Bahru-bayt

[Aliya]

Нега сени шунчалар севдим?
Кимим бўлиб келдинг дунёга?!
Изларингдан гард тушган йўлни
Алишмасман Арши аълога...

Нега сени шунчалар севдим,
Айрилиқнинг ўтида ёниб?
Ғуруримнинг кўчаларида
Бош кўтарган исёндан тониб?!

Нега сени шунчалар севдим –
Юз ўгирмоқ бўлиб дунёдан?
Мени бахтга олиб кетмоқ-чун
Тушганмидинг ўша Самодан?!

Нега мени шунчалар севдинг...?
©

[Gulchehra Ibragimova]

Нега мени шунчалар севдинг...?


Гуноҳкор-мендирман, суйган ҳам менман,
Хорлигу зорликни яширган "енг"ман.
Хажрни, ажрни ишқ учун енгиб
Бир сени бағрига сиғдирган - кенгман...

[Aliya]

Не ўйлар бор ҳаёлингизда?
Недан бунча умидсиз оҳлар?
Осмон йиғлар аҳволингизга,
Қайдан келди қалбга бу доғлар?

Кўнглингизни суғуриб кетган
Дил изҳори фақат менгами?
Ё Орзунинг бошига етган –
“ИЛК БОР” деган аллакимгами?!

Ботинингиз ашкига ботиб,
Зоҳирингиз кулгу ясайди.
Дил уйингиз пойини ўпиб,
Тавоф қилган мендай бир Лайли
Англай олмам:
Недан орзиқиш?
Не ўйлар бор ҳаёлингизда?!

©

Ushbu she`r "Shubha" deb nomlangan...

[Gulchehra Ibragimova]

Ажиб бир хаста дилдирман
Оёғинг остида ётган.
Балки чўғман, балки кулман
Манам ошиқ, манам ошиқ.

Жамолинг таърифин қилсам.
Тилим ёнгай дилим ёнгай.
Ҳама сенга куйиб боргай.
Манам ошиқ, манам ошиқ.

Зикринг ёмғир донасида
Титрар қирнинг лоласида.
Турай аршнинг соясида.
Манам ошиқ, манам ошиқ.

Бедор кечангда ўлтирсам.
Кетмай кўчангда ўлтирсам.
Номинг айтсам, сўнг ўлдирсанг.
Манам ошиқ, манам ошиқ.

Йиғлаб турган куйим тингла.
Куйиб кетган дилим тингла.
Аё, гўзалим юзинг бурма.
Манам ошиқ, манам ошиқ.

Рислиғой Хотамова

[Aliya]

Қисматни қистовга олади кўнглим,
Ёдинг саҳфасида қолмоқ истайди...
Сарҳади саҳнига гул эккан дилим
Пойингда пояндоз бўлмоқ истайди...

Куяман – куюгим мужгондай қаро,
Ҳажринг оташидан паноҳ истайди.
“Паноҳим” деб суймоқ гуноҳмиди ё –
Осий дил “Сен” деган гуноҳ истайди...

Тўкилиб кетайин қароқларингга,
Жон сенинг исмингда урмоқ истайди...
Изинг тушсин Ишқи тупроқларимга –
Шаън ҳоки дийдоринг кўрмоқ истайди...

Руҳ ёлғиз, қалб ёлғиз, муҳаббат ёлғиз –
Бардошинг ҳаддини билмоқ истайди.
Сенга “Севаман” деб айтолмаган қиз
Кўксингга бош қўйиб... Ўлмоқ истайди...

Қисматни қистовга олади кўнглим...

[Gulchehra Ibragimova]

..Мен хали баҳорни кўрмаган чечак,
Тилсимлаб қўйилган дард тўла эртак.
Икки дунё аро бўлганим эрмак,
Сенга хам айтмасам, кимга айтаман

Дўсту сирдошим йўқ, сўзимдан бўлак,
Гунох даштидаги изимдан бўлак.
Айтгил, кимим бордир ўзингдан бўлак,
Сенга хам айтмасам, кимга айтаман

Асли кўрмаганим қадрим соғиндим,
Бетоқат жон билан сабрим соғиндим.
Туғриси қаро ер қабрим соғиндим,
Сенга хам айтмасам, кимга айтаман

Лабим эркаласин япроқларингни,
Кўзларингга сурай тупроқларингни.
Оч менга тиконсиз кучоқларингни,
Сенга хам айтмасам, кимга айтаман.

Хўрсинма, мен яна савоб этаман,
Ҳакка ёлвораман, дардга етаман.
Ажал сари кетдим, маҳшар қайтаман,
Сенга хам айтмасам, кимга айтаман.


Рислиғой Хотамова

[Quvonchbek Karimov]

Сенга хам айтмасам, кимга айтаман.
Нечун менга айтмайсан эркам..
Баҳоринг бўламан, баҳор бўламан.
Сени деб келганман, сени дегайман.
Ҳакка ёлвораман, сенга етаман

Нечун менга айтмайсан эркам...
Заргарлар етгайлар зарнинг қадрига.
Айтдимку, рухингда яшайман мудом,
Бегона эмасман сани дардингга.

Нечун менга айтмайсан эркам...
Манданда ўзгалар, тушунармикин.
Наҳот айро кўрдинг йўлларимизни,
Юрак қўрғур шунга кўникармикан....

Нечун менга айтмайсан эркам...

[Gulchehra Ibragimova]

Нечун менга айтмайсан эркам...
Менга айт дардинг деб сўрама, зинҳор,
Сиртга чиқазмасман уларни минбаъд!
Қамишдек қудуқда бўлгандан ошкор
Юрагим тубида қолсинлар, абад!!...
(с)

[Баходир кушаков]

Юрагим тубида қолсинлар, абад!!
Дедим;Эй Гулим юзингни кўрсат бир бора.
Деди;Сендайин ошиқдан менга чи кора?
Дедим;Ишқингда куймоқда мендек бечора.
Деди;Ҳомтама бўлма ҳеч,бўлма овора.
Дедим;Васлингга етишчун бўлдим девона.
Деди;Сендайин қуруққа қайда жонона?
Дедим;Бу кеча боройин қайда ҳобҳона?
Деди;Уятсиз,бўлмам ҳеч сенга ҳамҳона.
Дедим;Зулфингни ўпойин борган заҳотим.
Деди;Тур йўқол,сенсиз ҳам ўтар ҳаётим.
Дедим;Шошилма жонгинам,ўйлагил бир пас.
Деди;Сенга ёр бўлмасман,етар,бўлди бас.
Дедим;Гулдаста жўнатдим,олдингми жонон?
Деди;Учмасман бир гулга билдингми нодон?
Дедим;Бўлмаса жўнатай дуру гавҳарни.
Деди;Кўпроқ мен суяман олтину зарни.
Дедим;Майли мен кийдирай олтиндан бир тож.
Деди;Ростданми?Олтинга, бордир эҳтиёж.
Дедим;Жўнатай айтганим қилсанг жонона.
Деди;Ҳўп майли не десанг қилай,на чора?
Дедим,Илиндинг париваш боролмайман мен,
Оилам бор,гапимга ишондингми сен?
Деди;Мен ҳам Гули эмас Нодираман мен,
Ўз жуфтуҳалолингни танимадинг сен.

(С)

[pipicron]

Деди;Мен ҳам Гули эмас Нодираман мен,
Ўз жуфтуҳалолингни танимадинг сен.

Не ходиса аслида? Форум достон бўлмиш бу кун?
Мушоира ахлиға бир байт камлик қилмиш нечун?

[Gulchehra Ibragimova]

Не ходиса аслида? Форум достон бўлмиш бу кун?
Мушоира ахлиға бир байт камлик қилмиш нечун?
"Нимага" сўзини сўрама зинҳор,
Форумдош дўстингдан ҳол сўр, хабар ол..
Сўзидан билгил-ки ул ҳоли абгор
Сири ошкор бўлиб,http://uforum.uz/images/icons/icon7.gif қадди бўлмиш "дол"..http://uforum.uz/images/icons/icon7.gif

[pipicron]

Сири ошкор бўлиб, қадди бўлмиш "дол"..

"Лом"га "Алиф" суянч бўлгандай,
Дўстим, сизга бўлайин далда.
Шунда мен хам бохабар қолгум,
Сирлар ошкор бўлган махалда.

[Mahmud Jurat]

Алданманг дол қадди букиклигига,
Алданманг алифнинг ё тиклигига,
Ҳар бир ҳарф ўзига ўзи мададкор,
Файласуф фикри зўр ётиқлигида.
(С)

[Asqar Xalilov]

Файласуф фикри зўр ётиқлигида.
Англадим
Сония
Сирини.

Қара! —
Қор учқуни —
Шамол зарбидан
Ойнага урилди капалак
Ва ҳавода йўқолди телба...

Йўқолди...
Исмсиз бир лаҳза.
Қўллар қотиб қолди ҳавода
Кўринмас қор учқунин топмай...

Бу лаҳза.
Бу мангулик.
О, борлиғим, эҳтимол сен ҳам —
Қор учқуни деразага
Шарт урилиб, эриб кетгунча

[Gulchehra Ibragimova]

Қор учқуни деразага
Шарт урилиб, эриб кетгунча
Ажаб, ўз еримда йиғлаёлмадим,
Буям бир шўрим-да, йиғлаёлмадим.
«Ғам»ни ўзгартинг, деб қилдилар буйруқ,
Ҳаттоки шеъримда йиғлаёлмадим.

Дардим тиқилса-да бўғзимда тутдим,
Қушлар йиғлай олди, йиғлади терак.
Мен умрбод ёшим ичимга ютдим,
Бир кун гўримда қон йиғласам керак.

Халима Худойбердиева

[pipicron]

Бир кун гўримда қон йиғласам керак.

Ким билар...
Балки қон йиғларман шодликлар учун.
Кимлардир йиғлашим кутарлар.
Юпатмоқ учун.
Кулдилар йиғласам. Урдилар кулсам.
Чидадим.
Чидайман.
Қачондир қабримда тинч ётмоқ учун.
(с)

[Gulchehra Ibragimova]

Чидайман.
Қачондир қабримда тинч ётмоқ учун.
(с)
Не келса, сабр айла, тамошодир бу,
Май ички, кўнгил дардига даводир бу.
Қул эрсанг, ўзингга билгил оламни қафас,
Қўй, юрма бу андуҳ сари, саҳродир бу...

Бедил

[pipicron]

Қўй, юрма бу андуҳ сари, саҳродир бу...

Ул бодомким, ахли дониш унинг мағзин чақадур.
Ул чиёнким, кимки бадхулқ, анинг оғзин чақадур.
Эй Алишер, эхтиёт бўл, қўймағил ўз холиға,
Бир хатолиғ айласанг ким, йигит лабзинг чақадур.
(c)

[Gulchehra Ibragimova]

Бир хатолиғ айласанг ким, йигит лабзинг чақадур.
(c)
Раҳмат,
мактуб-ла йўқлабсиз,
Аллоҳ йўқласин,
Кўксизга бош қўйиб бахтлар ухласин.
Омад ҳам атрофда гирёна бўлиб,
Шодлик, ишқ дўст бўлсин,
Ғамлар бўлмасин!

Сизга бахт кулганин ғаним билмасин...
(с)

[pipicron]

Сизга бахт кулганин ғаним билмасин...

Нега энди ғаним билмасин?
Куйиб ўлсин менинг бахтимдан.
Бахт тилайман ғанимларга хам,
Йикитолмас асло тахтимдан.

[Gulchehra Ibragimova]

Йикитолмас асло тахтимдан.
Нима дердик, билса билсинлар,
Аламлардан бағрин тилсинлар..
"Кўролмаслик" хислати бўлгач
Ундан ўзга нима қилсинлар..
..кўролмаснинг кўзлари чиқсин.
кўзларидан чаёнлар чақсин...
http://uforum.uz/images/icons/icon12.gif
Оҳо..ўзиям дилдаги тилга чиқолмай турган экан-да..Ҳа баъзида бир нарсаларнинг юзага чиқишида бир "туртки" етишмай туради ўзи ижодкорларга.. "Ичиқоралик" деган иллатга кимдир дуч келган бўлса..албатта юқоридаги шеър моҳиятини тўғри тушунади деб ўйламан..

[Баходир кушаков]

кўзларидан чаёнлар чақсин...
Нурий айтар бермасин озор,ҳеч кима чаён ниши,
Во ажаб,чақмасмиш у ҳам,кетмиш чаёндин оқибат.

[Gulchehra Ibragimova]

Толиб ёр васлига талабгор бўлгай,

Кетса ўзидан, ёр сабабгор бўлгай.

Нуқта мойил бўлса доира томон,

Доира қаърига гирифтор бўлгай.

Шавкат шеъри

[Баходир кушаков]

Доира қаърига гирифтор бўлгай.
Йигит гар ранжиса,ёр анга сабаб,
Йигитнинг дилини оғритма малак.
Изтироб,қайғуга қилиб ошно,
Ҳажрингда юрагин этмагил ҳалак.

[albatros]

Ҳажрингда юрагин этмагил ҳалак.

Кераксиз гапларни на кераги бор,
Ахир ҳамманинг ҳам бир юраги бор.
Суймасга суйкалиб ахир нетарсан,
Нечун бу мазмунда шеърлар битарсан?

Нодир шоир

[Баходир кушаков]

Нечун бу мазмунда шеърлар битарсан?
Нечун бировларга ақл бўласан?
Кераксиз гаплигин қайдан биларсан?
Суймаса суймасин,сенга нима ғам?
Балки ўзинг етолмай,бағринг тиларсан?

[albatros]

Балки ўзинг етолмай,бағринг тиларсан?

Ne desam, so'zimni yetgaysan anglab
So'z bu gavhar erur, so'ylagin tanlab,
Gar so'lim bir bog'ni etsa vayrona
Ishlatma boltangni ketsa ham zanglab

Iltimos hurmatli Bahodir aka! So'z qadrini bilaylik va bir - birimizni hurmat qilaylik. Bahru baytni saviyasini tushirib yuboruvchi "oldi - qochdi" she'rlarni bas qilaylik. Axir bu do'stlar bahru bayti....Axir bu bir-birimizni bog'lab turuvchi mehr oqibat bahru-bayti...

[Баходир кушаков]

Йигит гар ранжиса,ёр анга сабаб,
Йигитнинг дилини оғритма малак.
Изтироб,қайғуга қилиб ошно,
Ҳажрингда юрагин этмагил ҳалак.

Кераксиз гапларни на кераги бор,
Ахир ҳамманинг ҳам бир юраги бор.
Суймасга суйкалиб ахир нетарсан,
Нечун бу мазмунда шеърлар битарсан?

Нодир шоир

Нечун бировларга ақл бўласан?
Кераксиз гаплигин қайдан биларсан?
Суймаса суймасин,сенга нима ғам?
Балки ўзинг етолмай,бағринг тиларсан.

