Мактабда "Oriflame"...ёхуд "5" баҳонинг нархи неча балл?

[Feruza Xodjayeva]

Яқинда бир мақолани ўқиб қолдим. Ҳақиқатдан ҳам ушбу кўтарилган муаммо ҳозирги кундаги энг оғриқли томонларимиздан биридир. Шунинг учун буни ҳурматли форумдошларимиз эътиборига ҳам ҳавола этишни лозим топдим.
Фикрларингизни кутиб қоламан...

Куз кунларидан бири эди. Эрта тонгданоқ эшик таққиллаб, ҳамкасбим Нилуфарнинг кириб келгани мени ажаблантирди. Салом-аликдан сўнг муддаога ўтди.
- Биласизми, мен "Oriflame" компаниясига аъзо бўлдим. Турли хил атир-упалар, сумкалар, косметика бўёқлари бор. Кўрасизми? Агар харид қиламан десангиз, бошқалардан кўра анча арзонроқ нархда берардим.
Ишламай, ёш болалари тарбияси билан машғул бўлиб уйда ўтирган аёл-менга унинг гапи сал эриш туюлди.
-Шошманг, ўзи булардан бирортасини сотдингизми,
-Ие, нималар деяпсиз, сотмасам, компанияга аъзо бўлармидим?! Қолаверса, мактабда бир эмас, нақ ўнга яқин ўқитувчилар (!) бриллиант учун "курашяпти"...
-Қаранг, бу матоҳингиз бозордагидан анча қиммат бўлса, уларни кимларга сотаяпсиз?
У менинг соддадиллик билан айтган гапларимдан кулиб юборди.
-Ҳамма гап шунда-да!-деди.- Қўни-қўшниларимнинг ўзига тўқроқларига, қолаверса, бозорда савдо қилаётган холаларим мижоз бўлди.
-Ўқитувчилар-чи? Ахир ҳамманиям қариндоши бозорчи эмас-ку?-таажжубландим
-Вой, опа-ей, бунча содда бўлмасангиз. Масалан, Зулфия опа мактабда директор муовини.Ўҳ-ҳў, ҳозир жуда қизиқиб қолди. мактабдаги 60 нафар ўқитувчи ҳам унинг мижозига айланган. Энди, нима десам экан, ўзи раҳбар бўлганидан кейин, бир оғиз гапида. Балиям анча ошиб кетди.
Уни бу гар-сўзларини эшитиб... ўйланиб қолдим. Ва беихтиёр "Замдиректор-ку эплабди, ўқитувчилар-чи, нима қилади?"- десам, у яна изоҳ берди:
-Ўқитувчиларми, ўқувчиларга сотаяпти-да!
Бу жавобни эшитиб:
-Мактаб қизларига бу қимматбаҳо матоҳни ўқитувчилар пулласа, ота-оналардан балога қолмайдими?-деб сўрадим.
- Ким ҳам фарзандини фақат "5" баҳога ўқишини истамайди, дейсиз? Ахир, инглиз, рус тили, химия, биология, физикаю математика фанларини ҳамма тўлиқ ўзлаштиролмайди-ку! Ана шу "беш"лар ҳисобидан улар ўзларига балл тўплаб, совринли бўлиб қолишяпти...

Албатта, тижорат ўз йўлига. Кимни имкони бўлса, ҳалол йўлини топса, қандини урсин. Лекин таълим-тарбия ўчоқларига мўмай даромад топаман, деб ўз манфаати, нафсини ўйлаб, турли йўллар билан ўтар-ўтмас матоҳларини тиқиштираётганларга нима дейсиз?
Шундай мўътабар даргоҳда хизмат қилаётган айрим мураббийларимиз ва устозларимизнинг (ҳаммага тегишли эмас, устозларимиз мени кечиришсин!) энг биринчи вазифаси ўз шогирдларига ҳар томонлама намуна бўлиш эмасми...?

[Nargiza Saidova]

Сообщение от Feruza Xodjayeva

нима дейсиз?

нима хам дердик. Укитувчиларнинг маошини ошириш керак

[Nigora Umarova]

Сообщение от Nargiza Saidova

нима хам дердик. Укитувчиларнинг маошини ошириш керак

Ўқитувчининг маоши ошиши билан унга юкланадиган ишни яна-да ошириб қўйишади. Оиласида ўқитувчи бўлиб ишлайдиганлар буни жуда яхши билишади.
Бугунги кунда метод куни бор ўқитувчилар мактабда мактабда метод куни навбатчилик қилишмоқда. Якшанба куни хазонрезгилик муносабати билан шанбалик ўтказишмоқда.

