Zodagonlar jamiyati tog’risidagi elektron jurnalni o’zbek tilidagi naqli bo’yicha takliflar

[Lutfillo Tursunov]

Сообщение от Oybek Khodjaev

Мени яна сўз бошида сўраган масалалар қизиқтиради.

Қанақа таклифларингиз бор?

Журналнинг ўзбекча талқини юзасидан фикрларим:

1. Ўзбекча талқинида сайтнинг дизайнига ўзгартиришлар киритиш керак. Агар журналнинг асл мақсади - меҳрибонлик, самимият, гўзаллик, зиёлилик, оддий нарсалардан қувониш, кашфиётлардан илҳомланиш ва такомилликга интилиш бўлса, унда мана бу фон -
мантиққа, айниқса, миллий, шарқона мантиққа тўғри келмайди.

2. Рукнлар ҳам (ўзбекчаси) ижодий гуруҳ томонидан қайта кўриб чиқилиши керак. Кейин ўзбекча талқинда "тунги ҳаёт" каби йўналишларга ўрин беришнинг ҳожати йўқ.

3. Материаллар борасида асосий эътиборни ишбилармонлар, тадбиркор инсонлар ҳаёти, уларнинг иш таржибалари, ёшларга тавсиялари... кабиларга қаратиш. Шунингдек, олий ҳиммат инсонлар, халқ турмуши фаровонлиги учун ҳаракат қилаётган, бошқалардан ёрдамини аямаётган саҳоватли инсонлар, уларнинг ишлари ҳақида;
Шоу бизнес оламида ҳақиқий санъати ва билими билан ном қозонган, бошқаларга ўрнак бўла оладиган машҳур кишилар ҳақида ва ҳоказо...

4. Олимлар, ёш тадқиқодчилар ва уларнинг кашфиётлари ҳақида.

5. Дизайн ва мода йўналишида миллий либослар тарихи, уни ўрганган олим ва олималар (Ўзбекистон давлат тарихи музейида бу борада кенг тадқиқотлар юритилган) фикрлари. Бугунги кунда ёшларимизни қизиқтирадиган, миллийлигимизга хос либослар яратаётган моделерлар ҳаёти ва ижоди.

Бу менинг айрим фикрларим, холос. Асосийси, юқорида билдирганимдек, ижодий гуруҳ жиддий ўйлаб иш юритса, ўзнет учун жуда фойдали сайт юзага келиши шубҳасиз.
Ишларингизга муваффақиятлар тилайман!