

Bu sizning she`ringiz, o`zingizga qoyil ))) .


To'g'ri, endi tahrir qilib chiqmasam bo'lmaydiganga o'xshayapti... Men uchun hazaj bilan ramal osonroq, harakat qilaman keyingi safar vaznga solib ko'rishga.... Yo'nalish berib yuborganingiz uchun rahmat...

Arzimaydi. Men ham fors klassikasi shaydosiman. Arab yozuvini o`qishga qiynalayotganim uchun ancha-munchasidan quruq qolmoqdaman. Sizga shakl uchun Unsuriy va Hofiz, mazmun uchun Katta Dehlaviy, Rudakiy va Rumiyni o`qishni maslahat bergan bo`lardim. Hozircha bu she`rlaringiz dubaytiy, ruboiy yozish uchun hazaj va ramalning sodda shakllaridan chiqib keta olish lozim.

[Masud Mahsudov]

Yomg’ir shivalaydi...
Xayol parishon,
Daryoga tikilib o’y suraman jim.
Yo’lini topolmay darbadar, sarson
Bilmam, qayerlarda kezadi ruhim...

Ba’zan xursand, ba’zan ko’zlarida nam,
His qilmas ne asli quvonch va ne g’am,
Ahyonda sergak-u, ahyonda beg’am,
Goh semirib, gohi ozadi ruhim...

Yurak mog’orlagan – nurlarga tashna,
Qachondir kelarmi ozgina ro’shno?
Garchi qarolikka bo’lsa-da oshna,
Ziyosiz tunlardan bezadi ruhim...

Bir parcha imonni qo’limda tutib,
Uqubat, azobdan qiynalib o’tib,
Dimiqib, suv yutib, najotni kutib,
Mavhum ummonlarda suzadi ruhim.

Insof piyolasin yuvmoqdadir may,
Johillik ichimni zabt etmoqqa shay,
Gunoh-u savobni ajrata olmay,
O’zini tinmasdan ezadi ruhim.

Menga o’zligimni anglat, xudoyim.
Haqiqiy yo’lingni tanlat, xudoyim...

(c)

[Masud Mahsudov]

Arzimaydi. Men ham fors klassikasi shaydosiman. Arab yozuvini o`qishga qiynalayotganim uchun ancha-munchasidan quruq qolmoqdaman. Sizga shakl uchun Unsuriy va Hofiz, mazmun uchun Katta Dehlaviy, Rudakiy va Rumiyni o`qishni maslahat bergan bo`lardim. Hozircha bu she`rlaringiz dubaytiy, ruboiy yozish uchun hazaj va ramalning sodda shakllaridan chiqib keta olish lozim.

O'sha klassikaning elektron varianti bo'lsa, xay, deb yuboringlar, anchadan beri izlab yurganlar bor bu yerda... Arab yozuvini o'qishga qiyinchilik yo'q, bahonada qo'ldan kelgancha kiril/lotin alifbosiga o'tkazib berarmidik, qo'ldan kelgancha :-)
Rudakiy, Rumiy yo Hofizdan bo'lsa, nur ustiga a'lo nur bo'lar edi :)
Oldindan katta rahmat

[kanishka]

O'sha klassikaning elektron varianti bo'lsa, xay, deb yuboringlar, anchadan beri izlab yurganlar bor bu yerda... Arab yozuvini o'qishga qiyinchilik yo'q, bahonada qo'ldan kelgancha kiril/lotin alifbosiga o'tkazib berarmidik, qo'ldan kelgancha :-)
Rudakiy, Rumiy yo Hofizdan bo'lsa, nur ustiga a'lo nur bo'lar edi
Oldindan katta rahmat

يارم چو قدح به دست گيرد
بازار بتان شکست گيرد
هر کس که بديد چشم او گفت
کو محتسبی که مست گيرد
در بحر فتاده*ام چو ماهی
تا يار مرا به شست گيرد
در پاش فتاده*ام به زاری
آيا بود آن که دست گيرد
خرم دل آن که همچو حافظ
جامی ز می الست گيرد

Hofizdan. Agar forumda kitob yuklashni iloji bo`lsa, anchagina adabiyotim bor, o`rtoqlashardik. Bahonada sizdan lotincha yo kirillchaga o`girtirib olardim.

[Masud Mahsudov]

يارم چو قدح به دست گيرد
بازار بتان شکست گيرد
هر کس که بديد چشم او گفت
کو محتسبی که مست گيرد
در بحر فتاده*ام چو ماهی
تا يار مرا به شست گيرد
در پاش فتاده*ام به زاری
آيا بود آن که دست گيرد
خرم دل آن که همچو حافظ
جامی ز می الست گيرد

Hofizdan. Agar forumda kitob yuklashni iloji bo`lsa, anchagina adabiyotim bor, o`rtoqlashardik. Bahonada sizdan lotincha yo kirillchaga o`girtirib olardim.

Rahmat... Albatta o'rtoqlashamiz... masudmax(at)yahoo.com ga jo'natsangiz bo'laveradi... :)

[Masud Mahsudov]

Биламан, дардларга тўлган гул қалбинг,
Кимгадир ёрилмоқ истайди мудом.
Биламан, кимлардир билмади қадринг,
Ҳалиям азобинг этмоқда давом...

Биламан...
ҳаётга қарайсан бефарқ,
Ёлғиз фарзандинг чун яшаб юрибсан.
Кўзларинг қайғуга бўлишибди ғарқ,
Гарчи мардонавор кулиб турибсан.

Биламан, бу дунё сенга зимистон -
Шам ёқиб, ёритиб бўлмайди ичинг.
Зиё авваллари этганди макон
Энди йўқолибди юздан кулгичинг.

Биламан, ҳаммасин... мен нима деяй,
Бу - тақдир, бу – қисмат ва бу пешона.
Жажжи қизалоғинг шўх табассуми,
Келажак бахтингдан эрур нишона.

Биламан... бир четда ўй сураман жим,
Кўзимда аралаш бўлар кун ва тун.
Умримни беришга ҳам тайёр эдим -
Битта хўрсинишинг билмаслик учун...

Қанийди билмасам...

(с) 2007

[Kavsar]

* * *
Сенинг бу нигоҳинг
Ўзгача дунё.
У менинг қалбимга,
Ўхшамас сира.
Кўз очиб кўрганинг
Дунёи рўё,
Дилим меҳробининг
Нуридан хира...

* * *

Само ҳаририн, шамол тебратса гар
сирлар тўкилган...
Яратмиш ишларидин не синоат
сирлар тўқилгай...
Мен ки банда, ғайбинг асроридин
лолман...
Ожизлигим айтаверсам, фалак бағри
чок-чок сўкилгай...

Х.

[Kavsar]

Бу кеч...

(А.С.Чўлпоннинг "Гўзал" шеъри
таъсирида ёзилган)

Самога боқмадим, шунчаки бу кеч,
Оразинг изладим тун оймомодан.
Ойдан ҳам тополмай, нигоҳинг бу кеч,
Бу кеча ялиндим, нурли самодан.

Топиб бер малагим сиймосини кўк,
У айтди: "Малагинг кўролмадим ҳеч".
Ҳеч ким соғинмайди ани менча, кўк.
Кўк деди: "Адашдинг, уни йўқлаб кеч".

Бир оз хира тортган юлдузга қараб,
Сўрайман: "Қайдадир, айтгин юлдузим?"
Жавоб берар у ҳам ҳассасин қадаб:
"Мен қариб қолдим-да, ўтмагай кўзим".

Булутлар тинмади, кўзга ёш олиб,
Ёшланиб-ёшланиб ўтди бир оқшом.
Барчанинг қалбига сирли ишқ солиб,
Билсамки, кетибди, у ўтган оқшом...

К. 2003

[Masud Mahsudov]

Ko’ngil yashillikka intiqqan chunon,
Yuring, bahorlarni kutaylik birga.
Ziyoga talpinib tipirlaydi jon,
Orzular yurtiga ketaylik birga…

U yerda asrdek chozilmaydi tun,
Kutish onlari ham bundan boshqacha.
U joyda har juftning yuragi butun,
Quyosh ham charaqlar shomdan tonggacha.

U yurtda sarobga aylanmagay ishq,
Vafo o’z manosin to’liq oqlaydi.
Fano hech kimsaga bo’lmaydi tashvish,
Hech kim xasad bilan ortdan boqmaydi.

G’amdan forig’ go’zal o’shal zaminda,
Armon, degan yovga qo’yishgan tuzoq.
Ishonch va sadoqat gurkirar unda -
Xijron azoblari judayam uzoq…

Oqibat bezaydi barcha shaharin,
Mehrdan yaralgan har bitta qishloq.
Azon boshlab berar erta saharin,
Insonlar qalblari qor misol oppoq…

Yuring,
o’sha yoqqa ketaqolaylik...
Mavhum dunyolarda nima qilasiz?

(c)

[Kavsar]

Қадрли форумдошлар, ушбу форум ва ундаги қайноқ, теран фикрлар менга ҳамиша илҳом бахш этади...
Ушбу шеърда аёл зоти ҳақидаги тасаввурларим ифодаланган. Дунёда аёл - мунислик ва нафислик учун яратилган экан. Зеро, ҳаётда шундай аёлларни учратдим-ки, уларнинг фақатгина сурати аёл деб ўйлайсиз. Ичда улар музаккардир. (Тарихда) Робия ал-Адавия (валия) зотни ана ўшандай аёллар қаторида кўриш мумкин эди...
Шу сабаб бу шеърни оламдаги барча азиз ва мукаррам бўлган аёллар учун тақдим этаман! Яхшилик умиди ила...


Аёл асли

Аёл кимдир?
Аёл - ожиза.
Сўзларида турмаган - аёл.
Аёл кимдир?
Аёл - покиза.
Ғанимга юз бурмаган - аёл.
Аёл эди, Мавлавийнинг
Онаси,
Аёл эди, бу дунёнинг
Ойнаси.
Аёл эди, журъатсиз дил
Хонаси,
Бу оламни ушлаб турган
Муҳаббатнинг
Сояси...
Аёл кимдир?
Аёл - ожиза...
Ғийбатлардан чиқмаган - аёл.
Аёл кимдир?
Аёл - мўъжиза,
Дунёларга сиғмаган - аёл.
Аёл кимдир?
Йиғлатган - аёл...
Кўксидаги ягона ишқни
Фоний ҳисга
Тиғлатган - аёл.
Аёл кимдир?
Кимларнидир,
Йиғлатган - аёл.
Ҳам йиғлатган, йиғлаган - аёл.
Аёл кимдир?
Кимларнидир,
Кулдирган - аёл.
Ҳам кулдирган, кулган ҳам - аёл.
Аёл кимдир, айтай дўстларим:
Асли - аёл, жони - аёлмас.
Аёл кимдир, бу дунёда:
Асли - эркак, жони - муаннас...

К. 2010 (с)

[Masud Mahsudov]

Yana tunim o’tar bedor, behuzur
Yana xayolimda ziyo ilinji.
Xatto dardlar uchun qilib ming shukr,
Qarolik ichidan izlayman inju...

To’lin oy osmonda xira ko’rinar,
Zulmat darpardasi to’sar nurini.
Qaydandir ichimga to’lib ketar zar,
Iymon yoritadi qalbim qo’rini...
Shubhalar yolg’onchi,
Shubha noxolis,
Qalbimni ming turli kuyga soladi.
Ruhim osoyishdan yurganda olis,
Bulut qamar yuzin to’sib oladi...

Jimjitlik o’ylarim ketkazar uzoq –
Yetti qavat osmon qatlari qayda?
Nechun dunyolarga to’lgan ishtiboh,
E’tiqodning joni mayda va mayda?

Kechalar shu’lani izlab, intiqib,
Niyatimda Firdavs bog’iga yetdim.
Bitmas qorong’ulik bag’rimni siqib,
Subhidam shamolin sog’inib ketdim...

Tunim-chi o’tmoqda, bedor, behuzur...


(c)

[Masud Mahsudov]

Nigohlaring bunchalar mungli,
Nigohlaring yoradi toshni,
O’rtantirib jonsarak ko’nglim
Sinaysanmi sabru bardoshni?

Nigohlaring qat’iy va sergak,
Kipriklaring – chegarachilar.
Kamon otib sarhadim tergab,
Paykonlari bag’rimni tilar.

Nigohlaring o’ychan, parishon,
Bir nuqtaga termulasan jim.
Tez orada shubhasiz, ishon,
Shu nuqtaga aylanib qolgum...

Nigohlaring bu qadar ma’sum –
Shabnamlardan olganmisan yo?
Yo ko’zdagi yoshmi u yum-yum,
Javob bergin, ey, mehridaryo...

Nigohlaring shodon, beg’ubor,
Bola kabi hayron boqasan.
Va bolajon qalbimga dildor,
Shu sababmi, juda yoqasan...

Nigohlaring taftlari quyosh,
Kunduz nuri bilan siylaydi.
So’ngra ko’nglim sirin etib fosh,
Tunlar sog’intirib qiynaydi...

Nigohlaring to’la istara,
Isinaman,
Tashakkur aytib.
Muzliklarga ketgandim, mana,
Keldim yana yoningga qaytib...

Nigohlaring olar jonimni,
Aylantirar tezroq qonimni,
Imkon bo’lsa, unga almashgum,
Chinu Mochin va Jurjonimni...

Shu nigohdan joy ber, iltimos...

(c)

[Kavsar]

* * *
Ko'chalar, daraxtlar
Chang. G'ubor bosgan
Bir on ezilib,
Qor yog'sa edi...
Osmonni xiralik,
Tumonat bosgan,
Yomg'ir-da suzilib
Bir yog'sa edi...
Balki soyabonim
Uyda qoldirib,
Boshyalang dalaga
Chiqardim, balki...
Temur xiyobinin
Ortda qoldirib,
Toshkentni aylanib
Chiqardim, balki...
Chiroqlar, chiroqlar,
Yashil chiroqlar...
Yo'l bering, yo'llarda
Yurayin yayov.
Chiroqlar, chiroqlar,
Katta so'roqlar:
"Bu katta yo'llarda
Nechun siz yayov?"
Ko'chalar, daraxtlar
Chang bosgan, xiyol
Bir dam ezilib
Qor yog'sa edi...
Shoirni karaxtlar -
Tun bosgan xayol,
Yomg'ir ham suzilib
Bir yog'sa edi...

K. (c) 2010

[Masud Mahsudov]

Kuz fasli – ichimning yakkash zaboni –
Yana mehmonimdek kelar uyimga.
Armonlar yetalab kelar saboni,
Maxzunlik jo’r bo’lar yurak kuyimga...

Kuz fasli – dilimda g’alat kayfiyat,
Sarhisob aylayman o’tganim – yo’lim
Ertam uchun ezgu qilgancha niyat,
Xotiram varaqlab ko’rmoqdaman jim...

Kuz fasli dardlarim yangilanar-u,
Xatolardan asta qochib boraman...
O’zligim haddidan oshganim sari
Ayblarim bir boshdan ochib boraman...

