Dildagi satrlar

[Gulchehra Ibragimova]

ISHONMA

Senga mendan xabar bersalar,
«U yiqildi charchab»,— desalar,
Yo‘q, ishonma, bag‘rim!
Bu so‘zni —
Do‘stlar aytmas, yaqin ko‘rsalar.

Bayrog‘imga qon bilan yozgan
Ontim undar olg‘a borishga!
Haqqim bormi hech qoqilishga,
Haqqim bormi charchab-horishga?

Senga mendan xabar bersalar,
«U Vatanin sotdi»,— desalar,
Yo‘q, ishonma, bag‘rim!
Bu so‘zni —
Do‘stlar aytmas, meni sevsalar.

Yurtdan ketdim yurtni, seni deb,
Men kurashdim qonli har damda.
Yurtni, seni qo‘limdan bersam,
Nima qolar menga olamda?

Senga mendan xabar bersalar,
«Musa o‘ldi endi»,— desalar,
Yo‘q, ishonma, bag‘rim!
Bu so‘zni —
Do‘stlar aytmas, meni sevsalar.

Tuproq ko‘mar tanni, ko‘molmas
O’tli qo‘shiq to‘lgan ko‘nglimni,
«O’lim» deyish mumkinmi axir,
Yengib o‘lgan bunday o‘limni?

Musa Jalil

[мафтун]

ОНА ЎЗБЕКИСТОН

Юртга мақтов эмас, муҳаббат керак,
Яна ўз сўзимга қайтдим, гумон йўқ:
"Ўзбек кўп бутун ер юзида, аммо
Оламда бошқа ҳеч Ўзбекистон йўқ!"

Азизлар исмига ватандир нисбат,
Елгай юрт номида суворий бўлиб:
Бежизми, Исмоил ўғли Муҳаммад
Жаҳонга танилди Бухорий бўлиб!

Жаҳолат нажотга бўлолмас гаров,
Гарчи дунё иши бўлур нисбатан.
Ватанни юксакка кўтарса биров,
Бировни юксакка кўтаргай Ватан!

Маҳшар талошида иймондан булак
Нима бор жонинга киргувчи ора? -
Термизий бермаса маънодан дарак,
Термизни танирди қайси бечора?

Пайғамбар боғида туш кўриб озод,
Фақиҳ деб аталди, бўлди юртга зеб:
Дунёни ғафлатдан уйғотган бу зот
Аталди Абулайс-Самарқандий деб!

Адолат измида гуркирар ҳаёт,
Бўлмас муҳаббатсиз шижоат, азм.
Ошиқ Хоразмийлар қоқмаса қанот,
Қайга ҳам учарди ўтроқ Хоразм?!

Ёзувсиз харита қитъаларидек,
Юракка ёзилур Бистомий, Шомий.
Туғилиш ва ўлим нуқталаридек,
Мавлоно аталмиш Балхий ва Румий!

Азиз Ўзбекистон! Сени ким севмас,
Азизлар бешиги, эй шонли юрак!
Эл бахти сен билан бўлса чамбарчас,
Сенинг ҳам эл билан бахтинг муштарак.

Йўлинг пок, сафаринг бехатар бўлсин,
Абадият сари талпин, елиб уч!
Ким асли Ватандан бехабар бўлса,
Умри пуч, сўзи пуч, ғоялари пуч!

Қайтсанг, яхшиликка қайтгил, эй дунё!
Мен ҳам ўз сўзимга қайтдим, гумон йўқ:
Ўзбек кўп бутун Ер юзида, аммо
Оламда бошқа ҳеч Ўзбекистон йўқ.

Мирзо Кенжабек

[Gulchehra Ibragimova]

Қадим боболардан қолган қадим сўз,
Ҳаммадан қолади бу қўҳна дунё.
Менинг ҳам бўғзимни ўртайди шу бўз,
Ҳаммадан қолади бу қўҳна дунё.

Тишлаган бурда нон тишга насиба,
Ерга тушган увоқ қушга насиба,
Кун битса қултум сув бўлмас насиба
Ҳаммадан қолади бу қўҳна дунё.

Бойлигинг бошингга болиш бўлмайди,
Ким айтар кўзингга тупроқ тўлмайди,
Тобутда Искандар қўли йиғлайди,
Ҳаммадан қолади бу қўҳна дунё.

Отгувчи ҳар тонгда умид юз очар,
Тириксан, бошингда қуёш нур сочар,
Ҳасадгўй, ҳасисдан барака қочар,
Ҳаммадан қолади бу қўҳна дунё.

