[Без оффтопа] Шеър азиз олам аро... [Архив] - Страница 6

Баходир кушаков

10.12.2011, 02:00

Тингла охим эй улуг Зот,мен кулингни бир нафас, Булмасин иймони бутлар,ёмонликдин хору хас, Сен узинг кулла уларни,дард чекмасин,булди бас, Сенга кул булган кунгиллар,олсин иймондин яхшилик.
Курдиму жононни ногох,севгимни изхор айладим,
Билмадим,ростми севгим,ёки агёр айладим.
Бир куриб севмок дурустми,ёки бир оддий хавас?
Не булса хам дустларим,кунглимни душвор айладим.

Саодат курмай жахондан,утган ошиклар каммиди?
Севилиб курмай хаётдан,кетган ошиклар каммиди?
Ёки калбин минг бора пора,этган ошиклар каммиди?
Не килай?Ошиклигимни,ушбу кун икрор айладим.

Майли мен курмай саодат,севганим бор булса бас,
Севмасин майли,бу юрак,йулида интизор булса бас,
Эй Баходир билки Оллох,жисмингга дуст,ёр булса бас,
Ушбу кун Оллохга севгим,мадх этиб ашъор айладим.

БАХОДИР.УКРАИНА.

Баходир кушаков

10.12.2011, 02:11

Саодат курмай жахондан,утган ошиклар каммиди?
Хаста булдим дустлар,етолмай жонон васлига,
Буткул адо булмишам,ёлгончи ёр касрига,
Кириб колган эдим хатто,соф мухаббат qасрига,
Дарвозасин юзга ёпмиш,мухаббати ёлгонлар.

Гарибликда колиб кетдим,кетолмам ишк сахросидан,
Кунгил доим бехузурдир,айрилик сафросидан,
Коработир айиргандек,Тохирни Зухросидан,
Берган гулим юзга отмиш,мухаббати ёлгонлар.

Мухаббат не билармикин?Биз танлаган ёронлар,
Яна канча азоб тортмиш?Севгиси пок инсонлар,
Дер Баходир чидар жоним,булса хамки сарсонлар,
Алданганим юзга айтмиш,мухаббати ёлгонлар.

БАХОДИР.УКРАИНА.

Баходир кушаков

10.12.2011, 02:32

Мухаббат не билармикин?Биз танлаган ёронлар, Яна канча азоб тортмиш?Севгиси пок инсонлар,
Курдиму жононни ногох,севгимни изхор айладим,
Бугун калбим ёришгандек булди,ажойиб.
Шундан кунглим тулишгандек булди,ажойиб.
Етмасам хам висолингга,дардли юрагим,
Юрагингла куришгандек булди,ажойиб.

Баходир.Украина.

Баходир кушаков

10.12.2011, 02:40

Алданганим юзга айтмиш,мухаббати ёлгонлар.
Нечун?Тилкалайсан багримни хижрон,
Нечун?Юрагимга солгайсан огу,
Нечун?Суйганимнинг ваъдаси ёлгон,
нечун?Зулматимни этмайсан ёгду.

Баходир.Украина.

Баходир кушаков

10.12.2011, 02:43

Нечун?Суйганимнинг ваъдаси ёлгон,
Севганинг алдаса,калбингни бузса,
Бу юрак аламдан не хам дер эди.
Узга ёр куйнида сенга куз кисса,
Ит теккан ковунни ким хам ер эди.

Баходир.Украина.

Masud Mahsudov

10.12.2011, 11:32

Баходир бандангни хар дам,э вох,куллаган Сен Узинг,
Замонни тинч айла хеч йук,курсин замондин яхшилик.

Баходир.Украина.

Ким кўрубдур, эй қўнгул, аҳли жаҳондин яхшилиғ?
Кимки, ондин яхши йўқ, кўз тутма ондин яхшилиғ!

Гар замонни нафй қилсам, айб қилма, эй рафиқ,
Кўрмадим ҳаргиз, нетайин, бу замондин яхшилиғ!

Дилраболардин ёмонлиқ келди маҳзун кўнглума,
Келмади жонимға ҳеч ороми жондин яхшилиғ.

Эй кўнгул, чун яхшидин кўрдунг ямонлиқ асру кўп,
Эмди кўз тутмақ не, яъни ҳар ямондин яхшилиғ?

Бори элга яхшилиғ қилғилки, мундин яхши йўқ —
Ким, дегайлар даҳр аро қолди фалондин яхшилиғ!

Яхшилиғ аҳли жаҳонда истама Бобур киби,
Ким кўрубдур, эй кўнгул, аҳли жаҳондин яхшилиғ?!

Заҳириддин Муҳаммад Бобур

мафтун

10.12.2011, 13:43

БИР МАЖЛИСДАН СЎНГ...
(тухматчига)

Мендан кўнгил сўраманг,
Бир дунё аламим бор.
Гапни чапга бураманг,
Тингланг, ҳақ каломим бор.

Майли бир гапдан қолдим,
Аммо Худога солдим,
Ким аслида кимлигин,
Баҳонада билволдим.

Мунофиқлар, суллоҳлар,
Таъмагирлар, олчоқлар.
Хайф сизга одамийлик,
Қалби сўқир гумроҳлар.

Эй бунчаям майдасиз,
Бемаза, бефойдасиз.
Гўё мен ердаману
Юрибсизми ойда сиз?

Балки жавоҳирмасдир,
Унчаям нодирмасдир.
Эй мендаям кўнгил бор,
Тошмасдир, темирмасдир?!

Йўқ, бунчаям хормасман –
Меҳрингизга зормасман.
Бир жойда ишласак ҳам
Сиз каби маккормасман.

Айлонволиб овсарга,
Пахта қўйиб раҳбарга.
Тош отасиз, бузғунчи,
Юрак деган гавҳарга.

Иймон нима? Билмайсиз.
Виждон нима? билмайсиз.
Инсонман, деб керилманг,
Инсон нима, билмайсиз.

Ҳеч нарса бўлмагандай,
Гапни бураманг энди.
Ярамга туз сепгандай,
Кўнгил сўраманг энди.

Кўнгил сўраб жўрттага.
Гап суқасиз ўртага.
Ҳаёт фақат бугунмас,
Гаплашармиз эртага.

Билдим, ожиз эканман,
Якка-ёлғиз эканман.
Аммо сен ҳам билиб қўй,
Мен ҳам худо деганман.

Мендай ночорлар дардин
Худойимга айтади.
Жавобини кут барин,
Худойимдан қайтади.

Шу гапларим дўқ сенга,
Бошқа гапим йўқ сенга.
Жазойинг ўзинг билан –
Тухматларинг ўқ сенга.

Тиғ санчдинг-ку пайт пойлаб,
Кўр бир танангга ўйлаб,
Кўнглинг ёришдими айт,
Дилимни хуфтон айлаб?

Йўқ, пушаймон емасман,
Ҳолим забун, демасман.
Кўнглим синдирдинг, аммо
Кўнгли ярим эмасман.

Эй зоти паст, қурама,
Қўрқма олмам ўчимни.
Келма, кўнгил сўрама,
Билолмайсан ичимни.

Хасрат айтай, десам, бас,
Дарддошим – қаламим бор.
Тасаввурингга сиғмас
Ўзгача оламим бор.

Осмонга туфласа ким
Шаксиз қайтар юзига.
Шудир охирги гапим
Ким не қилса, ўзига.

(с) 2011й.

Баходир кушаков

10.12.2011, 18:57

Етмасам хам висолингга,дардли юрагим,
Юрагингла куришгандек булди,ажойиб.

Баходир.Украина.

Сурату кадду бастингга зор улам,курбон улам,
Сийнаи лаъли лабингга,зор улам,курбон улам,
Курмишам ногох бог аро,ул орази жамолингни,
Нуктадек каро холингга,зор улам,курбон улам.

Курса гар ой хам тан олгай,бу ажиб хилолингни,
Парилар хижолат тортгай,куриб хусну зилолингни.
Сархуш булиб куз сузилгай,тотиб лабдаги болингни.
Шу ширин лаби олингга,зор улам,курбон улам.

Товус каби хиром айлаб, юргувчи сен жононасан,
Гул каби буй таркатиб,тургувчи сен жононасан,
Баходирни кун келиб бир кун,кургувчи сен жононасан,
Ибодек гавхари молингга,зор улам курбон улам.

Баходир. Украина.

Баходир кушаков

10.12.2011, 23:41

Чог казир дустига зимдан,кетмиш ёрондин окибат.

2-РИВОЯТ
От уйнатиб икки якин дуст,
Бир кишлокдан утиб борарди.
Карашса бир эшик ёнида,
Бир нозанин караб турарди.
Икки нигох тушди жононга,
Отлар юрди уйи томонга.
Эртасига дустларнинг бири,
Кайтиб келди,бор учун сири.
Топиб ушал жонон уйини,
Тинмай чалди севги куйини.
Жонон хайрон, чикди уйидан,
Йигит чалган севги куйидан.
-Хуш келибсиз!Келинг огажон.
Хар юмушга тайёр тану жон.
-Бир арзим бор тинглагин жонон,
Севиб колдим,сени ногахон.
Турмуш куриб,бирга яшайлик,
Ошимизни бирга ошайлик.
-Шарт куяман,- деди уйланиб,
Тог томонга караб буйланиб.
-Хув чуккини куряпсизми жон?
Шунда куринг тонггача макон.
Тухтатмасдан ёкинг бир олов,
Сахаргача учмасин бирров.
Учирсангиз оловни харгиз,
Висолимдан умид килмангиз.
Йигит хурсанд булиб хуп деди,
Чунки тогда утин куп эди.
Чуккигача куп йул юрди у,
Йул йулакай утин терди у.
Кечга якин етиб олди хам,
Гулханниям ёкиб олди хам.

Дустидан сунг бироз кейинрок,
Кийнагандан жонини фирок,
Иккинчи дуст келди кишлокка,
Парининг гушаси,уша овлокка.
У хам чалди мухаббат торин,
Умид бирлан,чикар деб ёрин.
Гузал чикди эшикни очиб,
Латофатли,юздан нур сочиб.
-Хуш келибсиз!Келинг огажон.
Хар юмушга тайёр тану жон.
-Бир арзим бор тинглагин жонон,
Севиб колдим,куриб ногахон.
Турмуш куриб,бирга яшайлик,
Ошимизни бирга ошайлик.
-Шарт куяман,- деди уйланиб,
Тог томонга караб буйланиб,
-Хув чуккини куряпсизми жон?
Чикмокликка топурсиз имкон.
Гулхан ёнар унда тухтамай,
Куряпсизми?Каранг ухламай.
Курдим курдим деди шошилиб,
Кузлар билан тили кушилиб.
Учиргайсиз ёришгунча тонг,
Шунда туйга чалаверинг бонг.
Йигит дарров йулга отланди,
Осон шартдан каноатланди.
Чуккигача шамолдек елди,
Тонгга якин гулханга келди.
Тонг ёришай деб колган эди,
Гулхан учай деб колган эди.
Сал нарида мундок караса,
Якин дусти ухларди роса.
Гап нелигин тушунди дархол,
Хижолатдан булди бир ахвол.
Кечиргин деб кузин ёшлади,
Ва гулханга утин ташлади.

Дер Баходир дустлар бор булсин,
Дустга шундай вафодор булсин.
Дуст гулханин учирган инсон,
Бир умрга дустга зор булсин.

Баходир.Украина.
--------------------------------------
Дуст гулханин учирган инсон,
Бир умрга дустга зор булсин.

Баходир кушаков

12.12.2011, 02:39

Кечиргин деб кузин ёшлади,
Ва гулханга утин ташлади.

Чин инсон булмокчи булсанг,
Чин урток булишдан бошла.
Чин иймон булмокчи булсанг,
Мусулмон булишдан бошла.

Баходир.

Баходир кушаков

12.12.2011, 02:44

Севиб колдим,куриб ногахон.
Рухим азобланар,танам хотиржам,
Титрок хам сезилмас билакларимда,
Лек юрак безовта,уйлайди хар дам,
Кайдасан?Эй менинг арзанда эркам.

Хижрон азобини тортганлар билар,
Мажнундек сахрода ётганлар билар,
Севишдек бир юкни ортганлар билар,
Кайдасан?Эй менинг арзанда эркам!

Севгидан маст булиб юрган чогларим,
Хаёлан сенла сайр этган богларим,
Сен менинг юрагим,куз карогларим,
Кайдасан?Эй менинг арзанда эркам.

Хамиша васлингни куйлаганим сен,
Туну кун хижронда уйлаганим сен,
Жонгинам севгида,сайлаганим сен,
Кайдасан?Эй мениг арзанда эркам.

Баходир.Украина.

Баходир кушаков

12.12.2011, 02:52

Товус каби хиром айлаб, юргувчи сен жононасан,
Гул каби буй таркатиб,тургувчи сен жононасан,
Сен борсан, бу олам мен учун гузал,
Сен борсан,хаётим бекам ва тугал,
Сен борсан,Хамиша корим бешикал,
Эй кунглим маликаси,жоним эркаси.
----------------------------------
Тортиниб бокишларинг кунглимга жодир,
Безанган накшларинг хаё,ибодир,
Кузимга ёкишларинг зур муддаодир,
Эй кунглим маликаси,жоним эркаси.
----------------------------------
Гул чехранг курганда,кузим камашар,
Ногохон учратсам,аклим хам шошар,
Етолмай васлингга, фигоним ошар,
Эй кунглим маликаси,жоним эркаси.
----------------------------------
Канийди ёнингда булолса жоним,
Кулингда гул каби сулолса жоним,
Розиман,ишкингда улолса жоним,
Эй кунглим маликаси,жоним эркаси.

Баходир.Украина.

Alouddin

12.12.2011, 18:12

Компьютеримнинг бир бурчагида мунгайибгина турган экан, хозир учратиб колдим...
Yolg‘on

Chiqolmasang, ucholmasang,
Qo‘l uzatib yetolmasang,
Boshing olib ketolmasang,
Osmonlaring yolg‘on sening...

Tusi bor, lek isi yo‘qdir,
Ko‘rki bor, ibosi yo‘qdir,
Tikoni – libosi yo‘qdir,
Gullaring ham yolg‘on sening...

Bog‘ demagil, tikon o‘sgan,
Gulning yo‘lin yantoq to‘sgan,
O‘smoqdan giyoh umid uzgan,
Bo‘stoning g‘irt yolg‘on sening...

Bir-birin ko‘zin o‘yishgan,
Shuhratga qachon to‘yishgan?
Haqni qalam-la so‘yishgan,
Shoirlaring yolg‘on sening.

Пессимистик рух учун минг бор узр... Айб менда эмас, Илхом ака нукул шунака пайтда ташриф буюриб коладилар;)

Aliya

13.12.2011, 13:33

Meni sevmaysizmi...?

Men sizga dardimni aytaman oshkor,
Men sizga ko`nglimni ochaman, biroq –
So`rashga qo`rqaman – azobli iqror:
“Meni sevmaysizmi…?”
Azobli so`roq…

Qo`rqqanga qo`sh berar ekan Xudo ham,
Qo`rqaman – sezmang, - deb, - labimda titroq…
Axir, ishqda teng-ku, shoh-u gado ham,
Meni sevmaysizmi? –
Azobli so`roq…

Balki, sog`inarsiz olis shaharda,
Termulib – falakning arkidan yiroq…
Sog`inchdan jon bergum – o`lsam agarda,
Meni sevmaysizmi?
Azobli so`roq…

Gulchehra Ibragimova

13.12.2011, 13:56

Компьютеримнинг бир бурчагида мунгайибгина турган экан, хозир учратиб колдим...
Chiqolmasang, ucholmasang,
Qo‘l uzatib yetolmasang,
Boshing olib ketolmasang,
Osmonlaring yolg‘on sening...

Ҳа, гоҳида шундай ҳолатлар бўлади-ки, уни ўзингиздан бошқа ҳеч кимга ўша пайти айтиб ҳам, тушунтириб ҳам бўлмайди..Бундай тушкунлик ҳолатига тушган ижодкор нима қилади?.. "Қўшнига айтсанг-қўшади, овулга айтсанг-ошади"..http://uforum.uz/images/icons/icon7.gifhttp://uforum.uz/images/icons/icon12.gif
Дардини "бечора" қоғозга тўкади..қоғоз эса..жимгина қабул қилаверади...Ва натижада маълум вақт ўтиб, ўша шеър шоир учун бир куни "тарих"га айланади. У шеър қайси пайтда, қайси ҳолатда ёзилганини дард "эгаси"гина билади.. Менимча шу ижод маҳсуллари кўпгина ижодкорларнинг "бисотида" бўлади.. Шу жумладан каминада ҳам..Рухсатингиз билан бир пайтлар шундай туркум шеърларимни мен ҳам..:шу ерга жойлаштирсам

Тушкунлик
(кaсaлxoнaдаги қарор)
Oнaм кaсaл, бeдaрмoн,
Oтaм ишдa, aндaрмoн
Ҳoлим бўлмoқдa ёмoн -
Дaрдимни кимгa aйтaй?

Билгaнлaрим пул қувaр,
Кундa бир “мoшин” минар.
Бeлим тaшвишдaн синaр,
Дaрдимни кимгa aйтaй?
Дaрдлaримгa дaрдбoн йўқ,
Бемажолман, дaрмoн йўқ,
Учмoқликкa имкoн йўқ,
Дaрдимни кимгa aйтaй?

Шaҳдим бaлaнд, oсмoн пaст,
Мoл-у дунё мeнгa xaс,
Журъaтим кeлoлмaс дaст
Дaрдимни кимгa aйтaй?
Aсли дaрд кимгa кeрaк,
Ҳaётгa бўлмa эрмaк,
Бoригa кўниб юрaк-
Жимгинa ўлиш кeрaк!
(с)

Пессимистик рух учун минг бор узр... Айб менда эмас, Илхом ака нукул шунака пайтда ташриф буюриб коладилар;)

"Илҳом" ака http://uforum.uz/images/icons/icon7.gif ўзи кўпроқ нимагадир ўзи "шундай йиғлоқи" бўлиб http://uforum.uz/images/icons/icon12.gifқолганизда ёрдамга келади ва унинг биминнат "турткиси" билангина "ёрилиш", "захарларингиз"ни тўкиш мумкин..Вақт ўтиб эса дилтортар инсонларга хавола этса бўлади, деб ўйлайман.. Узр, бу ерда кўпроқ ўша пайтдаги "ҲОЛАТ"га эътибор қаратиш лозим бўлади..

Gulchehra Ibragimova

13.12.2011, 14:07

Мана яна бир пайтлар фақат ўзим учунгина ёзилган, ўзим учунгина маълум бўлган "дард", "алам"лар изтиробида битилган кўнгил бисотидаги "йиғлоқи" шеърлар..энди "юзага" чиқазса ва кимлар биландир ўртоқлашса, фикрлашса бўлади..менимча. Бу ерда ҳам ўша ижодкорларга хос бўлган "ҳайрат"нинг "ҳолат"га кўчиши...

Узлaтгa чекиниш

Юрaгим санчишин қўйсайди,
Бу кўнгил кeнгликни қўмсaйди,
Дилим бир мeҳрни истaйди.
Жaрoҳaт излaри битсaйди…
Мaдaд бeр Oллoҳим мeн кетaй?

Шунчaлaр зaдa-ки, бу- кўнгил,
Aтрoф ҳaм зим-зиё, қoрa рaнг.
Мaжoл йўқ, aсaблaр хўб тaрaнг,
Ярaтгaн бaндaнгни ҳoли тaнг,
Мaдaд бeр Oллoҳим мeн кетaй?

Чaнқoқмaн, ёнмoқдa жoн-дилим,
Oчилмaй сўлсa-я, ўн гулим?!
Дaрдлaрим aйтмoққa йўқ тилим
Ҳaр зaмoн эслаб тур жoн, элим
Oллoҳим қaбул эт, мeн кетaй...
..мен кетай?.

Дунё тaшвишлaри
(гoҳидa)

Ҳaвo кeрaк, бўғилиб кетдим,
Ўйлaйвeриб сиқилиб кетдим.
Нaри туринг, тиқилиб кетдим,
Дунё тaшвишлaри, дунё тaшвишлaри.

Қaй биригa чoпaйин эй вoҳ,
Қaндaй чoрa тoпaйин Oллoҳ,
Қaй эшикни ёпaйин oҳ-вoҳ,
Дунё тaшвишлaри, дунё тaшвишлaри.

Қирққa етмaй қaриб қoлдим-ку,
Ҳoлим етмaс, ҳoриб тoлдим-ку,
Гўр oғзигa бoриб қoлдим-ку,
Дунё тaшвишлaри, дунё тaшвишлaри.

Бу жoнимгa мaҳрaм тoпилмaс,
Дaрдлaримгa мaлҳaм тoпилмaс
Ён бeрувчи ҳaкaм тoпилмaс,
Дунё тaшвишлaри, дунё тaшвишлaри.

Эзгу ишинг бaриси бeкoр,
Ёр-дўстлaринг oш бўлсa тaйёр.
Йўл тoпoлмaй Гулчeҳрaнг aбгoр,
Дунё тaшвишлaри, дунё тaшвишлaри.

**яна бир бор узр сўраб айтмоқчиман-ки, бундай ҳолатлар гоҳ-гоҳида бўлиб туради..ва йиғи ўрнига..шеър бўлиб қуйилаверади..қоғозга тўкилиб.. Менимча бундай ҳолатлар шоир руҳининг азобланиши орқали юз берса керак..

albatros

13.12.2011, 14:22

Бундай ҳолатлар гоҳ-гоҳида бўлиб туради..ва йиғи ўрнига..шеър бўлиб қуйилаверади..қоғозга тўкилиб.. Менимча бундай ҳолатлар шоир руҳининг азобланиши орқали юз берса керак..

Ijod ahlining yutug'i ham ana shunda bo'lsa kerak, menimcha... Elimiz suygan shoir E. Vohidovning quyidagi misralari yodimga tushib ketdi:

Shoirlik bu shirin jondan kechmakdir,
Limmo-lim fidolik mayin ichmakdir.
Shoirlik jigarni ming pora etmak,
Bag'ir qoni bilan satrlar bitmak.

Masud Mahsudov

13.12.2011, 17:38

Кўзим алвон,
Кўзларим гирён,
Юзимда-чи, порлайди қуёш.
Ҳаловатни исстаганда жон,
Йиғламоққа етмайди бардош.

Кўзимда гард,
Ичларимда дард,
Қалбнинг сариқ ранги кетмайди.
Узоқларда осмон ложувард,
Узатаман; қўлим етмайди.

Кўзларим қоқ,
Қаеридир доғ,
Ишқалайман, намланмас, беҳол.
Иштибоҳдан толиққани чоғ,
Жаннатларга етаклар хаёл.

Кўз толиққан,
Туби намиққан,
Рутубатга кетгандай сингиб.
Юрак хаста, руҳим синиққан,
Соғинчларни чиқолмас енгиб.

Кўзимда гард,
Ичларимда дард,
Осмонларга қўлим етмайди...

(с)

мафтун

13.12.2011, 17:59

кайфиятларингга ҳамоҳанггидан бизда ҳам бор экан.

ҲАЗИН ҚЎШИҚ

Кўзларимга чўккан дард,
бунча мендан олиссан?
Жонимдан кечаман, шарт,
қара, жондай ёлғизман.

Кўзларимга чўккан дард,
айланмайсан тилимда.
Айт, сен недан башорат,
муҳаббат ё ўлимдан?!

Кўзларимга чўккан дард,
кўзимдан нур аритмай
аримайсан, сен наҳот,
қаримайсан, қаритмай?!

Кўзларимга чўккан дард,
товонимга оққин сан.
Онамнинг тонгдай бегард
кўнглига энг яқинсан...

(с) 1996

Gulchehra Ibragimova

13.12.2011, 18:07

Кўз толиққан,
Туби намиққан,
Рутубатга кетгандай сингиб.
Юрак хаста, руҳим синиққан,
Соғинчларни чиқолмас енгиб.

Кўзимда гард,
Ичларимда дард,
Осмонларга қўлим етмайди...

(с)
..Яна ўша "таниш дард", таниш азоблар ва..ўша айрим ҳоллардагина "эгаси"га маълум бўладиган "ҳолат"..

Alisher Asror

13.12.2011, 18:46

Бошимнинг дастидан ёстиқ эзилди,
Оёғим тагида гилам қони бор.
Бунчалар бу қишда совуқ сезилди
Қачон қучоғимга қайтасан баҳор?!

Совуқнинг ҳукмидан этимда титроқ
Чўзилиб ётади дала-даштда қор...
Биламан, биламан сен дўстсан- ўртоқ,
Қачон қучоғимга қайтасан баҳор?!

Томларнинг бошида оқ подишолик ,
Сумалакдан улар тикиб қўйган дор...
Гули-чечагингла гўзал, иболик,
Қачон қучоғимга қайтасан баҳор?!

Соғинчингдан сизиб қоним тўкилди,
Қуриб бораяпман, бир ёнишим бор...
Сенингсиз бағримга гуллар экилди,
Қачон қучоғимга қайтасан баҳор?!

(C)

Баходир кушаков

13.12.2011, 19:24

Соғинчингдан сизиб қоним тўкилди,

Узокларда эмиш оромим олган,
Куйида минг азоб,кийнокка солган,
Юрагим бу дарддан тамоман толган,
Хаётим кувончи,сени согиндим.

Тунлари кумсайман халоватим йук,
Ибодат килолмам тиловатим йук,
Хижронда букчайдим салобатим йук,
Хаётим кувончи,сени согиндим.

Кел жоним бу кеча кунглимни шод эт,
Бу хилват гушамни узинг обод эт,
Баходир севгисин доимо ёд эт,
Хаётим кувончи,сени согиндим.

Баходир. Украина.

Баходир кушаков

14.12.2011, 22:24

Сузингни авайла - узаяр ёшинг.

Доно юриб,из колдирмас,
Нодон сузлаб,суз колдирмас.
Изин топсанг ортидан бор донони,
факат ундан ололгайсан маънони.

Баходир.

Aliya

15.12.2011, 11:27

Ehtimol...

Ehtimol, yulduzli oydin tun
Bag`rida orzular hur-erkin...
Sen meni baxtiyor ko`rmoq-chun,
Hijronning quyoshin so`ndirgin,
Kel, yarim ko`nglimni to`ldirgin...

Ehtimol, tushlarga chambarchas
Umidlar qanoti - sinmagan...
Ko`nglingga quloq sol bir nafas:
Ruhimda og`riq - Sen bilmagan...
Kel, yarim ko`nglimni to`ldirgin...

Ehtimol, sog`inchning haddi keng,
Umrlik yo`l - va`da vafosi.
Diydorga intizor bag`ri keng -
To`lmasa to`lmabdi dunyosi...
Sen mening ko`nglimni to`ldirgin...

Kel, yarim ko`nglimni to`ldirgin,
Ehtimol, to`lsa bu dunyo ham...

Баходир кушаков

15.12.2011, 23:16

Негадир юрагим торайиб борар,
Кулогимдан кизгонаман сузингни.
Азобдан кузимда томчи ёш колар,
Кузимдан кизгонаман кузингни.
Юзимни юзингга куяй дейману,
Юзимдан кизгонаман юзингни.
Васлингга етишчун,аямам узни,
Узимдан кизгонаман узингни.

Баходир.
------------------------------------
Тушкунлик калбингга курса ин,
Бахтни курмай утишинг тайин.

Masud Mahsudov

16.12.2011, 07:48

Бунча ҳам жон олғучи, эй, дилоро, кўзларинг,
Юзни ол ранг, дилни сориғ этди қаро кўзларинг.

Ҳар қадамда юзта ноз-у, ҳар қарашда минг кибор
Бирла кўнгул саҳнасиға берди оро кўзларинг.

Термулиб, йўлингда интиқ кутсам-у боқишларинг,
Бир нигоҳ-ла қилди қалбни битмас яро, кўзларинг.

Ҳол сўрибман тортиниб ҳам ийманиб, сен сўз демай,
Тилди чап кўксим, ажаб, пора-пора, кўзларинг

Кошки дардим фош этурсан, бир назар ҳиммат ила,
Кўзларимда не ҳавас бор, кўрса зора кўзларинг.

Менки, масъуд ўлмишам, ёд олиб ташрифларинг,
Муҳрини, чунки қўйибмиш дилга, ёро, кўзларинг...

(с)

мафтун

16.12.2011, 17:52

ОСМОН ДЕГАНДА

Гулдан гап кетганда туйиб ифорин,
Ғунчани ўйлайман хазон деганда.
Кўкларда ҳаяллаб қолган дилдорим,
Сизни соғинаман осмон деганда.

Хатолар излашга яратиб кўзни,
Гина йиққани дил берган эканда!
Қушюрак ёронлар, эзилмайсизми,
Ўлгингиз келмасми виждон деганда?!

Ҳасратни бас қилинг, қисматдошларим,
Армон нима қилсин тирик юрганда.
Неччига кирдийкин қабртошлари?
Отамни эслайман армон деганда.

Қайданам аксирдим!..
Соғ бўл, деганлар
Ортган риё тоши мангу елкамда.
Яхшини мадҳ этсам кўкрак керганлар,
Мени кўрсатинг «ким ёмон» деганда.

Аҳли машойиҳ ҳақ, бу дунё бозор,
Иймон ҳам сотилар аксар дўконда,
Эй, дил, дардларингга кутма харидор,
Сирни тушунавер арзон деганда.

Йўловчим, сафаринг хатарли, қалтис,
Саноқсиз сарбонлар ёлғиз карвонда.
Ақлингга эргашма, кўнгилга ҳаргиз,
Сарбоним деб сиғин иймон деганда!

Баходир кушаков

16.12.2011, 18:12

Aсли дaрд кимгa кeрaк,
Ҳaётгa бўлмa эрмaк,
Бoригa кўниб юрaк-
Жимгинa ўлиш кeрaк!

РИВОЯТ.
Олис утган замонда
Билмадим кай томонда.
Якка гавжум кишлокда,
Куйлар бокиб утлокда,
Хаётда кувнаб,шодон.
Яшаганмиш бир чупон ,
Шом пайтида у ухлаб,
ажиб бир туш курибди,
Тушида муйсафид чол,
Сураганмиш хол ахвол.
-Келар офатни билгин,
Кишлокка хабар килгин.
Бир ойдан сунг сув курир,
Бор сувни замин сурир.
Бир томчи сув колмайди,
Гамлаб олган улмайди.
Яна бир ойдан кейин,
Сувлар ока бошлайди.
Дарё куллар кайтадан ,
Сувга тула бошлайди.
Сувни ичиб булмайди,
Лекин ичган улмайди.
Факат аклдан озар,
Ичса килмайин хазар.
Йигит уйгониб,кейин,
уйга толиб колибди.
Кишлокка илдам келиб,
Каттик уввос солибди:
-Эй одамлар шошилинг,
Фалокат келар билинг,
Бир ой утиб сув курир,
Сувни захира килинг.
Яна бир ой утганда,
Куллар сувга тулади.
Факат ичганлар уни,
Тезда жинни булади.
-Кайдан билдинг эй чупон?
Ким сенга айтмиш?
Нега узидан узи,
Сув биздан кайтмиш?
-Тушимда бир муйсафид,
Огохлантириб эди,
Кишлогингга бориб айт,
Сувни гамласин деди.
Гулдурос кулги турди,
Хамма уй-уйга юрди.
Йигит хам уша захот,
Уйи томон югурди.
Кишлок ахли бир бора,
Бошини котирмади,
Бир ой сувини гамлаб,
Чупон тек утирмади.
Орадан бир ой утиб,
Сув хам буткул куриди,
Чол айтгандек бир кунда,
Замин сувни суриди.
Кургокчилик бошланиб,
Ташналик хароб килди.
Чупоннинг рост айтганин,
Халойик энди билди.
Нимжонлар тезда улди,
Дадиллар озиб булди.
Чупон эса рохатда,
Кийналмай фарогатда,
Паловлардан ошади,
Уйидан бир ой чикмай,
Маза килиб яшади.
Бир ой утиб сув келди.
Хамма дарёга елди.
Ташналик кондирдилар,
Гулханни ёндирдилар.
Хамма уйнарди шодон,
Куринмасди лек чупон.
Чол айтгандек аклдан,
Озган эди хар инсон.
Буни узлари сезмай,
Кувнашарди шух,хандон.

