Dildagi satrlar

[Nigora Umarova]

... Biri dilda

Bir majlisda yonimdagi kishi muhokama chog'i so'zga chiqqan har bir notiqning gapiga o'zicha, aniqrog'i, menga shipshib pisanda aralash luqma tashlab o'tirdi. Aksariyat e'tirozlari jo'yali edi. "Bilmay yurarkanman, qarang, fikri ochiqqina odam ekan", deb qo'ydim ichimda. Bir mahal uning o'ziga so'z berildi. Tavba, tanib bo'lmay qoldi haligi kishini! Oldingi notiqlarni ham yo'lda qoldirib, aravani shunday quruq olib qochdi-ki! Qaytib kelib o'tirgach, "Boya shashtingiz bo'lakcha edi-ku, taqsir!" desam, xijolat bo'lmoq u yoqda tursin, yosh bolaga aql o'rgatgandek tepadan keldi: "Qoidasi shunaqa, birodar, qoyaversangiz-chi!"
Qoidasi... ikkiyuzlamachilik, munofiqlik ekan-da? Ko'nglingdagi gapni aytolmas ekansan, minbarga yugurib nima qilarding? Jimgina o'tirsang, birov kelib yoqangdan olmaydi-ku!
Bu gaplarni unga aytmadim, albatta. Aytolmadim. Chunki-qoidasi shunaqa!
Binoyidek gaplarni gapirib turgan yana biriga mikrafon tutsangiz, daf'atan boshqa qiyofaga kirib, o'zi ham ishonmaydigan bir balolarni sayray ketadi. Yozganda ham ahvol shu. Negaki, qoidasi shunaqa emish!
Maktabda bular matematikani chala o'qigan chiqar. Arifmetikada shunday qoida bor, sonlarni qo'shuv yoki ko'paytiruvda ishlatiladi. Ko'p xonali raqamlarni zarb etganda, deylik, yettini sakkizga qo'shsangiz-o'n besh hosil bo'ladi, to'g'rimi? Lekin uni birdaniga yozolmaysiz-qoidasi shunaqa-beshini qayd etasiz-u, biri dilda turadi, uni navbatdagi qo'shiluvda ishlatasiz, ya'ni, "dildagisi" dilda qolib ketmaydi, yig'indida albatta "teshib chiqadi".
Odam bolasining hayotiyu fe'l-atvori arifmetikaga mos amal hisobiga sig'masligi ayon. Biroq dildagi gap dilda qolib ketaversa, nima bo'ladi? Ha, yashang, maddalaydi. Keyin qonni buzadi, zaharlaydi. Agar o'lmasa, bir kun qarabsizk, boshqa bir odamga aylanibdi-qolibdi. Bu toifa ko'paysa-chi? Yig'in ahli yakkash ana shunday toifadan iborat bo'lsa-chi? Unda majlis qilmoqdan nima ma'ni, ayting?
Darhaqiqat, ayrim yig'inlarimizda tilga olgulik hech nima hal qilinmaydi. aslida avvaldan ma'lum biror gap tasdiqlanadi, ma'qullanadi, xolos. Bo'lmasa, zarur-zarur yumushlarini qo'yib, buncha odam nimaga to'plandiyu savlatidan ot hurkadigan ne-ne notiq minbarga nega chiqdi? Shuncha odam nega azza-bazza uning og'ziga ko'z tikib o'tirdi? Ularniki ham biri dilda, biri tildami?
Shunaqa majlislarimiz ham bor-a, bilasiz-a?
O'shandan beri bunaqa yig'ilishlarda qulog'imni kar qilib o'tiradigan bo'lganman. Yonimdagi odam hadeb shivirlayversa, "Kechirasiz, birodar, qulog'im og'irroq, eshitolmayapman", deb qo'yaman. O'zi rostdan ham shunday, bahona yoki qo'rsligimdan emas bu. "Eshitmayotgan bo'lsang, majlisda nima qilib o'tiribsan?" deyishidan esa xavotirim yo'q. Chunki hali uning minbarga chiqib qolish ehtimoli bor!...

Erkin A'zam

[Nigora Umarova]

Aldadimi, oqibat odil
Ahd tuzdimi falak bilan yo-
Menga - kulib - bo'larkan doxil,
Yuragimni qaytardi dunyo.

Shovulladi bog' kabi tanim,
Hayotimga yugurdi shovur.
Noxoslikda tebrandi holim,
Quvonchdan to qo'rqinchga dovur.

Ne kunlarni ko'rmagay odam,
Toshdan bo'lsa boshi-o'lmasa,
Yurak bilan yashamoqqa ham
Ko'nikaman, xudo qo'llasa...

Usmon Azim

[AbuMuslim]

сўроқ

Хуррият таъмини хеч тотганмидинг?
Шунча йиллар қанд сўриб ётганмидинг?
Кодирий, Чўлпону Фитрат кўзларин
Дил аро бир бора уйғотганмидинг?
Лолазор ўлди аларнинг қонлари,
Сен бу янглиғ лолазор ўтганмидинг?
Юзларингда на алам бордир, на ёш,
Ёки сен хам қўшилиб сотганмидинг?
Шунчалар аччиқ бу ширин Хуррият,
Сен анинг таъмини хеч тотганмидинг?


Сиржиддин Саййид

[Behzod Sulaymonov]

Kursdosh qiz...

Kursdosh qiz, sizni jondan sevaman men,
Aytay deyman biroz jur'at yetishmaydi.
Muhabbatim aytay desam jur'at topib'
Oldingizdan dugonalar ketishmaydi.

Lablaringiz sohilidan nurlar tomar,
Anorlarni uyaltirar yuzingiz bor.
Ayting sizni hur tuqqanmi, ayol tuqqan,
Bag'ringiz ham osmon kabi keng beg'ubor.

Uzun emas sochingiz, lek hechqisi yo'q,
Lov-lov yonar yoqutdayin ko'zlaringiz.
Qayrilmaqosh sizga juda yarashadi,
Ovozingiz asiriman ey go'zal qiz.

Sig'inadi sizga ko'kning malaklari,
Iymanadi hatto havas qilmoqqa ham.
Mo'jaz KITOB vohasiga, tog' bag'riga,
Olib ketar kelin qilib sizni onam.

Va'dasidan yigitlar hech qaytishmaydi,
Afsus qizlar sevgi ishor qilishmaydi...


Izoh:Yuqoridagi she'r MUVASHSHAX sanatida yozilgan.
Hurmatli forumdoshlar, e'tibor bersangizlar she'rning bosh harflaridan "KAMOLA ABULQOSIMOVA" kelib chiqadi. Yosh shoir Bahodir Bahrom ijodidan...

[Husen]

Bag'ringiz ham osmon kabi keng beg'ubor Келинг, тахлил қиламиз. Қизнинг бағри кенг бўлса демак, у девдек алпқомат...Устига устак, сочи калта экан, тасаввур киламиз демак, кураш тушадиган полвон қиз бўлса керак. Шу бағирнинг беғубор эканлиги бироз ўйлантириб қўяди-да...Буни ошиқ бола қаердан билди экан-а?!!! Демак, у қиз билан ҳилватда учрашиб…, а-лаббай...Рахматли Хожибой Тожибоев айтганидек, буёги хо-хо, хи-хи, шекилли :icon_wink:

[Behzod Sulaymonov]

Bag'ringiz ham osmon kabi keng beg'ubor Келинг, тахлил қиламиз. Қизнинг бағри кенг бўлса демак, у девдек алпқомат...Устига устак, сочи калта экан, тасаввур киламиз демак, кураш тушадиган полвон қиз бўлса керак. Шу бағирнинг беғубор эканлиги бироз ўйлантириб қўяди-да...Буни ошиқ бола қаердан билди экан-а?!!! Демак, у қиз билан ҳилватда учрашиб…, а-лаббай...Рахматли Хожибой Тожибоев айтганидек, буёги хо-хо-хо, хи-хи-хи, шекилли :icon_wink:

She'rni taxlil qilishdan avval qoyil deyishni unitibsiz hurmatli Husen Tangriyev.
U qiz polvonmi, devmi bilmadimu, lekin bu shoirning o'xshatishlari. Buni albatta, hammayam tushunolmaydi, tushunib bilagangina tushuna oladi xolos. Men shoir emasman, shuning uchun taxlil qilmayman. Bilishimcha, siz ham Erkin ijodkor jurnalistsiz, she'rni taxlil qilganingizga qaraganda, she'r ham yozib tursangiz kerak. Sizning ham yangi ijod na'munalaringizni Forumda kutib qolamiz..!:187:

[Nigora Umarova]

Bag'ringiz ham osmon kabi keng beg'ubor Келинг, тахлил қиламиз. Қизнинг бағри кенг бўлса демак, у девдек алпқомат...Устига устак, сочи калта экан, тасаввур киламиз демак, кураш тушадиган полвон қиз бўлса керак. Шу бағирнинг беғубор эканлиги бироз ўйлантириб қўяди-да...Буни ошиқ бола қаердан билди экан-а?!!! Демак, у қиз билан ҳилватда учрашиб…, а-лаббай...Рахматли Хожибой Тожибоев айтганидек, буёги хо-хо, хи-хи, шекилли :icon_wink:

Husan sizdan yaxshi adabiy tanqidchi chiqmas ekan. Hech zamonda ham qiz bo'lani devga yoki alpga o'xshatadimi? Barchinoydek yoki To'marisdek deng...
Ayollarimizning sochi kaltaligiga o'zingiz sababchisiz. "Sochi uzunning aqli kalta bo'ladi" degan maqolni to'qib chiqarganingizdan so'ng hamma qiz va ayollarimiz sochlarini kesishga majbur bo'lishdi.
Ajratib ko'rsatilgan jumlalarda so'z me'yordan oshib ketibdi yoki "chegaradan chiqib ketibdi". :icon_redface:

[Nigora Umarova]

Kursdosh qiz...
[COLOR=Blue]
[COLOR=Black]Kursdosh qiz, sizni jondan sevaman men,
Aytay deyman biroz jur'at yetishmaydi.
Muhabbatim aytay desam jur'at topib'
Oldingizdan dugonalar ketishmaydi.



Muvashshah emas-u, lekin har holda oshiq yigitga qizning opasi nomidan javob:

Barno yigit, sevibsiz-ku kursdosh qizni,
Qiz emas u, go’yoki bir yulduzni.
Jur’atliroq bo’lish kerak oshiq doim,
Shundagina hurmat qilar u qiz sizni...

[Husen]

Husan sizdan yaxshi adabiy tanqidchi chiqmas ekan. Hech zamonda ham qiz bo'lani devga yoki alpga o'xshatadimi? Barchinoydek yoki To'marisdek deng...
Ayollarimizning sochi kaltaligiga o'zingiz sababchisiz. "Sochi uzunning aqli kalta bo'ladi" degan maqolni to'qib chiqarganingizdan so'ng hamma qiz va ayollarimiz sochlarini kesishga majbur bo'lishdi.
Ajratib ko'rsatilgan jumlalarda so'z me'yordan oshib ketibdi yoki "chegaradan chiqib ketibdi". :icon_redface:

Шунчаки, форумда бир неча кундан бери кузатилаётган жим-житлик ва сукунатни шу тахлитдаги ҳазил билан бузишга ҳаракат қилгандим, холос. Лекин, барибир шеърнинг ўша жумласи менга ёкмади...

[Maestro]

менга ёкмади...
Албатта, бу топикда кўпроқ хаваскорларнинг машқлари. Шунинг учун жуда ҳам жиддий қабул қилмаса ҳам бўлади. Мен ҳам ўша мисрада ўйланиб қолдим... Кейин, "меҳридарё, очиқкўнгил" маъносида бўлса керак деган хулосага келдим.
Шахсан менга келсак, назмдан кўра насрга иштиёқманд эканлигимни айтган эдим. Лекин унда-бунча ўқиб тураман. Очиқдан очиқ "севиб қолдим", "ўлиб қолдим" деган шъерлар ёқмайди (бу сафсатага ишонмаганлигим учун шундайдир ;-). Аммо мана бу каби бўлса, мазза қиламан:

Орзуларим оғулаб, сен кетдинг аста-аста.
Бормоқдаман "ё-ҳу"лаб, ортингдан ҳаста-ҳаста...

[Behzod Sulaymonov]

Лекин, барибир шеърнинг ўша жумласи менга ёкмади...Menimcha endi bundan keyin forumga she'r qo'yishdan avval hurmatli Husen Tangriyevning ko'ngillariga qarashimiz kerak shekilli..!:dash2:

[Behzod Sulaymonov]

Kursdosh qiz...
[color=Blue]
[color=Black]Kursdosh qiz, sizni jondan sevaman men,
Aytay deyman biroz jur'at yetishmaydi.
Muhabbatim aytay desam jur'at topib'
Oldingizdan dugonalar ketishmaydi.



Muvashshah emas-u
Nigora opa yuqorida keltirilgan she'r Muvashshah san'atida yozilgan.
Muvashshah- arabcha "ziynatlangan", "bezatilgan" degan ma'nolarni bildiradi.
O'zi arab bo'lgan Muqaddam Ibn Muas tamonidan fanga kiritilgan.
Muvashshah (http://http://forum.ziyouz.com/index.php?action=search2) – ma’naviy san’atlardan biri,ayni vaqtda she’riy janr. Bunda she’r asosan g’azal shaklida yozilib, she’r misralari boshidagi harflar yig’indisidan bironta kishi ismi yoki narsa nomi kelib chiqadi..!:187:

Chiroyli qizcha ko’rdim,
Baxtiyorlar bog’ida.
Atirgullar sochadi,
Tabassumi chog’ida.


Rano qiz shuncha so’lim,
Bir ko’rgan unga shaydo.
Oy yuzi porlab turar,
Qora ko’zlari shaxlo.


So’radim oting nadur,
Dedi otim har baytdadur.

[Behzod Sulaymonov]

Kursdosh qiz...
[color=Blue]
[color=Black]Kursdosh qiz, sizni jondan sevaman men,
Aytay deyman biroz jur'at yetishmaydi.
Muhabbatim aytay desam jur'at topib'
Oldingizdan dugonalar ketishmaydi.



Muvashshah emas-u, lekin har holda oshiq yigitga qizning opasi nomidan javob:

Barno yigit, sevibsiz-ku kursdosh qizni,
Qiz emas u, go’yoki bir yulduzni.
Jur’atliroq bo’lish kerak oshiq doim,
Shundagina hurmat qilar u qiz sizni...

Javob uchun raxmat! Uzr Nigora opa man gapingizni nato'g'ri tushunibman.:worship8nz:
Lekin Forumdoshlar Muvashshah san'ati haqida qisqa bo'lsada ma'lumotga e'ga bo'lishdi deb o'ylayman..!

[Masud Mahsudov]

Umr — qumsoat ham
yarimlab qoldi,
ko`nglim to`lgani yo`q bilganlarimdan.
Yodimni og`ritar kechirganlarim,
ko`pdir qilmaganim qilganlarimdan.
Kechalar tobora oydinlashadi,
ko`zingda quyoshning chechagi so`lmas,
yashaging keladi,
faqat umrni
qumsoat singari to`nkarib bo`lmas.
Go`zallar yodimdan o`chdilar bir-bir,
do`stlarim bag`rimdan ko`chdilar bir-bir,
yillarim uzlib tushdilar bir-bir,
faqat bu ko`ngilni
to`ldirib bo`lmas.
Kun keldi,
ohlaring uchadigan kun,
yuraging olamga sig`maydigan kun,
yuzingni bosgancha yerning yuziga,
silkinib-silkinib yig`laydigan kun.
Kimni baxtli qildim,
kimni umidvor,
kimlarga ko`nglimni yorib so`yladim.
Qo`limni berdimmi moziy qa'ridan
cho`zilgan sanoqsiz ojiz qo`llarga?!
Quyosh daldasida egilganlarning
yengilroq qildimmi og`irligini?
Aytdimmi kimlarning asl do`stligin,
kimlarning haqiqiy yog`iyligini?!
Kun keldi,
boshingni egadigan kun,
hattoki o`zgalar gunohi uchun
yuzingni bosgancha yerning yuziga,
silkinib-silkinib yig`laydigan kun.
Mendan nima qolur,
abadiy nurlar
barq urib yashnagan dunyo tomonda?
Urinib-surinib, sira to`lmagan
bir ko`ngil qoladi
qolsa ham mendan.

Shavkat Rahmon

[Nigora Umarova]

Diydasi tosh qoya bag'ridan,
Yorib chiqdi lolaqizg'aldoq.
Qiyinchilikni yengib o'tib u,
Tog'lar chakkasiga bo'ldi-ku baldoq.

Agarda bosh ursa tog'lar oldida,
O'tkinchi shamollar olib ketardi.
Tuprog'i bo'lmasa tog'ning bag'rida,
Urug'i qaylarda qolib ketardi.

Taqdiri azalning bu ham o'yini,
Lola bog'da emas, ochildi tog'da.
Tog'u toshda kuylar hayot kuyini,
Boshqa lolalar ozodlikni qo'msagan chog'da...

N.U.

[Nigora Umarova]

Карасам, бешикдан тобутга кадар
Биров умр сурар, яна биров-зар.
Берганга биттаси купдир, биродар,
Олганга мингтаси кам куринади.

Икбол Мирзо

[Nigora Umarova]

Анча булди,
Шеърлар ёзмадим,
Хайратларим тугмайди мева.
Ич-Ичимла йиглайди кимдир,
Ёзилмаган шеър каби бева.

Анча булди,
Сендан дарак йук,
Нома келмас, сувратлар йиглар.
Хотирамнинг богларидан жим
Кулгуларинг хидлари келар.

Анча булди,
Холим паришон,
Ахволимнинг ахволи хароб.
Айтилмаган суз каби гирён,
Сархуш килмас минг йиллик шароб.

Анча булди,
Юрагим бум-буш,
Вайронадир, хувиллар каср.
Умидларим кураётир туш,
Илинжларим кул булган асир.

Анча булди,
Яшамай куйдим,
Осмонидан кечди рухият.
Узимдаги узимдан туйдим,
Балоларга колди мухаббат.

Анча булди...
Анча булди,
Ёмгир ёгмайди,
Тонг отмайди, куёш ботмайди,
Анча булди...
Бу дунё карахт...
Анча булди ер айланмайди.

Фарида Афруз

[Masud Mahsudov]

Sog’inganim ammo ko’rishni istamaganim…




...Toshkentga student bo'lib kelganimda haqiqiy sevgi va uning otashining taftini bilganman. Poytaxtda o'qib yurgan vaqtlarimda, 17 yoshimda o'zimdan 2 yosh katta qizga oshiq bo'lganman. U bilan 2 yildan ortiq vaqt mobaynida tanish, do'st bo'lib yurganmiz, sevishimni o'qish bitib hamma uyiga tarqalishdan 2-3 oy avvalgina aytishga jur'at qilganman. Mening izhorimdan keyin 'men ham sevaman,' deb bo'ynimga osilib yig'lamagan bo'lsa ham qat'iy ra'd javobini bermagan edi....Hullas hozir o'sha davrlarni eslasam "sevardi" degan fikrga ham, "sevmasdi" degan fikrga ham yetarlicha asos bo'ladigan hotiralar bor.

Men uni hali ham ko'p eslayman, "meni ham eslarmikan," deb qo'yaman. "Qanday ekan, bolalari nechta ekan, o'g'li/qizi qanaqa ekan, nima ish qilyapti ekan, sog'-salomatmikan, baxtlimikan," qabilidagi savollar bilan uni eslayman...

Uni ohirgi marta 12 yil avval, 19 yoshimda ko'rganman. Shundan beri uning ismi, siymosi, hotirasi, sevgisi yuragimda qolgan. Men uni tushlarimda ko'raman, birga tinglab yurgan qo'shiqlarimizni eshitib qolsam ko'zim yoshga, yuragim dardga to'lib uni eslayman.
Lekin bu dard men qanchalik qiynasa ham men bu dardni yaxshi ko'raman. Bu dard meniki, mendagi kabi dard hammada ham yo'q. Ba'zi birlar bunday darddan harob bo'ladilar. Menda esa, bu dardning og'rig'i meni qanchalik azoblasa shunchalik oldinga undaydi.

U meni sodda, qaysar, va chalasavod bir sportchi bola sifatida tanir edi. Balki bunday bola bilan o'zining qismatini bog'lashga ikkilangandir, balki jur'at qilmagandir. Bu tahmin meni oldinga undadi, imkonim boricha harakat qildim, unga o'chakishib u o'qigan til - ingliz tilini o'rgana boshladim.....bu o'chakish, bu intilish ohir-oqibatda mening butun hayotimni o'zgartirib yubordi....
Men uning yuzini ko'rishni qanchalik hohlasam, shunchalik qo'rqaman. Chunki u mana shu o'tgan 12 yil ichida u mening orzularim, hayollarim, hotiralarim malikasiga, yoshlik yillarimning idealiga aylanib ulgurgan. Mening tasavvurimdagi bu malikani oddiygina o'rta yashar ayol obrazi parcha-parcha qilishidan juda-juda qo'rqaman. Men yana uning yuzini ko'rgan onimda 12 yillik dard qo'rqinchli bir faryod bo'lib ichimdan otilib chiqib ketishidan qo'rqaman, men uni ko'rganimda tuyg'ularimni, yuragimni, boshqara olmayman deb qo'rqaman.... Men uni ko'rsam.....o'lib qolsam kerak deya qo'rqaman....

bir yaqin akamizning dil daftaridan...

[Komil Eriev]

Umrimni o‘tkinchi saboga berdim,
Eng so‘nggi chaqamni gadoga berdim,
Bu telba ruhimni Xudoga berdim...

Sabo olib bordi, gadoga berdi,
Gado yig‘lab bordi, Xudoga berdi.
Xudo meni senga xatoga berdi,

Sen meni kimlarga berding, Azizim?

Zebo MIRZO

[Komil Eriev]

ENTIKARDI…

Entikardi adirlaru dalalar,
Qizil kiygan qizdek qirmiz lolalar.
Qizil kiygan qizni yaxshi ko‘rardim,
Bilar edi tog‘alaru xolalar.

Dirillardi mendan qochib varraklar,
Varragimdan cho‘chib uchgan laylaklar.
Hurkak-hurkak titrab tunda yuraklar,
To‘lqin-to‘lqin tortar edi nolalar.

Bola edim bo‘shanggina, ko‘ngilchan,
To‘shak bo‘ldi go‘shanggaga ko‘ngilchang.
Mana, bugun bo‘yga etib o‘g‘ilchang
Senga yozgan she’rlarimni yod olar.

Mening esa qonim qaynab jo‘sh urar,
To‘lqin-to‘lqin tortib, gup-gup musht urar.
Qaytib-qaytib yuragimga bosh urar,
Sen tug‘ishing kerak bo‘lgan bolalar.

Iqbol MIRZO

[Nigora Umarova]

Osmonga ham otgum tosh,
Gunohkor bo'lsa quyosh.
Gunohkor bo'lsa quyosh,
Qaytib tushmagaydir tosh.

Osmon ham bo'lib g'anim,
Qaytib tushsa-ne g'amim!
Bir tosh tushsa tushibdi
Tog'day boshimga manim.

Usmon Azim

[Nigora Umarova]

Siz qarg'aysiz taqdiringizni,
Ham aytasiz unga tashakkur:
-Biz yo'q qildik bir-birimizni...
Biz yo'q qildik... Xudoga shukur!...

Siz yurakni qilmaysiz tejam,
Olgin!-borni tortiq qilasiz.
So'ngra xafa bo'lasiz mendan-
"Qaytmayman", deb yig'lab ketasiz.

Izlab yana kelasiz bir kech,
Jilmayasiz:- Baxtlimanmi, boq!...
Kulgingizga yarashmagay hech,
Xitobingiz o'rtagan titroq.

Hijrondan so'ng savollar teran,
Hijrondan so'ng javob-daf'atan...
Men hammadan pinhon saqlagan
She'rlarimni sizga aytaman.

Ayblamaymiz bir-birimizni,
Dilda so'zlar tug'iladi-hur.
... Qarg'amaysiz taqdiringizni
Va aytmaysiz unga tashakkur.

Usmon Azim

[Abror Qodirov]

Vatanim
Men dunyoni nima qildim,
O`zing yorug` jahonim,
O`zim xoqon, O`zim sulton,
Sen taxti Sulaymonim,
Yolg`izim, Yagonam deymi,
Topingan koshonam deymi,
O`zing mening ulug`lardan
Ulug`imsan, Vatanim…

Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi, Onam deymi,
Hamdardu hamxonam deymi,
Oftobdan ham o`zing mehri -
Ilig`imsan, Vatanim.

Sen Mashrabsan, Xalqda tumor,
Balxda dorga osilgan,
Navoiysan, shoh yonida
Faqirini duo qilgan.
Yassaviysan, meniki deb,
Ko`ringan da'vo qilgan,
Ming bir yog`i ochilmagan
Qo`rig`imsan, Vatanim.

Sen Ho`jandsan, Chingizlarga
Darvozasin ochmagan,
Temur Malik orqasidan
Sirdaryoga sakragan,
Muqannasan qorachig`i
Olovlarga sachragan,
Shiroqlarni ko`rgan cho`pon
Cho`lig`imsan, Vatanim.

Kim Qashqarni qildi makon,
Kim Enasoy tomonda,
Jaloliddin - Qurdistonda,
Boburing - Hindistonda,
Bu qanday yuz qarolig` deb
Yotarlar zimistonda,
Tarqab ketgan to`qson olti
Urug`imsan, Vatanim…

O`g`lim desang osmonlarga
G`irot bo`lib uchgayman,
Chambil yurtda Alpomishga
Navkar bo`lib tushgayman,
Padarkushdan pana qilib
Ulug`beging quchgayman,
G`ichir-g`ichir tishimdagi
So`lig`imsan, Vatanim…

O`tgan kuning - o`tgan kundir,
O`z boshingga yetgan kun,
Qodiriyni bergan zamin,
Qodiriyni sotgan kun.
Qo`lin bog`lab, Dilin dog`lab,
Yetaklashib ketgan kun,
Voh bolam! deb aytolmagan
Dudug`imsan, Vatanim.

Yoningda qon yig`lagan bir
Shoiringga qarab qo`y,
Gar Qo`qonga yo`ling tushsa,
Detdomlarni so`rab qo`y.
Hech bo`lmasa Usmon hokin
Keltirmoqqa yarab qo`y,
Olislarda qurib qolgan
Qudug`imsan, Vatanim…

Sen - shoxlari osmonlarga
Tegib turgan chinorim,
Ota desam, O`glim deb,
Bosh egib turgan chinorim,
Qo`ynimdagi iftixorim,
Bo`ynimdagi tumorim,
O`zing mening ulug`lardan
Ulug`imsan, VATANIM !

Muhammad Yusuf

[Behzod Sulaymonov]

Qalbimni tirnagan hijrondan bo`lak,
Yuragimni ezgan armondan bo`lak.
Azoblardan qolgan bir jondan bo`lak
Sendan nima qoldi menga azizim.

Endi sening uchun xayotim uvol,
Qo`rqdim qalbinga bermoqqa ozor.
Ayt o`ylab ko`rdingmi sen shuni bir bor
Sendan nima qoldi menga azizim

Tugab bormoqdadir sabru bardoshim
So`nib bormoqdadir umr quyoshim
Yuzlarimni ko`zdagi yoshim
Sendan nima qoldi menga azizim.

Mayli kulib boqsin senga baxt omad
Mayli o`zga yorla topgin saodat.
Lekin bir savolimga javob ber faqat,
Sendan nima qoldi menga azizim.




Do'stim

Do'stim ko'rdim ko'zlaringda qatra-qatra yosh,
Taning behol, turadirsan ma'yus egib bosh.
Nechun bu xol? Bilolmasman, aytaqol sirdosh,
Aytgin do'stim, chidolmasman, ko'rsam ko'zda yosh.

Aytding: "Do'stim, do'stlar sendek holim so'rmaslar,
Men qoqilsam ochiq ko'zlar buni ko'rmaslar,
Dushmanlarim bu holimga kulib to'ymaslar,
Do'stdan g'arib do'stman, shundan ko'zlarimda yosh.

Yordan so'rsam yor vaslini, bo'lsa bevafo,
Xasta ko'nglim dardiga yor bo'lmasa davo,
Ilxom bo'lib navo emas, keltirsa jafo,
Yordan g'arib yorman, shundan ko'zlarimda yosh.

Qayga bormay qadrim topmay boshim yoraman,
Taxtim uchun baxtimni ham loyga qoraman,
Xalqman deyman, lekin yo'lda tanho boraman,
Eldan g'arib elman, shundan ko'zlarimda yosh"

Do'stim, bildim, nechun sening ko'zlaringda yosh,
Nechun behol turadirsan ma'yus egib bosh,
Sirdosh emas, endi men ham senga bir darddosh,
Sendek mening ko'zlarimda qatra-qatra yosh.

[Nigora Umarova]

O'lgin deding-yerga ko'mding-
Ildiz bo'ldim.
Ko'kka otding-yo'q bo'l deding-
Yulduz bo'ldim.
Tilim kesding-dilim aytdi
Rost kalima...
Qiyin bo'ldi senga sho'rlik
Dushmanim-a!
Dushmanim-a, toshlar otib
To'ymaydirsan-
Tuproq bo'lay desam, nega
Qo'ymaydirsan?..

