Dildagi satrlar

[Ибрагим Жуманиязов]

Сообщение от Nigora Umarova

Kel ey mahbub-matlubim, sening yoshing hazor o'lsun,
Niqob ochgil ko'ray yuzing, jamoling barqaror o'lsun.

Shigufto fathi bezoring, kech-kunduz sani zoring,
Ki jannat hurlari doim qoshingda sharmusor o'lsun.

Arobi guftaam rixlat, badorsi guftaam qaddat,
Ba turk so'zlasam bo'ying, chamanda sabzavor o'lsun.

Arobi guftaam aynat, baforsi guftaam chashmad,
Ba turki so'zlasam ko'zing, saharlarda xumor o'lsun.

Arobi guftaam zihnat, ba forsi guftaam hamdat,
Ba turki so'zlasam kulking, bu olam mushki bor o'lsun.

Arobi guftaam yaddat, ba forsi guftaam dastat,
Ba turki so'zlasam qo'ling, kushodi koribor o'lsun.

Arobi guftaam rijlat, ba forsi guftaam poyat,
Ba turki so'zlasam bo'ying, Navoiy beqaror o'lsun.

Hazrat Nizomiddin mir Alisher Navoiy

Оффтоп:

Shiru-shakar usulida yozilgan she'r. Ushbu she'rni o'quvchilarimning nutqi ravon bo'lishi uchun yodlatgandim.

[albatros]

Фиғонким, гардиши даврон айирди шаҳсуворимдин,
Ғамим кўп, эй кўнгул, сен бехабарсен ҳоли зоримдин.

Ғуборим ишқ водийсида барбод ўлди андоғким,
Биёбонларда Мажнун тўтиё излар ғуборимдин.

Қизил қондур сиришким, заъфарондур чеҳраи зардим,
Мени ким кўрса фарқ этмас, хазон бирла баҳоримдин,

Бузулди рўзғорим, хонаи айшим хароб ўлди,
На роҳат кўргамен эмди бузулғон рўзғоримдин.

Биёбонларни излаб топмадим ёрим сўроғини,
Берурман жон, сабо ногаҳ хабар келтурса ёримдин.

Диёрим аҳли мендин ёрсиз бегона бўлмишлар,
Ки мен ҳам ёрсиз озурдамен ёру диёримдин.

Гаҳи йиртиб яқо, гаҳ қон ютуб, гоҳи фиғон эттим,
Налар ўтди бу ахшом, Нодира, жони фигоримдин.

Нодира (Моҳларойим)

[Nigora Umarova]

КИТОБ ОЛИНГ
(“Бозор ижодиёти”дан)

Отчопардан кимхоб олинг,
Не бўлса — беҳисоб олинг,
Аммо қайтар чоғингизда
Биттагина китоб олинг.

Ўрикзордан кошин олинг,
Сирғалидан мошин олинг,
Жаҳолатнинг бошин олинг,
Биттагина китоб олинг.

Юз минг турлик шароб — сизга,
Палов — сизга, кабоб — сизга,
Оҳ чекурман қараб сизга,
Биттагина китоб олинг!

Сиз улуғсиз қорин билан,
Қази-қарта, норин билан,
Дилга ҳам бир азоб олинг,
Биттагина китоб олинг.

Енг шимариб “хўш” дегайсиз,
Ошу нону гўшт дегайсиз.
Маърифат деб савоб олинг,
Биттагина китоб олинг.

Дўкон қилинг, маркет қилинг,
Уйларни ҳам паркет қилинг,
Сиз ҳам бир изтироб олинг —
Биттагина китоб олинг.

Умр ўтар — елиб қолинг,
Юлиб қолинг, олиб қолинг,
Оқар сувдан хитоб олинг,
Биттагина китоб олинг.

Кимлар қолар изингизда,
Тик қаролмай юзингизга?
Аввал ўғил-қизингизга
Биттагина китоб олинг.

Худо хайрингизни берсин,
Яна умрингизни берсин,
Уйингизга офтоб олинг —
Биттагина китоб олинг.

Сирожиддин Саййид, 2007, 2012

[barlos]

ГУЛ БИР ЁН, ЧАМАН БИР ЁН.

