Шеър азиз олам аро...

[Gulchehra Ibragimova]

Руҳан тушкунликдан руҳ ҳам чалажон,
Умид бор кўксимда, умидсиз, нимжон.
Ул хира ойнадек хотиралардан
Қачондир йўл топиб бораман, ишон..

Сўнг яна андиша, ..ўйга толаман,
Манзилинг билсайдим, сени кўрсайдим..
Бугун шаббодага сирдош бўламан,
Сен бор кўчаларда сарсон юрсайдим.

Сени борлигингни ўзи бир таскин,
Сени ҳаёлларинг борим, юпанчим.
Биз нечун ажралдик бунчалар кескин,
Сендан қолган шу ишқ овунчим, ганжим..

Кўнглим хасратингдан парча-парчадир,
Кошкийди севмасни севдириб бўлса?
Қалбим сен томонга очиқ дарчадир-
Нажот- СЕНДАЛИГИН сездириб бўлса?!..

кошкийди билсанг...

[Masud Mahsudov]

Барча кечмиш, ўтмишни ташлаб,
Тан берганча азал тақдирга,
Эзгуликнинг этагин ушлаб,
Юрагимга кетайлик бирга.

Гумонларга душман тутиниб,
Ҳар қултумда бахтни ютиниб,
Дуо қилиб, Ҳақдан ўтиниб,
Юрагимга кетайлик бирга.

Толе юкин тортганча аста,
Дунёлардан бўлиб сарбаста,
Дилни дилга этиб пайваста,
Юрагимга кетайлик бирга.

Ақл ила таяниб ҳисга,
Барчасини тушириб изга,
Бу ерлардан жуда олисга –
Юрагимга кетайлик бирга.

Аламларга малҳамдир калом,
Сабрга жуфт яралмиш инъом,
Қуёшлари чарақлар мудом,
Юрагимга кетайлик бирга.

Ортга ташлаб Андуҳ чўлини,
Кечиб икков Ғусса кўлини,
Биласан-ку, ахир йўлини –
Юрагимга кетайлик...
(с)

[Mirzo Ulugbek]

Mendan hafa bo'lmang qadrdon

Endi yig'lamayman aslo uni deb,
Sizga so'z beraman bugun qadrdon.
Ammo o'kinmaysiz, boshingiz uzra
Yomg'ir yog'ib o'tsa nogahon.

Faqat hafa bo'lmang, agar yomg'irlar,
Mening dardlarimga sherik bo'lsalar.
Hafa bo'lmang, ular, meni yig'latib,
Qalbingizgni iztirobga solsalar.

Intilgayman endi, chin do'stlik uchun,
Yiqilsam-da yana, qayta turishga,
Men va'da beraman, ammo bilmadim,
Kuchim yetarmikan olg'a yurishga?

Unutolarmanmi bahtlarga to'lib,
Hayol osmonida uchgan kunlarim.
Yoki orzularda ishq qasrin qurib,
Samodan yulduzlar tergan tunlarim.

Oh, unutish bo'lsaydi shunchalar oson,
Qaniydi hammasi tush bo'lib qolsa.
Faqat hafa bo'lmang mendan, qadrdon,
Ko'z yoshlarim qalbingizga iztirob solsa.

Hayotim ijodidan.....

[/B]

[Gulinoz]

Istang, Yuragimni yorib ko'rsatay,
Qanchalar sevishim bilinar jonim.
Ishq uchun bu jonni fidolar etay,
Sizsiz o'tkazmasman hatto bir onim...

Kutarman bahtimni har dam umidvor,
Ammo so'rovlarki hech javobi yo'q.
To'polon qiladi bu yurak bedor,
Hijronlar qalbimga sanchilgan bir o'q...

Maqsadim.., Keltirmoq emas rahmingiz,
Bu g'arib qalb har dam mehrga zordir.
Taqdir qayta - qayta sinar sabrimiz,
Sizsiz ishq ko'chasi men uchun tordir...

[Gulchehra Ibragimova]

СЕН ЭСА

Розийдим..
дардимни мен сенга эмас,
Тоғларга айтсайдим,
тоғлар чўксайди...

Дарёга айтсайдим
розим басма-бас,
Дарё ҳам чидолмай
кўз ёш тўксайди..

..улар менга Сендан
яқинроқ
чунки -
уларда юрак бор,
уларда қалб бор!
Бирида юксаклик,
бирида поклик
Бағрида собитлик
бисёрдан-бисёр


..сен эса..
сен эса,
афсус
сен эса!
биргина кўнглимни тушунолмайсан..

[Aliya]

Баҳор соғинчи.


Юз очиб аёзли қорнинг остидан
Бойчечаг-у лола чиқди қоракўз.
Музлар кўз ёш тўкар қуёш дастидан:
Қалбим соғингани, келдингми, Наврўз?
Мажнунтол шохлари чиқарди баргак,
Булут-ла тўсилар баъзида фалак,
Самони безайди, сўнгра, камалак,
Қалбим соғингани, келдингми, Наврўз?
Дийдорингни кутдим жуда ҳам узоқ,
Асрдек туюлди айрилиқ, фироқ,
Қалбимни ўртаган ягона сўроқ:
Қалбим соғингани, келдингми, Наврўз?
“– Сенинг дийдорингни кўришим керак!”
Сумалак қайнатиб айтганим – тилак.
Куй-у қўшиқларинг соғинди юрак,
Қалбим соғингани, келдингми, Наврўз?
Соғиниб кутдим мен – кўзим йўлингда,
Майсалар гуллайди сенинг қўлингда.
Сенга саволим бор, эшит, дилимда:
Қалбим соғингани, келдингми, Наврўз?

[Minglar]

Men seni bag’rimga bosdim, gulim, deb –
Tikoning sanchildi…
Yuragimni tutdim , borim shulim, deb –
Ayovsiz yanchildi…

Gungman endi - ichida so’zlari qalash,
Mungman - dardga sirdosh, g’amlarga talash.

Savdoyiman – o’zin unutgan,
Gado kabi iltifot kutgan,
Mehring ko’chasida tilamchi…


(C)

[Minglar]

Shildiradi muz bag’ridan tongan suv,
Yugurmoqda sog’inchlarda yongan suv
Jilg’a bo’lib, quyilib soy yo’liga,
Vodiylarga , vohalarga shoshgan shu.

Quloq tuting ajib zamon kelmoqda,
Bahor! Bahor ! Omon-omon kelmoqda.

Nasim keldi , nargiz ko’zin ochgali,
Yer bag’riga chuchmomolar sochgali.
Dag’dag’asi jonga tekkan qarg’alar,
Shay turibdi muz yurtiga qochgali.

Quloq tuting ajib zamon kelmoqda,
Bahor! Bahor ! Omon-omon kelmoqda.

Uchib ketdi dildan qayg’u, nolalar,
Ko’cha to’lib qiyqirmoqda bolalar,
Sumalakning chog’i keldi , bo’linglar,
Bug’doy qo’ying buvi, amma , holalar!

Qarang, qarang …ajib zamon kelmoqda,
Bahor! Bahor ! Omon-omon kelmoqda


(C)

[Gulchehra Ibragimova]

***
Мен Сени биламан,
нажот,
ё илтифотга
мукофот
ва имдодга
эмассан муҳтож!

Мен Сени биламан
ўрлик,
мағрурликдан,
ғурур
ва масрурликдан
кийгандирсан тож.

Мен сени биламан
бўлсанг-да
муҳтож
чекиб мингта ранж
топасан илож.


Мен Сени биламан
маюс қалдирғоч
очиб кенг қулоч
кел.. кўнглингни оч

Айт, қайда топилар
Ишқсиз бир ривож
Меҳримга илингил
Меҳрингдан бир бож

Кўнглингнинг кўнглига
кийдириб бир тож
бир сенда топилмас
Менга эҳтиёж..

..мен сени биламан,
билмаган – У- СЕН!.
(с)

[Gulchehra Ibragimova]

ХАФА БЎЛДИНГМИ

Мендан не ўтганин
Бир келиб сўрмай,
Аҳволим, ҳолимни
Кўзинг-ла кўрмай-
Хафа бўлдингми ?

Мен-ку ул тўкилган
Бағри қон сўкилган,
Кўксини тиконлар,
Ханжарлар тилган
Хафа бўлдингми?

Сўз бирла отилган
Зар қадрим сотилган
Чумоли елкамга
Ғам-ғусса ортилган
Мендим-ку,
Хафа бўлдингми?

Курашдим-ёвлашдилар,
Ортимдан “ковлашди”лар
Сўнг юзин товлашдилар
Енгилсам “довлашди”лар
Хафа бўлдингми?

Сен менинг кутганим
Жон сўрсанг тутганим,
Қалбга ишқ битганим
Дўстини унутганим
Хафа бўлдингми?

Чақирсам қарамадинг,
Суянч бўб ярамадинг.
Бир синган мендим-ку,
Барини енгдим-кў..
Хафа бўлдингми?

Хафа бўлдингми мендан?
Сен хафа бўлдингми
МЕНДАН .АЗИЗИМ...?!

[Aliya]

Bugun g'am-qayg'uga qoldirmang hojat,
Ertangi kun esa Haqqa havola...
Alvon rangi bilan ko'ngillarnimas,
Bugun tog' bag'rini to'ldirsin lola...

Navro'zni qutlaylik, qadrdonlarim!!!

Qadrli forumdoshlar! Navro'zi olam muborak!!!

[Gulinoz]

Men ketyapman...
Tez kunlarda qaytaman, kuting,
Borar joyim ko'pdan beri sizga ham ayon.
Ikki dunyo orasiga tushibdi yo'lim,
Qalbda biroz g'ashlik menga hamrohdir hamon...

Men ketyapman...
O'zingizni ehtiyot qiling,
Allohimga omonat deb topshirdim sizni.
Eng bahtiyor kunlar hali kutar oldinda,
Bu zulmatlar olib kelar yorug' kunduzni...

Men ketyapman...
Siz ortimdan kulib kuzating,
Oldingizda gunohlarim ko'pdir bilaman.
Nasib etsa, men salomat ortimga qaytsam,
Sizni Erkam, dunyoda eng bahtli qilaman...

Men ketyapman...
Bergan va'dam o'shanday hamon,
Duo qiling, yoningizga qaytayin tezroq.
Ikkimizni uchrashtirsa Jumlai Jahon,
So'z bergayman, Ketmayman deb, endi hech yiroq...

[Aliya]

Menga nima...

Menga nima - Siz hijronni kuylasangiz,
O`zga bog`ning rayhoniga bo`ylasangiz...
"Unutmaydi meni!" - deya o`ylasangiz -
Adashasiz...

Sizga aslo taqdir emas taxtli bo`lmoq,
O`zgalarni baxtsiz qilib, baxtli bo`lmoq!
Yana Mening sevgimga ham haqli bo`lmoq -
Adashasiz..

Mayli, kulsin gulga to`lib bahoringiz,
Vafo qilsin sizga o`sha vafolingiz,
Go`yo sizsiz yasholmayman - hayolingiz...
Adashasiz...

Sizsiz tonglar otmas emish...
Ro`yolarmi?
Tabassumim to`ldirmoqda dunyolarni!
Ko`z yoshimdan yasab qo`ymang daryolarni -
Adashasiz...

Menga nima - afsuslarda kuyasizmi,
Alam bilan bag`ringizni o`yasizmi...
Baxtli kunim qora rangga bo`yaysizmi?!
Adashasiz...

[Aliya]

Vido.

Keling, sog`inchlarni olmaylik tilga,
Yurakni bezovta qilmaylik ortiq.
Baxtsiz ishq kemasi ketgan sohilga
Vido aytaylik-u, kelmaylik ortiq...

"Rashk" degan injuni qumlarga ko`ming,
Chig`anoq ichida qolib ketsin u...
Afsus shamoliga ko`zlarni yuming,
Ko`ngilda undan yod qolmasin qayg`u...

Bo`ldi...
Tushingizga kirmasman...
Endi -
Adashgan tuyg`ular sarsondir dilda...
Shunchaki, taqdirning o`yini uchun
Uchrashdik "Muhabbat" degan sohilda...

Keling, u sohilga qaytmaylik yana,
Xotirga aylansin sog`inchli diydor.
Ko`nglimni qoldirib ketyapman.
Mana -
Menda undan boshqa hamma narsa bor...

Keling, ko`ngillarning bog`laylik ko`zin,
Toki, uchrashmasin nigohlar - daydi...
Axir, Siz bilasiz,
Bilaman o`zim -
Muhabbat bahordek qaytib kelmaydi...

Keling, sog`inchlarni olmaylik tilga,
Yurakni bezovta qilmaylik ortiq...

[Aliya]

Siz ismini eslolmagan qiz...

Lablarimdan to`kilmasdan ishq,
Olib keting yarim ko`nglingiz.
Yo`qlab kelmas tushingizda hech
Siz ismini eslolmagan qiz...

Yodingizga tushmaydi sira,
Umringizdan o`chib ketgan u...
Kundan-kunga rangsiz xotira
Maskaniga ko`chib ketgan u...

Izlamaysiz...
Eng manzur qaror -
Shu ekanin yaxshi bilasiz.
Yoningizda gullasa bahor,
Xazon kuzni nima qilasiz?!

Eslamaysiz...
Ismini bugun
Topolmaysiz birorta so`zdan...
Tushingizga kirmaslik uchun -
Yodingizni yashirar o`zdan...

Yillar yuvgan izlardan yurib,
Hayollarga boshlasa taqdir
Bir kun...
Bir kun g`amgin o`y surib,
Eslarmisiz o`sha qizni... Bir...

Guvoh qilib sog`inch faslini
Ayting - "U qiz so`ngan bir uchqun..."
Faqat...
Eslang uning ismini
Qizingizga qo`ymoqlik uchun...

Kuyinmang...
U o`zga bir olam,
Dunyosiga bir begona - Siz...
Yo`qlab kelmas tushingizda ham -
Siz ismini eslolmagan qiz...

[Minglar]

“ ...Қуёшга одат мангу:
Қаршингда чўкиб беҳол,
Балқийди ортингдан у.” ( Гейнрих Гейне )



Уфққа қараб ёлбордим:
“ Ботма қуёшим , кетма!”
Тиз чўкиб ҳам жар солдим:
“ Эй воҳ, мени тарк этма!”

Ботди қуёшим... ташлаб
Зулматга иҳтиёрим.
Туннинг тубига чўккан,
Ёлғизликда қарорим.

Истаб бораман шамни...
Талпинаман у тамон.
Аҳир, тушунсангизчи
Қуёшсиз қолмоқ ёмон.

Дардларимни сўйлайман,
Етишгунимча тонгга,
Шам куяди , йиғлайди
Ёшин тўкиб шамдонга.

Энг оҳири сочларим
Оқаради тонг билан.
Ортимдан балқир қуёш,
Ва куйлар янги ўлан...


(C)

[Aliya]

Sizni kechiray...

Qor bo`lib eridi taqdirda visol,
Afsusning roziga hislarim ko`ndi...
Shabboda uchirgan gul bargi misol
Sizga bo`lgan yuksak Ishonchim so`ndi...

Xudo kuch bersinki...
Kechiray Sizni...

"Quyoshli kunlar ham kelar kun o`tib..."
Umidli hayollar menga hamrohdir...
Adovat zahrini ko`nglimga yutib,
Sizni qarg`amasman...
Qarg`ash - gunohdir...

Xudo kuch bersinki...
Kechiray Sizni...

Sizning kabi tonglar menda ham bordir,
Taqdirning men uchun atalgan baxti...
Ko`zlarda yoshimni artishga qodir
Tole`ni yaratgan e`tiqod haqqi -

Xudo kuch bersinki...
Kechiray Sizni...

[Gulchehra Ibragimova]

КЎНГЛИМ ХАНУЗ СИЗДА

(..га)
Ҳеч ақл кирмади ақлсиз бошга,
Севгимдан кечмабман кириб шу ёшга.
Ҳамон ошиқдирман, тузалмадим ёр,
Кўнглим ҳамон Сиздан узолмадим ёр!

Бир куни келар, деб умид қилибман,
Суратингиз азиз меҳроб билибман.
Ўзга бир қирғоққа сузолмадим ёр,
Кўнглим ҳамон сизда, узолмадим ёр..

Унутмоқ не ўзи, журъатим етмас,
Бир излаб бормоққа фурсатим етмас.
Ҳамон дилда баҳор, тўзолмадим, ёр,
Кўнглим абад Сизда, узолмадим, ёр..

Ойга етмоқ осон, Сизга- етмоқдан,
Бошқа йўл йўқмиди биздан кетмоқдан?
Ҳамон ишқ қасрини бузолмадим ёр,
Кўнглим фақат Сизда, узолмадим ёр!..
(с)

[albatros]

So'zim tingla, mening farishtam,
Yo'llaringni qilayin gulzor.
Araz qilib yuzing bursang ham
Sog'intirib bermagin ozor.

Hazillarim erkalash deb bil,
Vaslingga sen etma intizor.
Mayli qiyna-arazingni qil,
Sog'intirib berma lek ozor.

Savol so'rsam qovoq uy mayli,
Gunohlaring kechirgayman yor.
Etmoq bo'lsang umrim chiroyli,
Sog'intirib bermagin ozor.

Kel VISOLdan quraylik saroy,
Bo'lsin unga QUVONCH, BAXT devor.
Bizga havas qilsin shams-u oy,
Olam bo'lsin bundan munavvar.

*- 2010-yil arxividan :)

[Mahmud Jurat]

***
Қон дилим, тўймас шаробим
Қатраси қилгай хароб.
Йил ўқиб битмас китобим
То мени қилгай туроб.

Ногаҳонда билмай ичдим
Бағримни куйдирди май.
Оҳ бу дарддан етар чимдим,
Ўлдирар тўйдинг демай.

Ичган сайин ёнар юрак
Ташналик қонмайди ҳеч.
Бошим сархуш мен бедарак
Кун ботиб ютгайми кеч.

Бу шароб қонимга асли
Тангридан битилган ғишт.
Ҳар нотавон ёнар фасли
Май номин атайди ишқ.

(С)

[Minglar]

Мен сизни севаман.
Хоҳ хоҳланг, хоҳ йўқ:
қалбимнинг кимсасиз чўлликларида,
қақраган лабимга томчилаган сув;
узоқиб кетган қиш жонни олганда,
совуқлик юртига келтирган баҳор;
қорларни менсимай бағридан униб,
жилмайиб , бошини кўтарган чечак,

Мен сизни севаман!
Хоҳ хоҳланг, хоҳ йўқ...

Зиндонбанд этилган қалбга тушган нур,
қуёшлардан ҳабар берган пайғомчи;
тинч , сокин ўлимга кўнган дилларга,
шиддатларни берган , жўшқинлик берган,
оловланган юрак берган - муҳаббат...

Мен сизни севаман!


(C)

[Aliya]

Ertak ayting, oyijon...

Bedor tunlar...
Onamning
Bedorligin bilgayman,
Xarxashami...
Dardimni -
Yo dasturxon qilgayman:
" - Ertak ayting oyijon,
Tunlar o`tib ketsin-ey...
Nurga to`lib bu jahon,
Tonglar yetib kelsin-ey...

Nechun sindi yuragim -
Hushim o`zda edi-ku..!
Qotilmidi nigohi -
Mehri ko`zda edi-ku...
Mening bor ehtiyojim
Shirin so`zda edi-ku,
Bir shirin alla ayting,
Dardim yuvib ketsin-ey...

Yolg`on sevgi o`tida
Yonib, o`chgan cho`g`dayman,
Ko`kni tutar faryodim,
Nechun o`zim yo`qdayman?!
Baxt tushlarin o`rniga
Bedor, g`amda so`lgayman,
Ertagingiz alamim
Dildan quvib ketsin-ey...

Hayot daraxtlarida
Yuz ochsa baxt kurtagi,
Yer-u Ko`kni to`ldirsin
Sho`x bolalik ertagi...
Tuproqlarga teng bo`lgan,
Yolg`on ishqning ermagi –
Yuragimning ming yillik
Yarolari bitsin-ey...

Azoblarga yo`g`rilgan
Tunlar o`tar yildayin,
Ishqqa ishonch rishtasi
Uzilmoqda kun sayin,
Ertak ayting, oyijon,
Qaro tunni bilmayin,
Kiprigimni o`pgan yosh
Tushga singib ketsin-ey...

Vafo bilmas kunlarning
Zahrin totib, yig`ladim,
Kundek yonib yig`ladim,
Oydek botib, yig`ladim...
Yolg`on dardga yurakda
Mayl uyg`otib, yig`ladim,
Mehringizning nuridan
Rang olgan tong otsin-ey...

Bo`ldi...
Yig`lab, shundoq ham
Xun bag`ringiz tilmasman,
Sizdan o`zga ko`ngilni
Darddosh bilib kelmasman,
Nima qilay...?
Qay yo`ldan
Borarimni bilmasman...
Tohir-Zuhroni ayting...
Baxtim kulib ketsin-ey...

Ertak ayting, oyijon,
Qaro tunlar ketsin-ey...

[Aliya]

Tazarru.

Ixtiyorim emas o`zda, ki qoshingga kelolmasmen,
Dilingni aylab nurafshon, "Vafodorim" deyolmasmen.

Muhabbat dardiga toqat qilolmay, nogoh ursang oh,
Netay, men chorasiz, darding tuzatmoqqa borolmasmen...

Kuyarsen izlarimda, bilmayin senga necha shaydo,
Devona bo`lma hajrimda, ki senga yor bo`lolmasmen.

Xabar keltursa sabolar inonma yolg`onlariga,
Sening birla bo`lib dildosh, diling dardin ololmasmen...

Tazarru ayladim, yoro, sening ishqingga bemonand
Yaratmish Tangrim, ne qilsam, u yo`llarda yurolmasmen.

Chorasiz kuymagil, qadding chinorlar birla teng tutgil,
Senga bir singildin ortiq muhabbatni berolmasmen...

[Aliya]

Sog`inib

Hayotga bo`lsa umiding, diydorim sog`inib kelma,
Ayoz-u qahrim behaddur, bahorim sog`inib kelma.

Fasona qilmakim menga muhabbatdin, ishonmasmen,
Siniq ko`ngilki bag`rimda, gulzorim sog`inib kelma...

Yo`limni to`smagil hargiz, nigohingdin hayo qilgum,
Sen orzu etgan gulmasmen, iforim sog`inib kelma.

Falak peshtoqida hurlar saroyi ichra topgum joy,
Sen, ey, kim – inson farzandi, diyorim sog`inib kelma...

Ko`ngilni ko`chasi ko`pdir, sarsona aylar ey oshiq,
Sabr-u bardosh etolmassen - ozorim sog`inib kelma.

Kunimni qoplabon zulmat, boshimga yog`di ko`p kulfat,
Qaro tunlarga almashgan nahorim, sog`inib kelma...

Ishvaga aldanma, asli go`zallar makridir bu noz,
Ko`ngilda bo`lmagan hargiz qarorim, sog`inib kelma...

[Gulchehra Ibragimova]

Тиз чўкмa, юрaк


Ўлимни бўйнинггa oлсaнг ҳaм,
Мaлoмaт oстидa қoлсaнг ҳaм,
Ғaмлaрдaн эзилиб, тoлсaнг ҳaм
МАҒРУР БЎЛ, ЮРАГИМ, ТИЗ ЧЎКМА

Дeсa ким ёмoн-у, рaзил-у,
Ўзингчa дeгилки, ҳaзил-бу.
Кимни-ким aтaбди aсил-у,
МАҒРУР БЎЛ, ЮРАГИМ, ТИЗ ЧЎКМА

Яxшилaр сўйлaмaс oртингдaн,
Ёмoнлaр чиққaнмaс зoтингдaн,
Эй кўнгил, ўргилaй oтингдaн,
МАҒРУР БЎЛ, ЮРАГИМ, ТИЗ ЧЎКМА

[Gulchehra Ibragimova]

Ишонмадинг


Кўз-кўзга тушди-ю, сўзлолмаган кун,
Юраклар тўлди-ю, бўзлолмаган кун,
Армонлар эсдилар — бўйлари узун,
Орият — қалбларга боғланган тугун,
Ишонмадинг сен нечун муҳаббатимга?

Беҳуда ўй-алам қалбим оғритди,
Дунёнинг камлиги чунон хоритди,
Умидлар ой бўлиб йўлим ёритди,
Бир қатра меҳрга интизор этди,
Ишонмадинг сен нечун муҳаббатимга?

Ўзга бир гулханда қалблар кабобми,
Топталган ул ишққа шунча тавобми?
Сен учун талпиниб, сен учун ёнган,
Бир банди зорингга шунча азобми,
Ишонмадинг сен нечун муҳаббатимга?!

[Gulchehra Ibragimova]

Билмабман
(Қўшиқ)
Порлаган юлдузим дебман,
Сенсан кўрар кўзим дебман.
Кеча ҳам кундузим дебман,
Бошқага ёр экансан.
Билмабман...

Севишимни билар дебман,
Қора сочим силар дебман,
Менга вафо қилар дебман,
Ўзгага зор экансан.
Билмабман...

Кетсам излаб келар дебман,
Соғинч бағрин тиғлар дебман,
Айрилганда йиғлар дебман,
Умримга дор экансан.
Билмабман...
Билмабман...

[Gulchehra Ibragimova]

Севгимни айтмабман


Ичдан эзилсам-да, тўкилиб, сўлиб,

Меҳрингга интизор ўкиниб, тўлиб

Ҳажрингда бир куни йиқилиб, ўлиб -

Қолсам-да, айтмасман севгимни ошкор.


Бормадим ёнингга ғурурим букиб,

Бормабман оҳ чекиб, - кўз ёшим тўкиб,

Соғинчлар қалбимнинг чокини сўкиб,

Кетса-да, айтмасман ошиқлигимни...


Кутдим, севавердим, чидадим фақат,

Тиландим ишқимга лойиқ муҳаббат.

О, сенга етмоқ чун қанча уқубат

Кўрсам-да, айтмасман севгимни ошкор.


Васлингга етмоққа фурсат ҳам битмас.

Билки бу аламнинг доғи ҳеч кетмас.

Ишқим ўлдирмоққа журъатинг етмас -

Ёнсам-да, айтмасман ошиқлигимни.


Фожиам аёндир-ҳисларим ўжар,

Бу фоний дунёдан номим ҳам ўчар.

Сийратим бир гулга, ё нурга кўчар

Сен шунда англаб ет-ошиқлигимни.

[Aliya]

Chegara.

Mening bilan qol, dedim...
Qolding -
Yuragimda armonim bo`lib...
Tushlarimda sog`inib kelding -
Jonday yaqin insonim bo`lib:
"Biz albatta baxtli bo`lamiz..."
Ortig`iga haddim sig`maydi...

Diydoringni qizg`onar dunyo,
Dunyosini qizg`onar diydor...
Yillar o`tib, bitganda jafo,
Yuragingga kelganda bahor -
Biz albatta baxtli bo`lamiz...
Ortig`iga haddim sig`maydi...

Yana mahzun hayollar - sirdosh,
Yana hijron - dardkash hamxonam...
Yana g`amgin ko`zlarimda yosh,
Birgina men sig`magan olam -
"Biz albatta baxtli bo`lamiz..."
Ortig`iga haddim sig`maydi...

Dunyo asli beshafqat, lekin,
Yorug` kunlar ham bor...
Bilaman...
Hech bo`lmasa, sog`inish - mumkin,
Hech bo`lmasa...
Orzu qilaman:
"Biz albatta baxtli bo`lamiz..."
Ortig`iga haddim sig`maydi...

[Aliya]

Vatan bu...

Har bahor qaldirg`och yo`qlab keladi -
Qay tomning shiftiga qurgandir makon.
Har bitta hasini aziz biladi,
Har parcha loyi ham jondek qadrdon.

Har bahor kamalak yo`qlab keladi,
G`uborni yomg`irlar rangida yuvib.
Musaffo kunlarni qutlab keladi,
Zaminga o`zgacha shukuh, zeb berib.

Har sahar kun chiqar sog`inchga to`lib,
Mehrini taftida aylabon izhor.
Zarrin nurlarini guldasta qilib,
Bu zamin poyiga sochgaydir takror.

Jon qadar azizdir har qarich - bu yer,
Ka`badek tabarruk!
Nazr etgan Olloh!
Kerak bo`lsa, unga jahoningni ber,
Shunday aziz yurtni sevmasang - gunoh!!!
Vatan bu...

[Aliya]

Sen ketding...

Tong otadi. Odatdagiday -
Kun nurlari Yerga poyandoz.
Ehtimol, bu kun kechagiday,
Balki, bitta yaproq yo`q xolos...
Shu yaproqda balki...
Sen ketding...

Yo`llar o`sha. Nigohlar loqayd,
Uchib yurgan xazonlar - tanish.
Dudoqlarda ishq ingragan payt
So`zlarimga yetmas xo`rsinish -
Shu titroqda balki...
Sen ketding...

Osmonimda hilol ham - oydin,
Yashil rangda gullar tabiat...
Hamma narsa o`rnida...
Lekin...
Hayotimda Sen yo`qsan faqat...
Va shu ohda...
Balki...
Sen ketding...

[Aliya]

Balki...

Balki, Senga yetmog`im - Sarob,
Balki, Menga ayrilmoq - Taqdir...
Balki, Mendan kechganing - Azob,
Balki, Sendan ketganim - Baxtdir...

Balki, Mendan ko`rganing - O`kinch,
Balki, Sendan topganim - Armon.
Balki, Menman kechganing - Sog`inch,
Balki, Sensan quchganim - Hijron...

Balki, Sendan alamlar - ravo,
Balki, Mendan nasib - ming ozor.
Balki, Senga men-la tor dunyo,
Balki, Menga sen-la dard bisyor...

Balki, Menga - unutganing soz,
Balki, Senga - hijron qismatdir...
Balki, Mendan kechish tole`- rost,
Balki, Sendan ketganim - Baxtdir...

[Mahmud Jurat]

***
Етим чайлаларга бошимни тиқиб,
Саратон сайлидан қочган маҳаллар...,
Гард, тупроқ йўлларда олдимдан чиқиб,
Илондай судралган сўнгсиз хаёллар.

Чўлдаги қизғалдоқ билмайди ҳасрат,
Чигиртка азонин тушда айтади.
Оққурой баргида титрар ҳарорат,
Тириклик гулшани чўлга қайтади.

Мен тинмай тонгларга орзуқиб ўтдим,
Каррак ва ковулидай ўқидим номоз.
Мени боғлаб олган минг битта удум,
Эркин яшашимга бермас эди роз.

Орзумга интилиб ҳар бир қора кун,
Болалик руҳида яшадим карахт.
Менинг орзуларим ушалсин учун
Тик туриб ибодат қиларди дарахт.
(С)

[Gulinoz]

Bo'lsa bordir o'rtamizda olis masofa,
Muhimi, qalb bir-biridan yiroq bo'lmasin.
Bu muhabbat asli bizga Allohdan tuhfa,
Qalbda ungan umid guli aslo so'lmasin...

