Dildagi satrlar

[Nigora Umarova]

Unutmoq dardidan saqla, xudoyim,
Farzandni dunyoga keltirgach, yana
Xatolarin tuzatib borguvchi doim,
Har siyratda bo'lar to'rt ona.
Ona yurt-kindik qoni to'kilgan zamin,
Ona til- yaratgandan meros bir yorliq,
Hatto bir tup yovshanda tuyasan ta'min
Milliy odating, buncha chiroylik.
Hasratli zamonlar tilsa-da bag'ring,
O'zgarmasdir sening asl tarixing.

Quyoshga yetsa-da uchqur xayoling,
Gar unutsang, to'rt ona kechirmas.
Asramasang, shuldir sening zavoling,
To'rt onasin asramagan-to'da, xalq emas.

To'rt ona deb yashash bo'lsa qarz,
To'rt ona deb o'lmoq o'zi farz.

qozoq shoiri Muxtor Shoxonov

[Masud Mahsudov]

Болалик кунларимда,
Уйқусиз тунларимда,
Кўп эртак эшитгандим;
Сўйлаб берардим бувим.
Эсимда ўша дамлар:
Ўзи учар гиламлар,
Тоҳир-Зуҳра, Ёрилтош,
Ойни уялтирган қош.
Ўт боғлаган қанотлар,
Беқанот учган отлар.
Бахтиёр билан Ойгул,
Қиз бўлиб очилган гул,
Сўйлагувчи деворлар,
Бола бўп қолган чоллар...
Бувимнинг ҳар қиссаси,
Ҳар бир қилган ҳиссаси
Фикримни тортар эди,
Ҳавасим ортар эди.
Тинглар эдим бетиним,
Узун тунлар ётиб жим.
Сеза олардим кучин,
Кўпи ёлғон, кўпи чин.
Аммо Ойгул-Бахтиёр,
Эртагини у такрор
Қилар эди ҳар кечин...

(с) Ҳамид Олимжон, 1937

[Gulchehra Ibragimova]

Куйлаганди бир пайтлар Ҳофиз:
-Форс жонони гар этса карам,
Бахш этардим холига шу кез
Самарқанду Бухорони ҳам.

Лекин гўзал демишки кулиб:
-Харид этсанг магар холимни,
Ўлтирмагин савдосин қилиб,
Қайтариб ол арзон молингни.

Шоирлар ҳам суйганларига
Уларнинг бир ғамзаси ҳаққи,
Юлдузларни ипга тизиб ва
Минг ёлвориб этганлар тақдим.

-Ҳадя қилманг бизга юлдузни, -
Аёллардан таралади сас. -
Меҳр билан эркаланг бизни,
Ишқингизнинг ўзи бизга бас.

Келтирмангиз сандиқчада ҳам
Зебу зийнат, бебаҳо олмос.
Биз сизни деб ғусса чеккан дам
Кўз ёшимиз аритинг, холос.

Расул Ҳамзатов

[albatros]

Shodlikni kuylaganimning sababi

Shoirlarni ko'p o'qib chiqdim,
Bilmaganim qoldi juda kam.
O'qib chiqdim, chuvaldi fikrim,
Ko'raverib hammasida g'am.

Fuzuliyni oldim qo'limga,
Majnun bo'lib yig'lab qichqirdi.
VA NAvoiy tushib yo'limga,
Faryod bilan o'rnidan turdi.

Lermantovni tashlamadim hech,
Axir qo'yib oldim Hofizni.
Pushkin menga ko'rsatdi har kech
Yig'lab turgan bir cherkaz qizni.

Shekspirdan so'radim savol,
Javobini keltirdi Xayyom:
"Chunki g'amga oshinodir hol,
Qayg'u bilan to'lig'dir ayyom".

. . . . . . . . . . . . . . . . . . . .

O'yladim-u, uzoq qoldim jim,
So'ngra savol qildim o'zimdan
Daryo kabi toshib sevinchim,
Yosh tirqirab keldi ko'zimdan.

Shodlik yo'lga boshladi meni,
Baxtiyorlik bo'ldi odatim.
Shoir bo'lib shodlik va baxtni
Kuylamaklik zo'r saodatim.

Chunki elim qayg'uni bilmas,
Chunki yo'qdir Vatanda motam.
Ozod xalqim boshiga kelmas
Endi sira musibat va g'am.

Shuning uchun shodman bir umr,
Shuning uchun shodlik hamdamim.
Har kun ortar ko'zlarimda nur,
Shuning uchun yo'q aslo g'amim.

Men bilaman dushmanim kimlar,
Sergak bo'lim boqdim yo'limga.
Chunki, xalqim, barcha tilsimlar
Kalitini berdi qo'limga.

Hamid Olimjon.

[albatros]

Bugun erta turib tongni ko’rdim,
Oq shohi ro’moli boshida.
Ufq kiyintirib, go’zal falak,
Sochini taraydi qoshida…

Suqlanib qaradim tongning yuziga
Bir qarashda oppoq shohiga o’xshar.
Bir qarashda marmar… bir qarashda zar,
Bir qarashda esa sadafga o’xshar.

Tong ajoyib bir payt,tengi yo'q husn,
Go’zal tabiatning dilbar lavhasi…
Yil-kitob, har kunduz undan bir varaq,
Tong esa varaqning gul sarlavhasi.

Tabiat saharda misli bir g’uncha,
Tong esa g’unchaning ochilgan chog’i.
Yoki taxmin qiling: tabiat bir qiz,
Tong esa u qizning marmar yonog’i.

Tongning tasviriga rang bisotidan
Eng yorqin, eng go’zal mato sayladim.
Chunki tong saodat va nur keltirar,
Unga ilhomimni hadya ayladim.

Uyg'unning "Tong" she'ridan.

[albatros]

Gulsan-u o’zing.

Gulga hirsing juda zo’r emish,
Boshdan-oyoq gul emish bog’ing.
Gul bo’libdi ermaging faqat,
Arimasmish guldan quchog’ing.

Har narsaning o’z mantig’I bor:
Bulbulga gul kerk, gulag nur,
Ammo qachon eshitgan eding –
Gulga gul kerag-u, durga dur?

Modomiki mantiq shu ekan,
Nechun o’ynar gul desa ko’zing?
Nechun kerak senga bu gullar,
Gul yuzligim gulsan-u o’zing?

Uyg’un

[Nigora Umarova]

Ey quyosh, ko'rsat yuzing tundan bag'ir qonlanmasun,
Tun qarosi yor zulfidek parishonlanmasun.
Sahnai olamni ravshan qil yorug' nuring bilan,
Pardai zulmatni yirtib pora qil, jonlanmasun.
Bo'lmasin olam xarob ko'rsat jamoling partavin,
Xalqi hijronlanmasun, ko'z yoshi to'fonlanmasun.
Tohiro, har bir uzun tunning oxiri tongi bor,
Soch adolat nurini, el dog'i hijronlanmasun.

Sobir Abdulla

Ushbu g'azal "Tohir va Zuhra" musiqali dramasida Mahmudjon G'afurov tomonidan nihoyatda go'zal ijro etilgan

[Gulchehra Ibragimova]

***
Sendek menga bir yori jafokor topilmas,
Mendek senga bir zori vafodor topilmas. Bu shaklu shamoyil bila xud huru pariy sen
Kim, jinsi bashar ichra bu miqdor topilmas.
Ag’yor ko’z ollidaku ul yor ayon yo’q,
G’amxore ko’ngul ichrayu g’amxor topilmas.
Ey gul, meni zor etmaki, husnung chamanida
Ko’zni yumub ochquncha bu gulzor topilmas.
Bobur, seni chun yor dedi, yorlig’ etgil,
Olamda kishiga yo’q esa yor topilmas.

[Feruza Xodjayeva]

ЭНГ ГЎЗАЛ АЁЛ

Ҳар жойда бор тарози, меъёр,
Ҳар кимнинг ҳам ўз қаричи бор.
Аёлларга нисбатан мавжуд –
Шу жумладан турли эътибор.

Гўзаллик ҳам нисбий тушунча,
Ҳар ким айлар ўзича талқин.
Лек таърифлаб беролмас унча –
Ҳеч ким аниқ аёл хилқатин.

Гўзалинг айт, дунё, деганда,
Балки кўпдир андаза, мисол.
Лек андиша, ҳаё деганда –
Кўз ўнгимда фақат бир тимсол.

Узрлиман шундан эҳтимол,
Ҳар кимнинг ўз таъби, хаёли.
Дунёдаги энг гўзал аёл –
Мен учун бу – Ўзбек Аёли!

Бобур Бобомурод

[Feruza Xodjayeva]

БИР ГЎЗАЛ БОР

Бир гўзал бор, гўзаллардан зиёда,
Юз – кўзида парилиги ифода.
Илму одоб, ширин суҳбат, ҳаёда –
Бир гўзал бор, гўзаллардан зиёда.

Мен бечора уни қай дам кўрибман,
Кўрибману телба бўлиб юрибман.
Ким бўлибман – унга кўнгил берибман,
Бир гўзал бор, гўзаллардан зиёда.

Соғинганим сезмайди у, билмайди,
Билганда ҳам ё назарга илмайди.
Минг бор борсам, сўраб бир бор келмайди,
Бир гўзал бор, гўзаллардан зиёда.

Фарқ қилмадим ёниб бўлган кулбадан,
Ё унга зор минг ошиғи телбадан.
У шундай ҳур, шундай эрка, гулбадан,
Бир гўзал бор, гўзаллардан зиёда.

Билмайдики уни жондан севганман,
Уни сўраб жаннатлардан келганман,
«Жоним жони», «кўзим нури» деганман,
Бир гўзал бор, гўзаллардан зиёда.

Бир гўзал бор, гўзаллардан зиёда,
Ҳеч гўзалга тенг билмадим дунёда.
Шу гўзални севаман-да мен содда…
Бир гўзал бор, гўзаллардан зиёда.

Бобур Бобомурод

[albatros]

Ilhom

Yangi bir she'rni tugatgan edim,
Ikkinchisi kelib eshikni qoqdi.
Ilhom deganlari shu bo'lsa kerak,
Misralar qalbimga sel bo'lib oqdi.

She'r boshlab kelar sonsiz she'rni,
Turnalar uchganday bahor paytida.
Ilhom uchib kelar bol arisidek,
Xuddi bol yotgandek, shoir baytida.

Menga quvvat berar, hayot bag'ishlar,
Bu jo'shqin she'riyat, bu tug'yon, bu sel.
Baxtiyor bo'lardim she'rimdan agar,
Ozgina bo'lsa ham bahra olsa el!

Uyg'un.

[Gulchehra Ibragimova]

XABAR BERING OSHIQLARA...

Xabar bering oshiqlara,
ishqqa ko‘ngil bergan o‘zim,
Ishq g‘avvosi yangilig‘ tubsiz
ummonlara kirgan o‘zim.

Yer-ko‘k to‘lgan ishq erur,
ishqdin ulug‘roq yo‘q erur,
Ishqning bahosin kim bilur,
ma’dani kon bo‘lgan o‘zim.

Dengiz yuzidin suv olib,
suvni samoga yetkarib,
Bulutlarda sayron etib,
Arshga yaqin borgan o‘zim.

Ko‘rdim degan emas ko‘rgan,
bildim degan emas bilgan,
Bilgan Udir, ko‘rsatgan U,
ishqqa asir bo‘lgan o‘zim.

Qalam ne yozganin ko‘rgil,
xabar qanday erur, bilgil,
Qolu Balo eshigidan
bunda xabar bergan o‘zim.

Devonaman, otim Yunus,
ishq bo‘ldi menga qilovuz,
Haqqa yetay men yorug‘ yuz,
ostoniga borgan o‘zim.

YUNUS EMRO

[Nigora Umarova]

Кимнинг дилида бир ғами пинҳон бўлмас,
У мисли тирик мурдадир, инсон бўлмас.
Бор, дард сўра, бедардлик иллатдир,
Бир дардки, унга сира дармон бўлмас...

(Муаллифини билмайман)

[albatros]

Ko'zni qamashtirib, chaqnaydi atlas,
Naqadar dilrabo, naqadar ko'rkam!
Go'yoki atlasga butun husnini,
Butun jilvasini berganday ko'klam.

Nazarimda: barcha rangni kamalak,
Undan olgan chog'i: unga bir qarang.
San'atning kuchini namoyish qilmish.
Atlasni to'qigan "ustasi farang"...

Unda chamanlarning chiroyi mavjud,
U tovus patiday ming tovlanadi.
Go'zallik, mana, men! deganday bo'lib,
Ko'zni qamashtirib gul-gul yonadi.

Quyosh sarig'ligi, osmon ko'kligi,
Lola qizilligi aks etar unda.
Atlasda olamning husni jam bo'lmish,
Yuksak mahorat ham, san'at ham shunda!

Olovday lovillar, to'qigan usta,
Qalb haroratini unga berganday.
Ayniqsa atlasni ko'z-ko'z qilishib,
Go'zallar kiyganda ko'rsangiz, bay-bay!

Ming chiroy qo'shadi bir chiroyiga,
Butun hunarini ko'rsatib atlas.
Meni sehrlaydi atlas kiyganlar,
San'at parisiday qo'zg'atib havas.

Uyg'un.

[Gulchehra Ibragimova]

MUBTALO BO'LDIM SANGA
Ko'rgali husnungni zoru mubtalo bo'ldum sanga,
Ne balolig' kun edikim, oshno bo'ldum sanga.
Har necha dedimki kun-kundin uzay sendin ko'ngul,
Vahki, kun-kundin batarrak mubtalo bo'ldum sanga.
Men qachon dedim: "Vafo qilg'il manga" zulm aylading,
Sen qachon deding: "Fido bo'lg'il manga" bo'ldim sanga.
Qay pari paykarga dersen telba bo'ldung bu sifat,
Ey pari paykar, ne qilsang qil manga, bo'ldum sanga.
Ey ko'ngul, tarki nasihat aylading ovora bo'l,
Yuz balo yetmaski, men ham bir balo bo'ldum sanga.
Jomi Jam birla Xizr suyi nasibimdur mudom,
Soqiyo, to tarki joh aylab gado bo'ldum sanga.
G'ussa changidin navoe topmadim ushshoq aro,
To Navoiydek asiru benavo bo'ldum sanga.

[Alouddin]

Орзу
Орзу ўхшар капалакка –
Уни тутиб бўлмайди…
Қўл билан ушлаб бўлмас,
Уни ўпиб бўлмайди…

Ушладингми – бас, унинг –
Оҳори тўкилгайдир.
Хаёлингда тўқиган орзунг
Чок-чокидан сўкилгайдир.

Қўй, интилма орзуга,
Турсин шундай, узоқда.
Қўлда сўнар орзуинг-
Тушгандайин тузоққа.

Эришдингми, демак у –
Орзу эмас, мақсаддир.
Орзу – бу руҳ, бу – хаёл,
Мақсад – ҳақир жасаддир.

Орзу ўхшар капалакка –
Уни тутиб бўлмайди…
Туттингми, энди уни
Орзу деб ҳам бўлмайди…
Нафсий

[Gulchehra Ibragimova]

Jonim chiqadur dard ila, jononima ayting,
Men xasta gado holini sultonima ayting.
O'rtanmagu ko'z yoshiyu o'lmakturur ishim,
Bu qissani ul sham'i shabistonima ayting.
Qat-qat yuragim bog'ladi qon g'uncha meng'izlik,
Bu dardi dilimni guli xandonima ayting.
Qon yoshim erur yux uza yulduz kabi sonsiz,
Ul ko'zlari cho'lpon,mahi tobonima ayting.
Lutfiyi dilafkor tilar hajr eliding dod,
Ahvolini ul begimau xonima ayting.

[Gulchehra Ibragimova]

Arzimni aydim bodi sabog'a,
Yetkursa holim ul dilrabog'a.
Qilsa xudoyim ko'nglin muloyim,
Rahm aylag'aymu man mubtalog'a?!
Qilg'aymu xayrin o'z qo'li birla,
Borsam ko'yiga miskin gadog'a?
Dеdi raqiblar yorg'a yomonlab,
Soldi judoliq naylay arog'a,
Ko'nglumda yo'qtur zarra gumonim,
Kimki yomondur soldim xudog'a.
Holimni aytsam yorim inonmas,
Emdi qo'yubman yavmuljazog'a.
Yorsiz kishini firdavsi yo'qtur,
Suydim sanamni qoldim balog'a.
Dushmanlarining nozu, niamda
Parvarish aylab soldi g'inog'a.
Do'stini yorim ranju alamda
Qo'ydi el ichra javru jafog'a.
Miskin Huvaydo sabru tahammul
Aylab,hamisha yig'lar xudog'a.

[Gulchehra Ibragimova]

Sabo yеtkur salomimni qaddi sarvi ravonimg'a,
Qaro ko'zluk, qaro kokul o'shal shirin zabonimg'a.
Yotibdir bir g'aribi zor o'lib og'ishtai tufroq,
Bu holimni borib aytg'il mani oromijonimg'a.
Mani boshim ani yo'li arog'a har balo kеlsa,
Boqarman, ey birodarlar, qachon sudu ziyonimg'a?
Falak charxi uzildi-yu, yiroq soldi mani andin,
Qachon qo'shg'ay xudovandim aningdеk mеhribonimg'a?
Ani dardu firoqi o'lgucha mandin judo bo'lmas,
Taralmish jismima jondеk tamomi ustixonimg'a.
Huvaydoni firoqiga oni hеch kеlmadi rahmi,
Qaro toshlar su bo'ldi rahm etib oxu fig'onimg'a

[Gulchehra Ibragimova]

***
Ona qandoq o‘yin boshlab qo‘ydim men,
Qandoq savdolarga boshimni berdim.
Qandoq sahrolarda yurgandim ona,
Qirq yil tovonimdan tikanlar terdim. Hayot egib borar mag‘rur boshimni,
Boqsam yuragimda mislsiz dog‘lar.
Lekin havasimni keltirar mudom,
Birovga suyanmay yuksalgan tog‘lar.
Men axir tuproqdan kuch olgan qizman,
Tuproqning ichida qotgan suyagim.
Onajon, bu o‘xshash qismatni qara,
Otamning qo‘lidek qadoq yuragim.
Hamon bolaligim chorlaydi meni,
Hamon turnalarga kelar havasim.
Men mudom go‘dakka o‘xshayman ona,
Oyning yog‘dusiga o‘xshar nafasim.
Hanuz maysalarning boshini silab,
Shivirlab aytaman: Nurdek tozaman.
Mudom kapalakka egizdir ruhim,
Hamon yaproqlarga she’rlar yozaman.
Biroq qandoq o‘yin boshlab qo‘ydim men.
Bu qandoq janggohdir yeyar ruhimni.
Har tongki ortimga qarab aytaman,
Men bu olovlardan omon chiqdimmi?
Tobora ruhimni ezar bir azob,
Har lahza ruhimda chaqmoqda chaqin.
Bo‘g‘zimga qadalib kelmoqda bir oh.
Tobora boshimga qilichlar yaqin,
Onajon, men bir kun osmon bo‘laman,
Sen ishon ruhimda gullaydi bog‘lar.
Axir, havasimni keltirar mudom,
Hech kimga suyanmay yuksalgan tog‘lar.



Guljamol Asqarova

[Gulchehra Ibragimova]

***
Umrimni o‘tkinchi saboga berdim,
Eng so‘nggi chaqamni gadoga berdim,
Bu telba ruhimni Xudoga berdim...

Sabo olib bordi, gadoga berdi,
Gado yig‘lab bordi, Xudoga berdi.
Xudo meni senga xatoga berdi,

Sen meni kimlarga berding, Azizim?

Zebo Mirzo

[Kahramon Jalilov]

Менинг севгим...

Умидимнинг олис-олис юлдузларида,
Юрагимнинг сохили йўқ денгизларида,
Ёлғиз сени-сени излаб яшаган эдим,
Менинг севгим, менинг севгим.

Бахор бўлиб боғларимга гул тўшар эдинг,
Хаётимни ёритган бир нурга ўхшар эдинг,
Афсус энди сени-сени йўқотиб қўйдим,
Менинг севгим, менинг севгим...

Қизғонардим сени хар тонг эсган шамолдан,
Сени олиб кетай дердим ёлғон хаёлдан,
Шошар эдим, лекин сендан олис манзилим,
Менинг севгим, менинг севгим...

Бахор бўлиб боғларимга қайтармикинсан,
Ўзимга дил сўзларинг айтармикинсан,
Афсус сени-сени энди йўқотиб қўйдим,
Менин севгим, менинг севгим

Излаганим-топмаганим,
Соғинганим-йетолмаганим,
Ўйлаб-ўйлаб толмаганим,
Менинг севгим, менинг севгим...

[мафтун]

Менинг севгим...

Узр,
кўнглингизга олмасангиз,
ушбу шеър қайси вазн ё жанрда?

сал ақлим етмади...

[Nigora Umarova]

Менинг севгим...

Узр,
кўнглингизга олмасангиз,
ушбу шеър қайси вазн ё жанрда?

сал ақлим етмади...

Ushbu she'r qo'shiq tarzida kuylangan. (http://utube.uz/video/2c6f0663cb0b73c/%D0%A5%D1%9E%D0%B6%D0%B0--%D0%98%D0%B7%D0%BB%D0%B0%D0%B3%D0%B0%D0%BD%D0%B8%D 0%BC)
Qo'shiqning she'rida vazn nima qiladi. Erkin she'r bo'ladi. Ohangga tushsa bo'ldi-de. ;)

[Nigora Umarova]

https://img.uforum.uz/images/eclugew4545207.jpg

Shoira Marhabo Karimova bilan bo'lgan bir uchrashuvimizda opa "Eng go'zal qarg'ish" va "G'alati san'at" she'rlarini o'qib bergandilar. Quyida e'tiboringizga ana shu she'rlarni havola qilaman.

[Nigora Umarova]

G'alati san'at

Bolangizni qarg'amang,
Duo qiling bolani.
"It", "eshak" deb so'kishga,
Hayo qiling, bolani.

Rasululloh derdilar,
Yuzlaridan yog'ib nur:
"Bolalalar bu-jannatning
Gulu rayhonlaridir".

To'g'ri ba'zida "Gulu
Rayhon"lar ham kuydirar,
Sho'xligi oshib ketsa,
Joningizdan to'ydirar.

Bobom derdi: "Bolani
So'kmoq asli emas ep,
Jahlingiz chiqsa ayting:
"Nodon" yoki "Xumpar" deb.

"Boy bo'lgur", "ko'paygur" deng
Aslo demang "o'l", "La'nat",
Shuni bilib qo'yingki,
So'kinish ham bir san'at.

Qaniydi, payg'ambarday
So'ksangiz, qilsam huzur
Ul zot derdilar, so'ksa:
"Burning yerga ishqalgur".

Tildan chiqqan har so'zda,
Ma'rifat, ziyo bo'lsin,
Hatto so'kishingiz ham,
Yaxshi bir duo bo'lsin.

Ixlos bilan qilingan,
Har niyating ushalar.
Har so'zga ko'kda "Omiyn!",
Deb turar farishtalar.

"It" desangiz, it bo'lib,
O'zingizni qopadi.
"Eshak"dan eshak, har kim
O'z tilidan topadi.

Farzandingiz bilan el
Faxrlanib yashasin,
Itu eshak fe'llardan,
Parvardigor asrasin.

Olim, shoir, hunarmand,
Polvon bo'lsin bolalar
Yurtga kerakli, halol
Inson bo'lsin bolalar.

Bolangizni so'ksangiz,
"Poshsho bo'lgur" deb so'king,
"Olim bo'lgur", "Xizrga
oshno bo'lgur", deb so'king.

Og'izdan chiqqan har so'z,
Marhabo, bilki, kushod.
Inson ma'rifatini
O'lchaydigan darajot.

Marhabo Karimova

[Nigora Umarova]

Eng go'zal qarg'ish

Bir sahroyi ayolning
Og'ilchasi sho'x ekan.
Undan zarar ko'rmagan,
Biron kuni yo'q ekan.

Qozondagi taomin,
Tepib qochib ketarkan.
Meshidagi suvini,
Sepib qochib ketarkan.

Qarg'ar ekan bolasin,
Qilolmasdan epini,
Qirqib qochganida kir
Yoyadigan ipini.

"Hoy, ipimni qirqmagin,
Qalbingga ilm to'lgur.
Hoy, meshimni teshmagin,
Ka'baga imom bo'lgur!

Sichqon dumin kesmagin,
Beozor bo'l, to'g'ri yur.
G'arib yo'lin to'smagin,
Ka'baga imom bo'lgur".

Demas ekan: "Juvonmarg",
"Haromi", "Maraz", "O'lgur",
Bitta ekan qarg'ishi:
"Ka'baga imom bo'lgur!"

Niyat ketdi, vaqt o'tdi,
Misli yel yo shabada,
Shu onaning, shu o'g'li
Imom bo'ldi Ka'baga.

Ne-ne shohu sultonlar,
Orqasidan turib g'oz.
Unga iqtido qilib,
O'qir edilar namoz.

Duo-la shum boladan,
Chiqdi bir xush nafasli
Olim, hofizi Qur'on-
Abdurahmon Sudaysiy.

Nazoratda insonning,
Har so'z, har bir nafasi,
Ibrat bo'lsin bizga bu
Ollohning mo'jizasi.

Komil inson ko'rdingmi,
Marhabo, bilki ular-
Ota-ona, elidan
Duo olgan bolalar.

Marhabo Karimova

[albatros]

Tong titraydi kech kuzakning quchog'ida,
Yulduzlarni o'chirmoqqa gulgun shafaq.
Jonim, qalbim she'riyatning pichog'ida...
Zamin tilsim, Osmon tilsim... she'r - beshafqat!

Men qiynaldim. Xayolimning qanotida,
Dengizlarni ko'targancha tolib, uchdim.
Yuzduzlarni ko'p ko'rganman hayotimda,
Dengizdagi yulduzlarni keldi quchgim.

Ko'kka boqdim, o't tutashdi jonim aro ...
Qat-qat bulut qatlarida ne sir asror!
Hayrat ichra o'ldirgusi meni samo,
Ona zamin, ucha qolay, qo'yib yubor!

Men yor dedim...Laylimi yo, Shirinmi yo!
Yoki endi tug'ilajak biror malak?
Mana, men, deb ko'z oldimda bo'ldi paydo,
Mana, men, deb she'rdan boqdi yakto yurak.

Yulduzlarni o'chirmoqqa gulgun shafaq,
Tong titraydi kech kuzakning quchog'ida.
She'r yozilar... Qiynoq, senga bo'lsin sharaf,
Jonim, qalbim she'riyatning pichog'ida...

Hali butun ro'yi jahon she'r bo'lajak,
FAqat bekor bilib orom quchog'ini -
Bu dunyoni sirga ko'mib yashash kerak,
Qalbga sanchib she'riyatning pichog'ini!

Usmon Azim

[Nigora Umarova]

Qaynoq harorating ketdi dilimdan,
Erib muzlarim ham cho'zilmas endi.
Toshlarga aylandim, hissiyot nima?
Nahot hur taftlari ta'sir qilmaydi?

Voz kechdim ko'ngil bu o'yinlaringdan
Sevsang ham farqi yo'q, sevolmasang ham.
Harorating ta'sir qilmaydi endi
Bilsang ham farqi yo'q, bilolmasang ham.

Endi rohatlandim chilla quyoshi
Bo'lsang ham farqi yo'q, bo'lolmasang ham.
Yoshlik o'tib ketdi manzillaringdan
Kelsang ham farqi yo'q, kelolmasang ham.

Endi begonasan bu ko'ngilga do'st
Qolsang ham farqi yo'q, qololmasang ham.
O'zga olamdaman-tushlarimdaman
Kirsang ham farqi yo'q, kirolmasang ham.

Kelgil borlarimni butkul aytaman
Garchi ushbu damda huvillagan dil.
Minginchi bor senga yonib qaytaman
istasang farqi yo'q, istamasang ham.

Beshir Guney

[Alouddin]

TUSHLIK TANAFFUS
Sokingina yashar edi u – na shodligi ayon, na dardi.
Tongda to’g’ri ishga borar u, oqshom to’g’ri uyga qaytardi.
Ulfati yo’q, ko’cha kezmagan, maishat ne - bilmagan odam.
Birov sezib, birov sezmagan – borligi-yu yo’qligini ham.

Bir mo’minga doim bir qotil esh bo’lganday yorug’ dunyoda,
Manglayiga bitgandi xotin – azozildan ming bor ziyoda.
Cho’ntagiga erning to’rxalta, qulog’iga solib olam gap,
Ro’yxat qog’oz bilan albatta, kuzatardi har kun ertalab.

Sodda, oriq, noshud, kichkina, har kun uyda o’tirib oqshom,
Gazetdan ko’z olmay, tinchgina, eshitardi xotindan dashnom.
Tiriklikning tashvishi, g’ami hammani ham qilgandek ado,
O’chdi bir kun umrning shami, bu olamdan ketdi benavo.

Xotin ko’zni ochib g’aflatdan, bildi – tayanch to’gi yo’qoldi.
Shaddod xotin shunda daf’atan – mushtiparga aylandi, qoldi.
Ko’rgilikning bari daf’atan, qazo boqmas nolayu zorga,
Mana, u ham bir kun odatan, sham ko’tarib keldi mozorga.

Qudrat tilang uning sabriga, uni kutar bunda turfa hol:
Qotib qoldi – eri qabriga sham yoqardi o’zga bir ayol.
Qotib qoldi. To’plab, nihoyat, bor makri-yu irodasini,
Yashiroldi ko’zdagi hayrat va hayajon ifodasini.

Ayol sari yurdi beparvo. Salom berdi, so’rab kechirim.
Dedi ko’ngil olgandek go’yo: “Kim bo’ladi bu odam?” -“Erim”...
“Erim” – bu so’z xotin qalbiga – olovli o’q bo’lib sanchildi,
Endi bildi, er uni nega – xush ko’rmasdi, ha, endi bildi.

Nahot shunday beozor odam, nahot bo’lsa boshqa xotini,
Qani endi shundan keyin ham, oqlab ko’ring erkak zotini.
Qani endi go’rni ochsa-yu, bevafoni tutsa so’roqqa,
So’ng eriga qo’shib mana bu – megajinni ko’msa tuproqqa.

E voh, ayol g’azabidan ham, makridan ham asra xudoyim,
Yondirsa-da ichini alam, savol so’rar yana muloyim:
”Bolalar-chi?” -”Qolmadi yodgor. Menga uning yodi kifoya.
G’ayriodat ishq bu betakror, eshitsangiz qilay hikoya.

Men u bilan tushlik chog’ida, oshxonada dastlab ko’rishdim.
Men stolning nari yog’ida, u – bu yoqda o’tirgancha jim.
Ovqatlandik ertasiga ham, indini ham shu bo’ldi takror.
Yettinchi kun deganda ilk bor, ”Yaxshimisiz”,- dedi bu odam.

Tanishuv kyn bo’ldi bu bizga, salomlashib yurdik necha kun.
Kechirasiz, ne bo’ldi sizga? Titrayapsiz, singiljon, nechun?”
”Hechqisi yo’q, sovqotdim bir oz. Davom eting...” –”Xullasi kalom,
Bir-birovga o’rgandik oz-oz, bir-birovga bog’landik tamom.

Shunday ekan qismat xohishi. Men ham edim dunyoda tanho.
U kamtarin, beozor kishi, dardlarimga bo’ldi oshino.
Men-ku yolg’iz edim – na otam, na onam bor, na oilam bor.
Yolg’iz ekan dunyoda u ham: farzandlar – g’o’r, xotin – dilozor.

Sodda, noshud, ko’rimsiz, ammo – uning qalbi bir olam edi.
Teran fikrat, hislar – musaffo, fidoyilik jamul-jam edi.
E voh, qadrin bilmadi dunyo. Loyda yotgan dur edi bu zot.
Mening zulmat hayotim aro “yarq” etgan bir nur edi bu zot.

Dardlashardik bechora bilan, ikkimizda nadomat, afsus.
G’am-anduhlar izhori bilan – o’tar edi tushlik tanaffus.
U so’zlardi – men tinglar edim. Men so’zlardim – kuyardi u ham.
Gohi uzoq o’tirardik jim, ko’zimizga cho’kib tubsiz g’am.