Факатгина шу чупон,
Сувни гамлаб олганди.
Шунинг учун бир узи,
Сувдан ичмай колганди.
Эшик очиб караса,
Хаммадан учибди хуш.
Чупон гердайиб дермиш,
-Жуда кул келдида туш.
Секин гоз юриш килиб,
Одамлар томон юрди,
Чупонни улар куриб,
Юзларини угирди.
-Каранг-деди биттаси,
-Ана жинни келяпти.
Биз барчамиз сог булсак,
Бу жинни не киляпти?
Ёшлари тош отарди,
Катталар гап котарди.
Аёллар хаё билмай,
Ерда кулиб ётарди.
Бир кулиб,бир бакириб,
Хамма захрини сочди.
Чупон уйлаб утирмай,
Югуриб уйига кочди.
Утириб куп уйлади,
Узига узи суйлади.
-Тавба килдим,бу не хол?
Ё алдадимикин чол?
Хуллас,урнидан турди.
Кул томонга югурди.
Сув ичмаслик ахдидан,
Йул йулакай у кечди.
Киргокда киймин ечиб,
Бир шунгиб сувдан ичди.
Уйлаб курди:-Ишимнинг,
Бутунлай хоми кетди.
Бироз утмай унинг хам,
Батамом томи кетди.

Алкисса;шу кишлокда,
Бирорта сог колмади.
Томи кетган жинни деб,
Хеч ким юзга солмади

Баходир.

мафтун

16.12.2011, 18:44

БИТТА СЎЗ

Ҳушимни учириб, девона айлаб,
Қулоғимда янграр қўнғироқ овоз.
Мени ўзимга ҳам бегона айлаб,
Тилимга битта сўз келади, холос...

Дармоним қурийди, қарийди сабрим,
Бу дарддан Луқмон ҳам этолмас халос.
Мени ҳам соғиниб қолганми қабрим?
Тилимга битта сўз келади, холос.

Ғамим кўтаролмай синади қалам,
хасратим заҳридан бужмаяр қоғоз.
Кимгаям суянсин, ахир дилгинам?!
Тилимга битта сўз келади холос.

Хатоларим бисёр, юмолмайман кўз,
Илло, пушаймоним йўлга пояндоз.
Кўзлаган манзилим шунчалар олис...
Тилимга битта сўз келади, холос.

...Ниҳоят, дунёдан бурилди юзим,
Ниҳоят, ҳаётим – ҳаёлимга хос.
Бор, учсанг учавер энди юлдузим
Тилимга битта сўз келади холос.

мафтун

17.12.2011, 17:42

ГЎЗАЛЛАРГА

Гўзал бўлишингиз мумкин чиндан ҳам,
Нетай, ҳуснингизга тараф бўлмаса?!
Найлайин, юзингиз ёруғ кундан ҳам,
Эҳ, унга шунчаки қараб бўлмаса?!

Пойингиз ўпмоққа ошиқиб денгиз,
Найлайин, тошларга бош урса тинмай?!
Нетай, тошдан қаттиқ бўлса дийдангиз,
Сизга тушган кўнгил қолмаса синмай?!

Ғунча дудоғингиз муқаллидидир?
Нетай, нигоҳингиз жодудир, жумбоқ?!
Найлайин, тишингиз инжуми ё нур,
Кўкка кипригингиз кўприкдир, қармоқ?!

Васфингиз эҳтимол бундан-да узун,
Найлайин, сиғмаса таърифга, сўзга?!
Нетай, гўзал кўнгил тиласа кўзим,
Кўнгил ўзгасини илмаса кўзга?!

Гўзал бўлишингиз мумкин чинданам...

(с) 1998

Баходир кушаков

17.12.2011, 19:16

ОНАЖОНИМГА.
Бирор суз тополмам,айтилмай колган,
Онажон мехрингиз таърифлаш учун.
Куп шоир киёмин келтира олган,
Онажон мехрингиз таърифлаш учун.

Сиз борсиз,хамиша кунглим хотиржам,
Сиз борсиз, оилада хамма жамулжам,
Бой тилим етмайди,чиройли суз кам,
Онажон мехрингиз таърифлаш учун.

Ок ювиб,ок тараб,Устирдингиз сиз,
Ёмонлардан йулим, тустирдингиз сиз,
Не килай,не айтай,айтаколинг сиз,
Онажон мехрингиз таърифлаш учун.

Эслайман,ёшликда шух эдим узим,
Бир жойда турмасдим,уйнарди кузим,
Баходир углингиз сурайди тузим,
Онажон мехрингиз таърифлаш учун.

Баходир.

Баходир кушаков

17.12.2011, 21:37

Она қизим

Юрагим бир парчаси,жонона кизим.
Дилимнинг гунчаси,мастона кизим.
Мехрибон,зур инок,дустона кизим.
Гулларнинг ичинда,райхона кизим.

Очилсин хамиша,гулларинг богда.
Кайнасин козонинг,хар дам учогда.
Юзинг ёруг булсин,доим сурогда.
Мехр кур доимо,дусту уртогда.

Кузимнинг кароси,оки хам узинг
Шаънимнинг хаёси,поки хам узинг.
Богимнинг олмаси,ноки хам узинг,
Зардоли,гилоси,токи хам узинг.

Тилагим паридек,покзода булгин.
Дустлар даврасида,хонзода булгин.
Борган жойингда хам,эъзозда булгин.
Эътибор,обруда,парвозда булгин.

Гурурим сен узинг,узинг юлдузим.
Бахтим, саодатим,сен ёруг юзим.
Узатсам хамиша,йулингда кузим,
Баходир отангман,сен жоним кизим.

Худодан сурайман,бергин деб тузим.
Очилган бахтингни курсин шу кузим.
Дуолар килгум мен,Оталик сузим,
Умринг зиёда булсин,Ойдиной кизим.

Баходир.

Ортимдан йигловчи ягона кизим.

мафтун

18.12.2011, 14:13

АРОСАТ

Иқбол акага

Ҳеч ким кўзларимга боқолмайди тик,
Ҳеч ким мушугимни «пиш» деёлмайди.
Фақат дил буржида қандайдир ҳадик,
Мени ўз ҳолимга қўймайди...

Ҳамма ғанимларим дўст бўлди охир,
Ҳамма кўзларимга кулиб қарайди.
Фақат шарпа янглиғ битта хавотир,
Мени ўз ҳолимга қўймайди.

Ҳар қандай қарорим қиличдай кескир,
Ҳеч қайси аҳдимдан қайтиб бўлмайди.
Фақат бу шубҳанинг матлаби надир,
Мени ўз ҳолимга қўймайди?!

Ҳар қайси кун менга, шубҳасиз байрам,
Ҳеч қандай жудолиғ мотам бўлмайди.
Фақат ўлим каби таҳдидда бир ғам
Мени ўз ҳолимга қўймайди...

(с) 1998

Баходир кушаков

19.12.2011, 01:08

Чикурни уйлама хеч,кошима жонон киргач,
Азобни унут буткул,юракка дармон киргач.
Дер Баходир,айриликка,етмас бардошим,
Куриб танамни жонсиз,булмагин хайрон киргач.

Баходир

Не сурсангиз Яратгандан мен учун,
Икки хисса берсин Оллох сиз учун.

мафтун

19.12.2011, 16:18

Не сурсангиз Яратгандан мен учун,
Икки хисса берсин Оллох сиз учун.

Ҳар икки дунёда ҳеч бўлмангиз кам.
Яна айласин Тангрим азизу мукаррам.

Баходир кушаков

20.12.2011, 04:23

БИТИРУВЧИЛАР ИЛИНЖИ.
Хар бир ишни ургатиб бизга,
Айб килсак айтдингиз юзга,
Эргашурмиз доимо сизга,
Дуо килинг бизни Устозлар.

Сузларингиз мисли олтин,зар,
Одобингиз мисоли гавхар,
Юзингизда нур сочар камар,
Дуо килинг бизни Устозлар.

Алифбони ургатдингиз Сиз,
Хаётга йул курсатдингиз Сиз,
Мехр нурин таратдингиз Сиз,
Дуо килинг бизни Устозлар.

Устозларнинг дуоси абад,
Булгай эмиш доим ижобат,
Угил ва кизингиз айтади рахмат,
Дуо килинг бизни Устозлар.

Баходир.

Муаллим келажак эшигин очар,
Нодон шогирд кирмасдан кочар.

Баходир кушаков

20.12.2011, 05:12

АГЕНТДАГИ ХАНГОМА.
Дедим;Эй Гулим юзингни курсат бир бора.
Деди;Сендайин ошикдан менга чи кора?
Дедим;Ишкингда куймокда мендек бечора.
Деди;Хомтама булма хеч,булма овора.
Дедим;Васлингга етишчун булдим девона.
Деди;Сендайин курукка кайда жонона?
Дедим;Бу кеча боройин кайда хобхона?
Деди;Уятсиз,булмам хеч сенга хамхона.
Дедим;Зулфингни упойин борган захотим.
Деди;Тур йукол,сенсиз хам утар хаётим.
Дедим;Шошилма жонгинам,уйлагил бир пас.
Деди;Сенга ёр булмасман,етар,булди бас.
Дедим;Гулдаста жунатдим,олдингми жонон?
Деди;Учмасман бир гулга билдингми нодон?
Дедим;Булмаса жунатай дуру гавхарни.
Деди;Купрок мен суяман олтину зарни.
Дедим;Майли мен кийдирай олтиндан бир тож.
Деди;Ростданми?Олтинга, бордир эхтиёж.
Дедим;Жунатай айтганим килсанг жонона.
Деди;Хуп майли не десанг килай,на чора?
Дедим,Илиндинг париваш боролмайман мен,
Оилам бор,гапимга ишондингми сен?
Деди;Мен хам Гули эмас Нодираман мен,
Уз жуфтухалолингни танимадинг сен.

Баходир.

Узга бог гулига кул чузса инсон,
Уз боги гулини йукотар осон.

Баходир кушаков

20.12.2011, 18:48

Сурадилар мендан:-Азиз ёринг ким?
Дедим:-Факат ОЛЛОХдур ёрим.
Яна сурадилар:-Ким эрур боринг?
Дедим;-Жигарларим,оилам,шу борим.
Сурадилар:-Узганинг мулкига чузгаймисан кул?
Дедим;-Хазар эрур менга бундай йул.
Сурадилар:-Борми жонингдан азиз?
Дедим;-Менга иймон хаммадан лазиз.
Айтдиларки:-Баходир булгил бирордар.
Дедим;-Жоним билан охират кадар.

Баходир.

Баходир кушаков

20.12.2011, 22:06

ДЕДИМ:-Хаётим маъноси сенсан,
ДЕДИ:-Йигитлар сардори,барноси сенсан.
ДЕДИМ:-Сен калбимнинг ёнган чироги,
ДЕДИ:-Сен севгимнинг гуллаган боги.
ДЕДИМ:-Сен кунглимни чуктирма зинхор,
ДЕДИ:-Сен аввал кел кошимга бир бор.
ДЕДИМ:-Мен бу кеча ёнингда булай,
ДЕДИ:-Мен багрингда рохатда улай.
ДЕДИМ:-Мен зулфингни сийпалаб силай,
ДЕДИ:-Хуп,мен сени хаётим билай.
Юрак дер:-Баходир уйламай айтдинг,
Нечун сен шу ёшда аклингдан кайтдинг?
Тугриси ул гузал жуда хуш экан,
Уйгониб сунг билсам факат туш экан.

Баходир.
Оппок сочинг билан излабсан жонон,
Тушингни сувга айт,булмагин нодон.

Aliya

22.12.2011, 13:51

Siz uchun...

Siz uchun Mag'ribdan chiqmoqda quyosh,
Bahorga o'rnini bo'shatmoqda kuz.
Qorparcha bag'riga berkingan ko'zyosh
Xazon barg sahniga o'girmoqda yuz...

Siz uchun saraton otashi ichra
Dunyolar taftidan ruhim tonmoqda.
Siz uchun Xudoning asragan erka,
Farishta ko'ngilli quli yonmoqda...

Kuygan qalb o'tiga tushgan parvona
Kuymagan ne qoldi - garchi ilohiy?!
Siz uchun yaralgan bu ishq devona,
Yurak-yuragimni aylasa osiy?!

Siz uchun o'tmoqda ma'nosiz hayot,
Hijrondan bag'rim xun...
Holimni ko'ring...
Gar sog'inch o'ldirsa, azizim, hayhot,
Siz kelib, ko'nglimni gullarga ko'ming...

Баходир кушаков

22.12.2011, 21:18

НУР БОРКИ,СОЯ БОР.

Нурга караб юрсам агар,ортимдадирсан.
Юрар булсам зулмат томон,олдимдадирсан.
У ёнимдан нур таралса,бу ёнимдадирсан,
Соям!Сендан якин борми менга ёруг оламда?

Куёш ботса куринмайсан,кайга кетасан?
Зулмат аро ташлаб куйиб,узинг нетасан?
Ёлгиз колган юрагимни,афгор этасан,
Соям!Сендан якин борми менга,ёруг оламда?

Бу дунёда сендан якин албатта бордир,
Тунми,кунми доим бирга булмокка кодир,
Кайда булсам мехри ила хозиру нозир,
Соям!Сендан якин Онам бордир ёруг оламда.

Баходир.
Шафоат курмок истасанг,дуст бул Оллохнинг дустига,
Жаннатни курмок истасанг,ёт онангнинг оёгини остига.

Mahmud Jurat

22.12.2011, 23:52

***
Нақадар нозик бу дунё қаноти,
Тақдир деб ёзилган куйнинг баёти,
Англаб етилмас сир инсон ҳаёти,
Қайдан учиб келдинг нозик капалак.

Гўдаклик – дунёга дод солдик билмай,
Ҳаётни сипқордик текин деб – мўмай,
Қайларга кетдинг сен болалик ҳай-ҳай,
Қайда сайр этдинг сен нозик капалак.

Яшаш шу – мен турган лой супа, дедик,
Сузилдик қошларга: “жон ука”, дедик,
Тўймадик ҳаётдан, не келса едик,
Қайга кетмоқдасан нозик капалак.

Қайдан учиб келдинг нозик капалак,
Қанча учиб елдинг нозик капалак,
Қайга кетмоқдасан нозик капалак:
Келдим, елдим, кетдим, бўлибман ҳалак.
(С)

albatros

25.12.2011, 11:28

Hazil qilsam qovog'ing uyib,
"Sabrim to'ldi, ketdim men to'yib"
-Deya menga ayiblar yo'yib,
Arazlashing, yoqadi sening.

Bee'tibor bo'lsam goh biroz,
Sekingina chiqarib ovoz
"Go'zalmanmi?!"-deya etib noz,
Turishlaring yoqadi sening.

Gar kech qaytsam ishdan "Ha oylab
Ko'rinmaysiz. Qo'ydimi boylab"
- Deb g'azabim, qo'zib ataylab,
Kulishlaring, yoqadi sening.

Ne bo'lsa ham, gulbog'im o'zing,
Ikki dunyo hamrohim o'zing,
Ham quyoshim, ham mohim o'zing,
Bor bo'lganing, yoqadi sening.

(c)

Minglar

28.12.2011, 01:43

Янги йил тилаги

Секингина, яқин кишидай,
Шивирлашиб оқ қорлар ёғсин.
Туманланиб қолган дилларга,
Оқ умидлар шам - чироқ ёқсин.

Энг беғубор, мусаффо кеча
Юлдузидай порласин кўзлар.
Насиб этсин диллар суҳбати,
Соқов бўлиб қолгандай сўзлар.

Сонияда бахт қуши учсин
Қанотида хурсандлик, шодлик.
Янги йилни келтирсин Тангрим,
Барчамизга ширин ва тотли.

(C)

Minglar

28.12.2011, 02:14

Қизил ва қора

Адашдим , қоқиндим – туртиб чалдилар,
Ишим юришганда қўлим олдилар,
Бошимга минг битта бало солдилар,
Одамлар...

Қўлимда пулим кўп – “ дўстлар” , ўрам кўп,
Дастурхонга шерик тамоқ жўрам кўп,
Ҳар кун эшигимда ул-бул сўрам кўп...
Одамлар...

Бўғзимда арқоним айтаман секин:
Сизларни қанчалик севардим.., лекин
Мени осишяпди тамошо текин,
Одамлар!

Мен ҳам бошқа эмас , бирларинг эдим,
Бирда ошкора , бир сирларинг эдим,
Баъзан қоронғу тун, нурларинг эдим ,
Одамлар...

(c)

Gulchehra Ibragimova

28.12.2011, 18:10

https://img.uforum.uz/images/dopcexu9401837.jpg

Ўтaётгaн йилгa

Ўтaётгaн эски йилим
сeн тaриx сaҳнaсидa -
Мaнгугa қoлaжaксaн
aсрлaр сaнaсидa.
Мутлaқо ҳoлидирсaн
кимнингдир тaънaсидaн
Кетaр чoғдa фaқaт биздaн
рoзи кет, ўтар йилим.

Кетaётгaн бу эски йил
ўтгaн oй, ўтгaн умр,
Инсoнлaрнинг тeгрaсидaн
ўтди қaнчa сaвдo, сир.
Кимнингдир кўнгли ярим,
кимнинг кўнгли бaлки кир,
Сeн фaқaт рoзи кетсaнг
бўлди ўтaр эски йил.

Бaxт сўргaнгa бaxт бeрoлмaй
бўлдинг бaлки aрмoни
Ёки кимгa мaдaд бўлдинг,
балки кучи, дaрмoни
Ризқ сўргaннинг тўлди бaлки,
бўшaб ётгaн “кaрмoни” -
Фaқaт биздaн рoзи кетсaнг бўлди ўтaр эски йил.

Ўтaётгaн ушбу йилдa кулди кўпнинг иқбoли,
Кимнинг илми, кимнинг ёки кўпaйди дунё мoли.
Кимлaр тўшaк узрa эди, яxшилaнди aҳвoли
Кетaр чoғдa биздaн рoзи кетсaнг бўлди эски йил.

Кимдир-кимгa aзoб бeриб янa бўйи ўсгaндир,
Кимдир ўсгaн aқли илa ғaм йўлини тўсгaндир,
Кимдир бaлки фaрзaнд кўрсa, кимнинг шaъми ўчгaндир
Нe бўлсa ҳaм энди oмaд тилaб кетгин эски йил.

Кетaр чoғи ортингга бoқ, эй мeҳмoн эски йилим,
Қaрa қaнчa кoшoнaлaр сaнaб битoлмaс тилим!
Шул гуллaгaн бўстoн aрo шoд яйрaр бўлди элим -
Биз рoзимиз сeн ҳaм биздaн рoзи кет эски йилим?!

Feruza Xodjayeva

28.12.2011, 18:19

Кимдир бaлки фaрзaнд кўрсa, кимнинг шaъми ўчгaндир Нe бўлсa ҳaм энди oмaд тилaб кетгин эски йил.
Раҳмат Гулчеҳра опа.
Нима бўлган тақдирда ҳам ҳеч кимнинг умид шами ўчмасин. Янги йил ОМАДЛАР йили бўлсин.

Ra`noxon Xo`jaeva

28.12.2011, 18:22

Кетaр чoғи ортингга бoқ, эй мeҳмoн эски йилим, Қaрa қaнчa кoшoнaлaр сaнaб битoлмaс тилим! Шул гуллaгaн бўстoн aрo шoд яйрaр бўлди элим - Биз рoзимиз сeн ҳaм биздaн рoзи кет эски йилим?!
Гулчеҳра опа жудаям мазмунли шеър ёзибсиз!
Илоҳим келаётган 2012 йил ҳаммамизга омадли, ризқли ва барокатли келсин! Ижодингизга улкан муваффақият тилайман. Шеър учун ташаккур.:clapping:

Gulchehra Ibragimova

31.12.2011, 16:24

https://img.uforum.uz/images/ikavcul9714707.jpg

Янги йил келмоқда

Янги йил келмоқда Қорқизи билан,

Оқ парқу тўшаги, оқ изи билан.

Қорбобо арчаси, юлдузи билан,

ЯНГИ ЙИЛ КЕЛМОҚДА ЯНГИ ЙИЛ!

Кимларга шодлигу кимга бахт,

Кимгадир насия, кимга нақд.

Кимгадир мартаба, амал, тахт,

Янги йил келмоқда, Янги йил!

Капалак ўйноқи қор бирла,

Кимгадир суюкли ёр бирла,

Ишсизга яроқли кор бирла,

Янги йил келмоқда, Янги йил!

Кимгадир мол-давлат ё омад,

Кимнингдир орзуси бир дилбанд.

Ниятга етгуси то абад -

Янги йил келмоқда, Янги йил!

Керакдир кимларга ёстиқдош,

Юракдан тилаган дўст-сирдош.

Ғамларинг унутгил, эй дилдош,

Янги йил келмоқда, янги йил!

Дўст-дўстни қутлайлик чин дилдан,

Дардларни чиқариб кўнгилдан.

Ҳол сўранг онаю, сингилдан,

Янги йил келмоқда, Янги йил!

Янги йил барчага бахт берсин,

Дуога қўл очинг нақд берсин.

Тан-сиҳат, омонлик тахт берсин,

[LEFT]Янги йил келмоқда, Янги йил.
(с)

ЯНГИ йил айёми барча- барчага муборак бўлсин! 2012 ЙИЛ БАРЧАНИНГ ХОНАДОНИГА БАХТ-ИҚБОЛ, БАРАКА-РИЗҚ ВА МЕҲР-ОҚИБАТ ОЛИБ ОЛИБ КЕЛСИН! ТАБРИКЛАЙМАН!

Aliya

02.01.2012, 23:34

Assalomu alaykum!
Barcha forumdoshlarni Yangi Yil bayrami bilan tabriklayman. Ishlarida omad, dasturxonlariga to'kislik va qut-baraka, oilalariga tinchlik va baxt-saodat tilayman!!!

Yangi yil tongida yozilgan she'r.

Singan va sindirgan dil o'rtasida
Alam devorini qurib bitkazdim.
Orzu sog'inchida kutilgan kunni
Armon olovida kuyib o'tkazdim...

Mushaklar porlaydi.
Soat o'n ikki.
Kutaman - kimimdir esga olar, deb...
Hech yo'qsa:
"Bayraming muborak!" - deya,
Bittagina xabar yozib qolar, deb...

Yulduzlar porlaydi sukunat aro,
Bayram tantanasi, g'ovuri tingan...
Men hamon yolg'izman o'ylarim bilan:
"Nega umid qildim muhabbatingdan?!"

Afsus-la kuzatdim yana bir yilni,
Yana bir yil keldi Sevgingsiz, Sensiz...
Xudodan so'rayman:
Yanagi yilga -
Yangi yil tongini kutmasam yolg'iz...

Yolvorib so'rayman...
Ohlarimda dard,
Ming bitta g'am ko'char ko'nglim qatidan...
Bilmam, yana nega ishondim Senga,
Umid qilib yolg'on muhabbatingdan?!

Tushundim - bariga sababchi o'zim,
Bariga aybdor ham shu sodda ko'ngil...
Yig'lamasin, - deya, - takror uchrashsak,
Menga G'URUR sovg'a qildi Yangi Yil...

Minglar

03.01.2012, 07:52

Юлдуз истаб сакрайсан баланд,
Ўзинг бўйинг ўлчамай ҳарчанд,
Балки бориб етардинг, лекин
Аҳмоқликлар берадилар панд.

Ариқларга ташлайсан қармоқ,
Лаққа балиқ истагинг тутмоқ,
Қуёш ўтиб уфққа ботганда,
Аттанг қилиб сўрасан бармоқ.

Балки шундай яшаб ҳам бўлар,
Киминг йиғлар, кимингдир кулар.
Ҳеч бир нима қилиб улгурмай,
Умр деган паймонанг тўлар…

(c)

Minglar

03.01.2012, 08:12

Баҳор дардин тўкар гулларга,
Ёз қиздириб бораверар жим.
Куз – соғинчдан сарғайган ватан
Ҳазонлиғин ўйлаб топган ким!?

Учта фасл ичра тентитаб,
Сени излаб-излаб, сенсираб,
Кетаяпман тўртинчи – оқлик,
Қиш – совуқлик юртига қараб.

Наҳот, кўнглим, топа олмасам!?
Наҳот ишққа етмоқ мумкинмас!?

(C)

Gulchehra Ibragimova

03.01.2012, 18:07

Кийнамай,кадримни килсанг канийди.
Жумла ўзбек тилига тўғри келмайди, қадр нима қилиниши керак?

Баҳодир Қўшақовнинг юқоридаги шеърлари кўпроқ шева билан ёзилибди, чамамда. Уларнинг шоирликка "даъво" эмас, шунчаки хаваслари бор шекилли..

Майли хато-камчилик ҳаммамизда ҳам бор.. Танқид яхши нарса.Хулоса чиқарарлар...

Аммо Маҳмуд ака мана бу тўртликда қандай камчилик, уни нимаси ёқмади? Мен илғай олмадим. Мазмун жойида..агар иложи бўлса тушунтирсангиз.., раҳмат.

т..

Taqvimni devordan yulib otaman,
Agar o‘tgan bo‘lsa bir kunim dardsiz.
Balki butun umrim bilan xatoman,
Ammo men hech kimman xotiralarsiz.

Nosir

Nigora Umarova

03.01.2012, 18:09

Аммо Маҳмуд ака мана бу тўртликда қандай камчилик, уни нимаси ёқмади? Мен илғай олмадим. Мазмун жойида..агар иложи бўлса тушунтирсангиз.., раҳмат.

т..

Taqvimni devordan yulib otaman,
Agar o‘tgan bo‘lsa bir kunim dardsiz.
Balki butun umrim bilan xatoman,
Ammo men hech kimman xotiralarsiz.

Nosir

Gulchehra opa, ijozat bersangiz ushbu xabarni "She'r aziz olam aro" mavzusiga joylashtirsam hamda bahsni u yerda davom ettirsangizlar.

Gulchehra Ibragimova

03.01.2012, 18:12

Gulchehra opa, ijozat bersangiz ushbu xabarni "She'r aziz olam aro" mavzusiga joylashtirsam hamda bahsni u yerda davom ettirsangizlar.

Яхши бўларди, ўзи жуда баҳс талаб "нарса"лар кўпайиб кетяпти..

Mahmud Jurat

03.01.2012, 18:20

gofurov

03.01.2012, 18:25

Шунинг учун Носир шоирнинг шеърларини ўқимаган эканман.
Носир шоирнинг шеърларини мана шу манзилдан кўчириб олсангиз бўлади.
http://uforum.uz/showthread.php?p=608437

Mahmud Jurat

03.01.2012, 18:28

Gulchehra Ibragimova

03.01.2012, 18:30

Taqvimni devordan yulib otaman,
Agar o‘tgan bo‘lsa bir kunim dardsiz.
Balki butun umrim bilan xatoman,
Ammo men hech kimman xotiralarsiz.

Nosir

Замонавий шеъриятдан балким унчалик хабарсиздирман. Шунинг учун Носир шоирнинг шеърларини ўқимаган эканман. Узр.
Тўртликдаги учинчи қатор ғализ, мубҳам. Шоир балким бутун умрим хатодир демоқчимикан. Умуман, бу тўртликни ҳам ёмон дастхат билан ёзилган мактуб сингари муаллифнинг ўзи тушунтириб бермаса тушуниш қийин.

Агар даврада ўн киши ўтирган бўлса, бир шоир томонидан бирон шеър ўқилса, шу ўтирган ўн киши мазмунни, мантиқни ўн хил тушуниши, турлича фикрлаши, изоҳ бериши табиий нарса..
Ҳар ким ўзига керакли томонини тезроқ "олади"..

Nigora Umarova

03.01.2012, 18:34

Taqvimni devordan yulib otaman,
Agar o‘tgan bo‘lsa bir kunim dardsiz.
Balki butun umrim bilan xatoman,
Ammo men hech kimman xotiralarsiz.

Nosir
Тўртликдаги учинчи қатор ғализ, мубҳам. Шоир балким бутун умрим хатодир демоқчимикан. ...тушуниш қийин.

Inson yashar ekan, u dard chekin yashashga mahkum. Xalqimizda "Ishqsiz- eshak, dardsiz-kesak" degan maqol bor. Kechirayotgan umrimiz yutuqlar bilan birga kamchiliklardan ham iboratdir. Xotirasiz kelajak yo'q. Shuningdek, xotirasini yo'qotgan inson manqurt hisoblanadi. Xotira bizning kimligimizni ko'rsatguvchi ko'zgudir.

Men she'rni shunday, jo'n tushundim. Uzr, she'rni tahlil qilishda chuqurlashib ketishim ham mumkin edi.

Mahmud Jurat

03.01.2012, 18:37

Ҳар ким ўзига керакли томонини тезроқ "олади"..
Ҳар ким ўзига керакли томонини олишига қарши эмасман, бу тўғри. Аммо жумла ўзбек тили қонун қоидалари чегараларини бузгандай, менимча. Жумла агар шундайича олинса муаллифнинг ота онасига гап маъноси ўтиб кетаётгандай бўлиб туюлаяпти менга. Ахир муаллиф ўз ота онасига бирон бир шаъма билан бу қаторларни ёзмаган бўлса керак.

Gulchehra Ibragimova

03.01.2012, 18:46

Жумла агар шундайича олинса муаллифнинг ота онасига гап маъноси ўтиб кетаётгандай бўлиб туюлаяпти менга. Ахир муаллиф ўз ота онасига бирон бир шаъма билан бу қаторларни ёзмаган бўлса керак.

Энди Сиз "чуқурлашяпсиз" шоир ака! Шоирга "дард" келган пайти уни дунёга келтирган ота-онаси ҳақида ўйламагандир..Бундай деб ўйлаш "ўнг"дан "чапга" бирдан бурилиш каби бўляпти, менимча.

Қаранг у тўртликка шоир унда "дард" ҳақида, "шеърият азоби" , "ҳис", "туйғу" ҳақида ёзяпти: "Agar o‘tgan bo‘lsa bir kunim dardsiz". Ўзининг касаллиги учун ота онасига таъна қилмаяпти! Аллоҳ берган шоирлик "дард"идан миннатдор назаримда..Беҳуда ўтмади, деган мазмунда албатта..