Kim ne desa desin, menga zarra qiziqmas,
Kunim o'tmas o'zgalarning ko'ngliga qarab.
Menga siz ishonib yashasangiz bolar bas,
Yashay mayli orzularni hayolga o'rab...

Azaldan ham dardli erur ishqning ko'chasi,
Sinoviga bardosh bermoq har kimga xosmas.
Ta'na toshin otsa hamki, necha-nechasi,
Bu balolar sizga borar yo'limni to'smas...

Hijron - o'rtadagi vaqtinchalik bir to'siq,
Bu to'siqni sevgim bilan yengib o'taman.
Qancha bo'lsa hamki, shuncha azobni bosib,
Bir kun bahtlar bilan yoningizga yetaman...

[Minglar]

Qushning uyi - to’rtta cho’p,
Hashakli loy devori,
Daraxtning bir uchida,
Bosmas xatto zalvori.

O’tgan ko’zga tashlanmas,
Tovlanmas oy nurida,
Bitta kulba, bitta in,
Bir boshpana turi-da.

Aylanadi ikki qush,
Bunda ular parvona,
Ko’zlariga ularning
Ko’rinadi koshona.

Dunyo bilan ishi yo’q,
Dunyosi bor inida,
Ikkisining quvonchi,
Hayoti mazmuni-da.

Yurakchasi pildirab,
Qanotini qoqadi,
Uchmoq ishtiyoqida,
Osmonlarga boqadi.

Polaponin ko’yida
Ikkisi ham parvona,
Biri qattiqqo’l ota,
Biri mehribon ona.

Shu uchta mo’jizani
Birlashtirgan in – vatan,
Kecha bilan ertani
So’zlashtirgan chin – vatan.

Jonzodlarga qo’rg’onu,
Jondan aziz - oshyon,
Oilani bag’riga
Olgan u buyuk makon.


(C)

[Gulinoz]

Visol yiroq - Xayol ovunchoq...

Tongga qadar yoningda bo'ldim,
Tongni qarshi oldim sen bilan.
Ketding...Men-chi, sokin kuzatdim,
Hijron esa qoldi men bilan...

Indamaysan.., Mahzun boqasan,
Men ham bir so'z ayta olmayman.
Sog'inch dilni o'tga otsa ham,
Huzuringga keta olmayman...

Jonday yaqin, jonday yolg'izim,
Uzatsam qo'llarim yetmaydi.
Uzoqlashdi yana ovozing,
Ammo qulog'imdan ketmaydi...

Aytgim kelar: "Olib ket meni",
Bir umrga o'zing-la birga.
Oh, qanchalar ilojsizmiz biz,
Ko'nolmasman bunday taqdirga...

Bahor keldi gullarin sochib,
Sig'dirmadim ikki ko'zimga.
Yaratgandan faqat sabrlar,
Tilardirman bugun o'zimga...

[Masud Mahsudov]

Билмам нима,
Сeн томонга
хаёлимни буради,
“Топиб бeр -, дeб –
қувончимни”,
Аҳволингни сўради.

Билмам нима,
Ҳисларимни
уйғотишни бошлади,
Куним нурсиз,
Тунларимни бeдор қилиб
Ташлади.

Ўша нарса
Бир зумгина
Нигоҳингни тутсайди,
Ўйим билан
Ўзимниям
бирга олиб кeтсайди.

Билмам нима,
ғижимлайди
Чап тарафим тинмасдан.
Қайсар жуда,
Тинч қўймайди,
зоримгаям
Кўнмасдан.

Билмам нима,
Орзу, ҳавас,
ниятларни тўлдирар,
Юзимга дам ғам солади,
Дам бeғубор кулдирар.

Билмам нима,
бир умрга
Мeҳрларинг қистайди,
Шу даврда сeни фақат,
Хурсанд кўрмоқ истайди.

Билмам нима,
Ундамоқда
шеър ёзишга қалбимни.
Нима қилай,
Кeрак сўзни
Тополмасам - айбимми?

Билмам нима,
Хижронга ёв –
Висолга-чи, муштарак.
Зир югурар,
Лeк жойидан,
Силжимайди бу юрак.

Билмам нима,
Ёлвормоқда,
Пойларимга чўкиб зор,
Сўнг жимгина,
Сeн тарафга,
Кўз тикади,
Интизор.

Билмам нима –
Соғинчмикин?

(c)

[Баходир кушаков]

В парк любви заходил не раз,
Любимый цветок тронул не раз.
Теперь ночи плачут вместе со мною,
В душе одна,а живу с другою.

Одна на другую не похожа,Боже,
Безконца с глаз текут слезы,Боже.
То одной,то другой,я дарю розы,
В душе одна,а живу с другою.

Одну зову Душой,другую Любовью,
Любит меня больше,не любима мною.
Скажи мне Боже,что делать с собою,
В душе одна,а живу с другою.
(таржима)

[Gulinoz]

Unutmasang bo'ldi...

Sog'inchingmi..? Azobingmi..?
Yuragimni qildi pora.
Armonlarga boshim egdim,
Topolmayin biror chora...

So'ramaysan ahvolimni,
Azobingda qovrilsam ham.
Jonday uzib mehrim berdim,
Nahotki kam..? Qilar alam...

So'rayverdim qayta, qayta,
Sevasanmi..? Aytaqolgin.
Agar tonib ketgan bo'lsang,
Iltijoman.., qaytaqolgin...

Muhabbatdan kam qildimmi..?
Unutdimmi yoki bir on?
Ahir senga fido edi,
Tanamdagi xasta bu jon...

Bahorimsan.., ammo kuzdan,
Darak berib ketdingmi yor..?
Mendan ko'ra mehrliroq,
Yuraklarga yetdingmi yor..?

Angladimki oson emas,
Ko'tarmog'ing dardim, zorim.
Unutmasang bo'ldi Jonim,
Mening ham dunyoda borim...

[Minglar]

Qo’ling tutib
taftingni his etolmadim,
Bag’rimdasan,
lek ko’nglingga yetolmadim.

Balki tiling boshqa edi,
yo’ling boshqa,
Majununlaring
kezib yurgan cho’ling boshqa.

Balki hayot to’fonida
adashib biz,
Cho’kmaslik chin
bir-birimizni tutibmiz.

Balki to’le
ustimizdan kuldimikin,
Kulib turib
ahvolimiz bildimikin?!

Bu hayotda kelmagandir
balki omad,
Yetmagandir ikkimizga
asalu-qand.

Tushunmading
so’zlarimni - umr o’tdi,
So’zlaringga tushunmadim,
Ertak bitdi…


(C)

[Gulinoz]

Eng so'nggi maktub...

Tuyg'ularim pok edi-ku, Alloh guvoh,
Axtarardim men mehringdan, doim panoh.
Ranjitdimmi, erkam seni bilmay nogoh..?
Nima qilay...Men shundayin yig'lab sevsam..?

Boray desam, oyog'imda kishanlar bor,
"Kel" demoqqa tilim bormas senga ey Yor.
Ba'zan bilib bilmay, jonim, berdim ozor,
Nima qilay...Men shundayin yig'lab sevsam..?

Ko'nglingdagi hasratlaring bilsam edi,
Hayotingga quyosh misol to'lsam edi.
Yig'latsang ham, yonginangda qolsam edi,
Nima qilay...Men shundayin yig'lab sevsam..?

Bilar edim, bir kun bezor bo'lishingni,
Sensiz bargi xazon bo'lib so'lishimni.
Yig'lay - yig'lay, hijroningda o'lishimni,
Nima qilay...Men shundayin yig'lab sevsam..?

[Aliya]

Бир тун ҳикояси.


(Қайнона зулмига чидолмай, ота уйига паноҳ
излаб келган қизга онанинг деганлари...)


Йиғламагин, жон қизим,
Кўксимга тиғ ботади.
Дардингни олай ўзим,
Ҳадемай тонг отади...

Қайнонангни қаҳрига
Юрагимни тоғ қилай.
Сенга берган меҳримда
Хун кўнглингни чоғ қилай!

Қиз узатиб, қилдим айб,
Қайнонангда йўқ гуноҳ.
Сени олганман тилаб,
Шунга феълинг эркароқ...

Қўй, йўқлама мени кўп,
Йилда бир кел, етади.
Турмушнинг дард-ғами кўп,
Ками қачон битади?!

Неча тўйни ўтказдим,
Кам-у кўсти бир талай.
Дунё молин кетказдим –
Юзинг ёруғ, ҳарқалай...

Набирамни эркалаб,
Дилга тўлганда севинч
Ҳадеб келма ўпкалаб,
Бор, уйингда ўтир тинч!

Қизим, бизга ҳаёт шу,
Тақдирингга чидайсан.
“Келин” деган баобрў
Лавозимни ўтайсан...

Қайинсинглинг заҳри ҳам
Бир кун ўтиб кетади.
Озгина топсанг чидам –
Турмуш қуриб кетади...

Сув келганда симириб,
Тош келганда кемиргин.
Шундай беилож, ғариб
Онангни сен кечиргин...

Тонгда қайт уйинг томон,
Топарман айтар сўзим:
“Тобим қочиб, қудажон,
Қизни чақирган ўзим!

Эсга келмай, руҳсат ҳам
Олмабди-да, хоним қиз.
Жоним қудам, жон қудам,
Шу айбидан ўтингиз...”

Иссиқ ўрнинг совутмай,
Насиҳатга қулоқ сол...
“Эрим келар...” – деб кутмай,
Уйгинангга бора қол...

Ҳадемай, тонг отади...

[pipicron]

Ёлғизга....

Ёрнинг ёлғиз ёри бўлиб юргандингиз,
Ишқ асири бўлиб даврон сургандингиз.
Кимдан яхши, кимдан ёмон ўргандингиз?
Ёлғизини ёлғиз ташлаб кетган ёлғиз?!

Танхоликни балки обрў билгандирсиз?
Не ошиқлар юрак бағрин тилгандирсиз?
Энди ёлгиз, танхо нағма килгандирсиз?
Ёлғизини ёлғиз ташлаб кетган ёлғиз?!

Жуфт эдингиз, тоқ бўлдингиз, энди кимсиз?
Қайтгани йул тополмассиз, эссиз-эссиз.
Дунёларга жар солган қиз, энди жимсиз.
Ёлғизини ёлғиз ташлаб кетган ёлғиз.

Сиз кўнарсиз, дил кўнмайди тоқ қолсангиз,
Кимлар ҳамроҳ кўнгил олис йўл олсангиз?
Қайтинг яна кечиринг деб айтолсангиз,
Ёлғизини ёлғиз ташлаб кетган ёлғиз.


12 Апрель, 2012 йил.
(С) Али Ал Мехр.

[Gulchehra Ibragimova]

Мендан ҳамма хафа..

“Мен пахта қўйишни” билмас эмишман,
Шунингчун бошлиққа ёқмас эмишман,
Гоҳи “айтганларин” қилмас эмишман..
Сув оққан томонга оқмас эмишман..
Мендан ҳамма хафа
Раҳбар ҳам хафа..

“Тилло узук” дебди, ўғлим суйган қиз
Олиб беринг дебти, ўша ширмой юз..
Болам-чи, талаба, мен-чи кам чиқим..
Ҳар ойлик- маошим атиги уч юз..
Мендан ҳамма хафа
Болам ҳам хафа..

Кўнглин ололмадим жоним онамни
Гўё юки менда бутун оламни..
Ўзим билан ўзим оввора бўлиб
Артиб қўйолмабман кўздаги намни..
Шундоқ ҳам тезлатдим ўчётган шамни
Ўзимдан хафаман, ўзимдан хафа..

Тўй қилдим, тўйимга келмади, дебти,
Ё мени назарга илмади, депти..
Тўйга тўёна ҳам бермади, дебти,
Дўстим яхшиликни билмади, дебти
Мендан ҳамма хафа..
Дўстим ҳам хафа..

Сен хафа бўлмасдан турган эй кўнглим,
Мен ҳам темир эмас, аламим лим-лим..
Бу дунё ишига келмас гоҳ кўнгим.
Юпанч тополмайман, юрагим тилим..
Имконим калта-ю, талаблар катта..
Мендан ҳамма хафа..
ҳаммаси хафа..

Аламлар юкини кўтариб ёлғиз,
Сабримнинг изидан боргум изма-из..
Дардим англагувчи келса юзма-юз
Айтардим..мен нетай..маошим уч юз..
Мендан ҳамма хафа..
Ҳаммаси хафа..

2004 й

[Aliya]

Мендан ҳамма хафа..
Ҳаммаси хафа...

Dunyo asli biri kam, kimning ko`ngli to`lgan edi-ki endi to`lsa! Hamma o`z tashvishi bilan... Har bir yulduz "Jamiki koinot yoritkichlari mening atrofimda aylanishi shart" deb bilarkan... Lekin davr, zamon hammasini o`z vaqti bilan o`z o`rniga qo`yadi...

Bir vaqtning o`zida hammaning ko`nglini olish - juda qiyin... Dolzarb mavzu...

[Mahmud Jurat]

“Мен пахта қўйишни” билмас эмишман,
Шунингчун бошлиққа ёқмас эмишман,
Гоҳи “айтганларин” қилмас эмишман..
Сув оққан томонга оқмас эмишман..
Мендан ҳамма хафа
Раҳбар ҳам хафа..

Гулчеҳрахон, гўзал шеър ёзипсиз. Биз кўп пахта терган халқмиз, шунинг учун ҳар биримизда "бир кунга яраб қолар", деб асраб қўйган "пахта"ларимиз кўпга ўхшайди. Аммо Сизга ўхшаб ўша "пахта"ларни керак керак эмас ҳолатларда ишлатавермайдиган одамларнинг борига шукур. Умуман олганда охирги пайтларда шеъриятимиз фақат "ўлдим куйдим" шеърлар бўлиб қолган бир пайтда мана бундай шеърларни киши орзиқиб ўқийсан. Яна бир маротаба ижодингизга катта ютуқлар тилаб мухлисингиз.

Bir vaqtning o`zida hammaning ko`nglini olish - juda qiyin... Dolzarb mavzu...

Алияхон, тўғри айтасиз. Бир вақтнинг ўзида кўпчиликнинг кўнглини олиб бўлмайди, аммо мана бундай шеърлар жуда кўпчиликнинг кўнглини олади. Сиз тўғри фикр билдиргансиз, бундай шеърлар ҳар доим долзарб бўлган, бугунги кунда эса улар алоҳида аҳамият касб қилмоқда.

[Aliya]

Iltimoslarga binoan, va albatta muallifidan ruxsat olgan holda, quyida "Darakchi" gazetasi bosh muharriri o`rinbosari, qalami o`tkir ijodkor Rustam Jabborovning she`ri hamda unga yozgan javob she`rimni e`tiborlaringizga havola etmoqchiman va fikrlaringizni kutib qolaman:

Rustam Jabborov:

...Yashab o`tdim yaxshimi yomon
Xudo bergan umrimni qisman,
Tushunmayman o`zimga hamon -
Nega buncha irodasizman?

O, shunchalar edimmi ojiz?
Qat`iyat, or... bari puchmidi?
Afsona deb bilganim bu his
Yo shunchalar ulkan kuchmidi?

Yoshlik ekan, g`aflatda qoldim,
Yuragimni boy berib sizga!
Qaro zulmat ichra yo`qoldim,
Ko`ngil bog`lab sochlaringizga...

Kunlar o`tar, turlanar olam,
Odim sayin qisqarar yo`lim,
Faqat sizga yaqin borolmam,
Faqat sizga yetmaydi qo`lim.

Olov sochar qaroqlaringiz,
Qovjirayman, ichimda dardim.
Siz bo`lsangiz qayg`umga bois,
Dil daftarin kimga ochardim?

Lab burasiz, qosh chimirasiz,
Qarshingizda turgandek raqib,
Bardoshimni jim simirasiz,
Vujudimni beayov yoqib.

Siz deb bag`rim yongani sayin.
O`z-o`zimdan sovib boraman.
Tole`imdan noliyman keyin:
Nega buncha baxti qoraman?

Bilmam bu yo`l eltadi qayon?
Shumi g`addor qismatning izni?
Bu savdodan murod noayon,
Bilganim shu – SEVAMAN SIZNI!

Faqat tilning suygani sukun,
Faqat dilning kuygani-kuygan.
Nahot sizga yetmadi bir un
Ko`ksim teshib taralgan kuydan?

Qahringizga faqat men - nishon,
Aybim nima? – bilmaysiz siz ham.
Araz nechun, sizga hech qachon
Ziyon-zahmat bermagan bo`lsam?

Osiymanmi yoqtirmasangiz,
Qiyofamga ko`plar ko`nikkan,
Gunoh bo`lsa – muhabbat, shaksiz
O`zimning ham jonimga tekkan.

Garchi kibr fe`lingizga xos,
Bir bor ko`zdan o`tqazing meni,
Qo`lingizdan kelsa, iltimos,
O`zingizdan qutqazing meni...

Aliya:

Gina qilmang qismatingizdan,
Xudo sizni ko`pdan ko`p suygan.
Umid qilib jur`atingizdan -
Izingizda ko`zlarim kuygan...

Asrga teng kunlarga sirdosh
Bo`ldim sizdan qat`iyat kutib...
Ruhimdagi hayodek bardosh
Izmi aro o`zni unutib...

Yosh edingiz...
Edingiz mag`rur,
Yo`lingizda - mingta bahonam...
Aybim bo`lsa, kechiring,
Uzr -
Go`yo, dardsiz tuqqani - onam...

Kunlar o`tar...
Bag`rimni yoqib,
O`z o`timda qolgandim o`zim.
Axir...
Bir bor ko`zimga boqib –
O`qisangiz bo`lar dil so`zim...

Hislaridan so`z ocharmi deb,
Ko`zingizga boqmasdim atay...
Siz deb...
O`zga bersam oro-zeb –
Yonganingiz qayerdan bilay...?

Lab buraman.
Qosh chimiraman.
Qarshimda jim turasiz...
So`zsiz...
Poyingizga jim yiqilaman...
Jur`at topib...
“Sevdim” – desangiz...

Olovlardan so`z ochmang…
Aslo...
Mening olov – sizni muzlatar...
Sizda kulgan saodat illo –
G`urur sari meni kuzatar…

Yo`llaringiz menga eltsa ham,
Bitta odim tashlab qo`ymaysiz...
Hech bo`lmasa...
Gullarni shabnam –
Suyganidek meni suymaysiz...

Jim boqasiz...
Dilingizdagi –
Sirmi yo dard – bilmay men xalak...
Anglay olmam ba`zan:
Sizdagi –
Bedorlik yo ishqdanmi darak?!

Qahrim kelar – buncha beparvo!
Qahrim kelar – aybingiz aniq...
Arazlarim sizgadir, ammo –
Hajringizda yuragim siniq...

Xudo sizni ko`pdan ko`p suygan,
Gunoh emas muhabbat, shaksiz!
Tog`dek sabrim yiqitib qo`ygan –
So`zga haq yo`q:
“Juda keraksiz...”

Kibrga yot, chorasiz qizman –
Dardim sizga tun yetkazadi...
Agar...
Sizni qutqazsam o`zdan –
Meni sizdan kim qutqazadi?!

Hali she`rlar nomlanmagan... Tez kunlarda, ehtimol, Rustam akani ham forumimizda ko`rishingiz mumkin...

[Minglar]

Kimdir meni yuragimsiz ko’ribdi…
Mensiz qolgan bir suratim yuribdi.
Mendan sevgi ketib bormoqda , Ona,
Jon degani hiqildoqda turibdi.

Endi kecha , na kunduzning farqi bor,
Oymi o’sha na yulduzning farqi bor,
Mendan sevgi ketib bormoqda , Ona,
Qishmi bahor yoki kuzning farqi bor.

Yiroqlashdi… dil rishtasi uzuldi,
Jon-jonimda alamli dard sezildi,
Mendan sevgi ketib bormoqda , Ona,
To jigarim, bag’rimgacha ezildi.

Gul rangidan kechib bormoqda , Ona,
Mendan sevgi ketib bormoqda , Ona…


(C)

[pipicron]

Сўзларим етмади Онажон.

Сўзларим етмади Онажон
Тарифинг эътироф этмоққа.
Сен айтган эртаклар етмади
Орзуда висолга етмоққа.

Сен қандай аллалар айтгансан?
На соғинч, на қайгу сўзи бор?
Хотирам чойшабга ёзгин деб
Бешигим қаламга интизор.

Қанчалар уриндинг билмадим,
Бешикдан пойимга юргунча,
Минг овоз чиқариб йиғладим,
Тилимга илк сўзни қўйгунча.

Минг таъриф этмоққа дунёни
Минг олам тили бор бу замон.
Онажон, бир мехринг айтмоққа
Сўзларим етмоғи даргумон.

Соғинчни, Қувончни, Мехрни
Таъкидлаб бўларми аслида?
Таърифинг бир сўзда айтмоқлик
Бормикин инсоннинг наслида?

«Она» деб айтганим етмади.
Юракни тинглаган қай инсон?
Истагим, таърифинг битгани
Сўзларим етмади Онажон.

21 Июль, 2011 йил.

[Gulchehra Ibragimova]

she`rimni e`tiborlaringizga havola etmoqchiman va fikrlaringizni kutib qolaman:
[QUOTE]

Балки мана бу мавзуда бемалол кенгроқ таҳлил этса бўлар?..
http://uforum.uz/showthread.php?t=17433&page=4

Мушоира деб атаса бўлар ушбу айтишув шеърини, жудаям яхши чиқибди. Рустам Жабборовнинг шеърига Шаҳнозахон муносиб жавоб берибсиз. Мен бу каби мушоираларни давом этишини хоҳлардим.

Айниқса мана бу сатрлар манга жуда маъқул бўлди:

[QUOTE=Aliya;720301]
Rustam Jabborov:

Osiymanmi yoqtirmasangiz,
Qiyofamga ko`plar ko`nikkan,
Gunoh bo`lsa – muhabbat, shaksiz
O`zimning ham jonimga tekkan.

Garchi kibr fe`lingizga xos,
Bir bor ko`zdan o`tqazing meni,
Qo`lingizdan kelsa, iltimos,
O`zingizdan qutqazing meni...[QUOTE=Aliya;720301]
Aliya:

Qahrim kelar – buncha beparvo!
Qahrim kelar – aybingiz aniq...
Arazlarim sizgadir, ammo –
Hajringizda yuragim siniq...

Xudo sizni ko`pdan ko`p suygan,
Gunoh emas muhabbat, shaksiz!
Tog`dek sabrim yiqitib qo`ygan –
So`zga haq yo`q:
“Juda keraksiz...”

Kibrga yot, chorasiz qizman –
Dardim sizga tun yetkazadi...
Agar...
Sizni qutqazsam o`zdan –
Meni sizdan kim qutqazadi?!

[Aliya]

Ёлғизман ёлғизлар ичида...

Толеъда ҳилолдай кўрк билан
Дарди йўқ юлдузлар ичида –
Елкамда афсусдай юк билан
Ёлғизман ёлғизлар ичида...

Бир мен-у, кулмаган шум қисмат,
Ўйларим банд қилган дард-ҳасрат,
Хотирда сарғайган бир сурат –
Ёлғизман ёлғизлар ичида...

Ё шамснинг нуридан умидвор –
Яна минг чақирим йўлим бор...
Ҳеч қурса, армонли дилим бор –
Ёлғизман ёлғизлар ичида...

Ё бахтман – тақдирин топмаган,
Кишанми – асирин топтаган...
Йўлимни туманлар қоплаган –
Ёлғизман ёлғизлар ичида...

Оҳ десам, оҳимнинг ўти бор,
Атрофда минг битта дўст-у ёр –
Дардимга қилмайди эътибор...
Ёлғизман ёлғизлар ичида...

Ойдин тонг отсайди кун қайтиб,
Ҳаётим қўшиғин зор айтиб,
Гуллаган лоламни топсайдим...
Болалик даламни топсайдим...

Ёлғизман ёлғизлар ичида...


... Дунёда фақат болаларгина Ёлғизлик нималигини билишмайди. Чунки, уларнинг ҳеч бўлмаганда, Ишончлари бор...

[Aliya]

Балки мана бу мавзуда бемалол кенгроқ таҳлил этса бўлар?..
http://uforum.uz/showthread.php?t=17433&page=4

Мушоира деб атаса бўлар ушбу айтишув шеърини, жудаям яхши чиқибди. Рустам Жабборовнинг шеърига Шаҳнозахон муносиб жавоб берибсиз. Мен бу каби мушоираларни давом этишини хоҳлардим.

E`tiboringizdan boshim ko`kka yetdi, Gulchehra opa! Balki, muhokamada she`rning kamchiliklarini bilib olib, yanagi safar mushoirada shu xatoliklarga yo`l qo`ymaslikka harakat qilgan bo`larmidim...

[Gulchehra Ibragimova]

Ёлғизман ёлғизлар ичида...


Қалб бўлганда йироқда
Ирода экан ожиз.
Дўстлар ҳам кўп атрофда,
Аммо мен якка-ёлғиз…

деган эди Зулфия



Ойдин тонг отсайди кун қайтиб,
Ҳаётим қўшиғин зор айтиб,
Гуллаган лоламни топсайдим...
Болалик даламни топсайдим...

Ёлғизман ёлғизлар ичида...



Кеча Ота ҳовлимга борган эдим..Дадажоним боғ томон билан ҳовлини ажратиш учун анча йиллар аввал қурдирган девор атайдан..эскириб кетсада ҳамон сақланади.. чунки у ердан ҳар йили лола баҳорда қизғалдоқлар очилади..Девор, том устида лолақизғалдоқлар ҳозир ҳамма жойда ҳам топилавермайди..

Телефонга расмга олдим..хира бўлса ҳам жойлаштирдим..Бу манзара менга болаликдаги жуда кўп ёрқин хотиралар билан бирга улғайгандаги айрим аламли кунларни ёдимга солади..

Ота уйим, болалик ҳовлим
Қизғалдоққа макон бўлибди.
Ота-онам изини қўмсаб
Лола бағри қонга тўлибди..https://img.uforum.uz/thumbs/ivcxgwk7927940.jpg (https://img.uforum.uz/images/ivcxgwk7927940.jpg)
https://img.uforum.uz/thumbs/aswrfyq3555222.jpg (https://img.uforum.uz/images/aswrfyq3555222.jpg)

[Aliya]

Қалб бўлганда йироқда
Ирода экан ожиз.
Дўстлар ҳам кўп атрофда,
Аммо мен якка-ёлғиз…

Зулфия

Adashmasam, bu she`rning nomi "Sen qaydasan, yuragim" bo`lishi kerak...

Kun kelib, sog`inchdan ham ko`ngillar tolar ekan,
Bedorlikning o`rnini loqaydlik olar ekan...
Yuragini izlagan baxtsiz bag`ri poralar
Bolalikning osmonin sog`inib qolar ekan...

Ота уйим, болалик ҳовлим
Қизғалдоққа макон бўлибди.
Ота-онам изини қўмсаб
Лола бағри қонга тўлибди..

Orzulardan osmonlar to`lib,
Sho`x damlarni yodimga solib
Bolaligim ko`zlari bo`lib,
Jovdiraydi lolaqizg`aldoq....

[Gulchehra Ibragimova]

Қалб бўлганда йироқда
Ирода экан ожиз.
Дўстлар ҳам кўп атрофда,
Аммо мен якка-ёлғиз…

Зулфия

Adashmasam, bu she`rning nomi "Sen qaydasan, yuragim" bo`lishi kerak...

****
Jovdiraydi lolaqizg`aldoq....

Тўғри..жудаям зукко ва ҳозиржавобсиз!

[pipicron]

Дўстлар ҳам кўп атрофда,
Аммо мен якка-ёлғиз…

Ёлғизман дейишдан сақланинг... Ёлғизлик нима аслида? Билишимча, қалби бўшлиқдан иборат бўлганда. Кимдир ўзининг оний холатини акс эттирар экан, бу холат хар бир инсонга юқишини унутмаслиги керак. Лекин барибир ёзгимиз келади. Ёзаверамиз....


Танҳоман яна мен, сахрода қолган
Қудуқдек, сувлари қуриган.
Танҳоман, кимсасиз, овлоқ уй каби
Қаровсиз, устуни чириган.

Карвонлар келади сўроқлаб, излаб,
Ташнасин босмасам ёмонман.
Бошпана сўрашиб келар яхшилар,
Бир ватан булмаган жахонман.

Танҳоман, қадримдан воз кечиб кетган,
Қувончдан янграган садоман
Қулоққа чалинмас. Арз қилиб келмас
Элимнинг бегиман, гадоман.

Танҳоман, замонга ярашмас ғаним,
Асрга тенг келар бир они.
Бу юртдан бош олиб кетардим топсам
Ўзимга ўхшаган танҳони.

9 август, 2007 йил.
(С)

[Minglar]

Қизғалдоққа макон бўлибди.

Lolalarning quchog'idagi yoshligimni eslab....


Кетмиш энди мендан иҳтиёр…
Қучоғимга қайтди лолазор,
Юрагимни топдингми баҳор?!
Наҳот қайтдинг энг ширин озор?!
Кетмиш энди мендан иҳтиёр.

Лолаларга ташладинг кўмиб,
Гул наҳрида сузаман чўмиб,
Илтижолар қилгум ўтиниб,
Бўсалар бер ҳазор ва ҳазор,
Кетмиш энди мендан иҳтиёр.

Лолаланар дилимдаги чўғ,
Бардошларга ортиқ тоқат йўқ,
Бардошлардан ҳеч фароғат йўқ,
Даргоҳингда сабрлар тормор…

Кетмиш энди мендан иҳтиёр,
Бўсалар бер ҳазор ва ҳазор,
Қучоғимга қайтган лолазор.


(C)

[Gulchehra Ibragimova]

[QUOTE='Gulchehra Ibragimova;721135']Дўстлар ҳам кўп атрофда,
Аммо мен якка-ёлғиз…

Зулфия

Ёлғизман дейишдан сақланинг... Лекин барибир ёзгимиз келади. Ёзаверамиз....

Танҳоман яна мен, сахрода қолган
Қудуқдек, сувлари қуриган.
Танҳоман, кимсасиз, овлоқ уй каби
Қаровсиз, устуни чириган.
Ёлғизлик нимадир
сен мендан сўра..
Оҳлари кўкларга етмаган..
Дўстлари ичида дўст топмай
Кўксида яраси битмаган..

Осмонда ой каби ёп- ёлғиз..
Дардлаша олмайин бир оғиз,
Дардбонин тополмай ўтётган
Юраги ғамлардан пора қиз..
мен ёлғиз..

..ёлғизлик нимадир.
сен мендан сўра..
оҳ, бу ёлғизлик..!!

(“Етимлик нимадир бизлардан сўра..оҳ у етимлик..”Ғ.Ғ)http://uforum.uz/images/icons/icon12.gifhttp://uforum.uz/images/icons/icon7.gif

[pipicron]

..ёлғизлик нимадир.
сен мендан сўра..
оҳ, бу ёлғизлик..!!

Мен ёлғиз қолмадим аро йўлларда,
Кимсасиз чўлларда бўлдим хамрохим.
Юлдузсиз тунларда дардларим тинглаб,
Тасалли беролдим, кетди фироқим.

