Bahru-bayt

[Masud Mahsudov]

Ushbu bo'limda har bir fodalanuvchi o'ziga yoqqan she'r yoki o'z nazmiy ijodi namunasini forumdoshlar bilan baham ko'rishi mumkin...

marhamat:

Қўйгил, у кунларни эслатма менга,
Қалбимни ёқмасин бу хазон фаслинг.
Энди бегонаман,жонгинам, сенга,
Энди бегонадир менга ҳам васлинг.

Гоҳида севиниб, гоҳи ғамдадир,
Ишқ узра ёзардим мен эркин қанот.
Билмайман, қайси кун, қайси дамдадир,
Менинг қисматимга чанг солди сайёд.

Унинг қўлидадир бу кун имконим,
Бу кун ҳамроҳимдир гўзал изтироб.
Қўйгил, у кунларни эслатма, жоним,
Қўйгил, юрагимга сен берма азоб.

Ўзгалар ҳолимга боқса ҳам ҳайрон,
Фақат сен томоша қилма ҳолимни.
Фақат сен шеъримни суйма ҳеч қачон,
Фақат сен ҳимоя қилма номимни.

Дариғ тут ишваю назокатларинг,
Фақат сен юзимга боқмагин кулиб.
Ҳайхот, энди барча илтифотларинг
Менга туюлади масхара бўлиб.


Эркин Воҳидов

[Abduganiyev Murod]

Nega yapon yuz yil yashar-u,
O'zbek bunday yoshga bormaydi.
Chunki yapon bizdek kechqurun,
Sahar turib oshga bormaydi.

Garchi bizdan yuz bor farovon,
Garchi bizdan yuz karra to'qdir.
To'y xarjida yuzta boy yapon,
Bir kambag'al o'zbekcha yo'qdir.

Bayramida u obro' uchun,
Yurtni chorlab ziyofat bermas.
Azasida bel bog'lab uch kun,
Shamddek qotib ko'chada turmas.

Bu gaplarni aytsam yaponga,
Dedi, battar qisib ko'zini-
"Yapon bunday yasholmas hech ham
Xarakiri qilar o'zini".

[Komila Baxtiyor qizi]

Ne bu ,erta ketgan yoshligimmi bu,
Yoki do'stlarimdan ortirgan hasrat.
Ne bu qandayin his, qandayin tuyg'u,
Qanday nomsiz mehr,ismsiz nafrat.

[Masud Mahsudov]

OFF TOP: Iltimos, she'rlarning muallifini ko'rsatib o'tinglar... Avvaldan rahmat...:)

ON:

Сени ўйлаяпман...
Қайдадир сен ҳам,
Олис юлдузларга
Термуласан жим...
Кимнидир кутасан
Интиқиб шу дам.
Мен ҳали билмаган,
Дилгир малагим.

Кичик бир нуқтада,
Жамулжам хаёл...
Йўл қараб чарчаган
Нигоҳинг ғамгин.
Толиққан қарашда
Сон мингта савол,
Ораста қалбингга.
Бермаяпти тин.

Ичинг анор каби.
Қизилликка ғарқ,
Ҳар битта донаси –
Азобинг, дардинг.
Айт нега жим тилинг,
Сарвинози Шарқ,
Бунчалик сабрни
Қаердан олдинг?

Битмас матонат-у
Туганмас тоқат,
Ва жиндек табассум,
Кўзларингда жо.
Юрагинг ақлингдан
Истайди шафқат,
Ҳар битта зарбаси –
Юзта илтижо.

Бас, етар!
Қийноқли дамларинг
Ортда,
Унутиб ғамларни,
Шодон куламиз.
Эзгуликка тўла
Кўркам ҳаётда,
Албатта иккимиз
Бахтли бўламиз...

Соғиниб, ўртаниб,
Энтикиб ёниб,
Сени ўйлаяпман...


Kamina...

[Aziza Abdunabiyeva]

Ketdim, o'yladimki sendan qutuldim,
Endi sensiz kutgum har tongotarni.
Ismingni qalbimdan chechakday yuldim,
Yorab, chechak shunday ildiz otarmi?

Yorab, o'limku bu ishq degani , a,
Nahot har hujayrang egallab borsa?
Nahot har chin oshiq "ishq" deganida,
Peshonasin o'lim gurzisi yorsa?

Qayoqdanam senga ko'ngil ochdimu,
O'zimni umrlik o'tga soldim men.
O'limdan qochganday senday qochdimu,
Sensiz o'larimni sezib qoldim men.

Izlab topolmayman birorta taftni,
Sensiz har qadamda urilib toshga.
Ko'ksimda hech narsa ildiz otmabdi,
Egallagan o'sha chechakdan boshqa...


Halima Xudoyberdiyeva

[Komil Eriev]

USTIMIZDAN O'TGAN OYLAR

"Ustimizdan o'tgan oylar"
Yarim edi, to'lin edi.
Ko'nglim edi, ko'ngling edi
Ustimizdan o'tgan oylar.

Suvlar u payt billur edi,
Ketmasak ham bo'lur edi.
Bir narsani bilur edi,
Ustimizdan o'tgan oylar.

Kiyik ko'zing-suzuklaring,
Sirg'alaring, uzuklaring,
Sening bilakuzuklaring -
Ustimizdan o'tgan oylar.

Keyin olam rangga to'ldi,
Qancha qizlar yanga bo'ldi.
To'ylaringda tanga bo'ldi,
Ustimizdan o'tgan oylar.

Sirojiddin Sayyid

[Masud Mahsudov]

Бинойидек юриш-туриши,
Суҳбати ҳам сермазмун жуда.
Гоҳи мафтун қилар кулиши,
Ром этади хатто уйқуда.

Киприкларин ёйи қалбингиз
Тўғри нишон олади бехос.
Кўнгли, - дейсиз - каттакон денгиз,
Дарёсидан қуйилади ноз.

Кокиллари мисли мажнунтол,
Қуёш янглиғ табассумлари.
Сўзидан чак-чак томади бол,
Гул баргида шабнам сингари.

Рўмолини қўймас бошидан,
Узун кўйлак қоматин безар.
Ўсма қўйиб етти ёшидан,
Буюк санъат асарин чизар.

Қултум сув-ла ютаман дейсиз,
Бунча гўзал бўлмаса, Худо!
Фақат битта айби бор, эсиз...
Унга юрак этмаган ато!


Kamina...

[olimbek]

Ёшлик ортда қолди, турдинг оёққа,
Азму шижоатни унутма, болам.
Насихат ёкмайди энди қулоққа,
Ақлу фаросатни унутма, болам.

Бу дунё аслида алдамчи бозор,
Унда луттибозу нокаслар бисёр.
Сен мардлар қошида мард бўлгин, зинхор
Хайру саховатни унутма, болам.

Балки дастурхонинг доим мўл бўлмас,
Омад хам хамиша чарақлаб кулмас.
Ким айтар суянган падаринг ўлмас,
Сабру қаноатни унутма, болам.

Ёвуз кимсалардан айлагил хазар,
Уларнинг қалби пуч, тиллари захар.
Ахтара-ахтара дўст топсанг агар,
Мехру садоқатни унутма, болам.

Оғам деб кимлардир силар бошингни,
Укам деб еб кетар биров ошингни.
Минг бир тарозига солар тошингни,
Макру адоватни унутма, болам.

Каслap бор, қадрингни гохо билмаслар,
Гох,о билсалар хам кўзга илмаслар.
Гарчанд улар сенга парво қилмаслар
Фазлу диёнатни унутма, болам.

Дину пайғамбардан лоф ургайлар гох
Бетавфик. кимсалар гумрох ва суллох.
Улар Чорёрларга қазганлар-ку чох,
Касри касофатни унутма болам.

Нодонлик белгиси бехуда ғурур
Оллохнинг душмани — кимки такаббур.
Maғзи тўқ бошоқнинг эгилишин кўр,
Сирру синоатни унутма, болам.

Қадамда учрагай азизлар хоки,
Йўлингни ёритгай ақлу идроки.
Уларнинг рухлари шод булсин, токи
Зикру зиёратни унутма, болам.

Турфа синовларга дуч келгай инсон,
Гохида шодондир, гохида нолон.
Чорасиз қолсанг хам, лекин хеч
Адлу адолатни унутма, болам.

Абдулла Орипов

[Masud Mahsudov]

Узоқ бир нуқтага термулганча жим
Мўйсафид ногаҳон кўзларин ёшлар…
“Замон ўзгардими, одамлар… балким…
Не учун бебошроқ ҳозирги ёшлар?

Билмайди, оддий бир “салом” сўзини,
Қўллари кўксининг висолига зор.
Уялиш тарк этган чақноқ кўзини,
Маънисиз сериаллар айлаяпти хор.

Китоб дунёсидан йироқдир улар,
Навоийдан битта сатр билмайди…
Қизиқиб асарлар ўқишмас тунлар,
Насиҳатга асло қулоқ илмайди…

Вақт бекор ўтгандан ачинмайди ҳеч,
Аниқ мақсадидан йўқдир нишона…
Тушунар эканми бўлганини кеч,
Деворга урилган чоғда пешона?...

Узоқ бир нуқтага термулганча жим,
Мўйсафид кўзлари тўлади ёшга
Чин дилдан истайди, имконин топиб,
Айлашни насиҳат ҳар битта ёшга:

“Ёшсан…
Қувватинг бор…
Шижоат бисёр…
Билим ол!
Илм ўрган!
Оллоҳни тани!
Қалбингни пок айла, бўлмасин ғубор,
Эгам ҳам, ҳақ йўлда қўллар бандани…

Жигарим!
Авлодим!
Эртам, индиним!
Имонни бут айла,
Эътиқодни дўст!
Миллатнинг шаънини бошингга қўйиб,
Шу Юртга муносиб фарзанд бўлиб ўс!”

Мўйсафид узоққа термулар, бесас…

Kamina

[Komil Eriev]

* * *
Kеchikib bo'lsa-da kеldim-ku axir,
Nеchun kiprigingdan
Yosh oqar sizib.
Tongda chiqqan edim...
Qayеrlargadir -
Mеni loyqa suvlar kеtdi oqizib.
Tеntidim ...
o'ttiz yil
bеimkon, sarson,
o'ttiz yil o'zimdan bo'ldim-ku judo.
Mеni quchog'ingdan quvmagin osmon,
Mеni yuragingga yaqin ol, xudo!..

Xosiyat Rustamova

[Nigora Umarova]

Men ko’rmagan kunlarni ko’rsat,
Tunlaringga olib Kir bir-bir.
Netay, jonim, oz qoldi fursat –
Netay, umrim oz qoldi axir.
Chiziqlardan og’riydi kaftim,
Taqdir shuncha yozilganmi jo’n?
Mening tugab bormoqda vaqtim –
Hayot bergin o’lganimdan so’ng…
Men ko’rmagan kunlarni ko’rsat,
It ko’rmagan kunlarni emas.

Xosiyat Rustamova

[Nigora Umarova]

Vatan

Ehtimol, o’ldirur bir kuni ko’rlar,
Tomiringda olov qoning bo’laman.
Jonbaxsh quchog’ingga jimgina singgan
Bir halol qurboning bo’laman.

Otamday rozi bo’l,
onamday sevgin,
Men ham senikiman, o’ksik qizingman.
Bag’ringda ming yillik toshlar to’sig’in
Yorib chiqayotgan bir ildizingman!

Hayqirmadim pastu balandda turib
Ammo tola nurddek o’tarkan yodim,
Ko’kka olib uchar ozod Ruhimni
Ko’ksimni qilichday kesgan faryodim!..

Yashayman eng so’ngsiz dardlaring bilan,
Hech kim yuragimga bo’lolmas qozi!
Hali mudrab yotgan dunyolaringni
Uyg’otib uchadi ruhim ovozi!

Men kimman?
Gamingga g’amdosh bo’lmasam,
Og’rimasam yorug’ qiynoqlaringdan?
Boshiga osmonni ko’targan tog’dek
O’sib chiqolmasam tuproqlaringdan?

Uzoq-uzoqlarga qarab angladim:
Qaydanman, qayonman va kimnikiman?
Ko’nglimniki edim va bir kun bildim,
Undan ham oldinroq Rabbimnikiman.

Hukm et, shahiding bo’lmog’im uchun
Jannat bog’larini tashlab kelurman.
Chorlasang, ortimdan butun bir xalqni
Hisor tog’laridek boshlab kelurman.

Sevmasang ham qattiq sevaveraman,
Chidayman xorlaring ta’na toshiga.
Shunchaki o’lmayman,
Shuncha ishq bilan
Ko’tarib o’lurman seni boshimga!

Bir oz ko’nglimniki bo’ldim- o’ksigan,
Rabbimniki edim, shubhasiz, biroq
Borim-yo’g’im bilan seniki edim,
Seniki bo’lurman, ey Ona tuproq!..

Zebo Mirzo

[Masud Mahsudov]

Сир

Мен Сизга изҳорим этмайман ошкор,
Юрак-юрагимдан кулмайман ортиқ.
Дунё юзин кўрмас беҳисоб ашъор.
Қучоқ гуллар бошқа қилмайман тортиқ.

Тушларим бугундан сизники эмас,
Тўлин ой кечалар келтирмас илҳом.
Кўзингиз сеҳрига қилмайман ҳавас,
Самимий сўзингиз этолмайди ром.

Маҳлиё бўлмайман ҳуснингизга ҳам,
Майли Сиз дунёда якка-ягона.
Дардингизга ҳатто қўймайман малҳам
Шу кундан бизлармиз буткул бегона.

Сабаби айтмайман...сўраманг асло,
Хиссиз кўнглингизги қийнаб нетаман?
Оллоҳим билгувчи бу сирни танҳо,
Ўзим-ла қабрга олиб кетаман...


Kamina

[Masud Mahsudov]

Vatan

Ehtimol, o’ldirur bir kuni ko’rlar,
Tomiringda olov qoning bo’laman...

...Borim-yo’g’im bilan seniki edim,
Seniki bo’lurman, ey Ona tuproq!..

Zebo Mirzo

OFF: agar mumkin bo'lganda 100 ta thanks bergan bo'lar edim... judayam chiroyli she'r ekan... Alloh rozi bo'lsin Sizdan

[Nigora Umarova]

Vatan

Ehtimol, o’ldirur bir kuni ko’rlar,
Tomiringda olov qoning bo’laman...

...Borim-yo’g’im bilan seniki edim,
Seniki bo’lurman, ey Ona tuproq!..

Zebo Mirzo

OFF: agar mumkin bo'lganda 100 ta thanks bergan bo'lar edim... judayam chiroyli she'r ekan... Alloh rozi bo'lsin Sizdan

Darhaqiqat, har bir misrasi inson ruhiga kuchli ta'sir qiladi

[Nigora Umarova]

Tog’lar

Tog’larga ishonib adashdim,
Qoyalar aldarkan odamni.
Men bugun bexosdan bo’shashdim-
Tushunib yo’l qo’ygan xatomni.

Tog’larga tosh otmoq bekordir,
Shubhasiz o’zingga qaytadi.
Ularning bilgani inkordir,
Bukilmas tog’larning tosh qaddi.

Cho’qqiga sir aytsang mabodo
Dardingni dasturxon qilarkan.
Chorlasang bergandek aks-sado,
Tap tortmay ustingdan kularkan.

Buyuklik-tasodif aslida,
Qachondir Yer bilan teng bo’lgan.
Tog’lar ham yerning naslidir,
Ularning ham bag’ri keng bo’lgan.

Tosh ko’ngil nedandir to’lmaydi,
Bulutlar boshida uchsa ham.
Baribir ishonib bo’lmaydi,
Falokat yuz berur ko’chsa ham.

Ulardan olisroq ketaylik,
Bosh egib kamtarin bog’larga.
Tuproqni balandroq tutaylik,
Uvoldir tosh otsang tog’larga…
Zamira Eganberdiyeva

[Komila Baxtiyor qizi]

Keldi ayomi bahor, olam gulistondur bu kun,
Lolalar ochildi, sahro bog’u bo’stondur bu kun.

Jahr-zikru xonaqahdin yuz o’girmoq vaqtidur,
Dahrning zavqi safosi bizga mehmondur bu kun.

Etti navro’z gul chaman husni rasolar husnini,
Ishqida dil bulbuli behud mastondur bu kun.

Boq, niqob oldi yuzidin sarv bo’yluk yorlar,
Lazzati la’li labi vah menga armondur bu kun.

Rang-barang oqu qizil ko’ylak kiyib dildorlar,
Bizni shaydo aylagan gulgun zanoxdondur bu kun.

Chun alarming husnidin olam hamadur lolazor
Oshiqu ma’shuqqa boqib mastu hayrondur bu kun.

Nozaninlar noz birla zeb-ziynatlar taqib,
Sumbuli zulflar parishon rayhon namoyondur bu kun.

Nozima, naming bila madh et bahor ayomini,
Gar falak kajravligidin yurt vayrondur bu kun.

Nozimabegim

[Masud Mahsudov]

Ишқим пинҳон тутгум, асло ошкор этмам ёрима,
Изтироб-азоб ўтини бермагум дилдорима.

Кузги япроқ сингари дил сарғайиб сўлди тамом,
Келди кўклам, лек яшилдан қатра йўқ гулзорима.

Айни фасли ёшлигимда келди-ю, кетди шитоб,
Энди қилмам қанча афсус, эшитмайди зорима.

Қўлим ишда, ёр ёнима, кўнгул бунда шод эди
Йўқотиб лол ўлтирибман, ҳеч унум йўқ корима.

Қай ерни ул этди макон осмонними, ё замин?
Мен-ки тайёр кетишликка, қурбон айлаб борима

Оразини кўрмоғим чун интиҳодан қайтмагум
Майли қўйсин икки устун ва сиртмоқни дорима.

Оҳларимга қулоқ тутмас дўсту ёрон минг тараф,
Баён этдим дардларимни шу мўжаз ашъорима.


Kamina

[Nigora Umarova]

Ey sabo, arzimni ayt ohista ul dildorg’a,
Hech rahmi kelmadi yo’lida yotgan zorg’a.

Iltimos etgil g’ubori maqdamidin zarraye,
Xoki poyi doru bo’lg’ay bu tani bemorg’a.

Shiddati za’fim bila raglar so’ngakka chirmashib,
Huv savdosidin chekar monand o’lib setorg’a.

Qon yoshimdin ko’rki domonim qizrdi loladek,
Ahli dillar ko’rib oni o’xshatur gulzorg’a.

Ma’rifatni mevasin yoshirgali dil bog’iga,
O’tkuribman ko’p tikan monand etib simxorg’a.

Bul riyolik tasbihimni gulxan ichra kul qilib,
Ham musalloni garov qo’ymas butu zunnorg’a.

Amri ma’rufimni munkirdin agar qilsam bayon,
Kufr aydi deb yig’ilib qilurlar dorg’a.

G’am shamoli ko’nglum avroqin parishon ayladi,
Bor umidim, eltibon ko’rsatsa deb dildorg’a.

Har kishini do’st deb sirringni izhor aylama,
Ta’na toshidin alam yetgay dili afgorg’a.

Ko’nglimi bo’stoni ichra hech gul ochilmadi,
Qon yutubon g’unchalar o’rnini berdi xorg’a.

Bir g’aribi puralam g’am nolasini nazm etib,
Tahrir etmish, hech kim olmas sotsalar bozorg’a.

Shumlig’ingdin, ey Muazzam, tortasan ranju alam,
Hech doru naf’ qilmas san kabi bemorg’a.
Muazzamxon

[Masud Mahsudov]

Сени кутиб-кутиб чарчадим ғоят,
Соғинмасдан қўйдим висолингни ҳам.
Армонларни туйиб, мана, ниҳоят,
Тақдирга тан бердим. Кўзларимда нам.

Кўзим эмас, менинг йиғлайди қалбим,
Юрак ҳам бир меъёр урмайди сира.
Сенга аён эмас сўнгсиз дардларим,
Билмасдинг эканинг хислар бокира.

Севгандим...Иложсиз ишқимдан кечдим,
Ҳаётга қизиқиш йўқолди тугал.
Севганим – гуноҳим, умидим – айбим,
Ноумид хаёллар бошимда чигал.

Сен бошқа келмайсан – бу менга аён,
Сени эслаганда дардга тўламан.
Кун келиб сен мени қўмсаган чоғинг,
Хижрон азобида ўлган бўламан.

Kamina

[Nigora Umarova]

Men senga intilib yashayman

Yo’llar armonlarga boshlasalar ham,
Armonlar ko’zlarim yoshlasalar ham,
Ne ko’y, azoblarga tashlasalar ham,
Men senga intilib yashayman, jonim.

Qumrilar sayragan bog’larim tinsa,
Ko’nglim sokinlikka chidolmay sinsa,
Do’stim bilmaganni dushmanim bilsa,
Mayli, men seni deb yashayman, jonim.

Umr o’taverar, g’ayratlar so’nar,
Inson judolikka ko’nikar, ko’nar.
Ko’zlarim yoshidan sarvlar unar,
Bu “bog’”dan qaylarga ketay man, jonim.

Ko’ning ko’ylaklari yirtildi, ketdi,
Nahot faryodlarim osmonga yetdi.
Ra’no yig’lay-yig’lay ushbuni bitdi,
Sensiz azoblarda netay man, jonim!

Ra'no Yarasheva

[Masud Mahsudov]

KO'RGANMIDING KO'ZLARIMDA YOSH

Sog'inganda izlab bir nishon,
Qabring tomon olar edim yo'l.
Keltirarding menga bir zamon,
Endi har chog' men eltaman gul.

Keldim. Uzoq qoldim men sokin,
Sening aziz boshingda yolg'iz,
Osmon tiniq edi va lokin,
Parcha bulut yetib keldi tez.

Ko'kda mening boshimda turib,
Go'yo yuragimda qalqdi u.
Kozimdagi yoshimni korib
U ham to'kdi yoshini duv-duv.

Biz yig'ladik tepangda shu kun,
Keldingmi deb ko'tarmading bosh.
Ayt-chi, senla baxtiyor onlar
Ko'rganmiding ko'zlarimda yosh?