Kuz fasli men bilan uyg’unlashadi –
Anduh yaproq yang’lig’ to’kilar bir-bir.
Qat-qat bo’lib ketgan ko’ngil bo’shadi,
Yolg’iz so’qmoqlarda kezadi taqdir...

Kuz fasli – ilinjim ushlab turgan tor,
Orzu-chi, qush kabi ketmoqda uchib...
Har o’tgan faslda bir alamim bor –
Har gal iqbolimni olmadim quchib...

Kuz fasli – tabiat xazonrezgisi –
Ishqimdek qovjirab borayotgan vaqt –
Sokinlik – ertangi portlash belgisi,
Va... meni intiqib kutayotgan baxt –
kuz fasli

(c)

[Masud Mahsudov]

Umr sarhisobi - bu mening faslim,
Mahzunlik - ko'nglimning ikkinchi nomi.
Yaproqlar - bu hayot-o'tkinchi asli,
Kuz - hassos qalbimning bitmas ilhomi.

Umrim daftarini bir-bir varaqlab,
Chuqur xayollarga cho’mgan onimda
Orzular manzilin tinmay so’roqlab
Armonim noumid turar yonimda...

Mahzun kayfiyatning ijrochisiman,
Ko’nglim kuyin chalar.
Dilda iztirob.
Ichimga qaydandir to’lgandir tuman,
Mavhumlik qiynoqdir,
Mavhumlik azob.

Barglar to’kiladi darddek sarg’ayib,
Har tushgan yaproqda bitta kunim bor.
Daraxtlar yalang’och qolar mung’ayib,
Beshafqat bu vaqtdan olar xunim bor...

Qadrim ba’zan qimmat,
Ba’zida arzon,
Oqar suvdek o’tar vujudimda qon...
Bu fasl – imonim solingan mezon,
Bu fasl – oxirat uchun imtihon...

(c)

[Masud Mahsudov]

Sog’inchdan sarg’aygan vayrona dilim,
Xazon barg singari bormoqda qurib.
Faqat...umid ortdan ergashmoqda jim,
Tetapoya qilib, emaklab, yurib...

Tilka-pora bo’lgan hislar bo’zlaydi,
Yo’lini yo’qotgan ko’zi ko’r xijron.
Imon jaholatdan ziyo izlaydi,
Bechora tanamni tark etolmas jon.

Intiqib, yo’l qarab charchagan ilinj,
Halovatni dushman tutmoqda asta.
Go’zallikni sevgan tuyg’ular notinch,
Yuragim holsizdir, yuragim xasta...

Chap ko’ksim o’rtanar, yonar beolov.
Mushtdek qalb qafasi shunchalar tormi?
Gunohlar uchunmi, yoki bu siylov?
E, voh, dardlarimga davolar bormi?

Javob topolmayin, ichim kemirar
Azobim, qiynog’im, ga’mim, anduhim...
O’tgan har bir kunim umrim yemirar
Osoyishta makon qidirar ruhim...

Tilab, yolvorganim, so’rab tolganim –
Umidimdan hargiz ayirib qo’yma...

(c)

[Kavsar]

Hurmatli Mas'ud aka, Mahsudov. Ramazon oyi, laylatul qadr tuniga atab ham she'rlar yozganmisiz? Menda unday she'rlar yo'q edi, afsuski. Faqatgina Abdujalil Xo'jam shoirning shunday chiroyli she'rlari borligini bilaman. (Hidoyat jurnalida ishlaydilar)

Nigoh va kuz haqidagi she'rlaringiz juda chiroyli chiqibdi lekin.. Ko'proq shunday ajoyib she'rlardan qo'yib bizlarni bahramand etib turasiz degan umiddaman.

Yana bir savol bersam maylimi? Shoir sifatida javobingizni bilmoqchi edim. Siz ko'proq tabiatdan ilhom olasizmi? Men ko'proq adabiyotdan, teran-teran ma'noli so'zlardan ilhom olaman. Negadir tabiatdan kam ta'sirlanaman.

Bu kecha Laylatul qadr deb eshitdim, agar shunday bo'lsa bu bo'limga kirib ruhiy ozuqa oladigan barcha forumdoshlarga muborak bo'lsin! Tuningiz ibodatla bezangan bedorlik ila o'tsin!..

Javoblar uchun oldindan tashakkur, yangi ijod namunalaringizdan kutib qolamiz.
Samimiy hurmat ila..

[Masud Mahsudov]

Hurmatli Mas'ud aka, Mahsudov. Ramazon oyi, laylatul qadr tuniga atab ham she'rlar yozganmisiz? Menda unday she'rlar yo'q edi, afsuski. Faqatgina Abdujalil Xo'jam shoirning shunday chiroyli she'rlari borligini bilaman. (Hidoyat jurnalida ishlaydilar)

Nigoh va kuz haqidagi she'rlaringiz juda chiroyli chiqibdi lekin.. Ko'proq shunday ajoyib she'rlardan qo'yib bizlarni bahramand etib turasiz degan umiddaman.

Yana bir savol bersam maylimi? Shoir sifatida javobingizni bilmoqchi edim. Siz ko'proq tabiatdan ilhom olasizmi? Men ko'proq adabiyotdan, teran-teran ma'noli so'zlardan ilhom olaman. Negadir tabiatdan kam ta'sirlanaman.

Bu kecha Laylatul qadr deb eshitdim, agar shunday bo'lsa bu bo'limga kirib ruhiy ozuqa oladigan barcha forumdoshlarga muborak bo'lsin! Tuningiz ibodatla bezangan bedorlik ila o'tsin!..

Assalomu alaykum.. Kechikayotgan javob uchun uzr

Ramazon muborak yana bir bor. Qadr kechasini Siz ham yaxshi o'tkazib oldingiz, deb umid qilaman.

Afsuski, Siz so'ragan mavzuda yozmagan ekanman... Imon, e'tiqod haqida ko'p yozilgan, o'qigansiz, ammo, alohida Ramazonga atab yozmagan ekanman :(...

Ilhom masalasida, tabiatdan ilhomlanmayman doim ham, aksincha, inson ruhiyatini tabiat orqali tasvirlashga harakat qilaman... Adabiy asardan ham ruhlanib yozaman, tabiiy.. lekin, anchadan beri (2-3 oy) badiiy kitob qo'lga olganim yo'q... Faqat klassik she'riyatimiz bilan doimo yonma-yonman... Har kuni bo'lmasa-da, kunora Navoiy, Hofiz, Mashrab, Fuzuliy, Bobur, Nodira g'azallarini o'qib turaman...

Asosan, Qur'on o'qiyman, eshitaman, undan ortolganim yo'q... Oxirgi o'qigan asarim, "Yulduzli tunlar"ni qayta o'qib chiqdim.

Savollar uchun rahmat :)

[Masud Mahsudov]

Ёмғир шивалайди,
Сўнгсиз сукунат,
Асрдeк туюлар ҳар ўтган оним.
Дардларим кимгадир айтмоғим фурсат –
Сассизлик ўймоқда тилинган жоним.

Ёмғир томмоқда-ю,
қалбим ёнмоқда,
Томчилар оташни сўндира олмас.
Танам руҳим азобидан тонмоқда,
Туби йўқ жимликка асаб чидолмас.

Ёмғир билдирмайди,
кўзимдан зўрға чиқа бошлаётган
аламли ёшим.
Балки у синамоқ истаб қолгандир,
Тугаб бораётган мeтин бардошим

Ёмғир юзларимда қолади тўхтаб,
Сочим ивиб кeтган – парвоим палак,
Қибласин йўқотган дeрвeшга ўхшаб,
Уриш-урмасликни билмайди юрак.

Ёмғир, тиним билмас,
Ёғавeради,
Фасллар алмашар, ўтади йиллар.
Осмон ўз сувини соғавeради,
Айро тушганида қўшалоқ йўллар.

Маюс тeрмуламан,
Тун билан бирга,
Хаёлим ёмғирга қўшилиб кeтди…

(c)

[Kavsar]

Oltin kuzga

Yaprog'ing titkilab o'qidim siring,
Uning ahvolidan to'qidim asar.
Sening bu olamda rango-rang siring
Fosh bo'lib alardan qolmadi asar.

Ayt, kimga yalinding yuzing sarg'ayib?
Nolayu dardingni tinglamadi kim?!
Sendan ham bu yerda faqat men g'arib,
Za'faron istadim, bermadi hech kim...

K.2009

* * *
Ma'yusgina kirib kelar kuz,
Tillarida hijron navosi.
Yo'llarimga xazon to'shar kuz,
Osmon - bulut, yomg'ir havosi...

Sho'x sadolar tortmas dilimni
Nega buncha yig'laysan yurak?
Bugun mahzun tabassumlaring
Dilga botar, ne uchun kerak?!

Xazon bo'lgan oltin yaproqlar,
Ishqim misol yerga to'kilar.
Kuz yomg'iri hamon tomchilar.
Samo endi ishqdan so'kilar...

Yomg'ir izi, hayajonli qalb,
Ammo quvonch hadya etolmas...

K. 2003

[Kavsar]

* * *
Hech nima haqida so'zlayolmasang,
Bilki, men shu haqda ash'or yozaman.
Bugundan ertani izlayolmasang,
Bilki, men sen uchun shior yozaman.

Qandayin dardki bu, unutay oson?!
Mehr chashmasida ayladi giryon,
Biz tomon shodlikka kel, mohitobon,
Nimkosa suhbating aylamay nihon.

Firoqning izmida yurmagin zinhor,
Malomat toshlari etmasin bezor..
Bilsang, bu yuraging yorug'likka zor,
Bo'l bizim davrada oftob misli, yor...

K. (c) 2010.

[Masud Mahsudov]

Сени эслайман-у, хўрсинаман жим,
Қалбимда куз фасли ҳукм суради.
Ҳаётдан зериккан хассос юрагим,
Билмайман қайдан куч олиб уради.

Умид юлдузларим милтирар элас,
Юзим-чи, хазон барг каби заъфарон.
Сен билган мен энди асло мен эмас,
Сен билган кошона кўнгил ҳам вайрон.

Ўзимни бахтиёр кўрсатиб, кулиб,
Тушкунлик хиссидан қочсам-да йироқ.
Дил аёзда қолган гул каби сўлиб,
Қиш томон тобора бўлар яқинроқ...

Кўнглим жуда совиб кетади баъзан,
Шунда мен аламим майдан оламан...
Гар шароб тугаса, билмайман ҳолим,
Менимча, совуқдан музлаб қоламан...

Кетаман мангуга... исинмоқ учун

(C)

[Kavsar]

Shirin uyqu

(qofiyani unutgan she'r)

Charchadim bir pas,
Uyquni buzmang.

Eski tashvish, yangi muammo...
Bir lahza dilim o'ylamay tursin.

Siz chorlagan hayotda,
Topmagan baxtini
Uyquda topsin.

Ro'yobga chiqmagan buyuk orzular,
Mayli uyquda ro'yobga chiqsin.

Qo'ying bir pas,
O'z holimga jim,

Kerakmas dilga yaqin navo ham..
Haqiqat chiroyli hayotga kerak.

Mayli istaganim
Bo'lsa hayotda

Sizni yalintirmay turishim kerak,
Bu shirin uyquni buzishim kerak..

K. 2002 (c)

[Masud Mahsudov]

Yana bir tun o’tar umrim opichib –
Ma’yus oy yuzini bulutlar to’sgan.
Yana bir tun o’tar orzumni quchib –
Shunday kechalarda umidlar o’sgan...

Uyquga begona ko’zlarim giryon;
Siyoh ko’k qo’ynidan qidiradi nur.
Islagan ilinjin topmayin hayron,
Muzlagan ko’z yoshdan yasaydi billur...

Sog’indim...
boshqa so’z kelmas xayolga,
Qo’msadim beg’ubor bolaligimni.
Qaniydi, ko’rsatsam baxtu iqbolga,
Sog’inchga aylangan shu yuragimni...

Sog’indim,
Imonga yaqin kunlarim,
Jonajon do’stlarga talpinadi dil.
Duoda osmonga yetar unlarim,
Ertamni o’ylasam yorishar ko’ngil...

Sog’indim,
indinim, kelajagimni,
Ichimni nimadir o’rtaydi tinmay.
Sog’indim yig’lashim, kulajagimni,
Peshona taq etsa, dosh berib, sinmay...

Umrimning parchasi har bitta taqdir,
Har qismat oldida bosh egaman jim.
Intiq qalb ko’ksimda titraydi dir-dir,
Yaxshilar,
Sizlarni juda sog’indim...

Yana bir tun o’tar umrim opichib –
Ham burkab sog’inchga ruhim, tanamni...

(c)

[Kavsar]

Minorai kalon

Tashbeh qidiraman senga ataylab,
Har topgan qiyosim nursizu basir.
Seni o'ng kaftida turar avaylab,
Buxoro zamini bag'ri to'la sir.

Shoirlar ahliga berib sen ilhom,
Gohi g'animlaring bag'rin dog'lading.
Sino tunlarini etib beorom,
Ba'zan amirlaring dilin chog'lading.

Zamonlar o'tdilar poyingda bo'zlab,
Lahzani tutmoqqa yo'qmidi imkon...
Tunu kun adashdi husningdan so'zlab,
Sen yurtga sharafu elga bo'lding shon..

Quyosh mahliyodir jilolariga,
Yuzlarin dog'idan oy-da xijolat.
Gardi teng dunyoning tillolariga,
Ochun tojidagi durdona ziynat.

K. 2009 (c)

[Kavsar]

Нурли нигоҳ

Она ер бағрида сочларин тараб,
Ўлтирар юксакда кўтарибон бош.
Очдим деразамни самога қараб,
Нурли тонг уйига чорлади қуёш.

Мен уни кузатдим узоқ тикилиб,
Олам гўзаллигин жо этди кўзга.
Шу он юрагимга ҳислар тўкилиб,
Излади кимнидир, кирмайин сўзга.

Ё у - муҳаббатми дилдаги туйғу?
Ошкор бўлди унинг кўзда сурати,
Гоҳ шодлик улашди, гоҳида қайғу,
Аммо яшайверди мангу сийрати.

Она Ер бағрига нурларин сочиб,
Ўлтирар юксакда кўтарибон бош.
Осмонга тикилди дераза очиб,
Мен каби уни ҳам чақирди қуёш.

К. (с) 2009

[Kavsar]

Осмон қўшиғи

Ёдимда эмас,
Дилимда қолган
Сенга аталган
Осмон қўшиғим,
Куйинг қолган-у,
Изинг йўқолган.
Сен ҳамон ўша
Осмон қўшиғим.
Осмоним дейман-у,
Ерда турибман.
Дилимга жо бўлган
Армон қўшиғим.
Қўшиқмас, балки
Менинг тақдирим.
Осмонга айланган
Орзу қўшиғим...

Х. 2003

[Kavsar]

Sarvinoz...

Kerakmas, nigoro, mohi tal'ating,
Demasman mayliga, yor muhabbating..
Ul g'arib ilkimga tutsang kifoya,
Nim kosa ichinda shirin suhbating.