Iltimos hurmatli Bahodir aka! So'z qadrini bilaylik va bir - birimizni hurmat qilaylik. Bahru baytni saviyasini tushirib yuboruvchi "oldi - qochdi" she'rlarni bas qilaylik. Axir bu do'stlar bahru bayti....Axir bu bir-birimizni bog'lab turuvchi mehr oqibat bahru-bayti...
Узр Комилжон,менимча олди қочди шеърни ўзингиз бошладингиз.Мен бир йигитнинг дардини ёзиб қўйгандим,лекин бу дегани,аслида мен бировни суяману,лекин у мени суймайди дегани эмасу.Нима мен "Севгинатор"манми?кимнинг шеърига жавоб ёзсам,ўшани севиб қолавергани.-Бу баҳру байт,бу ерда ёзилаётган шеърий туйғулар,аниқ бир кимсага йўналтирилган эмас- дейишган эди,бир пайтлар айрим форумдошлар.Мен бу қолдирган ҳабаримни,аслида сизга эмас,Сиз Бобурнинг "Булмаса"ғазалини аввал қўйиб,кейин олиб ташлашингизни илтимос қилган,ўша афсонавий"Нодир шоир"га қарата ёзгандим.Тўғри буни шеър деб бўлмайди,шунинг учун аҳли форумдан узр сўрайман.Мен ҳам ўзим ёзган ҳабарнинг остига,"Қодир шоир",ёки "Ботир шоир" деб имзо чекишим мумкин эди,аммо мен бировнинг қиличи билан,ёвга ҳамла қилмайман."Нодир шоир"нинг шеъри,кераксиз бўлган пайтда ишлатилгани,мени бироз ранжитди ҳолос.

[albatros]

Узр Комилжон,менимча олди қочди шеърни ўзингиз бошладингиз.
Nahotki?! Shu paytgacha hali biror bir "oldi-qochdi" she'r qo'yganimni eslay olmayman, aytingchi qachon qo'yibman. Faqat ketma ket saviyasiy she'rlardan so'ng men ham yozishga majbur bo'ldim, mos javob sifatida

-Мен бу қолдирган ҳабаримни, аслида сизга эмас, Сиз Бобурнинг "Булмаса"ғазалини аввал қўйиб, кейин олиб ташлашингизни илтимос қилган, ўша афсонавий"Нодир шоир"га қарата ёзгандим.

Bu yerda siz o'sha afsonaviy Nodir shoir deb kimni nazarda tutayapsiz bilmadimu, ammo nazarimda siz ham

бу ерда ёзилаётган шеърий туйғулар,аниқ бир кимсага йўналтирилган эмас

deb faqat bir insonni she'rlariga javob yozayapsiz, ko'proq. Agar isbot kerak bo'lsa "Bahru bayt"dagi ayrim javoblaringizni aytib o'tishim mumkin. Bu javoblarni she'r deb bo'lmaydi, ular asosan bir insonga qaratilgan, go'yo, unda "sen sevmaysan, men sevaman"(uzr bu so'zlarni sizga aytmasligim kerak ediyu(yoshingiz ulug'ligini e'tiborga oladigan bo'lsak), ammo majbur bo'ldim, to'g'ri tushungaysiz) mazmunidagi jumlalar... Ehtimol u inson, ajoyib bir oilaning vakilidir, ehtimol u inson siz kabi insonlarni opasi, singlisi, mehribon onasidir...Shuning uchun ham garchi yoshim kichik bo'lsada sizga qarata ushbu fikrlarni aytishga jazm qildim.

Сиз Бобурнинг "Булмаса"ғазалини аввал қўйиб,кейин олиб ташлашингизни илтимос қилган, ўша афсонавий"Нодир шоир"га қарата ёзгандим. Мен ҳам ўзим ёзган ҳабарнинг остига,"Қодир шоир",ёки "Ботир шоир" деб имзо чекишим мумкин эди, аммо мен бировнинг қиличи билан, ёвга ҳамла қилмайман.

Bu yerda kimni aytmoqchisiz bilmadim, ammo har holda yuqoridagi she'ringizga mos javob deb shu bitiklarni yozdim, chunki o'chirilgan Bobur g'azali siz qo'ygan she'rga munosib emas, deb o'yladim. "Birovni qilichi bilan yovga hamla qilmayman" deganda faqat o'z she'ringizdan foydalaning demoqchimisiz? Bahru baytda istalgan shoirlarimizni she'rlaridan foydalanish mumkin, yoki siz buni inkor etasizmi? Men ham birovni qilichi bilan hamla qilmayman, ammo "salomga yarasha alik" olmoqni bilaman hurmatli Bahodir aka!

[Баходир кушаков]

Nahotki?! Shu paytgacha hali biror bir "oldi-qochdi" she'r qo'yganimni eslay olmayman, aytingchi qachon qo'yibman. Faqat ketma ket saviyasiy she'rlardan so'ng men ham yozishga majbur bo'ldim, mos javob sifatida
Ҳурматингизни билмабсиз.Кетма кет савияси паст шеърлар....!Савия ўзи нима биласизми?Сизнинг менинг шеърларимдан савия излашга ким ҳуқуқ берди?Нима сиз Навоиймисиз?Ёки бир пайтлар шеърият нималигини менга уқтирган қўшним,акаҳоним,ҳамшаҳрим,раҳматли Муҳаммад Юсуфмисиз?Ёки давлат адабий танқидчиси деган мақомни олганмисиз?Ҳайрон бўлишингизни тушинаман,сабаби кўпроқ бировларнинг шеърини ёзасиз.Менга бир пайтлар ўша раҳматли Муҳаммад Юсуф айтгандилар.-Баҳодир,агар сен бир марта шеър ёзиб,орқасидан сайқалласанг,демак сен шоир эмассан-деб.Шунинг учун ҳаёлимга келдими,ёзиб юборавераман.Лекин ким менга буни таъқиқлайди.Меҳмонлар масаласига келсак,бир марта ўқиб кўришади,ёқмаса кейинги сафар ўқимай қўйишаверади.Бундай шеърларни ёзма дейишга сизнинг ҳаққингиз борми?Форум сўзи нимани англатишини биласизми ўзи?

Bu yerda siz o'sha afsonaviy Nodir shoir deb kimni nazarda tutayapsiz bilmadimu, ammo nazarimda siz ham
Бу гапингизни умуман тушинмадим.Кимни назарда тутганимни бу ерда сизга айтиб ўтирмайман.Лекин шуни биламанки,сиз ўз иҳтиёрингиз билан,ўша Нодир шоирнинг шеърини қўймагансиз.Исботини гапириб ўтирмайман.Сабаби,бу форуму,агенту,ҳаммасида ким қандай нафас олаётганини билиш мумкин бўлган йўллар кўп.Шу ҳақда ҳеч ўйлаб кўрганмисиз?

deb faqat bir insonni she'rlariga javob yozayapsiz, ko'proq.
Аввало кўчада бўлсам,сени нима ишинг бор деган бўлардим.Лекин бу ерда бундай қўполлик қилмайман.Тушинишим бўйича сиз бир аёл ҳақида гапиряпсиз.Тўғри.Тан олишим керак.Агар шу аёл баҳру байтга кирмаса,ҳудди баҳру байт ҳувиллаб қолгандай.Лекин ука билиб қўйинг.Бу фақат шеърий ёзишмалар,рост туйғулар эса,оммавий изҳор этилмайди.Агар бирор маҳфий гапим бўлса,секин личкасига ёзиб,гаплашиб қўя қолишим мумкинлигини тушинтириб ўтирмайман.Айнан бир инсонгагина ёзяпсиз деган гапингизга қарши мисол келтирай десам,Б.Б.ни варақлашим керак экан.Мен ҳам сиз каби эътибор қаратганман.(Пипикрон дегим келмайди),Алишер укамизнинг ёзган шеърлари,домла Маҳмуд Жураътнинг ва яқинда пайдо бўлиб қолган Қувончбек укамизнинг шеърларидан,улар ҳам бир форумдошини севиб қолган деб тушиниш керакми?
Birovni qilichi bilan yovga hamla qilmayman" deganda faqat o'z she'ringizdan foydalaning demoqchimisiz? Bahru baytda istalgan shoirlarimizni she'rlaridan foydalanish mumkin, yoki siz buni inkor etasizmi?
Ҳа. Ҳудди шундай.Агар ҳозиржавоб бўлсангиз,ўша заҳоти жавоб ёзинг.Бировни шеърини эса,марҳамат,"Дилдаги сатрлар"мавзусига ёзишингиз мумкин.Саломат бўлинг!

[albatros]

агар сен бир марта шеър ёзиб,орқасидан сайқалласанг,демак сен шоир эмассан

Bu degani istalgan ketma -ket misralar she'r degani emas. Bu degani istalgan ilk kelgan fikrlarni she'r deb bahru baytga qo'ying degani emas. Gavhar deya ta'riflangan so'zni hurmat qilishimiz kerak:
So‘z guhariga erur oncha sharaf –
Kim bo‘la olmas anga gavhar sadaf (Navoiy)


Bahru baytda istalgan shoirlarimizni she'rlaridan foydalanish mumkin, yoki siz buni inkor etasizmi?
Ҳа. Ҳудди шундай.Агар ҳозиржавоб бўлсангиз,ўша заҳоти жавоб ёзинг.Бировни шеърини эса,марҳамат,"Дилдаги сатрлар"мавзусига ёзишингиз мумкин.Саломат бўлинг!

Bu fikringizga javob olish uchun "Bahru bayt"ni birinchi sahifasini ochib qoidani o'qib ko'ring...


Ҳурматингизни билмабсиз. Кетма кет савияси паст шеърлар....! Савия ўзи нима биласизми? Сизнинг менинг шеърларимдан савия излашга ким ҳуқуқ берди? Нима сиз Навоиймисиз? Ёки бир пайтлар шеърият нималигини менга уқтирган қўшним,акаҳоним, ҳамшаҳрим,раҳматли Муҳаммад Юсуфмисиз?

Afsus, sizni hurmat qilib she'rlaringizga o'z fikrlarimni yozib qoldirgandim. "Do'st achitib dushmand kuldirib" degan maqolni amalda qo'llamoqchi edim, sizni buni tanqid deb tushunibsiz. Mayli, oling bahru- bayt sizga bo'lsin...Omon bo'ling.

[Баходир кушаков]

Bu degani istalgan ketma -ket misralar she'r degani emas.
Гапимни тушинмапсиз ука.Шоирга шеър,уни сайқаллашга муҳтожлик қолмаган ҳолда келади дейилган.Мен шоир эмасман,буни аввал ҳам бир неча маротаба айтганман форумда.Шоирликка даъвоим ҳам йўқ.Менга ҳали бирортаси,эй биродар шеърни бу ерини бундай ёзади,у ерини ундай ёзади деб йўл йўриқ кўрсатгани йўқ.Фақат масҳараомуз репликалар бўлади ҳолос.Асабингиз темирдан бўлсаям дош бермас экан.

Bu fikringizga javob olish uchun "Bahru bayt"ni birinchi sahifasini ochib qoidani o'qib ko'ring...
Ўқиганман,лекин мен,Навоий билан Биноий ўртасидаги мушоирага ўҳшаган бўлишини истаган ҳолда гапирдим.

Afsus, sizni hurmat qilib she'rlaringizga o'z fikrlarimni yozib qoldirgandim. "Do'st achitib dushmand kuldirib" degan maqolni amalda qo'llamoqchi edim, sizni buni tanqid deb tushunibsiz. Mayli, oling bahru- bayt sizga bo'lsin...Omon bo'ling.
Ҳудди шу иқтибосдаги фикрларни сиз ҳақингизда мен ёзмоқчи эдим.Бу баҳсимиз сизнинг бундай қурбонлик қилишингизга арзимайди.Баҳру байт мени йўқотса,ҳеч нарса ўзгармаслигини биламан,лекин сизни йўқотишини камида мен истамайман.Муроса ҳамиша ғолиб ука.Мендан ҳафа бўлманг,ҳудди мен сиздан ҳафа эмаслигимдай.Баҳру байтни тўҳтатиб,тортишиб ўтирганимиздан ҳижолатман.Барчадан узр сўрайман.

[barlos]

Баҳор ёзим, куз ва қишим ёлғон менинг
Юзда кулгим, кўзда ёшим ёлғон менинг
Ўзинг ёлғон дунёдаги ростимсан,
Сен энг азиз душманим ҳам дўстимсан

[Nigora Umarova]

albatros, Bahodir aka!
Bahs-munozarani "She'r aziz olam aro" mavzusida davom ettiring.

[Nigora Umarova]

Баҳор ёзим, куз ва қишим ёлғон менинг
Юзда кулгим, кўзда ёшим ёлғон менинг
Ўзинг ёлғон дунёдаги ростимсан,
Сен энг азиз душманим ҳам дўстимсан

...Nikoh-davlat ishi, baxtdir yarqiroq,
Maqtanib olamga doston etganmiz.
Tirik yetimlarning sonida biroq
Amerikadan ko'p o'tib ketganmiz.

Nahot, buni eshitgan inqilob ijod!
Mana bu go'dakning chiqmasdan tishi.
Munisa onaning mehridan ozod,
Uning tarbiyasi-davlatning ishi.

Na ishchida dastgoh, na dehqonda yer,
Na olimda bordir ilm tashvishi.
Ekmoqdir, o'rmoqdir, sotmoq, olmoqdir-
Davlatning ishidir, davlatning ishi...

Erkin Vohidov

[barlos]

...Ishq baxtidan so’zlaguvchi ertagimsiz,
Oshiq axli eshitmagan hali bir bor.
Necha bora nazar tashlab anglamagan,
Yuragimda Siz bilmagan muhabbat bor.

Иқбол Мирзо

[Nigora Umarova]

...
Yuragimda Siz bilmagan muhabbat bor.

Иқбол Мирзо

Rangi ro'yingdan dam urmish sog'aru sag'boya box,
Oftob ila qilur da'vi dutulmish oya box.
Ey salomat ahli ul ruxsora boxma zinhor,
Ehtiroz ayla malomatdan bani rasvoya box...

Fuzuliydan

[barlos]

box...

лотин ёзувида уқувим камроқ, боҒми, боҚми ёки боХ? :)

[Nigora Umarova]

лотин ёзувида уқувим камроқ, боҒми, боҚми ёки боХ? :)

"box"- She'r ozar tilida yozilganligi uchun ham "boq" so'zi "box" deb talaffuz etilgan.

She'rlarni sizlarga noqulaylik tug'dirmaslik uchun keyingi safar kirill alifbosida qoldiraman.

[barlos]

"box"- She'r ozar tilida yozilganligi uchun ham "boq" so'zi "box" deb talaffuz etilgan.

Хаёлан мен Сизни кўриб тураман,
Орзуларим дунёси осмонларидан.
Хаёлан Сиз билан суҳбат қураман
Юрагим тубидаги армонларидан.

[Nigora Umarova]

Юрагим тубидаги армонларидан.

Нима деб жавоб беришим даркор,
Ўзимни оқламоқчи эмасман зинҳор.
Бахтлидир шеър тўқишга ҳавас йўқ киши,
Умрини ўтказар бўлмай ташвиши.

[pipicron]

Умрини ўтказар бўлмай ташвиши.

Икки дунё ташвиши бир дунёга синовдир:
Шеър ёзмаган ер чопар. Сатр мисли шудгор ҳам.
Айтинг, кимда йўқ ташвиш? Кимнинг бахти тўкисдир?
Султонларда не хавас? Бирдир кўнгли абгор ҳам.

[Aliya]

Маккор тақдир тўфонларидан
Мавжланади нигоҳим саҳни.
Изладимми армон бағридан
Пешонамга битилган бахтни?!
Қародир юз... Сени севаман...