Баходир кушаков

03.01.2012, 18:50

Ахир муаллиф ўз ота онасига бирон бир шаъма билан бу қаторларни ёзмаган бўлса керак.
Фикри ожизимча шоир айнан шу ота-онасидан хато тугилганлигига шаъма килятган булса керак.Юкорида ёзибдику: Agar o‘tgan bo‘lsa bir kunim dardsiz.Демак эслашга арзигулик хеч нарса йук,лекин хотираларсиз яшаш кийин демокчи.Маъно бор деб уйлайман шеърда.

Баходир кушаков

03.01.2012, 18:52

Ўзининг касаллиги учун ота онасига таъна қилмаяпти!
Ха Гулчехрахон узингиз айтганингиздек хар ким узи тушинганча тахлил киляпди.

Nigora Umarova

03.01.2012, 18:53

Фикри ожизимча шоир айнан шу ота-онасидан хато тугилганлигига шаъма килятган булса керак.

Hech bir inson ota-onasidan xato tug'ilmaydi. Tug'ilish insonning inon-ixtiyorida emas.;)

Mahmud Jurat

03.01.2012, 18:53

Ўзининг касаллиги учун ота онасига таъна қилмаяпти!
Касалликни Тангри беради, ота она бермайдику. Қандай қилиб ота онага ўз касаллигимиз учун таъна қилишимиз мумкин?

Nigora Umarova

03.01.2012, 18:54

Ўзининг касаллиги учун ота онасига таъна қилмаяпти![/QUOTE
Ха Гулчехрахон узингиз айтганингиздек хар ким узи тушинганча тахлил киляпди.

Mulohaza bildirayotgan fikringizni to'g'ri oling.

Gulchehra Ibragimova

03.01.2012, 18:56

Ўзининг касаллиги учун ота онасига таъна қилмаяпти!
Касалликни Тангри беради, ота она бермайдику. Қандай қилиб ота онага ўз касаллигимиз учун таъна қилишимиз мумкин?

Хўп, унда у нимага "ота- онасига шаъма қиляпти ", деб ўйладиз? Уни дунёга келтиргани хатоми? Дунёга келтиргани учун норизоми? Фикрингизни очиқроқ ёзинг, Шоир ака?

Mahmud Jurat

03.01.2012, 19:00

Уни дунёга келтиргани хатоми? Дунёга келтиргани учун норизоми? Фикрингизни очиқроқ ёзинг, Шоир ака?
Шоирнинг ёзганидан ўз тушунганимни ёздим, унинг ота онасидан хафа ёки таънасини шоирдан сўраш керак. Шунинг учун мен юқорида ёмон ҳуснихатни эслатиб ўтган эдим.

Mahmud Jurat

03.01.2012, 20:48

Minglar

04.01.2012, 15:31

Уйимнинг томини тутади девор,
Гўшамнинг номини тутади девор.
Кимсасиз хонада сабот билан жим,
Ишдан қайтишимни кутади девор…

Эшикни очаман – қучоғи муздай,
Эшикни очаман - сукути сўздай.
- Девор! Дардингни тўк, меҳрингни кўрсат.
Бир четда оқариб туради бўздай…

Ҳайқириб , бағрига муштлаб ураман:
- Бир нима десангчи, қалбинг кўрай ман!
Ва оҳир тун ярим бўлган чоғида,
Деворнинг пойида ўзим кўраман…

(C)

Баходир кушаков

04.01.2012, 20:38

Умрим менинг.

Мухаббатнинг канотида,
Учиб утгин умрим менинг,
Висол деган туйгуларни,
Кучиб утгин умрим менинг.

Самоларда парвоз этиб,
Юрагимни бир роз этиб,
Куйларимга шух соз этиб
Бахт аталмиш нурни менга,
Сочиб утгин умрим менинг.

Шукр дейман борингга деб,
Менга берган орингга деб,
Севдиролган ёрингга деб,
Сахий кулинг менга доим,
Очиб утгин умрим менинг.

Кийналганда синовлардан,
Озор чексам бировлардан,
Маглуб этмай не ёвлардан,
Хар кандайин муаммомни,
Ечиб утгин умрим менинг.

Бир иш колди,сурай мана,
Узок менла булгин яна,
Ажралмасин рух ва тана,
Юз ёш деган бу уммонни,
Кечиб утгин умрим менинг.

Мухаббатнинг канотида,
Учиб утгин умрим менинг,
Висол деган туйгуларни,
Кучиб утгин умрим менинг...
-------------------------------------
Умрнинг кадрига етсанг сен факат,
Умрингдан баракот топурсан албат.

Баходир.

Minglar

05.01.2012, 07:58

Ишқда ёндим, лек сенга фидо бўлолмадим,
Сарсон бўлдим йўлингда, гадо бўлолмадим.

Юрак кетди сен биланб юраксиз ҳам юрдим,
Токи куюб васлингда адо бўлолмадим.

Тўғри юрдим, тўғри деб - рисоладагидекман,
Лек сен учун нечун мен хато бўлолмадим.

Жонимдан суюк дердим, жондан азиз нигор,
Сени деб суюк жондан жудо бўлолмадим.

Куй бўлдим мен, қўшиғу жаранг соз бўлдим ҳам,
Юрак тубидан чиққан нидо бўлолмадим.

Кўнглингда нелар кечган икки дунё билмам,
Дилингдагин билмакка худо бўлолмадим.

(C)

Masud Mahsudov

05.01.2012, 23:10

Осмонларда ёрқин офтобим,
Денгизлардан топганим садаф,
Туним сирли этган моҳтобим,
Истарадан юзларингда тафт...
Соғинганим,
Соғинмадингми?

Бедорлигим сабабчиси сен,
Кўнгил торим рубобчиси сен.
Васлинг гўё сароблар бўлди,
Муштдек жоним соғинчга тўлди...
Соғинганим,
Соғинмадингми?

Кўзларингни бир лаҳза юмиб,
Ўзни минг хил орзуга кўмиб,
Кўзгуларга термулиб кулиб,
Ёхуд чуқур хаёлга чўмиб,
Соғинганим,
Соғинмадингми?

Сочларимга инмоқда қорлар,
Интиқтирди бизни баҳорлар.
Секин ўтар бўлганида он,
Йўллар қараб чашминг нигорон...
Соғинганим,
Соғинмадингми?

Туманларга айланди оҳим,
Хун бўлган шу юрак гувоҳим.
Дардим ёзиб, этганимда ёд,
Тиқилади бўғзимга фарёд.
Соғинганим,
Соғинмадингми?

Ҳаққа шукр айтаман, борсан,
Саҳро узра кўклам диёрсан.
Яккаш гулим – сочгувчи ифор,
Муштоқ дилим сенга интизор.
Соғинганим,
Соғинмадингми?

(c)

Mahmud Jurat

06.01.2012, 17:19

***
Баъзан қалбим қайнаб юпанч излайман
Озод юлдузларнинг даврасин кезиб.
Бирдан ғимирлайди дилда пушаймон,
Бўғзимни бўғаман ғаюрлик сезиб.

Ачитар қўлларим қонли қадоқлар,
Аскар саночида тугадими ўқ.
Бокира Марямдек гўдак ардоқлар,
Ўзи оч бир гадо, гўё қорни тўқ.

Ачинган ҳолларим айта олмадим,
Кўплашиб куйламоқ бизда урф эмас.
Қатрондан умид йўқ, ювилмас қадрим,
Сенсиз ардоқлансам мени ит емас.

Даврада бир бора уввос солмадим,
Балки бўшармиди тош қотган дийдам.
Эски у дўстларинг аслида малъун,
Эрта тонгдан олқиш куйлаб турса ҳам.

Халқим, мунисим, юртим, маконим,
Сен ҳам бир давра бўб куйлаб юборгин.
Дилингга билим ол йиғлоқи иним,
Тобелик руҳини қонига қоргин.
(С)

Баходир кушаков

07.01.2012, 21:29

Shokir Dolimov

07.01.2012, 22:04

Эҳтимол бунга қаердадир тушунтириш берилгандир-у, 133 та саҳифани қайта бошдан ўқишга имкон топа олмаяпман. Нима учун мавзуга hero «метка»си қўйилган?

Shokirbek

08.01.2012, 13:58

ОНАХОН МАҚОМИ.(Онам таваллудининг 75 йиллигига)
Бахтимнинг боғида доим гуллаган,
ҳар ишда лаббай деб мени қўллаган,
Фарзандлар камолин тинмай ўйлаган,
Онажон! Бахтимга бўлинг Сиз омон!

Емасдан едириб тўйдирдингиз,Сиз,
Ўзингиз киймасдан кийдирдингиз,Сиз,
Адолат ва Ҳакни суйдирдингиз,Сиз
Онажон!Бахтимга Булинг Сиз омон!

Авайлаб,етаклаб юргиздингиз,Сиз,
Йиқилсам,сиз йиғлаб,тургиздингиз,Сиз,
Йўлимни ҳак йўлга бургиздингиз,Сиз,
Онажон!Бахтимга бўлинг Сиз омон!

Ишдан келишимни кутар эдингиз,
Кел болам овқатни егин дердингиз,
Шунча кўп мехрни қайдан олдингиз?
Онажон!Бахтимга бўлинг Сиз омон!

Сиз борсиз,кўзимда бўлмас сира нам,
Сиз борсиз,бу бошим бўлмас сира хам.
Сиз борсиз,юракда бўлмас сира ғам,
Онажон! Бахтимга бўлинг Сиз омон!

Йўлимни ёритган,чироғисиз,Сиз.
Отамнинг севгани,ўртоғисиз,Сиз.
Қалбимнинг эъзози,ардоғисиз,Сиз,
Онажон!Бахтимга бўлинг Сиз омон!

Таваллуд айёми муборак бўлсин,
ОНАХОН мақоми муборак бўлсин,
ОЛЛОХнинг саломи муборак бўлсин,
Онажон!Бахтимга бўлинг Сиз омон!

Баходир.

Баҳодир, шу шеърингизни бироз рандаласангиз, силлиқроқ, ширинроқ чиқади, деб ўйлайман. Йўқса, "сиз-сиз"лар, "гиз-гиз"лар кўпайиб, қулоққа оғир бўлиб қолади. Рухсатингиз билан қуйидаги вариантни таклиф қилсам:

Бахтимнинг боғида гуллаган,
Ҳар ишда доимо қўллаган,
Фарзандлар камолин ўйлаган,
Соғ бўлинг, бахтимга, Онажон!

Емасдан едирган ўзингиз,
Киймасдан кийдирган ўзингиз,
Ҳақни ҳам суйдирган ўзингиз
Соғ бўлинг, бахтимга, Онажон!

Авайлаб етаклаб юргизган,
Йиқилсам, зор йиғлаб турғизган,
Йўлимни Ҳақ йўлга бурғизган,
Соғ бўлинг, бахтимга, Онажон!

Кўчадан келишим пойлаган,
Ўзи оч, тўқлигим ўйлаган,
Уммондек меҳрни жойлаган,
Соғ бўлинг, бахтимга, Онажон!

Сиз борсиз, кўзда йўқ сира нам,
Сиз борсиз, бош бўлмас сира хам,
Сиз борсиз, дилда йўқ сира ғам,
Соғ бўлинг, бахтимга, Онажон!

Йўлимни ёритган чироқсиз,
Отамга суюкли ўртоқсиз,
Қалбимнинг тўрида ардоқсиз,
Соғ бўлинг, бахтимга, Онажон!

Таваллуд айёми муборак,
Онахон мақоми муборак,
Оллоҳнинг саломи муборак,
Соғ бўлинг, бахтимга, Онажон!

Ўша маънони қисқа ва лўнда еткизган бўласиз.

Баходир кушаков

08.01.2012, 17:48

Ўша маънони қисқа ва лўнда еткизган бўласиз.
Муҳтарам Шокирбек!Аввало Эътиборингиз учун ташаккур.Хурсанд бўлдим.Бу шеър юқорида айтганимдек,Онамнинг 75 йиллик таваллудига ўтган йили апарелда юбилейда ўкиб булинди.Мен бу шеърни Онамга нисбатан ўз ҳисларимни кандай изҳор этолсам шундай ёзган эдим.Бу шеър аллақачон муҳлислар томонидан қўлларга кўчириб ҳам бўлинди.Сизнинг вариантингиз ҳам жуда чиройли,сўз бўлиши мумкин эмас.Лекин мен Онамга дилимдаги сўзларни қисқа ва лўндасини танламай,узун ва ҳаяжонлирок томонини танлашга ҳаракат қилган эдим.Яна бир бор эътиборингиз учун раҳмат.

Minglar

08.01.2012, 23:02

Бир дилга бир дилдош бoлмаса қийин ,
Узоқ йўлда йўлдош бўлмаса қийин,
Дунёни топсанг-у ичинг тўла дард,
Тақдир сенгга бироз кулмаса қийин.
Бир дилга бир дилдош бўлмаса қийин.

Ҳой йигит , ёшлари қирқдан нарида,
Топган тутганлари болалари-да.
Умринг узоқ бўлсин, қўлда барокат,
Донолик китоби билгил қарида,
Бир йигит бир бор чол бўлмаса қийин.

Гўзал бор , бир қараб ўлдирадиган,
Ўликка яна жон келтирадиган…
Ҳар қизга тенггини берсин худойим,
Паҳлавон келбати , ҳам зийрагидан,
Бир сулув бир бор ёр бўлмаса қийин.

Гар булбул бўлсаю гулзор ошён йўқ,
Гулзорга булбулдек сайроқи жон йўқ,
Бир буюк эл бўлса, фараз қил дўстим,
Бошини қўйгани тупроқ-макон йўқ,
Бир элга бир Ватан бўлмаса қийин.

(C)

Minglar

09.01.2012, 10:45

Getmək istəyirsən, bəhanəsiz get…
(Nüsrət Kəsəmənli)

Кетсанг!
Илинж қилма , баҳона қилма ,
Юрагим бир силтаб бўшатгинда, кет.
Телба ҳиссиётим фасона қилма,
Майли, севишганга ўхшатгинда, кет.

Кетсанг,
хотирларнинг эшигини ёп,
Унут икки дилнинг дастонларини,
Юрагинг зимистон бурчагига от,
Юраклар жунбушга келган онларни…

Йўлнинг гарданида оғир оёғинг,
Ҳар бир қадамингда инграйди улар.
Қайтармоққа кучи етмайди ва ё,
Қалбимни улар ҳам тушунмайдилар.

Кетсанг, илинж қилма, ришталарни уз,
Қайтар онларингни умрингдан ўчир,
Агар оёқларинг қулоқ солмаса ,
Қайтмам , деб, уларга қасамлар ичир.

Қўрқаман… келишинг кетишдек ёмон,
Яна қайтармоққа кучим етмайди,
Яна учрашмолик ўлим бегумон,
Чунки энди яра қайта битмайди…

Кетсанг!
Илинж қилма , баҳона қилма ,
Юрагим бир силтаб бўшатгинда, кет…

(C)

Aliya

09.01.2012, 11:58

Ishqki kelturmish...

Ishqki kelturmish maning jonim aro mingta jafo,
Ko'zlarimga yosh ravo bo'lmish yordan kutsam vafo.

Hajrida qirq kunduz-u, qirqta qaro tun o'tmish-u,
Ko'nglima bitmas jafosi, dardi topmas intiho.

Za'faron rangiga kirgan ol yanog'im bag'rini
Kunda yuz bora tavof etgaydur ko'z yosh bedavo.

Kuymagan dard qoldimu - bag'rim aro cho'g' asradim,
Taftida - qismatki kuydi, ohi sochimday qaro...

Parvardigoro, nechuk mani bu tarz xast aylading,
Yetmasam, nechun mani bu dardga etding mubtalo?!

Sig'madi ko'nglim aro man orzu qilgan baxt nechun,
Baxtini topgach - yo'qotmoq faslidurmi bu dunyo?!

Bandai osiy bo'libman ishqi oliyga asir,
Ki mani loyiq ko'ribdur dardi hijronga Xudo.

Ketmisham saltanatidin "Xush qol endi, ishq!" - deya,
Kimsa topmas hech zamon o'lim birla ishqqa davo.

Yorki, kelmas va bilmas holim ne kechmish hajrida,
Jon bersam yo'qlarmi bir bor, dardida bo'ldim ado...

Gulchehra Ibragimova

09.01.2012, 11:59

Гулрућнинг илтимосига кўра ёзилган шеър
Мућтарам ќалам усталари! Катта юбилей – 14 январь яќинлашиб келмоќда. Илтимос, агар...

"Илтимос" қабул қилиндиhttp://uforum.uz/images/icons/icon7.gif Албатта, бундай қадрли байрам ёдимизда, табрик учун битта шеър бор, деб ҳисоблайверинг!

Муҳтарам ва қадрли, азиз ЭРКАКЛАР!

https://img.uforum.uz/thumbs/drkvhyi7249436.jpg (https://img.uforum.uz/images/drkvhyi7249436.jpg)

Мана ўша Сиз азизларга берилган ваъдани бажариш они келди, деб ўйлайман. (Тўғри, яна озгина вақт бор, аммо тадбирларимиз кўплигини инобатга олиб, ЯНА АСОСИЙСИ- ҳаммадан аввалроқ табрикловчи-БИЗ БЎЛИШНИ ХОҲЛАДИК)

14–январь - Ватан ҳимоячилари кунига

Мардлар қўриқлайди дерлар Ватанни,
Ҳимоя қиларлар, истиқлол, шаънни
Бахшида айлашиб жонни-ю танни –
Она юртнинг ҳимоячи ўғлонлари.

Турон юртин ҳам таянчи, посбонлари,
Ватан учун доим кўкси қалқонлари,
Тинчлик деган улуғ неъмат боғбонлари
Она юртнинг ҳимоячи ўғлонлари.

https://img.uforum.uz/thumbs/ljneghv7384637.jpg (https://img.uforum.uz/images/ljneghv7384637.jpg)

Тузиб яна Амир Темур давлатини,
Олам узра ёйиб ўзбек шавкатини
Миллий қўшин, дея тиклаб шуҳратини-
Юртимизнинг марди майдон ўғлонлари!

Қўрқув билмас, чегарада турар хушёр,
Жалолиддин оғам каби келбати бор.
Тинчлик учун шайланади, бургутдай сор,
Она юртнинг мард баҳодир ўғлонлари.

Юртбошимнинг ўгити шул - бўлинг огоҳ!
Ҳеч бир ғаним салтанатга қазмасин чоҳ.
Қайда бўлманг Оллоҳ сизга бўлсин паноҳ,
Она юртнинг ҳимоячи ўғлонлари.

Сиз борсизки, доим бизнинг диллар равшан,
Сиз борсизки, омонликда кўҳна Ватан
Сиз борсизки, бутун эллар олгуси тан –
Ўзбегимнинг марди майдон ўғлонлари.

Биз аёллар учун ҳар қачон ва ҳар ерда тиргак, керак бўладиган, уйимизнинг устуни, бағримизнинг бутуни, Она Ватанимизнинг кўрки, қалқони ва ишончи бўлган мард ва жасур ўғлонлар, ботир йигитлар, шер юракли азиз эркаклар!

Биламиз-ки, тоғларни қаричлаб ўлчаб бўлмайди, уларни шунчаки забт этишнинг имкони ҳам йўқ. Йиллар силсиласида қоялар кўкка тик боқиб, виқор билан абадий тураверади.

Мардлик ҳам ана шундай. Унинг ўлчови йўқ. У Ватанга бўлган меҳр, муҳаббат, вафо ва садоқатнинг ифодасидир. Зотан, бизнинг забардаст, мард, шерюрак ўғлонларимизда ана шундай фазилатлар мужассам экан, юртимиз сарҳадлари, тинчлигу осойишталиги, фуқаролар хавфсизлигига ҳеч ким раҳна сололмайди

Аёллар эркаклар билан ҳар бир соҳада қадамба- қадам фаолият юритаётган бўлмасинлар, барибир жамиятда эркакларнинг ўрни бошқа.

Бекорга эркакнинг қўлида барака бор, дейишмайди. Нима бўлган тақдирда ҳам, эркакларимиз, йигитларимиз бошимизда соғ-омон бўлишсин. Эркаги бор уйнинг файзи бор, эркак пир деган гаплар бежизга эмас. Эркак бўлмаса ширин таомлар ҳам тайёрланмайди, ўзингизга қарагингиз келмайди. Бир сўз билан айтганда ҳаёт кемтикланиб, ўта мазмунсиз бўлиб қолади.
Муҳтарам Ватан посбонларига, Ватанимиз ҳимоячиларига ва барча қадрли йигитларимизга доимо омон бўлишларини, бошларини ҲЕЧ ҚАЧОН эгик- хам қилмаслигини, кўзларида асло нам бўлмаслигини тилаб қоламиз!

14-январь-ВАТАН ҲИМОЯЧИЛАРИ КУНИ БАЙРАМИ БАРЧАНГИЗГА МУБОРАК БЎЛСИН АЗИЗЛАР!

Бир сўзни ахтариб юрардим доим,

Шу сўзни мен бугун топдим Худойим.

Бўлмасин десангиз қиёмат қойим,

Йигит йиғламасин дунёда!

Йигитнинг кўзини нам қилма, ҳаёт.

Бошгинасин эгик хам қилма, ҳаёт.

Кўрган кунларини кам қилма, ҳаёт,

Йигит йиғламасин дунёда!

Изоҳ: Албатта, Сиз азизлар бундан-да зиёда ва охори тўкилмаган гапларга лойиқсиз..Бу каби самимий қутловларимиз, табриклар хали яна давом этади. Булар фақат ҳозирча.. Яна бир нарса Fikr.uz сайтида ҳам табрик ва тилаклар аллақачон бошлаб юборилган. Мана бу ерда (http://fikr.uz/blog/Mustaqillik_Vatan_milliy_goya/)
https://img.uforum.uz/thumbs/uryumrn1047338.jpg (https://img.uforum.uz/images/uryumrn1047338.jpg)

Gulchehra Ibragimova

09.01.2012, 13:41

"Ватан ҳимоячилари куни" муносабати билан алоҳида мавзу ҳам очилган экан мана бу ерда
(http://uforum.uz/showthread.php?t=7547&page=4) http://uforum.uz/images/icons/icon14.gif

Gulchehra Ibragimova

09.01.2012, 17:38

Кетсанг!
Илинж қилма , баҳона қилма ,
Юрагим бир силтаб бўшатгинда, кет…

(C)

Ажойиб шеър, ўқимишли ва таъсирли битик бўлибди..Англаган инсонга бу шеърда Кўнгил исёни турибди..гоҳо алам, нафрат..ва яна илинж..иккиланиш бор унда. Умуман унда ижодкорларга, ижод аҳлига таниш бўлган, ошино бўлган "дард", таниш "ҳис" ифодаланган.Қаранг:

"Кетсанг, илинж қилма, ришталарни уз,
Қайтар онларингни умрингдан ўчир,
Агар оёқларинг қулоқ солмаса ,
Қайтмам , деб, уларга қасамлар ичир.

Қўрқаман… келишинг кетишдек ёмон,
Яна қайтармоққа кучим етмайди,
Яна учрашмолик ўлим бегумон,
Чунки энди яра қайта битмайди…"

Ушбуни ўқиб менинг ҳам бир пайтлар кўнгилга, ишққа, суюкли ёрга нисбатан озроқ алам, озроқ ранж ва ..илинж сифатида ёзган бир шеърим ёдимга тушди. "Муаллиф"га эмас, шеърга жавоб тариқасида ёзгим келди:

Кетаман

Тан олмай ул "булбулгўё” ни
Ип қилиб эшасан рўёни.
Мен сенга қолдириб кетаман -
Ёлғонлар ин қурган дунёни.

Севган-ла яшамоқ бир ширин,
Дилларда не ҳислар яширин?!
Очмадим қалбимнинг туб сирин -
Кетаман бу олчоқ дунёдан.

Чопасан икки ўт ичида,
Халоват - игнанинг учида.
Азизим, тақдирга кўн, чида,
Кетаман, аросат, дунёнгдан.

Мен кетар осмоним кўп баланд,
Ундаги орзулар сарбаланд.
Ишқ дилни боғлади бандма-банд.
Кетаман бу ночор дунёнгдан.

Кетаман эзгу иш қилгани,
Илмлар сирини билгани.
Етар-да, ҳар каснинг "кулгани"
Кетаман мен ўзга дунёга.

Ғурурсиз вужуд бу-ўликдир,
Бу кўксим орларга тўлиқдир.
Менсиз ҳам ул кўнглинг синиқдир,
Кетаман иймони бутларга.

Кўз очиб кўрганим ёлғонми,
Ичаман ул оби-ёвғонми.
Бу дунё бувангдан қолганми,
Кетаман мен бошқа дунёга.

Истасанг кетиб кўр мард бўлиб,
Кимнидир куйдирар дард бўлиб.
Қолсанг қол, илашма гард бўлиб,
Кетаман ёлғизлик дунёмга.

Кетаман, ютқаздим, юрт бердим,
Не қилсам, не берсам бут бердим,
Сўнг сўзим, унутгин дўст, дердим -
Кетаман мен дўстсиз дунёнгдан.

мафтун

09.01.2012, 20:49

Кетсанг!
Илинж қилма , баҳона қилма ,
Юрагим бир силтаб бўшатгинда, кет…

Гўзал шеър учун ташаккур.

мафтун

09.01.2012, 20:51

Кетаман мен ўзга дунёга.

АГАР СЕН СЕВМАСАНГ…

Кетаман бу ердан бош олиб,
Мажнунни сийлаган саҳрога.
Кетаман кўзимга ёш олиб,
Юлдузлар ватани самога.

Бўлмаса,
харсангга бойланиб,
Чўкаман туби йўқ уммонга
Ёки кўккаптарга айланиб,
Учаман Кўҳиқоф томонга.

Дўст тутиб тонгдаги шабнамни,
Сўнг
сингиб кетаман тупроққа
Кетаман йиғлатиб онамни,
Борса-келмасданам йироққа.

Кетаман,
барибир кетаман,
Шу менинг энг сўнгги қарорим.
Суймасанг суйкалиб нетаман,
Алвидо,
суюкли дилдорим!

Кетаман!!!

(С) 1994

Masud Mahsudov

09.01.2012, 22:29

Кетаман,
барибир кетаман...

Балки, бу соғинчнинг сўнгги лаҳзаси,
Балки дард номасин сўнг бор битаман.
Мана шу бўлса гар ишқинг лаҳжаси,
Бўлди!
Тугатаман!
Сeндан кeтаман!

Қалбимда қуёшни кўрмайсан бошқа,
Ширин сўзларимни ичга ютаман.
Ахир чeгара бор сабр-бардошга,
Ёлворма,
Энди кeч,
Сeндан кeтаман.

Энди тунларинг ҳам ойсиз, юлдузсиз,
Нурсиз кўнглинг узра қолиб нeтаман?
Изнсиз,
Индамай,
Гапирмай,
Сўзсиз,
Ортимга қарамай,
Сeндан кeтаман.

Энди ўйларим ҳам сeндан йироқда,
Юрагимни ёлғиз қўлда тутаман.
Майли куйиб кeтай оташ-фироқда,
Барибир, бутунлай
Сeндан кeтаман.

Орзу-ҳавасларинг сийлов ўзингга,
Тақдир йўлагидан якка ўтаман.
Қаршимдан чиқсанг ҳам,
Боқмай кўзингга,
Қайрилиб, мангуга
Сeндан кeтаман.

(c) 2010

Neymdir

10.01.2012, 08:56

Аҳамиятини йўқотмаган шеърлардан бири:

Yupqagina to'nim bor edi,
Osilishib qo'ymadi, yechdim.
Ta'na debon to'nimdan kechdim,
To'nim-ku keng, zamon tor edi.

Do'ppi otamdan yodgor edi,
Sandiqlarga otdim uni men.
Ikki pulga sotdim uni men,
Do'ppim yangi, zamon tor edi.

Baqalbu benavolar necha,
Oyoq tovushidan tosh qotdim.
Sumalagim qaynagan kecha,
Itdek qozon qo'riqlab yotdim...

Bemajolu bemador edi-
Qo'shnimdan hol so'rolganim yo'q,
Mozoriga borolganim yo'q,
Zamon yomon, zamon tor edi.

Xo'sh endi-chi, dersiz, nima g'ov?!
Do'ppi boshga o'rnashmagandek.
To'nim endi yarashmagandek,
Kiysam kulayotgandek birov!..

Муҳаммад Юсуф

Gulchehra Ibragimova

10.01.2012, 09:22

Кетаман бу ердан бош олиб,
Мажнунни сийлаган саҳрога.
Кетаман кўзимга ёш олиб,
Юлдузлар ватани самога...

..Кетаман,
барибир кетаман,
Шу менинг энг сўнгги қарорим.
Суймасанг суйкалиб нетаман,
Алвидо,
суюкли дилдорим!

Кетаман!!!

(С) 1994

Ажойиб! Охунжон Мадалиев куйлаган машҳур ва биз севиб тинглайдиган қўшиқ (шеър)нинг муаллифи Сиз экансиз-да?! Қойил!:clapping:

Nigora Jumaeva

10.01.2012, 14:49

Кетаман мен бошқа дунёга.
Кетаман!!!
Сeндан кeтаман!

Ҳаммангиз тил бириктириб ёзганмисизлар дейман, "кетаман" деб қўрқитасизлар !!)

Ҳар элат ўзича атар шамолни
Мингта исм билан яшайди юлдуз.
Биз қайдан топаимиз сиздай шоирларни
Ахир сизлар биттасиз, ягона ёлғиз.

Ўхшатмаган бўлсам узр, чунки шоир эмасман. Чиройли шеърлар учун раҳмат!!)

Minglar

10.01.2012, 15:21

"кетаман" деб қўрқитасизлар !

Ayroliq , firoqni bepul sotaman,
Ochiq yuraklarga o'zim otaman.
Sovugan dillarni yoqib, yondirib,
Mudroq muhabbatin men uyg'otaman.
Qaytaman , yoningga, albat, qaytaman!...

(C)

Minglar

10.01.2012, 15:43

Sevgi – sehr, uning ko’p siri,
Sehrga men maftunning biri,
Voh , yolg’izman uningsiz qolsam,
Izlab topib borgum ohiri.

(C)

Neymdir

10.01.2012, 16:14

Biroz ma'yus, biroz qayg'uli.
Kimga malham, kimga og'uli.
Hislardan suv ichgan misralar,
Ba'zan sodda, ba'zida quvli.

Minglar

12.01.2012, 07:58

Қўшиқ

Сенсиз неча ойлар тўлса на қилай!?
Кутавериб гуллар сўлса на қилай!?
Мен замоним, маконимдан айрилдим,
Дўстлар йиғлаб, душман кулса на қилай?

Айролиқ тугарми, тугаб азоблар!?
Висол онигача борми ҳисоблар!?
Кўйимизга қачон чиқар офтоблар!?
Бу саволлар бағрим тилса на қилай?

Ҳар дам Мажнун девонадек йўлдаман,
Руҳсорингни истаб саҳро-чўлдаман,
Билмам қайда, ўнгда ёки сўлдаман?
Дардим фақат Тангрим билса на қилай?