[Anvar Atakhanov]

Сообщение от Nargiza Saidova

нима хам дердик. Укитувчиларнинг маошини ошириш керак

Ўқитувчининг маошини оширилса кўпроқ орифлейм сотиб олади демоқчимисиз?

[Nigora Umarova]

Эсиз, ўқитувчилик шаъни. Ўша Зулфия опа "Oriflame" маҳсулотларига қўшиб ўз ўқитувчилик, раҳбарлик обрўсини ҳам сотаётганлигини пайқамаётганмикин?
Кейин ҳамма гапиради, ўқитувчи ундоқ, ўқитувчи бундоқ деб...

[Nargiza Saidova]

Сообщение от Nigora Umarova

Бугунги кунда метод куни бор ўқитувчилар мактабда мактабда метод куни навбатчилик қилишмоқда. Якшанба куни хазонрезгилик муносабати билан шанбалик ўтказишмоқда.

шу да. Укитувчилар урганиб колишган уз асосий фаолиятидан ташкари иш билан шугулланишга.
Кучани супуриб юрган укитувчи хам мактабда савдо килиб юрган укитувчидек кузга хунук куринади.
Укитувчини жойи - синфда, парта олдида, баъзан укувчиларнинг уйида ва хоказо.

Билмадим..хозирги замонда укитувчиларни килаетган ишларига танкид билан караш нотугри деб уйлайман. Тагинам рахмат мактабга келиб юришганига.

[Nigora Umarova]

Сообщение от Nargiza Saidova

... Укитувчилар урганиб колишган уз асосий фаолиятидан ташкари иш билан шугулланишга.
Кучани супуриб юрган укитувчи хам мактабда савдо килиб юрган укитувчидек кузга хунук куринади.
Укитувчини жойи - синфда, парта олдида, баъзан укувчиларнинг уйида ва хоказо.

Тўғрироғи, ўқитувчиларни бу ишга мажбур қилишмоқда. Ўқитувчи айтилган ишларни қилмай кўрсин-чи, директор фондидан берилаётган устама иш ҳақидан олиб қўйишади. Ўқитувчи мажбуриятни бажаришга мажбур.

[Lutfillo Tursunov]

Сообщение от Nigora Umarova

Тўғрироғи, ўқитувчиларни бу ишга мажбур қилишмоқда. Ўқитувчи айтилган ишларни қилмай кўрсин-чи, директор фондидан берилаётган устама иш ҳақидан олиб қўйишади. Ўқитувчи мажбуриятни бажаришга мажбур.

Ҳалиям шаҳарлардаги ўқитувчиларга осонроқ, қишлоқлардаги ўқитувчиларчи?!
Бугун бир танишим - коллеж ўқитувчиси билан гаплашгандим, шу ҳафтанинг душанбасида бир-икки ойлик пахта ҳашаридан қайтишган экан, қизиғи бугун яна уларни (ўқувчилар билан қўшиб) пахтага олиб кетишибди.
Энди тасаввур қилаверинг, бунинг моральный азобини.

[Уктам]

Сообщение от Nigora Umarova

Ўқитувчи айтилган ишларни қилмай кўрсин-чи, директор фондидан берилаётган устама иш ҳақидан олиб қўйишади. Ўқитувчи мажбуриятни бажаришга мажбур.

Укитувчига белгиланадиган устама хакки "директорнинг шахсий мулки эмас" ва уни олиб ташлаш ёки беришни ёлгиз хал кила олмайди.

[Nigora Umarova]

Сообщение от Уктам

Укитувчига белгиланадиган устама хакки "директорнинг шахсий мулки эмас" ва уни олиб ташлаш ёки беришни ёлгиз хал кила олмайди.

Direktor o'rinbosarlari bilan maslahatlashib ish olib boradi, bu oydek ravshan. Shuning uchun ham "olib qo'yishadi" dega so'z birikmasini qo'lladim.
Har holda maktabdan tashqari faoliyat olib bormaganman. Maktab hayotida ko'rgan-bilganlarim asosida yoki ko'rayotganlarimm, o'qituvchilar bilan suhbatlashish asosida fikr keltirilgan. Hayot tajribasi.