Соғинч ўти – Ҳақнинг ажри-да,
Мен қўрқмайман, фироқ – ўткинчи.
Занжирланган кўнглим бағрида
Авайлаган танҳо ўкинчи –
Оловли муз: “Сени севаман...”

Кечир, сенга келдим бемаҳал,
Кечир...
Сенга етмади қўлим...
Борар йўлим аллақачон ҳал –
Висолингдан яқинроқ ўлим...
Ва сўнгги сўз: “Сени севаман...”

[Minglar]

Нигоҳимда йўллар – ўтилган,
Учрашилган , ногоҳ кетилган,
Соғинч билан армон битилган,
Йўллар…

Юраккача етмай йиқилган,
Манзилини топмай сиқилган,
Пешонамда сонсиз тиқилган,
Йўллар…

Адаштирган , чапи ўнги бор,
Гоҳида кенг , гоҳ жуда ҳам тор,
Оҳири бор ва энг сўнгги бор,
Йўллар…

Тақдиримга ёзилган битик,
Чизиғингдан борича юрдик,
Оҳ, қанчалар қадрдон эдик…
Йўллар…


(C)

[pipicron]

Йўллар…

Робиндранат Тагор айтган экан бир куни:
"Хатоликлар олдида ёпсак барча эшикни
Дод соларкан Хақиқат:
- Мен қаердан кираман?"

Кўнглим эса кенг дала, эшиги йўқ, девор йўқ,
Карвонсарой. Хақиқат келаверсин, кўнгил тўқ.
Мен хақиқат келгунча
Хато қилиб тураман.

[Quvonchbek Karimov]

Хато қилиб тураман.
Нега деган савол абадий қолар,
Хатоларлан иборат умр.
Дард бердинг, севдирдинг, майли...
Сен борсан... Борлигинг ... Боринга шукр!

[Mohlaroy]

Сен борсан... Борлигинг ... Боринга шукр!

Ранжимайсан,пинак бузмайсан,
О,соғиндим-эзгу тушунча.
Оловсан-у, гўё муздайсан.
Айтгин нега севасан бунча?!

Воҳид Луқмон

[Mahmud Jurat]

Айтгин нега севасан бунча?!

Айт жаҳлимни чиқармагин кўп,
Мен севаман, сенчи, бошқани,
Юрагимда савол тало тўп,
Қорин ҳам оч, келтир, ош қани.
(Жўқий)

[Mohlaroy]

Қорин ҳам оч, келтир, ош қани.

Инсофни энг аввал ўзимга тилаб,
Тўзимни тўймаган кўзимга тилаб,
Келмаган шоҳона кезимга тилаб,
Менам ўз-ўзимни бутаётибман.

Ҳалима Худойбердиева

[Nigora Umarova]

Қорин ҳам оч, келтир, ош қани.
(Жўқий)

Har bir jumla ham she'r bo'lavermaydi-de, domla. Ayniqsa, Siz kabi adabiyotni chuqur biladigan inson bu yerda bunday to'rtlikni keltirishi... Bu forumning saviyasiga ta'sirini ko'rsatmaydimi? Siz har taraflama yosh ijodkorlarga o'rnak bo'lib kelgandingiz...

[Nigora Umarova]

Менам ўз-ўзимни бутаётибман.

Ҳалима Худойбердиева

Na mulku mol banga charx versa mamnunam,
Na mulku moldan ovora qilsa mahzunam.
Agarchi muflisu pastu muhaqqaru dunam,
Damodam o'yla xayol ayloraki Qorunam.
Ko'ngilda naqdi vafo ganji, lek pinhoni,
Ko'zim xazonai la'lu guhar, vale foni.

Fuzuliy

[pipicron]

Ko'zim xazonai la'lu guhar, vale foni.

"Икки ярим бир бутун" дерлар...
Бу гаплардан хеч кўнглим тўлмас:
Икки бутун юрак жуфтдир, лек
Икки ярим юрак бир бўлмас.

[Gulchehra Ibragimova]

Икки ярим юрак бир бўлмас.
Сўрдимки:—Нечун шикаста, нолондирман?
Айди:— Сабабни мен, гули хандондирман.
Сўрдимки:—Нечун кўйингда гирёндирман?
Айдики санам:—Сен тану, мен жондирман...

Абу Али ибн Сино

[Quvonchbek Karimov]

Айдики санам:—Сен тану, мен жондирман...

Наҳотки, сенсизсик шунчалар ёмон,
Яшамай қўйдимми.... Яшаяпманми...
Ҳеч кимга ўхшамай қоляпман, нега?
Яшаётганмидим..... Яшаяпманми???

Мазмунсиз кунимга очиб саҳифа,
Аламли чизиқлар тортиб бораман.
Ўзимни, ўзлигим юқотяпман-ку...
Ўзимча сени (ўзимча фақат) топиб бораман.

Асли бегонасан, туйғуларимга,
Фақат қондирсан сен томирларимда....
Кузатиб қўярдим “бахт” томон сени...
Кета оласанми кулгуларимдан?

Яшаётганмидим..... Сендан олдин ҳам.....

[Gulchehra Ibragimova]

Яшаётганмидим..... Сендан олдин ҳам.....
Масту аласт, беғам дўсту ёр
Толиқтирар қалбимни маним.
Шунда бирдан бўлади ошкор
Ёлғизлардан ёлғиз эканим.

Деразага ҳўл бағрин босиб,
Кузак туни сурганда хаёл -
Мен энг гўзал шеъримнн ёзиб,
Сизни эслаб йиғлашим аён.

Усмон Азим

[Quvonchbek Karimov]

Сизни эслаб йиғлашим аён.

Nazokatni qaydan olgan kapalak,
G‘uvillab, nimadan so‘ylaydi kaptar?
Nimaning tasviri, ayting, kamalak?
Sevgi deganlari yo‘q bo‘lsa agar.

Ne bois qizarib ketdi atirgul,
Nasimlar nelardan keltirdi xabar?
Kimning qiynog‘ida to‘lg‘onar sunbul?
Sevgi deganlari yo‘q bo‘lsa agar.

Kimni kutib chatnab ketar harsangtosh,
Momogulduraklar nahot besamar?
Qanday qudrat bilan aylanar quyosh?
Sevgi deganlari yo‘q bo‘lsa agar.

Ilon ham qovushar, garchi zahri bor,
Chayon o‘z juftiga tutadi shakkar.
Ko‘ngilning yurakdan nima farqi bor –
Sevgi deganlari yo‘q bo‘lsa agar.

Iqbol MIRZO

[Aliya]

Rohati xobimni tark aylab, kutarman mujdasin,
Yuz xazor sitoralardin xat yubormoq va'dasin.

Bir xabar kelsunki, zorim, uyqudin kechgancha voz,
Ishqining peshonasiga oyda keltursin qiyos...

[Gulchehra Ibragimova]

Ishqining peshonasiga oyda keltursin qiyos...
Севгилим! Ўйланма, кел, интизорман,
Келгин, ғуссанг билан тўлган уйимга.
Ҳали ҳам севгингга содиқман, ёрман,
Шодлик бўлиб қўшил ғамгин куйимга.

Сен жоним, хонамда бўлганда пайдо,
Совуқдан қизарган юзларинг яшнаб,
Ростдан ҳам сенми деб, хаёлми, деб ё,
Ишонмай қўлингни кўрурман ушлаб.

Қўрқмагин, саволлар бермасман, эркам..

Усмон Азим

[Quvonchbek Karimov]

Қўрқмагин, саволлар бермасман, эркам..

Milyon yilda meni yaratdi hayot,
Meni so‘rab, tog‘lar qator cho‘kdi tiz.
Nahot anglamaysan, bilmaysan nahot,
Axir men bittaman, yagona, yolg‘iz.

Bug‘lanib, qaytadan to‘kiladi suv,
Quyoshdan ishorat – ko‘z yorar ildiz.
Men, axir ularga o‘xshamayman-ku,
Axir men bittaman, yagona, yolg‘iz...

Iqbol MIRZO

[Gulchehra Ibragimova]

Axir men bittaman, yagona, yolg‘iz...

..Зуҳроларки ҳар лаҳза шай ишққа қурбон бўлмоққа,
Улар сўлиш билмай яшар Сизни суйиб, толдириб,
Ҳеч бўлмаса, Зуҳро учун ҳаққингиз йўқ ўлмоққа,
Ўлдирмоққа ҳаққингиз йўқ, ортда тирик қолдириб.

Минг Тоҳир-ку мангу ухлар шуҳратларга кўмилиб,
Минг Зуҳронинг узун умри хазон, гулга термулиб..

Халима Худойбердиева

[Quvonchbek Karimov]

Минг Тоҳир-ку мангу ухлар шуҳратларга кўмилиб,
Минг Зуҳронинг узун умри хазон, гулга термулиб..

Бир кеча бехосдан уйғониб кетсам,
Йиғлаб ўтирибди юрагим юм-юм.
Чўчиб турдим: сенга нима бўлди, эркам
Нимага йиглайсан,
Мен нима қилдим?..
Ундай десам бўлмас,
Бундай десам кўнмас,
Чекдим. Чиқиб сокин ҳовлини кездим.
Ҳамма юлдуз сўнди. Бир юлдуз сўнмас
Кўзимга мўлтираб турар илк севгим.

Мухаммад Юсуф

[pipicron]

Кўзимга мўлтираб турар илк севгим.

Мўралайди новдаларнинг ортидан хилол:
- Ухлаяпти... Ёки уйғоқ? Ана! Уйғонди...

Жахл билан турткилайди тонг сахар қуёш:
- Уйғон рақиб! Рашк ўтидан юрагим ёнди!

Уйқу тўла кўзларимни базўр очаман:
- Алам қилсин! Хилол бугун висолга қонди.

Ўзим эса энтикаман ширин туйғудан,
Аста ўпиб уйғотай деб севган инсонни...

[Aliya]

Iltijo qilaman:
To`xta, qayt shamol,
Men - Ishqning chechagin yer bag`ridan uz...
Ko`zlaringga surgin...
Mening bilan qol...
Baribir, kun kelib xazon etar kuz...

Umrimni kuzlarga bermoqdan ko`ra,
Sening qo`llaringda taslim etay jon.
Ollohdan Sening-la bir taqdir so`ray -
Shunday baxt bag`rida quchsam ham xazon...

Ketma...
To`xta, shamol...
Mening bilan qol...

[Nigora Umarova]

Ketma...
To`xta, shamol...
Mening bilan qol...

Lozim emas shamolga qilmoq iltijo,
Axir u seni bir kun qiladi bejo-
Osmonga ko'tarar, yerga uradi-
Iforlar taratgan, go'zal gulyaproq.

[Aliya]

Osmonga ko'tarar, yerga uradi -
Iforlar taratgan, go'zal gulyaproq.

Qaynoq ishqning telba sinovlari ko`p,
Taqdirning shartidan go`zal va qaltis.
Shamolga yolvorgum:
"Yanog`imni o`p...
To ishqqa zor dilda qolmasin afsus..."

Saraton taftidan qovjirab bo`ldim -
Sog`inchga o`xshaydi olovli sasi.
Roziman, shamolning bag`rida o`lgum -
Ishqqa qonib olsam so`nggi nafasni...

To unga zor dilda qolmasin afsus,
Uning quchog`ida xazon bo`layin...
Meni yer bag`riga ko`mmasidan kuz -
Lablarin taftida kuyib o`layin...

Shamol...
Vataningga olib ket, shamol...

[pipicron]

Shamol...
Vataningga olib ket, shamol...

Лахзада сен билан, лахзада олис,
Кун туннинг фарзанди шамол беқарор:
Кезади гохи шўх, гохида маъюс,
На ватан қилди у, на вафодор ёр...

[Gulchehra Ibragimova]

На ватан қилди у, на вафодор ёр...
Рости, деразангни чертган мен эмас,
Сочларинг ўйнаган-ўйноқи шамол.
Майли туйғуларим кетсада увол
Ким, дея сўрама, бермагил савол..

Юз-кўзинг сийпалаб кетган мен эмас,
У-мендан бахтлироқ, журъатли шамол
Шўх шаддод эпкиндан кўрма деб завол
Бир четда сен учун сўргувчи камол-
"Ў Ш А М А Н"...
(с)

[Mahmud Jurat]

На бўлди жилвадан ярқиради тун,
Олам рақсга тушди кипикларимда.
Сен билан яйради бу олам бутун,
Қара, қуёш чиқди қоп қора тунда.
(С)

[pipicron]

Қара, қуёш чиқди қоп қора тунда.

- Айтдима, тунда ким чироқ ёқди деб?
Кундуз кел, дардингни ўзим олайин.
Уйқумни қочирган уйқусиз шоир,
Шеърингдан айтиб бер, ухлаб қолайин.

[Mahmud Jurat]

Шеърингдан айтиб бер, ухлаб қолайин.

Нундай эгилганлар ухламас сиздай,
Шеърият боғининг кабутарлари,
Кечаю кундузи ярқирар юздай,
Юракларин доғлар шахсий дардлари.

[pipicron]

Юракларин доғлар шахсий дардлари.

Изтироб чекмаган жон борми азал?
Тишларим изи бор қаламларимда.
Не сабаб оромдан олайин қасдим?
Оромнинг айби йўқ аламларимда.

[Mahmud Jurat]

Оромнинг айби йўқ аламларимда.

Айт, жаллод, ойболтанг ўткирми бугун,
Оромим йўқолди бағрим қон бу тун,
Оромни изламай яшар бу башар
Фақат оромсизнинг бағридир бутун.
(С)

[pipicron]

Фақат оромсизнинг бағридир бутун

На кун тинч юрасан, на тун ухлайсан:
Халқман деб халқни еб этинг қотибди.
Каллангни сапчадек узардим, аммо,
Ойболтам омборда захлаб ётибди.

(Жаллод амаки). :)

[Mahmud Jurat]

Ойболтам омборда захлаб ётибди.
Ибо астарига ўрадим неъмат,
Жаллод ўз гуноҳин қилди маломат,
Халқнинг номидан гапирса жаллод,
Подшоҳи ким бўлди, қайдадир у зот.

[Гўзал]

Тунми ё қуёши порлаган кунми,
Қувноқ бир юракми ё дили хунми,
Подшоҳнинг кимлигин аниқлагунча,
Бағирдан ҳол сўранг, ҳали бутунми?

[Mahmud Jurat]

Бағирдан ҳол сўранг, ҳали бутунми?
Игнала қудуқлар қазганим бўлсин,
Ҳар кимдан бир бутун иморат қолсин,
Бир бағри яримнинг хуш кўнгли учун,
бу олам шоҳлари хизиатда бўлсин.
(с)

[pipicron]

бу олам шоҳлари хизматда бўлсин.

Неки қилса қилсин султонлар,
Ярим кўнгил бут бўлмас зинхор.
Токи кўнгил ўзи истамас
Хуш кўнгилдан наф йўқдир зинхор.

[Гўзал]

Хуш кўнгилдан наф йўқдир зинхор.

Рост сўзлардан қалбларда ҳузур,
Дил кўнмаса, султонлик бекор.
"Жаллод" буни англабди шукур,
"Маҳмуд"идан сўровимиз бор.. :)

[pipicron]

"Маҳмуд"идан сўровимиз бор...

Рахм айлади "Жаллод" "Гўзал"га,
Ойболтасин чархлади чунон.
Лекин Султон Махмуд номидан,
Робияни авф этди пинхон...

