Мактабда "Oriflame"...ёхуд "5" баҳонинг нархи неча балл?

[Feruza Xodjayeva]

Яқинда бир мақолани ўқиб қолдим. Ҳақиқатдан ҳам ушбу кўтарилган муаммо ҳозирги кундаги энг оғриқли томонларимиздан биридир. Шунинг учун буни ҳурматли форумдошларимиз эътиборига ҳам ҳавола этишни лозим топдим.
Фикрларингизни кутиб қоламан...

Куз кунларидан бири эди. Эрта тонгданоқ эшик таққиллаб, ҳамкасбим Нилуфарнинг кириб келгани мени ажаблантирди. Салом-аликдан сўнг муддаога ўтди.
- Биласизми, мен "Oriflame" компаниясига аъзо бўлдим. Турли хил атир-упалар, сумкалар, косметика бўёқлари бор. Кўрасизми? Агар харид қиламан десангиз, бошқалардан кўра анча арзонроқ нархда берардим.
Ишламай, ёш болалари тарбияси билан машғул бўлиб уйда ўтирган аёл-менга унинг гапи сал эриш туюлди.
-Шошманг, ўзи булардан бирортасини сотдингизми,
-Ие, нималар деяпсиз, сотмасам, компанияга аъзо бўлармидим?! Қолаверса, мактабда бир эмас, нақ ўнга яқин ўқитувчилар (!) бриллиант учун "курашяпти"...
-Қаранг, бу матоҳингиз бозордагидан анча қиммат бўлса, уларни кимларга сотаяпсиз?
У менинг соддадиллик билан айтган гапларимдан кулиб юборди.
-Ҳамма гап шунда-да!-деди.- Қўни-қўшниларимнинг ўзига тўқроқларига, қолаверса, бозорда савдо қилаётган холаларим мижоз бўлди.
-Ўқитувчилар-чи? Ахир ҳамманиям қариндоши бозорчи эмас-ку?-таажжубландим
-Вой, опа-ей, бунча содда бўлмасангиз. Масалан, Зулфия опа мактабда директор муовини.Ўҳ-ҳў, ҳозир жуда қизиқиб қолди. мактабдаги 60 нафар ўқитувчи ҳам унинг мижозига айланган. Энди, нима десам экан, ўзи раҳбар бўлганидан кейин, бир оғиз гапида. Балиям анча ошиб кетди.
Уни бу гар-сўзларини эшитиб... ўйланиб қолдим. Ва беихтиёр "Замдиректор-ку эплабди, ўқитувчилар-чи, нима қилади?"- десам, у яна изоҳ берди:
-Ўқитувчиларми, ўқувчиларга сотаяпти-да!
Бу жавобни эшитиб:
-Мактаб қизларига бу қимматбаҳо матоҳни ўқитувчилар пулласа, ота-оналардан балога қолмайдими?-деб сўрадим.
- Ким ҳам фарзандини фақат "5" баҳога ўқишини истамайди, дейсиз? Ахир, инглиз, рус тили, химия, биология, физикаю математика фанларини ҳамма тўлиқ ўзлаштиролмайди-ку! Ана шу "беш"лар ҳисобидан улар ўзларига балл тўплаб, совринли бўлиб қолишяпти...

Албатта, тижорат ўз йўлига. Кимни имкони бўлса, ҳалол йўлини топса, қандини урсин. Лекин таълим-тарбия ўчоқларига мўмай даромад топаман, деб ўз манфаати, нафсини ўйлаб, турли йўллар билан ўтар-ўтмас матоҳларини тиқиштираётганларга нима дейсиз?
Шундай мўътабар даргоҳда хизмат қилаётган айрим мураббийларимиз ва устозларимизнинг (ҳаммага тегишли эмас, устозларимиз мени кечиришсин!) энг биринчи вазифаси ўз шогирдларига ҳар томонлама намуна бўлиш эмасми...?

[Nargiza Saidova]

Сообщение от Feruza Xodjayeva

нима дейсиз?

нима хам дердик. Укитувчиларнинг маошини ошириш керак

[Nigora Umarova]

Эсиз, ўқитувчилик шаъни. Ўша Зулфия опа "Oriflame" маҳсулотларига қўшиб ўз ўқитувчилик, раҳбарлик обрўсини ҳам сотаётганлигини пайқамаётганмикин?
Кейин ҳамма гапиради, ўқитувчи ундоқ, ўқитувчи бундоқ деб...