Чаман ичннда бир гул, гул бир ён, чаман бир ён.
Сарви, санобармидир? — соч бир ён, суман бир ён.
Саҳар, субҳи содиқда мушк бир ён, мужгон бир ён.
Тун пардасин тортса гар, он бир ён, осмон бир ён.

Ўсган боғига олқов, ўстирган боғбонига,
Хавфу хатардан сақлай келган соябонига.
Андалиб қўнар, зоғлар қўнолмас бўстонига.
Мақтовига мен бир ён, борлиқ сухандон бир ён.

Ҳаким зоти бор ерда дард бир ён, дармон бир ён.
Ёринг жафокаш бўлса уй бир ён, зиндон бир ён.
Икки жон бир бўлмаса шам бир ён, шамдон бир ён.
Айри бўлса йўллари—туғ бир ён, шамдон бир ён.

Қўриқчиси бўлардим боғимда унар бўлса,
Кузим келмай баҳорим қайта бошланар бўлса,
Солномачиси бўлай магар у Қамар бўлса,
Қасам ичиб айтаман: намак бир ён, нон бир ён.

Қумри, саъва ошиён айлар бир гулафшон бу.
Бир кокили Сир бўлса, у бири Зарафшон бу.
Илоҳий санамлардан бир зурёд, бир нишон бу.
Керак бўлса магар жон, жон бир ён, жаҳон бир ён.

Бу оламда Ой танҳо, муборак Қуёш танҳо.
Бўй қизларнинг ичинда шу бир эгма қош танҳо.
Унингдек ҳеч ким менга бўлмаса сирдош танҳо
Гўрўғли султон бир ён, Тўра Сулаймон бир ён.

Тўра Сулаймон.

[Nigora Umarova]

Сообщение от barlos

Чаман ичннда бир гул, гул бир ён, чаман бир ён.
Сарви, санобармидир? — соч бир ён, суман бир ён.
Саҳар, субҳи содиқда мушк бир ён, мужгон бир ён.
Тун пардасин тортса гар, он бир ён, осмон бир ён.

Ушбу шеърнинг қўшиғини Қодиржон Мирашуров, Абдурауф Олимовлар бир пайтлархўп ширали овозда ижро этишган эди.

[Kavsar]

Сообщение от Р�брагим Жуманиязов

Assalomu alaykum qadrli Nigora opa! Hazrat Navoiyning ushbu satrlari menga juda yoqdi. Shu Г¶rinda bir savol: sanobar va sanuvbar suzlari bittami? Sanuvbar qaraДџay daraxti deyilgan kitobda. Lekin sanobarni luДџatdan topolmayapman. Shu mavzuda qaysidir she'rda sarvu sanobar deyilgan, shu suzni ma'nosini bilmoqchi edim. Oldindan rahmat.

[Баходир кушаков]

Сообщение от Kavsar

Oldindan rahmat.

Бу саволнинг Маҳмуд Журъат домлагаям тегишли жойи бор экан. Муҳтарам олимларимиздан жавоб кутиб қоламиз, биз ҳам қизиқдик жавобга.

[Gulchehra Ibragimova]

Қатор-қатор, қатор-қатор, қатор-қатор,
Саф-саф бўлиб, саф-саф бўлиб, саф-саф бўлиб,
Афгор-афгор, афгор-афгор, афгор-афгор,
Йўқ-йўқ бўлиб, даф-даф бўлиб, ҳайф-ҳайф бўлиб –
Одамизод бу дунёдан ўтиб борар.

Навбат билан тизилганлар, тизилганлар
Эзганлару эзмаганлар, эзилганлар;
“Худо” деган; тангрини бир сезмаганлар –
Одамизод бу дунёдан ўтиб борар.

Югургилаб, бир-бир босиб, ўйнаб-ўйнаб,
Бу дунёнинг ёлғонидан сўйлаб-сўйлаб,
Гоҳ қорнини, гоҳ қадрини ўйлаб-ўйлаб –
Одамизод бу дунёдан ўтиб борар.

Давлатманду хору зорлар, бечоралар,
Дили буту, дили йўғу, дилпоралар,
Ҳукмфармо пошшоҳлару фуқаролар –
Одамизод бу дунёдан ўтиб борар...