[Гўзал]

Робияни авф этди пинхон...

Не сир эрур, бу не синоат,
Бири учун куйинар бири.
Тугатинглар тугамай тоқат,
Чиқмасидан мавзунинг "кири"..

[Gulchehra Ibragimova]

Чиқмасидан мавзунинг "кири"..
..Илоҳим, субҳидам шавқидан қондим,
Тилим сўзга кириб бўлдим сасли ҳам –
Ташаккур, бу тонг ҳам яна уйғондим!
Ахир, мумкин эди уйғонмаслик ҳам…

Карим Бахриев

[Гўзал]

Ахир, мумкин эди уйғонмаслик ҳам…
Мумкин икки қароқ абад уйқуда,
Киприклар абадий висолга етиб.
Қон Юрак қабрдир гўзал туйғуга,
Ҳижронда абадий уйқуга кетиб.

Илоҳим, шукр-ки уйғондим бугун,
Киприклар фироқда, учрашар аҳён.
Тетик руҳ етаклар жисмни бу кун -
Дилпайванд Соҳиби Дийдори томон...(с)

[Gulchehra Ibragimova]

Дилпайванд Соҳиби Дийдори томон...(с)
Нетай... Пешонамда шу дард бор бўлса?!
Қанийди бу дардга харидор бўлса...
Сени танлармидим ихтиёр бўлса?!
Ҳолим ёмон бўлди сени соғиниб...
(И.М)

[Mahmud Jurat]

Ҳолим ёмон бўлди сени соғиниб...
Барчаси бекордир ваъдалар бекор,
Севгисиз ул тўйу, қаъдалар бекор,
Шунингчун ҳақ никоҳ аршда ўқилгай,
Мажнунвор севгига каъбалар бекор.
(Ж.М.)

[Гўзал]

Мажнунвор севгига каъбалар бекор.

Рутубат қоплаган даҳри дунёда,
Ўчмас зиё эрур Ишқ ҳам муҳаббат.
Бағри яримларда бари бекорда,
Ҳақиқий Лайлилар бор, лекин албат.(с)

[Mahmud Jurat]

Ҳақиқий Лайлилар бор, лекин албат.

Тилак тилга кирмас - лайли топилгай,
Мажнунвор севгига тун нажот эмас.
Бағри бутунгина нурга интилгай,
Фақат жоҳилгина нурга интилмас.
(С)
Лайлининг араб тилидаги бир маъноси тун. Аслида бу машҳур асарни "Жиннининг тунга ишқи" маъносида таржима қилса ҳам бўлади.

[Gulchehra Ibragimova]

Севганимнинг зоти асли-шер,
Шерлар ҳар дам озодликни дер.
Хақнинг нури тушган парча ер -
Мардлар тушган майдонман холос.

Дил забт этмоқ - умрим мазмуни.
Тақдир дерлар бундай мавзуни.
Худойимнинг маъюс, маҳзуни -
Бир шоири давронман холос.

Гулжамол Асқарова

[Mahmud Jurat]

Бир шоири давронман холос.
Севги даврон эмас, армон ҳам эмас,
Шоир ҳайрон эмас, шодон ҳам эмас,
Севгила шоирнинг ғамдадир боши,
Ғам бирла оламу замонга сиғмас.

(С)

[Quvonchbek Karimov]

Севгила шоирнинг ғамдадир боши,
Ғам бирла оламу замонга сиғмас.

Сабр... Бу муродинга йўл..
Кўнгилларни қилма безовта.
Хокисорлик ярашмас сенга,
Юлдузларга тенгсан шу тобда.

Дарди борлар ёзарлар равон,
Кўнгилларни забт этадилар.
Ёзолмайди, ёки ёзса хам,
"Ўхшатолмас" дардсиз кимсалар.

Шоирлик - бу сафсата эмас.....

[Gulchehra Ibragimova]

Шоирлик - бу сафсата эмас.....

Сассиз соғинч соясида юзим зоҳил,
Кўксимга тиғ урди армон бўлиб жоҳил,
Бир кўрмоққа борин ҳадя этар кўнгил,
Бизга ҳам ул висол насиб этармикан?

Эслаганда олов бўлиб ёнар бўлдим,
Тушдагина висолингга қонар бўлдим,
Тонгда турмоқ истагидан тонар бўлдим,
Бизга ҳам ул висол насиб этармикан?

Вафоларни сўрар бўлсанг – кўздан сўра,
Ошиқ бўлган юрак рангин куздан сўра,
Армон доғин тиғ тортилган издан сўра,
Бизга ҳам ул, висол насиб этармикан?

Маъмуржон Гайназаров

[Quvonchbek Karimov]

Бизга ҳам ул, висол насиб этармикан?

Na shahdu na shiddat, na jur’at qoldi,
Na ahdu na rag‘bat, na sur’at qoldi.
Tushda ko‘rgan kabi shul suvrat qoldi,
Bizdan suvrat qoldi xolos, sevgilim.

Hech qachon hech kimga etmas-ku dodim,
Etsa, inobatga o‘tmas-ku dodim.
Armon shu – suvratda qotsa hayotim,
Bizdan suvrat qoldi xolos, sevgilim.

Suvratdek sarg‘ayib o‘char izimiz,
Mazmunin yo‘qotib borar ismimiz.
Jismimiz yuribdi, faqat jismimiz...
Bizdan suvrat qoldi xolos, sevgilim.

IQBOL MIRZO

[Mahmud Jurat]

"Ўхшатолмас" дардсиз кимсалар.
Равон ёзмоқ истадим мудом,
"Ўхшамасдан" чиқаверди шеър,
Дарди дилда кўп бўлган одам,
Ҳақни излаб тўкар экан тер.
(С)

[Gulchehra Ibragimova]

[
Bizdan suvrat qoldi xolos, sevgilim.


Мана, куз ҳам келди, тўкилди япроқ,
Аммо тўкилмади қалбимдаги дард.
Не қилай кўнглимнинг кўчаси яйдоқ,
Унда топилмайди ҳатто битта барг.

Бизни айро қилди бешафқат қисмат,
Ғурурнинг занжири икки қўлимда.
Ҳаётим мазмунин босмоқда ғафлат,
Кузги оташларнинг тафти кўнглимда.

Бағримни ёқмоқда бир оташ-олов,
Гўё мангуликда тарк этмас мени.
Кузги ҳазонлардек ҳаётим гаров,
Тўкилиб кетсайдим, пойингга сени…

Дилфуза Курбонова

[Quvonchbek Karimov]

Тўкилиб кетсайдим, пойингга сени…

Ийманади ғамдан олдин юз очгани,
Орзуларни дил тахтига михлаб қўйдим.
Яна қанча муддат керак кўз очгани,
Мен шундоқ ҳам йигирма йил ухлаб қўйдим.

Увол қилмай — эрмак учун ўлдирмасдан,
Лаҳзаларни капалакдай тутаверсам.
Худойимдан бошқасига билдирмасдан,
Чумолидай ризқим териб кетаверсам.

Етолмасин, мангу ортда қолиб кетсин,
Армонларнинг қушларига дон бермайман.
Андуҳларим мендан олдин ўлиб кетсин,
Қуёшни бир ўпмай туриб жон бермайман

Бехзод ФАЗЛИДДИН

[Mahmud Jurat]

Қуёшни бир ўпмай туриб жон бермайман

***
Нурга интилади ҳар бир дил, куртак,
Ҳатто уйқуда ҳам орзуда ёниб.
Тиллари тамшаниб жилмаяр гўдак,
Эмиш имконидан дилдан қувониб.

Жигарим Фазлиддин уйқу ҳам ширин,
У ҳам табиатнинг асли имкони.
Бизларчи ухладик етмиш йил иним,
Ғафлат уйқусидан асрасин сизни.

Боболар оғуни сўрдилар билмай,
Оғу ҳам аташди диллар далдасин.
Катта оғалари узатарди май,
Қадаҳ сўз ўрнига айтиб алласин.

Сипқоринг эрк деган ширин чашмадан,
Туринг, чор атрофга наъралар тортинг.
Замон Ғиротини ҳўпга қўшмасдан,
Туроннинг дардини елкага ортинг.
(С)

[pipicron]

Туроннинг дардини елкага ортинг.

Гохида соддамиз бир достон каби,
Гохида мураккаб мисли бир байт шеър.
Гохида борлиқмиз бир инсон каби,
Гохида заррамиз минг бир халқман дер.
(с)

[Mahmud Jurat]

Гохида заррамиз минг бир халқман дер.

Ривоят қилурлар маскани ондан,
Дард топиб келурлар жумла жаҳондан,
Бизчи ғор ичинда хона нишинмиз,
Ҳарна умидимиз отган шу тонгдан.
(С)

[pipicron]

Ҳарна умидимиз отган шу тонгдан.

Не ажаб, замонаким, гулдин азоб кўрмишам,
Ахёнида ҳамхонаким, зардобу об кўрмишам,

Тарки дунё айлаган ким, кимки жамшид айламиш,
Руҳни саёқ кўрдим ҳануз, қон деб шароб кўрмишам.

(c)

[Nigora Umarova]

...Руҳни саёқ кўрдим ҳануз, қон деб шароб кўрмишам.

(c)

Мунҳарифдир, соқиё, андуҳи даврондин мижоз,
Бода дутким, иллати андуҳа соғардир илож.
Фақр мулкин дут гар истиғнода этарсан камол,
Салтанатдан кечким ул водидв чўхдир эҳтиёж...

Фузулий

[pipicron]

Салтанатдан кечким ул водидв чўхдир эҳтиёж...

Жабр қилмоқ жондин эмас, жонга озор берган жондин,
Бу жабрни ён айламоқ жондин эмас, дил иймондин,
Жонга жонлик килган жонмас, ёки жонсиз руху онгмас,
Жонни жонга жон айлаган жон эгаси ва инсондин.

(с) (ЖЖЖжжж.....)

[Nigora Umarova]

,
Жонни жонга жон айлаган жон эгаси ва инсондин.

(с) (ЖЖЖжжж.....)

...Nola dersam, qadri-la afzun Masihodan seni,
Yeru ko'k mezon o'lub, farq qilmish og'irdan yungul.
Otashi dil o'yla so'zondirki, bosmaz hech kim,
Rahm edub novaklaringdan o'zga zaxmim uzra kul.
Hosiling avval g'ami jonondir, oxir tarki jon,
Bu emish qismat Fuzuliy xoh og'la, xoh kul.

[Gulchehra Ibragimova]

Bu emish qismat Fuzuliy xoh og'la, xoh kul.
Лайлини кўрди халифа, деди:
- Хой, Сенимсан Мажнунни ёндирган чирой?
Лекин чиройинг ўзгадан афзун эмас...
Қиз деди: - Бас, чунки сен ҳам Мажнун эмас!

Жалолиддин Румий

[Quvonchbek Karimov]

Қиз деди: - Бас, чунки сен ҳам Мажнун эмас!
Самода айланган оққуш мисоли,
Соғинчим айланди атрофрларигда.
Тўкилиб тугамас шашаралардек,
Армон ёши оқар қароғларингда.
Йиғлайди гуллар ҳам ҳар тонг ҳар саҳар,
Иймондан айрилган виждон йиғлайди.
Армон бўлган менинг орзуим йиғлар.
Соғинчим юракни ёмон қийнайди.
Хайр дедим ортингдан секин шивирлаб,
Қаерда бўлсангҳам омон бўл гулим.
Яшайман дунёда сени соғиниб,
Севаман дегани ёлғон севгилим.

[Gulchehra Ibragimova]

Севаман дегани ёлғон севгилим.
Sevaman...
O'limni sevganday
Har lahza ruhimni pichoqlab,
Men mangu yashayman,
go'rda ham
Dilimda ismingni
quchoqlab!..

Zebo Mirzo

[Quvonchbek Karimov]

Dilimda ismingni
quchoqlab!..

Bilmadim… Bilganim kifoya emas.
Bilganim… Sensizlik azoblamoqda.
Lablarimga zahar, tomdirib tinmay
Zaharli ilonlar quchoqlamoqda.

Qo’ynimga in qurmoq bo’laveradi,
Tinmay shivirlaydi sovuq bir sasni.
Ularga keragim bormidi o’zi?
Baxtimiz kerakka o’xshaydi asli.

[Gulchehra Ibragimova]

Baxtimiz kerakka o’xshaydi asli.

Ishonaman, kim nima desa.
hatto daraxt bo'lishin aytib,
Aldab qo'yar
Kichkina maysa.
Muhabbatning ko'chalarida
Ming adashib, aldanganim rost.
Yupataman o'zimni goho:
"Aldanish ham oshiqlarga xos..."

Halima Ahmad

[pipicron]

"Aldanish ham oshiqlarga xos..."

Соқий, мени алдама, май қуй,
Бўш жомда ёр қилмас хиромон,
Сув шаффофдир, гулоб иси ёт,
Май алдаб чин кўрсатар ёлғон.

[Gulchehra Ibragimova]

Май алдаб чин кўрсатар ёлғон.
Нетай..феълимда бор, ёлғонга ётман,
Худбинлигим ҳам бор, рости манман-ман,
Дарахтман ва лекин руҳи озодман
Айбим-КЕЧИРИМ СЎРАШНИ БИЛМАЙМАН..
(С)

[pipicron]

Айбим-КЕЧИРИМ СЎРАШНИ БИЛМАЙМАН..

Неки иш бўлса бас, айбим ўзимда.
Мен узр кутмайман шундан хеч качон.
Хаммани кечириб ўргандим аммо,
Ўзимни кечириб қўйишим ёмон.

[Gulchehra Ibragimova]

На дейин,
соғинчнинг азоби
жонимни кетсалар қиймалаб..
ман нетай муҳаббат куйдирса
ёндирса боримга ўт қалаб..
Кўнгул-чи..
у менга бўйсунмас
номингни такрорлар мингталаб
хажрми,
ажрми,
сабрми
Кетмоқда умримни ортмоқлаб..
(с)

[pipicron]

Кетмоқда умримни ортмоқлаб..

Бу дунё бир синов дунёдир,
То абад соғинчнинг азоби.
Не азоб? Лаззатдир бу соғинч,
Минг бир ишқ бир ишқнинг сароби.

[Mahmud Jurat]

Минг бир ишқ бир ишқнинг сароби.

Изладим черокву, дацан,мачитни,
Топмадим дилга бир чимдим ачитқи,
Донг қотиб динларни англамоқ бўлдим,
Фақат Тангри дилга ҳамнафас чиқди.
(С)

[Quvonchbek Karimov]

Фақат Тангри дилга ҳамнафас чиқди.

Инжиқлик қилади юрак гоҳида,
Топиб бергин дейди ҳаловатимни.
Овутмоқ бўламан, гўдакдай авраб,
Тортиқлар қиламан бор бисотимни...

...Баъзида,юракни қолдириб якка,
Ўтмишимга нолиб! Сени топаман.
Кўнглимдан зерикиб, ўзимни, ҳамда
Сени юрагимдан олиб қочаман.

Қизғониб кетаман юрагимдан хам,
Сен менга кераксан! Фақат ўзимга!
Ёмон сўзларимдан ранжима зинҳор,
Бергим келмас сени “яхши” сўзимга...

(******га)

[Aliya]

Ёмон сўзларимдан ранжима зинҳор,
Бергим келмас сени “яхши” сўзимга...