(C)

Minglar

12.01.2012, 09:51

Яшамоқдан чарчаб , хориб тургандим,
Аламлардан юрак толиб тургандим,
Қулаш учун жарга бориб тургандим…

Рангсиз дилга алвон бўлиб келдингиз ,
Бўш кўнгилга кулиб , тўлиб келдингиз,
Балки атай, атай билиб келдингиз…

Соғинчларда сарғайгандим , сўлгандим,
Фироқнинг заҳ зардобига тўлгандим,
Сизсиз нима бўлсам , ўша бўлгандим…

Мисли баҳор қўшиқ айтди гулзордан,
Ё бойчечак мўралади муз, қордан,
Тўкилгандек гўзал наво сетордан,

Келдингиз…

(C)

Mahmud Jurat

12.01.2012, 11:20

мафтун

12.01.2012, 20:03

АЛАМ

Сени яхши кўрардим,
Ҳамма яхши биларди.
Сени кутсам, теракзор
Менга паноҳ бўларди.

Севгимни тор кўчангнинг
Терак, толлари айтсин,
Мендан ўч ололмаган
Ўжар боллари айтсин,
Кампир чоллари айтсин.

«Тил текизма бу қизга
У меники бўлади.
Менда кўнгли борлигин,
Бутун қишлоқ билади».

Ҳаммасининг кўзида
Битта таъна, битта дўқ -
Келгиндига қишлоқнинг
Тушиб қолган қизи йўқ

Афсус, сен ҳам бошимни,
Ерга эгдинг охири.
Мени илмай назарга,
Кимга тегдинг охири.

Биламан энанг қайраб
Сени йўлдан урган-да:
«Бошингга урасанми,
Шоирни... бой турганда!».

Теракнинг таънасини
Тентагона ўярдим,
Энангга энасини
Кўрсатиб ҳам қўярдим.

...Сени қандай севардим,
Эҳ, ҳеч ким билмас эди.
Гўзалроқ бўлганингда
Алам ҳам қилмас эди.

(с) 1994

Neymdir

12.01.2012, 21:37

Masud Mahsudov

12.01.2012, 22:15

...Сени қандай севардим, Эҳ, ҳеч ким билмас эди. Гўзалроқ бўлганингда Алам ҳам қилмас эди.
Qoyil! Maza qildim o'qib. :)
Iqbol Mirzoning she'riga taqlid qilib yozilgan shekilli. :)

Фикримча, тақлид қилмаганлар... мафтун ва Иқбол акалар тенгдош шоирлардан, шундай эмасми? Қолаверса, ижодлари ҳам айнан 1993-1994 йиллардан бошланган...

Minglar

13.01.2012, 20:37

Ниҳон сир ечими икки орада,
Барча ранг ҳосили оқ ва қорада.
Моҳият мендан то сизгача йўлдир,
Тополмадим дейиш битта чора-да.

(C)

мафтун

13.01.2012, 20:39

Иқтибос:
Neymdir дан хабар
Иқтибос:
мафтун дан хабар
...Сени қандай севардим, Эҳ, ҳеч ким билмас эди. Гўзалроқ бўлганингда Алам ҳам қилмас эди.
Qoyil! Maza qildim o'qib.
Iqbol Mirzoning she'riga taqlid qilib yozilgan shekilli.
Фикримча, тақлид қилмаганлар... мафтун ва Иқбол акалар тенгдош шоирлардан, шундай эмасми? Қолаверса, ижодлари ҳам айнан 1993-1994 йиллардан бошланган...

Эътибор учун ташаккур.
Шуни фахр билан айтишим мумкинки, Мен Иқбол Мирзонинг тўнғич шогирдиман. Ва бу шеъримда тақлид бўлишини ҳам табиий деб биламан. БИр машқда энди. Аммо унда ифодаланган туйғуда тақлид йўқ, ўзимизники, бошқача айтганжа бошда ўтган.

мафтун

13.01.2012, 20:45

ШОИР
Қишлоғимда кўча кўп,
Биттаси бор-тор кўча.
Бу кўчанинг бошида
Биз турамиз ҳар кеча.

Кўкка қараб Баҳодир,
Юлдузини ахтарар.
Ҳув ҳовлида бир санам,
Мени ўйлаб соч тарар.

Қиз сезади: кўчада
Ошиғининг бағри қон,
Чиқолмайди барибир -
Отасин феъли ёмон.

Зорланаман дўстимга:
«Шунча суйганим камми,
Отасининг измидан
Чиқолмаган санамни?!»

Дўстим дейди: «Танноз қиз
қадрингизга етмайди.
Бир чиқиб қўйса нима,
Асакаси кетмайди.

Афсус, тажанг отаси,
Катта олар ўзини.
Сизга бергиси келмас,
Ёлғизгина қизини».

Аламимдан талқондай
Туйиб ташлайман тошни.
Биз пинакка кетамиз,
Туртиб қўйиб қуёшни.

Шундай кечар ҳар кеча,
Таътил тугар шу зайл.
«қиз омонат сизга дўст,
Тошкентга кетдим, хайр...»

Гарчи шаҳарда мазза -
Ўзимга хон, тўраман.
Лекин ҳар кун кун санаб,
Нақ кунимни кўраман.
Бир кун бўлиб бошқача,
Йиғолмайман ҳушимни.
Овунмоқчи бўламан,
Сувга айтиб тушимни.

Шу кун дўстдан келди хат:
“Сизга катта таъзия—
Ишонтирган қаламқош
Эрга тегиб кетди-я...”

Кўз олдимда бир чақмоқ,
Чақнагандай туюлди.
Ишим чаппа айланиб,
Тушим ўнгидан келди.

Энди менга барибир,
Буткул бошқа боламан.
Аламимни биргина
Шеъриятдан оламан.

Кўниб қолган онам ҳам
Қайсар ўғил феълига:
“Майли, омон бўл, болам,
Келмасанг ҳам... майлига”.

Уйга қачон бораман,
Энди худо билади.
Шундай қилиб Тошкентда
Шоир пайдо бўлади.

(с) 1994

Баходир кушаков

14.01.2012, 01:23

Кўкка қараб Баҳодир,
Юлдузини ахтарар.

Шеър зўр!Жуда маъқул.Айниқса мени ҳаётимдан олингандай.Исмимизни тўғри келиб қолгани янада ҳайрон қолдирди.

Баҳодир.

Баходир кушаков

15.01.2012, 02:57

НАДОМАТ. (бир ароқҳўр тилидан)

Нега танам қимирламас,руҳим эса жим?
Наҳотки бир бирин тарк этган бўлса?
Мен учун тупроқдан уй қураётган ким?
Наҳот энди кўзларим,тупроққа тўлса?

Йўғе.Ҳозиргина кўчада маст аласт эдим,
Бировга дўқ уриб,сўнг калтак едим.
Аламдан қон қақшаб,судралиб нетиб,
Уйга келиб ҳотинни фоҳиша дедим.

Кўп уриб,дўппослаб,сўнг роҳат қилиб,
Ажратган қўшнига,йўқ гапни айтдим.
Мақтаниб,гердайиб,ўзни эр билиб,
Жағим тинмай,алжираб,уйқуга кетдим.

Мен зинҳор ўлмадим,бу тушим чоғи,
Уйғонсам дунёнинг қайнар ўчоғи....
Ие!?Ўнгда жаннатнинг ёп ёруғ боғи?
Чапда эса жаҳаннамнинг қоп қора доғи.

Ўзимчи? Аросатнинг қоқ ўртасида,
Сиротдан ўтишни ўйлаб турибман.
Шошмачи,бир аввал дўзаҳни кўрай,
Яна қачон бу ерларга келиб юрибман...

Фоҳишада соч ўрнида илонлар эмиш,
Ғийбатчини тилини каламуш емиш.
Пораҳур нокаснинг қўлларин кесиб,
Туҳматчининг оғзидан устунга илмиш.

Во ажаб,бўлди бас,чидай олмайман,
Мен кўрган бир парча дўзаҳ шу булса.
Ичига кирсам гар,ароқҳўр оғзига,
Қайнаган қўрғошин қуйилса,тўлса.

Жаннатни туйнукдан кўрдиму ё Раб,
Оҳ Эгам!Сен учун сажда қилмабман.
Кичик бир нурига бардошим етмас,
Намоз не?Иймон не?Зинҳор билмабман....

Сесканиб ўзимга келгач,қарасам,
Бир зобит турарди:-ўрнингдан тур-деб.
-Бугун аёлингнинг маърака куни,
Сен аёлинг қотилисан,билдингми шуни...?

Ўша кун аёлимни тепиб,урибман,
Йиғламай жим қолса парво қилмабман.
Кайфим ҳали тарқамай зобитлар мени,
Қафасга тиққанларин ҳатто билмабман.

..-Онанг келди сени кўргани бадҳулқ,
Бир онага керакдир,сендайин маҳлуқ.
Ҳа,онам келган экан,бошқалар қолиб,
Аёлим ювиб,дазмоллаган кўйлагим олиб.

Гўрковнинг қураётган тупроқдан уйи,
Менга эмас,аёлимга қурилган экан.
Дўзаҳнинг энг майда виждон азоби,
Ерда менга жазо деб,берилган экан.

Баходир.

Shuhratbek

15.01.2012, 04:02

Сени согиндим.
Куролмай иккимиз юрган богларни,
Артолмай куксимда колган догларни,
Хайдолмай ёнимдан карга догларни,
Сени согиндим.

Хаёлим куп хуркир сендан учмайди,
Тангри чирогидай номинг учмайди,
Хеч кайси ошикни биздек бичмайди,
Сени согиндим.

Дустлар йигилдилар, тикилдим мен хам,
Хар неки мужассам, жамоатдир жам.
Кунгил нотинч, билар сенлигингни кам,
Сени согиндим.

Хотирамни лойкалаб хижрон,
Оппок севгим чанг килар хижрон,
Сен булолмас узгаси хеч он,
Сени согиндим.

Утинаман кучогимга кайт,
Севишингни кулогимга айт,
Нурлар гулдан буса олган пайт,
Сени согиндим.

Арслонбек Карим.

Masud Mahsudov

15.01.2012, 08:39

Майли, сен ҳам мени унутгин,
Хаёлимда турмасанг бўлди.
Энди фақат ўзгани кутгин,
Тушларимга кирмасанг бўлди.

сени яхши кўрардим чиндан,
Кўзларимга ёш келар шундан.
Фақат битта илтимос сендан -
Тушларимга кирмасанг бўлди.

Маҳалламни тўлдириб ўтдинг,
Дугонангни кулдириб ўтдинг,
Девонангни ўлдириб ўтдинг,
Тушларимга кирмасанг бўлди.

Кўриб қадди-қиёматингни,
Эсга олдим хиёнатингни.
Қайтариб ол омонатингни,
Тушларимга кирмасанг бўлди.

Атиргулдай бўлиб юравер,
Тўлин ойдай тўлиб юравер,
Бор-э, юзга кирсанг киравер,
Тушларимга кирмасанг бўлди.

(с) Давлат Полонов

Masud Mahsudov

15.01.2012, 23:06

Sog’indim,
Mehribon ko’zingni,
Dilimga yoquvchi so’zingni,
O’zigni,
Tabassum porlagan yuzingni,
Hammasin sog’indim.

Tunlari bedorman, intiqman
Qaygadir ketadi xayolim.
Yaqinlar hol so’rar,
Injiqman.
Ularga keladi malolim...
Ne qilay,
Tushunmas bo’lsalar boshqalar,
Ichida ustimdan kulsalar boshqalar.
Indamay,
Parvo ham qilmasdan,
G’iybatni quloqqa ilmasdan,
Men senga muntazir,
Sog’indim.

Mahtalman,
Eshitmoq istayman shu damda,
(Orziqish shu qadar bo’larmi odamda?)
Saraton yomg’irni kutgandek,
Qahraton kunga ko’z tikkandek,
Ko’klam ilk gulini tukkandek
Intizor,
umidvor bo’lgancha izingga,
Sog’indim.

Ilhaqman,
ilinjim yo’qolmas bir zumga,
Shamollar qulog’in tutadi arzimga.
To’lqindek gupirar yuragim,
Sabrni supirar yuragim,
Bardoshga qadrdon tutinib,
Vaslingni tilayman o’tinib,
Xudodan,
Daraging so’roqlab har kasdan;
shohdanu, gadodan,
Isingni keltirgan sabodan,
Sog’indim.

Shunchalar bo’larmi
Telbalik –
Hayronman,
Labimda kulgi-yu,
Qalbimda vayronman.
Gohi sher,
Gohda-chi, jayronman
Majnunman,
Farhodman,
Bahromman...
Ba’zida shunchaki,
Insonman...
Sog’indim...

Muhtojman holimni
tushunar kimsaga,
Do’stga yo o’zidan oshinar kimsaga,
Boshqasi ahvolim bilmaydi,
Bilsa-da, parvolar qilmaydi,
Mushtoqlik shunchalar qiynarmi ko’ngilni,
Yoki ishq, ataylab, sinarmi ko’ngilni,
Noayon...
Ayoni shu erur,
Shu damda
Doimdan ortiqroq sog’indim.

Bilmadim, bilarsan, bilmassan,
Balki sen bu qadar
dilingni tilmassan,
o’zingga aytgani o’grindim,
Men seni judayam sog’indim...

(c)

Minglar

15.01.2012, 23:59

Қиш

Куздан юлиб тиллоларини,
Оқ сукутга бурканади қиш.
Ерга айтиб аллоларини
Уҳлатади… Йил бўлар ўтмиш…

Вақт султони узоқни кўзлаб,
Дов-дарахтга озроқ берар тин.
Болаларнинг қўлчаси музлаб,
Қорбоболар ясар уззу-кун.

Янги сана, янги йил яна,
Оқ саҳифа умримиздаги,
Янги умид қилар тантана,
Бахт келтирсин, деган тилаги.

(C)

Баходир кушаков

16.01.2012, 00:23

Шундай чиройли шеърлардан кейин,жамиятга қурт каби тушган малъунлар ҳакида ёзсам қандай бўларкин деб ўйланиб ҳам қолдим.Лекин шеър азиз олам аро мавзусида ҳар ҳил мавзунинг ёритилиши мавзу муаллифининг ҳам мақсади бўлса ажабмас....

Ғийбатингни қилиб,сўнгра кулурлар,
Бу нусҳалар тили билан юрурлар,
Яна шундан беғам роҳат қилурлар,
Уқуви паст,субути йўқ малъунлар.

Кўролмасдан,ютуғингдан ўлурлар,
Сездирмайин яқин дўстинг бўлурлар,
Ўзларининг пасткашлигин билурлар,
Уқуви паст,субути йўқ малъунлар.

Дастурҳонда тўридан жой олурлар,
"Пахта қўйса,"пойгакда ҳам қолурлар,
Неъматлардан чўнтагига солурлар,
Уқуви паст,субути йук малъунлар.

Кимсан ўзинг?Доим ғайр қиласан.
Кимса йўқки сен назарга иласан.
Яхшиларни душманим деб биласан.
Уқуви паст,субути йўқ малъунлар.

Жавоби бор ҳар нарсани,билинглар.
Тавба қилиб,изтиғфорлар қилинглар.
Гуноҳ ишдан доим ўзни тийинглар,
Уқуви паст,субути йўқ малъунлар.
-----------------------------------------
Тилингни тийиб юр,нима дейишни биласан,
Қўлингни ювиб юр,нима ейишни биласан.

Баҳодир.

мафтун

16.01.2012, 19:13

Кўнглим тўлиб-тошиб сенга айтай ўлан,
Сойлардан шўх, оҳулардай эркагинам.
Тундай қаро сочинг менга бўлсин гилам,
Ёлғиз менга аталгансан, дилбаргинам,
Қайсаргинам.

Дуо билан тақдирни-да синдираман,
Муҳаббатим юрагимга сингдираман,
Ўзим бориб онангни ҳам кўндираман,
Ёлғиз менга аталгансан, дилбаргинам,
Қайсаргинам.

Умрим ўтсин термулганча қароғингга,
Айтчи яна қанча чидай қийноғингга?!
Керак бўлса ўт қўяман қишлоғингга,
Ёлғиз менга аталгансан, дилбаргинам,
Қайсаргинам.

Аразларинг кипригингдай узун-узун,
Сенга шафқат, ўз-ўзимга тилай тўзим.
Қайсар бўлсанг, сендан ўтган қайсар ўзим,
Ёлғиз менга аталгансан, дилбаргинам,
Қайсаргинам.

(с) 1995

albatros

17.01.2012, 10:32

Кўнглим тўлиб-тошиб сенга айтай ўлан,
Сойлардан шўх, оҳулардай эркагинам.
Тундай қаро сочинг менга бўлсин гилам,
Ёлғиз менга аталгансан, дилбаргинам,
Қайсаргинам.

(с) 1995

Biroz o'ylanib qoldim. "Ushbu she'rni Abdulaziz Muborak yozganmikin, yoki siz" - deb. Sababi mana bu yerga (http://www.ziyouz.com/index.php?option=com_content&task=view&id=448&Itemid=49#54) kirib ko'rsam ham aynan shu she'r mavjud ekan.

gofurov

17.01.2012, 11:15

Biroz o'ylanib qoldim. "Ushbu she'rni Abdulaziz Muborak yozganmikin, yoki siz"

мафтун = Abdulaziz Muborak

Masud Mahsudov

17.01.2012, 11:19

мафтун

17.01.2012, 22:54

Biroz o'ylanib qoldim. "Ushbu she'rni Abdulaziz Muborak yozganmikin, yoki siz" - deb. Sababi mana bu yerga kirib ko'rsam ham aynan shu she'r mavjud ekan.

Аввало эътибор учун раҳмат.

эътибор берган бўлсангиз, асосоий шеърларим 2000 йилгача ёзилган. Кейин шеър ёзишни "ташлаб" юбордим. Ҳатто шеърларим йўқолиб кетди. Ёдимдан ҳам кўтарилиб кетди.
Икки йилча аввал устозим Иқбол Мирзонинг олдига борганимда, у киши ziyo.com сайтига кириб, ўзларининг шеърларини ўқигани қанча киши кирганини кўрсатдилар. Кейин "Сеникини қанча киши ўқиди экан", деганди, ишонасизми, лол колдим. "Меники қаерда экан?" дедим ҳайрон бўлиб. Билмасликка олма, дедилар. Ҳайратим ошгандан ошди ва ростданам шу сайтда шеърларим жойлашганидан бехабарлигимни айтганимда, устозим кўрсатдилар. Кейин яна шеър ёза бошладим. (Яқинда "Тонгдаги шабнам" деб номланган илк китобим нашрдан чиқади.)
ХУллас, "йўқолган" шеърларимни асраб қолган Давронбек олдида бир умр қарздорман.

Устозимга жуда ёққан ва қайсидир маънода ҳаяжонлантирган шеъримни эътиборингизга ҳавола этаман.

СЕНГА

Дилбар, дил барига кўникиб қолди...
Соғинчнинг пинжида қалтираб дир-дир
Сени ўйламасдим севмасдан олдин,
Мен сени ўйламай севдим бари бир.

Дилбар, шўр пешонам саҳро тап-тақир,
Қумга тилим билан исмингни ёздим.
Ў, сени ўйламоқ нақадар оғир—
Ақлдан оздим...

Дилбар, дил дардларнинг оғушида жим,
Эртаклар тўқийди эртамни ўйлаб.
Мен кетган томондан юз бурди синглим,
Ажаллар қариди қайтишим пойлаб.

Дилбар, қайсар юрак орқага тортмас,
Сендан кўнгил сўрай олсам, қанийди.
Сенинг қувончларинг ўзингдан ортмас,
Мени андуҳларинг яхши танийди,

Дилбар андуҳингдан айланай, Дилбар...

(с) 1995

Aliya

18.01.2012, 15:29

Lobar AZIZ

18.01.2012, 15:56

Voooy, o`zim ham aytdim, satrlar tanish deb... Maftun(Abdulaziz Muborak) Sizning she'rlaringizni judayam yaxshi ko`raman. Muxlisingizman. Iliq fikrlarni aytish uchun bir necha bor izlab topolmagandim sizni:) She'r yozishni sira tashlamang, bunday go`zal satrlar har kimning qalamidan ham otilib chiqavermaydi!

"Nigohi og`ir qiz"- sevimli she'rlarimdan biri.

Lobar AZIZ

18.01.2012, 16:01

Бўзлатганда минг йиллик ҳажр,
Сўзлатганда гунг ишқнинг оҳи,
Маҳшаргача қалбинг тешган сир-
Юрагингнинг яккаш гуноҳи,
Қувилсинчун,
"соғиндим" дегин…
Қулаб тушсин елкангдаги тоғ,
Қуриб қолсин дарёлар суви,
Йиллар йиғлаб юволмаган доғ,
Ҳеч бўлмаса қиёмат куни,
Ювилсинчун,
"соғиндим" дегин…
Ботиб кетсин оловларга муз,
Қолиб кетсин узлатларда кин,
Дийдорингни тилаб толган кўз,
Тушларида кўрса ҳам таскин-
Юмилсинчун,
“соғиндим” дегин…
Кузакларда тўкилмаган дард,
остонамда кетсин эшилиб,
икки дунё айро келган фард-
лабларингга жоним қўшилиб,
кўмилсинчун…
"Оғриндим" дегин!
"Сени ёмо-он, Соғиндим…"
Дегин...
(C)

мафтун

18.01.2012, 21:15

Assalomu alaykum!

Qadrli forumdoshlar!
Anchadan beri she`r yoza olganim yo`q. Balki, taqdirdan menga berilgan bu tuhfani yo`qotib qo`ygandirman. Har kuni mehmon bo`lib, ijodlaringizni kuzataman. "Balki, endi hech qachon she`r yoza olmasman," - degan o`yda yana saytni tark etaman.
__________________

Ваалайкум ассалом. Бу ўткинчи ҳолатлигига асло шубҳа йўқ.

Ҳамма ижодкорларда бўлиб туради бу ҳолат.

Бунга А.Ориповнинг "Олти ойки ёзолмайман шеър..." деб бошланувчи шеърларини мисол келтириш мумкин.

Бироз танаффус, бу - ижодда янги нафас ва куч, янги марра деганидир.
Сизга илоҳий илҳомлар тилаб....

мафтун

18.01.2012, 21:57

"Сени ёмо-он, Соғиндим…"
Дегин...

Лаҳзада ёнимда бўлсангиз пайдо,
Тутатсам бир тола кокилингизни.
Сиз қайдан биласиз соғинч нима, о,
Юрак-юрагимдан соғиндим Сизни.

(битмаган шеърдан)

Minglar

19.01.2012, 13:33

Байрам тугаб, ўчди чироқлар…
Янги йил ҳам ўтди – бесабр.
Дилдан наво борди йироқлаб,
Яна ташвиш, яна иш – кабр.

Байрам тугаб, ўчди чироқлар…
Зулмат ичра қолмоқда дилим,
Соғинмоқда мени фироқлар,
Соғингандай сени севгилим…

Байрам тугаб, ўчди чироқлар…
Мен ўзимни диванга отдим,
Қийнайверди минг бир сўроқлар,
Кулиб туриб , кўз ёшга ботдим…

Байрам бўлиб сен ёнимда қол,
Чироқ бўлиб дилгинамни ёқ.
Сенсиз ўтган онларим – увол,
Сенсиз ўтган кунларим –сиёҳ.

(C)

Gulchehra Ibragimova

19.01.2012, 19:10

ЯГОНАМ

Сенинг ўзгалардан ортиқ жойинг йўқ,
Ёки бошда танҳо юлдуз, ойинг йўқ.
Сен ҳам бир пиёда, саман тойинг йўқ,
Мен нечун ишқингда девона бўлдим?!

Бу кун номинг айтиб чарчамас юрак,
Ҳеч нарса тиламас васлингдан бўлак.
Азизим, ўйлама, шунчаки эрмак –
Мен тамом ўзимдан бегона бўлдим…

Мен ҳам бир гул эдим, тўкилди кўнглим,
Ушбу кун дилимда аламлар лим-лим.
О, фалак ўйнига келмайди кўнгим
Бунчалар ўзингга парвона бўлдим…

Ғурурим букилди, сўзим тўкилди,
Юракнинг чоклари бир-бир сўкилди.
«Биров»нинг дастидан кўнглим юкинди
Бунчалар кўзимга ягона бўлдинг…

Gulchehra Ibragimova

19.01.2012, 19:14

Мени севиб қоласиз хали

Шундай кун келади, ҳозирмас, майли,
Ҳамдард тополмайсиз бир дард ёргали.
Содиқ дўст тополмай кириб боргали-
Пушмон бўлиб излаб келасиз ҳали...

Ой ёлғиз, сиз ёлғиз қолган маҳали,
Қалбингиз оғритса сиз билган Лайли,
Кўнглингизга ёқмай ҳатто гул сайли-
Эшигимдан кириб келасиз ҳали...

Сиз мени севгансиз, очиқ айтгали,
Ғурур ҳам йўл бермас, келади гали.
Дардкаш тополмайин битта ақалли-
Мени эслаб, йиғлаб келасиз хали...

Соғинчдан ичикиб, менга етгали,
Юзимни, сўзимни қўмсаб бир зайли
Менинг сизга бўлган меҳрим туфайли-
Севгингизни йиғлаб айтасиз ҳали
Мени жондан севиб қоласиз ҳали!.

Gulchehra Ibragimova

19.01.2012, 19:24

Кел энди

Кел энди, мағрурим,
мағлубинг ўзим,
Кел энди, маҳбубим,
мафтунинг ўзим,
Кел энди, масрурим,
мажнунинг ўзим
Кўнглим хазон бўлди сени соғиниб..

Кел энди, адо-ю,
девонанг ўзим,
Кел энди, фидо-ю,
гирёнанг ўзим,
Кел энди, жудо-ю,
бегонанг ўзим,
Кўнглим хазон бўлди сени соғиниб..

Хажрингда кул бўлдим,
ободим ўзинг,
Садқаи гул бўлдим,
дилшодим ўзинг,
Кўнгилга қул бўлдим,
озодим ўзинг,
Умрим хазон бўлди сени соғиниб..

Сенга увол бўлдим,
ҳилолимсан- сен,
Сенга малол бўлдим,
саволимсан-сен,
Ишқим завол бўлди,
ҳалолимсан-сен,
Кўнглим хазон бўлди, сени соғиниб..

Кўнглинг осмон бўлди,
сенга етмадим,
Ишқим ёмон бўлди,
сендан кетмадим,
Ёшим равон бўлди,
сенга айтмадим,
Кўнглим вайрон бўлди,
Сендан қайтмадим.
..Умрим хазон бўлди, фақат соғиниб.

мафтун

19.01.2012, 19:48

СИЗ БОРСИЗ

Бир кеча қўққисдан уйғониб кетдим,
Соатга қарасам, иккими ё уч.
(Эҳтимол совуқдан) жунжукди этим,
Ташқарига тортди аллақандай куч.

Шуурдан не ўйлар кечмас дафъатан,
Кўнгил деганлари, қурғур, ёмон-да.
Гўё огоҳ этиб қандайдир хавфдан
Ит ҳам ҳурар эди қўшни томонда.

Эринмай атрофни кўздан кечирдим,
Шукрки, ҳаммаёқ тинч ва осуда.
Тунчироқ нурида кўриб, энтикдим,
Дилбандларим ётар қатор уйқуда.

Ҳовлида ўйноқлаб, куйлайди шамол,
Бир-бирин рақсга тортар хазонлар.
Дарахтлар жимгина сурмоқда хаёл,
Бошини тебратар гулу райҳонлар.

Тинчлик, хотиржамлик – эзгу тушунча,
Шаксиз, яратганнинг инояти – бу.
Чегаралар бўйлаб қанчадан қанча,
Бедор нигоҳларнинг шарофати – бу.

Аёзу саратон, демай сарҳадда,
Мудом сергак турган, эй аскар укам,
Сиз борсиз – осмон тинч, жонлар роҳатда,
Сиз борсиз – яшаймиз юртда хотиржам.

Оталар дуоси ҳикмат бегумон –
Тан сиҳат, Ватан тинч бўлса, бас экан.
Дунё деганлари болангнинг шодон
Битта кулгусига тенг келмас экан.

Сизга кўнгилдаги борини айтай,
Сабру сабот тилай айни чоқда ман.
Яхши ният билан сизларга атай,
Учта ўринбосар ўстирмоқдаман.

Мудомки турибсиз кўкракни кериб,
Йўл йўқ ҳавотирга, йўл йўқ қайғуга.
Мен энди болалар ёнига кириб,
Уйқуга кетаман, ширин уйқуга.

14.01.2012 й.

(таҳрир қилинган варианти)

мафтун

19.01.2012, 19:52

Кўнглим хазон бўлди, сени соғиниб..

Иқбол МИРЗОнинг қуйидаги шеърига жуда ўхшар экан. Тўғри тушунасизлар деган умидда қўйяпман.

СЕНИ СОҒИНИБ

Қоракўз қалдирғочойимсан ўзинг,
Кўксим айвон бўлди сени соғиниб.
Кўзимдан бир лаҳза кетмади кўзинг,
Кўзим гирён бўлди сени соғиниб.

Кўчангдан кечалар ўтганим пинҳон,
Келмасингни билиб кутганим пинҳон,
Ою юлдузлардан тутганим пинҳон,
Ишқим достон бўлди сени соғиниб.

Жонимга тиғ уриб қийнайди соғинч,
Кейин тиғ суғуриб қийнайди соғинч.
Хайрлашмай туриб қийнайди соғинч,
Юрагим қон бўлди сени соғиниб.

Белгисиз хилхона, кўҳна мозорни –
Мозорки, қаровсиз харобазорни
Эшитганинг борми, кўрганинг борми?
Дилим вайрон бўлди сени соғиниб.

Саргардонлик мажнун-лайлига эди,
Бизники фақат гул сайлига эди.
Олисда бўлсанг ҳам майлига эди,
Боғим хазон бўлди сени соғиниб.

Нетай, пешонамда шу дард бор бўлса!
Қанийди бу дардга харидор бўлса...
Сени танлармидим, ихтиёр бўлса!
Ҳолим ёмон бўлди сени соғиниб.

Менимча икки бир бирига ўхшаш, аммо алоҳида ва ажойиб шеърлар...

Баходир кушаков

19.01.2012, 20:04

Менимча икки бир бирига ўхшаш, аммо алоҳида ва ажойиб шеърлар..

Ўҳшашлик бор экан,лекин иккаласигаям гап йўқ.Ҳақиқатда ажойиб шеърлар.

Баходир кушаков

19.01.2012, 22:32

КЕЛАМАН. (Дўстим Оллоҳ раҳматли Оҳунжон Мадалиев қўшиғига бир сўз.....)

Келаман пойингга бош уриб,
Қуёшни порлатган самодан.
Ётаман кўксингга бош қўйиб,
Қутулиб ҳижрондек жафодан.

Келаман минг олам айланиб,
Руҳсоринг кўрмокка шайланиб.
Келаман васлингга бойланиб,
Сен кутган,кутмаган дунёдан.

Келаман дўстларни шод этиб,
Рақибим ҳолини барбод этиб.
Келаман севгингни ёд этиб,
Мажнунни йиғлатган саҳродан.

Кўҳиқоф томондан келяпман,
Сен томон шамолдек еляпман.
Сен мени кутяпсан биляпман,
Бошқа бир ўлчовли фазодан.

Бари бир келяпман йўллардан,
Сен томон ўнгми ё сўллардан.
Вафони сўраб кўр гуллардан,
Ё Тоҳир севгани Зуҳродан.

Келаман,бари бир келаман....

БАҲОДИР.

мафтун

20.01.2012, 18:43

КЕЛАМАН. (Дўстим Оллоҳ раҳматли Оҳунжон Мадалиев қўшиғига бир сўз.....)