Vayrona jismimni ko'rmagin haqir,
Men zohir domiga emasman asir.
Sen faqat bir hikmat aytsang, kifoya,
Men uchun shu ne'mat, olamga tatir.

Sarvinoz, she'rlarim umrimni bitar,
So'ng olib meni ham samoga ketar.
Lafzingdan bir tomchi ibrat kifoya,
Menga hayotimda shular ham yetar...

Sen mening qalbimni titkilama, qo'y,
U eski qamishdan taralgan bir kuy.
Kuyni kim chalganin bilsang, kifoya,
Shu bo'lar sen uchun koshona, bir uy.

K.(c) 2010

[Masud Mahsudov]

Куз...
Қалбда қандайдир жимлик ўй сурар,
Мудраб қолгандайин ҳаёт севгиси...
Деразам ортидан уйимга қарар
Кўчада баргларнинг хазонрезгиси.

Қуёш узоқлашиб борар заминдан,
Учиб кетаётган қушлар сингари.
Кундуз қисқа бўлиб боради тундан
Дарахт либос ташлар кун ўтган сари.

Сойлар шарқирамай оқмоқдадирлар,
Тоғлар хоҳламайин кутади қорни...
Сариқликни кийган кўҳна адирлар,
Лолани соғиниб қўмсар баҳорни.

Тонг билан туш вақтни ажратиш қийин.
Хаёлим мисоли тўзғир ер-осмон.
Шамол олиб келган ғуборни кейин
Ёмғир ювиб кетар аллақай томон...

Лекин кетармикин бу билан ғашлик?
Кўнгил махзунликка бўлганми сургун?
Ахир ғаниматдир бебаҳо ёшлик,
Кетдик, қалб, истиқбол тарафга юргин!

Атрофни эгаллаб олгани етмай,
Дилга ҳам хазинлик келтирмоқда куз...

(c) 2007

[Masud Mahsudov]

Маюс термуламан; кузак шамоллар,
Хазонрезги баргни айлар чирпирак.
Чалкашиб кетади орзу-хаёллар,
Ва бирдан йиғлашни бошлайди фалак.

Олислаб боради қушлар жаранги,
Қалбимдек хирадир осмоннинг ранги,
Умримнинг бошланди яна бир тонги,
Субҳидам нафасин туймайди юрак.

Қайдадир чалинар “Чўл Ироқ” куйи,
Теграмда чарх урар келажак ўйи,
Барглар тўкилмоқда сарғайган куйи,
Дардини айтолмай жони минг ҳалак.

Шудрингдан намланар томларнинг ости,
Яшилни сариқлик уммони босди,
Сиқилиб кетибсан, сўйлагин ростин,
Қайларда бўзладинг, малласоч малак?

...Ҳисларим ҳазон-ла уйғун: бемажол,
Само қовоқ уяр, қуёш ҳам беҳол...
Йўқолиб бормоқда кўкдаги ҳилол,
Меҳрга ташнадир у ҳам мен каби...

Маюс термуламан кузак шамолга...

2007

[Fayzbek]

Bu kecha Laylatul qadr deb eshitdim, agar shunday bo'lsa bu bo'limga kirib ruhiy ozuqa oladigan barcha forumdoshlarga muborak bo'lsin! Tuningiz ibodatla bezangan bedorlik ila o'tsin!..
Kechani bedor ibodatta o'tkazdik, Allohim o'zi qabul qilgan bo'lg'ay. Sizni ham bu kecha savoblaridan bahramand bo'ldi deb umid qilamiz.
Соғинч

Файз.... .......

Дўстлар билан йўлга чиққанда,

Олдимда икки йўл қайсидан юрай?

Орзу умидларим йўққа чиққанда,

Гуноҳин, савобин қандайин билай?

Ана ўша чоғда сен*и соғиндим мен!



Қайда-қачон қилдим, ҳато билмасман,

Билмасман нега, балки ишқдан мастман?

Ман меёрин билмасман, балки қастдан

Сен* буюк танҳо, мен нақадар пастман.

Ана ўша чоғда сен*и соғиндим мен!



Сен*инг ишқингла йиғлади қалам,

Оппоқ қоғозни босди қора ғам.

Сен* унутмадинг, мен эса ҳар дам,

Кулиб алдашса, қиларкан алам.

Ана ўша чоғда сен*и соғиндим мен!



* - Аллоҳ азза ва жалла

[Kavsar]

Соғинч Файз.... .......

Дўстлар билан йўлга чиққанда,
Олдимда икки йўл қайсидан юрай?
Орзу умидларим йўққа чиққанда,
Гуноҳин, савобин қандайин билай?
Ана ўша чоғда сен*и соғиндим мен!


She'ringiz juda chiroyli ekan. Meni ham oldin yozgan bir she'rimni yodimga soldi.

Sog'indim

Men O'znigni sog'indim Rabbim,
Cho'llarda qaqragan yantoq misoli.
Ildizim yerning ostidadir, men,
Hamon sog'indim tomchi visolin.

Aqlimga o'raldi, dunyo ummoni,
Fikrimga g'arq edi shamol to'zoni
Har zamon bir "Oh" tortdi-yu jonim,
Qalbimni chulg'adi nafsim o'rmoni.

Men O'zingni sog'indim, Rabbim,
Juftidan ayrilgan qirg'oq misoli.
Izlayman, sog'inchim yo'lingda garov,
Chunki men inidan yiroq chumoli...

Borliq havasiga qo'ngan qismatim,
O'zila, dardimni oldi-yu, ketdi.
Uning bu olamda shudir xizmati,
Dardimni chamanga soldi-yu, ketdi.

Men O'zingni sog'indim, Rabbim,
Sog'indim, mahzuna bir "mim" misoli.
Sen "Mim"ni boshidan ayirma, Rabbim,
U mening qalbimda ishqning timsoli.

K. (c) 27.04.2010

Izoh: Darhaqiqat, Haq bizning bo'yin tomirimizdan ham yaqinroqdir. Bu kabi she'rda esa Rabbini sifatini ko'rganlikka da'vo qilinyapti deb tushunilmasligimiz kerak. To'g'ri Uning hech bir sifati haqida ilm hosil qilmagan bo'lsak-da, bu o'rinda, o'z nafsiga ergashib, ruh ma'naviyatidan uzoqlashib yoki o'zga kishilarning ozoridan charchab Yaratuvchisiga yukungan, poklikni, hurlikni sog'ingan kishini tasavvur etsak to'g'riroq bo'lar edi, menimcha... (Chunki Sen Haqni ko'rganmisan sog'indim deysan degan e'tiroz paydo bo'lishi mumkin. Javob: Haqni har qancha qalbimizdan o'rin olmasin, sog'inmay bo'larkanmi?!... )

[Kavsar]

Bog' aro

Muhabbat bog'iga
Kirgan ilk kunim
Eng ezgu orzular,
Ezgu niyatlar,
O'tli nigohlaru
Nihon yonishlar...
Ta'rif etolmayman
Til tekkizolmayman,
Bu - o'tmishimning
Yorqin kunlari...
Hijronning domiga
Ilingan kunim,
Behisob qayg'ular
Ilk iztiroblar,
Mungli nigohlaru
Undan nolishlar...
Ta'rif etolmayman,
Til tekkizolmayman..
Bu ham o'tmishimning
Yorqin bir kuni...
Endi men hammasin
Unutgan kunim.
Qayg'udan yiroqda
Osuda tunim,
Faqat u qiynaydi,
Qaynoq sog'inchim.
Va'dasin unutgan
Yolg'onchi gulim...
Ta'rif etolmayman,
Til tekkizolmayman.
Bu gulshan aro men
Qola olmayman.

K. 2009

[Kavsar]

Sham kabi

Kulsang, butun dunyo qo'shiladi,
Yig'lasang, yolg'iz o'zing qolib yig'laysan...
Ingliz maqoli

Xudo yor bo'ldi va,
G'aybdan nasibam
Keldiyu hammaga
Kerakli bo'ldim.
Hatto men ko'rmagan
Soxta tabassum...
Barchaning nazdida
Suyukli bo'ldim.
Qachonki quvondim
Shodlikka to'lib,
Dunyo ham quvnadi
Men-la kulishib.
Qachonki, yig'ladim
Dardga ko'milib,
Qiziq, yig'lamadi
Hech kim qo'shilib.
Sham yanglig' yondirib
Butun umrni,
Men yashayveribman,
Dunyo bexabar...
Endi so'nar chog'da
Parvonalar yoq,
Oqshomdan boshqasi
Solmagay nazar.
Sham kabi yoningu
Umr yonmasin.
Sinovga berilgan
Imkon yonmasin.
Siz shunday yoningki,
Yonsin o'zgalar.
Parvona bu o'tga
Sira qonmasin...

K. 2009

[Kavsar]

* * *

Sening nigohlaring naqadar o'tli,
Nogahon dilimga ishq soldi netay?
Ul diydor sog'inchi naqadar totli,
Hijronning tig'lari yo'qoldi netay?

Qarshingda turibman, misli bir hilol,
Pok etib nigohim quyi tutgancha,
Sen mendan so'raman, o'zing bilu ol,
Nozik qo'llarimdan asta tutgancha.

Men sening yonigda ochilgan gulman,
Sen bu gul husnidan bahra ol, biroq.
Men misli dengizda sochilgan durman,
Qol endi yonimda ketma sen yiroq...

K.2009 (c)

[Kavsar]

Lahzalik tuyg'u

Bulutlar berkitdi,
Osmon yuzini.
Hatto topolmadim,
Somon izini.

Borlig'imni chulg'ab
Nomsiz bir alam,
Dilim yozolmadi
Sirdosh qalam ham...

Qiziq...
Negadir men seni
Sevaman osmon
Go'yoki sen borsan
Men yerda omon.

Sen menga nadima,
Ishqim guvohi.
Ba'zida dardkashim,
Sirlarim ohi...

Dunyolarga sig'mas hislarim,
Yashiraman qaroqlarimga.
Senga aytar dil rozlarimni,
Yozib qo'yib gul yaproqlarimga...

Qiziq...
Sim-sim yog'ayotgan
Yomg'irmi, qormi?
Bulutning ham senda
Yo ko'ngli bormi?..

Rashkimni keltirar
Oppoq bulutlar,
Telba tuyg'ular-chi,
Ustimdan kular...

K.2009 (c)

[Fayzbek]

Lahzalik tuyg'u nomli sheringizni o'qib, talabalik paytimda Gulbahor degan qizni yoqtirardim ba'zi sabablar bilan oramiz buzilib ketgan; o'shanga bag'ishlab propolkada paytimda hazil tariqasida qoralamalarim bor edi shu esimga tushib ketdi.

***Gul***
Bahorda ochilgan gulim so'ldi,
Yuragim armonga to'ldi.
Hatto dardimni eshitgan oq tol,
Qurib pechkaga o'tin bo'ldi.

***Bahor***

Ko'nglimni ilitgan bahor o'tdimi?
Ko'z ochib yumguncha kuzga yetdimi?
Otabek tinglagan ajralish kuyin,
Eshitish navbati bizga yetdimi?

[Kavsar]

Кузги хаёл

Само менинг наздимда
Нигоҳларим кифтида
Сизиб оққан томчидир.

Ул томчи ҳар кечада
Уйқуларга асира
Кўзларимга овчидир.

Орзуларга туташган,
Туйғуларим адашган
Хаёллар ўткинчидир.

Куз бағри саболарда,
Имконсиз маконларда
Хазон бўлган парчадир.

Ўшал парча ҳолига,
Осмон жим аҳволига
Кўз ёшларин сочадир.

Ул томчилар юзимга,
Тегса, қайтиб изига,
Кўз ёшларим қочадир.

Уфқ қизарган паллада
Чимматин кўк очганда,
Юлдузлар ҳам сўнадир.

Маним ҳолим аларга,
Яна тонг сирларига
Аста-секин кўнадир...

Х. 2003

[Kavsar]

Hurmatli Fayzbek janoblari, she'riyatda yaxshi qalamkash ekansiz-ku. Yana shunday ajoyib she'rlaringiz bo'lsa kutib qolamiz... :)

O'ylaymanki, She'r aziz olam aro mavzusi barcha she'riyat muxlislarining qalbidan keng o'rin olishda, ularga badiiy zavq ulashishda davom etaveradi.

[Kavsar]

Yurak

Hayotda sinovlar,
O'yinlar takror
Shunchaki xayolga
Sho'ng'ima bekor.
Olis samolarda
Etganda parvoz,
Qalbing navosini
Tingla sarosar.
Udir ishq ko'yida
Yonayotgan o't,
U mahzun kuyni
Chalayotgan soz.
Shodlik og'ushida
O'ynayotgan hur,
Olis manzilingda
Balki sarbon u.

X. 2003

[Fayzbek]

Yurak
Sen*ing ishqing ila, yonadi yurak,
Yurakda muhabbat*, dilda, eng oliy tilak.
Tilagim shuki muhabbat* yor bo'lsa,
Bo'lsakim, ko'ngil toza, orzular ijobat bo'lsa... (Kerak)

*-Alloh azza va jalla

[Kavsar]

Shoirga kim qaramaganini bilmadimu, lekin mana bu linkdagi she'rdan ilhomlanib, shunday yozgim keldi: http://uforum.uz/showthread.php?t=5503&page=32

Қарамадим

Дил суратин кўрган эдим, қарамадим.
Йўлларидан юрган эдим, қарамадим.
Муҳаббатнинг мактубларин мен илгари
Форсийда ҳам ўқир эдим, қарамадим.

Қарамадим, индамадим, инонмадим,
Ҳали ҳижрон шаробига мен қонмадим.
Ёнган эди, дунё хасдек юрагимдан,
Энди бу ишқ чўғларидан ўртанмадим.

Мен муҳаббат торларидан таралганман,
Кўзгу бўлиб, қибла томон қаралганман.
Бу оламда ҳар бир тошнинг юраги бор,
Мен Бухоро даштларидан яралганман.

Нигоҳимни узган эдим, қарамадим.
Орзуларда сузган эдим, қарамадим.
Юрагимда ишқ аталган кошонани,
Вайронадек бузган эдим, қарамадим.

К.(с) 2010 (бу шеър мушоира сифатида ёзилган. Шунинг учун қолип айнан олинди, мазмун эса бошқа)

[Kavsar]

Rashkim

E. Vohidov g'azaliga nazira

Agar o'psa sochlaringni sabolardin rashk qilurman,
Yuzlaringga yuzin qo'ygan havolardin rashk qilurman.

Ishqidin nomus aylagan anorlarga labing tegsa,
Labing olin so'rgan hatto gadolardin rashk qilurman.

Ilkingdagi anromu yo paymonasi to'lgan xumcha,
Seni bag'ri qon xumchadek sahbolardin rashk qilurman.

Magar kelsang olov yoqib dillarimni kuydirgali,
Yana manga jafo tutsang, jafolardin rashk qilurman.

Kelib aytsalar, sarvinozing, ko'zlaridin tomdi ashk,
Borsam, ashking tutib tursa, ridolardin rashk qilurman.

Ey, rashkim ey, Diloroming bag'rin yoqib izo etma,
Seni rashk aylagan dili izolardin rashk qilurman.