Usmon Azim

[Nigora Umarova]

Hayotdan hech qilmaymiz gina,
Savol bersak hamki, kajraftor jimdir.
Ukajon, aslida o'lim-ku NIMA,
Ammo bevaqt o'lim hamisha KIMDIR.

Usmon Azim

[Nigora Umarova]

Ketmonchi qizlarga

O’ylasam o’ylarim ko’ksimda kuygan,
So’ylasam so’zlarim bo’g’zimda kuygan.
Barglarday so’lg’in-u, shamlarday ozg’in,
Qovjirab dala-yu tuzimda kuygan.
Oylar gulbog’idan tushgan yaproqlar,
Yulduzlar bag’ridan ko’chgan yaproqlar,
Nursiz paykallarda shu’la yozmayin,
Tuproqqa qorishib o’chgan yaproqlar.
Husnin chechaklarin chanoqlar yulgan,
Sochlarin gardida nasimlar o’lgan,
Sizning tarovat-u gul yuzingizni
Quyoshlar tushlikka tanovul qilgan.
O’ylasam o’ylarim ko’ksimda kuygan,
So’ylasam so’zlarim bo’g’zimda kuygan,
Barglarday so’lg’in-u shamlarday ozg’in,
Qovjirab dala-yu tuzimda kuygan.

Balog’at chog’ida balog’at ko’rmay,
O’n beshdan u yog’I halovat ko’rmay,
Za’faron rayhonday zabun o’tdingiz,
Davr-u davronlardan sadoqat ko’rmay.
Sabohdan sahroga aylanganlarim,
Sarg’aygan sarvlarim, gul, savsanlarim,
Sertashvish turmushning quchoqlaridan
Dalalar qo’yniga taylanganlarim.
O’ylasam o’ylarim ko’ksimda kuygan,
So’ylasam so’zlarim bo’g’zimda kuygan.
Barglarday so’lg’in-u shamlarday ozg’in,
Qovjirab dala-yu tuzimda kuygan.

Tun-kun ko’ksim ichra yong’in- u yong’in,
Yillardan so’raydir yillar so’rog’in.
Shomlarga shimilgan tuproq yo’llardan
Tollarim kelgaylar tolg’in va tolg’in.
Diydam diydiratgan diydorlaringiz.
So’ndi malohat-u dildorligingiz.
Tunlar paykallarda horg’in yuzgan oy
Sizning zor-u mahzun yodgorligingiz.
O’ylasam o’ylarim ko’ksimda kuygan,
So’ylasam so’zlarim bo’g’zimda kuygan.
Barglarday so’lg’in-u shamlarday ozg’in,
Qovjirab dala-yu tuzimda kuygan,
Sonsiz egatlarga tizilganlarim,
Qismati ketmon-la yozilganlarim.

Sirojiddin Sayyid, 1990

[olim]

Otam bordir

Yigitsan deb dalda bergan,
O’glim deya ko'ksin kergan.
Kurash olib davra tergan,
Mening fahrim otam bordur.

Qirq yigitga o’zi basdir,
Toshni kesar so'zi basdir.
Mehri daryo ko'zi basdur,
Mening fahrim otam bordur.

Botinolmas kelolmaydi yov,
Chunki unga bo'lolmagay g’ov.
Qaytaradi kelsa ham olov,
Mening fahrim otam bordur.

Ko'zlarimda kulguim otam,
Yig’laganda yoshim ham otam.
Otam yo’qda to'ylarim motam,
Mening fahrim otam bordur.

Abduvohid Hofizov
O’z.M.U Iqtisodiyot fakulteti 2 kurs talabasi

[Abror Qodirov]

Hazil

Mening haqimdagi g`iybatlar yolg`on,
Ixtiyor o`zimda bo`lsa qaniydi.
Sharob ichish menga Xayyomdan qolgan,
Ichmasam ul zotning ko`ngli ranjiydi.

O`zim boshladimmi, o`zim qilgum bas,
Do`stlarim behuda zavolim izlar,
Agar qirqqa kirmay o`lsam, may emas,
Meni xarob etgan bevafo qizlar!..

Muhammad Yusuf

[Nigora Umarova]

Hazil
...
Sharob ichish menga Xayyomdan qolgan,
Ichmasam ul zotning ko`ngli ranjiydi...



Xayyomning ko'nglini ranjitmaslik-chun,
Tinmay ichadilar gulgun sharobni.
Mayni ichib, oxirida-chi,
Nima bo'lar, ko'ring: holi xarobni.

"Xayyom mayi" ramziy ma'noda,
Bilsangiz aslida - bilim, "aql"dir.
Umar bobomizning mayparastligi,
Bizga kimlardandir qolgan naqldir.

N.U.

[Abror Qodirov]

Ko'ngil

Ko'ngil, sen bunchalar nega
Kishanlar birla do'stlashding?
Na faryoding, na doding bor,
Nechun sen muncha sustlashding?

Haqorat dilni og'ritmas,
Tubanlik mangu ketmasmi?
Kishanlar parchalanmasmi?
Qilichlar endi sinmasmi?

Tiriksan, o'lmagansan,
Sen-da odam, sen-da insonsen,
Kishan kiyma,
Bo'yin egmas,
Ki sen ham hur tug'ilgansen!
Toshkent, 1922
Cho'lpon

[Nigora Umarova]

Ko'ngil

Ko'ngil, sen bunchalar nega
Kishanlar birla do'stlashding?
Na faryoding, na dodong bor,
Nechun sen muncha sustlashding?



Abrorjon!
She'rdagi satrda so'z "doding" edi, shekilli? :icon_redface:

[Abror Qodirov]

She'rdagi satrda so'z "doding" edi, shekilli?

Darhaqiqat. E'tiborliroq bo'laman endi! Uzr! "i" va "o" klaviaturada yonma yon joylashganiga shunaqa bo'lgandir...

P.S. tog'rilab qo'ydim. Raxmat Nigora opa!

[Nigora Umarova]

Yetar, bas, chekdan oshgandir,
Bu qarg'ish, bu haqoratlar!
To'liqdir, balki toshgandir
Tubanlik ham safolatlar!

Qo'limda so'nggi tosh qoldi,
Ko'ngilda so'nggi intilmak,
Ko'zimda so'nggi yosh qoldi,
Kuchimda so'nggi talpinmak.

Bu qarg'ish, bu haqoratlar
Kuchimni tortmoq istaydir.
Tubanli8k ham safolatlar
O'zimni yutmoq istaydir!

Ko'ngilda so'nggi intilmak,
Shu holda ketmak istarman.
Ku8chimda so'nggi talpinmoq,
Amalga yetmak istarman!

Qo'limda so'nggi tosh qoldi,
Yovimga otmoq istarman!
Ko'zimda so'nggi yosh qoldi,
Amalga yetmak istarman!..

Cho'lpon

[Abror Qodirov]

Laylo
Balki o'chgan edim yodingdan,
Shirin xayolingni buzdimmi?
Laylo, Laylo, sening yoningda
Yaproq kabi ko'rdim o'zimni,
Shirin xayolingni buzdimmi?

Seni o'ylab kelmaydir uyqu -
Qora tunning o'zga sehri bor.
Tushlarimda topay deb gulro'
Man uxlarman mangu ehtimol.
Go'zal tushlar tilayman, Laylo...

Yana paydo bo'lding yo'limda,
Yana yo'llaringda bo'zladim.
Bechora qalb sening qo'lingda,
Ko'zlaringda mening ko'zlarim.
Nechun paydo bo'lding yo'limda?..

Rauf Parfi

[Nigora Umarova]

Seni menga betob dedilar,
Bu so'z yomon, bu so'z ko'p og'ir.
Seni menga betob dedilar,
Oqdi yoshim misoli yomg'ir.

Seni menga betob dedilar,
Menga dunyo hazin tuyuldi.
Bulutlarga to'ldi osmon-
Achchiq-achchiq yoshi quyildi.

Seni menga betob dedilar...
Lekin kelding, kelding sen o'zing.
Qora bulut tamom yo'qoldi.
Holbuki men... Yig'laydi ko'zim.

Rauf Parfi

[Nigora Umarova]

Xayr senga, yaxshi qol endi,
Faryod chekar ko'zingda sevinch.
Xayollarga bir dam tol endi
Huzuringga men qaytmasman hech.

Seni o'rtar achchiq pushaymon,
Ayrilmoqdan qo'rqmaysan mendan.
Sevgi uyi uzlatda vayron-
Bir tasalli tilama sendan.

Bir kun ko'rib meni ko'chada,
Ana u, deb qo'lingni cho'zgin.
Yodgorlikdek songgi kechadan
Yo'l ustida to'xtagin bir zum.

Boshing egib kelma menb tomon,
Sen ketaver... yonimga qaytma...
Ko'rib qolsang undan ham yomon,
Yo'q, yo'q, "Meni kechir", deb aytma.

Xayr senga, ketar bo'ldim men,
Ketar bo'dim shu qop-qora kech.
Qaytmasam-da muhabbatimdan,
Huzuringga men qaytmasman hech.

Rauf Parfi

[Abror Qodirov]

Uyg'on, ey malagim
Uyg'on, ey malagim, tur o'rningdan, tur,
Otashin muzlarda isinaylik, yur.

Yong'inli daryoda quloch otaylik,
Bu yerdan ketaylik, faqat ketaylik.

Undan ham olisroq ketarmiz hali,
Undan ham olisroq, mening go'zalim.

Qaragil, eng yorqin bir yulduz yonar,
Yorug' bir chaman bu… ketarmiz yana.

Bugun shoh erurman, tilak tilagil,
Bugun men gadoman, tingla, malagim.

Rauf Parfi

[Masud Mahsudov]

O'zga yurtda kechgan o'ylar...

"O'zga yurtda shoh bo'lguncha, o'z yurtingda gado bo'l" deb bejiz aytmagan xalqimiz... Ish, o'qish bilan yurtdan tashqarida bo'lishga to'gri keladi... Harakat qilamiz,intilamiz...o'qiymiz...ishlaymiz...lekin.. lekin baribir bir kun kelib ona yurtga qaytish kerakligini ich-ichimizdan xis qilsak-da, buni hammamiz ham tan olgimiz kelmaydi... Hayot esa...to'xtamaydi, o'tib boraveradi... Har o'tgan yil bizlarni tobora yurtga begonalashtirib, o'zga yurtga bog'lab boraveradi...
Yaqinlarni, qon-qarindoshlarni, sinfdoshlarni, qadrdon do'stlarni eslab ich-ichimizdan g'alati sog'ih keladi-yu, kimga aytishni bilmaymiz... Yana o'zimizni ovutib yashayveramiz - "menga shu yerda yaxshi-ku.. Yaxshi o'qiyapman/ishlayapman..Yeganim oldimda, yemaganim ketimda" deb o'zimizni aldab yashayveramiz... soatlar, kunlar, haftalar esa o'tib boraveradi... Onajonimiz, buvijonimiz tizzalariga boshimizni qo'yib bir lahzaga bo'lsa-da, halovat topgimiz keladi... Ukamizga, akamizga yaqin bo'lib, yelkadosh bo'lib yashagimiz keladi... Onajonimiz, otajonimzga ertalab issiq non bilan qaymoq ko'tarib kirib, birga nonushta qilishdek orzuni, yetolmayotgan bo'lsak-da, qilaveramiz... oylar esa...o'taveradi, o'taveradi...
Haftaning ma'lum kuni uyga, yaqinlarimizga telefon qilib, ko'ngillarini ovlagandek bo'lamiz... "Qachon kelasan?" degan savollariga o'qishni, ishni "bahona" qilib, "shularni tugatib olay, boraman" ,- deb va'dalar beramiz... Bilmaymiz-ki, onajonimiz deyarli har kuni, har soatda bizlarni kutib yashaydilar...yonlarida bo'lishimizni judayam-judayam xohlasalar-da, "Mayli, o'glim/qizim, qayerda bo'lsang ham, tinch bo'lsang bo'ldi", -deb (noiloj) javob qaytaradilar... Biz esa, bir qo'ng'iroq qilib ularni "ko'ngillarini olganimiz"dan xursand bo'lib yashashda davom etaveramiz... fasllar almashaveradi...
Magazinda yoki ishxonada bizga g'alati ko'z bilan "nonimni yarimta qilgan kelgindi" qabilida qaragan odamga yeb qo'ygudek bolib o'qrayib qaraymiz, lekin hech nima deyolmaymiz... O'zga yurtda baribir begonadek yashayotganimizni yana bir bor xis qilamiz... ertaga nasib qilsa, oilali bo'lsak, farzandimizni biz yashayotgan jamiyatda, o'zga yurt, o'zga xalq ichida katta bo'lib, tarbiya olishini umuman istamaymiz-u, lekin, nima ham qilardik, biz shu yerda yaxshi o'qiyapmiz/ishlayapmiz..." Shuning o'zi baxtli bo'lish uchun yetarli emasmi", - deb fikr qilamiz... Aslida esa, baxtning makoni ona yurtimizda, ona shahrimizda/qishlog'imizda, onajonimiz, buvijonimzning yonlarida ekani bilmaymiz... Ertalab nonushtaga olib kirilgan qaymoq uchun otamizning ko'ngli ko'tarilib, qilgan duolarida-yu, akamiz-ukamiz bilan yelkadosh bo'lib, kulib, yayrab yashashimizda, qarindoshlar, yaqin do'stlar, sinfdoshlar davrasida, oz bo'lsa-da, rizqimizni terib yurishimizda ekanini bilmaymiz... Umr esa... o'taveradi...o'taveradi...Shu kuyi yashab Olami Boqiyga safar vaqti yetganini ham bilmay qolamiz...Afsus...

(c)... Iyun... 2009 yil

[Abror Qodirov]

O'zbek qizlari
Bu Momo Havodan ularga odat:
Ushlasa gul ushlar qo`lini faqat,
Kuyovga chiqmagan o`zbek qizlarin
O`psa faqat shamol o`par yuzlarin.

Bu Momo Havodan ularga odat:
Nozik belda qirqta kokili qavat,
Silasa yomg`irlar silaydi faqat,
Ko`rsa faqat osmon ko`rar ko`zlarin -
Kuyovga chiqmagan o`zbek qizlarin.

Jilmaysa nur yog`ar gul yanoqlardan,
Sir yashirar hatto qizg`aldoqlardan.
Oftob botgandan so`ng xilvat bog`lardan,
Behuda izlamang sira izlarin -
Kuyovga chiqmagan o`zbek qizlarin.

Ko`ngli daryoday keng, mehri ulug`vor,
Dugonasi Hayo, dugonasi Or.
Ayting, farishtadan nima farqi bor,
Kuyovga chiqmagan o`zbek qizlarin?..

Bardoshi oldida tog` - oddiy tuproq,
Ular etagidan jannat bir qadam.
Beayb Parvardigor, degandek biroq,
Yoq emas kichkina kamchiligi ham.

Sevadi,
Kuyadi,
Qiladi alam,
Dorga osing, ammo aytmas birovga.
Aytmay sevishini sevganiga ham,
Tegib ketaverar boshqa kuyovga!

Muhammad Yusuf

[Nigora Umarova]

Тулин ой

Юлдуз булса ёнида
Ойнинг юзи ёришар,
Ой мунча гузал дея
Унга таъриф беришар.

Юлдуз булса ёнида
Ойнинг зи кулади.
Ойга бокиб одамлар,
Унга хавас килади.

Юлдуз булса ёнида,
Ойнинг кунгли яйрарйди.
Шунда хамма севиниб,
Ойга туйиб карайди.

Юлдуз булса ёнида,
Ой хаммадан бой булар.
Ортар хусни чиройи,
Шунда тулин ой булар.

Рахимжон Рахмат

[Nigora Umarova]

Baxt so'zi

Baxtiyorman degan birgina so'zni
aytish uchun kerak qancha kuch, chidam,
garchi baxt so'zlarning eng yoqimlisi,
qarchi tursa hamki tilning uchida.
Og'ir botmasmikin
bu so'z kimgadir,
tegib ketmasmikin oh-vohlariga,
qandoq bardosh berib yashayman keyin
baxtsiz kimsalarning nigohlariga.
Avvalo, bu so'zni o'zgalar aytsin,
aytsinlar ko'zlari quvonchga to'lib.
Elning baxti uchun umrini tikkan
shoirlar aytmasin birinchi bo'lib.
Bu so'zni bir umr aytmay yashadi,
har shodlik kelganda yurdim sekinroq.
Ga'm so'zin elimdan avvalroq aytdim,
Baxt so'zin aytaman
eldan keyinroq.

Shavkat Rahmon

[Nigora Umarova]

Xirgoyi

Hammamiz quyoshda kuygan jizzamiz,
qachon tiz cho'kuvdik,
hamon izzamiz,
sirqirab og'riydi pishgan tizzamiz,
o'rindan ozgina tursak maylimi?
O'tganlar bari bek,
Qolgan javdirar,
Gardinda ko'rinmas gullar shaldirar,
Mehnatdan yorilgan qo'llar qaltirar,
o'z bekim yerida yursak maylimi?
Nasimlar gullamish ozod tog'larda
Ozodlik mujdasi so'l-sog'larda,
Bobolar qiynalib tikkan bog'larda
ag'anab bir xayol sursak maylimi?
Necha ming alloma, jo'mardlar o'lgan,
tafakkur sasigan, ruhlari so'lgan,
urug'lar aynigan tap-taqir cho'lda
o'z bekim davlatin qursak maylimi?
Yuz ellik yildirki, mana shu holat,
hanuz davom etar makkor tijorat,
bilmadim, qayerdan ushbu jaholat?
Nega siz bo'lmaysiz sira xijolat?
Nega men so'rayman sizdan ijozat?

Shavkat Rahmon

[Nigora Umarova]

O'git

Qo'rqoqning o'ziga tik qara doim,
biror so'z demasdan uzoqroq qara,
titroq yetib borsin nigohlaringdan
yuzlab ajdodlarning jon-joni qadar.
Yetsin, ajdodlari tirilsin qayta,
tirilsin, so'ng yana qaytadan o'lsin,
sening nigohlaringda ajdodlaringning
keskin nigohlari jamuljam bo'lsin.
Qo'rqoq, lozim bo'lsa, qadaming bo'lar,
eng yaqin do'sting yo odaming bo'lar,
qo'rqoqqa tik qara-odamiyatga
bu sening eng zarur yordaming bo'lar.
Qorqoq oylab, yillab, hatto bir umr
ko'z-ko'zlab ming turlik suratlarini,
eng nozik-eng ojhiz joyingni ko'zlar,
ojiz joying esa kuraklaringdir.
Shu yorug' dunyoda bo'lib orzumand,
qoningdan baqirar qanchalab dohiy.
Qo'rqoqqa ko'rsatma kuraklaringni,
Ko'ziga tik qara,
Tik qara doim.

Shavkat Rahmon

[Behzod Sulaymonov]

Do'stlik haqida

OLLOX dan so`radim bir savol :
Nimaga mani omadim bor?
OLLOXdan nido keldi..
Seni haqiqiy do`sting bor..!
OLLOX ga yolvordim shu on ,
u bo`lsin men u-n hamisha omon..!

Agar kimgaki dostlik bolsa yor,
Unga xar soniya Olloh madadkor.
Dostlik rishtasi qanday betakror,
Sizdek insonni mendek dosti bor.


Do'stlik o'zi bir shisha
Sinsa aslo tuzalmas
Do'stligimiz chin bo'lsa
Uni hech kim buzolmas


Agar bir inson senga bildirdi ishonch,
Yoningda bo'ldi senga kelganda qayg'uyu quvonch,
Kutmadi sendan boylik- taxt,tilasa sog'liq baxt.
Seni aldamas qilmas hiyonat,g'iybat,
Yoningda bo'ldi qilsalar tuhmat.
Bermadi zarra dilingga ozor,
Doim kutdi bo'lib ko'zlari humor,
Demak, bu hislatni barisin bilgan do'st!
Bilamagan esa shubhasiz dushman,
Desa hamki men senga DO'STMAN!

[Abror Qodirov]

Maktub
Sevgilim,
Sevgilim,
Og`riydi dilim.
Jonim og`riyverar sizni o`ylasam.
Gulday yuzinggizni silar endi kim,
Meni eslarmisiz - yo`qmi o`shal dam...

Bulutlar ko`k kezar kunda piyoda
Ufqqa oftob botar qizil gulxanday.
Armonim ekansiz yorug` dunyoda,
Sizni o`ylamasdan yasharman qanday?

Ko`nglim ayvonida kuz hushtak chalar,
Ko`zimdan yosh bo`lib yog`adi yaproq.
Do`stlarim - takabbur shoirvachchalar
O`zlarin sevishar yoridan ko`proq.

Kunlarning kaftida sevgi xanjari,
Bag`rimda begunoh bir gul so`ladi.
Toychoqqa aylanib goh kechalari,
Tuproqqa ag`anab yotgim keladi!..

Sevgilim,
Sevgilim,
Og`riydi dilim.
Jonim yomon og`rir sizni o`ylasam.
Sunbul sochingizni silar endi kim,
Meni eslaysizmi-yo`qmi o`shal dam.

Bilmayman,
Bilishni istamayman ham,
Bilganim - menga baxt nasib etmadi.
Yillar o`taverdi, ko`zim o`ngidan,
Sizning oydek ruxsoringiz ketmadi...

Dunyo omon bo`lsin,
Siz bo`ling omon,
Omadli bo`ling siz.
Baxtli bo`ling siz.
Lekin,
Bilib qo`ying,
bilib qo`ying hamon
Sizni unutolmas Muhammadingiz!

Muhammad Yusuf

[Nigora Umarova]

Bolalarning ko'zlari kerak,
Juda kerak hayratli cho'g'lar -
Bu dunyoning bor go'zalligin
Faqat so'zlar u qora ko'zlar.

Bolalarning qo'llari kerak
Daraxtlarga,yerga,maysaga,
Bolalarning tillari kerak
Dunyodagi har bir narsaga.

Oftob chiqar bolalar uchun,
Bolalar-chun yashaydi shamol.
Dunyo turar bir bandi kabi,
Ko'ksida g'am,ko'zida malol.

Dunyo faqat bolalarniki:
Hayot qilgan ularga tortiq.
Faqat zo'rlik bilan dunyoni
Bolalardan olmangiz tortib!..

Shavkat Rahmon

[Nigora Umarova]

Nahot she'rlar aytdim bo`shliqqa qarab,
Nahotki sovrildi olov so`zlarim,
Nahotki rost bo`lsa el-u yurt asli,
Quruq so`zlar degan gumroh do`stlarim.

Nahot bekor o`tdi gulday umrimning
Ming yilga tatgulik oltin choqlari?!
Nahot bitta ruhni uyg`otolmadi
Shoir yuragimning qaldiroqlari?!

Nahotki birorta dilga yetolmay
Behuda sarflanib qancha kuch-chidam,
Kelib-ketaverar yorug` dunyoga
Kelib-ketaverar menday kuychilar.

Menga minbar emas, unvonlar emas,
Latta chechaklaru ehsonlar emas,
Olov bir sahroni yurtim xayoli
Nurga gurkiragan sahro bering, bas.

Erku muhabbatning muxtor elchisi -
Yotmasman tuproqqa do`nib, tinchlanib.
Jasadim tirikdir yorug` dunyoda
Oyning sinig`iday chaqnar sinchlarim.

Agar yetti qavat yerning qa'rida
Yotsamda larzaga solib havoni,
Elimning yuragin topar baribir
Jismimni kuydirib uchgan ovozim.

Shavkat Rahmon

[Gulnora Voisova]

Izhori dil

Ko'hna tol beshikdan
Boshlangan olam.
Senga iddaolar
Qilmay sevaman
Bir kuni singlim deb
Bir kuni onam-
Vatan
Kimligingni
bilmay sevaman.

To'zg'iydi to'ningdan
Tortgan to'ralar,
Kecha tuzingni yeb,
Sotgan to'ralar.
Endi pushaymonda
Tuynuk mo'ralar
Men sening yoningdan
Jilmay sevaman.

Menga yering suyuk
Osmoning suyuk
Boqsam teng
To'rttala
tomoning suyuk
Tovonimga kirgan
Tikoning suyuk
Kaftdan zirapchang ham
Olmay sevaman.

Cho'ksang,
Tur singlim deb
Soching silayman
So'ksang
Opam deyman
Umring tilayman
Sendan ranjimayman
Gina qilamyman
Hoh ho'mray
Hoh jilmay
Birday sevaman

Vatan- Yuragimning
Olampanohi
Bu dunyo bukri bir
Jiydangning shohi!
Ko'zim yoshi bilan
Sog'orib gohi,
Ko'ksimda o'stirgan
Gulday sevaman.

Bu yorug' jahonda
Yo'g'u borimsan
Tilimning ostida
Novvot-zarimsan
Sen mening yagona
Payg'ambarimsan
Men Bilol,
Men Habash-
Qulday sevaman!!!

M.Yusuf

[Behzod Sulaymonov]

MUHAMMAD YUSUF

Yomonga o‘lim yo‘q, yaxshiga kun yo‘q,
Tomiringga qo‘shib olishar uzib.
Bobur yo‘q, Cho‘lpon yo‘q, Majnun yo‘q,
Muhammad Yusuf yo‘q, Muhammad Yusuf.

Bir qiz yig‘lab borar, soddagina qiz,
Yig‘lar kitob bilan yuzini to‘sib.
Balki sevgilingiz, balki singlingiz,
Muhammad Yusuf yo‘q, Muhammad Yusuf.

Uydan mozorgacha yuz odimcha yo‘l,
Aylanib kelamiz yurtlarni kezib.
Kimga ko‘ngil berib, kimga esa qo‘l...
Muhammad Yusuf yo‘q, Muhammad Yusuf.

Tirikka mehr yo‘q, marhumga qahr,
Nima topding, aka, tuproqqa tushib?
Uzala tushgancha bo‘zlaydi qabr,
Muhammad Yusuf yo‘q, Muhammad Yusuf.

Qizg‘aldoq bosh egib turar bag‘ri qon,
Shoir yuragidan chiqqanmi o‘sib?
«Nega yig‘lamaysan, ahli Turkiston?»
Muhammad Yusuf yo‘q, Muhammad Yusuf.

Iqbol Mirzo (2001)

[Abror Qodirov]

Kumush
Marg`ilonda Kumushni ko`rdim,
Ko`ziga yosh olib turibdi.
Sochlarini maydalab o`rib,
Otabekni kutib yuribdi.

Tongda turib qalam qoshiga
O`sma qo`ygan ekan quribdi,
Ko`zdan oqqan achchiq yoshlari
O`smasini yuvib turibdi...

Meni bir o`y qiynaydi yomon,
Yana yurak o`ynaydi yomon.
Qo`yvor zamin, qo`yvor osmon,
Men uyimga yetaman qachon?

Meni bir o`y qiynaydi yomon,
Yurak yana o`ynadi yomon.
Toshkentga qiz berma Marg`ilon -
Qodiriy yo`q, Zaynablar omon!

Muhammad Yusuf

[Gulnora Voisova]

Shoirga

Shoir!Xalqning mehriga hech tikib yurma ko'z!
Maqtovlarning o'tajakdir oniy shovqini,
Eshitarsan galvars to'da hukmini mayus,
Qoim bo'lu,osuda tut ko'ngil lavhini.

Sen podshosan mag'rur yasha.Erkka burib yuz,
Hur idrokla topa bilgil hurlik zavqini,
Ardoqlagil xush o'ylaring samar-shavqini,
Mardligingchun ehson kutma,ochma bundan so'z.

O'zingdadur ehson bori.Sen oliy hakam
Qattiqqo'lsan o'z o'zingga sen barchadan ham,
Ko'ngling to'qmi yozganingdan,ey sohibkamol?

Ko'ngling to'qmi?Mayli avom koyisa uni,
Bulg'asa-yu shaming yongan mehrob yuzini,
Minbaringni o'yin qilsa bolalar misol.
Sen o'zingdan ko'ngling to'qmi?

A.S.Pushkin (Muhammad Ali tarjimasi)

[Masud Mahsudov]

***


Alvido deng, alvidolar ayting so'nggi bor,
Ko'zingizni yumib, keyin mendan buring yuz.
Toqatim toq, bog'ingizdan uchayapman, yor,
Qarg'amangiz, bog'ingizga kelar bo'ldi kuz.

Men bilmayman, tushgan yo'lim xatomi, xayrli,
Rostin yozay tun zulmati o'rab kelgan choq.
Garchand tushmagan bo'lsam ham bir lahza ayru,
Bir lahza ham yashamadim siz bilan biroq.

Sabab bo'ldim bag'ringizga qo'ngan dog'larga,
Bekor bo'ldi menga ko'ngil qo'yganlaringiz.
Bog'ingizda meni ko'rib, o'zga bog'larga
Bitta-bitta uchib ketdi suyganlaringiz.

O'sha paytlar bu hol menga tuyulgandi shon,
Sarob ekan, tutar-tutmay izlab qoldim men.
Bu satrlar quyilarkan oshga urar qon,
Sizdan soviy-soviy bugun muzlab qoldim men!

Alvido, yor, to'kilmoqda toqat degan jom,
Ketmoq ishqi kuydirmoqda o't bo'lib mani.
Alvido, yor, ko'ksingizdan o'chiring tamom,
Bog'ingizga yanglish qo'nib uchgan qushchani.