Ўша қўшиққа бизда ҳам бор эди битта сўз....

ТАВАЛЛО

Бир дард бор дилимда оҳорли,
Ўзингга айтаман, ўзингга.
Оҳ, дунё бунчалар озорли,
Ўзингга қайтаман, ўзингга...

Шундай кенг оламда ёлғизман,
Кундан кун ўздан-да олисман.
Ёлғиз сен риёдан холиссан,
Ўзингга қайтаман, ўзингга.

Исмингни тилимдан қўймасман,
Куйлайман, куйлайман тўймасдан...
Лутф айла энг сўнгги нафасда,
Ўзингга қайтаман, ўзингга...

Гуноҳим оламга тенг мени,
Авф этгил караминг кенг сени.
Дунёлар топсин ўз тенгини,
Ўзингга қайтаман, ўзингга...

1998 й.

albatros

23.01.2012, 12:21

Aytgin.

Aytgin...
Ne sababdan istading ketmoq,
Quvonchim almashib, og'u-firoqqa?
Hijronni tutqazib, orzuga yetmoq
Maqsadmi, ayt senga, ketib yiroqqa?

Aytgin
Gunohimni tavbalar qilay,
Vaslingga yetmoq-chun nelar qilay ayt?
Ollohdan ikkimiz uchun baxt tilay,
Qalbimiz yig'latma, kel yonimga qayt.

Aytgin:
"Arazlarim barchasi yolg'on,
"Tuhfa" jafolarim sinov qabul qil.
Men faqat sen uchun yashayman ishon,
Men faqat sen uchun tug'ilganman bil!"

(c)

Gulchehra Ibragimova

23.01.2012, 18:42

Кўнглим хазон бўлди, сени соғиниб..

Иқбол МИРЗОнинг қуйидаги шеърига жуда ўхшар экан.

...Белгисиз хилхона, кўҳна мозорни –
Мозорки, қаровсиз харобазорни
Эшитганинг борми, кўрганинг борми?
Дилим вайрон бўлди сени соғиниб.

Саргардонлик мажнун-лайлига эди,
Бизники фақат гул сайлига эди.
Олисда бўлсанг ҳам майлига эди,
Боғим хазон бўлди сени соғиниб.

Нетай, пешонамда шу дард бор бўлса!
Қанийди бу дардга харидор бўлса...
Сени танлармидим, ихтиёр бўлса!
Ҳолим ёмон бўлди сени соғиниб.

Менимча икки бир бирига ўхшаш, аммо алоҳида ва ажойиб шеърлар...

Аввало эътибор учун ташаккур!

Халқда "Азага келган.. ўз дардини айтиб йиғлайди", деган мақол бор..
Яқин йиллар ичида суюкли шоиримиз ҳаётида кутилмаганда юз берган бахтсиз тасодиф..анча йиллар аввал мени ҳам четлаб ўтмаган.. Ўша аччиқ аламу изтироблар..изи сифатида яралган ярадор қалбнинг мунгли садолари эди бу шеър..

..аччиқ қисматимни ёдга солувчи дардчил фиғон-нолаларимдан иборат, аммо сўз тузилма ва топилмалари ўзимга ёққан шеърларимдан бири шу шеър:

...Хажрингда кул бўлдим,
ободим ўзинг,
Садқаи гул бўлдим,
дилшодим ўзинг,
Кўнгилга қул бўлдим,
озодим ўзинг,
Умрим хазон бўлди сени соғиниб..

Сенга увол бўлдим,
ҳилолимсан- сен,
Сенга малол бўлдим,
саволимсан-сен,
Ишқим завол бўлди,
ҳалолимсан-сен,
Кўнглим хазон бўлди, сени соғиниб..

"Чақалоқлар ҳамма тилда бир хил йиғлаганлари" каби..куйган қалблардан сизиб чиқувчи нолалар ҳам ўхшаш бўлса ажабмас..Айрилиқ азобин тортганлар, йўқотишнинг жабрини, хижроннинг юкини кўтариб юрганлар..англаса керак бу дардни..

мафтун

23.01.2012, 19:24

Айрилиқ азобин тортганлар, йўқотишнинг жабрини, хижроннинг юкини кўтариб юрганлар..англаса керак бу дардни..

Дилда дардинг бўлмаса, сардафтаримни кавлама... (Машраб)

ҲАЗИН ҚЎШИҚ

Кўзларимга чўккан дард,
бунча мендан олиссан?
Жонимдан кечаман, шарт,
қара, жондай ёлғизман.

Кўзларимга чўккан дард,
айланмайсан тилимда.
Айт, сен недан башорат,
муҳаббат ё ўлимдан?!

Кўзларимга чўккан дард,
кўзимдан нур аритмай
Аримайсан, сен наҳот,
қаримайсан, қаритмай?!

Кўзларимга чўккан дард,
товонимга оққин сан.
Онамнинг тонгдай бегард
кўнглига энг яқинсан...

(с)

Aliya

25.01.2012, 00:07

Nihoyat... Bugun yana she'r yoza oldim...

Rozi bo'l...

Olisdan termuldik...
Lahzalar o'ti
Nigohlar bag'riga sehrlangani...
Shu so'nggi xotira.
Hijron bag'rida
Sog'inchning
Ko'zlarga muhrlangani...

Shunday olis ketdik.
Umidni tashlab,
Taqdirning hukmiga yog'dirib la'nat...
Aybimiz yukini sog'inchga yuklab...
Bizni kechirolmay yig'lar MUHABBAT...

Sevgining ko'zlari ko'r, deding, evoh,
Qalbgamas, aqlga bo'ysunmoq kerak!
Ming yillar poyiga to'kildi ohim,
Ming yillar qa'riga chekindi yurak...

Oq qog'oz bag'rini dog'lab yashadi
Telba barmoqlardan to'kilgan she'rim.
Mung to'la satrlar tilib o'tganday,
Zorillar ko'nglimning allaqayeri...

Samoga uloqib ketsa dardlarim,
Xotiring olovga tutsam maylimi?!
Sevib, hijroningda kuymoqdan ko'ra,
Seni sevmaganday...
Ketsam...
Maylimi?!

Izn ber, voz kechay ozorlaringdan,
Sen mendek kuyinma,
Baxt andozi bo'l!
Mayli, kechirmasin bizni Muhabbat,
Olloh yo'lida...
Sen mendan rozi bo'l...

Olisdan termuldik...
So'nggi xotira...
Nigohlar bag'riga muhrlangani...

Minglar

25.01.2012, 08:15

Мен келдим…
Сўнгги бор… юрагим кўтариб.
Эшигинг ортида қизариб-бўзариб,
Ўша сенга таниш сўзларим билан,
Ўша сенга таниш девона , ғариб…

Мен келдим...
Сўнгги бор ғурурим синдириб,
Қайсар вужудимни алдаб, кўндириб,
Ўша сендан кетган адаш йўллардан,
Илинжни дунёча умидга тўлдириб

Мен келдим…
Сўнгги бор , энг сўнгги дафъа,
Пойингга тўкилиб йиғламоқ учун,
Ўша, қачонлардир бағрим тиғлаган,
Муҳаббат ҳиссини илғамоқ учун

Мен келдим…
Севгисиз , совуқ юртлардан.

(C)

Gulchehra Ibragimova

25.01.2012, 11:39

Бир муҳаббат изладим

Ҳаловат топмадим
бир лаҳза ёрсиз,
Васлингга етмадим
тунлар бедорсиз.
Ишқда бахт бормикан
азоб - озорсиз-
Бир муҳаббат изладим такрорсиз.

Муҳаббат бормикан
маломат, хорсиз.
Ё висол бормикин
ҳижронсиз, зорсиз.
Истадим бир гўша
бўлса ағёрсиз,
Бир муҳаббат изладим такрорсиз.

Чўққида виқор йўқ,
бўлса гар қорсиз,
Сиз менинг дилимга
қайтмас баҳорсиз.
Бу гўзал бўстонда
наҳот мен ёрсиз,
Бир муҳаббат изладим такрорсиз.

Gulchehra Ibragimova

25.01.2012, 11:46

Фикрингиздан қайтманг

Биргина жоним бор, ёрим менинг ҳам
Қийнамангиз бунча ўту - оташларда
Сиз туфайли бошга тушди қанчалар ғам
Сизсиз қолсам бўлмасмиди чўл – даштларда?!.

Занжирланган сўзлар энди кишан узар,
Менга бўлган фикрингизни ўзгартманг ёр,
Эркак собит турса тинчин ким ҳам бузар -
Ёрсиз қолган остонамга қалқондир ор.

Сўнг бор келган фикрингиздан чекинмангиз,
Кечирмасман, ҳатто осмон тушса қулаб…
Кимдир ортга чалғитса гар бўйсунмангиз,
Дил кўникди бир жонини минг бор улаб.

Фурсат етиб тан оласиз “бой” бердим деб -
Ўтмоқ бўлиб ёниб битган "кўприк"лардан.
Йиғлайсиз-у, ўрни тўлмас пушаймон еб,
Фойда кўрмай атрофдаги “кўпик”лардан.

Дунё кезиб тополмайсиз битта дардкаш,
Хижрон надур, тушунарми ҳиссиз "қоқбош".
Дардингизга дардбон бўлган биздек яккаш
Куйимизда бўлибсиз-да, сиз Аламкаш.

Сўнгги фикр - ўша бўлсин Олий ҳакам,
Кўролмассиз ўйлаб ётиб тушларда ҳам.
Осонгина - тақдир, денг-у, куйинмангиз,
Бағри бутнинг ўзи қайда, дунё бир кам.

Синган қалбни бутламоқни ўзи душвор,
Орзуимиз бисёр эди, бўлдилар хор,
Ул фикрни айтиб қўйиб тонмоқлик - ор,
Икки дунё Гулчеҳрангиз топмангиз ёр...

Gulchehra Ibragimova

25.01.2012, 11:48

Келмадингиз

Келмадингиз,
кундузим қаро бўлди,
Васлингиз истагида бир кўнгил яро бўлди.
Шубҳалар панжасида умидим адо бўлди,
Келмадингиз, сиз нечун?

Келмадингиз,
мағрур юрак тиз чўкди.
Чақмоқ бўлиб сўзларим ашкнинг чокини сўкди,
Музлар ёғди, нажот йўқ, чўлпон кўзлар дур тўкди,
Келмадингиз, сиз нечун?

Келмадингиз,
қуёшим ботди қайга,
Дардларимни топширдим ҳазин навога, найга,
Кўнглимни тошга урдим қарамайин “ҳай-ҳай”га,
Билмадингиз сиз нечун?!.

* * *

Тун қаро, йўл қаро, қошлар қоп-қаро,
Қарашлар жабридан кўнгиллар яро,
Чанқасам, муҳаббат чашмаси яқин,
Ва лекин жонимга кирмагай аро.

Ўнгда тош, сўлда тош, юракларда тош,
Тошларнинг зарбига ким беролар дош?
Умр ёш, гўдак ёш, кўзлар тўла ёш,
Минг бир ўй комида чатнаб кетар бош...

Minglar

25.01.2012, 14:10

Men keldim... she'rini boshqacha tekislab yozib chiqdim. Ertalab sal shoshildim chamamda sizlarga taqdim qilgani...

Мен келдим…
Сўнгги бор… қалбим кўтариб.
Эшигинг ортида унсиз бўзариб,
Ўша сенга таниш сўзларим билан,
Ўша сенга таниш девона , ғариб…

Мен келдим...
Сўнгги бор қаддим синдириб,
Қайсар вужудимни алдаб, кўндириб,
Ўша сендан кетган адаш йўллардан,
Илинжга дунёча умид тўлдириб

Мен келдим…
Сўнгги бор , энг сўнгги дафъа,
Пойингга тўкилиб йиғламоқ учун,
Ўша, қачонлардир бағрим тиғлаган,
Муҳаббат ҳиссини илғамоқ учун

Мен келдим…
Севгисиз , совуқ юртлардан.
Мен келдим , муҳаббат, қошингга яна,
Яна оловингда куймoқлик учун,
Яна ўлмоқ учун ёна ва ёна!

Мен келдим...

Gulchehra Ibragimova

25.01.2012, 14:24

Мен келдим...

Хуш кўрдик!http://uforum.uz/images/icons/icon7.gifhttp://uforum.uz/images/icons/icon7.gif

Feruza Xodjayeva

25.01.2012, 14:41

Келмадингиз, мағрур юрак тиз чўкди.
Chiroyli gaplarni topib yozishni bilmayman, uzr, qo'polroq bo'lsa ham, lekin shu misrani o'zi hamma she'rni "o'chirib" qo'yibdi :)

Minglar

25.01.2012, 15:01

Qizim Hulkarga

Mening vazmin qizim,
Mening oppog’im.
O’nggu so’lu ko’zim,
Suyansam tog’im.
Umrimda eng hushbaxt
Bo’lganim chog’im,
Sening jilmayishing,
Ko’zing kulkisi.

Ba’zida dunyoning ranggi qolmasa,
Suyanganlarimning changgi qolmasa,
Ko’nglim ko’tarishdan harchand qolmas-a,
Sening jilmayishing, ko’zing kulkisi.

Hayotda qoqinma, dard ko’rmay o’tgin,
Yuzing sarg’aymasin,zard ko’rmay o’tgin,
Eng og’ir pallada qaddingni tutgin,
Sekin jilmayib qo’y, ko’zlaring kulsin.
Mening vazmin qizim,
Mening oppog’im…

(C)

Gulchehra Ibragimova

25.01.2012, 17:50

Мен келдим…
Сўнгги бор , энг сўнгги дафъа,
Пойингга тўкилиб йиғламоқ учун,
Ўша, қачонлардир бағрим тиғлаган,
Муҳаббат ҳиссини илғамоқ учун

Мен келдим…

Сен кетдинг

Сен кетдинг,
кўнглимни ўзинг-ла олиб,
Бу чашмим қорайди йиғидан толиб.
Суврату, сийратим эзғилаб, янчиб,
Яшадим мен сенсиз туйғусиз қолиб..

Кетолдинг,
умидим чил-чил синдириб,
Жўшқин наволарни сувдай тиндириб.
"Воз кечди", "..тупугин олмас, деб қайтиб",
Минг йил-ки яшадим, ўзни кўндириб..

Сен
қайтиб келолдинг,
келолдинг қайтиб!
Ул унут қўшиғинг такрорлаб айтиб,
Юзим ёришмади, кўнглим кулмади,
Тизгинсиз ҳаёллар кетдилар дайдиб..

..сен келдинг,
қолгани Холиққа маълум,
Қаршингга чиқмоққа етмайди ҳолим.
Кўзингдан кўнгилга ўтлар туташди
Айбкор..наҳот сен..шунчалар золим?!

Сен келдинг...

Aliya

25.01.2012, 22:45

Istig'for

Dudog'iga shabnam qo'ngan tonglar haqqi,
Shafaq bag'rin quchgan oppoq shomlar haqqi,
Sevgimizda eng baxtiyor onlar haqqi -
Sog'inchimning jondan o'tgan ozori bor,
Meni sevsang...
Qo'llarimni qo'yib yubor...

Ming bir va'dang yo'llaridan qaytmoqdaman,
Oy sog'ingan dard qo'shig'in aytmoqdaman...
Nigohlaring dilni etdi pora-pora,
Jon berolmay qo'llaringda...
Qaytmoqdaman...
Meni sevsang qo'llarimni qo'yib yubor...

Ohimdan dud, hasratimdan chang ko'rinar,
Qalbim ochsam, xast-u, alvon rang ko'rinar.
Xazon bargday bosib o'tding yuragimni,
Sinig'ida ishq mujgoni nam ko'rinar...
Meni sevsang...
Qo'llarimni qo'yib yubor...

Mening bilan baxtli o'tgan kunlar haqqi -
Sevsang, meni izlamagin...
Eslamagin...

Gulchehra Ibragimova

26.01.2012, 18:22

Сиз ўшасиз

Севганингиз майли мендан ортиқ бўлсин
Бегим, Сизга мингта жоним тортиқ бўлсин.
Сиз бор ерда хатар йўли ёпиқ бўлсин,
Ҳаёлимни обод қилган бир гўшасиз,
Мен излаган дилозорим Сиз “ўша” сиз.

Йўллар қараб баъзан бошим хам бўлади,
Соғинчлардан қаро кўзлар нам бўлади,
Хотирамда битта фикр жам бўлади,
Умр бўйи мен етмаган бир гўшасиз –
Кўнглим мулки, ишонганим Сиз “ўша” сиз.

Сиз ўшасиз - юрагимда чақмоқ чаққан,
Сиз ўшасиз – дилга ишқдан олов ёққан.
Не учундир ортдан баъзан маюс боққан,
Кўнглингизни очолмайин гоҳ жўшасиз –
Мени суйган мен суярим Сиз “ўша” сиз.

Азоб берар сизнинг ҳижрон камонингиз.
Майли бўлай ишқда сизнинг ёмонингиз,
Ҳажрингизда бўлдим ранги сомонингиз,
Орзуларим султонисиз, сиз ўшасиз –
Сиз ўшасиз,
сиз ўшасиз,
Сиз “ЎША” сиз!

Gulchehra Ibragimova

26.01.2012, 18:24

Ҳижрон

Ўзин нима деб овутаркин севмаган одам,
Қалбин қандай илитаркин севмаган одам?
Қамчибек Кенжа

***
Қари момо чол ёнида туш кўради,
Кабутарлар ўз жуфтига тўш уради.
Ошиқу-зор токай бағри бўш юради,
Тенгин топмай куйиб кетган оғушлар-ей.

Осмон узоқ, етмасмикан ёрга оҳлар,
Ё ҳаёлин банд этдими ўзга моҳлар?
Зор куйдириб у ким билан дилин чоғлар,
Зағчаларга эрмак бўлган оққушлар-ей.

Ёлғизликнинг ситамлари бунча оғир,
Эркалашни армон билиб куяр бағир.
Мард кўксига бош қўймаган тунлар сағир,
Айрилиқнинг куни қурсин бунча тахир?!

... Бир париваш ухлар армон болишида,
чархи бедун куяр ўтсиз нолишида.
Илинж ётар туни билан оғушида,
Ёр меҳрига ташна вужуд, йўқ ҳушида.

Алқиссаким, фироқ гулни сўлдиргуси,
Кимса йўқким, анинг кўнглин тўлдиргуси.
Келса келсун, йўқса фироқ ўлдиргуси,
Видо олди суяр ёрин бир кўргуси...

... Пари чеҳра туш кўради, у тушида –
Ўлтурганмиш севганининг оғушида,
Бахт нашъасин тотар ҳар ким жуфтин топса,
Толе бордур муҳаббатнинг “оғу” сида.

мафтун

26.01.2012, 20:23

Dudog'iga shabnam qo'ngan tonglar haqqi,
Shafaq bag'rin quchgan oppoq shomlar haqqi,
Sevgimizda eng baxtiyor onlar haqqi -
Sog'inchimning jondan o'tgan ozori bor,
Meni sevsang...
Qo'llarimni qo'yib yubor...

Ming bir va'dang yo'llaridan qaytmoqdaman,
Oy sog'ingan dard qo'shig'in aytmoqdaman...
Nigohlaring dilni etdi pora-pora,
Jon berolmay qo'llaringda...
Qaytmoqdaman...
Meni sevsang qo'llarimni qo'yib yubor...

Ohimdan dud, hasratimdan chang ko'rinar,
Qalbim ochsam, xast-u, alvon rang ko'rinar.
Xazon bargday bosib o'tding yuragimni,
Sinig'ida ishq mujgoni nam ko'rinar...
Meni sevsang...
Qo'llarimni qo'yib yubor...

SHaxnoza.
Ajoyib she'r yozibsiz.

Ammo ko'glngizga olmasangiz 1-2 fikrlarimni aytsam...

Shu se'r qofiyasini
a................
a.................
b.................
a..................
b...................
shaklida tuzganingizda, yana ham zo'r bo'lardi...

masalan:

Dudog'iga shabnam qo'ngan tonglar haqqi,
Shafaq bag'rin quchgan oppoq shomlar haqqi,
Sog'inchimning jondan o'tgan ozori bor,
Sevgimizda eng baxtiyor onlar haqqi -
Meni sevsang...
Qo'llarimni qo'yib yubor...

Yana, bilmadim...

Aliya

26.01.2012, 23:03

Ko'nglingizga olmasangiz 1-2 fikrlarimni aytsam...

Shu she'r qofiyasini
a................
a.................
b.................
a..................
b...................
shaklida tuzganingizda, yana ham zo'r bo'lardi...

masalan:

Dudog'iga shabnam qo'ngan tonglar haqqi,
Shafaq bag'rin quchgan oppoq shomlar haqqi,
Sog'inchimning jondan o'tgan ozori bor,
Sevgimizda eng baxtiyor onlar haqqi -
Meni sevsang...
Qo'llarimni qo'yib yubor...

Yana, bilmadim...

E'tiboringiz uchun rahmat!
She'rda birinchi band boshqa bandlardan ajralib turishi uchun ushbu tarzda qofiyalagan edim. Keyingi bandlar bundan mustasno.

Aliya

26.01.2012, 23:05

Ketmoq azob emas...

Ketmoq azob emas...
Eslamoq azob...
Umidlar qanoti kuyar otash-la...
Xudodan yolvorib so'rayman:
"Yo Rab!
Uni yuragimdan o'chirib tashla..."

Oppoq orzularim topgandek zavol,
Endi u yo'llarga begona hayol...
Armon muhabbatni qilmasdan uvol,
Uni yuragimdan o'chirib tashla...

Qachondir o'tindim:
"Bir bor ko'ray man..."
... Endi usiz o'zga hayot quray man...
Sendan yo'l boshida shuni so'rayman:
"UNI YURAGIMDAN O'CHIRIB TASHLA!"

Gulinoz

27.01.2012, 06:56

Farishtam
Farishtamsiz, armonlardan asraguchi,
Meni ollohimdan tilab olganim.
Sizsiz sog'inchlarim hazonrezgi kuz,
Sizsiz hijronlarda tanho qolganim.

Sizsiz butun olam ko'zlarimga tor,
Bir sukunat, domiga tortib ketgudek.
Bu hasta dil urar dardlardan nochor,
Oh ursam, ohlarim ko'kka yetgudek.

Bilmam, taqdir qaysi gunohim uchun,
Yozgan peshonamga omonat bir baht.
Kelishingiz kutarman, yig'larman beun,
Tugab borar bizga ajratilgan vaqt.

Yana bir kun ham o'tdi sizni sog'inib,
Bugun faqat yomg'ir dildoshim bo'ldi.
Farishtam, o'tindim qoldirmang tanho,
Bu ishq sahrosida charchadim, toldim.

Gulinoz

27.01.2012, 07:03

Kelsa edi agar mening qo'limdan,
Hayotingni quvonchlarga to'ldirar edim.
Armonlarning o'chirardim dilingdan,
Koz'laringni faqat bahtdan kuldirar edim.

Tikanlarni olib tashlab yo'lingdan,
Hasratlaring daryolarga oqizar edim.
Hatto izlab topar edim baht qushin,
Va sening qo'lingga tutqizar edim.

Cho'mib qolsang agar g'amdan hayolga,
Shodon bir qo'shiqqa aylanar edim.
Kuylarga solardim orzularimni,
Joningga jon bo'lib boylanar edim.

Nelar qilsam yana men sening uchun,
Eng bahtli insonga aylantirolsam.
So'ng esa bahtingdan to'lib quvonchga,
Ketmas bo'lib, bir umrga yoningda qolsam.

мафтун

27.01.2012, 07:05

Keyingi bandlar bundan mustasno.

Кейинги бандларини ҳам назарда тутганман. Умуман ҳамма бандидаги
Meni sevsang...
Qo'llarimni qo'yib yubor...
мисрасига 3-қатордаги мисра қофия бўлса, янаям мукаммал бўларди. Тўғри тушунинг, бу шеър санъатининг ўзига хос гўзаллиги-да...

Minglar

28.01.2012, 08:07

Ko’chat ekib, bog’ qoldirgan,
Hamda imorat soldirgan,
Bolam, deb, yurak oldirgan,
Dadajonim…

Yurtda obro’- e’tiborli,
Ham kamtaru, ham viqorli
Misli baland tog’dek qorli,
Dadajonim…

Har dam ogoh, o’tkir nigoh,
Badxulq, yomonlardan panoh…
Sog’inchlardan yuragim dog’,
Dadajonim…

Mushkul kelsa - dildagi xush,
Muammolar bo’lgan bir tush,
Qoldirmagan chigal, yumush,
Dadajonim…

Boshin silab o’g’limga men:
- O’xshsab ketding bobongga sen.
Taskin uchun bir nima deng…
Dadajonim…

Umr – karvon, ketar , o’tar,
Bir kun “cho’bin otin” tutar,
Mahsharda diydori kutar,
Dadajonim…

Kunduzim mening – oftobim,
Qaro tunda mohitobim,
Bosh qo’yar joyim - mehrobim,
Dadajonim.

(С)

Nigora Umarova

28.01.2012, 12:19

Umr – karvon, ketar , o’tar,
Bir kun “cho’bin otin” tutar,
Mahsharda diydori kutar,
Dadajonim…

Kunduzim mening – oftobim,
Qaro tunda mohitobim,
Bosh qo’yar joyim - mehrobim,
Dadajonim.

(С)

Mana shu ikki jumla o'rtasidagi tafovvut she'r mazmunida g'alizlik yuzaga keltirmayaptimi? Menda ikki xil ziddiyatli fikr- she'r marhum otagami yoki tirik otaga bag'ishlangan; u bag'ishlovmi yoki marsiya degan savol tug'ildi.
Lekin ta'sirchan chiqibdi.

Minglar

28.01.2012, 12:42

Mana shu ikki jumla o'rtasidagi tafovvut she'r mazmunida g'alizlik yuzaga keltirmayaptimi? Menda ikki xil ziddiyatli fikr- she'r marhum otagami yoki tirik otaga bag'ishlangan; u bag'ishlovmi yoki marsiya degan savol tug'ildi.
Lekin ta'sirchan chiqibdi.

Avvalo, e'tiboringiz uchun tashakkur! Ikkinchi misra boshqa she'rimdan , Dadam borliklarida yozilgan she'rning ohiri edi (boshlanishi esimda yo'q, yozuvlarim yo'qolgan), yodimda qolgani uchun qo'shib qo'ygan edim. Agar iloji bo'lsa , chiziq bilan ajratib qo'ysalar, Nigoraxon, ayni muddao bo'lar edi. Men bilinmaydimikan , degan hayolda edim.Zukkoligingizga qoilman:)

Mahmud Jurat

30.01.2012, 12:42

***
“Бул фараж нарх қўйди юзимга қараб,
Бепул харид қилди мени Мир араб,
Бир пул турмаслигим ўзим билардим,
Сен нечун қийнайсан нархимни сўраб.”
М. Йўлдошев

Бу жаҳонда ҳар нарсанинг
Нархи бору навоси бор.
Менинг нархим ким қўяди,
Унинг қанча баҳоси бор.

Мол бўлса бас бозор уни
Нархлайди жим кунга қараб.
Нархлагувчи ўшал сўзни
Айтармикан ўтган араб.

Садақа деб сўмлар бердим,
Баҳом ошди ўта қиммат.
Итялоқдан инжу терсам,
Ортармиди кимда ҳиммат.

Ким тўлайди менинг нархим,
Етмиш йиллик умрим унда.
Қадрланмай ўтдик дўстим,
Нархлаб юрманг қазо кунда.

мафтун

30.01.2012, 22:20

СИРИМНИ

Сиримни сақлайди ким,
кимга қўяй, шартимни?
қайлардасан қудуғим,
олгин ахир дардимни,
«Искандарнинг шохи бор!»

Ойдай тўлди паймонам,
кундай тутилди тилим,
қайлардасан, бегонам?
раҳминг келсин, тошдилим,
юрагимнинг оҳи бор.

Елдай сарсон карвоним,
кўҳна сўқмоғим қани?
қайлардасан, сарбоним?
манзилимга элт мани,
бу йўлларнинг чоҳи бор.

Сенсиз эгилди бошим,
қара, кўнглим ҳам синиқ.
қайлардасан, дилдошим?
бунча узун айрилиқ-
на бош, на адоғи бор?!

Minglar

31.01.2012, 12:32

Куртак уйғониши,
булбул хониши,
Чечакнинг қирларда
лов-лов ёниши,
Зилол мўжизанинг муздан тониши…
Баҳорнинг қаҳрли қишга исёни.

Ҳар кун шафақ
куюб адо бўлиши,
Унинг қизаргани,
ўтли сўлиши,
Қуёшнинг пойида оҳир ўлиши…
Маъсума тонгларнинг тунга исёни.

Юракда жўш урган яллолар саси,
Шўҳ-шодон давралар, гуллар нафаси,
Йигиту-қизларнинг азалий
баҳси,
Ёшликнинг эрталик мунгга исёни.

Саҳролар Мажнуннинг “дастидан” куйди,
Қуёш ҳам сесканиб тафтини туйди...
Шунда ҳам у суйган ўзгани суйди…
Кўз ёшлар - аламли кунга исёни.

Дарахтни дарахтга еткизмаган - боғ,
Дарахтни дарахтга теккизмаган - боғ,
Куллари кўкларга соврилгани чоғ –
Ёниши, уларнинг сўнгги исёни.

Бир ишқ бер, юракда боридан буюк,
Осилган Машрабнинг доридан буюк,
Бир ёр бер, эй Тангрим, ўзингдек суюк –
Садпора юракнинг кунги исёни.

(C)

Aliya

02.02.2012, 17:17

шеър санъатининг ўзига хос гўзаллиги-да..

Keyingi safar e`tiborliroq bo`lishga harakat qilaman ;)

Баходир кушаков

03.02.2012, 00:46

Ўзининг касаллиги учун ота онасига таъна қилмаяпти!
Касалликни Тангри беради, ота она бермайдику. Қандай қилиб ота онага ўз касаллигимиз учун таъна қилишимиз мумкин?

Ибн Синодан бир аёл сурабди.Менинг ўғлим бир яшар бўлди, қачон тарбия қилишни бошлаганим маъқул деб.Бир йилу тўққиз ойга кечикибсиз деган экан Ибн Сино.Маҳалламда бир ароқҳўр оила бор.иккита фарзанди мана 13 ва 15 ёшга киришди ҳалиям юра олмайди.Бир сабаб туфайли рўи заминни яратган Парвардигор,Ўзи, сабабсиз бундай инсонларни дунёга келтирмаса керак.Ҳамиша биз сабабчимиз фарзандларимизни қандай туғилиб,қандай вояга етишига.Шуниям эплолмасак Яратган ҳайф сенга демайдими?

Nigora Umarova

03.02.2012, 10:21

Minglar

03.02.2012, 15:34

ФЕВРАЛ

Ёмғирга қўшилган қорнинг эртаги,
“Қорбобо” қўшиғи битиб бормоқда.
Воҳ, қиш ҳам қайтмоқда , совуқ қайтмоқда,
Феврал кўчамиздан кетиб бормоқда.

Баҳорга ичиккан битта мен эмас,
Майсалар нафасин ютиб борар жим,
Сумалак базмини соғинган қанча,
Наврўзи оламни ким кутмабди, ким?