Бу қаро ер ютмоқликдан толмагайдир,
Ўлим асло ўз касбидан тонмагайдир,
Во дариғо! Бир кас мангу қолмагайдир –
Одамизод бу дунёдан ўтиб борар.

Қарайману юрагимда тугар бардош,
Қандай қилиб сизни асрай қон-қариндош?
Кўзимда ёш, кўнглимда ёш, сўзимда ёш –
Одамизод бу дунёдан ўтиб борар.

Лаънат айтиб, лаънат айтиб, лаънат айтиб,
Раҳмат айтиб, раҳмат айтиб, раҳмат айтиб,
Сукут айтиб, нола айтиб – ғоят айтиб –
Одамизод бу дунёдан ўтиб борар.

Қатор-қатор, қатор-қатор, қатор-қатор,
Афгор-афгор, афгор-афгор, афгор-афгор,
Кўз ёш каби тизилишиб, тизилишиб,
Ингичка ип – бул Ҳаётдан узилишиб... –
Одамизод, одамизод ўтиб борар.

Биродарим, “баландман” деб этма ғурбат,
Мен – дил бўлдим; сен, ҳеч қурса, бўлгин суҳбат,
Мен ҳам турбат, сен ҳам турбат – келса навбат –
Одамизод, одамизод ўтиб борар.

Усмон Азим

[bekww]

Сообщение от Gulchehra Ibragimova

Қадим боболардан қолган қадим сўз,
Ҳаммадан қолади бу қўҳна дунё.
Менинг ҳам бўғзимни ўртайди шу бўз,
Ҳаммадан қолади бу қўҳна дунё.

***

Ҳаммадан қолади бу кўҳна дунё,
Ҳам кекса, ҳам гўдак муҳаббат мисол.
Билиб билмасликка оламиз гуё,
Айрилиқ абадий, ғанимат мисол.

Сен менга бемалол суянавергин,
Мушкулинг, дардингни борин тўкиб сол.
Шундай килсанг бироз тортасан енгил,
Таскин бермоқ менга келмайди малол.

Йиғи ҳам, кулгу ҳам эмаску боқий,
Тошдан қаттиқ бўлмас одамда бардош.
Ҳаёт шаробини тутганда соқий,
Баъзан аралашиб қоларкан кўзёш.

Ҳамдард бўлолмаслик қолдирар армон,
Яхшига ёр бўлиш боғлайди қанот.
Бирга жарга тушгум ва ошгум довон,
Дўстсиз, садоқатсиз ҳаётми ҳаёт?

Сен менга азизим ишонгин, ишон.
Сен менга суянгин, суян бемалол.
Бахтинг ҳалол бўлса ҳеч ким ҳеч қачон
Ташвишинг, ғамингни олмайди малол.

Саида Зуннунова

[barlos]

Ойларнинг энг гўзали

Боғларда тутдинг бизга
мағфират гулларини,
Сўқир қалбларни очдинг,
эй ойларнинг инжаси.
Сенингла яқин бўлди
раҳматнинг оёқ саси,
Ва сенингла кўз ёши
тозартирар дилларни.

Юксаклардан кетмадинг,
кундузларни тўлдирдинг
Руҳларимиз малаклар
йўлдоши бўлсин дея.
Эй, бизга раббимиздан
келган қутлуғ ҳадя,
Сен нурли оқшоминг-ла
мушфиқларни кулдирдинг.

Шаҳар кўчаларига ёғдуларинг
сочилди.
Жароҳатли қалбларга малҳам
бўлдинг сен ўзинг.
Сен туфайли уйғондик,
воз кечдик уйқулардан,
Сен туфайли кўнгилда
авф эшиги очилди.

Гуноҳ йўли тўсилди,
гуноҳ энди жазоли,
Ўзгача тотли эрур
ифторнинг ноз-неъмати.
Тарк этма кўнгилларни,
эй эртанинг умиди,
Эй марҳамат булоғи -
ойларнинг энг гўзали!

Аҳмад Ёлчин (Жаббор Эшонқул таржимаси)