Ayting, mening baxtim bo`lib kelsin u,
Bir lahza kechiksa - qiyomat hozir...
Taqdirga yozilgan sirli tilsim u,
Ko`nglim qulflarini yechmoqqa qodir...

Har bir boqishidan jonim olovda,
Kiprigim namlagan g`ururday devor.
“Axir u - meningmas! Birov - birov-da...
Sevgisiz ko`ngilda menga nima bor?!”

Ayting, mening baxtim bo`lib kelsin u -
To`ldirib hayotda barcha kamimni.
Bir kelsin...
Tole`day kulib kelsin u -
Baxsh etay qalbimni - asraganimni...

Axir, u meningmas...
Birov – birov-da!
Yig`lab yolvoraman:
“Yo Parvardigor!
Unga ham uchqun ber mening olovdan,
Unga ham sevgimdan bir shu'la yubor...”

Balki, qachonlardir dilga dard kirgan -
Mehrmi, ehtiros - aniq bilmayman...
Mening hayotimni nurga to`ldirgan
Go`zal muhabbatni unga tilayman!

Ayting...
Mening baxtim bo`lib kelsin u...

[Gulchehra Ibragimova]

Ayting...
Mening baxtim bo`lib kelsin u...

Шеърингизга жавоб ёзишдан аввал Алиябегим Сизга айтмоқчи бўлган гапим Ҳазрат Навоийнинг сўзлари билан айтганда "Умидим бул-ки, умидингизга етинг".

Ёки Ҳазрат Машраб сўзлари ила айтадиган бўлсак "Умидсизлик куфр эрур, дўстлар умид қилмоқ керак"..

Бахтингиз келади Иншаоллоҳ! Келмаса - ўзингиз унинг олдига борасиз..тўғриси ҳам шул бўлади манимча.
**************************
Энди эса шеърга жавоб:

Умид қилма, умидвор бўлма
Қўй, ишонма, мендек бадбахтга.
Ўзни раво кўрмасман рости-
Норавосан мендек беаҳдга.

Нечун керак бу шўр пешона
Нечун керак бу яримта бахт
Сенга лозим тилло кошона
Сенга лойиқ чегаси йўқ тахт.

нечун мендан умид қиласан?
Наҳот кетган сендан шаҳдам шаҳд?
Умид қилма, умидвор бўлма
Мендан кетган сенга таниш жаҳд!..
***
..менку бир нораво, на ишқда даво
кетиб бўлган бўлса ўша шиддат, шашт..
Майса билан дарахт жуфт бўлмагандек
Сен мисли бўстонсан, мен қақраган - дашт..

(с)

[Aliya]

Шеърингизга жавоб ёзишдан аввал Алиябегим Сизга айтмоқчи бўлган гапим Ҳазрат Навоийнинг сўзлари билан айтганда "Умидим бул-ки, умидингизга етинг".

Rahmat opa tilaklariz uchun! Bahribaytga kelsak, umidsizlik haqidagi she`ringizga ozar yozuvchisi Vorisning "Umidlar intihoda o`ladi" asaridagi epigraflardan birini yozsam...

Тушингга кирганимда, сочимни бир силаб қўй,
Ҳижронингга чидайин, менга сабр тилаб қўй,
Севаман, де шивирлаб, қучиб овутгин мени..
Севаман, дегин, кейин... майли унутгин мени...

[Гўзал]

Севаман, дегин, кейин... майли унутгин мени...

Интиқи изҳор бу қалб абадий бахтга етсин,
Ҳижрон аталмиш қушлар боғимдан учиб кетсин.
Тушларимнинг рўёби тушларимда намоён,
Хаёлий дийдор Сен-ла кунларим равшан этсин.

[Gulchehra Ibragimova]

Хаёлий дийдор Сен-ла кунларим равшан этсин.
Нетай мен ҳам бу кун соғиниб кетдим,
Бу отмас тонглардан оғриниб кетдим,
Сизга етолмадим, қоқилиб кетдим
Мен Сизга етмадим жоним Онам-ов..

Борилмас йўлларнинг баҳонаси кўп,
Остонаси мўлў, хилхонаси кўп
Қалбдаги истакнинг шоҳонаси кўп
Сизга боролмадим жоним Онам-ов..
Сизга етолмадим
онам, Онам-о
(с)

[Quvonchbek Karimov]

Сизга етолмадим
онам, Онам-о

Оқибат сўзидан уялиб кетдим,
Менда тош юрак, бор. Тошданда каттик.
Волидам сўзимга мушток айни дам,
Гул сўзим қиларман ўзгага тортиқ.

[Гўзал]

Гул сўзим қиларман ўзгага тортиқ.

Қиларман ҳадялар севган ёримга,
Совғалар улашиб фарзанд жонимга,
Зум боқмай отажон, онажонимга,
Ғафлатлар чўлида кетаётирман.

Турфа инсонларга бахшида сўзлар,
Дунё "ком"ларига боқилган кўзлар,
Мушкий "ифор"ларда жисмлар бўзлар-
"Гулгун" боғларида бораётирман...(с)

[pipicron]

"Гулгун" боғларида бораётирман...

Не дунё "Ком"лари сайқали ажиб,
"Ифор"дан из олиб топмаган ким бор?
"Гулгун" бир боғларни яшнатар кимлар,
Қайдадир пинхону, қайдадир ошкор...

[Gulchehra Ibragimova]

Қайдадир пинхону, қайдадир ошкор...
Ранжима, бор гапни айтганим учун,
Сенга боролмайин қайтганим учун.
Мен сенга шунчаки гапиролмайман,
Кўтара олмайсан рост сўзнинг кучин.

Рост сўзнинг зарбаси жудаям оғир,
Балки кўтаролмай юрагинг оғрир?
Юрагимга бўйла, кўргайсан уни-
Асл сўз сен учун бўлмаган охир.
ранжима, бор гапни айтганим учун..

[Гўзал]

ранжима, бор гапни айтганим учун..

Нега ҳам ранжий мен сўзларингиздан,
Қалбим тасдиқлаган бўзларингиздан.
Кун-у тун саргардон кездим кўчалар,
Бир нишон топай деб изларингиздан.

Йўқ, топа олмадим ҳаттоки бир хас,
Сиз эмас, кўрганим - яхши ё нокас.
Сувратим кулди-ю, йиғлади дилим,
Бу ҳолим кўриб ҳам бермадингиз сас.

Ростингиз майлига жонимни олсин,
Бу икки дунёлар бир Сизга қолсин.
Ранжимайман, айтинг - дилда борингиз,
Эҳтимол бошқадир энди ёрингиз?!

[pipicron]

Эҳтимол бошқадир энди ёрингиз?!

Замонам келганда ёрим бўлганлар,
Паймонам тўлганда орим бўлганлар,
Хар сабаб бўлганда корим бўлганлар,
Ёрим кўп. Ёрим кўп. Ишқим биттадир.

[Биллур]

Рашким келар
Кимдир Сизга ногох тикилса,
Куз изларин учиргим келар.
Изингизга хатто барглар тукилса,
Шамол булиб учиргим келар.
Бахтингиз эшитсам бахтиёрдекман,
Гамингиз эшитсам гунокордекман,
Кувониб, шодланиб гар бир кулсангиз
Шу дам ёнингизда мен хам бордекман
Ишким гули хеч хам сулмади,
Дил, ёрим билмам недан тулмади.
Бахтимиз куёши асло кулмади
Онт ичмокка энди не хожат
Хатто дея олмайман "Сизни согиндим!"...

[pipicron]

Хатто дея олмайман "Сизни согиндим!"...

Мажнун дерлар муҳаббатни куйлаганни,
Ошиқ демас хижронларда куймаганни,
Хаттo ажал четлаб ўтар суймаганни,
Куйлаб, куйлаб ўлди меҳрим, сен келмадинг

[Биллур]

Гохида шод, гохо гамнок бу дилим,
Кимнидир излаб билмайди тиним,
Ўйланаман ундан бошка кимим бор, кимим,
Армон гирдобига отмам юракни.
Мухаббати олдида эгилган бошим
Энди у менинг умр йулдошим,
Хар кандай кийнокка етар бардошим
Хижрон кийнокларига бермам юракни

[Гўзал]

Хижрон кийнокларига бермам юракни

Изҳорлар безайди тилларимизни,
Самога элтади дилларимизни.
Бир вужудмиз энди, ниятларимиз -
Қувончга буркайди йилларимизни... (с)

[pipicron]

Қувончга буркайди йилларимизни... (с)

Илм изла, ҳарки илм йўлингдадир
Анинг мағзи билки ўнгу сўлингдадир,
Ҳар мағизнинг боли ўзга, бил Ал Мехр,
Сарасини танлаб тотмоқ қўлингдадир.
(с)

[Gulchehra Ibragimova]

Сарасини танлаб тотмоқ қўлингдадир.

Ранг кўриш зоҳирда нурсиз кўп қийин,
Ичдаги ранги хаёл ҳам инчунин.

Даҳр аро нур - акси офтоби сахо,
Дилдаги нур - акси анвори Худо.

Дилда бўлса, кўзга келгай ҳосили,
Кўз нури кўнгил нурининг маҳсули...

Жалолиддин Румий

[Биллур]

Инжик кизим бор мени,
Юлдузларга бокади.
Айтар: -Мени ухлатиб,
Каёкларга кочади.

Тонгда туриб уйгониб яна айтар: Осмонда
Куёш кулиб турибди.
Шух, митти юлдузчалар,
Кочишга улгурибдИ..

[Биллур]

Инжик кизим бор мени,
Юлдузларга бокади.
Айтар: -Мени ухлатиб,
Каёкларга кочади.

Тонгда туриб уйгониб яна айтар: Осмонда
Куёш кулиб турибди.
Шух, митти юлдузчалар,
Кочишга улгурибдИ..

[Gulchehra Ibragimova]

Кочишга улгурибдИ..
Илоҳа боламни ўзинг қўллагил,
Юзини ёруғ қил ё Қодир Аллоҳ?!..
Кўпни қаторида Бахтга йўллагил
Эй ҳолиМ аёним-Ўзинг бўл паноҳ..
..Омаднинг эшигига рўпаро қилгил..**

**Фарзандларимиз бизнинг шам-чироғимиз, бахтимиз, қувончимиз,наслимиз давомчилари...
Илоҳа бу йил кимнинг фарзанди-аржуманди Олийгоҳлар эшигида турган бўлса-уларнинг барчасига аввало абитурентлик ва сўнг ТАЛАБАЛИК БАХТИ ЁР БЎЛИШИНИ ТИЛАЙМАН!!

[Биллур]

Лол киласиз биздан олис турган Опам,
Ниятлари кутлуг узи холис Опам,
Исмингиздай чехрангиз гул юрсин доим,
Кизим айтди: -Ниятига етказ Худойим.

[pipicron]

Кизим айтди: -Ниятига етказ Худойим.

Мехрибон бўлади қиз бола,
Ўғилнинг шўхлиги тўйхона.
Фарзанддир оламнинг борлиги,
Улар хам бир ота, бир она...

[Биллур]

Ahdiga sodiq farzandlar bo'lsin,
Sizda borlari ham quvonchga to'lsin
Haqiqatda bo'lsinlar ota, bir ona
Qanday yaxshi bu o'ylar, RAHMAT, do'stona...

[Gulchehra Ibragimova]

Qanday yaxshi bu o'ylar, RAHMAT, do'stona...
Асли ҳаёт мазмуни бу-фарзанд билан,
Дилни-дилга боғлагувчи дилбанд билан.
Умримиз ҳам ўтар панду гоҳ қанд билан
Юзи ёруғ бўлсин барча шу бахт билан.
(с)

[pipicron]

Юзи ёруғ бўлсин барча шу бахт билан.

Ноғора чалардик пақир тўнтариб,
От қилиб минардик супурги, ўқлов.
Қанчалар беғубор болалар эдик.
Улгайдик. Ёкмайди гапирса биров...

[Гўзал]

Улгайдик. Ёкмайди гапирса биров...
Ваҳмдан сув ичар туйғуларимиз,
Кечалар ҳам уйғоқ уйқуларимиз.
Ҳаловат қайда деб излаймиз имкон,
Кўз ёшда ҳаттоки кулгуларимиз.

Қадрни тепкилаб ўтамиз осон,
Мақтовлар йўллаймиз арзимас* томон.
Яқинлар кутганда ширин сўзимиз,
Бегона дўстлардан ортмаймиз ҳамон.

Ҳа. Биз улғайдик-да, дунёни кўрдик,
Париж-у Амриқо, Русларда бўлдик.
Толеимиз билан оғиз кўпиртиб,
Нафсимиз талаби барига кўндик.

Оқибат не топдик? Икки-уч сўм пул,
Кимларгадир ҳадя икки даста гул.
Мақсад не яшашдан қўйдик унутиб,
Умр сарҳисобин унутдик буткул.

Илоҳи, Сен Ўзинг бизни қил ислоҳ,
Эрта келажакдан этиб тур огоҳ.
Қалб-у танимизни мағфират этгил,
Ёмонликка қадам ташласак ногоҳ! (с)

[Gulchehra Ibragimova]

Ёмонликка қадам ташласак ногоҳ! (с)
Ҳаёт – гўзал, фусункор, сирли,
Юрагимдан тошаяпти шашт.
Эй, Севгининг маъсум асири,
Яшаш керак, ҳа, севиб яшаш!

Нодир Жонузоқ

[Гўзал]

Яшаш керак, ҳа, севиб яшаш!

Шунда менга деди у, э воҳ —
Ишқ шарҳига топилмас сўзлар.
Севаман дер дилдан чиққан оқ,
Ёқут каби ёнгувчи кўзлар.

С.Есенин

[Gulchehra Ibragimova]

Ёқут каби ёнгувчи кўзлар.

Рости севар эдим..
севаман ҳамон,
Ранг-рўйим сарғайди келмасни кутиб.
Минг йиллик ишқимни юзидан ўтиб
Сен-чи, кета олдинг борин унутиб..
..мен дарахт
турибман бир жойда кутиб-
Ширин ҳаёлларга кўксимни тутиб..
Бағир ҳам лоладек қонга тўлмоқда-
Соғинчнинг захару заққумин ютиб.
..мен сени кутиб..
(с)

[Гўзал]

..мен сени кутиб..

Бедор тунлар ишқимга гувоҳ,
Тунда ойга дугона бўлдим.
Кўз ёшларим бўлдилар сиёҳ,
Қувонч тўкиб, ғамларга тўлдим.

Кўзим нури зулматларда хор,
Ёмонимдан муждалар кутиб.
Сўрайвердим такрор ва такрор,
Чарчоғингиз кетдими ўтиб?

Йўқ, яна жим, яна сукунат,
Интиқ бўлдим хабар йўлига.
Яхшиликка дедим-у фақат,
Тамом чўкдим ҳижрон кўлига.

[pipicron]

Тамом чўкдим ҳижрон кўлига.

Айтган эдим, севиб қолманг деб,
Севсангиз ҳам тилга олманг деб,
Айтсангиз хам юзга солманг деб.
Ажаб бўлсин!
Энди мен ҳам Сизни севаман!!!!