[Nigora Umarova]

Сообщение от Nargiza Saidova

нима хам дердик. Укитувчиларнинг маошини ошириш керак

Ўқитувчининг маоши ошиши билан унга юкланадиган ишни яна-да ошириб қўйишади. Оиласида ўқитувчи бўлиб ишлайдиганлар буни жуда яхши билишади.
Бугунги кунда метод куни бор ўқитувчилар мактабда мактабда метод куни навбатчилик қилишмоқда. Якшанба куни хазонрезгилик муносабати билан шанбалик ўтказишмоқда.

[Nargiza Saidova]

Сообщение от Nigora Umarova

Бугунги кунда метод куни бор ўқитувчилар мактабда мактабда метод куни навбатчилик қилишмоқда. Якшанба куни хазонрезгилик муносабати билан шанбалик ўтказишмоқда.

шу да. Укитувчилар урганиб колишган уз асосий фаолиятидан ташкари иш билан шугулланишга.
Кучани супуриб юрган укитувчи хам мактабда савдо килиб юрган укитувчидек кузга хунук куринади.
Укитувчини жойи - синфда, парта олдида, баъзан укувчиларнинг уйида ва хоказо.

Билмадим..хозирги замонда укитувчиларни килаетган ишларига танкид билан караш нотугри деб уйлайман. Тагинам рахмат мактабга келиб юришганига.

[Nigora Umarova]

Сообщение от Nargiza Saidova

... Укитувчилар урганиб колишган уз асосий фаолиятидан ташкари иш билан шугулланишга.
Кучани супуриб юрган укитувчи хам мактабда савдо килиб юрган укитувчидек кузга хунук куринади.
Укитувчини жойи - синфда, парта олдида, баъзан укувчиларнинг уйида ва хоказо.

Тўғрироғи, ўқитувчиларни бу ишга мажбур қилишмоқда. Ўқитувчи айтилган ишларни қилмай кўрсин-чи, директор фондидан берилаётган устама иш ҳақидан олиб қўйишади. Ўқитувчи мажбуриятни бажаришга мажбур.

[Odil Rasulov]

Арик бошидан лойка булса хамма жойидаги суви лойка булади. Мактаб директори, унинг уринбосарлари мактабларида бундай холатлар булмаслигини таъминлаши зарур. Агар уларнинг узлари бунга мойил булсалар юкори ташкилот бундай рахбарлардан воз кечиши керак. Газета мухаррирлари бундай макола чоп этишидан олдин уз укитувчиларини бир эсга олсалар буларди.

[Nargiza Saidova]

Сообщение от Nigora Umarova

Тўғрироғи, ўқитувчиларни бу ишга мажбур қилишмоқда. Ўқитувчи айтилган ишларни қилмай кўрсин-чи, директор фондидан берилаётган устама иш ҳақидан олиб қўйишади. Ўқитувчи мажбуриятни бажаришга мажбур.

Жуда кизик. Юклатилган мажбуриятларни яхши бажарган укитувчиларга эса премия берилмаяптими мабодо?
Агар шу нарса укитувчи булиш учун шунчалик керак булса, Пединституда талабаларга алохида супиришдан дарс утилса булармиди...яхширок ва "малакалирок" кадр булиб етишишади

[Nigora Tursunova]

Maktabdagi voqea esimga tushib ketdi.

Ishdan ketishiga sanoqli kunlar qolgan ona tili va adabiyoti o'qituvchimiz xonadagi pardani ko'rsatib gap boshladi.
-Shu pardalarimiz eskirib qoldi, pul yig'ib parda olsak...
- Opa, yaqinda ishdan ketsangiz, pardani nima qilasiz, dedi bir shaddod sinfdoshim.
- Voy, Ma'mura, bu nima deganing. Axir "Yaxshidan bog' qoladi, yomondan dog' " degan maqolni o'qmaganmisan?
- Unda qolaversin, sizdan shu dog' pardalar...

[Nigora Umarova]

Сообщение от Nargiza Saidova

Жуда кизик. Юклатилган мажбуриятларни яхши бажарган укитувчиларга эса премия берилмаяптими мабодо?
Агар шу нарса укитувчи булиш учун шунчалик керак булса, Пединституда талабаларга алохида супиришдан дарс утилса булармиди...яхширок ва "малакалирок" кадр булиб етишишади

Ҳаддан ташқари яхши бажарганларга беришяпти.
Талабаларга бу борада "дарс утилмаяпти" деб ўйлаяпсизми? Улар ҳам шанбалик қилишади баъзан ўқиш ўрнига.