Инсонсан, ҳар жонга вафолар қилгин,
Тошни тош билмагин, садолар қилгин,
Дуо ол, ўзинг ҳам дуолар қилгин,
Ҳаммадан қолади бу қўҳна дунё.
Маҳмуд Тоиров. «Бармоқлар боадаси». Т., «Ўқитувчи» 1998 йил, 36-бет.

[Gulchehra Ibragimova]

КАТТАЛАРГА НАСИҲАТ

Ярақлаган уйларинг чанг бўлсаям сиқилма,
Рўзғорингда бир нима кам бўлсаям сиқилма,
Йўқчиликда кунда бир, жанг бўлсаям сиқилма,
Ўғлинг еб ўрга кетар, қизинг еб қирга.

Чайнаётган нонингни боламга деб ўласан,
Катта бўлса гап билан силталаса сўласан.
Бино қўйма, сийлама, пўпалама кўрасан,
Ўғлинг еб ўрга кетар, қизинг еб қирга.

Қариганда ғалвани кўтаролмас юрагинг,
Қани ота-оналар суянчиғинг, тиргагинг.
Ётиб қолсанг, оғрисанг, кимга бўлар керагинг
Ўғлинг еб ўрга кетар, қизинг еб қирга.

Ғамни олсанг кўнгилга тўлиб кетаварасан,
Офтоб урган майсадай сўлиб кетаверасан,
Юрагингни чангаллаб ўлиб кетаверасан,
Ўғлинг еб ўрга кетар, қизинг еб қирга.

Ўзин боққанинг қолиб, боласин ҳам боқасан,
Куч-қувватинг борида ҳаммасига ёқасан.
Ўзинг учун бир бора чиққанмисан боққа сан,
Ўғлинг еб ўрга кетар, қизинг еб қирга.

Уйлантиру, болангни бўлак қилгин уйини,
Ўзи тортсин рўзғорнинг ташвишини ўйини.
Кўриб турсанг бўлгани соғ-саломат бўйини,
Ўғлинг еб ўрга кетар, қизинг еб қирга.

Таъма қилсанг бир нонни, чимирилар қошлари,
Сенсиз пишиб ейилар ёғлиққина ошлари.
Югуришар олдингга оғриб қолса бошлари,
Ўғлинг еб ўрга кетар, қизинг еб қирга.

Эрининг топганини ўйнаб еркан ҳар аёл,
Ўғлининг топганини ўйлаб ер экан аёл,
Бекорга айтилмаган халқ ичида бу мақол –
Ўғлинг еб ўрга кетар, қизинг еб қирга.

Майли, тушган уйида яшнаб юрсин келинлар,
Мақтаб, алқаб дуо қил, яйраб юрсин келинлар.
Қайнонамас онам деб, сайраб юрсин келинлар,
Ўғлинг еб ўрга кетар, қизинг еб қирга.

Ялаб-юлқаган уйинг келинларга қоладир,
Сендан кейин ким билар не куйларга соладир.
Уйим, болам –чақам, деб олаверма хавотир-
Ўғлинг еб ўрга кетар, қизинг еб қирга.

Меҳнат қилдинг, тинмадинг етганича имконинг,
Ўзинг учун ҳам яша, ғаниматдир ҳар онинг.
Тоғларга чиқ, ҳаво ют, жон-жон ўзингни жонинг,
Ўғлинг еб ўрга кетар, қизинг еб қирга.

Ўғилларда қўш улов, сен юрасан пиёда,
Ўзларидан ортмайди моли бўлса зиёда.
Болам, болам, болам деб нима кўрдинг дунёда,
Ўғлинг еб ўрга кетар, қизинг еб қирга.

Ўлсанг боланг учун фарз- қабринггача боради,
Айтчи, унда сен билан қайси бири қолади?!
Қиёматда қай бири гуноҳингни олади,
Ўғлинг еб ўрга кетар, қизинг еб қирга.

Кўнглинг кимни ҳушласа ўша билан суҳбат қил,
Тиконларга қарама гулга қараб роҳат қил,
Асабингни қийнама, юрагингга шавқат қил,
Ўғлинг еб ўрга кетар, қизинг еб қирга.

Пардоз қилиб ясаниб, эй аёл ҳеч толмагин,
Қариликни бўйнингга асло, асло олмагин,
Ўнта боланг бўлсаям, эргинангдан қолмагин,
Ўғлинг еб ўрга кетар, қизинг еб қирга.

Кунлар келар-инжиқ чол, биров келмас ёнингга,
Шу илимиқ кампиринг оро кирар жонингга.
Шукр қил бирга ўтган ҳар соат, ҳар онингга
Ўғлинг еб ўрга кетар, қизинг еб қирга.

