Dildagi satrlar

[Masud Mahsudov]

Hasta iymon

Bugun juda g'alati tush ko'ribman. Ikkita to'ladan kelgan tilli burro o'rta yashar hotin ja'g'i-jag'iga tegmasdan, bir olib, biri qo'yib menga huddi bozorda narsa sotayotgandek, "mana shunga ham rozi bo'ling endi," "bunisi ham zo'r" deb yotganmish. Savdo nima haqidaligini uyqumda aniq ilg'amadim, ammo bir olmaning ikki pallasidek bir-biriga o'xshaydigan bu shallaqiroq ayollar menga negadur yoqmadi va o'zimdan o'zim ularga qarab durib "La ilaha illolloh, muhammadun rasulolloh," debman. Ularning yuzi burishib ketdi. Men yana bir marta kalimani qaytarib, "Ahir sen shaytonul la'insanku!" debman.....

Shunda, ikkala ayolning ham odam qiyofasidagi terisi ko'chib tushib, irganch, hasharotga o'xshash ikkita jism qoldi. Men sarosimaga tushib kalima qaytarishda davom etarkanman, ikkala jism bitta bo'lib birlashdi, badbashara, qo'rqinchli mahluqqa aylandi. Men esa "Shaytonul la'in, ahir bu shaytonul lai'n ku!" dermishman. Dahshatga tushganimdan Oyat Al Kursiyni ayta boshladim, qayta-qayta aytaverdim, mahluq g'oyib bo'lib, men esa boshqa joyda paydo bo'libman.

Dahlizga o'xshagan honada ko'rinishidan yaxshi odamlarga o'xshagan 4-5 kishi katta tog'orani ichida yotgan, ko'rinishidan juda ham hasta bir odamni tog'oradan ko'tarmoqchi bo'larmish. U odamlarning birontasini yuzini aniq ko'rmadim, ammo negadur yaxshi ekanliklarini his qildim. Hayron bo'lib yaqinroq bordim, tog'orani ichi aynib ketgan, iflos suvga to'la emish, ichida yotgan (yuzini ko'rmadim) esa "yo'q, yo'q, tegmanglar, og'riydi," dermish, holsiz. Shunda yaxshi odamlar birdan uni dast ko'tarib, tog'orani yoniga yozilgan toza ko'rpachani ustiga olishdi. Unda oyoq-qo'l yo'q edi, faqat bosh va yara va yiring bosib ketgan tana bor emish holos. "Hoy odamlar, nima qilyapsizlar, bu kim (yoki nima dedimmi)," deb baqirib yuboribman, dahshatga tushgan holda. Shunda kimdur "Bu sening iymoning...." dedi.....va men uyg'onib ketdim.....Dahshatdan butun badanim titrardi, terga botib ketgandim, haligi mahluq, yaralangan jism, va "bu sening iymoning" degan so'zlar miyamda quyundek aylanardi.....

Hamma narsani Olloh bilguchiroqdir, lekin mana shunday hasta uymon bilan o'lishdan juda-juda qo'rqaman.....

(c) Ahad Abdurahmonov

[Tulaganov]

Dildagi satrlar... Bekatda avtobus kutayotib bugun yozdim. Adashmasam kechqurun soat 21:00 edi...

Omadni qidirib tushdim men yo'lga
Bordim bekatning so'ngiga qadar
Izladim sargardon bo'lib ovora -
Va yo'lning so'ngida qolmadi chora

Kimni izlayapman yoki nimani
Hayolan kimnidur chizaman go'yo
Shunda ko'raman ko'zlarida yosh
Bir inson aytadi takror va takror

Ey Inson! Quloq sol mening so'zimga
Yoningda-ku ahir baxt-u omading
Tentakka o'xshab bekordan - bekor
Izlab yurma uni, bo'lib bechora!

[Masud Mahsudov]

Dildagi satrlar... Bekatda avtobus kutayotib bugun yozdim. Adashmasam kechqurun soat 21:00 edi...



She'rdagi g'oya chiroyli-ku, lekin qofiyalar qochib qolibdi-ku... Birinchi to'rtlikdagi "ovora" bn "chora" dan (aytgancha, oxirgi to'rtlikdagi "bechora" ham ularga qofiyadosh ekan) boshqa qofiyalarni topa olmadim... Yo to'gri o'qiy olmadimmi?

[OmoN]

She'rdagi g'oya chiroyli-ku, lekin qofiyalar qochib qolibdi-ku...Тўлаганов ҳали абитуриент. Сиздай бўлгунча анча қалами чархланиб қолади...

[Tulaganov]

:) Abiturientlik gashti boshqacha bo'lar ekan... Yo'lda ketayotib ilhom kelib qoldi. Keyin telefonimning "DRAFTS"iga saqlab qo'ydim. Uyga kelib, forumni ochsam shunday sahifa :) Keyin dilimdagi satrlarni joyladim...
Sizdek ustozlardan bilimlar olib qalamimizni charhlaymiz-da ustoz.

[OmoN]

Бу шеър аввал ҳам эълон қилинганми-йўқми эсимда йўқ. http://uff.uz сайтидаги бир мухлисанинг ижодидан.
Сен ўзингни севасан,
Сенга ўзинг ёқади.
Энди сенга барибир
Ким қанақа боқади.

Мундиал орзусини
Футбол ичра кўмгансан,
"Боримиз шу" - деб ҳатто
"Қабр тоши" қўйгансан.

Ачинмайсан ғалабанг
Арабларга тутқазсанг.
Хурсанд бўласан гоҳо
Корейсларга ютқазсанг.

Ҳожибойнинг гапларин
Ҳазилга ҳам йўймадинг.
ЖАРга музқаймоқ учун,
Борарман деб ўйладинг

Ҳар тўрт йилда сўз бериб,
Дейсан менинг камим йўқ.
Мен чаққонман мен зўрман,
Мундиалдан ғамим йўқ.

ЖЧ яқинлашганда
Ваъдани унутасан.
Узр сўраб бор тўрт йил,
Мундиални кутасан.

Мухлисларинг кўп лекин,
Сен улардан "қарз эмас".
Мундиал боришингга
Ҳеч бириси "арзимас".

Хомуш тортар ғарбликлар,
Дурангларинг санашиб,
Сенга эса турибди,
Мағлублик ҳам "ярашиб".

Ғарб ғарбу шарқ шарқ эрур,
Ҳаммаси ўз ҳолича
Қабул қилинг дўстларим,
Термамизни борича.

Таъналардан ва лекин
Қутулмайсан билиб қўй!
Бразилия бормасанг
Бутсанг михга илиб қўй!

[Nigora Tursunova]

бир мухлисанинг ижодидан.
КВН ижодкорлари ижодидан.

Йўқотилган ҳар фурсат йилча бўлурму ҳай-ҳай,
Шунчалар шафқат билмас, терма бўлурму ҳай-ҳай.
Ўйнашинг ҳам бир нафас тинч қўймас ҳаёлимни,
Зарбалар ҳам аллам бало гулча бўлурму ҳай-ҳай.

Рақибнинг ҳар ҳужуми тус олар, хавфли ҳар гал,
Ҳимоянг нозиклиги қилча бўлурму ҳай-ҳай.
Ҳужумингга ҳам гап йўқ, йиғлатар, инфаркт қилар,
Рақиб тепган ҳар зарба голча бўлурму ҳай-ҳай.

Ғалаба деган тўйғу кетди қулоғи ушлаб,
Гол урмай, гол ўтказиш шунча бўлурму ҳай-ҳай.
Мундиал умидидин дунёдан ўтиб боргум,
Қаноатда фанатлар филча бўлурму ҳай-ҳай.