Halima Xudoyberdiyeva

[Abror Qodirov]

Butun kecha o'ychan va sokin

Butun kecha o'ychan va sokin,
Xona ichra qolmishdik tanho.
Bir o'ychanlik ruhimga hokim,
Shunday hokim ruhimga sen ham.

Ohang oqar, devorda suvrat:
Moviy dengiz ustida kema.
Tanholigu o'rtada hurmat
Va sevgiga o'xshash bir nima.

Men o'ylayman: "Nedan boshlay gap?"
Sen o'ylaysan: "Ne qilay javob?"
Na kuladi, na yig'laydi qalb,
Qarashlarga yaxlagan sarob.

Butun kecha o'ychan va sokin,
Xona ichra qolmishdik tanho.
Men demadim: "Sevaman seni",
"Sevolmayman",- demading sen ham.

Rauf Parfi

[OmoN]

AYYOR QIZ

Kulib qarab, kulib ko‘zin obqochgan,
O‘rgatvolib, keyin o‘zin obqochgan,
Quchoqlasam, titrab yuzin obqochgan,
Tugunchagin tugib qo‘ygan tayyor qiz,
Yolg‘on yig‘lab, erga borar ayyor qiz.
Мана шу шеър менга жуда ёқади.

[Behzod Sulaymonov]

CHIROYLI QIZ HAQIDA HIKOYA

Sen chiroyli qiz eding,
Sen chiroyli kularding.
Sal xunukroq bo‘lsayding
O‘zimniki bo‘larding.

Men ketaman, gulg‘uncha,
Qarab qolmagin, dedim.
Men murodga yetguncha
Qarib qolmagin, dedim.

Visol nima, dedim men,
Hijron kerak she’r uchun,
Qiynoq kerak she’r uchun
Armon kerak she’r uchun.

Qattiq boqding so‘nggi payt,
Labing titradi lekin:
«Yaxshi ko‘rasanmi, ayt,
Yaxshi ko‘raman, degin!»

O‘yin qildim, ko‘nglingni
Kapalakdek haydadim.
Sendan topgan so‘zimni
Chaynab yutdim, aytmadim.

Xayr, qishloq, men ketdim
Orzuli ko‘nglim bilan,
Sevgim ko‘zin berkitdim
Qalamli qo‘lim bilan.

Atay qildim hammasin,
Atay seni kuydirdim.
Ochildi she’r sahnasi –
Bari yolg‘on, uydirma.

Bilib turib kechdim men
Eng chiroyli olamdan.
Arosatga tushdim men –
Na shoir, na odamman.

Qalbqozon qaynay-qaynay,
Quyuldi, cho‘kdi sekin:
«Yaxshi ko‘rasanmi, ayt,
Yaxshi ko‘raman, degin!»

Umr ketgani sari
Yo‘qliging seziladi.
Seni o‘ylab tunlari
Yuragim eziladi.

Uyimga keldi boylik,
Etakladi omadim.
Ammo sendan chiroyli
Va g‘amgin she’r topmadim.

Men kim edim, ne uchun
Shuncha yo‘lim qarading?
Xazon bo‘lding men uchun,
Meni kutib qariding?

Salom, qishloq, men keldim
Alamli ko‘nglim bilan.
Yonimda xushnud kelin,
Erkatoy o‘g‘lim bilan.

Oqshom payti ko‘chadan
Bir tovushni ilg‘adim,
Turib oyoq uchida
Yurak yutib, tingladim.

Kimdir mening o‘g‘limni
Erkalardi, suyardi.
Mittigina qo‘lini
O‘pib-o‘pib qo‘yardi.

Bir gap so‘rardi tinmay,
Javob kutmasdi lekin:
«Yaxshi ko‘rasanmi, ayt,
Yaxshi ko‘raman, degin!»

I. Mirzo (1995)

[Behzod Sulaymonov]

KO‘Z QORASI

Ko‘z qorasi – yurakdagi dog‘lardan,
Soch qirovi o‘tli-o‘tli ohlardan.
Men do‘stimni alqab so‘z aytay desam,
Alpomishlar bo‘zlab chiqar chohlardan.

Qancha gunoh oldimda-yu izimda,
Netay, hatto o‘zim yo‘qman izmimda:
Ruh siltanib, chiqib ketar tizgindan –
Sharob hidi kelsa kuzgi bog‘lardan.

Do‘stim, bizlar boshqa-boshqa taqdirmiz,
O‘zimizcha to‘g‘ridirmiz, haqdirmiz.
Balki kurtakdirmiz, balki bargdirmiz,
Lekin meva tilamasmiz shohlardan.

Oshiq ahli yo telba yo mast kelgan,
Suvdan sokin, maysadan ham past kelgan.
Men bilganlar bari dilshikast kelgan,
Ko‘ngil so‘rab ko‘rmaganman sog‘lardan.

Dilga kulrang soya tushar zog‘lardan,
Yo tosh ko‘char, yo sel kelar tog‘lardan.
G‘amli she’rlar yozmas edim, na qilay –
Hanuz sado kelmas Qo‘qon yoqlardan.

I. Mirzo (2001)

[Abror Qodirov]

Men sening ko'zlaringga qarayman,
Sen o'zgalarga.
Kimning ko'zlaridan izlaysan meni?

* * * * *
Seni topgunga qadar,
Qanday yashadim men?
Nahotki yashadim?


Rauf Parfi

[Nigora Umarova]

Men sening ko'zlaringga qarayman,
Sen o'zgalarga.
Kimning ko'zlaridan izlaysan meni?

* * * * *
Seni topgunga qadar,
Qanday yashadim men?
Nahotki yashadim?


Rauf Parfi

Xokkular nihoyatda go'zal yozilgan.

[Nigora Umarova]

Rauf Parfining xokkularida falsafiy ma'no mujassam.

Soat sindi, soatlar sindi.
Vaqtning iskanjasida
O'lib ketdi soatsoz bevaqt.

Xokkuda uchta obraz mavjud: soat, vaqt, soatsoz. Ular zamirida kim va nima nazarda tutilgan? Aslida uchalasi ham bir narsa-vaqtdan paydo bo'ladi. Soat nima-sabrmi, toqatmi, umrmi? Soatsoz-chi, insonmi? U kim? Har holda bir umr zahmatini chekkan inson. Soat, ya'ni umr vaqt iskanjasida sindi. Soatsoz bu umrni tuzataman deb ovora bo'ladi. Lekin afsus bevaqt o'lib ketdi-tuzata olmadi, dunyoning g'amini ham to'ldira olmadi. Ertadan kechgacha tirikchilik va tiriklik kuyida umr o'tdi-yu? o'zligini anglashi mumkin bo'lganda bevaqt dunyoni tark etdi. Bu she'rda "iskanja" so'ziga alohida urg'u beriladi.
Soat singacha, soatsoz ketgach, makon va zamon chegaralari yo'qolib ketadi. Ushbu she'r umrdan ma'ni izlagan< tug'ilmoq va o'lmoq asrorini qidirgan, umr yo'llarida sarson insonning qismatiga ishoraday tuyuladi.
Qaysidir jihatdan hazrati Navoiyning
...Xazon sipohig'a bu bog'bon emas mone'
Bu bog' tomida gar ignadin tikan qilg'il...

misralaring mazmuniga hamohangdir.

[Nigora Umarova]

Uyg'onmadi tog'lar, daryolar,
Uyg'onmadi bu qaro dunyo,
Uyg'onmadim sening ko'ksingda.

Xokkuda shoirning erkka tashna, millat taqdiri uchun bir umr kurashgan, unga chin ma'nodagi ma'rifat iistagan ShAXSning hayoti ko'z oldingizda namoyon bo'ladi. Bir umr kelajagi va oxirati, o'tmishi va buguni haqida jar solgani bilan javob qaytarmagan millat qayg'usi emasmi bu? Shoirni hali anglab ulgurmagan, uning ko'ksida uyg'otmagan millat fojeasi emasmi bu?


So'zlamayman, deyman. So'zlamayman.
So'zlarimning ortidan ergashaman
Qaro go'rgacha.

Bu yerda o'z millatiga manqurtlikdan qutilish, o'zlikni anglash haqida gapira-gapira charchagan inson qiyofasi paydo bo'ladi. Lekin u ahdiga, maqsadiga, so'zlariga, g'oyalariga sodiq. O'z so'zining ustidan chiqadi, to qabrgacha o'z g'oya, maslaklaridan voz kechmaydi.

[Gulnora Voisova]

Куни кеча ёш бола эдим.
Куш уядан полапон тутдим.
Кайси куни ишкка дуч келдим.
Бирданига вояга еттим.

Куни кеча доно чол эдим.
Кексаликнинг макомин тутдим.
Кайси куни ишкка дуч келдим.
Бирданига ёшариб кеттим.

Р.Хамзатов

[Abror Qodirov]

Chiqish va tushish

Chiqdim, chiqdim tusholmay, tog'lar
qo'limdan tutdi,
Tushdim, tushdim chiqolmay, choxlar
qariga yutdi.

Mantiq

Tog'ni tanigan kishi, choxni nega
bilmasin,
Modomiki, chiqish bor, tushish nega,
bo'lmasin.

Haqiqat

Allohga haqiqatdan, yo'lga chiqmoq
mashaqqat,
Allohdan yo'lga chiqib, borilgan yer
haqiqat.

Iymon

Yum ko'zingni, qalbingga har on
yo'qlikni ufur,
O'zingdan ketmoq iymon, o'zingga kelmoq
Kufur.

Najib Fozil Qisakurak

[Javohir Mahmudjonov]

Bilasizmi dildigi satrlar butun uforumga sig'maydi deb qo'rqaman. Ko'ngil bu boshi-yu ohiri yo'q baland-u pasti yo'q bir mo'jiza uni satrga tushirish qiyin. Ammo siz bu mavzuni ochib uforum (http://uforum.uz)chilarni bunga undayapsiz . Bu uchun sizga rahmat!!!
:187:
Qadrli do'stlar sizni sardorlar.zn.uz (http://sardorlar.zn.uz) da kutaman. tashrif buyuring.:tatice_02:

[Nigora Umarova]

Bilasizmi dildigi satrlar butun uforumga sig'maydi deb qo'rqaman. Ko'ngil bu boshi-yu ohiri yo'q baland-u pasti yo'q bir mo'jiza uni satrga tushirish qiyin. Ammo siz bu mavzuni ochib uforum (http://uforum.uz)chilarni bunga undayapsiz . Bu uchun sizga rahmat!!!


Ko'ngil shunday ummon, ukajon,
Insonni ming kuyga soladi.
"Dildagi satrlar"ni tushirmoq uchun,
Dunyoda qog'oz ham yetmay qoladi....

[Nigora Umarova]

Бевакт куз очган баходир

Баходир куз очар дунёга.

Озод килай деса, Ватан озоддир,
Бахтли килай деса, миллат-бахтиёр.
Кетмон чопай деса, чуллар ободдир,
Хамдард булай деса, куйлашар алёр.

Баходир куз очар дунёга.

Давронда колмабди зарра адолат:
Каро кунлар энди кайтиб келмайди.
Куксини тирнайди аччик надомат:
Бахтиёр кунларга яраб булмайди.

Баходир куз очар дунёга...

Фахриёр, 1986 йил

[Abror Qodirov]

Me'mor

Hilqat qanday qurilgan? Yashirin bu
iqlimlar?
Qanday payvand qilingan, ovoz, ranglar,
hajmlar?

Chopish

Haqiqat almashadi, so'ngiga yetmay
jumla,
Yuguraman yetishga, vujudda bor
kuchim-la.

Ko'lankalar

Ko'nglimni chorlashadi, samodagi o'lkalar,
Oyog'imdan tutadi, yerdagi ko'lankalar.

Hasrat go'yo bir shamol, eshik oralab o'tar,
Ko'rganim go'zalliklar, qalbim yaralab o'tar.

Bor-Yo'q

"Bor"ning ostida yo'qlik, yo'qlik
ostida borlik,
Boshingni ko'tarib boq, hatto bo'shliq
mozorlik.

Najib Fozil Qisakurak (turk tilidan Abdulatif Abdullayev tarjimalari)

[Nigora Umarova]

Хаёл кечалари кисмат богида,
Ёлгизликда адашган манму?
Оллох, кафтларингда бир куни,
Майса булиб эгиламанму?
Ёмгир каби ёгилса жоним,
Карокларим булармикин жом?
Тиг урилган багрим конига,
Юрагини чаярму окшом?
Мен нур булиб упсам жимгина,
Дил шахрининг эртакларини,
Тилларида сузлашаманму
Онам кабрин чечакларини?
Кушлар кузин корачигида,
Асир этиб кумилган манму?
О, жаханнам оташи, сандан
Кочиб, санга интиламанму?
Куз ёш каби силкиган жонни
Ичганида ичиккан дийдор,
Дил конидан манн сархуш улсам,
Бандангманму, айт, Парвардигор?!

Хаёл кечалари кисмат богида,
Ёлгизликда адашган манму?!

Халима Ахмедова

[Nigora Umarova]

Видолар эриган бир сахар,
Кўксимни конатган тошмиди?
Бир гул нафасида эгилиб,
Япрокдай жон берсам, кошкийди.
Кошкийди, кўзимдан томган ёш,
Эритса умримнинг музини.
Мен кандай унутиб яшайман
Согинчнинг умидвор кўзини?
Кўксимда илдизлаб ўсади,
Япроги конталаш бир дарахт.
Мен сен учун тугилган эдим,
Сен меники бўлолмадинг бахт.
Бир кулман фалакнинг кўйнида,
Осмон ўгирлаган йўлини,
Йиглагим келади кўйида,
Саргардон булутлар кўнглини.

Халима Ахмедова

[Javohir Mahmudjonov]

Shu mavzuingiz kabi ZiyoNetda ham blog ochsangiz fikrimcha u juda ommaviylashib ketardi!!!

[Nigora Umarova]

Shu mavzuingiz kabi ZiyoNetda ham blog ochsangiz fikrimcha u juda ommaviylashib ketardi!!!

Blog ochishga-ku ochamiz, biroq hamma gap blogni yuritishda va doimiy ravishda undagi ma'lumotlarni yangilashga vaqt topishda...
Hozircha bor ma'lumotlarni forumga joylashtirib turaylik, nasib qilsa blogga ham joylaymiz.

[Abror Qodirov]

Bu yomg'ir

Bu yomg'ir, bu yomg'ir bu qilday nozik,
Nafasdan nafisroq yoqqan bu yomg'ir.
Tinib qolmasin deb olarman hadik-
Oynalar yuzimni tanimay qolur.

Bu yomg'ir tanamni qiygan bir arqon,
Bog'zimga og'riqsiz qadalgan pichoq...
Suyagim tosh botar, etim chalajon,
Shig'alab, sanchilib, mayin yog'ajak...

Bu yomg'ir telbalik vaxmidan ustun,
Qorong'u, quvilmas tushunchalardan.
Jinlarning miyamga solgani tugun
Suvlardan, saslardan va kechalardan...

Najib Fozil

[Abror Qodirov]

Men olamdan o'tganda

Ishq-vafodan so'zlaganlarim
Yetur senga ohu-fig'onim.
Yodga tushar bo'zlaganlarim
Men olamdan o'tganda, jonim.

Qaltirarsan ajib sezgidan,
Har bir so'zim - oshkor jahonim.
Judo bo'lding buyuk sevgidan-
Men olamdan o'tganda, jonim.

Sen qoshimdan keta olmassan,
Ko'zlaringda turarman yonib.
Sevgimni rad eta olmassan
Men olamdan o'tganda, jonim.

Rauf Parfi

[Gulnora Voisova]

AGAR SENI ALDASA HAYOT

Agar seni aldasa hayot
Sen noumid bo'lma hech qachon.
G'amli kunga qilgin itoat,
Hushnud kunlar keladi ishon.

Qalb kelajak ishqi-la yashar,
Bu kunimiz qayg'u va dog'li.
Bari oniy o'tishga shoshar,
O'tgan esa hamisha totli!

A.S.Pushkin

[Abror Qodirov]

Onajon

Topmoq - yo'qotmoqdir,
Yo'qotmoq – topmoq,
Sen so'lib,
Men yashab,
To'lishimga boq.
Sensiz topganimdan
Ko'proq yo'qotdim –
Sen meni yupatding,
Seni yig'latdim,
Sen meni yaratding,
Seni tugatdim.
Uyalmay ONA deb,
Kelishimga boq!..

Sog'inch haqda she’rlar
Yozdim o'zimcha,
Mendan peshonangda
Dog'lar tizimcha.
O'g'il bo'lmay o'lay,
Attang ming attang.
Qiz tug'sang netardi,
Ko'proq qiz tug'sang!..
Tirgak bo'lolmadim
Bitta qizingga
Uyalmay shoirman
Deyishimga boq.

Joningdan aylanay,
Turgil jonajon,
Yo'l qarab bo'ldimi
Jigarginang qon?
Boqma, ko'zlarimga
Bemajol, xasta,
Mening topganlarim
Gulmi bir dasta,
Yo'qotganim senmi
Endi ONAJON?..
O'z etimni o'zim
Yeyishimga boq.

Bilsang yuragimni
Bir alam elar.
Buyursang qo'limdan
Kelmaydi nelar,
Ayt,
Pichan yig'aymi,
O'tin yoraymi,
Yerni haydayinmi,
Ko'k ag'daraymi?..
Itdek oyog'ingga
Suykalgim kelar –
Uchib-uchib, mana
Qo'nishimga boq.

Hech narsa kerakmas,
Bolam, hech deysan.
Endi kech deysan-da,
Endi kech deysan.
Yuzimni bosaman
Muzday yuzingga,
ONAJON,
Zor qilib ketma izingga!
O'lim oldida ham
G'amimni yeysan,
Men-chi, jim, taqdirga
Ko'nishimga boq.

She'rim bitdi,
Xayir,
Do'stlar xush qoling.
Bedil yashamakka
O'rganmang menday
Boring,
Volidangiz
Ko'nglini oling,
Ertaga
Kech qolib
O'rtanmang menday.

Muhammad Yusuf

[Nigora Umarova]

Agar seni aldasa hayot...

A.S.Pushkin

Zulfiya tarjimasi.:icon_redface:

[Feruza Xodjayeva]

Onaizor
Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham -
Onam yig`lar, onam yig`lar, onam u…

Sig`may qolsam shunday keng bu jahona,
Osmonlarga ruhim bo`lsa ravona,
Jonsiz tanim ustida ham parvona -
Onam yig`lar, onam yig`lar, onam u…

Tonar bo`lsa qo`limdagi tor, dunyo,
Uch kun o`tmay unutgay do`st-yor, dunyo.
Yeru ko`kni titratib zor-zor, dunyo -
Onam yig`lar, onam yig`lar, onam u…

Gulday kulib yurmasmidi, o`g`lim deb,
Ko`rib ko`nglim to`lmasmidi, o`g`lim deb,
Onang o`lsa bo`lmasmidi, o`glim deb
Onam yig`lar, onam yig`lar, onam u…

Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham -
Onam yig`lar, onam yig`lar, onam u…

Muhammad Yusuf

[Nigora Umarova]

Бир отанинг, бир онанинг боласи,
Бири каззоб, бири дунё ноласи.
У, битмас-ей, бу дунёнинг чаласи,
Кузи борлар тугри йулдан юрмаса.

Халол колар бир чеккада мунгайиб,
Харом уйнар кулочларин бахт ёйиб,
Харом усар ягринлари кенгайиб,
Кузи борлар тугри йулдан юрмаса.

Ини аввал суянчигинг буларкан,
Сунг-огригинг, дил санчигинг буларкан,
Хатто Сендай курга чиким буларкан,
Кузи борлар тугри йулдан юрмаса.

Кизни асли осмондаги ой денглар,
Кайгу юки босса кадди ёй денглар,
Кайгу балчигида ой хам лой денглар,
Кузи борлар тугри йулдан юрмаса.

Кур кузимдан ситилиб гам йиглайди,
Толеимда ёнмаган шам йиглайди,
Аёл, гудак, бани одам йиглайди,
Кузи борлар тугри йулдан юрмаса.

Халима Худойбердиева

[Nigora Umarova]

Таскин

Дунё-гирром. Аммо халол
Дуст бор. Топсанг булади.
Худди офтоб, худди хилол
Суз бор. Упсанг булади.

Дунё бир камлигидан
Дод солмагин, биродар.
Кетар чог хам тобутингга
Буз бор. Ёпсанг булади.

Халима Худойбердиева

[Nigora Tursunova]

ONA DUOSI

Biring ikki bo‘lsin nima ushlasang,
Yo‘llaring oq bo‘lsin tog‘lar qoricha.
Sen yorug‘ dunyoda tinch yurar bo‘lsang,
Men duo qilarman umrim boricha.

Ko‘zingda ko‘rmasam alam ranjini,
Boshingda ko‘rmasam tumonot savdo.
Olib bermasang ham olam ganjini,
Sendan onaginang rizodur, rizo!

Hayoting bema’no tuyulsa, bolam,
Qorong‘u ko‘rinsa bu ko‘hna dunyo.
Ketsin deb qalbingdan yer yutkur alam,
Yorishsin dunyo deb aylarman duo.

Yuraging qisilsa takroru takror,
Kenglikka chiqqin-da, aytgin sho‘x o‘lan,
Bu ham hasratingta kelmasa bakor,
Ko‘nglingni bo‘shatgin she’r yozmoq bilan.

Qadim ertaklarni tinglash sozdir xo‘p,
Oltin umrlarni unda ko‘rarsan.
Sehrli hayotga mahliyo bo‘lib,
Bevosh o‘ylaringni aldab yurarsan.

Yetishsang, to‘y bersang yurtga mabodo,
Jamshid havas qilsin sening bazmingta.
Noming doston bo‘lib yursang el aro,
Murod-maqsadingta yetsang, bas, menga.

Yomonlar yo‘lini tutmagil minba’d,
Fisqu fasodlardan yiroq bo‘l, to‘xlim.
Olginu oldirma, unib-o‘s, faqat
Yuzimni yerlarga qaratma, o‘g‘lim!

Muhammad Ali

[Behzod Sulaymonov]

O'zbek!

Manglayga kaft qo‘yib olisga boqsam,
Edildan ko‘rinar bo‘ylaring, o‘zbek.
Tush kabi jimirlab ming yil oqsa ham,
Noming aytar enasoylaring, o‘zbek.

Nuh to‘foni, demak, qismat shamoli,
Kimningdir kamoli, kimning zavoli.
Sargashta kun ko‘rding ohu misoli,
Shundan hamon mungli kuylaring, o‘zbek.

Dili qonga to‘lib, ko‘zlari – yoshga,
Alp Tegin bir hikmat chegirdi toshga:
«Bizning qayg‘umiz yo‘q boladan boshqa…»
Bolangga bog‘lidir o‘ylaring, o‘zbek.

Bir zamon olovni iloh bilgan el,
Quyoshga qarashni gunoh bilgan el.
Har bir bosqinchini qo‘noq bilgan el,
Yovga so‘qmoq bo‘lgan ko‘ylaring, o‘zbek.

Ismingni ayirib kechdi asrlar,
Xonlikni beklikka bo‘lgan ne sirlar?
Kentlarga sochilgan o‘rda, qasrlar…
Qumdan qorilganmi loylaring, o‘zbek.

Dil qo‘zg‘alsa, elni to‘xtatib bo‘lmas,
Sel qo‘zg‘alsa, gilni to‘xtatib bo‘lmas,
Zanjir uzgan qulni to‘xtatib bo‘lmas,
Tig‘ bo‘ldi har bitta mo‘ylaring, o‘zbek.

Bo‘yningdan ketgan yo‘q hali dor izi,
Qo‘y, qora kunlarning o‘chsin qorasi!
Sen borsan – temurning ulug‘ vorisi,
Osmoningga qaytdi oylaring, o‘zbek.

Katta qishloq ekan parij, london, rim,
Dalamni sog‘inib ezildi ko‘nglim.
Dunyo go‘zali – sen, qadoqqo‘l singlim,
Go‘zaldir o‘ngigan ko‘ylaging, o‘zbek.

Haftalab yo‘l qarab sarg‘aymas kumush,
Tog‘ni tolqon qildi bobomeros musht,
Tin oldi davonga boqib alpomish,
Tog‘larni qo‘pordi yoylaring, o‘zbek.

Qo‘lingni ko‘zimga suray, otajon,
Yoningda ul bo‘lib yuray, otajon,
Yaxshi kunlaringni ko‘ray, otajon,
Sovimasin qo‘lda choylaring, o‘zbek.

Onajon, havoli bog‘lar muborak,
Handalak band bergan chog‘lar muborak,
Kelin yuzidagi dog‘lar muborak,
Bug‘doylarga to‘lsin uylaring, o‘zbek.

Sumbula – to‘kinlik, to‘ylar mavsumi,
Bir qo‘zg‘alib olar bog‘bonning xumi.
Asli, bir satrdir she’rim mazmuni:
To‘ylarga ulansin to‘ylaring, o‘zbek!

2004 (Iqbol Mirzo) (http://iqbolmirzo.uz/html/bir.html#o)

[Behzod Sulaymonov]

MEHR HAQIDA...

Zilziladan to‘rt kun o‘tganda,
Bomdan –
Bir xabar yurakni titratdi yana.
Qizchasin panalab qulagan tomdan,
Omon asrab qopti jonfido ona.

Qancha fursatimni yoqib isindim,
Olovga tobladim mudroq tanimni.
Birdan shu lahzada ro‘y-rost his qildim
Onamni qanchalar sog‘inganimni.

Mehr – quyosh demak. Har tong darchadan
Qatim shu’la tushsin, tolim zar tushsin.
Teng tushsin mehrning nuri barchaga,
Ogahiy aytgandek, barobar tushsin!

… Tursun Ali polvon bir gap aytgandi:
Erkalab – suyganni bilarmish ilon.
Odamzotning mehri tovlangan payti
Odamday mo‘ltirab yig‘larmish ilon.

Ko‘z yosh tomsagina quturarkan suv,
Yer ham silkinarkan, qo‘psa nizolar.
Dunyoni qutqarar faqat bir tuyg‘u –
Mehrixon ayalar,
Mehrinisolar…

2004(Iqbol Mirzo) (http://iqbolmirzo.uz/html/ikki.html)

[Nigora Tursunova]

ULUG`IMSAN VATANIM
Muhammad Yusuf she'ri
Men dunyoni nima qildim, O`zing yorug` jahonim,
O`zimga bek, O`zim sulton, Sen taxti Sulaymonim,
Yolg`izim, Yagonam deymi,Topingan koshonam deymi,
O`zing mening ulug`lardan Ulug`imsan.


Sen Ho`jandsan, Chingizlarga Darvozasin ochmagan,
Temur Malik orqasidan Sirdaryoga sakragan,
Muqannasan qorachig`I Olovlarga sachragan,
Shiroqlarni ko`rgan cho`pon Cho`lig`imsan, Vatanim.


Shodon kunim gul otgan sen, Nolon kunim yupatgan sen,
Yuzing bosib yuzimga. Singlim deymi,Onammi, Ilig`imsan, Vatanim, o`zingsan,
Sen – shoxlari osmonlarga Tegib turgan chinorim, Ota desam, Qizim deb,
Bosh egib turgan o`zing, Ulug`imsan, VATANIM !


Kim Qashqarni qildi makon, Kim Enasoy tomonda,
Jaloliddin – Qurdistonda, Boburing – Hindistonda,
Bu qanday yuz qarolig` deb Yotarlar zimistonda,
Tarqab ketgan to`qson olti Urug`imsan, Vatanim…


Qizim desa osmonlarga G`irot bo`lib uchgayman,
Chambil yurtda Alpomishga Qayliq bo`lib tushgayman,
Padarkushdan pana qilib Ulug`beging quchgayman,
G`ichir-g`ichir tishimdagi So`lig`imsan, Vatanim…

[Umida Shodiyeva]

Onajon noming dilimda

Meni bu dunyoga keltirgan ham sen
Oq yuvib, oq tarab o’stirgan ham sen
Tunlar alla aytib, sut bergan ham sen
Yana she’rimdasan munis onajon.
Sen mening bshimda soyabonimsan
Sen mening osmonda tilla oyimsan
Dunyoda bag’rikeng, go’zal ayolsan
Noming ulug’ladim aziz onajon.
Oynai jahonda zar lavha bo’lding
Mening ilk she’rimga sarlavha bo’lding
Madhingni kuylayman aziz onajon.
Bir bor alla aytganinga arzimas ular
Onasin sevganga omad ham kular
Omadim sendursan aziz onajon.
Sen mening faxrimsan,g’ururim, orim
Sen mening ko’nglimda marjon tumorim
Sen mening baxtimsan, sen iftixorim
Chin farzand bo’layin aziz onajon.
Senga olib beray zuhro yulduzni
Istasang to’xtatay kecha-kunduzni
Aytishar odamlar doim bir so’zni
Jannat poyingdadur aziz onajon.
Sen mening ko’zimning oqu-qarosi
Sen mening ko’nglimning tanxo zuhrosi
Sen ko’ngil bulog’im chashmi giryosi
Dunyo turgunicha turgin onajon.
Erta tong maktabga kuzatgan sen san
Qo’limga dasta gul uzatgan sen san
Ifodali she’rlar yodlatgan sen san
Birinchi ustozim sen san onajon
Yonimda bo’lsang gar kamim bo’lmas hech
Doim yonimda bo’l g’amim bo’lmas hech
Bo’lmasang yonimda ko’nglim to’lmas hech
Shodligim, quvonchim sen san onajon
Onajon sendursan eng zo’r hislatim
Sendursan qalbimda ezgu niyatim
O’zingsan dunyoda zo’r fazilatim
Ko’zlarim nurisan munis onajon.
Mayli men kamtarin quling bo’layin
Kechalar yorishgan yo’ling bo’layin
Mayli tushing, mayli o’nging bo’layin
Ko’ngil bulog’imsan aziz onajon.
Sen mening qalbimda mangu armonim
Sen mening dardimga doim darmonim
Bu dunyoda menga sen mehribonim
Mehring quyosh taftidek iliq onajon.
Sen mening hayotim posponidursan
Sen mening ko’nglimning osmonidursan
Orzuim bog’ining bog’bonidursan
Bog’inda yashnayin gulday onajon.