Мен ёлғиз қолмадим душман қўлларда,
Дўстларим сотганда ёлғиз армонга.
Зах босган зиндонда дардлашди юрак,
Хижронга қўл бериб кетдим пинхонга.

Мен ёлғиз қолмадим ёлғизлар ичра,
Ёлғизим ёнимда, дўстим ёнимда.
Ёлғизман десалар тушунолмадим,
Балки йўқ ёлғизлик асли қонимда?

Мен ёлғиз эмасман. Сиз ёлғиз эмас.
Иккимиз ажратган тақдирдир ёлғиз.
Бир муддат ўзингиз олдига бориб,
"Ким ёлғиз?" деб суранг ундан бир оғиз.....

(с) Али Ал Мехр
17-04-2012

[Lobar AZIZ]

Sog`inchingiz zalvorlari buncha og`ir?
Sal egilsam tog`dek bosib qoladi-a.
Har yonganda tutab-tutab kuysa bag`ir,
“Sog`indim” deb aytolmasam g`alati-a?
Sizsizlikning azoblari yomon ekan,
Har kelganda jonim yulib oladi-a.
Qo`l uzatsam ko`ngil yarim, dunyo bir kam,
Kaftingizdan tutolmasam g`alati-a?
Bosh qo`ygani bir joy istab, topsam qani,
Tegib ketsam tosh ham “dod” deb qonadi-a…
Xaddim sig`mas ismingizni chorlagani,
Umid bog`lab kutolmasam, g`alati-a?
Bir oh desam dunyolari yig`lar aytib,
unim chiqsa, osmondan oy quladi-a.
Hech bo`lmasa tushlarimda sizga qaytib,
Yo ortimga ketolmasam g`alati-a…
Sizsizlikning azoblari…
Buncha og`ir…?
(С)

[Minglar]

Лиммо-лим май келтир, бир томчи каммас,
Камлардан зерикдим...

Хуррамлик келтиргин, бир қатра ғаммас,
Ғамлардан зерикдим...

Қани чин ёруғлик, мусаффо нурлар?
Юракнинг тубидан чиқар бир хитоб:

"Менга қуёш керак , миллионта шаммас,
Шамлардан зерикдим..."


(C)

[pipicron]

Қани чин ёруғлик, мусаффо нурлар?
Юракнинг тубидан чиқар бир хитоб:

"Менга қуёш керак , миллионта шаммас,
Шамлардан зерикдим..."

Услубдан чиқишни хисобга олмаганда чиройли мазмун. Фақат бир нарса мени ўйга толдирди: инсон хаётида шамнинг хам ўз ўрни бор. Ундан зерикиш ўринлимикин?

[Aliya]

Navbatdagi mushoira...

Rustam Jabborov:

Har tong sochlaringni siypalab o`tgan
Bir daydi shamolcha bo`la olmadim.
Ko`z-yoshdan namlangan kipriging o`pgan
Bir shohi ro`molcha bo`la olmadim...

Yerdan ko`kka tomon o`nglandi yo`lim,
Hayotimni tamom mahv etdi hayol.
Yer bo`lib, poyingni quchmadim, gulim,
Ko`k bo`lib ko`ksimga bosmadim, hilol...

...Mayli, yodimga ham bo`lmasang sodiq,
Ismim xotirangdan mayli, yo`qolsin.
Orzum...
Kim bo`lolsa, mehringga loyiq -
Seni hech bo`lmasa, mendek sevolsin!


Aliya:

Daydi shamollarga bermadim izn,
Sochlarim silagan - sizning hayollar.
Bir on qarshingizda shod ko`rmoq uchun
Kiprik zaxin yutar shoxi ro`mollar...

Yer-u ko`kda Yolg`iz topinganim - Siz,
Menga Sizdan yuksak saodat yo`qdek...
Gulingiz bo`lolsam - Yerday quchsangiz,
Oy bo`lsam - bag`irga olsangiz Ko`kdek...

Baxtdan toq o`tarman.
Lek Sizga sodiq,
Ismingiz - qalbimda asragan sirim.
Mehrimga bir Sizni ko`raman loyiq,
Axir meni Sizcha seva olar kim?!

Sochlarim silagan - Sizning hayollar...

[albatros]

Baxtdan kechib, hijronni tutib,
Qon ko'ksimga pichoq urdingmu?
Shodon kunlarimiz unitib,
Mendan uni aziz ko'rdingmu?

Boshim egik, kiprigimda nam
Ko'rmoq istab, niyat qildingmu?
"Yasholmayman, sensiz" desam ham,
Mendan uni aziz bildingmu?

"Qizg'onaman hatto o'zimdan"
Desam, telba deya kuldingmu?
Yosh oqizib, bugun ko'zimdan,
Mendan uni aziz bildingmu?

Shod-qayg'uni ko'rardik baham...
Shunchalar ayrilmoq kutdingmu?
Sevgimizga berib sen barham
Mendan uni aziz tutdingmu?

( с )

[Gulinoz]

Meni she'rlarimda bilgan kabi sev...

She'r - bu ikkimizni birlashtirgan dard,
O'rtada bo'y cho'zgan ko'rinmas ko'prik.
Senga ataganim, pokiza, begard,
Har bitta satrida namlangan kiprik...

She'r yozmoqni o'zing o'rgatding menga,
Har bir xayolini oldim o'zingdan.
Qalbingdan baxtimni topdim begumon,
Muhabbat neligin ko'rdim ko'zingda...

She'r - bu, hayotimda sen bilan birga,
O'tkazmoq istagan har bitta onim.
Har doim, har soat, senga orziqib,
Ba'zan sog'inchlarda titragan jonim...

She'rimda kuylagan orzu xayolim,
Go'zal dunyolarda sen bilan yursam.
Ko'zingga.., dildagi har bir savolim,
Javobin topgandek termulib tursam...

Meni, she'rlarimdan bilganingdek sev,
Sening muhabbating har nedan yuksak.
Tushlarimga kirib kelganindek sev,
Bir senga mushtoqdir bu yurak o'ksik...

Har bir xayolingni she'rga o'rab sev,
Sevishimni qayta - qayta so'rab sev...

[Gulinoz]

Qaydasan, chorlasam yetmas ovozim..?
Yo chaqir, yoningda bo'layin paydo... (A. G'aniyev qo'shig'idan)

Kun botdi...
Ko'ngilda sog'inchning surati chizildi,
Ne ajabki..?
Bilakdagi ko'zmunchoqning ipi bexos uzildi.
Aqlim hayron...
Donalari sachrab ketdi to'rt tomon,
Seni izlab...
Bu nigohlar yo'llaringda sargardon.

Yolg'iz o'zing...
Qutqarguchi meni yolg'iz tunlardan,
Qalbing yorug'...
Nurafshondir quyosh kulgan kunlardan.
Baxting bo'lsam...
Tanho sening, uzoq-uzoq kutganing,
Hamon shunday...
Xayollar ham, seni izlab ketgani.

Yolg'iz qalbim...
Ishon faqat, seni ko'rmoq istaydi,
Qaylardasan..?
Ko'ngil doim, holing so'rmoq istaydi.
Kechir ba'zan...
Erkam seni, tushunmadim, ne qilay..?
O'zing chaqir...
Huzuringga men shamol bo'lib yelay...

[Баходир кушаков]

Менга қуёш керак , миллионта шаммас,
Шамлардан зерикдим..."
инсон хаётида шамнинг хам ўз ўрни бор. Ундан зерикиш ўринлимикин?
Фикри ожизимча шоир бу ерда,қуёшнинг ёруғлиги олдида,шамнинг ёруғлигидан зерикканлигини назарда тутган бўлсалар керак.Бундан,ёрқин ҳаёт билан,ҳира ҳаёт таққосланганини тушинса бўлади.Яна билмадим.

[Gulchehra Ibragimova]

Менга қуёш керак , миллионта шаммас,
Шамлардан зерикдим..."
инсон хаётида шамнинг хам ўз ўрни бор. Ундан зерикиш ўринлимикин?
Фикри ожизимча шоир бу ерда,қуёшнинг ёруғлиги олдида,шамнинг ёруғлигидан зерикканлигини назарда тутган бўлсалар керак.Бундан,ёрқин ҳаёт билан,ҳира ҳаёт таққосланганини тушинса бўлади.Яна билмадим.

Яна бир нарса: Қуёш кундузига, шам эса тунда керак бўлади ўз ўрнида..Бу ерда киши англай олмас чиройлик антипатия-қарама-қаршилик ҳам бор..Шеър камёб услубда ва усулда мантиқан жуда гўзал чиққан.

[Masud Mahsudov]

Йўллар йироқ,
Истаклар олис,
Манзил узоқ - қачон етаман?
Гарчанд қалб оқ, ниятлар холис,
Минг йилларки, бахтни кутаман.
Шам ёқсаям ёришмас ичим,
Йилларга тeнг ҳар ўтган оним.
Дард енггани етмайди кучим,
Иқбол қачон бўлар мeҳмоним?
Бошим гаранг – хаёл қайнайди,
Ҳаловатим мисоли сароб.
Тинчлик бeрмай руҳим қийнайди,
Саодатга интилган азоб.
Пeшонамда битилган ёзув,
Балки, нурин сочар фалакда.
Фақат шу он ярадор орзу,
Толe мудраб турар юракда.
Кун кeлади, қушдeк учаман,
Бахтдан қанот ясаб ўзимга.
Эзгуликнинг тоғин қучаман,
Жаннат рангин олиб кўзимга.

Ҳозирча-чи, йўлдаман ҳамон,
Манзил йироқ
Кўзларим гирён...

(c) 2010, Лондон-Ноттингем

[Aliya]

Zaynabdan bir xato...

Seni sevgim deya bilmasdim hali,
Bilsam, bilgan onim - og`ir jinoyat.
Meni o`zligimda yaratding vale -
Dunyoda boring ham yuksak inoyat!

Faqat...
Bu tole`ga men gumroh haqsiz,
Sevmoq gunohmidi - bo`ynimga ortdim?
Baxtim, deb alamni topdim men shaksiz,
Vasling orzusida o`zni yo`qotdim...

Haqqim yo`q!
Haqqim yo`q...
La`nati bir so`z...

Qo`lingdan tutmoqni qilgandim orzu,
Tonglarni kutmoqqa roziydim birga...
Qayerdan bilibman - ishq shunday og`u,
O`zga bir chora yo`q ko`nmay taqdirga...

Bu yo`lning oxiri qayda - bilmadim,
Taqdir osmonida adashgan qushman.
Nechun...
Men ertaroq senga kelmadim?!
Men uchun armonsan...
Men senga tushman!

Haqqim yo`q...
Haqqim yo`q!
La`nati bir so`z...

Dunyo seni mendan qizg`onar behad,
Yoningda qolishga imkon yo`q bir zum.
Sevmoq bu - barchaga berilgan ne`mat,
Bir mening yelkamda gunohi azim...

Shu gunoh ajri deb boshi egik sha`n,
G`urur-chi, yuragim solingan qafas...
Nigohing yukini ko`tarolmayman,
Qarama!
Jur`at yo`q, yuzim chidamas...

Haqqim yo`q...
Haqqim yo`q!
La`nati bir so`z...

[Gulchehra Ibragimova]

КЎНГЛИНГНИ ҚАНДАЙ ОЛАЙ

Бойлик биланми ё зўрлик биланми,
Қолипга сиғмаган ўрлик биланми,
Кўнгил отлиқ куйган шўрлик биланми,
Айт, сени кўнглингни қандай олай ёр?!.


Таъзимлар қилайми, тизлар чўкайми,

Оёғингга зару борим тўкайми,

Ишқингда хор бўлган дилни сўкайми,

Айт, сени кўнглингни қандай топай ёр?!.


Ё кечиб кўнглимга шавқат қилайми?
Ишқнинг худосидан ё паноҳ тилайми?
Ўлайми хасратдан, йиғлаб кулайми?
Айт, сенга етмоқчун нима қилай ёр?!.


Мендаги ишқ йўқдир Ширин- Лайлида,

Кўнглим сенга тушди, нетай майлида!

Етмоқлик шарт эмас ишқнинг “сайли”да

Кўнглингнинг кўнглини қандай топай, айт?!.

[Mirzo Ulugbek]

Onajon

Go'zal orzularga limmo-lim qalbim,
Bir zum yosh bolaga qolsam aylanib.
Tizzangizga boshim qo'yib ohista,
So'ngra ko'zingizga qolsam joylanib...

Nechun tushlarimga kirmaysiz Ona?
Nega sog'inganda topmasman sizni?
Sizdan olislarda bu ko'nglim yarim,
Qiynalar aytolmay birgina so'zni...

Men sizni qanchalar ko'rgim keladi,
Dardli ko'nglingizga malhamlar bo'lib.
Taqdirga la'natlar aytgim keladi,
Sabrning kosasi ketganda to'lib...

Men sizni juda ham qattiq sog'indim...

[Minglar]

Юрак куйлар, юрак йиғлар , чекар алам,
Ичигача куюб ёзар қора қалам,
Лаблар қақшар … Томчи бўлиб тўкилмасам,
Муҳаббатни қандай қилиб бердинг менга !?

Дарё бориб чўл бағрига ўзин отар,
Йилда бир бор қир- адирлар лола сотар,
Ишқсиз дилда ҳар дақиқа қуёш ботар…
Муҳаббатни қандай қилиб бердинг менга !?

Юрагимда аланга - чўғ , куйдиради,
Кечворса ҳам, ним гинам йўқ, куйдиради,
Битта дилбар қайта – қайта суйдиради,
Муҳаббатни қандай қилиб бердинг менга !?

Зимистонлар ишқимизнинг маконида,
Минг Ёсуман атрофида – посбонида,
Қуёш бўлиб порламасам осмонида,
Муҳаббатни қандай қилиб бердинг менга !?

(C)

[Aliya]

NOLA

Asrlarga cho`ziladi tun...
Yuragimda simillar og`riq...
Sokin ertak boshlabon ochun,
Shirin tushga ko`milar borliq...

Shu bir hayol - menga yetakchi,
Va borligi - borliq borligi...
Izlariga ko`z tutdim, garchi -
Peshonada vido yorlig`i...

Yuragimga kaftimni bosib,
Yuragida og`riq - tuyaman...
Haq otashni bilsa munosib -
Uning o`tda o`zim kuyaman...

Tilaymanki, joni sog` bo`lsin,
Tikan ko`rsa - bag`rimda xanjar...
Dard bilmasin, shodligim bilsin,
Bilmasin, dard - xanjarin sanchar...

Xushholligin ko`rsam - bo`lgani,
Shu bir kunim o`tar-da... Mayli...
Dunyoimga o`t ketgan mani -
Qo`lim yetmas orzu tufayli...

Ertagingni boshla, ey, ochun,
Tongda zorim ko`z ochsin shodon...
Ne bo`lsa ham...
Uni men uchun -
Panohingda asra, Xudojon!!!

[Masud Mahsudov]

Шамол... Қуюқ булут... Кўркам хиёбон,
Майсада ўтириб ўйга толаман.
Кўзимни бир зумга юмиб, ногаҳон,
Узоқ-узоқларга кетиб қоламан.

Неча йил ғам билан ҳамхона бўлдим,
Ичим тимдалади армон қанча вақт.
Ҳар баҳор ундим-у, гулламай сўлдим,
Эшигимни қоқиб ҳеч келмади бахт.

Шамолдек шиддат-ла умр ўтмоқда,
Бир зум тўхтатишга сира йўқ илож...
Билмам, эрта мени нелар кутмоқда,
Эй, тақдир ёзиғи, сирларингни оч!

Қуюқ булутларга айланган қалбим,
Маъносиз ўтмишдан бўлгандек мажруҳ.
Мавҳум дунёлардан тўйиб кетиб, жим,
Тубсизлик тубига кетиб қолар руҳ...

..Хорғин ўйларимдан чарчаб кетиб сўнг,
Кўзларимни очдим...
Ором топди жон.
Ажиб ҳисларимни аста уйғотиб,
Нажотдек туюлди яшил хиёбон...

Шамол... Қуюқ булут... Кўркам хиёбон..

(с)

[Mahmud Jurat]

***

Уйғониш қийиндир
Уйғониш азоб.
Билмай ётаверасан карахтлигингни,
Қўзғолмай интилсанг
Осмонга қараб
Сезмай ҳам қоласан дарахтлигингни.
Қуёш бу маммача интиласан роз,
Оёғинг тагидан оқиб турса сув.
“О мен яшаяпман” берасан овоз,
Ўзингча ўйлайсан ҳамма қитмир, қув.
Аслида жонсарак яшаганингни
Сезмайсан.
Тобутни тахт дейсан ўзинг овутиб,
Вақтнинг елкасида кетаверасан.
Бир бора очсанг гар кўзларинг йиртиб,
Атрофда жонзотлар, қуртлар...
Ҳатто капалак...
Бир дамлик умрига шошиб боради...
Азизим!!! Уйғонгин!!!
Уйғон Ота Шарқ.
Ибодатга ҳам вақт бергин,
Майли...
Аммо кампларни ҳам унутма...
Атом бомбасига ҳам қувон...
Бу фан...
О, Шарқ...
О, турк...
Уйғон!!!

[Сарвиноз]

Эшигимни қоқиб ҳеч келмади бахт.
Яҳши шеър.Бу ерда муаллиф ёзилмаган.кимнинг шеъри эканини ёзиб қўйса яҳши бўлармиди?Ёки ҳаммаси муаллифлик шеърларими?Қоидани чала ўрганган бўлсак узр.Юқоридаги шеърда (с) ни тушинмадим.

[Сарвиноз]

Қуёш бу маммача интиласан роз, Оёғинг тагидан оқиб турса сув. “О мен яшаяпман” берасан овоз, Ўзингча ўйлайсан ҳамма қитмир, қув.
Ҳафа бўлманг,бу шеърда ҳеч қандай маъно топа олмадим.Ёзилишиям шеърга ўҳшамайди.Бу шеърни бирорта мухлисингиз ёдлаб олади деб ўйлайсизми?Эркин Воҳидов ёзмаганми ишқилиб?Ундаймаслигини билсам ҳам,сўрадимда.

[Masud Mahsudov]

Эшигимни қоқиб ҳеч келмади бахт.
Яҳши шеър.Бу ерда муаллиф ёзилмаган.кимнинг шеъри эканини ёзиб қўйса яҳши бўлармиди?Ёки ҳаммаси муаллифлик шеърларими?Қоидани чала ўрганган бўлсак узр.Юқоридаги шеърда (с) ни тушинмадим.

(c) - Mualliflik huquqini anglatuvchi belgi. Shu belgi qo'yilgan mening xabarlarimdagi barcha she'rlar muallifi o'zim.

[Shokir Dolimov]

Атом бомбасига ҳам қувон...
Мана шу ерга келганда, чиндан ҳам карахт бўлиб қолдим. Бундай бомбанинг нимасига қувониш керак?

[Mahmud Jurat]

Бундай бомбанинг нимасига қувониш керак?
Бу саволни ҳарбий бўлмаган киши берганида кенг кўламли қилиб изоҳлаб берардим, аммо сиздан кутмагандим бу саволни.

[Minglar]

Тақир-туқур, тақир-туқур от ўтади.
Кимдир куйлаб, кимдир кулиб шод ўтади.
Бир кам дунё нағмалари жоним эзар,
Дам ўтмасдан аламни фарёд ўтади.

Тақир-тақир... От йўлакда қоқилади,
Кўз ёш тўла армонларим ким билади!?
Дард ошади яширилса - бу ҳақиқат ,
Дардим айтсам девоналар ҳам кулади.

Тақир-тақдир.Сўқир - дунё.От йўлкада...
Яхшиларни икки пулга сот йўлкада.
Фойда, қорин, икки қават бино керак,
Икки қават гуноҳларга бот йўлкада.

Учиб тушди - синиб кетди от тақаси,
Ҳайрон бўлманг, ҳайроналар йўқ ёқаси.
Эшакларнинг ичида от – эшаксифат,
Бўлиб келган , бўлаверар шунақаси.

Тақир-туқур, тақир-туқур от ўтади.
Кимдир куйлаб, кимдир кулиб шод ўтади...


(C)

[pipicron]

Тақир-туқур, тақир-туқур от ўтади.
Кимдир куйлаб, кимдир кулиб шод ўтади...


Мавзулар, фикрлар қоришмаси... Шеър шу от аравада юрганда ёзилганга ўхшади... Фикрим салбий эмас, аксинча, ижобий. Айтилмокчи бўлган фикрларни аниқлай олмай чалкашиб кетдим... Антиқа услуб...

[Masud Mahsudov]

Ҳар бошда чарх урар турфа муаммо,
Ҳар кўнгил хоҳишда ўзгача маъно.
Билмадим, кимлардир ёқтирар, аммо,
Мен бозорни жуда ёмон кўраман.

Билмайман, ким дўсту, ким эрур душман,
Бировга ўлжаман, кимга улушман,
Бозордан йироқда ҳур, эркин қушман,
Мен бозорни жуда ёмон кўраман.

Ким айтар, "шу экан замона зайли",
Кас нокас бўлди-ку, замон туфайли,
"Отанг, онанг бозор," десинлар, майли,
Мен бозорни жуда ёмон кўраман.

Ажаб, бешигини шайтон аллалар,
Тутуруқсиз гаплар-у, ёлғон яллалар,
Залолатни кўпроқ ўйлар каллалар,
Мен бозорни жуда ёмон кўраман.

Кўзга тик қарашиб, алдайди сизни,
Сўкишлар, қарғашлар ол этар юзни,
Хуллас, инсоният унутар ўзни,
Мен бозорни жуда ёмон кўраман.

Ҳалол луқма нима, билмас кўпчилик,
Харомни номлашар - бу “тирикчилик”
Раҳмонмас, шайтонни айлашар шерик,
Мен бозорни жуда ёмон кўраман.

Шарм йўқ, ҳаё йўқ пулнинг дастидан,
Оқибат бир чақа емиш қасдидан,
Ёлғон онт ичишар чақа устидан,
Мен бозорни жуда ёмон кўраман.

“То рози” ҳукмидан кўнгиллар нари,
Кўз ўйнар тарози тоши сингари,
Алдашга интилар ҳам ёш, ҳам қари,
Мен бозорни жуда ёмон кўраман.

Разолат ҳукм этган маконлар кўпдир,
Бири бошқасидан ўтадир, хўпдир,
Бунда-чи, барчаси, барчаси тўпдир,
Мен бозорни жуда ёмон кўраман.

Гарчи қорани-да, кўрсатади оқ,
Пок қалбдан қанчалар бўлса ҳам йироқ
Таажжуб, дунё унга интилар, бироқ
Мен бозорни жуда ёмон кўраман.

Ҳаммамиз ҳар куни шошилиб борган,
Лойини жаҳолат ҳокидан қорган,
Аёлу-эркакни бузиб юборган,
Бозорни жудаям ёмон кўраман.

Жудаям, жудаям ёмон кўраман!

(c) 2008

[Shokir Dolimov]

Бундай бомбанинг нимасига қувониш керак?
Бу саволни ҳарбий бўлмаган киши берганида кенг кўламли қилиб изоҳлаб берардим, аммо сиздан кутмагандим бу саволни.
Ушбу сўзларингиз имзомда ҳавола келтирилган сайт-сателлитга IV ва V саҳифаларни киритиш ишларини жадаллаштиришга туртки берди. Ўхшаш мисраларни битиб, омма эътиборига ҳавола этишдан олдин, ушбу саҳифалар, айниқса, V саҳифада келтирилган мулоҳазалар билан диққат танишиб чиққач, илҳом париси ҳадя этган ғоя мазмунини фикр тарозусида такрор ва такрор тортиб кўришни тавсия этган бўлар эдим. Муҳтарам аҳли шеърият, мавзудан четга чиқиб кетганим учун маъзур санайсиз. Эҳтиром ила

[Баходир кушаков]

Аёлу-эркакни бузиб юборган,
Бозорни жудаям ёмон кўраман.
Шеър жуда маъқул.Чиройли ва маъноли ёзилган.Маъсудбек мен айтмоқчи бўлган гап умуман бошқа нарса ҳақида.Сизнинг,"мен бозорни жуда ёмон кўраман" деган жумлангиз мени ўйлантирди.Шеърни бошида ўқиётганимда мен,бозор деган гапингиздан,ғала-ғовур,бир тўполон жойни назарда тутяпсиз деб ўйлай бошлагандим.Кейинчалик орага "то рози" қўшилганидан кейин,ўзимизнинг оддий мол алмашинув маскани бўлган бозорни тушиндим."Мен бозорни жуда ёмон кўраман".Бу ҳар кимнинг ўз ҳукмига ҳавола.Биров қаршиилик қилолмайди.Фақат шу бозор туфайли борьба за выживание(ўзбекчаси нима эди?яшаш учун кураш деймизми?)кетаётганлигини унитмаслигимиз керак.Энг тараққий этган давлатда ҳам бозор бор.Бу жуда қадимдан давом этиб келаётган жараён.Ўша матриархат,патриархат тузими якун топгандан кейин,ҳар ким ўз ҳолича яшай бошлаган.Шунда кутилмаган муаммолар келиб чиқа бошлаган.Яъни,бир оилада картошка бўлса пиёз бўлмаган.Нима қилиш керак?Пиёзни қаердан олиш мумкин?Шунда,қўшнисига сенда пиёз бўлса менга бер,ўрнига мен сенга картошка бераман деб,айирбошлаш бошанган.Кейинчалик у,бирор қимматлироқ нарсага айланган,шу кетишда бозор юзага келган.Яшаш учун курашнинг янги бир усули пайдо бўлган.Ҳозирги замон бозорини назарда тутган бўлсангиз,мен ҳам қўшиламан.Ўша сиз юқорида айтгандек,алдов,қабоҳат ботқоғига айланган.Сотувчи тарозидан ураман деса,ҳаридор ортиқроқ оламан дейди.Натижада ўша сиз айтган то рози(яъни иккала тараф рози бўлгунча деган қоида бузилади)Бу шеър ўшандай кимсаларга бир калтак бўлса ажабмас.Биз минг гапирганимиз билан,бари бир муаллиф ўзи биладию нимани назарда тутганини.

[Masud Mahsudov]

Аёлу-эркакни бузиб юборган,
Бозорни жудаям ёмон кўраман.
Шеър жуда маъқул.Чиройли ва маъноли ёзилган.Маъсудбек мен айтмоқчи бўлган гап умуман бошқа нарса ҳақида.Сизнинг,"мен бозорни жуда ёмон кўраман" деган жумлангиз мени ўйлантирди.Шеърни бошида ўқиётганимда мен,бозор деган гапингиздан,ғала-ғовур,бир тўполон жойни назарда тутяпсиз деб ўйлай бошлагандим.Кейинчалик орага "то рози" қўшилганидан кейин,ўзимизнинг оддий мол алмашинув маскани бўлган бозорни тушиндим."Мен бозорни жуда ёмон кўраман".Бу ҳар кимнинг ўз ҳукмига ҳавола.Биров қаршиилик қилолмайди.Фақат шу бозор туфайли борьба за выживание(ўзбекчаси нима эди?яшаш учун кураш деймизми?)кетаётганлигини унитмаслигимиз керак.Энг тараққий этган давлатда ҳам бозор бор.Бу жуда қадимдан давом этиб келаётган жараён.Ўша матриархат,патриархат тузими якун топгандан кейин,ҳар ким ўз ҳолича яшай бошлаган.Шунда кутилмаган муаммолар келиб чиқа бошлаган.Яъни,бир оилада картошка бўлса пиёз бўлмаган.Нима қилиш керак?Пиёзни қаердан олиш мумкин?Шунда,қўшнисига сенда пиёз бўлса менга бер,ўрнига мен сенга картошка бераман деб,айирбошлаш бошанган.Кейинчалик у,бирор қимматлироқ нарсага айланган,шу кетишда бозор юзага келган.Яшаш учун курашнинг янги бир усули пайдо бўлган.Ҳозирги замон бозорини назарда тутган бўлсангиз,мен ҳам қўшиламан.Ўша сиз юқорида айтгандек,алдов,қабоҳат ботқоғига айланган.Сотувчи тарозидан ураман деса,ҳаридор ортиқроқ оламан дейди.Натижада ўша сиз айтган то рози(яъни иккала тараф рози бўлгунча деган қоида бузилади)Бу шеър ўшандай кимсаларга бир калтак бўлса ажабмас.Биз минг гапирганимиз билан,бари бир муаллиф ўзи биладию нимани назарда тутганини.

Албатта, бозор ҳамма даврда бўлиб келган. Мен назарда тутган "бозор" - кишилар пул топиш йўлида бир-бирини алдаб, ҳар қандай харомхўрликдан қайтмайдиган муносабатлар йиғиндиси бўлган жой... Бу айнан бир бозор бўлмаслиги ҳам мумкин, бу умумий маънода бозор деб олинган...
Хусусан, кўп гавжум бозорларда ҳеч кузатганмисиз; жанжаллар, сўкинишлар ва ҳк. лар кўп бўлади, беихтиёр ўшаларнинг гувоҳига айланасиз. мана шунақа ҳолатлар йиғилиб, умумий хулоса тарзда ёзилган шеър...

[albatros]

Bulut bo'lib osmonga uchsam,
Yomg'ir bo'lib, tushsam sochingga.
Oftob bo'lib, so'ng seni quchsam,
Singib ketsam, men quchog'ingga.

Gulzor ichra men nasim bo'lib,
Atirgulning yonog'in o'psam.
Iforlarga limmo-lim to'lib
Sog'inch bilan so'ng senga tutsam.

Oy nuriga o'ralib tunda,
Yotog'ingda ulashsam ziyo.
Unut bo'lib g'amlaring shunda,
Orzularing bo'larmi ro'yo?

Shunda mendek, chin qalbdan suyib,
Hayotimga sen qaytasanmu?
Va ko'ksimga boshingni qo'yib:
"MEN BAXTLIMAN!" deb aytasanmu?!

( с )

[Sparc]

Shunda mendek, chin qalbdan suyib,
Hayotimga sen qaytasanmu?
Va ko'ksimga boshingni qo'yib:
"MEN BAXTLIMAN!" deb aytasanmu?!

Шу икки белгиланган сўзни охирини "и" ҳарфи билан тугатсангиз маъқулмикан дейман.
Шеър яхши чиқибди.

[Minglar]

“...Аслинг билсанг оби-гил, яна гилга кетар-о.”
( Яссавий )

Мен ўлмайман...
Агар ўлсам,
Чинорларда яшайман.
Инсонларни асрагувчи
Туморларда яшайман.

Мен ўлмайман...
Агар ўлсам,
Юракларда қоламан.
Азиз, Обод, Озод деган,
Тилакларда қоламан.

Мен ўлмайман...
Агар ўлсам,
Гул шоҳида яшайман.
Эрта тонгда куйлагувчи
Қуш оҳида яшайман.

Мен ўлмайман...
Азиз тупроқ
Менинг Она-Ватаним.
Ўлим эмас
йўллар кезиб,
Ватанимга қайтганим.