[Nigora Umarova]

Tarbiya
Kengga keng dunyo,
Torga tor dunyo.
Xalq maqoli

Birinchi mashg'ulot
Jindakkina fe'lingizni
Kengroq qiling, domlajon.
Shunda sizga ko'ringaydir
Ko'p g'alati bir jahon.
Do'ppingizni olib avval
Qarang u yon-bu yonga,
Duch kelgaysiz eng avvalo
Hayot degan ummonga.
Unda sizdan bo'lak yana
Yashaydi ko'p odamlar,
Yelkasida va yo shodlik,
Va yo tashvish, yo g'amlar.
Dunyoyi xos deb atalgan
Bir makon bu, har qalay,
G'am-tashvishlar qatorida
Shodlik ham bor bir talay.
Bimam nechun sizning nigoh
Bir nuqtada qotmishdir,
Cheksiz dunyo sizdan
Yuz o'girib yotmishdir.
Keng bo'lsangiz u choq sizga
Ochilg'aydir ko'p sirlar,
Ko'ringaydir ko'hna moziy
Va kelajak asrlar.
Himmat nuri ko'zingizni
Yoritolsa biror on,
Ruhingizga himmatlar ham
Yog'ilgaydir begumon.
Xo'ja Hofiz devonida
Bulbul sayrar siz uchun,
Oh, naqadar go'zal erur,
Bu tiriklik, bu ochun.
Musiqa bor bu dunyoda,
She'riyat bor, safo bor,
Xuddi go'dak kulgusidek
Muhabbat bor, beg'ubor.
Moviy ko'kka boqib tinglang
Turfa qushlar nolasin.
Endi aziz kallangizni
Burib bu yon bir qarang,
Tovlanadi tegrangizda
Yaproqchalar tilla rang.
Siz ularning holiga ham
Boqing xolis niyatdan,
Yaproq umri bitsa hamki,
So'zlar abadiyatdan.
Qarang, nechog' go'zal erur
Qir-adirlar zangori,
Shunday paytda dilni o'rtar
Mangu yashash xumori.
Jildiragan ariqchaga
Bir zum qarab turgaysiz,
Ishonaman, siz unda tog',
Qorliklarni ko'rgaysiz.
Ochilgaydir qarshingizda
Yuksak yurtlar jamoli,
Cho'qqilarga chirmashgaysiz
Tog' serkasi misoli.
Oqshom cho'kar va qo'zg'olar
To'rt tarafdan shamollar,
Og'ushiga olgay sizni
Ko'p ajoyib xayollar.
Yulduzlarga termulgaysiz,
Uchgaysiz ham samoga,
Ko'z tashlarsiz kengliklarga,
Ufqlarga, dunyoga.
Qalbingizda na adovat,
Na hasad bor, na kadar,
Ruhingizda ulug'vorlik
His qilgaysiz bir qadar.
Endi yerni fahm etgaysiz,
u nok kabi yo'q bandi,
Domla, mo'jaz shu nok uzra
Yashar odam farzandi.
Odam esa sizga qavmdir,
Zamondoshdir, o'lkadosh,
Biror yirtqich daf qilganda
Yoningizda yelkadosh.
Aniq sharif shajarangiz
Qarshingizga kelsin sal,
Siz ham odam farzandisiz,
Unutmangiz hech mahal.
Ruhingizni cho'lg'amasa
Nogahoniy bir balo,
Miyangiznng tarhi endi
Ochilg'aydur inshoollo.

Abdulla Oripov

[Nigora Umarova]

Arslon chorlaganda

Biz ham yuksaklarga tikkandik ko'zni,
Bizda hm bor edi matonat, bardosh.
Arslon chorlagandi qoshiga bizni
Lekin qumursqalar bo'ldi safardosh.

Jam'i tiriklikka tanish shu xatar,
Qumursqa yaralgan yoppa talarga.
Do'stim, alam qlar, arslon bexabar,
Yem bo'lib ketsak bu qumursqalarga.

Abdulla Oripov

[Kavsar]

Dildor zarifdir, gunohi shuldir,
Zeboi latifdir, gunohi shuldir.
Bormi sira aybiki qochurlar undan,
Ul aybdan afifdir, gunohi shuldir.

(M. Rumi)

[Masud Mahsudov]

Агар он турки Шерозӣ ба даст орад дили моро,
Ба холи ҳиндуяш бахшам Самарқанду Бухороро.

Бидеҳ соқӣ, майи боқӣ, ки дар ҷаннат нахоҳӣ ёфт,
Канори оби рукнободу гулгашти мусаллоро.

Фиғон, к-ин лўлиёни шўхи ширинкори шаҳрошуб,
Чунон бурданд сабр аз дил, ки туркон хони яғморо.

Зи ишқи нотамоми мо ҷамоли ёр мустағнист,
Ба обу рангу холу хат чӣ ҳоҷат ҳусни зеборо!

Ман аз он ҳусни рўзафзун, ки Юсуф дошт донистам,
Ки ишқ аз пардаи исмат бурун орад Зулайхоро.

Агар дашном фармоӣ в-агар нафрин, дуо гўям,
ҷавоби талхмезебад лаби лаъли шакархоро.

Насиҳат гўш кун ҷоно, ки аз ҷон дўсттар доранд,
ҷавонони саодатманд панди пири доноро.

Ҳадис аз мутрибу май гўву рози даҳр камтар ҷў,
Ки кас накшуду накшояд ба ҳикмат ин муамморо.

Ғазал гуфтиву дурр суфтӣ, биёву хуш бихон, Ҳофиз,
Ки бар назми ту афшонад фалак иқди сурайёро.

(с )Ҳофиз Шерозий

[bekww]

Агар он турки Шерозӣ ба даст орад дили моро,
Ба холи ҳиндуяш бахшам Самарқанду Бухороро.

Чиройли ғазалга ўхшайди, таржимаси борми? :)
Фақат биринчи байтни тушундим.

[bekww]

Шукурким, кўнглим осмони ўзи маҳбубим, оҳим бор,
Висоли Кабаи оламдегудек саждагоҳим бор.

Кўшикка тўлдирирман, тўлмаган бўлса бу оламни,
Қўлимда сен деган торим, дилимда қанча оҳим бор.

Сабоҳ- роҳатда уйғонмиш ҳамиша булбул оҳидин,
Менинг ҳам энди булбулдек оҳим бор, сабоҳлардан гувоҳим бор.


Йўқлатмаган хар кунинг йилча бўлурми, ҳай ҳай,
Шунчалик шафқат билмас тилча булурми, ҳай ҳай.

Суратинг бир нафас тинч қуймас ҳаёлимни,
Кўз шахлою, қошисан нилча бўлурми, ҳай ҳай.

Хар сўзи юз андиша қилур донолигингни,
Кўнглингни нозиклиги қилча бўлурми, ҳай ҳай.

Гоҳ ҳанжар, гоҳ асалдек сўзларингни додиман,
Жон олиб, жон бергувчи шунча бўлурми, ҳай ҳай.

Васлингни умидин дунёда ўтиб боргим,
Қаноатда Саида филча булурми, ҳай ҳай.



Туроб Тўла ва Саида Зуннунова шеърлари

Зулайхо Бойхонова ижросида:

http://music.privet.ru/user/bekww/file/289295102

[Ulugbek Hamdam]

Ватан

Юртни қанча мақтаганлар бор,
Билиб-билмай ёқлаганлар бор.
Тил учида мадҳини айтиб,
Ширин жонин сақлаганлар бор.

Мен ҳам шундай суяйинми, айт,
Ўз нафсимга куяйинми, айт?

Исминг сотиб еганлар билсин,
Жисминг ётиб еганлар билсин,
Ёт-ғанимга борингни бериб,
"Озод юртим!" деганлар билсин.

Шундай севиб бўларми сени?
Шундай севсам, кечирма мени!..

Ҳар ўзанга тушиб оқмасам,
Номинг сотиб бола боқмасам.
Сени севиб бўлмасми, ВАтан,
Тўраларга магар ёқмасам?...

Юракдаги сиримсан, Ватан!
Сир сақлаган пиримсан, Ватан!

Бақирмадим майдонга чиқиб,
"Севаман!" деб тўшга урмадим.
Иймонимни-уйимни йиқиб,
Кўчаларда итдек ҳурмадим.

Ишқим шундоқ биларсан, дедим,
Ўзинг ажрим қиларсан, дедим.

"Ватан!" дебон бир сўз айтиш-чун
Йўл босдим мен қирқ йил тинимсиз.
Қирқ йил юрдим бетаскин, беун,
Тайёрманми? Билмайман ҳануз...

Индамайин турсам ҳам Ватан,
Кимлигингни билмасманми ман?!..

Оҳ, меҳрингни билмаган-нодон,
Сени кўзга илмаган-нодон.
Ёв босганда юрагин юлиб,
Зирҳли қалқон қилмаган-нодон!..

Вақти келса, кўксим ёрмасам,
Борлиғимни парчала шу дам!..

Вақти келмас, қирқ йил соқов бўп,
Балки яна тошдек қотарман.
Лек бағримда югурган қон бўп,
Юрагимда яшарсан, Ватан.

Жим юрганнинг ишқи бўлмасми?
Жим юрганнинг ишқи зўрмасми!..

Ҳар ўзанга тушиб оқмадим,
Номинг сотиб бола боқмадим.
Севсам сени Мажнундек севдим,
Тўраларга гарчи ёқмадим...

Юракдаги сирим, эй Ватан!
Сир сақлаган пирим, эй Ватан!

(С)
2007-2009 йиллар

[Kavsar]

* * *
Junun ayt, qaydasan, vayrona qayda,
Quruq cho'pman, bir otashxona, qayda.

Charaqlatding, ki, zorlaring charog'in,
Qani, kul bo'lg'uchi parvona, qayda.

Uyalding o'zgadan, qo'rqding o'zingdan,
O'zingdan kech... keyin begona, qayda.

Quruq dovruq taratmish vahm - cho'pchak,
O'zing afsonasan, afsona, qayda.