Mening ko’zim derdi: Ey aziz, qayda eding o’ttiz yil avval?
Uning ko’zi derdi: Foydasiz. Bu dunyoda baxt yo’q mukammal.
Mening ko’zim derdi: Men muhtoj. Qidirgandim seni bir umr.
Uning ko’zi derdi: Na iloj. Kech bo’lsa ham ko’rishdik, shukr.

So’rsalarki, qay vaqt saodat bo’lgan sening umringga oshno?
Derdim: besh yil, har kun bir soat, faqat tushlik tanaffus aro.
O’zga makon, o’zga zamonda, paydo bo’lgan olis yulduzlar -
El ko’zidan pinhon osmonda ko’rishgandek faqat kunduzlar.

Bu ham turmush... mana, nihoyat, judo bo’ldik. Bor gap shu, singil.
Tamom bo’ldi dardli hikoyat...”

Oqshom cho’kar, tushar qorong’u, xazonlarni supurar shamol.
Yarimta oy surgancha xayol, sokingina taratar yog’du.
Qabristonda qolmagan odam. Huvillagan sukunat aro –
Bir qabr uzra yonar ikki sham... Ikki ayol yig’lar besado…


Erkin Vohidov

[Gulchehra Ibragimova]

FIRUZA
Kelmading.
Qushlar ko'chib ketdi qoshimdan,
Tushlar cho'chib ketdi yoshimdan,
Hushlar uchib ketdi boshimdan,
Kelmading.
Xazonlar to'p bo'ldi yillab men uchun,
Osonlar yo'q bo'ldi yillab men uchun,
Armonlar ko'p bo'ldi yillab men uchun,
Kelmading.
G'amlarning bariga to'zdim - chidadim,
Namlarning bahrida suzdim - chidadim,
Damlarning shahdidan o'zdim - chidadim,
Kelmading.
Kunlarim hijronga o'qdek yoqqanda,
Ruhim oti qonga cho'g'dek botganda,
So'nggi o'qni jonga o'zim otganda,
Sen kelding uzr so'rab:
Sen kelding nechun?!

Omon Matjon

[Gulchehra Ibragimova]

ESHIGINGDAN O'TAMAN...

Kuz yoysa ham yo'llarga xazon,
Qor ko'msa ham borliqni butun,
Ko'klam kelib,ursa ham xandon,
Eshigingdan o'taman bir kun.

Sochlaringga tushsa hamki oq,
Peshanangni bossa ham ajin,
Kirganda ham gavdangga titroq,
Eshigingdan o'taman bir kun.

Mayli,shunda tanimasang ham,
Yoki desang ko'rmayin turqin,
Yoshim yutib,boshim qilib xam,
Eshigingdan o'taman bir kun.

Meni demay yumsang ham ko'zing,
Xonang qolsa zulmatga tutqun,
Xotirangga sham bo'lib o'zim,
Eshigingdan o'taman bir kun.

Vaqtim etib chiqsa bu jonim,
Dardlarimga yasalsa yakun,
Bu dunyoni tark etar onim
Eshigingdan o'taman bir kun.

Omon Matjon

[Gulchehra Ibragimova]

TUYG'ULAR
1
Bo'ron do'stim nechun jimsan
Nechun jimsan Chaqmoq ukam
Singlim sukunatning boshida
2
Men sening ko'zlaringga qarayman
Sen o'zgalarga
Kimning ko'zlaridan izlaysan meni
3
Tovushlarga ko'milib qoldim
Zalvor qorli tovushlarga
Junjiktirar oyning nolasi
4
Ostonamda yotar do'stimning iti
Yulduzlarga qarar Eh o'lmagur do'stim-ey
Marhum do'stimning iti
5
Seni topgunga qadar
Qanday yashadim men
Nahotki yashadim
6
kunduz chiq-chiq-chiq
kecha chiq-chiq-chiq
O'lmagan sening joning
7
Ko'zimga nechun to'r tashladingiz
Nechun arqon tashladingiz
Kiprikmi shular
8
Bir yoqlarga ketmaysanmi uchib-uchib
Yurasanmi is bosib qorayib
Sho'rlik shaharlik chumchuq
9
Nima desam ekan senga Shamol
Nima desam ekan Boychechak
Bir oz jim turish mumkinmi
10
Buncha yugurasan yelasan qo'shnimning kuchugi
Ko'zlaringga shodlik to'lib qolgan
Baxtlimisan shuncha
11
Bir aqlli-ey mana bu qurmagur
Bir chiroylikki mana bu
Bular ham tug'ilganmikin
12
Chars-chars yonaver nimjon olov
Qo'llarimni qalayman
Begona emasmiz har qalay
13
Men seni sevamanmi Bilmayman
Sen mangulik nafassan -
'Bilmayman' degan
14
Og'zimga eng xushbo'y havolarni to'ldirib
Yiqilib turib chapayapman
Sen tomon jonim
15
Har kun huzuringga kelaman
O'ltiraman soatlab
Sen meni tushunishing kerak Chinor
16
Daf'atan yomg'ir yog'ar Tinar daf'atan
Daf'atan yer yiqilib tushsa
Nahotki shu qadar dushman - daf'atan so'zi
17
Tovushlarning rangiga qarang
Qarang tez ranglarning tovushiga
Bu sho'rlik oy ham shoirmi deyman

Rauf Parfi

[Gulchehra Ibragimova]

XATO QILDIM

Xato qildim, sevgilim,
Xato qildim beomon.
Yo'q endi borar yo'lim,
Bog'imda so'ldi gulim,
Bag'rimga to'ldi xazon.

Xato qildim, sevgilim,
Xato qildim bilmasdan,
Qani yutilsa tilim,
Qaltirab turar qo'lim.
Jigarimni yulmasdan.

Xato qildim, sevgilim,
Xato qildim bilmasdan.
Men suyib xato qildim,
Men kuyib xato qildim.
O'lib xato qilmasman...

SATRLAR

Men sening ko'zlaringga qarayman,
Sen o'zgalarga.
Kimning ko'zlaridan izlaysan meni?

Rauf Parfi

[albatros]

Uchliklar

"Och qoldimi begim"
Erini o'ylaydi ayol
Ketmonga suyanib...

* * *

Kimdir seni g'iybat qilmoqda
Yana kimdir maqtaydi chunon
Demak sira yolg'iz emassan.

Farida Afruz.

[Gulchehra Ibragimova]

БЕГИМ, СИЗНИ ХУДОЙИМ...

Бегим, Сизни худойим расо қилиб яратган,
Кимларнидир ўйчану сизни кулиб яратган.
Ногаҳон бериб қўйиб бу ақлни, камолни,
Ўзи ҳам рашк, ҳасадда тўлиб-тўлиб яратган.

Қия тушган нигоҳни армонга йўймагайсиз,
Қиз қалбига севмоқни осонга йўймагайсиз,
Қийнамангиз, у ўзи ўртангувчи бир бағир,
Бу бағирни кенгликда осмонга йўймагайсиз.

Сиз худдики Фарҳодсиз, Ширин қайдадир, бегим,
Орзуларим дилда-ю нолам найдадир, бегим.
Сиз десам бар тутқазмай сочилган ўйларимдай,
Бу тонг қаро сочларим майда-майдадир, бегим.

Сизни мен ўзимга ҳам лойиқ кўрмам, рости гап,
Ўзгага бермоқ эса тушимга кирмас ухлаб.
Ўзга билан кетсангиз, равон йўллар қолмасин,
Бегим, иккиланмасдан ер юзин ташланг михлаб.

Михнинг, тиғнинг заҳрини сезмай ёниб бораман.
Ишқ зардобли шаробдир, қониб-қониб бораман.
Ҳеч ким билан сирлашмай, ҳеч кимсага тутмай май,
Ўз қоним билан ўзим алвонланиб бораман.

Ҳайратларда қотгайсиз мени кўрганда ул дам,
Ёнингиздаги совуқ сулувдан совурсиз ҳам,
Сизни обдон музлатгач, ўзим қайтарман, чунки
Бунгача йўқ садоқат, бундан сўнг ҳам бўлур кам.

Ўзга тортмам, чексам ҳам шунча жабру жафони,
Ўзгага ҳам бермасман, сиздек бир бевафони!
Бегим, Сизни худойим расо қилиб яратган...

1973 йил 17 февраль
Халима Худойбердиева

[Баходир кушаков]

КУЛОГИГА
ГИЛОС ТАККАН КИЗ.
Олисларда яшармиш кувнаб,
Юрагимга бехад ёккан киз,
Олтин балдок тухфа этойин,
Кулогига гилос таккан киз.

Хар кун уйлаб жоним кийнайман,
Бу не туйгу узим билмайман,
Бу уйлардан сира жилмайман,
Кулогига гилос таккан киз.

Бормокчийдим олис булса хам,
Мухаббатим тошиб тулса хам,
Мажнун дебон хатто кулса хам,
Кулогига гилос таккан киз.

Кейин билсам,ёри бор экан,
Уз хожаси,ори бор экан,
Олтин эмас,гилос зур экан,
Кулогига гилос таккан киз.

Майли кувнаб яшагин гузал,
Бахтинг булсин хамиша тугал,
Каминани эслаб тур хар гал,
Кулогига гилос таккан киз.

Баходир.

[Баходир кушаков]

ХИЖРОН.
Юракни уртайди хижрон азоби,
Багримни киздирар мехринг офтоби,
Васлингла учмагай калбимнинг тоби,
Жонгинам,Аёлим,сени согиндим.

Кеч келсам ухламай сарсона эдинг,
Огрисам бошимда парвона эдинг,
Тунлари ёнимда хамхона эдинг,
Жонгинам,Аёлим,сени согиндим.

Болларни устириб,улгайтирдинг сен,
Яхшию ёмонни илгаттирдинг сен,
Борлигим узингга чулгаттирдинг сен,
Жонгинам,Аёлим,сени согиндим.

Фарзандлар бахтига булгин сен омон,
Юрагим талпинар хар дам сен томон,
Борлигим,юрагим сен билан хамон,
Жонгинам,Аёлим,сени согиндим.

БАХОДИР.Украина.

[мафтун]

ҚУТЛОВ

Офтобрўйда ўлтирсанг, ёзилади ғуборинг,
Сайр этмоққа гоҳ етар, гоҳ етмайди мадоринг,
Ғадир-будур тутларда барг ёзибдир баҳоринг,
Бобожон, бу ғанимат еллар муборак сенга!

Онажон, бу йилларнинг оқимлари ўтрикдир,
Бизлар оқиб боряпмиз – фурсат фақат кўприкдир.
Бу оқлик ҳам сочларнинг тўлқинида кўпикдир,
Она, янги тўлқинлар, селлар муборак сенга!

Эй, саҳройи амаким, не чаман, не боғ кўрдинг,
Лекин ўша даштларда юрагингни соғ кўрдинг,
Аёлингнинг юзида мана бу йил доғ кўрдинг,
Туғилажак қизлари уллар“ муборак сенга!

Ёш ошиққа булбулдир куйлаётган ғурраклар,
Севармикан? – Билмайсан. Ошиқади юраклар.
Кўчасида қўшиқ айт, чалайвергин ҳуштаклар,
Ошиқ, бу сарсонликлар, йўллар муборак сенга!

Кимдир илк бор сочингни қиёс этди сунбулга,
Кимдир узоқ термилди аввал сенга, сўнг гулга.
Бу баҳор беихтиёр кирдинг неча кўнгилга,
Ей, ўн олти ёшли қиз, диллар муборак сенга!

Қиқир-қиқир куласан сочиб чечак исини,
Чулдурайсан, айтасан, ҳаётнинг илк сўзини,
Ҳозир фақат дунёда онанг тушунар сени,
Ей, бахтиёр гўдак-ей, тиллар муборак сенга!..

У ёқларда чечаклар очди менинг Сурҳоним,
Бу ёқларда чечакдай сочилмоқда имконим.
Ҳаётга гуллар берсин энди умр бўстоним,
Қутлуғ Ўзбекистоним, гуллар муборак сенга!..

М.Кенжабек

[мафтун]

ЎЗБЕК

Манглайга кафт қўйиб олисга боқсам,
Эдилдан кўринар бўйларинг, ўзбек.
Туш каби жимирлаб минг йил оқса ҳам,
Номинг айтар Энасойларинг, ўзбек.

Нуҳ тўфони, демак, қисмат шамоли,
Кимнингдир камоли, кимнинг заволи.
Саргашта кун кўрдинг оҳу мисоли,
Шундан ҳамон мунгли куйларинг, ўзбек.

Дили қонга тўлиб, кўзлари – ёшга,
Алп Тегин бир ҳикмат чегирди тошга:
«Бизнинг қайғумиз йўқ боладан бошқа…»
Болангга боғлидир ўйларинг, ўзбек.

Бир замон оловни илоҳ билган эл,
Қуёшга қарашни гуноҳ билган эл,
Ҳар бир босқинчини қўноқ билган эл,
Ёвга сўқмоқ бўлган кўйларинг, ўзбек.

Исмингни айириб кечди асрлар,
Хонликни бекликка бўлган не сирлар?
Кентларга сочилган ўрда, қасрлар…
Қумдан қорилганми лойларинг, ўзбек.

Дил қўзғалса, элни тўхтатиб бўлмас,
Сел қўзғалса, гилни тўхтатиб бўлмас,
Занжир узган қулни тўхтатиб бўлмас,
Тиғ бўлди ҳар битта мўйларинг, ўзбек.

Бўйнингдан кетган йўқ ҳали дор изи,
Қўй, қора кунларнинг ўчсин қораси!
Сен борсан – Темурнинг улуғ вориси,
Осмонингга қайтди ойларинг, ўзбек.

Катта қишлоқ экан Париж, Лондон, Рим,
Даламни соғиниб эзилди кўнглим.
Дунё гўзали – сен, қадоққўл синглим,
Гўзалдир ўнгиган кўйлагинг, ўзбек.

Ҳафталаб йўл қараб сарғаймас Кумуш,
Тоғни толқон қилди бобомерос мушт,
Тин олди давонга боқиб Алпомиш,
Тоғларни қўпорди ёйларинг, ўзбек.

Қўлингни кўзимга сурай, отажон,
Ёнингда ул бўлиб юрай, отажон,
Яхши кунларингни кўрай, отажон,
Совимасин қўлда чойларинг, ўзбек.

Онажон, ҳаволи боғлар муборак,
Ҳандалак банд берган чоғлар муборак,
Келин юзидаги доғлар муборак,
Буғдойларга тўлсин уйларинг, ўзбек.

Сумбула – тўкинлик, тўйлар мавсуми,
Бир қўзғалиб олар боғбоннинг хуми.
Асли, бир сатрдир шеърим мазмуни:
Тўйларга улансин тўйларинг, ўзбек!

И.Мирзо

[Баходир кушаков]

Ажаб булсин.

Эй ёронлар ушбу кун,айрилик тушди бошима,
Икки олам гарк булмиш,бу туккан куз ёшима,
Сарвари олам,Хак гувох,айта олмай лолман,
Ишонган ёрим ишонмас бу,не синов бардошима.

Аввали чиройли сузлар,айлаб эрди ул париваш,
Мендан узга кимсани, кувлаб эрди ул париваш,
Ишонгандим сузига,боглаб эрди ул париваш,
Айланиб колган эрди ул,энг якин сирдошима.

Не килай кисмат экан,илкимда ушлаб колмадим,
Айб йук эрди билурман,хеч далил тополмадим,
Дер Баходир ранж ила,узни не куйга солмадим,
Кимса йук,тенг булолмас,севганим ёстикдошима.

[Feruza Xodjayeva]

ФАҚАТ СЕНИ ДЕБ

Тоқати тоқ тоқат мени деб,
Роҳати йўқ роҳат мени деб.
Тоқатни чин роҳат билиб мен –
Яшаяпман фақат сени деб.

Тонг отгунча сени ўйласам,
Кун ботгунча сени ўйласам.
Ичганмидим ё шундай қасам –
Яшаяпман фақат сени деб.

Тақдир иши ўхшар пухтага,
Дилни танҳо дардга ниқтаган.
Нигоҳимни қадаб нуқтага –
Яшаяпман фақат сени деб.

Минг йил бўлди келмаганингга,
Дарди ҳолим билмаганингга.
Қарамай бор бўлмаганингга –
Яшаяпман фақат сени деб.

Гулга кирди боғлар мен учун,
Тилга кирди тоғлар мен учун.
Ҳаётимни тикиб сен учун –
Яшаяпман фақат сени деб...

Б.Бобомурод

[Nigora Jumaeva]

Milyon yilda meni yaratdi hayot,
Meni so‘rab, tog‘lar qator cho‘kdi tiz.
Nahot anglamaysan, bilmaysan nahot,
Axir men bittaman, yagona, yolg‘iz.
Bug‘lanib, qaytadan to‘kiladi suv,
Quyoshdan ishorat – ko‘z yorar ildiz.
Men, axir ularga o‘xshamayman-ku,
Axir men bittaman, yagona, yolg‘iz.
Har elat o‘zicha atar shamolni,
Mingta ism bilan yashaydi yulduz.
Sen qaydan topasan boshqa Iqbolni,
Axir men bittaman, yagona, yolg‘iz.
Nafasim – g‘animat, so‘zim – g‘animat,
Fojia – poyimdan uzilgan har iz.
Mening nigohlarim eng ezgu ne’mat,
Axir men bittaman, yagona, yolg‘iz.
Yaratganga borib aytaman seni!
O‘zi hukm etsin odil va xolis.
Men qatib kelmayman, tushunyapsanmi?
Axir men bittaman, yagona, yolg‘iz...

Iqbol Mirzo

[Баходир кушаков]

САРАТОНДА ЁМГИР ЁККАН КУН.

Учратдиму сени ногахон,
Севиб колдим курибок шу он,
Айтолмадим,булмади имкон.
Саратонда ёмгир ёккан кун.

Кийнагандинг дардимни билмай,
Соф севгимни назарга илмай,
Кетиб колдинг парво хам килмай,
Саратонда ёмгир ёккан кун.

Уша кундир, оромим олган,
Юрагимга минг азоб солган,
Бир умрга ёдимда колган,
Саратонда ёмгир ёккан кун.

Ёз ёмгирин бефайз демишлар,
Яхшиликка эмас эмишлар,
Баходирга ёкмас миш-мишлар,
Саратонда ёмгир ёккан кун.

Баходир.

[Aliya]

Sen sabab - ko'zimga ko'rindi quyosh,
Sen sabab - umrimning bordir mazmuni.
Sen sabab - men she'rlar yoza boshladim,
Bo'lmasa bu baxtning aslo yakuni.

Sen sabab - hayotda topdim o'zimni,
Sen sabab - angladim nedir muhabbat.
Sen sabab - quvondim, sen sabab kuldim,
Qalbdagi sevgimdir senga toabad.

Sen sabab - bugunning ertasi bordir,
Sen sabab - kulgular sof va beg'ubor.
Sen sabab - bu yurak sevgiga yordir,
Bir umr yo'lingda bo'lib intizor.

Sen sabab - kuzlar ham men uchun bahor,
Sen sabab - ko'nglim ham zavqlarga to'lar.
Sen sabab - ko'zdagi quvonchim bilan,
Ko'zingga termulib yashagim kelar...

Forumdoshlardan biri bu she`rni mening qalamimga mansub deb bilarkan, ammo unday emas. Balki, shunga o`xshash mazmundagi biror she`rim bilan adashtirgandir...

[Баходир кушаков]

Нома олдим бир санамдан,жавоб сурогига битай.
Ки,дилимда бир сузим бор,номам киргогига битай.

Киргогига битсам магар,ногох кетмасму йиртилиб,
Чангали зур мен арслоннинг,олмос тирногига битай.

Тунлари бедор булиб,гар изласа ёр васлимни,
Чикса кузи шунга тушсин,ойнинг урогига битай.

Эй сабо еткур каломим,зинхор узгалар курмасин,
Ойнада ороланганда курсин,зулфин тарогига битай.

Дер Баходир ишк дардида,фигоним осмонча бор,
Тангри бер менга имкон,жонон оёгига битай.

Баходир.

[albatros]

ШЕЪР АЗИЗ ОЛАМ АРО

Шеър азиз олам аро
Менга тириклик, жон қадар,
Жон недир ошиқ учун,
Жондин азиз жонон қадар.

Шеърдан айру тонгларим
Ялдо тунидай зим-зиё,
Шеър билан тунлар чароғон
Хуршиди тобон қадар.

Шеър ўзи жонон эмасму,
Ёндирар ҳижронида,
Гоҳи боқса бир қиё,
Бошим бўлур осмон қадар.

Кимки ошиқдур жаҳонда
Шеърга бўлгай мубтало,
Ишқ учун тенгдур гадодан
То буюк султон қадар.

Шоҳ Бобур Ҳинду сори
Юрди-ю, шоир ва лек
Йиғлади Фарғонадин то —
Мулки Ҳиндистон қадар.

Шеър зулолидан симирдим
Бир пиёла тўлдириб,
Воҳ, кўринди менга ҳар бир
Қатраси уммон қадар.

Нуқта кўй назмингга, Эркин,
Мухтасарлик сўзга зеб,
Йўқса, тонг отгунча шеъринг
Бўлғуси достон қадар.

Э.Вохидов

[Mahmud Jurat]

***
Баъзан қалбим қайнаб юпанч излайман
Озод юлдузларнинг даврасин кезиб.
Бирдан ғимирлайди дилда пушаймон,
Бўғзимни бўғаман ғаюрлик сезиб.

Ачитар қўлларим қонли қадоқлар,
Аскар саночида тугадими ўқ.
Бокира Марямдек гўдак ардоқлар,
Ўзи оч бир гадо, гўё қорни тўқ.

Ачинган ҳолларим айта олмадим,
Кўплашиб куйламоқ бизда урф эмас.
Қатрондан умид йўқ, ювилмас қадрим,
Сенсиз ардоқлансам мени ит емас.

Даврада бир бора уввос солмадим,
Балки бўшармиди тош қотган дийдам.
Эски у дўстларинг аслида малъун,
Эрта тонгдан олқиш куйлаб турса ҳам.

Халқим, мунисим, юртим, маконим,
Сен ҳам бир давра бўб куйлаб юборгин.
Дилингга билим ол йиғлоқи иним,
Тобелик руҳини қонига қоргин.
(С)

[Tulqin Eshbekov]

Ҳозир дилимдаги сатрларимни шеърий ифода эта олмайман. Бир-икки кун интернетим (бир шогирдим "ТПС" деб тушунтирди) яхши ишламай жуда хуноб бўлгандим. Бугун кирсам, офтобдек чарақлаб, форумимиз ярақлаб турибди! Шу лаҳзада тўрт сатр қуйилиб кела бошлади:

Интернетим чарақлаб,
форумимиз ярақлаб,
Бу "шеър"имни ўқиган,
Кулаверсин шарақлаб!

деб ёзиб юборганимни сезмай қолдим... :)

[Nigora Umarova]

Ҳозир дилимдаги сатрларимни шеърий ифода эта олмайман. Бир-икки кун интернетим (бир шогирдим "ТПС" деб тушунтирди) яхши ишламай жуда хуноб бўлгандим. Бугун кирсам, офтобдек чарақлаб, форумимиз ярақлаб турибди! :)

Kechagina Sizni yodga olib turushuvdi. (http://uforum.uz/showthread.php?p=663439&postcount=23);)

[albatros]

Agar dardga to'lsang, do'stni izlama,
Endi so'zlar ketdi - so'zni izlama,
Shafqat keltirguvchi ro'zni izlama -
Dardingni telbavor shamolga yashir.

Maqomsan - dilni sho'z bayot tushunmas.
Sen - saydsan, "oh"ingni sayyod tushunmas,
Hasratni gullagan hayot tushunmas -
Ko'z yoshing ta'birin savolga yashir.

Dunyo, chayqalmoqda - og'ib turibdi,
Dunyoga shaytonlar yoqib turibdi,
Qara, haq falakdan boqib turibdi -
Rostni ildizdagi kamolga yashir.

Hamdard bo'lmoqlikka bemorlar topgin,
Vatanning kuyida zor-zorlar topgin,
Yig'moqqa daraxtmas, devorlar topgin -
Erk so'zin qafasda beholga yashir.

Bu go'zal bog' ichra bahor dengizi,
Mavjlari - yamyashil, ufqi -qirmizi,
Bahor - payg'ambardir, sen ham - Termiziy -
Bir hadis topsang gar niholga yashir.

Bahor yuragingga bir shirin sasdir,
O'zliging sezmaydi - bu dunyo mastdir,
Mastlik ham beshafqat hayotdan bahsdir -
Hayotning ma'nosin zavolga yashir.

Usmon Azim.

[Shokirbek]

Баралла сўйланган хаёллар..

Гоҳида уйқуда сўйлайман,
Уйқуда ўйлаган сўзларим..
Алаҳсиб ўтмишни куйлайман,
Туш кўриб гўдаклик кезларим...

Бехосдан уйғониб, ҳалқумда
Ёшликнинг таъмини туяман..
Тамшаниб ётганча балконда
Ёстиққа ёшларим қуяман...


Шул каби эслайман ёшликни,
Ёдлайман лойсувоқ уйларим..
Юрагим қаърида бўшлиқни,
Шул каби тўлғизар ўйларим...

(С)

[Gulchehra Ibragimova]

ШОИРНИНГ ЭНГ КАТТА УНВОНИ...

Шоирнинг энг катта унвони – ёзиш,
Худо берган бўлса гар буни – соз иш,
Ҳақиқатни куйлаш бандалар аро
Шеър аҳлининг юксак қисмига хос иш.

2О1О йил.


ШОҲ ВА ОТА


“Инна лиллаҳи ва инна илайҳи рожиъун”(Биз Аллоҳникимиз ва
Унинг хузурига қайтгувчимиз).

Ўлим тўшагида фарзанд – Ҳумоюн,
Теппасида эса,ота – соппа-соғ –
Заҳириддин Муҳаммад Бобур,
Темурий подшоҳ.

Айтинг, ота бўлишдан ортиқ бахт борми?
Фарзанд доғин кўришдан-чи,
Борми ортиқ ғам?
Қолмади табиблар - уни кўрмаган,
Ўқитмаган дуоси.
Ватан, балки ватанда топиларди давоси?
Дарвоқе, у ердан ҳам келди табиблар,
Етишмади бироқ ватан ҳавоси.
“Инна лиллаҳи ва инна илайҳи рожиъун”.

Ўзи-ку қайтмади,
Йўқ, қайтолмади,
Орзу қилди холос зурриёдларим -
Қайтар деб бир кун.
Бошлаб борар, деди, Худо хоҳласа,
Ҳаммасини тўнғич ўғлим Ҳумоюн.
Ўлим тўшагида ётар, лекин, мана, у,
“Инна лиллаҳи ва инна илайҳи рожиъун”.


Эй, тақдирга тадбир йўқ деган гап бекор,
Нимаики сўрама, бераман деган
Аллоҳнинг ваъдаси бор.
“Ол менинг жонимни, ўғлим ўрнига,
Ҳумоюнни эса, қайтар ҳаётга,
Ўзинг меҳрибонсан, ё Парвардигор!
“Инна лиллаҳи ва инна илайҳи рожиъун”.

Ва Бобур ибодатдан кўтармади бош,
Нола қилди эрта-кеч ўғли қошида.
Ҳаста фарзанд болишлари йиртилди чириб
Тўккани кўз ёшидан
Ва ижобат бўлди дуоси шундоқ:
Соғайди-ю фарзанд Ҳумоюн ўктам,
Вафот этди Бобур тез кунда оғриб.
“Инна лиллаҳи ва инна илайҳи рожиъун”.


Ва лекин армон бор, нафақат Бобур,
Халқим ўзбек туйган армон – талх-тахир:
Йироқ Ҳиндистондан ота юртига
Қайтмади Ҳумоюн Мирзо бари бир.
Нафақат Ҳумоюн Мирзо, Акбаршоҳ,
Жаҳонгир, Шоҳ Жаҳон, то Баҳодиршоҳ...
Авлодлардан ҳеч ким , э воҳ, то шу кун
Она ватанига қайтолмади, оҳ!
Қайтмас энди,аён, бундан кейин ҳам,
Бордир лекин улар ҳақда қиссалар.
Ватан тўғрисида бораркан суҳбат,
Чиқармоқлик керак энди ҳиссалар.

1 ҳисса
Аввало, Қуръони Каримдан калом:
“Инна лиллаҳи ва инна илайҳи рожиъун”.
Андижон ҳавоси топилганида,
Соғайиб кетарди лекин Ҳумоюн.

2 ҳисса:

Бобуршоҳдек шоир жаҳонда битта,
Бобуршоҳдек подшоҳ жаҳонда битта.
Ота-чи? Бобуршоҳдек ота?..Акс-садо -
Қайтарар сўлу соғ: “Жаҳонда битта!”

З ҳисса

Худо кўрсатмасин, оғриганимда
Давосиз дард билан агар ногоҳон,
Бугун мен ўйлайман, Бобуршоҳ мисол
Отам менга фидо этармиди жон?

Мен-чи? Мен бирон- бир фарзандим учун
Ҳаётимни қурбон қила олгумми?
Ҳумоюндек фарзанд бўла олмадим,
Бобуршоҳдек ота бўла олгумми?..

21.1О.11 й.
Шукур ҚУРБОН

[Gulchehra Ibragimova]

Achchiq xotiralar bo‘ldi-ku tilak,
Og‘ir ayriliqqa ko‘ndi bu yurak,
Nima bo‘lsa hamki tan olish kerak,
Sevdim, sevayapman, sevaman seni.

O‘tkinchi havasga berildik goho,
Boshga sinovlarni soldi bu Dunyo.
Dilim to‘la nafrat bo‘lsa ham ammo,
Sevdim, sevayapman, sevaman seni.

Har on xayolingsiz o‘tmaydi vaqtim,
Seni o‘ylasam, bas, ortadi zavqim.
Bilmam, armonimmi va yoki baxtim,
Sevdim, sevayapman, sevaman seni.

Bu qanday tuyg‘uki, seni o‘ylasam,
Pinhona o‘rtanib noming kuylasam.
Kecham ham bugunim, ertamdan qasam,
Sevdim, sevayapman, sevaman seni.

Nafosat Sodiqova

[albatros]

Kecham ham bugunim, ertamdan qasam,
Sevdim, sevayapman, sevaman seni.

Nafosat Sodiqova

Mana yana bitta shunga o'xshash she'r


Qasam.

Muhabbatdan dedim men nima desam,
Ishqimda bog’ladim o’ylasam neni.
Kecha-yu, bugun ertamdan qolsam
Sevdim! Sevayapman! Sevaman seni!

Ko’nglimning tubida fazolar topdim,
Ishqsiz dunyolarda qazolar topdim.
Marhamatlar topdim,jazolar topdim,
Sevdim! Sevayapman! Sevaman seni!

Boshim osmondadir tovonim yerda
Kamolim ko’kdayu,zavolim yerda.
To’fonim samoda, shamolim yerda,
Sevdim! Sevayapman! Sevaman seni!

Qalb sevgiga teng bo’lsang yetar,
Ko’ksim ikki dilga keng bo’lsang yetar.
Diloro habibim sen bo’lsang yetar,
Sevdim! Sevayapman! Sevaman seni!

Himmati qistadi motam dunyoning
Kulgusi qistadi motam dunyoning
Qaynoq ruh o’tida vujudim yonib,
Sevdim! Sevayapman! Sevaman seni!

Ko’zimni sipqorib keldim chanqasam,
Ruh qasam,jon qasam,qolsa tan qasam
Kech-yu,bugunim,ertamdan qasam
Sevdim! Sevayapman! Sevaman seni!

Orif To’xtash.

[Gulchehra Ibragimova]

Sarv qadlar sarvari gulchеhradur, yor-yor,
Dilrabolar dilbari gulchеhradur, yor-yor.
Gulchеhralar birla bog` gulshan erur, yor-yor
Gulshan aro siz mudom gulxan erur, yor-yor.
Gulchеhralar isidin to`ldi jahon, yor-yor,
Boshdin oyoq muattar bo`ldi jahon, yor-yor.
Gulchеhralar qomati to`bi erur, yor-yor,
Jannat aro to`bining xo`bi erur, yor-yor.
Sarvi sahiydеk bo`yi nozik emish, yor-yor,
Bo`yi kabi ham xo`yi nozik emish, yor-yor.
Mеhrki guldin ayon bo`lg`usidur, yor-yor,
Bulbulu gul mеhribon bo`lg`usidur, yor-yor.
Bir-birining qadrini bilsa kеrak, yor-yor,
Aylagusi shukrini qilsa kеrak, yor-yor.