(C)

[Minglar]

Сообщение от albatros


Shunda mendek, chin qalbdan suyib,
Hayotimga sen qaytasanmu?
Va ko'ksimga boshingni qo'yib:
"MEN BAXTLIMAN!" deb aytasanmu?!




Шу икки белгиланган сўзни охирини "и" ҳарфи билан тугатсангиз маъқулмикан дейман.
Шеър яхши чиқибди.

"...Shunda sening ko'ngling to'lurmu,
Aytganlaring bajo bo'lurmu?!"

H. Olimjonning " Savol " deb nomlangan she'ridan ilhomlangan shoir chamamda.

Orzularing bo'larmi ro'yo?...?? satri bo'lmaganida she'r yaxshi chiqqan bo'lar edi.

[albatros]

Шу икки белгиланган сўзни охирини "и" ҳарфи билан тугатсангиз маъқулмикан дейман.
Шеър яхши чиқибди.

Avvalo e'tibor va o'rinli maslahatlaringiz uchun rahmat. Avvaliga o'zi ham "to'lurmu", "bo'lurmu" so'zlaridagi so'nggi "u" harfini "i"ga o'zgartirib ko'rdim, negadir bu holatda she'rni ohanggi pasaygandek bo'ldi nazarimda, keyin yana o'z holatiga qoldirdim. Sizlarni maslahatlaringiz orqali yana bir kichkina bo'lsada kamchiligimni bilib olishga muyassar bo'ldim.


"...Shunda sening ko'ngling to'lurmu,
Aytganlaring bajo bo'lurmu?!"
H. Olimjonning " Savol " deb nomlangan she'ridan ilhomlangan shoir chamamda.


Hamid Olimjonni she'rlarini sevib o'qiyman. Juda ham ohangdor, fikrlar aniqligi, qofiya tanlash mahorati yuqori darajada bu shoirimizning she'rlarida. Bilmadim, balki haqiqatan ham Hamid Olimjonning she'rlarini ko'p mutoalaa qilganlarim, bu she'rning shu ohangda yaratilishiga turtki bo'lgandir...

Orzularing bo'larmi ro'yo?...?? satri bo'lmaganida she'r yaxshi chiqqan bo'lar edi.

She'rda mashuqaning arazlab ketib qolganligi, oshiq esa uni yoniga qaytishini istab, uning uchun har narsaga tayyor ekanligi (bulut bo'lib samo uchishi va yomg'ir bo'lib uning sochlariga tushishi, so'ngra yana oftob bo'lib uning bag'riga qaytishi, nasim(shaboda) bo'lib, gullar iforini o'zi bilan olib kelib, sog'inch ila unga tutishi, tunlari oy nuriga o'ralib, mashuqaning qorong'u xonasini ziyoga aylantirishi) ifodalanishi bilan bir qatorda, "shunda mening yonimga qaytishing uchun orzularing ro'yo bo'ladimi?" deb so'ramoqda.

[Masud Mahsudov]

"Orzularing bo'larmu ro'yo?" degani "Orzularing tush bo'ladimi?" degani... Buning mantiqli xulosa ekanligiga shubham bor :)

[albatros]

Shunda mendek, chin qalbdan suyib,
Hayotimga sen qaytasanmu?
Va ko'ksimga boshingni qo'yib:
"MEN BAXTLIMAN!" deb aytasanmu?!
Шу икки белгиланган сўзни охирини "и" ҳарфи билан тугатсангиз маъқулмикан дейман.

Orzularing bo'larmi ro'yo?...?? satri bo'lmaganida she'r yaxshi chiqqan bo'lar edi.
"Orzularing bo'larmu ro'yo?" degani "Orzularing tush bo'ladimi?" degani...

Men ko'nglimni aytganin qildim,
Quloq tutdim, unga birma-bir.
So'zlar ila qog'ozga ildim,
Tuyg'ularim bo'lmasin deb sir.

Ma'zur tuting, bo'lsa xatoyim,
Tilim ojiz, shoir emasman
Beaybdir yolg'iz Xudoyim,
Tanqid qilsa yomon demasman.

"Do'st achitib so'zlagay" asli,
Ey do'stlarim bo'ling siz omon.
To yashnasin she'riyat fasli
Bo'lib doim bekam, benuqson...

Siz kabi oliyjanob insonlarning beminnat maslahatlari ila xatolarimni bilib oldim.Tashakkur.

[Minglar]

НУР

Булутларни титиб, йўл очиб кўкдан,
Дарахтлар оралаб, дарчамни топиб,
Балки, атай излаб, мени қоралаб,
Зимистон кулбамни топиб келди нур!

Келтирди самодан бир парча ёғду,
Келтирди илиқлик - қуёш тафтини.
Оҳ , уни қанчалар соғинган эдим,
Ёруғ йўлларига тутдим кафтимни.

Зиёланиб келгин сен ҳам азизам,
Юзинг шуласидан оловлаб дилим,
Қоронғу кечмишни ёқиб–ёндириб,
Булут осмонингдан тушгин севгилим.


(C)

[Aliya]

Ertak.

("Dilnoma" turkumidan)

Bir bor ekan bizning ko`nglimiz,
Bir yo`q ekan diydorga imkon.
Bir bor ekan o`tli sevgimiz,
Bir yo`q ekan baxt kelgan zamon...

Och ekan-u hajrning ko`zi,
To`q ekanmi alamli dunyo?!
Qadim-qadim zamon orzusi -
Bir visolmi, yetilmagan yo?!

Shunday mahzun boshlaymiz ertak,
Sog`inchlardan sevinch yaratib...
Rishtalarga bog`langan yurak
Azob berar armon taratib...

Bir bor ekan zard to'la ochun -
Dardga to'la dunyo bor ekan.
Bir yo`q ekan umid – baxt uchun,
Alamlardan dil bemor ekan.

Och ekanmi alamning ko`zi –
To`q dunyoning tor falsafasi...
Tushunmaydi odamlar o`zi –
Ertaklari qay yo`lga nasib...

Bir bor ekan ko`ngilda orzu,
Bir yo`q ekan xotirda armon.
Bir bor ekan yetilmas tuyg`u,
Bir yo`q ekan sevinch bir zamon...

Biroq, olis yo`llar bag`rida –
Meni kutgan shahzod bor ekan...
Olib ketar go`zal shahriga –
Ikkimizga tole` yor ekan...

...Sevgi shunday ertak bo`lsa gar,
Bir kun biz ham baxtli bo`lamiz!

[Minglar]

Менинг бахтим юрагимда – ичимда,
Ижодкори қўлларимдир – мехнатим,
Мададкори сабр-тоқат кучимда.

Менинг бахтим ўнгу сўлда, ёнимда;
Ота-Онам , қон-қариндош, дўстларим,
Ширин–шаккар болам деган жонимда.

Менинг бахтим тупроғимда – элимда,
Кечаси бор , бугуни, бор эртаси,
Ўзбек отлиқ мехнаткаш кенг феълимда.

(C)

[Gulinoz]

Onajonim

Go'yo dunyo quvonchi,
Bir nuqtada bo'lar jam.
Siz yonimda bo'lsangiz,
Mening ko'nglim xotirjam.

Hamrohsiz har ishimda,
Hayolingiz birgadir.
Baxtimda, tashvishimda,
So'zlaringiz tirgakdir.

Olislardan bir bora,
Ovozingiz eshitsam.
Qaylardasiz..? Men zora,
Quchog'ingizga yetsam.

Sog'inaman, sog'inchim,
O'zingizsiz Mehribon.
Yig'laganda ovunchim,
Baxtimga bo'ling omon.

Bilsangiz gar men sizsiz,
Eplolmayin hech ishni.
O'rgatgansiz o'zingiz,
Har dam olg'a yurishni.

Qani, bo'lsa qanotim,
Uchib borsam siz tomon.
Diydor nasib etarmi..?
Ammo bilmam qay zamon.

Onajon siz men uchun,
Xavotirlarda qolmang.
Bir kun bo'larman baxtli,
Siz duo qilib tolmang.

Endi har bir she'rlarim,
Atalgaydir siz uchun.
Sizdir menga aslida,
Son mingta baxtdan ustun...

[Minglar]

Яшасанг-у севган гули-жон бўлмаса,
Пинҳон суҳбат қургани имкон бўлмаса,
Бир жуфт қанот бўлса-ю осмон бўлмаса,
Қийин экан…

Қоқиниб ҳам, туртиниб ҳам юра билсанг,
Чорасизлик пайтида ним кула билсанг,
Йиқилганда минг бир марта, тура билсанг,
Суюн экан…

Жон берсанг-у жаноналар қарамаса,
Дўст деганинг бир кунингга ярамаса,
Атрофингдан тулки феъллар аримаса,
Куюн экан…

Қизиқ бўди, қизиқ бўлди Одам насли,
Омад келса осон экан яшаш асли,
Дунё бунда, дунё бунда “гард кам” дарсли –
Ўйин экан…


(C)

[Rustam Jabborov]

...Доим хушнуд яшанг, шод яшанг фақат,
Қайғу кўчасига яқин йўламанг.
Кўзингиз ёшига қилолмам тоқат -
Фақат сиз йиғламанг... йиғламанг...

Оймома жилмайсин кулгичингизда,
Ойдек чеҳрангизни ғамдан доғламанг.
Майли қараб ўтманг кўз учингизда,
Фақат сиз йиғламанг... йиғламанг...

Агар истасангиз унутинг мутлоқ,
Ёдингизга тушсам, бир бор йўқламанг.
Ғунча лабингизга инмасин титроқ,
Фақат сиз йиғламанг... йиғламанг...

Оромингиз бузиб гоҳо тунлари -
Тушингизга кирсам, майли, ухламанг.
Нохуш хаёлларни четлатинг нари,
Фақат сиз йиғламанг... йиғламанг...

Қисматнинг қасдидан кўнглимиз ғаш-ку,
Сиз ҳам аламларга қанот боғламанг.
Шу инжу ёшларга арзисам кошки...
Фақат сиз йиғламанг... йиғламанг...

Соғинчдан хаста дил оқса эзилиб,
Қошингизга борсам, дардим тингламанг.
Кетсам бу оламдан паймонам тўлиб,
Фақат сиз йиғламанг... йиғламанг...

[Gulinoz]

Gulim

Bir kun kelib dunyodan o'tsam,
Orom olsa bu yurak bebosh.
Qabrim uzra boshingni egib,
"Gulim" deya to'ksang tomchi yosh...

Keyin esa tiz cho'kib sekin,
Esla baxtli o'tgan kunlarni.
Va bag'rimga qo'ygin ohista,
Qo'lingdagi qizil gullarni...

Bilsang edi qachondan beri,
Yo'llaringda sarson ko'zlarim.
Jaranglagan har bir sadodan,
Sening ovozingni izlardim...

Oh, qanchalar baxtliman bugun,
Taskin topdi qalbdagi ozor.
Chunki hozir sen yonimdasan,
Qolgan barcha barchasi bekor...

Iltimosim ketmagin bir zum,
Yana bir oz qolgin yonimda.
Uzatsamda yetmas qo'llarim,
Sevar edim seni jonimdan...

Men hozir ham derman bir seni,
Faqat tanam tuproqlarga yor.
Afsus, Jonim bila olmaysan,
Nigohingga bo'lganimni zor...

Taqdir bizni uchrashtirmadi,
Hijron esa azobga soldi.
Bir ko'rmoqlik etmadi nasib,
Sen kelguncha jonimni oldi...

Bo'ldi Jonim, boshingni ko'tar,
Er kishiga yig'lamoq nechun?
Sen baxtiyor yashashing kerak,
Men tinchgina uxlashim uchun...

[Gulinoz]

Bugun sizni kutdim...

Bugun sizni kutdim, intizor kutdim,
Aytajak gaplarim juda ko'p edi.
Sog'inchni alam bilan ichimga yutdim,
Bunday yashamoqning foydasi nedir..?

Bugun sizni kutdim qalbdan, yurakdan,
Har daqiqam go'yo ming yildek o'tdi.
Mehringiz har nedan ko'proq kerakdir,
Ruhim meni tashlab siz tomon ketdi...

Bugun sizni kutdim g'amgin, hokisor,
Sahrolar yomg'irni kutgani kabi.
Sarg'aygan yaproqdek kuchsiz bemador,
To'zonning azobin totgani kabi...

Bugun sizni kutdim, kutdim Azizim,
Hijron soya kabi ortimdan yurdi.
Ko'p edi qalbimda aytajak so'zim,
Yo'lingizga uzoq-uzoq termulib turdim...

[Minglar]

Айролиқ , фироқни бепул сотаман,
Очиқ қучоғиннга ўзим отаман.
Совуган дилингни ёқиб, ёндириб,
Мудроқ муҳаббатингни уйғотаман.
Қайтаман , ёнингга, албат, қайтаман!...

Қайтаман: шаббода, насимдайинмас,
Бечора ғарибу мискиндайинмас,
Бўрон бўлиб гудраб, Шоҳ Жаҳон бўлиб,
Диллингга жон бўлиб, таскиндайинмас.
Қайтаман , ёнингга, албат, қайтаман!...


Фақат… кутмакликка рой бўлса бўлди,
Юрагинг четидан жой бўлса бўлди.


(C)

[Minglar]

Кечаги кунимиз мисоли бир туш.
Эртаги кунимиз - эртакка юмуш.
Осмонларда бўлсанг , бўл, заминга туш,
Кел, бугунги кунни байрам қилайлик.

Сен зўрсан, қолганлар сендан анча паст,
Сен гўзал, ўзгалар пойингда бир хас,
Эрта чўққиларни қилсанг-да ҳавас,
Кел, бугунги кунни байрам қилайлик.

Кечаги виқор йўқ юришларингда,
Салобат , дадиллик туришларингда,
Киноя, истеҳзо кулишларингда...
Кел, бугунги кунни байрам қилайлик.

Юракка яқиним , эй , кўзи чарос,
Дўстона суҳбат қур, тўхтагил бир оз,
Бир лаҳза вақтингни оламан халос,
Кел, бугунги кунни байрам қилайлик.

(C)

[Aliya]

Shunday bir kun kelsa - xotirjam, xushhol
Tole`ing doriga ko`nglimni ossam...
Dunyoda borligim keltirmay malol,
Bosgan izlaringni ko`zimga bossam...

Shunday bir kun kelsa - quyoshli, nurli,
Hijron zindonlarin qulfi yechilsa...
Umidlar bag`rida tongdek sehrli
Diydor dunyosiga yo`llar ochilsa...

Shunday bir kun kelsa - taqdirning taxti
Bir sho`r peshonamga bitilgan bo`lsa...
Firoq rangidagi armon daraxtin
Poyiga xazoni to`kilgan bo`lsa...

Shunday bir kun kelsa - sog`inch degan rang
O`tmish xotiriga ketilsa yutib.
Xudoyim hukmida qarshimga chiqsang -
Sevging gullarini qo`limga tutib...

Shunday bir kun kelsa...
Ikkimiz birga -
Baxtiyor umrni yashab o`tolsak...

[Rustam Jabborov]

Қарашлари ўйчан бунча ҳам,
Бунча маъно митти чехрада?
Қўлчасида қоғоз ва қалам:
"Суйатимни чизиб бей, дада!"

Сочларини силайман маҳзун,
Чап кўксимда недир қақшайди.
Жим термулиб қоламан, нечун…
Қизим бунча Сизга ўхшайди?

Бу қандайин сир бўлди экан?
Ё қисматнинг киноясими?
Бошланган-у, якун топмаган
Ҳазин ишқнинг ниҳоясими?

Қоғоз, қалам… ҳатто ўзимни
Унутганим илкис сезаман.
…Кўзларига боқиб қизимнинг,
Юрагимнинг расмин чизаман…

[barlos]

Азизларим, дўстларим! Миллий терма жамоамиз жаҳон чемпионатига чиқиш арафасида турибди (Ё насиб, биз буни албатта уддалаймиз). Яратган юқтирган талант, қобилиятдан келиб чиқиб, келинглар, миллий жамоамиз тўғрисида қўлдан келгунча шеърлар битайлик. ОАВни футболчиларимиз ҳам ўқийди, демакки, уларнинг руҳини қандайдир маънода кўтариш бизнинг ҳам зиммамизда. Ажойиб шеърлардан кутиб қоламан...олдиндан, раҳмат!

[Gulinoz]

Nola...

Yo'q..!
Bu ko'zimdagi yosh emas,
Nogoh uchgan yomg'ir tomchisi.
Qabim nolalari iztirobdanmas,
Balki hijronlarning mahzun kuychisi...

Men endi umuman yig'lamayapman,
Hatto qurib bitdi ko'zdagi yoshim.
" Ne uchun mung'ayib qolibsan " demang,
Taqdir sivonlari egmoqda boshim...

[Aliya]

Xazongul

Qishning qilichida yonadi ayoz,
Unsiz daraxtlarni ingratadi muz.
Yer - oshiq bag`rida qilingan e`zoz -
Qachondir Xazonin tashlab ketgan kuz...

Haqning izmi ila ul xazon yaproq
Bag`rida asraydi bir gul urug`in.
Quchib-erkalatgan onadek uyg`oq
Taftida asraydi shu gul urug`in.

Ne bo`ron sindirib o`tsa ham jonin,
Shu jonning kaftida tutadi uni.
Fido etmoq bo`lar bor-u jahonin,
Yemrilib sanalar har tun-u kuni...

...So`ng, bahor keladi guldasta tutib,
Xazon quchgan gul ham ko`rsatadi bo`y.
Qishning ayozini bag`riga yutib,
Xazon - idroklardan o`chib ketgan o`y...

Men o`shal yaproqqa qilaman ta`zim -
Ayozni mehri-la yengolgan kulib.
Balki, dunyolarga takror kelaman,
Xazon yaproq qizi - Xazongul bo`lib...

Yaproqcha mehrni anglamoq uchun...

[Aliya]

…Кўзларига боқиб қизимнинг,
Юрагимнинг расмин чизаман…

Ushbu satrlardan ta`sirlanmaslik uchun... Kamida tosh yurakka ega bo`lish kerak, nazarimda...

[barlos]

Азизларим, дўстларим! Миллий терма жамоамиз жаҳон чемпионатига чиқиш арафасида турибди (Ё насиб, биз буни албатта уддалаймиз). Яратган юқтирган талант, қобилиятдан келиб чиқиб, келинглар, миллий жамоамиз тўғрисида қўлдан келгунча шеърлар битайлик. ОАВни футболчиларимиз ҳам ўқийди, демакки, уларнинг руҳини қандайдир маънода кўтариш бизнинг ҳам зиммамизда. Ажойиб шеърлардан кутиб қоламан...олдиндан, раҳмат!

Бир илтимос қилгандик-да энди :(

[Minglar]

Бир илтимос қилгандик-да энди

Menda bor , bir oz tahrir qilishim kerak. Albatta joylashtiraman:)

[Minglar]

ДАШТ ҚИШЛОҚ


Бу ерларнинг тупроғида тоши кўп,
Эгри қадам ташлаб бошдан айрилма.
Ғаним эмас , дўсти кўп , қардоши кўп,
Дўст тутингил чин йўлдошдан айрилма.

Бу ерларнинг янтоғи кўп гулидан,
Дўсти-ёри чўнтакдаги пулидан,
Мушкул ишда қўллар ўнгу сўлидан,
Сен кўз бўлсанг, паноҳ қошдан айрилма.

Йигитлари мард: айтдими - қайтмайди,
Аёллари бегона йўлатмайди,
Қўшинсига ғийбат тошин отмайди,
Сир сақлаган сирдошингдан айрилма.

Боласига ширин кулча нон тутар,
Отасига дон тўла ҳирмон тутар,
Ғарибларга ўзин қадрдон тутар,
Меҳр отлиқ бир қуёшдан айрилма.

(C)

[Minglar]

Сообщение от barlos


Бир илтимос қилгандик-да энди




Menda bor , bir oz tahrir qilishim kerak. Albatta joylashtiraman

Mana o'sha she'r.

O’n ikkinchi o’yinchi bu bizlarmiz,
O’ngu-tushda g’oliblikni ko’zlarmiz.
Neki raqib bo’lsa barin tuzlarmiz,

Olg’a, Olg’a , Olg’a bos O’ZBEKISTON,
G’oliblikdir senga hos O’ZBEKISTON!

Tog’larimiz viqorli , boshda qorli,
Yigitlarning dili pok - nomus, orli,
30 million duolardan tumorli,

Olg’a, Olg’a , Olg’a bos O’ZBEKISTON,
G’oliblikdir senga hos O’ZBEKISTON!


Jon bermaydi salga Qatar, Eron ham,
Koreya ham , hatto kichik Livon ham,
Lek yengamiz bo’lib bir tanu bir jon,

Olg’a, Olg’a , Olg’a bos O’ZBEKISTON,
G’oliblikdir senga hos O’ZBEKISTON!


Qiyin yo’lni bosib o’tib so’ngida,
Brazilda boshlab o’yin yangidan,
Qaytsak edik chempionlik ranggida…

Olg’a, Olg’a , Olg’a bos O’ZBEKISTON,
G’oliblikdir senga hos O’ZBEKISTON!


Qanot yozib butun o’zbek o’lkaga,
Poyondozlar tashlab uchoq yo’lkaga,
Nasib etsin o’ynash Anjon polkaga.

Olg’a, Olg’a , Olg’a bos O’ZBEKISTON,
G’oliblikdir senga hos O’ZBEKISTON!


(C)

[barlos]

Mana o'sha she'r.

Катта раҳмат. Уфф.узга жойлаштириб қўяман. Розилигингиз билан, албатта...

[albatros]

Кечаги кунимиз мисоли бир туш.
Эртаги кунимиз - эртакка юмуш.
Осмонларда бўлсанг , бўл, заминга туш,
Кел, бугунги кунни байрам қилайлик.

(C)
Bu she'ringizni o'qib shoira Farida Afruzning "Kel bugunni bayram qilaylik" nomli she'ri esimga tushib ketdi. Ehtimol sizning ushbu she'ringizni yaralishiga ham shu she'r sababchidir:

Ruh shamoli tanni qaqshatdi,
Chaqmoq vujud olov sachratdi,
Kecha yoqqan yomg‘ir charchatdi,
Kel, bugunni bayram qilaylik.

O’tgan kunim nadomat, armon,
Orom bilmas sargardon bu jon,
Esiz, umr o‘rtada sarson,
Kel, bugunni bayram qilaylik.

Azal jonga zavol andesha,
Bu dunyoda yolg‘iz ishq pesha.
Ayrilmoqqa o‘chmiz hamisha,
Kel, bugunni bayram qilaylik.

O’pib tursa sochlaringni nur,
Baxt neligin kapalaqdan so‘r,
Ne bo‘lsa ham tur, o‘rningdan tur,
Kel, bugunni bayram qilaylik.

Axir seni ko‘rganim tushmas,
Xayolingsiz hushlarim qushmas,
Osmon sinib, zaminga tushmas,
Kel, bugunni bayram qilaylik.

Bir xo‘rsinsam, qaytib kelar soy,
Ayt, tilaging ayt, deb kelar soy,
Qaytib jonni qay yerdan olay,
Kel, bugunni bayram qilaylik.

Tongim balki armonlarga soz,
Ishq qismati ikkimizga rost,
Men entikib chorladim, xolos,
Kel, bugunni bayram qilaylik.

[Minglar]

Bu she'ringizni o'qib shoira Farida Afruzning "Kel bugunni bayram qilaylik" nomli she'ri esimga tushib ketdi. Ehtimol sizning ushbu she'ringizni yaralishiga ham shu she'r sababchidir

Xalqimizda maqol bor : " Dam bu damdir , o'zga damni dam dema". Bu haqida hazrat Rumiy ham yozganlar, Navoiy ham ( mashhur, o'tkan kundan so'zlagan..., deb boshgan satrlari ). Umuman, bu gap yangilik emas. Farida Bo'tayevani o'qimayman.

[Rustam Jabborov]

Laylo deb, firoqning zahrini yutib,
Junun sahrosida o‘lgan men edim.
Bu yorug‘ olamga ming yillar o‘tib,
Sen sevmoq uchun kelgan men edim.

Sokin so‘zlar uchdi goho tilimdan,
Pinhona o‘rtanib, oshkora tondim.
Dunyoni bilmadim, ammo, dilimda
Sevgi borligiga mutlaq inondim.

Nolon bulbullarga qilgancha havas
Suysam, sukunatga aylanib suydim.
Kuysam, ayriliqning gulxanidamas,
O‘tli nigohlaring taftidan kuydim.

Qutqarmoqchi edim, toqatni hatlab,
Ruhingni qaqshatib yotgan muzlardan,
Faqat avayladim bag‘rimda chaqnab
Bo‘g‘zimni kuydirib qaytgan so‘zlardan.

Har tong sochlaringni siypalab o‘tgan
Bir daydi shamolcha bo‘la olmadim.
Ko‘z-yoshdan namlangan kipriging o‘pgan
Bir shohi ro‘molcha bo‘la olmadim.

Yerdan ko‘kka tomon o‘nglandi yo‘lim
Hayotimni tamom mahv etdi xayol,
Yer bo‘lib poyingni quchmadim, gulim.
Ko‘k bo‘lib ko‘ksimga bosmadim, hilol...

...Mayli, yodimga ham bo‘lmasang sodiq,
Ismim xotirangdan mayli, yo‘qolsin.
Orzum... kim bo‘lolsa, mehringga loyiq,
Seni hech bo‘lmasa mendek sevolsin!

[OmoN]

Форумимизга профессионал заковатчи аъзо бўлибди. Хуш келибсиз :)

[Masud Mahsudov]

Узоқ ўлкаларнинг бир чeккасида,
Кўзимда милтирар соғинч ёшларим.
Эски хотиралар исканжасида
Сизларни соғиндим, синфдошларим.

Оқ кўйлак,
қора шим,
қўлларда папка,
Тизилиб турардик тонглари сафга.
Сочилиб кeтганмиз ҳамма тарафга –
Қачон кўришамиз, синфдошларим?

Тарих дарсларимиз – ювош муаллим,
Матeм-чи, тушунмай, тинглар эдик жим.
Сизлар мeнинг ортда қолган ёшлигим,
Умримнинг парчаси – синфдошларим.

Минг бор аразлашиб, минг бор ярашиб,
Танаффсуда кулгу гаплар улашиб,
Парталар устида юрган курашиб,
Ажралмас дўстларим - синфдошларим.

“Ким ўзар” бўларди ҳар битта фанда,
Тошқин дарё эдик – тошар ўзандан.
Бугун, майли, ортда қолай – ўшанда,
Изингиз кўрардим, синфдошларим.

Йиллар ўтган сайин ошаркан қадр,
У онлар қайтариб бўлмас туҳфадир.
Ғала-ғовур синф эсингиздадир?
Шўхлигим қўмсадим, синфдошларим.

Эслаб ўтирибман, эгиб бошларим,
Билмам, нeга, сизсиз кeчар тушларим.
Шу кeча, дардларим айтмай бировга,
Сизларни соғиндим, синфдошларим.

Жудаям соғидим синфдошларим…

(c)

[OmoN]

Узоқ ўлкаларнинг бир чeккасида,
Кўзимда милтирар соғинч ёшларим.Шу шеърийз бошқача чиққан...

[albatros]

Жудаям соғидим синфдошларим…
(c)

Mana bu yerdan (http://www.ziyouz.com/index.php?option=com_remository&Itemid=57&func=fileinfo&id=1798) esa bu she'rni shoirning o'zlaridan eshitishingiz mumkin ;)

[Gulinoz]

Onajon...

Yor-yor menga xazin bir qo'shiq,
Alamlarga gul ko'ksim nishon.
Men ham tanho sevgan yorimning,
Baxti bo'lmoqchiydim Onajon...

Dardim aytsam toshlar yorilgay,
Men kimlarga so'ylay Onajon..?
Bir zumga-da yoningga boray,
Hokisoring bo'lay Onajon...

Tugalmaydi hasratim mening,
Ko'p qiynadim seni men nodon.
Shu azobga...shuncha qiynalib,
Tuqqanmiding meni Onajon..?

Har ne topdim yolg'on dunyoda,
Mehring qo'msab o'tdim har zamon.
Men devona, baxim topdim deb,
Azoblarga yetdim Onajon...

Quchog'ingda g'uncha misoli,
Yayrab o'sdim... Kulgusi xandon.
Sen kimlarga guldek qizingni,
Ravo ko'rib berding Onajon..?

Balki ojiz, kuchsizligim chun,
Xatolarga yengildim oson.
Mayli meni o'ldir.., lek o'zing
Yo'lga solib qo'ygin Onajon...

[Aliya]

...Mayli, yodimga ham bo‘lmasang sodiq,
Ismim xotirangdan mayli, yo‘qolsin.
Orzum... kim bo‘lolsa, mehringga loyiq,
Seni hech bo‘lmasa mendek sevolsin!

Afsona bag`rida tug`ilgan ishqning
Og`uli gulobin yutgan men edim.
Uzlat sahrosiga ko`milgan ishqning
Tosh yorib unishin kutgan men edim.

Sukut yostig`iga boshingiz botib,
"Muhabbat yo`q asli!" - soldingiz suron.
Kiprik nayzasi-la dardni uyg`otib,
Keltirdingiz ishqning boriga iymon...

Bulbul shevasidan rang olgan izhor
Sizning tilingizdan sukutga ko`chdi.
Mendan dunyongizga boqqan intizor
Nigohlar o`tida umidlar o`chdi...

Ko`ngil ko`zgusida yig`lardi toqat,
Muz bo`lib oqardi dilda dardingiz.
O`zimga aytolmay Siz meni...
Faqat -
O`zingizdan asrab sevolardingiz...

Daydi shamollarga bermadim izn,
Sochlarim silagan - sizning hayollar.
Bir on qarshingizda shod ko`rmoq uchun
Kiprik zaxin yutar shoxi ro`mollar...

Yer-u ko`kda Yolg`iz topinganim - Siz,
Menga Sizdan yuksak saodat yo`qdek...
Gulingiz bo`lolsam - Yerday quchsangiz,
Oy bo`lsam - bag`irga olsangiz Ko`kdek...

Baxtdan toq o`tarman.
Lek Sizga sodiq,
Ismingiz - qalbimda asragan sirim.
Mehrimga bir Sizni ko`raman loyiq,
Axir meni Sizcha seva olar kim?!

Sochlarim silagan - Sizning hayollar...

Ushbu she`rni qisqartirilgan mushoira shaklida avval ham e`tiborlaringizga havola qilgan edim. Bugun to`liq holda forumga kirityapman.

[albatros]

Quchog'ingda g'uncha misoli,
Yayrab o'sdim... Kulgusi xandon.
Sen kimlarga guldek qizingni,
Ravo ko'rib berding Onajon..?...