Jahondir bir yumurtqa, mag'z - o'zinda
Ani izlashga o'zga xona, qayda.

Qafas ko'ksimda bir qush bor, iloj ne,
Yurakdan suv tutarman, dona, qayda.

O'yingda manzilu, Bedil, yo'ling yo'q.
Xayol qil, Ka'bayu butxona, qayda.

Mirzo Abdulqodir Bedil "Shavqingni yod etib" kitobidan.

[Masud Mahsudov]

Дилмурод Саййид
ЁЛҒОН БИЛАН ОВВОРАМИЗ!

(Фарида Афрўз ғазалига мухаммас)
Овворалиқ кечмиш экан
чистон билан овворамиз,
Ҳал этолмасдин сира
гумон билан овворамиз,
Гоҳ давлат, гоҳи савлат,
гоҳ шон билан овворамиз,
Она Ер-туфроқ қолиб
осмон билан овворамиз,
Жон бериб, жонинг олар
жонон билан овворамиз.

Чун ажалдек ҳақ эрур
дилга бир кун вобаста ишқ,
Кимни этмабдур жаҳонда
тиғ уриб дилхаста ишқ,
Йиғлатиб Лайлини, Қайсни
ўлдирди-ку чўл-даштда ишқ,
Кўзларингга жовдирар
сарсон-висол, саргашта-ишқ,
Ёш тўкиб, йиртиб яқо,
ҳижрон билан овворамиз.

Умри фоний бу ҳалаклар
ҳарки кўнгил беқарор,
Беканор гарчи тилаклар
умримиз мезони бор,
Боқмагаймиз кўпда ёнга
дил-басир, иймони зор,
Теграмизда ҳур малаклар,
бири - сингил, бири - ёр,
Инсоф қолиб, Инсон қолиб,
Шайтон билан овворамиз.

Бор масалким: «Ҳар гўдакда
жаннатий ҳидлар бўлур!»
Бу жаҳона бани одам
пок келур, меҳмон келур,
Ҳақлигин бир кун ажал
ким билмаюр, кимлар билур,
Отамиз мезбон эди,
оҳ, онамиз мезбон эрур,
Зор этиб ҳар иккисин,
меҳмон билан овворамиз.

Каъбадин кўз узмайин,
сақлаб умид кўнгил тилим,
Қатра савоб истаб яна
тош ўпармиз бетиним,
Бир дуонинг қудратин
билгин эгач, билгин иним,
Ҳар нафас ёнингда дилдош,
ҳар мушкулотингга ечим –
Яхшилар бунда қолиб,
ёмон билан овворамиз!

Макру алдов бошқадир, ким –
бевафолиқ ўзгадир.
Бедаволиқ бошқа тургай,
бенаволиқ ўзгадир.
Англасанг: қуллик бўлакдир,
жон фидолиқ ўзгадир,
Чин ҳақиқат йўли бошқа,
чин вафолиқ ўзгадир,
Ҳақ қолиб, Ҳаққон қолиб,
ёлғон билан овворамиз!

Кимда раҳматдин умиду,
кимга тождин дилда ранж,
Кимнинг илкида ҳунар,
кимнинг қўли тутмакда банж,
Бил, илонни дебдилар ганж,
Боз дерлар: «Кўрганда янч!»
Ҳар кишики, кўзи очдир,
кўр қилар тўзони ганж,
Йўл кўрсатар сарбон қолиб,
карвон билан овворамиз!

Бу улусни бор қилиб,
зўр айлади обод этиб,
Лек ўзи ўз-ўзларин
хўр айлади кам ёд этиб,
Гоҳи манқурт бош бўлиб,
кўр айлади бедод этиб,
Бизни Ҳақ Ҳур айлади,
нур айлади озод этиб,
Ҳар тарафга қулф уриб,
қўрғон билан овворамиз.

Меҳрибонлиқ суннат эрур,
суннат тилар сиздин кўзим,
Кўргузай мен ҳам мудом
айлаб фидо Сизга ўзим,
Дилмурод, кечма сира –
дўст заҳматига топ тўзим,
Кимки бизга интизордир,
Фарид Афрўз, чин сўзим:
Жон нисор, чин дўст учун –
қурбон билан овворамиз!

[Kahramon Jalilov]

Қуёшга қараб оққан сув

Қуёшга қараб оққан сув,
Дардимни айтган эдимку,
Додимга етмайсан нега,
Қуёшга қараб оққан сув...

Қандай юзсиз дўстимсан
Охлар тўла кўксимда,
Ох уриб кетмайсан нега
Қуёшга қараб оққан сув...

Сувингга қўшиб ёшимни,
Қиблага қаратиб бошимни,
Ётқизиб кетмайсан нега ?
Қуёшга қараб оққан сув...

Мен кимман, мен бир ёлғизман
Сув бўйида бир ялпизман
Оқизиб кетмайсан нега
Қуёшга қараб оққан сув...

Қуёшга қараб оққан сув...
Онамдек мени боққан сув
Додимга етмайсан нега
Қуёшга қараб оққан сув...
-----------------------------
(Sevara Nazarhan kuyi)

[OmoN]

Ватан
Юртни қанча мақтаганлар бор,
Билиб-билмай ёқлаганлар бор.
Ватан ҳақида бундай ширин шеърни охирги марта қачон ўқиганим эсимда йўқ.

[Kavsar]

Oshiqlaring poyingga gul otib ham bo'ldi,
Xilvatlarda labingdan bol tatib ham bo'ldi,
Va bu haqda kimlargadir sotib ham bo'ldi,
Sen baribir muqaddassan, muqaddas ayol...

(H.Xudoyberdiyeva)

[Nigora Umarova]

Cho'li iroq

Tarixni so'zlama menga, ey odam,
Bitta chalib bergin "Cho'li iroq"ni.
Bitta chalib bergin, toki yana ham
Yaxshiroq ajratay qorani, oqni.

Bu kuy asrlarning baridan tortib,
Cho'llarda toliqqan horg'in karvonday.
Ming xil taqdirlarni ustida ortib,
Qalbimdan jimirlab o'tadi qonday.

Tarixning eng olis qatlamlarida
Armonda uxlagan orzu-alamlar.
Dunyo manglayiga ajin tushirgan,
Dardni, qarilikni yaratgan g'amlar.

Sahro chechagining ayanch kulgusi,
Yomg'irlar jon kirgan tuproqning isi,
Hammasi o'tadi qalbimni o'yib.
Tuya bo'ynidagi qo'ng'iroqlarning
Tashnalik eslatgan jarangi bo'lib
Hammasi o'tadi qalbimni o'yib.

Tarixni so'zlama menga, ey odam,
Bitta chalib bergin "Cho'li iroq"ni.
Bitta chalib bergin, toki yana ham
Yaxshiroq ajratay qorani, oqni.

Haddan oshganga uni chalib ber,
Do'stlar diydorini g'animat bilmay,
Sarobga shoshganga uni chalib ber!
Chalib ber, chalib ber, andisha qilmay.
O'tmishni so'zlama, o'git kerakmas,
Shu kuyni bir marta chalib bersang bas.

Saida Zununova

[Kavsar]

Sozim

Men shoirman,
Istasangiz shu,
O'zimniki erur shu sozim.
Birovlardan olmadim tuyg'u,
O'zgaga ham bermam ovozim.
Men kuylayman goh dilda qadar,
Goh sevinib she'r to'qiyman men.
Tinglamasa o'zgalar agar
O'z-o'zimga she'r o'qiyman men.
Men kuylayman ushbu olamda
Inson bo'lib tug'ilganimni.
Men kuylayman, ba'zan olamda
Yig'lab-yig'lab bo'g'ilganimni...
Kerak bo'lsa amr etsa yurak,
Keltirurman umrimga imon,
Mening uchun na ta'zim kerak,
Na holvaytar kabi shuhrat-shon.
Shaydo bo'lib yurganda birdan,
Xayolimga tashlamang kamand...

(Abdulla Oripov)

[Nigora Umarova]

Бошгинамга ағанаган, катта
тоғлар алвидо!
Мен кетарман ҳасратланиб,
руҳи соғлар алвидо!
Бу дунёнинг шўришига
нав-ниҳоллар тебранинг,
Эслироқ боғбони йўқ,
қолди боғлар алвидо!

Асқар Қосим

[Ulugbek Hamdam]

Ватан
Юртни қанча мақтаганлар бор,
Билиб-билмай ёқлаганлар бор.
Ватан ҳақида бундай ширин шеърни охирги марта қачон ўқиганим эсимда йўқ.

Ватан хакида хар куни ёзиш кийин. Айникса, юрак нидоларини. Лекин хар бир ватанпарвар инсоннинг калбида уз Ватанига нисбатан улуг туйгуларнинг яшаши шубхасиз. Мен кирк ёшга киргандагина Ватан хакида шеър ёздим. Эхтимол, унинг "ширинлиги" узок вакт калбимда ардоклаганим билан изохланар. Чунки мукаддас туйгулар хакида хар куни сафсата сотиб булмайди.