Zulfiya

[Akhmad Kodirov]

Kompyuter haqida hazil she'r



Bizga notanish bo’lgan,
Allaqaysi tomonda,
Bir oila bor edi,
Ayni bizning zamonda.
Havasing kelar edi
Ajoyib bu xonadon.
Bir qiz-u bir o’g’ilcha
Va ota-ona sichqon.
Qiz sichqoncha shaharda
Olar edi ko’p ta’lim,
Istardi u bo’lishni,
Sichqonlarga muallim.
Gapni ko’p cho’zavermay
O’tayin muddaoga
Ota –ona qizlarin
Bermoq bo’ldi kuyovga.
Kuyov ham topilibdi.
Naq kelishgan, basavlat,
Qo’rqmas, jasur va o’ktam
U zodagon, badavlat.
Xullas to’y arafasi,
Barcha xursand va rozi,
Lek kelin bo’lmish sichqon.,
Sal xomush va parishon.
Deydi: - Bo’lmoq istardim,
Eng bilimdon muallim.
Kompyuterdir orzuim.
Usiz bo’lmaydi to’yim,
Deb kelin turib oldi,
Hamma hayratda qoldi,
Kuyov bola ham hayron:
- Bo’ldi bu qanday zamon?
Ammo na iloj kuyov
Manglaydan sirg’itib ter
Kelin xohishi deya,
Keltiribdi kompyuter.
Orzusi bo’lib ro’yo
Kelin ham shodon bo’ldi,
Kuyovning sovg’asidan
Uning –da ko’ngli to’ldi.
Yana qoldi bir amal,
Uni ham tez tuzatdi,
Kelin endi sovg’ani
Internetga ulatdi.
-Ishlar keldi joyiga,
Muammolar endi yo’q,
Deb to’yni belgilashdi,
Ko’ngillari bo’ldi to’q.



Afsus kelinga bog’liq
Qolibdi yana bir ish
Na tikishni bilarkan,
Na bir narsa pishirish.
(Shaharda o’qigan u
Shudir sababnining bari
Kelinning bu holidan
Sovchining yo’q xabari)
O’qiyapman deya u,
Urmagan-da qo’lini.
Bo’lajak zukko kelin,
Topdi buning yo’lini.
Internetdan bilibdi,
Taomlar ro’yxatini
Pishirish, tikishlarning
O’rganibdi barini.
O’rganibdi o’ziga
Barcha-barcha keragin,
Hatto o’zin to’yiga
Tikdi kelin ko’ylagin.
Xullas, bir oy ichida
Orasta, chevar bo’ldi.
Yori shundayligidan
Kuyovning ko’ngli to’ldi.
Ikki yoshning to’ylari
O’tdi aytilib alyor,
Hamma yetib murodga
Bo’lishibdi baxtiyor.
Yuksalsin bu texnika
Shuning o’zi bir baxtdir.
Yashasin internet-u
Yashasin KOMPYUTER!

[Komila Baxtiyor qizi]

NISBIYLIK
Juda yaxshi!-deymiz mana bu narsa,
Go'yo hukm kabi yangrar so'zimiz.
O'ylab ko'rganmizmi hech biror marta
Kimmiz o'zimiz?
Juda yomon!-mana bu narsa,
Go'yo hukm kabi yangrar so'zimiz.
O'ylab ko'rganmizmi hech biror marta,
Xo'sh,kim o'zimiz?
Kimgadir yoqamiz biz o'zimiz ham,
Kimgadir yoqmaymiz biz ham o'zimiz.
Shunaqa charxpalak ekan bu olam,
Demak,nisbiy erur har bir so'zimiz.
Abdulla Oripov.

[Komil Eriev]

Hurmatli Firdavs va "She'riyat" sahifasining ishtirokchilari, sahifani bahrubayt shaklida davom ettirish taklifim bor. Bu kishini kishini ko'proq izlanishga va barcha shoirlarning she'rlariga murojaat qilishga da'vat qilardi. Taklifga qanday qaraysizlar?

[Masud Mahsudov]

Hurmatli Firdavs va "She'riyat" sahifasining ishtirokchilari, sahifani bahrubayt shaklida davom ettirish taklifim bor. Bu kishini kishini ko'proq izlanishga va barcha shoirlarning she'rlariga murojaat qilishga da'vat qilardi. Taklifga qanday qaraysizlar?

Assalmu alaykum...Juda yahshi fikr... Men albatta tashabbusni qo'llab-quvvatlayman... Agar boshqa foydalanuvchilar ham bunga rozi bo'lsa, boshlashimiz mumkin...


P.S. Men imkon qadar o'zimning she'rlarimni qo'yishga harakat qilaman, inshallah...;)

Бугун Сени кўрдим баногоҳ,
Шул он юрак тўхтади зумга...
Мунгга тўла эканми нигоҳ?
Ўтиб кетдинг боқмай кўзимга...

Ўн йил ортга қайтгандай ҳаёт.
Қийнар қалбни эски дардларим.
Айт-чи ростин, этмайсанми ёд,
Йўқотганинг ёшлик дафтарим?

Қайда қолди шод, ҳазилкаш қиз?
Қани ўша шўхчан табассум?
Қаён учди порлаган юлдуз?
Қани ўша қарашлар-маъсум?

Жиз этди-ю, ичимдан бир тор,
Хушим йиғмасимдан узилди…
Онда этиб дилимни абгор,
Кўнгилгинам ёмон бузилди…

Бугун Сени кўрдим баногоҳ,
Тўхтатгани топмам тоқатим...
Бошқа сафар учрармисан ё,
Кўришмасмиз, илк муҳаббатим?

Firdavs


demak, "m" xarfiga...

[Komil Eriev]

YOLG‘IZ

Milyon yilda meni yaratdi hayot,
Meni so‘rab, tog‘lar qator cho‘kdi tiz.
Nahot anglamaysan, bilmaysan nahot,
Axir men bittaman, yagona, yolg‘iz.

Bug‘lanib, qaytadan to‘kiladi suv,
Quyoshdan ishorat – ko‘z yorar ildiz.
Men, axir ularga o‘xshamayman-ku,
Axir men bittaman, yagona, yolg‘iz.

Har elat o‘zicha atar shamolni,
Mingta ism bilan yashaydi yulduz.
Sen qaydan topasan boshqa Iqbolni,
Axir men bittaman, yagona, yolg‘iz.

Nafasim – g‘animat, so‘zim – g‘animat,
Fojia – poyimdan uzilgan har iz.
Mening nigohlarim eng ezgu ne’mat,
Axir men bittaman, yagona, yolg‘iz.

Yaratganga borib aytaman seni!
O‘zi hukm etsin odil va xolis.
Men qatib kelmayman, tushunyapsanmi?
Axir men bittaman, yagona, yolg‘iz...

Iqbol Mirzo

[Masud Mahsudov]

Зарафшонни лойлатиб кечган
Чавандозлар бордир бу элда.
Бахор чоги пишкирган селда,
Аргумоклар кўшиги бордир,
Бу шундайин ажиб диёрдир.
Даласида ўсмас тиконлар,
Чўлларида чопмас илонлар,
Куш учганда куймас каноти,
Одам ўтса куримас зоти.
Чанков колиб йўловчи ўлмас,
Хар бурчакда бошкесар бўлмас.
Кулбаларни келиб босмас кум,
Гўдакларни ютмас оч ўлим.
Одамларга бахт-толе ёрдир,
Бу шундайин ажиб диёрдир.
* * * * *
Бунда булбул китоб ўкийди,
Бунда куртлар ипак тўкийди,
Бунда ари келтиради бол,
Бунда кушлар топади икбол,
Бунда корнинг тагларида киш,
Бахор учун сўйлайди олкиш.
Бир ўлкаки хуснга бойдир,
Унинг энг зўр кўзгуси ойдир.
Бир парча ўт бўлиб бунда кун
Пахтасига ишлайди хар кун.
Ботирлари канал казийди,
Шоирлари газал ёзади,
Куйчилари ўкийди ялла,
Жувонлари айтади алла.
Пазандаси ёпади ширмон,
Карилари кутади мехмон.
Бу шундайин ажиб диёрдир. . .
* * * * *
Шундай ўлка доим бор бўлсин,
Шундай ўлка элга ёр бўлсин.
Омон бўлсин огайнилари,
Омон бўлсин дўстларнинг бари.
Доим бўлсин ўлкаси омон,
Шундай бўлсин бу бутун жахон.
* * * * *
Шафтолизор богларни кўрдим,
Гул кўкарган тогларни кўрдим.
Мехр кўйиб ўпган сари ок,
Оппок бўлди бу азиз тупрок.
Водийларни яёв кезганда,
Бир ажиб хис бор эди менда . . .


Hamid Olimjonning "O'zbekiston" she'ridan parcha

[Dilmukhammad Kayumov]

Bahorda kuz kutib, kuzda bahorni
Umring o'tganini bilmay qolasan
Izlab topguningcha chin do'stu yorni
Umring o'tganini bilmay qolasan

Quvonib o'n sakkiz, yigirma yoshga
O'ttiz ham o'tadadi, qirq kelar boshga
Shirin so'z aytguncha bir qaro qoshga
Umring o'tganini bilmay qolasan

Erta kun orzudir o'tgan kun armon
Kechgan yillaringni o'ylari larzon
G'unchaga qo'l cho'zib goh titib hazon
Umring o'tganini bilmay qolasan

Suyishga ulgurmay ulg'ayar bolang
Ko'nglin olguningcha g'animat onang
Yashashga vaqt bo'lmay, goh bo'lib arang
Umring o'tganini bilmay qolasan

[Komila Baxtiyor qizi]

Nahot, shuncha ma'sum, shuncha pok
Sevishmoqda alam bor shuncha
Bardosh bermas iroda, idrok
Tamoman lol aql,tushuncha...
Zulfiya

[Komila Baxtiyor qizi]

Kompyuter haqida hazil she'r

Bizga notanish bo’lgan,
Allaqaysi tomonda,
Bir oila bor edi,
.........


Internet
Internet, aylanay nomingdan sening,
Gapga lim-lim to’lug’ jomingdan sening.
Bugun bu dunyoning egasi sensan,
Poyonsiz olamning erkasi sensan.

Sekin Yer yuzini aylading ishg’ol,
Bir ishing yaxshi-yu, bir ishing ishkal.
Sen so’nmay, so’limay yoz-qish yashaysan,
Qit’adan qit’aga mish-mish tashiysan.
Zangor ko’zlaringda hamma narsa bor:
Kim ishdan ketdi-yu, kim esa – bemor.
Tunlar yoritasan kuldonlarni ham,
Bir zum tinch qo’ymaysan sultonlarni ham.
Ishing bor podsho-yu cho’ponga qadar,
Darrov yetkizasan yoponga qadar.
Qochib qutulmagay sendan puldorlar,
Tannoz sanamlar-u satang dildorlar.
Garchi kecha –kunduz uyqularing yo’q,
Lek sening insoniy tuyg’ularing yo’q.
Qalb-u ro’zg’origa kirib bordingmi,
Biror kambag’aldan sen hol so’rdingmi?
Boysunda bir munglug’ maktab – internat,
Xabaring bormidir bundan, Internet?
O’ylasam ko’zimda jolalarim bor,
Unda mening ma’yus lolalarim bor.
Ular hali o’sib chinor bo’lgaylar,
Ulg’ayib sohibi diyor bo’lgaylar.
Ochiq aytayinmi endi betingga:
Ota bo’loldingmi biror yetimga?
Tuganmas fol bilan romingdan sening,
Internet, aylanay nomingdan sening!
Zo’r bo’lsang xabar ber, bergil kafolat,
Qachon yer yuzida tugar jaholat?
Odamzot mehrga qachon to’ygaydir?
Qachon yomonlikning uyi kuygaydir?
Aytgil uka-singlim, yana bolamga:
Qachon muttahamlar tugar olamda?
Tong chog’I sen shamol estirib bergil,
Zo’r bo’lsang, bir nihol o’stirib bergil!
Sen asli kamolot belgisi, huzur,
Sal ranjitgan bo’lsam, Internet, uzr.
Senda ham bir ajib tantiliklar bor,
Yangi kelinchakday yangiliklar bor.
Olis ellarga nur rishtalar yetkiz,
Mening yurtimdan ham mujdalar yetkiz.
Toki xush saharlar ko’msin dunyoni,
Ko’msa xushxabarlar ko’msin dunyoni!
S. Sayyid

[Komil Eriev]

Nahot, shuncha ma'sum, shuncha pok
Sevishmoqda alam bor shuncha
Bardosh bermas iroda, idrok
Tamoman lol aql,tushuncha...
Zulfiya

Ayt-chi, meni unutdingmi?
Gullarim qonlar yutdimi?
Unutdingmi, eh bir yo'la
Yorug' dunyodan o'tdimi
Muhabbatim ekkan gullar?!
Rauf Parfi

[Komila Baxtiyor qizi]

Rosa pardoz qildi tabiat to'lib,
To oydin ranglari tortguncha xira.
Barcha ranglariga qo'riqchi qilib,
Qora Otelloni yaratdi so'ngra.

[Valikhodjayeva Madinakhon]

Aziz asrimizning aziz onlari,
Aziz insonlardan so'raydi qadrin.
Fursat g'animatdir shoh satrlar-la,
Bezamoq chog'idir umr daftarin.

[Komila Baxtiyor qizi]

Ne qilay,yomonga o'qiymi la'nat,
Yo shodon qo'shiqlar kuylaymi faqat.
Birovda mehr mo'l,birovda nafrat,
Boqib bu savdoga hayron o'tdik biz.

Abdulla Oripov

[Komil Eriev]

Zog`lar orasida bulbulni ko`rdim,
besh-o`n qo`tir zag`cha boshin cho`qigan,
yuragi yorilib o`lsin deb sho`rlik,
bulbul haqida ko`p ig`vo to`qilgan.

Emishki,
xonishi doim arazli,
yo`qotish kerakmish soxta bulbulni,
sahar chog`larida vaysab g`arazli,
atay uxlatarmish necha qizgulni.
Bu ham yetmaganday komil zamonda
saltanat qasriga peshob to`karmish,
tag`in ul millatchi emish ashaddiy,
qayda sayrasa el isyon ko`tarmish.

Ig`volar yog`ilur,
besh-o`n qo`tir zog`
yangi arslonshohga tinmay xat tashir.
Shotirlar ishidan yurar kayfi chog`
qora ko`zoynakni taqqan kattasi.

Arslonshoh almashar,
vazir almashar,
borliqni qaytadan qurmoqda avom.
Zog`lar qag`illashib biram yayrashar,
tag`in ig`voxatlar yozilar ravon.

Emishki,
bu bulbul aybin yashirar,
har nahor o`n kaklik go`shtini yermish,
palon yil pismadon kavakda birdan
sakkizta ayiqni zo`rlagan emish.
Tag`in bir aybi bor,
o`qirmish namoz,
islom bayrog`iga qilarmish sajda,
har qanday jazoni bersangiz ham oz,
hammani qon qilib bo`ldi bu ajdar.

Ig`volar yozilur,
besh-o`n qo`tir zog`
yangi arslonshohga tinmay xat tashir.
Shotirlar ishidan yurar kayfi chog
qora ko`zoynakni taqqan kattasi.

Ajab hangomalar bo`lar qaytadan,
zog`larning ko`zida qaynar ajina.
Zog`lar orasida sayrar ataylab,
bu bulbul o`ziyam juda g`ajir-da.
Hoy, bulbul,
O`zingga bir oz rahm qil,
bo`lmasmi damingni chiqarmay tursang.
Axir qayta qurish...
bo`lmasmi bir yil
zog`lar orasida zog` kabi yursang...

Shavkat Rahmonning
“Qaysar bulbul” she'ri

[Masud Mahsudov]

Гуллaрнинг муaттaр ҳидлaрин туйдим,
Сув ичдим булоқдaн тaмшaниб, қониб.
Исмингни ўрмондa дaрaхтгa ўйдим,
Сeвишни мeн сeндaн ўргaндим ёниб.

Энди бошқaчaдир олaм кўзимгa,
Кaмaлaк рaгидa ўзгaчa жило.
Итоaт этибон юрaк сўзимгa,
Сeвишни ўргaндим, дилдaн қувониб.

Xaзонрeзги бaрглaр товлaнaди зaр,
Қуёш нурлaридaн тўлқинлaнaр дил.
Бу сaфaр куз фaсли қaлбимни ўртaр,
Сeвишни ўргaнди бу aжиб кўнгил.

Тилaгим ҳaммaгa: сeвсин, сeвилсин,
Бaғишлaб диллaргa мeҳр, зиё, шуур,
Жудa кўп нaрсaни тушундим бугун,
Ишқингни бeргaнинг учун тaшaккур!!!

[olimbek]

Зайнаб Элчиннинг аччиғини чиқариш учун «Мен сизга хиёнат қилганман», деганда Элчин ёлғиз ўтириб, торини чертиб, хиргойи қилиши керак бўлган, аммо фильмга сиғмаган қўшиқ:

Дилда дардинг, тилда отинг, ёр,
Қани сенинг диёнатинг, ёр.
Менга будир қиёматинг, ёр,
Хиёнатинг, хиёнатинг, ёр.
Эр киши ҳеч эгиларми, айт,
Ҳам чекмаса эзиларми, айт. (Оригиналда шундай бизнингча Ғам бўлса керак)
Мени ерга тенг қиларми, айт
Хиёнатинг, хиёнатинг, ёр.

Элчиннинг боласи нобуд туғилганда айтиши керак бўлган, лекин фильмда айтилмаган қўшиқ:

Эй, бағримни тиғлаган болам,
Эй, дунёга сиғмаган болам.
Бу дунёнинг бевафолигин
Гўдакликдан илғаган болам.
Қайдан келиб қайга йўқолдинг,
Аччиқ-аччиқ ўйларга толдинг?
Онангнинг ё менинг гуноҳим
Қай бирининг касрига қолдинг?
Эй, бағримни тиғлаган болам,
Эй, дунёга сиғмаган болам.

Тоҳир Малик

[Aziza Abdunabiyeva]

... Sharq bolasi, mayli yovqur, yo daydi,
Botir bo'lsang avval meni yeng deydi.
Avval oshiq bo'lgan menman, men deydi,
Avval qiz ko'z suzganini bildirmas.

Sharq bolasi, Yassaviyning bolasi,
Dunyolarni titratsa ham nolasi,
Undan faqat kamsuqumlik olasiz,
Otasidan o'zganini sezdirmas.


Halima Hudoyberdiyeva

[Komil Eriev]

...
Undan faqat kamsuqumlik olasiz,
Otasidan o'zganini sezdirmas.

Halima Hudoyberdiyeva

...

Senga tor keldi bu ko'krak,
Sevinching toshdi qirg'oqdan,
Tilim charchar, ajab,gohi
Seni tarjima qilmoqdan.


Sen, ey sen - o'ynoqi dilbar,
Zafardan izla yoringni.
To'lib qayna, toshib o'yna,
Tirikman, kuyla boringni!


Itoat et!
Agar sendan
Vatan rozi emas bo'lsa,
Yoril,chaqmoqqa aylan sen,
Yoril! Mayli, tamom o'lsam!



Ucmon Nosir,
"Yurak" she'ridan

[Nigora Umarova]

Men shunchaki o’ylagim kelmas,
Xayol-sharob misol qilsin sarxush, mast.
Men shunchaki kuylagim kelmas,
Ovoz pardalarim chidab bersa bas.

Qo’lingga tusharkan jajji chaqaloq,
Shunchaki sevmoqda qanday lazzat bor.
Kerak chinqirtirib o’pib, tishlamoq,
Biz ham go’daklikda topganmiz ozor.

Shunchaki sevilmoq-baxti qoralik,
To’la tole uchun bu kemtik, bu kam.
Mening qalbim shunday sevgiga molik,
Bir charsillab yonay, so’ngra so’nsam ham.

Ohangga shunchaki solmasdan quloq,
Tarjima qilib yoz sim sadolarin.
Axir buloqmasmish tog’dagi buloq,
Ko’z yoshlarimish u ishq gadolarin.

Shunchaki kulmoq ham istehzodek gap,
Birdan qah-qah uray, cho’chib ketsinlar.
Boshlariga osmon tushganday qulab,
G’aflat bandalari yoqa tutsinlar.

Shunchaki yig’lash ham yarashmas bizga,
Uni eplar faqat yuragi toshlar.
Shunday yig’lay, hojat qolmasdan so’zga,
Qurg’oq ko’zlardan ham to’kilsin yoshlar.

Shunchaki yozmoqchi, ko’ngil to’lmaydi,
Shunchaki yozmoqqa bormaydi qo’lim.
Shunchaki yozganga chidab bo’lmaydi.
Shunchaki yozmoq bu – shoirga o’lim.

Halima Xudoyberdiyeva

[G'ayratBEK]

...
Mendan nima qolar:
Ikki misra she’r,
Ikki sandiq kitob,
Bir uyum tuproq.
Odamlar ortimdan
Nima desa der,
Men seni o`ylayman
O`zimdan ko`proq –
Lola, lolajonim,
Lolaqizg`aldoq!


Men ketsam, yomondan
Yiroq bo`l, ohu,
Chunki sen chiroyli,
Ko`rkli bir juvon.
Yomon kunlar bir kun
Yaxshi bo`lar-u,
Yomon odam yaxshi
Bo`lmas hech qachon…
Yasha chegarada
Turgandek ogoh,
Lola, lolajonim,
Lolaqizg`aldoq!
...
Muhammad Yusuf,
"Lolaqizg'aldoq" she'ridan parcha

[Nigora Umarova]

Qirq bitta chirog’im, yonib – yonmadi,
Bahorni haydadim umidvor kuzdan.
Siz menga intilib – izlab yurganda,
Balki sezmay o’tdim yonginangizdan.
Ko’zlaringiz rangi kirar tushimga,
Sizni topaman deb yashadim tanho.
Yo’qlikning ortidan siz kelar yo’lga
Dilimni vujuddan ayladim judo.
Sizga asrab qo’ygan o’nta gulimni
Qaylargadir boshlab ketdimi xazon.
Sizni ko’rmay turib, sizdan ayrilsam
Menga alam qiladi yomon.
Balki xazonligim yoqmaydi sizga,
Menga sezdirmayin boqyapsiz karaxt.
Mening baxtli bo’lgim kelayapti juda.
Ayting, siz meniki bo’lmaysizmi, baxt?!

Halima Ahmedova

[olimbek]

Tарихингдир минг асрлар ичра пинҳон ўзбегим,
Сенга тенгдош Помуру оқсоч Тиёншон ўзбегим.
Суйласин Афросиёбу, сўйласин Урхун хати,
Кўҳна тарих шодасида битта маржон ўзбегим.

Менга Пушкин бир жаҳону,
менга Байрон бир жаҳон.
Лек Навоийдек бобом бор,
Кўксим осмон ўзбегим.
Э.Воҳидов

[Komil Eriev]

Majnuntol tagiga o'tqazing meni,
Qovrilmay g'ashlik alangasida,
Majnuntol tagiga o'tqazing meni,
Nafasimni rostlay ko'lankasida.

Majnuntol tagiga o'tqazing meni,
Qushlar ovoziga quloq solayin.
Majnuntol tagiga o'tqazing meni,
Xayol og'ushida orom olayin.

Majnuntol tagiga o'tqazing meni,
Shu kungacha o'zni men cheklab bo'ldim.
Majnuntol tagiga o'tqazing meni,
Men uchun yig'lasin men yig'lab bo'ldim.