[Биллур]

Наҳот энди кетмас ғаму-қайгуларим
Кулгичимга ботиб кетди кулгуларим
Кипригимдан утолмайди уйқуларим
Беозорим, яраланган оҳуларим
Фарёд чекиб йиғлаётган орзуларим

[Gulchehra Ibragimova]

Фарёд чекиб йиғлаётган орзуларим
"Мени" мендан сўрама" энди,
"Меним" кетган ўз "мени" билан.
Мен бир жисм, англаганим шу-
"Тенг-тенгила", "эн-эни" билан..
(с)

[Minglar]

Nozaninlar ko'nglima o't soldilar,
O'ynatib, barmoqlarila oladilar,
- Ey, sanam olov bilan o'ynashmagil,
Kuydurur, desam, mazahlab qoldilar.

(C)

[pipicron]

Kuydurur, desam, mazahlab qoldilar.

Ром айласа парвонани олов сезмас,
Канотлари куйса хамки бирров сезмас,
Олов учун парвоналар бир ов, сезмас.
Парвонани куйдирмас бир олов ишқдир...

(С)

[Gulchehra Ibragimova]

Парвонани куйдирмас бир олов ишқдир...

Рамазон турибди остонамизда
Барчага эзгулик, поклик улашиб.
Саҳоватли бўлинг қўлдан келгунча
Қалблар мурувватдан кетсин ёришиб.
(с)

[Minglar]

Булут тўсса қуёшни ёзда тан олур роҳат,
Дилга келур орому, кўнгилларда фароғат.
Ҳар не доғда оқлигу, ҳар не оқнинг доғи бор,
Кечирмоқлик шунданми комил инсонга одат.


(C)

[Биллур]

Кечирмоқлик шунданми комил инсонга одат.
Толиқмадингми кўзим?
Жимжимадор безаклардан.
Синовлар олдда дўстим,
Хали хаёт олдиндадир.
Зилол-зилол сувларларнинг,
Мусаффолиги - кўнгил.
Кўкка қараб буй чўзади,
Губорсиз бўлса хар дил...

[Gulchehra Ibragimova]

Кўкка қараб буй чўзади,
Губорсиз бўлса хар дил...
Лабинг бағримни қон қилди, кўзумдин қон равон қилди,
Нега ҳолим ямон қилди, мен ондин бир сўрорим бор.

Жаҳондин манга ғам бўлса, улусдин гар алам бўлса,
Не ғам юз мунча хам бўлса, сенингдек ғамгусорим бор.
Бобур

[DURIAN]

Разум мой не силён и не слишком глубок,
Чтобы замыслов божьих распутать клубок.
Я молюсь и Аллаха понять не пытаюсь -
Сущность бога способен понять только бог.
(Umar Hayyom)

[Биллур]

Сущность бога способен понять только бог.
Гул бўлмаса бизга боғ аро хор ҳам бас,
Нур етмаса бизга, етмагай, нор ҳам бас.
Гар бўлмаса бизга ҳонақо, ҳирқаву шайх,
Ноқису калисо била зуннор ҳам бас…

Лойимни ўзинг қорган эсанг, мен на қилай?
Шаклимни ўзинг чизган эсанг, мен на қилай?
Гар яхши-ёмонки мен этарман , ё Раб ,
Манглайга ўзинг ёзган эсанг, мен на қилай?
(Umar Hayyom)

[Nigora Umarova]

...Манглайга ўзинг ёзган эсанг, мен на қилай?


Йиғилса аввалу охир ўшал саҳройи Маҳшарга,
Ҳалойиқ эргашурлар барчаси Ҳодию раҳбарга,
Тараҳҳум қил, ўшал соат бизнингдек осий музтарга,
Борурмиз барча ташна, сув тилаб соқийи Кавсарга,
Берар аҳли саодатга, тасаддуқ, ё Расулуллоҳ!..

Зиёвуддин Хазиний

[Биллур]

Берар аҳли саодатга, тасаддуқ, ё Расулуллоҳ!..
Ҳар бир қувончимда Ватан изи бор,
Унинг толеъида мен ҳам борманми.
Ҳар бир нафасимга Ватан дахлдор,
Мен Ватанга дахлдорманми?!

[pipicron]

Мен Ватанга дахлдорманми?!

Иккиланмай айтаман: Ватан
Менинг ўзим, менинг бир қисмим.
Қайда бўлмай Ватан қолади,
Ватан номи менинг хам исмим.

[Gulchehra Ibragimova]

Ватан номи менинг хам исмим.
Менинг юрагимга михланган Ватан.
Унга қурбон бўлсин ушбу руҳу-тан.
Ватан-у борлиғим, остонам, уйим,
Унинг ободлиги қалбда буюк шаън!
(с)

[Биллур]

Унинг ободлиги қалбда буюк шаън!
Нетай шундай парисанки
Сени кўрмай иложим йўқ
Қулингман жабр килсанг ҳам
Бирор ёққа қочолмасман.
Ҳаёт сен олдимга қўйган,
Чигалларни ечолмасман...

[Gulchehra Ibragimova]

Надоматлар бўлсин бегим,
Афсус..энди кўролмайсиз.
Таним унда, руҳим бунда
На бўлди, деб сўролмайсиз.

Ҳаёлингиз буздим балки,
Сунбул сочим силолмайсиз.
Узулгандир ришталар ҳам
Дил риштасин улолмассиз..
(с)

[Quvonchbek Karimov]

Дил риштасин улолмассиз..

Зора сенга етса қўлим. Қўлим чўзсам,
Бўйларинга етса бўйим. Бўйим чўзсам.
Хаёлларим асирингдир. Ўйлар сурсам..
Сен деб бедор ўтказяпман тунларимни....

Мухаббат ошён куриб бахтли булсам,
Остонангда толеъ булиб кулиб турсам.
Мутлоқ боринг булса эдим, сен булолсам
Кутаяпман ўша бахтли кунларимни....

[Биллур]

Дил риштасин улолмассиз..
Зорим бору, зўрим йўқда
дея ерга қараманг,
Чеҳрангиз гул, қомадлар тик
афсусланманг сўраманг.
Узилмаган нима бордир,
Сиздайин бегубор бор,
Сочим сила, дилим ула
дея тиланг, тиламанг…

[Nigora Umarova]

дея тиланг, тиламанг…

Гаҳ ақл ўлдинг, гаҳи фунунлиғ қилдинг,
Фикру шарафу хаёли дунлиғ қилдинг.
Ҳар ишга қўл урдинг забунлиғ қилдинг,
Мунис, охир буқаламунлиғ қилдинг.

[Gulchehra Ibragimova]

Гар ҳар кун қиларман охиратим ёд,

Гар минг гуноҳимдан соларман минг дод.

Чикора, Раббано, минг гуноҳ ваҳми,

Лутфингдан умидвор кўнглим мудом шод!

Абдуллоҳ Ансорий

[Биллур]

Мунис, охир буқаламунлиғ қилдинг.
Мунис шундай қилган бўлса, менда айб,
Билмам, ўтар-ку қанча вактлар қарайиб,
Қўлга кишан, жиловсиз тилга қулф уриб,
Фикр-хаёлларга энди эрк бермаймиз,
Кимнидир бировга «хунук» кўрсатмаймиз...

[pipicron]

Дил риштасин улолмассиз.

Зор бўлиб кутганим етмасдан
Ўзгага парво ҳам этмасдан
Ортидан эргашиб кетмасдан
Қолгандим. У эса қайтмади,
«Юр бирга кетдик» - деб айтмади.

[Gulchehra Ibragimova]

Илинж кутма, илинжга зорман,
Умидлардан синдим, безорман.
Агар кетсанг "қайт", деб айтмасман,
Ўзим кетсам-ортга қайтмасман..
(с)

[pipicron]

Ўзим кетсам-ортга қайтмасман..

Не илож бор? Қайтаролмасанг,
Мен сени деб кетсам, қайтмасам,
Сен "Қайтгин" деб айта олмасанг,
Мен "Гунохим йўқ" деб айтмасам.

[Gulchehra Ibragimova]

,
Мен "Гунохим йўқ" деб айтмасам.

Майли кетсанг, кетарсан алҳол,
Бир умр-ки, кутдим, келмадинг..
Не қилсанг ҳам қалбга қулоқ сол,
Кетсанг кет-у, қолсанг яхши қол..
(с)

[Биллур]

Мен "Гунохим йўқ" деб айтмасам.
Мен, шундайлар тоифасидан…
Ахтаринг сиз ситамкорларнинг,
Булут босган қиёфасидан.
Сизга ҳавас қилмайди гулим.

[Gulchehra Ibragimova]

Сизга ҳавас қилмайди гулим.

Майли-да, ҳар кимнинг "қаричи" бошқа,
Тиллари бошқа-ю, диллари -бошқа.
Қўйинг, майли алар ким бўлса бўлсин-
Ундайлар -"биз"данмас, зотлари -"қашқа".

[pipicron]

Ундайлар -"биз"данмас, зотлари -"қашқа".

Ана холос... Бизнинг қарич сизникидек эмасми?
Бизнинг дилдан сўзлаган тил сиздек хақни демасми?
Биз сизлардан бўлмасак хам зотимизда "қашқа" йўқ,
Энди бизлар кимлар бўлдик, бизни хеч ким севмасми???

[Aliya]

Ildizi yo‘q gulga o‘xshayman.
Tik boshimni egmoqqa shayman.
Axir bedil qandoq yashayman?
Yuragimni qaytarib bering...

Iqbol Humoyun

[Gulchehra Ibragimova]

Энди бизлар кимлар бўлдик, бизни хеч ким севмасми???
Инкор этмам, сизнинг қарич "етти ўлчаб, бир-кесар",
Тилингиздан чиққан ашъор - етти оламни безар.
Зотингизда қашқаси-ю, бошқаси ҳам йўқ балки,
Шундайлар бор, билмай сўйлаб "кўнгил-Каъбам"ни бузар.

Нечун сизни севмайлик дўст, сизни яхши кўрамиз,
Сиздек дўстлар борлигидан фахрланиб юрамиз..

[Биллур]

Yuragimni qaytarib bering...
Мен не дейин, сотқин юрак сотиб қўйдинг
Билдирмасанг бўлардику борлигингни
Уни бир бор кўрмокликка зорлигингни
Тош занжирли музхонада гирён бўлиб
Бир бедилнинг вужудида хорлигингни...

[Minglar]

Ildizdur daraxtning chin ko'rki asli ,
Tik tutgan, hayot baxsh etgan to'rt fasli,
Daraxtning gulimas ildiziga boq,
Ustidagi - bezak, ildizda - nasli.


(C)

[Биллур]

Ustidagi - bezak, ildizda - nasli.
Индамасдан
Эшитинг,
Бир бола бор,
Бир сўзли.
Оёқ-қўлли,
Қош-кўзли.
Бир иш қилса,
Толармиш,
Чунки у “Ёш
боламиш...”
Иш буюрсанг.
Чап берар.
Аммо ўзи
Гап билар:
Олиб қўйинг,
Тирноғимни.
Ювиб қўйинг,
Оёғимни.
Кийгизинг,
Пайпоғимни.
Кийгизинг,
Қалпоғимни...
Тугмачамни
Тақиб беринг...
Ёнғоғимни
Чақиб беринг.
Туфлигимни
Артиб беринг...
Бу бола ким?
Айтиб беринг...

[Minglar]

Gul bilan tikanning birligi go`zal,
Mayus qaro ko`zlar sirligi go`zal,
Ko’ngillarni ishq-la yoritgil Tangrim,
Chun insonning dili nurligi go`zal.


(C)

[Mahmud Jurat]

Chun insonning dili nurligi go`zal.
Лўтти десам болани ишонмайсиз
Мен десам ўша бола ишонгайсиз,
Ҳар одам ойнада ўз аксин кўрар,
Ўша бола аслида сиз бўласиз.
(С)

[Баходир кушаков]

Домла!Катта ўғлим 13 ёшга кирганда,бир куни менга?-Дада кутубҳонангиздаги китоблар орасида,Рэй Бредберининг "Марсиянские хроники"деган китобини кўриб қолиб,ярмигача ўқидим,кўпроқ новеллалардан иборат экан,лекин ҳудо ҳаққи бирор нарса тушинмадим -дейди.-Сенинг тушинмаганинг табиий,чунки сен тугул,анча мунча ёши катталар ҳам тушиниш қобилиятига эга эмас-деб,ўзимнинг тушинганим бўйича тушинтириб бердим.Домла,Рэй Бредбери бўлиб кетингге,маъно шунчалик чуқурми,очиғи мен ҳам тушинолмадим.

[Mahmud Jurat]

Ўқийверинг, бир куни тушуниб қоларсиз. Мирза Бедилнинг бир шеърини бир даврада жуда кенг муҳокама қилишибди. Ҳар ким ўз тушунганини айтиб бир хулосага келишолмабди. Қарашса домланинг ўзи келаяпти. Ўтирганлар мана шоирнинг ўзлари ҳам келди ҳозир масала ҳал бўлади дейишипти. Устоз, мана бу шеърингизни талқин қилишда, айниқса тушунишда қийналдик, биз ҳозирча 28 хулоса ва фикрга келдик, шу ҳақда бирор фикр айтсангиз, дейишипти. Шунда Бедил, яқинда ўзим 29 чисини топдим, қани уни қўйинглар, шошқолни келтиринглар, деган экан. Сизга ва бу тўртликни ўқиганларга омад тилайман. Ўзим ҳам яна ва яна унинг устида ўйлаб кўришни ваъда бераман.

[Баходир кушаков]

Раҳмат домла.Мен кутгандан ҳам зиёда жавоб берибсиз.Рэй Бредберига ўҳшатиб ҳато қилибман,Бедил домла бўлиб кетингге дейишим керак эди экан.Нима бўлганда ҳам,жавобингиздан кўнглим тўлди,демак шеърингиздан маъно қидиришда давом этаман.

[pipicron]

Ўша бола аслида сиз бўласиз.

Зериккан кўринар ахли форумдош:
Бахру байт қонуни четга сурилмиш.
Икки дўст учрашиб қолган мавзуда
Мавзусиз насрда сухбат қурилмиш.

[Gulchehra Ibragimova]

Мавзусиз насрда сухбат қурилмиш.
..Шамоллар дарахтни тебратади гоҳ,
Ойнинг қўшиғига мажнунтол гувоҳ.
Маъюс кўкка боқар чол билан кампир-
Девор нураб борар, тўкилар сувоқ...
(С)

[Quvonchbek Karimov]

Девор нураб борар, тўкилар сувоқ...

Қара олам иши ғалат қанчалар,
Тиконлар боғларда яшнамиш, кувноқ.
Оламга сиғмаган, кўксида доғи -
Тоғларда гулламиш лолақизғалдоқ.

Ёлғонлар хаётинг "файзи" бўлолди,
Сиғиниб яшаймиз, кўланкамизга.
Тилимиз бурророқ бўлса бас, бўлди -
Куч нимага керак билагимизга .....

[Mahmud Jurat]

Куч нимага керак билагимизга .....
Айт оғам кучингни кимга берурсан,
Нодон унинг асло қадрини билмас,
Кўчада одамлар кетиб боради,
Қайси нодон унинг ҳеч доно билмас.
(С)

[barlos]

Қайси нодон унинг ҳеч доно билмас.

Сени кўрмоқ баҳор, ўйламоқ баҳор,
Музлар эригандай, кўзларимда ёш.
Мен сени йўқотиб, бўламан абгор,
Мен сенинг пойингда гуллайман қийғос.
(с)

[pipicron]

Мен сенинг пойингда гуллайман қийғос.