Ubaydiy

[мафтун]

ЯНГИ ЙИЛ

Қор заррасин тутиб қололмас нигоҳ,
Гоҳ зарра нигоҳдан бағрим тилинди.
Қор ёғсин – ёпилсин изларинг, гуноҳ.
Янги йил, яхши йил бўлиб кел энди.

Қорми – кул остида милтирайди чўғ,
Кетганлар жон узиб кетмаганлар, йўқ!
Сенга етганлар бор, етмаганлар йўқ,
Янги йил, яхши йил бўлиб кел энди.

Деҳқоннинг уйини тўлдир буғдойга,
Сабр бер мискинга, инсоф бер бойга.
Тинчлик, кўнглитўқлик шоху гадойга,
Янги йил, яхши йил бўлиб кел энди.

Қирқ йилда бир йигит келар оламга,
Йигит юрагимни кўмма аламга.
Яна қирқ йил хизмат қилай онамга
Янги йил, яхши йил бўлиб кел энди.

Арчажон, юмшатгил игналарингни,
Кел, ташла, аразу гиналарингни.
Кўкка чиқай босиб зиналарингни,
Янги йил, яхши йил бўлиб кел энди.

Кўк тоқига ҳилолчироқ илинди,
Ёруғ ғуссаларга ошно дил энди.
Киприклар ҳам оппоқ, атиргул энди,
Янги йил, яхши йил бўлиб кел энди.

2006

Иқбол Мирзо

[Nigora Umarova]

Yer daraxti

Nur yo'lida men izlagan baxt,
Hech kim bilmas hayotim - ko'kda.
Men- chaqmoqlar urgan bir daraxt,
Tik o'saman qorong'ulikda.

Umringizga qilmayman ta'ma
Va kirmayman ko'nglingiz bosib.
Mening sevgim- eng yorug' ta'na,
Mening ko'nglim- ishqqa munosib.

Dovullarda silkinsa umrim,
Yillar o'tsa bir-bir pichoqlab.
Men zaminga kuchim beraman,
Men zaminni mahkam quchoqlab.

Qo'llarimni tirab osmonga,
O'g'irlayman tog'lar hushini
Va tinglayman
Ko'ksimga botgan-
Boltalarning zil tovushini.

Yog'dularning sirli jarangi
Barglarimdan o'tsalar suzib,
Ko'zyoshimning mevalarini
Yulduzlarga beraman uzib...

Hayotimdan nur yo'lin to'sgan-
Bandi bo'lsam bandi yo'qlarga:
Shoxlarimga to'r solib o'sgan
Har xil nomsiz chirmovuqlarga.

Men, baribir, o'saman adl,
Shamollarda silkinib, yashnab.
Shovullayman tunlari ko'kda
Uchayotgan oqqushga o'xshab.

Men-shu yurtga to'kilgan bir baxt,
Mayli, izlang, ildizim-ko'kda.
Men-chaqmoqlar urgan bir daraxt-
Tik o'saman qorong'ulikda.

Zebo Mirzo

[Kavsar]

https://img.uforum.uz/images/pkhcmpn6590067.jpg

Shu latofat, shu go'zallik, shu chiroy bilan,
Olganmisiz Sheroziyning shirin jonini.
Yashirmangiz oy chehrani yuz hayo bilan,
Band etursiz, Sheroziydek, mening jonimni...
(c)

Batafsil ma'lumotlar Fikr.uzda.. ))

[Nigora Umarova]

Shu latofat, shu go'zallik, shu chiroy bilan,
Olganmisiz Sheroziyning shirin jonini.
Yashirmangiz oy chehrani yuz hayo bilan,
Band etursiz, Sheroziydek, mening jonimni...
(c)


Oy yuzin parda to'ssa, taralur nur ziyosi,
Go'zalni go'zal etgan uning ibo, hayosi. :)

[Gulchehra Ibragimova]

СЕНИ СЎРАШАР

Менга дуч келганда қадрдон дўстлар
Мени қўйиб сени сўрашар олдин.
Олдин сенга бўлар илтифот, сўзлар,
Мен бўлсам бу сўзлар юкидан толдим.

Миямга чақиндай бирдан қон уриб —
Бўшашади оёқ-қўлларим шу он.
Елка қисиб қўйса ҳолимга бири,
Бири кўз ташлайди ачингансимон.

«Яхши, яхши», — дея ўзимни тутиб, —
Уйга шошиламан, ҳайрондир улар.
Уйда... ойларки... сен олмайсан кутиб,
Бизни учрашмасга бошлаган йўллар...

Биламан, кўп мушкул бу ҳол сенга ҳам,
Аммо начора,
Ўз хоҳишимиз билан
Тинглаймиз тақдирнинг бу нохуш куйин.
Қийин, сендан мени сўрашгани дам,
Ўғлимиз сўрашса бундан ҳам қийин.

Халима Худойбердиева

[Nigora Umarova]

Yolg’iz

Bu qandoq kun, bu qandoq zamon,
O’tib borar umrlar izsiz.
Shahzodalar bozorga ketgan,
Malikalar uyida yolg’iz.

Ko’chalarda qashqirlar kezar,
Bo’rilarga kun qolgan afsus.
Alpomishlar yurt oshib ketgan,
Barchinoylar yuribdi yolg’iz.

Chaqalarga sotilar sevgi,
Bunda nikoh, nigohlar hissiz.
Yusuflarni pul chalib ketgan,
Zulayholar uxlaydi yolg’iz.

Mardning kori mardikorlikmi?
Shoirlari qolmishdir so’zsiz.
Mardlar ketgan supurgi olib,
Ojizalar maydonda yolg’iz.

O’ttiz yilki baxt kutar qizlar,
Ehtiroslar, tuyg’ular esiz.
Shahzodalar shamolga ketgan,
Malikalar yolg’izdan yolg’iz.

Guljamol Asqarova, 2007-yil

[Nigora Umarova]

Maktub

Ey do’st, hayotingdan ketmasam bo’lmas,
Men shunday javobi yo’q bir savolman.
Sochdan tirnog’ingga qarab angladim,
Sochimdan tirnog’im qadar malolman.

Seni unutsaydim tonglar otguncha,
Seni unutsaydim oylar botguncha,
Qiliching ozorin sevibman buncha,
O‘zimning jonimga o’zim zavolman.

Yuzimga dog’ tushdi ko’kdagi oydan,
Dilga g’amlar keldi sen borki joydan,
Ko’ksim yaralandi sen otgan yoydan,
Sening qo’llaringda sen deb uvolman.

Diling qudug’iga bog’lab sol meni,
Holim shundoq zabun, xasta hol meni.
Poyingda toptaldim... yerdan ol meni,
Sochingni sog’inib yotgan ro’molman.

Garchi ko’ksing aro to’kildim, to’ldim,
Mehring ayyomida yig’ladim-kuldim,
Qumdan ko’za yasab ovvora bo’ldim,
Loyi hech pishmagan noshud kulolman.

Mehringni qizg’anma yo’llarimga soch,
Ey mehribon jallod, boshimdagi toj,
Gadolar tilansa eshigingni och,
Poyingga bosh urib o’tgan shamolman.

Endi yurmagayman toshga dil yorib,
Xazonday sarg’ayib, g’aribdan g’arib,
Qiyomat kunida qoshingga borib,
Sekin shivirlayman: Men Guljamolman!!!

Guljamol Asqarova

[Masud Mahsudov]

‎Менда бор ишқ ичра ҳам,
Ҳажр ичра дард ул ойда йўқ,
Дардни дард билмас кишига
Сўзламоқдан фойда йўқ.

Кўз ёшим кўрганда сой ҳам
Шарқираб кулса не тонг,
Бор менинг кўксим аро
Тошқинки, ҳеч бир сойда йўқ.

Дард билан қормиш илоҳим
Лойимиз тақдир азал,
Ўзга дардин англамоқ лек
Биз қорилган лойда йўқ.

Олам аҳли ичра дилдош
Излама, кезма жаҳон,
Зарга зор ҳар ерда бордир,
Зорга зор ҳеч жойда йўқ.

Майли, зар сизларга бўлсин,
Менга зор ишқ ичра бас,
Бу хазинам аҳли дунё
Ичра ҳеч бир бойда йўқ.

1995
(c) Эркин Воҳидов

[Nigora Umarova]

10 - yanvar Muso Toshmuhammad o'g'li Oybekning tavallud topgan kuni
Oybekning ko'zlari

Nigohlar o'lmaydi, nigohlar hayot,
Nigohlar ruh kabi o'chmas bir sharor.
Ko'zlardan keyingi ikkinchi umr
Nigohlar umridir... haq etmish qaror.

Nechuk soz nigohning sarg'armasligi,
Archa yashilligi unda hayotning
Beayov sanchilar igna barglari
Zaif yerlariga adabiyotning.

Faxriyor

[gofurov]

10 - yanvar Muso Toshmuhammad o'g'li Oybekning tavallud topgan kuni

Бир ўлкаки, тупроғида олтин гуллайди,
Бир ўлкаки, қишларида шивиллар баҳор,
Бир ўлкаки, сал кўрмаса, қуёш соғинар...
Бир ўлкаки, ғайратидан асаби чақнар.
Бахт тошини чақиб, бунда куч гувиллайди.
.....
Яратипди бир шоҳ асар, гўзал бир достон,
Ғадир-будур меҳнат қўли битгандир буни,
Келажакнинг баҳоридан олинган куйи,
Хаёлларга сиғмайди ҳеч бунинг мазмуни,
Қофиядир фабриклар-ла қизлар қўшиғи,
Ўқи ва сев! Бунинг исми ёш Ўзбекистон.

1934. Ойбек

[Minglar]

Getmək istəyirsən, bəhanəsiz get,
Oyatma mürgülü xatirələri.
Səsin həmin səsdir, baxışın ögey,
Gedirsən səsin də yad olsun, bari.

Sən dəniz qoynuna tullanmış çiçək,
Üstünə dalğalar atılacaqdır.
Saxta məhəbbətin saxta sənəd tək
Nə vaxtsa üstündə tutulacaqdır.

Demirəm, sən uca bir dağsan, əyil
Demirəm, əlacım qalıbdır sənə.
Nə səndə məhəbbət qara pul deyil,
Nə mən dilənçiyəm, əl açım sənə.

Döşənim yollar tək ayaqlarına,
Sənə yalvarım mən, bu mümkün deyil.
Qoymaram qəlbim tək vüqarım sına,
Alçalıb yaşamaq ömür-gün deyil.

Getmək istəyirsən, o yol, o da sən,
Bir cüt göz baxacaq arxanca sənin.
Getdinmi, geriyə dönmək istəsən,
Tikanlı yastığa dönəcək yerin.

Getmək istəyirsən nə danış nə din
Yox ol uzaqlartək dumanda çəndə
Nəyimi sevmişdin diyə bilmədin
İndisə yüz eyib görürsən məndə

Getmək istəyirsən, bəhanəsiz get,
Oyatma mürgülü xatirələri.
Səsin həmin səsdir, baxışın ögey,
Gedirsən səsin də yad olsun, bari


Nüsrət Kəsəmənli

[Minglar]

Nüsrət Kəsəmənli/İkimizin yerinə

Bu sevgidən sən qorxursan eybi yox,
Mən sevərəm ikimizin yerinə.
Bu eşq üçün bir gün dara çəksələr,
Mən gedərəm ikimizin yerinə.

Min əzabdır sənsiz keçən hər günüm,
Unutmuşam yaxşı, yaman fərqini.
Bu sevginin dağ əridən dərdini,
Mən çəkərəm ikimizin yerinə.

Gül deyirəm, gül qəlbinə dəyirəm,
Mən səninçün Tanrı yazan şeirəm.
Dodaqları inciməsin deyirəm,
Mən öpərəm ikimizin yerinə...

Taleyimdə sən açılan gülümsən,
Süzüb qara gözlərini gülümsə.
Bu sevginin sonu əgər ölümsə,
Mən ölərəm ikimizin yerinə...

[albatros]

Arosat sevgi

Juda baxtli eding u bilan,
Dunyoni to'ldirib yurarding.
Sen o'shani o'ylaysan hamon,
O'sha bilan banddir yuraging.

Uning bilan kechgan damlardan
Senga qolgan shirin xotira.
Mening esa achchiq g'amlardan
Tortib ketdi ko'zlarim xira.

Lekin sevgim joy topolmadi
Xotiralar yotgan qalbingdan.
Sen uni hech unutolmading,
Men ham kecha olmasman sendan.

Rauf Parfi

[bekww]

* * *
Икки нарса оғир кўнглимга асли,
Икки нарса учун йўқ менда бардош:
Бири — душманимнинг шодон қаҳқаҳаси,
Бири — дўст кўзида милтиллаган ёш.

[Gulchehra Ibragimova]

ҚАДАҲ
(баллада)

Шом шамоли изғиган кечда
Учта одам ўтириб ичди.

Эр, хотин ва учинчи эркак,
Учинчининг кўзлари сергак.

Хотин силаб-сийпар эрини,
Эр билмайди унинг ерини.

Хотин тилда бергудайин жон,
Кўкрагида ғимирлар илон.

Қани олдик!
Оқ урарлар, оқ,
Эр кўксини чангаллар шу чоқ.

Ўҳ, юракка бориб етди ўт,
Томирларин қирқиб кетди ўт.

За-ҳар!
Қулаб, эри берди жон,
На қотил бор, на бир томчи қон...

Бўш қадаҳ ҳам кетмади синиб,
Дастурхонга қайтди ювиниб...

Халима Худойбердиева

1986 йил 4 октябрь

[Nigora Jumaeva]

Хотин тилда бергудайин жон, Кўкрагида ғимирлар илон.

Шу қисқа балладада афсуски ҳаётда учраб турадиган хуник бир ҳолатни очиб берибди. Бу каби аёллар аёллик номига доғ туширади.

[Gulchehra Ibragimova]

Хотин тилда бергудайин жон, Кўкрагида ғимирлар илон.

Шу қисқа балладада афсуски ҳаётда учраб турадиган хуник бир ҳолатни очиб берибди. Бу каби аёллар аёллик номига доғ туширади.

Ҳақиқатдан ҳам шоиранинг ушбу кичик "Балладаси"да катта бир жараён очиб берилган. Аслида изоҳга ҳожат йўқ..шундай ҳам кундай равшан ундаги баён этилган "эпизод", яъни ҳолатларда.

Аммо аччиқ ҳақиқат, гоҳида ён-атрофда учраб турадиган, жамиятимизда бир ИЛЛАТ СИФАТИДА юз бериб турадиган жирканч ва аянчли ҳолатлар.. Бу кабилардан "кўз юмиб" бўлмайди албатта.

Бир мақол бор эди..аммо уни очиқ айтмасак-да, ҳаммага маълум..МАКРнинг http://uforum.uz/images/icons/icon12.gif устунлиги ошкора ва моҳирона ифода этиб берилган, деб ўйлайман.

Ундайлардан Аллоҳ ўзи асрасин..жамиятимиздаги бу каби учраб турадиган "иллат"ларга шоира қалбидаги нафрати ва исёни сезилиб турибди.

[Nigora Umarova]

Бир мақол бор эди..аммо уни очиқ айтмасак-да, ҳаммага маълум..МАКРнинг http://uforum.uz/images/icons/icon12.gif устунлиги ошкора ва моҳирона ифода этиб берилган, деб ўйлайман.

Ундайлардан Аллоҳ ўзи асрасин..жамиятимиздаги бу каби учраб турадиган "иллат"ларга шоира қалбидаги нафрати ва исёни сезилиб турибди.

Яқинда Зулфия Қуролбой қизининг худди шунга ўхшаш сюжетли "Момо Ҳаво" деб аталган ҳикоясини ўқигандим. Аёл ўй-жойга эгалик қилиш учун ўз турмуш ўртоғига озгина-озгинадан маргимушни овқатига (каламуш ўлдирадиган дори) қўшиб бериб уни заҳарлаб ўлдиради. Наҳотки ҳаётда шундай аёллар ҳам бор бўлса? Бироқ уларни аёл деб бўлмайди, менимча.

[мафтун]

AGAR SEN...

Agar sen noraso bo‘lsang,
Bu olam noraso senga,
Hayotga noravo bo‘lsang,
Hayot ham noravo senga.

Bu dunyo kori shundoqkim,
Topursan har ne izlarsan,
Agar sen oshino bo‘lsang
Bo‘lurlar oshino senga.

Mehr, lutfu sadoqat - do‘stu
Yorlikning buyuk sharti,
Agar sen bevafo bo‘lsang,
Ular ham bevafo senga.

Qidirma o‘zgalardan sahv kim,
Sahv ichra botgaysan,
Agar sen sahv etib otsang,
Oturlar bexato senga.

Hayoli, pok odam hargiz
Birovlar ustidan kulmas,
Agar sen behayosan, el
Ko‘ringay behayo senga.

Seni bu nurli olamga
Nur ulashmokkd keturmishlar,
Agar qalbing basir bo‘lsa,
Yorug‘ kun ham siyoh senga.

Yorug‘ kunlar umidida, Habib,
Umring o‘tib borgay,
Shukurkim, yaxshilar mehri
Ravo senga, davo senga.

Habib Sa’dulla

[мафтун]

SIZDAN SADO

Kuldi bahorim Siz tomondan
Sho‘x sabo kelgan kuni,
Ul sho‘x sabo qanotida
Dildor navo kelgan kuni.

Dildor navo bilan bahor
Og‘ushiga olmish meni -
Dildor navo ohangida
Sizdan sado kelgan kuni.

Shu bir shirin sado bilan
Lutf etdingiz Hotam sifat,
Poyiga tillo to‘kdingiz,
Go‘yo gado kelgan kuni.

Go‘yo gado kutgan edim
Shirin sadongiz xasta dil,
Olam munavvardir, mana,
Unga davo kelgan kuni.

Unga davo baxsh etdingiz
Holin so‘rab, donoginam.
Yuz yil uzaydi umri ham
Ahdga vafo kelgan kuni.

Axdga vafosiz hurmati,
Mehri ziyosi hurmati,
Boshimga toj aylay, Habib,
Nozik ado kelgan kuni.

Habib Sa’dulla

[мафтун]

KO’CHAMDAN JONON O’TGANDA

Taralgay mushk ila anbar,
Ko‘chamdan jonon o‘tganda,
Izida tuproq o‘lgay zar,
Ko‘chamdan jonon o‘tganda.

Boshiga soyabon bo‘lmoq
Umidida oshib devor,
Butoqlar ta’zim aylarlar,
Ko‘chamdan jonon o‘tganda.

Devorga jon ato etgay,
Vale toshlar erib ketgay,
Agar bir bor nigoh aylar
Ko‘chamdan jonon o‘tganda.

Jamolini tamosho qilg‘ali
Chiqqach, devor o‘lsam,
Kular holimga majnunlar,
Ko‘chamdan jonon o‘tganda.

Boshimga yog‘sa ham g‘avgo,
Ishim yo‘l poylamoq, ammo
Nigoh solmay etar battar
Ko‘chamdan jonon o‘tganda.

Tikibsan yo‘lida jonni,
Habib, bas, noumid bo‘lma,
Tun ortidan kelur kunlar,
Ko‘chamdan jonon o‘tganda.

Habib Sa’dulla

[мафтун]

Эй гап

Отда юрганимдан сенга не зарар?
Ё пиёда қолсам, сенга қандай наф?
Соядек эргашиб шом ила саҳар
Нечун ўз ҳолимга қўймайсан, эй гап?

Таъзим бажо этсам, ҳушомадгўй деб,
Салом бермай ўтсам, гердайган атаб.
Ҳар бир қадамимни қиласан таъқиб,
Нечун ўз ҳолимга қўймайсан, эй гап?

Ҳандон давра қурсам дўстларим билан
Пулдор бойвачча деб юрасан айблаб.
Ёлғиз қолсам, зиқна, хасис деб бирдан,
Яна ўз ҳолимга қўймайсан, эй гап.

Менинг-ку қўлимдан келмас ёмонлик,
Яхшилик қилсам ҳам турмайсан қараб,
Қачон топарканман сендан омонлик,
Нечун ўз ҳолимга қўймайсан, эй гап?

Тирик экан одам қутилмас сендан,
Гўрга ҳам борасан вижирлаб, қайнаб.
Ҳеч ўлмайин дейман, қолдириб доғда
Чунки қабримда ҳам тинч қўймайсан, гап.

Ҳабиб Саъдулла

[Muhammad Dovud]

Яқинда Зулфия Қуролбой қизининг худди шунга ўхшаш сюжетли "Момо Ҳаво" деб аталган ҳикоясини ўқигандим. Аёл ўй-жойга эгалик қилиш учун ўз турмуш ўртоғига озгина-озгинадан маргимушни овқатига (каламуш ўлдирадиган дори) қўшиб бериб уни заҳарлаб ўлдиради. Наҳотки ҳаётда шундай аёллар ҳам бор бўлса? Бироқ уларни аёл деб бўлмайди, менимча.

Башарти савол қилибсиз, жавобини олинг. Қобуснома ёки Синбадномани ўқисангиз аёлларнинг "потенциал"и бўй басти билан очиб берилган. Айниқса Синбаднома аёл макри мадхияси деса муболаға бўлмайди (мультфилми қандай беозор ишланган бўлмаса). Умуман инсон ўзи катта жумбоқ, аёл Илоҳий қудрат ила Одам Ато қовурғасидан яртилган экан, квадрат остидаги жумбоқ. Унинг макри ёвузликларини гапираман десангиз чек чегараси йўқ, аммо фазилатлари хақида хам шунча шакаргуфторлик қилиш мумкин. Негаки

Сен барибир муқаддассан Муқаддас Аёл!

[мафтун]

Иқтибос:
Nigora Umarova дан хабар
Яқинда Зулфия Қуролбой қизининг худди шунга ўхшаш сюжетли "Момо Ҳаво" деб аталган ҳикоясини ўқигандим.

Башарти савол қилибсиз, жавобини олинг.

Иқтибос:
Сен барибир муқаддассан Муқаддас Аёл!


Узру аёллар бўлимини топиб сирлашинглар....

[мафтун]

МУНОЖОТ

1

Д одимни эшитгил, қодир Оллоҳим,
И шқ сенсан, ошиқ ҳам сен, мен қулингман.
Л ойиқман қаҳрингга, дўзаҳим - богим,
О монат деворман, ўтман, қулингман.
Р убби маскун ичра сайёд, ўзим сайд,
О ртиқ мадорим йўқ, воқифсан аҳир.
М англайда ёзилган фармонингни айт,

Д аъват қил, гуноҳкор бандангни чақир.
И ймон бер руҳимга, жисмимга жон бер,
Л ойимни қориштир, поклаб бер менга.
О жиз томиримга покиза қон бер,
Р авшан қил, қорамни оқлаб бер менга.
О хират илмидан қил мени огоҳ,
М уродим шамини сўндирма, Оллоҳ.
2
М озийга урилиб синар овозим,
У мр ўтиб борар бенаф , бенаво-
Н аҳотки бу-қўлим? Бу менинг созим?
О ллоҳдан сўражман: - Нечун бу жафо,
Ж ами жудоликлар жонимга етди,
О л, дейман, Оллоҳим, омонатингни.
Т авба қил?- деди ул, бир Китоб тутди-

М уродинг мустажоб, мингил отингни,
У ммонлар йўлингда, чангал йўлингда,
Н омаълум ҳар жойда қурилган доринг.
О ламнинг калиди сенинг қўлингда,
Ж афо ҳабибингдир, хиёнат - ёринг?.
О ллоҳим, лаҳза – мен, сен эрса мангу,
Т аскин берганингми, шафоатингми бу?!

3

С емурғ қушим, подшо қушим, ҳуш келдинг,
Е тти гумбаз, етти водий сарвари,
В аслинг неъматидан баҳравар қилдинг,
И нтизор жонингман, йўлсиз, сарсари.
Н ола айлаб Семурғ деди: - Эй бедор,
Ч орлар сени Бируборим. Бор. Ишон.

С ен фано водийси, ҳақ қошига бор,
Е ру осмон чўкмакдадир бенишон.
В аҳший дунё, қонҳўр дунё қутурди,
И нсон фарёдига тўлди коинот,
Н абийлар, доҳийлар, шоирлар турди,
Ч ора, чора!, - дея сўрдилар нажот...

Оллоҳим, билурсен қай сори кетдим,
Оллоҳим... Мен ўлдим... Мен сенга етдим...

Рауф Парфи

[Nigora Umarova]

Башарти савол қилибсиз, жавобини олинг. Қобуснома ёки Синбадномани ўқисангиз аёлларнинг "потенциал"и бўй басти билан очиб берилган. Айниқса Синбаднома аёл макри мадхияси деса муболаға бўлмайди (мультфилми қандай беозор ишланган бўлмаса). Умуман инсон ўзи катта жумбоқ, аёл Илоҳий қудрат ила Одам Ато қовурғасидан яртилган экан, квадрат остидаги жумбоқ. Унинг макри ёвузликларини гапираман десангиз чек чегараси йўқ, аммо фазилатлари хақида хам шунча шакаргуфторлик қилиш мумкин.


Шу ўринда ҳурматли ёзувчимиз Тоҳир Маликнинг ибрат бўлгулик фикрлари бор: "Аёлларнинг қирқ туяга юк бўлувчи макри бор. Ҳурматли эркаклар, Сизларга юз туя макрини кўтарувчи ақл берилган", -деган.
Макр билан ёвузликни асло адаштирманг.

[Muhammad Dovud]

Макр билан ёвузликни асло адаштирманг.

Макр (гапни айлантириш) бошланди...

[Баходир кушаков]

Сен барибир муқаддассан Муқаддас Аёл!


Аёл борки,олам мунаввар,
Аёл борки,кўнгил ҳотиржам,
Аёл борки,ҳаёт зебу зар,
Аёл борки,барча жамулжам.

Баходир.

[Nigora Umarova]

Oybekning rafiqasi Zarifaxonim Saidnosirovaning "Gul bargi" nomli she'riy to'plamini o'qimoqdaman. Oybek domlaga bag'ishlangan nafis she'rlar to'plangan ekan.

Izlaymen, izlaymen yo'llardan izing,
Izlaymen zinada, ostonalarda.
Izlaymen suyunib boqqan ko'zlaring-
Izlarin gullarning yonoqlarida.
Tog'lar latofati, bulut husnida,
Nihol navdalarin nafis bargida...

Izlaymen, izlaymen har joyda, har on,
Izma-iz borurmen, yeturmen qachon?..

Zarifaxonim Saidnosirova

https://img.uforum.uz/images/nekycyc3355840.jpg

[Gulchehra Ibragimova]

Макр билан ёвузликни асло адаштирманг.

Макр (гапни айлантириш) бошланди...

Макр - гоҳида вазиятдан чиқиш учун ҳам ишлатилади-кў? Яхшилик, муросаи мадора учун..

Қолаверса, азиз ЭРКАКЛАР, ЭРТА- ИНДИН БАЙРАМЛАРИНГИЗ,http://uforum.uz/images/icons/icon7.gif СИЗЛАРНИ ҲЕЧ ҚАЧОН ХАФА ҚИЛМОҚЧИМАСМИЗ. Ҳар қачон омон бўлиб, қаторда юрсаларингиз бўлди биз учун!

Бирингиз - акамсиз, бирингиз - укам,
Бирингиз "пир"дирсиз Ваъллоҳу аълам.*
Ўғлим ҳам қаторда ишонган болам,
Сиз бор-ки ҳаётда қолмагайдир кам!

Сиз бор-ки, кўзларда кўринмайди нам.
Сиз бор-ки, дилларда қолмайди бир ғам.
Афсус алам қилар баъзида Сиз деб-
Надоматлар ила тортамиз алам..

Қалбингиз тубида қанча дарду сир,
Дардингиз ололмай "чарчайди" фикр.
Айбсиз эмассиз, аммо барибир-
СИЗНИ ЯРАТГАНГА МИНГ БОРА ШУКР!!!:clapping::clapping::clapping:

Изоҳ: "Бирингиз "пир"дирсиз Ваъллоҳу аълам".* Бувижоним
раҳматли "..болам, ўқимаган эр-ярим пир, ўқимишли эр-бутун пир", дер эдилар...

[Nigora Jumaeva]

Макр - гоҳида вазиятдан чиқиш учун ҳам ишлатилади-кў? Яхшилик, муросаи мадора учун..

"Аёлнинг макри қирқ туяга юк дейишади, аслида шу макрни ҳам ақлли аёлларгина ўйлаб топишади"-деган эди Турсиной Содиқова. Бу гапда жон бор. Эркаклар аёллардан ўзларини ақллироқ ҳисоблашади-ю, нимагадир аёл макрига илинганини сезишмайди.

Айбсиз эмассиз, аммо барибир- СИЗНИ ЯРАТГАНГА МИНГ БОРА ШУКР!!!

Тўғри айтасиз шу эркаклар бор экан ҳаётимиз гўзал, чунки биз аёллар ўзимизни бахтли ҳис қилишимизга, оналик бахтига эришишимизга улар сабабчи. Аммо эрнинг тўрт девори бир, шундан биттаси ширин, учтаси аччиқ дейишади, аёллар ана шу битта ширин деворга ёпишиб яшаса, турмуши ёмон кечмайди, менимча.

[gofurov]

Фил тушига олис Ҳиндистон,
Ўт пуркаган кунлар киради.
Йўлбарсгачи, тўқай ва ўрмон,
Кураш ўтган тунлар киради.

Тоғ кийиги уйқусида ҳам,
Қоя узра мағрур туради.
Тушида ҳам илон дамба-дам,
Қуш инида тухум сўради.

Бургутларчи ошиб чўққилар,
Уйқуда ҳам учиб юради.
Тушида ҳам тушиб қўрқувлар,
Шўрлик қуён чўчиб юради.

З.Обидов

[Баходир кушаков]

оналик бахтига эришишимизга улар сабабчи.

САБАБ.

Дунёни яратиб Парвардигоро,
САБАБни ҳаётга,бир асос қилди.
БеСАБАБ ҳеч нарса йўқ эрур бунда,
Бунга ширк этганни гуноҳкор билди.
Қиёмат кунида Исо алайҳиссалом,
Ўнсаккиз минг оламдан учиб келармиш,
Каъбанинг томига қўниб шу заҳот,
Тушай деб бир узун нарвон сўрармиш.
Тумонат ҳалойиқ бўлишиб ҳайрон,
Ҳар ердан тинимсиз савол берармиш:
-Нечун нарвон керак?Аҳир ўзингиз,
Ўнсаккиз минг оламдан учиб келдингиз.
Каъбанинг томи ҳам баландмас унча,
Бир сакраб тушасиз,қийинми шунча?
-Тўғри.Оламларни учиб тушдим мен,
Унда ер қонунлари қилмайди таъсир.
Ҳозир мен ердаман,кўплар қатори,
Мен ҳам бўйсинаман,барчага бу бир.
Бир сакраб оёқни синдирмасимдан,
Келтирсангиз нарвон,ёмон бўлмасди.
Ҳар ишга бир нарса САБАБ бўлмаса,
Азроил инсоннинг жонин олмасди...
Одамлар келтирмиш узун бир нарвон,
Нарвон САБАБ йиқилмай,тушармиш омон.

Қиссадан ҳисса шу,эрур дўстларим,
Ҳеч қачон беСАБАБ ишга қўл урманг.
Яратган Эгамнинг ёнига қайтгач,
САБАБсиз ишни деб ер чизиб турманг.

БАҲОДИР.

[abdurahmonaka]

Қиссадан ҳисса шу,эрур дўстларим, Ҳеч қачон беСАБАБ ишга қўл урманг. Яратган Эгамнинг ёнига қайтгач, САБАБсиз ишни деб ер чизиб турманг.Сабабсиз ишдан Ўзи сақласин!!!