Кўчада ёпишқоқ андишасиз лой,
Ўтган этикларни олади қучиб…
- Бунча орқамиздан эргашмасанг, ҳой!?
Оёқлар дебсинар недандир чўчиб.

Боладай , бир ажиб оламни кутган ,
Кўнгилда ғалаён ортиб бормоқда.
Эҳ , феврал бўлсачи, қамчини тутган
Қишнинг аравасин тортиб бормоқда...

(C)

Gulchehra Ibragimova

03.02.2012, 19:34

Минглар ака дилимиздаги шеърни ёзибсиз ўзиям:

"Баҳорга ичиккан битта мен эмас,
Майсалар нафасин ютиб борар жим,
Сумалак базмини соғинган қанча,
Наврўзи оламни ким кутмабди, ким?"

https://img.uforum.uz/thumbs/rdcafap8014261.jpg (https://img.uforum.uz/images/rdcafap8014261.jpg)

Ҳақиқатдан ҳам чиройли шеър.. битибсиз..Ҳақ гап, баҳорни жуда-жудаям соғиндик..
Соғинтирворди ўзиям бу "яшилликлар" "Соғинтириб яшагим келар", деган қўшиғини куйлаб интиқ қалбларни..Майсаларни,
ўрик гули, бойчечагу, қизғалдоқларни ким ҳам соғинмаяпти дейсиз? Тўғри, ҳар фаслнинг ўз зийнати бор-ў,..аммо зериктирворди, тўғриси. Қор ёққани яхши..қишлоқ хўжалиги учун..дон-дун, ғалла..сув ва бу халқнинг ризқи деганларидек..Барибир ҳам чўзилиб кетди назаримда..Баҳорни соғиндим жуда, жудаям!

Соғинганман, тоғдан тушган жилғасини,
Кўргим келар турфа чечак жилвасини.
Момақаймоқ, Ялпизжону, хилвасини,
Хуш бўйини жоним қадар соғинганман!

https://img.uforum.uz/thumbs/zarzxqb6988200.jpg (https://img.uforum.uz/images/zarzxqb6988200.jpg)

Қани эди ҳар кун бўлса Наврўз сайли,
Севишганлар бўлса бунда Мажнун Лайли.
Бахтин топса бир-бирида бўлса майли,
Навоийдан қолган ишқни соғинганман.

Ҳаёт сувин бахш айласа булоқлари,
Тоғлар ошса қўй-қўзи-ю, улоклари,
Йўлин топса, йўлдан озган «суллоҳ»лари
Эл ичинда огоҳларни соғинганман.

Яхшиликни мақтаб кўклам айтса эртак -
Қиқирлашиб, кўзин очар мудроқ куртак.
Лайлакжоним келди, дея ашъор битсак -
Кўкламойим келгин, сени соғинганман.

Булбул айтса атиргулга дил розини,
Ишқибозлар уриштирар хўрозини,
Соғинганман карнай-сурнай овозини,
Гул атрини жону дилдан соғинганман!

Баҳоройнинг эрка қизи бойчечакдир,
Наврўзимнинг ярошиғи халинчакдир.
Кимга армон қирқ кокилли келинчакдир,
Узун сочли қирмиз қизни соғинганман.

Ёмғирларни соғинганман, ёғса чак-чак,
Бека ёпса кўк ялпиздан иссиқ бичак.
Тоғ қўйнида ёнса лола, ёҳуд чечак,
Қизғалдоғим - эгачимни соғинганман!
https://img.uforum.uz/thumbs/mjouueu9828883.jpg (https://img.uforum.uz/images/mjouueu9828883.jpg)
Қалдирғочлар ин қўйса уй пештоқига,
Деҳқонбобо ишин етмай адоғига.
Жоним садқа бобом қўлин қадоғига,
Деҳқонимга яхши кунни соғинганман!

..Товланса гар кўкда нурли камалагим,
Толбаргаклар тақса, сочи жамалагим.
Қозонларда қайнаб турса сумалагим -
Фаришталар намагини соғинганман!

Қувват берар тоғ неъмати, хушхўр равоч,
Кучга тўлиб ҳар бир иши топар ривож.
Санайверсам хислатига етмас қулоч -
Кел баҳорим, хислатларинг соғинганман!

Соғинганман ҳилол ойнинг балқишини.
Бўтана сув гоҳо тиниб, қалқишини.
Гулбаҳорим чорлаб келгин бахт қушини -
Ўшал қушнинг бахт беришин соғинганман.

Ҳар бир куни Наврўз бўлсин ўзбегимнинг,
Хирмонлари донга тўлсин ўзбегимнинг.
Ризқи бутун бахти кулсин ўзбегимнинг,
Ўзбегимнинг ўзбеклигин соғинганман.

«Кел баҳорим сени жуда соғинганман,
Изларингни кўзга суртиб топинаман,
Кел баҳорим...»
дея менам шеър ўқигим келиб кетди..

Masud Mahsudov

04.02.2012, 11:13

Tunim o’tar bedor va yolg’iz,
Tashqari qor -
Ichimda otash.
Sabrim ashkdan yaralgan dengiz,
Tugamasga o’xshaydi bardosh.

Tunim o’tar sokin, ohista,
Olislaydi tushlar-uyqular.
Yuragimni kezadi asta
Ta’riflarga ojiz tuyg’ular.

Tunim o’tar.
Sog’inch, intiqish,
Ezg’ilaydi mushtdek jonimni.
Buncha uzoq choz’iladi qish
To’rga solib qalb tug’yonimni?

Tunim o’tar;
Hadik, g’ulg’ula,
Mehmon bo’lib kelar uyimga
So’ngra “umid” atalgan shu’la,
Dalda berar ojiz ko’nglimga

Tunim o’tar,
Mudramoqqa ko’z
Jazm qilmay kutar baxtimni.
Bisotimda qolmasa ham so’z,
Haq qo’lida tutar baxtimni.

Tunim o’tar – iqbolim g’arib,
Zulmatlardan ziyo axtarib...

(c)

Minglar

05.02.2012, 09:31

Эҳтиёткор муҳаббат

Ўлиб қолмаймиз биз,
Кўришмасак ҳам.
Интизор бўлсак ҳам, билдирмаймиз ҳеч.
Менсиз яшайверас ўртасада ғам,
Иккимизга севги, ўйлайсизки, кеч…

Ўйлайсизки, бу иш фойдадан йироқ,
Ҳисоб китобли-да дунё , ўйлайсиз,
Энди ишқ зиён , деб , бу севги чатоқ,
Эвоҳ ! ҳисобингиз яна қўймайсиз.

Ҳолбуки, кўзларда олов бор, чақин…
Ҳолбуки, бу диллар шунчалар яқин…
Лекин бу ҳиссиёт миллион қулфда банд,
Қулликлар, занжирлар бераётир панд.

Аммо, биз ўлмаймиз
Кўришмасак ҳам,
Интизор бўлсак ҳам билдирмаймиз ҳеч,
Сизсиз яшаяпман соғиниб ҳар дам,
Иккимизга севги, ўйлайманки....... кеч...

(C)

Gulchehra Ibragimova

06.02.2012, 14:01

*** *** ***
Чўққиларда бордайин виқор,
Кўрган сайин бўламан иқрор.
Азим қоя ойга термулар,
Лек севгисин қилолмас исҳор..

Ишқ йўли ҳам мисоли бир дор,
Оёқ тойса бўласан абгор.
Кўчада-кў бўрон, изғирин,
Дилларга ҳам қор ёғибди, қор..

Энди ёрнинг нигоҳи совуқ,
Боқишида ўт йўқ, чақин йўқ.
Ўзин лойиқ кўрмайди ишққа,
Аллақачон дилда сўнгган чўғ..

Энди ишқ деб ўлиб қолмайди,
Орзу қилмас ҳатто ишқ тугул..
Сочида оқ, юрагида "оҳ"
Лек умидин узолмас кўнгул..

Shuhratbek

06.02.2012, 14:54

Ибн Синодан бир аёл сурабди.Менинг ўғлим бир яшар бўлди, қачон тарбия қилишни бошлаганим маъқул деб.Бир йилу тўққиз ойга кечикибсиз деган экан Ибн Сино.

Farzandga tarbiya berishni boshlash ona qornidanoq boshlanadi.

Ундан хам олдин бошлаш керак, ота онанинг хар бир килган иши фарзандига албатта таъсир килади

Minglar

06.02.2012, 16:35

Изғирин, деразам синдириб кирган,
Уйимни музлатди…
Иссиқ тафтингизни узоқдан туйган
Дилимни, сўзлатди…

Кўнгилда сизгача орзулар бисёр.
Йўллар кўринмайди, борми туманлар!?
Бу икки орада қанча кўз – ҳушёр,
Қанча ҳадикларгни сезган гумонлар…

Қанча чорасизлик , қанча кишанлар,
Оёқ қўлимизни боғладилар-ей.
Висолни кўрмайин ўтган ҳижронлар,
Нимта юрагимни доғладилар-ей.

Бу дардим , бу сирим елларга айтдим,
Еллар ҳайронликдан музларга дўнди…
Ишқ деган ёнғинли жарга қайтишга,
Фақат юрак кўнди, фақат шеър кўнди…

(C)

Gulchehra Ibragimova

06.02.2012, 17:17

Т ў р т л и к л а р

Йўқ, зўрламанг!
ишқ ҳақида ёзолмам мисра.
Соғинчу ҳижрондан қалбимда ғусса.
Бошимда айрилиқ булути сузса-
Муҳаббат мен учун ёлғон бир қисса..
*** *** *** ***
Биламан,
Сиз энг олис осмонда порлаб,
Ўзига чорловчи бир нурли юлдуз.
Мен эса шу юлдуз кўйида йиғлаб
Бир умр орзуга етолмаган қиз..
*** *** *** ***

"..Бизни унутганни унутдик биз ҳам"

Сен англаб етмаган ҳисларим ҳаққи,

Дардингда сарғайган юзларим ҳаққи.

Бир жавобсиз қолган сўзларим ҳаққи-

Унутдим мен сени, унутдим сени..
..унутиб бўлса

Gulinoz

07.02.2012, 20:20

Mendan olislarga ketmagin aslo,
Ketsang qalb uyimga qarg'alar qo'nar.
Shum yolg'izlik mehmon bo'lar ko'nglimga,
Bog'larimda hijron gullari unar.

Meni sendek aziz bilmaydi hech kim,
Sendek dardlarimni tinglaguchi yo'q.
Gar sen ketsang zulmat hamrohim mening,
Quyular jonimga azoblardan cho'g'.

Qizg'onaman seni ko'zimdan hatto,
Hayoling almashmay bahor yozlarga.
Meni tashlab ketma o'shal azobli,
Yomg'irlari yolg'on bo'zlar kuzlarga.

Mendan yiroqlarga ketma Vafodor,
Ahir tushun! Sen-ku umrimga mazmun.
Dunyo quvonchlari kerakmas menga,
Yolg'iz sen asragin o'zing men uchun.

Seni hayol bilan o'radim qalbga,
Hech yo'q hayollarda bo'laylik birga.
Kutganimiz visol visol onlari yaqin,
Ungacha yashaymiz ko'nib taqdirga...

Gulinoz

07.02.2012, 20:28

Meni mahkam bosgin bag'ringga,
Bor quvonching bo'layin doim.
Sevmaganlar boqmasin bizga,
Ular bizni tushunmas jonim.

Bilmaydilar hijron neligin,
Anglolmaydi qalbimiz ular.
O'ylamagan hayotda asli,
Muhabbatdan bahtlar tug'ilar.

Qo'ling bergin olis ketaylik,
Taqdir hijronlarga solmasin.
Orzularimizga yetaylik,
Dushman holimizdan kulmasin.

Sirdosh bilma g'anim o'zingga,
Siring bilib, cho'qiydi ko'zing.
Ko'zlar seni aldamaydi hech,
Eng yaqining bo'layin o'zim.

Mehribonim bosgin bag'ringga,
Vafodoring bo'layin doim.
Sevmaganlar boqmasin bizga,
Ular bizni tushunmas jonim...

Gulinoz

07.02.2012, 20:36

Toshib ketsa hamki darddan yuragim,
Burchakka berkinib bo'zlagim kelmas.
Bu qalb intiladi bahtli bo'lmoqqa,
Aslo ayriliqdan so'zlagim kelmas.

Qismat boshginamni xam qilib qo'ysa,
Ba'zan yolg'izlikda ko'zim nam bo'lsa.
Hijron azob berib paymonam to'lsa,
Lek hech ayriliqdan so'zlagim kelmas.

Ishonch bor yurakda, umid so'nmagan,
Sensiz yashamoqqa bu dil ko'nmagan.
Bo'lsam ham hayotda ishqqa qonmagan,
Aslo ayriliqdan so'zlagim kelmas.

Judolik haqida yozmasin qalam,
Menga judolikning azobi alam.
O'qimay ayriliq satridan hech ham,
Men hech ayriliqdan so'zlagim kelmas...

Баходир кушаков

07.02.2012, 23:11

Айт гўзалим.

Айтақолгин розларингни қулоқ берай,
Зулфингни мен олиб юзу кўзга сурай.
Дилим сенинг севгингга зор бўлса нетай,
Айт гўзалим,мени севсанг,сен не булар?

Дилга озор берган асли ўзинг эдинг,
Мен ёмонни ёмон килган ўзинг эдинг.
Мурувватни сендан кутдим ишқинда зор,
Айт гўзалим,мени севсанг,сен не булар?

Келолмадинг ёнимга сен ҳолим сўраб,
Борлиғимни меҳринг билан махкам ўраб,
Ҳижронларда қоламанми?Энди ё Раб,
Айт гўзалим,мени севсанг,сен не булар?

Баҳодир.

Gulinoz

09.02.2012, 20:22

Sog'inchning qo'lidan tutdim men yana,
Ishqning ko'zlariga boqdim ma'nodor.
Dedim: yana qancha kerakdir sabrim,
Ayt dedim: oldingda ne gunohim bor?

Rahming kelmaydimi hasta yurakka,
Bardosh berolmayin yig'laydi unsiz.
Kut...Agar va'dada turmasa bu dil,
Parchalagin, bahtim butunmas sensiz.

Yog'moqda qor menga uni eslatib,
Uning qalbi kabi oppoq, beozor.
Qaylarda qoldi u, mening g'amxo'rim?
Undan-da azizroq yana kimim bor?

Ovunaman farzandlar ko'ziga qarab,
Aytaman, sen uchun yashashim kerak.
Lekin sog'inaman uni har lahza,
Har lahza kutaman men undan darak.

Deyman, Agar taqdirim bog'langan bo'lsa,
Eng bahtli insonga aylantiray man.
Ruhsat bergin Rabbim, hech yo'q bir bora,
Uning ko'zlarida o'zim ko'ray man...

Masud Mahsudov

09.02.2012, 20:48

Хуш уйғондингми, эркам?
Васлинг ўйимга инди...
Сенга ўхшаган кўркам
Кўкламойни соғиндим.

Интиқиб ҳалакдир жон,
Бунча имиллайди он?
Овозингдек шўх-шодон
Тошқин сойни соғиндим.

Қалбинг дурдек беғубор,
Қалбинг мендек лолазор.
Кўзингдаги аксим бор
Қора жойни соғиндим.

Асрайлик бир-биримизни
Ажиб тақдиримизни...
Тинглаган сиримизни –
Юлдуз-ойни соғиндим.

Ҳолим забун, нигоро,
Дардимга недир чора?
Кўнглимга берган оро,
Гул чиройни соғиндим.

Сенингдек баҳор ранги,
Дилга ёқар оҳанги.
Нафасингдек хўб янги,
Кўкламойни соғиндим.

(c)

Aliya

13.02.2012, 09:40

Shunchaki...

Yo`q. Sizni sevmayman!!!
Kim aytdi sizga -
Bedor tunlarimning sanoqlarini…?
Ko`ngil titrog`idan tongan bu qizga
Yuklamang sog`inchning gunohlarini…

Shunchaki…
Siz menga… Yoqasiz xolos…

Yo'q. Sizni sevmayman!!!
Qaydan oldingiz -
Go'yo termulganim suratingizga?!
Bilmasdan dilga bir olov soldingiz,
Kuyugin men oshkor etmadim sizga...

"Shunchaki...
Siz menga... Yoqasiz xolos..."

Yo`q. Sizni sevmayman!!!
Bo`ldi. Yetar! Bas!!!
Yo`lingizdan qolmay ketavering siz!
Nechun termulasiz qayrilib besas?!
Keting...
Izingizda cho`kmasimdan tiz...

Shunchaki...
Siz menga... Yoqasiz xolos...

Aliya

13.02.2012, 10:10

Янги умид билан бошланади кун...

Янги умид билан бошланади кун...
Орзулар интилар коинот сари.
Куннинг кўзларида соғинчлар – учқун,
Баҳорни соғинган чечак сингари...

Тангри ҳадясидек порлаган куннинг
Заррин нурларида тонглар отади.
Ширин туш ҳаёли тарк этган оннинг
Изидан эргашган бахт уйғотади...

Самонинг бағрида оппоқ булутлар –
Саҳар саболарин соғиниб кутган...
Гулнинг япроғида шабнамни қутлар
Саодат манзили – биз бориб етган...

Балки, ташламадик илк қадамни ҳам,
Балки, олисларда биз кутган хуршид...
Лек, ишон –
Нурларга тўлиб бир олам,
Тонгларни кутмоқда навқирон умид...

Янги умид билан бошланади кун...

Gulinoz

14.02.2012, 05:33

Sen bilan qolsam...

O'rtamizda olisdir yo'llar,
Uzun-uzun daryolar, cho'llar.
Najot istab cho'zilsa qo'llar,
Qo'limdan tut, sen bilan qolay.

Qaylardasan shirin hayolim,
Sanog'i yo'q dilda savolim.
Aslo senga tushmas zavolim,
Qo'limdan tut, sen bilan qolay.

Hech kim tushunmaydi dardimni,
Azob berar yurak gardimni.
Himoya qil o'zing qadrimni,
Qo'lingni ber, sen bilan qolay.

Ta'na qilib toshlar otsalar,
Yo'llarimda g'amlar yotsalar.
Quyosh chiqmay tongim otsa ham,
Sen rozi bo'l, sen bilan qolay.

Ko'zim yoshin ko'rmasin g'anim,
Hijronlarda qovrilsa jonim.
Yolg'iz o'zing uzoq kutganim,
Olib ketgin, sen bilan qolay.

Men Rabbimdan sabr so'rayin,
Hayolingni dilga o'rayin.
Sen-la bahtli umr ko'rayin,
Ruhsat bergin, sen bilan qolay.

Bahtim, borar manzilim o'zing,
Shaydo etgan mehrli so'zing.
Ko'rish nasib etganda yuzing,
Ruhsat bergin, sen bilan qolay.

Tushlaringda mehmoning bo'lsam,
Sevging bilan quvonchga to'lsam.
Yolg'iz sening ko'zingda kulsam,
Bir bor chaqir yoninggga boray,
Bir umrga sen bilan qolay...

She'rimni olisdagi yaqinim, qalbim ardog'i bo'lgan insonim, Vafodorimga atab yozdim. Dunyoda hammaga siz kabi sevib, sevilib yashash nasib etsin...

Aliya

14.02.2012, 11:31

Hayollar...

Bilaman, hayoning savdosi og`ir,
Tik boqqan ko`zlarga qasd etgan vafo.
Men ne gunoh qildim –
Siz ayting axir,
Ostin-ustun bo`lib ketmoqda dunyo?!

Izimdan quvadi hadik hayollar,
Yura olmayapman yo`lda xotirjam.
Kim meni bu qadar otashga solar,
Kimni yo`qotishdan qo`rqdim buncha ham?!

Men...
Go`yo o`zimni yo`qotib qo`ydim,
Hayolim Osmondan olisga ketdi.
Eng ezgu orzular hajridan to`ydim,
Shu lahza...
Yonimda bo`lsangiz edi...

O`zimni topardim ko`zlaringizda...

Gulchehra Ibragimova

14.02.2012, 20:14

Мардинг қани

Тош отдилар ортимдан хўп, қарамадим,
Ўзни оқлаб, шод юрмоққа ярамадим.
Умидларим йўлдош бўлди, қаримадим,
Шу кунни ҳам менга ортиқ кўрганлар бор...

Умрим бўйи ғийбатларга қул бўлмадим,
Номардларнинг иғвосидан ё ўлмадим.
Оташ бўлдим, яшаш учун бир сўнмадим,
Шу кунни ҳам менга ортиқ кўрганлар бор...

Мен ўзимни иғволардан устун қўйдим,
Ғанимларнинг нақ бўғзидан тутун кўрдим.
Келажакда тоълеимни бутун кўрдим –
Шу кунни ҳам менга ортиқ кўрганлар бор...

Асл гавҳар йўқотмайди шуъласини,
Жавоҳирлар ичра буюк унинг шаъни.
Айтаверсам тугамайди дардим мани,
Гулчеҳрангни қўллагувчи мардинг қани?!

Masud Mahsudov

14.02.2012, 20:14

Yurtim bahoriga yetar fasl yo'q,
Olamda bunchalar ko'klam -asil yo'q...
Dunyo ishlaridan bo'shab qolsa qo'l,
Bizning o'lka tomon albat oling yo'l...
Duch kelib oqlikka burkangan boqqa,
Shukrona aytasiz Yaratgan Haqqa...
Qaldirg'ochlar ko'kda qilganda handa,
Ajib xis uyg'onar har bitta tanda.
Yalpiz hidlariga bo'lib qolib mast,
Musoffo havodan olganda nafas,
Tabiat ko'rsatsa o'zgacha husn,
Ko'ngilga to'ladi ajib bir fusun.
Sharros yomg'ir quyar, to'xtaydi zumda,
So'ngra kamalakni ko'rasiz shunda.
Tog'larni bezaydi go'zal shalola,
Na'matak guli-yu, binafsha, lola.
Boychechak gulini ko'zga surib shod,
Dillar beixtiyor bo'ladi obod.
Bolari zuvillab qo'nar gulma-gul,
Tonglari sayraydi qaydadir bulbul,
Sochpopuk taqishib qizchalar shodon,
To'ptosh o'ynasharlar, kulishib xandon.
Sumalak qaynaydi har xonadonda,
Hayot jo'sh uradi shundayin onda...
Betakror mo'jiza bergani uchun,
Allohga aytamiz beadad shukur...

Yurtim bahoriga yetar fasl yo'q,
Olamda bunchalar ko'klam -asil yo'q...

(с)

Gulchehra Ibragimova

14.02.2012, 20:19

Бaҳoр ҳaқидa қўшиқ

Бaҳoрнинг қўшиғидaн гул-ғунчaлaр гуллaйди,

Қизғaлдoқ этaгидa бир умид милтиллaйди.
Чўққилaр узрa oққaн шaлoлaлaр шoвуллaб,
Aриқ бўйидa ўсгaн чучмoмaгa имлaйди.
Кўзлaрим муштoқ бўлиб кутгaн эдим интизoр -
Сeн-чи, мeнинг бoғимгa ёрсиз кeлдингми, бaҳoр?!

Қaлдирoғлaр гумбурлaб, кўк бaғрини дoғлaйди
Тoл бaргaкли гўзaл қиз ёргa кўнгил бoғлaйди.
Зaнгoр сoчи пaришoн мaжнун қизи oрлaниб,
Ҳaр кун қўшиқ тўқийди сув бўйидa зoрлaниб.
Сoғинч ичрa ўртaниб кутгaн эдим интизoр -
Сeн-чи, мeнинг бoғимгa ёрсиз кeлдингми, бaҳoр?!

Тoғ бoшидa қoр йиғлaр, кўнгил муз, эримaйди.
Кaпaлaк мисoл туйғу сира тутқич бeрмaйди.
Гул қoшидa булбулнинг йўқoлиб буткул тинчи
Пaрвoнaдeк чaрx урaр дилгa сиғмaй сeвинчи.
Aжиб тaрoвaтингни кутгaн эдим интизoр -
Сeн-чи? мeнинг бoғимгa ёрсиз кeлдингми, бaҳoр?!

Masud Mahsudov

14.02.2012, 20:22

Қалбим куз рангидек сарғайиб кетган,
Ичимда юришар ғамлар ғимирлаб,
Умидлар куртак ҳам ёзмайин битган,
Уйқумдан уйғотар хаёл шивирлаб.
Мунгли нолалардан юмилар кўзим,
Умр дарахтимдан узилар япроқ,
Ва кейин тушунмай ўзимни ўзим,
Ҳаёт дафтаримга қўяман сўроқ.
Кўнгил ўртанмоқда, юрак ёнмоқда,
Оташи куйдирар бутун вужудим,
Не ажаб, яшашдан танам тонмоқда,
Кичрайиб бормоқда умр ҳудудим.
Ҳаво етишмайин қолганда бирдан,
Нафасим сиқади, қийналар жоним,
Чап кўксим сусайиб боргани майин,
Томирда эриниб айланар қоним.
Тонг яқин уфққа тикиламан жим,
Дардимни ичимга ютмоқдадирман,
Охирги илинжим, охир илинжим,
Баҳорни интиқиб кутмоқдадирман.

2010 (c)

Gulchehra Ibragimova

14.02.2012, 20:30

Сизни соғиндим

Ёрдин айру кўзимни интизор этди фироқ,

Қолмади сабру қарорим, беқарор этди фироқ.

(Нодира)

Мен сизни соғиндим, жуда соғиндим,
Сиз ўтар йўлларга пир деб топиндим.
Умидни ёпиндим, сувдайин тиндим,
Сизни соғиндим...

Соғинчдан кўнгил ҳам эзилиб кетди,
Тоқатнинг тоқлари бузилиб кетди,
Шубҳаю гумонлар тизилиб кетди,
Сизни соғиндим...

Соғиниб қаварган юрагим дедим,
Ҳаётда бир умр тиргагим, дедим.
Сиз менга кераксиз, керагим, дедим,
Соғиниб кетдим...

Соғиндим, тополмай ўкиниб кетдим,
Ул келмас саробга юкиниб нетдим?
Чорасин тополмай тўкилиб битдим,
Сизни соғиндим...

Gulchehra Ibragimova

14.02.2012, 20:35

Қалдирғочим

Қалдирғочим,
қоши қийғосим,

кўзларимга ин қургин.
Баҳор ортга қайтса қайтсин,

сен бунда муқим тургин.

Қалдирғочим,
ишқ кўприги

битибдими, ўтиб кўр,

Хаёлини сенга берган

Лайли қизнинг ҳолин сўр.

Қалдирғочим,
қанотингга

орзуларим яширгин,

Сақлагин пок Гул номини,

қолай мангу яширин.

Авраса гар "оқ илон"лар

кўзларини чўқи, ўй,

Садоқатли вафодорим,

ишончларим ростлар бўй.

Полапонинг юрагимга

солар пишиқ арғамчи,

Унинг темир қанотини

қайирганга минг қамчи!

Қалдирғочим, кўзмунчоғим,

юрагимни топширдим,

Меҳринг ила сувоқлаб тур,

пойингга бошим ургум.

...Қалдирғочим, кўзларимдан

туйнук очдим, кела қол...

Dilya Hasanova

15.02.2012, 09:30

Шеърият тўғрисидаги мунозаралар янги мавзуга кўчирилди.
http://uforum.uz/showthread.php?t=17433

Minglar

15.02.2012, 12:21

Муз тўкилар юракдан,
Лекин совуқ дафи бор.
Қиш безитган чечакдан ,
Баҳор келиш “ҳавфи” бор.

Бугун совуқ, мана қор,
Айтарсиз: не нафи бор?!
Қирга туташ йўлакдан,
Баҳор келиш “ҳавфи” бор.

- Қўйсангизчи, томларда
Сумалакнинг сафи бор.
- Қуёш кулган фалакдан,
Баҳор келиш “ҳавфи” бор.

Тим музлаган дарахтнинг
Сизга айтар гапи бор,
Дилда гужум тилакдан
Баҳор келиш “ҳавфи” бор.

(C)

Mahmud Jurat

18.02.2012, 08:35

***
Гул, юзингга юзимни суртиб,
Баргларингга бошим қўяйин.
Шунда бир кун ҳажрингга тўйиб,
Ошиқларга шоҳ ҳам бўлайин.

Боғда гуллар сараси кўпдир,
Ҳаммасининг барглари нозик.
Сен шабнамга юзингни ўпдир,
Гул ва шабнам тақдирга ёзиқ.

Этагингни титкилар насим,
Бош қўймоқчи баргларингга у.
Ёмғир йиғлар тепангда сим-сим,
Камалакнинг товланар ранги.

Мен эмраниб сени ўпганда,
Тиконингни урма қалбимга.
Ошиқ аҳли чин висол кунда,
Мубталодир асли жунунга.
(С)

albatros

18.02.2012, 09:26

Goho visolimga etsam intizor,
Yig'latib qalbingga bersam-da ozor
Sevishing aytmagin shunda ham oshkor
Ko'zlaring so'ylasin muhabbatingni.

Gul berib gohida erkalab suysam,
Ba'zida arazlab qovog'im uysam
"Sevaman" deb aytma, qaramay qo'ysam
Nigohlaring aytsin muhabbatingni.

Bilsang muhabbatning bezagi hayo,
Pokiza qalblardan taralgan ziyo
Asragil, ko'zga surt, sen uni ayol
Tabassuming aytsin muhabbatingni.

Ko'zlaring so'ylasin muhabbatingni,
Tabassuming aytsin muhabbatingni...

(c)

Gulinoz

21.02.2012, 08:39

Ba'zan yolg'izlikda qalbim o'rtandi,
Hijron sahrosida kezdim piyoda.
O'limdan boshqasin iloji yo'q, lek,
Menga oson tutmang telba dunyoda.

Mening ham yuragim mehrga zordir,
Meni ham qiynaydi sog'inch va firoq.
Talab qilmasman men sizdan hech narsa,
Faqat o'zingizdan qilmangiz yiroq.

Men uchun atalgan ko'ngil ko'shkida,
Bir umrga mehmon bo'lgim keladi.
Yashashdan umidim uzganimcha yo'q,
Gar o'lsam shu ishq ila o'lgim keladi.

Yillar yuvolmadi orzularimni,
Hali ham bahtimni kutaveraman.
Siz ayting bir bora diydor kunini,
Ishonib, quvonib ketaveraman.

Yaqinim tushunmas dardim, azobim,
Beparvo nigohlar bag'rim tiladi.
O'zingiz olasiz yana hayolim,
Bir sizga ko'nglimni ochgim keladi.

Qo'llasa gar Alloh mening yo'limda,
Tanlagan bahtimga albat yetaman.
Boshim olib, bir ongina ham o'ylamasdan,
Begim...
Yoningizga...
Ketaman...

Aliya

21.02.2012, 09:02

Tun ranglari.

Tunlar kiprigimga ilinmas uyqu,
Lahzada ming yilning zalvorin ko`rib...
Qiziq, qay ertakdan paydo bo`ldi u,
Hayolning yo`llari tuganmas yurib...

Unutib qo`ygandek o`zim haqimda,
Uning ismin aytib, nafas olyapman.
O`zimni axtarib, topdimmi unda -
Nahot devonaga o`xshab qolyapman?!

Men...
Ba`zan haddimdan oshgim keladi,
"Jonimni ol, deya...
Qo`lingda jonim..."
Yo`limni to`sgan - shu g`urur biladi:
Ne otash ichida jon-u jahonim...