Сумалак, қайнайсан, аста охиста,
Бахорга интилган майсадан бу ғам.
Бағрингга тош қўшиб шарақлатишар,
Қуймаслар жимгина йиғлашингга хам.

[Nigora Umarova]

...Қуймаслар жимгина йиғлашингга хам.

...Маломат ўқларидин дилфигору чок охир,
Йиқилди нотавонлиқ ила жисми дарднок охир,
Худоға шукурким, кетдим анинг йўлида пок охир,
Муҳаббат ўтида куйгач, бўлиб бир тўда хок охир...

Фурқат

[Mahmud Jurat]

Муҳаббат ўтида куйгач, бўлиб бир тўда хок охир...
Руҳим коинотга кетиб боради,
Умр тез чопқиллаб ўтиб боради,
Билимлар ортидан қувлаб етмадим,
Билмам олдинда не кутиб туради.
(С)

[pipicron]

Билмам олдинда не кутиб туради.

Илм изла, харки илм йўлингдадир
Анинг мағзи билки ўнгу сўлингдадир,
Ҳар мағизнинг боли ўзга, бил Алишер,
Сарасини танлаб тотмоқ қўлингдадир.
(с)

[Гўзал]

Сарасини танлаб тотмоқ қўлингдадир.

Рости - ҳар не, ҳар ким - илм аро топдим,
Душманни дўст этдим, ҳилм аро топдим.
Баҳслашдим, лек қалбига ҳеч озор бермай,
Ўз-ўзимга таскин - дилим аро топдим..(с)

[Dilshod Radjabov]

Ўз-ўзимга таскин - дилим аро топдим..(с)
Мен Дилшод, гар ранги сомондирман мен,
Ким айтди , эгилдим, тамомдирман мен?!.
Узоқни кўзлаган ўқ бор кўксимда,
Эгилган эсам гар, камондирман мен!.
(С)

[Биллур]

Эгилган эсам гар, камондирман мен!.
На келтирар бўлса сенга хижолат,
Ҳеч нарса қолдирма гар ўлим қисмат.
Агар пок, мард бўлсанг бола-чақангга,
Мол-дунё қолдирма, қолдиргин исмат...

[Masud Mahsudov]

Тунлар ухлолмасдан ҳалак бу жоним,
Мeҳрингизни қўмсаб бир зумга тинди.
Қўллари дуода - жон Онажоним,
Шу кeча мeн Сизни жуда соғиндим.

(с)

[pipicron]

Шу кeча мeн Сизни жуда соғиндим.

Мотам тут эй қахри қаттиқ ғанимлар,
Онамнинг алласи тугагани йўқ!
Бошимга қилич сол, ёки тавба қил!
Онамнинг дуоси "Болам бунча шўх..."

[Биллур]

Онамнинг дуоси "Болам бунча шўх..."
Халқ ичинда сен золимлик номин олма,
Ожизларга зулм кўрсатиб, жонин олма.
Очлигингдан ўлганда ҳам зинҳор, зинҳор,
Чумолининг оғзидаги донин олма...

[Nigora Umarova]

...Чумолининг оғзидаги донин олма...

Ақраболар фурқатинда танда жоним ўртади,
Балки бу онимдин ортиқ устухоним ўртади,
Бу жигар-бағрим куюб, рагларда қоним ўртади,
Чун фироқу ҳажрида руҳи равоним ўртади,
Сабр этиб, ман оҳ уруб эрдим, забоним ўртади...

Зиёвуддин Хазиний

[Биллур]

Сабр этиб, ман оҳ уруб эрдим, забоним ўртади...

Истамас эрса киши,
Сен унга меҳмон бўлмагил,
Гавҳари қимматбаҳосан,
Санги дандон бўлмагил.
Бўлмагил ҳар кимга жонинг бирла
йўлдош, ўзгадир,
Айтмагил ҳар кимсага сирингни,
сирдош ўзгадир...

[Quvonchbek Karimov]

сирдош ўзгадир...
Рахм эт юрагингга, унинг дардини –
Ўзгалар билмасин. Ўзига бергин.
Суяксиз тил била унинг борини,
Яралаб қўясан. Синмасин чил-чил.

[Баходир кушаков]

Яралаб қўясан. Синмасин чил-чил.
Лавозим сенга бахт,ким бўлсангда сен,
Бўлгил сал ҳокисор,ким бўлсангда сен.
Дунёни қўлингда ушлаб турсанг ҳам,
Бандасан,мен каби,ким бўлсангда сен.
(С)

[Биллур]

Бандасан,мен каби,ким бўлсангда сен.
Не бўлса ҳам асролмадим, менда гуноҳ,
Боламдайин ширин эди кеча шеърим.
Биров йиртди, биров ёкди билдирмай, оҳ,
Сизни кўрмай нобуд бўлди неча шеърим!
Меҳрим қаттиқ бўлди
Қаҳрим қаттиқ бўлди,
Насиҳатни эса олмадим.
Ҳарифим суюнди, дўстим куюнди,
Мен ўз билганимдан қолмадим.

[Nigora Umarova]

Меҳрим қаттиқ бўлди
Қаҳрим қаттиқ бўлди,
Насиҳатни эса олмадим...

Muhammad Yusufning she'riga juda-juda o'xshar ekan.

[Gulchehra Ibragimova]

Мен ўз билганимдан қолмадим.
Меҳмон дерлар Атои Худо,
Меҳмонингни аяб тур дунё...
Бир фурсатга келганмиз асли
Мен - Меҳмонни холин сўр дунё..

Аямадинг мендан камингни,
Беравердинг алам, ғамингни.
Кетишдан бир ўзга чорам йўқ,
Юборавер ул "ҳакаминг"ни..
..МЕҲМОНИНГНИ БИЛМАДИНГ ДУНЁ..
(C)

[Биллур]

..МЕҲМОНИНГНИ БИЛМАДИНГ ДУНЁ..
Ёр суҳбати тун, гул сайри саҳар истайди,
Ҳар соз ўзга таронайи дилбар истайди.
Кўз юмсамда ажралолмам лаъли лаблардан,
Тишсизлигим оқ сут бирла шакар истайди.
Сендан юз ўгирмоқ, қайдадир, жанон,
Сендан кўз узмоқлик қайда бирор он.
"Мени ёд этмайсан", дедингми? Ҳайхот,
Ҳаётим сен билан, унутай қачон...?

Muhammad Yusufning she'riga juda-juda o'xshar ekan.
Боламдайин ширин эди кеча шеърим,
Видолашдим ҳали ёзиб улгурмайин.
Сизга етмай нобуд бўлди неча шеърим,
Биров йиртди, биров ёқди билдирмайин.

Олчоқлардан асролмадим боламни мен,
Кўзи юмуқ кетаверди билмай айбин.
Қайдин топай кезиб етти оламни мен,
Кимдин сўрай шеърларимнинг увол, ҳайфин?

Ким билади, мен ҳам шоир эдим балки,
Тупроқ бўлиб ётар ерда қўшиқларим.
Юлдуз бўлиб турар балки кўкда балқиб,
Кўлга чўкиб кетмиш балки кўнгли ярим.

Не бўлса ҳам асролмадим, менда гуноҳ,
Боламдайин ширин эди кеча шеърим.
Биров йиртди, биров ёкди билдирмай, оҳ,
Сизни кўрмай нобуд бўлди неча шеърим!

Меҳрим қаттиқ бўлди
Қаҳрим қаттиқ бўлди,
Насиҳатни эса олмадим.
Ҳарифим суюнди, дўстим куюнди,
Мен ўз билганимдан қолмадим.

Осойиш ўтмади бирор бир куним,
Талашиб-тортишиб толмадим.
«Оғирроқ бўл иним, сипороқ бўл иним…
Мен ўз билганимдан қолмадим.

Тенгимни билмасдан бир қизни суйдим,
Суйдим сира кул май омадим.
«Шоҳона яшардик сўзимга кирса...»
Мен ўз билганимдан қолмадим.

Қувроқ бўл дейишди, ёлғон ҳам керак,
Жиндек хушомад ҳам…
Қулоқ солмадим.
Оқни оппоқ кўрдим, қорани қора,
Мен ўз билганимдан қолмадим.

Қўнглим сезар, энди бу ёғи аён,
Дўстларим… дўстларим, бахтли боламан
Ё Тошкентда энг зўр шоир бўламан,
Е уйимга кетиб, ариқ бўйида
Ялпизга суяниб ўлиб қоламан!

Муҳаммад Юсуф

[Nigora Umarova]

..МЕҲМОНИНГНИ БИЛМАДИНГ ДУНЁ..
(C)

Ёлғончи дунёда биз эрур меҳмон,
Кўз очиб юмгунча ўтадур ҳар он.
Фикрат, тийрат сийратда эрур намоён,
Кетгач изимиз ҳам бўлсин чарағон.(С)

[Gulchehra Ibragimova]

Ҳаётим сен билан, унутай қачон...?


Кетгач изимиз ҳам бўлсин чарағон
Иккала шеър ҳам тақдир тақозосиhttp://uforum.uz/images/icons/icon7.gif билан "Н" ҳарфи билан тугабди..

Надоматлар нечун?
афсуслар нечун?
Не учун ортингга қайтмоқ истарсан?
Манзилинг айт менга Чин ёки Мочин?
Излаб борар эдим
мисли бир лочин-
Сўзларинг бўлсайди..бўлса агар - чин?!
(с)

[Биллур]

Сўзларинг бўлсайди..бўлса агар - чин?!
Нодонлик овининг ўлжаси ҳасрат,
Нодонлик баҳорин ёмгири кулфат.
Соч юлиб додламоқ билимсизликдан,
Огохлик кўзгуси эмас надомат...

[Баходир кушаков]

Огохлик кўзгуси эмас надомат...
Тасаввур айлабон дунёни инсон,
Тафаккур қилишга ожиздир ҳамон.
Таназзул ҳамроҳи бўлсада пинҳон,
Такаббур бўлмасин,бу жуда ёмон.

(С)

[pipicron]

Не сабаб сўзларим шубхага нишон?
Айтилган сўз ортга қайтмасдир, ишон.
Кўнгиллар истаги эмасми манзил?
Ишончдан яралган биз кутган макон.

[Биллур]

Иккала шеър ҳам тақдир тақозоси билан "Н" ҳарфи билан тугабди..

Ишончдан яралган биз кутган макон.

Такаббур бўлмасин,бу жуда ёмон.

Не кўнгилда бордир умр талоши,
Кўнгилда ишорат томчи кўз ёши.
Кўкламда илдизсиз ўсмас бир дона,
Бил, яранинг ҳам бор илдизи - боши...

[Баходир кушаков]

Бил, яранинг ҳам бор илдизи - боши
Инсонга доимо йўлдош кўз ёши,
Дардининг йўқ эрур оҳири боши.
Қанчалик ечса ҳам тақдир чигалин,
Бир палла ҳамиша тарозу тоши.

(С)

[Биллур]

Бир палла ҳамиша тарозу тоши.
Инсон ҳаёлидан йиғламайдими?!
Юксак камолидан йиғламайдими?!
Гардун бир дам кўрса ўзин тупроқда,
Айтинг, бу ҳолидан йиғламайдими?!

[Gulchehra Ibragimova]

Айтинг, бу ҳолидан йиғламайдими?!
"Излаб мени
тоққа чиқасиз”,
дўланани излаган каби.
Керак бўлса боққа чиқасиз
Нақш олмани кўзлаган каби-
СИЗНИ ШУНДАЙ СОҒИНТИРАМАН..

Келишимни муштоқ кутасиз,
“Кўзларингиз қоп-қора бўлиб”..
Фироғларни ичга ютасиз
Юрагингиз хўп пора бўлиб-
СИЗНИ ШУНДАЙ СОҒИНТИРАМАН..
(с)

[Баходир кушаков]

СИЗНИ ШУНДАЙ СОҒИНТИРАМАН..Жуда қаҳрингиз қаттиқ экану.:)

[Баходир кушаков]

СИЗНИ ШУНДАЙ СОҒИНТИРАМАН..
Нақадар қаҳрингиз қаттиқ бўлмаса,
Ошиққа шунчалар азоб берарми.
Сизни деб ҳар кўйга тушса бечора,
Айтингчи,сиз каби ёрни севарми?

[Биллур]

Айтингчи,сиз каби ёрни севарми?
Ишқу хавас билан қайнар табиат,
Байрам келиб, баҳор гул очди қат-қат.
Қай тарафга кўзим очиб боқмайин,
Айланишар сенинг бошингда фақат...

[Баходир кушаков]

Айланишар сенинг бошингда фақат...
Тақдирни олдиндан айтолмасак ҳам,
Фол очмоқ бўламиз,шундай гумроҳмиз.
Бу замин яралган чоғига асли,
На бир ҳиссамиз бор,на бир гувоҳмиз.

(С)

[Gulchehra Ibragimova]

На бир ҳиссамиз бор,на бир гувоҳмиз.

Замонни айблама, замонни сўкма,
Қўй, унинг бошидан мағзава тўкма.
Замон гар кемадир, бошқаргувчи-биз,
Эшкакни қўлга ол, беҳуда чўкма.

замон-у сендирсан, замон у-менман..
замонни айблама..
(с)

[pipicron]

Эшкакни қўлга ол, беҳуда чўкма.

Асли замон туганмас дарё,
Гох осуда, гохи шўх, ўйноқ.
Кимлар сузиб, оқиб боради,
Тақдир эса қайиқ ё қирғоқ.

Кимдир қарши сузар дарёга.
Кимдир оқим билан хамоханг,
Яна кимдир кечибтақдирдан,
Чўкар экан бўлиб холи танг.

[Gulchehra Ibragimova]

Чўкар экан бўлиб холи танг.
"Гулчеҳра", "гулруҳсор" яна "гулюз"ман,
Тажангман, инжиқман, қайсар - бир сўзман.
Сенсизман, ишқсизман юраги-музман,
Баҳорим сен эдинг, мен - хазон кузман...

..гар қайтмас экансан, ўчгувчи-изман
(с)

[pipicron]

.гар қайтмас экансан, ўчгувчи-изман

Не умидда қайтса бахор гул экмадинг,
Гул экмадинг, ёз келмайди, келмайди куз.
Хатто энди қиш келмайди, қалбинг етар,
Кел, мехримдан тафт ол. Йўқса умидинг уз.

[Gulchehra Ibragimova]

Йўқса умидинг уз.
Зормасман мурувват, эҳсонингга ҳам,
Боримни боридек кўраман баҳам.
Борди-ю, бўлсанг ҳам изимга ҳакам
Мен сенга ёқишим шарт эмас!

Қаторда юрмоқчун дадил, соғ-омон,
Бормасман бош эгиб ҳеч вақт сен томон.
Майлига сен яхши, мен- бўлай ёмон
Мен сенга ёқишим шарт эмас!

Фарқимиз мен - оддий, сен - бир амалдор,
Мен учун наф йўқдир гар пулинг бисёр.
Йўлимиз бошқадир, бошқадир мозор,
Мен сенга ёқишим шарт эмас!!

..сен менга ёқишинг шарт эмас.
(с)

[pipicron]

..сен менга ёқишинг шарт эмас.