K.(c) 2007

[Kavsar]

Қалб ва юрак

Э.Воҳидовнинг "Ақл ва юрак" шеъридан завқ олиб тўкилган мисралар...

Юрагимга вафо қилайми,
Хиёнатни бериб ақлимга?
Ё ақлимда собит қолайми,
Бевафолик қилиб юракка?

Юрак ўйлар доим ўзини,
Ақлим эса мудом ўзгани.
Эшитсам қай бирин сўзини,
"Ўзим"ними ёки "ўзга"ни?

Мен қолсам-да, ақлимда ё Раб,
Сен қалбимни кўрасан очиб.
Дилоромга қўйсанг бир қараб,
Фалакларга кетардим қочиб.

К.(с) 2010

[Kavsar]

Аёлга

Баҳор сўраб келди эй, аёл,
Пойингга гуллола сочгани.
Бинафшалар шошиб ундилар,
Висолингга қучоқ очгани.

Шоирларинг сўзлари тотли,
Фақат сени васф айлаганда.
Аёл, ҳуснинг дунёларга тенг,
Сочларингни бахт ҳидлаганда.

Орзуларинг бамисли уммон,
Осмонларга бўйлар хаёлинг,
Хитоб айлай жаҳон мардига,
"Фақат асра, аҳли аёлинг".

Аёл - она, мушфиқа сингил,
Жуфти ҳалол умр йўлинда.
Аёл, берма эртакка кўнгил,
Қолма ҳаргиз нокас қўлинда.

К. (с) 2009.

[Masud Mahsudov]

Yurak notinch,
Yurak behuzur,
Nimanidir izlaydi tundan.
Ichlarimda qafasin buzib,
Qo’zg’olonni boshlaydi chindan…

Yurak intiq,
Yurak intizor,
Nogoh uchgan yulduz – ilinjim.
Tanam jonga kelmoqdadir tor,
Osmonlarga termulaman jim…

Yurak hayron,
Yurak hayratda,
O’z holini tushunmas ajab.
Qonga to’lgan mungli siyratda,
O’rtanmoqda mehrni qo’msab.

Yurak bedor,
Yurak havotir
Ko’z tikadi ishqqa – ziyoga.
Isyonlari olamga tatir,
Intiladi, tongga, saboga…

Yurak bejo,
Yurak tashvishda,
Dam uradi, dam turar to’xtab.
Shaksiz, qalbim bunday ketishda,
So’lib qolar gullarga o’xshab…

Yurak nosoz,
Yurak bezovta,
Ming azobga yuzin tutmoqda .
Tashbeh aytib qayta va qayta,
Sukunatni balki kutmoqda…

Yurak bebosh,
Yurak aqlning
buyrug’ini pisand qilmaydi…

©

[Masud Mahsudov]

Urushi olamga taralgan yurak,
Shaklini yo’qotib, buralgan yurak,
Bedor kechalardan nur olgan yurak
Qatra mehrlardan yaralgan yurak,
Seni ko’rsaydi…

Har kuni yod etib, qalbing shod etib,
O’zi-chi, dod etib, ham faryod etib,
Labga kulgu, lekin dil barbod etib
So’ngsiz xijronlardan ezilgan yurak…
Zumga tinsaydi…

Ko’ngil iliqlikka moyil bir damda,
Orzular tugamas ekan odamda.
Hikmatni qidirib har bir qadamda
Olam havaslarga burkangan yurak.
Yo’lin topsaydi…

Choklari sitilgan… Ko’rkam zohiri,
Mengayam ayonmas ko’ksimning siri…
Ko’z tikib, intiqib, yig’lab oxiri,
O’zi ham sog’inchga aylangan yurak…
Visol qo’msaydi…

Ko’nglim nimtalangan – shundan kulmayman,
Yo gullab ketmayman va yo so’lmayman…
So’nggi oylar ichra,
nega bimayman –
Yarmini behosdan yo’qotgan yurak,
Yarmin tusaydi…

Sen bularni bilarmikinsan?

(c)

[Masud Mahsudov]

Кечалар бедор ажаб, ёлғизим – ёр ишқида,
Бенаво қалб рост меҳрга интизор, зор, ишқида.

Қайта-қайта истихора этдим-у, йўқ бир нишон,
Дўст тутиб жон кун-қуёшни, тунга ағёр, ишқида.

Бу танам билмам қаердан излагай паноҳини,
Билганим; руҳим кезар дарбадар, хор, ишқида.

Юз кезиб, гулгун чаманда топмадим гулғунчани,
Гулни гул дерлар агар, куйса гулзор ишқида.

Субҳидамдан шом қадар ташна, оч нафсим адо,
Розиман, жоним фидо бўлса дийдор ишқида.

Не қилай, дил майни қўмсар – бодаи сарбаста ишқ,
Қуй, қадаҳ тўлсин бугун, тутди хумор, ишқида.

Ибтидодан интиҳога етса гар масъудлигим,
Ёздан-у, қишдан кечарман, битта баҳор ишқида.

(с)

[Masud Mahsudov]

Билмам нима,
Сeн томонга
хаёлимни буради,
“Топиб бeр -, дeб –
қувончимни”,
Аҳволингни сўради.

Билмам нима,
Ҳисларимни
уйғотишни бошлади,
Куним нурсиз,
Тунларимни бeдор қилиб
Ташлади.

Ўша нарса
Бир зумгина
Нигоҳингни тутсайди,
Ўйим билан
Ўзимниям
бирга олиб кeтсайди.

Билмам нима,
ғижимлайди
Чап тарафим тинмасдан.
Қайсар жуда,
Тинч қўймайди,
зоримгаям
Кўнмасдан.

Билмам нима,
Орзу, ҳавас,
ниятларни тўлдирар,
Юзимга дам ғам солади,
Дам бeғубор кулдирар.

Билмам нима,
бир умрга
Мeҳрларинг қистайди,
Шу даврда сeни фақат,
Хурсанд кўрмоқ истайди.

Билмам нима,
Ундамоқда
шеър ёзишга қалбимни.
Нима қилай,
Кeрак сўзни
Тополмасам - айбимми?

Билмам нима,
Хижронга ёв –
Висолга-чи, муштарак.
Зир югурар,
Лeк жойидан,
Силжимайди бу юрак.

Билмам нима,
Ёлвормоқда,
Пойларимга чўкиб зор,
Сўнг жимгина,
Сeн тарафга,
Кўз тикади,
Интизор.

Билмам нима –
Соғинчмикин?

(c)

[Kavsar]

Osmonim

Osmonni sevaman, tiniq osmonni,
Eng sara she'rlarim unga atalgan.
U mening sirdoshim, beg'ubor, yuksak,
Nigohim ufqlari sari qadalgan.

Osmonni sevaman, tiniq osmonni,
Qushlar parvoziga etaman havas.
Qatra jo etgandek cheksiz dunyoni,
Qalbim tuyg'ularga torlik qilar bas!

Orzularim rangin eslatar samo,
Og'ushi bag'ri keng xalqimga o'xshar.
Oftobida Vatan, mehr tafti bor,
Shu sabab samoga intilar bashar.

X. (c)

[Kavsar]

Ҳижрон

Ҳижронда қолган
Ёлғиз ва якка.
Ишқ юрак ўртаниб
Йиғлаб юрибди.

Висолинг соғинган
Оташ у дилда
Дийдоринг кўрай деб
Кутиб юрибди.

Осмонда порлаган
Ёруғ юлдузим,
Ҳамон шу жойида
Қараб турибди.

Кўзлари ёшланган
Олов юракка
Унсиз бир навони
Чалиб турибди.

Осмон жим, юлдузлар
Сокин, ўша дам
Юракка ғулғула
Солиб турибди.

Ой кезган манзилда
Ҳамон сен йўқсан,
Дил хушнуд дамларни
Йўқлаб турибди.

Қаерда эдинг сен
Шу онларгача,
Нега садо чиқмайди сендан?
Нега ойда кўрмадим аксинг?
Нега юлдузингни
Топмадим, сенинг?

Сен кетдинг ўша кун,
Қалбим кўрмади.
Кўрса-да кўзларим,
Ҳеч ишонмади.
Кетдинг-у, кулмадим
Беғам, бепарво...
Юрагим инидан
Кетдинг ўғирлаб...

Х (с) 2002

[Kavsar]

Иссиқ нон...

Нон ёпиб қўллари толмаган барча ўзбек аёлларига,
опа-сингилларимга бағишланади

Кўчадан ҳориб мен уйга қайтаман,
Димоғимга урар иссиқ нон ҳиди.
Шу онда тарк этиб бутун ҳорғинлик,
Танимни яйратар яшаш умиди.

Ўзбегим аёли, нон ёпувдингми,
Нон ёпган қўлингдан ўргилай ўзим.
Онамсан, опамсан, Момо Ҳавосан,
Изн бер, пойингда этайин таъзим.

Ўзбегим аёли, меҳмонинг борми,
Дарвозанг бекитмай қўйибсан очиқ.
Табаррук неъматдек меҳринг ҳам тафтли,
Бағри кенглик сенга Аллоҳдан тортиқ.

Гар қоқсам дарвозанг бир сув баҳона,
Аслида дил тортар суҳбатинг қўмсаб.
Биламан, ташрифим сенга ёқади,
Янги ой кўргандек кетасан яшнаб.

Андиша, ҳаёдан яралган хилқат,
Доим фарзандида фикру хаёли.
Олам бешигини тебрата олган,
Ўзбек аёлисан, ўзбек аёли.

Мушфиққинам,
бугун нон ёпувдингми...

Х (с)

https://img.uforum.uz/thumbs/nlcdyyv1311950.jpg (https://img.uforum.uz/images/nlcdyyv1311950.jpg)

Узр, энди аёл тандирни ёнида бўлмаса ҳам, (образ сифатида танланган сурат деб қабул қилгайсиз) эндигина нон ёпиб табиат бағрига қайтган бўлса керак.

[Kavsar]

Кошона

Кошона қурайми, ишқим, сен сабаб,
Қалбимнинг энг тоза гавҳарларидан.
Йўқлабон келгайлар кошона сабаб,
Дунёнинг энг олис жабҳаларидан.

Ишқ қасрини бунёд этай сен сабаб,
Гумбази самонинг юлдузларидан.
Сен мени қизғанма, жоним, бесабаб,
Рашки ўт самонинг кундузларидан.

Солгайман атайлаб жоним, суратинг,
Қуёш сочларининг толаларидан.
Бир кўриб ўтдайин ёнгай сийратинг,
Оловли ишқимнинг доналаридан.

Бандаман, шукронам бўлсин беадад,
Ҳар зарри кўнгилнинг нолаларидан.
Найлайин, бу ишқим бунча беадаб,
Йиғлайди кўнгилнинг хоналаридан...

Кошона қургайман, жоним, сен сабаб,
Қалбимнинг энг сара гавҳарларидан,
Йўқлабон келгайсан кошона сабаб,
Дунёнинг энг олис жабҳаларидан.

Х (с) 2002



https://img.uforum.uz/thumbs/llefwji8822499.jpg (https://img.uforum.uz/images/llefwji8822499.jpg)

Шеърларга фон бўлсин деб ўзимда бор расмлардан келтирдим. Расмлар сайтлардан олинган, албатта.

[Pfefferminze]

Кошона


Солгайман атайлаб жоним, суратинг,
Қуёш сочларининг толаларидан.
Бир кўриб ўтдайин ёнгай сийратинг,
Оловли ишқимнинг доналаридан.

uzr-da, sal qiyin tushunaman..:-) bu nima degani?

[Kavsar]

Assalomu alaykum, hurmatli Pfefferminze. Yaxshimisiz? Hechqisi yo'q, bemalol.

Ya'ni shunday demoqchi bo'lgan:

Men o'zim qurayotgan koshonaga (koshona devorlariga) ataylab sening suratingni solaman. Va bu surat quyoshning nurlaridan bo'ladi. Quyosh nuri ko'zni qamashtirgani uchun, uning suratini atayin quyosh sochining tolalaridan (uning nurlaridan) chizmoqchi. Sen buni ko'rib hayratda qolasanki, hatto siyrating (muzlagan yuraging) ham erib ketadi bir zumda. Chunki bu mening qalbimdagi asl pokiza ishqning (ne'matning) bir tomchisidan taralgan shu'la, aksdir. Ishq donalarini (zarra) ma'nosida olmoqchi bo'libdi muallif, agar o'xshatolmagan bo'lsa uzr, chunki juda yosh paytida, she'r yozishga ilk marotaba jur'at etolganida bisotidagi shu so'zlardan foydalangan. Hali lug'at boyligi kamroq bo'lgan bo'lsa kerak.. :)

[Kavsar]

* * *

Dunyo degan sayyorada,
Adashgan bir bechoraman.
Bezabonu qulog'i kar,
Kimsasiz bir devonaman.

Soldilar kishan bo'ynima,
Yecholmayin ovoraman.
Tashlab ketdilar bu o'tga
Kuygan bag'ri cho'p, qoraman.

Xayoldir mening osmonim,
Quyosh bu - mangu armonim.
Ashkim - kulbai vayronim,
Yuragi o'ttiz poraman...

Savol degan tayyorada,
Go'dakman, bir hayronaman.
"Yomon"ingdan qilmay hazar,
Yaxshiga ko'ngil yoraman.

Nasibam shudir qismat,
Yolg'iz kezgan jayronaman.
Oftob bag'rim yaro etsa,
Qayta tuproqqa boraman.

Kavsar, (c) 2010

[Kavsar]

Munojoti bedil

Alloh-Alloh istab meni mag'firat et,
Nolai dil azobini, bandang eshit.

Sen Qodiru Sen Rahimu avf etursan,
Siniq-siniq ko'ngillarni sahf etursan.

Menki, oshiqi devona bandamisham,
Ishqing ko'yida tomosha, xandamisham.

Gangi man - dil, bu olamda Ka'ba misli.
Ka'bai man ichra mushku anbar isli.

Qachon zikring tutib hushdin ketar bo'ldim,
Xato qilsa kim, xatosin kechar bo'ldim.

Bir kishi bor bilmam, dili yopiqmidi,
Yoki g'addor, nafs eshigi ochiqmidi.

Bir dam kelib o'ltirduyu qoshima ul,
Nafs ko'yidin g'avg'o solib boshima ul.

Berahmmu, toshlar otdi qalbima ey,
Kelib tegdi ul muqaddas Ka'bama ey.

Ko'nglim yaro, aqlim erdi hayronavor,
Bu ishlardin Ka'bai man vayronavor.

Demakki, bu jon aro dil qolmadi hech,
Bedilu, dilozor gunohidin O'zing kech.

Kavsar, (c) 2010

[Kavsar]

* * *

Nihon darding ayon bo'lsa, kimsa uni ishq demas,
Majnunliqni bayon etsa kim, u chin oshiq emas.

* * *

Lab ochmang so'rg'ali ishqdin, avvalo oshiq bo'ling,
Qilmang pesha sadoqatni, botinan sodiq qoling.