Mirtemir,
"Betobligimda" she'ri

[Nigora Umarova]

Men ilon og’zidan shakkar talabman;
O’rgumchak og’zidan men par talabman.
Erkak sher ko’ksidan sut talab qilsam,
Oyoq yalanglardan siym-zar talabman.

Zebunisobegim

[Komil Eriev]

Nafis chayqladi bir tup na'matak
Yuksakda, shamolning belanchagida,
Quyoshga ko'tarib bir savat oq gul,
Viqor-la o'shshaygan qoya labida,
Nafis chayqaladi bir tup na'matak...

Mayin raqsiga hech qoniqmas ko'ngil,
Vahshiy toshlarga ham u berar fusun.
So'nmaydi yuzida yorqin tabassum,
Yanoqlarni tutib oltin bo'sa-chun
Quyoshga tutadi bir savat oq gul!

Poyida yig'laydi kumush qor yum-yum...
Nafis chayqaladi bir tup na'matak...
Shamol injularini separ chashmadak,
Boshida bir savat oq yulduz-chechak,
Nozik salomlari naqadar ma'sum.

Tog'lar havosining feruzasidan
Mayin tovlanadi butun niholi,
Vahshiy qoyalarning ajib ijodi:
Yuksakda raqs etar bir tup na'matak,
Quyoshga bir savat gul tutib xursand!

Oybek,
"Na'matak" she'ri

[Masud Mahsudov]

Дард - кўнглим тарк этмас хазин тарона,
У менга тутқазди қоғозу қалам.
Дардсизлик бўлмаган менга ҳамхона,
Дардим кўплигидан қилмайман алам.

Алам - бедор тунлар битилган ашъор,
Алам - ишқ куйида чекилган азоб.
У - наво битмасдан синиб қолган тор,
У - махзун кунлардан аччиқ изтироб.

Изтироб - туйғулар нурсиз хонаси,
У сабаб яшаймиз, тирикдир шу жон.
У севгим биринчи очган шонаси,
Ҳам билак томирда уриб турган қон.

Муҳаббат - юракка яширилган сир,
Ҳаётга гинам у, кўкларга додим.
Муҳаббат - илинжим умрим бўйи бир,
Ҳам дардим, ҳам алам, ҳам изтиробим!

2006 yil...

[Nigora Umarova]

Mening sochim qaro edi, qarolarga boylandilar,
Adolarga, sazolarga, jazolarga boylandilar.

Yetti osmon, yetti iqlim, yetti qabat zamin aro,
Maloiklar, farishtalar, sabolarga aylandilar.

Tilimning bolimi yoki yuzimning xolimi yoxud,
Bu ikki xol ila boshim balolarga boylandilar.

Hamma istar bu ochunda, faqat bir yor, faqat bir yor,
Hamma “Yorman!” dedi, ammo, xatolarga boylandilar.

Senga jonni qilib qurbon Farid Afro’z qilur faryod,
Jism xoku bu xayli dun matolarga boylandilar
Farida Afro'z

[Sobir Davlatov]

Bu dunyoda orzu qilish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Hayratni quchoqlab yotganda.

Bu dunyoda azoblanish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Hasratni quchoqlab yotganda.

Bu dunyoda sevish,sevilish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Xayolni quchoqlab yotganda,
Hayotni quchoqlab yotganda,
Ayolni quchoqlab yotganda...

Hurshid Davron

[Nigora Umarova]

Bu dunyoda orzu qilish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Hayratni quchoqlab yotganda.

Bu dunyoda azoblanish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Hasratni quchoqlab yotganda.

Bu dunyoda sevish,sevilish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Xayolni quchoqlab yotganda,
Hayotni quchoqlab yotganda,
Ayolni quchoqlab yotganda...

Hurshid Davron

Mushoirani bahru bayt tarzida davom ettiramiz deb kelishib olgandik-ku...:187:

[Nigora Umarova]

Bahru bayt aytish shartiga ko'ra Sizdan oldin she'r aytgan insonning she'ri qaysi harfda tugasa, o'sha harf bilan boshlanuvchi she'rni aytib mushoirani davom ettirishingiz lozim. ;-)

[Nigora Umarova]

Bu dunyoda orzu qilish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Hayratni quchoqlab yotganda.

Bu dunyoda azoblanish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Hasratni quchoqlab yotganda.

Bu dunyoda sevish,sevilish soatlari bor -
Ayniqsa,tunda, yulduzlar ostida,
Yam-yashil sayxonlikda,o'tlar ustida
Xayolni quchoqlab yotganda,
Hayotni quchoqlab yotganda,
Ayolni quchoqlab yotganda...

Hurshid Davron

Aqlim tanibmanki, minnatsiz bir baxt,
Minnatsiz umrni qilaman orzu.
Kam-ko’stsiz hayotni etaman deb taxt,
Tanho tashvish cheksang, dilim ezilar.
Yo’q, sira yuk bo’lmay, bo’layin mador,
Toki ravon bo’lsin men-la yo’llaring.
Yiqilsang yiqilgum demasman zinhor,
Turg’izmoqqa cho’zgum nozik qo’llarim,
Yo’q, sira yuk bo’lmay, bo’layin mador
Saida Zunnunova

[Abduganiyev Murod]

Ro’za, namoz qazo qilib, bo’ldum kohil,
Yomon izlab, yaxshilardin kechtim mano.

Vo darig’o, muhabbatni jomin ichmay,
Ahli ayol, xonumondin tugal kechmay,
Jurmu isyon girihlarin munda chechmay,
Shayton g’olib, jon berarda shoshtim mano.

Imonima changal urub, qildi g’amnok,
Piri mug’on hozir bo’l, deb sochti taryok,
Shayton la’in mendin qochib ketti bepok,
Bihamdilloh, nuri imon ochtim mano.

Piri mug’on xizmatida yugrub yurdum,
Xizmat qilib, ko’zim yummay hozir turdum,
Madad qildi, Azozilni qavlab surdum,
Ondin so’ngra qanot qoqib uchtim mano.

G’arib, faqir, yetimlarni qilgin shodmon,
Halqalar qilib aziz joning ayla qurbon,

Taom tobsang, joning birla qilgil mehmon,
Haqdin eshtib bu so’zlarni aydim mano.
Ahmad Yassaviy.

Faqat qo'rqib emas, Muxabbatla ibodat qil...

[Komila Baxtiyor qizi]

Oqar daryoga ham kimdir band bergan,
Hayot kimga zahar, kimga qand bergan.
Ey g'ofil, sarkash deb meni kamsitma,
Dushman senga emas menga pand bergan
Abdulla Oripov

[Masud Mahsudov]

Нeчун, жоним, кўзлaрингдa нaм?
Нeчун йиллaр қийнaдинг ўзинг?
Дaрдлaрингни кўрaмиз бaҳaм,
Ҳaқиқaтдaн юммaгин кўзинг.

Қaнчa кутдим гоҳидa чидaб,
Гоҳи сeндaн қилиб aндишa.
Мaжбур бўлдим ўзимни aлдaб,
Яшaб юрдим кулиб ҳaмишa.

Қaлбим-чи, у йиғлaр эди жим,
Қaйғулaрин этмaсди ошкор.
Фaқaт розинг кутди юрaгим,
Қaдaминггa бўлиб интизор.

Кўзлaрингни яширмa мeндaн,
Сўзинг тинглaб, қaрaб тўймaймaн.
Мeникисaн. Энди ҳeч қaчон,
Ҳeч кимсaгa бeриб қўймaймaн.

2006 yil

[Komil Eriev]

Nechun ko‘klam madhi tushmas g‘azaldan,
Shoirlar bahorni kuylar azaldan?

Oshiqlar zangori kenglikka boqib,
Qo‘shiqlar aytadi bag‘rini yoqib.

Tabarruk chollarning chakkasida gul,
Momolar o‘yida bahordir nuqul.

Bir lahza yasharar qarri qo‘rg‘onlar,
Ajib dilbar bo‘lib qolar insonlar.

Ha, bahor misrasi menda ham talay,
Bu holning boisi bordir harqalay.

Azizim, g‘unchaga nazar sol bir on,
Bag‘rida hozircha turfa hol pinhon.

Ranglar yashar unda balki pushti, oq,
Ajab, tikoni ham hozircha yumshoq.

Abdulla Oripov,
"Bahor tilaklari" she'ri

[olimbek]

Қочиш мумкин дарддан, балодан
Қор ёмғирдан. Ножуш ҳаводан.
Балки сукут.Балки садодан,
Мухаббатдан қочиш қийинроқ.

Бахтдан қочиш мумкин, бемалол
Бахтсизликдан? Мумкин Эътимол.
Сен ўзингдан қочарсан яққол,
Муҳаббатдан қочиш қийинроқ.

Бу не тушки сени уйғотган,
Солиб бутун юракка титроқ.
Мумкин қочмоқ ҳатто ҳаётдан,
Муҳаббатдан қочиш қийинроқ.

[Nigora Umarova]

Qaro qoshing, qalam qoshing,
Qiyiq qayrilma qoshing qiz.
Qildi qalbimga qasd qayrab,
Qilich qotil qarashing qiz.
Qafasda qalb qushin qiynab
Qanot qoqmoqqa qo'ymaysan,
Qarab qo'ygil qiyo qalbimni,
Qizdirsin quyoshing qiz.

Erkin Vohidov

[Komil Eriev]

Zamin aylanadi, chiqadi quyosh
Hargiz kibr bilan ko‘tarmagin bosh.
Oyoq ostingdagi xarsangni tepma,
Balki haykal bo‘lar senga o‘sha tosh.

Abdulla Oripov

[Nigora Umarova]

She'rim yana o'zing yaxshisan,
boqqa kirsang gullar sharmanda.
Bir men emas, hayot naqshisan,
Jonim kabi yashaysan tanda.
Sen-da yo'lda ko'prik bo'lding-da,
Geyne bilan o'rtoq tutindim,
Lermontovdan ko'mak o'tindim...
Men - Majnunman,
She'rim sen- Layli.
Usmon Nosir

[Komil Eriev]

Ishq ila men xastaman,bu dardima davo yo'qdur,
Qora qismat bitilmishdir,visoldan hech vido yo'qdur.

Vasl yo'qdur,faqat bordur alam,hasrat ila kulfat,
Tovushingni kutarman zor,biroq sandan sado yo'qdur.

Asir qushman - go'dak panji g'ijimlaydi berib ozor,
O'lim yordur vujudima,xudoyimdan panoh yo'qdur.

Bola dastida giryona - qanoti qonolud qushman,
Qutilmoqqa biror chora,azoblarga ado yo'qdur.

Axir,man qush emasman,yor,qutilmoqqa yo'lim bisyor,
Biroq ishqqa chalingan dil uchun erkin samo yo'qdur.

Majnun,
arab mumtoz shoiri

[Bahriddin Shayvaliev]

Million yilda meni yaratdi hayot
Meni so`rab qator tog`lar cho`kdi tiz
Nahot anglamaysan, bilmaysan nahot
Axir men bittaman, yagona-yolg`iz.

Bug`lanib qaytadan to`kiladi suv
Quyoshdan ishorat ko`z yorar ildiz
Axir men ularga o`xshamayman-ku
Axir men bittaman, yagona-yolg`iz

Har elat o`zicha atar shamolni
Mingta ism bilan yashaydi yulduz
Men axir ularga o`xshamayman-ku
Axir men bittaman, yagona-yolg`iz

Nafasim g`animat, so`zim g`animat
G`animat poyimdan uzilgan har iz
Mening nigohlarim eng oliy ne`mat
Axir men bittaman, yagona-yolg`iz

Yaratganga borib aytaman seni
O`zi hukm qilsin odil va xolis
Men qaytib kelmayman tushunyapsanmi
Axir men bittaman, yagona-yolg`iz
Iqbol MIRZO

[Nigora Umarova]

Zulfi halqa-halqayu ko’zi qaro bu yerdadir,
Boqishi shafqatli-yu, nozik ado bu yerdadir.

Kiprigi xanjar, karashma tig’u ko’z tashlash yashin,
Gar shahid bo’lmoqchi ersang, Karbalo bu yerdadir.

Bersa ham jannatni, aldanma kishilar so’ziga,
Bir qadam mayxonadan jilmaki, jo bu yerdadir.

Ka’baga bormoq na hojatdur, agar dil ovlasang,
Behuda yo’llar kezar bu halqu, job u yerdadir.

Husniga boshdin-oyoq boqqanda har bir nuktadan,
Dilni tortib har karashma, derki: jo bu yerdadir.

Izladim bir-bir jahonda har necha bo’lsa kitob,
Ko’rdimu xattingni dedim: muddao bu yerdadir.

Istasang husning zakotini berarga mustaqiq
Keldi, bu Zebuniso yanglig’ bu yerdadur.

Zebunisobegim

[G'ayratBEK]

Ranjima toleing kulmasa agar,
Inson borin ko‘rar, o‘lmasa agar.
Shoir ham ijoddan qolmagay aslo,
Nogoh paymonasi to‘lmasa agar.

Abdulla Oripov

[Bahriddin Shayvaliev]

Raqib bilganlarim qo'rqoq, deb aytsa,
Do'stim dushman undan behroq, deb aytsa,
G'ururi osmonmas, tuproq, deb aytsa,
Ko'zim, yoshlaringni yurakka yashir.

Bevafo atasa ortimdan sanam,
Bebosh deb qarg'asa, tuqqanim onam,
Aybsiz ayblovlardan titrama, tanam,
Tanam, titrog'ingni yurakka yashir.

Lekin vijdon meni inkor etgan kun,
Iymon, e'tiqodni inkor etgan kun,
Ruhim, soqiy bo'lib ajal mayin sun,
Azasiz, ko'zyoshsiz tuproqqa topshir.

[Komil Eriev]

Ramazon oyida, hayit chog‘ida,
Sumalak pishirdi ahli musulmon.
Unni qovurdilar zaytun yog‘ida,
Halim tayyorladi - kimda bor imkon.

Bahor keldi mana, qishdan chiqoldik,
Tergan rizq-ro‘ziga, ne’matga sharaf.
Tog‘dayin zahmatni axir yiqoldik,
Tabiatga sharaf, himmatga sharaf.

Ro‘zadan chiqqanlar, sizga ham rahmat
Qarzingiz sinovli saodat erur.
Rasululloh demish: - Sabr qil, ummat,
Mo‘minlik belgisi qanoat erur.

A.Oripov,
"Ro'za" she'ri

[Nigora Umarova]

Ruhimiz yaratib bitta ishq bilan
Fano tuprog’ida adashtirgan U!
Ming yillar zor etib,
nurli kechada
Yana jonimizni tutashtirgan U.

Nechun gunohkorlik yorlig’i bizda?
Sen axir Majnunsan, men esa Layli.
Bilsang, shu lahzada dunyo mukammal
Ikkimizning pok sevgimiz tufayli!

Zebo Mirzo

[Abduganiyev Murod]

Lekin oftob poymol o'lmas,
Kavaklarda qolmas oy nuri,
Odil hakam - haq bor, beg'araz,
Mazlumlarning buyuk g'amxo'ri.
Qilich serpab tole tongida
O'zligingni tanib qolding sen.
O'g'lonlarning qatra qonida
O'zbekiston nomin olding sen.
Abdulla Oripov

[Komila Baxtiyor qizi]

Nega sening qalin tovshing ket demaydi ularga,
Nega sening erkli ko'ngling erk bermaydi qo'llarga.
Nega tag'in tanangda qamchilarning kulishi,
Nega sening turmushingda umidlarning o'lishi.

Shavkat Rahmon

[Nigora Umarova]

Ildiz yer oralab ummonga yetdi,
Maysa o’sa-o’sa osmonga yetdi.
Men senga yetmadim,
Qazoga ko’ndim.

Ildiz to’lg’og’idan tug’ildi nihol,
Maysaning qonidan chashmayi zilol.
Men esa jim ketdim.
Sazoga ko’ndim.

Sen nega ko’nmaysan,
Nega ko’nmaysan.
Maysaning qonida yugurgan sezgi?
Daraxtga dard bergan, baxt bergan.
Mening
Yuragimni itga yedirgan sevgi?!

Zebo Mirzo

[Komil Eriev]

Ismimni hech aytolmasdi, uyalardi,
U jilmaysa, kun chiqqanday tuyulardi.
Ismin aytsam, olamga nur quyilardi,
Endi uni unutayin qanday qilib?

Ko‘zim yumib ochsam agar, sog‘inardim,
Chekib dardlar, yozib xatlar sog‘inardim,
Barmoqlarin o‘pib, battar sog‘inardim,
Endi uni unutayin qanday qilib?

Iqbol Mirzo,
"Dilim xufton" she'ridan

[Nigora Umarova]

Bizni yomon deb o’ylagan, ey yaxshilar,
Kechirsinlar bizni agar kuch topsalar.
Kechirgaymiz gohi bilib, goh bilmasdan
Mahzungina qalbimizga o’q otsalar.

Kechirsinlar tun kechalar xoblarini
Bizga kelgan omadu baxt quvlasalar.
Kechirgaymiz uzun kunlar keng jahonga
Ko’kdan tushgan “baxtimiz”dan so’zlasalar.

Kechirsinlar peshonadan to’kkanimiz
Sho’r ter emas durdonaga aylansalar,
Kechirgaymiz sizdan ketib omonlikda
Yaxshilarga yo’llarimiz boylansalar.

Bizni yomon o’ylagan, ey yaxshilar,
Kechirsinlar o’zlarida kuch topsalar,
Sizning uchun bag’rimizdan joylar berdik,
Kechirgaymiz yana ming bor o’q otsalar.

Sizu bizning yaxshi, yomon amallarga,
Ajr bergay yolg’izgina Yaratganim,
Biz kechirdik qancha bo’lsa g’ayurlarni,
Qolganini o’zing bilgin, Olloh Karim.

Ra'no Yarasheva

[Komil Eriev]

Mol-dunyo hasrati qilmasin afgor,
Mangu yashar kishi qani, qayda bor?
Bir necha nafasing tanda omonat,
Omonatga omonat bo'lmoqlik darkor.

Umar Xayyom

[Akhmad Kodirov]

Tushdi savdoi muhabbat boshima
Or etar mardum kelurg'a boshima
Voh muhabbat ko`yida qon yig'ladim
Yetti iqlim g'arq bo`ldi ko`z yoshima

Boborahim Mashrab

[Dilya Hasanova]

Аё чарх эттинг ортиқ жабр бунёд,
Кўзим ёшлиғ тилимда қолди фарёд,
Хаётим лолазоридин аюрдинг,
Ёқиб жоним кулим кўкка совурдинг.

"Ўтган кунлар" романидаги, Кумушнинг қабридаги битик.

Хатоси бўлса узр, ёддан ёздим.

[Bahriddin Shayvaliev]

Garchi shuncha mag`rur tursa ham
Piyolaga egilar choynak
Shunday ekan manmanlik nechun
Kibru-havo nimaga kerak

Kamtarin bo`l hatto bir qadam
O`tma g`urur ostanasidan
Piyolaning shuning chun inson
O`par doim peshonasidan.

E.Vohidov

[Akhmad Kodirov]

Kechmishing bor chindan ham uzoq,
Ilg'ay olmas barchasin ko`zim.
Maqtamasman moziyni biroq,
O'tmishingni o`ylayman bir zum.

[Akhmad Kodirov]

Farishtamsan sen o`zing, ayol


Sen o`zingsan hayo bo`stoni
Mushtdek jussang tebratar dunyo
Bag’ring seni mehr makoni
Qilay ko`zga izing to`tiyo


Xaydlaring uchirar sabo
Unmoq istar qalbingda hilol
Bilgin doim jannatlar aro
Qora tunda nurafshon ayol


Guzal chehrang eritar muzni
Ohing yetar uzoq falakka
Gul jamoling oladi ko`zni
Sadoqatga tengsan malakka


Oshiqlarning sirli ohisan
Muhabbatsan yurakda hamon
Vafo bog’in tanho shohisan
Nigohing–la bosh egar osmon


Seni izlab Majnun sahroni
Aylandi-ku devona bo`lib
Tohir faqat sevib zuhroni
Jonin berdi guldayin so`nib


Sen onasan farzand chirogi
Baxsh etasan unga mehringni
Yorug’ bo`lsa bolang quchog’i
Berding unga borliq sehrini


Madh etmoqqa qalamim ojiz
Tariflashga so`zim ham yetmas
Muqaddassan sen faqat yolg’iz
Bahor hidi seni tark etmas

_________________________
Qarshi "Nuriston" akademik litseyi
Sevinova Dilabza, talaba

[Vasliddin Tuychiev]

Сени севмок гунох булса гар,
Осий булай майли бир умр
Учмокларинг керакмас менга
Ишксиз юрак топганим хузур

Сени севмок гунох булса гар
Дузахларинг ёккин багримда
Совур майли кукка кулимни
Узга кисмат йук такдиримда

Сени севмок гунох булса гар
Гам тош булиб ёгил бошимдан
Билармисан кечалар мохим
Воз кечмам ул куёшимдан

Сени севмок гунох булса гар
Жазолагин одил ва хакли
Мен-ку севиб булсам гунохкор
Сен севмасдан яшайвер бахтли.

[olimbek]

Йўқ, йўқ беҳудага ҳеч кўкракларга доғ тушмас.
Бизнинг лаблар сохта сўз мақтовларга қовушмас.
Ҳақ сўзимиз руёни албат ўтажак енгиб,
Шул ҳақ сўзни айтган чоқ қолар кўксимиз санчиб.
Бизнинг юрак доғлидир, ким учундир куйдик биз,
Ким учундир кўкракда оғриқ дардни туйдик биз.
Соғлом бўм бўш қалб билан яшамасдан бекорга
Яраланиб бўлса ҳам малҳам бўлдик беморга
Сўнгги йўлга кетармиз шавқатни дилда тишлаб
Доғли, ярадор лекин тоза юракни ушлаб

[Vasliddin Tuychiev]

Bugun u bizlarga peshvoz chiqadi,
O’, bechora yurak, bardam bo’l endi.
Ko’ziga o’zingni baxtlidek ko’rsat,
Bir kun yig’lamagin, bir kun kul endi.

O’zingni shundayin beparvo tutki,
“Siz kimsiz, biz sizni tanimadik”, de.
“Hamma sinfdoshlar yodimizda bor,
Biz sizni sinfdosh sanamadik”, de.

Yozgan she’rlarimiz sizga emas, yo’q,
Boshqa go’zallarga atalgan, deb ayt.
Xotirdan chiqibsiz, uning yo’liga,
Ulkan muz tog’lari qadalgan, deb ayt.

Biz o’n yil yig’ladik, u ham bir marta,
Yig’lasa yig’labdi, devona bo’lib.
Faqat bir kun chida. Keyin... mayliga –
Ikkimiz yig’laymiz shaharga kelib.