She'ringiz yaxshi chiqibdi. Shu o'rinda o'z fikrlarimni bildirib o'tsam :

Onalarimiz, jonidan yaralgan, o'z etining bir parchasidan yaralgan hayotining mazmuni bo'lgan farzandlariga yomonlik ko'ra oladimi !? Neki qilmasin, hamma -hammasini farzandini kamoli uchun, uning baxti ko'rmoq uchun qilmaydilarmi !? Xalima Xudayberdiyavaning mana bu satrlariga e'tibor qarating:

Men seni yer ko'kka ishonardimmi
Qizning chin baxti bu , taqdir ishi bu
MAyli yuragingga kirgan mardingni -
Boshga qo'ngan, ketmas Xumo qushi bo'l..

Va yana shoira shunday deb aytadi:

Mayli sen borar bog' endi ko'rmay kam.
Tole mening mehrim shu boqqa solsin
Men ola bildimmi ko'nglingni bilmam
Bolam, borar joying ko'nglingni olsin.



Mayli meni o'ldir.., lek o'zing
Yo'lga solib qo'ygin Onajon...

O'ldirish ...O'lim ... O'z farzandini o'ldirish deysizmi..? Hatto bu so'zni farzandi nomiga qo'shib aytishni ham o'zlariga ravo ko'rmasalar kerak mehribon onalarimiz. "Ona" degan qutluq nomga ega bo'lgan aziz ayollarimiz bu tuyg'ularni chuqurroq anglab yetganlar desam xato bo'lmasa kerak...

[Gulinoz]

Mayli meni o'ldir.., lek o'zing
Yo'lga solib qo'ygin Onajon...

Assalomu alaykum! Gaplarizga qo'shilaman, shu o'rinda forumdagilardan ham, aziz Onajonimdan ham uzr so'rayman. Odam boshiga tashvish tushsa ba'zan dardlarga egilib qolarkan. She'rim biroz alam ustida yozilgan deb qabul qilsangiz. To'g''ri onalarimiz bizga yomonlikni ravo ko'rmaydilar hech qachon. Taqdirimda ularni aybdor qilishga haqqim yo'q aslida. Men u kishidan, "Nima qilsangiz ham o'zingiz yo'lga solib qo'ying, sizsiz ojizman" degan ma'noda yozmoqchiydim...Alloh bardosh, irodamni mustahkam qilsin! Hammamizni panohida asrasin!

[Bakhtiyor Khaydarov]

Тулкининг кашфиёти
Амал такал билан у дипомли бўлиб олди,
Маслахатга тогаси шерникига йўл солди.
Тога деди: жиянжон давом этказ ўкишни,
Олим бўлиб оларсан ўтказиб бахор кишни.
Айик билан жўрамиз у бўлар илмий рахбар,
Асалдан бериб турсак ишлар ўзи тезлашар.
Шундай килиб тулкивой шўнгиди илмий ишга,
Айиквойга аз котади деб асал кишга.
Илмий ишнинг темаси “балик нега гапирмас”,
Тайёр бўлди хаммаси 3-4 йил ўтар-ўтмас.
Тогаси берди мадад, пучга чикмай нияти,
Нихоят ўтган кузда у бўлди фан кандидати.
Энди у тулки эмас, тулкибек айёрович,
Уч китоби чикди ва керак эмас терговуч.
Хамон у изланишда ўрни давранинг тўри,
Нихоят бултур кишда у бўлди фан доктори.
Хўш фанда не янгилик дерсиз балким,
Тулкибек олим бўлди, балик эса хамон жим.

[pipicron]

Ўқувчиларимга…

Бугун мактаб остонасин хатлаб сўнгги бор
Ўн бир йиллик болаликка ясайсиз якун.
Энди хаёт дарсхонангиз бўлар, мактабда
Чалинади энг охирги қўнғироқ бу кун.

Билмам, балки жонингизга теккан бу жаранг,
Балки безор бўлгандирсиз дарслардан хатто.
Балки устоз асабингиз қилгандир таранг,
Лекин ўтган мактаб даврин унутманг асло!

Ахир осон бўлмагандир 11 йил кутмоқ,
Бекор сарф бўлмагандир 11 йил умр.
Осон бўлмас устозларнинг этагин тутмоқ,
Барчасининг ўз гашти бор, қилингиз сабр.

Балки сизга унут бўлган, эсларсиз балки,
Шу даргохга қадам қўйган жажжи қизалоқ,
Ё болакай эдингизлар, қувончга тўлиб
Кутгандинглар чалинишин илк қўнғироқ.

Алифбони танимаган софдил қизалоқ
Катта бўлиб онасига берар маслахат.
Дарсдан қочиб безор қилган бир шалпангқулоқ
Бугун энди ўзимизга қилар насихат.

11 йилда 11 мингта қувончу-ташвиш…
Саргузаштлар хотирадан кетмайди албат.
Синфдошлик боғи ичра очилди дўстлик,
Кимларгадир насиб бўлди соф бир мухаббат.

Энди устоз текширмайди хаёт дарсини,
Вазифани кўчирмоққа бўлмайди имкон.
Кундаликка қўйилмайди «2» бахолар,
Билинг энди, хатоларни кечирмас замон.

Синфдошлар, бўлолмайсиз энди партадош,
Энди сирдош бўлолмассиз, унутманг бироқ:
Дўстларингиз бир умрга бўлар елкадош,
Дўстлик учун чалинмайди сўнгги қунғироқ.

Май, 2003 йил.
(с)

[Gulchehra Ibragimova]

МЕН СЕНГА ЁҚИШИМ ШАРТ ЭМАС

"..амал билан тобутнинг эгаси бўлмайди..бугун сен, эртага мен.." Ҳинд мақоли.

(...гап эгасини топишига ишонаман)

Бу кўхна заминда яшамоқ учун,
Ва ёки насиба ошамоқ учун,
Ишонгил, эй нодон сўзим чиппа-чин,
Мен сенга ёқишим шарт эмас!.

Қаторда юрмоқчун дадил, соғ-омон,
Бормасман бош эгиб ҳеч вақт сен томон.
Майлига сен яхши, мен- бўлай ёмон
Мен сенга ёқишим шарт эмас!

Зормасман мурувват, эҳсонингга ҳам,
Боримни боридек кўраман баҳам.
Борди-ю, бўлсанг ҳам изимга ҳакам
Мен сенга ёқишим шарт эмас!

Фарқимиз мен - оддий, сен - бир амалдор,
Мен учун наф йўқдир гар пулинг бисёр.
Йўлимиз бошқадир, бошқадир мозор,
Мен сенга ёқишим шарт эмас!!

..сен менга ёқишинг шарт эмас.
(с)

[Quvonchbek Karimov]

Кумушим…
Кумушим кўзларингда нам,
Қайғу соя солар яноқларингга,
Шаҳло кўзларингда не сир яширин,
Қандай сас беркинган дудоқларингда.

Юздаги холингга олам арзирми,
Армон арзирмикин кўзинг ёшига.
Ким ҳам бахт тилабти бир сендан ўзга,
Яхшилик тилабти ўз кундошига.

Кумушим….
Поёнсиз ўйлар сурасан.
Мендан ўзга ўйлар хаёлинг йўқми?
Тошкентга кетаяпман, олис йўлларга,
Зайнабга аталган саволинг йўқми.

[Quvonchbek Karimov]

Кўзларимда қалқийди дунё,
Лабларимда титрайди бир сас.
Йироқ кетма мендан олисаб,
Ёнимда бўл моҳим бир нафас.
Кечайлик биз дунёларидан,
Барҳам бериб қийноқларига.
Хаёлларим сени деб фақат,
Соч ўралсин бармоқларимга.

[Aliya]

Begim...

Men Kumush emasman.
Zaynab ham emas,
Va siz ham Otabek bo`la olmassiz...
Oramiz Marg`ilon-Toshkentdan qolmas,
Va go`yo, men tomon kela olmassiz...

Go`yo haqqingiz yo`q burch uyin tashlab,
Ko`ngil sarhadiga yaqin kelmoqqa...
Taqdirning olovband zanjirin ushlab -
Mahkumsiz Zaynab yor bilan qolmoqqa...

Kishanlarni tashlang!
Yo`llar - umidvor,
Shoshing, diydorlarga intizor sog`inch...
Yo`lingizni to`sgan na do`st, dushman bor,
Na Kumush, Zaynabda yo`qdir bu ilinj...

Men shunday xudbinman,
Kechiring, begim,
A`za tutmadim baxt o`lganidan so`ng...
Zaynabning o`ziga og`uni berdim -
Kumushni zaharlab bo`lganidan so`ng...

Zaynab, ham Kumushga bermasman sizni...

[albatros]

Menga kerak emas, boylig-u shuhrat,
Menga kerak emas, e'tibor havas.
Bu foniy dunyoda orzuyim faqat,
Qalbimni cho'g' qilgan iymon bo'lsa bas.

Maysalar izimdan chekmasa ozor,
Bir ko'ngli o'ksukni dilin shod etsam,
Menga tosh otsa ham, ey Parvardigor
Sinovli dunyodan beozor o'tsam...

Burchim ado etsam, men farzand bo'lib
Va umrim bo'lganda bir kun nihoya
Ko'ziga yosh olib, yuragi to'lib
"Bolam" - deb yig'lasa xalqim kifoya...

(c)

[Gulchehra Ibragimova]

Ишон, йўқдир зарра ҳаловат,
Ором йўқдир, надир ул роҳат?
Армонларим хали қатма-қат,
яшаяпман-да...

Умрим етса, пулим етмайин,
Сўзим етса қўлим етмайин,
Бўйим етса кўнглим етмайин,
яшаяпман-да...

"Бир ҳовуч" бахт топа олмасдан,
Ғамга эшик ёпа олмасдан
Ё ғамларни сота олмасдан,
яшаяпман-да...

Онам кўнглин ололмадим бир,
Виждон гоҳ пок, гоҳида кир-чир,
Жон Онажон сен мени кечир..
яшаяпман-да ..

...яшаяпманда, мен ҳам?!

(с)

[Quvonchbek Karimov]

Билмадим сен кимсан? Армон бекаси,
Қўлиим етмас олис, ярқироқ юлдуз.
Тонги шабнам янглиғ омонат ҳусн
Оппоқ капалакдай беозор бир қиз.

Ўзим ким бўлибман сени суйгани?
Бир банди инсонман тубсиз хаёлга,
Эрмак бўлаётган бир хазон янглиғ
Кулги бўлаётган унсиз шамолга.

Алдовга кўниккан гумроҳ инсонман,
Армонга айланган мангу орзуси
Қалбимда ўчган у, умид аталмиш
Ёлғончи рўёнинг сўнги ёғдуси.

Фақат юрагимда якка туйғу бор,
Нима деб аташар рашкми, қизғониш
Севги отлиғ маъво нимадир ўзи,
Мангуга ёнишми абадий ёниш?

Шундай ёняпманки? Сени ҳаттоки,
Ўзимдан қизғониб вужудим ҳалак
Камон қошларингни кўрмоқлик учун
Гўзал, Зуҳросидан кечсинда фалак.

[Quvonchbek Karimov]

Оловга ўхшашни истамасдим ҳеч,
Лов этиб ёнару, ўчар аланга.
Имкони бўлсайди, рози бўлардим,
Айланиб қолмоққа тирноқларингга.

Ажрата олмасди бизларни биров!!!

[Aliya]

Айтолмайман...

Азоб қадар ҳижроннинг доғи
Юрагимга тиғдек ботади.
Зор қақшаган журъатнинг оҳи
Ғуруримга тошлар отади...
Қаролмайман – гуноҳ...
Севаман...

Чидолмайман – хазон ранг баргдай
Мужгонимдан тўкилади хун...
Умид қилмоқ изнини бермай –
Муҳаббатга дуч қилди очун...
Билолмайман – қандоқ?!
Севаман...

Кўнолмайман...
Ҳажр – касофат
Пешонамга ёзилган бўлса.
Иккимизни боғлар масофа
Минг йилларга чўзилган бўлса...
Етолмайман – йироқ...
Севаман...

Югураман – минг бор йиқилиб,
Етолмайман саодатимга.
Ҳар кун Соғинч тиғида тилиб,
Туз сепади жароҳатимга...
Чидолмайман – фироқ...
Севаман...

Азоб қадар ҳажрингиз доғи,
Юрагимнинг бир сирдоши – ғам...
Лабларимга етмайди оҳим,
“Хайр!” – дея кетолмайман ҳам...
Айтолмайман... Бироқ...
Севаман...

[Minglar]

Бекатда

Шаррос қуяр ўртада ёмғир,
Сиз қаршимда – бошқа бекатда.
Шаррос қуяр ўртада ёмғир,
Ювмоқчидай изларимизни.

Энди йўллар айро, негадир,
Сиз қаршимда – бошқа бекатда.
Менга ёмғир тошдай тегадир ,
Сиз қаршимда – бошқа бекатда.

Қичқираман борича овоз:
(шаррос қуяр ўртада ёмғир)
- Мен сизни деб куйганларим - рост.
Шаррос қуяр ўртада ёмғир.

Ёмғирларга илиниб ерга,
Сизга етмай, йиқилди сўзим.
Шаррос қуяр ўртада ёмғир,
Сиз қаршимда – ўзга бекатда.

(C)

[Gulchehra Ibragimova]

Қ И С М А Т
"Айбдор менми, сенми, гуноҳкорни излайман,
Хатокор ўзим бўлиб, хатоларим сизлайман". (Қ.Ш)

Қисматимда кўп хато, Хатодан бўлдим адо,
Қўл билан яратмадим тақдирим Ҳақдин ато,
Деб дилни юпатгайман, гул қаддим ғамдан сато
Айтчи,
қисмат ишида кимни айблайман ёр?..

Онамга тўнколмайман, тақдирни сўколмайман,
Ёки ўзим-ўзимга мағзава тўколмайман.
"Нечун", "нимага"ларга юкимни юклолмайман,
Айтчи,
қисмат ишида кимни айблайман ёр?!

Баъзан қувноқ, баъзан хун, гоҳо дилим қаро тун,
Кимга ёлғон, кимга чин, ишқсиз ҳаёт тор, юпун.
Бунга гувоҳ дунё-дун, ҳаётим топмай якун -
Айтчи,
қисмат ишида кимни айблайман ёр..

..айбдори МЕН ва СЕН!
(с)

[Гўзал]

ИШҚ КАРОМАТ!



Мaнзил йирoқ…
Вaқт ғaнимaт…
Дилдa ғулғулa…
Нaжoт – фирoқ…
Кун – қиёмaт,
Сeнинг ёдинг – лa…
Дeмa бирoқ,
“Ишқ oмoнaт” –
Қaлбни чoк қилa…
Қaрa кенгрoқ…
Ишқ сaxoвaт…
Зулмaтдa шуълa…
Мeҳр-лa бoқ…
Ишқ кaрoмaт,
Дуoлaр тилa…

[Гўзал]

Сурaт

Сурaтингни кўрaмaн ҳaр кун,
Кўзлaримнинг қoрaчиғидa.
Сeни излaб xaёлaн ҳaр тун,
Сaйр этaмaн ҳижрoн бoғидa.

Xaёлимдa тaнҳo ўзинг шoҳ,
Ўғирлaдинг ҳaлoвaтимни.
Бeдoр тунлaр ишқимгa гувoҳ,
Қaйтиб бeргин фaрoғaтимни.

Жoнсиз сурaт кимгa ҳaм кeрaк,
Сурaтингдaн зeрикдим, ҳa, рoст.
Сeни қўмсaр туғёни юрaк,
Сoғинтирмa, кeлaқoл тeзрoқ.

[Gulchehra Ibragimova]

Руҳан тушкунликдан руҳ ҳам чалажон,
Умид бор кўксимда, умидсиз, нимжон.
Ул хира ойнадек хотиралардан
Қачондир йўл топиб бораман, ишон..

Сўнг яна андиша, ..ўйга толаман,
Манзилинг билсайдим, сени кўрсайдим..
Бугун шаббодага сирдош бўламан,
Сен бор кўчаларда сарсон юрсайдим.

Сени борлигингни ўзи бир таскин,
Сени ҳаёлларинг борим, юпанчим.
Биз нечун ажралдик бунчалар кескин,
Сендан қолган шу ишқ овунчим, ганжим..

Кўнглим хасратингдан парча-парчадир,
Кошкийди севмасни севдириб бўлса?
Қалбим сен томонга очиқ дарчадир-
Нажот- СЕНДАЛИГИН сездириб бўлса?!..

..биз нечун ажралдик ИШҚҚА етмасдан?!!
(с)

[Masud Mahsudov]

Кетмоқдаман,
сағир тарихим ташлаб,
Ўзим орзу қилган сўнгсиз фироққа.
Кичиккина умид этагин ушлаб,
Ҳаловат топгани, жуда йироққа...
Кетмоқдаман;
Маъюс боқади кимдир,
Бошқаси дўпписин отар осмонга.
Аллаким хўрсинар, айтолмасдан сир,
Ва силтаб қўлини, ботар армонга...
Кетмоқдаман;
Барча кечмиш-ўтмишим,
Хотира аталмиш китобга жойлаб
Ортимга қарамай интилганча жим,
Қилган гуноҳларим бирма-бир ўйлаб...
Кетмоқдаман секин, гоҳида тезлаб,
Қалбимни ишқимга туҳфа этгани.
Кўзида туганмас толеъим излаб
Топганда, тонгларни бирга кутгани

Кетмоқдаман,
тақдир тайёрлаб қўйган,
Бахтли кунларимнинг кошонасига...

(c)

[Rustam Jabborov]

Алдама...

Бошингга қўнганда бахт қуши,
Бепарво қўл силтаб ҳайдама.
Ишонч бу - севгининг ўтмиши,
Сен мени ҳеч қачон алдама.

Сўз бериб, тилимдан илиндим,
Дил бериб, дилимдан тилиндим,
Умидим, энг сўнгги илинжим -
Сен мени ҳеч қачон алдама.

Ким мени суйди, ким суйдирди,
Аламлар боримни куйдирди.
Ёлғонлар жонимдан тўйдирди.
Сен мени ҳеч қачон алдама...

Севишсак, чин дилдан севайлик.
Бир куни пушаймон емайлик,
Севмасанг, севмайман де, майли,
Сен мени ҳеч қачон алдама!

Оқибат не бўлар, билмайман,
Дунёга мен қайтиб келмайман,
Пойингни қучоқлаб йиғлайман,
Ҳеч қачон... ҳеч қачон алдама!...

[pipicron]

Зарари ҳам, фойдаси ҳам йўқ инсондан зарарлироқ, фойдасизроқ инсон бўлмайди.

Бефарқ инсон.

Бефарқлик қалбимнинг касали,
Юқади, огоҳроқ юринглар.
Тегмасам кўп ҳурсанд бўлмасдан
Баъзида туртиб ҳам туринглар.

Зарарим тегмайди бировга,
Фойдамнинг тегмаси аниқроқ.
Мен каби дўст, душман боридан
Йўқлиги минг бора яхшироқ.

Мен сизга тегмайман, сиз менга,
Айбларни юзларга солмайман.
Туртмайман қояда турсангиз,
Жарликдан тортиб ҳам олмайман.

Куюнманг уришсам, сўкишсам,
Суюнманг йиғлаб ҳол сўрасам,
Танқидим юзаки, унутманг,
Талтайманг пахтага ўрасам.

Бефарқлик ташхисда топилмас,
Кўзларим айтмайди сирларим,
Донолик етишмас сизларда,
Кар, соқов, кўр бўлган пирларим.

Бефарқлик қонимнинг иллати,
Давоси борми, йўқ, билмайман.
Лек кўрсам жонкуяр инсонни,
Унга ҳам хеч хавас қилмайман.

(c) 14 Май, 2007 йил.

[Aliya]

Оқибат не бўлар, билмайман,
Дунёга мен қайтиб келмайман,
Пойингни қучоқлаб йиғлайман,
Ҳеч қачон... ҳеч қачон алдама!...

...Бахт қушлар учгани кўп бўлган,
Тутишга қудратим етмайди.
Севаман, дейишга қўймас шаън...
Алдашга журъатим етмайди...

Ҳеч йўқса, сиз сўзда турингиз,
Тилинса ҳам ишқдан дилингиз,
Сўз демоқ ҳолим йўқ, билингиз,
Алдашга журъатим етмайди...

Суйдирган, суйганман ўзим ҳам,
Аламда куйганман ўзим ҳам,
Ёлғондан тўйганман ўзим ҳам –
Алдашга журъатим етмайди...

Ёлғондан севдим, деб алдайми?
Пушаймон бўлдим, деб алдайми?
Ёлғонга кўнглингиз кўнгайми?!
Алдашга журъатим етмайди...

Толеъ деб берганим – Ҳаққи Раб,
Тонгларим отмоқда бахт сўраб...
Кўнглим-да, кўзига тик қараб
Алдашга журъатим етмайди...

Етишга қудратим етмайди...

[barlos]

Бу кетишда мен ҳам шоир бўлиб кетаманов...
Ҳозирча юқсин-юқсин деб турайликчи :)

[Gulinoz]

Alvido...

Ajib savdo bo'ldi, ne iloj,
Ayrildik.., ko'zlarimni yumdim.
Sizga shaydo bo'lgan yurakka,
Guldek muhabbatimni ko'mdim.

Qiziq ekan dunyo ishlari,
Qo'l siltamoq bo'lsaydi oson.
O'ngidan kelmadi tushlarim,
Tanam jonsiz, ruh kezar sarson.

Qarang, shamol daraht gullarin,
Olib uchar uzoq-uzoqqa,
Qani edi, dil so'zim yozsam,
Sochlarimga qo'ngan yaproqqa.

Yozdim yana hijron xatlari,
Bo'g'zimda titradi ovozlar.
Afsus, xatlar bormaydi sizga,
Sirdosh bo'ldi oppoq qog'ozlar...

[Gulchehra Ibragimova]

Бу кетишда мен ҳам шоир бўлиб кетаманов...
Ҳозирча юқсин-юқсин деб турайликчи :)

.http://uforum.uz/images/icons/icon7.gif.."қозонга яқин юрсанг...", деганларидек..агар иммунитетингиз паст бўлса ижод "дарди"нинг юқиши муаммо эмас..http://uforum.uz/images/icons/icon7.gif

[Ergash Yuldashev]

САБАБ

Не учун хавога сочармиз бор бутимизни
Не учун бесабаб хўрлаймиз ёрларимизни
Не учун жойламасмиз калбга нуру зиёни
Не учун фаркин билмасмиз марду номардни

Не учун ёмон сўз доимо тилларимизда
Не учун кигирлик кезади дилларимизда
Не учун нур кўринмас кўзларимизда
Не учун кувонч йўк кунларимизда

Сўзлар сехри сехрлайди юрагимизни
Хавоий нафс ўгирлайди иймонимизни
Бахор хусни кувонтирмас кўзларимизни
Дунё учун сарф этамиз сўзларимизни

Сесканмаймиз нафснинг хохишларидан
Маст бўламиз шайтонни олкишларидан
Кўркмаймиз мазлумнинг каргишларидан
Коникмаймиз кўрган кунларимиздан

Рухимиз хаста-ю кўймаймиз малхам
Дунё илинжида хавотирларимиз хам
Кўнглимизда доимо бирор гам-алам
Ўзинг бизни кечир кодири Эгам.

[Gulchehra Ibragimova]

Умр ўтмоқда


Гоҳ долғали, гоҳ сокин,
Гоҳо олмай бирор тин,
Кимда армон, кимда кин,
Умр ўтиб бормоқда...

Кимдир мағлуб, ким ғолиб,
Кимдир илдам, ким толиб,
Кимдир ортда кеч қолиб
Умр ўтиб бормоқда...

Кимдир ғамдан эгилган,
Кимдир йўлга тикилган,
Кимдир дарддан тўкилган
Умр ўтиб бормоқда...

Кимдир бахтдан мастона,
Яна ким шод, мардона,
Ҳаётга олмай қона
Умр ўтиб бормоқда..

Ким меҳрга зор бўлиб,
Кимдир ишқда хор бўлиб,
Ким севмасга ёр бўлиб,
Умр ўтиб кетмоқда..

Кимдир узр сўролмай,
Ким оёғда туролмай,
Кимдир бир уй қуролмай
..Умр ўтиб бормоқда..

Кимдир қўпол, кимдир ўр,
Кимнинг қалби сўқир кўр,
Кимнинг иши доим зўр,
Умр ўтиб кетмоқда..

Кимдан кетган оқибат,
Кимдандир кетган қувват,
Кимдир излаб ҳамон бахт
Умр ўтиб бормоқда..
Умр кетиб бормоқда...
(с)

[albatros]

Go'zal she'r bitibsiz, Gulchehra opa. Ibratli, falsafiy, insonlarga umr omonat, vaqt esa g'animat ekanligini yana bir bora go'zal satrlar ila uqtiribsiz.Mana bu satrlarga e'tibor beraylik:

Ким меҳрга зор бўлиб,
Кимдир ишқда хор бўлиб,
Ким севмасга ёр бўлиб,
Умр ўтиб кетмоқда..
Mehr, xor bo'lgan ishq, ko'ngli tosh bo'lgan inson bilan omonat umrni baxshida aylash... Bu satrlarni o'qir ekansiz beextiyor hayotni qadriga yetmoqni istaydi ko'ngil, baxtli damlari uchun shukronalar aytmoqni istaydi qalb...


Кимдир узр сўролмай,
Ким оёғда туролмай,
Кимдир бир уй қуролмай
..Умр ўтиб бормоқда..

Boriga qanoat qilmoq va shukr etmoqlikni yuqoridagi to'rt misradagi ma'nolar so'zlaydi bizga.

Dunyoda eng oliy tuyg'u - mehr bo'lsa ne ajab. Aynan bu tuyg'uning buyuk ekanligini oxirgi mana bu misralardan anglab olish qiyin emas:

Кимдан кетган оқибат,
Кимдандир кетган қувват,
Кимдир излаб ҳамон бахт
Умр ўтиб бормоқда..
Умр кетиб бормоқда...
Ha shoira opamiz aytganidek umr o'tib bormoqda, umr ketib bormoqda.
Shu o'rinda shoir M.Yusufni quyidagi misralarini ham eslab o'tishsak :
O'tar qancha yillar to'zoni,
Yulduzlar ko'z yoshi somoni
O'tar inson yaxshi - yomoni
Mehr qolur muhabbat qolur...

Yana falsafiy she'rlardan kutamiz sizdan ;) Ijodingizga omad !

[Masud Mahsudov]

Туним бедор,
Манзилим олис –
Тугамасдек, қанча йўл юрсам.
Ҳаловатни қилармидим ҳис,
Юрагинга яқинроқ борсам...

Қулоққа сўз илардинг балки,
Дардларимни билардинг балки,
Сочларимни силардинг балки,
Юрагинга яқинроқ борсам...

Қалбим туби қатра-қатра зар,
Деворидан меҳрлар томар,
Муштдек жойдан қизғанма, агар
Юрагинга яқинроқ борсам...

Насиб этиб,
қадамлар етиб,
Изҳор айтсам розингни кутиб,
Юрагимни қўйма инжитиб,
Юрагинга яқинроқ борсам...

Дил уйимга меҳмон бўлса ғам,
Андуҳларга тўлганда дийдам,
Дариғ тутма лутфинг азизам,
Юрагинга яқинроқ борсам...

Йироқлашма, яқин олиб мен,
Юрагинга яқинроқ борсам...

(c)

[Gulchehra Ibragimova]

Кўнглим, сенинг кўзинг кўрми?
(Халқона услубга яқин...ва йиғлоқи шеър. Кайфиятга қараб)

Мени бироз холи қўйинг дўстларим,
Тўйиб йиғлаб бир хумордан чиқайин.
Халал берманг, майли сел бўб оқайин
Кетаяпман кенг дунёга сиғмайин..

Яратганим ишинг йўқми мен билан,
Ўз кўнглимни кўнглин топмай хоридим,
Киши билмас дардлар билан қоврулдим,
Ахир мен ҳам бу дунёда бор эдим..

Айтгил кўнглим сенинг кўзинг бормиди,
Нечун сенга дунёлари тор бўлди?.
Кечир кўнглим кўзинг балки кўрмиди,
Севар туриб дил севмасга ёр бўлди..

Онам дейми, Онажон деб йиғлайми,
Отам дейми, юрак бағрим тиғлайми..
Тор қорнингга сиққандим-ку, жон Онам,
Энди қолдим бу дунёга сиғмай-ми?..

..айтгил, энди кимим бор деб йиғлайми..
Ҳамма сиққан дунёга мен сиғмайми..
Дунё дерлар ўзи бузуқ арава,
Мен қолайми, аравангга чиқмайми?..

Холи қўйинг бугун тўлиб тўкилай..
Яшарманми мен ҳам бир кун ўкинмай..

(c)

[Gulchehra Ibragimova]

Бевафонинг қариндоши, эй дунё

(Халқона...(ча))

Аламлари бўғзимгача тўйдирди,
Онам бўлса, қўй йиғлама, қўй дерди..
Миш-мишлари пичоқсиз ҳам сўйдирди,
Бебош кўнгил,
.. суймай ўлсин куйдирди!..

Ғамнинг келар эшиклари кўп экан,
Бирин ёпсанг, бири очиқ қоларкан.
Бугун менинг бўйларимни дард эгган
Товонимга ботиб борар хас, тикан..

Севги агар бўлса эди, топардим,
Йўқ бўлсайди, йўқ деб эшик ёпардим..
Севмаса ҳам гўрга эди,
билсайди,
Ортдан қолмай соя каби чопардим..

Бисотингда битта чимдим ор борми?
Куйдирмажон, куйган мендек хор борми?
Бунча совуқ, нигоҳингда бир чўғ йўқ,
Ховуримни босиб олай, қор борми?

..ўланчи қиз, айтмай тургин ёр-ёрни,
..йўлларида мендек ишққа зор борми?
Бевафони қариндоши эй дунё,
Айрилганни осгувчи бир дор борми?..

..ўланчи қиз айтмай тургин ёр-ёрни.
ишқ йўлида мендайин бир хор борми?..
2012, 11 июнь
(с)

[Aliya]

..ўланчи қиз айтмай
тургин ёр-ёрни.
ишқ йўлида мендайин
бир хор борми?..

Tun yarmida bedor etib dunyongiz,
Ko'zyosh dayri sari eltgan kim edi?
Qandoq qilib qoldirmoq mumkin yolg'iz,
Ko'zingizdan ashk oqqani chin edi...

[Gulchehra Ibragimova]

Ko'zingizdan ashk oqqani chin edi...
Раҳмат, Шаҳнозабону...тўлиб турган эканман, бир тўкилдим..ижод аҳлида тез-тез бўлиб туради-ку бунақа ҳолатлар...шеърим билан бирга йиғлашдик..:cray:Шоир айтганидек: " кўнглим кел сен билан тўйиб йиғлайлик"..шунақамиди?
Ўшандай мен ҳам:
Юпанч бўлгин менга шеърият,
Кел сен билан тўйиб йиғлайин..
Кўксингни оч, қучоғингни оч,
Бағрингга бош қўйиб йиғлайин..:cray:

..кел сен билан бирга йиғлайин..дегим келди..бугун

[Aliya]

Ko'zingizdan ashk oqqani chin edi...
Раҳмат, Шаҳнозабону...тўлиб турган эканман, бир тўкилдим..ижод аҳлида тез-тез бўлиб туради-ку бунақа ҳолатлар...шеърим билан бирга йиғлашдик..:cray:Шоир айтганидек: " кўнглим кел сен билан тўйиб йиғлайлик"..шунақамиди?
Ўшандай мен ҳам:
Юпанч бўлгин менга шеърият,
Кел сен билан тўйиб йиғлайин..
Кўксингни оч, қучоғингни оч,
Бағрингга бош қўйиб йиғлайин..:cray:

..кел сен билан бирга йиғлайин..дегим келди..бугун

Yurakdagi zardob haddan oshib ketdi,
Haroratim tutib ketdi samolarni.
Daryolari yuragimdan toshib ketdi,
Dunyosiga qo'l siltadim dunyolarni...