Anoraxon

[JUS]

Тошкент сулувлари парируй, дилбар,
Узларин сезишар доим самода.
Орзуга айб йугу ва лекин узр,
Кургим келиб колди сизни сахрода.

Мен узим етаклаб бораман сизни,
Гашингиз келдиму айтинг гулбадан...?
Мармармас, янтоклар упади сизни,
Билин-ки у ер хам аслида Ватан.

Кулингиз кабарар бор нафрат менга,
Сизга тахсин айтиб олкишлар укку.
Нафрат оламан сиз хеч булмаганда,
Мехнат машаккатин тушунасиз-ку.

Тошкентда овоза Озод концерти,
Сизчи, уз ишингиз билан андорман.
Мени тошмехр деб уйлайсиз, лекин
Калбимни тимдалар укинчли армон.

Бир кун карайсизки умр утибди,
Юзларни коплайди йиллар ажини.
Жажжи фарзандингиз кулидан тутиб,
Дейсиз: "Куриб кетсин такдир хазили!"

Хаёлан элтдим мен сизни сахрога,
Азизам, шунга хам тукибсиз куз ёш.
Ростакам сахрога бориб колсангиз,
Менимча етмайди сиздаги бардош.
(Хазил :))

[JUS]

Ёмгирлардан, корлардан,
Изгирин шамоллардан,
Шовкину суронлардан,
Яширган бир сузим бор.

Сунмаган юлдузлардан,
Кеча-ю, кундузлардан,
Боккан каро кузлардан,
Яширган бир сузим бор.

Тароватли гуллардан,
Сайроки булбуллардан,
Хурлико сулувлардан,
Яширган бир сузим бор.

Тунларим утар бедор,
Онам хам билолмай зор,
Сизга эмас, узгага,
Яширган бир сузим бор.

Совурмадим хавога,
Кушик айтдим навога,
Ха, кимгадир кунглим бор,
Яширган бир сузим бор.

Юрагим хар дам бузлар,
Кузларим сизни излар,
Айтолмайин сизга мен,
Яширган бир сузим бор.

Дилмухаммад Каюмов (2002 йил март)

[JUS]

Осмон тиник, мусаффо,
Унда булут сузарди.
Жиловини йукотган,
Майин шамол кезарди.

Бундайин сокинликда,
Уйларим мавж урарди.
Хаёлим кучасида,
Бир гузал киз турарди.

Кулларида гулдаста,
Бошида харир румол.
Ёнимга келди аста,
Кора куз сохибжамол.

Кунгиллари тубидан,
Сузларин сараларди.
Гулларининг уфори,
Атрофга тараларди.

Кузларининг корасин,
Мисоли уммон дейсиз.
Уммонга куйилажак,
Сочларин армон дейсиз.

Кошу, киприкларини
Тарифлашга нехожат.
Олифта ойимчалар,
Килаколсин мурожаат.

Лоладек лабларида,
Муттасил бир аланга.
Жисмига монанд сийна,
Ярашганин каранга...!

Хаёлим кучасида,
Бир гузал киз турарди.
Унинг нозик куллари,
Юзларимни силарди.

Ох...! Жаннатми бу олам,
Куйнида мен учардим.
Лабларини тебратиб,
Белларидан кучардим.

Эндигина бош эгиб,
Кулок солсам куксига.
Хаёлимни бузишди,
Уртокларим аксига.


Хаёлим кучасида,
У киз билан турардик.
Севиб колса руёда,
Бирга хаёл сурардик.

Дилмухаммад Каюмов (2002 йил)

[Gulnora Voisova]

UMR O'TAR

Umr o'tar, vaqt o'tar,
Xonlar o'tar, taxt o'tar,
Omad o'tar, baxt o'tar,
Lekin hech qachon chiqmas yodimdan
Sening yurishlaring, sening kulishlaring.

Bahorda bog' na go'zal,
Qor tushsa tog' na go'zal,
Bu yoshlik chog' na go'zal,
Lekin hech qachon chiqmas yodimdan
So'zsiz qarashlaring, holim so'rashlaring.

Oy chiqar goh zaholi,
Do'stlar ko'pdir vafoli,
Hayot shundan safoli,
Lekin hech qachon chiqmas yodimdan
Sokin so'zlashlaring, pinhon izlashlaring.

Umr - yo'l, qayrilish ko'p,
Uchrashish, ayriliq ko'p,
Unutish, aytilish ko'p,
Lekin hech qachon chiqmas yodimdan
O'sha kulishlaring, o'sha kelishlaring...

O.Matchon

[Nigora Umarova]

Тошкент сулувлари парируй, дилбар,
Узларин сезишар доим самода.
Орзуга айб йугу ва лекин узр,
Кургим келиб колди сизни сахрода.

Мен узим етаклаб бораман сизни,
Гашингиз келдиму айтинг гулбадан...?
Мармармас, янтоклар упади сизни,
Билин-ки у ер хам аслида Ватан.

Кулингиз кабарар бор нафрат менга,
Сизга тахсин айтиб олкишлар укку.
Нафрат оламан сиз хеч булмаганда,
Мехнат машаккатин тушунасиз-ку.

Тошкентда овоза Озод концерти,
Сизчи, уз ишингиз билан андорман.
Мени тошмехр деб уйлайсиз, лекин
Калбимни тимдалар укинчли армон.

Бир кун карайсизки умр утибди,
Юзларни коплайди йиллар ажини.
Жажжи фарзандингиз кулидан тутиб,
Дейсиз: "Куриб кетсин такдир хазили!"

Хаёлан элтдим мен сизни сахрога,
Азизам, шунга хам тукибсиз куз ёш.
Ростакам сахрога бориб колсангиз,
Менимча етмайди сиздаги бардош.
(Хазил :))

Хазилга - Ха, зил жавоб :-)

Шигир

Йигитларни гох рашкмас, хасад хам улдиради,
Кизларни-чи гох гийбат, хасад хам улдиради.
Тошкент ойимларининг тогдай викорлилиги,
Билингки, хар доим хам хуснини тулдиради.
Шахардами, чулдами гул доимо гузалдир,
Билинг, Тошкент гузали укилмаган газалдир.
Сув келса симиради, тош келса кемиради,
Аёлнинг жони киркта- буни хамма билади.
Атиргулнинг киймати гулдамас, тиконида,
Бу хам узини асраш, берилган имкони-да.
Дала гулидан унинг катта фарки хам шунда.
Мехнатдан асло кочмас, бошга иш тушган кунда.
Бардошимизни синаб булиб юрманг овора,
Бизда метиндай бардош - сабрингиз топмас чора.

Н.У

[JUS]

Хазилга - Ха, зил жавоб :-)
Шигир
Йигитларни гох рашкмас, хасад хам улдиради,
Кизларни-чи гох гийбат, хасад хам улдиради.
Тошкент ойимларининг тогдай викорлилиги,
Билингки, хар доим хам хуснини тулдиради.
Шахардами, чулдами гул доимо гузалдир,
Билинг, Тошкент гузали укилмаган газалдир.
Сув келса симиради, тош келса кемиради,
Аёлнинг жони киркта- буни хамма билади.
Атиргулнинг киймати гулдамас, тиконида,
Бу хам узини асраш, берилган имкони-да.
Дала гулидан унинг катта фарки хам шунда.
Мехнатдан асло кочмас, бошга иш тушган кунда.
Бардошимизни синаб булиб юрманг овора,
Бизда метиндай бардош - сабрингиз топмас чора.

Н.У

Афсусдаман опажон, юртимдан уйланиб қўйдим,
Ўқилмаган ғазалнинг борлигин билмабман-да.
Онамнинг айтганларин, хўп деб индамай суйдим,
Тошкентим гўзалининг ишлашин кўрмабманда.

Аввалроқ билганимда, бардошин кўрганимда,
Сув келса симиришин, тош келса кемиришин.
Афсус гўзалликларнинг, барчасин сезганимда,
Шунда кўрардим унинг астойдил семиришин.

Илтимосим бор сизга, фақат хафа бўлмайсиз,
Ажратинг гулни гулга, фақат хақиқий бўлсин.
Дала ёки шаҳар гулми, лек устидан кулмаймиз,
Барча юртим қизининг уйлари бахтга тўлсин. :)

[Nigora Umarova]

Афсусдаман опажон, юртимдан уйланиб қўйдим,
Ўқилмаган ғазалнинг борлигин билмабман-да.
Онамнинг айтганларин, хўп деб индамай суйдим,
Тошкентим гўзалининг ишлашин кўрмабманда.

Аввалроқ билганимда, бардошин кўрганимда,
Сув келса симиришин, тош келса кемиришин.
Афсус гўзалликларнинг, барчасин сезганимда,
Шунда кўрардим унинг астойдил семиришин.

Илтимосим бор сизга, фақат хафа бўлмайсиз,
Ажратинг гулни гулга, фақат хақиқий бўлсин.
Дала ёки шаҳар гулми, лек устидан кулмаймиз,
Барча юртим қизининг уйлари бахтга тўлсин. :)

Шигирнинг давоми...

Она айтганин килган - юртда асло кам булмас,
Дуо олган кунгилда хафачилик-гам булмас.
Афсусланманг, Гулингиз газалин укиб олинг,
Не демокчилигин Сизга кузидан билиб олинг.
Барча гулнинг ифори узига ярашадир,
Хар бир инсоннинг БАХТИ сузига ярашадур.

Н.У.

[Umida Shodiyeva]

Istiqlol muborak
Shukronalar aytay Robbimga ming bor,
Bu go’zal yurtimninghar fasli bahor.
Chunki bu mehrdan yaralgan diyor,
Istiqlol muborak O’zbekistonim!

Osmonday musaffo iymoning sening,
Nomardlik qilmaydi o’g’loning sening.
Axir boshingda bor Isloming sening,
Istiqlol muborak O’zbekistonim!

Har bir giyohingda aks etgan tinchlik,
Shioringa aylandi bugun ahillik.
Alloh senga nasib etdi mustaqillik,
Istiqlol muborak O’zbekistonim!

Anoraxon

[Umida Shodiyeva]

Vatanim
Alloh tuhfa qilgan shunday bo’stonni ,
Navoiy, Boburlar bitgan dostonni,
Avaylab –asraylik o’zbekistonni,
Mo’tabar, muqaddas aziz Vatanim!

Onamdek go’zalsan, otamdek aziz,
Doim hamrohimsan she’rimdek laziz,
Bayrog’ing yuksakdan tushmagay hargiz,
Mo’tabar, muqaddas aziz Vatanim.

Bir siqim tuprog’ing tillolarga teng,
Qizing yoqa bo’lsa, o’g’lonlaring yeng,
Barcha o’lkalardan go’zaldirsan eng ,
Mo’tabar, muqaddas aziz Vatanim.

Navoiy, Boburlar bosgan iziman,
Kelajagi porloq bir yulduziman,
Islom boboimning shoir qiziman,
Mo’tabar, muqaddas aziz Vatanim.

Anoraxon

[Behzod Sulaymonov]

KO'Z QORASI

Ko‘z qorasi – yurakdagi dog‘lardan,
Soch qirovi o‘tli-o‘tli ohlardan.
Men do‘stimni alqab so‘z aytay desam,
Alpomishlar bo‘zlab chiqar chohlardan.

Qancha gunoh oldimda-yu izimda,
Netay, hatto o‘zim yo‘qman izmimda:
Ruh siltanib, chiqib ketar tizgindan –
Sharob hidi kelsa kuzgi bog‘lardan.

Do‘stim, bizlar boshqa-boshqa taqdirmiz,
O‘zimizcha to‘g‘ridirmiz, haqdirmiz.
Balki kurtakdirmiz, balki bargdirmiz,
Lekin meva tilamasmiz shohlardan.

Oshiq ahli yo telba yo mast kelgan,
Suvdan sokin, maysadan ham past kelgan.
Men bilganlar bari dilshikast kelgan,
Ko‘ngil so‘rab ko‘rmaganman sog‘lardan.

Dilga kulrang soya tushar zog‘lardan,
Yo tosh ko‘char, yo sel kelar tog‘lardan.
G‘amli she’rlar yozmas edim, na qilay –
Hanuz sado kelmas Qo‘qon yoqlardan.

2001(I. Mirzo)

[Behzod Sulaymonov]

SEVGI DEGANLARI

Nazokatni qaydan olgan kapalak,
G‘uvillab, nimadan so‘ylaydi kaptar?
Nimaning tasviri, ayting, kamalak?
Sevgi deganlari yo‘q bo‘lsa agar.

Ne bois qizarib ketdi atirgul,
Nasimlar nelardan keltirdi xabar?
Kimning qiynog‘ida to‘lg‘onar sunbul?
Sevgi deganlari yo‘q bo‘lsa agar.

Kimni kutib chatnab ketar harsangtosh,
Momogulduraklar nahot besamar?
Qanday qudrat bilan aylanar quyosh?
Sevgi deganlari yo‘q bo‘lsa agar.

Ilon ham qovushar, garchi zahri bor,
Chayon o‘z juftiga tutadi shakkar.
Ko‘ngilning yurakdan nima farqi bor –
Sevgi deganlari yo‘q bo‘lsa agar.

1997(I. Mirzo)

[Gulnora Voisova]

Мен хайкал тикладим

Қўл билан тиклаб бўлмас ҳайкал қўйдим ўзимга.
Халқнинг келар йўлини майса-ўтлар қилмас банд:
У магрур қад кўтарди бош эгмасдан таъзимга.
Александр қуббасидан ҳам баланд.
Йўқ, бутунлай ўлмайман — қалбим яшар лирамда,
Тупроғим-ла чиримай, яшайди у то абад.
То бирон шоир-поир қолар экан оламда,
Мени сира тарк этмайди шон-шуҳрат.
Овозим-ла чулғанур поёни йўқ улуғ Русь,
Ундаги барча эллар мени ёдлайди ҳар дам.
Магрур славян насли, бугунги авом тунгус,
Фин халқию даштлар дўсти қалмоқ ҳам.
Узоқ замон халқ меҳрига бўлажакман мушарраф,
Чунки, рубобим билан эзгу ҳислар туғдирдим.
Шу ёвуз замонамда куйладим эркни мақтаб,
Хор-зорларга ачинмоққа чақирдим.
Тангри ҳукмидан чиқма. эй илҳомим париси,
Ранжида хотир бўлма, тожу гулчамбардан кеч,
Лоқайд қабул эта бер мадҳу туҳмат барисин.
Аҳмоқ билан эса ўчакишма ҳеч.

А. С. Пушкин

[Behzod Sulaymonov]

KUZNI BELGILAMAS

Kuzni belgilamas bittagina qush,
Qayg‘urmang bir dona yaproq sarg‘aysa.
Hali bog‘ingizda kurtak otar nish,
Yerning hovuridek chayqalar maysa.

Tasodif deb biling ranjitgan bo‘lsam,
Payqamasdan yangi ko‘ylagingizni.
Ehtimol xayolga cho‘mganman bir dam,
Sog‘inib bahoriy bo‘ylaringizni.

Esingizda bormi?
Hech kim yo‘q edi,
Hech narsa yo‘q edi sevgidan bo‘lak.
Qornimiz muhabbat bilan to‘q edi,
Sevgimiz – boshpana, sevgimiz – ko‘ylak.

To‘pidan ertaroq uchar tentakqush,
Ertaroq sarg‘ayar eng zaif yaproq.
Fojia emasdir yolg‘iz xo‘rsinish,
Ishq sha’min o‘chirmas bittagina oh.

Ammo eslaysizmi?
Qo‘qon shamoli
Sochingizni hamroh aylagan payti
Yuzingizni ikki kaftimga olib,
Ilk bor ismingizni boshqacha aytdim.

Eslolmaysiz.
Mayli, kuyunmang zinhor,
Jovdirab osmonga, bog‘larga boqmang.
Yodimda, o‘shanda boshlangan bahor
Bitta so‘z, bitta qush, bitta yaproqdan.

1997(I. Mirzo)

[Behzod Sulaymonov]

XAZON SOKIN QUYILARDI

Xazon sokin quyilardi – kech kuz edi,
Ko‘nglim kuzdan abgor edi – muz-muz edi.

Nigohimdan diydiragan hashoratlar
Kechagina parpiragan yulduz edi.

Ostonadan oyoq uzib chiqib ketdim,
U ostona emas, balki ildiz edi.

Afsun tekkan kabi barcha yaqinlarim,
Qancha yaqin borsam shuncha olis edi.

Butun dunyo qarshi edi menga, ruhim –
Qilichmonand yalang‘och va yolg‘iz edi.

Zahar ichib so‘ng pushaymon bo‘lgan kabi
Bu olamdan ko‘nglim to‘la afsus edi.

1996(I. Mirzo)

[Umida Shodiyeva]

Zulfiyaxonim qizimiz
Vatanning umidi ulkan bizlardan,
Shu chanqoq mehrga to’la ko’zlardan
Ko’ngillar quvonsin maqtov so’zlardan
Bizlar O’zbekiston yorug’ yuzimiz,
Zulfiyaxonimning shogirdlarimiz.

Maqsadimiz bo’lish millatning faxri
Ufurar har dilda do’stlikning sehri.
Chunki bu ahillik, inoqlik shahri
Bu yurtning chaqnagan hur yulduzimiz,
Zulfiyaxonimning shogirdlarimiz.

Anoraxon

[Ra`noxon Xo`jaeva]

Yurt sog`inchi

Sog`indim-ku o`zbegimning navolarin
Bobo Quyosh, mo'tadil ob-havolarin,
Tongda esgan mayin - mayin sabolarin,
Bo`z to`rg`aylar sayrashi-yu bulbullarin sadolarin.

Maroqlidir qo`y- echkilar ma'rashi ham,
To`r qovoqda bedanalar sayrashi ham,
Cho`pon nayin nag`ma-navo aylashi ham
Oqibatninig mehr inin boylashi ham.

Farishtali, nurli yuzlarni sog`indim,
Mehr nuri balqqan ko`zlarni sog`indim,
Shakarguftor, shirin so`zlarni sog`indim,
Latofatli, go`zal yuzlarni sog`indim.

Jamila Ubaydullayeva (06.03.2009)

[zolim]

Ul-da aytadirki: "Qizil yong'oqqa
Qiziq-ku! Qizil yong'oq emish... aqlliman demayman, ammo qizil YONOQQA, to'g'irlansa juda ham yaxshi bo'lardi-da

[Nigora Umarova]

Vujudim xayolga aylansa edi,
Xayoldek uchishga bo'lsaydim qodir.
Biк zumda bosardim masofalarni,
Sening huzuringda bo'lardim hozir.

Qancha yiroq bo'lma, qanchalar olis,
oshib ummonlardan sarhadma-sarhad,
Uchardim go'yoki falakda yulduz,
Sening manzilingga yetardim, albat.

Ammo, hayhot, meni o'ldirar bu dam,
Men xayol emasman, degan bir xayol.
Men-tuproq va suvdan yaralgan odam,
Uchmoqqa qaydanam topardim majol?

Tuproqman, tuproqqa qo'yib boshimni,
Suvdek oqizaman ko'zdan yoshimni...

Wil'yem Shekspir

[Masud Mahsudov]

Ўйлаймангки, унинг қалби йўқ-
Кўпни севар, кўпни кўзлайди.
Ҳамма билан бўлса ҳам дўст, шўх-
У бир дардкаш қалбни излайди.

Ҳаёт такрор учраштираркан,
Кимни „сен“лаб, кимни „сиз“лайди.
Йўқ, уларга бермайди у тан-
У бир дардкаш қалбни излайди.

Дерсиз „ошиқ“лари эмас кам,
Ў, қанчаси унга сўзлайди“.
Дил розларин тинглаб туриб ҳам-
У бир дардкаш қалбни излайди.

Ёки деманг „қиш совуғидай,-
Унга яқин юрган музлайди“.
Ўзгаларга ҳарорат бермай-
У бир дардкаш қалбни излайди.

Деманг, маюс тортиб қолган дам-
„Унутган ошиғин эслайди“.
Ишончини ҳамон қилмай кам,
У бир дардкаш қалбни излайди.

Ҳалима Худойбердиева

[Umida Shodiyeva]

Sirlar sabablari sir
Yetti o’lcha, bu hayoting
Oddiy keldi-kettimas,
Osmon, zamin qati va rang
Soni bejiz yettimas.

Sir ko’p sirli bu olamda
Sirlar ongda uyular,
Biz bilmagan barcha narsa
Mo’jizaviy tuyular.

Son-sanoqsiz sayyoralar
Aylabon sokin sayr,
Pat-qanotsiz hamda unsiz
Uchsalar misli tayr…

Bir jismni bir bo’shliqda
Sen muallaq qotir-chi!
Eplolmassan… Nega debon
Miyang o’yga botirchi.

Pul behisob jismlarni
Tergan ma’lum tizmiga,
Barchasini, shak-shubhasiz,
Bo’ysundirgan izmiga-

Bu ne xilqat, bu ne kuchdir,
Nega hayron qolmassan?
Atrof to’la tirik misol,
Nega ibrat olmassan?!

Maysa-yashil, ko’mir-qora,
Qor va paxta nega oq?
Bilmagaylar hanuz sirin,
Bekor boqma, o’ylab boq!

Bir muddatga yashil bo’lib
Yashnagan har bir yaproq,
Tus yo’qotgay jon taslimda,
Xazon fasli kelgan chog’…

Abdug'ofur Sobir Mirzo

[Umida Shodiyeva]

Hozirgi holat haqinda

Shaharlaring suv bosmoqda,
O’rmonlaring yonadir,
Bul barchasi, balki yaqin
Jazodan nishonadir?!

Yerning qay bir nuqtasida
Tinmas to’fon, dovullar,
Qayda bilmam, qahatchilik,
Qayda olob lovullar.

“Yutuq”laring tutunlari
To’lmoqda shaharlarga,
Sof havolar o’z o’rnini
Topshirar zaharlarga.

Ekinlaring suvga zordir,
Dengizlaring suv so’rar,
Borliq bu hol sababini
Sening fe’lingdan ko’rar.

Zaminga ayt endi uzring,
Unutmagil jazoni,
Tavba qilgil, tazarru qil,
Tinch qo’y endi fazoni!

Otish, titish va qo’porish
Bilan yer bag’rin o’yding,
Bu ham kamday, kimyo ila
Giyohvand qilib qo’yding.

Yer bag’rini o’yma bu choh-
O’z halokat chohingdir,
Zamin senga Vatan, axir,
Beshik – qarorgohingdir.

Ona yerdan rizq topib sen
Yegaydursan, kiyarsan,
Unga ozor orttirishdan
O’zni qachon tiyarsan?...

Abdug’ofur Sobir Mirzo

[Nigora Umarova]

Ajralishdik, ko'tar boshing,
Ko'zlaringda nega g'am?
Mardim, to'kma ko'zing yoshin,
Tomchisiga arzimam.

Ne kun solding sen boshimga,
Bu qanday ishq, qay firoq?
Arzimaysan ko'z yoshimga,
Men ham yig'layman biroq.

Halima Xudoyberdiyeva

[Nigora Umarova]

Kuz yomg'iri

Xazonlar ergashdi armon xayliga,
Kuz vido istadi ko'ngil mayliga,
Yomg'irlar yog'adi hijron saylida,
Kuz yomg'iri,
hijron yomg'iri.

Na ko'z - tikarga, na umid - bog'larga,
Na so'z - aytarga, na dimog' - chog'larga,
Na gul - sevarga, na ko'ngil - dog'larga,
Kuz yomg'iri,
hijron yomg'iri.

Ilinj sahrosida bir juft so'z sag'ir,
Suymog'ing osondir, kuymog'ing og'ir,
Qantarday umid ham bormoqda og'ib,
Kuz yomg'iri,
hijron yomg'iri.

Armon ajr bo'ldi, fajr bo'lmadi,
Ko'ngil qaqnus bo'ldi, g'ajir bo'lmadi,
Na suygu, na kuygu vojib bo'lmadi.
Kuz yomg'iri,
hijron yomg'iri.

Ko'ngil yog'ar, shivillaydi maydalab,
Bir kuy bo'lib, ostonangdan haydalar,
Egam, egam, ne dardingki, qaytalar?
Kuz yomg'iri,
hijron yomg'iri.

Faxriyor

[Nigora Umarova]

O'tmish og'rir
A. Voznesenskiy

O'tmishning issig'in o'lchamoq uchun
kamlik qilar simob zahiralari.
Yuzidan qon qochar, rang borar o'chib-
sarg'armoqda kitob sahifalari.

O'tmish tildan qolgan.
Dardini esa
yozib ko'rsatadi eski yozuvda.
Biz o'qiy olmaymiz. o'rgatgin, desak,
Muallim harflarni yozadi suvga.

Faxriyor, 1986-yil

[Gulnora Voisova]

Умримни уткинчи сабога бердим.
Энг сунгги чакамни гадога бердим.
Бу телба рухимни Худога бердим...

Сабо олиб борди - гадога берди,
Гадо йиглаб борди - Худога берди.
Худо мени сенга хатога берди.

Сен мени кимларга бердинг азизим?!

Зебо. Мирзо

[Nigora Umarova]

Умримни уткинчи сабога бердим.
Энг сунгги чакамни гадога бердим.
Бу телба рухимни Худога бердим...

Сабо олиб борди - гадога берди,
Гадо йиглаб борди - Худога берди.
Худо мени сенга хатога берди.

Сен мени кимларга бердинг азизим?!

Зебо. Мирзо

Kumushoy!
Бу шеър "Дилдаги сатрлар"мавзусида олдинги сахифаларда бор эди-ку.

[Gulnora Voisova]

Kumushoy! Бу шеър "Дилдаги сатрлар"мавзусида олдинги сахифаларда бор эди-ку. Узр эътиборсизлигимнинг окибати

[AbuMuslim]

Хато килишингни кутарлар

Шундайлар бор сенга лутф айлаб,
Дўстман дея қўлин тутарлар.
Лекин ҳар зум қадаминг пойлаб,
Хато қилишингни кутарлар.

Хато қилсанг уларга байрам,
Йўқса заҳру заққум ютарлар.
Майли жиндек, зарра бўлса ҳам,
Хато қилишингни кутарлар.

Хатоларинг керак уларга ,
Шох, новдадек дарҳол бутарлар.
Тағин кунни улаб тунларга,
Хато қилишингни кутарлар.

Ахтарурлар ҳамиша иллат,
Етти пуштинг гўрин титарлар.
Фақат унма, улғайма фақат,
Хато қилишингни кутарлар.

Улар сенга бир умр йўлдош,
Содиқ ҳамрох каби ўтарлар.
Қабринг узра эгсалар ҳам бош,
Хато қилишингни кутарлар.

Абдулла Орипов

[Gulnora Voisova]

Mana bugun devlar ham o’lgan,
Yalmog'izsiz qolganimiz chin.
Ko’k qabog'i tarang tortilgan
Ajdaholar motami uchun.

Qaynar xumcha qaynamay qo’ygan,
Sehrlimas chiroqlar bugun.
Uchmay qolgan uchar gilamlar,
Shiroq emas shiroqlar bugun.

Oybarchinlar baxtiyor, xushnud:
Suluvlari boy, kiborlari.
Alpomishlar qayta olmaydi:
Qazi bo’lgan boychiborlari.

Sanamlarga qiyos bo’lolmas –
Oy yuzida sonsiz chandiqlar.
Qasrlarda zanglab yotgandir
Tohirlari oqqan sandiqlar.

Bunday boqma!
Aldama meni…
Muhabbat – bu shunchaki ro’yo.
Butun emas ko’nglim ham manim
Ertaklardan uzilgan dunyo.

Mashhura

[Gulnora Voisova]

Mendan ko’ra go’zal bo’lsin u,
Mendan ko’ra aqlli bo’lsin.
Bo’ylari sarv, ko’zlari jodu,
Nozikmijoz, fahmli bo’lsin.

Sabrliroq bo’lsin iloyim,
Yana qattiq saqlasin sirin.
Yo’li, dili pok bo’lsin doim,
Tilida bol, qo’llari shirin.

Erka bo’lsin hammadan ko’proq,
Mening telba fe’limni unut.
Yaralangan ko’nglingni emas,
Unga butun hayotingni tut.