Islom Hamro "Shoir bo'ldik sendan ayrilib" she'ridan

[Nigora Umarova]

Bilsang edi
ketmas eding
bir qadam ham
sochlarimning soyasidan.
Bilsang edi
topar edik
hatto qorning
qalovin ham.
Bilsang edi
o’tar edik
bu tog’larning,
bu tig’larning orasidan.
Bilsang edi,
berar edik,
munkar-nakir
savoliga javobni ham.
So’ngra…
So’ngra…
Ketar edik,
sochlarimdek tun oralab.
Ketar edik bu dunyoni
boshdan adoq
ovvoralab…

Farida Afro'z

[Vasliddin Tuychiev]

Otamning deganlari

Bolam, endi muhabbatni qo'y,
Yozaverma bahorni, gulni.
Shoir bo'lsang, avval yerni suy,
Yozar bo'lsang, uyg'otgin elni.

Dengizing ko'l, tuprog'ing og'u,
Senchi, maqtayapsan o'lik bulbulni.
Agar bo'lolmasa xalqingga madad,
Sug'urib tashlagin bog'zingdan tilni.

Bolam, yozar bo'lsang, haqiqatni yoz,
Qo'rqmasdan ochaver endi ko'ngilni.
Bardosh berolmasa, kul bo'sin qog'oz,
Elni uyg'otmoqqa cho'z endi qo'lni.

Bolam, safsatani bir chetga qo'ygin,
Yetar ta'rif qilmoq sochi sunbulni.
Endi "elim" degin, "tilim" deb yozgin,
Bo'lmasa oq qilgum sendek o'g'ilni!

Islom Hamrodan

[olimbek]

Бас етар, майу дилхун ичмайман,
Май ток қони мен қон ичмайман.
Кекса ақлим айтди:-Шу гапинг ростми?
Дедим:-Хазиллашдим , нечун ичмайман?.

Уйлама, пулсизу ночор ичмайман,
Расволикдан қилиб ё ор ичмайман.
Мен майни дилхушлик учун ичардим,
Бугунчи ёнимда сен бор ичмайман.

Умар Хайём

[Vasliddin Tuychiev]

Ne ko'ray to'bini qaddi xushxiroming borida,
Ne qilay sunbulni hatti mushkfoming borida.

Kim Xizr suyin og'izlag'ay labingning qoshida,
Kim Masih alfozidin degay kaloming borida.

Oshiqingni davlatin vasling bila qil muhtaram,
Husn ahli ichra muncha ehtiroming borida.

Bizdin ayru doim el birla icharsen bodani,
Bizni ham gohe sog'in shurbi mudoming borida.

Ey ko'ngul, gar g'ayr so'zi zahri qotildur, ne g'am,
Lablaridin sharbati yuhy-il izoming borida.

Tarki nomus aylabon badnom bo'lg'il ishq aro,
Kim seni oshiq degay nomusu noming borida.

Bobur ul gul ko'yida bulbul kibi topting maqom,
Bir navoye rost qil mundoq maqoming borida.

Zahiriddin Muhammad Bobur

[Nigora Umarova]

Aqlim tanibmanki, minnatsiz bir baxt,
Minnatsiz umrni qilaman orzu.
Kam-ko’stsiz hayotni etaman ddeb taxt,
Tanho tashvish cheksang, dilim ezilar.
Yo’q, sira yuk bo’lmay, bo’layin mador,
Toki ravon bo’lsin men-la yo’llaring.
Yiqilsang yiqilgum demasman zinhor,
Turg’izmoqqa cho’zgum nozik qo’llarim,
Yo’q, sira yuk bo’lmay, bo’layin mador.
Saida Zunnunova

[Vasliddin Tuychiev]

Raqib bilganlarim qo'rqoq, deb aytsa,
Do'stim dushman undan behroq, deb aytsa,
G'ururi osmonmas, tuproq, deb aytsa,
Ko'zim, yoshlaringni yurakka yashir.

Bevafo atasa ortimdan sanam,
Bebosh deb qarg'asa, tuqqanim onam,
Aybsiz ayblovlardan titrama, tanam,
Tanam, titrog'ingni yurakka yashir.

Lekin vijdon meni inkor etgan kun,
Iymon, e'tiqodni inkor etgan kun,
Ruhim, soqiy bo'lib ajal mayin sun,
Azasiz, ko'zyoshsiz tuproqqa topshir.

Islom Hamro "Xudoyor akaga"

[Nigora Umarova]

Ruhim madad olgil pok oyatlardan,
Sharif hadislardan yog'du olgil she'r.
Men so'ylay zamoniy hikoyatlardan,
Qo'llab tursin o'zi hazrat Alisher...

Marhabo Karimova

[Vasliddin Tuychiev]

Chiroyli o'lim haqida

Ruhlar mozoridan o'tayotgandim,
Qulog'imga bir ingroq indi.
Soqiy yuragimning qonkosasiga,
To'ldirib hayratning mayini sundi.

Qayrildim,
Qaradim,
Jon talash yotgan,
Ruhning o'limini tomosho qildim.
O, qanday chiroyli o'larkan ular.

Islom Hamro

[Masud Mahsudov]

Рўмолни бозорда сотмай қўйишди,
Излайман совғага зарур кезлари.
Ё балки нархими шунчалик ошди?
Нега тақмай қўйди ўзбек қизлари?

Катталар ҳурматин айтмайин майли,
Ерга қарашни ҳам билмас кўзлари
Сақичин эринмай чайнайди кулиб,
Қаёққа кетяпти ўзбек қизлари?

Қаерда юрмасин хаёлда сериал,
“Упа-элик, кийим....”- шулдир сўзлари.
Билимга, зиёга хаттогина сал,
Қизиқмай қўйишди ўзбек қизлари.

Терс жавоб қайтарар, нени сўрсангиз,
Уятдан қизармас гулгун юзлари.
Тарбия сўзидан йўқ бирон бир из
Шаддодроқ чиқдими ўзбек қизлари?

Саҳарлар қўймайди ўсма қошига,
Ҳовлидан келмайди райҳон ислари.
Каломи мос эмас асло ёшига,
Мозийни эсламас ўзбек қизлари...

Балки танқидларим , ранжитди бироз,
Ҳурмат этгум, албат қалбнинг хисларин.
Гапларим барисин этманг эътироз,
Чини ҳам бор жиндек, ўзбек қизлари.

Йўқ, аввали Оллоҳ инсофни берсин,
Кўзимга суртаман босган изларин
Ҳаё, ибо, иффат, одоб дунёсин,
Қайтадан забт этса ўзбек қизлари.

...Рўмолни баҳона қилдим, аслида,
Аччиқроқ туюлар дўстнинг сўзлари
Миллатнинг шаънини тутмоқ васлида
Уни қалбга ўранг, ўзбек қизлари!

Firdavs... 2007 yil

[Vasliddin Tuychiev]

IBOLARI SHARQONADIR

Ikki yurak ishq o'tida to'lg'onadir,
O'zgalardan birin biri qizg'onadir.
Ko'zlar ko'zga tushgan mahal bezovta dil,
Imolari, ibolari sharqonadir.

O'zlarini qo'yishga joy topolmaslar,
Yor vasliga bazmi chaman bahonadir.
Boqqan bilan to'ymaydilar, o'ylaydilar,
Shirin suhbat asnolari shohonadir.

Visol topib orzularga erishganda,
Qo'sha qushday yoriga yor parvonadir.
Mehrlari toblanganin ko'rganda ko'z,
Mo'minning ham ko'nglida ishq uyg'onadir.

[Anvar Latipov]

Rasuli akramdan nurli hidoyat
Onalar oyog`i ostida jannat
Bu hadis ma`nosin o`yladim uzoq
Kitoblar varaqlab izladim uzoq
Rivoyatlar kelar qatorma-qator
Barida onalik maqtovi bisyor
Lekin ular ichra bita rivoyat
Qalbimni larzaga keltirdi g`oyat
Janobi payg`ambar bir kuni nogoh
Mazordan o`tardilar asxoblar hamroh
Qabriston to`ridan bir faryod keldi
Yurakni ezguvchi achchiq dod keldi
Dod emas, hasratli bir nolish edi
Har bir "oh" jon olib, jon berish edi
Payg`ambarimiz shul tomoonga yurdilar
Va yangi qazilgan bir qabrni ko`rdilr
Xayolan Olloh dargohidan ijozat oldilaru
So`ngra ul mayitni so`roqqa soldilr
Rasuli akram dedilar: ayt, to`kdingmi musulmonning qonin?
Mayit dedi: Yo`q og`ritmovdim musichaning jonin
Demak kun ko`rgansan luqmai xaromdan
Yo`q xazar qilganman makruh taomdan
Ey voh! zinomidi gunohing seni
Yo`q shukurkim, halol edi nikohim meni
Unda nedan senga buncha azobdir
Qaysi aybing uchun shuncha g`azabdir
Qurbim yetmas mening javobga
Bir gunoh bir umr qilgan savobga
Xatga o`t tushganday yondi, kuydirdi
Shayton so`nggi lahza yo`limdan urdi
Og`ir betob edim men jon talashib
Yotardim to`shakda istimam oshib
Volidam yonimda girgitdon edi
Suv desam jon tutib mehribon edi
Toki jonim chiqarga yetganda fursat
Dedim: Ey Azroyil, joyimni ko`rsat
Ro`yo bo`lgan edi butun mehtatim
Nasib etgan edi jannatdan joyim
Bu sirdan bexabar bechora onam
O`lmagin bolam deb meni dam-badam
Yuzimdan, ko`zimdan o`pardi giryon
Ruh tanamga qaytganday bo`ldi bir zamon
Men bunday qaytishni onamdan bildim
Qaytarmang deb ul zotning qo`liga urdim
Shundan bekor bo`ldi butun toatim
Tunlar bedor qilgan ming tilovatim
Bildim endi menga hidoyat bo`lmas
Onamdan boshqadan inoyat bo`lmas
Bunday javob tinglab payg`ambarimiz
Dedilar: volidasin izlab tpoingiz
Onaga ahvolni ayon qildilar
Ona kechirdim deya duo qildilar
Shunda qabrdgi faryod ham tindi
Ul mayitga jannat nasibdir endi
Rasuli akramdan nurli hidoyat
Onalar oyog`i ostida jannat

[Aziza Abdunabiyeva]

Taqdir bir kam yaralgandir, dunyo emas,
Bir telbaman, aqlu-xushga oshno emas,
Dil o'tinchim: ketavering ortga boqmay,
Mening uchun siz baxtiyor bo'lsangiz bas.

Mayli, mening osmonimga oy chiqmasin,
Yurgan yo'lim sahro bo'lsin, soy chiqmasin,
Qabrim uchun yer yuzidan joy chiqmasin,
Mening uchun siz baxtiyor bo'lsangiz bas.

Iltimosim : ortingizga boqmay keting,
Baxtli kunda men telbani bir yod eting,
So'nggi so'zim: baxtingizni mahkam tuting,
Mening uchun siz baxtiyor bo'lsangizbas.

[olimbek]

Сизни севиб бўлмас, севдириб бўлмас,
Фақат кўзингизга қарашим мумкин.
Ишқ - бу бир қудуқ, тўлдириб бўлмас,
Ортингиздан тинмай юришим мумкин.

Сизга етиб бўлмас, интилиб бўлмас,
Индамай пинҳона севишим мумкин.
Сизга етсам, агар бахтим хам тугаб,
Дўзах оловида ёнишим мумкин.

Сизни билиб бўлмас, кашф этиб бўлмас,
Тақдир ғилдираги айлантирса ҳам.
Сиз бор, бу дунёда ўлиб ҳам бўлмас,
Бир этак муаммо уйлантирса ҳам.

[Vasliddin Tuychiev]

Mening o'jar boshim

Mening o'jar boshim,
Mag'rur boshimda,
Har kuni yuz qilich sinadi, ota!
Egilay deyman-u, bu bosh bo'ysunmas,
Yana uzilib ham tushmas joyidan.

Ba'zida do'stlarim, ba'zan "katta"miz,
Xususan darg'azab muxoliflarim.
Ba'zida pichirlab, ba'zan baralla -
"Bu o'jar bolani,
Mag'rur bolani
Boltalamoq kerak, -derlar, poyidan!"

Na boshim kesilar,
Uzilmas poyim.
Bu qanday sinoat, aytgin, otajon?
"Bolam, unutmagil, sening zuvalang,
Olingandir O'JAR
O'ZBEK LOYIDAN!"

[Masud Mahsudov]

Нeчун, жоним, кўзлaрингдa нaм?
Нeчун йиллaр қийнaдинг ўзинг?
Дaрдлaрингни кўрaмиз бaҳaм,
Ҳaқиқaтдaн юммaгин кўзинг.

Қaнчa кутдим гоҳидa чидaб,
Гоҳи сeндaн қилиб aндишa.
Мaжбур бўлдим ўзимни aлдaб,
Яшaб юрдим кулиб ҳaмишa.

Қaлбим-чи, у йиғлaр эди жим,
Қaйғулaрин этмaсди ошкор.
Фaқaт розинг кутди юрaгим,
Қaдaминггa бўлиб интизор.

Кўзлaрингни яширмa мeндaн,
Сўзинг тинглaб, қaрaб тўймaймaн.
Мeникисaн. Энди ҳeч қaчон,
Ҳeч кимсaгa бeриб қўймaймaн.



Firdavs...

[Bahriddin Shayvaliev]

Nahot ishq qismati buncha berahm
Bunchalar buyuksan vafo qissasi
Sengadir hurmatim, senga shuhratim
Qahramon jangchining sodiq bevasi

[Vasliddin Tuychiev]

Izingga yuzimni qo'yib, yig'lasam,
Dodlamay, ohista, to'yib yig'lasam.
Yana seni dildan suyib yig'lasam,
Unutgan muhabbat, unutilgan ishq.
Eslab yig'lamoqqa bitta so'z qani?
Yolg'ondan yoshlangan qaro ko'z qani?
Dildan ketar chog'i sukunat edi,
Qiblaga yuzlangan nurli yuz qani?
Manim dilbahorim kuzga aylandi,
Mehr buloqlari muzga aylandi,
Yuragim so'zlari sirga aylandi,
Unutgan muhabbat, unutilgan ishq.

[Masud Mahsudov]

Қалбим қийналади…
Тинч турмайди жон,
Ҳаволар етишмас нафас олгани...
Эриниб оқади
Томиримда қон,
Ичимдан сезаман юрак толганин...
Саҳрода сувсаган муҳожир мисол,
Зўрға қадам ташлар
Кўкракдги мушт.
Гуноҳга кўмилган танамни алҳол,
Тортиб бораяпти ўйчан ва хомуш...
Алам кемирмоқда умрим дарахтин,
Ҳазин куй чалади дилда изтироб...
Бир зумга кўз юмиб,
Олмоқ бўлсам тин
Минг турли ўйларим
Беришар азоб...
Кейин...
Топгандайман дардимга даво,
Май тўла шишани шошиб очаман...
(Не қипти, нафасга етмаса ҳаво?)
Саҳаргача тўйиб-тўйиб ичаман...
Ичаман сипқориб...
Қуяман яна,
Пиёла қўлимдан тушмайди бир он,
Атроф ёришганда, нурдан ўртана,
Кўзимга бошқача
Кўринади тонг...
Танам осмонларда учиб,
нурафшон
қуёшнинг нурларини жо қилиб олди
Ва қийноқ сўзини унутиб бу жон,
Азобу изтироб буткул йўқолди...

Руҳим танҳо қолгандай гўё...

Firdavs...2008 yil

[Vasliddin Tuychiev]

Yodingdan ayro o'tgan lahzalar
Ko'nglim uzra soya tashlab ketadur.
Isming aytayotgan moviy sukunat,
Dilga oromlarni boshlab o'tadur.

Kel-ey, Diloromim, yoding yodimda,
O'zingdan o'zingga yig'lab borurman.
So'zim yolg'on bo'lsa, rostga aylantir
Zikringda turgan ul qoyalar guvoh.

Ko'nglim ishq o'tida yal-yal yonmoqda.
Dilda tog'dan og'ir nolalar guvoh.
Ishqning qilko'priklari tagida mangu
Hijron do'zaxlari lov-lov yongaydur.

Eng og'ir gunohdir Haqni sevmaslik
Dilim ul gunohdan tamom tongaydur.

[Nigora Umarova]

Rizqingni oshig'u kam qilib bo'lmas,
Oz-ko'p deb ko'ngilga g'am qilib bo'lmas.
Bu ishlar sen-mening qo'limizdagi
Mum emas-da, ezib ham qilib bo'lmas.

Umar Xayyom

[Vasliddin Tuychiev]

Sevgi menga bermadi iqbol
Termulaman faqat senga lol
Muxabbatim etganda izxor
Qaramading toshbag'ir ey yor
Sevdim netay qismatim achchiq
Xijron urar yuragimga tig'
Senga yetolmay qilib iltijo
Sherlar yozdim eshit bir dunyo!!!

[Nigora Umarova]

Ona yer – tufroq qolib,
osmon bilan ovvoramiz,
Jon berib, joning olar,
jonon bilan ovvoramiz.

Ko’zlaringga jovdirar,
sarson visol, sargashta ishq,
Yosh to’kib, yirtib yaqo,
hijron bilan ovvoramiz.

Tegramizda hur malaklar,
biri singil, biri yor,
Insof qolib, inson qolib,
shayton bilan ovvoramiz.

Otamiz mezbon edi,
oh,onamiz mezbon erur,
Zor etib har ikkisin,
mehmon bilan ovvoramiz.

Har nafas yoningda dildosh,
har mushkulotingga yechim,
Yaxshilar bunda qolib,
yomon bilan ovoramiz.

Chin haqiqat yo’li boshqa,
chin vafolik o’zgadir,
Haq qolib, Haqqon qolib,
yolg’on bilan ovvoramiz.

Ko’ngli ummon kimsalarning
jilg’asidan suv ichib,
Roz qolib, shukron qolib,
to’g’on bilan ovvoramiz.

Har kishiki, ko’zi ochdir,
ko’r qilar, to’zoni ganj,
Yo’l ko’rsatar sarbon qolib,
karvon bilan ovvoramiz.

Bizni Haq hur ayladi,
nur ayladi, ozod etib,
Har tarafga qulf urib,
qo’rg’on bilan ovvoramiz.

Kimki bizga intizordir,
Farid Afro’z chin so’zim,
Jonim nisor, chin do’st uchun
qurbon bilan ovvoramiz.

Farida Afro'z

[Vasliddin Tuychiev]

Zulflaringiz buncha sho'xu bunchalar bebosh ekan,
Qo'zib rashkimni damo-dam belingizga chirmalar...
Voh-voh, zulfu yaqoning imtiyozi bizda yo'q,
Shu o'kinch birla alam bag'rimni tinmay tirnalar.
Men ado bo'lsam mabodo ul Oxunjon qotili,
Bag'ritosh bitta qalamqosh deb bilingiz, jo'ralar...

Ohunjon Hakimov

[Nigora Umarova]

... Рим устида шамсиядек туманли осмон,
Катта циркка сигишмасдан кайнар оламон:
"Одам билан хайвон уйин курсатар эмиш..."
Бундай килик бизнинг учун кандайин эриш!...
Тишларини иржайтириб букирган йулбарс
Турт тарафга ташланади, талпиниб ларс-ларс.
Оч кузлари конга тулган, сакраб уйнайди...
О, бечора, коч! У сени тирик куймайди!
Ана! Ана, тирногини нишлаб келар у,
Чангал солди! Халк урнидан бирдан турди дув...
Чапак чалди. "Эй, ахмок Рим, севинма конга!
Бундан бошка хурлик борми, ахир инсонга?!-
Деди парча-парча булган гладиатор.
Рим - уйиндан улим кутган жинни театр!"

Усмон Носирнинг "Рим ва Нил" достонидан

[Anvar Latipov]

Rayhon hidlaringni yo`llarimga sep
Kut meni har oqshom
ko`kka oy chiqqach
Faqat yig`lamagin
Gunohim ne deb
Aybing onang seni chiroyli tuqqan

[Masud Mahsudov]

Ўзбeк Ойимгa...

"Киярмиди Ўзбeк ойим эгнигa қорa?
Гaр фaрзaндлaр бир-бирлaрин зaҳaрлaмaсaлaр"

ТоҳирМaлик

Нeчун ҳомуш тортaсaн бугун?
Кипригингдa икки томчи ёш?
Хаёлинг ҳaм пaришон, зaбун,
Бундa нeгa бaлқмaгaй қуёш?
Эгнинггa сeн кийибсaн қорa,
Кимгa янa мотaм тутaсaн?
Фaрзaндингни ўйлaб сeн зор-a,
Қaчонгaчa уни кутaсaн?
Отaбeгинг қaйдaдир ёниб,
Ҳaқиқaтни излaб юрибди,
Тошкeнтгa лeк ўтмaгaй қўниб,
Чунки Кумуш қaбри турибди.
Гaрчи Сeнгa ботсa-дa оғир,
Aйтиш мeнинг бурчи ҳaлолим,
Ўғлингни сeн кўрмaйсaн йиллaр,
Кўрингунчa кўкдa ҳилолим.
"Зaйнaббeгим" ҳaр кун қошингдa,
Тeлбaлигин қилaди кўз-кўз.
Шaртми, aхир, Сeнинг ёшингдa,
Душмaнинггa гaпирмоқ бир сўз.
Қорa кийиб, aзaдор бўлиб,
Доғлaрмидинг шу улуғ дилни?!
Фaрзaндлaринг бир- бирлaригa,
Бeрмaгaндa зaҳри қотилни??!!!


Firdavs 2006 yil

[Anvar Latipov]

Istaysizmi yo`qmi gardun aylana
Istaysizmi yo`qmi qaytib kelaman
Sog`inmagan ko`zingizdan aylanay
Istaysizmi yo`qmi sizni sevaman.

[Vasliddin Tuychiev]

Negadir istardim qiynalishingni,
Yuragingga kamand solmoqchi edim,
Onangga aytolmay qolsang tushingni
Men sening yoningda qolmoqchi edim.

Do'stlar kechib qo'ygan edi bahrimdan,
Kimlardandir qasos olmoqchi edim,
Surib chiqardilar hayotlaridan,
Men sening yoningda qolmoqchi edim.

[Masud Mahsudov]

Мени “бевафо” деб,
Айблама, гулим,
“Меҳрингиз қаттиқ”,-деб
Солма юзимга.
Тошга қиёслама
тирик вужудим,
Тўр солма
ҳар куни босган изимга.

Ширин ўйларингни
Қилма дастурхон,
Бу таом туюлар
Мисоли заққум.
Кўзларингга қараб
Эзилади жон,
Сен-ла қололмайман.
Йўқ бунга ҳаққим!

Виждоним йўл қўймас,
Қалбим қийналар.
Дардим қанчалигин
Билмайсан, гулим.
Пичоқсиз сўйилар,
Тиғсиз тирналар,
Ипсиз осилади
Нотавон дилим.