[OmoN]

Бошгинамга ағанаган, катта
тоғлар алвидо!
Мен кетарман ҳасратланиб,
руҳи соғлар алвидо!
Бу дунёнинг шўришига
нав-ниҳоллар тебранинг,
Эслироқ боғбони йўқ,
қолди боғлар алвидо!
Шу сатрларни биринчи марта "Шайтанат" китобида ўқигандим.

[Kahramon Jalilov]

Аламли дунё экан бу,
Азобли дунё экан бу,
Яхшиликнинг қадрига
Етолмаган дунё бу...
Синовингга бошим эгиб,
Кетавердим йўлим томон,
Ёлғонингга чидаб сени,
Яшаш ўзи бир гумон...

[Nigora Umarova]

Шу сатрларни биринчи марта "Шайтанат" китобида ўқигандим.

Qissa qahramoni Anvarning sevimli she'ri sifatida Tohir Malik "Shaytanat"ga kiritganlar.

[Kavsar]

Ân-kas ke tô-râ nafas konad ô tanhâ,
tanhâ naghozârad-at miyan-é sodâ.
dar khâneh-é tasvîr-é tô ya'ni del-é tô,
bar royânad dô sad harîf-é zîbâ.
* * *



Ân-vaqt ke bahr-é kôll shavad zât marâ,
rûshan ghardad jamâl-é zarrât marâ.
z-ân mî-sûzam chô sham'a tâ dar rah-é éshq,
yek vaqt shavad jômleh-é awqât marâ.
* * *


Afsôus ke bî-ghâh shôd-o mâ tanhâ,
Dar daryâ-î karâneh-`ash nâ-peydâ.
Keshty-o shab-o qamâm-o mâ mi-rânîm,
Dar bahr-é khûdâ be-fazl-o tofiq-é khûdâ.
* * *


Mastand mojarrad-ân-e ásrâr emshab,
Dar pardeh neshasteh-ánd bâ yâr emshab.
Èy hasti-e bighâneh áz in rah barkhiz,
Zahmat bâshad bôdan-e ághyâr emshab.


(Mavlono Rumiy)

[kanishka]

Дило, то кай х,амеч,уй манеро,
Чй дорй дуст х,арза душманеро?
Чаро ч,уй вафо аз бевафое?
Чй кубй бех,уда сард ох,анеро?
Аё савсанбаногуше, ки дорй,
Ба рашки хештан х,ар савсанеро.
Яке з-ин барзани норох, баршав,
Ки бар оташ нишонй арзанеро.
Дили ман арзане, ишк,и ту кух,е,
Чй сой зери кух,е арзанеро?
Бибахшо, эй писар, бар ман бибахшо,
Макуш дар ишк, хира, чун манеро.
Биё, инак нигах кун Рудакиро,
Агар беч,он равон хох,й танеро.

(c) Устод Рўдакй.

[kanishka]

O’kinmang, bag‘ri qon birodarlarim,
Qaddingizni tiklang, tinsin ohingiz.
Ozod avlodlarga sajdagoh bo‘lur
Haqiqat maydoni — qatlgohingiz.

Sizni o‘qqa tutgan vahshiy to‘dalar
Bu kun do‘st atalar, odil atalar.
Lashkari, quroli borlarga chidang,
Ustuni qulagan osmon — otalar!

Aybingiz—o‘zlikni taniganingiz,
Xato — adl bor, deb sanaganingiz.
Gunoh — haqqingizni so‘raganingiz,
Eng ulug‘ aybingiz — zo‘r ekaningiz!

O’lgan har jon bilan siz ham o‘ldingiz,
Men ham tirik turib, burda-burdaman.
Faryodim o‘liklar faryodi hamdir.
Men — narigi dunyodan kelgan murdaman!

O’kinmang, bag‘ri qon birodarlarim,
Nidosi yarador, o‘lmas dardlarim! —
Sizga o‘q otganlar nidoni otdi,
Haqiqatni otdi — xudoni otdi.

Shahid safdoshlarning qabri nur bo‘lgay,
Haqning qotillarga qahri zo‘r bo‘lgay,
Agar tadbir ustun, yurak tosh bo‘lur,
Bu yovuz nayranglar bir kun fosh bo‘lur.

O’kinmang, bag‘ri qon birodarlarim,
Qaddingizni rostlang, tinsin ohingiz.
Ozod avlodlarga sajdagoh bo‘lur
Haqiqat maydoni — qatlgohingiz!

(c) Mirzo Kenjabek.

[Masud Mahsudov]

Ўшлик жигарбандимга

Мунгли кўзларингдан қалқимасин ёш,
Синиқ кўнглинг ҳeчам бўлмасин ярим.
Биз сeнга ҳамроҳмиз, ҳамиша дилдош,
Уруш нeлигини кўрган жигарим.
Йиғлама,
Хўрсинма,
Ўксинма,
Тинчлан,
Ором ол бир нафас,
Кипригингни юм
Кeча шодон сeни ўйнатиб юрган,
Қўрқмас аканг учун йиғлама юм-юм.
Кeл, босай бағримга,
Дардларингни бeр,
Ваҳшатдан юрагинг кeтибди бeзиб.
Маюс қарашларинг ич-eтимни ер,
Гапир, жим турмагин,
Кўксимни эзиб.
Мeҳрибон опангни эслаётирсан,
Кўргилик бошингни қилгандир гаранг.
Қўзим, ёнимизда бeхавотирсан,
Биримиз акангдир, биримиз опанг.
Ухла,
Тушларингга қўриқлаб турай,
Чўчиб уйғонмагин,
Ўртаб жонимни.
Мурғагим,
Илоё, хуш кунинг кўрай,
Сeн учун сарфлайин бор имконимни.
Жажжи қўлларингни қўлларимга қўй,
Эртак айтиб бeрай; сeн олгин мароқ.
Жовдираб турганинг - айни шу дамда,
Мeҳрга ташнасан сувдан ҳам кўпроқ
Сeн Ўшда йўқотиб қўйган мeҳрни,
Бeргувчи эркалаб ундан зиёда.
Бошинг силагувчи,
Йўл кўрсатувчи,
Яхши инсонлар ҳам кўпдир дунёда...

Ёнғин гавдаланар кўзинг ўнгида,
Сўнгсиз бақириқдан қулоғинг битган.
Сeни хавфсиз жойга жойлаш сўнгида,
Дадангни бир дайди ўқ олиб кeтган.
Қўйгин,
Эсламагин,
Кипригинни юм,
Қадрига етайлик тинчлик туҳфасин.
Ҳаққинга тинмайин дуолар қилгум,
“Ёмон одамларга йўлиқтирмасин…”
Яйра истаганча,
Кeл, отинг бўлай,
Миндириб ортимга, кeтайлик ғамдан.
Фақат табассум қил,
сўнг мeн ҳам кулай,
Воз кeчгин, илтимос, кўздаги намдан.
Ҳали замон кeлар,
Ўтар бу кунлар,
Қандай мусибатлар кeчди орадан.
Ечилар сeн билмас мавҳум тугунлар
Ажратиб оласан оқни қорадан.
Фақат, ўксимагин,
Ичикиб қолма,
Сeн ёлғиз эмассан,
Чўкмасин қалбинг,
Азоб ҳам имтиҳон - кўнглингга олма,
Минглаб яқинларинг билишар қадринг.
Пeшонанг қуёши порлар замон бор,
Ҳозир тинч ухлагин,
Ёлғизим, қўзим,
Биз-чи, илтижолар этиб минг такрор
Ҳақдан яхшиликка сўраймиз тўзим.

Мунгли кўзларигдан қалқимасин ёш,
Авлодим, жигарим, дилбандим, қўзим!

(c) 2010, июнь

[Nigora Umarova]

[B]
Ўшлик жигарбандимга

Уруш нeлигини кўрган жигарим.
Йиғлама,
Хўрсинма,
Ўксинма,
Тинчлан,
Ором ол бир нафас,
Кипригингни юм
Кeча шодон сeни ўйнатиб юрган,
Қўрқмас аканг учун йиғлама юм-юм...


Ғафур Ғуломнинг "Сен етим эмассан, тинчлан жигарим" шеърига оҳангдош бўлибди. Билмадим, балки менга шундай туюлаётгандир...

[Kavsar]

Агар он турки Шерозӣ ба даст орад дили моро,
Ба холи ҳиндуяш бахшам Самарқанду Бухороро.

Чиройли ғазалга ўхшайди, таржимаси борми?
Фақат биринчи байтни тушундим.


Дилимизни этар гар ром ўшал Шероз жонони,
Этай бахш ҳинду холига Самарқанду Бухорони.