Mendan ko’ra ko’proq cheksin dard,
Sening sevging, ishqing, rashkingda.
Menday dilda tortmasin azob,
Ardoqlansin, unsin ko’shkingda.

Epli bo’lsin ro’zg’oring haqqi,
Sepli bo’lsin, to’lsin uylaring.
Qolib ketsin ovora bo’lib,
Yetolmasin menga o’ylaring.

Asray bilsin seni har nedan,
Sadoqatda tengsiz bo’lsin to.
Rozidurman voz kechsang mendan
Ortiq bo’lsa topganing illo.

Mendan ming bor ortiq bo’lsin u,
Rozimasman ortiq bo’lmasa…

Mashhura

[Umida Shodiyeva]

Kuzatib qolmasa uyda bir kiming,
Yo’ling ko’paymaydi yursang ham qancha.
Egningga changakday chip yopishgancha,
Vujuding g’ijimlab borar kiyiming.

Vujud zor cheksa, ko’ngilda sitam,
Har kimga so’niq rux bilan qaraysan:
Har kimdan garchi hol-ahvol so’raysan,
Sen o’z xol-ahvoling so’raysan shu dam.

Turfa davralarga bosh suqasan jim,
Dalda axtarasan hayotni kezib.
Goh o’zni olamda ortiqcha sezib,
Burchak- burchaklarda yosh to’kasan jim.

Kuzatib qolmasa uyda bir kiming,
Kuzatib olguvching ham bo’lmaydi – ayon.
Sudralib qaytasan uyingga tomon,
Vujuding g’ijimlab borar kiyiming.

Shukur Qurbon

[Husen]

Kuzatib qolmasa uyda bir kiming,
Yo’ling ko’paymaydi yursang ham qancha.
Egningga changakday chip yopishgancha,
Vujuding g’ijimlab borar kiyiming.

Менимча, бу ерда камаймайди сўзи қўлланилган бўлса керак.

[Umida Shodiyeva]

Kuzatib qolmasa uyda bir kiming,
Yo’ling ko’paymaydi yursang ham qancha.
Egningga changakday chip yopishgancha,
Vujuding g’ijimlab borar kiyiming.

Менимча, бу ерда камаймайди сўзи қўлланилган бўлса керак.


Yo'q, Husen aka!
Aynan ko'paymaydi deb yozilganakan. Ushbu she'r Shukur Qurbonning 1995 -yilda nashr qilingan "Sizni Xudo yetkazdi " kitobiga ham kiritilganakan.
Balki, nashriyotda shunday bosilgandur.

[Umida Shodiyeva]

NOTIQLIK NAFOSATI

Yana boshqa bir mavzuning
Keldi endi fursati,
Bul mavzuning nomi erur:
“Notiqlik nafosati”.

Yo boshqacha qilib aytsam,
Bul bo’lmishning niyati –
Notiqlikning siri, ya’ni –
Nutq madaniyati.

Voizlikka eng muhimi,
Biliming bo’lsin puxta.
Nutq bo’lmasin chala yolg’on
So’zlar ila omuxta.

Qay davrada bo’lsang, avval
So’zingni unga mosla.
Tinglovchini ishontirgil,
Har bir so’zing asosla!


Qay bir notiq to’g’ri tanlab
Bilmas agar mavzuni,
Dildan tinglab xushlamaslar,
Tinglamasdurlar uni.

Talaffuzing tiniq qilib,
So’zlagin dona-dona.
Har aytilgan so’zing o’qdek
Aniq teksin nishona.

Tinglaganni tinglay bilish
Holatini so’rab tur.
Qabul qilar u qandayin
Ko’zlaridan ko’rib tur!

Ko’zlar, axir aytib turar
Tushunar yo tushunmas,
Ko’zlar bejo bo’lsa demak,
So’zlaring u uchunmas.

Ta’na toshlar tegmasin-chun
Rost so’zlardan tom ayla.
Suhbatingni soz ayla-yu,
Har bir qalbni rom ayla!

Shirin so’zlar shirasidan
Totgan har dil “oh”lasin,
“Oh”lab yana totmoqlikni
Takror-takror xohlasin.

Va’z vaqtida hayajoning
Eng birinchi dushmaning,
Biladurgan bor bisoting
Chalg’itish ishi aning.

Jumlalaring bo’lar mujmal,
Hayajon agar bossa,
Qani endi, ul suhbatga
Biror kim quloq ossa!

Bu barchasi notiq uchun
Erur gapning yotig’i,
Amal qilgan notiq erur
Notiqlarning notig’i.

Istagan har inson uchun
Bul maslahat asqotar,
Istamaslar so’zlaganda
Gap boshlar-u, bosh qotar.

Yana bitta fikr aytsam,
Bul tegmasin g’ashingga,
Yomon fikr ichda qolsin,
Qo’y, chiqmadin tashingga!

Abdug’ofur Sobir Mirzo

[Umida Shodiyeva]

YIG’I IZOHI

Endi navbat boshqa bobga,
Bob nomi – “Nadur yig’i ?”
Ul ko’z yoshi – biror zarba,
Yo bir zahar til tig’i…

Kel chiroyli gap qilaylik,
Bunday bobni boshlatma.
Qisqa qilay inson bo’lsang ,
Inson ko’zin yoshlatma!

Aytmasam-da, allaqancha
Ko’zlar to’ladir yoshga,
Qisqa bayon qilay, so’ngra
Suhbat qilaylik boshqa.

Bir yig’laki toshbag’irning
Kelsun senga havasi,
Ko’z yoshi bu dilingdagi
Dardlarning “mag’zava”si.

Hayron bo’lma bu so’zga sen
Xunuk so’z deb… Quloq sol!
Bul o’xshatish o’rinlidur
Keltiray bunga misol.

Kirni yuvib bir necha bor
Siqilsa, bu orada,
Siqilgandan chiqqan kir suv
Yig’ilar tog’orada.

So’ng matoni siltash, yoyish…
Bajarasan bu ishni,
Undan keyin mag’zavadan
Bo’shatasan idishni.

So’ngra yengil tin olasan,
Qilasan yengil huzur…
Menimcha, sharh kerakmasdur,
Izohin qilmam, uzr!

Abdug’ofur Sobir Mirzo

[Abror Qodirov]

ULUG`IMSAN VATANIM
Muhammad Yusuf she'ri

Adashmasam bu she'r ushbu mavzuda avval ham keltirilgan (http://uforum.uz/showthread.php?t=5657&page=29) edi...

[AbuMuslim]

ULUG`IMSAN VATANIM
Muhammad Yusuf she'ri

Adashmasam bu she'r ushbu mavzuda avval ham keltirilgan (http://uforum.uz/showthread.php?t=5657&page=29) edi...

Такрорлаш билмларнинг онаси... :biggrin:

[Umida Shodiyeva]

Diydor shirin...

Anglaguvchi bo’lsa yaxshi ko’ngil sirin,
Hayo yongan nigohlarda dil yashirin.
Ayriliqdan bezib ketgan oshiq yurak,
Sado berar… diydor shirin.

Farzand yo’lin qarab qolgan onalardan
Bahorini kutayotgan lolalar.
Yorni deya yurak bag’ri poralardan,
So’rang deydi… diydor shirin.

Tuproq aro pinhon yotar qancha inson,
Hayot asli g’animatdur ey tirik jon .
Chin visoldan umidvordur ahli iymon,
Xabar kelar … diydor shirin

(Ozodbek Nazarbekov ijro etgan.)

[Nigora Umarova]

Уруш йилларининг жонон кизлари

Кахрамон йигитлар урушга кетди,
Чуг булиб ёндириб колди излари.
Оловлар ичида буйингиз етди,
Уруш йилларининг жонон кизлари.

Мухаббат, мухаббат, илохий маъво,
Сизга ёр васлини курмади раво.
Хатларга термулиб умрингиз утди,
Уруш йилларининг жонон кизлари.

Кадоккул юртимнинг Зулайхолари,
Дилбарлари, Дилдор, Дилраболари.
Йигидан кизарган шахло кузлари-
Уруш йилларининг жонон кизлари.

Корлар кечиб юриб кусаклар терган,
Сепини туп килиб фронтга берган.
Йигит курган хамма балони курган,
Уруш йилларининг жонон кизлари.

Замин минг айланса, айланса Замон,
Яхшини яхши деган, ёмонни ёмон.
Мухаммад Юсуф энг тансик сузлари-
Уруш йилларининг жонон кизлари.

Мухаммад Юсуф

[Feruza Xodjayeva]

Бегонаман

Бегонаман фақатгина дунёларга,
Сизга эса яқиндан ҳам яқинроқман.
Йўқ десангиз айлангайман рўёларга,
Сизсиз ўтган хаёллардан мен йироқман.

Бегонаман биргина шу шодлигимга,
Сохта деманг жилмайганда кулгуларим.
Ётсираманг, сиғмай кетдим бу борлиққа,
Мени асраб келаяпти туйғуларим.

Бегонаман ёмон ўйу-хаёллардан,
Йироқман деб баҳоналар қилманг энди.
Соғинчларим йўллайвердим шамоллардан,
Армонларга сиз бош бўлиб келманг энди.

Ҳилола Ғаффорова

[Behzod Sulaymonov]

O‘ZBEK O‘G‘LI

Ikki daryo o‘rtasi keng dasturxon,
Tuz totgansan, tuzlig‘ingni unutma.
Dasturxonni belbog‘ qilib o‘stirgan
O‘zbek o‘g‘li, o‘zligingni unutma!

Sadarayhon bukilgani – so‘lgani,
Er yigitning egilgani – o‘lgani.
Yo‘l bermagil dushmanlarga kulgani,
O‘zbek o‘g‘li, o‘zligingni unutma!

O‘zbek desam jaranglagan tor kelur,
Undan oldin nomus ila or kelur.
Burgut kelur, lochin kelur, sor kelur,
O‘zbek o‘g‘li, o‘zligingni unutma!

Unutmagil nasabingni, zotingni,
Umid bilan otang qo‘ygan otingni.
Asra erta kuningni – zuryodingni,
O‘zbek o‘g‘li, o‘zligingni unutma!

Bo‘shamasin zinhor yog‘och beshiging,
Qulf ko‘rmasin darvozayu eshiging.
Yig‘ilmasin supadagi to‘shaging,
O‘zbek o‘g‘li, o‘zligingni unutma!

Ko‘pga kelgan kulfatlarga chap berma,
Mahmadona maynalarga gap berma.
Ko‘ngil obod bo‘lsin, sirtga zeb berma,
O‘zbek o‘g‘li, o‘zligingni unutma!

Nochor qolsang nokas qo‘lini tutma,
Arslonsan-ku tulki yo‘lini tutma.
O‘zingdan o‘zgadan marhamat kutma,
O‘zbek o‘g‘li, o‘zligingni unutma!

2004(I.Mirzo)

[Ra`noxon Xo`jaeva]

O'g'lim jigargo'sham

O`g`lim, jigargo`sham, anytgin-chi, nahot,
Achinmaydi joning onang holiga.
Meni to`shaklarga mixlab qo`ydi dard,
Kelsang bir ko`rsamu… o`lsam mayliga.

Chakka o`tgan eski tomga o`xshayman,
Ko`zimdan yomg`irlar to`kilar tinmay.
Sog`misan ishqilib qo`rqaman, bolam,
Uzoq-uzoqlarda yolg`iz yurasan...

Hayhotdek hovlida qoldim bir o`zim,
Nima xayollarga bormasman ba’zan.
Kundamas, oydamas, yilda eslagin,
Nahot achinmaydi joning onagga.

Sog`misan ishqilib qo`rqaman, bolam,
Uzoq-uzoqlarda yolg`iz yurasan...

O`g`lim, jigargo`sham, aytgin-chi nahot,
Achinmaydi joning onang holiga?
Meni to`shaklarga mixlab qo`ydi dard,
Kelsand bir ko`tarib chiqqin hovliga.

Qo`lingda jon berib o`lsam mayliga…

Muhammad Yusuf

[Kahramon Jalilov]

Alvido deb hatlar yozsam qalamim sinib qoldi,
Men berkinib tungga botsam oppoq tong topib oldi.
Men chekinib qochaverdim har gal uchratib sizni,
Dil mulkin yopaverdim taqdir topardi bizni.
Siz qandayin muhabbatsiz qandayin armonsiz o'zi,
Qalbim yoqasi sizsiz ko'rmidi sevgi ko'zi
Unutishim azob bo'ldi unutdim ham o'rtanib
Sizga yana bog'lanib dil qolgan edim o'rganib.
O'tmishlarga otib ketsam qaytib kelar o'tmishim
Sizdan yana tonib ketsam izlab topar kechmishim
Nechun sizni sevib qoldim yonib sevasiz nechun
Sizdan javob kutib turoldim pinhon boqasiz be un.
Dilingizni ochmaysiz ham yoki mendan tonmaysiz,
Hayolimda yashab har dam unitishga qo'ymaysiz.
Hafa bo'ldim o'zim bildim, voz kechdim ham o'zimcha
Siz-chi yana bir ko'rinib yoqasiz o'z bilgicha.
Bu mavhumlik to'liqtirdi, charchadim bu sirlardan,
Yo sevgimiz zavqlimidi, pinhon yongan dillardan.
Kurashaman o'zim bilan ishq meni boshqa soldi
Alvido deb hatlar yozsam qalamim sinib qoldi...

Muallifi kimligini bilmayman menga bir qiz yozib bergandi!!!

[Kahramon Jalilov]

Sherlardan tashqari boshqa narsa ham yozsa bo'ladimi?

[Behzod Sulaymonov]

OG‘RIQ

Qilich navdalarning shaffof qini bor,
Olov tebranadi ulkan loladay.
O‘t kabi isyonkor, qordek beg‘ubor –
Gulxan atrofida uchta bolakay.

Qo‘zilar zamharir maysani toptab,
Og‘zining hovurin kavshaydi tinmay.
Ming jumboqni echar, qo‘llarin toblab,
Gulxan atrofida uchta bolakay.

Cho‘g‘lar chirsillaydi, olov yonboshlab,
Qiyiqko‘z bolaga tegishar atay.
Zuhroda sayr etar, qo‘ylarni tashlab,
Gulxan atrofida uchta bolakay.

Bugun ko‘kragimda simillar og‘riq.
Bugun qo‘llarimda parchalangan nay.
Men sizni sog‘indim hammadan ortiq,
Gulxan atrofida uchta bolakay.

Manxus davralarda davrlar surdim,
Qasamlar ichdimu ichaverdim may.
Oydin lahzalarni siz bilan ko‘rdim,
Gulxan atrofida uchta bolakay.

Siz meni chaqiring, qiynalib ketdim,
Siz meni chaqiring, o‘zimga qaytay.
Chaqiring, yurakka harorat yetsin,
Gulxan atrofida uchta bolakay.


(I.Mirzo)

[Ra`noxon Xo`jaeva]

ONAM

Men nima topibman,dunyoga kelib?
Sizdan-da sevimli,sizdan-da aziz.
Ko'z-ko'z qilmoqlikka,maqtashga arzir,
Savlatim ham sizsiz,davlatim ham siz!

Oftobim onama,oyim onama,
Nomusim onama,orim onama!

Bedor o'tqazgan har tuningiz haqqi,
Meni deb kuyingan kuningiz haqqi.
Oylaringiz haqqi,yilingiz haqqi,
Sizga fido bo'lsin,jonim onama!

Oftobim onama,oyim onama,
Dardlarim oqizar,soyim onama!

Sizdan boshqa xarkim aldagani rost,
Alam quzg'un bo'lib talagani rost.
Yer bosib yuribman,osmonni ko'rib,
Sizni duoingiz asragani rost!

Kuni kecha bilib-bilmay ranjitib qo'ydim.
Bugun ich-ichimdan afsuslansam kam!
Negadir,negadir uzrlarga tilim bormadi.
Ertaga,ertaga ruhim tilga kirganda qanday javob beraman?

Onamsan! Onamsan! Qalbimni mehringga to'ldir,
Garib farzandingga shuldir inoyat!
O,munosib kuyching bo'lish mushkildir.
Seni kuylamaslik esa jinoyat!!!

____________________
Muallifini bilmayaman.

[Feruza Xodjayeva]

Барчамизга маълум, яқинда яъни 1-октябрь куни энг шарафли касб эгалари бўлмиш устоз ва мураббийларимизнинг касб байрамларини нишонлаймиз. Бу шеър ушбу азиз инсонларимизга аталади.

Муаллим

Муаллим деганда юрагим жўшиб,
Тинмай сўзлайман ширин сўзларни.
Болалигим бир кун кетади ўзиб,
Мен абад унутмам асло сизларни.

Бизга ўргатдингиз билимлар сирин,
Баланд парвозларни қучдик бир дунё.
Биз билдик, ўргандик донолар пирин,
Азиз муаллимим экансиз даҳо.

Юракдан сўзлаган ҳар бир сўзингиз,
Қалбимиз тубида мангу қолажак.
Сиз бизга кўрсатган эзгу йўлингиз,
Юксак ўтмишдан тузар келажак.

Ҳ. Ғаффорова

[Nigora Umarova]

Tun

Tog’ ortiga o’tib ketdi kun,
Sokin cho’kdi toza, salqin tun...
Men deraza ochganim chorbog’,
Sokin uxlar tun ko’rpasida.
Mayin qo’shiq yoyilar har yon,
Esib o’tgan yel sharpasida.
Suv oqadi allalab tunni,
Hamma uxlar, uyda men uyg’oq,
Parcha qog’oz, kichik bir qalam
Boshim uzra porlaydi chiroq.
Tunda qancha xayol, qancha kuy,
Men berilib quloq solaman.
So’z topolmay ifodasiga,
Rang axtarib shoshib qolaman.
Sof yel esar... Parvona uchar,
Chiroq atrofida o’rgilib,
O’zin urib part bo’ladi-yu,
Stolimga tushadi kelib.
Men yozaman, yulduzlar o’tar,
Har birisi so’ylar bir ertak.

Mana, Hulkar qarshimda chaqnar,
Yorqin tongdan keltirib darak.
Tun o’tadi, yana chorbog’dan
Ko’tarilar sahargi tuman.
Men-chi, asta chiroq so’ndirib,
Otayotgan tongni kutaman.
Ko’zlarimda erib ketdi tun,
Yoyilmoqda yorqin juvon kun...

Zulfiya

[Nigora Umarova]

Oydinda

Jilib-jilmas to’lin oy,
Bulut xayolday yengil,
Oy anhorda qulun toy,
Gilosda shig’il-shig’il.
Yaxlit oynaday bo’lib,
Hovuzga yoyilgan u.
Egilsam-tubdan to’lib
O’zim chiqdim ro’baro’:
Atrofim to’la saf-saf,
Ming-ming yulduz ora man.
Barin sidirg’a chayqab,
Yerga sudrab boraman.
Yerda: novda, gul, barglar,
Aksi kashta singari.
Sel unutgan ko’lmaklar
Misli oyning singani.
Yonadi parcha-parcha.
Shabnam naq yel sochgan chog’.
Har nurda shodlik qancha,
Har soya sirga to’lig’.
Sayxonlar naq nur maydon,
Uyquda barcha tovush.
Inida uxlar nodon,
Latofatni sezmas qush.
O’zimga tashlayman ko’z:
Ko’ksim, qo’limda shu’la.
Osmonga tutaman yuz,
Yel silar yog’du qo’l-la.
Eh, umr yarmin yutib,
O’tgan tunlardami ayb?
Endi bu ko’rkni tutib,
Kunduzga bermasam hayf?

Zulfiya

[Nigora Umarova]

Sherlardan tashqari boshqa narsa ham yozsa bo'ladimi?

O'ylar, qatralarni yozsa bo'ladi.

[bekww]

XURSHID DAVRON

https://img.uforum.uz/images/9738375.jpg

SAMARQAND XOKKULARI



Buyuk Rauf Parfi xotirasiga bag'ishlayman

1

Shohizinda uzra yuksaladi oy.
Zinalardan pastga tushirar
Xazonlarni kuzning shamoli.


2

Afrosiyob bo'ylab kezaman -
Ko'rmaymanu yonimda kimdir
Nafas olayotganin sezaman.


3

Bahor kirib kelgan mozorda,
Qabr uzra o'sgan qizg'aldoq
Bilan o'ynar rangin kapalak.


4

Sukunat yolg'izligi,
Yolg'izlik sukunati
Aro sarson kapalak.


5

Afrosiyob uzra oy
Balqib chiqib uyg'otdi
Siniq sopol parchasin.

6

Oy nuri jilvalandi
Qo'limdagi qadahga -
Yurakdagi qayg'uday:

7

Nega buncha zirqiraysan, dil?
Nega buncha xirasan,hilol?
Hamdard bo'lay qay biringizga?..

8

Bu o'choqda qachonlardir o't gurkiragan.
Hozir esa faqat qayg'u
Uyg'otar dilda.

9

Kechagina yer teshib chiqib
Menga nimalarni shivirlaysan
Ey bobomni yig'latgan chechak?

10

Ey,Boburning mungli bayti
Yuragimni qiynamoq uchun
Kelaverasanmi qaytib-qaytib?..

11

Shamollarga bo'ysunding
Bo'ysunding bo'ronlarga
Nega menga bo'ysunmaysan,dil?..

12

Meni qiynash shuncha rohatmi?
Labingning chetida turadi mudom
Sovuq tig'ing - nim tabassuming.

13

Oyga uzoq termilib qoldim -
Ketolmadim bir qadam bosib.
Hatto seni,ey yuragim, unutib qo'ydim.

14

Tog' shamoli,yuragimni
Olib ketgin o'zing bilan.
Shasharda olchalar gul to'kib bo'ldi.

15

Tushlarimga kirdi bahorda
Bargixazon boshlangan kunlar.
Yuragimda bezovta hislar...

16

Shaftoli gullari to'kilar.
Shohizinda qabrlariga
Olib kelib sochadi shamol.

17

Kimni eslayapsan, kimni sog'inding,
Ey egalari ko'chib ketgan hovlida
Necha yil gullamay gullagan olcha?

18

Afrosiyob tepaligida
Kimning nafasini yer yuziga
Olib chiqding,lolaqizg'aldoq.

19

Havo tiniq, beg'ubor.
Bulutlarning karvoni
Go'ri Mir uzra suzar.

20

Bahorgi yomg'irlar tindi -
Yarqiradi osmonda
Go'ri Mirning gumbazi.


21

Sen shunchalar rostgo'ysan,
Mana shu rostgo'yliging
Aldab keladi meni:

22

Uzoqlarga ketdi kuz -
Xuddi ma'yus daydi qiz.
Endi u qaytarmikan?

23

GUL BARGIDA SHABNAM TOMCHISI

Bunchalar chiroylisan,
Bunchalar ham shaffofsan -
O'limdan qo'rqmay qo'ydim!

24

Bog'larda bargixazon.
Hassaga suyangancha
Chol nimani kutmoqda?

25

Ostonada to'xtab qoldim.
Birinchi qor qoplagan
Yo'lak bunchalar go'zal!

26

Sen shunchalar rostgo'ysan-ki,
Yurakdagi sirlarim
Ochmoqdan ham qo'rqaman.

27

MARHUM DO'STIM SHAVKAT RAHMONGA

Hamdard izlagan chog'im
To'satdan seni eslab
Zirqiradi yuragim.


28

Dardlarimni aytay deb
Seni izlab borgandim -
Derazang qop-qorong'u.


29

Tengdoshlari urushsa -
Nima qilishni bilmay
Ko'zyosh to'kardi o'g'lim.


2000-2005 yillar


O'ZBEKISTON XALQ SHOIRI XURSHID DAVRON SAYTI:
http://khurshiddavron.wol.bz/base/view/document/samarxokku

[pipicron]

"Оналар оёги остида жаннат".
Бунчалар нодонман, энди билибман.
Сен кетган сукмокдан топиб олганим
Хали хам ковушинг кийиб юрибман...

[Nigora Umarova]

Ё Тангрим, Сен менга куч бер...
Бер чидам-
Худди дарахтлардай кутарайин кад.
Ичимга кор ёгиб турганида хам,
Мен кулиб туришим керак хамма вакт.
Кушлар дарахларни айласа хам тарк,
Чидар. Аёзлардан утар типпа-тик.
Шунда хам олмалар ёзаверар барг,
Шунда хам гуллайди бечора урик.
Ургат, тошларга хам гапирай майин,
Аёлман. Худойим келтирмайман шак.
Мен хам дарахтлардай гуллайверайин,
Мен хам дарахтлардай ёзайин куртак.

Хосият Рустамова

[Kahramon Jalilov]

Илтимос, шеър муаллифини хам курсатиб утсангиз. Турисини айтсам мен бу шеър муаллифини билмайман хамма ёзаётган шерларимни менга бир дустим (киз) каердандир кучириб ёзиб берган, бу шерлар менга ёккани учун ёзиб колдиряпман...

[Nigora Umarova]

Илтимос, шеър муаллифини хам курсатиб утсангиз. Турисини айтсам мен бу шеър муаллифини билмайман хамма ёзаётган шерларимни менга бир дустим (киз) каердандир кучириб ёзиб берган, бу шерлар менга ёккани учун ёзиб колдиряпман...

Билдирган эътирозимнинг сабаби купгина адиблар, адабиётшунослар форумимизнинг адабиётга оид мавзуларини кузатиб боришади. Баъзилари муаллифсиз шеърларга уз эътирозларини билдиришди. Эътирозга урин колмасин дейман.

[Umida Shodiyeva]

Maqtovga munosabat

Qaysiki bir mamlakatda
Ne bor maqtovga doir,
Albat olgay qalamiga
O’sha yurtdagi shoir.

Men yozarda bul nomani
Boshqacha yo’l tutarman,
Ko’proq aytib xatolaring,
O’nglanishing kutarman.

Senga dushman illatlardan
Biri bu maqtov bo’lar,
Bu “chiroyli so’z” hayotda
Ko’rinmas bir g’ov bo’lar.

“Zo’rsiz!” degan yaqiningga
Yaqin turma, undan qoch,
Xatolaring ochiq aytar
Begonaga qalbing och!

To’g’ri ba’zi ishlaring bor
Maqtovlarga sazovor,
Lek ul ishni haddan ortiq
Maqtovchi bandalar bor.

Hech kimsa bul maqtov uchun
Berilmasin, shoshmasin,
Maqtasa ham, ul maqtovlar
Keragidan oshmasin!

Maqtovga mast bo’lgan,maddox
Madhiga mastdek qarar,
Bilmasmidur, hayotini
Maqtov izdan chiqarar.

Abdug'ofur Sobir Mirzo

[Umida Shodiyeva]

Litseyimizning sobiq o’quvchisi Saidakbarning maxsus bayram tadbirimiz uchun yozgan, “Antiqa sevgi izhori”.
Men sizni sevaman jonimdan keyin,
Sevaman sizga men bermay yuragim.
Sizsiz yashay olsam kerak albatta,
Siz ham meni seving shudir tilagim.

Sizga boqmayman men kun bo’yi aslo,
Oyga o’xshatmayman yuzingizni ham.
Siz men uchun sevgan yagona inson,
Lek yurak dardiga bo’lmaysiz malham.

Sizga berolmayman ikki jahonni,
Poyingizga tiz ham cho’kolmasman men.
Men sizni sevaman, sevaman albat,
Lek boqmayman oyga uxlaganda men.

Sizning ko’nglingizga zor bo’lmasman men,
Sizga borbudimni bermasman aslo,
Sevaman, bergayman sevgimni sizga,
Yulduz marjonlarin osmay bo’ynizga.

Sizsiz men kunimni tasavvur qilgum,
Bordir menga sizsiz hayot qizig’i.
Sizsiz ham ko’rinur dunyo menga keng,
Sizsiz harob emas xijronning tig’i.

Chunki sevaman men sizni sevgilim,
Sevaman, sevgiga bo’lib sazovor.
Sevgimga sodiqman siz bo’ling axdim,
Axdga vafosizdan qilgum men xazar.

[Kahramon Jalilov]

Vir va Zara filmidan monolog:
"Unday go'zal qizni umrim bino bo'lib ko'rmagandim, go'yo sehrlab qo'yilgandek uning jamolidan ko'zlarimni uzolmasdim, u hayodan ko'zlarini yerga tikkancha qimir etmasdi, qattiq qo'rqib ketganidan bo'lsa kerak tez-tez nafas olardi, tutam sochi ko'zlariga tushib g'ashini keltirar, shamol esa huddi o'chakishganiday sochlarini battar tozg'itardi, men uning sochlarini asta yig'ib qo'ydim, u menga minnadorchilik bildirganday asta nigoh tashladi, shunda ko'zlarimiz ilk bo'r to'qnashdi..."

[Nigora Umarova]

Хаёлимда бир гузал яшар,
Умр буйи яшайди шунда.
Уша мени хаётга бошлар
Уша хаёл тугилган кундан.

Ул яшайди менинг бахтимда,
Дардларимда яшайди уша.
Вужудимда бир ут ёкканда,
Сунгра ташлаб кетган оташга.

Мен билмайман нечада ёшим,
Мен билмайман умрим нечадир.
Юракдаги огир кургошин
Кукларда пат каби учадир.

Менга тегиш булган хаётим,
Уша хаёл билан йул ошар.
Хам ширин, хам аччик бисотим-
Хаёлимда бир гузал яшар.