Бўлди.
Кетаяпман.
Умидингни уз!
Бир нарса тўсиқдир
Пок ниятингга:
Кўксимда илк севгим
Яшайди ҳануз.
Мен лойиқ эмасман
Муҳаббатингга.

Firdavs... 2008 yil, mart

[Anvar Latipov]

Agar odam bo`lsang gapimga tushin
Agar xudo bo`lsang menga yo`l ko`rsat
Sevaman so`zini eshitmoq uchun
Chorak umrim o`tdi hijronga ulfat

Kimga aka, kimga birodar bo`lmoq
Qismatim ruxsat ber etayin barchin
Birovga do`st bo`lib, mehrga to`lmoq
Eng go`zal, eng aziz xislatdir garchi

Akalik jo`ralik tegdi jonimga
Gohida tirilib goho berib jon
Yakka-yu yolg`izing bo`lib yoningda
Yashagim kelyapti besharaf, beshon

Birovlarning g`amdan egik boshini
Silashdan qo`llarim shol bo`ldi,toldi
Bugun sen arta qol ko`zda yoshimni
Bugun mening boshim egilib qoldi

Yulduzlar porlagan shu osmon haqqi
Ona zamin haqqi qasam ichaman
Sen mening bag`rimda birgina balqi
Istasang she`rimda kechaman

Sevaman so`zini eshitmoq uchun
Turibman yoningda kutib shu fursat
g`aribman, ojizman gapimga tushun
Xudo ekanimni olamga ko`rsat

[Vasliddin Tuychiev]

TUNDA

Tun. Olamni qoplagan butkul,
G'animlarning qora niyati.
Milt-milt etar o'chishdan qo'rqib
Odamlarning pok oriyati.

Sitamlarga boshimni qo'yib,
Alam uzra yotarman behol,
Xayolimni qoplaydi kulfat,
Dardni quvish keladi malol.

Kecha - armon, erta-chi - gumon,
Bugun yolg'on, aqlim lol hayron.
Men kulfatdan qochayin desam,
Ayni zamon, oqibat yomon.

Burchga qo'shib, unutdim o'zni,
Bir zum darddan yiroqda bo'lib.
So'ng anduhni sirtdan yashirdim,
Kulganlarning ustidan kulib.

Javlon Abdullo - Kechikkan bahor

[Nigora Umarova]

Birovning qaddini tiklash-chun
O’z qadring tuproqqa tenglama,
Ko’nglingni asragin bus-butun,
Sen uni osmonday keng dema.

Yog’dular sochilar tinimsiz
Ochilsa muhabbat daftari.
Ko’kdagi bir dardday ko’rimsiz
Tuyular dunyoning dardlari.

Goh daryo ko’nglingga qil sig’may
Bir qatim nur tushsa o’t ketar.
Kichrayar hech kimga bildirmay-
Quyunday yoprilsa xavf-xatar.

Birovning qaddini tiklash-chun
Yiqilgan kunlarim ertakmas.
Ololsam-olaman bus-butun-
Menga ham yarim dil kerakmas.

Yo’lingda kamonday egilgan
Dardlarni ichingga yutmagin.
O’zini ardoqlay bilmagan
Ko’ngildan ro’shnolik kutmagin!

Zamira Egamberdiyeva

[Vasliddin Tuychiev]

Nigohingni yashirma mendan
Ko'zlaringga boqayin to'yib
O, umidim shumidi sendan
ne orttirdim mehrimni qo'yib
Bo'lamidi biror yering kam
menga bir bor boqqaning bilan

[Nigora Umarova]

Na gul sayr ayla, na fikri bahor et,
Jahondin kech, xayoli vasli yor et.

Muhabbatsiz kishi odam emasdur,
Gar odamsan muhabbat ixtiyor et.

Uzor-u qaddu raftoringni ko’rsat,
Chaman sarv-u gulini sharmsor et.

Labi maxmurdurmen jomi may tut,
Karam qil, soqiyo, daf’i xumor et.

Analhaq mojarosin aylading fosh,
Kel, ey Mansur, istiqboli dor et.

Duri ashku aqiqu xuni dilni
Kelur yoring ayoqiga nisor et.

Kuyub, ey Nodira, olam eliga
Muhabbat shevasini oshkor et.

Nodirabegim

[Vasliddin Tuychiev]

QILOLMASSAN

Tiriklik chog'ida qilgin vafo so'ngra qilolmassan
Elingni qilgin o'zingdan rizo so'ngra qilolmassan

G'animat har nafas hurmat bilan umringni hurram qil
O'tib ketgay oto bilan ona so'ngra topolmassan.

Belingda quvvating borda bir maqsadga intilgan
Qilay desang olib qo'lga aso so'ngra topolmassan.

Har ishni qilgil vaqtida fursat o'tkazib qo'ymay
Umr so'ng qisqa olis muddao so'ngra qilolmassan.

Jarohit katta bo'lmay chorasin izla avvaldin
Tabibsiz dardingga davo so'ngra topolmassan

qo'lingda ixtiyoring borida sho'xi shahovat qil
Yoqangdan bir kun qazo so'ngra qilolmassan

Kamoliddin Rahimov qo'shig'i

[Sanjarbek Rizoqulov]

Necha kunki yo`q oromim
kelolmayman hushimga
Kechalari onajonim
Kirib chiqar tushimga
Qo`llarida oq yelpig`ich
Oy nurida yaltirar
Onajonim imlab meni
Qoshlariga chaqirar.

[Vasliddin Tuychiev]

Ra'no dedim o'zingni - guldan baloga qoldim,
Shakkar dedim so'zingni - boldan baloga qoldim.

Qaddingga havaslansa, sindirma sanobarni,
"Chumoli" deb belingni, qildan baloga qoldim.

Tun qo'ynida ko'rinmas qaldirg'och qarolari,
So'rmay-so'rib labingni, tildan baloga qoldim.

Bir so'z bilan yutildim - tutildi olov jonga,
Tilim qilgan gunohga dildan baloga qoldim.

Cho'lponlaring suydurgi, hijronlaring kuydurgi,
Ashkimni erkalatsam, seldan baloga qoldim.

Javob qilmas sanamlar, savob bilmas sanamlar,
Ishq yo'llarin o'ng topib, so'ldan baloga qoldim.

Yillar yildan yiroqlab, eslanarmu Mug'anniy,
"Barcha bir - sen bir yon" deb, eldan baloga qoldim.

[Sanjarbek Rizoqulov]

Maylida kimgadir yoqsa
yoqmasa
Ularga qo`shilib yig`lasharmidik
Biz baxtli bo`lamiz
xudo xohlasa
Xudo xohlamasa uchrasharmidik.

[Vasliddin Tuychiev]

Ikki tomchi yosh

Kutganda, sabrim bitganda,
Sog`inchlarim osmon bo`lib yetganda,
Vujudim olovdek yonib ketganda,
Ko`zimdan mo`ralar ikki tomchi yosh.

Seni uzoq kutdim sadoqat saqlab,
Har tong otishidan qorayguncha qosh.
Pok muhabbatimni asrab-ardoqlab,
Ko`zimdan oqardi ikki tomchi yosh.

Sening hayolingda o`tdi kunlarim,
Seni tushlarida ko`rdi tunlarim,
Dunyodan qolmadi aslo sirlarim,
Fosh etdi barini ikki tomchi yosh.

Kelmading, bevafo, kutdim kelmading,
Borlig`im hajringda kuydi, bilmading.
Endi bilsam ekan, bag`ring seni tosh,
Eritolmas hatto ikki tomchi yosh.

Bu og`ir sinovda sinib qolmasman,
Hammasini yengar mushtdek yuragim.
Ammo suratingga ko`zim tushganda,
Yaragim og`rig`iga chiday olmasdan
Yuzlarimni silar ikki tomchi yosh,
Seni yodga solar bu achchiq ko`z yosh...

[Nigora Umarova]

She'r ul tig'i dudamdurkim, jahonni fath etar,
Chekmayin lashkar gar olsa ilgiga har podshoh.
She'r ul ne'mat erurkim, har necha bazl etsalar,
Lazzati ortar, dog'i qadrig'a topmas nuqs roh.

Munis Xorazmiy

[Vasliddin Tuychiev]

ҲУСНУНГНИ, ЭЙ ПАРИВАШ...

Ҳуснунгни, эй париваш, эълон этайму этмай,
Ё дил уйида сақлаб, пинҳон этайму этмай.

Ўлдум ғамингда охир, душманни таънасидан,
Эй ғунчалаб, дилимни сўзон этайму этмай.

Лозим эрурми санга, ағёр ила қўл ушлаб,
Десангки, ман ғарибни яксон этайму этмай.

Мастона кўзларингни васфин дебон саросар,
Ҳолиға ишқ элини гирён этайму этмай.

Аввал олуб кўнгулни, охир хуморлар айлаб,
Бир демадинг висола меҳмон этайму этмай.

Нозик онингни Мискин, бир банд назм узра,
Жо қилди нуқтадонга, осон этайму этмай.

Мискин

[Nigora Umarova]

Yo’q,
Endi ko’nglingdan chiqarolmaysan,
Umringda quyoshday porlayveraman.
Ming yillar qa’riga ketganingda ham,
Men seni samoday chorlayveraman.

Ismingni tonglarga yozaman mahtal,
G’unchalar bargida uxlayveraman.
Yo’q, baxting meningsiz bo’lolmas tugal,
Men seni har lahza yo’qlayveraman.

Otashman,
Dengizman,
Samoman,
Nurman,
Jismu jahoningni o’rayveraman,
Ayt, qanday topasan, qochmoqqa imkon,
Men seni Xudodan so’rayveraman.

Men - so’nggi tomchiman,
Yagona najot.
Faqat sen ichgin deb qistayveraman.
Qo’llarimda qoldi
Eng so’nggi hayot,
O’lsam ham ishqingni istayveraman!

Zebo Mirzo

[Vasliddin Tuychiev]

НА ҚИЛАЙ ГУЛШАННИ...

На қилай гулшанни, ул гул юзли жонон бўлса, бас,
Хоҳламас сунбулни дил, зулфи паришон бўлса, бас.

Рағбатим йўқ сарв бирла сабзаларнинг сайрига,
Маҳвашим ул сарви қомат, қадди райҳон бўлса, бас.

Менга таъриф айламанглар, базми Жамшидни нетай,
Севганим бир соате ёнимда меҳмон бўлса, бас.

Бода кайфидин менга, дўстлар, гапирманг зинҳор,
Маст этолмас май мени, ул кўзи мастон бўлса, бас.

Мискин аҳволин кўриб, бедардлар нелар демас,
Боқ йўқ эл таънасига, ўзи севгон бўлса, бас.

Мискин

[Sanjarbek Rizoqulov]

Siz yoqqansiz menga hamisha
Faqat buni etmovdim oshkor
O`ylovdimki yurak topishar
Bizdan ketgach sabr-ixtiyor

[Vasliddin Tuychiev]

Rayhonni so'ldirmoq gunohi azim,
Ey Sanam, qarshingda aylayin ta'zim,
Sen-la nishonlamoq umrbod bazm -
Orzumdir, shul yo'lda o'lsam, roziman,
Ishq yurtida osiy bo'lsam, roziman.

[Sanjarbek Rizoqulov]

Netay, peshonamda shu dard bor bo‘lsa!
Qaniydi bu dardga xaridor bo‘lsa...
Seni tanlarmidim, ixtiyor bo‘lsa!
Holim yomon bo‘ldi seni sog‘inib.

[Anvar Latipov]

Bu azob eng sodiq do'stimdir mening,
Yillar yitsa hamki also yitmaydi.
Qari, sadoqatli kuchuk singari
Men bilan birgadir,hargiz ketmaydi.

Dillar diyoridin quvg'in qush yanglig'
Menga o'rgangandir bu armon yomon.
Men unga qonimdan suv ichirgayman,
Ko'zim gavharidan bergaydurman don.

Bir kun bormasam gar tashvishga tushar,
Inlardan bag'rida ingrabon ming dog',
Shomlar derazamga kelib diydirar,
Mensiz yasholmaydi hech qachon bu bog'.

Qayg'u men bo'lmasam qayg'u chekadi,
Anduh tunlar menga achchiq choy damlar.
Men beg'am yashasam bo'lardi, lekin
Mensiz yasholmaydi hech qachon g'amlar.

[Vasliddin Tuychiev]

Ramazon keldiyu biz, qilmadik tavba.
Qilib turgan gunohlardan jilmadik tavba!
Erta- indin ketgusidir umidin uzib,
Qilib "tavba" Ramazon, qilmasak tavba.

[Aziza Abdunabiyeva]

Azal kayfu-safolar nodonlardan ortmagan,
El g'ami-la ishi yo'q, bedor tongi otmagan.
Biz yeg'lasak hayronlar, o'zlaridan ayrolar,
Qaydan bilar holimiz, sho'ru-g'avg'o totmagan.

[Masud Mahsudov]

Нега шеър ёзмайин, этмайин ижод?!
Нега қалбимдагин сочиб тўкмайин?!
Ахир шу ёш юрак этганда фарёд,
Сатр келаверар ёзганим сайин.

Ижодим – ишончим – сирим ишонган,
Ҳаётга умидим, ҳам тожу тахтим.
Ёшлик сурурини инъом этолган,
Ҳеч қачон тарк этмас ягона бахтим.

Ойдин кечаларда дардларга дармон,
Қувончга ҳамроздир шодон онларда.
Дилимда яширин, ушалмас армон,
Унда мужассамдир, этгумдир баён...

Шеърим – туйғуларим этган ифода,
Шеърим – етолмаган чин муҳаббатим.
Шеърим – бу туганмас темир ирода,
Шеърим – ўйларимда етган сарҳадим.

Firdavs....2004

[Nigora Umarova]

Men seni topgandim, ammo yaxshi qol,
Sen “yaxshi qol”, degil, “ko’rishguncha”mas.
Bul quyosh hali ko’p ol bo’ladir, ol,
Bul oy ham umrimga ko’p qiladir qasd.

Sen sherik bo’lmaysan endi g’amimga,
Darvoqe, hech qachon sherik qilmadi.
Xayr endi, ma’zur tut ortiq-kamimga,
Men seni Laylodek seva bilmadim.

O’rtanma, bul xato mushkullaridan,
Yo Rabbiy, lahzada bor orzular puch.
Men ham qaydan bilay ishq yo’llarida-
Majnun emas, Senga kelarimni duch…

Halima Xudoyberdiyeva

[Sanjarbek Rizoqulov]

Charxning men ko`rmagan jabru-jafosi qoldimu
Xasta ko`nlim chekmagan dardu-balosi qoldimu

Meni xor etti-yu qildi muddaini parvarish,
Dahri dunparvarning o'zga muddaosi qoldimu?!

Meni o'lturdu jafoi javr birla ul quyosh,
Emdi turguzmak uchun mehru vafosi qoldimu?!

Oshiq o'lg'och ko'rdim o'limni o'zimga, ey rafiq,
O'zga ko'nglimning bu olamda harosi qoldimu?!

Ey ko'ngul, gar Bobur ul olamni istar, qilma ayb,
Tengri uchun de bu olamning safosi qoldimu?!

[Nigora Umarova]

...Ushbu hayrat birla ko’rgan naxli qaddi jilvagar,
Bovar etmas gar ulus bersa shahodat, deb basher,
Orazi andoq musaffo kim qilib bo’lmas nazar,
Badri ruxsorin ko’rub, bo’ldi xijolat bu qamar,
Rashki Yusuf bir buti zeboya oshiq bo’lmisham....

Mahzuna

[Sanjarbek Rizoqulov]

Mening nimam kerak ayt senga dunyo
Mening yuragimdan o`zga nimam bor
Nega ostonada turibsan beshik
Mening chiqishimni kutyapsanmi dor

Men oddiy yshadim bitta yuz bilan
Va bitta yuz bilan o`taman dunyo
Bo`ldi qovog`ingni osma bunchalar
Bir kuni tuproqqa ketaman dunyo

[Masud Mahsudov]

Ёлғизоёқ йўлда ҳорғин, ўй суриб,
Барча хўрликларни дилдан олиб тан,
Ҳақиқат шаҳридан қадамин буриб,
Тубанлик сориға кетмоқда Ватан.

Гарданда юк катта... Паймонаси лим,
Ортига қарашга юрак бетламай,
Танбеҳ, ҳақоратга қулоқ солиб жим,
Ҳар онда заққумни ютмоқда Ватан

Уфқ-чи, ҳеч кўринмас....Ҳукм сурар тун,
Қоқ саҳро бозорга айланмиш, хайҳот!
Сотувчи – фирибгар, харидор - малъун.
Қадрини арзонга сотмоқда Ватан

Гуллашни ўрнига, ҳар баҳор сўлиб,
Томирдан бир қатра сув ҳам келмасдан,
Фақат Яратгандан умидлар қилиб,
Ҳақиқий эгасин кутмоқда Ватан


Firdavs...2008 yil

[Nigora Umarova]

Neni yaratmoqchisan, bu yaralgan dunyoda,
Parvardigor yaratgan senu mendan ziyoda.
Qur'angga tushibdimi yashamoq degan qismat,
Yo'lni boshlabsan, endi, davom ayla marhamat.
Ruhing muvozanating buza olmasin aslo,
Bu manzilda na g'amu, na tavajjuh, iloho.

Volfgang Gyote

[olimbek]

Oртингиздан юриш шарт эмас,
Сизни кутиб туриш шарт эмас.
Қайғунгизда қон бўлди жоним,
Севиш керак, яшаш шарт эмас.

Минг йигитдан бириникисиз,
Қалбим ичра тўриникисиз.
Вулқондаги тоғ-тошлар каби,
Куйиш керак, яшаш шарт эмас.

Сочларимдан тирноққача ишқ,
Ялангликдан сўқмоққача ишқ.
Оловдаги Самандар бўлиб,
Туриш керак, яшаш шарт эмас.

Ҳар йигитнинг бошида бор йўл.
Биз бандамиз, яратганга қул.
Ошиқлардек дорга буриб йўл,
Ўлиш керак яшаш шарт эмас.

[Nigora Umarova]

Sen yaxshisan,
Men yomondirman.
Sen borsanki, men omondirman.
Meni qattol yaratgan hayot,
Seni qilgan ojiz, benajot.
Sen - niholsan, zavoling o'zim,
Sen - tiriklik, men esa - o'lim.
Kunduz bo'lsang, men tun bo'laman,
Sen bor bo'lsang, butun bo'laman.
Beomonman, lekin omonman,
Chunki sendek men ham insonman...

Erkin Vohidov

[Vasliddin Tuychiev]

Nasib etmagankan sizga sevilmoq,
Kasib aylamangiz nazimni o'rtoq.
Sevgini hor etib, zarini to'kib,
Takror aylamangiz ommaga mundoq.

Muhabbat berilgan har bir jonzotga,
Sevisni bilarkan hatto qumursqa.
Lek uni qadirlab, avaylab asrash,
Nasib etmasikin tokis barchaga.

Sevgimning mevasin darvishlar terar,
Boshimu, vujudim tunu kun titrar.
Etibmidim sizlarga sevgimning arzin?!
Umrimmi zavoli tinmay tentirar.

Har bir mo'jizaning poyoni bormish,
Sevish ham sevilish ertak kabimish.
Noloyiq sevilib, tark bo'lmish Loyiq,
Men sevdim Robbimni aniq farmoyish.

Seving siz Robbini, Asl Lateefni,
Seving siz Raufni, seving Saburni.
Sevdim man Wadudni ortiq jonimdan,
Seving siz Wajidni, yolghiz Majeedni.

[Komila Baxtiyor qizi]

Inson qalbi bilan hazillashmang siz,
Unda yashar ona, yashaydi vatan.
Uni jo'n narsa deb o'ylamang hargiz,
Hayhot qo'zg'almasin bu qalb da'fatan...
Abdulla Oripov.

[Nigora Umarova]

Necha yilki yo’lingizga zor-zor bo’ldim, sultonim,
Gulzor edim, yetolmayin ozor bo’ldim, sultonim.

Ko’z yoshlarim seldek oqdi, qarog’larim ko’mildi,
G’amu hijron lahad bo’ldi, mozor bo’ldim, sultonim.

Ko’kda mag’rur oyu quyosh, men zaminda sadpora,
Vasl uyiga yetolmadim, osor bo’ldim, sultonim.

Yo’lingizda shirin jonni fido qilmoq niyatim,
Umidlarim sarob o’ldi, afgor bo’ldim, sultonim.

Poyimga tiz cho’kmish bukun buyuk tog’lar, Hisorlar,
Nahot sizga nasib etmas bozor bo’ldim, sultonim.

Bunchalar ham shijoatsiz, hadsiz bo’lurmi odam?
Nazdingizda men Ra’nomas, bird or bo’ldim, sultonim…

Ra'no Yarasheva

[Sanjarbek Rizoqulov]

Mening muhabbatim nimaga arzir
Nimaga ham arzir yonib-kuyganim
Mehr bu-sunnatdir, mehr bu-farzdir
Seni Xudo suysin mening suyganim

[Komila Baxtiyor qizi]

Muallaq gaplarni so'ylama menga,
Men endi yer uzra topganman qo'nim.
Inson deb falakka hayqirmoq nega,
Inson yoningdaku, u mening qo'shnim.
Abdulla Oripov

[olimbek]

Мен ўшаман, юрагингни ёндирган олов,
Мен ўшаман, висол дея терганинг лола.
Мен ўшаман, биров билан кўрмагунча то,
Севгисини тан олмаган ўша дилпора.

[Anvar Latipov]

Agar farhodning shirin bo`lsa Majnunnig Laylosi
Nasib qilmish menga gulshan aro gullar ra`nosi
Anvar


Agar or etsa Layli haqlidir Qaysning jununidin
Ne baxt Ra`no xaridoring talab ahlining mirzosi
Ra`no

[olimbek]

Иймони бор дўстинг бир хил турармиш,
Ҳақни ҳақ, ноҳақни ноҳақ деярмиш.
Йиғласанг йиғлармиш, кулсанг кулармиш.
Сенда поклигингда қолгин.ю иймоним,
Мендан юзинг бурма қоши камоним.

[Nigora Umarova]

Meni men istag'an suhbatig'a arjumand etmas,
Meni istar kishilarni mening ko'nglim pisand etmas...

Alisher Navoiy

[Aziza Abdunabiyeva]

...Sun'iy endi labda tabassum,
Dilimda qon yig'lab yuribman har on.
Soxtadir gul ko'rib quvonishim ham,
G'unchalar o'rnida qovjirar hazon.

Avvalgi taftli o't, shodlik endi yo'q,
Barchasin to'ldirdi beda'vo armon.
Endi o'sha armon bir umr meni,
Ezib, yuragimga bo'lar hukmron....


Aziza To'lqin qizi (men)

[Nigora Umarova]

...Sun'iy endi labda tabassum,
Dilimda qon yig'lab yuribman har on.
Soxtadir gul ko'rib quvonishim ham,
G'unchalar o'rnida qovjirar hazon.