* * *

Mohki, husnin yoshirub, rido tutmish abr ila,
Menki qaydin ko'royin husnin tilab, sabr ila.

* * *

Mani otim bevafodur, magar sanga vafoliman,
Netay ko'ngilga jafodur, magar sanga jafoliman.

Kavsar, (c) 2010

[Kavsar]

* * *

Аз нури чашми ман бигир ин дардиро,
Ки назанад би дилам ҳаргиз хори ғам.
Аз чашми нури ман бигир ин пардеро,
Аз ҳаме шиканҳо ҳуру озод шавам.

Аз дили поки ман бигир ин дардиро,
Ки надорад ба ин дил ботили ғам.
Аз дили поки ман бигир ин дардиро,
Ки нахонад кас сирри ман зи чашмам.

Кавсар, (с) 2010

[Masud Mahsudov]

Bir kuni... Bir kuni Hudo xohlasa,
Men baxtli bo'laman, ishonavering!

(c) Maryam


Bir kun tunlarimni hijron tark etar,
Orzu-yu havaslar qo'limdan tutar,
Armonlar tutunga aylanib ketar,
Men baxtli bo'laman, ishonavering...

Bir kun kuzim bahorlarga aylanar,
Saodat taqdirga elchi saylanar,
Barmoqlarga besh juft barmoq boylanar,
Men baxtli bo'laman, ishonavering...

Bir kun qalbim to'lib ziyoga, nurga,
Imon olib ketar ko'k-Ko'hinurga,
So'ng hamroh bo'laman farishta-hurga,
Men baxtli bo'laman, ishonavering...

Bir kun halovatni his qilib chindan,
Pichirlab duolar uzoq uzundan,
Yangi oy osmonda jilmaygan tunda,
Men baxtli bo'laman, ishonavering...

Bir kun yolg’iz o’tmas beuyqu kecham,
So’ngsiz savollarim topadi yechim,
Dilimda buning chun shubham yo’q hecham,
Men baxtli bo'laman, ishonavering...

Bir kun xursand qilib onaizorim,
Otamga tutganda umrimda borim,
Yaratganga yetsa ohim-u, zorim
Men baxtli bo'laman, ishonavering...

Bir kun iqbol kulib kutib turibdi,
Kim ham bu savdoni o’ylab ko’ribdi?
Baxt meni yonimda izlab yuribdi,
Men baxtli bo'laman, ishonavering...

Bir kun zabt etib men qalb saroyini,
Yurakka to’ldirib bosgan poyini,
Yonimga olgancha falak oyini,
Men baxtli bo'laman, ishonavering...

Bir kun kulbam sari kelsa do’stlarim,
Mayli bo’lsa hamki kamu ko’stlarim,
Imondan yaraqlab tursa ustlarim,
Men baxtli bo'laman, ishonavering...

Bir kun g’am-g’ussaga to’lganda olam,
Toshib ketsa hamki sabr piyolam,
Dushmanim rohatin ko’rmoq uchun ham,
Men baxtli bo'laman, ishonavering...

Haqqa shukronlar aytib, aylab yod,
Mehrim nolasidan etganda ijod,
Qovurg’am qismini topganimda, shod,
Men baxtli bo'laman, ishonavering...

Xush tushni o'ngimda ko'rganim damda,
Qismatim zavq-shavqdan etganda xanda,
Shukr aytib Allohga har bir qadamda,
Men baxtli bo'laman, ishonavering...

Hayotdan chinakam topganda ma'no,
G'ulg'ula solmasa ko'ngilga fano,
Yolg'on dunyolarga ishonmang, ammo,
Men baxtli bo'laman, ishonavering...

Ko’zimdan g’am sabab yoshlar oqmasa,
Yo’ldoshim ishonchim har on oqlasa,
Baxtli bo’lishimga, xudo xohlasa,
Ishoning, ishoning, ishonavering...

(c)

[Masud Mahsudov]

Zalvorli tun o’tdi,
Ziyolar yaqin,
Zavq oldim azonni – bongni qarshilab.
Quyoshning ilk nurin kutib, olib tin,
Allohga shukr aytdim, tongni qarshilab...

Subhidam sabosi yuzga uradi,
Tabiat erkalar sochlarim silab.
Ichim jimirlatib nedir yuradi,
Bir ajib his tuydim, tongni qarshilab...

Ko’z tutib, yo’l qarab, jimib, intizor,
Intiqib nigoron kunga intilib
Boshdan kechirganim – alamli, bedor
Tunlarni unutdim, tongni qarshilab...

O’n besh qora bo’lsa, o’n beshi oqdir,
G’amlar esdan chiqdi, jilmayib, kulib.
Endi qalbdan qorong’ulik yiroqdir,
Zulmatni kuzatdim, tongni qarshilab...

Tuman tarqab ketdi - tiniq xayolim,
Shukronadan tinmay pichirlaydi lab.
Endi yo’qlik sari uchar zavolim,
Rutubatdan ketdim, tongni qarshilab...

Oq,
oppoq,
musaffo rangni qarshilab,
Allohga shukr aytdim, tongni qarshilab...

(c)

[Masud Mahsudov]

Дардкашим - куз мeнинг яккашим,
Армонлар ичимда тўлғонар.
Қалб -дардга тўлмаган баркашим,
Илинжим хазонда улғаяр.

Барглар-ла тўкилар ғамларим,
Қишга мeн ғуборсиз чиқаман.
Ғуссага қўл бeрган дамларим
Мeн кузсиз қолишдан қўрқаман.

(c)2009

[ilm izlagan]

Yaxshi she'rlar ekan.

[Masud Mahsudov]

Rangsizdek ko'rinar olam ko'zimga,
Sog'inchim ichimda - ketolmas uchib.
Ming dalda bersam-da, o'zim o'zimga,
Sog'inmay yashashga yetmaydi kuchim...

Qalbim yolg'izlikni olmayapti tan,
Garchi yakkalikda ming tunlar o'tgan.
Intiq bedorlikdan qizarib ketgan
Ko'zimni yoshlashga yetmaydi kuchim...

Ko’ksimda yuragim turolmaydi tek,
Orziqar, hipqirar; najot topmas lek,
Kimnidir kutgancha yo’lga qarashdek
Odatim tashlashga yetmaydi kuchim

Noumid hislarim qalbim dog’lagan,
Boshimga niyatlar to’lib, sig’magan,
Armon oyog’imdan kishan bog’lagan,
Orzuni ushlashga yetmaydi kuchim

Dard murg’ak dilimda topgandir qo’nim,
Baqirsam, ko’krakdan chiqmaydi unim...
Boshqa odam bo’lib,
Ertangi kunim
Qaytyadan boshlashga yetmaydi kuchim...

Sog’inch jigarimni mayda qilsa-da,
Sog'inmay yashashga yetmaydi kuchim...

(c)

[Gayrat Rashidov]

Шърларни укиб койил колдим, Сизларни янги шъерларингизни кутиб коламиз. :clapping:

[Masud Mahsudov]

Vokzalda yozilgan she'r

Kimdir ma'yus turar termulib,
Yana kimdir shodon jilmayar.
Kim yig'laydi o'pkasi to'lib,
Boshqasi-chi, qo'l siltab qolar.

Alvidolar aytar allakim,
Allakimsa visolga yetgan.
Boshqa birov xo'rsinadi jim,
O'zga kimsa gullarin tutgan...

Intiladi barcha u tomon,
Yo'llar tugash nuqtasi shu yer.
Va safarga otlangan zamon,
Boshlang'ich ham, ajab, ul erur.

Orzu bilan armon yonma-yon,
Ko'z tikishar har yonga mahtal.
Visol-xijron - yelkadosh; giryon,
Uchashajak maskandir vokzal.

Shu makonga o'xshaydi hayot,
Quvonch-g'amni birga yutamiz.
Goh omadni qarshilab, xayhot,
Gohi intiq baxtni kutamiz...

Kimdir ma'yus termulib turar,
Hayot o'tar,
Hayot to'xtamas...

(c) Mas'ud.... London, vokzal

[Tulqin Eshbekov]

Baqirsam, ko’krakdan chiqmaydi unim...

Шеърий сатрлар "бақирсам" каби жайдари сўзлардан ҳолироқ бўлса... Гўзал бадиий ташбеҳлар кам эмас-ку. Фақат, кўпроқ ўқиш, изланиш керак бунинг учун.
Одамнинг уни (товуши) кўкрагидан чиқмайди! "Юракдан чиқди" деган оммабоп ибора бор. Ё сизнинг унингиз кўкракдан ҳам чиқиб ё чиқмай қолаверадими? Қани бу сатрда мантиқ?
Модомики, шеър ёзишга жазм қилдингизми, салгина жиддийроқ ёндашишингизни истардим.

[Kavsar]

Oqshom qizi

Osmon og'ushida tabassum bilan,
Noz etib aqlimni o'girlagan - siz.
Kutaman, qo'limda ol gulim bilan,
Kelmayin gul tomon o'girilgansiz.

Yerdamen, ko'kdasiz. Ayting, aybim ne?
Yo ko'kka ko'ngilni bog'laganimmi?
Yetmayin visolga firoq o'tidan,
Beshafqat dilimni dog'laganimmi?..

Sochlarga qadalgan marjonlar bilan,
Tursangiz jilmayib, qanday go'zal siz!..
O'ramang, sochingiz to'zg'igan bilan,
Siz ko'kda eng go'zal, oydan oydin qiz!..

K. 2009

[Kavsar]

Vaziralarga

(Ustozim Vazira Karimjonovaga atalgan)

Vazirning shah yonida bo'lib qaddi mohi nav,
Volih etmog'i na hojat, voliy anga payrav.

Ahd berib qilsa vafo ul shah erur adola,
Aningdek shah sarbonin umrin etsin adoma.

Zihe, bu olam aro bo'lsa vaziring hamroz,
Zebogo'y ersa yana, qilur shoh qadrin faroz.

Istasang gar topgaysen vazirdek dono kishi,
Ilmkesh hazrat Navoiydek bo'lsa aning ishi.

Ra'nolar o'z holidin oh chekib etmishlar or...
Ro'yi zamin ichra xo'b, ustozim Vazira bor.

Aylabon ash'or so'zini bog'labon bir nazira,
Axtarib topdingmi kavsar, ro'yi barno Vazira.

K. (c) 2007

[Masud Mahsudov]

Baqirsam, ko’krakdan chiqmaydi unim...

Шеърий сатрлар "бақирсам" каби жайдари сўзлардан ҳолироқ бўлса... Гўзал бадиий ташбеҳлар кам эмас-ку. Фақат, кўпроқ ўқиш, изланиш керак бунинг учун.
Одамнинг уни (товуши) кўкрагидан чиқмайди! "Юракдан чиқди" деган оммабоп ибора бор. Ё сизнинг унингиз кўкракдан ҳам чиқиб ё чиқмай қолаверадими? Қани бу сатрда мантиқ?
Модомики, шеър ёзишга жазм қилдингизми, салгина жиддийроқ ёндашишингизни истардим.

Assalomu alaykum. Vaqt topib fikr bildirganingiz uchun rahmat. Yana tanqidiy fikrlaringizni intizorlik bilan kutib qolaman :)

Takliflaringizga kelsak, men ba'zi she'rlarimda badiiy tashbehdan ko'ra, ommabop, xalq ichida ko'p ishlatiladigan, Sizning ta'rifingizcha, jaydari so'zlarni ishlatishni yaxshi ko'raman. Sababi, uni o'quvchilar, eshituvchilar ham shu oddiy xalq... Shu sabab ham, "baqirsam" so'zini ishlatdim va unda uslubiy xatoni ko'rmayapman...

Ikkinchisiga kelsak, odamning ovozi o'pkadan chiqadi, o'pka esa odamning ko'krak qafasida joylashgan. (Ishonmasangiz, bu haqda, maktablarning 9-10 sinflari uchun mo'ljallangan "Umumiy biologiya"darsligida ko'rsatilgan, menimcha, Siz paytingizda u darslikning nomi "Odam anatomiyasi" deyilar edi) :) .
Shu sababli, yuqorida keltirilgan qatorda mantiqsizlik yo'q.

Adashayotgan bo'lsam, boshqa forumdoshlar bemalol o'z fikrlarini bildirishlari mumkin. :)


Aytgancha, Siz aytgan "Yurakdan chiqqan" ovoz o'z ma'nosida emas, ko'chma ma'noda - samimiy aytilgan gapga ishlatiladi, mening bilishimcha.

Men she'r yozishga jazm qilgan paytimdan boshlab unga jiddiy qarayman, pala-partish, o'ylamay yozmaslikka harakat qilaman, o'quvchilarning kulgisini keltiradigan, mazax qiladigan yoki bem'ani gaplardan qochaman.

[Masud Mahsudov]

Umrimni yo'llarga sochib boraman,
Unib chiqmas bo'lib qolar onlarim.
O'zim o'zligimni ochib boraman,
Shod-xafa qilgancha qadrdonlarim...

(c)

[Kavsar]

* * *
Nechun foniyatga
do'st tutinmadim,
Nechun boqiyatga
intildim mudom?
Nechun samolarga
ochilgan qalbim,
Sening bag'ringda
yopildi zamin?..

K. 2010

[Kavsar]

Bibaxsh maro

Bibaxsh maro, ba dilam firib natavonistam,
Be tu zistan ki, man g'arib natavonistam.

Esmi turo faromusht kardan abas bi man,
Chun zohidi hur shudan havas qalbi man.

Che bud zistan, bigu hag'ig'at che ast?
Az ranchu azob, savole man bise ast...

Dunyoi amonat che, gar man nadonam,
Gufti va'dai iymon ast, ki man nadoram.

Be tu in olami ziboyam bi man yek qafas,
Ishqat naraft az in dil yek dam, yek nafas.

Bibaxsh maro, be tu man zistan natavonistam,
Esmi digarro ey Kavsar, navistan natavonistam.

K. 2010

[Tulqin Eshbekov]

odamning ovozi o'pkadan chiqadi

Ўпкадан нафас чиқади, овоз эмас! Ўпкадан келаётган нафас тамоқда товушга айланиб, танглай-ю тилда сўз бўлиб жаранглайди. Энди шеъриятдек бадиий асарда санъат даражасида жилоланаётган сўзлар кутади ўқувчи.
Бақирсам, бўкирсам, кўкракдан чиқди ё чиқмай қолди қабилидаги гапларни ёзиб, уни халқона тилдаги асарлар кутадиган ўқувчиларга мўлжалладим, деб пардалашингиз тўғри эмас. Бу гап адабиёт ихлосмандларини ҳам таҳқирлагандек туюлади.
Бадиий, илмий, публицистик ижодда ҳар бир сўзни ўз ўрнида қўллаш талаб этилади. Сиз ёзган сўзлар одам анатомиясига оид илмий ёки ахлоқий мавзудаги мақолаларда ёзилса мақсадга мувофиқ бўларди.
Сиз билан ортиқча баҳслашишга вақтим йўқ. Фақат, менинг ижод бўстонимга қадам ранжида қилганда бўлар-бўлмасга жиғимга тегавермасангиз яхши бўларди.
Шоир ёзганидек:
"Мен ўзга манзилга тикканман кўзим,
У сенинг кулбангдан жуда ҳам йироқ".