[albatros]

ШЕЪР ҲАҚИДА ШЕЪР
(Ҳазил)

Шеърим, мана, битдинг ниҳоят,
Туним уйғоқ ўтди қошингда.
Битдинг дедим, севинма фақат,
Қанча иш бор ҳали бошингда.

Ҳали сени йўниб, тарашлаб
Юз марталаб ўчирмоғим бор.
Қайта-қайта ғижимлаб ташлаб,
Такрор-такрор кўчирмоғим бор.

Ахир бир кун мавсуминг етиб,
Кирганида ғўза шонага,
Аста сенинг қўлингдан тутиб
Етаклайман газетхонага.

Илҳом дилга боғлаган қанот,
Шахдам-шахдам ташлаймиз одим,
Бизга айлаб «ширин» илтифот,
Қарши олар адабий ходим.

Сени аста ёнимдан олиб,
Ҳаяжон-ла тутаман унга.
Шеърми? — дея у қовоқ солиб
Кўзойнагин қўяр бурунга.

Ўқиб чиқар, тортмага ташлар,
Ўз ишини эттирар давом.
Энди, шеърим, шу кундан бошлаб,
Сен меники эмассан тамом.

Ҳеч ким сени шеър демас энди,
Ҳеч ким демас қўшиқ ё ғазал.
Сен куй, илҳом, шавқ эмас энди,
Бунда сенинг номинг «материал».

[albatros]

(давоми)

Уринмагин энди беҳуда,
Учмоқ учун боғлама қанот.
Ором олиб ширин уйкуда
Муҳаррирнинг тортмасида ёт.

Ёз ҳақида битилган бўлсанг,
Шошма, ҳали қиш келгунча тур.
Бахтинг кулиб, йил ўтгач, аранг
Ярминг чиқса, шунга ҳам шукур.

Ҳали сени, шеърим, неча бор
Ғурбатларга етаклар тақдир.
Бунда қацча... мухлисларинг бор,
Ҳали сени қилурлар таҳрир.

Ўзгаради қанча каломинг,
Ўзгаради қанчалар лавҳанг.
Ёзилганда «Тонг» бўлса номинг,
«Оқшом» бўлар балки сарлавҳанг.

Сўнг оламга ёйгали қанот,
Элни ўзга қилгали «шайдо»
Қуёш янглиғ бир куни — ҳайҳот! —
Газетада бўлурсан пайдо.

Ўз номимдан танийман аранг,
Лол тураман сенинг қошингда.
Навбат билан танқидчи аканг
Ёнғоқ чақар энди бошингда.

Таҳлил айлаб терсу ўнгингдан,
Иккимизни қилади беҳол.
Хўп дўппослаб, танқид сўнгида
Ижодимга тилайди камол.

1961
Эркин Воҳидов

[albatros]

"Gururu Yenemedik" lyrics:

Yenemedik gururu yenemedik
Daha düşemedik biz aşka
Bilemedik geçmişi silemedik
Daha gelemedik biz aşka


Aşka izin ver tanısın yüzünü erisin gözyaşlarım düşsünn bırak
Demir yüreğim dinlenecek görecek suretini yüreğinde
Sen benden geçsen de olur
Ah vazgeçsende bu canda durur


Aşk bekler gururuna yol ver
Sevdam yakar yanar bu şehirler
Bırak ne olur gözyaşım yüzümü bulur


Sevdan izim olsun
Yolunu bulurum karışır deli sulara
Aşsın bırak akar yüreğim
Ah sel olur dokunur yar senin yüreğine
Sığındığım kıyılarına
Ah derman ol yaralarıma


Aşk bekler gururuna yol ver
Sevdam yakar yanar bu şehirler
Bırak ne olur gözyaşım yüzümü bulur


Eylem Aktaş


Ushbu she'rni o'qishingiz bilan beixtiyor o'z-o'zidan ohangga yog'rilib qo'shiq bo'lib kelaveradi. Chunki bu qo'shiqni ko'pchiligimiz eshitganmiz, hatto mobil telefonlarimizga ham o'tkazib olishganmiz desam xato bo'lmasa kerak-a? Nima dedingiz?

[Gulchehra Ibragimova]

Мени мен истаған ўз суҳбатига аржуманд этмас,
Мени истар кишининг суҳбатин кўнглум писанд этмас.

Не баҳра топқамен андинки, мендин истагай баҳра,
Чу улким баҳраи андин тилармен баҳраманд этмас.

Нетай ҳуру пари базминки, қатлим ё ҳаётимға,
Аён ул заҳр чашм айлаб ниҳон, бу нўшханд этмас.

Керакмас ой ила кун шакликим, ҳусну малоҳатдин,
Ичим ул чок-чок этмас, таним ул банд-банд этмас.

Керак ўз чобуки мажнунваши қотил шиоримким,
Бузуғ кўнглумдин ўзга ерга жавлони саманд этмас.

Кўнгул уз чарх золидин, фирибин емаким, охир
Ажал сарриштасидин ўзга бўйнунгға каманд этмас.

Ул ой ўтлуғ юзин очса, Навоий тегмасун деб кўз,
Муҳаббат тухмидин ўзга ул ўт узра сипанд этмас.

[Minglar]

Hozir ozar shoirlarini o'qib o'tirib, o'zimcha o'zbekchaladim yoqib qolgan satrlarni...

Bahorim chechalkari ,
Sensiz so’lib qolmasin.
Umrim qolmasin sensiz,
She’rim sensiz bo’lmasin….

Emine Yusufqizi

Bu sevgidan sen qo’rqasan… aybing yo’q,
Men sevaman ikkimizning o’rniga.
Bu segichun bir kun dorga ossalar,
Men boraman ikkimizning o’rniga.

Ming azobdur sensiz o’tgan har kunim,
Unutaman yaxshi, yomon farqini,
Bu sevgining dog’larini, dardini,
Men chekaman ikkimizning o’rniga.

Nusrat Kesemenli

[Gulchehra Ibragimova]

А Й Р И М Л А Р Г А

Сиздан кўнглим тўлмас фақат,
Сиз туфайли хира шамим.
Номаълум зот, мавҳум хилқат-
На дўстимсиз, на душманим.

Қадамимдан кўз узмайсиз,
Тўздирасиз, лек тўзмайсиз.
Манфаатсиз қўл чўзмайсиз-
На дўстимсиз, на душманим.

Йиғласам, сиз зимдан хандон,
Севинсам, сиз жиғибийрон.
Сохта ғамхўр, пуч меҳрибон-
На дўстимсиз, на душманим.

Сиз чўлдаги қоя каби,
Ўлар пайтим доя каби.
Гирдимдаги соя каби-
На дўстимсиз, на душманим.

Сизга менинг айбим керак,
Сизга керак менинг камим.
Фариштасиз қораюрак-
На дўстимсиз, на душманим.

Бобур Бобомурод

[Masud Mahsudov]

O'ZBEKISTON

Yurtim, senga she'r bitdim bu kun,
Qiyosingni topmadim aslo.
Shoirlar bor, o'z yurtin butun -
Olam aro atagan tanho.
Ular she'ri uchdi ko'p yiroq,
Qanotida kumush diyori,
Bir o'lka bor dunyoda, biroq
Bitilmagan dostondir bori:
Faqat ojiz qalamim manim,
O'zbekiston, Vatanim manim.

Yurmasman hech behishtni izlab,
Topolmasam chekmasman alam.
O'tirmasman ertaklar so'zlab,
Musallo deb yo'nmasman qalam.
Ko'klamingdan olib sururni,
Dovrug' soldi ustoz Olimjon,
G'afur G'ulom tuygan g'ururni
Qilmoq mumkin dunyoga doston.
Olis tarix qadamim manim,
O'zbekiston, Vatanim manim.

Kechmishing bor chindan ham uzoq,
Ilg'ay olmas barchasin ko'zim.
Maqtamasman moziyni biroq,
O'tmishingni o'ylayman bir zum.
Zabtga olib keng Osiyoni,
Bir zot chiqdi mag'rur, davongir,
Ikki asr yarim dunyoni
Zir qaqshatdi Buyuk jahongir.
Aytgum, bu kun, u manim, manim.
O'zbekiston, Vatanim manim.

Bobolardan so'z ketsa zinhor,
Bir kalom bor gap avvalida.
Osmon ilmi tug'ilgan ilk bor
Ko'ragoniy jadvallarida.
Qotil qo'li qilich soldi mast,
Quyosh bo'lib uchdi tilla bosh.
Do'stlar, ko'kda yulduzlar emas,
U, Ulug'bek ko'zidagi yosh.
Erda qolgan, o, tanim manim,
O'zbekiston, Vatanim manim.

Ko'z oldimdan kechar asrlar,
Ko'z-ko'z etib nuqsu chiroyin.
Sarson o'tgan necha nasllar,
Topolmasdan tug'ilgan joyin.
Amerika - sehrli diyor,
Uxlar edi Kolumb ham hali,
Dengiz ortin yoritdi ilk bor,
Beruniyning aql mash'ali.
Kolumbda bor alamim manim,
O'zbekiston, Vatanim manim.

Ko'p jahongir ko'rgan bu dunyo,
Hammasiga guvoh er osti.
Lekin, do'stlar, she'r ahli aro
Jahongiri kam bo'lar, rosti.
Besh asrkim, nazmiy saroyni
Titratadi zanjirband bir she'r.
Temur tig'i etmagan joyni
Qalam bilan oldi Alisher.
Dunyo bo'ldi chamanim manim,
O'zbekiston, Vatanim manim.

Bobolardan so'zladim, ammo
Bir zot borkim, baridan suyuk:
Buyuklarga baxsh etgan daho,
Ona xalqim, o'zingsan buyuk.
Sen o'zingsan, eng so'nggi nonin
O'zi emay o'g'liga tutgan.
Sen o'zingsan, farzandlar shonin
Asrlardan opichlab o'tgan.
Ona xalqim, jon-tanim manim,
O'zbekiston, Vatanim manim.

Bosh ustingdan o'tdi ko'p zamon,
O'tdi Budda, o'tdi Zardushti.
Har uchragan nokasu nodon,
Ona xalqim, yoqangdan tutdi.
Seni chingiz g'azabga to'lib
Yo'qotmoqchi bo'ldi dunyodan.
Jaloliddin samani bo'lib
Sakrab o'tding Amudaryodan.
Sensan o'shal samanim manim,
O'zbekiston, Vatanim manim.

Toleingda bor ekan yashash,
Goh qon ichding, gohida sharob.
Etmoq bo'lib yurtim xomtalash,
Bosh ustingga keldi inqilob.
Chora istab jang maydonidan
Samolarga uchdi unlaring,
Shahidlarning qirmiz qonidan
Alvon bo'ldi qora tunlaring.
Qonga to'lgan kafanim manim,
O'zbekiston, Vatanim manim.

Lekin oftob poymol o'lmas,
Kavaklarda qolmas oy nuri,
Odil hakam - haq bor, beg'araz,
Mazlumlarning buyuk g'amxo'ri.
Qilich serpab tole tongida
O'zligingni tanib qolding sen.
O'g'lonlarning qatra qonida
O'zbekiston nomin olding sen.
Nomi qutlug' gulshanim manim,
O'zbekiston, Vatanim manim.

Tinch turarmi bu ko'hna olam,
Tinch turarmi dog'uli zamon.
Oromingni buzdi sening ham
Fashist degan vahshiy olomon.
Qonim oqdi Danoigda manim,
Sobir Rahim yiqilgan chog'da.
Lekin, yurtim, kezolmas g'anim.
O'zbekiston atalgan bog'da.
Sensan nomus va sha'nim manim,
O'zbekiston, Vatanim manim.

Kech kuz edi, men seni ko'rdim,
Derazamdan boqardi birov.
U sen eding, o, dehqon yurtim,
Turar eding yalangto'sh, yayov.
- Tashqarida izillar yomg'ir,
Kir, bobojon, yayragil bir oz.
Deding: - Paxtam, qoldi-ku axir,
Yig'ishtiray kelmasdan ayoz.
Ketding, umri mahzanim manim,
O'zbekiston, Vatanim manim.

Sen ketarsan balki yiroqqa,
Farg'onada balki, balqarsan.
Balki chiqib oqargan toqqa,
Cho'pon bo'lib gulxan yoqarsan.
Balki ustoz Oybekdek to'lib
Yozajaksan yangi bir doston.
Balki Habib Abdulla bo'lib,
Sahrolarda ochajakson kon.
Tuprog'i zar, ma'danim manim,
O'zbekiston, Vatanim manim.

Mayli, yurtim, kezsang ham dunyo,
Fazolarga qo'ysang ham qadam,
O'zligingni unutma aslo,
Unutma hech, onajon o'lkam.
Bir o'g'lingdek men ham bu zamon
Kechmishingni qildim tomosha.
Iqbolingni ko'roldim ayon
Istiqlolning ufqlari osha.
Iqboli hur, sho'x-shanim manim.
O'zbekiston, Vatanim manim.

Zavol ko'rma hech qachon, o'lkam,
Zavol bilmas shu yoshing bilan.
Muzaffar bo'l, g'olib bo'l, o'ktam,
Do'stu yoring, qardoshing bilan.
Asrlarning silsilasida
Boqiy turgay koshonang sening.
Ulug' bashar oilasida
Mangu yorug' peshonang sening.
Mangu yorug' maskanim manim,
O'zbekiston, Vatanim manim.

Abdulla Oripov

[albatros]

O'ZBEKISTON

Mangu yorug' maskanim manim,
O'zbekiston, Vatanim manim.

Abdulla Oripov

O‘zbekiston

Vodiylarni yayov kezganda,
Bir ajib his bor edi manda...
Chappar urib gullagan bog‘in,
O‘par edim Vatan tuprog‘in.
Odamlardan tinglab hikoya
O‘sar edi shoirda g‘oya.
Daryolardan kuylab o‘tardim,
Ertaklarga quloq tutardim.
Hammasini tinglardim, ammo
O‘xshashini topmasdim aslo.

O‘xshashi yo‘q bu go‘zal bo‘ston
Dostonlarda bitgan guliston –
O‘zbekiston deya atalur,
Uni sevib el tilga olur.
Chiroylidir go‘yo yosh kelin,
Ikki daryo yuvar kokilin;
Qorli tog‘lar turar boshida,
Gul vodiylar yashnar qoshida.
Chor atrofga yoyganda gilam,
Aslo yo‘qdir bundayin ko‘klam.
Tog‘lardagi qip-qizil lola,
Bo‘lib go‘yo yoqut piyola,
Buloqlardan uzatadi suv,
El ko‘zidan qochadi uyqu.
Dalalarda boshlanadi ish,
Boshlanadi ijod va turmush.
Kundan - kunga o‘sadi paxta,
Barg chiqadi har bir daraxtda.
Olmazorlar gulin to‘kadi,
Meva bog‘lab shoxin bukadi.
Shaharlarda ishga chiqib el,
Odam bilan to‘lar Tekstil.
Hammasining bir istagi bor,
Hammasi ham xursand, baxtiyor.
Bu o‘lkada har narsa bordir,
Ko‘rmaganlar doim humordir.
Amu bilan Sirdan suv ichgan,
Zarafshonni loylatib kechgan,
Chavandozlar bordir bu elda.
Bahor chog‘i pishqirgan selda,
Arg‘umoqlar qo‘shig‘i bordir:
Bu shundayin ajib diyordir.
Dalasida o‘smas tikonlar,
Cho‘llarida chopmas ilonlar;
Qush uchganda kuymas qanoti,
Odam o‘tsa qurimas zoti.
Chanqov qolib yo‘lovchi o‘lmas,
Har burchakda boshkesar bo‘lmas.
Kulbalarni kelib bosmas qum,
Go‘daklarni yutmas och o‘lim,
Odamga baxt va tole` yordir –
Bu shundayin ajib diyordir.

Bunda bulbul kitob o‘qiydi,
Bunda qurtlar ipak to‘qiydi,
Bunda ari keltiradi bol,
Bunda qushlar topadi iqbol.
Bunda qorning taglarida qish
Bahor uchun so‘ylaydi olqish.
Bir o‘lkaki husnga boydir,
Uning eng zo‘r ko‘zgusi oydir;
Bir parcha o‘t bo‘lib bunda kun
Paxtasiga ishlaydi har kun.
Botirlari kanal qazadi,
Shoirlari g‘azal yozadi,
Kuychilari o‘qiydi yalla,
Juvonlari aytadi alla,
Pazandasi yopadi shirmon,
Qarilari kutadi mehmon. –
Bu shundayin ajib diyordir.
Shuning uchun tinchdir ul ko‘ngil,
Shuning uchun osoyishdir ul.
Shuning uchun somonda yotmas,
Shuning uchun sovuqda qotmas,
Yovlariga osmon tutundir,
Shuning uchun bag‘ri butundir.
Shuning uchun yopinmagay xas,
Shuning uchun kiyinar atlas.

Shunday o‘lka doim bor bo‘lsin,
Shunday o‘lka elga yor bo‘lsin.
Omon bo‘lsin og‘aynilari,
Omon bo‘lsin do‘stlarning bari.
Vodiylarni yayov kezganda,
Bir ajib his bor edi manda...

Hamid Olimjon.

[Feruza Xodjayeva]

Ўғлимга насиҳат

Мендан кейин тополмайсан изларимни,
Бир ўтинчим, суяб юргин қизларимни.
Қўмсаб қолсанг мунисгина нигоҳимни
Қизларимда аксин изла кўзларимни.

Бийрон болам, доно болам, тилло болам,
Тилгинамни куйдиради аччиқ нолам.
Ҳар бирингга юрак порам қалқон бўлар,
Ҳар биттангга тенг келади бутун олам.

Ўғлим, сени соғинганда бағрим тилка,
Кун санайман кўзларимни тикиб йўлга.
Оловдайин кўринасан эрка болам,
Дейман "Ўғлим қолмасинда дашту чўлда"

Худойимни ўзи асрар, дуо берай,
Хизр сенга назар қилсин, шуни сўрай.
То тирикман, қўлларингга кирмасин хор,
Болаларим юрак-бағрин бутун кўрай.

Ойдин Дўст қизи

[Gulchehra Ibragimova]

МУҲАББАТ НЕ?

Муҳаббат не? Муҳаббат –
Қалбга ботган тикандир.
Қувончлари бир олам,
Ғамлари ҳам улкандир.

Муҳаббат не? Ошиқлик –
Мажнунлик, – дер донишлар.
Минг бир ўтда қоврилиб,
Минг бир ўтда ёнишлар.

Муҳаббат не? Муҳаббат –
Юрагимга бир қафас.
Аммо нечун йиғлайман,
Сенсиз қолсам бир нафас?

Муҳаббат не? Ким ундан
Омон қолгай, ёрижон?
Сиз бир тараф, мен бунда –
Ўртанамиз икки жон.

Муҳаббат не? Муҳаббат
Юрагимда дукурлар.
Ишқни тақдирга битган –
Яратганга шукурлар!

Шодмон Сулаймон

[Gulchehra Ibragimova]

*** *** ***
Сочининг савдоси тушти бошима бошдин яна,
Тийра бўлди рўзгорим ул қаро қошдин яна.

Мен ҳуд ул тифли парийвашға кўнгул бердим, вале
Хонумоним ногаҳон бузулмағай бошдин яна.

Юз ямонлиғ кўруб андин телба бўлдунг, эй кўнгул,
Яхшилиғни кўз тутарсен ул паривашдин яна.

Тош урар атфол мени, уйда фориғ ул парий,
Телбалардек қичқирурмен ҳар замон тошдин яна.

Оёғим етгунча Бобурдек кетар эрдим нетай,
Сочининг савдоси тушти бошима бошдин яна.

[Gulchehra Ibragimova]

*** *** *** ***
Қаро кўз бирла бир ғамза қилиб юз минг жафо қилма,
Карашма бирла оламни менингтек мубтало қилма.

Менинг бу хаста жонимға сенинг дардинг эрур марҳам,
Қиёматга текин ҳаргиз бу дардимға даво қилма.

Мени, эй ой,қўрқармен қилиб дунёда саргашта,
Эшикинг тупроқин кўзга топилмас тўтиё қилма.

Фироқинг бўтаси ишра қонимни сизғирур ҳар дам,
Юзумни олтун этколи ғамингни кимиё қилма.

Ахир, бегона деб гирён эшигиндин қувар бўлсанг,
Кулар юз кўргузуб аввал кишини ошино қилма.

Бағир қон айладинг жавру жафолар бирла, султоним,
Кўзум ёши била ҳар дам юзумдин можаро қилма.

Ё Саккокий, бу шах қобқин ганимат тут,чу зулфиға
Аёқин боғлагон қушсен,учарға ҳеч ҳаво қилма.


Изоҳ: Иккинчи байтдаги: "Менинг бу хаста жонимға сенинг дардинг эрур марҳам"-балки малҳамдур..аммо берилган манбада айнан шундай экан

[Gulchehra Ibragimova]

*** *** **** ***** *** ***
Фурқатингда, эй пари,тан куйди-ю жон йиғлади,
Дамбадам худ қайғудин икки кўзум қон йиғлади.

Ҳеч даво йўқ дардким жонимда бор,они кўруб
Тўнин чок этти табибу дору дармон йиғлади.

Дур тишинггу гул юзунг васфидин кечти ҳадис,
Жамъ ҳайрат ўтина ёнди-ю сўзон йиғлади.

Эшикингда ит бикин бостим неча йил қоврулуб,
Ушбу ҳолимни кўруб кофир,мусулмон йиғлади.

Йиғлади ҳатто рақибнинг келғондан раҳми манга,
Бори ул қаттиқ кўнгуллук чинму ёлғон йиғлади.

Билдилар юздин кўруб Саккокий ҳолин сўрмайин,
Хосу ому шаҳру деҳ, донову нодон йиғлади.

[Gulchehra Ibragimova]

ЯНА ҚАЙТИБ КЕЛДИМ. ЧАНГ ТЎЗГАН
Йўлимизни соғиндим, она.
Том устида майсалар ўсган
Уйимизни соғиндим, она.

Азиз даргоҳ остонасида
Сизни қалбим билан қучайин,
Тўйиб-тўйиб сопол косада
Муздек қудуқ сувин ичайин.

Ҳар бир нарса яқиндир менга,
Ҳар бир нарса менга қадрдон.
Қараб қолдингизми йўлимга
Иссиқ нонлар узиб тандирдан?

Койимангиз мени бу сафар
Унутди деб уйни, даламни,
Не чора бир дил ёнса агар,
Севиб қолсам бутун оламни.


О, қишлоқнинг мунис чиройи...
Аччиқ пиёз тўғрайин ўзим.
Дил соғиниб йиғлади доим,
Ҳозир, майли йиғласин кўзим.

Тарғилланиб бормоқда осмон,
Оппоқ ҳидга тўлмоқда бағрим.
Айтингиз-чи, борми соғ-омон
Шаҳло кўзли менинг тарғилим?

Оғушимда зангори сезги,
Кипригимда суюқ ҳаяжон.
Кўзларимда юмалоқ севги,
Саломатман мен ҳам, онажон!

Қайтиб келдим яна. Чанг тўзган
Йўлимизни соғиндим, она.
Том устида майсалар ўсган
Уйимизни соғиндим, она.


Рауф Парфи

[Gulchehra Ibragimova]

БАЛКИ ЎЧГАН ЭДИМ ЁДИНГДАН,
Ширин хаёлингни буздимми?
Лайло, Лайло, сенинг ёнингда
Япроқ каби кўрдим ўзимни,
Ширин хаёлингни буздимми?

Сени ўйлаб келмайди уйқу –
Қора туннинг ўзга сеҳри бор.
Тушларимда топай деб гулрў
Мен ухларман мангу, эҳтимол.
Гўзал тушлар тилайман, Лайло...

Яна пайдо бўлдинг йўлимда,
Яна йўлларингда бўзладим.
Бечора қалб сенинг қўлингда,
Кўзларингда менинг кўзларим.
Нечун пайдо бўлдинг йўлимда?..

Рауф Парфи

1963

[Minglar]

Изоҳ: Иккинчи байтдаги: "Менинг бу хаста жонимға сенинг дардинг эрур марҳам"-балки малҳамдур..аммо берилган манбада айнан шундай экан

Tekst noto'gri emas, marham ham malham kabi ishlatsa bo'ladi.

Judda ham dilbar satrlarni tanlabsiz, RAHMAT!

[мафтун]

Қайтиб келдим яна. Чанг тўзган
Йўлимизни соғиндим, она.
Том устида майсалар ўсган
Уйимизни соғиндим, она.


Проста даҳшат. Гулчеҳра опа, молодец! Так держать!!!!

Шу кайфиятда битта шеър.(муаллифини топганга приз бор!)


ЭСКИ ДЕВОР

Болалик.
Ўртоғим капалак, сабо,
Қувалаш ўйнардик намозшомгача.
Йўлимга чироқлар ёққанча само,
Мени чорлар эди
тонггача...

Саҳарлар
маст эдим, асов ўйларим
Осмону фалакда қанот ёйсалар.
Жимгина ўтлаган қўйларим...
Биллур сирға таққан майсалар...

Эсимда
зилол сув қўшиқ айтганда,
Кўзни юмганча бош чайқаган ялпиз.
Кўча супургани чиққанда,
Ҳеч иши унмаган қўшни қиз.

Райҳон тўла ҳовли.
Пахса деворлар.
Ва қўшни томонга бўйлаган дарахт.
Боғ ичра таралган алёрлар,
Деворни бузамиз, деган буюк аҳд.

Кейин...

Кейин бирдан кўкка туташди йўлим,
Қўшни томонларда бўлди ёр-ёрлар.
Эсга тушса ҳамон бузилар кўнглим,
Ҳамон бузилмаган эски деворлар.

[Masud Mahsudov]

Проста даҳшат. Гулчеҳра опа, молодец! Так держать!!!!

Шу кайфиятда битта шеър.(муаллифини топганга приз бор!)


ЭСКИ ДЕВОР

Болалик.
Ўртоғим капалак, сабо,...

Сиз :)

[Masud Mahsudov]

Изоҳ: Иккинчи байтдаги: "Менинг бу хаста жонимға сенинг дардинг эрур марҳам"-балки малҳамдур..аммо берилган манбада айнан шундай экан

Tekst noto'gri emas, marham ham malham kabi ishlatsa bo'ladi.

Judda ham dilbar satrlarni tanlabsiz, RAHMAT!

Ўзбек тилида марҳам, деган сўз йўқ! Ишлатса бўлишини қаердан биласиз? Филологмисиз? Илтимос, гапингизни изоҳланг...

[albatros]

Ikki narsa og‘ir ko‘ngaimga asli,
Ikki narsa uchun yo‘q menda bardosh:
Biri - dushmanimning shodon qahqahasi,
Biri - do‘st ko‘zida miltillagan yosh.

Asqad Muxtor

[Gulchehra Ibragimova]

Изоҳ: Иккинчи байтдаги: "Менинг бу хаста жонимға сенинг дардинг эрур марҳам"-балки малҳамдур..аммо берилган манбада айнан шундай экан

Tekst noto'gri emas, marham ham malham kabi ishlatsa bo'ladi.

Judda ham dilbar satrlarni tanlabsiz, RAHMAT!

Ўзбек тилида марҳам, деган сўз йўқ! Ишлатса бўлишини қаердан биласиз? Филологмисиз? Илтимос, гапингизни изоҳланг...

Масъудбек, жавобни ман ўзим бера қолай, чунки ушбу ғазални жойлаштиришда ўзим ҳам иккилангандим.. Балки матнни кўчиришда (Ёзувчилар Уюшмаси)нотўғри олишганмикин, деган ҳаёлгаям бордим.

"малҳам", "маҳрам" каби сўзлар кўп ишлатилади..Аммо "марҳам"ни энди учратишим.

Луғатлардан сўз маъносини излаб топдим. "Ўзбек тилининг этимологик луғати" (Ш.Раҳматуллаев, Т, "Университет", 2003) да қуйидагича изоҳ берилган экан:

"МАЛҲАМ" бу арабча сўз асли marham (un) шаклига эга (АРС, 317);
Сўзлашув тилида "р" ундоши "л" ундошига алмаштириб талаффуз қилинади, шундай шакли адабий тилга олинган :

marham --малҳам; бу от араб тилида "суртиладиган дори", "крем", "бальзам" маъноларини (АРС, 317);

ўзбек тилида эса "ярага суртиладиган хамирсимон ёпишқоқ дори" маъносини;

кўчма маънода "даво"маънода "даво" маъносини англатади. (ЎТИЛ, I, 444);

Демак, бу боради МИНГЛАР шоир хабардор бўлганлар шекилли, (тилчи бўлмасалар ҳам!http://uforum.uz/images/icons/icon7.gif ) аниқ ишонч билан тўғри фикр билдирибдилар, деб ўйладим..

[Minglar]

Rahmat, Gulchehra ! Menda gapimni izohlashga manba yo'q edi, bilasiz asl kasbim ihtirochi-muhandis, shuning uchun bunday kitob( etimologik lug'at) ga ehtiyojim kam:)

[Gulchehra Ibragimova]

Rahmat, Gulchehra ! Menda gapimni izohlashga manba yo'q edi, bilasiz asl kasbim ihtirochi-muhandis, shuning uchun bunday kitob( etimologik lug'at) ga ehtiyojim kam:)
Албатта-да, ўз билимингизга ишонсангиз бизга ўхшаб луғат титишга, http://uforum.uz/images/icons/icon7.gifиккиланишга эҳтиёж қолмайди-да?!

[мафтун]

Дарахтларни буркаб
Оқ туман сузар.
Эшитилмас қушлар навоси.
Нега мунча ғамгин...
Нега дилни эзар
Эрта баҳор куни бу куз ҳавоси?
Мен нега юрибман
Боғни айланиб,
Уйда ахир ишим оз эмас:
Столда ётибди чала сатрлар...
Мен нега юрибман,
Кўнглим ёзилмас?..

Бир қиз,
бир йигитни кўрдим шу дамда.
Улар шошиб келиб,
тез қўл олишди.
Шумшайган дарахтлар тагида, намда
Узоқ,
узоқ туриб қолишди...
Бахтлиман.
О, менинг толеим кўркам.
Кўнглим қувончларга тўлди лиммо-лим,
Чунки, қаердадир,
узоқда бўлса ҳам,
Ер юзида сен борсан, жоним.


Асқад Мухтор

[bekww]

Не маъно бор сўнгги йиғида,
Не қайғулар бахш этар даврон.
Кел, кўзимнинг очиқлигида -
Сенга тўйиб олайин осмон.
Ҳушлар шошиб бошимдан учди,
Эргаштириб олганча тунни.
Ўтган умрим эсимга тушди -
Эслатмагин қолган умримни...


PS. Хосият Рустамованинг бошқа шеърларини интернетдан топса бўлармикин?

[Minglar]

PS. Хосият Рустамованинг бошқа шеърларини интернетдан топса бўлармикин?

Hozirgi kunda kitob magazinlarida kitoblari bor

[albatros]

Adabiy tanqid (hazil).

Hamzaga etmading avval e'tibor,
"O'tgan kunlar" bo'ldi qo'llaringda xor.
Mehrobdan chayon" ham chippakka chiqdi...
"Obid ketmon"dagi puchakka chiqdi...
Urib, "Qutlug" qon"ning boshini yording,
Keyin "Navoiy"ni tuproqqa qording.
Sarob bo'lib qoldi dastingdan "Sarob",
"Jaloliddin"ni ham aylading xarob.
Aruzni yomonlab, yerga urding sen,
"Alpomish"ni haydab, nari surding sen.
"Mirzo Ulug'bek"ni qiynoqqa olding,
"Tobutdan tovush"ni tobutga solding...
Shunchalar qon to'kmish qalaming sening,
Ayt-chi, nimadandir alaming sening?
Qo'linga hamisha saydir beshotar,
Magar bobongmidir Muqbil toshotar?
Garchi buyuklarni tayoqlading sen,
Lekin puchaklarni ardoqlading sen.
Qilmishing bo'yladir, ishqing bu taxlit,
Barakalla senga, adabiy tanqid!...

1985
Jamol Kamol.

[Nigora Umarova]

PS. Хосият Рустамованинг бошқа шеърларини интернетдан топса бўлармикин?
www.ziyouz.com va "Adabiyot manzaralari" saytlaridan ham Xosiyat Rustamovaning she'rlarini o'qish mumkin.