Рауф Парфи, 1966 йил

[Nigora Umarova]

Армон билан карардим сенга,
Менки Мажнун, сен эмас Лайло...
Сен гавхар булдингу кузимга,
Кузларимдан чекилди дунё.

Сен бу кун кайдасан, бехуда
Хасрат билан куйингда ёндим,
Ёлгиз сенинг мехрингдан жудо
Кон ютилган сахрода колдим...

Такдиримда йук экан чоги,
Лайло, Лайло, яна учрашмок.
Эх, кандай кутарай фирокни,
Ахир ёшлик йилларим адок.

Эй, бугзимда котган сузларим,
Сочилинг, самога сочилинг!
Мана тонг. Тонгларнинг гузали,
Тонг окарди ва сочим менинг...

Рауф Парфи

[Kahramon Jalilov]

ILTIJO

Bu dunyoda qo‘llasin maqsad,
Dilingizda bo‘lmasin nafrat.
Kamtarlik bu yaxshi fazilat,
Adolatsiz bo‘lmang, odamlar.

Ig‘vo qilib yurar ba’zilar,
Yolg‘onligi shundoq sezilar.
Aldanganlar dildan ezilar,
Adolatsiz bo‘lmang, odamlar.

Haqiqatga tik boqmoq kerak,
Tilang, doim pok ezgu tilak.
Nohaqlikka shimaring bilak,
Adolatsiz bo‘lmang, odamlar.

Yurtimizning qalqoni bo‘ling,
Rostgo‘ylikning posboni bo‘ling.
Mayli, quvnang, o‘ynang-u kuling,
Adolatsiz bo‘lmang, odamlar.

Do‘stni do‘stdan ayirmoq gunoh,
Qiynalganga bo‘lingiz panoh.
Gar qo‘llasin desangiz Olloh,
Adolatsiz bo‘lmang, odamlar.

(avtori kimligini bimayman, ko'chirgan joyimda Shahnoza ADHAM qizi deb yozilgan)

[Nigora Umarova]

Menga baxsh et o'zingni, sanam,
Ko'ksim uzra qo'ygil boshingni,
Abadiyatga eltay men ham
O'n to'qqiz yoshingni.

Quyosh kabi bo'lib qarshimda,
Shu'lalarda mayli yondir sen.
Faqat doim yashab arshimda,
Sevilganimga inondir sen.

Qo'shiqlar ayt shodmon yo mungli,
Hayajonga solgil yurakni.
Sen tonggacha so'yla, men tinglay,
Buyuk sevgi otli ertakni.

Nima qilgum, orzu ushalsa,
Sevinchlarga to'lib yuragim,
Sig'dirolmay va nochor qolsa
Shunday katta baxtni, malagim?!

Menga baxsh et o'zingni, sanam,
Ko'ksim uzra qo'ygil boshingni,
Abadiyatga eltay men ham
O'n to'qqiz yoshingni...

Rauf Parfi

[Nigora Umarova]

Ishqiy xatlar yozdim va lekin
Doim sendan rad javob oldim.
Sen tufayli shoir bo'ldim men,
Ishq dardida o'rtanib qoldim.

Yaxshi eding sen She'rdan ko'ra,
Rad javobi berarding xolos...
She'rning topgan yo'lini qara:
Rad qilmaydi, qabul ham qilmas!

Rauf Parfi

[Nigora Umarova]

Shudir ishq deganlari balki,
Lol qolaman sening yonigda.
Ketib qolsang yiroqqa lekin
Dod solaman butun dunyoga.

Ko'zim so'zlar, jon ichida jon,
So'zlar senga qo'lim, vujudim.
Biroq birga qolsang nogahon
"Ishq" so'zidek o'ltiraman jim.

Sen shundayin sof muhabbatni
Soqov deya tashlab ketmagin.
Qabul ayla shu sukunatni
Muqaddas deb, toza malagim.

Rauf Parfi

[Nigora Umarova]

Sevsang,
Osmonga chiq, oyni olib kel,
Tonglar vodiysini to'sha yo'limga!
Somon yo'llaridan chechaklar terib,
Baxtning shodasiday tutgil qo'limga!
Sevsang!
"Yoriltosh"dan chiqib kel, ozod!
Qanotlari bo'lsin otingning.
Moviy yog'dulardan go'shanga bezab,
Ostonamga kelib o'tingil...
So'ngra,
Borsa kelmasga borgil,
Devning changalidan olgil uzukni.
Bo'ronlarni yutib,
Tog'lardan o'tib,
Bosib kel adashgan xato yozuqni.
Yuragimga borar yorug' yo'llarda
Ichingdagi yovni mahv etgil, g'olib!
Tiriklik cho'qqisin yashil tog'idan
Havo tikkan tug'ni kel olib!
Sevsang...

Ozoda Bekmurodova

[Nigora Umarova]

Uzatsang, yetmas qo'llaring,
Chorlasang, kelmasin sellaring,
Chaqmoqday uyg'onsang,
Bo'ronday yelsang,
Yo'llaring yetmasin, yo'llaring.

Mensiz yashnamasin cho'llaring,
G'unchasin ochmasin gullaring.
Kechmasin telbavash onlaring,
Nurafshon otmasin tonglaring.

Mensiz...
To'xtab qolsin soat millaring...

Ozoda Bekmurodova

Ajoyib qarg'ish. :-)

[Masud Mahsudov]

Ajoyib qarg'ish. :-)

Judayam oshirib yuboribdilar-ku, shoira, qarg'ishni ham.... :-)

[Nigora Umarova]

Ajoyib qarg'ish. :-)

Judayam oshirib yuboribdilar-ku, shoira, qarg'ishni ham.... :-)

Shoira Halima Ahmedovaning she'rlaridan birida bundan ham ajoyibi bor edi.

Qarg'ayman qiz sochidek uzun bo'lsin armoning,
Ko'z yoshimdek erisin meni sog'ingan joning...



Ushbu "qarg'ish" shoira Zulfiyaxonimning olqishiga sazovor bo'lgan ekan. Ular: "Shunaqa ham chiroyli qarg'ish bo'ladimi?" deb e'tirof etgan ekanlar.

[Masud Mahsudov]

Shoira Halima Ahmedovaning she'rlaridan birida bundan ham ajoyibi bor edi.

Qarg'ayman qiz sochidek uzun bo'lsin armoning,
Ko'z yoshimdek erisin meni sog'ingan joning...

Ushbu "qarg'ish" shoira Zulfiyaxonimning olqishiga sazovor bo'lgan ekan. Ular: "Shunaqa ham chiroyli qarg'ish bo'ladimi?" deb e'tirof etgan ekanlar.

Erkin Vohidov bo'lsalar chiroyli tarzda bir go'zal qizga "ta'rif" berganlar

Ketishim shart edi, noiloj ketdim,
Yolg'izlik qa'riga qoldirib seni.
Shu qora ko'zlarga jo bo'lar endi,
Tun degan zulmatning bo'yi va eni.

Shunchalar go'zalsan, go'zalsan sanam,
Ta'rifing bitmoqqa ojizdir qalam.
Bir yigit hayotin obod etarding,
Aql ham berganda dunyo bokaram.

[Kahramon Jalilov]

Qaysidir kuni qarindoshlarim bilan birga bir o'zbek kinosini ko'rdik juda ta'surotli, hayotiy va juda ma'nili ishlangan nomi "Tovba". Shu kinoda bir jumlani yozib qoldiraman:

Tuproqqa egilgil, tuproqni o’pgil
Ko’zing ochig’ ekan gunohing yuvgil,
Qasrlar, gilamlar guldor koshinlar,
Kafil bo’lmas qo’shamoshin hotinlar.
Tepangda jahannam chaqqanda chaqmoq
Qabrda yostig’ing bo’lar tosh tuproq.

[Umida Shodiyeva]

Ko’zlarimni asta yumib olaman….

Nafas olishga ham xohishingiz yo’q,
Tirikka o’xshamas tuyg’ularingiz.
Bilmasdan, ko’zimga otayapsiz cho’g’:
Meni uyg’otmoqda uyqularingiz.

Uchib ketgan qushlar qaytib kelmaydi,
Yashashga kunlardan shartlar so’radim.
Mayda dardlar meni odam qilmaydi,
Umrimni eng buyuk g’amga o’radim.

O’tkinchi shamollar qo’rqitmay qo’ydi,
Daraxtlar bag’rida guvillayverdim.
Yuragimga tegib quyoshlar kuydi,
Qishlarga tan bermay lovullayverdim.

Yumuq ko’zlaringiz ochiq kelmoqda,
Men hozir o’zimni topib olaman.
Bir kuni sachrab siz uyg’ongan chog’da,
Ko’zlarimni asta yumib olaman…


Behzod Fazliddin

[Umida Shodiyeva]

Qayga ham boramiz?

Hayolning otida oyga boraman,
Qushlar yetolmagan joyga boraman.
Sal o’tmay, baribir tushgayman qulab,
Uchoqda dard bilan qayga boraman?

* * *
Yashashga joy bormi?

Lahzaga tengma-teng o’chib boraman,
O’zimdan, so’zimdan cho’chib boraman.
Zavol bilmaydigan manzilni ko’rsat,
Tomirlarim bilan ko’chib boraman.

Behzod Fazliddin

[Masud Mahsudov]

Бинойидек юриш-туриши,
Суҳбати ҳам сермазмун жуда.
Гоҳи мафтун қилар кулиши,
Ром этади хатто уйқуда.
Киприкларин ёйи қалбингиз
Тўғри нишон олади бехос.
Кўнгли, - дейсиз - каттакон денгиз,
Дарёсидан қуйилади ноз.
Кокиллари мисли мажнунтол,
Қуёш янглиғ табассумлари.
Сўзидан чак-чак томади бол,
Гул баргида шабнам сингари.
Рўмолини қўймас бошидан,
Узун кўйлак қоматин безар.
Ўсма қўйиб етти ёшидан,
Буюк санъат асарин чизар.
Қултум сув-ла ютаман дейсиз,
Бунча гўзал бўлмаса, Худо!
Фақат битта айби бор, эсиз...
Унга юрак этмаган ато!


(c)

[Nigora Umarova]

Tulpor mingan chavandoz,
Kelbatlaring, bay-bay soz,
Izing to'la ishqiboz,
Qadamingni o'ylab bos-
Gar yigitning gulisan,
Ko'rgilikning qulisan.

Omad ketsa qo'lingdan,
Ilon chiqar qo'yningdan,
Qaytsa qaytdi shaytonlar,
Sen qaytmading yo'lingdan-
Gar yigitning gulisan,
Ko'rgilikning qulisan.

Nafsning tubi asli jar,
Bu jar faqat qon ichar,
Evoh, uni sharob deb
Kimlar senga jom tutar-
Gar yigitning gulisan,
Ko'rgilikning qulisan.

Jabr qilsang dildoshga,
Zahar tushar rizq, oshga,
Armon olsa yoqangdan
Peshonangni ur toshga-
Gar yigitning gulisan,
Ko'rgilikning qulisan.

Sotqin chiqsa hamdamlar,
Aldab ketsa sanamlar,
Unib chiqar ko'ksingdan
Kurtak otgan alamlar-
Gar yigitning gulisan,
Ko'rgilikning qulisan.

Boshing yetsa osmonga,
Salom qilgin ketmonga,
Seni malak tuqqanmas,
Ko'ylak ober onangga-
Gar yigitning gulisan,
Ko'rgilikning qulisan.

Farida Afro'z

[Nigora Umarova]

Sizsiz
yashamoqqa o'rgandim, mana,
Endi vujudimni tig'lamas firoq.
Kabutar xayollar uchmoqda, ana,
Sog'inchlar
Karvonday
Ketmoqda yiroq.

Yiroq
endi menga sumanso bog'lar,
Dilkusho diydorlar sarobdir, tushdir.
Yelkamda ayriliq - zalvorli tog'lar,
Yurak
Parvozini
Yo'qotgan qushdir.

Suydim,
suygularim sizni quchmadi.
Kuydim, kuygularim yondirmadi hech.
Muruvvat visoldan og'iz ochmadi,
Bir bora kelmadi.
Kelmang,
Endi kech!

Endi kech,
unutdim raftoringizni,
Qoshingiz, ko'zingiz - hammasi yolg'on.
Unutdim, jahonda yo'q, boringizni,
Endi siz
Qo'shiqsiz - ming yillik armon.

Farida Afro'z

[Nilufar Xudoyberdiyeva]

Bonu aytur olamda ki g’amsiz yurmadim hargiz,
Bu dunyo davrini shodmonu xandon surmadim hargiz.

Janohda yurdimu turdim necha chektim jafolarni
Jafosin ko’rdim, e do’stlar, vafosin ko’rmadim hargiz.

Ayo do’stlar, ki men yolg’uz, g’aribi benavo qulmen,
Topay ahl-ayol, atfol deyub qayg’urmadim hargiz.

Ki sakkiz yil bo’lur otam shikori Yorkent aylab,
Muborak yuzlarin ko’rub ko’zum to’ydurmadim hargiz.

Ki ko’rmakni quyub, e tan, bo’lak emdi talab qilg’il,
Sharrifim sari poyidin o’zum jo’kurmadim hargiz.

Jahonda har balo bo’lsa baham bo’ldi g’arib boshim,
Sitam birla alamlarni surub yondirmadim hargiz.

Samarbonu

[Gulnora Voisova]

Tog' bo'lsa baland, chiqolmasang - kimda gunoh?
Yor bo'lsa yiroq ko'rolmasang- kimda gunoh?
Sabr ayla uzoqdan-da ko'rishga, yo'qsa,
Tadbiri o'lim o'lolmasang- kimda gunoh?

Kaptarmiz u, ma'vomiz erur ko'hi kamar
Bizlar ketamizu, do'stimiz behabar.
Ey do'st meni do'zax havfidan qo'rqitma
Ko'nglimdagi havf do'zax havfidan battar!

Rahmim keladi sangayu o'rtoqmasman
Sevsangda meni, men senga hech boqmasman.
Sen misli tariq ildiz otarsan har yon
Bo'lsamda bulut, ustingga men yog'masman.

Tojik xalq ruboiylari

[AbuMuslim]

Дунёда диёнат ҳали мавжуддир,
Ҳали мард йигитлар яшаб юрибди.
Оналар оқ сути ҳамон оқ сутдир,
Қуёш ҳам фалакда порлаб турибди.

Ҳали қай дилларда яшар тангри ҳам,
Ҳали афсоналар ўлиб кетмаган.
Ҳали соф туйғулар топмаган барҳам,
Инсон орзусига ҳали етмаган.

А. Арипов

[Feruza Husnitdinova]

Нигохингизни излайман атрофимдан,
Кузларингизни,
Овозингиз,сузларингизни.
Нурлар орасидан кидираман,
Кидираман ёмгир ёкканда… топмадим… сизни…
Китоблар мисраларидан,
Гуллардан, парвозланган кушлар орасидан…
Кидираман…
Кайлардасиз?

Евгения Данилова

[Nigora Umarova]

Ниманингдир олдида тош бор,
Нимадир бор тошнинг ортида.
Тошнинг кузларида ёш бор,
Ёшнинг сирти таранг тортилган.

Ниманингдир олдида ёш бор,
Нимадир бор ёшнинг ортида.
Ёшнинг кузларида тош бор.
Тошнинг сирти таранг тортилган.

Тош-насиба, ёш-шурлик кисмат:
Ёш йигланар, тошлар терилар.
Умр-Ердаги тошни мисколлаб
Йигнамокка кукдан берилар.

Рух, таранглик-каргиш, деб айтар,
Майсалардай ям-яшил каргиш.
Биздан эмас, Худодан кайтар,
Кайтар булса, мабодо, хар иш.

Каргиш гунохларни унутмас,
Айникса, тош терилмаганда.
Тошнинг улигини ер ютмас
Унга улим берилмагандай.

Фахриёр

[Kahramon Jalilov]

Mavzuda she'rlarda takrorlanish yuz bermayaptimikan? Balki qarab chiqarsizlar?
Takrorlangan bo'lsa uzr!!!

[bekww]

Oddiy tilaklar

Ko'ngillarga safo bergil,
Soflik beru oqlik ber.
Muhabbat ber, muruvvat ham
Mehr ber, mushtoqlik ber.


Otalarga farog'at ber,
Va rohat ber bus-butun,
Onalarga saodat ber,
Umr beru sog'lik ber.


O'g'lonlarga iqbol bergil,
Iymon bergil salomat,
Shijoat ber, oru nomus,
Doim ko'ksi tog'lik ber.


Latofat ber qizlarga ham,
Malohat ber, sadoqat,
Yana husnu chiroyiga
Baxtini ham bog'liq ber.


Yor ko'ksidan panoh bergil
Sevib sevilganlarga.
Sevganlarga yor zulfidan
Dorlik ber, sirtmog'lik ber.


Ayvonlarga munavvarlik
Oy va quyosh mehridan,
Har bir uyga beshiklik ber,
Allalik, uyg'oqlik ber.


Kim bo'lmasin, to'kis ayla
Rizqu nasibasini,
Chekkan ranju zahmatidan
Har on vaqtichog'lik ber.


Do'stlar safin mastahkam et,
Ahil etgil, ittifoq.
Dushmanlarning qatoriga
Toqlik ber, tarqoqlik ber.


Havolanmoq nechun axir,
Insonmiz-ku hammamiz,
Har kimga ham insof bergil,
O'zingdan qo'rqmoqlik ber.


Jilg'alarga javlon bergil,
Chopsin qo'zichoqlarday,
Cho'qqilarga zalvor bergil,
Qorlik ber, viqorlik ber.


Sen qo'llading,keldi oxir
Chechaklarga bul Vatan,
Endi ketmas haqiqatga
Elimga dilxohlik ber.


Endi aytmoq uchun uning
Dunyoda borligini,
Mening shoir dillarimga
Dardkashlik ber, dog'lik ber.


Sirojiddin Sayid
1998

[Umida Shodiyeva]

Suyunchi

Osmonda yig’lab keldim –
Dardlarim maysa bo’ldi.
Yerda bitta bo’lsa ham
Baxtsiz kamaysa bo’ldi.

Garchi yig’lab har kecha
Tunlarimni qon qildim,
Tongda guldan toshgacha
Tabassum ehson qildim.

Azoblaring – muhtaram,
Men dardingga xaridor.
Tovonimni o’psa ham,
Tikanlarning haqqi bor.

Yuragimni uyg’otgan
G’amlar uchun ming shukr.
Gardlarimni yo’qotgan
Damlar uchun tashakkur!

Behzod Fazliddin.

[Umida Shodiyeva]

Oyga tegmang

Nima qilsam, oyni boshqa yig’latmaysiz,
Nima qilsam, tinch qo’yasiz osmonlarni?
Nima qilsam, yulduzlarga tosh otmaysiz,
Nima qilsam, o’ldirmaysiz jayronlarni?

Birga olis manzillarga boradi deb,
Qaldirg’ochlar qo’llarimdan tutib olgan.
Hech bo’lmasa panoh so’rab beradi deb,
Yo’lim uzra kiyikchalar yotib olgan…

Yomonlarga pastlagim yo’q asli, lekin,
Giyohlarning nomlaridan nur so’rayman.
Hali kechmas, hali yana sevish mumkin,
Men gullarning ko’ngli uchun yo’l so’rayman.

Nurga qayting – ro’yolarni ketkazasiz,
Yeru ko’kni tinchi uchun boshlandi jang.
Bu ketishda umringizni yutkazasiz,
O’zingizga shavqat qiling – oyga tegmang.

Behzod Fazliddin.

[olim]

Dunyoda biz doim qadr izlaymiz,
Qadrimiz bilganni qadrin bilmaymiz.
Mehrimiz tashnani boshiga urib,
Toshni sizlaymizu, gulni senlaymiz.

[Umida Shodiyeva]

Ko’ngil ko’zgusiga boqsam…

Ko’ngil ko’zgusiga boqsam, necha ramzu ishoratlar,
Ochilgaydir masofatlar, ko’ringaydir imoratlar.
Ko’ngil ko’zgusiga boqsam, falaklar bo’lgusi paydo,
Falaklar qo’ynida ko’rgum, ajab husnu latofatlar.
Samovatlarga chek yo’qdir,maqomotlarga ham poyon,
Qayon boqsam, tamomat yo’q, davomatlar,davomatlar…
Ayo ko’nglim, shu olam ichra chin olam o’zingdirsan,
Ki senga ikki olamdin kelur sirru sinoatlar.
Tiriklik ne emishdir, hay, bu zulmat, bu ziyo ichra?
Riyozatlarda toatlar, mashaqqatlarga toqatlar.
Qo’yib yerni, gohi avji falakka chirmashur ohim,
Tushim jonimga otashlar, yetib ruhimga holatlar.
Netarsen bu jahonni, ey ko’ngil, bu yeru osmonni,
Ketar bo’lsa adolatlar, qolar bo’lsa nadomatlar?

Jamol KAMOL

[Gulnora Voisova]

Андижон, кунглимда кукарган далам,
Йулимга термулиб колган чорбоглар.
Мени согинади согинмасам хам.
Боги Бобурдаги момакаймоклар.

Узинг улгайтирган нихолингга бок
На буйинг етар, на кулинг етади.
Болангдан шох чикса - узга юртда шох,
Шоир чикса бари дайдиб кетади.

Гохи койимайсан гапга кирмаса,
Гохи бошин силаб йулга солмайсан.
Такдирдан нолийсан худо бермаса,
Худо берганини асрай олмайсан.

Бевафо дунёнинг ишларин курсанг.
Сен курган саройга хинд мехмон танлар.
Балки ахил булсанг, сал кенгрок булсанг.
Багрингда буларди Тожимахаллар.

Узр, гар огринсанг елкамга бош куй,
Шод кунинг кунглингни мен билан чогла.
Бобурга илинсанг, менга ковун суй,
Чулпонни согинсанг, мени кучокла.

М. Юсуф

[Kahramon Jalilov]

Muhammad Yusufning bir ajoyib she'rlari bo'r edi maktab chog'ida juda kelistirib kuyga solib aytardik mana o'sha she'r:

Mayli-da, kimgadir
Yoqsa,
Yoqmasa,
Ularga qo‘shilib
Yig‘lasharmidik.
Biz baxtli bo‘lamiz
Xudo xohlasa,
Xudo xohlamasa,
Uchrasharmidik…

Rayhon hidlaringni
Yo‘llarimga sep,
Kut meni,
Har oqshom,
Ko‘kka oy chiqqan.
Faqat,
Yig‘lamagin,
Gunohim ne deb,
Aybing –
Onang seni
Chiroyli tuqqan!..

Menga
Bir tabassum
Hadya et, ey yor,
Nur tomsin
Lablaring
Sohillaridan.
O‘zing ayt,
Senday qiz
Yana qayda bor,
Kipriklari uzun –
Kokillaridan?..

Iymanib yashama
Xayol pinjida,
Yoyil,
Yayra jonim,
O‘rtanma g‘amda.
G‘iybatlarga chida,
Tuxmatga chida,
Sen bittasan, axir,
Yorug’ olamda.

Men esa
Oshig‘ing sening –
Eng g‘arib.
Tundan so‘z
Qarz olib,
Tongga tutguvchi.
Sening yoningda ham
Seni axtarib,
Sening yoningda ham
Seni kutguvchi.

Ista,
Tiz cho‘kaman
Hozir oldingda,
Sevdim,
Sevganimdan
Uyalmoq nechun.
Barcha farishtalar
Sening qalbingda
Ijarada turgan
Qizlar men uchun!..

Biz baxtli bo‘lamiz
Xudo xohlasa,
Xudo xohlamasa,
Uchrasharmidik?!

[olim]

Muhammad Yusufning bir ajoyib she'rlari bo'r edi maktab chog'ida juda kelistirib kuyga solib aytardik mana o'sha she'r:

Mayli-da, kimgadir
Yoqsa,
Yoqmasa,
Ularga qo‘shilib
Yig‘lasharmidik.
Biz baxtli bo‘lamiz
Xudo xohlasa,
Xudo xohlamasa,
Uchrasharmidik…


Menga bu she'r juda yoqadi agar xotiram pand bermagan bo'lsa ushbu mavzuning sahifalaridan birida aynan ushbu misralarga ko'zim tushgandi. Balki qarab chiqarsiz?

[Abror Qodirov]

Muhammad Yusufning bir ajoyib she'rlari bo'r edi

Bu she'r mavzuda keltirilgandi adashmasam...

[Abror Qodirov]

Ortiq ko'rishmaymiz

Yo'q! Ko'rishmaymiz, xayr endi,
Ortiq ko'rishmaymiz yuzma-yuz.
Sahrolarda sevgimiz qoldi,
Qor ostida qoldi sevgimiz.

Ortiq ko'rishmaymiz yuzma-yuz,
Mehr to'la yoniq yuz bilan,
Yo'q, yo'q, endi hech qaramaymiz,
O'rtalikda mash'um bir tuman.

Sahrolarda sevgimiz qoldi,
Kuygan yantoq misol quyoshda.
Xato sevgi qo'shilib tomdi
Zahar-zaqqum bo'lib ko'z yoshdan.

Qor ostida qoldi sevgimiz,
Sho'rlik sevgi topmadi omon.
Yakka-yakka bo'ldi ismimiz,
Har xil yo'ldan ketdik har tomon...

Rauf Parfi

[olim]

Gapirsin qalbing, ko‘zing,
Zinhor yolg‘on so‘zlama!
Bo‘lsa ham ikki yuzing,
Bo‘lma ikki yuzlama!

Normurod Narzullayev (1934-2006)

[Umida Shodiyeva]

Seni eslayman

Men seni eslayman sokin saharda,
Qaro tun bag’rini yoritganda tong.
Bir yengil shamollar esgan nahorda,
Quyosh ufqlarga sochsa tilla rang.

Men seni eslayman dunyoga boqib,
Mo’jizali olam qilganida lol.
Hayratli hayollar domiga oqib,
Bir zumga chalg’imoq keladi malol.

Men seni eslayman, eslayman hamon,
Garchi ko’rolmasman yerda jamoling.
Ruhim intiladi mudom sen tomon,
Barcha go’zalliklar sening timsoling.

Men seni eslayman, eslayveraman,
O’y- fikrimda faqat vasling hukmron.
Hijron sahrosida gullar teraman,
Eng yaqin sirdoshim O’zingsan har on.

Umida Ismoilova

[Umida Shodiyeva]

Qalb qo’shig’i

Inson ilhaq bo’ldi…Avvaliga nimanidir orziqib, kutib yashadi… So’ng izlashga tushdi…Bir kun ilg’adi, qulog’iga chalindi… Topdi. Vujudi titrab ketdi: qalb qo’shig’i… Qalbning hazing nidosi… Oxangi, ohori o’zi bilan…

Asl erur qalb,
Saxiy erur qalb,
Zakiy erur qalb,
Erur boqiy qalb.

Hayot – hikmat.
Umr – sinov.
Sabr bu baxt.
Ezgulikdir taxt.

Harakat – odim.
Saxovat – in’om.
Qanoat –sihat.
Qalb esa abad.

Ibrat – saboq.
Hayrat – fikrat.
Hidoyat – ne’mat.
Manzil – saodat…

Ibtido – yaqin.
Intiho – uzoq.
Niyat – qutlug’.
Qalb esa ulug’.

Ulug’ erur qalb,
Buyuk erur qalb,
Tanho erur qalb,
Boqiy erur qalb…

Obiddin Mahmudov

[Nigora Umarova]

Endi kech,
Ufqida tunlar yig'laydir,
Xazon yo'llariga tutash yo'limning.
Endi kech...
Yulduzlar "Oh"lar urgaydir,
Qanoti kuyadi hur xayolimning...
Endi kech-
ko'zimning olgun shabnami
Labingda titramas... titramas...
Bildim, evoh, bildim,
eh, nega bildim,
Senga taskin kerak...
Men emas!
Endi kech...
Men-g'ayri, shunchaki g'ayri,
Ketdim. Xo'sh qol, moviy tunlar faslida.
Ishq-karamning osiy bandaga xayri,
Ishq-bu dorga o'zni osmoq, aslida!
Endi kech,
Bilarsan, meningday purg'am,
Uzun umring uchun behuda va hech.
Kechangdan kechmassan,
Xayolingdan ham,
Azobing, gunohing-
Mendan
Endi kech!
Endi, kech... Endi kech... Endi kech...

Zebo Mirzo

[Nigora Umarova]

Keting,
Sizga ehtiyojim yo'q,
Sevib bo'ldim Sizsiz o'limni.
Yana ming yil yashasangiz ham,
Tushunmaysiz mening ko'nglimni.

Kutmang,
Sizga bermayman ortiq,
Umrimning bir lahzasini ham,
Yuragimni yulib tashlayman,
Azoblarga topaman chidam!

Hechqisi yo'q,
Yashab ketaman!
Sizdan yorug', sizdan balandroq.
Nasib ekan so'ngsiz o'limni
Tirik мгогв bilan ko'tarmoq.

Qoldirmoqqa urinmang, illo,
Boqmang ilhaq, intiq, g'amangiz.
Menga behad yolg'on tuyular,
Ishqqa o'xshab ketgan ta'mangiz.

Nima qilay,
Shunday Ayolman,
Tabiatan va yoki dilan:
Sevsam juda qattiq sevaman,
Ruhim, jismim, hayotim bilan!