[OmoN]

Бир куни афанди қўшнининг боғига кириб шафтолихўрлик қилаётса боғнинг эгаси келиб қолибди. Боғбон афандига қараб "Нимага бировнинг боғига сўроқсиз кирсан!!!" деса афанди ҳам бўш келмай "Ўзинг нега хотинингга кавуш олиб бермадинг!!!" деган экан.

[Masud Mahsudov]

odamning ovozi o'pkadan chiqadi

Ўпкадан нафас чиқади, овоз эмас! Ўпкадан келаётган нафас тамоқда товушга айланиб, танглай-ю тилда сўз бўлиб жаранглайди. Энди шеъриятдек бадиий асарда санъат даражасида жилоланаётган сўзлар кутади ўқувчи.
Бақирсам, бўкирсам, кўкракдан чиқди ё чиқмай қолди қабилидаги гапларни ёзиб, уни халқона тилдаги асарлар кутадиган ўқувчиларга мўлжалладим, деб пардалашингиз тўғри эмас. Бу гап адабиёт ихлосмандларини ҳам таҳқирлагандек туюлади.
Бадиий, илмий, публицистик ижодда ҳар бир сўзни ўз ўрнида қўллаш талаб этилади. Сиз ёзган сўзлар одам анатомиясига оид илмий ёки ахлоқий мавзудаги мақолаларда ёзилса мақсадга мувофиқ бўларди.
Сиз билан ортиқча баҳслашишга вақтим йўқ. Фақат, менинг ижод бўстонимга қадам ранжида қилганда бўлар-бўлмасга жиғимга тегавермасангиз яхши бўларди.
Шоир ёзганидек:
"Мен ўзга манзилга тикканман кўзим,
У сенинг кулбангдан жуда ҳам йироқ".

Agar yozgan narsalarim Sizning ko'nglingizni tahqirlayotgan bo'lsa, ming bor uzr. Odam shunaqa; yiqilib, turtinib, urilib, surilib oxiri boshi devorga tegmaguncha boshqalarga bergan ozorlarini tushunib yetmaydi. Ma'lum ma'noda tanqidlaringizdan yetarli xulosa olishga harakat qilaman.
Shu bilan birga, men o'zim yozayotgan narsalarni qanday auditoriyaga yozayotganimni, mazmun va mohiyatini tushunib so'ngra o'quvchilarga taqdim qilishimni, uning uchun javobgarlik to'liq o'zimda ekanini yaxshi anglay olishimni ham ta'kidlamoqchiman...

[Masud Mahsudov]

Umrimni yo'llarga sochib boraman,
Unib chiqmas bo'lib qolar onlarim.
O'zim o'zligimni ochib boraman,
Shod-xafa qilgancha qadrdonlarim...

Umrimni kunlarga sochib boraman,
Subhdan to shomgacha oqar qum soat.
O'zimcha, taqdirdan qochib boraman,
Va nafsim hukmiga etib itoat...

Umrimni tunlarga sochib boraman,
Yulduz bo'lib uchar har bitta dardim.
Zulmatni she'rlarim bilan yoraman,
Shabnam yuvib ketar qalbdagi gardim...

Umrimni satrga sochib boraman,
Ko’nglim chekkan ohga topib qofiya.
Yurak nimta-nimta, dili poraman.
Bedorlik – xastalik,
Ijod – ofiyat,

Umrim insonlarga sochib boraman
Garchi ortda bo’lsam hamki zamondan.
Goh ma’sum,
Gohida yuzi qoraman,
Yaxshidan dars olib, ibrat yomondan…

Umrimni yo'llarga sochib boraman,
Taqdir so’qmog’imni yorit, xudoyim!

(c)

[Masud Mahsudov]

Неча замон кўрдинг,
неча хон кўрдинг,
Қанча инсонларга бердинг бошпана.
Ўзинг ҳоким юртда, ўзгадан сўрдинг
Қандай бўлишингни; секин, иймана.
Қанча заққум ютдинг,
индамай, чидаб,
Пайконлар танангни тилиб ташлади.
Соқов бўлдинг атай,
кар бўлдинг; ажаб,
Икки дарёнг кўзинг зўрға ёшлади.
...Бугунчи, турибсан,
яна хомушсан,
Яна дардинг айтмай, ичга ютасан.
Гўё қанотлари кесилган қушсан,
Эртани умидлар билан кутасан.
Ёшларинг зиёдан кетишди йироқ,
Имон зардафтари эмас қўлланма.
Қарони тап тортмай дейишади оқ,
Олдига қўймаган аниқ йўлланма.
Қалбида учқун йўқ,
буруқсар тутун,
Ватан туйғусидан йўқдир нишона
Афсус этмасмикин, ўшалар бир кун,
Деворга тақ тегиб кетса пешона.

Ватангадоликдан асрасин Худо,
Сенсиз қуёш хатто дилга татимас,
Севувчи авлодлар айлар жон фидо,
Сени севмаганлар сеники эмас!

2008

[Nigora Umarova]

Севувчи авлодлар айлар жон фидо,
Сени севмаганлар сеники эмас!
2008

Ватан учун бўлсин жонфидо,
Эй Худо, Ватандан этмагин жудо.
Ватандин айриликка чидай олмасман,
Уни севмоқликдан асло қолмасман,
Иймоним ул, виждоним ул, улдир маконим,
Суянгувчи, таянгувчи, ул онажоним.
Қувват берар, куч берар ҳар бир ишимда,
Хурсанд кунларимда, гоҳ ташвишимда...
Юқоридаги шеърни ўқиб ўз -ўзидан мисралар келиб қолди.

[Kavsar]

Юқоридаги шеърни ўқиб ўз -ўзидан мисралар келиб қолди.

O'z-o'zidan kep qolgan misralarda ilhom parilari bo'ladi.. Ilhom parilari yordamida yozilgan she'r esa chiroyli she'r bo'ladi. ;)

Nigora opa, yana she'rlaringiz bo'lsa qo'yib boring.. :) Balki menga ham ilhom kelib qolar ;)

[Masud Mahsudov]

Dilda havas nishi ursa,
Siz tarafga yo’lim bursam,
Eshiklarim ochiq tursa,
Yuragimga kelasizmi?

Bahor qilib xazon kuzni,
Olib qochib asta o’zni,
Bilintirmay, burib yuzni
Xiyolgina kulasizmi?

Qorda yaxlab qahratonda,
Ko’klam shabnam bo’lib tongda,
Qovjirasam saratonda,
Siz ham birga so’lasizmi?

Qarashlar-la o’yib-o’yib,
Kipriklarda tig’siz so’yib,
Rad javobin berib qo’yib,
Keyin o’yga tolasizmi?

Esmasa gar sabolarim,
Yetmas ersa nidolarim,
Esdan chiqib sadolarim,
O’zga kuyni chalasizmi?

Charchab ketdim kutub-kutib,
Umid emas, g’amni yutib.
Yonginamdan o’tib ketib,
So’ngra baxtga to’lasizmi?

Qo’shig’ingiz sozi uchun,
Ko’nglingizning rozi uchun,
Karam, ishva, nozi uchun,
Qalbim bersam olasizmi?

Visolda ham, firoqdayam
Alam-qayg’u, maroqdayam,
Yaqin hamda yiroqdayam,
Chidab birga qolasizmi?

Eshiklarim ochiq tursa,
Yuragimga kelasizmi?

(c)

[Masud Mahsudov]

Bitmas o’ylarimga yomg’ir choh qazir,
Uzoqlarga ketib qolar xayolim.
Bulutlar ziyoni qilishgan asir,
Mayda tomchilarga aylanar jonim.

Har bir donasiga xijron qo’shilgan –
Visol umidini tashlab ketmagan.
Har bir donasiga armon qo’shilgan –
Azaldan orzuga inson yetmagan…

Bir ulkan sharshara – judayam ajib -
Sabrning sohili haddan oshmoqda.
Barcha g’uborlar-u, changni opichib,
Osmonning chashmasi yerga tushmoqda…

Keyin…
Sog’inchlar ham yoshga aylanib,
Yog’inga hamohang tomchilar bir-bir.
Nozik hislarimni tanimay-tanib,
Qancha suvlar kechdi bechora taqdir…

Falak va zaminni bog’lasa suvlar,
Diydorga qalbimning keladi rashki.
Ko'z tutib charchagan dilim huvillar,
Yomg’irlar – sog’ingan yuragim ashki…

(c)

[Masud Mahsudov]

Garchi zulmat-qora tundayam,
O'sma, surma qo'ymang- shundayam,
Yuming mayli, yopilgandayam,
Ko'zlaringiz chiroyli ekan...

Nigohingiz mayli opqoching,
Mayli kunda bir bora oching,
Mayliga, xo’p, zahringiz soching,
Ko'zlaringiz chiroyli ekan.

Qoqilmasin mujgonlar bir dam,
Rozidirman,
aytmangiz so'z ham,
Ana, qarang oynaga siz ham
Ko'zlaringiz chiroyli ekan.

Go’zallikdir dillarga armon,
Qarab qo’yish Sizga muammo,
Negaligin bilmadim, ammo
Ko’zlaringiz chiroyli ekan.

Aytmaysizmi chashmingiz sirin?
Tashlamaysiz hattoki qirin,
Ortda qolar Layli-yu, Shirin,
Ko’zlaringiz chiroyli ekan

Azoblash-u Sizga oddiy hol,
Xatto, hazil keladi malol,
Qoshingiz-chi, ko'kdagi hilol,
Ko'zlaringiz chiroyli ekan.

Tushib ketsam, qaniydi, koshki,
Charosning ham keladi rashki,
To’kilmasin behuda ashki.
Ko’zlaringiz chiroyli ekan.

Mabodo dur yig'maganmisiz?
Kiprigingiz tig'laganmisiz?
Yoshlikda ko'p yig'laganmisiz?
Ko'zlaringiz chiroyli ekan

Ko'ngil sizdan olar ekan nur,
Qanot yetmay yerda qolgan hur.
Yaratganga so'ngsiz tashakkur,
Ko'zlaringiz chiroyli ekan

Samimiylik topmasin oxir,
Botin misol zebodir zohir,
Ming rahmatga loyiqsiz axir,
Ko'zlaringiz chiroyli ekan.

(c)

[Nigora Umarova]

Shuncha yashab, dilim kuyib,
Mahbubi asror topmadim.
Qo'lda "mash'al", qalb kul bo'lib,
Bul mehrga zor topmadim.
Sen yuborgan nasimi subh
Bul kullarni to'zon qildi,
Shul sababdin, ey Yazdonim,
O'zni o'zgaga xor topmadim.

N.begim

[Nigora Umarova]

Ko'z yoshlarim ichga tomar,
Ustimga chiqarolmayman.
Qalbim yonar, qalbim yonar,
Otashni o'chirolmayman.
Bu ne otash, bu ne gulxan,
…Bunga na "suv" ta'sir qilmas,
Tanlagan bu yo'limdan,
O'zni qaytarolmayman.

N.begim

[Husniddin]

Salom, Qoyil, sherlaringizda shunday alam borki, bu gulhanni nima ekanligini o'ylab qoldim.

[Kavsar]

Onamga

Qaro tunni to'zg'itib,
Sochlarimni silagan.
Meni, tunlari bedor,
Beshikda allalagan.

Oq yuvib, oppoq tarab,
Hanuzam duo qilar,
Bulut ustida osmon,
Onam kaftiga qarar.

Erkalang, bag'ringizda,
Hali ham yosh bolaman.
Onajon, shu xalqimga
Sodiq farzand bo'laman...

Sog' yursangiz, onajon,
Manzilimda adashmam.
Mehringiz chashmasini,
Bihishtlarga alishmam.

K. (c)

[Kavsar]

Жфлолиддин Румий,

“Маснавий”даги илк
ўн саккиз байт таржимаси

بشنو اين نى چون حكايت مى‏كند
از جدايى‏ها شكايت مى‏كند

Эшит найни не ҳикоятлар қилур,
У айрилиқдин шикоятлар қилур.


كز نيستان تا مرا ببريده‏اند
در نفيرم مرد و زن ناليده‏اند

Мени қамишликдин жудо қилдилар,
Энди фарёдим ичинда қолдилар.


سينه خواهم شرحه شرحه از فراق
تا بگويم شرح درد اشتياق‏

Пора-пора бўлса кўнгил фироқдин,
Токи шарҳ айласам дард иштиёқдин.


هر كسى كاو دور ماند از اصل خويش
باز جويد روزگار وصل خويش

Ҳар кишики, йироқ бўлди аслидин,
Яна нишон излар ватан васлидин.


من به هر جمعيتى نالان شدم
جفت بد حالان و خوش حالان شدم

Мен бу турфа жамийятда бор эдим,
Яхши-ёмон ичра нолон, ёр эдим.


هر كسى از ظن خود شد يار من
از درون من نجست اسرار من

Ҳар ким ўз йўлида бўлди ёр менга,
Билмади лек ичда не асрор менга.


سر من از ناله‏ى من دور نيست
ليك چشم و گوش را آن نور نيست

Менинг сиррим эмас оҳимдин йироқ,
Йўқ эрур кўзу қулоқда нур бироқ.


تن ز جان و جان ز تن مستور نيست
ليك كس را ديد جان دستور نيست

Тан жондину, жон тандин пинҳон эмас,
Кимсага жон кўрмаги фармон эмас.


آتش است اين بانگ ناى و نيست باد
هر كه اين آتش ندارد نيست باد

Най овози бод эмас, оташ эрур,
Кимда оташ йўқ эса, у тош эрур.

آتش عشق است كاندر نى فتاد
جوشش عشق است كاندر مى‏فتاد

Найдаги оташ ҳам асли ишқ эрур,
Майдаги жўшиш ҳам асли ишқ эрур.

نى حريف هر كه از يارى بريد
پرده‏هايش پرده‏هاى ما دريد

Най навоси ғарибларга ёр эрур,
Пардаси ҳар пардани абгор қилур.


همچو نى زهرى و ترياقى كه ديد
همچو نى دمساز و مشتاقى كه ديد

Най каби оғую тарёқ бормикан,
Най каби дамсозу муштоқ бормикан.


نى حديث راه پر خون مى‏كند
قصه‏هاى عشق مجنون مى‏كند

Тингла бу ишқ йўллари пурхун эрур,
Бу йўлда ҳар кимсани мажнун қилур.

محرم اين هوش جز بى‏هوش نيست
مر زبان را مشترى جز گوش نيست‏

Асло ножинсларни ўртоқ тутмагил,
Андин эшитгувчи қулоқ кутмагил.

در غم ما روزها بى‏گاه شد
روزها با سوزها همراه شد

Ғам ила ўтди кунлар кеча бўлди,
Сўз ила куйгани ким неча бўлди.

روزها گر رفت گو رو باك نيست
تو بمان اى آن كه چون تو پاك نيست

Кунлар ўтса агар айт: “Бок ўлмагай”,
Сен қолгину, сен каби пок ўлмагай.