Avvalgi taftli o't, shodlik endi yo'q,
Barchasin to'ldirdi beda'vo armon.
Endi o'sha armon bir umr meni,
Ezib, yuragimga bo'lar hukmron....


Aziza To'lqin qizi (men)

Forumimizda Firdavsdek shoirlar-u, Aziza Abdunabiyevadek shoiralarning borligi tahsinga sazovor.:clapping:

Bu nazm bog'iga kirolmas xazon,
Bizni mahv etolmas zavol lashkari.
Men ketsam mung'aymas o'rnim hech qachon,
Bu bog'lar bir bog'lar bo'ladi,
deb yozgan edi Zulfiya.

Ko'rinib turibdiki, o'zbek adabiyotining she'riyat bo'stoni kelajakda yanada gullab-yashnaydi

[Nigora Umarova]

...Sun'iy endi labda tabassum,
Dilimda qon yig'lab yuribman har on.
Soxtadir gul ko'rib quvonishim ham,
G'unchalar o'rnida qovjirar hazon.

Avvalgi taftli o't, shodlik endi yo'q,
Barchasin to'ldirdi beda'vo armon.
Endi o'sha armon bir umr meni,
Ezib, yuragimga bo'lar hukmron....


Aziza To'lqin qizi (men)

Nima desa - ko’ndim bariga,
Men jonimni jabborga berdim.
Bu dunyoning odamlariga-
Kelar juda yaxshi ko’ringim.
O’zni olib qochar ko’zlarim,
Tilim!
Mening tilim so’yilgan.
Bu dunyoning bari so’zlari
Menga qarshi qayrab qo’yilgan.


Xosiyat Rustamova

[Akhmad Kodirov]

Termuldim ko’nglimning ziyolariga,
Hayratda to’xtadim, dardda lol qotdim.
Azizim sevgimning duyolaridan,
Cheksizlik oralab men seni topdim.

Taqdirda besarhad huvilladi tan,
Men unda kashf etdim bir gard yurakni.
Va uni yop-yorug’ etdim sen bilan,
Va yana joyladim nurli falakni.

[Masud Mahsudov]

Ишқим пинҳон тутгум, асло ошкор этмам ёрима,
Изтироб-азоб ўтини бермагум дилдорима.

Кузги япроқ сингари дил сарғайиб сўлди тамом,
Келди кўклам, лек яшилдан қатра йўқ гулзорима.

Айни фасли ёшлигимда келди-ю, кетди шитоб,
Энди қилмам қанча афсус, эшитмайди зорима.

Қўлим ишда, ёр ёнима, кўнгул бунда шод эди
Йўқотиб лол ўлтирибман, ҳеч унум йўқ корима.

Қай ерни ул этди макон осмонними, ё замин?
Менки тайёр кетишликка, қўлни силтаб борима

Оразини кўрмоғим чун интиҳодан қайтмагум
Майли қўйсин икки устун ва сиртмоқни дорима.

Оҳларимга қулоқ тутмас дўсту ёрон минг тараф,
Баён этдим дардларимни шу мўъжаз ашъорима.

Firdavs...2007

[Akhmad Kodirov]

Yillar umrimizga qilarmu shafqat,
Biror so`z bormikin aylagali yod.
Qayta tiklash mumkin barchasin faqat
Qayta tiklanmagay o`chsa xotirot.

[Sanjarbek Rizoqulov]

Tuxumdan chiqdi-yu, keltirib uni
Shu kichik hovuz tomon otdilar
Tashlandiq xazon eb o`tadi umri
Xoru-xas xazonlar ustin yopdilar

Dunyoda ko`rgani shu tor hovuzcha
Va keksa tollarning achchiq xazoni
Menga alam qilar tilla baliqcha
Shu kichik ko`lmak deb bilar dunyoni

(Yoddan yozdim, xato bo`lsa, uzr)

[Nigora Umarova]

Issiq kul ustida qog'oz o'rami,
Tutab-tutab yonib ketadi.
Ko'z ilg'amas olovning dami,
So'z va misralarni yutadi.

Shunday g'amgin o'tadi umr,
Tutunga aylanib kunma-kun.
Mana shunday so'nmoqdaman, jim,
Chidab bo'lmas azobda beun.

Falak! Agar bir martagina,
Taratsa u yorqin alanga,
Ikkilanmay, qiynalmay sira,
Bir marta charaqlab, so'nardim yana.

Fedor Tutchev

[Akhmad Kodirov]

Alhazar-alhazar ming bor alhazar
Ana yurishibdi kiyganlari zar.
Qodiriyni sotib shoir bo`lganlar
Mehrobingdan chiqqan chayonlaring bor.

Mahammad Yusuf

[Nigora Umarova]

Ayo soqiy, sunib joming qil ehson, yashnasin dillar,
Ko'rundi avval ishq osonu so'ngra tushdi mushkullar.

Sabo yechmoqchi bo'lgan sochining xush bo'yiga ont kim,
Muanbar halqa-halqa sochidin qon bo'ldi ko'ngullar.

Botir sajjodani mayga agar piri mug'on aytsa,
Yo'lovchiga erur ma'lum yo'l ahvoli va manzillar.

Menga yor o'yida ishrat qurish imkoni yo'q har dam,
Qilurkan qo'ng'iroq faryod, bog'lang yukni, g'ofillar.

Qorong'udir kecha, qo'rqinchli mavj, dahshatlidir girdob,
Na bilgay holimizni chetda turgan yuki yengillar.

Yomon ot birla fosh o'ldi ishim oxir o'jarlikdan,
Nechun pinhon qolur sir so'zlasa majlisda oqillar.

Agar vasl istasang undan yiroqqa ketma, ey Hofiz,
Tilakni izla, qo'y dunyoni, ber orzuga tabdillar.

Hofiz Sheroziy

[Sulhiya Gaziyeva]

Yo’llar
Yo’llar armonlarga boshlasalar ham,
Armonlar ko’zlarni yoshlasalar ham
Yo’llar baxtsizlikka chorlasalar ham
Baxtsizliklar qalblarni tirnasalar ham
Insonlar bu yo’lni do’sti deb bilar
Aslida bu yo’llar dushmanlik qilar
Insonlar bu yo’lga intilib yashar
Go’yoki bu yo’llar baxtni keltirar
Qaniydi yo’llarimiz farovon bo’lsa
Yo’llardagi orzular amalga oshsa

[Sulhiya Gaziyeva]

Orzularim bepoyon
Yolg'iz Allohga ayon
Orzularim ushalsin
Armonlarim qolmasin.

[Aziza Abdunabiyeva]

Nega meni doim azoblarga tashlaysan,
Nega ko'zlarimni qayta-qayta yoshlaysan,
Endi sevinch tuysam, ters aylana boshlaysan,
Javob bergin, menda qasding bormidi, hayot?!

[Nigora Umarova]

...Tunlar, axir, o'ynamoqqa men bilan shatranj,
Parket polga cho'q tusharlar oy nur sepgan choq.
Anqib ketar akats bo'yi, oyna ochiq lang
Va iztirob gung termular, sochlari oppoq.

Boris Pasternak

[Sulhiya Gaziyeva]

Qarindoshlariga oqibat qilmas-
Odamni qarindosh atamoq bo'lmas.
Uzilgan qardoshlik rishtalarini
Bog'lovchi mo'minlar qarindoshdir, bas.

[Nigora Umarova]

Sendanmu chu bezor bo'layin? Yo'q, yo'q, yo'q!
Bir boshqasiga yor bo'layin? Yo'q, yo'q, yo'q!
To bog'i visolingda faqat gul ko'rdim,
Guldin kechibon, xor bo'layin? Yo'q, yo'q, yo'q!

Jaloliddin Rumiy

[Aziza Abdunabiyeva]

Qattiq titroq chulg'aydi meni,
Ko'rgim kelsa seni, sog'insam gar.
Bugun suyib erkalardim, ukajon, seni,
Hayotda ayriliq bo'lasa agar.

Hayotda o'lim bo'lmaganida,
Bugun bo'larmiding aziz suyanchim.
Qalbimni sog'inch o'rtaganida,
Suratingdir yolg'iz yupanchim.

Afsus o'lim bor, ayriliq mavjud,
Shularni deb olamni erta tark etding.
Sen borligingda quvnoq ko'zlarni,
Ukajon, sog'inchdan yeg'latib ketding.

Tun-u kun yodimda-yu, har dam hayolimdasan,
Begunohim, jannatiysan, shundan ko'nglim to'q.
Sog'inch ezsa majruh qalbim, ukajon, netay,
Suratingga termulishdan o'zga choram yo'q...!

Aziza To'lqin qizi

[Nigora Umarova]

Qoshi yosinmu deyin, ko'zi qarosinmu deyin,
Ko'nglima har birining dardi balisinmu deyin.

Ko'zi qahrinmu deyin, kipriki zahrinmu deyin,
Bu kudurat ichra ruxsori safosinmu deyin?!

Ishq dardinmu deyin, hajri nabardinmu deyin,
Bu qattiq dard aro vaslining davosinmu deyin?!

Zulfi dominmu deyin, la'li kaliminmu deyin,
Birining qaddin, yana birining adosinmu deyin?!

Turfa xolinmu deyin, qaddi niholinmu deyin,
Moviy ko'nglak uzra gulrangi qabosinmu deyin?!

Charx ranjinmu deyin, dahr shikanjinmu deyin?!
Jononima har birining javru jafosinmu deyin?!

Ey Navoiy, dema qoshi ko'zining vasfini, ayt
Qoshi yosinmu deyin, ko'zi qarosinmu deyin?!

Alisher Navoiy

[Sanjarbek Rizoqulov]

Netay, peshonamda shu dard bor bo‘lsa!
Qaniydi bu dardga xaridor bo‘lsa...
Seni tanlarmidim, ixtiyor bo‘lsa!
Holim yomon bo‘ldi seni sog‘inib.

[Nigora Umarova]

Bildim, endi shuncha bergan va'dalar yolg'on ekan,
Ko'nglingizni o'zgalar o'z ko'ngliga olgon ekan.
Men ko'ngil berdim, u ham menga ko'ngil berdi desam,
Ayriliq o'z xanjarini ko'ksimga o'qtalgon ekan.
Yosh ekanman, bilmaganman va'dalarning oxirin,
Bevafolikka kishilar o'rganib qolgon ekan.
O'qibat, mehru muhabbat zarra ta'sir etmadi,
Shum raqiblar yorni beshak yo'ldan ozdirgon ekan...

Cho'lpon

[Akhmad Kodirov]

Nelardandir ko`ngil bo`lib g'ash
ham egilib bu egilmas bosh
Bu holimga berolmay bardosh
Bir mushtipar onam yig'laydi
Qolganlari yolg'on yig'laydi.


Tog'aymurod

[Sanjarbek Rizoqulov]

Ikkimiz uchun ham yolg'iz shu oftob,
Ikkimiz uchun ham yagona zamin.
Men ham sening uchun bitmadim kitob,
Sen ham shuhratimni etmassan ta'min

[Nigora Umarova]

Nafrat o'lkasidan hijrat qilganman,
Ulfat diyoriga maskan qurganman.
Yuzimni o't emas, gulga burganman,
Samoviy zavqlarga to'lib turganman.
Bulbullar sevgini maqtagan damda!

Chechaklar o'sg'usi ko'z yoshlarimdan,
Bo'g'inlar ung'usi o'ylashlarimdan.
Qalblar yumshag'uchi sayrashlarimdan,
Sevgi chamanida yayrashlarimdan.
Jannatlar yaratg'ay tashlangan janda.

Tilingan tillarga qon yug'urg'usi,
Bo'shalgan inlarga jonlar kirg'usi,
Tikanli boqchalar chechak ko'rg'usi,
Haq yo'li, albatta, bir o'tilg'usi
Jandalar tanimga tekkan kunlarda!...

Cho'lpon

[Sanjarbek Rizoqulov]

Alhazar, alhazar ming bor alhazar
Ana yurishibdi kiyganlar zar
Qodiriyni sotib shoir bo`lganlar
Mehrobingdan chiqqan chayonlarin bor

[Aziza Abdunabiyeva]

Alhazar, alhazar ming bor alhazar
Ana yurishibdi kiyganlar zar
Qodiriyni sotib shoir bo`lganlar
Mehrobingdan chiqqan chayonlarin bor



Uzr, Sanjarbek, Muhammad Yusufning ushbu she'ri avval yozilgan edi. Iltimos, yozilgan she'rlarni qayta yozmasangiz.

[Sanjarbek Rizoqulov]

Alhazar, alhazar ming bor alhazar
Ana yurishibdi kiyganlar zar
Qodiriyni sotib shoir bo`lganlar
Mehrobingdan chiqqan chayonlarin bor



Uzr, Sanjarbek, Muhammad Yusufning ushbu she'ri avval yozilgan edi. Iltimos, yozilgan she'rlarni qayta yozmasangiz.

Rahmat, ogohlantirish uchun!

Avval hayron qolding, quvonding, kulding,
Jim qotding. Ko’zingga yosh olding birdan.
So’ng begonaday menga termulding,
Yig’i nuqsi urgan nigohing bilan.

Xavotir ichida deding: „Men ketdim...“
To’xtading. Xo’rsinding. Jo’nading shitob.
Kuzgi chorbog‘ aro yo’qolding, yitding,
Atlas liboslarga belangan sarob.

Avval hayron qoldim. Beparvo kuldim.
Jim qotdim. Go’dakday yig’ladim birdan.
So’ngra begonaday ko’kka termuldim –
Men hanuz falakka begonadayman...

[Sulhiya Gaziyeva]

Nafosatni sevar ahli mo'minlar,
Shirindir nazokat bo'g'in asali.
Chiroyli kiyining, odamlar aro
Yuzdagi xol kabi bo'ling go'zali

[Masud Mahsudov]

Ичаман, қуй майдан бўлайин сармаст,
Дардларим тарк этиб ором олайин.
Қалбимда қолмасин заррача араз,
Фақат ўзим билан ёлғиз қолайин.

Ичаман, вужудим ёнмоқда шу дам,
Ўртаниб, танамга сиғмайди руҳим.
Сезмайман ҳеч нарса; юмуқ кўзлар ҳам,
Унутдим ғуссаму, ғамим, андуҳим.

Ичаман тўйгунча, яшаб чарчадим,
Токи шароб сабаб бироз олай тин.
Ажралиб бутунлай барча-барчадан,
Майнинг ишқи билан охир ўлайин.

Ўлсам...безовта ҳам бўлмайман бошқа
Балки ҳеч ким келмас ҳолимни сўраб.
"Яшамаган", - деб ёз қабрим тошига,
Кузатгин “ишқ” деган кафанга ўраб!

2006…

Firdavs

P.S. Sanjarbek Rizoqulov va boshqa foydalanuvchilar... Iltimos, she'rni keltirganda, muallifini ham yozib qo'yishni yoddan chiqarmanglar... Avvaldan rahmat...

[Sanjarbek Rizoqulov]

BEKOR. YOLG'ON!

Bekor. Yolg’on. Botmagan,
Muhabbatning quyoshi.
Tun keldi deb dodlagan,
Bevafolar ko’z yoshi.

Men boraman. Bu jonim,
Senikidir... O’ksima.
Tunda qo’rqma. Oq tongning
Bir parchasi ko’ksimda...

Usmon Azim

[Aziza Abdunabiyeva]

Asl sevgi faqat bitta bo'ladi,
Yoshlik bir marta bo'lgani kabi.
Inson hayotga bir bora kelib,
Faqat bir marta o'lgani kabi.

Aziza To'lqin qizi

[Sanjarbek Rizoqulov]

JONINGIZ QAYDA?
Ishqning osmonida oyga qo’shilib,
Aylangan boshingga bulutlar qaytar.
Mening quchog’imda kuyday eshilib,
Asta shivirlaysan:
- Joningiz qayda?

O’g’irlaysan barcha kalitlarimni,
Sandiqlar ochilar – senga sir aytar.
Izlaysan Qo’ng’irot, Yovmudlarimni,
Horib shivirlaysan:
- Joningiz qayda?

- Shumi? – Qilichimni ko’lga tashlaysan.
- Balki bu? – qo’lingni cho’zasan yoyga.
So’ngra yig’lab-yig’lab so’roq boshlaysan:
- Bir marta ayting-chi,
Joningiz qayda?

O‘zingni qadringni suvga otasan,
Mening izzatimni qotasan loyga.
Bolang o’lgan kabi fig’on tortasan:
- Hamon tirikmisiz –
Joningiz qayda?
Og’ular qo’shasan hamma oshimga,
Har qanday qasoslar tuyilar mayda.
Yalinib turasan yana qoshimda:
- Nega o’lmayapsiz?
Joningiz qayda?

Jonim senda deyman – aylanmas tilim,
Jonim sensan deyman – yuragim to’nar...
Mening omonatim...
Jonim!
Sevgilim!
Endi seni qanday asrasam bo’lar?...

Usmon Azim

[Nigora Umarova]

Rab, qandoq kunga qoldik, bu nechuk savdo?
Odamlarda na shafqat bor, na mehru vafo.
Yigitlarda odob yo'qdir, qizlar hayosiz,
Xotin zoti kun o'tkazmas bir mojarosiz.
Qo'yib bersa el bir-birin o'yar ko'zini,
Ovboshilar esa faqat o'ylar o'zini...
Dunyo oxir, birodarlar, yo'q endi hayot.
Kuni kecha tamom bo'ldi oxirgi mamont..."
Qadim ajdod o'kinch bilan cho'kib soyaga,
Bu so'zlarni cho'kich bilan yozdi qoyaga.

Erkin Vohidov

[Abduganiyev Murod]

Agar sevgi gunoh bo'lsa
Demak menda gunoh bor
Ul gunohdan xabardor
Faqat bittta guvoh bor
Ul guvohim aytolmas
O'zgaga sirin oshkor
Chunki uning o'zi ham
Xuddi menday gunohkor.
(No name)

[Anvar Latipov]

Rauf Parfi degan bir odam -
Ko'zoynakli, sochi oq darvish.
Og'ir-og'ir bosadi qadam,
Yelkasida uxlab qolgan qish.

Rauf Parfi degan bir osmon -
Og'riq -yulduz charaqlab turar.
Kahkashonmas,dardli bir doston
Ko'kda tig'dek yaraqlab turar.

Rauf Parfi degan bir daryo -
Shovullaydi tinmay hamisha.
Sahrolardan qochib chanqog'in
Qonndiradi tunda binafsha.

Rauf Parfi degan bir daraxt -
Yaproqlari za'far, sarg'argan.
Quyosh esa uning shoxidan
Har kun uchib tushayotgamn barg...

Xurshid Davron

[Sanjarbek Rizoqulov]

Rahmat anchadan beri kutayotgandim "G' harfida tugashini. Axir, bu mening eng sevimli she`rlarimdan biri-da.

Go`daklikdan ma`lum har odam
Bola boshdan degan gap to`g`ri
Maboda men shoir bo`lmasam
Bo`lar edim bezori o`g`ri.

Jikkakina sho`x bola edim
Tengdoshlarim ichra qahramon
Qaytar edim ko`chadan doim
Burnim pachoq. usti-boshim qon

Qo`rqib ketgan onam qoshida
Derdim tutib o`zimni mahkam
Hechqisi yo`q yiqildim toshga
Ertagacha qolmas o`rni ham.

Yillar o`tdi, ketdi bolalik
Nihoya yo`q armonlarimga
Yoshlikdagi jo`shqin olovlik
Ko`chdi she`ru-dostonlarimga

Bolalaigim hamon qolmagan
Hamon baland, o`tli ko`kragim
Bolalikda burnim qonagan
Bugun esa qondir yuragim.

Mendan kulgan to`da qoshida
Tutib deyman o`zimni mahkam
Hechqisi yo`q yiqildim toshga
Ertagacha qolmas o`rni ham

Sergey Esenin
(Yoddan yozdim, xatosi bo`lsa, uzr)

[Ra`noxon Xo`jaeva]

Men sizni o`ylayman shomu saharda,
Ona, sog`insam ham bora olamayman,
Tunlari charog`on shunday shaharda
Hech kimga ko`nglimni yora olmayman.

Men siz aytgandayin hammani sevdim,
Hammaga ishondim, mana oqibat:
O`z do`stim uyiga ko`mildi sevgim,
Kun bo`lib ko`ksimni kuydirdi nafrat.

Boshimdan o`tgani ko`kka ham ayon,
Yulduzlar qiqirlab kular oqbadan:
Men –zangor yaylovda olis, bepoyon,
Uyuridan ajrab qolgan qulunman…

Mana, men ketayapman tosh yo`lda ko`zim,
Qadamim moshinlar yo`rg`asiga mos.
Yig`lasam yupatib o`zimni o`zim,
Pishqirib qo`yaman toychoqlarga xos.

Va sizni o`ylayman shomu saxarda,
Ona, sog`insam ham bora olmasman.
Tunlari charog`on shunday shaharda
Hech kimga ko`nglimni yora olmasman…

Ha, sevgi haqida. U dilga ne zeb,
Kuyinmang, ne iloj qilmasa nasib,
Baxtimga hamisha Siz sog` bo`ling deb,
Sog`ingan o`g`lingiz – Muhammad Yusuf.

MUHAMMAD YUSUF

[Akhmad Kodirov]

Faqr aro berangliq dushvor erur behad, valek
Xirqada tikmak erur oson qizil, sorig’, yashil.

Ey Navoiy, oltinu shingarfu zangor istama,
Bo’ldi naming rangidin devon qizil, sorig’, yashil.

Alisher Navoiy

[Nigora Umarova]

Lahzaga joyladim million yillarni -
Yuragimga kirdi qo'rqinch vahima:
Tog'lar osmonotar to'lqinlar kabi
Yugurib borishar cheksiz sohilga.

Lahzani milliard yillarga cho'zdim -
Qalbimni qamradi karaxtlik, hayrat:
Tog'lar tizmasida qotdilar to'zg'in -
Horigan to'lqinlar qoldilar yayrab.

Shunday o'yin topdim ermakka bu dam,
Jonimdan o'tkazdi hayot maromi:
Netay, tog'lar mustar turgani - turgan,
Netay, dengizlarning yo'qdir oromi.

Usmon Azim

[Akhmad Kodirov]

Ibrohimning haq qardoshi Hozar o'g'li erdi Lut,
Yorlig' ko'p telim yillar quvonib o'zi birla turdi Lut.
Jabroil keldi yalavochliq tegurdi mavlodin,
Yorlig' eshitib kuch keturdi ev tarkak bordi Lut.
Tab qiling,butg'a tabunmang, bot keeling imong'a teb,
Qirq yil emgab to'ng, arig'siz kofir aro turdi Lut.
Ancha tenglik bo'ynag'uning biri yo'lg'a kirmadi,
Qazg'uluq bo'lub umid kesdi ulardin erdi Lut.
Bir yaratg'an haqg'a yondi yolborib, qildi duo,
Jabroil qanit to'qindi, qirdi Olloh, ko'rdi Lut.