Бер эй соқий, майи боқий, ки жаннатда тополмассан,
Канори оби Рукнободу гулгашти Мусаллони.

Фиғон, бу лўлиларки шўху ширинкору шаҳрошўб,
Чунон сабр олдилар дилдан, ки турклар хони яғмони.

Туганмас ишқимиздан ёр жамолидурки мустағний,
Суву ранг, холу хатга ҳожати йўқ рўйи зебони.

Юсуфни ҳар куни ҳусники ортади, билардим мен,
Ки исмат пардасидан ишқ чиқартирди Зулайҳони.

Агар дашном берурсан ё ҳақоратки дуо қилгум,
Ярашгайдир жавоби аччиғи лаъли шакархони.

Насиҳат тинглагил, жоно, ки жондан яхши кўргайлар,
Саодатли гўзал ёшлар панди пири донони.

Маю мутрибидан сўзла, даҳр розини кам изла,
Киши ҳикмат-ла ечди, не ечгай бу муаммони.

Ғазал айтдингу дур тешдинг, келу хуш куйлагил, Ҳофиз,
Сенинг назмингга сочгайдур фалак иқди Сурайёни.

(Олимжон Бўриев таржимаси)

[Kavsar]

يارم چو قدح به دست گيرد
بازار بتان شکست گيرد
هر کس که بديد چشم اوگفت
کو محتسبی که مست گيرد
در بحر فتاده*ام چو ماهی
تا يار مرا به شستگيرد
در پاش فتاده*ام به زاری
آيا بود آن که دست گيرد
خرم دل آن که همچوحافظ
جامی ز می الست گيرد



Ёрам чу қадаҳ би даст гирад,
Бозор битон шикаст гирад.

Гуфт ҳар кас ке бидид чашми ў,
Ку мўҳтасибй ки маст гирад.

Дар баҳр фитоде-ам чу моҳи,
Гирад то ёри маро би шаст.

Дар пош фитоде-ам би зорй,
Оё бувад он ки даст гирад.

Ҳофез харам дил он ки ҳамчу,
Жоми зи май аласт гирад.


* * *
Ёрим чу қадаҳ қўлига олгай,
Бозори бути касодга қолгай.

Ҳар кимни кўриб, кўзлари дер:
"Бас мўҳтасибе ки, маст тутолгай!"

Баҳр ичрадурам мисоли моҳи,
То ёр мени шаст ила олгай.

Пойига йиқилмишам чу йиғлаб,
Оёки, қўлимни у тутолгай?

Ҳофиз каби у эрур кўнгулшод,
Қисмат майидан агар ичолгай.

(Ҳофиз Шерозийдан Олимжон Б. таржимаси)

[Kavsar]

Tabriz muslimasi

Dedim: "Isming nadir ey mohi tobon?"
Dedi: "Ismim yolg'iz Xudoga ayon!.."
Dedim: "Nahot shuncha sirlidir isming?"
Dedi: "So'rma meni gunohkor qilding!.."
Dedim: "Osiylarga to'ladir dunyo!.."
Dedi: "Men bilmasman... Bilar Kibriyo!.."
Dedim: "Men shoirman... Hofiz naslidan..."
Dedi: "Men Tabrizning muslimasiman!..."

(Asqar Mahkam) Tabriz daftari, 2000 yil

[AbuMuslim]

Тарих тўзонига қорилиб, қийраб,
кириб келганларни ҳазм этди ерлар.
Тупроқ кулбаларда чирлаб, чинқириб
туғиларми яна номусли эрлар?
Бағримиз ҳувиллаб қолганда куздек,
юракни еганда қайғу — қутқулар,
туғиларми сувлар юзида муздек
сочларин бешикка сочган сулувлар?
Саҳрода адашган карвон мисоли
дуч келгач қум тўла қақраган чоҳга,
Ватаннинг яна бир ҳабаш Билоли
чақирарми бизни ибодатгоҳга?..
Охират шарпаси ёвуқ келганда
топиларми гўрдан қўпадиганлар?
Дунёга келарми Ватан деганда
юраги қаттиқроқ тепадиганлар?..

Асқар Маҳкам

[Kavsar]

* * *
Mayliga kimgadir
Yoqsa - yoqmasa
Ularga qo'shilib,
Yig'lasharmidik?
Biz baxtli bo'lamiz
Xudo xohlasa...
Xudo xohlamasa
Uchrasharmidik?
Rahyon, hidlaringni
Yo'llarimga sep,
Kut meni har oqshom
Ko'kka oy chiqqach,
Faqat yig'lamagin
Gunohim ne deb,
Aybing - onang seni
Chiroyli tuqqan....

Muhammad Yusuf

[AbuMuslim]

Чарх авзойи бу дам аввалгиларға ўхшамас,
Котибу давру рақам аввалгиларға ўхшамас,
Энди инсон қадри ҳам аввалгиларға ўхшамас,
Кўнглум ичра дарду ғам аввалгиларға ўхшамас,
Ким ул ойнинг ҳажри ҳам аввалгиларға ўхшамас.

Не учар юлдузлар ўтди чалғитиб элни жуда,
Неча авлод йўли-ю умидин айлаб беҳуда,
Давр мезони билан тортай бу кун ўзимни-да,
Не ситамким қилса раҳм махфий эрди зимнида,
Эмди қилса не ситам аввалгиларға ўхшамас.

Бул Жаҳон тун бирла тонг баҳс этар бир ҳужраким,
Воҳ, қуёш савдосиға шамлар нечук бўлди ҳаким,
Ишқ, бу - ўз умрим, анга нечук қасамлар ичмаким,
Демангиз Ширину Лайли онча бор ишқ ичраким,
Хўбликда ул санам аввалгиларға ўхшамас.

Қай кишиким бир улуғ ишга этибди жон нисор,
Шиддати пасту баланд келганда ҳам бўлмайди ор,
Эй фалак, ҳеч кимни этма бесамар йўлларда хор,
Жавридин эрди аламлар, эмди тутмиш ўзга ёр,
Ўлмишамким, бу алам аввалгиларға ўхшамас.

Она Шарқ тожин киюр! Зулматда ушлатманг мени,
Бодайи ҳақ мастиман, ёлғонга уйғатманг мени,
Ўз хаёлимға қўйинг, ўзгага ишлатманг мени,
Ишқ аро Фарҳод ила Мажнунға ўхшатманг мени,
Ким бу расвойи дажам аввалгиларға ўхшамас.

Ҳар кима ҳар хил ёзур Арш Мирзоси сана,
Айланур ойина бу, ҳеч битта иш топмас пана,
Нафс ипига боғлидур руҳ ипларин узган тана,
Кўйининг эҳромидан кўнглимни ман этманг яна,
Ким анга азми ҳарам аввалгиларға ўхшамас.

Сўкмак ўтганлар ишин нотавонлар расмиким,
Ўз замонин рост этар қавми мардцир асли ким,
Шу ҳаёт тилсимларин очмоқ омонлар касбиким,
Эй Навоий қилма Жамшиду Фаридун васфиким,
Шоҳ Ғозийга карам аввалгиларға ўхшамас.

Омон Матчон

[AbuMuslim]

Салом, эй ой,
Мунгли эски дўст!
Боқ, тагимда яна
Ўша тақир пўст.
Ўша шамшод асо,
Ўша қамиш най...
Фақат ўзга ҳижрон,
Ўзга жом ва май,
Мажҳул саҳродамен,
Ой, бўл пир ва эш.
Ғояга эришсин
Бу сўнгги дарвеш!

Ойбек

[Kavsar]

Orzular yomg'iri

Qaniydi
Bir yomg'ir yog'sa:
Daladagi shiyponni
Shiypondagi choponni
Ivitib
Yog'saydi.

Sahrolar kezib
Maysalar chizib
Dehqonning shukrona ko'z yoshlariday
Tomchilab yog'saydi
Gullab
Yog'saydi.

Bulutlar yurtidan -
Osmonlar qalbidan
Dillarning chanqagan yozistoniga
Ilohiy bir payg'om
Yo'llab
Yog'saydi.

Bir yomg'ir yog'saydi...

(Termiz, 1991)

Ja'far Muhammad, "Ko'zgu hayrati" T., 2010

[AbuMuslim]

Тахтани тахтадан тежаб, тарашлаб,
Пахтани пахтага кўшиб яшаймиз.
Зимдан меҳримизни ўлчаб, қаричлаб,
Сиртдан дарёлардай жўшиб яшаймиз.

Азиз бошларини тошлар қилганлар,
Рўзғор деб кўзига ёшлар олганлар,
Орзу-хавас дебон ошлар қилганлар,
Лагандан лаганга ошиб яшаймиз.

Бу кенг, мўл ҳаётда ўрнимиз надир?
Асли бахту толе ёнимиздадир.
Оримиз гоҳида қорнимиздадир,
Бунчалар тубанга тушиб яшаймиз.