Nomingizga qo'shilib o'sdim,
Har kun,
har tun mahrum va badar.
Men sizniki bo'lib yashadim,
Bilsangiz, to shu kunga qadar!

Ammo bildim.
Siz butkul boshqa!
Buloqdirsiz-sokin va beg'am.
Anglamaysiz, bir kuni aytmay,
Poyingizda suvsab o'lsam ham.

Yo'q, bu ishqni ko'tarolmaysiz,
Sizni ezar tahqir va ta'qiq.
Bu dunyoda eng go'zal sevgi,
Hamisha xor, mahkum, mustahiq!

Keting,
Sizga ehtiyojim yo'q!
Sevsam endi sevgum O'limni.
Yana ming yil yashasangiz ham
Tushunmaysiz, afsus, ko'nglimni...

Zebo Mirzo

[Nigora Umarova]

Nimaga sevdirding uni, Xudoyim,
Sevgini bilmagan insonni?
Qiynamoq uchun soldingmi,
Ichimga bu olov tug’yonni?..

.. Hammani yo’qotib,
topgandim seni…
Nahot yana azob-nasibam?
Nahotki, hayot yo’q hayotda?
O’zimdan xavfdaman,
O’zimdan, Egam!..

Kimni ko’proq sevding…
Meni yo uni?
Ne bo’lardi, sevsang ikkimizni ham!
Sevgingni sevaman,
Xudoyim , ammo
Nahot menga qismat –
Sevgisiz odam?

Hammani yo’qotib,
topgandim seni…

Zebo Mirzo

[Nigora Umarova]

Xazin kuz,
Xasta kuz.
Xotirotim kuz.
Daraxt vujudimda yig'layotgan ko'z.
Chorladim har bitta yaprog'im bilan,
Lek uning tilida aytolmadim so'z...
Bo'ylasam,
Eng yorug' osmon edi u.
Qo'limda qo'llarin tafti, hovuri,
Bir yashil bog' bo'lib yashnagan edim.
Lahzada sarg'aytdi yodin shovuri.
Xazin kuz,
Xasta kuz,
Xotirotim kuz.
Yuragimni yengdi tunlar qafasi.
Ayt,
kimning ko'ksida tosh qotdiykin u.
Uyg'otay deyman-u
yetmas nafasim...
Sochlari yoyilgan hurga aylanib
Tushimda ortidan yig'lab yugurdim...
Bahor bo'lmoqchiydim uning bag'rida
Nahot xazonrezgi bo'lib ulgurdim?
Xazin kuz,
Xasta kuz,
Xotirotim kuz.
Ma'yus yuragimda ocharmisan ko'z?
Ovozin...
Ovozin eslab sog'indim,
Dilni ezayotgan sog'inchmi, afsus?
Har bir bargim bilan uniki edim,
Yomg'irlar qo'lida o'qildim, essiz...
Men odam shaklida yashay bilmadim,
Yashay oldimikin u...
Meningsiz!...

Zebo Mirzo

[AbuMuslim]

Борми сенда бизим каби инсонлар,
Икки юзли ишбузарлар, шайтонлар.
Ўртоқ қонини қонмай ичган зулуклар,
Қардош этин тўймай еган қоплонлар?
Борми сенда ўксус, йўқсулнинг қонин —
Гурунглашиб — чоғир каби ичганлар?
Борми сенда бутун дунё тузугин
Ўз қопчиғин тўлдиргани бузганлар?
Борми сенда бир ўлкани ёндириб,
Ўз қозонин қайнатгувчи ҳоқонлар?
Борми сенда қорин, қурсоқ йўлида,
Элин, юртин, борин-йўғин сотганлар?

Фитрат

[Umida Shodiyeva]

Ko’p ezgu so’zim, ammo amal yo’q menda,
Bu holimdan or loaqal yo’q menda.
Oson gapirish mudom, qilish mushkuldir,
Oson ko’pu mushkul-chi azal yo’q menda.

* * *

Ahvoli g’aribni betayin bilgaymi?
Dard lazzatin bedard his qilgaymi?
Mard kishining qimmatini mard biladi,
Nomard nazariga mardni hech ilgaymi?

Abusaid Abulxayr

[Umida Shodiyeva]

To bor ersa g’ayrating, yana bo’lsang mard,
Uy ichra ayoling asra yuqtirmay gard.
Gar mevali shox devordan oshsa ne dard
Tama qilar undan hamma – mardu nomard.

* * *

O’z nafsiga kim bo’lsa amir uldir mard,
Hech kimsaga bo’lmasa asir uldir mard,
O’tmak sira mag’lubni tepib mardlik emas,
Tutsa qo’lidan zabunni er, uldir mard.

Pahlavon Mahmud

[Xurshida]

Vaslingga umidvor bo'lib tashna dil
Hayollarga cho'mib oladi huzur
Hijron azobida bezovta ko'ngil
Yo yurak yorilib ketmaydi shukur
Qaniydi aylanib qolsam hilolga
Tunlar derazangdan termulib mushtoq
Seni o'ragancha nurli hayolga
Qalbingga ishq o'tin yoqardim shu choq
Mayli shamol bo'lsam va yo shaboda
Sochlaring to'zgatib , silab yuzlaring
Bulutlarga so'ylar edim samoda
Sening hayolingda bo'lgan kezlarim
Mayli ayoz bo'lay, mayli yoz bo'lay
Faqat visolingdan so'z ochgin gulim
Lablaringda qotib qolgan roz bo'lay
Sen bo'lsang yonimda yengolmas o'lim
O'lim nima o'zi? Ko'z yummoq halos
Huzurli hayoling shirin va maxzun
Senga yetmoq uchun umrim buncha oz
Sening hijronlaring umrimdan uzun!

[Masud Mahsudov]

Vaslingga umidvor bo'lib tashna dil
Hayollarga cho'mib oladi huzur
Hijron azobida bezovta ko'ngil
Yo yurak yorilib ketmaydi shukur...

Juda chiroyli sh'er yozibsiz, Rahmat... She'ringizni o'qib esimga tushib ketdi, studentlik paytlarimiz yozilgan she'r bor edi... :-)

Qani endi tulin oy bo'lsam,
Nurlarimni senga sochardim.
Sochlaringga yulduzlar taqib,
Muhabbatga keng yo'l ochardim.

Qani endi, shabboda bolsam,
Sochlaringni o'ynardim suyib.
Qani endi zilol suv bolsam,
Jamolingga qarardim to'yib.

Qani endi ko'z yoshing bolsam,
Kiprigingga qo'nardim asta.
Yuzlaringdan sekin o'rmalab,
Aylar edim dilingni xasta.

Qani endi kamaring bo'lsam,
Bellaringdan mahkam quchardim.
Ertakdagi humo qush misol,
Sening bilan ko'kka uchardim.

Qani endi dugonang bo'lsam,
Yuzlaringdan o'pib olardim.
"Shu yigitga qaray qol"- deya,
Aldab seni yo'lga solardim.

Bo'lsam edim sening yulduzing,
Charaqlardim senga kunlari.
Kitob bo'lib qolsam sen sevgan,
Uxlatmasdim seni tunlari.

Qani endi bo'lsam quyoshing,
Porlar edim umrbod sen chun.
Gulim, senga shudir tilagim:
Yashnab yurgin har qachon gulgun.

(c)... 1999 yil

[Umida Shodiyeva]

Yashil daraxt

Yaxshi odam – bir yashil daraxt,
Shoxlarida gurkirar iymon.
Yaprog’ida shovullaydi baxt,
Atrofida gurkirar osmon.

Suyib yelar shabbodalar ham,
Unga tashna cho’llagan damlar.
Ajab uning saxiy bag’rida
Qumursqaga, qurtga-da joy bor.

U yozg’irmas, nolalar qilmas,
Sabolarni kutib yashaydi.
Ahli hilol ahdi ila mast,
Sadolarni kutib yashaydi.

U ingramas, qilmas nolalar,
Kemirsa-da, qurtlar bag’rini.
Jonni omon qilib tursa bas,
Rizqmi? Rizqdan bo’lmas og’rinib…

Yaxshi odam – bir yashil daraxt,
Soyasida salqinlar osmon…
Shoxlarida shovullaydi baxt,
Barglarida yayraydi iymon.

Abdunabi Boyqo’ziyev

[Nigora Umarova]

Xavotir

Qullik ham qaramlik palla yo'qoldi,
Oqu sariq, qizil, malla yo'qoldi.
Jallodlar o'q otgan edi bir paytlar,
Sallalar yo'qolgan edi bir paytlar.
Qancha selu yomg'ir, jala yo'qoldi,
Sallalar keldiyu-kalla yo'qoldi.

Ya'ni masjidlaring bosgan xazonlar
To'zdi ketdi bari-qaytdi azonlar,
Juma namozlaring to'la ayvonlar.
Lekin qanday qilib, aytgin, insonlar,
Shuncha ulug' nurdan tola yo'qoldi-
Egri yo'llar aro bola yo'qoldi?

Fojiamas agar g'alla yo'qoldi,
Qo'yu qo'zi echki-gal yo'qoldi.
O'zbek, aylanayin nomingdan sening,
Qurgan baland-baland tomingdan sening,
Qasringni boshingga ko'tarib dod sol,
Axir Hayo degan qal'a yo'qoldi.

Sening uchun ozod bo'ldi-ku o'lkam,
Omading ko'rkamdir,
Qomating ko'rkam,
Senga havas qilib yashayman, ukam,
Zamon parvoziga ulgur, intil, yet,
Senga qanot bo'lur uchqur internet.
Faqat qalbing aro lola yo'qoldi,
Kitob degan yashil dala yo'qoldi.

Taraq-turuqlaru
Darang-durunglar,
Qayga borsang faqat puldan gurunglar.
Uzoq yashanglar-o',
Uzoq turinglar,
O'zbek bolalari sergak yuringlar:
Bugun eng qadimiy yalla yo'qoldi,
Ko'ngil beshigidan alla yo'qoldi.

Sirojiddin Sayyid

[Umida Shodiyeva]

Seni do’st tutdim

Yaqin bo’ldi osmonlar,
Yer yumshoq, tutsam bag’ir,
Zaif tortdi armonlar,
Seni do’st tutdim, sabr.

Yuragim bir kosadir,
Ko’zyosh o’tni bosadir,
Shayton o’zin osadir,
Seni do’st tutdim, sabr.

Kuydim kimni do’st aytsam,
Hikmat bo’ldi so’z aytsam,
Yuz burmassan yuz aytsam,
Seni do’st tutdim, sabr.

Tutgan kunim qo’lingdan,
Chiqdim dunyo to’rindan.
Ko’nglim omon o’limdan,
Seni do’st tutdim,sabr.

Dilorom Ergasheva

[Kahramon Jalilov]

Yoshligimda rahmatli san'atkorimiz Botir Zokirovning "Rano" ashulasini darslada hirgoya qilardim, hatto adabiyot fanidan imtihon topshirayotib shu ashula orqali yuksak bahoga erishganman shu qo'shiqning so'zlari:

Barnolar ichra, barno, Rano
Gulmisan gulyomisan,
Gulmisan gulyomisan?
Oshiqqa dildormisan,
Hamma gullardan alo Rano,..
Hamma gullardan alo Rano,..

Ne yigitlar shaydo, Rano
Bir kulib rom etding,
Qalbimni olovlatding , Rano
Humor ko’zlar shahlo, Rano…

Hayoti to’la, mano, Rano
Sinmasin yoshlik o’ti,
Ko’chamdan turgin o’tib.
Bahtingdan-bahtim paydo, Rano…

Barnolar ichra barno Rano
Gulmisan gulyomisan
Oshiqqa dildormisan Rano
Hamma gullardan alo Rano,
Hamma gullardan alo Rano…

[Xurshida]

Armon nima? Ayriliq, hijron,
Yoki tushga aylangan sevgi
Seng ketdingu yuragim vayron
Qaytmas qushga aylangan sevgi
Bilolmadim taqdirmikan bu
Muhabbatim tush bo'ldi ro'yo
Sen ketdingu yuragim vayron
Qaro tunga aylangan sevgi
Armon bo'lgan ishq ketar bo'ldi
Ushladigu tutib qolmadik,
Bu dunyoni takr etar bo'ldi
Bizlar baxtaga yeta olmadik...

"yomg'ir simfoniyasi" serialidan

[Xurshida]

Kiprigingda tomchi yoshing bo'lsam edi
Uzuk taqsang yonar toshing bo'lsam edi,
Ming yilda bir kelsa kelar mendek oshiq
Kulguchingdan bitta o'pib o'lsam edi..

Yomg'ir bo'lib tarnovingni shitirlatsam
Shamol bo'lib honpardangni qimirlatsam,
Tushlaringda ismim aytib shivirlatsam
Kulguchingdan bitta o'pib o'lsam edi...

Sirtmoq bo'lib sochlaringni sayronidan
Maydon qursang ohu ko'zing maydonidan
Jallod qilsang kipriklaring paykonidan
Kulguchingdan bitta o'pib o'lsam edi

Oshiqlaring tegirmonga solsang gulim,
Men telbani nishon etsa shirin o'lim
Yonog'ingni silab so'ng bor titrab qo'lim
Kulguchingdan bitta o'pib o'lsam edi...

Dukurlagan yugarimni chaqmoq qilib
Darvozangga osib qo'ysang bayroq qilib
"Sadoing"dan hoh so'rasang so'roq qilib
Kulguchingdan bitta o'pib o'lsam edi...

"Sadoiy"

[Umida Shodiyeva]

Bolam dema...

Nega chaman istamas yantoq, sahrosidan kelmaydi beri,
Axir qo’msar yongan shu ovloq, ne qilsa ham uning vatani
Shu bir yantoqchalik bo’lmasam, bolam dema vatanim meni.
Beshigimsan allalar aytgan, eshigimsan kuzatib kutgan.
Har balodan avaylab asrab, erkalatib kaftida tutgan
Xizmatingda turmasam seni bolam dema vatanim meni.
Fahrim mening shashmaqomlaring,chorgohlaring, sarag'borlaring
Savlatiga dunyo bosh eggan Samarqandu Buxorolaring.
Tarixingni bilamasam seni bolam dema vatanim meni
Xizmatingda turmasam seni bolam dema vatanim meni
Buyuk safar boshlading mana, har qadamda qilding tantana
Farzandlarin boshin silagan sendayin yurt ko’rmadim yana
Dilbandlarin boshin silagan sendayin yurt ko’rmadim yana
Agar qadring bilamasam seni bolam dema vatanim meni.
Xizmatingda turmasam seni bolam dema vatanim meni.

(Ozodbek Nazarbekov ijro etgan)

[Nigora Umarova]

Yoshligimda rahmatli san'atkorimiz Botir Zokirovning "Rano" ashulasini darslada hirgoya qilardim, hatto adabiyot fanidan imtihon topshirayotib shu ashula orqali yuksak bahoga erishganman shu qo'shiqning so'zlari:

Barnolar ichra, barno, Rano
Gulmisan gulyomisan,
Gulmisan gulyomisan?
Oshiqqa dildormisan,
Hamma gullardan a'lo Rano,..
Hamma gullardan a'lo Rano,..


O'tmishning shirin xotiralari... Retro. Botir Zokirov juda maroqli ijro etgan qo'shiq. Ushbu go'zal she'rni kim yozgan ekan? Biladiganlar bormi?

[Masud Mahsudov]

Yoshligimda rahmatli san'atkorimiz Botir Zokirovning "Rano" ashulasini darslada hirgoya qilardim, hatto adabiyot fanidan imtihon topshirayotib shu ashula orqali yuksak bahoga erishganman shu qo'shiqning so'zlari:

Barnolar ichra, barno, Rano
Gulmisan gulyomisan,
Gulmisan gulyomisan?
Oshiqqa dildormisan,
Hamma gullardan a'lo Rano,..
Hamma gullardan a'lo Rano,..


O'tmishning shirin xotiralari... Retro. Botir Zokirov juda maroqli ijro etgan qo'shiq. Ushbu go'zal she'rni kim yozgan ekan? Biladiganlar bormi?

:-)... Assalomu alaykum...

Bu qo'shiqning matnini Botir Zokirovning o'zlari yozganlar

[Nigora Umarova]

Шифойи васл кадрин хажр ила бемор уландан сур,
Зулоли завк шавкин ташнаи дийдор уландан сур.

Лабинг сирин келиб гуфтора мандин epuflby сурма,
Бу пинхон нуктани бир вокифи асрор уландан сур.

Кузи ёшлуларнинг холин на билсун мардуми гофил,
Кавокиб сайрини шаб то сахар бедор уландан сур.

Хабарсиз улма фатон кузларинг жаврин чеканлардан
Хабарсиз мастлар бедодини хушёр уландан сур.

Хамингдан шамтаък ёндим, сабодан сурма ахволим,
Бу ахволи шаби хижрон маним-ла ёр уландан сур.

Хароби жоми ишкам, наригиси мастинг билур холим
Харобат ахлининг ахволини хуммор уландан сур.

Мухаббат лаззатиндин бехабардур зохиди гофил,
Фузулий, ишк завкин завки bir вор уландан сур.

Мухаммад Фузулий

[Umida Shodiyeva]

Barcha forumdoshlarimizga, yaqinlashib kelayotgan O'zbek tilining 20 yillik navqiron yoshi muborak bo'lsin!


O’zbek tilim

Tug`ilibon dunyoni ko`rdim,
Ota-ona so`zin o`rgandim.
O`zbekligim shundan so`ng bildim,
Vatan, degan so'zni his qildim.

Mustaqillik farzandi o`zim,
Qatag`onni ko`rmadi ko`zim.
Taraladi tilimning madhi,
O'z tilimda aytaman so`zim.

Necha yillar o`tgan bo`lsa ham,
Qancha suvlar oqqan bo`lsa ham.
Qancha inson tilsiz bo`lsa ham,
Yoq'olmadi zabonim rangi.

O'zbegimning oddiy qiziman,
Bobolarim bosgan iziman.
Ham tilim, ham dilim o'zbekcha,
O'zbegimning issiq yuziman.

Navoiydan meros jon tilim,
Cho'lponlarni jo etgan tilim,
U Qodiriy,Usmon Nosir- U,
Peshonamga bitgan qon tilim.

Olam aro madhing tinglasam
Quvonchlardan ko'zlarimda yosh.
Agar sensiz qolsam shu qasam -
Soqovlikka beraman bardosh

Ona tilim - onam tilisan,
Kalomlaring bunchayam go'zal
Bobolarim yorqin yo'lisan,
Madhing uchun kam she'ru g'azal.

Bugun tilim, navqiron yoshing
Yigirmaga qarab ketibdi,
So’zingla xur-shodon bu dillar,
Qara qanday yashnab ketibdi.

Bugun sening tug'ilgan kuning,
Seni asrash bizning qarzimiz,
Kelajakka tutamiz uni,
Qarz qaytarish, axir, farzimiz.

Arjumandbonu

[Kahramon Jalilov]

O'tmishning shirin xotiralari... Retro. Botir Zokirov juda maroqli ijro etgan qo'shiq. Ushbu go'zal she'rni kim yozgan ekan? Biladiganlar bormi?
Bu asrning retro ashulasi bo'libgina qolmay haqiqiy shlyager bo'lgan bunday qo'shiq aytayotganlar hozirgi kunda juda kam uchrab turadi bunday odamlar 100 tadan 1 bo'ladi...
UzMTRK hodimlariga juda katta minnatdorchilik bildirib qolamiz chunki ular tez-tez shunday odamlar hayoti va ijodi ularning qo'shiqlari va matnlari tog'risida tez-tez ekran orqali namoish etib borishmoqda va kech ham Botir Zokirov va Sanobar Rahimovaning hayoti va ijodi ular ijro etgan ashulalarni hammasini qo'yib berishdi. Hammasi uchun rahmat va Masud aka aytganlaridek bu qo'shiqning matnini oz'lari yozgan ekanlar!!!!

[Behzod Saidov]

O'zbek tilining 20 yillik navqiron yoshi muborak bo'lsin!

Қанақа 20?! Бунақада, мен ўзбек тилидан олдин туғилган бўлиб қоларканман. :biggrin:

[Nigora Umarova]

O'zbek tilining 20 yillik navqiron yoshi muborak bo'lsin!

Қанақа 20?! Бунақада, мен ўзбек тилидан олдин туғилган бўлиб қоларканман.

Фикримча, "Ўзбек тилига Давлат тили мақоми берилганлигининг 20 йиллиги муборак бўлсин!", демоқчилар.

[OmoN]

Фикримча, "Ўзбек тилига Давлат тили мақоми берилганлигининг 20 йиллиги муборак бўлсин!", демоқчилар.
Шунақа ақлли гап айтган экан ипни нега тортасиз :) (с)Афанди латифаси

[Gulnora Voisova]

Қанақа 20?! Бунақада, мен ўзбек тилидан олдин туғилган бўлиб қоларканман. Саидов, узизмисиз?
Логин ва паролингизни баъзи бировлар (http://uforum.uz/member.php?u=6878) взлом килибдими деган шубхага бориб колдим :biggrin:

[Nigora Umarova]

Саидов, узизмисиз?
Логин ва паролингизни баъзи бировлар (http://uforum.uz/member.php?u=6878) взлом килибдими деган шубхага бориб колдим :biggrin:


Беҳзод, қаранг, сизни баъзи бировларга ўхшатишди. :-)
Омон шунақа дерди.

[Umida Shodiyeva]

Оффтоп:Қанақа 20?! Бунақада, мен ўзбек тилидан олдин туғилган бўлиб қоларканман.




Behzod aka, uzr! E'tiborsizligim oqibati. Keyingi safar biror bayram bilan tabriklayotganda albatta to'liq, tushunarli qilib yozishga harakat qilaman!

[Behzod Saidov]

Қанақа 20?! Бунақада, мен ўзбек тилидан олдин туғилган бўлиб қоларканман. Саидов, узизмисиз?
Логин ва паролингизни баъзи бировлар (http://uforum.uz/member.php?u=6878) взлом килибдими деган шубхага бориб колдим :biggrin:



Ўзим, ўзим. Паролимни баъзи бировлар взлом қилишига анча бор... :)

PS.: Нега форумда ў,қ,ғ,ҳ ҳарфларига эътибор бермайсиз? (http://uforum.uz/showthread.php?t=10601) (Илтимос, жавоб ўша мавзуда бўлсин.)

[OmoN]

Беҳзод, қаранг, сизни баъзи бировларга ўхшатишди. :-)
Кумушой, қаранглар Нигора опа сизларни уриштирмоқчилар :)
Паролимни баъзи бировлар взлом қилишига анча бор...
Вачааааааач :clapping:

[Nigora Umarova]

Ўзим, ўзим. Паролимни баъзи бировлар взлом қилишига анча бор... :)

PS.:
Нега форумда ў,қ,ғ,ҳ ҳарфларига эътибор бермайсиз? (http://uforum.uz/showthread.php?t=10601) (Илтимос, жавоб ўша мавзуда бўлсин.)


Behzod, mavzuning reklamasiga o'tibdilar. :-)
Klaviaturadagi har bir harfni o'ylab bosayapman, "Nimaga savodsizlashib ketyapmiz?" yoki "Нега форумда ў,қ,ғ,ҳ ҳарфларига эътибор бермайсиз?" mavzusining bosh qahramoniga aylanib qolmay deb.
Yoki Maestrodek tinchgina forumdan ketsammikin?

[Nigora Umarova]

Беҳзод, қаранг, сизни баъзи бировларга ўхшатишди. :-)
Кумушой, қаранглар Нигора опа сизларни уриштирмоқчилар :)
Паролимни баъзи бировлар взлом қилишига анча бор...
Вачааааааач :clapping:


Hurmatli Lutfillo Tursunov aytganlaridek, Omonning AYoQShda ancha-a-a tanishlari bor.

[Umida Shodiyeva]

Nigora opa!"Dildagi satrlar" da urush uyushtirilayaptimi?!

[Behzod Saidov]

Klaviaturadagi har bir harfni o'ylab bosayapman, "Nimaga savodsizlashib ketyapmiz?" yoki "Нега форумда ў,қ,ғ,ҳ ҳарфларига эътибор бермайсиз?" mavzusining bosh qahramoniga aylanib qolmay deb.
Yoki Maestrodek tinchgina forumdan ketsammikin?

Наҳотки шунчалик қийин бўлса бу ҳарфларни ёзиш....:shok:

[Kahramon Jalilov]

Nigora opa!"Dildagi satrlar" da urush uyushtirilayaptimi?!
Shaharda qizillar!!!:tatice_02:
Klaviaturadagi har bir harfni o'ylab bosayapman, "Nimaga savodsizlashib ketyapmiz?" yoki "Нега форумда ў,қ,ғ,ҳ ҳарфларига эътибор бермайсиз?" mavzusining bosh qahramoniga aylanib qolmay deb.
Yoki Maestrodek tinchgina forumdan ketsammikin?
Yaqin oralada o' (ў), q(қ)... harflariga moslahtirib klaviatura yaratsakmikin bu bo'rada men ko'proq qiynalarkanman desam mendan ham ko'proq qiynaladiganlar bor shekilli!!!

[Behzod Saidov]

Klaviaturadagi har bir harfni o'ylab bosayapman, "Nimaga savodsizlashib ketyapmiz?" yoki "Нега форумда ў,қ,ғ,ҳ ҳарфларига эътибор бермайсиз?" mavzusining bosh qahramoniga aylanib qolmay deb.
Yoki Maestrodek tinchgina forumdan ketsammikin?
Yaqin oralada o' (ў), q(қ)... harflariga moslahtirib klaviatura yaratsakmikin bu bo'rada men ko'proq qiynalarkanman desam mendan ham ko'proq qiynaladiganlar bor shekilli!!!

qaha111, цитатадан тўғри фойдаланинг. Юқоридаги гап менга тегишли эмас.

[Nigora Umarova]

Zaynabning nolasi

(Tohir Malikning "Shaytanat" asarini o'qib)

Alamlarga berdim uzun tunlarimni,
Savollarga tutdim kuyuk kunlarimni.
Kimsa bormi eshitmoqqa unlarimni,
Netay, o'shal Kumush bo'lolmadim.
Emasmidim axir gullar malikasi,
Orzusi oq, oy ko'ngilning bir bekasi.
Yo Rab, dilim ezar azob ko'lankasi,
Netay o'shal Kumush bo'lolmadim.
Sitamlardan sitilib ketdim, bilmadingiz,
Ota, nechun yuragimni tilmadingiz.
Kumush bo'lmoq istar edim, ko'nmadingiz,
Netay, o'shal Kumushbibi bo'lolmadim.
Yig'lab o'tmoq gunohsizning bitigimi,
Topganlarim kam dunyoning kemtigimi,
Suyanganim bir armonning eshigimi,
Netay, o'shal Kumushbibi bo'lolmadim.
Ne deb so'zlay, ne deb bo'zlay oh-zorlarga,
Yo boshimni topshiraymi huv dorlarga,
Dunyo, nechun og'ushing keng beorlarga,
Netay , o'shal Kumushbibi bo'lolmadim.
Tiriklikka aytar bo'lsam bir kun vido,
Yuragimda yig'lab ketar bir mung, nido.
Suyanganim, sig'inganim qodir Xudo,
Aytgil, nega Kumushbibi bo'lolmadim,
Aytgil, nechun Kumush bo'lib o'lolmadim.

Guljamol Asqarova

[Umida Shodiyeva]

Yoshligim ketmay qo’yaqol…

Yoshligim eshiging yopmay qo’yaqol,
Beg’ubor tuyg’ular ketmay qo’yaqol.
Sen-la xayrlashmoq istamas bi dil,
Ko’ngilga buyrug’ing bermay qo’yaqol.

Nechun ketayapsan yo, ranjitdimmi
Qalbing g’unchasini uzib qo’ydimmi?
Yoki sening pok tuyg’ularing,
Qadriga men yetmay qo’ydimmi?

Sen endi aytaqol, ne qilmoq darkor,
Axir, ko’z –yosh to’kish bo’ladi bekor.
Ho’p mayli, shartingga rozi bo’layin,
Seni sog’insam-chi, menga nima kor.

Orzularim, mendan ketmang yiroqqa,
Yetar tashlagani yoshlik firoqqa
Armonga alishmam sizni men aslo,
Endi, bir zumga ham qo’ymang qiynoqqa.

Ana, ketmoqdasan-ku hayr ham demay,
Go’yo bahor ila yana qaytarday.
Faqat, qalbimdagi bahorni olma,
Toki hotirang ila bir umr yashay.

Arjumandbonu.
(Umida.Sh)

[Nigora Umarova]

Daraxtga

hamon mag'rur o'sar bu daraxt,
Yerdan ancha olislab ketgan.
Boqolmaysiz hatto botinib,
Qulochlari samoga yetgan.
Ko'zyoshlarni suymaydi jini,
Yerda qolgan oqibat, mehr.
Omadlarga to'la umrini,
Bog'lab qo'ygan osmoniy sehr.
Tuyg'ulari tosh qotgan chandon,
Egilmaydi, bag'rin tilmaydi.
Tanasiga kun kelib kimdir,
Bolta urishini bilmaydi.