Baxtmi - sog`inchida bir zum o`ksindim,
Hajrmi - yondirar o`t bo`lib mani.
Tog`dek g`ururimni asraganmidim
Bitta nigohiga taslim bo`lgani?!

Tunlar kiprigimga ilinmas uyqu...

Gulchehra Ibragimova

21.02.2012, 19:15

Меҳмоним бўлиб келинг

Неча йил-ки, кўзда ёшим,
Тополмайман бир чора.
Чорасизлик жондан ўтди,
Юраккинам садпора.
Менинг учун тонглар отмас,
Кунлар бунча қоп-қора
Дадажоним, уйимга бир
Меҳмоним бўлиб келинг?!.

Мағрур бошим бугун эгик,
Сира кўнглим тўлмайди,
Жон-қондошим атрофимда
Ҳечам Сиздек бўлмайди.
Тўйлар қилдим, уйлар қуриб,
Бир бор чеҳрам кулмайди,
Дадажоним ҳолим сўраб,
Посбоним бўлиб келинг?!.

Соғинганман меҳрингизни,
Қуёшим бўлиб келинг,
Тугамоқда сабр-дошим,
бардошим бўлиб келинг .
Қувончлардан йиғлай, майли
Кўз ёшим бўлиб келинг,
Сиз қаддимни тиклагувчи
Осмоним бўлиб келинг?!

Суҳбатингиз согинганман,
меҳмоним бўлиб келинг?!.
Кемтик қалбни тўлдиргувчи
уммоним бўлиб келинг...

Gulchehra Ibragimova

21.02.2012, 19:28

Мен кетсам

... Мен ўлсам шунчаки ўлмасман

(га…)

Мен кетсам шунчаки кетмайман,
Ҳувуллаб қолади бу дунёнг.
Хаёлинг, ўйингдан кетмайман,
Сен учун отмайди гўё тонг...

Зарра тенг келарми тоғларга?
Сен билан олишмоқ менга ҳайф!.
Куним ҳеч қолмасин зоғларга -
Чақмоқдан осмонга қандай наф?!.

Ваъда ҳам қилмайман сен учун -
Ҳаловат, хотиржам яшашни,
Ё менсиз кенг қолган дунёнгда -
Сен менсиз насиба ошашни.

Мен кетсам қоларку, илдизим,
Осмонда энг ёруғ юлдузим.
Қоларку, жуфт ўғлим ва қизим
Отамдан қолганим - “ШЕР” изим.

Кетсам ҳам кетаман мард бўлиб,
Кўксингни куйдирар дард бўлиб.
Қолмасман сен каби гард бўлиб,
Кетаман бир ёвқур аҳд бўлиб...

Кетишим – оловли, ҳисобли,
Қайтсам ҳам денгиздек қайтаман...
Сўзим ҳам, шаҳдим ҳам шитобли,
Хулоса – сўнг сўзни айтаман: -

ГАР КЕТСАМ КЕТМАЙМАН, ШУНЧАКИ…

Masud Mahsudov

21.02.2012, 21:35

Ketaman,
Osmondan beme’yor
Yomg’irlar yog’dirib yo’linga
Boqmasdan,
Bermasdan e’tibor,
Ortimdan uzatgan qo’lingga...

Ketaman,
butunlay, mayliga,
Ko’zingda qolsa-da nigohim.
Bo’ysunmay qalbimning mayliga,
Ko’klardan toparman panohim.

Ketaman,
Ovozing tuymasdan,
Iqboldan ming yillar nariga.
O’zimdan o’zgani suymasdan,
G’am-anduh g’orining qa’riga.

Ketaman,
Chaqirma ismimni,
Bu – taqdir,
Bu – qismat, peshona,
Nimayam qilarding jismimni,
Baxt bo’lsa ko’nglimga begona...

Ketaman...
Quvonchga bo’shatib,
Azobga to’yingan o’rnimni.
O’zimni Majnunga o’xshatib,
O’chirib yurakda qo’rimni...

Alvido,
O’zga yo’qdir chora,
Keraksiz joyda men netaman?
Qadrimni qidirib nachora,
Bu yerdan bosh olib ketaman...

(c)

Minglar

21.02.2012, 22:31

Қиши қувган қуш мисол,
Елда кетган мушк мисол,
Йўқотилган хуш мисол,
Кетма...

Юрагимда муз бўлиб,
Аламли бир из бўлиб,
Ҳам ярамга туз бўлиб ,
Кетма...

Дунёсидан бездириб,
Юракларни эздириб,
Мажнундайин кездириб,
Кетма...

Кўзи чарос, юзи ол,
Сочи тун, қоши ҳилол,
Бир қадам , хатто ҳиёл,
Кетма...

(C)

Gulchehra Ibragimova

22.02.2012, 10:49

АЛАМ..ВА БЕАЁВ ҚАРОР

..ўта шафқатсиз экансиз. (Х.Дўстмуҳаммад)

Бир золиму ҳам бедилни севгани учун,
Шафқати йўқ тош кўнгилни дегани учун,
Дарахт бўлиб бир майса деб куйгани учун,
Юрагимни бурдалайман кўксимдан юлиб!..

Тепкилайман сўнгра уни тупроққа қориб,
Раҳм этмасман “дод” солса-да, йиғлаб, ёлбориб,
Ишқ ўтидан куйса ҳам-ки, кўнглим қабариб,
Қўлларингга тутқазгайман ўзим обориб!..

Нима қилсанг қилгин уни, хоҳла-итга бер,
Кўрганлар ҳам раҳм этмасин, нима деса-дер.
Майли уни садақа қил, телба ишқ билан,
Хоҳла тепиб кўмиб қўйгин сиғдиролса ер..

..УНДА ФАҚАТ СЕНИНГ ИСМИНГ, ЎЗГА НАРСА ЙЎҚ!!!

Minglar

22.02.2012, 16:21

Изғирин, деразам оралаб кирган,
Уйимни музлатди…
Иссиқ тафтингизни узоқдан туйган
Дилимни, сўзлатди…

Кўнгилда сизгача орзулар бисёр,
Аммо йўл кўринмас, бордай туманлар.
Бу икки орада қанча кўз – ҳушёр,
Қанча ҳадикларгни сезган гумонлар…

Қанча чорасизлик , қанча кишанлар,
Оёқ қўлимизни боғладилар-ей.
Такрор-такрор авраб айтган “ишон”лар,
Нимта юрагимни доғладилар-ей.

Бу дардим , бу сирим елларга айтдим,
Еллар ҳайронликдан музларга дўнди…
Ишқ - ёнғин наҳрида қулоч отишга,
Фақат юрак кўнди, фақат шеър кўнди…

(C)

Mahmud Jurat

22.02.2012, 18:01

***
Юракларни бурдалаймиз кўкракдан юлиб,
Гўё юрак қон бўлгани етмаганидай.
Не мажнунлар бизга қарар мажнундай кулиб,
Биздан бошқа ошиқ аввал ўтмаганидай.

Биз ўзимиз тепкилаймиз тупроққа қориб,
Бизга ёқар Айюб мисол яра тирнамоқ.
Ҳатто “Нола деволи”га тавбага бориб,
Севгимизни тан олмаймиз бўламиз тонмоқ.

Еру кўкга қаранг сиғмас оҳимиз булбул,
Қучоқларга сиғдириб ол нолаю оҳим.
Фақат тепма, фақат ўпма, висол ваъда қил,
Висол истар, висол истар қақраган қалбим.
(С)

Gulinoz

25.02.2012, 02:26

Hayol

Ko'zlaringni yumgin-u, qo'llarimdan tut,
Olib kiray jonim seni orzularimga.
Qalbing qiynar g'amlarni, sen bir dam unut,
Men ham aytay: "Alvido!" deb qayg'ularimga.

Sen-la jonim, aylanib biz oq kabutarga,
Orzularning osmonida parvoz etamiz.
Keyin esa jannatmisol bog'larni kezib,
Muhabbatimizning qasriga birga yetamiz.

Ul qasr bahtimizdan ko'targanmish qad,
Eshiklari vafodorligim kabi mustahkam.
Yashasaydik ikkimiz, shu yerlarda to abad,
Ammo afsus, bu orzu, dunyo aslida bir kam.

Asli hammasi oddiy, orzulardan qasr yo'q,
Ko'zim ochib ko'raman, armon to'la ko'zlaring.
Lek qalbim hotirjam, bir narsadan ko'nlim to'q,
Chunki hali ham qo'lim, tutib turar qo'llaring...

Gulinoz

25.02.2012, 02:30

Sevgi osmoni

Huddi kechagiday ko'zim oldida,
Olti yoshli murg'ak qizaloq edim.
Dadamning qo'llarin mahkam tutdim-da,
Osmondagi oyni olib bering! dedim.
Dadajonim ko'zlarimga tikilib,
Aytdilar: Jon qizim, ko'zim qarosi,
Istagan narsangni so'rashing mumkin,
Ammo bizni oyga yetmas qo'limiz.
Gar olsak ham, o'yla... o'zing... tunlari,
Kim yoritar zulmatdan, bizning yo'limiz?
Endi tushungandayman, qalb osmonin ham,
Muhabbat atalmish oy yoritib turar.
U tufayli qalblarda sevgi mujassam,
U bor ekan, bahtdan doim ko'zimiz kular...

Gulchehra Ibragimova

28.02.2012, 19:43

НИМА БЎПТИ СИЗГА ЁҚМАСАМ?

"Билса ҳазил, билмаса чин" қабилида http://uforum.uz/images/icons/icon7.gifhttp://uforum.uz/images/icons/icon12.gif

Нима бўпти, Сизга ёқмасам,
Кўзларимни ёшлаб кетайми?
Севаман, деб ичайми қасам,
Ё дунёни ташлаб кетайми?

Ёқмаганлар юрмасми омон ?
Ё дунёдан кечайми тамом?!.

Энди қулаб тушарми осмон?

Нима бўпти сизга ёқмасам?!

Севар мени кекса ҳамда ёш,
Яхши кўрар безори, бебош.
Севар ҳатто нотенгим, тенгдош,
Нима бўпти сизга ёқмасам?!

Изларимга зорлар саноқсиз,

Сўзларимга зорлар адоқсиз,

Сиз булбуллар ичра бир зоғсиз,

Нима бўпти зоғга ёқмасам?!

Бу оламнинг сарҳади катта,
Бу дунёнинг ўзи бир қарта.
Сабр ила кутгум, албатта,
Сизга ёқмай қопмиз-да, битта?!.

Маънилини маънисиз еди,

Совуқ турқлар жонимга тегди.

Қалб эгилмас, ғурурим енгди –

Чекинмоқнинг имкони келди...

Қайтиб келгум бир кун олов бўб,
Бошингизга битган бало бўб,
Тутаб турган ўтга қалов бўб,
Нима қилай сизга ёқмасам?!

Фақат билинг, бу сўнгсўз эмас!..

Ҳақ суйганни номард енголмас

Кетса ҳам-ки, мендек кетолмас,

“Ал қасосу, минал ҳақ” қолмас

Нима бўпти сизга ёқмасам?!http://uforum.uz/images/icons/icon7.gifhttp://uforum.uz/images/icons/icon12.gif

2006 й.

Masud Mahsudov

28.02.2012, 20:01

Yomg’ir – sening sabab quvonch ashklarim,
Gulbarg – yomg’irdan so’ng yashnayotgan qalb.
Tikon – har narsadan qilgan rashklarim,
Shabnam - isming aytib titraguvchi lab.

Hazon – darding bargday to’kuvchi fasl,
Qushlar – qaytmas bo’lib ketayotgan on.
Shamol – to’zg’ituvchi o’yim muttasil,
Tuman – ko’zlarimiz to’sguvchi tug’yon.

Sabr – bizga odat bo’lgan bir yumush,
Hijron – oxirlari ko’rinmas so’qmoq.
Uyqu – qorachiqdan uzoqlashgan tush,
Sog’inch – ishq ko’liga quyilgan irmoq.

Sariqlik – yuragim hazonrezgisi,
Hislar – manim holim aylagan harob.
Umid – tirikligim yolg’iz belgisi,
Visol – sahrolarda ko’ringan sarob.

Mehr – yuzlaringda ko’rganim – quyosh,
Sehr – chashming aro mujassam jodu.
Ko’ngil – qo’llaringga tutganim - sirdosh,
Sevgim – yo’llarimiz yoritar yog’du...

Yomg’ir – tomchi-tomchi bo’lgan sog’inchim...

(c)

Gulchehra Ibragimova

01.03.2012, 12:24

https://img.uforum.uz/images/brorgjw9980216.jpg БАҲОР КЕЛДИ

Табиатни этиб интизор,
Кириб келди кутганим баҳор.
Сенсиз менинг сўзларим ғамли,
Шеър ўқийман, кўзларим намли.

Зор йиғладим ташлаб кетди деб,
Ўзгага гул тақдим этди деб.
Тароватинг айлади сармаст-
Қайтиб келдинг..БУ ҚАНДАЙИН БАХТ!

Унутилди қалбимда алам,
Покликларга чулғанди олам.
Атроф яшил, вужудим яшил,
ГУЛ ЭТАГИНГ ЁЙМОҚҚА ШОШИЛ...

Gulchehra Ibragimova

01.03.2012, 12:34

Азиз ва қадрли Форумдошлар!
Баҳорнинг биринчи куни, баҳорнинг ташрифи, Кўкламойнинг келиши барчангизга муборак бўлсин! Баҳорий кайфият ҳеч кимни ҳеч қачон тарк этмасин.

ТИЛАЙМАН ГУЛЛАРНИНГ ИФОРЛАРИНИ,
САЛОБАТЛИ ТОҒЛАР ВИҚОРЛАРИНИ.
УНУТИНГ ДУНЁНИНГ ҒУБОРЛАРИНИ
БАҲОРНИНГ ТАШРИФИ МУБОРАК БЎЛСИН!!

https://img.uforum.uz/images/utbvdku7794411.jpg

Minglar

01.03.2012, 16:55

Ниҳоят келдилар…
чуқур олдим тин.
Юрак бир чайқалди,
қўзғалдим секин...

Киринг, кулбамизнинг
тўри - сизники,
Монов бечора дил
қўри - сизники.

Мана бу дастурхон
мунтазир сизга,
Мунтазир ёнида
кўринишизга.

Диваннинг четида
ёнбошлаб рубоб,
Қўлингиз етишин
кутмоқда, хуноб.

Китобим титилган,
ранглари ўчган,
Демаган гапларим
уларга кўчган.

Варақлаб шеърларим
ўқийман такрор,
Ҳар бир сатрида
сиз борсиз, сиз бор.

Ниҳоят келдилар,
келдилар наҳот,
Юрагим орзуси бўлган умрбот!...

Кўзингни оч энди ,
уйғон Алишер,
Эртагинг тугади,
битиб борар шеър...

(С)

Guli Xonim

01.03.2012, 17:25

BAHOR KELDI

Sog'intirgan, kuttirgan go'zal bahoroy keldi,
Kunlar asta uzayib, osmonda quyosh kuldi.
Sovuq qotgan daraxtlar, shoxlar nurga cho'mildi,
Kurtaklarning uchida shivirlab bahor keldi.

Uyum-uyum uyulgan qorlar erib ketdilar,
Sovuq kunlar bahorga o'rnin berib ketdilar.
Qorlar yig'lab, uyalib yerga kirib ketdilar,
Ariqlarning yuzida jimirlab bahor keldi.

Sog'ingandim bahorni, sog'ingandim quyoshni,
Sog'ingandim sochlarim tortgan shamol beboshni.
Bahor quyoshi xatto gullatar tog'u toshni
Maysalarning bargida qiqirlab bahor keldi.

Hush kelibsan bahorim, tashrifingni qutlaylik,
Har giyoh, har maysani ko'zimizga surtaylik.
Yanagi shu kunlarga eson-omon yetaylik,
Gulnoraning she'riga zeb berib bahor keldi.

Minglar

01.03.2012, 18:36

Ариқдаги ялпизим,
Чечаклар тизим-тизим,
Қўшиғим - ширин сўзим,
Бу сен баҳор эмасми!?

Сайроқи қушнинг тонгги,
Бедоналарнинг бонгги,
Ёки атир гул рангги,
Бу сен баҳор эмасми!?

Олма шохида оқлик,
Йигит кўксида "оҳ"лик,
Лаъли , қизил дудоқлик,
Бу сен баҳор эмасми!?

Куртак ёзган, ниш урган,
Қушлар бирга ин қурган,
Ширин ифорлар юрган,
Бу сен баҳор эмасми!?

Чин ошиғинг Алишер,
Бунда айтди битта шеър.
У кўнглига қараб дер:
"Бу сен баҳор эмасми!?"

Mirzo Ulugbek

01.03.2012, 21:37

Taqdir azalim.

Yuragimda o'rningni bosolmas hech kim,
Hayollaring tark etmaydi bir lahza, bir on.
Seni unutmoqlikka harchand urinsam,
Har kech yana tushlarimda o'zing namoyon.

Yana o'sha hayotning toshqin daryosi,
Har gal o'z domiga ketadi tortib.
Men o'zimni harqancha chalg'itmoq bo'lsam,
Sog'inch hissi undan battar ketmoqda ortib.

O'z-o'zimga so'z berdim, unutaman deb,
Kundan kunga uzoqlashar termulgan ko'zing.
Ko'z o'ngimda siyrating ham hira tortmoqda,
Qulog'imda dardli nola bo'ldi ovozing.

Ko'nmoq kerak taqdirga, endi na iloj,
Osmonimda yulduzim mangu yo'qoldi.
Muhabbatdan qochaverib tindi madorim,
Bemor yurak azoblarning domida qoldi.

Hayotim ijodidan.

Gulinoz

01.03.2012, 21:48

Ketma

Ketma, Osmonimda quyosh bo'lib qol,
Muzlar erib bitsin iliq taftingdan.
Shu g'arib umrimda yo'ldosh bo'lib qol,
Men ham bahtga to'lay sening bahtingdan.

Ketma, yuzimdagi quvonch bo'lib qol,
Sog'inchinlaring soya solgan mahzun yuzimda.
Ketma, qalbimdagi ishonch bol'ib qol,
Ishonayin muhabbatim faqat o'zingga.

Ketma, hayotimda sirdosh bo'lib qol,
Sening kabi dardlarimni tinglaguvchi yo'q.
Hayot sinovida bardosh bo'lib qol,
Yonimda bo'lsang jonim, mening ko'nglim to'q.

Mirzo Ulugbek

01.03.2012, 21:51

Olib ket

Jonim qiynar azoblardan olib ket meni,
Men hayotda seni dedim, tutdim qo'lingdan.
Men ishonib kutmog'im mumkin bir umr,
Faqat sen qaytmagin, qaytma so'zingdan.

Nechun keldim bu hayotga bilmayman o'zim,
Go'yo zulmat ichra cho'kib boryapman.
Yig'lamoq chun berilganmi bu ikki ko'zim,
Men iztirob bog'idan hazon teryapman.

Mayli, istasa taqdir solsin azobga,
Nolimayman peshonamga yozganidan men.
Ahir bundan battari ham bo'lishi mumkin,
Esingdami, doim shunday aytar eding sen.

Qiynagim kelmaydi seni dardlarim bilan,
Ezar dilni Jonim mendan bo'lishing olis.
Tushunaman, bu bevafo, telba dunyoda,
Sen ham mening kabi, mendek ilojsiz...

Hayotim ijodidan

Gulinoz

01.03.2012, 21:55

Tilak

Bir kun tongda uyg'onaman uyqudan,
Deraza yoniga kelaman sekin,
Siz turgan bo'lasiz jilmayib, kulib.
Bahtliman, bahtimdan quvondim, lekin,
Siz o'shami meni, yomg'irlarda adashtirganim.
Mening hayollarim o'g'irlab olgan,
Tunlarni kunlarga almashtirganim.
Mening g'amlarimdan qalbi o'rtanib,
Tangridan quvonchim ko'rmoq tilangan.
Gar yig'lasam, ko'zim yoshlarin artib,
Tushlarimga kirib, sochlarimni silagan.
Ha, men faqat tushlarimda ko'raman sizni,
O'sha mehrli chehra, chiroyli ovoz.
Qo'llarimdan ushlab, borayapsiz yetaklab,
Qayga ketayapmiz, bilmayman o'zim.
Yosh bola singari orqangizdan ergashib,
Bariga qo'l siltab ketyapman, yuzda tabassum,
Chunki endi siz borsiz, qolmasman tanho.
Qaniydi tushlarim o'ngidan kelsa.
Sizni bahtim deganim, ataganim Hayotim,
Jondan ortiq ko'rishimni keng dunyo bilsa.
Bugun yana hayollarga berilib, o'ylanib qoldim,
Toparmikan ijobat qilgan tilagim.
Rosdanam kelsangiz-a, meni olib ketgani,
Buni sizdan qayta-qayta kelar so'ragim...

Masud Mahsudov

01.03.2012, 22:37

Derazangdan mo'ralab asta,
Gul yuzingdan bo'lib shikasta,
Uzun qishga siltab qo'lini,
Ham qalbingdan boshlab yo'lini,
To'qqiz oyki yelarmish bahor,
Bugun tunda kelarmish bahor...

Qoru muzni suvga g'arq qilib,
Izg'irinni butkul tark qilib,
Eshitgandek mening nolamni,
Guldastaga o'rab olamni -
Tushda boshing silarmish bahor,
Bugun tunda kelarmish bahor...

Go'zallikni eltib jahonga,
Sano aytib har o'tgan onga,
Istarangdan olgancha ziyo,
Jamolingga bo'lib mahliyo -
Bizga iqbol tilarmish bahor,
Bugun tunda kelarmish bahor...

Hissiyotga to'ldirib dilni,
Kengaytirib kichik ko'ngilni,
Duolarga ijobat yetib,
Tabiatni chamanzor etib,
Baxtimizdek kularmish bahor,
Bugun tunda kelarmish bahor...

(c) 29.02.12

Mirzo Ulugbek

04.03.2012, 08:39

Yur ketamiz...

Yur ketamiz, bu yerlardan uzoq-uzoqqa,
Hech kim topa olmaydigan biror makonga.
Mayli keyin ortimizdan qilsinlar g'iybat,
Mayli jar solsinlar keyin butun jahonga.

Yur ketamiz, faqat ikkimizga intizor,
Lolazorlar quchog'iga, tog'lar bag'riga.
Shu yerlardan voz kechamiz, boshimiz olib,
Qo'l siltaymiz bu dunyoning bergan jabriga

Yur ketamiz, orzuimiz edi bir paytlar,
Bulutlar ortida qaddin rostlagan shahar.
Tunlaridir sokin, shivirlar yo'mg'ir,
Dilga orom bag'ishlab uyg'otar sahar.

Yur ketamiz, budir mening qat'iy qarorim,
Sen-chi nega indamaysan, boqasan g'amgin?
Butun dunyo quvonchini etayin tortiq,
Bahting bo'lay hayotingda, faqat ber izn.

Yoki havotirsan dilda muhabbatimga,
Shubhang bormi, tanho seni atadim bahtim,
Seni deya dunyodan ham kechishim mumkin,
Iltimos ketaylik, ahir oz qoldi vaqtim.

Yur ketamiz, mehribonim qolmadi sabr,
Ortiq kerak emas endi menga bu hijron.
Endi yana olis qilma meni o'zingdan,
Shu paytgacha firoqingda qiymalandi jon...

Hayotim ijodidan

Minglar

04.03.2012, 14:48

***
Қайрилма қошларинг, қаро қошларинг,
Мени соғинтирган бало қошларинг,
Раҳм-шафқат билмас дили тошларинг...
Бир бора кел букун, кел , кўнглимни оч,
Менинг айвонимда қўнгил қалдирғоч.

Қишу - совуғимдан безибми - кетдинг
Юрагим, юрагим эзибми кетдинг,
Менда бахт йўқлигин сезибми кетдинг
Бир бора кел букун, кел , кўнглимни оч,
Менинг айвонимда қўнгил қалдирғоч.

Жудолиқ жонимдан ўтди нарига,
Сингиб адо бўлдим ҳижрон қаърига.
Қандоқ чидаш мумкин заҳмларига!?
Бир бора кел букун, кел , кўнглимни оч,
Менинг айвонимда қўнгил қалдирғоч.

Сўзлайин озгина меҳринг билан боқ,
Озгина яқин тут, бўл дўсти-ўртоқ,
Майли ундан кейин қанотингни қоқ...
Бир бора кел букун, кел , кўнглимни оч,
Менинг айвонимда қўнгил қалдирғоч.

Чарҳ уриб осмонни кесиб учасан,
Гоҳ пастлаб, гоҳида кўкни қучасан...
Мен учун барибир ўша-ўшасан.
Бир бора кел букун, кел , кўнглимни оч,
Менинг айвонимда қўнгил қалдирғоч.

Келишнинг ҳамиша савоби бордир,
Келганга соғиниш тавоби бордир,
Кўнгилни ёритар офтоби бордир,
Бир бора кел букун, кел , кўнглимни оч,
Менинг айвонимда қўнгил қалдирғоч.

(C)

Gulinoz

04.03.2012, 20:21

Agar ertak bo'lsa muhabbatimiz,
Mayli, shu ertak bilan yashay bir umr.
Qolay mayli, siz haqdagi xayol bilan,
Qismatim shu ekan, taqdirim shudir.

Agar gunoh bo'lsa, sizni sevganim,
Roziman tortishga har qanday jazo.
Mayli yog'sin boshim uzra malomat toshi,
Sizsiz yashamoqning o'zi eng katta azob.

Agar taqdir yo'limizni birlashtirmasa,
O'shanda ham aslo so'nmas umidim.
Aslida Allohdan o'zim uchun emas,
Sizning baxtingizni ko'moq ilindim.

Siz men uchun aslo g'amlarga botmang,
Hayotimda borligingiz o'zi bir ne'mat.
Mayli yashay sizdan qolgan xayol bilan,
Taqdirim shu ekan, ekan bu qismat...

Minglar

05.03.2012, 08:46

ESKI QO’SHIQ

Uchrashuvga chiqqan edim,
Qilich yigit , zo’r yigit.
Klyosh shimli, bakinbardli,
Lekin hali g’or yigit.

Hoy-hoy , yorim, joon yorim
Kelmaysanmi, kelaqol…
Senga atab gul keltirdim,
Dasta gulim olaqol.

Bunda turmoq noqulayroq,
O’tgan ketgan qararlar,
Qo’shni qizlarning barisi,
Past devordan mo’ralar.

Hoy-hoy , yorim, joon yorim
Kelmaysanmi, kelaqol…
Senga atab gul keltirdim,
Dasta gulim olaqol.

Chorbog’ingdan kiray dedim,
Eshigida ilgak bor,
Ilgagining orqasida
Katta yog’och tirgak bor.

Hoy-hoy , yorim, joon yorim
Kelmaysanmi, kelaqol…
Senga atab gul keltirdim,
Dasta gulim olaqol.

Oy tuynukka yetganida,
Yurakkinam xovuchlab,
Gulni tishlab tomga chiqdim,
Xushtak chalib , tovushlab.

Hoy-hoy , yorim, joon yorim
Turmaysanmi, bo’laqol…
Senga atab gul keltirdim,
Dasta gulim olaqol.

Derazangga angur otdim,
Tezroq , jonim , ko’zing och…
Sezib qoldi cho’loq otang ,
Bo’ldi oshiq , bo’ldi qoch.

Hoy-hoy , yorim, joon yorim,
Ahvol chatoq, bilmaysan
Shimim yamoq bo’lsa erta,
Masxaralab kulmaysan.

Tok bag’ridan sidirilib
Pastga tushib yiqildim,
Olaparning ovozidan
Yana battar siqildim.

Hoy-hoy , yorim, joon yorim,
Ahvol chatoq, bilmaysan,
Tomda ko’rib guldastani,
Erta turib kulmaysan.

Klyosh shim-u, bakinbardlar,
Loyqa bo’ldi, chang bo’ldi,
Shunday qilib sho’rlik oshiq
Harob bo’ldi, tang bo’ldi.

Hoy-hoy , yorim, joon yorim,
Qochib qolay vaqtida,
Omon bo’lsak ko’rishamiz,
Jon omonat taxtida.

Bir amallab o’sha kecha
Olapardan qutildim,
Ko’p o’tmasdan baribir ham
Dargohingda “tutildim”…

Hoy-hoy o’lan….joon o’lan,
O’lanchi - men,
Vadasini unutmagan
Kelinchak - sen…

(C)

Gulinoz

06.03.2012, 18:55

Ko'nglimda bir dona ginam bor bugun,
Bu dardni men bildim, birov bilmasin.
Yuragim tubida yechilmas tugun,
Alloh meni senga mushtoq qilmasin...

Ishonchim kun sayin bormoqda so'nib,
Mayli, menga chin ishq nasib qilmasin.
Balki sensizlikka ham qolarman ko'nib,
Alloh meni senga mushtoq qilmasin...

Poyingga yaproqdek to'kildim...afsus,
Bu dardlar senga ham jafo qilmasin.
Har on yuragimni o'rtar bitta so'z,
Alloh meni senga mushtoq qilmasin...

Atirgul yaprog'i mening sirdoshim,
Barglari to'kilib uvol bo'lmasin.
Bir paytlar dildoshim eding-ku...endi,
Alloh meni senga mushtoq qilmasin...

O'zidan o'zgaga egdirmasin bosh,
Ishq so'ndi, lek qalbda umid so'nmasin.
Ko'zimdan tomchilar halqa halqa yosh,
Alloh meni senga mushtoq qilmasin...

Gulinoz

06.03.2012, 23:56

Istaysizmi agar men..?

Hursand bo'lasizmi, ko'zlaringizga,
Bahtga to'la nigoh bilan qaraganimda.
Siz ham quvonasizmi, Tangridan tilab,
Sevgimizga umrlar so'raganimda.

Kulmaysizmi, ayting agar istasam,
Shamol bo'lib siz tomon uchib bormoqni.
Yomg'irga aylanib boshingiz uzra,
Mayin - mayin bo'lib yog'ib turmoqni.

Haydamaysizmi meni, kapalak bo'lib,
Ohista sochingizga qo'nsam.
Bardosh tilaysizmi, telba dunyoda,
Sizdan olislarda yonmoqqa ko'nsam..?

Gulinoz

06.03.2012, 23:57

Senga bo'lgan tuyg'ularim anglamoq bo'lsang,
Bahorning bu musaffo osmoniga boq.
Qalbim tinmas nolalarin eshitay desang,
Bir on yomg'ir kuyiga solib ko'r quloq.

Men qachon chorlasam seni bahtim bog'iga,
Barin unut, kel faqat, shamolday shoshib.
Guldasta ter men sevgan qizil gullardan,
Mayli, keyin poyingda egilsin boshim.

Men kutarman seni necha fasllar,
Necha kun, necha tun ko'zim yo'lingda.
Bugun boshim uzra ungan maysalar,
Tanam tuproq, qalbim esa sening qo'lingda.

Qara, bugun seni sevgan g'arib gulingdan,
Qoldi yuraklarda faqat g'amgin hotirot.
Yetib bo'lmas olisdaman, ammo hali ham,
Men seni sevaman, sevaman nahot...?

Gulinoz

06.03.2012, 23:59

Kirib turay tushlaringa

Dilim nolon, hayol sarson, qalbim pora,
Huddi yo'qday bu holimga biror chora.
Mayli, bo'lay hijroningda ming ovvora,
Ruhsat bergin kirib turay tushlaringga.