هر كه جز ماهى ز آبش سير شد
هر كه بى‏روزى است روزش دير شد

Ким балиқ қонмаган сувларга қонди.
Насиба олмаган, ризқидан тонди.


درنيابد حال پخته هيچ خام
پس سخن كوتاه بايد و السلام

Етилганнинг ҳолини билгайму хом,
Калта қилмоқ керак сўзни вассалом.

Bir paytlar shu baytlarni tarjima qilishga harakat qilgandim. Endi bir oz tahrir qilib, xatolarimni bilib olishim uchun fikringizni bilmoqchi edim. She'r bo'lganligi uchun ham tarjimalarimni qayerga qo'yishni bilmay, shu yerga qo'ymoqdaman, uzr.

K. (c) 2009

[Masud Mahsudov]

Oy kezadi yolg’iz samoda,
Shovullaydi daryo betinim.
Derazamni chertar shaboda,
O’tmoqdadir yana bir tunim.
Qora bulut osmonni kezib,
Yulduzlarga bermaganday tinch.
Xayollarim har yoqqa to’zib,
Yuragimdan qidirar ilinj.
Behol qalbim, qaltiroq qalbim,
Orziqadi seni o’ylasa.
To’lqin, shamol bo’lar edi jim,
Sabolardan salom yo’llasang.
Kiprik qoqmay mayli kutaman,
Tirqillagan oynaga qarab.
Nafasimni ichga yutaman,
Xudoyimdan baxtingni so’rab.
Qayerdadir omon bo’lsang bas,
Tinching bilsam menga yetadi.
Tabassuming ichda qilib his,
Xavotirim tarqab ketadi.

Oy kezadi yolg’iz samoda,
Shovullaydi daryo betinim.
O’yga cho’mgan xorg’in dunyoda,
Surmoqdasan sen ham xayol jim…

(c)

[Masud Mahsudov]

Bedorlikka oshino ko’ngil,
Tun qo’ynidan izlaydi shu’la.
Topolmayin qiynaladi dil,
Ko’ksim ezar mungli ashula…
O’tiribman,
Sassiz, sadosiz,
Kutib, nogoh kelar ziyoni.
Ichimdagi dardim – adosiz –
Tor deb bilar shu keng dunyoni.
Xo’rsinaman,
Yog’duni istab,
Xonam kezar zulmat sharpasi.
Nur qidirgan xayolim qistab,
Nola qilar yurak zarbasi.
Sog’inchlarga to’lgan tanamni,
Qo’yarimga joy bergin, Xudo.
Quyoshlarga ko’mib olamni,
Xislarimdan etmagin judo.
Yorug’likka intilib o’sdim,
Duolardan topib panohim.
O’zim haq, deb,
O’zgani to’sdim,
Endi avfin kutar gunohim…
Anglayapman qancha xatoim,
Tongga qadam qo’yganim sari.
Jaholatdan asra, Xudoyim,
Bir beg’ubor go’dak singari.
O’zing endi rost yo’lga boshla,
Yo’liqtirmay g’amga, baloga.
Ichlarimni to’ldirib tashla,
Yorug’likka, nurga, ziyoga…

©

[Masud Mahsudov]

Sizni boshqa xayol etmasin hech band,
Yolg'izlik qa’rining tubida yashang
Xijron qilib olsin butkul zanjirband,
Qalbingiz ustini bosib ketsin zang.

Yomg’irlarlada qoling, titrang qorlarda,
Alamga g’arq bo’ling kechalar bedor.
Vaqtingiz o’tkazing ohu zorlarda,
Yo’llarga ko’z tukib, intiq, intizor.

Atrof yashillikka burkanganda ham,
Dilingiz kuz kabi sarg’aysin, so’lsin.
Halovatni bilmang hattoki bir dam,
Ichingiz bo’zlasin, garchi lab kulsin...

Chanqang,
tashna bo’ling mehrli so’zga,
Qon yuting zulmatning zah chekkasida.
Do’stingiz bo’lmasin armondan o’zga,
Kun ko’ring afsuslar iskanjasida...

G’am sherik aylasin oylar va yillar,
Fig’on chekish oddiy holga aylansin.
Oromga begona bo’lib ko’ngillar,
Yurak zo’rg’a-zo’rg’a urib qiynalsin...

Men shunday yashadim, Sizni sog'inib...

(c)

[Anvar Latipov]

Childirmani savalab urib
Torlar chertib o`yin bo`layapti
Bir qiz yig`lar qishloqda turib
Kelmaysanmi, to`yim bo`lyapti

Har saharda hovli supurib
Har saharda quyun bo`lyapti
Bir qiz yig`lar qishloqda turib
Sensiz yashah qiyin bo`lyapti.

(Uzr, she`rning esimda qolgan qismini yozdim)

[Nigora Umarova]

Bir qiz yig`lar qishloqda turib
Kelmaysanmi, to`yim bo`lyapti...

...Sensiz yashah qiyin bo`lyapti.

(Uzr, she`rning esimda qolgan qismini yozdim)

Ундай қизларни яхши кўрманглар. Аввал севганига, кейин турмуш ўртоғига туйғулари орқали хиёнат қиляпти.:) ;)

Шеър давомин ҳам ёзинг-да мундоқ,
Уни тушуниш қийин бўляпти.
Шеърдаги бош ғоя нима, эмасми "алдоқ",
Қиз туйғуси "бир тийин" бўляпти

[Masud Mahsudov]

Bu kuz o’ylarimni ulg’aytirmoqda,
Yaproqlar misoli to’kiladi dard.
Yomg’irlar maydalab yoqqani chog’da,
Yuvilib ketadi ko’nglimdagi gard.

Bu kuz boshqacharoq,
Har yilgidekmas,
Najotga o’xshaydi xazonrezgisi.
Havoning qovog’i kayfimga tegmas,
Qushlarning nolasi -najot belgisi...

Bu kuz hislarimda mo’tadillik bor,
O’zimni qo’yarga topganman xona.
Dilimda bor bari g’ussa-yu g’ubor
O’rnini olganga o’xshar shukrona.

Bu kuz halovatni tuhfalar etib,
Go’yo meni sokin bag’riga chorlar.
G’amlarga o’rangan tanam tark etib,
Shamolga uchadi nadomat, zorlar...

Bu kuz kunlarimni yutmas tortqilab ,
Tunlarim junjikib bedor o’tmaydi.
Termulmay qo’yganman nuqtaga qarab,
Tonglarim, azonsiz hecham otmaydi...

Bu kuz sarg'arirman, ko'klam unaman,
Tengi yo'q chechakni baxtimga taqib.
Ko'rasiz, iqbolim gullaydi chaman,
Umid chirog'ini quyoshdek yoqib...

Bu kuz mana shundek o’zgarish biroz,
Faqat sog’inchimni bilmaydi xolos...

(c)

[Pfefferminze]

Bir paytlar she'r yozishga urunib ko'rgan ekanman, boya fayllarimni yig'ishtirib turganimda ko'zim tushib qoldi. Mana :-)

.....
Qara,

Yuzlarimga tushayotgan nur,
ro’molimdir uning oppoq pardasi,
har neki desam, chayqalsa boshing,
men sendan nima deb gina qilayin?!

She’r bitsam tushmasa na qofiyaga
Cho’llab, qurib qolsa bahor gullarim,
ko’nglingni choq etib ikki soniyaga,
xatto eplolmasam malham so’zlarim..
men sendan nima deb gina qilayin?!


Ishon,

Seni uchratdimu, tanidim qalam
Uchlari yo’nildi, so’yladi alam
Sochilsa so’zu-baytingda siring,
yig’ilib jam bo’lar butun hayoting.
Men sendan nima deb gina qilayin?!


Taqdir,

yozilmish ham bir qalam ila,
tushunmaydi uni odamzod sira,
gohida ushatsa alvon nurini,
ayamay ham otadi yaxtak muzini.
Men sendan nima deb gina qilayin?!

Qo’rqma,

Taqdirimning tuhfa muzidan,
Hayqirib qolmagin achchiq so’zimdan,
Barchasi bitilimish avval O’zidan
Men muzdek qotganman azal-azaldan
Men sendan nima deb gina qilayin?!


Visol,

g’animatdir fursat-la har on
nasib etmish balki, taqdir bearmon
soya-salqin ko’rkam, fayzli bir oqshom,
erib bo’lgan muzim, ginam, bir zamon…



P.S.. hozir, oradan ancha yil o'tib o'qib chiqsam, rostan ham she'r she'rga o'xshamagan ekan.:-(

[Pfefferminze]

Yillar o'tib, inson o'zini usitdan o'zi kular ekan..hayronman, nega unaqa telba-teskari she'rlarni yozibman...:-)

Iching endi qorong'i zulmat,
Garchi mening oydindir tunim...
Javobsizdir bitganing - hikmat...
Endi she'rsiz o'tmagay kunim.

Senda qoldi yo'nilgan qalam,
Oppoq qog'oz menda muntazir.
Izhor etmay qilasan alam...
Men hayolga bo'lganman asir.

Senda qoldi yagona fursat...
Bir so'zingga mushtoqman, zorman...
(Yo shunga ham kerakmi ruxsat?)
Kuzdan keyin kelgan bahorman.

Yuragingni ochma bir bora,
Mayli ifor sochmasin gulim...
Senda qoldi, uzrli, chora...
Endi ishqsiz vayrondir dilim...

P.S bu she'r tahriri bilan ekan...

[Pfefferminze]

Zor emasman umidga ortiq,
Bu dunyoga qilmayman havas,
Subhi tongi nuridan, biroq
bir zarrasi menga tegsa bas.

Havas emas, endi bu dunyo
yo'l begona, ko'chalar ham tor,
qalbim egallagan bir qaro ro'yo
torlarimni uzib, ayladi bemor.


Boshimni ushlayman, liq to'la savol
Yer tepgan izlarim tortar nigohim,
borarim endi, qaro yer, mozor
shu ekan taqdirim, achchiq qismatim


Kimnidir izlagan jonim jon -sarak,
bir umr istadi, topmadi malham
pisand etmay uni, xatto shu falak,
yog'dirdi bir dunyo bor dardu-alam.


Yo'llarimni yo'qotdim, yillarim o'tdi,
tegirmonni toshiday boshlarim qotdi,
qo'llarimdan duolar to'kilib-la ketdi,
taqdirginam meni arzonga sotdi.


So'lgan gulzorimning ozorlari yetdi,
gullarining tikanlari to'kilib-la qoldi
ko'ngilginam xastalarga chalinib-la ketdi,
tanu-jonim, bardoshim ham poyoniga yetdi....


P.S she'rlarni o'qib shu xulosaga yana bir bor amin bo'ldim, meni qo'limdan she'r yozish umuman kelmas ekan..Aytadilar-ku, chumchumqni so'ysa ham qassob so'ysin deb...

[Gulnora Voisova]

Aytadilar-ku, chumchumqni so'ysa ham qassob so'ysin deb...+5

[Kavsar]

Айладинг санъат

Олисми, яқинми, билмам саломинг,
Келганми баҳорий ифор-ла гўё.
Бунчалар кўнгилга яқин каломинг,
Ёки муҳаббатга тўлганми дунё?

Не учун зебодир, сирли оламинг,
Ожиза ақлимга ҳайронаман мен.
Исмингни ёзганми дилга қаламинг,
Не сабаб хонаи вайронаман мен?

Билмам, вафосизлик қайларда қолган,
Кўз ёшим ичинда маъно - муҳаббат.
Билмам, сукунатни қайлардан олган,
Кавсарнинг ҳаётин айладинг санъат.

К. (с) 2010

[Masud Mahsudov]

Quyoshdan uyalib qizargan bargdan,
Ololmay qolganda nogoh ko'zimni,
Qalbim forig' bo'lmoq istaydi darddan,
Kuzatgim kelmaydi hecham kuzimni.

Xazin kuy qalbimga bo'lganda hamdam,
Ivitib tashlasa yomg’ir yuzimni,
Atrof oltin rangga aylangani dam,
Kuzatgim kelmaydi hecham kuzimni.

Gunohlarim yaproq yanglig’ to’kilib,
Qush kabi yengil his etsam o’zimni.
Ortidan mung’ayib, ma’yus tilikib,
Kuzatgim kelmaydi hecham kuzimni.

Umrim fasllarin o’tsam qadamlab,
Xazonlar yopganda bosgan izimni,
Qo’lim siltagancha kiprigim namlab,
Kuzatgim kelmaydi hecham kuzimni.

Intiqib kutsam-u, qarshilab olib,
She’rga aylantirsam sog’inch so’zimni,
Bir zum ko’rishsam,
song yilga yo’qolib ketganda,
Kuzatgim kelmas kuzimni.

Chuqur o’yga tolib,
Yumib ko’zimni,
Kuzatgim kelmaydi hecham kuzimni.

(c)

[Masud Mahsudov]

Seni o’ylab yana tunim
Bedor o’ta boshladi.
Armonlarim bermay tinim,
Dilim rosa g’ashladi.
O’ylarimda topgan visol
Qalblar shodon kezadi.
O’ngimda-chi mingta xayol,
Yuragimni ezadi.

Seni o’ylab, o’zgalarga
Parvolarim ham falakdir.
Bilmam, balki tinch yasharga.
Jinday sabr kerakdir.
Nima qilay, sabrsizlik,
Egallagan borimni,
Qancha oh-u nola qilmay,
Tinglamaysan zorimni.

Seni o’ylab o’tiribman,
Zulmat aro kunsirab.
Ruhim yurar xomush, sarson,
Qaylardadir tentirab.
O’zinimi yo’qotdi u?
Yoki maysiz mastmidi?
Ovozingni bir eshitsam
Nim ko’nglim to’lmasmidi?

Seni o’ylab, sog’nch hisi
Shu tanamga jo bo’ldi.
Duolarim yig’indisi
Haqqa iltijo bo’ldi.
“Yo Rab, yorim qayda yursa
Hamki jonin saqlagin.
Meni otashda kuysam, mayli,
Uni asti yoqmagin.
Dunyo to’la dardlar manga,
Uni shodlik yor tutsin.
Ga’m, alamu, anduhlarni,
Tamomila unutsin...”

Seni o’ylab,
O’ylarimning
So’ngiga yetolmadim.
“Sog’inganman”, -degan so’zim,
O’zingga aytolmadim...


(c)

[Nigora Umarova]

A'zam O'ktamning "qirqinchi bahor" to'plamida "Harakat" sarlavhali mansur she'r bor:

Qarshilik. Qamoq. qiynoq. Qasos. Qin. Qilich. Qalqon. Quyuladi qon qaynoq. Qattol, qattiq, qatag'on.
O'lar. o'kirar. o'ylar. o'prilar. O'rtanar. O'nglanar. O'qir. O'ynar. O'sar.O'tar. O'rganar.
Quvonch qahat. Qotadi. Qora qismat. Qayg'u. Qon. Qadim qudrat qaytadi qachon, qachon, qachon?
Olish. Otish. Obodlik. Og'ir ojiz olamga. Omonligu ozodlik omonatdir odamga.
Notiqlar nomard, noqis. Nechun nolish, nasihat? Najot-norozi nafas. Nafrat-nasiba, ne'mat

She'rda talato'p zamonlarda inson hayotida duch kelishi mumkin bo'lgan voqea-hodisalar, his-tuyg'ular va tushunchalar jamlangan. So'z o'yini orqali so'zlarning bosh harfi yig'indisidan "Qo'qon" so'zi paydo bo'ladi.
Haqiqatan ham tarixiy maskanning tarixiga nazar tashlansa, qirg'inbarotlar, qatag'on zamonlarida ne-ne nomardlik va sotqinliklar bo'lgani xayolga keladi.