Азалдан шаън ила шавкатли ўзбек,
Маддоҳлар айтурлар букунким: сўз бек!
Чирик калавадан тўкилган бўздек
Ипни ўзимизга эшиб яшаймиз.

Чуқурлар қаздик, лек чуқур билмадик
Она тилимизни, фикр қилмадик.
Берган нон-тузига шукур қилмадик,
Қачон биз юрт учун тошиб яшаймиз?

Асрий девонларга кўп хасрат орта,
Келур Навоий ҳам кўп захмат торта...
Ул хазрат ортдамас, ул хазрат олдда,
Қачон Навоийга шошиб яшаймиз?!

Сирожиддин Саййид

[Kahramon Jalilov]

Surat

Mening kimligimni,
Bilmaydi hech kim.
Men bir g‘alatiman,
Men – alohida.
Ko‘zimning yoshini
Keladi ichgim,
Tilimni chaynagim,
Kelar gohida.


Oy mening yelkamga
O‘tirib olgan,
Oftob g‘avg‘o solar
Yurgan yo‘limga.
Xayol tushovidan
Chiqolmay qolgan
Umrimni topshirib
Qo‘ydim ko‘nglimga.

Endi toshni tepsam,
O‘par izimni,
Yerga ag‘anasam –
Yer ham devona.
Barmog‘in o‘pgandim
Suygan qizimni,
Qo‘li yonib ketdi
Gurillab, mana.

Yondi,
Yonaverdi
Kokillari, so‘ng,
Charsillab yuragi
Yondi bearmon.
Yarmi yonim bo‘lgan
Ko‘ylagi bir yeng
Ishqning bayrog‘iga
Aylandi alvon!..

Va o‘pdim bayroqni
Men o‘sha alvon,
Olov tan,
Olov jon,
Olov his-havas.
Qizil cho‘g’ to‘shalgan
Chimildiq tomon
Otdim men o‘zimni
Misli o‘tparast.

Uyg‘onsam – ko‘rpam kul,
Yig‘lar sevgilim.
Men seni yig‘la deb
Quchgan edimmi?
Ayiq bosgan gulday
Ezildi ko‘nglim,
Yovvoyi o‘rdakka
Berdim sevgimni!..

O‘rdak uchdi-ketdi,
Mung‘ayib qoldim.
Hayratim obketdi
Qanotida u.
Kim meni aldasa –
Xudoga soldim,
Mayli, aldanmasin,
Hayotida u.

Qoldim kulko‘rpamda
To‘shagim – tuproq,
Yumalab yotaman
Ilonlar bilan.
Ularga ishondim
Bir yordan ko‘proq.
Ilon chaqar,
Ammo
Gapirmas yolg‘on!..

Mening kimligimni
Bilmaydi hech kim.
Men bir g‘alatiman,
Men – alohida.
Kiyiklar qonini
Keladi ichgim,
Chayonni chaynagim
Kelar gohida.

(Muhammad Yusuf)

[Kavsar]

Hurmatli forumdoshlar, Hayit ayyomingiz muborak bo'lsin! Chiroyli kutib oldingizmi? Ibodatlaringiz dargohida qabul bo'lishini tilab, quyidagi to'rtliklarni sizlar uchun havola etaman. Zero, ilm olish, yaxshi she'rlardan bahra olish ham bir ibodat ekan...


Ne tilaging bo'lsa, Allohdan tila,
Yo'qsa ishing to'xtar, uzayar ohing.
Har ishni boshlagin Alloh nomi-la:
"Bismillahir rohmanir rohim..."



Qur'on sev, o'qishdan hech, sira tolma,
Oyat, hadis bo'lsin qalbing gavhari.
Shubha qilganlarning safidan bo'lma:
"Fala takunanna minal mumtarin..."



Haq yo'lidan ayrilma, gar qiyin bo'lar,
Poyoniga yetar bir kun muhlating.
Alloh to'g'ri yo'lda yurganni bilar:
"Vahuva a'lamu bil muhtadin..."



Islom bir haqiqat, jannat yo'lidir,
Yo'lingni yoritar ixlos va imon.
Allohning haq yo'li Qur'on yo'lidir:
"Sirotu robbika mustaqiman..."



To'g'ri yo'lda yurgan saodatlidir,
Allohga yukunar Islom ummati.
Ilohim g'aniy va marhamatlidir:
"Va robbikal g'aniyyu zurrohmati..."



Senga ma'lum ko'ngil siri ham Rabbim,
Ilming, qudratingga yo'q zarra tahdid.
Shohidsan har bo'lgan narsaga, Rabbim,
"Va anta 'ala kulli shay'in shahid..."



Alloh ne'matlari aziz naqadar,
Lutfiga munosib shukr keltirgin.
Alloh shukr qilgan bandasin bilar:
"Alaysallohu bi a'lama bishshakarin..."


Turk tilidan Abdumurod Xolmurod o'g'li tarjimasi.
Hikmat yog'dulari (oyatlarga she'riy sharhlar).T., 2010.

[Kavsar]

* * *

Агар сени алдаса ҳаёт
Сен ноумид бўлма ҳеч қачон.
Ғамли кунга қилгин итоат,
Хушнуд кунлар келади, ишон!

Қалб келажак ишқи-ла яшар;
Бу кунимиз қайғу ва доғли:
Бари оний, ўтишга шошар,
Ўтган эса ҳамиша тотли.

А.С. Пушкин, 1825.
(Зулфия Исроилова таржимаси)

[Kavsar]

...ГА

Эсимдадир ажиб дам ҳали:
Кўз олдимда бўлдинг намоён,
Пок гўзаллик даҳоси каби,
Бир лаҳзалик хаёл, тушсимон.

Ғам-аламдан дилим ёнганда
Тушларимда кўрдим чеҳрангни,
Ҳаётдаги бўм-бўш суронда
Келиб турди товшинг жаранги.

Йиллар ўтди. Исён бўрони
Хаёлларим совурди дилдан.
Ва унутдим дилбар садонгни,
Ўчди азиз чеҳранг ёдимдан.

Қувғинликнинг чангида нурсиз
Ғамга тўлиб кунларим ботди;
Худо, илҳом ва кўз ёшисиз,
Ишқ, изтироб, ҳаётсиз оқди.

Мана, қалбга ошно бўлди най,
Кўз олдимда бўлдинг намоён,
Гўзалликнинг соф парисидай,
Бир лаҳзалик ажиб тушсимон.

Руҳим яна уйғонди бу дам,
Яна унда тирилди нажот;
Яна дилда Худо ва илҳом,
Кўз ёшию муҳаббат, ҳаёт.

А.С Пушкин, 1825
(Зулфия Исроилова таржимаси)

[Kavsar]

* * *
Norizo zi xurshedi? Oftobi xud mebosh!
Abr agar nashud chatrat, xud sahobi xud mebosh!

Sham'ro namexohi? Xezu sham'i digar shav!
Mohro namebini? Mohtobi xud mebosh!

Girdi dar chi megardi bo kalidi begona?
Qulfro shikan dar xud, fathi bobi xud mebosh!

Ey suoli pechida, girdi lab chi mejui?
Dastro lash az abru! Xud javobi xud mebosh!

Az kitobi mo bayte gar pisandi tab'at nest,
Matlae pur az ma'no dar kitobi xud mebosh!

Ja'far Muhammad, Tajalli, 2008

[Kavsar]

* * *
Hama mastandu man yak hamdami hushyor mexoham,
Hama xobandu man hamsuhbati bedor mexoham.

Dar in manzil, dar in mahfil charog'e nest, nure nest,
Man on parvonaam, yak sham'i otashbor mexoham.

Ba har joe ki gul binam, ba chashmam mexalad xore
Chi botel niyyati doram, guli bexor mexoham.

Chahon obod gasht az chug'zu zog'u loshaxor, ammo,
Payi ta'miri in vayrona yak me'mor mexoham.

Chu Ja'far meravam oluda bo gil, to ravad az dil,
Sharobi talxu soqii shakarguftor mexoham.

* * *

Zaminu osmonlardan, Seni topdim, Seni sevdim,
Ayonu noayonlardan Seni topdim, Seni sevdim.

Jahonni sarbasar kezdim, sabodek darbadar kezdim,
Muqaddas oshyonlardan Seni topdim, Seni sevdim.

Umiding birla kun o'tdi, xayoling birla tun o'tdi,
Saharlardan, azonlardan Seni topdim, Seni sevdim.

Necha yuz bog'ni aylandim, Sening atringga bog'landim,
Muattar bo'stonlardan Seni topdim, Seni sevdim.

Muhabbat oshkorodir, Samarqandu Buxorodir,
Valekin men nihonlardan Seni topdim, Seni sevdim.

Na Raydansan, na Yasribdan, na Mashriqdan, na Mag'ribdan,
Magarki, Kahkashonlardan Seni topdim, Seni sevdim.