Сўзларимни айлантириб сўзингизга
Бу дунёни севдираман ўзингизга.
Боғ кўриниб бутун дунё кўзингизга
Қани кейин мени севмай кўринг қани?!!
(P)

[Биллур]

Қани кейин мени севмай кўринг қани?!!
Ишқу ҳавас водийсининг тунида, У дил,
Ҳар кимсанинг шан мақсуди бирар бир манзил.
Маъзур тутинг менинг йўлим сўз йўли бўлди,
Бошқа ундан яхшироққа бўлмади мойил...

[Nigora Umarova]

Бошқа ундан яхшироққа бўлмади мойил...

Лаҳза-лаҳза муддаилар пандини гўш айладинг,
Қона-қона ғайр жоми шавқини нўш айладинг,
Вора-вора аҳду паймони фаромўш айладинг,
Қони, эй золим, бизим-ла аҳду паймон этдигинг?

Ғайра солуб меҳринги биздан совутдинг оқибат,
Тарки меҳ этдинг, тариқи зулм этдинг оқибат,
Аҳдлар, паймонлар этмишдинг, унутдинг оқибат,
Қони, эй золим, бизим-ла аҳду паймон этдигинг?..

Фузулий

[Биллур]

Қони, эй золим, бизим-ла аҳду паймон этдигинг?..
Бу ишқ, энди на қилай,
Мени хароб қилди.
Дил уйин ғамга қўйиб,
Мени изтироб қилди.
Камсуханлик яхши одат,
Оқибати кўп ёмон.
Ошиқ кўзим юмилса ҳам,
Лом демас қоши камон.

[Minglar]

Nozanin hukmidan g'am bor , alam bor,
Ummonni zabt etgan ko'z yosh - jolam bor,
Ayroliq umrdan uzoqroq bo'lsa,
Dilim kuyukidan paydo qalam bor.

(C)

[Gulchehra Ibragimova]

Dilim kuyukidan paydo qalam bor.

Ранжима, айрилиқ-ошиққа хосдир,
Суйганинг куйида бу ранжлар оздир.
Жунундек сахро кез ёки тошни кес,
Васл-машаққатдир, етиб бўлмас тез..
(с)

[Биллур]

Васл-машаққатдир, етиб бўлмас тез..
Зора кулсам, йиғлаш чиқади ёддан,
Йиғласам, унутгум ногоҳ кулгуни.
Борлигин билдириб туради, зотан,
Эслолмай қолишдан қўрқаман Уни.

Билишни билмайман, борлиғим гумроҳ,
Дилим қачонгача ўтар қутқуда.
Токи инсонликдан чарчадим эвоҳ,
Тезроқ шоир бўлгим келяпти жуда.

[pipicron]

Тезроқ шоир бўлгим келяпти жуда.

Ажойиб интилиш: Шоир бўламан!
Антиқа чекиниш: бўлмайман инсон!
Инсоннинг феълини англадим, аммо
Мен ўзим кимлигим билмайман хамон.

[Биллур]

Мен ўзим кимлигим билмайман хамон.
Назар солиб парда четидан гўё,
Ишонардим бундай фусунга қатъий.
Ўшанда мўжиза кўринган дунё,
Энди кўринарди жудаям оддий...

[pipicron]

Энди кўринарди жудаям оддий.

Йиллар, бир оз шошмай туринг, мен тўймадим,
Музқаймоқ бор болаликдан кетолмасман.
Катта бўлсам тўйиб тўйиб ейман дердим,
Йиллар ўтгач ўша таъмни тополмасман.

[Mahmud Jurat]

Йиллар ўтгач ўша таъмни тополмасман.
Найни навратинни намиқ бўлса ҳам,
Напрамач устида турган нарасак,
Наргайида бўлса топар бир куни,
Наққод ёрдам берар, излашар расо.
(С)

[Gulchehra Ibragimova]

Йиллар ўтгач ўша таъмни тополмасман.
Найни навратинни намиқ бўлса ҳам,
Напрамач устида турган нарасак,
Наргайида бўлса топар бир куни,
Наққод ёрдам берар, излашар расо.
(С)
Тан олиб айтишим керак, тўғриси ҳеч нарса тушунмадим..Балки Маҳмуд ака ўзингиз таржима қилиб, шарҳлаб берсангиз бўлармиди? (балки, шевададир, балки эски туркий тилдами бу сўзлар: "навратинни", "напрамач", "наргайи", "наққод"). "Наққод" сўзини бошқа адабиётларда ҳам кўп учратганман..классикада.

[Mahmud Jurat]

Балки Маҳмуд ака ўзингиз таржима қилиб, шарҳлаб берсангиз



Найни навратинни намиқ бўлса ҳам,
Напрамач устида турган нарасак,
Наргайида бўлса топар бир куни,
Наққод ёрдам берар, излашар расо.

Хабарингиз бор, тилимизнинг муомалада кам учрайдиган, ҳозирги кунда кам ишлатиладиган, аммо бизнинг асл бойлигимиз бўлган сўзларни йиғиб юраман.
Шу йиғган сўзларимни бир китоб қилиб чиқариш умидида ҳозир охирги амалий ишларни олиб бораяпман. Баҳру байтда н ҳарфига тўғри келадиган бирор шеърни қидиришдан кўра бир мана шу антиқа сўзлар ёрдамида тўртлик битгим келди ва уни сизларнинг ҳукмингизга ҳавола қилган эдим. Тўғри, уларни ҳозирги замон ўқувчиси учун изоҳлаш зарурга ўхшайди. Аммо қайтариб айтаман,бу сўзлар ўзимизнинг тил бойлигимиздан.
Найни оч сариқ ранг
Навратин аёллар билагига тақадиган кенг, йўғон билакузук
Намиқ хунук
Напрамач ўзбек уйларида тўшаладиган тўшанчи тури
Нарасак аслида но расо сўзидан бўлса керак, бизда бу лапашанг, найнов маъноларида ишлатилади
Наргайида хулқида, миясида, тақдирида деган сўзларга тўғри келади
Наққод қадимги давлатчилигимиз давридан биён бу сўз қалбаки пул, олтиннинг ўрнига кимсандан пул тайёрлаб келган қаллобларни тутиш билан шуғулланувчи лавозимдаги ходимни билдиради. Улар ўз ёнларида олтинни кимсандан, яъни бронзадан ажратадиган маҳак тошларини олиб юрганлар.

[Nigora Umarova]

Найни навратинни намиқ бўлса ҳам,
Напрамач устида турган нарасак,
Наргайида бўлса топар бир куни,
Наққод ёрдам берар, излашар расо.
(С)

...Оғирла сан атгуг тагур атгулик,
Тўру этку бўлғай будунға кўлук.
Кўнилик уза сан туру кал туру,
Туру бирла беклик турур, ал ўру...

Юсуф хос Ҳожиб

[Гўзал]

Туру бирла беклик турур, ал ўру...

Умид ила очилди кўзлар,
Мужгонларда ёш гўё шабнам.
Сен томонга шошилди сўзлар,
Қайтмадингми ҳали, ёргинам?

Сенсиз ўтган кунлар, тушларим -
Менга далда, бўлдилар суянч.
Исмингдадир қувонч, хушларим,
Ёдинг аро изладим юпанч.

Кун санадим ёш бола мисол,
Умид гулин тутиб тунларга.
Ўнгимда ҳам беғубор висол,
Ҳавас қилдим дил-бутунларга.

Ҳадям менинг, олий инъомим -
Хабарингга турибман муштоқ.
Кўз қувончим, абадий Ёрим,
Куттирмагин, ёза қол тезроқ...(с)

[Mahmud Jurat]

Куттирмагин, ёза қол тезроқ...

Қаптол келди қанжиғани торт қизим,
Қабсаларнинг қопиларин қотиргин,
Қазиялар ўзи қайнаб бир куни,
Қабо кийган қарияни келтирсин.
(С)

[Nigora Umarova]

Қабо кийган қарияни келтирсин.
(С)

Naguga o'kundi o'lurda ular,
San andin yiroq tur tila ezgular,
Adi aqshi aymish biliklik bo'ku,
Biliklik so'zi yinju yoqut tak-u.

Yusuf Xos Hojib

[Гўзал]

Biliklik so'zi yinju yoqut tak-u.

Умримнинг ярмини йўлларга бердим,
Умримнинг ярмини гулларга бердим,
Ўзимга бермадим умримни...

Тилимни қонатиб Худога бордим,
Дилимни қонатиб Худога бордим,
Ўзига ўзимни олиб бормадим...

Б.Фазлиддин

[Nigora Umarova]

Ўзига ўзимни олиб бормадим...

Б.Фазлиддин

Машаққат ўти қилса жисмингга кин,
Берурсен ашк сели бирла таскин.
Етишгач дард чун ҳарён кетарсен,
Фиғону пўя бирла дафъ этарсен.

Алишер Навоий

[Гўзал]

Фиғону пўя бирла дафъ этарсен.

...
Наҳот шунча маъсум, шундай пок
Севишмоқда алам бор шунча?
Бардош бермас ирода, идрок,
Тамоман лол ақл, тушунча.

Тоғдай бор деб билган юрагим
Қуш бошича қолмади чоғи?
Ғамни енгарман деган сарим
Яна ортар алами, доғи.

Эриб кетмагандим севгингдан,
Бўлмаслик-чун бахтингдан жудо,
Бирга қолиш учун сен билан
Куяману, бўлмайман адо.

Зулфия

[Gulchehra Ibragimova]

Куяману, бўлмайман адо.


От айланиб,
ҳам ўргилиб
"қозиғини топмай" - доғ,
Оқсоқ ҳислар
оқсай- оқсай
сендан кетиб боради.

Шўрлик кўнгил ҳасратингда
чекавериб сўнгсиз "оҳ",
Дардкаш топмай дард ёрарга
тошга кўнглин ёради..
(с)

[Биллур]

Ishq ahliga qullug'ing havasdir,
Ko'pqilki yotarga vaqt emasdir.
Bulbulliging bo'lsa ayla parvoz,
Parvonaligingni qilgil ovoz...

[Баходир кушаков]

ҳозирги замон ўқувчиси учун изоҳлаш зарурга ўхшайди
Домла,Укамиз Шокиржон яҳши бир мавзу очган эканлар,ҳабарингиз бор.Ўзбекистон ҳудудидаги шаҳар ва туманлар ҳақида.Бу менга жуда мақул бўлди.Сабаби ҳар бир ўзини ўзбекман,ўзбекистонликман деган одам,шуларни билмаса уят.Сизнинг тўртлигингизни очиғи тушинмадим,лекин изоҳингиздан кейин кўнглим тўлди.Шунинг учун таклифим,соҳамиз адабиёт бўлмасаям,адабиётга бош суқиб юрган биз каби "изоҳ" талаблар учун шундай бир мавзу очсангиз қандай бўларкин?Ҳар қалай юқрида сиз ишлатган сўзлар,ўзбек сўзлари бўлса,ўрганиб қўйсак ёмон бўлмасди.Бу таклифимизни юракдан деб қабул қилинг.

[Баходир кушаков]

Parvonaligingni qilgil ovoz.
Заминни барпо этиб,бандангни шоҳ сайлаган Сен Эгам,
Китобинг бериб қўлга,иймондин огоҳ айлаган Сен Эгам,
Баҳодир бандангни ҳар дам,э воҳ,қўллаган Сен Эгам,
Замонни тинч айла ҳеч йўқ,кўрсин замондин яҳшилиқ.

[Mahmud Jurat]

Бу таклифимизни юракдан деб қабул қилинг.

Таклифингизни қабул қилдим. Бунинг учун алоҳида бир саҳифа очиб юрмайлик ва менинг таклифим, "Шеър азиз олам аро" саҳифасида бир қатор ёки бир неча кун, ва ёки бир қатлам кам ишлатиладиган, аниқроғи кам ишлатилган сўзларни ишлатиб ижод қилиш, шундагина бу сўзлар фаол луғатимизга кириб боради, биз ижодкорлар қўллай бошласак бошқалар ҳам қўллашни секин аста бошлаб берар. Мен бундай сўзларни йиғиб юраман, шунинг учун уларни бошқалар ҳам ўзича ўрганиб юради деган умиддаман. Ҳозир мана шу кам ишлатиладиган, луғатларга кирмай қолган, луғатларда бўлса ҳам мен кўрган маънода ишлатилмаган сўзларнинг луғатини тайёрлаяпман.Уларнинг ҳажми ҳозир менинг луғатимда 70 , 80 саҳифани ташкил қилаяпти. Масалан биз тилимизда ветеренар сўзини аниқ берувчи байтар сўзи бўлишига қарамасдан русларнинг "ёрдамида" ветеренар сўзи ва ундан ясалган сўзларни ишлатиб кетганмиз. Мисол учун бизнинг тилимизда биргина ҳавонинг тебраниши, шамолни англатадиган 36 та сўз бор экан, отларга боғлиқ 78 та сўзни йиғдим ва кейинчалик бу соҳадаги изланишларимни тўхтатдим, чунки улар жуда кўпга ўхшайди.
Бу йўналишнинг янада қизиқроқ чиқиши учун мен баъзи сўзларни саҳифага қўйиб уларнинг маъноларини бериб шеър ёзишни таклиф қилишим мумкин. масалан, тажриба учун
Адаг охир, тамом бурятча талаффузда
Адан пойгак, эшикнинг олди, уйда энг паст саналган жой
Ад иш, юмуш
Адрес манзил, шу жойда айтишим мумкинки, почта сўзини берадиган сўз бизда "жўқчилар шевамизда , жом" Жомбой сўзи шундан, адабий нормаларда ём, русларда ям ва улардаги ямшик, ямская сўзлари шундан.
Адармон ишбилармон. Шунинг учун бизда андармон бўлмоқ, яъни бирон иш билан банд бўлмоқ маъноси қолган бўлиши керак.
Ава отанинг акаси.
Мана шу сўзларни ижодингизда ишлатиб кўрингчи. Менимча яхши натижалар бериши мумкин.

[Биллур]

Замонни тинч айла ҳеч йўқ,кўрсин замондин яҳшилиқ.
Қаро надомат кемасида
Маломатдан эшкак тутиб
Армон отлиқ дарёдаман
Дўлда ўтган умрим менинг

Дуоларда куйдирмадим
Гоҳ яйратиб икки қўлни
Куйида йиғлаб ўз-ўзимдек
Тилда куйган умрим менинг...

[Баходир кушаков]

Тилда куйган умрим менинг...
Гўзалликнинг қанотида,
Учиб ўтгин умрим менинг,
Висол деган туйғуларни,
Қучиб ўтгин умрим менинг.

Самоларда парвоз этиб,
Юрагимни бир роз этиб,
Куйларимга шўҳ соз этиб
Бахт аталмиш нурни менга,
Сочиб ўтгин умрим менинг.

Шукр дейман борингга деб,
Менга берган орингга деб,
Севдиролган ёрингга деб,
Саҳий қўлинг менга доим,
Очиб ўтгин умрим менинг.

Қийналганда синовлардан,
Озор чексам бировлардан,
Мағлуб этмай не ёвлардан,
Ҳар қандайин муаммомни,
Ечиб ўтгин умрим менинг.

Бир иш қолди,сўрай мана,
Узоқ менла бўлгин яна,
Ажралмасин руҳ ва тана,
Юз ёш деган бу уммонни,
Кечиб ўтгин умрим менинг.

Гўзалликнинг қанотида,
Учиб ўтгин умрим менинг,
Висол деган туйғуларни,
Қучиб ўтгин умрим менинг.

(С) 2011 й.