Seni dunyo quvonchidan tonib sevdim,
Toki kuyib kul bo'lguncha yonib sevdim.
Firoqingda ming azobga ko'nib sevdim,
Ijozat ber kirib turay tushlaringga.

Sen-ku meni tark etmading, o'zim ketdim,
Chidolmadim bundan ortiq, dardga yetdim.
Bu dunyodan yolg'iz seni sevib o'tdim,
Izn bergil kirib turay tushlaringga.

Endi sen-la yuzlashmayin o'tar bo'lsam,
Bu yerlardan boshim olib ketar bo'lsam.
Ajal istab kelsa agar, bir kun o'lsam,
Sen rozi bo'l, kirib turay tushlaringga...

Masud Mahsudov

07.03.2012, 00:01

Юрагим сиз томон кетмоқликка шай,
Қай замон, билмадим, боғланди риштам.
Саҳарги шабнамдек секин, билдирмай,
Келинг, кипригимга қўнинг, фариштам.

Нигоҳингиз маъюс, қарашлар маҳзун,
Кўзингиз афсусдан ҳеч кўрмасин нам.
Бахтни чиндан туйиб яшашингиз чун,
Қалбим керак бўлса, олинг, фариштам.

Ғам нима, қайғу-ю, дарднинг барчасин,
Унутиб шодликка сингиб кетар дам,
Ҳис қилиб қовурғам битта парчасин,
Ёнимда тоабад бўлинг, фариштам.

Ҳаёт хаёлотдан ўзга тушунча;
Баъзида тотли ҳам, баъзан аччиқтаъм.
Қанча умр берса, тинмай ўшанча
Ойдек, осмонимда тўлинг, фариштам.

Оҳим кўкларгами бормоқда етиб?
Ёки ниятларим тоза, саришта...
Зулматларни кундек чароғон этиб,
Тунимда қуёшдек кулинг, фариштам.

Соғдек кўринсам-да, шу дилим хаста,
Фақат ташрифингиз жонимга малҳам.
Саҳарги шабнам ё ёмғирдек аста,
Келинг, кипригимга қўнинг, фариштам...

(c)

Gulinoz

07.03.2012, 06:57

Bahoriy hayollar...

Bu dunyoga nechun kelding desalar:
Sevmoq uchun kelganimni aytaman.
Sevgi haqda ne bilasan desalar:
Faqat sizni bilganimni aytaman.

Nigohingiz ko'zlarimda yashirib,
So'zlaringiz sabolarga so'zlayman.
Va yurakda qadringizni oshirib,
Diydoringiz kutib tunga bo'zlayman.

Lol qolsalar bu holimga do'stlarim,
Sevmoq bo'lsa shunchalikdir... desalar.
Mendek seva olsinlar-chi o'zlari,
Zora shunda dil dardimni bilsalar

Quyoshning rangiga aylansa dunyo,
Zarhal poyandozlar to'shasa bizga.
Qaniydi tushlarim bo'lsalar ro'yo,
Qaniydi yetsaydik o'z bahtimizga.

Muhabbat anlanib ko'zim nuriga,
Allalasa ikkimizni bag'rida.
Joy olgansiz yuragimning to'ridan,
Olib keting meni bahtning shahriga...

Kavsar

08.03.2012, 08:53

Rashk aylasam

Bilursanmi, soching o'psa sabolardin rashk aylasam?
Bilursanmi, yuzing quchsa havolardin rashk aylasam?

Anor olday labing uzra qo'yar bo'lsa yuzin ey voh,
Labing olin so'rab olgan gadolardin rashk aylasam.

Anormasdir bu ham balki, erur sharbat to'la xumcha,
Seni ul xumchadek ko'ngli yarolardin rashk aylasam.

Magar kelsang olov yoqib dilim vayrona etmakka,
Yana manga jafo tutsang, jafolardin rashk aylasam.

Kelib aytishsaki yoring, nigohidin tomar xo'b ashk,
Banogoh ashkini tutgan ridolardin rashk aylasam.

Sen ey firuz, bu Kavsarning yoqib bag'rin izo etma,
Seni rashk aylagan ko'ngli izolardin rashk aylasam.

(c)

ashk - ko'z yoshi
rido - ustki kiyim
firuz - iqboli kulgan kishi
izo - sitam, jabr

"Rashkim" she'rimni qayta ishlab vaznga solishga harakat qilgan edim. Aruzga o'xshadi deb umid qilaman, ;) :)

Kavsar

09.03.2012, 13:16

Sensiz ruhim bu tanda g’arib,
Qaraniydek Yamanda g’arib.
Men Vatanni Sen bilan sevdim,
Sensiz qolgum Vatanda g’arib.

Sen Vatanning o’zisan ey yor,
Kamon qoshli ko’zisan ey yor.
Men Vatanni Sen bilan topdim,
Sen Vatanning o’zisan ey yor…

Ja’far Muhammad Termiziy.

(Ustozim she'rlaridan ilhom olib yozilgan...)

Sen bilan topdim

Kamalakdir dunyoning rangi,
Yuvilarkan qalblarning zangi.
Nayning dardi ekan judolik,
Shundan menga yoqar ohangi.

Seni bir bor ko’rgan dillar shod,
Sen tomonga shoshar ellar shod.
Sensiz kuyar jahonim mening,
Sen-la kechgan har bir yillar shod.

Bildimki sen hikmat erursan,
Boshdan oxir ibrat erursan.
Sen-la ko’rdim hayotni tugal,
Qilsang faqat himmat qilursan.

Kavsar dili har kecha bedor,
Kel, diliga rahm ayla ey yor.
“Men Vatanni sen bilan topdim”
Bildim boshqa barisi bekor…

Toshkent, Kavsar (c) 18.02.2012.

Gulchehra Ibragimova

09.03.2012, 13:34

ОНАЖОНИМГА
https://img.uforum.uz/images/mgdhecq3502374.jpg

Айрилиқ зарбидан кўнгилларда доғ,
Дардларинг мен каби бўлмасми адоғ?
Сен менинг Онамга ўхшайсан бунча..
Тўкилиб кетмагин жоним ҚИЗҒАЛДОҚ..

Йўқ, Онам лолага ўхшарлар асли,
Тўкилиб битдилар айни гул фасли..
Минг битта азобга чидаган Онам
Бир дарддан тўкилиб кетгани баҳсли..

Яшаган эканлар билсак қон ютиб
Олисда фарзандлар меҳрини кутиб..
Мен эсам андармон ўз ишим билан
Қўйибман Онажон Сизни унутиб..

Энди ҳеч ўрнига тушмас пушаймон,
Борлиғим олиблар кетибди уммон
Дарахтман илдизлар отмоғим гумон
Юрибман ўзлигим йўқотгансимон..

Шеърим ҳам ўзимдек ночор ва ғариб
Дардларим кетмайди юракдан ариб
МЕН СИЗСИЗ ҲЕЧ КИММАН, СИНДИМ ОНАЖОН...,
Наҳотки бу ғамга кўнсам онажон..

Қизғалдоқ баргидек тўкилган Онам
(давоми)
(http://fikr.uz/posts/Fikr_ijod/5403.html)

Minglar

10.03.2012, 01:26

Izimiz bosilib ketaveradi…
Bir kun bu yo’llarda yig’laydi yomg’ir,
Qorlar oqqa bo’yar xotiralarni.

Izimiz bosilib ketaveradi…
Yangidan kelganda xo’v o’sha bahor,
Yangidan chechaklar ochilganida,
Huddi ikkimizning ko’klamimizday.

Izimiz bosilib ketaveradi…
Toylar ot izidan chopishganida,
Ajib bir ohangni ilg’ab biz kabi,
Devona yuraklar topishganida…

Izimiz bosilib ketaveradi…
Qadamlar qo’ysak-da og’ir , salmoqli,
O’ylab yashasak-da abad qolmoqni,
Vaqt yangi ertagin bitaveradi.

Izimiz bosilib ketaveradi…
Bir kun bu yo’llarda yig’laydi yomg’ir,
Qorlar oqqa bo’yar xotiralarni.

(C)

Gulinoz

10.03.2012, 01:49

Mehribonimga

Gohida kulaman zavqlarga to'lib,
Siz bilan suhbatlashsam shirindan-shirin.
Faqat siz bilmaysiz, aslida mening,
Kulgularim ortida dardlar yashirin.

Hursand ko'rgim keladi sizni har damda,
Qalbingizni og'ritmoq eng og'ir gunoh.
Ko'z o'ngimda siyratingiz tavof qilaman,
Menga bo'lgan mehringizdir g'amlardan panoh.

Garchi qiynaldim men, gohida toldim,
Ammo har bir kunimga shukur qilaman.
Ba'zida osmonimni qoplar bo'lsa dard,
Siz yolg'iz qo'ymaysiz, buni bilaman.

Siz meni qanchalar aziz bilasiz,
Buni har nafasda sezib yashayman.
Tan olgim kelmaydi dunyo ishlarin,
Hali ulg'aymagan yosh bolaga o'hshayman...

Aliya

10.03.2012, 08:52

O`ylar.

Tole`ning yo`llari yillardek olis,
Diydorning gul umri lahzaga payvand.
Lablarga ko`chmagan notanish bir his -
So`zlarda namoyon bo`lmagan bu dard...

Sabrning quchog'i samoday cheksiz,
G`ururning bo`yi ming tog`larga orzu.
Dil qulfin buzmoqqa jur`at yo`q, esiz...
(Qarog`im - ko`nglimga qo`yilgan ko`zgu!)

Armonning tiliga tushunmas yurak,
Vafoning shevasi, ming yillarkim, yod!
Sizning ko`zlaringiz - (bilsangiz kerak!)
Meni tiz cho`ktira olgan hayolot...

Hijronning nafasi cho`g` qadar qaynoq,
Sog`inchlar qanoti dunyo qadar keng...
Sizning hijroningiz o`tida yonmoq -
Toabad Jannatiy bo`lmoqlikka teng...

Mirzo Ulugbek

10.03.2012, 15:11

Sevdim

Men seni hech kimdan so'ramay sevdim,
Men sendan hech narsa qilmadim talab.
Seni qalbga bir orzu bilan joyladim,
Sevib qoldim bir bora ko'zingga qarab.

Ne borki senda meni o'ziga tortgan?
Ahir sen ham hamma kabi oddiy bir inson.
Qaysi aybimga shunday sevdirding meni,
Hech uzilmas rishta bilan bog'landim, ishon!

Yuragimga ismingni yozmish bu taqdir,
Ko'zlarim diydoringni izlaydi doim.
Bunchalar beparvosan hasta qalbimga?
Yo Rab! insof bersin senga hudoyim!!!

Hayotim ijodidan...

Gulinoz

11.03.2012, 22:48

Har tong ko'zlarimni ochgan on,
Sening nigohingni izlayman.
Topolmayman...sog'inch dardida,
Yana yuragimga so'zlayman.

Yurak urar bezovta, bedor,
Anglaganday mening o'kinchim.
Topib ber! deb, yolvordim unga,
Sendan yolg'izgina o'tinchim.

O'z uyimda sharpa misoli,
Kun bo'yi yuraman tentirab.
Hayolning ming bir ko'chasida,
Ovvoraman vaslingni so'rab.

Qaylardasan ayni shu zamon..?
Salomatmi? Joning omonmi..?
Yoki sen ham huddi men kabi,
Sog'inchlardan ranging somonmi..?

Olislarda sarsona bahtim,
Mening uchun asra o'zingni.
Diydor kuni yetkizguncha to..,
Darig' tutma shirin so'zingni...

Mahmud Jurat

12.03.2012, 15:32

***
Кўчада лопиллаб қор ёғаяпти,
Дарахтлар куртаги уйқуда ҳали,
Этларинг уюшиб кетдими элим,
Қачон келар экан юртнинг баҳори.

Бўрону музларни сезган бир пайти,
Қиш ўз қучоғини пана деб айтди.
Қору қасирғадан қўрққан бир нодон,
Бизга орзу бўлди юртнинг баҳори.

Оқ қорлар бағрига ўрандик момиқ,
Тансиқ таом дедик есак буломиқ,
Мана жонга тегди совуқ ва қори,
Қачон келар экан юртнинг баҳори.

Қўшни қишлоқда ҳам ёғаяпти қор,
Аммо сезилади инжу бир баҳор,
Бизнинг тилимизда аёзнинг зори,
Қачон келар экан юртнинг баҳори.

Мақтанган мангқанинг қусури ҳам бор,
Ҳар бир “ҳимоячи” бўлолмас баҳор,
Баҳорга интилмоқ будуннинг кори,
Виждондан бошланар юртнинг баҳори.
(С)

Gulchehra Ibragimova

12.03.2012, 19:35

***

Кўчада лопиллаб қор ёғаяпти,
Дарахтлар куртаги уйқуда ҳали,
Этларинг уюшиб кетдими элим,
Қачон келар экан юртнинг баҳори.
................................

Мана жонга тегди совуқ ва қори,
Қачон келар экан юртнинг баҳори.

(С)

Ҳа, баҳорни соғиндик..деб зориллаб шеърлар битганимизга ҳам бир ойча бўлиб қолди..аммо хали ҳануз.. ул Баҳордан-да, унинг таровати ва этак-этак гулларидан-да дарак йўқ..

Изғирин ва охири хали-бери кўринмайдиган қорлар бездирди..зериктирди..Шундай пайтда дил фақат БАҲОРга интиқлигини, унигина СОҒИНГАНИНИ баралла куйлаворгинг келади..

Илинжлар чертганда кўнгил торимни,
Сенга илингандим дилда боримни.
Бермасдим жонимдан ўтиб кетса-да-
Ул совуқ кунлардан қолган зоримни..

Зорлиг-у эҳтиёж фақат сенгадир
Изғирин бездирар танни негадир..
..Сен нечун кечикдинг гулюз оҳорим
нечун аразладинг кел-эй Баҳорим?!

Mirzo Ulugbek

13.03.2012, 16:12

Sog'indim

O'zga yurtning musaffo tongi,
Hatto yomg'irlari qalbim ovutmas.
Qancha olislarda bo'lsangiz mendan,
Bu yurak bir on ham sizni unutmas.

Bugun sizni yana sog'indim,
Sog'inchlarim aylandilar ko'z yoshga.
Tangrimdan ko'rmoqlik o'tindim,
Do'st tutindim yana sabru-bardoshga.

Uzoqdasiz mendan, men ham olisda,
O'rtamizda uzun-uzun yo'llar sarson.
Topolmadi yana diydor bu nigohlar,
Bir-biriga intizor bu dillar sarson.

Hayotim ijodidan....

Minglar

14.03.2012, 07:35

Умр ўтиб бормоқда…

Юришларим сал оғир, югуриш-чи эришдек,
Тўрт-беш йил бундан аввал чаққондик, - деб кулишдик.
Юзларда уч-тўрт ажин, сочлар ҳам олабайроқ,
Ориқлар яна озиб , юмалоқлар тўлишдик.
Умр ўтиб бормоқда…

Кеча ўзимиз бола , бугун ота-онамиз,
Оила бола-чақа ташвишида ёнамиз.
Ўзимиз оғирлашдик, юкимиз ундан оғир,
Бир сўзла юрак санчиқ, бир сўздан қувонамиз.
Умр ўтиб бормоқда…

Сездирмай суюнтириб,
Бездирмай куюнтириб,
Билдирмай, ошкор этиб,
Ёшликдан ўзиб кетиб,
Умр ўтиб бормоқда…

“Тўхта” десам, дам кетар,
Омад келса ғам кетар.
Ғам, шодликка тўлдириб,
Яшнатиб , гоҳ сўлдириб,
Умр ўтиб бормоқда…

Баҳор кетиб ёз келар, куз сўнггининг қиши бор.
Бу чарҳи кажрафторнинг ўзича ташвиши бор.
Белимдан кетсин қувват, кўзимни тарк этсин нур,
Кўнглимда қолсин баҳор, ёшлигим қалбимда ҳур,
Умр, ўтиб кетавер.

(C)

Aliya

14.03.2012, 11:17

So`nggi bor...

Ayt, Seni nimaga ishonib sevdim -
Ro`yoning izmida qolganda bahor?
Ayt, Seni nimaga ishonib sevdim?!
Hatto... Qo`llaringdan tutmadim bir bor...

O`ksinma, yuragim, kuyma, bas, yetar!
Endi yorug` kunlar - yorug` xotira...
O`ksinma, yuragim, kuyma, bas, yetar!
Endi u yoningga qaytmaydi sira...

Hijronga kunlar ham qoldi sanoqli -
Rishtalar uzilib ketar jonimdan...
Hijronga kunlar ham qoldi sanoqli -
So`nggi bor xabar ol xasting holidan...

Toki dil dog`lari yuvilib ketsin -
Baxtiyor tark etsin meni so`nggi kun...
Yurakdan sitamlar quvilib ketsin -
Sajdalar qilayin borliging uchun...

Ayt, Seni nimaga ishonib sevdim...?

Aliya

14.03.2012, 11:45

Endi…

Endi kelmay qoldi she`r yozgim,
Og`riqlardan to`ldi oq qog`oz.
Yo`q, dunyoni dard bosgani yo`q,
Men ko`nglimdan ayrildim xolos...

Endi kelmay qoldi she`r yozgim,
Charchadim g`am ingan so`zlardan.
Yuragimga to`lib borar mung,
Bezib “qalam” degan do`stlardan…

Endi kelmay qoldi she`r yozgim,
She`rsiz og`ir, garchi bilaman.
Dardga to`la satrlarim-la
Sensizlikda nima qilaman?!

Endi kelmay qoldi she`r yozgim…

Aliya

14.03.2012, 15:35

Yor-yorni aytdim...

Bu kunni qanchalar kutdim, bilmaysiz,
Ishqni ming og'usin yutdim, bilmaysiz...
Gulxandan Siz bilan o'tdim, bilmaysiz,
Yangalar, boshimga yoping ro'molni,
O'zimga yor-yorni aytdim, bilmaysiz...

Kulaman...
Ko'zimda yig'laydi bahor,
Ona, bo'ldingiz-a g'amimdan bezor...
O'ksimang, ko'z yoshim ko'rmaydi ul yor,
Xazonga yozilgan bir ertagim bor:
"O'zimga yor-yorni aytdim, bilmaysiz..."

Gulxanlar kuydirsin hijron zog'larin,
Ko'z yoshlarim yuvsin alam dog'larin...
"Jannatda kezay, - deb, visol bog'larin!" -
Yelkamga ortib men Ishq gunohlarin
O'zimga yor-yorni aytdim, bilmaysiz...

Ko'ngil ko'ngan og'riq - bori taqdirda,
Yorug' kun bir Sizga atalgandir-da...
Oq libos - go'yo oq muzning bag'irda,
So'nggi nafas ichra
Sizning bag'irda -
O'zimga yor-yorni aytdim, bilmaysiz...

Bu kunni qanchalar kutdim...
Bilmaysiz...

Masud Mahsudov

14.03.2012, 23:37

Hijron – azob,
Sog’inch – farog’at,
Yuragimda birga jo bo’ldi.
Qatra-qatra dard to’kilgan xat –
Yozganlarim itijo bo’ldi...

Hijron – g’anim,
Sog’inch – rafiqim,
Visol tomon tashlaydi qadam.
Qulog’imga pichirlar ishqim:
“Sabrsizsan bu qadar, odam?”

Hijron yig’lar,
Sog’inch kulmoqda,
Chap ko’ksim tor chegarasida.
Qovjiragan dilim so’lmoqda,
Ikki otashning orasida.

Hijron – soqov,
Sog’inchim – notiq,
Baytlar to’qir yorning sha’niga.
Alam bormi bundan-da ortiq?
Tinchlik bo’lmas qalbimda nega?

Hijron – olis
Sog’inch – yaqinim...

(c)

Minglar

15.03.2012, 10:24

Изимиз босилиб кетаверади…
Бир кун ортимиздан йиғлайди ёмғир,
Қорлар оққа бўяр хотираларни.

Изимиз босилиб кетаверади…
Янгидан келганда хўв ўша кўклам,
Янгидан чечаклар очилганида,
Ҳудди иккимизнинг баҳоримиздай.

Изимиз босилиб кетаверади,
Отни бўйлаб тойлар чопишганида.
Ажиб бир оҳангни илғаб биз каби,
Девона юраклар топишганида…

Изимиз босилиб кетаверади…
Қадамлар қўйсак-да оғир , салмоқли,
Ўйлаб яшасак-да абад қолмоқни,
Вақт янги эртагин битаверади.

Изимиз босилиб кетаверади…
Бир кун ортимиздан йиғлайди ёмғир,
Қорлар оққа бўяр хотираларни.

(C)

Gulinoz

16.03.2012, 07:48

Bahorning quyoshi dilni erkalab,
Mayin yomg'irlarga ko'chdi bu hislar.
Qishning zulmatini yana tilkalab,
Ozod qushdek ko'kka uchdi bu hislar.

Nogoh ko'zlaringga tushdi ko'zlarim,
Yana ham tez ura boshladi yurak.
Tilimni tark etdi aytar so'zlarim,
Baxtliligim shundan berganday darak.

Qo'llarimdan tutding.., aytding ohista:
- Uzoq kuttirdimmi seni Yolg'izim..?
Bajo keltirurman, neniki ista,
Hech kimga bermasman, bu qat'iy so'zim.

Uzoq - uzoq turib qoldik tikilib,
Bahor shamollari yuzim silardi.
Aylansam nigohlaring asirasiga,
Bir umr shu yerda qolgim kelardi.

Shu kunlarning zori edim bir umr,
Shu kunni bir umr kutdim Azizim.
Sengacha holimni Xudoyimdan so'r,
Shu kun deb borimni tutdim Azizim...

Aliya

16.03.2012, 10:53

Yor dedim, deb alda...

Bilaman, qismatim Senda kulmaydi,
Ko`ngilning kemtigi Sensiz to`lmaydi,
Achchiq rostlaringga yurak ko`nmaydi,
"Men faqat Seni yor dedim!" - deb alda...

Ikkimizga tormi bir Zamin, Osmon?
"O`shal g`animlarning so`zlari yolg`on!
Dunyoda bir Seni sevarman, ishon!
Men faqat Seni yor dedim!" - deb alda...

Intizor bu yo`llar tugagani rost,
Dunyoday g`amimdan etganding xalos...
"Sevging hayotimni bezagani rost,
Men faqat Seni yor dedim!" - deb alda...

Ayrildik, demagin ozorlar bilan,
Ko`nglimni shod et gul, bahorlar bilan...
"Kutgil...
Bormoqdaman yor-yorlar bilan,
Men faqat Seni yor, dedim!" - deb alda...

Mahmud Jurat

17.03.2012, 17:05

ҚОНИМ САДОСИ

Қон томирларимда уфурган садо,
Кимни уйғотмоққа шошиб борасан.
Кетиб бораяпсан адашган гадо,
Сенинг қўлингдаку йўқотган ҳассам.

Энди сен йўлтопар, энди сен басир,
Мендаги ўйноқи садолар сўнди.
Энди юрагимни қийнамайди сир,
Қонимга қайғулар қушлари қўнди.

Сен ҳам Прометей ибратин олиб,
Жоним оловини оламга бердинг.
Энди мен қонимдан хабарсиз қолиб,
Мунглик оламига айландим маҳкум.

Амалинг гўзалдир қоним садоси,
Майли вужудим ҳам сеники бўлсин.
Эрта кеч жаранглар қалбим дуоси,
Сендай соф дуога бу олам тўлсин.
(С)

Aliya

17.03.2012, 23:19

Azizim...

Ko`nglim sohilida qoldi so`zlarim...
Aytsam, tilim kuydi gunohlarimdan -
Boqsang...
Ko`zlaringda qoldi ko`zlarim...
"Meni ham olib ket...
Nigohlaringda..."

Bahorgi loladay tong ko`rmay so`ldim,
Bandlarim "dard" degan shabnamga to`ldi...
Sensiz...
Dunyolarga qo`l siltab bo`ldim...
Meni ham olib ket...
Nigohlaringda...

Ko'ngil kuyugiga topmasang toqat,
Sog'inma...
Eslama...
Mayliga...
Faqat -
So'nggi lahzalardan qarz olib jur'at,
Meni ham olib ket...
Nigohlaringda...

So'nggi lahzagacha qalbingda qolay,
So'nggi lahzagacha yoningda bo'lay...
O'lsam...
Ko'zlaringga termulib, o'lay...
Meni ham olib ket...
Nigohlaringda...

Boqsang...
Ko`zlaringda qoldi ko`zlarim...
Azizim...

Gulinoz

18.03.2012, 05:49

Yana tonglar otdi bahtli umrimda,
Huddiki yana bir bor qayta yaraldim.
Men ko'zguda o'zimni ko'rdim, naqadar...
Omadliman, iqbolimdan nurlar taraldi.

Menda aks etadi shuncha iqtidor,
Dilda orzularim osmonday cheksiz.
Allohim shunchalar bahtli yaratdi meni,
Sabrli, mehribon, qalbida keksiz.

Ato etdi men uchun ikki qorako'z,
Ular mening hayotim, umrimda mazmun.
Men aslo hayotda qolmasman yolg'iz,
Dunyoga ona bo'lib kelganim uchun.

Men seni chin qalbdan suydim Ollohim!!!
Sening qudrating ila olyapman nafas.
Sening sinovlaringga yetib bardoshim,
Bahtimdan darakdir qalbimdagi sas...

Gulinoz

18.03.2012, 06:05

Balki uchrashamiz siz-la Azizim,
Gullar sochib kelganda bahor.
Maysalarning hushbo'y hidlari,
Ketganida qalblardan g'ubor.

Balki uchrashamiz yozning yoqimli,
Oftoblari yurakka o'tlar solganda.
Huddi o'shandagiday beg'ubor, sirli,
Muhabbat qalbimizdan o'rin olganda.

Balki uchrashamiz kuzning sarg'aygan,
Yaproqlari zaminni etganda asir.
Yoki orzuimiz edi maydalab,
Yog'ib turganida biz sevgan yomg'ir.

Uchrashamiz balki qor parchalari,
Borliqni oqlikka o'raganida.
Yoki iltijo qilib telba yuragim,
Ko'rmoqlikni qayta-qayta so'raganida.

Minglar

18.03.2012, 11:15

Ғурур пештоқида кибрдан байроқ,
Отлар дам олмоқда, эгарлари банд...
Бўйин эголмайман мен сизга, бироқ
Юракка ўжарлик бермоқдадир панд...

Кўнгил ишқингизга ёниб бормоқда,
Музлар ташласам-да тутаб , буриқсиб,
Тилим миямгача тониб хормоқда...
Кўзни юмсам фақат ўзиз турибсиз!

Дилни олов этган илоҳий ҳайрат,
Охири икки йўл қолди билганим:
Бири ишқ олови ўчган у сийрат,
Бири куюб адо бўлган бу таним.

(C)

Aliya

19.03.2012, 00:21

Yolg`onchi qiz.

Ushbu she`r yangi hayot ostonasida turgan "Va`dasida turolmagan yolg`onchi qiz"larga emas, balki, sevgisi uchun kurashishga o`zida iroda topolmagan ayrim yigitlarga bag`ishlangan. Ma`zur tutasizlar...

Sizni sevib adashmadi, taqdir unda adashdi,
Armon bo`lgan orzulari ichra yolg`iz, yor-yor...
"Sevmaganman sizni..." - deya bag`riga o`t tutashdi,
Yuragini pora qilgan asli shu muz, yor-yor...
Va`dasida turolmagan yolg`onchi qiz, yor-yor...

"Sevgi asli nima o`zi - qaydan bilsin bu yurak?
Hijron otli ko`chalarda bo`lmaganman sarsona...
O`tkinchi bu hislar uchun qalbni tirnash ne kerak?!
"Sizga sog`inch" degan sheva menga butkul begona..."
Va`dasida turolmagan yolg`onchi qiz, yor-yor...

"Kuyinmangiz, axir sizsiz tonglarim ham otmoqda,
Bahor kelar gulgun yonib, olmasangiz ham xabar...
Qarang, quyosh doimgidek, g`arb tarafga botmoqda,
"Mensiz xarob bo'lar" - deya dilni yoqmang besamar..."
Va`dasida turolmagan yolg`onchi qiz, yor-yor...

Kurashmoqqa shu qizchalik topmadingiz iroda,
Nima qilsin u ham - qalbi g`urur bilan bog'langan...
Qismatiga tashlab qo`yib asli yolg`on dunyoda,
Chorasiz va alamli shu yolg`oniga aldangan -
Baxti uchun kurashmagan gunohkor - Siz, yor-yor...
Va`dasida turolmagan yolg`onchi qiz, yor-yor...

Minglar

19.03.2012, 09:29

Март ётибди кўчада,
Оппоқ қорга биланиб.
Март ётибди декабр,
Январларга уланиб.

Деразалар баҳорни
Кутавериб чарчади,
Кўз ёшлари сидрилиб
Ўзига йўл очади.

Март ётибди уйқуда
Қишнинг алласи билан,
Хали унинг иши йўқ
Баҳор палласи билан.

Кел, қўлингни бер, уйғон,
Кўкламни келтирақол,
Наврўзи оламдайин
Бир дамни келтирақол.

(C)

Masud Mahsudov

19.03.2012, 11:29

Бу қадар ҳам ҳадди бисёр, бемеъёр рашкинг, гулим?
Ул сабабдин қанча-қанча қуйилур ашкинг, гулим.

Мен бечора кўнглинг овлаб, сен ягона ёр, десам,
Ҳеч ишонмай, жим қараб, зор-зор тўлиб, тошдинг, гулим.

Қизғониб, чашмингда алвон лолалар очтирмагил,
Сен ахир меҳринг бериб, қалб кўзин очдинг, гулим.

Чекма ғусса, қил тавоф ҳар қадри қиммат лаҳзани,
Кул, авайла ишқимиз, токи ҳаёт шошқин, гулим.

Ўртаниб, гумонда ёнма, сен менинг, мен ҳам сенинг,
Кўксим ичра эътиборим дарёдан тошқин, гулим

Кипригингнинг найзасида, майли бўлсин жон фидо,
Сен фақат беҳуда тўкма мисли дур ашкинг, гулим.

(c)

Gulchehra Ibragimova

19.03.2012, 17:37

***
"Соғиниб, соғиниб, соғинмай қўйдим”, дейди Фарида Афрўз"… “бизни унутганни унутмоқ керак", деган эдилар ҳазрат Бобур ҳам.

… Тўғриси мен сизни соғинмай қўйдим,
Нигоҳ -у, сўзингиз, барин унутдим…
Унутдим ул ёлғон ваъдаларни ҳам,
Билмам ютказдимми ва ёки ютдим?!

Чунки унутганни унутган афзал,
Не берса кўрарман тақдири азал,
Ишқнинг озорларин сипқориб тўйдим,
Соғиниш азобин билдим муфассал…

Соғиниш керакмас соғинмаганни,
Бевафо ишқида куймоқ не даркор?
Мен сизни соғинмай қўйдим азизим,
Ул тафтсиз бир чўғга талпинмоқ — бекор!
…

Сиз ҳам менсизликдан чекканиз “оҳ”ми?

Ёки менингсиз ҳам дилингиз чоғми

Сизни соғинмайин қўймоқ гуноҳми?!

Унута олмаслик кўнглимда доғми?

..Ёр, сизни соғиниб, соғинмай қўйдим..