Yig'lolmadim... Mening uchun uchun yig'lab bering...

Yuragingiz achishadi bo'htonlarga,
Duch kelasiz ba'zan nokas, yomonlarga...
Ters aylanib, keldik siyoh zamonlarga,
Qora bulut to'lib ketdi osmonlarga...

Yig'lolmadim... Mening uchun yig'lab bering...

Taqdir qanday sinovlarga tomon otdi -
Tonglar qora otdi, zulmat yomon otdi,
Yuragimga dard lashkari paykon otdi,
Azobiga chidab-chidab, diydam qotdi...

Yig'lolmadim... Mening uchun yig'lab bering...
Bir yig'lang-ki, dunyo dardi oqib ketsin...

[Minglar]

Ko’zlarimda yashnagan dunyo,
Ko’zlarimda yashagan dunyo,

Yuragimdek jon deb qalqigan,
Go’zallikni suyub alqagan,
Sirlarini ichda saqlagan,
Goho nursiz , goh yaraqlagan,

Tunlari bor, kunduzlari bor,
Oylari bor , yulduzlari bor,
Mardlari bor , yuzsizlari bor,
Nozikta’bu hissizlari bor,

Guli tikon bilan o’ralgan,
Duri ilon bilan qaralgan,
Ming zahmatda rohat yaralgan,
Chumoliday jonim ustiga,
Qoyalarni tashlagan dunyo…

Yuragim-da ketsa ezilib,
Hali belim ketmas uzulib.


(C)

[мафтун]

кеча битта туртлик ёзгандим...

биринчи марта ....



Гарчи гумрохларнинг не парвоси бор,
Хар бир ибтидонинг интихоси бор.
Мансабни мерос деб кабул килган зот,
Хар бир фиръавннинг уз Мусоси бор...

2012.

[Masud Mahsudov]

кеча битта туртлик ёзгандим...

биринчи марта ....



...
2012.

Xush kelibsiz, мафтун! Анчадан бери кутаётгандик чиройли шеърларингизни...

[Aliya]

Qora tunning zulmati ko`nglingni xufton qilsa,
Qalbingda ne dard-alam – barini hijron qilsa,
Yuraging ayriliqqa chidolmay isyon qilsa,
Armon tig`i bag`ringni tilkalasa, qon qilsa –
Bugun tushingga kirgum – sog`ingan bo`lsang mani,
Sochlarimni silashga va`da bersang bo`lgani...

Bir lahzaga qo`llaring qo`limdan tutolmasa,
Hayoling izlarimni izlasa – topolmasa,
Yo topsa ham, ortidan yugursa – yetolmasa,
Firoqning hasratiga yuraging chidolmasa –
Bugun tushingga kirgum – sog`ingan bo`lsang mani,
Sochlarimni silashga va`da bersang bo`lgani...

Alamlaring ko`zingdan to`kilmasin yosh bo`lib,
Sen ularga qasdda tur - baxtli, bag`ritosh bo`lib,
Bu kecha tushlaringda qolgumdir yo`ldosh bo`lib,
Tunlaring yoritmoq-chun Oy emas, Quyosh bo`lib –
Bugun tushingga kirgum – sog`ingan bo`lsang mani,
Sochlarimni silashga va`da bersang bo`lgani...

[Rustam Jabborov]

Бунчалар чиройли куласан?

Озурда кўнглимни овутиб,
Ғамлардан чалғитмоқ бўласан.
Дард тўла дунёни унутиб,
Бунчалар чиройли куласан?

Сен менинг нажоткор фариштам,
Тунимни ёритган шуъласан.
Кулгингни тонгларга алишмам,
Бунчалар чиройли куласан?

Азизам, мен сени ҳаммадан,
Ҳаммадан қизғонгум, биласан.
Рашкимни қўзғатиб дам-бадам
Бунчалар чиройли куласан?

Насибим бўлганда висолинг,
Бағримда ой бўлиб тўласан.
Шивирлаб қучаман:
“Ҳилолим,
Бунчалар чиройли куласан?”

[Rustam Jabborov]

Сендан ҳам айрилсам... қайдан топаман...?

Бу рангсиз оламда яхшиям сен бор...
Ғамдан зада бўлган дилимга таскин.
Айт, ахир сендан-да сулувроқ ким бор?
Қайда бор мен каби афтода, мискин?

Мен кимман, кўнгилда саргашта ошиқ
Васлинг илинжида далли-девона.
Кўнгил шеърга муштоқ дафтардек очиқ,
Ҳар тун манзилингга руҳим равона...

Кадар гул юзингга солмасин соя –
Беҳуда ранжитсам, дилинг ғаш қилсам,
Сочингни силаса дайди шаббода,
Оёғингни қучса, ердан рашк қилсам...

Беайб - парвардигор, дерлар наилож
Мен хам бир гунохкор, осий бандаман,
Йиғласанг – кўзингдан тўкилган кўз ёш,
Кулсанг – рухсорингдан тошган хандаман.

Келгин кипригингни лабларимга эк,
Юзларинг тафтидан юзларим ёнсин,
Юраклар қатида мангу музликдек
Мудраб ётган ҳислар энди уйғонсин.

Уялма, туйғулар этса ғалаён,
Олтин лаҳзаларни совурма елга,
Кўксингда бир қалқиб сўнган ҳаяжон
Эрта армон бўлиб чўкмасин дилга.

Кел, қучай, борлиғинг эритсин тафтим,
Бағримдан ситилсанг, қайга чопаман?
Мен сени ўзимдан айрилиб топдим,
Сендан ҳам айрилсам... қайдан топаман...

[barlos]

Сендан ҳам айрилсам... қайдан топаман...?

Бошқа шоир(а)ларнинг ижодига ҳурмат билан қараган ҳолда, Рустам Жабборовнинг шеърларида оддийлик ва самимийлик уфуриб туришини таъкидлаш жоиз. Менимча, Рустамнинг ҳам ютуғи шунда.

[Aliya]

Бу рангсиз оламда яхшиям сен бор...
Ғамдан зада бўлган дилимга таскин.

Mana shu so`zlar menga juda ma`qul bo`ldi.

Бошқа шоир(а)ларнинг ижодига ҳурмат билан қараган ҳолда, Рустам Жабборовнинг шеърларида оддийлик ва самимийлик уфуриб туришини таъкидлаш жоиз.

Fikringizga qo`shilaman.
Ilk marta bundan bir necha yillar ilgari

"Siz meni baribir yaxshi ko`rasiz..."

satrlari bilan tugaydigan she`rlarini o`qiganimda, bu she`r menga judayam ma`qul bo`lgan. O`sha paytda kun kelib ushbu she`r muallifining shogirdi bo`laman, deb sirayam o`ylamagandim.

[pipicron]

Сен келмадинг.

Етим бўлиб қолган ишқим қон йиғлади,
Муҳаббатсиз танда қолган жон йиғлади,
Хижронингда оҳ чекиб ҳар он йиғлади,
Йиғлаб, йиғлаб қолди меҳрим, сен келмадинг.

Ғунчаси йўқ боғда булбул сайрамайди,
Муз юракда ишқи бор дил яйрамайди,
Тош меҳрда ишқ тиғини қайрамайди,
Бўзлаб, бўзлаб толди меҳрим, сен келмадинг.

Мажнун дерлар муҳаббатни куйлаганни,
Ошиқ демас хижронларда куймаганни,
Хаттo ажал четлаб ўтар суймаганни,
Куйлаб, куйлаб ўлди меҳрим, сен келмадинг

(С) 28 сентябрь, 2004 йил.

[Masud Mahsudov]

Ичимда бир нима ғимирлар,
Гоҳ фарёд уради, гоҳи жим.
Ҳар битта хужайрам шивирлар –
“Мен Сизни жудаям соғиндим”.

Майлига, дунёлар ўзгарса,
Умр ҳам кузлардек сарғарса,
Ўйимда бошқа йўқ ҳеч нарса –
Мен Сизни жудаям соғиндим.

Хаёлда гул юзингиз расми,
Хайронман, ишқ кўзи кўрмасми?
Бошқалар не деса дермасми –
Мен Сизни жудаям соғиндим.

Ғалати ҳислардан бошим ганг,
Интиқиб, қақшаган дилим танг,
Қалбим ё шунданми лоларанг? –
Мен Сизни жудаям соғиндим.

Ҳеч кимга айтилмас бу сирлар,
Юрак ҳам ўзгача типирлар,
Ҳар битта ҳужайрам шивирлар –
“Мен Сизни жудаям соғиндим”.

(c)

[Masud Mahsudov]

Аламга тўлганда кунларим,
Чорасиз қолганим онимда,
Чин бахтдан умидвор тунларим,
Яхшиям, Сиз борсиз ёнимда.

Кўзингиз ҳеч кимга ўхшамас,
Сўзингиз ҳеч кимга ўхшамас,
Шукрким, бошқамас, ўзгамас,
Яхшиям, Сиз борсиз ёнимда.

Иқболни мисқоллаб тергани,
Умр йўлин мустаҳкам қургани,
Сўнг унда бирликда юргани,
Яхшиям, Сиз борсиз ёнимда.

Аразлаб, рашкини сочгувчим,
Тик боқмас, нигоҳи қочгувчим,
Дардлашиб, кўнглимни очгувчим –
Яхшиям, Сиз борсиз ёнимда.

Тез-секин ҳаёт карвонимда,
Ишқ оқар томирда қонимда,
Сиз менинг қалбимда, жонимда,
Яхшиям, Сиз борсиз ёнимда.

(c)

[pipicron]

Тушунмади мени инсонлар! Улар доҳий, мен эса манқурт,
Тушунмади мени муҳаббат! Вафо кетди, қолди бир бебурд.
Тушунмади менинг юрагим, олов ўчди, қолмай хатто дуд,
Хатто ажал йўқламас бўлиб, тош юракли бемехр қолди.

Рўё дерлар орзуларимни. Бойлик бўлди қабр тошлари.
Харом дерлар мехрларимни. Ҳалол бўлди берган ошлари.
Унут дерлар армонларимни, кулгу бўлди кўзим ёшлари,
Эл танимас, иззатин билмас тош юракли бир сағир қолди.

Хақиқатим ёлғон дедилар. Бахт келтирди ёлғон сўзларим.
Оқ кўрганим қора дедилар. Кўрмай қолди қора кўзларим.
Дўстларимни ғаним дедилар. Ширин сўзли бўлди дўстларим,
Ом аҳлига бир султон бўлиб тош юракли бир фақир қолди.

Ният қилдим, сайру фазовий. Кўр дедилар тарки жахонни.
Билган эдим бандаи Оллоҳ. Бил дедилар яхши ёмонни.
Суйган эдим ишқи илоҳий. Суй дедилар ишқи замонни,
Муҳаббатсиз ҳаётдан кечган тош юракли тошбағир қолди.

24 июль, 2006 йил.

[Aliya]

Dunyo bevafodir, yolg`ondir, begim...

Dunyo bevafodir, yolg`ondir, begim,
Yana ne sinovlar kutmoqda bizni?
Yigit yig`lamaydi, deydilar, lekin,
Siz... Meni sog`inib yig`lamaysizmi...?

Sog`inch yoshlariga g`arq bo`ldim, BEGIM...

Mudroq ko`zlarini ochganida tong,
Falak peshtoqiga qo`nganida kun,
Sabolar diydordan urganida bong,
Sizni xush chehrada qarshilamoq-chun -
Yorug` tushlarimdan qarz bo`ldim, BEGIM...

Bitmas ekan dilda sog`inch shikasti,
Ko`zyosh yuvmas ekan hijron dog`ini.
Baxtimizga ravo taqdirning qasdi,
Xazonlar quchdimi visol bog`ini?

Sizga tuganmas bir dard bo`ldim, BEGIM...

[Гўзал]

Мен Сизни юрагим дея атайман...

Мен Сизни қуёшим, дея атайман,
Қалбим зулматини тўлдириб нурга,
Кўзим қароғини бойитиб дурга,
Меҳр зиёсини жо қилиб дилга,
Мен Сизни қуёшим, дея атайман.

Мен Сизни баҳорим, дея атайман,
Юрагим эзганда хазонрез боғлар,
Қор остида мунғайиб қолганда тоғлар,
Сизнинг нафасингиз гулларга чорлар,
Мен Сизни баҳорим, дея атайман.

Мен Сизни дармоним, дея атайман,
Майли гиёҳ мендан юз ўгирса ҳам,
Турфа дард, аламга кўмилганим дам,
Табиб-у ҳакимга ташламай қадам,
Мен Сизни дармоним, дея атайман.

Мен Сизни юрагим, дея атайман,
Қадри йўқ дунёда бисот, бойлигим,
Дуо-ю тилак ҳам ният поклигим,
Юксаклардан юксак олий жойлигим,
Мен Сизни юрагим, дея атайман! (с)

[Гўзал]

Яхши кўраман...

Қуруқ чўлга ўхшаса танам,
Сиз дарёсиз, унга жон мисол.
Ташвишлардан чўкиб кетсам ҳам,
Юрагимда порлайсиз ҳилол.

Кунларимда бўлмаса маъно,
Исмингиз-ла киритгум мазмун.
Дардларимга қилибон даво,
Ғамларимни аритгум бутун.

Ҳаётда гоҳ қолсам чорасиз,
Сиз-ла суҳбат қуриб мен аста.
Жавобларни чўкдираман тиз,
Муаммони ечиб бир пасда.

Борингизга шукр азизим,
Сиз бўлсангиз, мен ҳам бўламан.
Сизга айтай ушбу дил-сўзим:
Сизни жуда яхши кўраман! (с)

[pipicron]

Муҳаббат ортига қайтмади…

Боғимга қайтганда саболар
Қайтадан яралди наволар
Шабнамга тўйганда ҳаволар,
Муҳаббат ортига қайтмади.
Қаерда қолганин айтмади.

Келганда ғунча деб узмадим
Юракнинг зулфинин бузмадим
Мухаббат эканин сезмадим.
Адашдим. Кетди-ю, қайтмади.
Севгилим эканин айтмади.

Зор бўлиб кутганим етмасдан
Ўзгага парво ҳам этмасдан
Ортидан эргашиб кетмасдан
Қолгандим. У эса қайтмади,
«Юр бирга кетдик» - деб айтмади.

Ажиб сўқмоқларда қоқинди юрак…
Муҳаббат боғида ёлғончи юрак
Бўлганда мен эмас, у менга керак,
Муҳаббат ортига қайтмади.
Қайтса ҳам манзилин айтмади.

Азимга айланди нозик бўй нихол…
Бир умр ҳижронда тўлғониб беҳол
Бўлганда дилпора етишмай висол
Муҳаббат ортига қайтмади.
Ортига қайтмасин айтмади.

(с) 14 Август, 2001 йил.

[Гўзал]

Сизни соғинганда...

Сизни соғинганда дил умид-ла лим,
Ҳатто осмонларга етади қўлим.
Сизни соғинишда кўраман бахтим,
Соғинмаган куним мен учун ўлим.

Сизни соғинганда маъюс куй-наво,
Шўхчанлик сойига кетади сингиб,
Гўё азобимга бўлгандай даво,
Соғинчлар дардимни бормоқда енгиб.

Сизни соғинганда, юзда табассум,
Кўзгуга боқаман бахтимдан қувнаб.
Унда дийдорингиз кўриб мен бир зум,
Узоқ вақт юраман кўнгилни хушлаб.

Сизни соғинганда, орзу ёнма-ён,
Бир дам ёнингизда бўлиб қоламан.
Хаёллар йўл олиб фақат Сиз томон,
Ҳар лаҳза, ҳар онда қўмсаб қоламан. (c)

[Гўзал]

Нома

Маҳбубимга етиб бориб ушбу сўзлар,
Қалбимдаги соғинчларим аён этсин.
Йўлларига муштоқ турган ёшли кўзлар,
Сиҳатининг муждасидан нурга тўлсин.

Чаманзорлар бўлиб кетсин ўнг-у сўли,
Дийдор эса висол отлиқ гуллар тутсин.
Ўраб олсин уни боқий бахтнинг қўли,
Етаклашиб умр бўйи бирга юрсин.

Армон нима билмасин ҳеч ҳаётида,
Юксак орзу, ниятлари рўёб ўлсин.
Кулиб юрсин ошнолар-ла,лек кўнглида,
Ҳар дам, ҳар он Танҳо, ёлғиз ёри бўлсин! (c)

[Minglar]

Siz yolg’iz emassiz , har holda men bor,
Men yolg’iz emasman – siz borsiz , siz bor.
Suyanishib qoldik ikkimiz,
Umrning changalzor so’qmoqlarida…

Sizsiz yiqilmog’im ayon, sababi,
Tik qolmoqdan ma’no yo’qolur,
Zaminsiz qolgan qoya kabi…


(C)

[Minglar]

Кўнгил саёҳатдан қайтди уйига,
Костюмини ечди, сўнг михга илди,
Туфлисин авайлаб ечиб пойгакка ,
Соғинчдан чанг босган хонага кирди.

Анчаин йўлларни босиб ҳам қўйган ,
Қанча кўчаларга кириб қайтди у ...
Неча шайтон билан ошиқ ўйнашиб,
Сулувлар шаънига қўшиқ айтди у.

Хона эса эшик ёпмаган эди,
Икки деразасин кўзи йўлкада,
Бу ховлини ташлаб кетмаган эди,
(Ташлаб кетмайдилар бизнинг ўлкада).

Фақат деворлари энди жарангсиз,
Эшикги ҳам озроқ қийшайиб қолган,
Пардалар осилиб чарчаган, рангсиз...
Тушунаман... йиллар шу кўйга солган.

Кўнгил манзилига етди оҳири,
Энди ётса бўлар сўзсиз , чўзилиб...
Хона ҳасратларин айтиб тонггача ,
Тўкила бошлади чўкиб, бузилиб.


(C)

[Mahmud Jurat]

***
Билсам эдим қайда юрганим, бахт деганин англаб етардим,
Ўтмишимдан чиқиб ногаҳон, келажакга қараб кетардим.
Йўқ ўтмиш йўқ орқалар бўм бўш, келажаги етиб келмаган.
Мен ҳаётнинг ҳозири билан, курашларга чўмиб келаман.

***
Нолалар рутбасин ёзмоқ истадим
Мастман,
Хасталар дардига бўлолдим мардум
Хасман,
Эй дўст, менга бир йўл кўрсат
Борайин олға,
Муштоқ кунларингга балким ярадим
Дўстман.

Кўнглимиз баҳори обдон кечикди
Гул йўқ,
Бизни деб яқинлар обдон ичикди
Пул йўқ,
Изладик яқинлар кўнглига малҳам
Топмадик,
Ноилож шўнғидик топиб ичкилик
Йўл йўқ.

Тақдир деб Тангрининг номини тутдик
Нажот,
Билмадик шундайин умримиз ўтди
Ҳайҳот,
Вақтнинг гарданидан тутиш ўрнига
Баҳона
Биз асли ўзликни унутдик
Войдод.

Нолалар кемирган ҳаётни топмадик
Пушаймон,
Бир зум дам бермай қийнадик отни
Иймон,
Дил хун, дарахт экиб уй солдик
Ўғлимиз ёнда,
Қаранга, ҳаммаси жойида, биз нега
Ҳайрон.
***
Қон дилим, тўймас шаробим
Қатраси қилгай хароб.
Йил ўқиб битмас китобим
То мени қилгай туроб.

Ногаҳонда билмай ичдим
Бағримни куйдирди май.
Оҳ бу дарддан етар чимдим,
Ўлдирар тўйдинг демай.

Ичган сайин ёнар юрак
Ташналик қонмайди ҳеч.
Бошим сархуш мен бедарак
Кун ботиб ютгайми кеч.

Бу шароб қонимга асли
Тангридан битилган ғишт.
Ҳар нотавон ёнар фасли
Май номин атайди ишқ.

***
Етим чайлаларга бошимни тиқиб,
Саратон сайлидан қочган маҳаллар...,
Гард, тупроқ йўлларда олдимдан чиқиб,
Илондай судралган сўнгсиз хаёллар.

Чўлдаги қизғалдоқ билмайди ҳасрат,
Чигиртка азонин тушда айтади.
Оққурай баргида титрар ҳарорат,
Тириклик гулшани чўлга қайтади.

Мен тинмай тонгларга орзуқиб ўтдим,
Каррак ва ковулдай ўқидим номоз.
Мени боғлаб олган минг битта удум,
Эркин яшашимга бермас эди роз.

Орзумга интилиб ҳар бир қора кун,
Болалик руҳида яшадим карахт.
Менинг орзуларим ушалсин учун
Тик туриб ибодат қиларди дарахт.
04.04.12

[Gulchehra Ibragimova]

С О Ғ И Н Г А Н Д А

Кўзимнинг тўккани абрдир,
Кўнглимнинг чеккани жабрдир
Сарғайиб тугаган сабрдир
Мен сизни соғиндим азизим..

Йўлингиз қарайман ўкиниб,
Сув каби боряпман тўкилиб
Юрак ҳам чокидан сўкилиб
Мен сизни соғиндим азизим..

Дардбоним қайдадир даво йўқ,
Сиқилиб боряпман ҳаво йўқ,
Изладим сиз каби маъво йўқ
Мен сизни соғиндим азизим..

Хажрлар алами зўрайди,
Гуллар ҳам сиз ҳақда сўрайди
Кўзимга бу олам торайди
Мен сизни соғиндим азизим..
Соғиндим.. мен сизни соғиндим..
(с)

[Баходир кушаков]

Мастман,
Ростдан ҳам мастликда ёзмадингизми бу шеърни домла?

[Mahmud Jurat]

Ростдан ҳам мастликда ёзмадингизми бу шеърни домла?

Бундай саволга бошқа тилларда "Изоҳ берилмайди" деб жавоб қайтаришади. Бундан, менимча, хафа бўлмасангиз керак.

[Баходир кушаков]

Бундай саволга бошқа тилларда "Изоҳ берилмайди" деб жавоб қайтаришади. Бундан, менимча, хафа бўлмасангиз керак.
Нега ҳафа бўлай,сиз ёзган сўзлар қаторини ўқиб,бир қизиқдимда.Гап йўқ."Комментарии излишни".

[Gulchehra Ibragimova]

..га
Бўйлашма мен билан
бўйинг етмайди,
Мен турган чўққига
ўйинг етмайди
Алмисоқдан қолган ноғоранг чалма
Юракка ишқ керак..
куйинг етмайди...

Оймасман ва лекин қўлинг етмайди,
Айланма ўнг ҳамда сўлинг етмайди.
Бандасан бунчаям оввора бўлма
Сен отган на тошу дўлинг етмайди..

Мен истар манзилга етиб бўлганман-
Сен борар яримта йўлдан асрасин...
(с)

[Masud Mahsudov]

..га
Бўйлашма мен билан
бўйинг етмайди,
Мен турган чўққига
ўйинг етмайди
Алмисоқдан қолган ноғоранг чалма
Юракка ишқ керак..
куйинг етмайди...

Оймасман ва лекин қўлинг етмайди,
Айланма ўнг ҳамда сўлинг етмайди.
Бандасан бунчаям оввора бўлма
Сен отган на тошу дўлинг етмайди..

Мен истар манзилга етиб бўлганман-
Сен борар яримта йўлдан асрасин...
(с)


Bandasiga murojaat qilib, o'zni xudoga tenglashtirish - mushriklikka kiradi... :)

[Aliya]

Bandasiga murojaat qilib, o'zni xudoga tenglashtirish - mushriklikka kiradi...

Men bu yerda "o'zni Xudoga tenglashtirish"ni ko`rmadim. Menimcha bu yerda xalq tilida aytganda "misi chiqqan" oshiqqa nisbatan nafrat ko`zda tutilgan bo`lsa kerak. Mening ham shu ma`nodagi bir she`rim (http://uforum.uz/showthread.php?p=565365&postcount=746) bor edi...

"Mendagi ishq buyukdan buyuk,
Loyiq emas inson bolasi...
Zamin uzra yaralgani yo'q -
Yuragimning shirin nolasi..."

Bu she`r ham ayni shu mazmunda yozilganiga ishonchim komil...

[Баходир кушаков]

Men bu yerda "o'zni Xudoga tenglashtirish"ni ko`rmadim
Жуда тўғри фикр.Қўшиламан.Мен бу мисраларни -бандасан сен ҳам мендек,Ҳудомассану,Менга отган дўлу тошларинг менга етмайди мен сендан ўзиб кетганман,дунёимиз борасида бир биримиздан йироқмиз маъносида тушиндим.Сен ҳали ярим йўлдасан дебдилару.

[pipicron]

Bandasiga murojaat qilib, o'zni xudoga tenglashtirish - mushriklikka kiradi..

Бандани тўғри йўлга бошламоқлик ва унга хатоларни кўрсатмоқлик хам савоб ишдир. Шеърда бандага мурожаатни кўрдим, уни банда эканлигини эслатганини гувохи бўлдим, лекин олий мақомга даъвогарликни кўрмадим. Балки дадил ва ишонч билан айтилган баъзи сўзлар илохийнинг илохийлигини исботлаш учун илохий далиллар талаб қилувчилар наздида хатодир, лекин инсониятга яхшилик қилиш учун инсон аввало ўзига ишонч хосил қилиши керак.


Мен истар манзилга етиб бўлганман-
Сен борар яримта йўлдан асрасин...

Бу сатрлар эса кўпчиликка ибрат бўлса керак:
Майли, борар манзилимизга етмагандирмиз, лекин мақсадимиз аросат эмасми? Хар бир банда ўйлаб ўзига хулоса чиқариши керак.

Бундан ташқари бу ерда нафақат ишқ хақида, адашмасам, инсонннинг кўпгина хислари хақида хам фикр юритилган.

Алмисоқдан қолган ноғоранг чалма
Юракка ишқ керак..
куйинг етмайди...

Ишқ нималигини билганлар учун изохга хожат қолмаганди....

[Masud Mahsudov]

Men bu yerda "o'zni Xudoga tenglashtirish"ni ko`rmadim
Жуда тўғри фикр.Қўшиламан.Мен бу мисраларни -бандасан сен ҳам мендек,Ҳудомассану,Менга отган дўлу тошларинг менга етмайди мен сендан ўзиб кетганман,дунёимиз борасида бир биримиздан йироқмиз маъносида тушиндим.Сен ҳали ярим йўлдасан дебдилару.

Men esa u misralarda kibrni ko'rdim, ya'ni, "Sen kim bo'libsan, menga tenglashadigan, Men sendan ancha yuqoridaman". Menga yetishga ulgurasanmi, yo'qmi, degandek ma'no... Sharq she'riyatida, odatda kishi o'zini hokisor tutishi, kamtarinligi kuylanadi, bilishimcha. Agar u tasavvufda bo'lsa, Yaratganning ishqiga yetishish yo'lida inson o'zini qanchalik kibrli tutsa, shuncha uzoqlashishini ham ko'p kuzatganman.

Shu bilan birga, yuqorida muallif o'zini "Sen bandasan" (e'tibor bering, men kabi bandasan, degan ma'noni anglamaysiz bu yerda, qayta o'qib chiqing :) ), men esa Sendan ancha o'zib ketganman, demoqda. Bu esa, kibrdan dalolat.

Kishining xatosini ko'rsatish - yaxshi odat, biroq bunda inson o'zini namuna qilishi, takabburlikdan, o'ziga ortiqcha baho berishidan. Odatda, xatoni ko'rsatishda ulamolarga qiyoslanadi, payg'ambarimizga qiyoslanadi, ularning fazilatlarini namuna qilib ko'rsatiladi...

[Masud Mahsudov]

Ҳаёт – паст-баланддан иборат сўқмоқ,
Унга гоҳ гул, гоҳи тикан ўралган.
Ойнинг-да, юзида азал эрур доғ,
Бу дунё аслида бир кам яралган.

Эзгуликка абад ёндошдир мушкул,
Шукрки, оқибат яшар ҳартугул.
Олами фонийнинг устунлари ул –
Яхшилар негадир мулзам яралган.

Инсонни букади туҳмат тошлари,
Йиғидан емрилар тоғ бардошлари...
Гўдакнинг тинмайин тўккан ёшлари
Йиғилиб, сўнг оби зам-зам яралган

Кун ўтар, қоврилиб турмуш ўтида,
Баъзан шукр қилиб, баъзида чидаб...
Бахт дея аталмиш уйим четида,
Мунғайиб, ҳеч кетмас ғуссам яралган

Кўнгил яримларнинг маъвоси бўлиб,
Чин дўстликнинг асил маъноси бўлиб,
Ҳижронлар азобин давоси бўлиб,
Меҳр, деб аталмиш малҳам яралган

Ҳаётнинг маъносин қайдан билардик?
Кимга ҳавас қилиб, кимга кулардик?
Нима ҳам деярдик, не ҳам қилардик?
Бу дунё аслида бир кам яралган...

(c)

[Nigora Umarova]

Men esa u misralarda kibrni ko'rdim, ya'ni, "Sen kim bo'libsan, menga tenglashadigan, Men sendan ancha yuqoridaman". Menga yetishga ulgurasanmi, yo'qmi, degandek ma'no... Sharq she'riyatida, odatda kishi o'zini hokisor tutishi, kamtarinligi kuylanadi, bilishimcha. Agar u tasavvufda bo'lsa, Yaratganning ishqiga yetishish yo'lida inson o'zini qanchalik kibrli tutsa, shuncha uzoqlashishini ham ko'p kuzatganman.

Shu bilan birga, yuqorida muallif o'zini "Sen bandasan" (e'tibor bering, men kabi bandasan, degan ma'noni anglamaysiz bu yerda, qayta o'qib chiqing :) ), men esa Sendan ancha o'zib ketganman, demoqda. Bu esa, kibrdan dalolat.

Kishining xatosini ko'rsatish - yaxshi odat, biroq bunda inson o'zini namuna qilishi, takabburlikdan, o'ziga ortiqcha baho berishidan. Odatda, xatoni ko'rsatishda ulamolarga qiyoslanadi, payg'ambarimizga qiyoslanadi, ularning fazilatlarini namuna qilib ko'rsatiladi...