[Masud Mahsudov]

Ko’nglim aytar, menga darmon kerakmas,
Ishqdan paydo bo’lgan armon kerakmas.
Iztiroblar makon qurgan yurakka,
Tuyg’ulardan o’zga farmon kerakmas.

O’zga yurtda ming teng bo’lsin sherlarga,
Oshna bolsin, o’rtoq bo’lsin zo’rlarga,
O’z zabonin qadrin ursa yerlarga,
So’zi chechan, tili biyron kerakmas

Ortdan g’iybat qilib o’ngim, so’limni,
Yaxshi kunda tutib hotam qo’limni,
Kulfatimda yolg’izlatsa yo’limni,
Qadrdon-u, do’st-u, yoron kerakmas.

Mayli bezab tursin so’ngsiz nazokat,
Nur taratsin yuzlaridan nafosat,
Bo’lmas ersa qalqon unga sadoqat,
Menga unday oromijon kerakmas.

E’tiqodin saqlasa tor qafasda,
Jannat sayrin qilmas orzu-havasda,
Haqni gar yod olmasa har nafasda,
Zohir zangin, botin vayron kerakmas…

Kibr-havo osmon qilib tashlasa,
Manmanlikni izzat deya boshlasa,
Miskinlarning ko’zlarini yoshlasa,
Dilga riyo kabi qalqon kerakmas…

Umrim tashkil bo’lsa faqat ozordan,
Kelmas bo’lsam erta-yu kech bozordan,
Gulmas, tikon o’sib chiqsa mozordan,
Ortimdan hech ohu-fig’on kerakmas

Sevmas bo’lsam,
Sevilmasam,
Kulmasam,
Muhabbatga, zavq-u, shavqqa to’lmasam,
Taqdirimdan rozi bo’lib o’lmasam,
Hayot nima, yorug’ jahon kerakmas…


(c)

[Kavsar]

Ўтмаганмиз

Юксак эҳтиром ила, устозим Ж. Муҳаммаднинг
"Ўтганман" радифли ғазалидан илҳом олиб...

Насиҳат қилмадик, майли, бу мактабдан ўтмаганмиз.
Тариқатни ниқоб этган бу машрабдан ўтмаганмиз.

Ўшал сиз кўрган одатлар, муҳаббатсиз ибодатлар,
Муҳаббатдан нишон излар, бу мазҳабдан ўтмагансиз.

Керакдир янги юлдузлар, ким агар Ҳақ йўлин излар,
Шу ҳам кифоя бизларга, бу кавкабдан ўтмагансиз.

Тариқатларни об айлаб, шариатларда хоб айлаб,
Деган "Ёраб" кимсаларнинг "Ёраб"идан ўтмагансиз.

Баҳоуддинни билсангиз, Имом Аъзамдан эрсангиз,
Майли, лоф урмадик, энди бу мансабдан ўтмаганмиз.

Ислом дини оламоро, бўлса кўрки бир Бухоро,
Сизга дарс ўтмадик зинҳор, бу матлабдан ўтмаганмиз.

(с) К.

[Masud Mahsudov]

Qalbimsiz,
Dardimsiz – ko’ksimda mezbon,
Qadrimsiz, Siz bilan fahr tuyaman…
Aybim, ko’nglingizni aylamoq osmon,
Ne qilay, o’zimdan ortiq suyaman…

Qalbimsiz,
Hech tinmay urib turasiz,
Mavjud ekaningiz eslatib onda.
Ayting, nimalarni yaxshi ko’rasiz,
Siz uchun eng aziz nedir jahonda?

Qalbmsiz,
Qonimni mehrga o’rab,
Tanamga behisob sochganim – sizsiz…
Bahor kabi ko’rkam, gul qadar nafis,
G’uborlardan yiroq beg’ubor qizsiz…

Qalbimsiz,
Holimni tushunmay qolsam,
Meni o’zimdanam yaxshi bilguvchi…
Hafasiz, nogahon o’ylarga tolsam,
Tabassum aylasam, birga kulguvchi…

Qalbimsiz,
Yuragim ko’rpa qatiga,
Buklab yashirganim – ajoyib sirim…
Bitmas xijronlarning otashi ichra,
Ne baxt, siz manglayga bitgan taqdirim…

(c) 2010, Mart

[Husniddin]

She'rlar juda ajoyib.

[Nigora Umarova]

She'rlar juda ajoyib.

Ajoyib she'rlarga "+" qo'yib fikringzni bildirsangiz ham bo'ladi.

[Masud Mahsudov]

Bilinmas

Yaxshi qaysi, yomon qaysi – bilinmas.
(Mahtumquli)


Dunyo ahli raqs etib nafs kuyiga,
Halqum, deya ko’zga uyqu ilinmas
Ne ajabki, bu olamning uyiga,
Mezbon qaysi, mehmon qaysi – bilinmas

Bir-biridan o’tib ketar ozorda,
Kimga rohat, kimga azob mozorda,
Fisqu-fujur to’lib ketgan bozorda
Shayton qaysi, inson qaysi bilinmas.

“Beray”, demas, tilda faqat “olaman”,
“Bersang yeyman, bermasang och qolaman” –
Har tarafda maqsadi yo’q olomon –
Ijro qaysi, farmon qaysi bilinmas.

Har bir narsa Yaratganning qo’lida,
Sinar ekan bandani o’ng-so’lida.
E’tiqodning nurga to’lgan yo’lida
Qilich qaysi, qalqon qaysi bilinmas

Bir maromda aylanur garduni dun,
Haq yo’linda ne amal qilding bugun?
To’gri yo’lga boshlaguvchi din uchun,
Ag’yor qaysi, posbon qaysi – bilinmas.

Insof juda yiroq ketgan zamonda,
Shirin kalom qolmas ekan zabonda.
Masxaraboz kulgu qilgan jahonda,
Zabun qaysi, shodon qaysi - bilinmas

Kim Hiva-yu, boshqa Qashqar ishqida,
Allakim jonin berur zar ishqida
Kimsa bedor ro’zi Mahshar ishqida,
Orzu qaysi, armon qaysi - bilinmas.

Imon ila razolatga kirilmas.
Munofiqlik kiri hecham yuvilmas,
Gunoh ila savobni farq etmasa,
Azob qaysi, darmon qaysi – bilinmas.

Ne ajabki, bu olamning uyiga,
Mezbon qaysi, mehmon qaysi – bilinmas

(c)

[Masud Mahsudov]

Кўнглим кўз ёшидeк тинмайди ёмғир,
Қуёшга муҳтожман -
билмайди ёмғир
Томчиси кўзимга кирар ёш бўлиб,
Дардимга парво ҳам қилмайди ёмғир,

Шивалаб, тўхтамай, ёғиб ўтар у,
Дилимдeк, сабони балки кутар у,
Замин ғуборини ювиб кeтар-у,
Қор каби сочимга инмайди ёмғир.

Интиққан кишилар ғамин ютса-да,
Томирда оқса-да қон эмас, зада.
Қалблар оби чашмга тўлиб битса-да,
Чанқоқдан ҳeч қачон қонмайди ёмғир.

Тунлар бeдорлигим билармикин ёр?
Ё жоним хавотир қилармикин ёр?
Ўзининг ёғида ўзи қоврилиб,
Яхшиям, мeн каби ёнмайди ёмғир.

Нома илинжида титрар юрагим,
Аллоҳдан ўзимга сабр сўрагум.
Айвондан кўз тикиб, тeрмулсам-да жим,
Соғинчим зарра ҳам олмайди ёмғир.

(c)

[Masud Mahsudov]

Yo’llar olis, yo’llar yiroq
Yutib borar umrimni.
Har lahzasi bitta so’roq,
O’tib borar umrimning.

Yo’llar meni ulg’aytirar,
Boyitadi yoshimni.
Yashilmni sarg’aytirar,
Sinaydi bardoshimni.

Yo’llar suvdek oqadi tez,
O’zanini buradi.
Goh omadim tutib bir kez,
Gohi umid beradi.

Yo’llar ortga solmas nazar,
Undayverar ilgari.
Maqsad doim o’yim kuzar,
G’am qo’ymadi kulgani

Yo’llar ba’zan zerikarli,
Ba’zan ko’nglim to’ldirar.
Bosgan izim chapmi yo o’ng,
Deya o’yga toldirar.

Yo’llar parvo qilmas, o’tar,
Mening arzu dodimga.
Balki dardlar tugab bitar,
Yetarman murodimga.

Yo’llar hecham qayirmasin,
Taqdir azal - falakni.
Yo’llar also ayirmasin,
Ikki tutash yurakni.

(c)

[Masud Mahsudov]

Юрагимда бир тугун,
Нeгадир ечолмайман.
Ичимдаги дардимни
Ҳeч кимга очолмайман,
Ечимга зор ҳолимни,
Айта олсайдим зора,
Қалбим чиқиб зиёга,
Қийналмасди, бeчора.
Атрофимда минг одам –
Арзигулик сўйласам.
Нима қилай, ўзнимас,
Ўзгаларни ўйласам.
Дўстларим кўп,
барчасин,
Зиёди бор, ками бор.
Ўзларига етгулик,
Ташвиши-ю, ғами бор.
Бир тугуним мингтага,
Бўлишимдан нe фойда?
Яхшиси, сақлай сирим,
Ҳeч ким билмаган жойда.
Дилим туби чангалзор,
Адашасиз кирсангиз.
Синоатим интизор,
Дардкаш кутар билсангиз.
Чиқаришга йўқ хоҳиш;
Кўксим қурғур қийнайди.
Тўғри кeлган одамга,
Айтишга кўз қиймайди.
Ҳассос юрак,
қон юрак,
Кўкни тутар фарёди.
Чигалларга кон юрак,
Ягонадир дунёда.

Чап кўксимда бир тугун,
Ҳeч кимга очолмайман…

(c)

[Adiba Umirova]

Ғамлар томиримни айлади сафар,
Лабларим куйганча ичдим қуёшни.
Умримнинг бошидан-ярмига қадар,
Эртага қолдириб келдим яшашни.

Кўнглим гулларини хазондай топтаб,
Сени севаман деб алдади баҳор.
Жаннатда йиғлайман ўзим юпатиб:
Чин ошиқлик севган бандасига ёр!

Барча азобларда ёндириб беиз,
Эриб борар, ахир, ҳаётим шами,
Ҳур қизлар ортидан учаман ёлғиз,
Аччиқ хотиралар эзар елкамни,

Тағин, ишонаман тақдирга бир кун,
Бошқа ҳаётимда ҳеч ўкинмасман.
Вақт келар ­– бу қора кунларим учун,
Бу дунё, у дунё кўз ёш тўкмасман.

[Kavsar]

Ғамлар томиримни айлади сафар,
Лабларим куйганча ичдим қуёшни.
Умримнинг бошидан-ярмига қадар,
Эртага қолдириб келдим яшашни.

Кўнглим гулларини хазондай топтаб,
Сени севаман деб алдади баҳор.
Жаннатда йиғлайман ўзим юпатиб:
Чин ошиқлик севган бандасига ёр!

Барча азобларда ёндириб беиз,
Эриб борар, ахир, ҳаётим шами,
Ҳур қизлар ортидан учаман ёлғиз,
Аччиқ хотиралар эзар елкамни,

Тағин, ишонаман тақдирга бир кун,
Бошқа ҳаётимда ҳеч ўкинмасман.
Вақт келар ­– бу қора кунларим учун,
Бу дунё, у дунё кўз ёш тўкмасман.


Ta'sirli va yurakdan chiqqan so'zlar terilibdi ushbu she'rda. Adiba opa, bizni yana shunday go'zal she'rlardan bahramand etasiz degan umiddamiz...

[Masud Mahsudov]

Ғамлар томиримни айлади сафар,
Лабларим куйганча ичдим қуёшни....

Ajoyib she'r uchun tashakkur.

Sahifaga xush kelibsiz

Forumdoshlar safida yana bir ijodkor insonning tashrifidan mamnunman. Kelajakda yangi she'rlaringiz bilan o'rtoqlashasiz, degan umiddaman. Alloh ijodingiz rivojini bersin, singlim... :)

[Masud Mahsudov]

Mayli, yuragimga tushmasin yo'ling,
Mayli, o'rtanmagin xijronda yonib.
Chaqirsam, qidirma o'ngingu so'ling,
Tunlari sog'inchdan ketma uyg'onib.

Mayli, orzuimga bo'lmagin yo'ldosh,
Ko'nglim ko'chasiga boqma, roziman.
Yuraging yumshatmay qilib olgin tosh,
Garchi tog' eritar kuyning soziman.

Mayli, xayolingga keltirma meni,
O’ylama, yolvorib aytgan so’zlarim.
Havotirga aslo solmasin seni
Orqangdan termulib qolgan ko’zlarim.

Mayli, dilim rangin farqlamay yasha,
Jo’r bo’lma ko’ksimning g’am nolasiga.
Toqatim yomg’irdek yog’ilib tushar
Teginma sabrimning piyolasiga.

Mayli, azobimni bilmay qo’yaver,
Axir men azaldan dardga hamxona.
Baxtga to’lib-toshib, qonib, to’yaver,
Duolar etaman seni pinhona.

Mayli, begona tut, ismim eslama,
Garchand noming abad ichda tutganman.
Bahoru, yoz hamda kuzdan izlama,
Sovuq qish tubiga cho’kib ketganman...

Mayli,
yodga olma bir bor – kerakmas,
Faqat... joning omon bo’lsa yetar, bas.

(c)

[Masud Mahsudov]

Anglatmaydi to'liq bir ma'no,
Qatorlar ham emasdir a'lo,
Men tugarman, tugamas ammo,
Oxiriga yetmagan she'rlar.

Bedor etgan xijronli tunlar,
Xayolimda o'ng bo'lgan chinlar,
Qog'ozlarga tusharmikinlar
Men qalamda bitmagan she'rlar?

Yurak sirin aylabon nihon,
Satrlarda bo’lishib ravon,
Hislarga yo’l berib nogahon,
Aqlni bosh tutmagan she’rlar.

Elchi yo’qdir vazn yurtidan,
So’zlar topib yarim yortidan,
Qofiyaning quvib ortidan,
Ilhomni hech kutmagan she’rlar.

Farhod qolib Majnunga solib,
Oshiq cho’pon nayini chalib,
Qayda yursam yopishib olib,
O’ylarimdan ketmagan she’rlar...

Ming turdagi o’yimni derlar
Oxiriga yetmagan she’rlar...

(c)