[Nigora Umarova]

Murodjon1996, "Dildagi satrlar"da she'rlarni qoldirish jarayonida, albatta, she'r muallifini ko'rsating. Aks holda qoldirgan xabarlaringiz o'chiriladi.

[albatros]

Zo'ravon yasharmish ojizni talab,
G'olib ham mag'lubni etarmish tilka.
Bu bir qonun emish... Rost bo'lsa shu gap,
Men senga qarshiman, dialektika!

Shu agar rost bo'lsa, sholg'on shikvadir
Olamda bashariy insof degan gap.
Gar insof bo'lmasa, iymon nimadir?
Nimadir Hazrati Inson degan gap?...

* * *

She'rim, tug'ilgansan xush ayyomlarda,
Shu yorug' dunyoda o'g'limsan, qizim.
Qorong'u saharlar, tiyra shomlarda
Suyanib yuraman senga, yulduzim.

Mendan oldin tashlab ketma dunyoni,
Sen ham solma endi boshimga alam.
Boshlab chiqqan eding safarga meni,
O'zing kuzatib qo'y so'ngi yo'lga ham...

Jamol Kamol

[Gulchehra Ibragimova]

Заҳириддин Муҳаммад Бобур ижодидан
https://img.uforum.uz/thumbs/uvytawg4011847.jpg (https://img.uforum.uz/images/uvytawg4011847.jpg)
*** *** *** ***
Жонимдин ўзга ёри вафодор топмадим,
Кўнглумдин ўзга маҳрами асрор топмадим.

Жонимдин ўзга жонни дилафкор кўрмадим,
Кўнглум киби кўнгулни гирифтор топмадим.

Усрук кўзига токи кўнгул бўлди мубтало,
Ҳаргиз бу телбани яна ҳушёр топмадим.

Ночор фурқати била хўй этмишам, нетай,
Чун васлиға ўзумни сазовор топмадим.

Боре борай эшигига бу навбат, эй кўнгул,
Нечаки бориб эшигига бор топмадим.

Бобур, ўзунгни ўргатакўр ёрсизки, мен
Истаб жаҳонни мунча қилиб ёр топмадим.

[Gulchehra Ibragimova]

Не вафо умрумда ул жону жаҳондин кўргамен,
Ким вафо жондин кўрубдурким, мен ондин кўргамен.

Кўз йўлидин ул сари ҳуснун назар айлар эдим,
Қон ёшим ул йўлни тутти, эмди қондин кўргамен.

Ёраб, ул кун шум толиъдин манга бўлғаймуким
Жонима ором ул ороми жондин кўргамен.

Кўз кўрар, лекин солур мени балоға бу кўнгул,
Бу балони неча чашми хунфишондин кўргамен.

Бартараф қилғил вафо истарни элдин, Бобуро,
Ул ғалатдурким, вафо аҳли жаҳондин кўргамен

[Gulchehra Ibragimova]

Сендек менга бир ёри жафокор топилмас,
Мендек сенга бир зори вафодор топилмас.

Бу шаклу шамойил била худ ҳуру парий сен
Ким, жинси башар ичра бу миқдор топилмас.

Ағёр кўз оллидаку ул ёр аён йўқ,
Ғамхоре кўнгул ичраю ғамхор топилмас.

Эй гул, мени зор этмаки, ҳуснунг чаманида
Кўзни юмуб очқунча бу гулзор топилмас.

Бобур, сени чун ёр деди, ёрлиғ этгил,
Оламда кишига йўқ эса ёр топилмас.

[Gulchehra Ibragimova]

https://img.uforum.uz/images/bvxfuoh1594500.jpg

Сочининг савдоси тушти бошима бошдин яна,
Тийра бўлди рўзгорим ул қаро қошдин яна.

Мен ҳуд ул тифли парийвашға кўнгул бердим, вале
Хонумоним ногаҳон бузулмағай бошдин яна.

Юз ямонлиғ кўруб андин телба бўлдунг, эй кўнгул,
Яхшилиғни кўз тутарсен ул паривашдин яна.

Тош урар атфол мени, уйда фориғ ул парий,
Телбалардек қичқирурмен ҳар замон тошдин яна.

Оёғим етгунча Бобурдек кетар эрдим нетай,
Сочининг савдоси тушти бошима бошдин яна.

[Gulchehra Ibragimova]

Бобораҳим Машраб ижодидан
https://img.uforum.uz/images/qcgtawa8827524.jpg

МЕН НОЛА ҚИЛАЙ ШОМУ САҲАР…
Мен нола қилай шому саҳар дод, эшигингда,
Жонимни берай, шўхи паризод, эшигингда.

Ул лолаву райҳону суман, тоқа қизил гул,
Ҳам сарв букулди, қади шамшод эшигингда.

Хўбони жаҳон бўлса тақи Юсуфи Канъон,
Султону амир бандаё, озод эшигингда.

Зулфинг сени бу жонима юз доми балодур,
Жоним қуши сайд ўлди чу сайёд эшигингда.

Олам бориси лаззати ҳуснунгни топибдур,
Гирёну фиғон, нолаву фарёд эшигингда.

Савдойи муҳаббатга тушубман сени излаб,
Ўлтурди ғаминг, кўзлари жаллод, эшигингда.

Ашким тўкубон ҳажру ғамингда кеча-кундуз,
Вайрона ватан — манзул обод эшигингда.

Ул ҳусну жамолинг ўти Машрабға тушубдур,
Парвонасифат қуйди, паризод, эшигингда.

[Gulchehra Ibragimova]

https://img.uforum.uz/thumbs/mzxoaiq8083721.jpg (https://img.uforum.uz/images/mzxoaiq8083721.jpg)

ЭШИТ АРЗИМНИ, ЭЙ ДИЛБАР

Азалдан то абад кўнглум қутулмас ишқ балосидин,
Юроким раҳналар бЎлди, бу ишқнинг можаросидин.

Хаёлимда сенинг васлинг, тополмасман, мени ҳайрон,
Магар васлингга етсам пири комилнинг дуосидин.

Эшит арзимни, эй дилбар, юрак-бағрим кабоб ўлди,
Рақиблар шодмон бЎлди нигоримнинг жафосидин.

Санам, сенсиз бу дунёда тириклик қилмоғим мушкул,
Кел, эй кўнгул, кечоли бу тирикликнинг бақосидин.

Санам, ишқинг ўти охир мени бехонумон этти,
Куярман дам-бадам тинмай бу дарди бедавосидин.

Хароб ўлди менинг кўнглум, кишим йўқтурки, роз айтсам,
Сўнгоклар рахналар бЎлди дилимнинг оҳи босидин.

Сени ишқинг била йиғлаб, агар маҳшарда оҳ урсам,
Куярлар мўмину кофир бу Машрабнинг навосидин.

[Баходир кушаков]

Изоҳ: Иккинчи байтдаги: "Менинг бу хаста жонимға сенинг дардинг эрур марҳам"-балки малҳамдур..аммо берилган манбада айнан шундай экан _
Ўта зуккосиз Гулчеҳраҳон.Бўлиб ўтган баҳсни ҳал қилиб қўйибсиз.

[Aliya]

Zo'ravon yasharmish ojizni talab,
G'olib ham mag'lubni etarmish tilka.
Bu bir qonun emish... Rost bo'lsa shu gap,
Men senga qarshiman, dialektika!

Мактабда ўқиб юрган кезларим рус шоири Крыловнинг "Волк и Ягненок" ("Бўри ва қўзичоқ") деган масалида айнан шу шеър билан "ҳамфикр" жумлани ўқигандим:
"У сильного всегда бессильный виноват" ;)

[Nigora Umarova]

Мактабда ўқиб юрган кезларим рус шоири Крыловнинг "Волк и Ягненок" ("Бўри ва қўзичоқ") деган масалида айнан шу шеър билан "ҳамфикр" жумлани ўқигандим:
"У сильного всегда бессильный виноват" ;)

"Ёғочнинг бўшини қурт ейди доим,
Тарихда мисоллар жуда кўп бунга...",-деб ёзилганди таржимасида.

[Minglar]

Dilimda qolmadi tinchlik va orom,
Talab ketdi o’shal ma’shuqi Bahrom.
Salom yetkur nigorimg’a sabo tez ,
Borib anga degilki ey, Dilorom:
Ey, Dilorom, ey, Dilorom,
Dilimda qolmadi tinchlik va orom.


Qachon sendan yiroq bo’ldim chunonam,
Na hush qoldi, na qoldi aqlu-orom.
Yugurdim har taraf men misli Majnun,
Tilimda Layli noming subhidan shom.
Ey, Dilorom, ey, Dilorom,
Dilimda qolmadi tinchlik va orom .



Yugurdim har taraf, manzil ba manzil,
Talab aylab sani ey, chehra gulfom,
Na sendan bir xabar topdim, na payg’om,
Na sendan menga sog’ar bor, na bir jom.
Ey, Dilorom, ey, Dilorom,
Dilimda qolmadi tinchlik va orom.


Gajak zulfingga bo’ldim misli …
Qo’li poyingga zulfi tashlamish dor
G’azal bitmakni qo’y endi, Nizomiy,
Tushib hilvatga cho’k sen zori nokor.
Ey, Dilorom, ey, Dilorom,
Dilimda qolmadi tinchlik va orom.


SH. Jo'raev qo'shig'idan, faqat bitta so'zni tushunmadim , shuning uchun tushirib qoldirdim.

[albatros]

Gajak zulfingga bo’ldim misli …
Qo’li poyingga zulfi tashlamish dor



SH. Jo'raev qo'shig'idan, faqat bitta so'zni tushunmadim , shuning uchun tushirib qoldirdim.

Gajak zulfingga bo‘ldim misli oftob
To‘lib poyingga zulfing tashlamish dor,
Fazal bitmakni qo‘y endi Nizomiy
Tushib xilvatga cho‘k sen zori nochor.

[albatros]

SH. Jo'raev qo'shig'idan
Mana yana shunday qo'shiqlardan biri:

BAHOR AYYOMI

Bahor ayyomidur dag’i, yigitlikning ovonidur,
Ketur soqiy sharobi nozikim ishrat zamonidur.

Gahi sahroi zori lolasham’idin erur gulgun
Gahi sahni chaman bo‘ldi chehrasidin arg’uvonidur.

Yana sahni chaman bo‘ldi munaqqashrang gullardan
Magar kim sun meni naqqoshig’a rang imtihonidur.

Yuzing ey gul hayotim gulshani toza gulzori,
Qading ey gul qayotim bog’ini sarviravonidur.

Nay yerda bo‘lsang ey gul andadur joni Boburning,
G’aribingga tarahhum aylagilgim andijonidur.

[Minglar]

Ketur soqiy sharobi nozikim ishrat zamonidur.


Bu yerda:

Ketur soqiy sharobi-nob...


Gahi sahroi zori lolasham’idin erur gulgun

Bu yerda:
Gahi sahro uzori lola shaklidin...

va hokazo.

Sal so'zlarni ma'nosiga qarab yozsangiz bo'lardi, sayt savodsizlik sayti emas!

[albatros]

sayt savodsizlik sayti emas!

Savodsizlik qildimmi bilmadimu aynan ushbu she'rni mana bu yerdan (http://ziyouz.com/files/sherali.html#86) olgandim.

[Minglar]

Savodsizlik qildimmi bilmadimu aynan ushbu she'rni mana bu yerdan olgandim.

Qaerdandir olganlik sizdan mas'uliyatni olib tashlamaydi. Bu hammamiz yaxshi ko'radigan sahifa uchun jon kuydirish ma'nosida aytyapman, to'g'ri tushunarsiz degan umiddaman.

[albatros]

Насиҳат
(«Кулгу мушоиралари»дан)

Қўлни ишга моҳир этма,
Тилни гапга уста қил,
Ишни бир қилган жойингда
Гапни албат юзта қил.

Бошлиғинг олдида топмок
Истасанг сен эътибор,
Қоматинг юз турли буккин,
Сўзни ҳам минг тусда қил.

Жилмайиб тур ёнида, ҳеч
Очма танқидга оғиз,
Таклифинг бўлса ўзига
Астаю оҳиста қил.

Тур деса тур, ёт деса ёт,
Чиқма зинҳор измидан.
Ҳеч фикр қилма ўзингча,
Қилма бир иш мустақил.

Бошлиғинг кўнглини бил сен,
Кетма пинжидан нари,
Пайтини топсанг мабодо,
Бирга юзта-юзта қил.

Бил, сенга бу беш насиҳат,
Энг асосий қоида:
Қўлни ишга моҳир этма,
Тилни гапга уста қил.

Э.Воҳидов.

[Nigora Umarova]

Un bo'lmasa ham uyida,
Dehqon elagini sotmaydi.
Shikoyatlar kelmas o'yiga,
Birovga arz qilib yotmaydi.

Ochlik yengib, toq bo'lsa toqat,
Ikki dunyo tor kelsa ko'zga,
U zorlanmas, so'kinmas, faqat
Elagini tutar og'ziga.

Faxriyor

[Gulchehra Ibragimova]

МЕН ЎТГАН УМРГА
Ҳаёт китобимни бехос варақлаб,
Мен ўтган умрга ачинмай қўйдим.
Табассум ўрнида кулдим чарақлаб.
Суйиш керак бўлса — телбача суйдим.

Кийганим ипакми, читми ё кимхоб,
Юрак бойлигидан қилмабман парво.
Мени оғушлаган ҳаёт нақ офтоб,
Янги қўшиқ талаб унда ҳар сабоқ.

Мен ўтган умрга ачинмай қўйдим,
Ҳеч кимда кўрмайин умримга ўхшаш:
Суйдим,
Эркаландим,
Айрилдим,
Куйдим,
Иззат нима — билдим.
Шу-да бир яшаш!..

Зулфия

[Gulchehra Ibragimova]

САРАТОНДА
Саратонда соябонинг бўлайин,
Тоққа ошсанг, кўк довонинг бўлайин,
Кетма, жоним, айрилиқдан жон безор,
Ярим кеча каҳкашонинг бўлайин.

Кетар бўлсанг, хазон ёғар боғимга,
Санчиқ ботар дилимдаги доғимга,
Кетма, жоним, айрилиқдан жон безор,
Оғу сочма менинг хушвақт чоғимга.

Керак эмас сенсиз гул ҳам, чаман ҳам,
Керак эмас Қандаҳор ҳам, Яман ҳам.
Кетма, жоним, айрилиқдан жон безор,
Керак эмас бўз тарлон ҳам, саман ҳам.

Пок оламим булғанмасдан жилмайгин,
Олам ғамга чулғанмасдан жилмайгин,
Кетма, жоним, айрилиқдан жон безор,
Юрак дир-дир тўлғанмасдан жилмайгин.

То тирикман, ўша қайсар боламан,
На тиним бор, на излашдан толаман,
Кетма, жоним, айрилиқдан жон безор,
Бари бир мен сени топиб оламан.

Миртемир

[Gulchehra Ibragimova]

МЕНГА ХУШ ХАБАР АЙТ...

Менга хуш хабар айт, ёлғон бўлса ҳам…
Дарду машаққатлар ўтгайдир бари,
Ўксима, оёққа тургайсан, деб айт.
Умрингнинг фараҳбахш, тотли онлари
Ҳали олдиндадир, кўргайсан деб айт.

Менга хуш хабар айт, ёлғон бўлса ҳам...
Дўстларинг бордир-ку ҳали дунёда,
Сени кулфатларда қолдирмас деб айт.
Ёвузлик бўлса ҳам ҳаддин зиёда
Сени чангалига олдирмас, деб айт.

Менга хуш хабар айт, ёлғон бўлса ҳам…
Олис муҳаббатинг юрибди дегил.
Сарғайган дафтарин варақлаб пинҳон,
У сени тушида кўрибди дегил.

Менга хуш хабар айт, ёлғон бўлса ҳам…

Абдулла Орипов

[Gulchehra Ibragimova]

АЁЛ
Йигитлар мактубин битганда қондан,
Келинлар фироқдан чекканда ёҳу,
Унинг ҳам паноҳи қайтмади жангдан,
Ўн тўққиз ёшида бева қолди у.

Севгидан етиму умрдан ярим,
Қуриган кўксида ёлғиз беланчак.
Абадий фироқни, ҳайҳот, дўстларим,
Абадий висол деб билди келинчак.

Қақраган лабларда оловли нафас,
Кечалар кечмишин айлади кўмир.
Паришон сочлари ёр кўкси эмас,
Муздайин болишда қолди бир умр.

Йиллар ҳам ўтдилар, ҳамон у ёлғиз,
Мунғайиб термулар ботгувчи кунга.
Эй номард табиат, борми сенда ҳис,
Қайтадан бахт берсанг бўлмасми унга?!

Наҳот ишқ қисмати бунча бераҳм,
Бунчалар буюксан вафо шеваси.
Сенгадир ҳурматим, сенга шарафим,
Қаҳрамон жангчининг содиқ беваси.

Сиз-чи эй, садоқат сатридан нолиб,
Надомат комида қолганлар, айтинг.
Ўзини минг битта бозордан олиб,
Минг битта бозорга солганлар, айтинг.

Шу чўлпон кўзларнинг буюк ҳурмати,
Шу ақиқ лабларнинг рост сўзи дея,
Сўйланг-чи, вафонинг надир қиммати,
Сиз ҳам кутганмисиз бирор сония?!

Баъзида тирноқлар безаги учун
Саҳардан шомгача қилурсиз тоқат.
Бироқ ёрингизни кутгали нечун
Топилмас тирноқча сабру қаноат.

Назокат пайтимас, яқинроқ келинг,
Буюк зот қошида айлангиз салом.
Шу содиқ бевага саждалар қилинг,
Шу содиқ бевага айланг эҳтиром.

Ҳатто зеб-зийнатни юлқиб зиёда,
Ҳайкал ҳам қўйингиз бамисли хаёл.
Шундайлар бўлмаса агар дунёда,
Бу қадар муҳтарам бўлмасди аёл.

Абдулла Орипов
1965 й.

[albatros]

Умр тартиби

Ҳар куни битта тухум
Ҳаётинг учун муҳим.

Ҳар куни тўртта илик
Есанг — илигинг тўлиқ.

Ўтказмоқ-чун бир тўйни
Сўйдинг ўн хўкиз, қўйни.

Қолмаса гуруч, унинг,
Қон ютиб ўтар кунинг.

Яна буғдой, дон дейсан,
Ҳар куни ўн нон ейсан.

Нафсинг билан лафзинг бор,
Пиёзинг ҳам сабзинг бор.

Парранда, балиқ ейсан,
Оз эмас, тўлиқ ейсан.

Булар — дашту далангдир,
Ўғил-қизинг — болангдир.

Қозону товоқ дейсан,
Чалвору бошмоқ дейсан.

Ажин эмас юзларинг —
Рўзғорингдан изларинг.

Кўзларинг ҳам — тушлардир,
Пати синган қушлардир.

Бу не янглиғ кор бўлди —
Қора сочинг қор бўлди.

Қурмоқ-чун бир иморат,
Чекдинг қанча риёзат.

Бир тилло занжир учун
Юракларинг бўлар хун.

Ташвишларинг, дардларинг —
Сенинг умр дафтаринг.

Ғийбатлар ҳам тўқийсан,
Бир-бирингни чўқийсан.

Лекин қачон, эй инсон,
Битта китоб ўқийсан?!

Сирожиддин Саййид

[Nigora Umarova]

Oybekning uy-muzeyiga borganimda devorga lavh sifatida qo'yilgan ushbu to'rtlik diqqatimni tortdi. Adibning nabirasi Oynur opaning aytishlaricha, uni Oybek tildan qolganida imo-ishoralar orqali, g'udranib Zarifaxonim Saidnosirovaga aytib turganlar, fidoyi ayol esa ularni qog'ozga tushirganlar.

https://img.uforum.uz/images/tzfuzgi4087017.jpg

[albatros]

БАҲОР КЕЛМИШ

Томингизда шивир-шивир, шитир-шитир,
Бу — баҳорнинг қадмларин товушидир.
Сўридаги пуч ёнғоқнинг пўчоқлари
Қай қарғанинг қолиб кетган ковушидир.
Ранглар кирар энди ғамгин ўйингизга,
Томингиздан баҳор келмиш уйингизга.

Ёмғир ювган юлдузлар ҳам қандоқ гўзал,
Ёрингизнинг кўзлари ҳам андоқ гўзал,
Қадрин билинг бу дамларнинг, қайтиб яна
Бундоқ фасл тополмайсиз, бундоқ гўзал.
Қаранг, баҳор келмиш ошиқ кўнглингизга,
Гул ўлчайди қараб қадду бўйингизга.

Эй сен менинг шаҳарлик оқ турнагинам,
Ярим кун ҳам сен ёнимда турмадинг ҳам.
Қиш ўртаси ногоҳ баҳор келди десам,
Зулфларингнинг атри экан кейин билсам.
Мен жон берай исларингиз, бўйингизга,
Баҳор билан сенинг ифор тўйингизга.

Ҳижронларга тўлиқ шеърий дафтаримни
Сен варақлаб, шамол, мени ахтардингми?
Бир бойчечак, бир қаламқош қалдирғочга
Алмашдим мен бор алам, бор дардларимни.
Шеърларим-ай, армонларим ўзингизга,
Баҳор келмиш бугун кўча-кўйингизга.


Қандай ўғил бўлдим сизга, қандай жигар,
Мендан аввал баҳор сиздан олмиш хабар.
Майса бўлиб кўкариб ҳам, ота, яна
Менга таскин бермоқдасиз бу тонг саҳар.
Баҳор келмиш мангу сукут кўйингизга,
Ҳар бир майса ўхшар сўзу ўйингизга.

Баҳор келмиш, қутлуғ бўлсин ҳаммангизга!
Умр берсин бобонгиз ҳам момонгизга.
Баҳор ахир қанча шодлик, шукроналик
Келтиргуси холангиз ҳам аммангизга.
Қанча севинч гулдай қизу ўғлингизга,
Қанча қўзи олиб келар қўйингизга.

Кўклардаги тўлин-тўлин ойдай Ватан,
Осмон десам, тошқин-тошқин сойдай Ватан.
Ватан десам, кўз олдимга онам келган,
Онам десам, нигоҳимда пайдо Ватан,
Баҳор келмиш яна ризқу рўзингизга,
Доғ тушмасин ҳаргиз рангу рўйингизга.

Сирожиддин Саййид

[Gulchehra Ibragimova]

ҲАНУЗ
Ваҳки, ул золим мени мазлумга қотил ҳануз,
Яъни ағёримға юз минг меҳр ила мойил ҳануз.

Ёшурун сирримни демай, халқ англаб, войким,
Айтиб англатмоқ била ҳолимни ул ғофил ҳануз.

Ваҳ, нечук баҳр эрди ҳижронким, миниб ғам заврақин,
Ҳар неча қатъ айларам, мавжуд эмас соҳил ҳануз.

Кўзу кўнглумдин балоға қолдим, оре, кимсага
Суд еткурган эмас аҳбоби ноқобил ҳануз.

Нафйи илми ишқ этиб, қилмоқ недур исботи вавқ,
Келмамиш, зоҳид, жаҳонға сен киби жоҳил ҳануз.

Мунисо, ҳушинг бор эрса, даҳри дун таркини тут
Ким, онинг бўлғон эмастур мойили оқил ҳануз.

[Gulchehra Ibragimova]

ЛУТФИЙ ИЖОДИДАН:

РУБОИЙЛАР

Сенсизин айшу сурурим қолмади,
Йиғламоқтин кўзда нурим қолмади.
Ул қуёш юзунгдин айрулғон учун,
Қайғудин зарра ҳузурим қолмади.

* * *
Сайд қилди бизни жайрон кўзлари,
Делва бўлди жон эшитиб сўзлари.
Ёр агар қилса иноят не ажаб,
Қулни чун девона қилди ўзлари.

* * *
Бу не қошу ғамзайи айёр эрур?
Бу не шаклу шевау рафтор эрур?
Сизга осондур агар мен бўлмасам,
Сенсизин лекин менга душвор эрур.

ТУЮҚЛАР

* * *
Неча дедим:"Ул санамға бормағин!"
Қилмади ул тарк охир бормағин.
Мунчаким,худрайлиғ кўргузди ул,
Ақл ҳайрат қилди тишлаб бармоғин.

* * *
Мен сенинг ишқингдин, эй дил, бандаман,
Ваҳ,қачон эйткайман ул дилбанда ман.
Бевафоларға мени қилдинг асир,
Сен менга султонсан, эй дил, бандаман.

[Gulinoz]

Meni kechir

Meni kechir, butun umr,
Faqat seni sevib o'tsam,
Gar o'lasam-u, sening uchun,
Men yana hayotga qaytsam.

Meni kechir, ostonangda,
Ko'z yosh to'kib kutsam agar.
Kechirgin, senga intilib
Alam qonin yutsam agar.

Meni kechir, sening uchun,
Eng azizing bo'lay desam.
Kechir jonim hayotingda,
Men ham sen-la qolay desam.

Meni kechir, gar sog'inib,
Senga atab sherlar bitsam.
Kechirgin, hayot yo'lingda,
Sening qo'llaringdan tutsam.

Meni kechir, seni faqat,
O'zim uchun istar bo'lsam.
Jonim kechir, bir kun kelib,
Seni tashlab ketar bo'lsam.

[albatros]

Qayergadir uchsamu ketsam -
Bu ahvolga yozolmayman she'r.
Men havoga qoqilib tushsam -
Oyog'imdan tutib qolar yer.

Bir amallab o'tsam goh tunni -
Yetmay qolar kunduzga kuchim.
Yer yiqitib qo'yusa bir kuni,
Bormi meni ushlab qolguvchim?

Xosiyat Rustamova

[albatros]

Bugun bahorning ilk kuni. Qalblarda quvonch, shodlik olib kelgan fasllar kelinchagi bahor bizni yana bir she'riyatimizga bayram tuhfa etdi. She'rlarida vafo, sadoqat, iroda kabi tuyg'ularni tarrannum etgan xalqimizning ardoqli shoirasi Zulfiya hayot bo'lganlarida bugun 97 yoshni qarshi olardi. Garchi bugun oramizda bo'lmasada uning she'rlari har doim tillarimizda, qalblarimizda mangu yashaydi. Orziqib kutgan gullarga burkangan bahorni Zulfiyaxonimning tavallud topgan kuni bilan qarshi olamiz. Shoiraning o'zi aytganidek "Bahor keldi seni so'roqlab", biz ham bugun sizni eslagaymiz shoiram!

BAHOR KELDI SENI SO’ROQLAB


Salqin saharlarda, bodom gulida,
Binafsha labida, yerlarda bahor.
Qushlarning parvozi, yellarning nozi,
Baxmal vodiylarda, qirlarda bahor.

Qancha sevar eding, bag’rim, bahorni,
O’rik gullarining eding maftuni.
Har uyg’ongan kurtak, hayot bergan kabi
Ko’zlaringga surtib o’parding uni.

Mana qimmatligim, yana bahor kelib,
Seni izlab yurdi, kezdi sarsari.
Qishning yoqasidan tutib so’radi seni,
Ul ham yosh to’kdi-yu, chekildi nari.

Seni izlar ekan, bo’lib shabboda,
Sen yurgan bog’larni qidirib chiqdi.
Yozib ko’rsatay deb husn-ko’rkini,
Yashil qirg’oqlarni qidirib chiqdi.

Topmay sabri tugab bo’ron bo’ldi-yu,
Jarliklarga olib ketdi boshini.
Farhod tog'laridan daraging izlab,
Soylarga qulatdi tog'ning toshini.

So’ngra jilo bo'lib kirdi yotog'imga,
Hulkar va Omonning o'pdi yuzidan.
Singib yosh kuydirgan zafar yonog’imga
Sekin xabar berdi menga o'zidan.

Lekin yotog'imda seni topolmay,
Bir nuqtada qoldi uzoq tikilib.
Yana yel bo'ldi-yu, kezib sarsari,
Mendan so'ray ketdi qalbimni tilib:

«Qani men kelganda kulib qarshilab,
Qo'shig'i mavjlanib bir daryo oqqan?
«Baxtim bormi deya», yakkash so'roqlab
Meni she'rga o'rab suqlanib boqqan?

O'rik gullariga to'nmaydi nega
Yelda hilpiratib jingala sochin?
Nega men keltirgan sho'x na'shidaga
Peshvoz chiqmaydi u yozib qulochin?

Qani o'sha kuychi, xayolchan yigit?
Nechun ko'zingda yosh, turib qolding lol.
Nechun qora libos, sochlaringda oq,
Nechun bu ko'klamda sen parishonhol?»

Qanday javob aytay, loldir tillarim,
Baridan tutdim-u, ketdim qoshingga.
U ham gaming bilan kezdi aftoda,
Boqib turolmayin qabring toshiga.

Alamdan tutoqib daraxtga ko'chdi,
Kurtakni uyg'otib so'yladi g'amnok.
Sening yoding bilan yelib beqaror,
Gullar g'unchasini etdi chok-chok.

Gul-u rayhonlarning taraldi atri,
Samoni qopladi mayin bir qo'shiq.
Bu qo'shiq naqadar oshno, yaqin,
Naqadar hayotbaxsh, otashga to'liq.

Bahorgi burkangan sen sevgan elda,
Ovozing yangradi jo'shqin zabardast.
O'lmagan ekansan, jonim, sen hayot,
Men ham hali sensiz olmadim nafas.

Zulfiya

[albatros]

Баҳорим

Орзуларим учиб самода сассиз,
Юрагим ҳаприқиб кутган наҳорим.
Келдингми, атиргул ҳидини олиб,
Кела қол, хуш келдинг яна баҳорим!

Ўрикка кийдириб келинчак либос,
Қизитиб қушларнинг байти-ашъорин.
Келдингми, лолага бериб ишва –ноз,
Кела қол, хуш келдинг, яна баҳорим!

Кел, яна тўшай қол, қирга кўк гилам,
Анов жилғага бер шодон дуторин.
Қиш бўйи нафасинг соғиндик бирам,
Кела қол, хуш келдинг яна баҳорим.

Севара Нарзуллаева

[Nigora Umarova]

Omadsizlik qayg'u deb abad,
Aytaversin, mayli o'zgalar.
Men omadga ishonmam minbad,
Og'ir zahmat cekilmasa gar.

Ishonmasman, hatto she'rimning
Shu qadrdon satriga aslo.
Tuyg'ularga to'la vujudim
Uning bilan chekmasa azob.

Yana labga kulgu begona
She'r tug'ilar og'riqlar ila.
Menga omad tilama bu dam
Og'ir-og'ir azoblar tila.

Yuriy Voronov (Amirqul Karim tarjimasi)

[Mirzo Ulugbek]

Yaqin insonimga...

Qadrdonim, shu dam sizni eladim nogoh,
Afsuski manzil uzoq, olissiz mendan.
Ohim yetib hudoga, kelsangiz edi,
Siz yonimda bo'lsangiz ko'nglim hotirjam.

Siz huddi qondosh kabi yaqinsiz menga,
Meni har dam tushunib, bilib yurasiz,
Gar g'amlarga chulg'anib, azobda qolsam,
Siz hammasin ko'zlarimdan sezib turasiz.

Mana, yana ketayapman yolg'iz, zimiston,
Yuragimni qiymalaydi ming bitta hayol.
Qanday hayot atalibdi menga dunyoda,
Qalbda barcha orzularim topmoqda zavol...


Hayotim ijodidan....

[Gulchehra Ibragimova]

Қоронғулик тушар,
Бағрим увишар,
Танҳоликда қайта туғиламан мен.
Ёрилиб кетгудай
Тамом йитгудай,
Токи тонг отгунча бўғиламан мен.
Кўзимга ёруғлик,
Сўзимга ёруғлик,
Соғ жонга ёруғлик сўрайман тонгдан.
Армонли йўлчиман,
Армонли куйчиман,
Жаҳонга ёруғлик сўрайман тонгдан.