Burhonuddin Rabg'uziy

[Nigora Umarova]

Toki bo'lsin muvozanat unda paydo
Qo'yib chiqdim kitob ichra tumorlarni,
Kim ilohiy nina bilan uni tiksa,
Darddan xalos aylagay u bemorlarni.

Yoxann Volfgang Gyote

[Sanjarbek Rizoqulov]

Iymoni pok, yorug` yuzli yuzga kirib
To`ylar qilib elkasidan tog` tushsin
Har kimning ham so`nggi safar oldidan
O`z bolasi qo`lida tuproq tushsin

[Nigora Umarova]

Nima ham berardim men senga, dunyo
Sening bozorlaring -
Boyvuchcha kelin.
Dunyo bozorlarin odamlari-ho,
Oling, yuragimni sotgani keldim.

Siz - qimmatbahosiz,
Men arzon, arzon.
Sizga balki faqat yuragim arzir.
Sizdan so'ramayman haqiga osmon,
Faqat osmon kabi yuksaling, axir!

Siz mening qo'limga tutasiz xanjar:
- Kes!- deysiz. - Parchala! Tashla qiymalab!
O'rganib qolgansiz nega, odamlar,
Olmoqqa yurakni mayda-maydalab?

Bozorni to'ldirib og'riydi jonim...
Baribir tashakkur,
Baribir rahmat!
Dunyo bozoriga kelgan insonim,
Mening yuragimni ayama faqat.

Yurakni suysalar - topilmas guvoh,
Har kim bu yurakdan
Olar keragin.
men sizni kechirdim...
Sizda ne gunoh?
O'zi ulkan bo'lsa mening yuragim.

Usmon Azim

[Sanjarbek Rizoqulov]

Men sendan sevgin deb qilmayman talab
Majburiy sevgiga menda yo`q xavas
O`zga yor ko`ksiga qo`yganingdA bosh
Menday bir g`aribni eslab qo`ysang bas

[Nigora Umarova]

Sevgimiz o'ldimi?- libosingiz ko'k,
Ko'nglingiz - begulxan, ko'zingiz - becho'g'.
Bizdan borish yo'qdir, sizdan - kelish yo'q -
Kelishsiz dunyoda beg'am azizim,
Nega ko'zlaringiz benam, azizim.


O't yetdi -qaqshatdi band-bandlarimni,
Tuproqqa sochdingiz balandlarimni,
Aqlimni, dilimni - bebaxtlarimni -
Borishsiz dunyoga otgan, azizim,
Olisda oy kabi botgan, azizim.

Chunki tunga aytar rost "oh"ingiz yo'q,
Falakda kezgani sha'n, rohingiz yoq',
Nechun kelmaysiz, gar gunohingiz yo'q -
Boqaman: nigohim - gumon, azizim,
Yo'llaring tumandir, tuman, azizim.

Qarang, ming bir bargda kuzak uchadir,
Qizil-sarig'ida yurak uchadir,
So'ngaklar uchadir, suyak uchadir -
Bu to'fon - xazonlig' menman, azizim,
Sizsiz ming kuzakka tengman, azizim.

Ammo siz sarg'aymang - gulli bog' bo'ling,
Yam- yashil ko'karing, mudom sog' bo'ling,
Bahorning bag'rida beadog' bo'ling -
Axir qarg'aganim sizmas, azizim,
Ikki kuz dunyoga sig'mas azizim.

Usmon Azim

[Masud Mahsudov]

Майли, кулаверинг туйғуларимдан,
Мажнунга чиқаринг номим майлига.
Мен эса ҳеч кимга билдирмай зимдан,
Бош эгиб яшайман қалбим амрига.

Олган нафасимда шукрона айтиб,
Шу оппоқ кун учун ёд этиб Ҳақни.
Ҳар тонг умид ила қайта ва қайта,
Янгидан очаман оппоқ варақни.

Тирикман, илинж-ла яшайвераман,
Баҳор гулларига бўлиб маҳлиё.
Кўрасиз, бу хислар гуллайди чаман,
Туйғулар жўш урар мисоли дарё.

Яратган берган нур – йўлимда маёқ,
Бахш этган ғайрати – ёрқин машъалам.
Кўнглимда имоним тутиб ки байроқ,
Бир зумга бўлса-да тортмайман алам

(Яна ҳайрон бўлманг, бошқалар шеърим
Ғалати чиқди, - деб хандон кулсалар.
Тўгри-да, ишқ нима қаёқдан билсин,
Завқнинг нималигин билмас кимсалар.)

Афсус надоматдан йўқ энди зарра,
Изтироб, ғамларни кўмдим тупроққа.
Дарду азобимнинг устидан чизиб,
Қолган ҳаётимни кўчирдим оққа

Энди ишонч билан, нафосат билан,
Дилимда қуёшдек ҳарорат билан,
Юракда эҳтирос, тароват билан,
Олдинга қадамим ташлайвераман...
Мен барибир шодон яшайвераман.

Майли кулаверинг...

Firdavs... 2008 yil. aprel

[Nigora Umarova]

Nahotki, bir qarash...
Bir beso'z xitob...
Bir to'lqin... umrning oromin buzsa...
Shuncha go'zalmisan,
Shuncha sershitob -
Qayerlardan kelding jonginam g'ussa?

Bilmadim, qay unut bahordan sabo
Had bilmay - yetishdi kuzimga qadar.
Kuz va bahor aro yoz tursa ammo, Ko'rishmoq hijrondir,
Muhabbat - kadar.
Uch oyning ustidan qo'lingni cho'zding,
Uch oyning ustidan o'tdi bir qarash.
Hayotni,
Ehtimol o'limni choz'ding -
Kuzu bahor aro taloshman, talosh.
Bir ishqning yo'lida
Ul erka bahor
Nahotki, kuzaklik qarorin tuzsa?
Mening ko'zlarimda yoshim shashqator...
Sen nega kulasan, gullagan g'ussa?

Usmon Azim

[Masud Mahsudov]

Avval tong o‘z ko‘rkini paysalga solib,
Simirib oldi-ku, tomchi shabnamni.
So‘ngra quyosh ko‘kdan butkul yo‘qolib,
Mavhumlikka botib, tirnar yaramni...

Ko‘zlarim so‘nyotgan yulduz misoli,
Qovjirab bormoqda yurak tomirim
Sarobga aylandi ko‘klam visoli,
Saraton bir joyda qotib qoldi jim...

Sochilgan xayolim to‘plamay turib,
Hushimga kelishlik vaqtin kutmasdan.
Hayotimga kelding chaqmoqdek urib,
Va... ketding birorta so‘zing aytmasdan...

Oxirgi qarashing eslaganda zum,
Umrning taqvimi tinmayin yondi...
Tog‘lardek serviqor yuksalgan qalbim,
Mung‘ayib... mushtumdek tosh bo‘lib qoldi

Firdavs

[Nigora Umarova]

Insoniyat senda aks etar
Qaytarilmagin ruhingda olam.
Vujudingdan tumanni ko'tar,
Tanib olgin o'zingni, odam.

Sendan jam'i yo'llar o'tgandir,
Hamma tugun joningga chalkash.
Tangriga ham bir nur ketgandir -
Ko'ngil kabi nozik, telbavash.

Titranmagin - ichingga tushgin,
Teranliging buncha vahima.
Bir tola nur izidan uchgin -
Teranlikdan kelgan vahima.

Sen yetarsan ko'ngil tubiga,
Unda poklik ziyo taratar.
Ul poklikning har zarrasida
tazarrular seni yaratar.

O'zi tanish fursati - uzoq,
Qanday qiyin yonadi gunoh...
Sen o'zingni taniganing chog',
Jamolini ko'rsatar Olloh...

Usmon Azim

[Masud Mahsudov]

Ҳаққинг бор, Лайлидек ошиқ бўлишга,
Шириндек бўлиш ҳам ўз ихтиёринг.
Яшнаса яшнашга, сўлса сўлишга,
Ўлса ҳам ўлишга,беқарор ёринг!

Мен эса...билмадим, лойиқманмикин
Мажнундек куйгани, ишқингда беун?
Фарҳод ҳам чиқмайди мендан...Гапим чин,
Чунки қалбим қашшоқ, юрагим юпун!


Firdavs

[Nigora Umarova]

Na-da do'zax olovi yamlar,
Na-da eshik ochadi behisht-
Ko'kragingni arosat qamrab,
Qolganida yuraging beish.
To'g'ri shamollarga egilmas,
Teskari ham aylanmaydi bosh.
Yuragingni boshlab tug'ilmas-
Ko'zlaringga yetib kelgan yosh.
Chorbog'larga yiqilar so'lg'in
Shamol- bevaqt qurigan yaproq.
Nimagadir kelmaydi o'lging,
Yashaging ham kelmaydi biroq.
Derazani kelib qucholmas,
Qanotlari singan tovushlar.
She'rlaringda endi sollanmas,
Turnalardek ucholmas ular.
Muvozanat - qiynoqsiz qiynoq,
Muvozanat - eng bebaxt baxtim,
Muvozanat - ey, rangsiz bayroq -
Qachon seni qulaydi taxting?
... Yurak bo'lsa allaqachonlar,
Dovdirabmi, alahlab - behush,
Noma'lum bir eshikni ochar,
Hali bilmas: do'zaxmi, behisht.

Usmon Azim

[Masud Mahsudov]

Тaқдирингдaн бугун кeтaмaн aбaд,
Бошқa йўлгa буткул бўлгум рaвонa.
Юрaк ҳислaригa этмaй итоaт,
Шу кундaн мeн сeнгa тaмом бeгонa.

Ҳa! Сeвaмaн.
Буни этмaймaн инкор,
Бeҳудa эмaсди кўнгил изҳорим.
Шубҳaлaр ҳaммaси, ҳaммaси бeкор,
Сaбaби бу эмaс қaтъий қaрорим.

Бугун тушундим мeн тaқдир ҳaзилин,
Бугун мeнгa aён зим-зиё сирлaр,
Бугун билдим тeнгинг эмaслигимни,
Бугун кўз ёшлaринг қaлбимни тирнaр.

Йўқ!
"Тaқдир" aтaлмиш муҳтaшaм сaрой,
Бизлaр иккимиз чун кўтaрмaгaн қaд.
Бaҳор ҳaм шунчaлaр бeрсa-дa чирой,
Биргa кўролмaйди бизлaрни фaқaт.

Узр сўрaмaймaн кeтиш олдидaн,
Чунки сeвиш, aхир, эмaс-ку гуноҳ,
Бош олиб бу ердaн, сeнинг вaслингдaн,
Қaердaн, билмaймaн, топaмaн пaноҳ?!

Хўп, мaйли, уз энди сeвгинг риштaсин,
"Ўз бaхтинг топгин", -дeб қилaмaн нидо.
Ягонa тилaгим: Қaйғу нeлигин,
Билмaсдaн яшaгин.
Хaйр!
Aлвидо!!!


Firdavs

[Nigora Umarova]

Og'ir ekan,
Yomon ekan,
Bekor ekan unutmoq...
Mening qaqroq cho'llarimda
Omonmisan, unut bog'?
Sen o'lmagin,
Gulla,
ko'kar,
O'ylarimda shovulla.
Shabbodalar senga bo'lsin,
Yetolmasin dovullar.
Shunday qiyg'och urib gulla,
Tara shunday atirlar -
Ko'zlarini uzolmasin
Ko'ngli gulday botirlar.
Seni sira tark etmasin
Bahorlarning shafaqi.
Bulutlarning himmati-yu
Ariqlarning rahmati.
Bo'ylaringga kapalaklar
Qanotlarin chulg'atsin.
Qarg'alarmas, sha'n bulbullar
Tongda seni uyg'otsin.
Meni bo'lsa...
Meni unut,
Unut, yam-yashil erkam!...
Tegramda bir sahro qurdim -
O'tolmayman o'zim ham.

Usmon Azim

[Masud Mahsudov]

Мени “бевафо” деб,
Айблама, гулим,
“Меҳрингиз қаттиқ”,-деб
Солма юзимга.
Тошга қиёслама
Тирик вужудим,
Тўр солма
Ҳар куни босган изимга.

Ширин ўйларингни
Қилма дастурхон,
Бу таом туюлар
Мисоли заққум.
Кўзларингга қараб
Эзилади жон,
Сен-ла қололмайман.
Йўқ бунга ҳаққим!

Виждоним йўл қўймас,
Қалбим қийналар.
Дардим қанчалигин
Билмайсан, гулим.
Пичоқсиз сўйилар,
Тиғсиз тирналар,
Ипсиз осилади
Нотавон дилим.

Бўлди.
Кетаяпман.
Умидингни уз!
Бир нарса тўсиқдир
Пок ниятингга:
Кўксимда илк севгим
Яшайди ҳануз.
Мен лойиқ эмасман
Муҳаббатингга.


Firdavs

[Akhmad Kodirov]

Ayt, mendan ne istar bu odam,
Tikilar, sinarmi irodam?..
Tikilar bir yomon, bir yomon,
Men seni sevaman, sevaman!..

Meni yov etmish bor mardum-la,
Labimdan uchmagan bir jumla.
Endi kech, endi ne qilaman,
Men seni sevaman, sevaman!..

Muhammad Yusuf

[olimbek]

Muhabbat, sen chiroyli,
Muhabbat, sen go`zalsan.
Tag`in bir zum turaylik,
Gapirmayman, uyalsang...

So`ng ketarmiz. Sezdimki
Men orzuga yetmadim.
Seni shunday sevdimki
Qo`lingdan ham tutmadim.

Qo`ling... sening qo`llaring,
Muloyimdir ehtimol.
Ayri tushdi yo`llarim,
Sevar yorim, yaxshi qol.

Muhabbat, unut meni,
Va men ham... unutmayman.
Tushlaringda kut meni,
Tushlaringga kirgayman...

Muhabbat, sen chiroyli,
Muhabbat, sen go`zalsan.
Kel, ko`rishib turaylik,
Salomlashmay, uyalsang.

[Sanjarbek Rizoqulov]

Garchi o’rtamizda sog’inchu hijron,
Garchi visol yo’li vayrondir, vayron,
Ammo azobingiz ko’ksimda har on –
Muqaddas olovday qoldi, yorijon,
Shukurkim, siz bilan yondim, yorijon.

[Sulhiya Gaziyeva]

Necha yilki yo’lingizga zor-zor bo’ldim, sultonim,
Gulzor edim, yetolmayin ozor bo’ldim, sultonim.

Ko’z yoshlarim seldek oqdi, qarog’larim ko’mildi,
G’amu hijron lahad bo’ldi, mozor bo’ldim, sultonim.

Ko’kda mag’rur oyu quyosh, men zaminda sadpora,
Vasl uyiga yetolmadim, osor bo’ldim, sultonim.

Yo’lingizda shirin jonni fido qilmoq niyatim,
Umidlarim sarob o’ldi, afgor bo’ldim, sultonim.

Poyimga tiz cho’kmish bukun buyuk tog’lar, Hisorlar,
Nahot sizga nasib etmas bozor bo’ldim, sultonim.

Bunchalar ham shijoatsiz, hadsiz bo’lurmi odam?
Nazdingizda men Ra’nomas, bird or bo’ldim, sultonim…

Ra'no Yarasheva

[olimbek]

Май ичсанг оқили доно билан ич,
Ёки гул юзли зебо билан ич.
Оз-оз ич, гоҳ- гоҳ ич, яширин ич,
Эзма расво бўлма, ҳаё билан ич.

[Nigora Umarova]

Charxning men ko'rmagan jabru jafosi qoldimu,
Xasta ko'nglim chemagan dardu balosi qoldimu?

Meni xor ettiyu qildi muddaiyg'a parvarish,
Dahri dunparvarning o'zga muddaosi qoldimu?

Meni eturdi jafo u jabr ila ul quyosh,
Emdi tirguzmak uchun mehri vafosi qoldimu?

O'shiq o'lg'och ko'rdim o'limni o'zimga , ey rafiq,
O'zga ko'nglimni bu olamda harosi qoldimu?

Ey ko'ngul, gar Bobur ul olamni istab qilma ayb,
Tengri uchun de, bu olamning safosi qoldimu?

Zahiriddin Muhammad Bobur

[Mamurjon Jaloliddinov]

Umr — qumsoat ham
yarimlab qoldi,
ko`nglim to`lgani yo`q bilganlarimdan.
Yodimni og`ritar kechirganlarim,
ko`pdir qilmaganim qilganlarimdan.
Kechalar tobora oydinlashadi,
ko`zingda quyoshning chechagi so`lmas,
yashaging keladi,
faqat umrni
qumsoat singari to`nkarib bo`lmas.
Go`zallar yodimdan o`chdilar bir-bir,
do`stlarim bag`rimdan ko`chdilar bir-bir,
yillarim uzlib tushdilar bir-bir,
faqat bu ko`ngilni
to`ldirib bo`lmas.
Kun keldi,
ohlaring uchadigan kun,
yuraging olamga sig`maydigan kun,
yuzingni bosgancha yerning yuziga,
silkinib-silkinib yig`laydigan kun.
Kimni baxtli qildim,
kimni umidvor,
kimlarga ko`nglimni yorib so`yladim.
Qo`limni berdimmi moziy qa'ridan
cho`zilgan sanoqsiz ojiz qo`llarga?!
Quyosh daldasida egilganlarning
yengilroq qildimmi og`irligini?
Aytdimmi kimlarning asl do`stligin,
kimlarning haqiqiy yog`iyligini?!
Kun keldi,
boshingni egadigan kun,
hattoki o`zgalar gunohi uchun
yuzingni bosgancha yerning yuziga,
silkinib-silkinib yig`laydigan kun.
Mendan nima qolur,
abadiy nurlar
barq urib yashnagan dunyo tomonda?
Urinib-surinib, sira to`lmagan
bir ko`ngil qoladi
qolsa ham mendan.

Shavkat Rahmon

[Sulhiya Gaziyeva]

Nahot meni hiyla, nayrang asiri deb o'ylading,
Orzu, tilak o'tkinchi deb,armon bilan siylading.
Qalbim toptab,vayron etib,nega meni qiynading,
Ketgin endi yuragimdan ortiq senga zormasman.
Sen tomonga yo'lim tushmas,yalinsangam bormasman.

Bo'ldi yetar ortga qaytma,qoldirgin meni yolg'iz,
Sevgisidan judo bo'lgan men yuzlari qaro qiz.
Sevgingni ham olib ketgin yuragimda qolmasin iz
Ketgin endi,bo'ldi yetar,ortiq seni sevmasman.
Yo'llarimdan chiqib qolsang also senga boqmasman.

Balki mening muhabbatim sening uchun o'yindir,
Ammo bilsang bevafolik mening uchun o'limdir.
Suymasamda taqdir meni o'zga yorga uzatsin,
O'zga uyga yangalarim,yor-yor aytib kuzatsin.
O'shanda ham suratingni ko'zlarimga surtaman.
Bu dunyodan seni o'ylab va seni deb o'taman…

[Masud Mahsudov]

Ўзбeк Ойимгa...

"Киярмиди Ўзбeк ойим эгнигa қорa?
Гaр фaрзaндлaр бир-бирлaрин зaҳaрлaмaсaлaр"

Тоҳир Мaлик


Нeчун ҳомуш тортaсaн бугун?
Кипригингдa икки томчи ёш?
Хаёлинг ҳaм пaришон, зaбун,
Бундa нeгa бaлқмaгaй қуёш?
Эгнинггa сeн кийибсaн қорa,
Кимгa янa мотaм тутaсaн?
Фaрзaндингни ўйлaб сeн зор-a,
Қaчонгaчa уни кутaсaн?
Отaбeгинг қaйдaдир ёниб,
Ҳaқиқaтни излaб юрибди,
Тошкeнтгa лeк ўтмaгaй қўниб,
Чунки Кумуш қaбри турибди.
Гaрчи Сeнгa ботсa-дa оғир,
Aйтиш мeнинг бурчи ҳaлолим,
Ўғлингни сeн кўрмaйсaн йиллaр,
Кўрингунчa кўкдa ҳилолим.
"Зaйнaббeгим" ҳaр кун қошингдa,
Тeлбaлигин қилaди кўз-кўз.
Шaртми, aхир, Сeнинг ёшингдa,
Душмaнинггa гaпирмоқ бир сўз.
Қорa кийиб, aзaдор бўлиб,
Доғлaрмидинг шу улуғ дилни?!
Фaрзaндлaринг бир- бирлaригa,
Бeрмaгaндa зaҳри қотилни??!!!

Firdavs

[Nigora Umarova]

Ўзбeк Ойимгa...

"Киярмиди Ўзбeк ойим эгнигa қорa?
Гaр фaрзaндлaр бир-бирлaрин зaҳaрлaмaсaлaр"

Тоҳир Мaлик


Нeчун ҳомуш тортaсaн бугун?
Кипригингдa икки томчи ёш?....

Firdavs

Firdavsbek ijod namunalaringizdan yanada ko'proq qo'ysangiz, iltimos.
Hamda ijodingizga tasannolar o'qurmiz!

[Aziza Abdunabiyeva]

Ilmga bag'ishlab o'zimni butkul,
Aqlimla suhbat qurdim erta-kech.
Uni ardoqladim, ammo ko'nglimdan,
"Ahvoling ne?" deb so'ramabman hech...


Aziza To'lqin qizi

[Nigora Umarova]

Chidolmayman sira, quvnoq chehrangda
Qayg’uning sharpasi kezsa bir nafas.
Ko’nglimga tikandek og’ir botdi,
Sening yo’llaringda ko’rsam xoru xas.

Men uni sochim-la supurib olgum,
Poyandoz deb yo’lga jonimni solgum.
Xoh bilgil, xoh bilmagil,
Sadoqatda bir umr qolgum.

Xoh bilgil, xoh bilmagil,
Hammasiga men bo’lay rozi.
Axir nima qilay, axir ne qilay,
Ishq uchun yo’q ekan toshu tarozi.

Saida Zunnunova

[Masud Mahsudov]

Izladim, bo‘zladim...
qilmagin gina,
Endi kech...
Halovat topib bo‘lganman...
Vaslingni topolmay dildan o‘ksina
Mung‘ayib dunyodan ketib qolganman...


Firdavs

[Nigora Umarova]

Aqlim tanibmanki, minnatsiz bir baxt,
Minnatsiz umrni qilaman orzu.
Kam-ko’stsiz hayotni etaman ddeb taxt,
Tanho tashvish cheksang, dilim ezilar.
Yo’q, sira yuk bo’lmay, bo’layin mador,
Toki ravon bo’lsin men-la yo’llaring.
Yiqilsang yiqilgum demasman zinhor,
Turg’izmoqqa cho’zgum nozik qo’llarim,
Yo’q, sira yuk bo’lmay, bo’layin mador.