She'riyat zimmasidagi mas'uliyatli vazifa-odam qalbini o'tkinchi va mayda tuyg'ulardan, yovuz va tuban tushunchalardan omon saqlash, poklash, undagi hayotdagi sobit haqiqatlarga e'tiqodni ifodalaydigan fikru tuyg'ularni tarkib toptirishdan iborat.
She'riyat insonni o'zining ko'ngli, xotiroti va ma'naviy faoliyati uchun mas'ul bo'lishga o'rgatadigan beqiyos muallim va murabbiyligini ahli ijod-forumimizning shoirlari unutmasalar yaxshi bo'lardi. Insoniy ishqning hosilasi-Olloh sevgisi bo'lganidek, haqiqiy ishqning mevasi-olam va odamga muhabbatdir. Shunday ekan she'riyatda nafratni ifodalash joizmikan?She'riyat ko'ngil ishi ekan, u odamlarni birlik va hamjihatlikka chorlaydigan kayfiyatni tug'dirmog'i kerak emasmi?!..
Bil'aks, she'r insonda yaratilishidan mavjud bo'lgan soflik, begunohlik, mehribonlik, kamtarinlik kabi xususiyat, qobiliyat va fazilatlarni mushtarak hamda mukammal tarzda asrab-avaylash, taraqqiy toptirishga g'amxo'rlik ko'rsatadi. Kibru-havoni emas. She'rni o'qigan o'quvchi shoir shaxsining yorqin aksini ko'radi.

[Masud Mahsudov]

She'riyat zimmasidagi mas'uliyatli vazifa-odam qalbini o'tkinchi va mayda tuyg'ulardan, yovuz va tuban tushunchalardan omon saqlash, poklash, undagi hayotdagi sobit haqiqatlarga e'tiqodni ifodalaydigan fikru tuyg'ularni tarkib toptirishdan iborat.
She'riyat insonni o'zining ko'ngli, xotiroti va ma'naviy faoliyati uchun mas'ul bo'lishga o'rgatadigan beqiyos muallim va murabbiyligini ahli ijod-forumimizning shoirlari unutmasalar yaxshi bo'lardi. Insoniy ishqning hosilasi-Olloh sevgisi bo'lganidek, haqiqiy ishqning mevasi-olam va odamga muhabbatdir. Shunday ekan she'riyatda nafratni ifodalash joizmikan?She'riyat ko'ngil ishi ekan, u odamlarni birlik va hamjihatlikka chorlaydigan kayfiyatni tug'dirmog'i kerak emasmi?!..
Bil'aks, she'r insonda yaratilishidan mavjud bo'lgan soflik, begunohlik, mehribonlik, kamtarinlik kabi xususiyat, qobiliyat va fazilatlarni mushtarak hamda mukammal tarzda asrab-avaylash, taraqqiy toptirishga g'amxo'rlik ko'rsatadi. Kibru-havoni emas. She'rni o'qigan o'quvchi shoir shaxsining yorqin aksini ko'radi.


Ҳар қандай асар, хоҳ у санъат асари бўлсин, хоҳ бадиий асар, муаллифнинг қандайдир маънодаги таржимаи ҳолидир. (Муаллифи ёдимда йўқ)

[Masud Mahsudov]

Кўнглим айтар, мeнга дармон кeракмас,
Ишқдан пайдо бўлган армон кeракмас.
Изтироблар макон қурган юракка,
Туйғулардан ўзга фармон кeракмас.

Ўзга юртда минг тeнг бўлсин шeрларга,
Ошна бўлсин, ўртоқ бўлсин зўрларга,
Ўз забонин қадрин урса ерларга,
Сўзи чeчан, тили бийрон кeракмас.

Ортдан ғийбат қилиб ўнгим, сўлимни,
Яхши кунда тутиб ҳотам қўлимни,
Кулфатимда ёлғизлатса йўлимни,
Қадрдон-у, дўст-у, ёрон кeракмас.

Майли бeзаб турсин сўнгсиз назокат,
Нур таратсин юзларидан нафосат,
Бўлмас эрса қалқон унга садоқат,
Мeнга ундай оромижон кeракмас.

Эътиқодин сақласа тор қафасда,
Жаннат сайрин қилмас орзу-ҳавасда,
Ҳақни гар ёд олмаса ҳар нафасда,
Зоҳир зангин, ботин вайрон кeракмас.

Кибр-ҳаво осмон қилиб ташласа,
Манманликни иззат дeя бошласа,
Мискинларнинг кўзларини ёшласа,
Дилга риё каби қалқон кeракмас.

Умрим ташкил бўлса фақат озордан,
Кeлмас бўлсам эрта-ю кeч бозордан,
Гулмас, тикон ўсиб чиқса мозордан,
Ортимдан ҳeч оҳу-фиғон кeракмас.

Сeвмас бўлсам,
Сeвилмасам,
Кулмасам,
Муҳаббатга, завқ-у, шавққа тўлмасам,
Тақдиримдан рози бўлиб ўлмасам,
Ҳаёт нима, ёруғ жаҳон кeракмас.

(с)

[Nigora Umarova]

Ҳар қандай асар, хоҳ у санъат асари бўлсин, хоҳ бадиий асар, муаллифнинг қандайдир маънодаги таржимаи ҳолидир. (Муаллифи ёдимда йўқ)

Muallifi -Ibrohim Haqqul. Balki Ibrohim akaning she'riyatga oid adabiy-tanqidiy maqolalarini ko'p o'qiganligim uchun she'riyatga o'zgacha nigoh tashlarman, uni boshqacha tushunarman. Biroq har qanday holatda ham she'r men uchun nafrat yoki kamsitish vositasi emas, insonlarni qadrlash, mehr-muhabbat vositasidir.
Yaqinda vir "ijodkor" forumimizda "Vampir" degan she'rni joylashtiribdi. Qonxo'rlik hidi shunday ufurib turibdi. Joizmikan shunday she'r yozib ommaga havola qilish? Mayli, dardi bor ekan, biroq yon daftarchasida saqlasin, ommaga "tarannum" etmay?!..

[pipicron]

Mayli, dardi bor ekan, biroq yon daftarchasida saqlasin, ommaga "tarannum" etmay?!

Мусофир бўлдим.

Мусулмонсан гар мусофир бўлсанг деди.
Ота-онам, ёрни ташлаб юртлар кездим.
Ярашади “Мерс”лар миниб юрсанг деди,
Топганимда соғинч эмас, нафсни сездим.

Пул аслида қўлнинг кири дейди халқим:
Қўлим кири пул бўлганда бўлдим устун.
Соғиндим деб сим қоқсалар сингилларим,
Даста даста пул жўнатдим сеплар учун.

Сеп чимматга буркаб қўйиб сингилларим,
Тўйларида телефонда айтдим ўлан.
Ишласин деб олиб кетдим укаларим
Жуфтларини тийиб тилло занжир билан.

Ўғил бўйдоқ, дўриллабди бобосига,
У ҳам тезроқ бир ёнимга кирсин дедим.
Бўйи етган қизим сирдош момосига,
Айтиб қўйинг, рўмол ўраб юрсин дедим.

Гоҳи гуллаб, гоҳи сўлиб пулсиз қолсам
Сингилларим туртишади аканглар деб.
Жуфтларидан хадиксирар укаларим,
Ёлғиз пулсиз нима қилди эканлар деб.

«Кел» дединглар боролмадим вақтим тиғиз,
Жахлим чиқиб «Тирикчилик» деб қўяман.
«Хали борай, элу юртга тўйлар қилиб,
Қатор-қатор қўчқор, новвос, нор сўяман!»


Вақти келиб белдан қувват, шиддат кетди.
Укалар ҳам йўлин топиб мехри кетди.
Уйладимки, энди қайтар муддат етди,
Бу юртларни қизиқтирган сехри кетди.

Бор бисотим тугиб келсам уйларимга:
Бирор инсон кутиб олмас остонада
Хотин қайда, ўғил қайда, қизим қайда?
Совуқ зулмат шундай катта кошонада.

Олиб келсам шохи атлас кийсин дея,
Кафан кийиб кетибдику онажоним?
Уйлар қурсам даврон суриб юрсин дея,
Ўз қабрига етибдику отажоним?

Йиғлаб келди кичик синглим эрдан кочиб,
Айтиб берди турмадаги ўғлим ҳолин.
Қизим кетган мени излаб бошқа юртга.
Айтолмади, билдим қайга кетган хотин.

Мусулмонсан гар мусофир бўлсанг деди.
Лек мусофир бўлдим муслим бўлолмадим.
Одам бўлдим кимлар учун инсон эмас,
Аллохимдан хатто тавба сўролмадим.

Эйки дўстлар, мен ғарибни билинг холин,
Етмас энди токи умрим тавба қилсам.
Англаганим адашганим бўлди асли,
Бу дунёга мусофирман асли билсам.

(с) 8 июнь, 2007 йил.

[Gulchehra Ibragimova]

Адашмабсан азизим, тўғри англабсан,
Қозонда не бўлса шул чўмичга чиққан.
Мен ундай сўзларнинг "бошини кесгум"
Изнсиз гар сени бўлсалар "чаққан"..http://uforum.uz/images/icons/icon12.gifhttp://uforum.uz/images/icons/icon7.gif
(с)

[Баходир кушаков]

Men esa u misralarda kibrni ko'rdim, ya'ni, "Sen kim bo'libsan, menga tenglashadigan,
Менича шеърнинг жозибасиям шу бўлса керак,кўп маъно бериши.Ҳазрат Навоийнинг ҳам ҳатто ҳозирга қадар,айрим ғазалларидаги турли туман маънони,айнан қайси бирини Ҳазрат назарда тутганликлари,ҳали ҳануз жумбоқ бўлиб келаётганини эшитганмиз.Сиз мазкур шеърни юқоридаги изоҳингиз бўйича тушинибсиз.Розиман, кибр деб қаралса бўладиган маъно ҳам бор.Қуръони Карим,ҳабарингиз бор шеърлар тўпламидан иборат.Пайғамбаримиз С.А.В.энг тўғри маъносини тушинтириб кетганлар,лекин шу соҳа мутаҳассисларининг фикрича,Қуръондан жуда кўп маънони англаш мумкин экан.Баҳснинг бошланиши ўзини ҳудога тенглаш,мушриклик ҳақида кетганди.Кибр бошқа,мушриклик бошқа.Эътибор қаратган бўлсангиз,шеърнинг бошига ....га деб қўйибдилар,мен буни аниқ бир шахсга қарата айтилган деб тушиндим.Демак инсон,инсон билан тортишаётганда қандайдир қоидаларга бўйсуниб тортишиши керакми?Муқимийнинг "Додҳоҳим"шеърини эсланг:
Додҳоҳим додҳоҳлик сенга ҳос,
Порасиз ўтмас сенга юз илтимос.
Мунча гердайдинг,Ҳудоёрҳонмисан?
Шунчаки мингбошисан ўпкангни бос.
Синглимиз Гулчеҳраҳон ҳам,қайсидир "додҳоҳ"га шартта гапларини айтибдида.
Ҳаётнинг маъносин қайдан билардик?
Кимга ҳавас қилиб, кимга кулардик?
Нима ҳам деярдик, не ҳам қилардик?
Бу дунё аслида бир кам яралган...
Мана бу сўзларни жуда тўғри айтибсиз.Шу тўртлигингиздан кейин,баҳслашишимизнинг ўзиям ғалати туюлади.Ҳаётнинг маъносин қайдан билардик
Яна бир гап Маъсудбек,шеърларингизни ўқишга иштиёқ бор эди,афсус Ўзбекистонда бўлмаганим учун,китобингизни ўқишни ҳозирча имкони йўқ.Агар интернетда бирор манбада берилган бўлса,бажонудил ўқиб чиқардим.Камчилик излаш учун эмас.Эгамни ўзи гувоҳ.Шу баҳслардан кейин мендан ҳам камчилик изламоқчилар шекилли деманг.Излаганимдаям тополмаган бўлардим,бунга ишонаман.

[Гўзал]

***

Умуман ўчаман ҳаётлариздан,
Бошқаларга бор-у, менга йўқ ўрин.
Марсияга кўчаман баётлариздан,
Қалбимга муҳрлаб севгининг "зўр"ин.

Безовта бўлманг, хўп? Изламанг ҳам ҳеч,
Ҳаётда хасчалик эмаскан қадрим.
Энди қайтмайман мен, энди бўлди кеч,
Мени кутмоқдадир вафодор қабрим.

Ул манзил, гўшада беқарорлик йўқ,
Вафо жомларида ҳаловат майи.
Ҳижрон камонлари йўлласа ҳам ўқ,
Меҳр асолари Дийдор ҳамдами.

У ерда умрбод яшайман энди,
Хотира бу дунё, бу кунлар, тунлар.
Тилка пора бўлган нимта юракни,
"Ямаб" беришади бағри бутунлар.

У ерда учрамас ёмонлар асло,
Мен ҳам юрмагайман йиғлаб, оғриниб.
Фақат излагайман яхшилараро,
Қалби сир "ёмоним" яна соғиниб... (с)

[Биллур]

У ёкда шотутлар
Тукилар сувга.
Ковунлар ёрилар,
Сен йул карайсан.
Тупрок кучаларда,
Мушток кучаларда
Ёз - мени согиниб саргайган майса.
***
Уксимагин о, юрак,
Булма хомуш, булма лол.
Менинг отам - октерак,
Менинг онам - мажнунтол.
Осмонда ой ёлгиздир,
Ёлгизман ман хам, ахир.
Менинг опам - ялпиздир,
Синглим - лола конбагир.
***
Тушагим шу шур тупрок.
Курпам кукда булутдир.
Менинг акам Улуг тог,
Менинг укам бургутдир.
Табассумим чакмокдир,
Ёмгирлар куз ёшимдир.
Арслон мени ардоклар...
Коплок кариндошимдир...

[Gulchehra Ibragimova]

С О Ғ И Н Т И Р А В Е Р

Рости соғинганман,
соғинтиравер,
Хажрингда бу дилни
оғринтиравер.
Изларинг тўтиё-
сиғинтиравер..
Сен шундай жабркор,
ситамгар,
бедил...

Майли зориқтиргил,
зорлар бўлайин,
Ишқда толиқтиргил
хорлар бўлайин.
Нажот бер васлингга
ёрлар бўлайин-
Дардини ичига ютган
Мен- бетил..

Нечун кўринмайсан-
кўзим таскини,
Хажрлар бузмоқда
кўнглим ашкини
Сезмайсан, бу дилгир
дилнинг рашкини
Сен шундай билмассан
Мен - заъфарон гул...

Билмайсан,
дардбоним, менда эҳтиёж
Илинжим ишқдандир,
бошқа йўқ илож
Бу ҳажр даштида очиб кенг қулоч
Боряпман сен томон
..куймоқда кўнгил..

..Билмайсан дардимни, дейсан-ки, кўнгил!
Қақнусдек ёнаман,умидлар чил-чил..
Ёнсамда,
Куйсамда,
Бўлсамда
Кул-кул
Мен энди ортимга қайтмоғим мушкул!

Мен мискин-йўловчи, тақдир эса йўл,
Ишқ отлиқ кажрафтор йўлинда мен –гил..
Кўзимнинг қувончи-топинтиравер
Соғиндим, соғиниб, соғинтиравер..
(с)

[Aliya]

Umidlar

Yo`llar qasdda,
Yurak shikasta,
Sog`inch yig`lar kulgularimda.
Dillar xasta -
Dardga payvasta,
Bir - butunmas,
Ikki - yarimta...
Umidlarda jon tutgan Ishqmiz...

Yig`lamayman,
Xo`rsinma - yetar,
Har nafasning ajri bor - haqli,
Bir azobmi - o`tar-u ketar,
Bir kun albat bo`lamiz baxtli!!!
Orzularga gul tutgan Ishqmiz...

Bugun senga topingim keldi...
Izlaringni topolsam qani...
Sog`inch haddi yer-ko`kni bildi,
Manzilingga yetolsa qani...
Og`ulardan bol tutgan Ishqmiz...

Yetar...
Boshqa bir so`z aytolmam,
Sog`inch dayri to`lmoqda ko`zga.
Dunyolari yuz o`girsa ham,
Olloh o`zi baxt bergay bizga...
Bir Xudodan baxt kutgan Ishqmiz...

[Rustam Jabborov]

SIZNI SEVIB QOLMADIMMIKIN?

Kechalarni saharga ulab,
Uyqu bermas asov hayollar.
Asablarni betin burg`ulab,
Qiynayverar o`jar savollar:

Kimsiz o`zi... Nega har alam -
Dardim sizga so`ylayveraman?
O`z tashvishim yetib-ortsa ham,
Nega sizni o`ylayveraman?

Garchi Sizni ko`raman har kun -
Fursat yeldek uchar... G`alati:
Sizdan ayro damlarda nechun
Vaqt ham hatto oqsab qoladi?

Goho sizni qilib ehtiyot,
O`zni o`tga uraman ming bor.
Begonasiz menga yetti yot,
Ammo, sizdan yaqin kimim bor?!

Qo`l siltadim gohida hissiz,
Suluvlarga parvoyim yo`qday.
Nega o`tli nigohlaringiz
Sanchiladi bag`rimga o`qday?

Sizni taqdir duchor qilgani –
Musibatmi, omadimmikin?
O`ylashga ham qo`rqaman, yana...
Sizni sevib qolmadimmikin?

[Биллур]

Ошкор қилмагин деб кўзим оҳини,
Сахар сабосига ёлвориб тўйдим.
Туннинг тугунига исмингиз ўраб,
Мен уни тонглардан яшириб қўйдим.
Энди хеч қурқмайман сизга қарашдан,
Кўзларим согинчнинг селига тўлди.
Яшайман кун буйи ёнингизда жим,
Тун менинг сиримни сотмаса бўлди...

[pipicron]

Ҳар тонг сахар ризқим очиб кутиб олсам,
Сиздан ибрат хуш ниятни дилга солсам,
Шул ниятни дилда мангу тутиб қолсам,
Висолингиз ширин-ширин Эй Рамазон!

Тинмас таним сабр қилар, лолман бугун,
Дардчил рухим тетик бу он, жондан устун,
Ярим бахт деб айтганлар лол, бахтим бутун,
Қадамингиз ширин ширин Эй Рамазон!

Гохо дилим вайрон дунё ташвишлардан,
Топсам савоб, гохи гунох бу ишлардан,
Дардим ортса заиф иймон қилмишлардан,
Малхамингиз ширин-ширин хуш Рамазон!

Кўнгил доғин ювар дилдан Хатми Қуръон,
Не жазира, ё қахратон, панох Иймон,
Ахли Инсон сабрига ризқ бўлди эхсон,
Ифторингиз ширин-ширин дил Рамазон!

Ҳар кунингиз жонга даркор, дилга корми?
Бағрингизда дуо қилмоқ бизга ёрми?
Аллохимдан бизга ортиқ эхсон борми?
Хуш келдингиз, ширин ширин хуш Рамазон!


Али Ал Мехр.
19-07-2012 йил.

[Биллур]

Марҳабо, хуш келдингиз, бизларга мохи рамазон,
Согиниб кутган эдик Ахли имон, рамазон
Сизда жўш ургай Худонинг магфират дунёлари,
Сиз туфайли магфират булгай гуноҳлар, рамазон.

Рўза тутгай Ахли Ислом кундузи нафсин туйиб
Ҳам зиёда айлагайлар имонларин рўза тутиб
Покланур қалблар бу ойда хатми Куръон эшитиб
Марҳабо, хуш келдингиз бизларга, мохи рамазон

Сизда нозил бўлди Куръон мўминларга раҳмат булиб,
Бандаларга хақ йўлин англатгани хикмат бўлиб
Бу улуг Қуръон тушибди сиз-бизга неъмат бўлиб,
Марҳабо, хуш келдингиз бизларга, мохи рамазон

Аввали раҳмат дахаси, сўнгра келгай магфират,
Охирида Раббано қилгай жаханнамдан озод,
Сиз туфайли мискину етимга булгай оқибат
Марҳабо, хуш келдингиз бизларга, мохи рамазон

Сизда ким эхсон қилса, бирга минг бергай Худо,
Қўл очиб қилса дуосин мустажоб қилгай Худо
Кимки ихлос айлади тутмокка сабр бергай Худо,
Марҳабо, хуш келдингиз бизларга, мохи рамазон

Сизда бир кеча кадри, мингта ойдин яхшидир,
Кимки уйгоқ булса бу кеча Худони дўстидир,
Бу ойда қанча тоат-ибодат этсанг яхшидир
Марҳабо, хуш келдингиз бизларга, мохи рамазон

[pipicron]

Ёлғиз йўловчи

Гунохини орқалаганча
Кетиб борар ёлғиз йўловчи.
Қарамайди на ён, на ортга,
На айтгувчи, на йўл сўровчи.

Кетиб борар жим-жит, эгик бош,
Юзида бор на бир аломат.
Кетиб борар сукунат каби,
Унга келган не бир маломат?

Кетиб борар, қадди бўлиб дол
Гунохларнинг зилдек тошидан.
Кўрган хайрон: бунчалар осий?
Нима кунлар ўтган бошидан?

Кетиб борар, кўзлар маънисиз.
Қадам шарпа бермас тошда ҳам.
Мисли қадам ташлаган соя,
Тана унга эргашган қалам...

Кетиб борар ёлғиз йўловчи...
Унга фарқсиз, маънисиз бари.
Умидини йўқотиб қўйиб
Кетиб борар аросат сари...


(с) 2009 йил 5 май.

[pipicron]

Асакамнинг йигитларига.

Тан бераман Асакамнинг йигитларига,
Камтар эмас, мақтанишар жавоби билан.
Керак бўлса уриб-туртар ерга урмасдан,
Душманга ҳам ош едирар савоби билан.

Тан бераман Асакамнинг йигитларига,
Ишлаб туриб чангитади Ўзбек йўлларин,
Топганини едиради битта дўстига,
“Шинам”, “Чўнтак” мойлаб турар чайир қўлларин.

Беш кетаман Асакамнинг йигитларига,
Мулозамат қилмайдилар ахвол сўрсалар,
Мехр тўлиб тошиб турган узиқорани
“Асакалик” деб қўярлар қайда кўрсалар.

Қойилман мен Асакамнинг йигитларига,
Гўдаги хам қараб юрар иштончасига.
Керак бўлса бериб турар сўнгги зар тўнин,
Четдан келиб кийиб олса “Анжончасига”.

Тан берасиз Асакамнинг йигитларига,
Тилда эмас, дилга қараб жавоб оласиз.
Келиб туринг тўй, маърака, чойхонасига,
Бир кун сиз ҳам Асакалик бўлиб қоласиз.

(с) 19 июль 2007 йил.
Жанубий Корея.

[Gulchehra Ibragimova]

ДУО ҚИЛАМАН БОЛАМ..

(бир воқеа таъсирида битилди)

https://img.uforum.uz/images/zrhechr3466235.jpg
Йўлингда кўзим қолди,
неча кун-ки мен бемор,
Бемажолман соғиниб,
Кўрсатсайдинг бир дийдор.
Сув ичсайдим қўлингдан
Тандан кетди бор мадор
Тунларим ўтар бедор,
дардлардан чекиб озор...

Келиб мендан хабар ол,
Дуо қиламан болам,
Кўнгли очиқ эдинг-кў,
сени биламан болам..
Дуогуйинг ўзимман..
Мендан хабар ол болам.
Кел, бир кеча бағримда
Суҳбатлашиб қол, болам..

Ҳовлимиздаги боғдан-
узум егим келяпти,
Сени бағримга босиб
бир сўз дегим келяпти.
Дийдорингга бир тўйиб
дардни енггим келяпти..
Аввалгидек ҳовлига
райҳон экким келяпти..

Кўзда ёшим шашқатор,
келиб мендан хабар ол,
Жисмим беркитмай мозор –
ёнимда бир кеча қол?
Ёлғизликнинг ҳасрати
куйдиради мисли чўғ-
Дуо қиламан болам,
дуо қилмас куним йўқ..

Кўзим юмулмасидан
етиб келгин жон болам,
Менчун “топилмас”вақтинг
Нисор этиб кел болам.
Дийданг тошмас ҳар қалай
Бўзлаб, йиғлаб кел, болам
Майли чинми - ёлғонми
Бағринг тиғлаб кел болам.

Сендан битта саволни
жуда сўргим келяпти,
Соғинмадингми болам
Сени кўргим келяпти
Битта кўйлак совға қил
Кийгим келяпти болам,
Майли кейин шоҳга ил
Кетгим келяпти болам..

Келиб мендан хабар ол,
Дуо қиламан болам,
Кўнгли очиқ эдинг-кў,
сени биламан болам..
Дуогуйинг ўзимман..
Мендан хабар ол болам.
Кел, бир кеча бағримда
Суҳбатлашиб қол, болам..
..ДУО ҚИЛАМАН БОЛАМ
(С)

[pipicron]

Нома ёздим Онажонимга.

Нома ёздим Онажонимга,
Саболардан йўлладим, бироқ,
Тополмади борар манзилин
Ёд айлади уни бўз тупроқ.

Салом ёздим Онажонимга.
Қалбим ярим, армоним бутун.
Кундуз меҳрим тушган қоғозга
Кўз ёшини артди қора тун.

Соғинч ёздим Онажонимга,
Ҳар сўзига урди юрагим.
Тўлмай туриб сарғайди варақ,
Хазон бўлиб қолди тилагим.

Армон ёздим Онажонимга.
Ёшим сиёҳ, кўзим сиёҳдон,
Юрак бўлди эриб битган шам,
Қалбим эса қоп-қора шамдон.

Дардим ёздим Онажонимга.
Дарддан синиб қолди қаламим,
Сатрларга сиға олмаган
Шум тақдирда қолди аламим.

(с) 2003~2004 йиллар.

[Биллур]

Ойижон, баҳорлар гуллайверади,
Мен эса сиздан сўнг гулламай қўйдим.
Кўксимга қамалган булбулларимнинг
Чах-чахлаб сайрашин тиламай қўйдим.

Ойижон, ҳаваслар учди мисли чўт,
Керик қошларимдан ўсмалар ўчди.
Синоат юз берди - ўзимда мен йўқ,
Суврату жонингиз жонимга кўчди.

Юзим нақ ўзингиз - ҳамиша кулган,
Одамлар ичида тўлиб юраман.
Аммо дилда доим сизни кемирган,
Ғариб ёлғизликни кўриб тураман.

Ўгил-қиз савдоси - тегирмон тоши,
Менинг ҳам қаддимни этмоқда букр.
Аммо сўзингиздир сўзимнинг боши,
Неники кўряпмиз барига шукур!
(Т.Содиқова)

[Minglar]

Орзу яқин сизни кўрмакдан,
Ҳаёлимни тута олсам бас...
Шунда бўлиб бахтга ёр , ҳамдам,
Бу ишқ ичра абад қолгум маст.

Оҳ, сиз мендан шунча узоқда,
Умрча йўл камлик қилса-я,
Интилсаму ета олмасам,
Ета олмай паймон тўлса-я.

Талпинаман ёлқин бир нурга:
Балки ўша нури-зиё - Сиз,
Юзингиздан тушган шуладир,
Балки боқиб турган кўзингиз !?


(C)

[Гўзал]

***
Арзимас сабабдан қалбимда ўкинч,
Арзимас сабабдан кўзларимда ёш.
Беҳуда дунёда илинжим - соғинч,
Беҳуда дунёда беҳуда бардош.

Сизнинг сўзингиздан дилимда қувонч,
Сизнинг ўзингиздан юзимда кулгу.
Абадий роҳатга элтгувчи юпанч,
Сиздирсиз - кўнгилда беғубор туйғу.

Бугун борлигимиз - энг олий ҳикмат,
Бугун борлигимиз - Аллоҳдан ҳадя.
Синовлар йўлидан ўтгаймиз албат,
Иккимиз қўлма-қўл, елкама-елка! (с)

[Rustam Jabborov]

Учраштирган Ўзи-ку бизни...

Енгилдикми шу қадар осон,
Ён бердикми асов тақдирга?
Гуноҳ бўлса муҳаббат, эй Жон –
Кел, гуноҳга ботайлик бирга...

Яратганнинг карами кенг-ку,
Ҳар томчиси уммонга тенг-ку!
Гуноҳингга каффорат мен-ку –
Кел, гуноҳга ботайлик бирга...

Фироқ тонги отмасдан туриб,
Ажал заҳрин тотмасдан туриб,
Қуёшимиз ботмасдан туриб...
Кел, гуноҳга ботайлик бирга...

Муҳаббат бу – тақдирнинг изни,
Учраштирган Ўзи-ку бизни!
Кечирар-да гуноҳимизни –
Кел...
Гуноҳга ботайлик бирга!

[Aliya]

YOLG`IZIM

Bu dunyoning tashvishlari yakun nima bilmaydi,
Bir umrning keng yelkasi torlik qilar sinovga.
Makkor taqdir bo`yningizga ne dardlarni ilmaydi,
Tog`dek g`amlar ayozidan olib, otar olovga.

Keling, muzli ayozlarda gulxan bo`lib, isitay,
Qo`llaringiz tutsam yetar - ishq olovi cho`g`lanar.
Qalbingizga zalvor solgan alamlarni yo`q etay -
Axir baxtning manzillari dil ko`shkiga bog`lanar!

Keling, sizga alla aytib bu hayotning ko`k qadar
Tashvishidan xalos etay - orom oling bir nafas.
Bir dunyo deb o`zingizni o`tga urmang besamar,
Dard degani tunmi - kun bor, bugun-erta tuganmas...

Qo`ying, unga qo`lni siltab, manzil soling men tomon,
Armonlarni bitdi, deya, uloqtiring o`tmishga!
Ishonsangiz, bu dunyoning dard-alami hech qachon
Arzimagan baxtdan kechib, Ishqni dilga ko`mishga...

Mayli, buni gunoh bilsin beshik quchgan onalar,
Olloh bizni uchrashtirib, ayirmoqqa ko`ngli yo`q!
Bir sizsiz-ku baxtsizligin asragan pinhonalar,
Bir men kabi yolg`izlikdan zor qaqshagan mungli yo`q...

Keling, bir zum alla aytay, orom oling, yolg`izim,
Dunyodagi barcha ona xonishlari hech bo`lsin...
Bitta tongdan qarzga olib, hadya etay baxt so`zim,
Allalarning sadosida bitta sahar kech bo`lsin...

Keling...
Sizga alla aytay, orom oling, sevgilim,
Eng birinchi dil so`zim ham,
So`nggisi ham shu bo`lsin...

[Masud Mahsudov]

Майлига,
шу хаста юрагим,
Сен учун бахшида этолсам.
Осмонга ётқизиб курагим,
Орзуга сен бирла кетолсам.
Майлига,
бер менга дардларинг,
Кенг қалбим умрингга жой бўлсин.
Кўнглингга қўндирган дардларинг
Оқсинлар дарёга – сой бўлсин.
Бой бўлсин қадаминг нурларга,
Юравер ўралиб меҳримга.
Азизам,
ўхшайсан ҳурларга,
Мен ғариб – бандиман сеҳрингга.
Майлига,
висолинг ой мисол,
Тунимни ёғдудек ёритсин.
Дилимда ушалмас армонни,
Худойим бир куни аритсин.
Қаритсин жуфт этиб,
Умрбод
Ғамда-ю, қувончларда бирга,
Шу азиз ҳаётни берган чун
Шукрона айтайлик тақдирга.
Майлига,
шу хаста юрагим
сен учун бахшида этолсам...