Миртемир

[Gulchehra Ibragimova]

ХЎРСИНИҚ…

Қўлимдан ҳар нима келади, юртдош,
Ғариблик, юпунлик — барин кўрганман.
Қўш ҳам ҳайдаганман, ўроқ ўрганман,
Айриликда кўздан тўкканман не ёш…

Ғўза ҳам экканман, жувари, кунжут,
Қўлимда рақс этур тешаю ранда,
Йўл ҳам, қўналға ҳам мўл бу Ватанда,
Камчил ҳам бўлганман, тўқ, қувноқ ва бут…

Чувак ҳам тикканман, мол ҳам боққанман,
Кудуқ ҳам қазганман нақ ўн бир қулоч,
Зилол сувларида ювишарди соч,
Не-не қиз сочига лола таққанман.

Тақдиримга ҳеч ҳам ўпка қилмайман,
Қўлимдан келмайди деган пеша кам.
Баъзан кўзларимда томчи-томчи нам…
Ҳануз шеър ёзишни билмайман.

Миртемир

[albatros]

Yolg’iz odam. U juda yolg’iz,
O’kinmaydi bir o’zi yashab.
O’ngida ham hatto bir og’iz
So’z aytmaydi baxtga yarasha.

Ko’ngli qolgan dundan, dunyodan,
Allaqachon qo’lini yuvgan.
Aqli yetib tug’ilan zamon,
Chelagini ko’targan suvdan.

Ne g’am bo’lsa barin tatigan,
Yo’q yerlarga bormagan shoshib.
U ketganda – uning ortidan
Faqat soya borar ergashib.

Xosiyat Rustamova

[Nigora Umarova]

Асли ҳақ гап – биз дунёга сиғинди,
Гўё дунё бизга қарши йиғилди,
Бошимизга шунча ғавғо ёғилди,
Худо бизни синаётир, дўстижон!

Эзғин-эзғин юракларда қотар қон,
Ёшга тўлиб ёстиғимда отар тонг,
Майли айбли бўлайлик биз, етар, жон,
Худо бизни синаётир, дўстижон!

Болам десам, отам менга куядир,
Мен боламни, онам мени суядир,
Ҳаёт шудир: умр тетапоядир,
Худо бизни синаётир, дўстижон!

Шукур, ҳали сўнган эмас тафтимиз,
Чидаб-чидаб яшамоқлик аҳдимиз,
Биз ўлганда қутуларми жуфтимиз?!
Худо бизни синаётир, дўстижон!

Майли, лойиқ кўришсинлар жазога,
Кимни суйса, дард солармиш арога,
Қолдирмайин бизни бахти қарога,
Худо бизни севаётир, дўстижон!

Бордир ахир айтганимиз Худога!
Худо бизни севаётир, дўстижон!

Аъзам Обид

[Nigora Umarova]

Умрим тугар бўлса, тағин ким билар,
Кетиб қолар бўлсам сизга тўймасдан,
Мени кечиргайсиз, о учқур йиллар,
Севгимни сизга ҳеч бериб қўймасман!

Яшагум, бахтиёр бўлмоқлик сирин
Кўрсатиб қўямиз ҳали даҳрга!
Не бахт бор шоирга ёзмоқдан шеърин?
Қандай наф бойликка тўлган фақирга?

Билмасман, кўксимда қийналар санчиқ,
Умр келтирмайди бизни парвога.
Ўлсам, ўлмагайман, мен – бир қизғанчиқ,
Ташлаб кетолмайман сизни дунёга!

Аъзам Обид

[Mirzo Ulugbek]

Sizni unutmog'im osonmas

Sizni sevib qoldim shunchalar oson,
Lek ko'nglim uzmo'gim bo'ldiku qiyin.
Qancha urinmayin, qo'limdan kelmas,
Sizga mehrim ortib borar kun sayin.

Qalbim yulib daryolarda uloqtirdim,
Hayollarim berdim daydi shamollarga.
Ammo bundan sira foyda topolmadim,
Yo'qdir javob meni qiynar savollarga.

Vafodorim, bo'larmikan umid qilsam,
Ishonchimni so'ndirmasdan kutardim men?
Gar kelsangiz, tark etardim bu zulmatni,
Qo'lingizdan tutib birga ketardim men.

Hayotim ijodidan...

[Nigora Umarova]

Bahorgi qor

Bodom
gullariga balolar yog'di.
Bolasin
vaboga oldirgan ona.
Kurtaklar
chirqirar, kurtaklar yondi,
Nihollar kampirga aylandi, ana.

Nahotki,
oppoq qor, qahring qarodir,
Nahotki,
bir shahdga shunchalar qurbon.
Nahotki,
ilinjning ko'ngli yarodir,
Nahotki,
taqdirlar chalkashu uryon.

Bahor xo'rsinadi, ko'klam xijolat,
Bir lahza
hayratim guvohi-chaqin.
Nahotki,
shunchalar umr omonat,
Nahotki,
bunchalar xiyonat yaqin?!..

Farida Afro'z

[Gulchehra Ibragimova]

Ёмонлама

Жа яхшисан ўзинг ҳам,
Ёмонни ёмонлама.
Менга қара эй одам,
Замонни ёмонлама.

Порлаб турар илми ғайб,
Чорлаб турар илми ғайб,
Учолмасанг кимда айб?
Осмонни ёмонлама.

Муздирсан ё чўғдирсан,
Балки билган йўқдирсан.
Отанг отган ўқдирсан,
Камонни ёмонлама.

Ўз-ўзингдан битдингми,
Бирдан кўкка етдингми,
Бошоқ бўлиб кетдингми?
Сомонни ёмонлама.

Илик қоқиб еб бугун
Илигим тўқ деб бугун,
Чўнтаги йўқ деб бугун
Чопонни ёмонлама.

Эй одамзод зурёди,
Тасодифнинг бунёди.
Замон – худонинг оти,
Замонни ёмонлама!

Иқбол Мирзо

[Gulchehra Ibragimova]

Eng gullagan yoshlik chog'imda

Eng gullagan yoshlik chog'imda,
Sen ochilding ko'ngil bo'gimda.
Shunda ko'rdi ko'zim bahorni,
Shunda qalbim tanidi yorni.

Qushlar sayrar jonimga payvast,
Men sevgining bo'yi bilan mast.
Kuni bilan dalada qoldim,
Lolazorlar ichra yo'qoldim.

Quchoq-quchoq gullar terganim,
Va keltirib senga berganim
Kechagidek hamon esimda,
Har soniya, har on esimda.

Shundan beri tilimda oting,
Shundan beri dilimda oting...
Eng gullagan yoshlik chog'mda,
Sen ochilding ko'ngil bog'imda.
Hamid Olimjon

[Gulchehra Ibragimova]

Siz kechdingiz...

Daryo suvin oy baliqlar ichgani yo'q,
Falak sirin hali birov yechgani yo'q.
Gohi ketar eslaganda alam qilib,
Siz kechdingiz, dunyo mendan kechgani yo'q.

Har qadamda sevmaganga ko'ngilsiz, yor,
Kech bo'lganda qadrim bilib yig'laaysiz, yor.
Zar azizmi, sevgi aziz bilmaysiz, yor,
Siz kechdingiz, dunyo mendan kechgani yo'q.

Endi yo'qdir yurakka o't yoqishingiz,
O'ylantirar ammo ma'yus boqishingiz.
Baxtli bo'ling, ginam yo'qdir sizga hargiz,
Siz kechdingiz, dunyo mendan kechgani yo'q.


Lutfulla Qandahorov

[barlos]

Eng gullagan yoshlik chog'imda

Раҳмат, маза қилдим...

[albatros]

НАВРЎЗ ҚЎШИҒИ

Фалак бизни балолардан асрадими?
Юлдузлардан бойчечаклар сачрадими?
Бир куртакка алмашдим бор ҳасратимни,
Олам эски, лекин ўнгу сўлим янги.

Осмон бўлди бир кечада ҳорғин бағрим,
Тўй бошлади чақинларим, ёмғирларим,
Гўё ҳозир япроқ ёзар томирларим,
Гўё эски қалам тутган қўлим янги.

Ойларга ҳам алишмасман юзларини,
Қаранг Қўқон, қаранг Сурхон қизларини.
Зулфларию райҳонларнинг исларини
Олиб келган эпкинларим, елим янги.

Эй кўҳна боғ, кўпдир чеккан азиятинг,
Қуриган шох дилда сенинг васиятинг,
Эй сариқ барг, қулоғимда насиҳатинг,
Бу йил энди менинг гулзор, гулим янги.

Ҳар кўнгилга бир янги куй, қўшиқ берсин,
Имон, инсоф, диёнатни қўшиб берсин.
Ҳар бир уйга энг аввал бир бешик берсин,
Ҳеч бир уйга кўрсатмасин ўлим янги.

Бормоқдасиз гарчи Ҳинду Хитойларга,
Умид айланг ўз ерингиз, Худойларга,
Уйларингиз тўлсин бу йил буғдойларга,
Ғимирлаган элим, дашту чўлим янги.

Лолалардан гар айтмадим, қир айтади,
Қолганларин само айтар, ер айтади.
Кўнглим очсам, ҳар гиёҳ бир шеър айтади,
Ростин айтсам, кўксимдаги дилим янги.

Сирожиддин Саййид

[Kahramon Jalilov]

SEN BAHORNI SOG'INMADINGMI

Uyg'onguvchi bog'larni kezdim,
Topay dedim qirdan izingni.
Yonog'ingdan rang olgan dedim -
Lolazorga burdim yuzimni,
Uchratmadim ammo o'zingni,
- Sen bahorni sog'inmadingmi?

Uzoqlarda zalvorli tog'lar
Xayolimni keldilar bosib.
Kechdi qancha intizor chog'lar,
Vasling menga bo'lmadi nasib,
Sensiz men ham, bahor ham g'arib,
- Sen bahorni sog'inmadingmi?

O'ngirlarda sakraydi ohu,
Na'matakda sa'va mittijon.
Qorliklardan sipqarilgan suv,
Daralarda uradi javlon.
Nigohimdan faqat sen pinhon,
- Sen bahorni sog'inmadingmi?

Mana, bugun navro'zi olam,
Do'stlarimga gullar tutarman.
Qaylardasan, sevgili erkam...
Qo'limda gul, seni kutarman,
Umrim bo'yi chorlab o'tarman,
- Sen bahorni sog'inmadingmi?

A. Oripov
Tog'risi bahorni judayam sog'indik

[Gulinoz]

Necha kunki yo'q oromim
Kelolmayman hushimga.
Onajonim kechalari
Kirib chiqar tushimga.

Qo'llarida oq elpug'ich
Oy nurida yaltirar.
Onajonim imlab meni
Qoshlariga chaqirar.

Keltirarlar goho beshik
Ko'zlarida hayajon.
Yotar payting bo'ldi-ku der,
Kela qol, der, bolajon.

Qaylargadir yuguraman,
Fig'onimdan chiqar dud.
Yig'lama, deb qo'llarimga
Tutqazarlar so'ng tobut.

Tongda ruhsiz ko'z ochaman,
Qovurilar tanda jon.
Onajonim, bunday qilma,
Bunday qilma, onajon.

Axir o'zing der eding-ku,
Silab o'ksuk boshimni:
- Endi senga bersin umr,
Senga bersin yoshimni.

Afsus, o'zing erta ketding,
Erta ketding olamdan.
Ukalarim bag'rim ezar,
Ajradik deb onamdan.

Bevaqt xazon bo'lmay har kim
Yoshab o'tsin dunyoda.
Onajonim, har kim oshin
Oshab o'tsin dunyoda.

Garchi fano har kimsaga
Azaliy bir qismatdir.
Lekin, ona, tiriklik ham
Bilsang, yarim hikmatdir.

Tushlarimda, mayli, boshim
Silab turgin, onajon.
Qolganlarga endi umr
Tilab turgin, onajon...

[Minglar]

Тишина... Ожиданье свободы.
Ожидание снега и сна.
Чем прозрачнее образ природы,
Тем прекрасней ее тишина.

И в холодном присутствии ночи,
На краю опустевших миров,
Ты до боли увидеть захочешь
Как снимается с тайны покров.

Как привычка потерянно бродит,
На стекло ледяное дыша.
И, готовясь к последней свободе,
Замирает в испуге душа.


Baha Ahmedov

[Gulchehra Ibragimova]

Бобур Бобомурод ижодидан тўртликлар

Қайта учраштирса бизларни ҳаёт,
Сен менга қарама, қилма илтифот.
Кўзингдаги ёшинг яшир, севгилим,
Бахтинг топган бўлсанг - яшайвергин шод!...

***
Боғларнинг офати олов, нор бўлур,
Тоғларниг ҳасрати музли қор бўлур.
Булбулнинг сифати фақат зор бўлур,
Кўнгулнинг кулфати нодон ёр бўлур...

***
Дилни ёритгали битта Ой қани,
Ватан каби тағин битта жой қани.
Имону ҳимматдан оча кўрма лаб,
Пулдор кўпу вале битта бой қани?!

***
Бу дунёда ҳар ким ўзича ёлғиз,
Ўзича йиғлайди, ўзича кулар.
Ўзича кучлидир, ўзича ожиз,
Ўзича яшайди, ўзича ўлар.

[Feruza Xodjayeva]

Мени кучлироқ сев...

Мени кучлироқ сев, кечагидан ҳам.
Керагидан ортиқ, кечагидан кўп.
Кеча қолмас эди, юрагимда ғам.
Кеча севар эдинг, керагидан кўп.

Ўша лаҳза юз бора мени сўзлардинг,
Ларзага тушардинг ҳар лаҳза юз бор.
Юзларинг кўкариб, юз бор бўзлардинг,
Юз бор улуғлардим, юз бор бўлсанг хор.

Бугун ҳам сен мени кечагидай сев,
Кеча уни сендан сўрамагандим.
Эртага емасин юрагимни дев-
-Кечани қўмсаган азиятларим.

Кеча сен мен билан эдинг хонзода
Мен ҳамон муҳаббат элтган ойдаман.
Мен билан бирга бўл сархуш фазода,
Кечагидай сев ва кетма самодан.

Қоқ икки бўлиниб кетмасин фалак
Қоқ икки бўлиниб, бўзламасин ой.
Фақат сени дея уради юрак
Фақат сен учундир кўксимдаги жой.

Муҳаммад Исмоил
(Айни пайтда бу шеър О.Назарбеков томонидан ижро этилиб, ҳамманинг юрагидан жой олишга ҳам улгурди)

[Gulinoz]

Biz go‘zal so‘zlardan she’r, g‘azal yig‘ib,
Oqibat orttirgan og‘ir hastalik.
Haqqa tavakkal deb inidan chiqqan
Nahot bo‘lolmasmiz jajji qushchalik?

Ko‘cha-ko‘yda tinmay nasihat aytib
Donolar hikmatin tutib mo‘‘tabar,
Eng og‘ir damlarda do‘stimiz yoki
Onamiz holidan olmaymiz xabar.

Otamiz keksaygan holida hamki
Dalada yurganda ko‘tarib ketmon,
Yonib ketay deydi bizning so‘zlardan
Ajib ma’ruzamiz tinglagan inson.

Bolamiz yurganda tentirab, sang‘ib
O’zgalar farzandin koyigan mahal,
Nahot bir insofli aytmas: "Ey do‘stim,
Tarbiyangiz uydan boshlangiz avval!

Biz o‘zi g‘alatmiz: o‘zgalar dardi,
O’zgalar tashvishi tuyular dahshat.
Aslida har bir jon o‘zin o‘ylasa,
Gullagan bo‘lardi bugun jamiyat.

Agar avvalambor o‘zimizdagi
Qusurlarni ko‘ra olsak, yoronlar,
Yomonlar ortidan asli biz emas,
Ergashib kelardi bizga yomonlar!

[Gulchehra Ibragimova]

Бугунги кунда энг сермаҳсул ижодкор, қўшиқчи ва суюкли шоира Рислиқой Хотамованинг қўшиққа айланиб, аллақачон мухлислар қалбидан жой олган шеърларидан намуналар:

Ёлғон дунё

Вақт ўтиб чиройнинг ранги ўзгарди,
Пешонангга йиллар ажин соларкан.
Ёшлик ёмғирдайин ёғдию ўтди,
Дунё берганини қайтиб оларкан.

Кеча тилло сочиб ўйнаган зотлар,
Бугун ночорликдан индамай додлар.
Денгизин соғиниб йиғлар қирғоқлар,
Дунё берганини қайтиб оларкан.

Болам деб,ўртаниб куйганлар қанча,
Онам деб,ўпкаси тўлганлар қанча.
Хатто сув турмайди ичсанг баданда,
Дунё берганини қайтиб оларкан.

Одам узилмаган ҳовли энди бўш,
Иззату икромлар ўтиб кетган туш.
Қадринг тўкиларкан тўкилгандек тиш,
Дунё берганини қайтиб оларкан.

Гўзал ёр хуснидан сархушман, дедим,
Менга етари йўқ дилхушман, дедим.
Кўнглимдан мўлтирар Муҳаббат етим,
Дунё берганини қайтиб оларкан.

“Нафсинг занжирини узгину унут,
Фурсатинг келишин озод бўлиб кут” -
Деб, шивирлаб ўтди, ёнимдан тобут,
Дунё берганини қайтиб оларкан.

Рислиқой Хотамова

[Gulchehra Ibragimova]

Муножот

Ўзим кечиролмас гуноҳларимни,
Кечиришни, сендан сўролмайман ҳақ.
Ўзим ёққан алам оловларини,
Ўчиришни, сендан сўролмайман ҳақ.

Тавба қилай десам, жойномозда чўғ,
Куяман, алифга айланмайди тил.
Аллоҳ сендан буюк, сендан улуғ йўқ,
Раҳмимни егин-у, ўзинг раҳм қил.

Нафс пардаси боғлаб қўйган кўзимни,
Адашиб кетганман сўқмоқлар аро.
Еб қўйгим келяпти ўзим-ўзимни,
Юрагим эзилар тўқмоқлар аро.

Қуръонга интилдим, ҳеч етиб бўлмас,
Ёнига йўлолмам, бўғзимда йиғим.
Ҳеч кайси амалинг менда тўкисмас,
Кўзимдан қон тилар, кипригим-тиғим.

Менга қиёматни кутиш шарт эмас,
Ислом ҳақ, Куръон ҳақ, биламан эгам.
Маҳшарда мен сендан олий бахт эмас,
Олий жазоимни кутаман эгам.

Тақдир китобимни ўзинг ёзгансан,
Ўзинг ёзгайдурсан, хотимани ҳам.
Сенинг ажрингга-ку жон садқа қилсам,
Раббим жазоинг ҳам мен учун карам.

Рислиқой Хотамова

[Gulchehra Ibragimova]

Алла

Бунча нозик бўлмасанг,
Гулга ўрайми болам.
Йиғи тўла аллам бор,
Айтиб берайми болам.

Мўлтирама кўзимга,
Бўлди кўнглим эзмагин.
Мен сен учун тош тишлай,
Сен ороминг бузмагин.

Дўлонадек тўкилган,
Юраги бор онангни.
Сендан бошқа кимга ҳам,
Кераги бор онангни.

Етти дарё ювса ҳам,
Кетмас доғим бор мени.
Нокас отган тошларга,
Тўлган боғим бор мени.

Ёлғизлик бу жонимни,
Ёнар ўтга отдия.
Яхши ёрим дегандим,
Ёмон кунга сотдия.

Отанг ўзимман, алла,
Онанг ўзимман, алла.
Сенсан гулу райҳоним,
Соянг ўзимман, алла...

Рислиқой Хотамова

[Gulchehra Ibragimova]

Етдим деганимда

Хайдалдим гулёрнинг остонасидан,
Таъналар отилди кошонасидан.
Изланг девоналар вайронасидан,
Еттим деганимда, йиқилдим ёмон.

Айт менга маккора, айт бағритош ёр,
Билмасмидинг, менда фақат шу ишқ бор.
Айбимни билмасдан,ўйладим бедор,
Еттим деганимда йиқилдим ёмон.

Тўлин ой шу кеча сен ёнимда қол,
Севиб гуноҳкорман, суйиб гуноҳкор.
Кўнгил учун кетма демади дилдор,
Еттим деганимда йиқилдим ёмон.


Рислиқой Хотамова

[Gulchehra Ibragimova]

Ошиқларга

Эрам каби бўстонинг гулзорига йўлим йўқ,
Қўлларингдан тутмоққа журъат қилар қўлим йўқ,
Сенсиз ўзим йўқдирман, сенсиз куним-туним йўқ,
Ўлай десам ўлмадим, ошиқларга ўлим йўқ.

Энди пинҳон қаддингни соғинмоққа маҳкумман,
Ошиқман-у, ошиқлик даъвосидан маҳрумман,
Дарди бедаво ошиқ давосидан маҳрумман,
Ўлай десам ўлмадим, ошиқларга ўлим йўқ.

Тунлари чўғ устида куйиб кетди бир жоним,
Куюк дилнинг кулгуси рост бўларми, жайроним,
Мажнундан баттар хароб бўлганида бу ҳолим
Ўлай десам ўлмадим, ошиқларга ўлим йўқ.

Энди мени қоп-қора тун севсин, сен севмасанг,
Хазон ёки кўнглимдек қул севсин, сен севмасанг,
Нега яшаб юрибман қадди гул, сен севмасанг,
Ўлай десам ўлмадим, ошиқларга ўлим йўқ.

Тупроқ бўлай, лоақал изинг тушиб ўтар-ку,
Товонинг қучиб олсам,кўзинг тушиб ўтар-ку,
Сўз билан койиб қоқсанг,сўзинг тушиб ўтар-ку,
Ўлай десам ўлмадим, ошиқларга ўлим йўқ.

Рислиқой Хотамова

[albatros]

Sahovatda, himmatda oqar daryo kabi bo'l,
Shafqat va marhamatda kulgan quyosh kabi bo'l,
O'zga aybin yopishda qorong'u tun kabi bo'l,
G'azabda va jahlda xuddi o'lik kab bo'l,
Tavoze-kamtarlikda mayin tuproq kabi bo'l,
Bag'rikenglik - mehrdaulkan dengiz kabi bo'l,
Qandaysan-shunday ko'rin yo ko'ringaning kabi bo'l.

Jaloliddin Rumiy.

[albatros]

Hayot

O, qanday o'tkazib yubording tirik,
Butun chiqarmikan tegirmondan tosh?!
Men sening qarshingda turib tippa-tik,
Qo'shqavat yoqamdan chiqaraman bosh.

Tishimni tishlasam - ko'zga yosh indi!
Bor ekan menda ham oqibat, insof.
Balki qo'rqmasam ham bo'ladi endi -
Chunki men yutayapman - 40:0 hisob.

Xosiyat Rustamova

[Gulinoz]

Chorrahada turgan chorasiz ayol.

Ko'nglidagi savollarga topolmas javob,
Yurakni tirnaydi qayg'u iztirob.
Ming bir gunohidan izlaydi savob,
Chorrahada turgan chorasiz ayol.

Qalbini yorolmas hatto o'ziga,
Tor bo'ldi bu dunyo bugun ko'ziga.
So'nggi bor qayrilib qarar iziga,
Chorrahada turgan chorasiz ayol.

Kim ham artar uning ko'zda yoshini,
Qayga olib ketsin essiz boshini.
Bugun asrolmadi so'ng bardoshini,
Chorrahada turgan chorasiz ayol.

Qaysi yo'l, manzildan bormog'i kerak,
Sen ham bo'lolmading dardiga sherik.
Sening yoding bilan u edi tirik,
Chorrahada turgan chorasiz ayol...

Hayotim

[albatros]

Mehribon onam.

Jamoling ko’rgali keldim, ayo ey mehribon onam,
Mening uchun ado bo’lg’an yuragu bag’ri qon onam.

Xo’tan dashtiga tushtum bul falakning gardishi birlan,
Eshitkil arzi holimni, men aytay senga, jon onam.

Ajoyib mehribonimsan, meni oromi jonimsan,
Murodi du jahonimsan, bihishti jovidon onam.

Meni bir jodu ko’zluk bul jahon ichra xarob etti,
Qadi sarvu sanavbar, qoshlari misli kamon, onam.

Boshimga tushti bul savdo, bo’lubman bulbuli shaydo,
Shabistoni jahonda qumridek shakkarfishon onam.

Bu ishq o’ti xarob etti, yurak-bag’rim kabob etti,
Meni xoki turob etti yuzi mohi tobon onam.

Seni ko’p intizor ettim firoq o’tig’a, ey Ka’bam,
Tavofi Ka’bayi maqsuda keldim, dilkashon onam.

Iloho, avf qilg’aysan bu Mashrabning gunohini,
Tufayli onayi zorim, g’aribu notavon onam.

Mashrab

[Gulchehra Ibragimova]

Нега жонима жафо қилурсан?
Вақти ўлди агар вафо қилурсан.

Жоним чиқадур фироқ ўтиндин
Дардимға қачон даво қилурсан?

Ул зулфни солма юзунг узра,
Ким юз била минг бало қилурсан.

Бўйнунгда қоним, ки бизни, эй кўз,
Хўблар билан ошно қилурсан.

Жондин иликингни, Лутфий, ювғил,
Чун ишқ била марҳабо қилурсан.

[Gulchehra Ibragimova]

Ёлгиз аёллар

Кечалари уйқу сўраб шамолдан,
Безор бўлиб ғийбатлару малолдан,
Менинг отам қайда, деган саволдан,
Чўчиб яшар, қанча ёлғиз аёллар.

Ёр қўлига сув қуйишни соғиниб,
Кузатишни ё кутишни соғиниб,
Боласига меҳр бериб, овуниб,
Куйиб яшар, қанча ёлғиз аёллар.

Ёстиғидан излаб ёрин исини,
Нозу ишва тарк этганда кўзини,
Гуноҳкордек сезиб доим ўзини,
Қўрқиб яшар, қанча ёлғиз аёллар.

Иғвогарлар иғвосига берса зеб,
Яна такрор севилишни кўрмай эп,
Тақдиримда яна қандай кун бор деб,
Қўрқиб яшар, қанча ёлғиз аёллар.

Рислиғой Хотамова

[Gulchehra Ibragimova]

Бу дунё

Бу дунё арзимас фидо бўлишга,
Бандасан, уринма Худо бўлишга.
Ҳар неки тақдирдир Аллоҳдан бўлар,
Шоҳмисан, тайёр тур гадо бўлишга.

Бойликка ишонма, омонатдир у,
Бахт қушин кутмагин ҳикоятдир у.
Чинакам давлату обрў истасанг,
Сабр-у, меҳнат, тоқат, қаноатдир у.

Ёр ҳусни жилвагар ўтиб кетади,
Нафс ёмон хийлагар, ютиб кетади.
Мард бўлгин мардларга кулади толе,
Эгилсанг бу замон тепиб кетади.

Кўнглингга дўзаху жаннатдан сўзла,
Аллоҳ ато этар, кўр бахтдан сўзла.
Тилингни жиловла, кўнглинг қўлга ол,
Иймон ато этар зўр тахтдан сўзла.

Бу дунё арзимас фидо бўлишга.

Рислиғой Хотамова

[Gulchehra Ibragimova]

Йигит қасам ичмайди

Рост сўзлагин дейдилар бошга қилич келса ҳам,
Тўкилиб тушар тоғлар мард кўзига келса нам,
Ёлғон иймонни ейди асрасин ҳақ ёлғондан,
Йигит қасам ичмайди, йигитнинг сўзи қасам.

Ваъдага вафо қилиш йигит иши азалдан,
Нонидан лабзи халол белда белбоғи маҳкам,
Суратимас сийрати обрў топар элда ҳам,
Йигит қасам ичмайди, йигитнинг сўзи қасам.

Оқ рўмолли ой қизнинг, бахтидир асил йигит,
Оила салтанатин, тахтидир асил йигит,
Отасининг қаноти, шахтидир асил йигит,
Йигит қасам ичмайди, йигитнинг сўзи қасам.

Сўз бериб бажармаса, қиздан ранжимайдилар,
Баҳордек сочилмаса, куздан ранжимайдилар,
Ҳалол лабзига қараб, сарасин танлайдилар,
Йигит қасам ичмайди,йигитнинг сўзи қасам.

Ори йўқнинг даврада жойи остона бўлар,
Дўсти бўлмайди унинг бахти бегона бўлар,
Эсиз йигит деган ном кўнгли ғамхона бўлар,
Йигит қасам ичмайди, йигитнинг сўзи қасам.

[Aliya]

Ой билан суҳбат.

– Ҳой, сойларнинг шарқирашидек беғубор кулгу, тоғлар оҳуси каби шўх, мовий осмон каби мусаффо кўнгил соҳибаси, тун ярмидан ўтди, нега бедорсан?
– Янги кун кирди-ю, мени туйғуга таслим қилди. Кўзларимдан уйқуни ўғирлаб, қаршисига унинг кўзлари ҳаёлини келтириб қўйди...
– Ким ул бахтиёр инсон? Коинот қадар юксак толеъдан бохабарми ёки ғафлат уйқусини тарк этмоққа ожизми?
– Бахт ўғриси ҳеч замон бахтга лойиқ кўрилганми? Адолат қилмасанг, айтма...
– Балки, орзулар оғушида унинг тасаввури мужассамдир?
– Куйиб битган орзуларни аланга олдирмоққа ишқ оловидан кули қолган чўғнинг ҳадди сиғсинми? Ундан кўра, тоғнинг харсанглари майда-майда бўлиб кетсин...
– Умид сўнгги манзилгача ҳали олис, дер ахир...
– Умидлар сўнгги манзилдан минглаб чақирим олисга ҳам ўтиб бўлди. Ижозатсиз. Гуноҳкор...
– Кун келар, мен сенга аксини исбот қилай, ҳаёт қувончини кўзларингга таништирай...
– Қувончларим унинг кулгичларида кетди... Дардимни олган нигоҳлари дардига қўшиб, хаста юрагимни-да ўзи билан олиб кетди... Менга дийдоридан икки дунё ҳасрати мерос қолди холос... Юраксиз, дардсиз... Ҳаётсиз ҳаёт кечиришга маҳкумаман...
– Бераҳм ишқ экан кўзларида... Жаллод экан кулгичлари... Кўкка қасамки, кун келиб, шу бераҳм ишққа Сени сазовор билгани учун, табассумида қувончингни ўғирлагани учун афсусларга ўзини лойиқ кўради!
– Унинг афсуслари синган кўнглим парчаларини бутлай олмас ва узри бағримдаги жароҳатга шифо бўлиш учун кифоя қилмас... Менга усиз кечган ҳаётнинг узридан кўра, унинг қўлида жон бермоқ истаги кўпроқ саодат беради... Гарчи у, азобларга кўмилган юрагимни қўя турай, бир томчи кўз ёшимга арзимаса-да...
– Бу севгини замин-у замон унут билди, нечун сен бағрингдан юлиб ташлай олмайсан? Сени тупроққа тенг билган басир туйғуни кўкларга кўтарасан...
– Ажабо, Инсон қалби қандай тилсимки, қалбидаги Ишқни улуғлаб, кўкнинг пештоқига еткизади. Ва оқибат, унга ўзининг қўли етмай, умрини қаро тун зулматини юрагига жо қилиб ўтказади...
– Балки шу учун севги буюкдир?
– Эҳтимол... Шу туйғуни буюк қилган Замин-у фалак эгаси бу буюкликка даъво қилганларни тупроққа тенг қилишида не синоат яширин?
– Дунё сирларини ечиш ҳатто Мен – юксакдаги Ойга насиб бўлмаган, Замин зарраси бўлган инсонларки, беҳуда уринадилар. Ўзларича нималарнидир яратадилар-у, ўз кўнгилларини тушунмай, осий ўтиб кетадилар. Таассуф... Тонг ёришай деб қолди...
– Майли, тун ҳам қисматдек қаро пардасида кўк юзини тўсганига кўп бўлди... Эртанги Соғинч залворини енгишда куч ва ирода тўплаш учун ором олмоқ лозим...

[Nigora Umarova]

Тунлар аллалаган хаёлзорларда,
Кўзларимга сурма тортар сулув туш,
Юрагимдан кечиб кетаркан армон,
Мени қамраб олар илоҳий оғуш,

Томиримда оқар оҳ муқаддас ишқ,
Сезгум етти фалак беғуобор сасин,
Сезгум манглайимда бетимсол, азиз,
Хилқатнинг илоҳий, ёниқ бўсасин,

Ложувард, мунаввар туннинг бағрида,
Порлар буюк оят битилган қамар,
Сокинлик бағрига учаркан руҳим,
Муҳаббатдай оппоқ, оппоқ тонг отар!