Тўрт пул топсанг ярмини кексаликка олиб қўй,
Йиғиб эски нимчанинг чўнтагига солиб қўй,
Болаларинг пул деса, нафақадалигингдан нолиб қўй,
Ўғлинг еб ўрга кетар, қизинг еб қирга.

Қўлинг ишда ва лекин «РАББАНО» да бўлсин дил,
Ғийбат ҳасрат, гапни қўй «СУБҲОНОЛЛОҲ» айтсин тил,
Бу дунёнинг нонин еб, у дунёнинг ишин қил,
Ўғлинг еб ўрга кетар, қизинг еб қирга.

Йиғиштириб умрингни, қолганини борини,
МАРҲАБОХОН қилгайсан охиратни корини,
Қулоғингга қуйиб ол, бу насиҳат дорини
Ўғлинг еб ўрга кетар, қизинг еб қирга![1]

[1] Шоира Марҳабахон Каримова. «Катталарга насиҳат» .

** Кимга қандай билмадим-у, шоиранинг каттларга насиҳат тарзида айтган ушбу шеъри ҳаётий ҳақиқат, деб ўйладим.. Буни ёшлар балки унча маъқул кўрмаслар.., аммо қиз узатиб, келин олганлар "Бу насиҳат"ни яхши англайдилар чамамда.. Айниқса, "ўзим учун қачон яшайман", дегувчиларга янаям мос келади..Янаям билмадим, ҳато фикрлаган бўлсам узр?.. Нима бўлганда ҳам мунозарабоб мавзу экан!

[bekww]

Сообщение от Gulchehra Ibragimova

Шоира Марҳабохон Каримова. «Катталарга насиҳат» .

Фикрларингизга қўшиламан, Гулчеҳрахон, рус тилидан таржима қилиб ўтирмадим:


"...Когда-то Машков услышал фразу, которая показалась ему интересной: «Дети являются прошлым родителей, а родители – наше будущее. Потому что мы идем туда, к ним, а они оттуда взывают к нам».

http://www.biograph.ru/bank/mashkov.htm

[Hero]

Sog'inch
Men quyoshni sog'insam har on
Ko'kka boqib uni chorlarman
Lek bobomni sog'insam budom
suratiga unsiz boqarman

Bilaman, doim yonimizda
Uiyimiz to'rida siymongiz
Dilda saqlab nasihatingiz
Eslab deymiz "aziz bobomiz"

Siz orzu qilgandek har doim
Yurtfa sadiq farzand bo'laman
Har tong quyosh bila yuzlashib
bobo, sizni yodga olaman

Sarvinoz Avazxonova

[Hero]

Kuzda
Urug tushdi tuproqqa,
Yerni solib titroqqa
bir pasda chiqdi unib
Hosil berdi yetilib

Suv tutish-u yer chopish
Dehqon olmadi hech tin
O'zbek elida uni
Deyishadi "oq oltin"

Barchani chaqirishar
"Hashar" deya chorlashar
Hamma yordamga shaydir
Mehnat qilib yashaydir

Odamga to'ldi har yon
Bir pasda baland xirmon
Bu dehqon mehnatidan
Tinimsiz zahmatidan

Insonlar der : "Hosilda
Doim baraka bersin"
Dilda pok niyatimiz
Yurtimiz nurga to'lsin

Muxlisa Alimqulova

[Hero]

VATAN

Sening har go'hsang aziz, har maysang aziz,
Har tuproq , har dala, har ko'chang aziz!
Musaffo osmoning, quyosh aziz
Sen onamdek ulug',muqaddas Vatan!

Suhrob Rahmatov

[Mahmud Jurat]

Сообщение от Hero

go'hsang

Бу сўзнинг маъноси нима?
Балким бирор шевамизда у бирор маънони англатар.

[albatros]

Sevganingni, sevgingni maqtab
Shirin gaplar aytishing mumkin.
Ammo, kulfat tushsa boshimga
Gaplaringdan qaytishing mumkin.

Agar sevsang meni yurakdan
Birga suzgil selda, oqinda,
Birga totgil achchiq-chuchukni,
Birga bo'lgil uzoq-yaqinda.

Qayg'udosh bo'l qayg'ursam agar,
Birga sevin sevinganimda.
Kulfat tushsa, agar boshimga
Tashlab ketma, bo'lgil yonimda.

Quyosh bo'lib nur soch kunduzi,
Yulduz bo'lib yo'l ko'rsat tunda.
Baham ko'rgil nimaki bo'lsa,
Ishonaman sevgingga shunda.

Uyg'un.