(c)

[Gulchehra Ibragimova]

https://img.uforum.uz/thumbs/anyjboe8896830.jpg (https://img.uforum.uz/images/anyjboe8896830.jpg)

СОҒИНТИРАМАН..

Мени излаб "тоққа чиқасиз",
"дўлана"ни излаган каби.
Керак бўлса боққа чиқасиз
нақш олмани кўзлаган каби-
СИЗНИ ШУНДАЙ СОҒИНТИРАМАН..

Келишимни муштоқ кутасиз,
“кўзларингиз қоп-қора бўлиб”..
Фироғларни ичга ютасиз
юрагингиз хўп пора бўлиб-
СИЗНИ ШУНДАЙ СОҒИНТИРАМАН..

Ўнгингизда, сўлингингизда – мен,
рашк ўтида куясиз хали.
Ҳар бир юрган йўлингизда –мен
мени шундай суясиз хали -
СИЗНИ ШУНДАЙ СОҒИНТИРАМАН...

Ўзим сизни соғинганимдай,
девоналар бўласиз ишқдан.
Ўшал сўзга топинганимдай,
парвоналар бўласиз ишқдан-
СИЗНИ ШУНДАЙ СОҒИНТИРАМАН..

Сабрларнинг сабрин синдириб,
хат ёзасиз : “СОҒИНДИМ, КЕЛ”, деб
Сизни шундай ишққа кўндириб
жавоб битгум: “ҳолимни бил”, деб
Ўзим сизни соғинганимдай -
Роса Сизни соғинтираман.
СИЗНИ ШУНДАЙ СОҒИНТИРАМАН.!.
(с)

[pipicron]

Садарайхон.

Қон йиғлайди ҳиёбонда ёлғиз ўсган садарайхон
Йиғлаб айтган сирларини булбул тинглар булиб ҳайрон:
“Бунчалар хам тошмехрли, метин юрак бўлар инсон?
Бир кўнгиллар айрилиғин гувохиман. Куз келсайди.

Онлар ўтар шамол каби орзуларин айтишгунча,
Кунлар ўтар йиллар каби яна висол қайтишгунча.
Бахтли онлар изхорига тугиб қўйсам гўзал ғунча
Тиконларга айланади, “Алвидо”лар. Ёз кетсайди.

Унсиз ўтинч, умид қолар, армон қолар нигохларда.
Чора борми, билсам эди, мен билмаган гуноҳларда?
Қасдим бордир ишқ қасрини кемтик қурган сипохларда,
Захрим сочиб сўлсам майли, ғанимларга. Куз келсайди.

“Кетма” дея айтолмайди. “Кетманг” дея айтолмайман.
Икки издан икки тараф кетолмайман, етолмайман.
Икки тақдир қисматини билолмайман, кутолмайман,
Яна айро тақдир кўрмай ёзим кетиб куз келсайди.

Нажот борми? Жоним берай. Дилни дилга боғлагин бас.
Айрилиқни қўй қиёмат. Висоллардан яралсин сас.
Кутиб яшай изхори дил, токи мендан қолмагай хас,
Аёзларга силтай гулим, бахор яна бир келсайди.

(c) 14 август, 2007 йил.

[Биллур]

Ёнимда Сиз борсиз, қалбимда сизсиз.
Нигохим илинган ҳар бир нуқтада,
Етти жахонимда яшайсиз шаксиз.
Сузларимни деманг хеч-да, сохтада
Соғинтириб яшаганни соғингим келар

Бўйларим сояси изларингизда.
Ўзимни асрашдан чарчамас эдим,
Яшасам бир умр кўзларингизда.
Жонинг бер десангиз аямас эдим
Соғинтириб яшаганга бош эггим келар

Худойим бахтимни кўп кўрмасинда.
Сизни тушларимда эркалаганда,
Қўлимни бегона қўл урмасинда.
Висолни қўйинг, дийдор келганда
Соғинтириб яшаганни бир кўргим келар

[Minglar]

Ba’zan,
Cho’llagan kimsa buloqqa shoshganday,
Jaziradan qochib soyani ko’zlaganday,
Sovuqdan muzlagan quyoshga talpinganday,
Muhabbatga intilishadi.

To’g’ri,
Cho’llagan dillarga buloq muhabbat,
Yoniq yuraklarning taskini - o’sha,
Hasta ko’nillarning shifokori – u,

Lekin
cho’llagan , qaqragan, muzlagan
jismlarni emas.


(C)

[Rustam Jabborov]

Сени соғинмасдан ўтган куним йўқ...

Ҳижроннинг дастидан бир дам қўним йўқ,
Сенсиз лаҳзаларда файз йўқ, унум йўқ.
Сени ўйламасдан ухлаган туним,
Сени соғинмасдан ўтган куним йўқ...

Ҳаёлинг кўнглимга нур бўлиб тўлди,
Сабрим саҳродаги гул бўлиб сўлди,
Ҳақни ҳам унутган дамларим бўлди,
Сени соғинмасдан ўтган куним йўқ...

Кел энди, тунимга зиё бўлиб кел,
Ўзаним тўлдирган дарё бўлиб кел,
Қувончларга тўла дунё бўлиб кел,
Сени соғинмасдан ўтган куним йўқ...

Ёлғизликнинг юки босди, зилдайман,
Ҳаёт шаъми сўниб борар - илғайман.
Олдимда қанча кун қолди, билмайман,
Сени соғинмасдан ўтган куним йўқ...

[Mahmud Jurat]

***
Қулоқларга қомат бериб,
Ўз ҳолимга қўймади.
Ушбу шаҳар мени ямлаб,
Оч офат ҳеч тўймади.

Оёғимни судраб келиб,
Оёғини ўпдим мен.
Сиёсатдан синди белим,
Хафақондир ҳамдамим.

Беткайдаги тўла уйим,
Ўз ўрнида қаср эди.
Катакларга базўр кўндим,
Автолар тонг сайради.

Ҳа тўғрия шу шаҳарда,
Ўқиб ўсдим яйрадим.
Кампуларда тонг саҳарда,
Дунё бўйлаб сайражим.

Бир оёғим ҳали ҳамон,
Қишлоқни деб тортади.
Аммо юрак қонга ботган,
Дард ҳар куни ортади.

Ўлсам мени қишлоқи деб,
Қайта қайта айтинглар,
Шаҳарига кулим сочиб,
Шеърларимга қайтинглар.
(С)

[Aliya]

Гуноҳ бўлса муҳаббат, эй Жон –
Кел, гуноҳга ботайлик бирга...

Қуёшимиз ботмасдан туриб...
Кел, гуноҳга ботайлик бирга...

Ҳақни ҳам унутган дамларим бўлди,
Сени соғинмасдан ўтган куним йўқ...

Олдимда қанча кун қолди, билмайман,
Сени соғинмасдан ўтган куним йўқ...

Shunchalar ma`nosi teran satrlarki, ta`rif berishga ojizman...

[Aliya]

Ayting, bugun quyosh botmasin...

Ayting, bugun quyosh botmasin,
Shafaq rangda qoldirib izlar,
Oy samoga o`zni otmasin,
Terilmasin ko`kka yulduzlar...

Ayting, bugun quyosh botmasin,
Saratonda qolsin bu dunyo.
Umidimdan judo etmasin -
Bir diydorga berib intiho...

Ayting, bugun quyosh botmasin,
Topilmasin vidoga sabab.
Bir umrni hadya etgum chin -
Baxt ulashgan shu kunga atab...

Ayting, bugun quyosh botmasin,
Uyga tomon shoshmasin hech kim...
Ko`rsatmasin iztirob kuchin -
Orzularim qolmasin yetim...

Ayting, bugun quyosh botmasin -
Qarog`imda qolmadi sabr.
Mayli, qayta tonglar otmasin...
Quyosh botsa...
Erta baribir...

[Minglar]

ОРЗУ

Кел энди ёр,
тушми ўнг орасида,
Кундуздами
ё туннинг қорасида.

Келиб ўзинг
кузларимга тақ чечак,
Баҳордан де,
майли бўлса-да эртак.

Сен сўйлагин,
тинглайин шом то саҳар,
Сўзлашларинг,
оҳ, қанча менга ёқар.

Кел энди ёр,
қишми ёз орасида,
Келиб қўнгин
кўзимнинг қорасига.

Келсанг эдинг ,
армон эшигин бузиб,
Муҳаббатдан
минг битта лашкар тузиб,

Аёғингда жонни
таслим этсам мен,
То қиёмат қулинг
бўлиб кетсам мен...


(C)

[Masud Mahsudov]

Ранжиманг, баъзида паришон,
Қўнғироқ қилишни унутсам,
Ё ўзим бўлолмай меҳрибон,
Сиздан бисёр меҳрни кутсам
Ёзмасам Сиз учун номалар,
Қалбингиз қилмасин нолалар.
Шубҳанинг юртида юрганча,
Ҳар турли ўйларга борганча,
Ранжиманг...
Азизам, кўнглингиз тўқ бўлсин,
Заррача гумон ҳам йўқ бўлсин,
Ишқ – ишонч, дегани эмасми?
Бошқалар не деса демасми,
Ичингиз хижиллик тортмасин,
Рашк юкин эгнига ортмасин.
Ва узоқ тикилиб кўзимга,
Инонмай айтажак сўзимга,
Ранжиманг.
Кўрмайин чашмингиз ёшини,
Майдаланг хавотир тошини,
Зулматга ботмасин дилингиз,
Нигоҳлар сотмасин дилингиз,
Ўртанманг, ўксинманг, ёрижон,
Талпинар бир дил Сиз сори жон,
Истара, чиройга бойимсиз,
Кўкда ўн беш кунлик ойимсиз
Ранжиманг
Сиз менга жудаям кераксиз,
Кўксимни бутловчи юраксиз,
Ўтиниб худодан сўраган
Тилагим – Сиз ўша малаксиз,
Ранжиманг,
Илтимос, ранжиманг...

(с)

[Биллур]

Кимки нокасларга қарам бўлади,
Номард олдида ҳам мулзам бўлади.
Агар шер кучукка бўйсунар экан,
Обрўси мушукдан ҳам кам бўлади.
Бунда ҳақиқатдан нишон кўрмайсан,
Ишқда хавас, шавқни осон кўрмайсан.
Тупрок ойна эмас, қанча нур сочма,
Соя кўрасану инсон курмайсан.
Инсон ҳаёлидан йиғламайдими?!
Юксак камолидан йиғламайдими?!
Гардун бир дам кўрса ўзин тупроқда,
Айтинг, бу ҳолидан йигламайдими?!

[Gulchehra Ibragimova]

*** *** ***
Дарвеш бўлиб дарвозангни чертиб борсам
Эшигингни очасанми мен ғарибга?
Нон баҳона кўрсам бўлди дийдорингни
Сўнгра кетгим Машриққами ё Мағрибга.

Ишқ тиланиб ёр васлингда гадо бўлдим,
Сени излаб қаддим эгик, сато бўлдим.
Гадо бўлдим, адо бўлдим, фидо бўлдим
Ёки тақдир ёзуғида хато бўлдим.

Дарвозангни тақиллатсам, эгаси бор,
Уй ичинда бахт талашган бекаси бор.
Гадо бўлсанг ана нон- сув, дея кўрма,
Сен бахтимсан десам, ,бу бахт- чегаси бор.

Чегаланган бахтимга бахт бўлолмассан..
Дарвешингман сендан бахтлар тилаб борган.
Тўрвадаги кулча нондек тўлолмассан,
Бахтсизлигим бадалини - тўлолмассан.

..Сен деб бахтли- бахтсизингман, билолмассан

[Quvonchbek Karimov]

Дарвозангда изларингдан сўрадим сени,
Улар мени кутган лахзадан ёдгор.
Ярим бахтимни мен сенга улашдим.
Бутун бахтимизга етажакмиз ёр.

Хаёлим сочларинг силасин, тинмай
Такрор-такрор исминг айтсин забоним.
Остонангда бахтим, сенла бахтиёр-
Сенла нурга тулар хар лахза оним

Келишингни кутаяпманку, зорлар булиб,
Пойинга бош ургим келар, хорлар бўлиб,
Бисотимни бахш этаман, келсанг булди,
Ўзим билан қолармисан, ёрлар бўлиб.

Тақдирингда хатолик йўқ. Бўлса агар -
Сени сендай севолмаган хатойингман.
Айтолмаган дардларимга, ўраляпман.
Сени дейман, девонаи гадойингман

Бахтинг бўлгим келар, ёнингда мудом,
Тизгин беролсайдим армон отига.
Факат юрагингдан хайдамасанг бас.
Қандоқ чидай айтгин юрак додига.

[Gulchehra Ibragimova]

(..гоҳида кўча-кўйда ёки кимлар биландир суҳбатда "йигитнинг қизда кўнгли бор экан..." деган шу каби гаплар қулоққа чалиниб қолади.)

Кўнглимнинг эгаси

Менинг кўнглим эгаси йўқ,
бир жойларда,
балки тоғда, чўққиларда, ё ойларда.
Суви тошқин,
Ўзи шошқин,
Шўх сойларда.
Узр, энди,
Сизга кўнгил беролмайман,
Кўнглингизнинг кўчасидан юролмайман.

Бу кўнглимнинг эгаси бир
довдек келар,
Менга келган ҳар балога
ғовдек келар,
Унга қарши келганларга
ёвдек келар,
Узр, энди,
Сизга кўнгил беролмайман,
Кўнглингизнинг кўчасидан юролмайман.

Шу кўнгилнинг эгасига
кўнгил бердим,
Билибми-ё, балки билмай бир дил бердим,
Кўнглим-ку қул, ишқ шоҳига кенг йўл бердим,
Узр, энди,
Сизга кўнгил беролмайман,
Кўнглингизнинг кўчасидан юролмайман.
(с)

[Aliya]

Кўнглингизнинг кўчасидан юролмайман.

Йўллар айрилдими?

Йўллар айрилдими?
Юрак кўндими?!
Тариқча баҳона басми видога?
Шунчалар худбинлик дилга сиғдими –
Кўнгилни сиғдирмай бу кенг дунёга?

Йўллар айрилдими?
Кечирмайсизми?
Биламан, гуноҳим ўзимга аён.
Жонимда жонимдек асрадим сизни,
Измига кўндириб енгди рашк – шайтон.

Йўллар айрилдими?
Йўқ, асло!
Кетманг!
Сизсиз дунё менга ўгайдир, тайин...
Қалбимда ягона илтижо...
Кетманг...
Сўнгги кун пойингиз қучиб ўлайин...

Йўллар айрилдими?
Йўқ... Туш азизим...

[Биллур]

Кўнглимнинг эгаси
Куйик дил тугуни ишқимга тумор,
Ўраб дедим: "Буни ёримга юбор".
Шавқидан ғунчадек очилиб кетди,
Шодликдан қинига сиғмади такрор.

Бе тамиз бўлади дарди йўқ одам,
Ундайга ўлимдан ўзга таъсир кам.
Соч ва тирноқларга қараб ибрат ол:
Қон йўқ жойда йўқдир хис ҳам, туйғу ҳам.

Қай дилга тушмаса ишқдин бир партов
Умри куйиб утар, жабрга гаров.
Кўзадан ибрат ол, сувга чидолмас,
Аввал куйдирмаса то уни олов...

[Gulchehra Ibragimova]

ОНАМНИ- ОНАЖОН ДЕМАБМАН

(...ни илтимоси билан ёзилди..)

Боламни шириним, султоним, дедим,
Қаймоғим, асалим, сен жоним, дедим.
Суянчим, қувончим сен шоним, дедим
Онамни "ОНАЖОН"
демабман...

Аёлимни жоним, ҳаётим, дебман,
Ҳофизлар куйлаган баётим, дебман.
Сен ўзинг ҳамиша дилшодим дебман.
ОНАМНИ ОНАЖОН
демабман...

Шунчалар калтабин бўларми одам,
Энди кеч, ҳеч нарса қилолмас ёрдам,
Ерлар ёрилса-ю, кирсам ушбу дам-
Онамни Онажон
демабман ..

Бир бор эркалатиб бир сўз демадим,
Кел болам соғиндим, деса келмадим,
Ғанимат эканин нечун билмадим,
Бир бора Онажон,
демадим...

Ҳатто ширин сўзни кўрмабман раво,
Билардим,
дардига йўқ эди даво.
Мен шундай расвоман, бедил, бедаво
Онамни Онажон
демабман ...

Афсуслар чекаман..
энди на илож?
Қабрини қучаман очиб кенг қулоч.
Тупроқда ётибди бошимдаги тож -
Онамни Онажон
демабман...
(с)
4.08.12

[pipicron]

Онамни Онажон
демабман...

Онажон демабман. Бугун минг афсус...
Вақт билан бу қисмат бахона, ғаним.
Эртага афсусга айланар аниқ,
Кабрингни қучоқлаб йиғламаганим. :cray:

[Gulchehra Ibragimova]

Она қарғиши илтижоси

Давосиз дардларим жисмим емирар,
Ўлчовли умримнинг умрин кемирар.
Азоблар – азоблар.. бир дардбоним йўқ,
Ҳолимдан тойдириб дардлар семирар..

Тонггача дардимга деворлар гувоҳ,
Тонггача оҳимни деворлар тинглар.
Девор ҳам тасалли берарми, эвоҳ..
Шу тилсиз девор ҳам қўшилиб инграр..

Фарзандлар андармон ўз ғами билан,
Ҳар кимнинг феълиддек турфа хил олам.
Тўлдирмоқ истарлар дунё камини
Дунё асли бир кам, билмайди болам..

Деворлар дардимни тинглайди аммо
Не бўлди она деб, сўрамас болам..
Кундан кун қовжираб бормоқда танам-
Биргина боламга етмайди нолам..

Устим шод, ичим “лиқ “ғамхона бўлди,
Дард танга содиқ “қул” ҳамхона бўлди,
Мусофир юртдаман йўқлагувчим йўқ,
Бу таним азобга мардона бўлди..

Душманнинг кўзига соғдек юраман,
Бағрим бут, кўнглим ҳам чоғдек юраман,
Дарди йўқ виқорли тоғдек юраман
Устимда “яшнаган” боғдек юраман.

-“Болам, керак эмас менга бир чақа,
Бир оғиз ширин сўз қилгин садақа..
Қарғамайман болам, униб ўс, илло -
Сени боланг бўлсин ҳудди “СЕНДАҚА”.”..

..минг йиллик девордек нураб боряпман....
(с)

[Rustam Jabborov]

Cавол

Дил бермадим тонгги елларга,
Хумор боқди ғунчалар - сездим.
Кўз солмадим сара гулларга,
Нега сени шунчалар севдим?

Севги нима, билмас эканман,
Билсам эди, кулмас эканман,
Тўкилибман, тўлмас эканман,
Нега сени шунчалар севдим?

Айрилиқдан тунлар тўлғониб,
Ҳар нигоҳдан сени қизғониб,
Ўздан кечиб, дунёдан тониб
Нега сени шунчалар севдим?

Четланишга улгурмадимми?
Билмадимми ё ҳурматимни?
Сендан гўзал қиз кўрмадимми?
Нега сени шунчалар севдим?

Сенсиз умр топмоқда завол
Ҳаёт - сенга боғланган хаёл,
Кўнглим ўртаp жавобсиз савол,
Нега сени шунчалар севдим?

[Биллур]

Азоби ҳам тотли дард берибсан-а
Ҳалқумдаги жондай титраб чиқар сўз.
Илма-тешик қилиб ҳар гал кўксимни,
Ханжар суғрилгандай потраб чиқар сўз.

Тонглар рангсиз, сассиз қолмаслик керак,
Нечун беовозман, турибман сокин.
Юракдан отилган битта сўз билан
Дунёни титратиб юбориш мумкин.

Дунёни титратиб юбориш мумкин!

[Гўзал]

Assalamu alaykum!


LAYLAT UL QADR

Yerga tushar to'p-to'p maloikalar,
Mo'minlar qalbida surur va faxr.
Islom dunyosida ulug' bu damlar,
Muborak tun bugun LAYLAT UL QADR.

Duo qiling, ijobat erur beshak,
Bedor bo'ling kun ham, tunda ham oxir.
Tilang ezgu niyat, xush go'zal tilak,
Duolar mustajob bu LAYLAT UL QADR.

Haq zikrida bo'lsin tillaringiz nam,
Qur'on o'qing bunda savob ham ajr.
Ehson ziyod bo'lsin, bo'lmay aslo kam,
ALLOHdan hadyadir LAYLAT UL QADR!

[Gulinoz]

Kel...

Yolg'izlik jonimga urmoqda hanjar,
Ayriliq qalbimni o'rtaydi bot-bot.
Kelgin...o'zing meni hayotga qaytar,
Olgin...azobimni daryolarga ot..!

Shum qismat ustimdan kuldimi nogoh,
Ko'zimdan yoshlarim qon bo'lib oqar.
Bo'g'zimga tiralar jon qadar bir oh,
Rashk o'ti tunlari ilondek chaqar.

Ahvoling bilolmay sarson kezaman,
Qaylardan axtaray..? Kimlarga boray..?
Xayolan nomingga maktub yozaman,
Kel endi, maqsading o'zingdan so'ray.

Kelgin ko'zlarimga qaragin bir zum,
Zulmat hayotimda quyoshim kuldir.
Ma'yuslik qurshagan nigohlarimni,
Mehring jomi ila quvonchga to'ldir...

[Colorado]

LAYLAT UL QADR
В эту ночь ангелы сходят с неба.
Коран.
Ночь Аль-Кадра. Сошлись, слились вершины,
И выше к небесам воздвиглись их чалмы.
Пел муэззин. Еще алеют льдины,
Но из теснин, с долин уж дышит холод тьмы.
Ночь Аль-Кадра. По темным горным склонам
Еще спускаются, слоятся облака.
Пел муэззин. Перед Великим Троном
Уже течет, дымись. Алмазная Река.
И Гавриил — неслышно и незримо –
Обходит спящий мир. Господь, благослови
Незримый путь святого пилигрима
И дай земле твоей ночь мира и любви!

Иван Алексеевич Бунин
1903

[Биллур]

Тақдирнинг ўйини ким билибди ким,
Қаршимда турибсан бошинг эгиб жим.
Энди биз бегона, бегоналардек,
Сен менинг армоним эй синфдошим.

Пойингга жонимни фидолар қилдим,
Ёлвориб Худога нидолар қилдим.
Майлиги бахтли бўл, дуолар қилдим,
Сен менинг армоним, эх қадрдоним.

Юлдузсан сирларинг еча олмадим,
Армонсан бир туйиб қуча олмадим.
Кетдим деб, кечдим деб кеча олмадим,
Сен менинг армоним юрак қалқоним.

Эгилдим тўкилдим қийнокларингдан,
Нишонлар бўлдими фироқларингдан.
Энди не фойда бор титроқларингдан,
Сен менинг армоним дарду хижроним.

[Gulchehra Ibragimova]

Меҳмонингни билмадинг - ДУНЁ

(“Инсонлар бу уч кунлик дунёга меҳмондирлар” дейишганини эътиборга олиб..)

Меҳмон дерлар Атои Худо,
Меҳмонингни аяб тур дунё...
Бир фурсатга келганмиз асли
Мен - Меҳмонни холин сўр дунё..

Олиб мендан ота-онамни,
Қанотимни синдирдинг дунё.
Олиб яна ёру жонимни
Баётимни тиндирдинг дунё..

Хатолардан чиқмади бошим,
Тинмади-ку, бир зум кўз ёшим.
Тугаб борар танда бардошим-
Меҳмонингга сабр бер дунё..

Хазонлидир бу умр боғи,
Юрагимда надомат доғи,
Қуриб борар меҳр булоғи
Меҳмонингни хўрладинг дунё..

Жон қарзим бор жоним Аллоҳдан,
Ҳар онимга бўлган гувоҳдан
Тиловатим айла ижобат-
Фориғ бўлсам кошки гуноҳдан ..

Аямадинг мендан камингни,
Беравердинг алам, ғамингни.
Кетишдан бир ўзга чорам йўқ,
Юборавер жон “ҳакамингни”..

..МЕҲМОНИНГНИ БИЛМАДИНГ ДУНЁ..
(с)
4.08.12

[Биллур]

Туни билан қон бўлди бағир,
Кўксида ҳеч чақмади чақмоқ.
Шоира-чун жудаям оғир
Бўм-бўш юрак билан уйғонмоқ.

Сўнмасмикин кўзларидаги
Тангри ёқиб қўйган чироқлар.
Пешонангда тамғадай абад
Сўроқлар, сўроқлар, сўроқлар...

Шу саволлар гирдоби ютар,
Ечим топмас кўнгил сирлари.
Эвоҳ, ҳар тонг ёқадан тутсин
Ҳали ёзилмаган шеърлари...

[Masud Mahsudov]

Anglatmaydi to'liq bir ma'no,
Qatorlar ham emasdir a'lo,
Men tugarman, tugamas ammo,
Oxiriga yetmagan she'rlar.

Bedor etgan xijronli tunlar,
Xayolimda o'ng bo'lgan chinlar,
Qog'ozlarga tusharmikinlar
Men qalamda bitmagan she'rlar?

Yurak sirin aylabon nihon,
Satrlarda bo’lishib ravon,
Hislarga yo’l berib nogahon,
Aqlni bosh tutmagan she’rlar.

Elchi yo’qdir vazn yurtidan,
So’zlar topib yarim yortidan,
Qofiyaning quvib ortidan,
Ilhomni hech kutmagan she’rlar.

Farhod qolib Majnunga solib,
Oshiq cho’pon nayini chalib,
Qayda yursam yopishib olib,
O’ylarimdan ketmagan she’rlar…

Ming turdagi o’yimni derlar
Oxiriga yetmagan she’rlar…

©

[Mahmud Jurat]

***
Йиллар менинг армоним десам,
Армонларда ўтади кунлар.
Соат милин соғиндим десам,
Соатларда қолади улар.
Шовқинларни соғиндим десам,
Мен улардан безор бўлганим,
Шовқинлардан қочган эканман
Шовқинлардан озор еганим.
Эҳ билмадим қайси бири рост
Қайси бири менинг елкамда.
Бу саволни ёритгин қуёш
Бир бор мени алдаб эркала.
Мен сувларни кечиб ўтайин,
Сиёсатнинг бетига туфлаб.
Сиёсатда ҳамма бетайин,
Қатиғини ичади пуфлаб.
Мен эркини елкалаб олган,
Қамоқдаги қушга ўхшайман.
Ҳаёт бир ён, эрксиз мен саман,
Чидар, арқон, қайга кетаман.

[pipicron]

Аллоҳни танирсан Раҳмон деб,
Ажратиб яхши деб, ёмон деб,
Яшарсан ўткинчи замон деб,
Бандасан, кимлигинг билдингми?

Қиларинг қилгансан, қиларсан,
Айбингни ўзинг ҳам биларсан,
Гунохинг кечишин тиларсан,
Бандасан, тавбангни қилдингми?

Ўтмишни тақдир деб айтайсан,
Келажак, умид деб яшайсан,
Савобни ортингга ташлайсан,
Бандасан, қиёмат қўйдингми?

Тўярсан, шукрона айтасан,
Кун келар, ёмондан қайтасан,
Қиларсан бир савоб, қайдасан,
Бандасан, гунохдан тўйдингми?

Ишқи деб илохий, ёнарсан,
Ибодат висолга қонарсан,
Дунёнинг ишқидан тонарсан,
Бандасан, бандасин суйдингми?

Бандаман сен каби, тинмаган,
Осийман, ажримни билмаган,
Тавбам кўп, тилимда қилмаган,
Бандасан, менга ҳам куйдингми?

(с) 7 июнь, 2007 йил.

[Mirzo Ulugbek]

Unit mani man xotinimni sevaman

[Gulinoz]

Unit mani man xotinimni sevaman

Menman...Dardkash bilib sizni dardlarini so'zlagan,
Menman...Har bir so'zingizdan bitta mehr izlagan.
Menman...Tunni tongga ulab mijja qoqmay kutguchi,
Menman...Yuragini sizga ikki qo'llab tutguchi.
Menman...Bahtning daryosiga qonolmagan bir tashna,
Menman...Ko'z yoshi tomchilab, ummon bo'lgan bir chashma.
Menman...Sizni topolmasa aqli sarson devona,
Menman...Sizsiz qolgan kunlar dunyolarga begona.
Menman...Har tong duo aylab, sizga sog'lik tilagan,
Menman...Tushda sizga borib, sochingizni silagan.
Menman...Siz deb birovlarga eggan mag'rur boshini,
Menman...Sog'inch azobida to'kkan achchiq yoshini.
Menman...Qalbning yo'rig'ida talpingani bir armon,
Menman...Izlab bahtni doim, ishq yo'lida sargardon.
Menman...Taqdir ko'chasida qayta-qayta qoqilgan,
Menman...G'amning bog'larida hazon kabi to'kilgan...

Kel, deding Ey ishq talab.., Bo'stoningda adashdim,
Yoz, deding ko'ngil g'amim.., Dostoningda adashdim...(qo'shiqdan)

[Shahodat]

Хурматли Mirzo Ulugbek, шеърлар ёзиладиган постда бундай нарсаларни ўқимайлик.
Шеърлар сизга ёзилди деб этилмаган. Ёқмаса ўқиманг.
Mirzo Ulugbek,ном олган экансиз, ҳар бир сўзингизда хатолар бор.

[Nigora Umarova]

Хурматли Mirzo Ulugbek, шеърлар ёзиладиган постда бундай нарсаларни ўқимайлик.
Шеърлар сизга ёзилди деб этилмаган. Ёқмаса ўқиманг.
Mirzo Ulugbek,ном олган экансиз, ҳар бир сўзингизда хатолар бор.

Mirzo Ulugbek bir nechra ogohlantirishimizga qaramay o'zlariga tegishli xulosa chiqara olmaganliklari uchun "ban" berildi.
Gulinoz, forum shaxsiy munosabatlar namoyon qilinadigan maydon emasligini unutmaylik. Har holda muslimamiz.

[Gulinoz]

Хурматли Mirzo Ulugbek, шеърлар ёзиладиган постда бундай нарсаларни ўқимайлик.
Шеърлар сизга ёзилди деб этилмаган. Ёқмаса ўқиманг.
Mirzo Ulugbek,ном олган экансиз, ҳар бир сўзингизда хатолар бор.

Mirzo Ulugbek bir nechra ogohlantirishimizga qaramay o'zlariga tegishli xulosa chiqara olmaganliklari uchun "ban" berildi.
Gulinoz, forum shaxsiy munosabatlar namoyon qilinadigan maydon emasligini unutmaylik. Har holda muslimamiz.

Assalomu alaykum Nigora Opa! Bo'lib o'tgan ishdan qattiq afsusdaman. Shunga qaramay meni forumdan chetlatmaganliklaringiz uchun minnatdorman. Barcha forum a'zolaridan bugun uzr so'rayman. Tuhmat balosidan Allohim hammamizni asrasin!!!