Дилфуза Комилова

[Gulchehra Ibragimova]

Ашкима гар канора йўқ, бўлмаса бўлмасун, нетай,
Оҳима ҳеч шумора йўқ, бўлмаса бўлмасун, нетай.

Ҳардам улусға лутф ила боқғуси қаҳр ила, вале
Ман сори бир назора йўқ, бўлмаса бўлмасун, нетай.

Ишқ эли кўнгли дардиға чора қилур,вале менинг
Дарди дилимга чора йўқ, бўлмаса бўлмасун, нетай.

Ҳажрида заъфим ўйлаким, оҳи ҳазиним ўтиға,
Шуъла била шарора йўқ, бўлмаса бўлмасун, нетай.

Жон лабидин чу бермади жисмима,ваҳки қошидин
Қатлима бир ишора йўқ, бўлмаса бўлмасун, нетай.

Кўйига борсам этгуси васлиға ваъда, ул доғи
Бўлғуси бора-бора йўқ, бўлмаса бўлмасун, нетай.

Толейи равшан ўзганинг лутфи қуёши нуридин,
Мен киби бахти қора йўқ, бўлмаса бўлмасун,нетай.

Бўлди ситораси исиқ хулқға меҳр ёр карам,
Манда исиғ ситора йўқ, бўлмаса бўлмасун, нетай.

Дедим ўлубтур Огаҳий ашки канорасиз, деди:
Ашкима гар канора йўқ, бўлмаса бўлмасун,нетай.

[Minglar]

Братство Овнов


И льстить и служить
Вы за хлебную корочку рады,
Но цепь и ошейник –
Достойная ваша награда.
Дрожите в подклети,
Когда на охоту мы выйдем…
Вл. Солоухин

Мы Овны,
В ковчег фарисейства упертые рогом;
Мы дышим неровно
К горам, облакам и дорогам.

Пред сильными мира
Мы не преклоняем колена;
Вольна наша лира
В загоне морального тлена.

Мы интуитивно
Находим собратьев по крови,
Нам паперть противна,
Терновый венок нам не внове.

Ломаем преграды
И ищем высокие цели…
Но, нет нам награды
Достойней апрельской капели!


Monin

[Aliya]

Nimadan qayg`uray - dunyo bir kam-da,
Axir siz borsiz-ku yorug` olamda!
Xudoning suymagan quli bo`lsam-da,
Siz meni baribir yaxshi ko`rasiz...

Nigohlar - ko`ksimga botgan daydi o`q,
Sizdan yaxshi, mendan yomon odam yo`q!
Faqat bir narsadan g`arib ko`nglim to`q -
Siz meni baribir yaxshi ko`rasiz...

O`z holimga yig`lab, kuldim necha bor.
Garchi sidqingizni bildim necha bor -
Men sizga xiyonat qildim necha bor.
Siz meni baribir yaxshi ko`rasiz.

Dunyo lahaddek tor ko`rinsa ko`zga,
Shundan bo`lak taskin topmadim o`zga,
O`zim ham ishondim shu yolg`on so`zga -
SIZ MENI BARIBIR YAXSHI KO`RASIZ!!!

Rustam Jabborov.

[bekww]

***

Ҳаётнинг энг лазиз неъмати фарзанд, кўзларининг зиёси , диллар қувончи,
Жажжи изларига келажак пайванд, эртанинг умиди, ёруғ ишончи .

Беғубор кулгуси булоқдек тиниқ, шўхчан нигоҳида адоқсиз ҳайрат,
Дунёдан мўжиза кутади интиқ, жўшқин юрагида шижоат, ғайрат.

Бахт иқбол чечаги ширин қизалоқ, аста гап бошласа пирпиратиб кўз,
Энг машхур юз минг байт шеърдан ширинроқ чучук тилларидан тўкилган бир сўз.

Шодлик бўстонида эрка болакай хотиржам, беташвиш ўйнаб юрибди,
Асли бу дунёни фалак нуридай болалар нигоҳи поклаб турибди.

Шу оппоқ нигоҳлар туфайли албат рўёбга чиқади дил тилагимиз,
Бизларга берилган энг лазиз неъмат, фарзандлар – нурафшон келажагимиз!


PS.Ойнаи жаҳондан иқтибос...

[Nigora Umarova]

... Ha, o'tding zaiflar panohi bo'lib,
Ojizlar ildizi, ko'r rohi bo'lib.
Birovga omonat qasr ham bo'lding,
Ne sirlar qoshida basir ham bo'lding.
Poygakda o'tirdin, chiqmay to'riga,
Qirga opiichlamay yurding o'ridan.
Birovga-tillaqosh, birovga-taqa,
kimlarga-xazina, kimlarga-chaqa.
Qimmatli umrimiz bo'ldi sargardon,
Uloqqa tashlandi qumrimiz sayron.
O'zimki, o'zimni etmagach e'zoz,
O'zgalar izzatda tutmagani rost...

Mukarrama Murodova

[albatros]

Endi kuni bo'yi yuraman o'ylab,
Og'rigan boshimga solasan g'amni.
Qushcha, o'zimda yo'q narsani so'rab -
Juda xijolatda qo'yding odamni.

Jovdirab qaraysan qafasdan otsam-
Bir hovuch ushshoq, don, suv va maysani...
Oldingga tashlayman nimaki topsam -
Ozodlikdan boshqa hamma narsani...

Xosiyat Rustamova

[Mahmud Jurat]

Гўзал шеър, аммо кўп хатолар билан кўчирилган. Иккинчи тўртликнинг биринчи қатори ҳам маъно жиҳатдан ғализ. Менимча "Жовдирайсан қафас ёнидан ўтсам..." шаклида берилса яхши бўлармиди, ахир қафасдан ўтиб бўлмайдику...

[albatros]

Гўзал шеър, аммо кўп хатолар билан кўчирилган. Иккинчи тўртликнинг биринчи қатори ҳам маъно жиҳатдан ғализ. Менимча "Жовдирайсан қафас ёнидан ўтсам..." шаклида берилса яхши бўлармиди, ахир қафасдан ўтиб бўлмайдику...

Ushbu she'r shoira Xosiyat Rustamovaning "Ishg'ol" nomli kitobida olingan.Unda shoira ozodlikni qo'msayotgan quscha timsolini aytish bilan bir qatorda o'zining ham qalbi erkni sog'inishi bayon etilgan bo'lsa ne ajab(Bu shaxsiy fikrim):
"Qushcha, o'zimda yo'q narsani so'rab,
Juda xijolatga qo'yding odamni".

Ikkinchi to'rtlik esa
"Jovdirab qaraysan qafasdan otsam (ya'ni uloqtirsam ma'nosida),
Bir hovuch ushoq, don, suv va maysani"

[albatros]

Omon bo'lsang bas.

Mayli, yod etmagin meni bir bora,
Sendan menga mayli kelmasin bir sas.
Mayli, sen unutgin mening ismimni,
Menga bu dunyoda omon bo`lsang bas.

Boshing toshdan bo`lsin qayda bo`lsangda,
Lek yurak toshligi tilagim emas.
Mayli senga aziz bo`lsin boshqalar,
Sen mening qalbimda aziz bo`lsang bas.

Bilmam senga etmoq bo`larmi nasib,
Balki sen bo`larsan armon yo havas.
Agarda orzuing ushalsa mensiz,
Menga armonliging unutmasang bas.

Malika Mamadaliyeva

[Gulchehra Ibragimova]

Қуёшга тош отманг


«Инсонни енгиб бўлмас!»

ХЕМИНГУЭЙ


Лойқаланган умр...
Тўкилган юрак... -
Дарз кетган кўнгилдек мўрт чинни тақдир
«Миш-миш»га ён берманг, шум ёсуманлар
Қисматнинг талх оши, талхдан-да талхдир.

Кулманг, эртами ва ёки кечроқ
Қисматдин сизга ҳам кўрсатар Тангрим!
Тош отманг-тегмайди, осмоним йироқ
Шундоқ ҳам минг пора тиғланган бағрим.

Кимга вафо қилган замона, э, воҳ,
Не гуноҳ қилганди Темур, шоҳ Бобур?!
Уларнинг пойида мен-ку бир увоқ
Кечаги Чўлпон ким-ўзингиз гувоҳ.

Бор бўлса кўролмай, йўқ бўлса бермай,
Тош отиб бунчалар бўлдингиз ҳалак?!
Покиза шабнамдан яралган гулман,.
Ножинсу нопокка дуч қилган фалак.

Минг йилки, тош отиб толмадингизми?
Эй, ўзини билмаган, эй, сиз оломон?
Қаранг-чи, балчиқда қолмадингизми?
Шукр денг, фарзандлар юрсинлар омон.

Иғвою миш-мишдан айтинг, кимга наф,.
Ҳақни ҳақ билгувчи халқ бор. Оллоҳ бор.
Ортингизга боқинг, йўқми сизга хавф,
Кулганга «қирқ кунда»... деган сабоқ бор.

Замин яраланди ҳаво булғанди,
Кимларнинг касридир, қалқир кўкда ой?
Ичимлик сувлар шўр, ер оғуланди,
Дарё ўзанига чапланмоқда лой.

Тош отманг эрмакка ўнгга, ҳам сўлга
Оқилу донога тегиб кетмасин.
Ногаҳон зарб етиб иймонли дилга,
Бир умр бошини эгиб ўтмасин.

Биргина қуёш бор, тарозуси тенг
Сиз унга тош отманг, адо бўласиз.
Кети кенг дунё бу, карами ҳам кенг,
Лек нурни кўролмай гадо бўласиз.

Қуёшга тош отманг, гуноҳга ботманг,
Унинг пок нурлари айламасин кул.
Ҳамиша ғолибдир тун устидан кун,
Зиёсиз қолмасин ҳеч қайси кўнгил.

...Қуёшга тош отманг,
гуноҳга ботманг...

Қурбонгул шоирнинг ижодидан

[pipicron]

Лойқаланган умр...
Тўкилган юрак... -
Дарз кетган кўнгилдек мўрт чинни тақдир
«Миш-миш»га ён берманг, шум ёсуманлар
Қисматнинг талх оши, талхдан-да талхдир.

Жуда ўзига хос услуб билан бошлаган. Айнан бир тақдир хақида гап бошлангандек. Лекин кейинрок бу услуб ўзгариб кетяпти. Бу услубни шархлаб берсангиз...

[Gulchehra Ibragimova]

Қисматнинг талх оши, талхдан-да талхдир.

Жуда ўзига хос услуб билан бошлаган. Айнан бир тақдир хақида гап бошлангандек. Лекин кейинрок бу услуб ўзгариб кетяпти. Бу услубни шархлаб берсангиз...

Ҳа, тўғри англабсиз. Шеър айнан бир тақдир ҳақида ёзилган. Мана бу мавзуда шарҳласак (http://uforum.uz/showthread.php?t=17433&page=5) мақсадга мувофиқ бўлармикан, деб ўйладим.

[albatros]

Олисдаги маҳмадана, эй эски олчоқ,
Менга қадам ташламоқни ўргатмагин сен!
Ўзингга боқ, кейин, майли, ноғорангни қоқ,
Менга қандай яшамоқни ўргатмагин сен!

Тинчлик дея юрак бағри куйик элдир бу,
Яратганнинг қошида энг суюк элдир бу,
Ўтмиши ҳам, эртаси ҳам буюк элдир бу,
Менга қандай яшамоқни ўргатмагин сен!

Дала – даштлар ўз-ўзидан Эрам бўлмагай,
Лекин сендан беминнат бир карам бўлмагай,
Ўзбек эли ҳеч кимсага қарам бўлмагай,
Менга қандай яшамоқни ўргатмагин сен!

Китобингда даҳоларим сўзлари бордир,
Деворингда боболарим излари бордир,
Мағрур элнинг эту тирноқ дўстлари бордир,
Менга қандай яшамоқни ўргатмагин сен!

Ялтираган ҳамма нарса эмас тилла, ҳей,
Ҳайфдир сенга Нақшбанддан қолган салла, ҳей,
Эй худони танимаган чаламулла, ҳей,
Менга қандай яшамоқни ўргатмагин сен!

Хали баланд довонларга от қўядирман,
Керак бўлса осмонларга от қўядирман,
Лоқайдлигу нодонликка ўт қўядирман,
Менга қандай яшамоқни ўргатмагин сен!

Агар жаннат кўкда бўлса,
остидадир Ўзбекистон,
Агар жаннат ерда бўлса,
устидадир Ўзбекистон!

Иқбол Мирзо

[Сарвиноз]

Замин деб билган чоғ сени, шеърият,
Ёмғирдай ёғилдим гоҳ ўтлоқларингга.
Гоҳида бешафқат кўчкин қорсифат
Ваҳму қутқу солдим қучоқларингга.

Кушод ва муқаддас яловинг тутиб,
Бўлдим лашкарингнинг оддий аскари.
Сени гоҳ дарёдек тасаввур этиб,
Ўзимни ҳис этдим ирмоқ сингари.

Бурқсиб тутаган чоғ туман ва тутун
Тангри ё расулмас, инсонинг бўлдим.
Қутлуғ даргоҳингда таъмасиз, забун
Содиқ дастёрингу дарбонинг бўлдим.

Сенинг мавжудлигинг фаҳм этурман то,
Токи тарк этурман уйқуни саҳар.
Гўзал кўрингайдир кўзимга дунё,
Асло туюлмагай бу ҳаёт заҳар.

Ҳимматим ҳаққига ғамдан, кулфатдан,
Майли, асрамагин мени умрбод.
Асра лоқайдлигу енгил шуҳратдан,
Токи келтирмайин мен сенга иснод.

Блокнотимда бор экан.Муаллифини билмайман.Кимдир билар балки.

[gofurov]

Замин деб билган чоғ сени, шеърият,
Ёмғирдай ёғилдим гоҳ ўтлоқларингга.


Блокнотимда бор экан.Муаллифини билмайман.Кимдир билар балки.

Қайсин Қулиев

http://e-adabiyot.uz/adabiyotshunoslik/sheriyat/552-2011-05-26-06-44-27.html

[albatros]

БИР КУНИ...

Мен мовий деб ёздим самони,
Таърифладим тонгни, сабони.
- Ҳаётдан узилган, - дедилар.

Севги кўрки - ҳижрону висол,
Деб яратдим минг лавҳа, мисол.
- Соф туйғу бузилган, - дедилар.

Достон қилдим меҳнатни, шонни,
Йўллар, йиллар берган эҳсонни.
- Ортиқча, чўзилган, - дедилар.

Лекин бир кун хаёлга толдим,
Ўзлигимни қўшиққа солдим.
- Юракдан тузилган, - дедилар.

Жуманиёз Жабборов

[Nigora Umarova]

Балли, кўзларимдан дардимни уқдинг,
Аммо, кўзларимга келмагил кириб.
Дардимни қўймоққа бошқа жой йўқдир,
Кўзимга қўяман яшириб.
Бунча синчков бўлма, бунча топонғич,
Кўзим дарёсига шўнғимагил, жим.
Ахир бу дунёда энг бехавф ва тинч
Дард яширар жойим-менинг шу кўзим.

Ҳалима Худойбердиева

[Gulchehra Ibragimova]

Баркамол авлод

Дарё тошса кейин денгиз тўладида,
Кўкка боққан кўзлар юлдуз кўрадида.
Бек боласи барибир,бек бўладида,
Ворислари икки дарё орасини,
Бахтин кўринг Ўзбекистон боласини.

Болам мендан бахтли бўлсин, дейди бу эл,
Мен кўрмаган кунни кўрсин, дейди бу эл,
Куйса фақат болам дея, куйди бу эл,
Илинади ҳар нарсанинг сарасини,
Қадрин кўринг Ўзбекистон боласини.

Қадим тарих сўзлашган шу тил сеники,
Султонинг йўл очиб, деди йўл сеники.
Йиллар сенга ҳадя бўлсин йил сеники,
Топиб берди ҳар орзунинг чорасини,
Бахтин кўринг Ўзбекистон боласини.

Рислиғой Хотамова

[Gulchehra Ibragimova]

БИР ХАТО ИЗТИРОБИ
(бир аёлнинг кундалигидан)

У келар бағрига солиб ишқдан ганж,
У келар бағримда сайрайди қумри.
У билан уйимга келади юпанч,
Ярим соат менинг юпанчим умри.

Ўзимга жой топмай қолиб шошаман,
Унга отиламан севиб, ўкиниб.
Ярим соатгина тўлиб-тошаман,
Ярим соатгина... сўнг қолгум тиниб.

У қўл соатига қарайди маъюс,
Кўксимда нимадир қад кўтарар даст.
У чиқиб кетади, деразадан куз
Мунғайиб кўзимдан кўзини олмас.

Кейин туйғуларим тутаман тунга,
Кўкрагим бир ўтдан ачишади, бас.
«Ўзимники бўлинг», дейман мен унга,
«Меникисиз» демоқ қўлимдан келмас.

Кейин узун тунлар ўйга толаман,
Туш кўраман, кўзим илингани он.
Тушимда оқ каптар бўлиб қоламан,
У ўз қўлларида тутар менга дон.

Уйғониб кетаман, уйғониб: «Нега?..»
Ғалаёнли ўйлар келар бостириб.
Нечун ўз уйига бўлолмас эга,
Эшигимдан ошкор келолмас кириб.

Наҳот инсон ўз айб, ўз хатосининг
Бир умр ўйнаса ўйинларига.
Наҳот бир умр ўғлим ўз отасининг
Ошкор осилолмас бўйинларига?!

Шу қисматни раво кўрдими ҳаёт,
Қиздирсин деб ғийбат, гап ўчоғини.
Гулдай таним билан бир умр, наҳот,
Иситиб яшайман тун қучоғини...

Оҳ урсам, оҳимдан ўт кетар тунга,
Қарғамай десам-да ёшлик, мастликни.
Ўша мастлик — МЕНИ тутқазган Унга,
Менга «МЕНИКИСИЗ» деёлмасликни...
1984 йил 2 ноябрь

Халима Худойбердиева

[albatros]

Yaratganim, o'zingga shukr,
G'amlar berib, suyganing uchun.
Yaratganim, o'zingga shukr,
Meni loyiq ko'rganing uchun.

Birda kelib-ketar omadni
Qadrin bil, deb barcha ne'matni.
Tashvishlari bisyor davlatni,
Kamlar berib suyganing uchun.

Yaratganim, o'zingga shukr
Mo'jizang ko'p, aytay qay birin,
Goho oshkor, goho yashirin,
Dunyo ahli termulgan zamin,
Buxoriylar berganing uchun.

Yassaviyu Islomda ustun
Termiziylar berganing uchun.
Ming bor qulluq, xolis ustozlar,
Berding shoir, hofizu sozlar,
Haqni yoz deb oppoq qog'ozlar
Qalam berib suyganing uchun.

Yaratganim, o'zingga shukr
Gunohlarim ildizim qirqib,
Toat qilsam o'zingdan qo'rqib,
Dard bersang-da ko'zimga surtib
Shukr, Tangrim, suyganing uchun.
Yaratganim, o'zingga shukr.

Sharofiddin Boltaboyev

[Gulinoz]

Qadrimni toptashga urinmang,
Balandlab ketaman aks holda.
Ozgina yon bersam, suyunmang,
Daraxt ham bo’y cho’zar shamolda.

Yo’l bermang birovni qarg’ashga,
Gullarga o’qraymoq gunohdir.
Haqliman xotirjam yashashga.,
Shu zamin menga ham pahohdir.

Yoy kabi egsangiz qaddimni
Ulug’lab oylarga mengzayman.
Men yerdan topmasam baxtimni,
Huv baland osmondan izlayman.

Men nafas rostlay deb inchunun
Ozgina yon bersam suyunmang.
O’zimdan kechmayman siz uchun,
Qadrimni toptashga urinmang!

Birovning qaddini tiklash-chun
O’z qadring tuproqqa tenglama,
Ko’nglingni asragin bus-butun,
Sen uni osmonday keng dema.

Yog’dular sochilar tinimsiz
Ochilsa muhabbat daftari.
Ko’kdagi bir dardday ko’rimsiz
Tuyular dunyoning dardlari.

Goh daryo ko’nglingga qil sig’may
Bir qatim nur tushsa o’t ketar.
Kichrayar hech kimga bildirmay-
Quyunday yoprilsa xavf-xatar.

Birovning qaddini tiklash-chun
Yiqilgan kunlarim ertakmas.
Ololsam-olaman bus-butun-
Menga ham yarim dil kerakmas.

Yo’lingda kamonday egilgan
Dardlarni ichingga yutmagin.
O’zini ardoqlay bilmagan
Ko’ngildan ro’shnolik kutmagin!

Zamira Egamberdiyeva

[Gulinoz]

Tog’lar

Tog’larga ishonib adashdim,
Qoyalar aldarkan odamni.
Men bugun bexosdan bo’shashdim-
Tushunib yo’l qo’ygan xatomni.

Tog’larga tosh otmoq bekordir,
Shubhasiz o’zingga qaytadi.
Ularning bilgani inkordir,
Bukilmas tog’larning tosh qaddi.

Cho’qqiga sir aytsang mabodo
Dardingni dasturxon qilarkan.
Chorlasang bergandek aks-sado,
Tap tortmay ustingdan kularkan.

Buyuklik-tasodif aslida,
Qachondir Yer bilan teng bo’lgan.
Tog’lar ham yerning naslidir,
Ularning ham bag’ri keng bo’lgan.

Tosh ko’ngil nedandir to’lmaydi,
Bulutlar boshida uchsa ham.
Baribir ishonib bo’lmaydi,
Falokat yuz berur ko’chsa ham.

Ulardan olisroq ketaylik,
Bosh egib kamtarin bog’larga.
Tuproqni balandroq tutaylik,
Uvoldir tosh otsang tog’larga…

Zamira Egamberdiyeva

[Nigora Umarova]

...Ulardan olisroq ketaylik,
Bosh egib kamtarin bog’larga.
Tuproqni balandroq tutaylik,
Uvoldir tosh otsang tog’larga…

Zamira Egamberdiyeva

Rahmatli Zamira opani yaqindan tanirdim, nihoyatda ochiqko'ngil, dilbar ayol edilar. Joylari jannatdan bo'lsin.

[AbuMuslim]

Мен ишқ элининг нолаю афғонида куйдим.
Кўнгил уйининг оташи армонида куйдим.

Меҳрин тилабон ўтса агар ошиқи зорлар,
Меҳримни бериб мен эса товонида куйдим.

Мушкул эди йўл, ранж ила изҳориға етдим,
Сизлар кўйида, мен эса домонида куйдим.

Ташбеғига, ҳолим будурур, ўзга қиёс йўқ
Соч толасидай чоки гирибонида куйдим.

Ишқ аҳли фироғинда фиғон этса агар, мен
Ёнида юриб, ёнида ҳижронида куйдим.

Дуст ким, рақиб кимдиру овораси кимдир?
Билмай асилин лол ила ҳайронида куйдим.

Дунёйи азалнинг ғазалий матлаъи булдур:
Бошлаб ҳама ишни они поёнида куйдим.

Ҳам меҳнати, ҳам миннати, ҳам заҳмати — борин
Жон жомиға жамлаб, дағи уммонида куйдим.

Сирожиддин Саййид

P.S
ҳижрон бу айрилиқдир, аммо айрилиқсиз ёнида юриб ҳам куйиш мумкин экан... : (

[Asror Samad]

Қайси жондур жонажон ўлкам учун қурбон эмас,
Жонажон ўлкамга қурбон бўлмаган жон жон эмас.
Жонидан кечмай ватанпарвар бўлиш осон эмас,
Кимда-ким йўқдир Ватаннинг меҳри чин инсон эмас,
Халқ учун қайғурмаса виждон агар виждон эмас.

Ҳабибий

[albatros]

Мен Сени ер-кўкка ишонардимми,
Қизнинг чин бахти бу, тақдир иши бу.
Майли, юрагингга кирган мардингнинг —
Бошга қўнган, кетмас Хумо қуши бўл.

Не дейин, не дейин, мен не ҳам дейин,
Қизим остонамдан оёқ узар чоғ.
Хонадон ҳувиллаб қолгандан кейин,
Кушини учириб юбораркан боғ.

Хатодай туюлар менга ушбу хат,
Ушбу тақдир, қалбга санчма тиғингни.
Мен ҳеч ўйлабмидим шундай оз фурсат,
Қизим, ўз онангга меҳмонлигингни.

Ёшлигинг ўтдими шўх, хандон отиб,
Мурғак юраккинанг озор чекмайин.
Олмадай бировга узатаётиб,
Не учун кўзимдан ёшлар тўкмайин.

Ўйларинг йўқмиди мендан яширин,
Туйғуларинг ғамдан ёнмаганмиди...
Тушунтира олмай менга гоҳ сиринг,
Ёстиққа кўз ёшинг томмаганмиди?

Бўлмаганми, айтгин, Сен норизо пайт,
Бағримизда кечган қувонч, мунглардан.
Сен айт, болажоним, розимисан, айт,
Отанг уйидаги ўтган кунлардан.

Тинаётган кўзим Сенга тикаман,
Қучоғимдан Сени олди-ку тақдир.
Бу тақдирга қандоқ мен кўникаман,
Билмам, куним сенсиз қандоқ ўтадир?!

Майли, Сен борар боғ энди кўрмай кам,
Толе менинг меҳрим шу боққа солсин.
Мен ола билдимми кўнглингни, билмам,
Болам, борар жойинг кўнглингни олсин.

Мен сени ер-кўкка ишонардимми?!

Ҳалима Худойбердиева

[albatros]

Хуш қол, райҳон мисол илк ёзганим барг —
Илк очиб, ёпганим эшик, яхши қол.
Тарк этиб кетяпман, этолмасдан тарк,
Онам бағридаги бешик, яхши қол.

Жовдирашлар қандоқ тинч қўйсин мани,
Гўдак сингилларим — чиннигулларим.
Волидам қўлидан ипни, игнани,
Сиз қачон олурсиз, чучук тилларим.

Акалар, тўфонни тўсар тоғларим,
Нур тушсин десангиз менинг роҳимга,
Юмшагайсиз, Сизга умид боғладим,
Озор бермагайсиз қиблагоҳимга.

Ҳаёт 6у, гоҳ хазон, гоҳо кўкариб,
Яшаб кетгайсизми бут қилиб камни...
Кетолармикансиз бошда кўтариб,
Кекса, гўдак бўлиб қолган отамни.

Яна онам, яшаш, уй ташвишлари,
Ўзи эгик қаддин қўймасми эгиб?
Чақнаб юргаймикин мунглардан нари,
Тетик қадамлари қувончга тегиб?!

Қизга ота йўли — энг қисқа йўлдир,
Мен-ку ҳол сўрмоққа учгайман ҳар вақт.
Тунлар дуодай ёд тилагим шулдир,
Ота уйим, сендан юз бурмасин бахт.

Ҳалима Худойбердиева

[Nigora Umarova]

... А может, нету ни добра, ни зла,
Но лишь игра сознанья с подсознаньем,
Опасная игра у края бездны,
Как будто бы проходишь по канату
Над собственной зовущей пустотой
И остро ощушаешь радость жизни,
И зыбкое пристуствие рассудка,
Что молча наблюдает за душою,
Ещё не знающей, что будет с нею завтра...

Баха Ахмедов

[Gulinoz]

Aldashni ko'rmayman ravo

Men Sizni aldashni ko'rmayman ravo,
Tushuning, shu o'zi men uchun basdir.
Sezaman, mendagi bu dard- bedavo,
Istaganim bilan bu ishq so'nmasdir.

Men Sizni aldashni ko'rmayman ravo,
Ehtiyoj sezmayman ortiq tirakka,
Men uchun qachondir kuylangan navo,
Endigi navolar sig'mas yurakka.

Sizday sodiq do'stni aldamayman, yo'q,
Ishoning, bu yo'llar tushmas bir izga.
Ko'ksimga qachondir tekkandi bir o'q,
Yarador qalb bilan bormayman Sizga.

Halima Hudoyberdieva

[Gulinoz]

Yolg'iz ayol xati

Sen, sevib baxtimga bo'lganding zomin,
Sen, sevib baxtimni ketganding yulib,
Aytgil, yolg'izlikning achchiq alamin,
Ikkov bab-barobar oldikmi bo'lib.

Eshigingni, balki uchib xuddi o'q,
Baxt ochar, bag'ringda to'lg'anar sochlar.
Mening eshigimni gezargan, sovuq-
Bir-bir bosib kelib yolg'izlik ochar.

Sen eshikdan kirsang yoniq dil bilan,
Balki baxt otilar quchog'ingga tik.
Men eshikdan kirsam muzday qo'l bilan,
Bellarimdan mahkam quchar yolg'izlik.

Baxt Seni jon bilan sevar betoqat,
Ko'zingda his etib ishq zarblarini.
Meni ham ko'zimga sevib, yutoqib,
Yolg'izlik bosadi muz lablarini.

Tushda visollarga ketdim ko'nikib,
Tushdagi tonglarim charaqlab otar.
Toshday yostig'imning yarmi meniki,
Yarmida yolg'izlik- bosh qo'yib yotar.

Faqat tong otlansam, qololmas ushlab,
Yarim tun qaytsam ham, rashk, g'azab yo'q, shan.
Barin ichga yutib, ko'ksimga mushtlab,
Men yonib ketyapman, yonib ketyapman.

Suyib, balki mendek kuyib xuddi sham,
Yashayapsan, farq yo'q, qanday o'tding Sen.
Faqat ayt, o'z qo'ling bilan qandog'am,
Meni yolg'izlikka qo'shib ketding Sen.

Uzr, bu she'rni kim yozgani menga noma'lum

[Masud Mahsudov]

Yolg'iz ayol xati

...

Uzr, bu she'rni kim yozgani menga noma'lum

Ohangi aytib turibdi, adashmasam, Halima opa Xudoyberdievaniki she'r

[Gulinoz]

Bilmadim, menga juda yoqdi. Qalbga yaqin satrlar

[Gulinoz]

Topmadim...

Mehr bilan termulib turgan,
Ko'zlaringni topa olmadim.
Yuragimning qa'rida bosgan,
Izlaringni topa olmadim.

Quyosh kabi porlab o'shanda,
Hayotimga berganding ma'no.
Qalbim oynasiga aylangan,
Yuzlaringni topa olmadim.

Suhbatlardan ahtardim ma'no,
Sovuq hislar dilimga botdi.
Gulim deya quvontirganing,
So'zlaringni topa olmadim...Afsus

Hayotim

[Gulinoz]

Ketaman, endi men ketaman,
Men bahtsiz insonga yor qayda?
Bilaman, endi men bilaman,
Suymasa, suykalish befoyda...

Ketaman, na iloj, nachora,
Zorim bor, zo'rim yo'q oldingda.
Sevishim aytsam ham ming bora,
Ishq o'ti yonmadi qalbingda.

Ketaman...ortimdan zorlanib,
Qolgin deb sen yolg'on zo'rlaysan.
Bosh olib garchi men ketmasam,
Baribir sevgimni ho'rlaysan.

Ketaman, ko'zimdan oqqan yosh,
Yomg'irday yog'adi boshingga,
Sen buni sezmaysan bag'ritosh,
Begona kelganda qoshingga.

Ketaman, ortimdan suyunmay,
Aksincha sen menga zor bo'lgin.
Xo'rlading sevgimni tushunmay,
O'zing ham albatta xor bo'lgin.

Ketaman men olis tomonga,
Bo'ylasang, bo'ylaring yetmaydi.
Men ketgan u olis makonga,
Ketganlar ortiga qaytmaydi...

Tavakkal Hojimatov

[Gulinoz]

Sizni tushlarimda ko‘rsam, sig‘insam,
Og‘ir botmasmikan? Ozor yetmasmi?
Tunlar o‘zim bilmay sizni sog‘insam,
Bu gunohdan yerlar yutmasmi?
Yoningizga xayolan borsam,
Quvmaysizmi,
haydamaysizmi?
Hislarimni sizga ishonsam,
kulmaysizmi,
aldamaysizmi?
Ishq - bor, deb tunlarga ertaklar aytsam,
La’natlamaysizmi,
yig‘latmaysizmi?..
Nega indamaysiz,
Nimaga jimsiz?
Ishona olasizmi?
So‘ragum...
Axir, qon yutib zor qarg‘amoqqamas,
Sevmoqqa yaralgan yuragim!..
Axir, nikohlandim nigohingizga,
Bilmaysiz, bu sirni kimdan o‘rgandim.
Azizim,
Ishq - mening tushimda olgan
Bitta bo‘sangizdan
ko‘rgan farzandim!..