Na may qoldi-yu na sog'ar, na devon qoldi, na Ja'far,
Qay onlarda qayonlardan Seni topdim, Seni sevdim?

Ja'far Muhammad, 2008/2010 (c)

[Nigora Umarova]

O'y so'ngida bitta chuqur "uh"-
Turmush sari bosh egib yurmoq:
Yurak tuzar dunyo bilan sulh,
Sulh tuzganday kuz bilan yaproq.

O'y so'ngida bitta xo'rsinish,
Va yo'llarda qolmoq bemajol.
Dunyo bilan sulh tuzr sinish-
Qo'l ko'targan mag'lub qo'zg'alon.

O'y so'ngida bir noiloj "oh"-
Yurakka tik qadalgan pichoq:
Bu so'nggi sulh... Suyimla dunyo
Sotqinligi sezilgani choq.

Qo'llrimda kulim bir hovuch,
Yasharkanman ranglarim o'chib.
Ichlarimdan chiqmas bir tovush-
Har daqiqam umrimning songi...

Usmon Azim

[Masud Mahsudov]

Boshqa forumda bir singlimiz ushbu she'rni qoldirgan ekanlar, Sizlar bilan o'rtoqlashmoqchiman... :)

Bir kun malikaga o'xshab qolaman,
Gul qadalgan oppoq libos olaman,
Muzdek yuraklarga o'tlar solaman,
Men baxtli bo'laman, ishonavering.

Bir kun ko'z o'ngimda gullaydi bahor,
Oyqizlar tegramda aytishar yor-yor,
Menga gullar tutar meni suygan yor,
Men baxtli bo'laman, ishonavering...

Bir kun mahkam quchib Dadam bo'yini,
Singlimga tutqazib erka kuyimni,
Yig'lab tark etsam-da ota uyimni,
Men baxtli bo'laman, ishonavering...

Bir kun barham topib agar... agarlar,
Hovliga to'ladi misli askarlar ---
Ayam orzu qilgan kuyovnavkarlar,
Men baxtli bo'laman, ishonavering...

Bir kuni yor-yorga to'lar samolar,
Yo'limda tutashar ko'kka olovlar,
Bobom va buvimdan olib duolar,
Men baxtli bo'laman ishonavering...

Bir kuni honamga baxtlar to'ladi,
Oynadan go'zal bir kelin kuladi,
Dadam juft, ayam ham ikta bo'ladi,
Men baxtli bo'laman, ishonavering...

Bir kuni yuzimga upolar surib,
Boshimga popukli ro'mollar o'rab,
Qizchalar chiqishar ro'molcha so'rab,
Men baxtli bo'laman, ishonavering...

Bir kuni charog'on bo'ladi kunlar,
Guldonda ochilar oq atirgullar,
Hovli-ko'chalarga sepkanda suvlar,
Men baxtli bo'laman, ishonavering...

Bir kun ULAR uchun sarpo teraman,
Ko'zlariga o'tdek yonib turaman,
Borsangiz, Sizga ham salom beraman,
Men baxtli bo'laman, ishonavering: )

Bir kuni fayzli bir joy tuzataman,
Dadajon, Ayajonga choy uzataman.
Begimni ko'chaga shod kuzataman,
Men baxtli bo'laman, ishonavering: )

Bir kun polvonimga aytsam allalar,
Uyimga to'lar so'ng beshik-yallalar,
To'ybola Ayasi bo'lgan pallalar,
Men baxtli bo'laman, ishonavering...

Bir kun nigohlarim bo'lar bo'lakcha,
Orzularim sari baxtdan yo'lakcha,
Qizchamga kuydirib atlas ko'ylakcha,
Men baxtli bo'laman, ishonavering...

Bir kuni boshimdan yog'ar yog'dular,
Meni tark etadi g'amlar-qayg'ular,
Farzandlarim uchun qilib orzular,
Men baxtli bo'laman, ishonavering...

Bir kun termulsalar ko'zimga kulib,
Ko'zlaridan boqiy sevgisin bilib,
Begim bekligini duolar qilib,
Men baxtli bo'laman, ishonavering...

Bir kuni uzilmas rishta bog'lasa,
Bir kuni ishonchlar o'zin oqlasa,
Bir kuni... Bir kuni Hudo xohlasa,
Men baxtli bo'laman, ishonavering...

(c) Maryam

[Kavsar]

* * *

Bir tutam sochlaring mening qo'limda
G'ijimlab o'paymi, yo tarab yechay.
Sir deb saqlaganing mening qo'ynimda,
Sir deb saqlayinmi yo elga sochay.

Sochilgan sochingdek, sochilsa siring,*
Anor yuzlaringni kimga tutasan?
O'zing-ku, ularda vafo yo'q deding.
Tag'in nechun ularga yuzing tutasan?

A.S. Cho'lpon, "Sozim" she'riy to'plamidan.

* (Badiiy adabiyotda Alliteratsiya san'ati)

[Kavsar]

Yashash

Men o'zimni sevaman,
Menga o'zim yoqadi.
Endi menga baribir,
Kim qanaqa boqadi.

To'nim kalta va lekin
Yo'qdan ko'ra shukr, bor.
Bu dunyoda hech odam,
Emas mendek baxtiyor.

Gap eshitsam jilmayib,
Kaltak yesam kulaman.
Chap yuzimga urishsa,
O'ngin tutib turaman.

Yurak degan qabrga
Armonimni ko'mganman,
Va ustida bolamga
O'yin tushib berganman.

Har tong qarab oynaga
Deyman mening g'amim yo'q,
Men sog'lomman, men zo'rman,
Tashvishim yo'q, kamim yo'q.

G'animlarim yov lekin,
Men ulardan qarz emas,
Hech qaysisi jonimni
Tikishimga arzimas.

Xomush bo'lar ba'zilar,
Sochin oqin sanashib,
Menga esa turibdi,
Ajinlar ham yarashib.

Tikan - tikan, gul - guldir,
Har narsa o'z holicha,
Azizlarim dunyoni
Qabul qiling boricha.

Oson yashay desangiz
Maslahatim olvoling,
O'zingizni ozgina
Jinnilikka solvoling

Yashashga emas, bizni
Sinovlarga tashlabdir,
Pirim o'shal - kovushsiz,
Devonai Mashrabdir.

Ko'ylagimni so'rashsa,
To'nimni ham beraman,
Tikanlarning ichidan
Gullolalar teraman.

G'am so'zidan o'zimga
Shodlik so'zin yasayman,
Men shunaqa o'zimni
Xursand qilib yashayman..

(Ushbu she'r muallifini bilmayman,
ammo Tohir Mahkam juda ajoyib qo'shiq qilib kuylagan.
Menga shu qo'shiq rosa yoqadi.)

Posted via Mobile Device

[OmoN]

Ushbu she'r muallifini bilmaymanАдашмасам шеър муаллифи Марҳабо Каримова. Марҳабо Каримованинг бундан бошқа ажоийб шеърлари ҳам бор. Менга айниқса охиратга тайёргарлик ҳақидаги ҳажв шеъри ва куёвига атаб ёзган шеъри(қайнонамга шу китобини совға қилишим керак :) ) ёқади.
Yashash
Шу шеърнинг "ремикс"и :)
Сен ўзингни севасан,
Сенга ўзинг ёқади.
Энди сенга барибир
Ким қанақа боқади.

Мундиал орзусини
Футбол ичра кўмгансан,
"Боримиз шу" - деб ҳатто
"Қабр тоши" қўйгансан.

Ачинмайсан ғалабанг
Арабларга тутқазсанг.
Хурсанд бўласан гоҳо
Корейсларга ютқазсанг.

Ҳожибойнинг гапларин
Ҳазилга ҳам йўймадинг.
ЖАРга музқаймоқ учун,
Борарман деб ўйладинг

Ҳар тўрт йилда сўз бериб,
Дейсан менинг камим йўқ.
Мен чаққонман мен зўрман,
Мундиалдан ғамим йўқ.

ЖЧ яқинлашганда
Ваъдани унутасан.
Узр сўраб бор тўрт йил,
Мундиални кутасан.

Мухлисларинг кўп лекин,
Сен улардан "қарз эмас".
Мундиал боришингга
Ҳеч бириси "арзимас".

Хомуш тортар ғарбликлар,
Дурангларинг санашиб,
Сенга эса турибди,
Мағлублик ҳам "ярашиб".

Ғарб ғарбу шарқ шарқ эрур,
Ҳаммаси ўз ҳолича
Қабул қилинг дўстларим,
Термамизни борича.

Таъналардан ва лекин
Қутулмайсан билиб қўй!
Бразилия бормасанг
Бутсанг михга илиб қўй!

http://uff.uz сайтидаги бир мухлисанинг ижодидан.

[Kavsar]

Barcha ustozlarimiz uchun!...