Saida Zunnunova

[Akhmad Kodirov]

Rizo mulkidaman, halqumni tuttum tig'I Akbarga,
Bu yo'lda siynai poki Zabunullog'a sig'mamdur.

Agarchande ziyorat qilmadim men Ka'bayi zohir,
Tariqat hojisidurmanki, Baytulloga sig'mamdur.

Gahi bo'ldum faqiru, gohi shohu, gah gadodurman,
Ajab devonaman, fardoki mahshargohg'a sig'mamdur.

Maqomi hayrat ichra gohi xudman, gohi bexudman,
Junun bozorida mastmanki, istig'nog'a sig'mamdur.

Boborahim Mashrab

[Nigora Umarova]

Rozimasman, bir yosh tomsa ko'zimdan,
Rozimasman, sal rang ketsa yuzimdan.
Yo'l oshsamu, sal yashashdan adashsam,
Rozimasman, unda tamom o'zimdan...

Hamid Olimjon

[Aziza Abdunabiyeva]

Ne uchundir yuragim notinch,
Qandaydir xavfdan bermoqda darak.
Mendan arazlab ketdimi sevinch,
Nega buncha ma'yus boqar tevarak?

Yeg'lamayin deya urinyapmanu,
Ko'zlarim pand berib to'kayotir yosh.
Ko'zimda kuz, qalbimda kuz, bu ne hol,
Hatto osmonimda ko'rinmas quyosh.

Go'yo yolg'onlar girdobidaman,
Sohtadek yangraydi har bitta so'zim.
Sabr-bardoshim ham poyonga yetgan,
Taniyolmayapman o'zimni-o'zim.

Javob izlamoqda bir on to'xtovsiz,
Aqlim qalbim ila to'qnashib bot-bot.
Mening bu dardlarim, alamlarimga ,
Nahot sen aybdor bo'lsang, ey, hayot?

Yo'q, senga tuhmat qila olmayman,
Bergansan taqdir rozi bo'lgulik.
Meni qiynayotgan alamlarimning,
Sababin bilmayman , bu ne ko'rgulik?

Sababin bilsamu, topsaydim chora,
Ko'klarga yetsaydi mening bu ohim.
Betoqatlik ila yurak tepishlar,
Yakuni xayrli bo'lsin, ilohim...



Aziza To'lqin qizi

[Masud Mahsudov]

Майли, кулаверинг туйғуларимдан,
Мажнунга чиқаринг номим майлига.
Мен эса ҳеч кимга билдирмай зимдан,
Бош эгиб яшайман қалбим амрига.

Олган нафасимда шукрона айтиб,
Шу оппоқ кун учун ёд этиб Ҳақни.
Ҳар тонг умид ила қайта ва қайта,
Янгидан очаман оппоқ варақни.

Тирикман, илинж-ла яшайвераман,
Баҳор гулларига бўлиб маҳлиё.
Кўрасиз, бу хислар гуллайди чаман,
Туйғулар жўш урар мисоли дарё.

Яратган берган нур – йўлимда маёқ,
Бахш этган ғайрати – ёрқин машъалам.
Кўнглимда имоним тутиб ки байроқ,
Бир зумга бўлса-да тортмайман алам

(Яна ҳайрон бўлманг, бошқалар шеърим
Ғалати чиқди, - деб хандон кулсалар.
Тўгри-да, ишқ нима қаёқдан билсин,
Завқнинг нималигин билмас кимсалар.)

Афсус надоматдан йўқ энди зарра,
Изтироб, ғамларни кўмдим тупроққа.
Дарду азобимнинг устидан чизиб,
Қолган ҳаётимни кўчирдим оққа

Энди ишонч билан, нафосат билан,
Дилимда қуёшдек ҳарорат билан,
Юракда эҳтирос, тароват билан,
Олдинга қадамим ташлайвераман...
Мен барибир шодон яшайвераман.

Майли кулаверинг...

Firdavs

[Nigora Umarova]

Gar oshiq esang, zebu takallufni unut,
Yaxshiyu yomon ishda taxallufni unut.
O'tkan gar erur yamon- taassufnu unut,
Kelgan gar erur yaxshi - tasarrufnu unut.

Alisher Navoiy

[Masud Mahsudov]

Tinchlik istamaydi jonsarak qalbim,
Mudom emas tanda bir hil harorat.
Hayol tinim bilmas, turolmaydi jim,
Yurak ham topolmas to‘zim-halovat.

Kechikkan yoshlikning dardini tuyib,
Mo‘jaz dunyoimni bezaydi hazon.
Hayot sharobidan icholmay to‘yib,
Tarqatdim yo sotdim suvdan-da arzon.

Lablarda tabassum, o‘zgalar hursand,
Baxtini topishgan allaqachonlar.
Ularning yuzida quvonchni ko‘rsam,
Bahrim ochiladi, yayraydi jonlar.

Biridan olganman zavqlanish hissin,
Yana boshqasidan jindekkina g‘am.
Kimdir taqdim etgan hurlik nafasin,
Shundan, mana, tirik vujudim, tanam.

Taqdirim juda ham mohir tikuvchi,
Undagi Odamlar barcha-barchasi.
Bir butun matoni tashkil etuvchi,
Sermazmun umrimning bitta parchasi.

Firdavs

[Nigora Umarova]

Ibtidosi bor dunyoning, bordir intihosi ham,
Qalandari bor davlatning bor buyuk dahosi ham,
Agar tinchlik, xotirjamlik tilak bo’lsa har dilda,
Baxtli bo’lgay o’sha yurtning gadosi, podshosi ham.

Ra'no Yarasheva

[olimbek]

Majnuntol tagiga o'tqazing meni,
Qovrilmay g'ashlik alangasida,
Majnuntol tagiga o'tqazing meni,
Nafasimni rostlay ko'lankasida.

Majnuntol tagiga o'tqazing meni,
Qushlar ovoziga quloq solayin.
Majnuntol tagiga o'tqazing meni,
Xayol og'ushida orom olayin.

Majnuntol tagiga o'tqazing meni,
Shu kungacha o'zni men cheklab bo'ldim.
Majnuntol tagiga o'tqazing meni,
Men uchun yig'lasin men yig'lab bo'ldim.

[Nigora Umarova]

Meni men istagan suhbatig'a arjumand etmas,
Meni istar kishining suhbatim pisand etmas.

Ne bahra topqamen ondinki, mendin istagay bahra,
Chu ulkim, bahraye ondin tilarmen bahramand etmas.

Netay huru pari bazminki, qatlim yo hayotimg'a,
Ayon ul zahrchashm aylab, nihon bu hoshxand etmas.

Kerakmas oy ila kun shaklikim, husnu malohatdin,
Ichim ul chok-chok etmas, tanim bu band-band etmas.

Kerak ul chobuki qotilvashi majnunshiorimkin,
Buzug' ko'nglimdin o'zga yerda javloni samnd etmas.

Ko'ngul uz charxi zolidin, firibin yemakim oxir,
Ajal sarishtasidin o'zga bo'ynungg'a kamand etmas.

Ul oy o'tlig' yuzin ochsa, Navoiy tegmasin deb ko'z,
Muhabbat tuxmudin o'zga ul o't uzra sipand etmas.

Alisher Navoiy

[Mamurjon Jaloliddinov]

Sen-mendan oldin ham tun-kun bor edi,
Aylanga falak ham butun bor edi.
Tuproqqa avaylab qadamingni qo'y,
Bu tuproq qora ko'z bir nigor edi.

Umar Hayyom

[olimbek]

Ikki buyuk shoir, ikki musofir –
Navoiy Hirotda, Qobulda Bobur.
Sizni o’ylatmasmi bu jumboq, bu sir,
Navoiy Hirotda, Qobulda Bobur…

Buni tasodifmi atayin, ayting,
Qitmir qismat o’yni deyinmi yo bir?
Ko’rib qo’y, Turkiston, ikki shoh bayting –
Navoiy Hirotda, Qobulda Bobur.

Jafo etganga ham jabr etmadik,
Gadoni siyladik goho, xudo bir.
Daholarimiz qadriga yetmadik –
Navoiy Hirotda, Qobulda Bobur.

Yer yonar jahannam afg’onda yal-yal,
Kulrang ko’rpa yanglig’ bulut yonodur.
Yonar ne tiklagan bo’lsa bir mahal –
Navoiy Hirotda, Qobulda Bobur.

Ikki buyuk hikmat, ikki xush zabon,
Ikki buyuk dildan yo’qdir sado bir.
Biz g’animga bejang topshirgan qo’rg’on –
Navoiy Hirotda, Qobulda Bobur.

Uchrashishmagandi ular hayotda,
Yoturlar yonma-yon ikki lahatda.
Nima deysiz endi, hayot-hayot-da –
Navoiy Hirotda, Qobulda Bobur.

MUHAMMAD YUSUF

[Nigora Umarova]

Rabbim!
Hech kima
Xor aylama,
Sendek sharif sulton turib,
Kam aylama, ko'st aylama,
Sendek haddi vulqon turib.

Rabbim!
Sargashta jon,
Ishqi jonon
daryosidan suvlar ichay,
Qaqradi, lab tashna bo'ldi,
Sendek Eram bo'ston turib.

Rabbim!
So'z ber menga,
ishqim senga,
Aytarimni aytib o'tay,
Notavon qilma meni,
Sendek latif doston turib...

Farida Afro'z

[olimbek]

Бир шапалоқ урди гадони гадо.
-Исмим Худо,-деди,-Қилавер даъво.
Даъвогар Қозига дод солиб борди:
-Мени Худо урди, урди-ку Худо!

Абдулла Орипов

[Sanjarbek Rizoqulov]

Orazin yopqoch ko`zindin to`kilur har lahza
Bo`ylakim paydo bo`lur yulduz nihon bo`lgach quosh.

[Vasliddin Tuychiev]

(Erkin Vohidovdan)

Shoirlarni sevasiz ammo,
Injenerga tegib ketasiz.
Injener ham qoldi modadan,
Endi kimni bahtli etasiz?

Balki sizga biznesmen alo,
Olimga-ku endi tegmaysiz.
Yo istaysiz "manman" amaldor,
Ammo unga boyin egmaysiz.

Hazilimni ko'ngilga olmang,
Ato etsin munosib hamdam,
Gaplarimga etibor bermang,
Muhimi u bo'lsin bir ODAM.

[Aziza Abdunabiyeva]

Men bilaman, endi unga keragim yo'q,
Lekin ortga yarim yo'ldan qaytolmayman.
Endi unga aldanguvchi yuragim yo'q,
"Yuragim yo'q" deb o'ziga aytolmayman.

Men bilaman, u menga munosib emas,
Bari yolg'on menga aytgan so'zlarining.
Lek ne qilay hech bosilmas hayajonim,
Ko'rsam uni, sehri bormi ko'zlarining?

Men bilaman bu maftunkor so'zlarini,
Takror aytgan yana qancha go'zallarga.
Yo'llarida uchratgan hur qizlarining,
Madhin bitgan qancha-qancha g'azallarga.

Ha, men xabardorman, bilaman barin,
Lek baribir umidga mahkum bo'laman.
Qalbda ardoqlayman ushbu ilinjni,
Yo'qsa uni ko'rishdan mahrum bo'laman.

Qalbim ham, ko'nglim ham, dilim ham bo'm-bo'sh,
Unga bor-budimni ato qildimmi?
Aybim nima, aybim nima xo'sh?
Yoki uni sevib xato qildimmi?
O'zing aytgin, sevib seni xato qildimmi?



Aziza To'lqin qizi

[xurlixan]

Мошинани расмини,
Укам котириб солибди.
Лекин ушбу расмга,
"Икки" бахо олибди.
Нега "икки" олганин,
Мен кейинрок билдим,
Дафтари экан да бу,
Коракалпок тилининг. (хазил шеър)
Амекбай Хакимбаев

[Sparc]

Meni men istagan suhbatig'a arjumand etmas,
Meni istar kishining suhbatim pisand etmas.

Ne bahra topqamen ondinki, mendin istagay bahra,
Chu ulkim, bahraye ondin tilarmen bahramand etmas.

Netay huru pari bazminki, qatlim yo hayotimg'a,
Ayon ul zahrchashm aylab, nihon bu hoshxand etmas.

Kerakmas oy ila kun shaklikim, husnu malohatdin,
Ichim ul chok-chok etmas, tanim bu band-band etmas.

Kerak ul chobuki qotilvashi majnunshiorimkin,
Buzug' ko'nglimdin o'zga yerda javloni samnd etmas.

Ko'ngul uz charxi zolidin, firibin yemakim oxir,
Ajal sarishtasidin o'zga bo'ynungg'a kamand etmas.

Ul oy o'tlig' yuzin ochsa, Navoiy tegmasin deb ko'z,
Muhabbat tuxmudin o'zga ul o't uzra sipand etmas.

Alisher Navoiy
Газалнинг бошида бироз ноаниклик бор, янглишмасам бундай булиши керак


Мени мен истаган уз сухбатига аржуманд этмас,
Мени истар кишининг сухбатин кунглим писанд этмас.

[Sparc]

Orazin yopqoch ko`zindin to`kilur har lahza
Bo`ylakim paydo bo`lur yulduz nihon bo`lgach quosh.

ko`zindin= кузимдан
har lahza= har lahza ёш
quosh=куёш

[Nigora Umarova]

Meni men istagan suhbatig'a arjumand etmas,
Meni istar kishining suhbatim pisand etmas....


Alisher Navoiy
Газалнинг бошида бироз ноаниклик бор, янглишмасам бундай булиши керак


Мени мен истаган уз сухбатига аржуманд этмас,
Мени истар кишининг сухбатин кунглим писанд этмас.

Tahrir uchun rahmat, to'g'riladim... Fikrni shoshib bayon etganda bo'lib turadi.

[Sanjarbek Rizoqulov]

Orazin yopqoch ko`zindin to`kilur har lahza
Bo`ylakim paydo bo`lur yulduz nihon bo`lgach quosh.

ko`zindin= кузимдан
har lahza= har lahza ёш
quosh=куёш

Rahmat tahriri uchun, haqiqatda juda qo`pol yozgan ekanman.

[Masud Mahsudov]

Гуллaрнинг муaттaр ҳидлaрин туйдим,
Сув ичдим булоқдaн тaмшaниб, қониб.
Исмингни кўкракка яшириб қўйдим,
Сeвишни мeн сeндaн ўргaндим ёниб.

Энди бошқaчaдир олaм кўзимгa,
Кaмaлaк рaгидa ўзгaчa жило.
Итоaт этибон юрaк сўзимгa,
Сeвишни ўргaндим, дилдaн қувониб.

Кўклам ҳар нафаси енгил нақадар,
Қуёш нурлaридaн тўлқинлaнaр дил.
Бу баҳор қалбимни ўзгача ўртар,
Сeвишни ўргaнди бу aжиб кўнгил.

Тилaгим ҳaммaгa: сeвсин, сeвилсин,
Бaғишлaб диллaргa мeҳр, зиё, шуур,
Жудa кўп нaрсaни тушундим бугун,
Ишқингни бeргaнинг учун тaшaккур!!!

Firdavs

[Sulhiya Gaziyeva]

Rangim sariq, ko`zlarim yosh,
Bag`rim pora, jigarim tosh.
Holim bilgan dardli qardosh,
Kel, ko`r, mani ishq nayladi.
Yunus Emro

[Nigora Umarova]

Inson fe'li ajabdan ajab,
Yo'qdir unga mezonsiz olam.
Yulduzlarni o'lchar botmonlab,
Qarichlaydi cheksizlikni ham.

O'zi ega, o'zi qul mangu,
O'zi topgan aqidalarga.
Ne dey, hatto mangulikni u
Bo'lib chiqqan daqiqalarga.

Daqiqadan soatlar yig'ib,
Kunlar tuzib oy jam qiladi.
Yig'lamaydi umr o'tdi deb,
Yil o'tdi deb bayram qiladi.

Ko'paysa-da ajinlar harchand,
Oqarsa-da yillardan boshi,
Quvonadi - ko'paydi farzand,
Sevinadi - ulg'aydi yoshi.

Bu tugamas orzu-havasda
Bor umidbaxsh imonga asos.
Inson o'lmas.
Asta va asta
Farzandlarga o'tadi, xolos.

Erkin Vohidov

[Masud Mahsudov]

Ёлғизлик фалсафаси

Сенсиз ҳам баҳорни кутиб олдим шод,
Завқ берар ранго-ранг кўклам гуллари.
Махзун ишқ чечагин этмай қўйдим ёд,
Умр чаманзорин кезган кунларим.

Сенсиз туйғуларим ҳали ўлмади,
Ёки ўз жонимга қилмадим-ку қасд.
Сабр косаси ҳам ҳали тўлмади,
Ё ичиб бир он ҳам бўлмадим сармаст.

Сенсиз, ўйловдимки, яшашим мушкул,
Дегандим қўлим ҳам бормайди ишга.
Ҳаёт мажбур қилиб қўяркан буткул,
Дардни дардсизликка алмаштиришга.

Сенсиз қадам босиш секин ўргандим,
Тетапоя қилган гўдак сингари.
Юрдим... йиқилдим, сўнг тик туриб қолдим.
Энди қалбим мағрур, қайғудан нари.

Сенсиз бахтлиликка бўлдим даъвогар,
Ёлвориб сўрмадим ортга қайтишни.
Чўлдек қақраб ётган қонсиз юракка,
Меҳрга йўғрилган бир сўз айтишни.

Ҳаёт тугамаган ғалат фалсафа,
Нолимам, экан, - деб – бевафо дунё.
Ишқсиз кун кечириш мушкул-ку, лекин,
Ёлғиз яшашда ҳам бор экан маъно!



Firdavs...

[Sanjarbek Rizoqulov]

Oh, qachon aldashga o'rganasan sen,
Yuzingda kulgiyu, labingda titroq.
Men uchun o'rtanmay, o'rtanasan sen...
Qo'rqma! Tillarimda qolmadi so'roq.

Ne qilay? Yurakdan bo'shadi tanim,
Najot - ko'nishdami, najot - o'lishda?..
Azizim, azizim, azizim manim,
Ayt, qachon ulgurding jonim bo'lishga?

[Nigora Umarova]

Agar seni aldasa hayot
Sen noumid bo'lma hech qachon.
G'amli kunga qilgin itoat,
Xushnud kunlar keladi, ishon!

Qalb kelajak ishqi-la yashar;
Bu kunimiz qayg'u va dog'li:
Bari oniy, o'tishga shoshar,
O'tgan esa, hamisha totli.

A.S. Pushkin

[Aziza Abdunabiyeva]

Inson umri go'ya charxpalak,
Tun-u kun tinimsiz aylanar.
Kecha tepasida yurgan odamlar,
Bugun endi pastda yo'rg'alar.

Bu dunyo yolg'ondir, bu dunyo g'aflat,
Sen o'zingni kerakli inson deb bilgin.
Qo'lingdan kelgancha qilma yomonlik,
Bu besh kunlik umringda yaxshilik qilgin...

Aziza To'lqin qizi

[Nigora Umarova]

...Nomingizga qo’shilib o’sdim,
Har kun,
Har tun mahrum va badar.
Men Sizniki bo’lib yashadim,
Bilsangiz, to shu kunga qadar!

Ammo bildim.
Siz butkul boshqa!
Buloqdirsiz – sokin va beg’am.
Anglamaysiz, bir kuni aytmay,
Poyingizda suvsab o’lsam ham.

Yo’q, bu ishqni ko’tarolmaysiz,
Sizni ezar tahqir va ta’qiq.
Bu dunyoda eng go’zal sevgi,
Hamisha xor, mahkum, mustahiq!

Keting,
Sizga ehtiyojim yo’q!
Sevsam endi sevgum O’limni.
Yana ming yil yashasangiz ham
Tushunmaysiz, afsus, ko’nglimni…

Zebo Mirzo

[Akhmad Kodirov]

Ichkilik kekkaygan boshni qilur xam
Maydan yechilmagan biror tugun kam.
Bir qultum may ichgan bo'lsaydi shayton,
Ming sajda qilardi odamga ul ham.

Biror kishi chiqib har zamon, mana Men, deydi,
Molu siymu zari bor chunon, mana Men, deydi.
Ishi rivoj topib turganda, bir kuni ajal,
Pistirmadan chiqib nogahon, mana, men deydi.

Kelolmagach qaytib ushbu olamga,
Qo'rqamen, yetmasmiz yoru hamdamga.
Bu damni g'animat hisob etaylik,
Balki yetolmasmiz hatto shu damga.

Jonimiz bu tanni tark etib ketar,
Ikki g'isht go'rimiz ko'zin berkitar,
Keyin boshqa go'rga g'isht qo'ymoq uchun,
Bizning tuproqlarni ezib loy etar.


Umar Hayyom

[Sanjarbek Rizoqulov]

Ruhim ko‘taradi bayroqlarini...
Dunyo kambag‘alni kamsitib, g‘ajib
Tag‘in boyitarkan boyroqlarini
Ruhim olib qo‘yar boshimdan tojni

[Komil Eriev]

Ishq ila men xastaman,bu dardima davo yo'qdur,
Qora qismat bitilmishdir,visoldan hech vido yo'qdur.

Vasl yo'qdur,faqat bordur alam,hasrat ila kulfat,
Tovushingni kutarman zor,biroq sandan sado yo'qdur.

Asir qushman - go'dak panji g'ijimlaydi berib ozor,
O'lim yordur vujudima,xudoyimdan panoh yo'qdur.

Bola dastida giryona - qanoti qonolud qushman,
Qutilmoqqa biror chora,azoblarga ado yo'qdur.

Axir,man qush emasman,yor,qutilmoqqa yo'lim bisyor,
Biroq ishqqa chalingan dil uchun erkin samo yo'qdur.

MAJNUN
(arab mumtoz shoiri)

[Vasliddin Tuychiev]

Roziman buyurgin quling bo'loyin
Armonim ko'ksida yongan yulduzim
Hohlasang oltinu zarga o'royin
Orzuli hayotda yo'qolmas izim,

Orzularim shu bo'lsa mayli
Mayli meni yillar sog'intir
Mayli ishqning o'tida yondir
Men kutarman seni baribir.

Maylimi oy chiqqan oydin shu kecha
Nafas olaversam yutinib hursand
Maylimi dunyoning bitta burchida
Men ham vaslingizni kutib o'tirsam...

Maylimi sog'insam va toshsa ko'nglim
Yig'lasam maylimi maylimi kulsam
O'ksitmasmikinman sizni sevgilim
Shu kecha hajringizda behosdan o'lsam...

[Behzod Sulaymonov]

Muhabbatsiz,dardsiz yurak,yurak emas,
Asriy orzu jo'sh urmasa ertak emas.
Xudbinlikni,tanholikni yoqtirmayman,
Do'stlarimsiz baxt-saodat kerak emas.