Zebo Mirzo

[Mahmud Jurat]

Карим Баҳриев

MUSTAQILLIK DЕKLARATSIYaSI
1990 yil. 20 iyun.

Yana kuz kelmoqda.
Daryolar tindi.
Shildir-shildir oqdi pokiza suvlar.
Urgut bog’lariga sukunat qo’ndi,
Хazonlarni sekin shamollar quvlar.

Оta elim, endi sevingin, shodlan,
Istiqloling kelib chertdi darvozang.
Оlis manzillarga shu tongda otlan,
Yo’qolib ketmagay endi ovozang...

Nega quvonmaysan, toshmaysan jo’shib,
Axir, mustaqillik keldi o’lkangga?!
O’ris amaldori elkangdan tushib,
O’z amaldoring... mindi elkangga.

Nechun baxtdan yayrab, shod yashamaysan,
Nechun boshing egik, o’zing ovvora?!
Endi sen Moskovga pul tashimaysan,
Endi sen ... Toshkentga tashiysan pora.

Sen yaydoq dalangda ishlagin kuyib,
Paxtangni hokimga topshiru quvon –
Poytaxt zavodlari turibdi quyib,
Ko’ksingga shaqirlab taqarsan unvon!

Hasrating ko’p – ichda, lek zo’r – savlating,
Shod bo’l, deb men o’zim bo’lolmasman shod.
Mana, ozod bo’ldi buyuk davlating...
Bechora xalqing ham bo’lsaydi ozod.

1990 yil, 20 iyun.

Postskriptum. Bu sheъrni 1990 yil kuzida ko’p gazetalar qaytargan, ammo juda ko’p tahririyatlarda, masalan, “Оila va jamiyat”, “Mohiyat”, “Hurriyat” “21 asr” gazetalari xonalarida devorga osib qo’yilganini ko’rganman.

[Gulinoz]

OG‘RIQ

Qancha kunlar qazo bo‘ldi,
Jonimizga jazo bo‘ldi.
Bizdan kimlar rizo bo‘ldi?
Egamizga nima deymiz?

Iymon azim daraxtdir xo‘b,
Yaprog‘idan mevasi ko‘p,
Shoxlarini sindirdik xo‘p,
Egamizga nima deymiz?

Kapalakka qo‘l bermadik,
Chumoliga yo‘l bermadik,
Dil olmadik, dil bermadik,
Egamizga nima deymiz?

Uyg‘ongimiz kelmas sira,
Ko‘zimizni bosgan shira,
Borgan sari ko‘ngil xira,
Egamizga nima deymiz?

Shayton buncha sohibjamol?!
Qonimizda topar kamol,
Hayotimiz — bitta savol:
Egamizga nima deymiz?

Kim yozganini bilmadim, uzr

[Masud Mahsudov]

OG‘RIQ

Qancha kunlar qazo bo‘ldi,
Jonimizga jazo bo‘ldi.
Bizdan kimlar rizo bo‘ldi?
Egamizga nima deymiz?

Kim yozganini bilmadim, uzr

Behzod Fazliddinniki...

[Gulinoz]

KECHIR!

Quyosh g‘arbga ketdi sho‘ng‘ib,
Uxlolmadim, kechir rabbim!
Siltadilar: "yig‘lagin", deb
Yig‘lolmadim, kechir rabbim!
Ko‘kka nolon nido qildim,
Chok-chok bo‘lgan ko‘ksim tildim,
O’zimni gunohkor bildim,
Yig‘lolmadim, lekin Rabbim!
Kimning ishi tushsa gar, bas,
Yordamim tutdim har nafas,
Yaxshilikdan boshim chiqmas,
Yig‘lolmadim, lekin Rabbim!
Ko‘zimda nur, yovuz kulgu,
Qalbimda ishq to‘la tuyg‘u,
Har kun boshim mehrobda-yu,
Yig‘lolmadim, kechir Rabbim!
Ishim mening sahovatdir,
Bilmaganim - halovatdir,
Bu qandayin musibatdir:
Yig‘lolmadim, kechir Rabbim!
Yomg‘irpo‘shdan topib panoh,
Yomg‘irda ham qildim gunoh.
Hush’u menga yot bo‘ldi, oh...
Yig‘lolmadim, kechir Rabbim!
Ko‘kka porlab chiqqach oftob,
Senga nolon qildim xitob...
Bir qatra yosh bo‘ldi kamyob,
Yig‘lolmadim, kechir Rabbim!
Istadim-u, qalbimda g‘am,
Dod-voy soldi tog‘-u, tosh ham,
Vale aylab ko‘zimni nam,
Yig‘lolmadim, kechir Rabbim!
Rabbim, sokin uxlat meni,
Bag‘rim o‘yib tig‘lat meni
Ne qilsang ham yig‘lat meni...

Xayrulla Hamidov

[Gulchehra Ibragimova]

Увол

Дардим айтсам, дўстга ҳам малол,
Нима қолди бағрингда ҳалол.
Душмандан ҳам ёмон чикди ёр,
Дунё сенга бу жоним увол.

Сийламадинг, суймадинг мени,
Ўз ҳолимга қўймадинг мени,
Етар шунча қийнадинг мени,
Дунё сенга бу жоним увол.

Чапга боқсам, чапимда шайтон,
Юрсам, етти йўлимда шайтон,
Кучоқ очар бағримда шайтон,
Дунё сенга бу жоним увол.

Зарларингга зор қилиб қўйдинг,
Зўрларингга хор қилиб қўйдинг.
Яна айбни ўзимга қўйдинг,
Дунё сенга бу жоним увол.

Рислиғой Хатамова

[Aliya]

O`zim sevib tinglaydigan rus tilidagi qo`shiqlardan birini o`zbek tiliga tarjim qildim. Biroz o`zgartirilgan ko`rinishda e`tiboringizga qo`shiq matni va tarjima qilingan she`rni havola etaman...

Angel-A:
"Забудь"
Холодный дождь, тёплые слёзы
Сейчас ты уйдёшь и будет поздно
Что-то менять, что-то вернуть
И только губы шепчут: забудь.

Город застыл, как-будто замер
Ты просто убил своими словами
Немая стена стоит меджду нами
Ты мне предложил остаться друзьями.

Припев:
Холодный дождь, тёплые слёзы
Сейчас ты уйдёшь и будет поздно
Что-то менять, что-то вернуть
И только губы шепчут: забудь.

Раньше ты был сильным и нежным
Но ветер унёс наши надежды
В густых облаках спряталось солнце
Уходит любовь и не вернётся.


Aliya:
"Унут"

Муздек ёмғир...
Қайноқ кўзёшлар...
Сен кетасан – кеч туша бошлар...
Журъатим йўқ бир сўз дейишга,
Ё ненидир ўзгартиришга...
Титратади шу сўз лабларни:
“Унут энди ўша дамларни...”

Аёзли йўл, музлаган шаҳар,
Бир сўзингда ўлдирдинг тиғсиз...
Ўртамизда девор урган дард –
“Кел, дўст бўлиб қолайлик...”
Эссиз...
Синдирмоқда шу сўз орзуни:
“У – бегона... Унутгин уни!”

Мени қандай севардинг кучли...
Умидлар ҳам шамолда учди...
Бахт қуёшин тўсди булутлар,
Севгим кетмоқ йўлини тутар...
Қайтишингдан узганча умид,
Шивирлайман оҳиста: “Унут...”

[Gulchehra Ibragimova]

Бургутлар

Атрофимда на пасткаш, на мард қолди,
Юрагимда на орзу, на дард қолди.
Тоғларга тенг бардошимдан гард қолди,
Мени кўкка олиб учинг, бургутлар.

Телба истак исён қилар танимда,
Бир дардкаш йўқ, ҳабибим йўқ ёнимда.
Кун қолмаган мендайларга заминда,
Мени кўкка олиб учинг, бургутлар.

Одил қушсиз, эркингизни сотмаган,
Мағрур қушсиз,ўлаксага боқмаган.
Ким ҳам сизга хавас қилиб ёнмаган,
Мени кўкка олиб учинг, бургутлар.

Имкон беринг, осмонни бир кўрайин,
Мовий кўкда зўр мўъжиза туяйин.
Ўлсам, сиздек қуш қўлида ўлайин,
Мени кўкка олиб учинг, бургутлар.

Рислиғой Хотамова

[Gulchehra Ibragimova]

МЕНГА АЙТ...

Сен ойга қўлингни чўзиб толмагил,
Ой — ой-да, ўрганган, ёлғиз ҳол, кетар.
Қуёшга дардингни тўкиб солмагил,
Қартайган қуёш ҳам ҳолсиз чол, кетар.

Сен тоққа қилганинг билан арзи-дод,
Тоғ — тоғ-да, сир бермай тургани турган.
Чўққидан кутмагил бирор-бир имдод,
Эгилган чўққини, айтгил, ким кўрган?

Жилғага сир айтсанг тоқатинг битиб
Чулдираб, шўх қаҳ-қаҳ отиб кетади.
Тош, харсанг оралаб, паналаб ўтиб
Кимгадир сирингни сотиб кетади.

Менга айт, менинг бир қалъам бор тинч, кенг,
Бу юрак, мен уни чуқур ўяман.
Ва Сенинг сирингни ўшал қалъанинг
Энг хавфсиз ерига кўмиб қўяман.

Менга айт...

Халима Худойбердиева

[albatros]

Xabar ber!..
Turdi shoir bilan dardlashuv

Maxtumquli:
- Ul nimadir, yashil-qizil o‘sadir?
Ul nimadir, oyog‘i yo‘q kezadir?
Ul nimadir, yetti daryo suzadir?
Shoir bo‘lsang, shundan bizga xabar ber!

Turdi shoir:
- Ul ekindir, qizil-yashil o‘sadir,
Ul ilondir, oyog‘i yo‘q kezadir,
U baliqdir, yetti daryo suzadir,
Bizdan salom bo‘lsin, javob shundaydir!

Maxtumquli:
- Ul nimadir, yoqasi bor, yoni yo‘q?
Ul nimadir, qanoti bor, qoni yo‘q?
Ul nimadir, odam yutar, joni yo‘q?
Shoir bo‘lsang, shundan bizga xabar ber!

Turdi shoir:
- Ul kafandir, yoqasi bor, yoni yo‘q,
Kapalakdir, qanoti bor, qoni yo‘q,
Qaro yerdir, odam yutar, joni yo‘q,
Bizdan salom bo‘lsin, javob shundaydir!

Maxtumquli:
- Ul nimadir, darvozasiz qal’adir?
Ul nimadir, derazasiz binodir?
Ul nimadir, bir-biridan a’lodir?
Shoir bo‘lsang, shundan bizga xabar ber!

Turdi shoir:
- Ul ko‘nguldir, darvozasiz qal’adir,
Ul qabrdir, derazasiz binodir.
Ul oy-kundir, bir-biridan a’lodir.
Bizdan salom bo‘lsin, javob shundaydir!

Maxtumquli:
- Ul nimadir, yemadilar, to‘ydilar?
Ul nimadir, qiyomatga qo‘ydilar?
Ul kim edi, tovonidan so‘ydilar?
Shoir bo‘lsang, shundan bizga xabar ber!

Turdi shoir:
- Ul diydordir, yemadilar, to‘ydilar,
Ul namozdir qiyomatga qo‘ydilar.
Nasimiyning tovonidan so‘ydilar,
Bizdan salom bo‘lsin, javob shundaydir!

Maxtumquli:
- Ul nimadir, yetti o‘lka kezadir?
Ul nimadir, belin bir zot ezadir?
Ul nimadir, odam kabi sezadir?
Shoir bo‘lsang, shundan bizga xabar ber!

Turdi shoir:
- Ul cho‘pondir, yetti o‘lka kezadir,
Ul qo‘y erur, belin tayoq ezadir,
Bedov otlar odam kabi sezadir,
Bizdan salom bo‘lsin, javob shundaydir!

Maxtumquli:
- Ul nimadir, tuproq uzra surinmas?
Ul nimadir, odamlarga ko‘rinmas?
Ul nimadir, hech bir to‘nga o‘ranmas?
Shoir bo‘lsang, shundan bizga xabar ber!

Turdi shoir:
- Eranlardir, zalil bo‘lib surinmas,
Ul balodir, kelsa ko‘zga ko‘rinmas,
Yolg‘on gurung oshkor bo‘lar, o‘ranmas,
Bizdan salom bo‘lsin, javob shundaydir!

Maxtumquli

[bekww]

Ҳамлет

Ғовур тинди. Саҳнага чиқдим,
Кесакига ғамгин суяниб-
Ўйлаяпман руҳлар нидосин
Ва ўз умрим сасин гувраниб.
Рўпарамга ястанган зулмат
Тикилмоқда минглаб дурбиндан.
Ёлбораман, эй Олий Хилқат,
Йироқ тут ул қадаҳни мендан.
Ўжар феълинг мақбулдир жуда,
Ролингни-ку, ўйнашга шайман.
Лекин бу кун бошқа фожиа
Бормоқдадир, маъзур тутгайсан.
Унда бари тўқима лекин.
Якуни ҳам олддан аён, бас.
Ёлғиз қолдим, қабоҳат енгди.
Умр - дала сўқмоғи эмас.

(Мирпўлат Мирзо таржимаси)

[barlos]

На керак?

Бир гулга бир дилдан дунё керакдир,
Бир дилга битта гул танҳо керакдир.
Бир элга меҳрдан дарё керакдир,
Меҳр гар бўлмаса итоб на керак?

Тириклик бир азиз неъматдир азал,
Ўткармоқ жойиздир покиза, гўзал.
Насимлар наводир,япроқлар ғазал,
Балоғат базмида шароб на керак?

Сийму зар ҳавоси рангларингдадир,
Не ҳасрат томоғинг,танглайингдадир,
Эй инсон, ҳисобинг манглайингдадир,
Бунчалар ҳисобу китоб на керак?

Садоқат дарсидан хабар бўлмаса,
Фаросат аҳлидан назар бўлмаса.
Кўнгилда ҳаёдан асар бўлмаса,
Ул ҳусну жамолга ҳижоб на керак?

Сув узра ярқ этган шуъладир умринг,
Осилган омонат тугмадир умринг.
Магар Ҳақ йўлида ўтмади умринг,
Сени бу чулғаган сароб на керак?

Илғагил дунёдан мунглиғ куйингни,
Энг аввал супургил кўнгил уйингни.
Саволу жавоб эт ҳар бир кунингни,
Саволинг бўлмаса жавоб на керак?

Халима Худойбердиева

[Nigora Umarova]

Gul

Qurigan, hidi yo'q, unutilgan gul-
Kitobni ocharkan ko'rib qoldim men.
G'alati xayolga to'ldi-da ko'ngil,
Parishon telmurib, turib qoldim men.

Qayerda va qachon, qaysi bahorda-
Gullagan? Uzoqmi? Kim uzdi ekan?
Yot qo'lmi, tanishmi uzgan nahorda?
Nima uchun bu yerga qo'yildi ekan?

Nozik bir visolning esdaligimi,
Yoki shum ayriliq-firoq yodgori?
Yoki tin sahroda, o'rmon soyasida
Yolg'iz sayr, tomosha xotirasi?

Tirikmikan yigit, tirikmikan qiz?
Shu paytda ularning qayda go'shasi?
Yoki shu qurigan-so'lg'in, belgisiz
Gul kabi so'ldimi har ikkalasi?

A.S. Pushkin (Mirtemir tarjimasi)

[Minglar]

«Я хотел поскорее добраться домой.
Сыновья заждались, засыпая.
Выпить чая и нежно обняться с женой —
Все, что нужно для тихого рая».

Aркадий Дворкович
Россия Президенти маслаҳатчиси

[Aliya]

...Дафтар вароғидек очилар саҳар,
Унга кўзёшим-ла исмингни ёздим.
Муҳаббатга сўзим ўтсайди агар -
Мен сени бунчалар севиб қолмасдим...

[Minglar]

Над шахматной доской.

И если сердце съедено тоской,
И, вот, на нем не заживает рана,
Склонись скорей над шахматной доской -
Здесь тот же мир, но только нет обмана!

И если страстью жадной, роковой
Терзаем ты, без отдыха и срока,
Склонись скорей над шахматной доской -
Здесь тоже страсть, но только без порока!

И если ты, измученный борьбой,
День ото дня томишься безысходней,
Склонись скорей над шахматной доской -
И здесь борьба, но только благородней.!

И если силу, радость и покой
Взяла она, та, что стройнее лани...
Склонись скорей над шахматной доской -
И здесь любовь, но только нет страдаий.

Нина Подгоричани-Петрович

[Nigora Umarova]

Что мы ищем? Что находим?..
Жемчуг смысла? Пустоту?
Кто к смирению пригоден,
Тот найдет свою звезду.

Тонкий луч скользнет по коже,
Жизнь окажется права
Тем, что дарит нам возможность
Уменьшать свои слова.

Уменьшать потоки смыслов,
Приходя к истоку лет.
Что нам формулы и числа,
Если в нас таится свет?

Так все грани пирамиды
В точке сходятся одной,
Из которой вечность видно
Над сумятицей земной.

Бах Ахмедов

[Mirzo Ulugbek]

Bilmadim, menga juda yoqdi. Qalbga yaqin satrlar
Ortga chekinma faqat oldinga oldinga intil iltimos........

[Mirzo Ulugbek]

Yana ozgina fursat

Ko'zlarim quvonchi, umrim mazmuni,
Iltimos, bu kulgulardan ayirmang meni.
Muhabbat rishtasi bog'langan qalbda,
Yashovchi bu tuyg'ulardan ayirmang meni.

Izn bering iltimos, yana ozgina fursat,
To'yib qaray ko'zlariga, bo'lmasin armon.
Bahtim deb qarasam, dardimni mayli,
Ko'rsatar bu ko'zgulardan ayirmang meni.

Bu beshavqat dunyo o'zi telba-teskari,
Hech kim bilmas ertaga nima bo'lishin.
Buguncha so'ginay, sog'inib turay,
Qalbim nuri, yog'dulardan ayirmang meni.

Bilaman, yetmoqlik misli shirin tush,
Ma'nosiz bir ertak, shunchaki hayol.
Gar shunday bo'lsada, qalbimning zori,
Ushalmas bu orzulardan ayirmang meni.

qadrli misralar Hayotim ijodidan.....

[Mirzo Ulugbek]

Sevmaganlar bizni tushunmaydilar

Meni mahkam bosgin erkam bag'ringga,
Bor quvonching bo'layin dunyoda doim.
Sevmaganlar qaramasin, boqmasin bizga,
Sevmaganlar bizni bilmas, tushunmas jonim.

Ular hech ham bilmas hijron neligin,
Anglamaydi nedan qalblar kuyunar.
O'ylamagan asli borliq hayotda,
Go'zal muhabbatdan bahtlar tug'ilar.

Qo'llarimdan tutgin bugun, olis ketaylik,
Taqdir hijronlarga sololmasin hech.
Orzularimizga jonim birga yetaylik,
Dushman holimizdan kulolmasin hech.

G'animni o'zingga sirdosh bilmagin,
Sirlaring bilib so'ng, cho'qiydi ko'zing.
Ko'zlarimga ishon, ular aldamaydi hech,
Yaqindan yaqining bo'layin o'zim.

Mehribonim meni bosgin bag'ringga,
Vafodoring o'zim bo'layin doim.
Sevmaganlar qaramasin, boqmasin bizga,
Sevmaganlar bizni bilmas, tushunmas jonim...


"Hayotim"ijodidan

[Mirzo Ulugbek]

Muhabbat

Muhabbat hamisha quvonch emasdir,
U ba'zida qalblarni o'rtagan og'riq.
Uning azobidan totmagan zot yo'q,
Hayot ham aslida sevgiga bog'liq.

Muhabbat uchratdi hayotda bizni,
O'rgatdi sen haqda she'rlar bitishga.
Ishonch berdi dilga, tanho sen bilan,
Orzuga intilib bahtga yetishga.

Ammo bugun nega o'sha muhabbat,
Ishontirolmadi bizni o'ziga.
Bizning ko'zimizni kuldirib bahtdan,
Begonadir quvonch uning ko'ziga.

Ayt, nega u bugun so'zlay olmadi,
Yog'ayotgan yomg'ir hayollarini.
Chunki istab bizni topa olmadi,
Javobsiz qoldirdi savollarini.

Men aytaman yana takror va takror,
Quloq tut so'zimga Jonim so'nggi bor.
Muhabbat bu darddir, muhabbat azob,
Qalblarda yig'lagan mangu iztirob...


"Hayotim"ijodidan

[Mirzo Ulugbek]

Sog'inch

Sog'inmay qo'ydingmi meni yolg'izim,
Endi tushlaringga kirmay qo'ydimmi.
Ko'zimda porlagan so'nmas yulduzim,
Men hijronda yonmoq uchun suydimmi.

Bilaman olissan, mendek ilojsiz,
Yolg'izlik seni ham qiynaydi balki.
Men senga Ollohdan bahtlarni tilab,
Yo'lingda intizor tirikman toki.

Ishqning saroyida sarson asira,
Dardim ko'tarolmay yig'laydi qalam.
Ishonmay taqdirga burdim yuzimni,
Chunki ko'zlaringda azobim nolam.

Iltijo qilaman yana she'rimga,
Izhorim yetkaz deb qalbiga uni.
Niyatim doimo yodingda bo'lsa,
Tanho sen o'zingsan umrim mazmuni.

So'z beraman butun umr kutmoqqa,
Yetsa edi faqat bardoshu sabrim.
Agar o'tar bo'lsam dunyodan sensiz,
Sog'inchlarim unib bezaydi qabrim...


"Hayotim"ijodidan

[Mirzo Ulugbek]

Ishonch va umid

Ishonaman, kun kelar hali,
Taqdir bizni uchrashtiradi.
Ayriliq ham tishlab tilini,
Majbur bizni yuzlashtiradi.

Ishonaman, men kutganimday,
Siz kelasiz gullar ko'tarib.
Hijron bizni qiynoqqa solmay,
Yig'lab qolar misli bir g'arib.

Chekinadi olis masofa,
Qalbda esa gullaydi bahor.
Siz kelsangiz ayting men uchun,
Bundan-da quvonchli nima bor.

Yuviladi ming yillik g'ubor,
Taqdir siylar bizlarni qayta.
Chunki Jonim, inson hayotga,
Keladi, ketadi bir marta.

Shuning uchun orzu qilaylik,
Hech so'nmasin qalbdagi umid.
Biz albatta bo'lamiz birga,
Birga-birga va bir umrga...


"Hayotim"ijodidan

[Mirzo Ulugbek]

Qalbim so'rog'i

O'tsa agar judolikda oylar-u yillar,
Bizni sarson etsalar olis manzillar.
Bir kun kelib behosdanmi, yoki tasodif,
Bu nigohlar uchrashmoqqa bo'lsalar nasib.
Ko'zlarimga qarab turib o'shanda ham sen,
Ana shu ma'yuslikni topasan qayta.
Chunki men o'zgarmayman, men mana shunday,
Sening hijroningda sarg'aygan yaproq,
Sening sog'inchlaring yig'latgan yomg'ir.
Balki men o'shanda ozod qush kabi,
Sen bilan ketmoqlikka rizolik bersam.
Balki kechsam hammasidan, qo'limni siltab,
Senham meni deya undan kecholasanmi?
O'shanda ham huddi shunday shodon tabassum,
Bahtga to'la orzulardan so'zlolasanmi?
Mehribonim, Yolg'izim, Bahtim deb meni,
Olib olis manzillarga ketolasanmi?
Agar yuzim so'lg'in bo'lsa, sochlarimga oq,
Oralab shu husnimdan asar qolmasa.
O'shanda huddi meni shunday sevolasanmi?
Yolg'izim ayt, iltijoman bitta so'zingga,
Meni deya barchasidan kecholasanmi..?


"Hayotim"ijodidan....

[Mirzo Ulugbek]

Bugun sizni kutdim...

Bugun sizni kutdim, intizor kutdim,
Aytajak gaplarim juda ko'p edi.
Sog'inchni alam bilan ichimga yutdim,
Bunday yashamoqning foydasi nedir.

Bugun sizni kutdim qalbdan, yurakdan,
Har daqiqam go'yo ming yoldek o'tdi.
Mehringiz har nedan ko'proq kerakdir,
Ruhim meni tashlab siz tomon ketdi.

Bugun sizni kutdim g'amgin, hokisor,
Sahrolar yomg'irni kutgani kabi.
Sarg'aygan yaproqdek kuchsiz bemador,
To'zonning azobin totgani kabi.

Bugun sizni kutdim, kutdim Azizim,
Hijron soya kabi ortimdan yurdi.
Ko'p edi qalbimda aytajak so'zim,
Yo'lingizga uzoq-uzoq termulib turdim...


"Hayotim"ijodi men uchun qadrli misralar barcha barchasi.....

[pipicron]

Боласининг орқасидан қолмасин Она.

Тонгда туриб ухламаган оромидан нола қилар,
Дуоларда не сўрашин фақат ўзи, Тангри билар.
Кўзлар мунгли, титроқ қўллар ёстиғини аста силар,
Боласининг орқасидан қолмасин Она.

Ўнта бўлса ўрни бошқа, ўхшатолмас донасига,
Дастурхонда нонга эмас, термулар остонасига,
Танҳо қолар суҳбатларда йўлатмай ғамхонасига,
Боласининг орқасидан қолмасин Она.

Мехрин бериб бир қисмини олиб қўяр боласига,
Унутмайди оқ тушса ҳам сочларининг орасига.
Хижронлари парда солар кўзларининг қорасига,
Боласининг орқасидан қолмасин Она.

Ҳандон отиб кулса билинг, яширади армонларин,
Хўрсинганда булут қоплар бизга ёруғ осмонларин,
Уялгандан йиғлар ажал, кўрмайин деб бу онларин,
Боласининг орқасидан қолмасин Она.

Йўқ ачинманг, йиғлаб турса тўй қилсангиз меҳмон бўлиб,
Қўйиб беринг йиғлаб олсин тўйиб-тўйиб, кўнгли тўлиб.
Йиллар деманг олий ҳаким, қолмадику мехри ўлиб,
Боласининг орқасидан қолмасин Она.

Шеърим ёзиб тирнаб қўйдим Она қалбин, қилдим гуноҳ,
Она бўзлаб турса ёнда ахир қайдан топай паноҳ?
Фарзанд доғин она учун азоб қилиб берма Оллоҳ,
Боласининг орқасидан қолмасин Она!


(С) 28 Март, 2006 йил.
"Сўзларим етмади Онажон" туркумидан...

[pipicron]

Фарзанд сўраб дуо қилдим…

Раҳмдил Оллоҳ номи билан бошлайман.

Ҳайрон этиб икки дунё ғалвасига,
Ошиқ қилдинг бу дунёнинг бандасига.
Эй Оллоҳим, мурувватинг этма дариғ,
Зор қилмагин бир фарзанднинг жандасига.

Онам меҳрин олиб қўйдинг, кўндим нетай?
Отам савдо солса кўндим, қайга кетай?
Фақат сендан паноҳ сўрар бўлдим Эгам,
Тирноққа зор қилма, мен ҳам ният етай.

Сурур бердинг, кўз-кўз қилдим этиб зийнат,
Шуур бердинг, этдим эҳсон, гохи миннат.
Тавба қилдим, кеч гуноҳим энди Оллоҳ,
Фарзанд бергин, бу ҳам менга бир омонат.

Гуноҳларим ўзим билдим, ўзга билар,
Кимдир менга фарзанд тилар, ким ёв тилар.
Ижобат қил ҳар икки дил тилак қилса,
Ёв дўст бўлса, Фарзандимнинг бошин силар.

Ёлғизлатиб қўйма мени, зурриёд бер!
Бу дунёдан кетар бўлсам, ахли ёд бер!
Исминг айтиб бир мўминга бир ном берай,
Менга берсанг, унга мендан ҳам зиёд бер!

Овмин, Оллоҳу Акбар!

(С) 7 август, 2006 йил.
"Сўзларим етмади Онажон" туркумидан...

[Nigora Umarova]

Европада қолган қабрлар

Тўхтаб ўтар бунда навбатма-навбат
Оналар, аскарлар, чоллар, вазирлар...
Гулларга бурканиб ётар то абад
Европада қолган қабрлар.

Халқим, унинг ҳар бир бўғини
Ҳар гўдакнинг умрин қадрлар.
Бунга яна ундайди уни
Европада қолган қабрлар,

Ўлкам кўм-кўк, боғлар меҳнаткаш,
Ерни чирмаб ётар томирлар.
Шу боғларнинг илдизига туташ
Европада қолган қабрлар.

Юлдуздай узилар пишган ширмой нон,
Тонг шафағи каби тандирлар.
Насибалар узилмас ҳамон,
Европада қолган қабрлар....

Ҳар баҳор кимнидир йўқлар сингари
Лоладан тебранган адирлар...
Қалбимнинг лоладек ўт парчинлари
Европада қолган қабрлар.

Асқад Мухтор

[Nigora Umarova]

Йўл четидаги тикка қоядан
Мўлтиллаб томади тиниқ томчилар....
Чиндан кўз ёшига ўхшаб кетади,
Заб топиб айтади қурғур номчилар.
Кимлар келди экан биринчи марта,
Ким ном қўйди экан ҳазин булоққа?
Балки, бахтсиз қизлар ўйлаб топгандир
Қалбга ҳамдард излаган чоғда...

Асқад Мухтор

[Гўзал]

...
Тушнинг мўъжиза эканлигига жуда кўп марта иқрор бўламан. Сизни ҳаётда учратмасам-да, тушимнинг эшиклари Сиз учун очиқ, Сиз буни биласиз ва кунда-кунора кириб келаверасиз бу эшикдан. Тушим неча сония давом этади билмадим, лекин ҳар сафар кўнглимнинг бир чеккасида “Ишқилиб уйғониб кетмай-да!” деган хавотирли ўйда ётаман. Тушим жуда қисқа давом этишини сезаман ва шоша-пиша Сизга соғ-омон бўлинг-да, толиқиб қолманг-да, дея тилакларимни айтаман. Сиз уларга қулоқ солмайсиз, Сиз мендан кўз узмай тикилиб-термилиб тураверасиз. Термилган нигоҳларингиз тубидаги соғинчни ҳис этаман, ўртанаман, ўзим-да, соғинаман!..
Соғинч қулоқни кар, кўзни кўр, ақлни сийқа қилади. Бундай аянчли ҳолатга тушмасликнинг бирдан-бир ягона чораси эса ВИСОЛ! Соғинчнинг ҳурмати, соғинчнинг ме-васи, соғинчнинг саждагоҳи ҳам ВИСОЛ!

Неча йилки, йўқ оромим, йиғолмайман ҳушимни,
Ҳар сония, ҳар лаҳза соғинч ўртар кўксимни...


Хуршид Дўстмуҳаммад, "Мен-сенсиз, Сен-менсиз" қиссасидан

[Гўзал]

Ҳалима Худойбердиеванинг "Сайланма"сини ўқий туриб, қуйидаги сатрларини Сизларга илинмай кетолмадим.. Ҳаёт ҳақиқати баён этилган назаримда...

* * *

Сени кимлар қилмайди талаш,
Кимлар юрмас ортингдан дайдиб,
У кўп кўрган меҳр, эркалаш —
Бошқаларга насиб бўлсайди.
Бор гап шунда, ўзгалар сени
Ардоқлашга топмайди имкон.
У ҳаттоки сезмас ҳиссингни —
Интиқ қалбга тўлдирадир қон.
Шу қон билан яшайсан бесўз —
Умидингдан кутиб тантана.
Ўнгда кўрмай хира тортар кўз —
Тушда кўриб шодмонсан яна.
Умр ўтмоқда шу хил фараҳсиз —
У ўзига кўрмас сени эп.
Бирни ўйлаб яшарсан бахтсиз,
Мингта бахтсиз яшар сени деб.

1972 йил 17 июль