Guljamol Asqarova

[Kahramon Jalilov]

Dos'timning "Eng sara qo'shiqlarning she'rlari" daftaridan:

"Ko'rgim kelar"(Sevara Nazarhon)

Umr oqmas bir tekkisdadek,
Kimlarnidir hasrat yengadi.
Men toparman iroda va lek,
Ko'rgim kelar sizni negadir.
Hayot ko'hna dono muallim
Sadoqatli do'st bo'lar o'lim
Garchi sizdan yiroqdir yo'lim
Ko'rgim kelar sizni negadir
Tun, kutaman oydin, yulduzli
Kun, kutaman nirafshon isli
Dilimni ezdi, yolg'zilik
Ko'rgim kelar sizni negadir

Gog sevgidan toshgan daryosiz
Goh mehrga tashna sahrosiz,
Men bilaman siz ham tanhosiz
Ko'rgim kelar sizni negadir
Muhabbatdan mazmun erur erk
Bir armonga har kim egadir
Sizsiz menga barcha yo'llar berk
Ko'rgim kelar sizni negadir...

[Kahramon Jalilov]

Bilim qidirishga urdim boshimni,
Bekor o'tkazmadim umrimni birdam.
Qaydaki eshitsam ilmu-donishni,
Eshigi tagida o'tirdim mahkam.

N. Husrav

[Umida Shodiyeva]

Hayot hikmatlari

Ayol, farzand, og’a, do’st vafo qilsa baxt shuldir,
Tongga do’ngay tunlaring, zavqqa to’lgan –ko’ngildir.
Dushmandan ham yomondir o’zingdan chiqqan yovuz,
Sir bilguncha ag’yoring, “sirdosh” boshlar tajovuz.
Ozdan chiqqan baloga borolmaysan da’voga ,
Keng dunyo ham tor bo’lur, sig’massan hech ma’voga.
Uydan chiqqan o’t yomon, kulni ko’kka sovurgay,
O’zingdan chiqqan nomard yurak-bag’ring qovurgay.
Tole kularmi erga zid bo’lsa ayolu farzand,
Sharpasi yo’q shavqatning, mehrsiz o’sar dilband.
Tug’ishganlar me’ros deb unutsa gar vijdonni,
Biling, ular avvalo boy berishgay iymonni .
Nazari past nodonlar oqibatni bilmagay,
Qadringni urib yerga hech nazarga ilmagay.

Abdug’ani Sulaymon

[Kahramon Jalilov]

Yana dardkash dos'timning "Eng sara qo'shiqlarning she'rlari" daftaridan:
Sensiz (Ayriliq)

Ishq o’ti tunlari jonimni o’lar,
Sen ketsang vujidim hayotsiz qolar.
Seni kuta-kuta ko’zlarim tonar
Sensiz men dunyoga begonaman.
Sensiz men dunyoga begonadirman.

Har lahza nomoyon ko’zlaring sening
Menga aytgan har-bir so’zlaring sening
Yo’qoldi ko’chamdan izlaring sening
Sensiz men dunyoga begonaman.
Sensiz men dunyoga begonadirman.

Sen ketding qo’l berib hatolar bilan
Men qoldim yurakda yarolar bilan
Bu dunyoda so’nmas nidolar bilan
Sensiz men dunyoga begonaman
Bu dunyoda so’nmas nidolar bilan
Sensiz men dunyoga begonadirman

[Behzod Sulaymonov]

Singlimga

“Ko‘ngil” degan so‘zga qofiya “singil”.
Singlim!
Seni desam isiydi ko‘nglim.
Yurak xinaguldek o‘ynaydi engil,
Munisginam, singlim,
anisim, singlim!

Esimda
qirovlar bog‘lagan dala,
Tumanda adashgan ikki murg‘ak jon.
Paxta jondan aziz bo‘lgan mahallar,
G‘o‘zapo‘choqdek xor bo‘lgandi inson.

Jovdirab-jovdirab turarding qaqshab,
Qo‘lchalaring kuhlab isitardim men.
Tushida gapirgan tentakka o‘xshab,
Almoyi, poyma-poy she’r aytardim men.

She’r yupanch edimi, taskin edimi,
She’r afsun edimi, afsusmidi yo?
Sakkiz yashar dilga ilhom berdimi,
Achindimi xudo, kuldimi xudo?

“Ko‘ngil” degan so‘zga qofiya “singil”.
Singlim!
Seni desam isiydi ko‘nglim.
Xirmonin ko‘tardi bugun o‘ttiz yil,
Yana Farg‘onaga boshladi yo‘lim.

Sho‘x edim, urushqoq, bezori edim,
Haydalgan paykallar tayyor jangmaydon.
Qahramonligimni sen ko‘rsang derdim,
Maqtangim kelardi senga, singiljon.

Toki sen g‘ururlan akangga qarab,
Xotirjam bo‘l, sening himoyaching bor.
Dunyo bir tarafu o‘zim bir taraf,
Yana nima kerak?
Senga ne darkor?!

Munisginam singlim,
anisim singlim,
Tuyg‘u so‘zga ko‘chsa – siyqa, bachkana.
O‘ylasam buzilib ketadi ko‘nglim,
Uni she’rga solib turibman, mana…

Senga hasratimni qanday aytayin,
Sochga qirov tushdi kuzak kelmasdan.
Yomonga yaxshilik qildim atayin,
Yaxshiga yomonlik qildim bilmasdan.

Hamma yurakka tig‘ urar albatta,
Nishon sifatida kerakman asli.
Ne qilay, yuragim o‘zimdan katta,
Odam shaklidagi yurakman asli…

Qismat kimni siylar,
kimni kamsitar,
Kim obro‘ – martaba istab ovora.
Bechora emasdir majruh kimsalar
Aslida singlisi yo‘qlar bechora!

Meni shoir qildi o‘sha dalalar,
Meni paxtazorga ko‘minglar, o‘lsam…
Kechir meni, singlim,
g‘aflatda agar
Yomon kun yoningda bo‘lmagan bo‘lsam.

Sen borsan, yonimga kelolmas o‘lim,
Men borman, kulfatlar tentiraydi xor.
Ko‘nglimga eng go‘zal qofiya singlim,
Xotirjam bo‘l, sening Iqbol akang bor!

I. Mirzo (2006)

[Umida Shodiyeva]

O’rtanur

Nola qilgay gulga bulbul, dilda afg’on o’rtanur,
Termulib dildor yo’liga, chashmi giryon o’rtanur.
Bu jahon savdolaridan dard chekar har ahli dil,
Qayga boqsang, nokas shod, yaxshi inson o’rtanur.
Otashi ishq daxrida devona bo’lgan ul ko’ngil,
Na’rasidan, ne ajab, taxti Sulaymon o’rtanur.
Davlatim borida, ne tong, yoru do’stim ko’p edi,
Endi ta’na navzasidan dilda paykon o’rtanur.
Bir yorug’ nur izladim zulmat –zimiston ichrakim,
Bir to’lin oyni topolmay yetti osmon o’rtanur.

Abdug'ani Sulaymon

[Umida Shodiyeva]

Vatan sog’inchi

Qay oliy makonga safar qilmayin
Qay yiroq sohilga eltmasin qismat,
“Assalomu alaykum” deya jilmayib
Bir o’zbek qondoshim qarshilar albat.

Bizlar Kolomboga qo’nganda sahar,
Ilk bor u qarshilab parvona bo’ldi.
Shunda rutubatli , badbo’y bu shahar
Ko’zimga charaqlab Farg’ona bo’ldi.

Madorasda tilmoch ul o’zbekzoda
Barobar so’zlardi sakkiz tilda ham.
U oq xalat kiyib dorushshifoda,
Afg’on bolasiga qo’yardi malham.

Nur qasrini tiklab Furot uzra u
Arab xonasiga yoqardi quyosh.
Paxta o’stirardi Nildan olib suv,
Qalbida Afriqo filicha bardosh.

Misrda Yusufdek bo’lib ko’rindi,
Yamanda u menga tuyuldi Hotam.
Bu ayon tuyg’udir - na qilsa endi
Olovdek tashlanar ko’zga o’z odam .

Bukun olis yo’ldan qaytganim chog’da
Ilk satrimda sizni qildim muqarrar -
Ey, siz, jondoshlarim , yurtdan yiroqda
Yurtning xizmatiga bog’lanar kamar!

Bilaman, ne azob yuki hijronning,
Ne darddur oy-yillar bo’lmoq intizor.
Bilaman, sog’inchi O’zbekistonning,
Ko’zingiz tubida hamisha bedor.

U jahon ichida bitta jahondir,
Bir ko’rgan umrbod qilgusi havas.
Yerning tortish kuchi yengmoq osondir
Ona- Yer mehridan uzilib bo’lmas.

Do’stlarim, har qayda bo’ling salomat,
Omon qaytin uyga olis makondan.
Tilagim, hech qachon, hech qachon qismat
Bizni ayirmasin O’zbekistondan.

Erkin Vohidov

[olim]

ULUG`BEK IZDOSHLARI

Ulug`bekning izdoshisan,
Matematik talabam!
Bobokaloning ilmini,
Teran anglagin, bolam.

Ulug`bekning yulduzini,
Geograflar izlashar.
Ko`raganoy sabog`idan,
Yosh fiziklar so`zlashar.

Ona yerning qa’rini ham,
Geologdan zo`r bilgan.
Tuproq ilmin barini ham,
Biologdan zo`r bilgan.

Iqtisodchi xazinasi,
Kitobida bitilgan.
Kimyogarlar mo`’jizasi,
Ulug`bekdan kutilgan.

Shu “To`rt ulus tarixi”ni,
Tarixchilar o`rganar.
Juda zukko talabalar,
Ilm yo`lida o`rtanar.

Ko`p tillarni bilgani rost,
Bobokalon alloma.
Ey, xorijiy filologlar,
Sizga bo`lsin bu noma!

Xo`b donishmand edi asli,
O`zin falsafasi bor.
Yosh faylasuf do`stlarimga,
Buyuk ajdod ruhi yor!

O`z davrining qonunlarin,
Bo`lgan edi sultoni.
Huquqshunos talabalar,
Sizda Ulug`bek qoni!

Bitgan barcha asarlari,
Filologlarga saboq.
Ijod yo`lin yoritguvchi,
Jurnalistlar-chun chiroq.

Ey, Ulug`bek izdoshlari!
Buyuk ajdod naslisiz.
Oqqan daryo oqqan misol,
Bir kun uning aslisiz!

TO`LQIN ESHBEK
Mirzo Ulug`bek nomidagi O`zbekiston Milliy universiteti Axborot xizmati rahbari
www.uforum.uz (http://uforum.uz/showthread.php?p=291219#post291219)dan olingan.

[Behzod Sulaymonov]

Kuzgi yaproqlar

Kuz.
Keksa chol kabi yaproqlar horg’in,
Bukchaygan qo’lida hassasi ham yo’q.
Betavfiq o’g’ilday yomg’ir savalab,
Ko’rnamak kelinday shamol urar do’q.

To’ldiyu oxiri sabr kosasi,
Zamindan osayish istadi yaproq,
Manglayda boridan kechib bo’lmaskan,
Qochib bo’lmas ekan qismatdan , biroq.

Tabiat ko’rkini sezuvchi zotlar,
Olib borib uni o’tga tashlashdi.
Afsuslandi yomg’ir, kuyindi shamol,
Xato qilishganin kechroq anglashdi.

Ochiq ketgay ko’zdan chaqnagan cho’g’ni,
Siypalab-siypalab o’chirdi yomg’ir.
Kulidan kechirim so’radi shamol,
Zamin oppoq qorga qoplandi, oxir.


Bahodir Bahrom (O'zMU)

[Xurshida]

Orzulardan oppoq ko'ylak kiydirdi onang,
Oppoq harir ro'molingda nafis oq chechak,
Oq poyondoz, turfa gulga to'ldi ostonang
Bu dunyoning oq niyati sensan KELINCHAK!!!

[Xurshida]

Yurakka g'ulg'ula soldingu ketding,
Aqlimni bir zumga oldingu ketding.
Hayot sitamlaridan shikoyat qilsam
Yorimdan mosuvo qildingu ketding.

Ko'zlaring mastona soching shalola
Husnda ne turfa bo'ldingu ketding.
Armonga to'liqdir sevgi dostoni
O'qib hyratda lol qoldingu ketding

Ranglarga ko'milgan borliq aro sen
Bizlarni ne ko'yga soldingu ketding.
Sen o'zing emasmi fasli bahordek,
Shodlik taronasin chaldingu ketding...

Yurakka g'ulg'ula soldingu ketding,
Aqlimni bir zumga oldingu ketding...

************************

Yig'latding, yig'ladim , tinmas ko'z yoshim
Izn ber poyinga qo'yayin boshim,
Bir so'zni dam-badam takrorlar qalbim
Seni men uchun yaratgan Tangrim.

"Umrao jan" filmidan

[Kahramon Jalilov]

Dardkash do'stimning eng sara qo'shiqlarning she'rlari daftaridan:
O.Nazarbekov "Jiyda gulim"

Jiyda gulim, jiyda gulim
Jilvalari mayda gulim,
Onam bag'rim sog'indim men
Onamdayin suyda gulim.

Yo'limga ko'z tikar edi,
Poyimga gul to'kar edi. (Poyimga dil to'shar edi)
Onam rayhon ekar edi,
Ko'nglim o'shal o'yda gulim.

Ko'nglim cho'ksa hozir edi
Erkalashi huzur edi,
Ona desam jon der edi
Endi jondan qayda gulim

Kuyikligim kuyda edi
Bir oh desam shunda edi
Onam dardi manda edi
Maning dardim kimda gulim

Jiyda gulim, jiyda gulim
Jilvalari mayda gulim,
Onam bag'rim sog'indim men
Onamdayin suyda gulim.
Shu bolani onasi yo'q edi, to'ylada shu qo'shiqni juda maromiga yetkazib, ko'zida yoshlar bilan kuylar edi, she'rni yozgan shoir juda ta'sirli yozgan

[Tulqin Eshbekov]

Дилдаги гаплар шеърий сатрларга уланиши канчалик марокли эканидан дилим равшан тортди!

[Umida Shodiyeva]

Uyatchanlik.
Bu qaltis dard,
Ziyrak bo’ling,
Belgilari ayondir:
Bosh sal egik, qo’l ko’krakda,
Til chuchuk, yuz alvondir.

Ularga ko’p duch kelganman,
Ko’nglim darhol sezadi.
Uyatchanlar odob bilan
Yuragimni ezadi.

Mana, unga qarang!
Xushro’y ,
Mo’mingina boladir.
Poraxo’rmas, qo’lingizni
Qaytarolmay oladir.

Do’kondor ham ko’p uyatchan,
Qizil qog’oz qasdida
Bosh ko’tarmas.
Ikki ko’zi
Peshtaxtaning ostida.

Bu – odatdir,
Aslida u
Otalikka yarolmas.
Dada, deya chopib kelgan
Bolasiga qarolmas.

Hamkasbim bor –
Sohib ziyo,
El dardini tuyolgan.
Lekin haq so’z aytmoqqa u
Kattalardan uyalgan.

Bu amaldor ko’tarilgan
Kimlargadir suyalib.
Tramvayda yurmaydi hech
Xaloyiqdan uyalib.

Unga sira ish tushmasin,
Bag’ring qonga bo’yalar.
“Xo’p” degani tortinadi,
“ Yo’q” degani uyalar.

Muloyim zot sehrgardir,
Naqd qurboni bo’lasiz.
Kulib turib pichoq ursa
Rahmat aytib o’lasiz.

Uyatchanlik ega shundoq
Kishi bo’lmas quvvatga.
Bir uyatchan butun elni
Qo’yaolar uyatga.

Biz ulardan kulsak, ichda
Ular bizdan kuladi.
Bu kasalni yo’q qilmasak,
Juda uyat bo’ladi.

(“Umrim daryosi” . Saylanma)
Erkin Vohidov

[Umida Shodiyeva]

Tushungan odam

Kimga hasrat qilsam bag’rimni o’yib,
Kimdan yuragimga tilasam malham,
Ohista yelkamga qo’lini qo’yib,
Yupatar: sen o’zing tushungan odam.

Gohida alamim sig’may ko’nglimga,
She’r bo’lib to’kilar va lekin ey voh,
Qayga borsam she’rim qaytar qo’limga,
Tushungan odamsan, dunyodan ogoh…

Hayhot, deyman, addling shumi , ey Xudo,
Shundoq chizilganmi tarixingda odam?
Nogoh falakdan ham qaytar aks sado,
Axir sen tushungan odamsan, bolam.

Erkin Vohidov

[Tulqin Eshbekov]

Рахмат Олимжон, барака топинг. Хамиша шундай адабиёт фидойиси булишингизга тилакдошман!

[bekww]

* * *


Фақат омад камдан-кам жуда,
Юрамиз биз топиб, йўқотиб.
Гоҳо ясоғлиқ от устида,
Гоҳ пиёда, чангларга ботиб.
Яшилланар умр дарахтимиз,
Сарғаяр ҳам бевақт ёғса қор.
Шундай, гоҳо тожу-тахтлимиз,
Гоҳ кечириб бўлмас гуноҳкор.
Изҳори дил қиладир қушлар,
Биз уларни этмасмиз писанд.
Овунтирар бизларни тушлар,
Оҳ, у тушлар гоҳ берадир панд.
Гоҳ қип-қизил гулларга кўмиб,
Бир олам бахт йўллайдир олам.
Сипқорармиз кўзимиз юмиб
Зардоб тўла қадаҳларни ҳам.
Гоҳ кулиб, гоҳ қўл силтаб, куйиб
Ўтказармиз бунинг барини.
Ҳаётнинг шан марҳамати-ю
Рутубатли алдоқларини.
Оқарганда сочлар эслаймиз
Сархуш баҳор, куз ўтганини.
Кимларнидир рад этганмиз биз,
Кимлар бизни рад этганини.


ҲАЛИМА ХУДОЙБЕРДИЕВА
1967 йил 8 июнь

[Nigora Umarova]

Баданнинг шохидур юрак,
Онг ухлайди кечаси ахир.
Магар шу юрак халолдан булса,
Шу танада имон булур то охир.

Фахриддин Рожий

[Bekmirzo]

Qayda qoldi o'tgan kunlarim,
Tongni yig'lab kutgan tunlarim.
Ko'ksim yorib, otilib chiqib,
Samolarni tutgan unlarim...

Bekmirzo, 09.11.2009

[Nigora Umarova]

Кўздан йироқ тушса қош ҳам йиғларкан,
Дунёда кекса ҳам ёш йиғларкан.
Кимсасиз соҳилда кўрдим бир оқшом,
Ёлғиз бошим, дея тош ҳам йиғларкан.

Сирожиддин Саййид

[tornado]

Nechuk toqat qilay, do’stlar, bu dard ila bo’lub hayron,
G’amim boshqa, alam boshqa, yuragimni fig’on o’rtar.

Meni bexonumon tinmay kuyub har dam firoqingda,
“Nigoro!” deb oting aytsamki, shavqingdin zabon o’rtar.

Qayu til birla, ey jono, sening vasfing bayon aylay,
Tilim lolu ko’zum giryon, so’ngaklarni nihon o’rtar.

Na qattig’ kun ekan, dilbar, visolingdin judo bo’lmoq,
Mening ohim o’tig’a bul zaminu osmon o’rtar.

Yurakda dardu g’am qat-qatki, menda qolmadi toqat,
Agar bu zarrasin bul vaqt desam, ishqi bayon o’rtar.

Bu dard ila xarob o’ldum, kelib holimni so’rmassan,
Unum chiqsa yurakdin, bu tanu jon, ustixon o’rtar.

Bu Mashrab dardini, jonoki, hech kim boshig’a solma,
Agar mahsharda oh ursam, bihishti jovidon o’rtar.

Man yozmaganman. :) (qo'limdan kemidi)

[Umida Shodiyeva]

Qismat

Shirin bo’lsang, yalab ado qilurlar.
Achchiq bo’lsang talab ado qilurlar.
Yuragingda otash bo’lsa, beomon
O’z o’tingga qalab ado qilurlar.

Inson fe’li ajabdan ajab,
Yo’qdir unga mezonsiz olam.
Yulduzlarni o’lchar botmonlab,
Qarichlaydi cheksizlikni ham.

O’zi ega, o’zi qul mangu
O’zi topgan aqidalarga
Ne dey,hatto mangulikni u
Bo’lib chiqqan daqiqalarga.

Daqiqadan soatlar yig’ib,
Kunlar tuzib oy jam qiladi.
Yig’lamaydi umr o’tdi deb,
Yil o’tdi deb bayram qiladi.

Ko’paysa-da ajinlar harchand,
Oqarsa-da yillardan boshi,
Quvonadi – ko’paydi farzand,
Sevinadi – ulg’aydi yoshi.

Bu tugamas orzu – havasda
Bor umidbaxsh imonga asos.
Inson o’lmas.
Asta va asta
Farzandlarga o’tadi, xolos.

Erkin Vohidov

[Mubina]

HAPALAK
(Maxmur maxdum aloqador bo’lgan Hapalak qishlog’i sifatida)
Ey, jahondori zafar, kavkabai davri falak
Go’sh qil, qissai qishlog’i haroba Hapalak.
Turfa qishlog’i g’azabkardaki, parrandalari,
Toug’i ignachi-yu, o’rdagi g’ozi Hapalak.
Boru yo’q uylarni banda bayon gar qilsam,
Bir katak,ikki kappa, uch olachuk, to’rt katalak.
Dema uy, balki zaminkandur agar kirsa kishi,
Har taraf betiga urgaylar aning ko’rshapalak.
Xalqni ko’rsang agar o’lasi-yu, qoq-u harob,
Ochlikda egilib qomadi misli kamalak.
Ajrig’i tomirini o’girida maydon tuyub,
Qaynatib kunda ichar otini derlar sumalak.
Gar toharat qilsa qavmi suv topolmay nochor,
Betini qumla yuvib, ketiga surgay suvalak.
Ey, falakqadru adolat shiyami mulki malak,
Marhamat chog’ida rahm ayla ba holi Hapalak.
Kecha go’yo eshitib shuxrati tillo pulini,
Hapalak qurqusidan uchdi misoli kapalak.
Himmatining yo’lida bir kecha karomat qiligil,
Kapalak boz qo’nub joyiga bo’lgan hapalak.

[Lobar Pulatova]

YIGIT QASAM ICHMAYDI, YIGITNING SO’ZI QASAM
(Po’latova Lobar)

Quloq soling ey do’stim, hozir ushbu gapimga
Yigit qasam ichmaydi: yigit so’zi qasam
Muhammad Yusuf yozgan buni men sizga aytsam,
Keling shu dam bunga javob topamiz biz ham

Yigit qasam ichmasa nega bor bugun qasam?
Do’st ishonmasa senga ichasan darrov qasam.
Nodon bo’ladi ko’p vaqt qasamho’r deyishgan,
Aslida qasam emas ishonch kerak har dam!

Ahir yigit zotiga sajda qilgan malak ham,
Bir yuz yigirma to’rtming payg’ambar bor mujassam
Butun olam shohlari yigit bo’lgan, hozir ham
Olim-u fuzalolar naslidansan ko’rkam.

Alpomishdek tog’larni talqon qilganlar qancha,
Temurlardek dunyoda Sohibquronlar qancha;
Navoiydek kamtarin ma’rifatparvarlar qancha
Yana ularga to’ndu begonalar ham shuncha.

Yerdagi ilk buzg’unchi Qobilni bilmaysanmi?
Toshdek sajdada qotgan Firavnni ko’rmaysanmi?
Padarkush Abdullatif qonxo’rni eslaysanmi?
Shuncha kechmishni o’ylab javob ahtarmaysanmi?

Bugun og’a-inilar tersdir bir-biriga
Mehr oqibat emas, salom berar puliga
Ota-onasin eslab duo qilmas haqqiga
Bundaylarni ko’rib nima deysan sen menga?!

Guruch kurmaksiz bo’lmas kun ham kunduzsiz emas,
Agar o’ylab qarasang, yigitlarda ayibmas
Butun olam shohiga shohlar bordir yagona
Uning nomi ulug’dir bir mushtipar ona.

Bersa agar o’g’liga boldek go’zal nasihat
Gado o’g’li shoh bo’lar, Yaratgan qilar himmat
Agar ona bo’lsa, yaxshilikdan begona
Shoh o’g’lini qiladi xalqqa dushman nachora.

Yigit qasam ichmaydi qachon onasi boldak
Ichmaydi qasam sira otasi bo’lsa tirgak
Bobolarini bilsa, bilsa zo’r o’tmishini
Tarbiyaga amal qilsa, har dam, har kuni.

Yigit qasam ichmaydi: yigitning so’zi qasam
Arslon izidan yigit so’zidan qaytmas ekan
Ko’p so’z aytmasdan sira, ishni qilingiz ixcham
Chunki so’zingiz erur azaldan achchiq qasam.

[Mubina]

Keng tabiat peshtoqining ostida moviy
Ufq yuziga zarrin shu’la quyilar
Bu ko’rinish qandaydir sirli, samoviy
Afsonaviy aqidaga o’xshab tuyular.
Olislarga boqib, kungayga boqib,
Oq cho’qqini ko’rsang, oppoq tog’larni
Entikib ketasan, eslabon yohud,
Sen intizor kutgan bahor chog’larni,
Boychechaklar gullar ko’zing o’ngida,
Poyingga to’shalar qizg’aldoq-gilam.
Bu-ku, shirin tushdir, tushing so’ngida,
Uyg’onging keladi bahor-la, biram
Bahor-ko’ngillarning quvonchi, kulib,
Ko’zlarni kuydirar, biram nozlanar.
Borliqni betakror navoga ko’mib,
Ko’ngilning sozidek ajib sozlanar.


Feruza Fayziyeva

[tornado]

Куйдирмангиз, куйганларим булди етар,
кийногингиз минг азобдан утиб кетар,
Сиз кетсангиз, дил яроси битиб кетар,
Исмингизни юрагимдан олиб кетинг.
Тилагим шу, ёт ховлида тошдек котинг,
Узга ёрнинг кучогига ойдек ботинг.
Менинг севгим калбингиздан юлиб отинг,
Исмингизни юрагимдан олиб кетинг.
Юрагини эзманг йиглаб онангизни,
Дуосини олинг майли, отангизни.
Куйган кунгил кечди килган хатонгизни,
Исмингизни юрагимдан олиб кетинг.
Хотиралар юрагимни куйдирмасин,
Хаёлларим сизни менга суйдирмасин,
Кузларингиз ёрингизга билдирмасин,
Исмингизни юрагимдан олиб кетинг.

[Fariza Hasanova]

Ko`z bilan qoshing yaxshi, qabog`ingiz yaxshi,
Yuz birla so`zung yaxshi, bubog`ingiz yaxshi.
Eng birla mening yaxshi , saqoqingiz yaxshi,
Bir-bir ne deyin boshtin- ayog`ing yaxshi.

( Alisher Navoiy )

Yod etmas emish, kishini g`urbat kishi,
Shod etmas emish, ko`ngulni mexnatda kishi
Ko`nglum bu g`ariblikda shod o`lmadi, ox,
G`urbatda sevunmas emish, albatta, kishi.

( Bobur )

[Fariza Hasanova]

Oh kim, behad meni javr-u jafo aylar falak,
Furqat ichra qismatim dard-u balo aylar falak,
Yordin ayru mango ko`p mojaro aylar falak,
G`am ila guldek yuzimni qahrabo aylar falak
Bevafolar oqibati, kimga vafo aylar falak.

Nodira “Firoqnoma”

[tornado]

tepadagi she'rni bitta saytdan yozib olganman muallifini bilmayman

[Mubina]

“ Har kishining dunyoda oromi joni – tarbiya ,
Baxtu iqboli saodatining makoni – tarbiya .
Ey otalar jonlaringizdan aziz farzandingiz ,
G’ayrat aylang , o’lmasun vaqtu zamoni – tarbiya “
Abdulla Avloniy

[Mubina]

tepadagi she'rni bitta saytdan yozib olganman muallifini bilmayman

tornado! Hech bo'lmasa saytning nomini aytib o'ting!

[tornado]

73-guruh go’zal qizlari
Musaffo osmonning oy-yulduzlari

Guruhingizning umidi sizda
O’g’il bolalardan keyin albatta!!!!!!!!!!

bir yosh tajribasiz shoirdan

[tornado]

xudbinlik qilayapti deb o'ylamangu lekin saytning nomini yozsam sizlar bilib olasizlar. Keyin nima bo'ladi?Sizlar ham o'sha saytdan she'rlarni olib bu yerga yozasizlar. Keyin nima bo'ladi? Keyin raqobat boshlanadi. Raqobat yaxshi, lekin men sizlarga o'xshab, o'zim she'r yoza olmaganimdan so'ng, men hech bo'lmasa boshqa saytdan olib shu yerga yozishim kerak bo'ladi.
Xulosa chiqaring shu adolatdan bo'ladimi? Ya'ni men sizlarga o'sha saytning nomini yozishim demoqchiman.....

[OmoN]

Raqobat yaxshi, lekin men sizlarga o'xshab, o'zim she'r yoza olmaganimdan so'ng, men hech bo'lmasa boshqa saytdan olib shu yerga yozishim kerak bo'ladi.
Бу мавзуда ёзилган кўп шеърлар бошқа шоирларнинг ижоди бўлса керак.