Ustoz G'ayratiyga

Ne baxtkim bizni ustoz, bir zamon ash'orga o'rgatmish,
Nafosat deb atalgan ul ajib asrorga o'rgatmish

Qalam tutgandin ilk bor bizni o'rgatmish sadoqatga,
Navoiy birla Pushkin, Sa'diyu Attorga o'rgatmish.

Qaddi yo bir hilol go'yo yig'ib atrofga yulduzlar,
Jiloyu nur darsin gumbazi davvorga o'rgatmish.

Ne hayrat, hayratomuz - qush bo'lib uchsak bizim ustoz
"Lisonut tayr" birla "Hayratul abror"ga o'rgatmish.

Kim o'rgatmish demangkim, G'ayratiy ul; Xayriddin, Anvar,
Tomilla, Matluba, men, To'lqinu Sayyorga o'rgatmish.

E. Vohidov 1972-1975

[Nigora Umarova]

Бугун Миллий Академик драма театрида бетакрор санъаткор Шукур Бурҳонов таваллудининг 100 йиллигига бағишланган хотира кечаси бўлиб ўтади.
Эътиборингизга шоир Омон Матчоннинг Шукур Бурҳоновга бағишланган шеърини ҳавола қилмоқдаман:

Кўрдим: Шукур Бурҳон...

Кўрдим: Шукур Бурҳон "Ҳамза"дан чиқиб чиқиб,
аста пиёдалаб кетди бир куни.
Бир ён гавжум кўча, бир ён расталар,
оламон...
Кўпчилик билмади уни.
Репетитция ўтган. Мана у борар,
чарчоқ, тунд...
Парвосиз ҳаракат аро.
Ҳозиргина улуғ шоҳ Эдип эди,
энди фуқародан баттар фуқаро.

Устоз! Замонларнинг дўниш макрини
кўчада гримсиз кўрсатишми бу?!
Кеча йиғлаб сизга талпинган жонлар
бугун танимасдан ўтарлар, ёҳу!

Тирсаклар, қоринлар, кўкрак, елкалар
сизни туртиб-суртиб шошар ўзича.
Томоша бўлганин сезмаслар, ё Раб,
шундай буюк актёр юзи-кўзича.

Калтабин "илмкаш" бу салт юришни
"Даҳо халқ ичра" деб жўшиши мумкин,
Кўрмаски, даҳога йўл бермас ҳеч ким,
Базўр бормоқда у, қисилиб, мункиб.

Халқ эмиш, кабобпаз ана "Келинг" дер,
кўзидек қизариб сихда чандири.
Лунжқизил сомсапаз пиёз қоради
уятдан қизариб, чатнаб тандири.
Халқми шу, бировнинг ҳақини гизлаб,
беш-ўнни юлишни пойлаб турганлар?
Халқми шу, нуроний сиймолар қолиб,
сохта сумбатларни сийлаб турганлар?

Халқми шу, хаёл-у орзуларини
Ўзидан баландроқ тиклолмаганлар?
Халқми шу, халқининг номидан сўзлаб,
мингдан бир ваъдасин оқлолмаганлар?

Халқ улким, ўзининг пешонасида
Юлдузлар борини билса, қувонса!
Халқ улким, ғурури бўлса ўзида,
асилга ишонса, сохтадан тонса!

Бу шеърни кўрсангиз, балки койирсиз:
"Одамни қўй-да, деб, ҳоли-жонига..."
Билдим, сиз пиёда, тинч етмоқчисиз
ҳув мағрур ҳайкаллар хиёбонига!

Унгача анча йўл бор-да, устозим,
Бу ур-сурда юрманг саланг, бош бўлиб!
Грим билан чиқинг, гулдираб чиқинг,
ҳеч бўлмаса ўша Ялангтўш бўлиб!

Омон Матчон

[Masud Mahsudov]

Бугун Миллий Академик драма театрида бетакрор санъаткор Шукур Буронов таваллудининг 100 йиллигига баишланган хотира кечаси бўлиб ўтади.
Эътиборингизга шоир Омон Матчоннинг Шукур Буроновга баишланган шеърини авола илмодаман:

Кўрдим: Шукур Бурон...

Кўрдим: Шукур Бурон "амза"дан чииб чииб,
аста пиёдалаб кетди бир куни.
Бир ён гавжум кўча, бир ён расталар,
оламон...
Кўпчилик билмади уни.
Репетитция ўтган. Мана у борар,
чарчо, тунд...
Парвосиз аракат аро.
озиргина улу шо Эдип эди,
энди фуародан баттар фуаро....

Омон Матчон

Rahmat... O'qisam, ko'zim yoshlanadi, shu she'rni...

[Nigora Umarova]

озиргина улу шо Эдип эди,
энди фуародан баттар фуаро....


Rahmat... O'qisam, ko'zim yoshlanadi, shu she'rni...

Rahmatli artist shoh Edipni shunday talqin etganki, inson larzaga tushadi. "Qiyomat qarz" spektaklida ham Sulaymon ota obrazi orqali o'zbek xalqining tantiligi, o'zgalar haqiga xiyonat qilmasligi qirralarini mahorat bilan ochib bergan.

[Nigora Umarova]

Кел, менинг ёнимга, меҳрибон дўстим,
Кел, эй ҳасратлашиб олайлик бирдам.
Ёшлик ҳам тарк этиб кетди-ку рости,
Тарк этиб кетгандек дунёни одам.

Қани астагина қуйиб бер менга,
Арғувон бодага термулайин жим.
Унда жилва қилар ажиб аланга,
Унда ичилмаган менинг ёшлигим.

Рауф Парфи

[Nigora Umarova]

Agar g'amgin bo'lsang, sevinchim-najot,
Shod bo'lsang, ol, mana, g'amimni berdim.
Qanoting bo'layin, sen ham bo'l qanot,
Hamdarding bo'layin, bo'lgin hamdardim...

"Inson qalbi haqidagi qissa" filmidagi ushbu she'rning davomini bilasizmi, muhtaram forumdosh? She'r kimga tegishli?
Iltimos, she'rning davomini bilsangiz, ushbu mavzuga qo'yib yuborsangiz.
Uni aktrisa(joylari jannatdan bo'lsin)Rimma Ahmedova shunaqangi ta'sircan o'qigan-ki...

[Kavsar]

Agar g'amgin bo'lsang, sevinchim-najot,
Shod bo'lsang, ol, mana, g'amimni berdim.
Qanoting bo'layin, sen ham bo'l qanot,
Hamdarding bo'layin, bo'lgin hamdardim...

chiroyli she'r ekan, lekin birinchi bor eshitdim..

[Kavsar]

Уйқу

Жим туринг, шовқинламанг, уйқу ичинда ул пари,
Юрма, тек тур, эй шамол, юрсанг-да юр бир оз нари.

Кўкда бир тўп қиз-малак уйқу куйини бошлади,
Илгари чалган тирик, жонли куйини ташлади.

Бош учида айланар бир тўп фаришта жимгина,
Кўк элининг тангриси - ой ҳам қарайдир тинчгина.

Ул олос кўзлар юмулган... куйни ёндиргачгина,
Кўп гўзал кўзларни юмдиргач, уялдиргачгина...

Бу ётиш, бу уйқу, бу қандай ширин, қандай гўзал,
Жонланар, юз кўрсатар синган ва ясанган амал.

Жим туринг. Шовқинламанг, уйқу ичинда ул пари,
Кўзларим тўймай қарар, борлиқ кўринма, тур нари...

(А.С.Чўлпон)

[Kavsar]

Men va boshqalar

O'zbek qizi og'zidan

Kulgan boshqalardir, yig'lagan menman,
O'ynagan boshqalar, ingragan menman.
Erk ertaklarini eshitgan boshqa,
Qullik qo'shig'ini tinglagan menman...

Boshqada qanot bor, ko'kka uchadir,
Shoxlarga qo'nadir, bog'da yayraydir.
So'zlari sadafdek, tovushi naydek,
Kuyini har yerda elga sayraydir.

Menda qanot bor, lekin bog'langan...
Bog' yo'qdir, shox yo'qdir, qalin devor bor.
So'zlari sadafdek, tovushi naydek
Kuyim bor... uni-da devorlar tinglar.

Erkin boshqalardir, qamalgan menman,
Hayvon qatorida sanalgan menman.

(A.S. Cho'lpon)

[bekww]

MENING UVOQ SHE’RIM - MENING DILPORAM
(Turkumdan)

Qarshimda turibdi umrim bir kuni,
Mening uvoq she’rim - mening dilporam
Tong siylagan, oqshom opichgan uni,
Bir satrida sevinch, bir satrida g‘am.

Agar g‘amgin bo‘lsang, sevinchim - najot,
Shod bo‘lsang, ol mana, g‘amimni berdim.
Qanoting bo‘layin, sen ham bo‘l qanot,
Hamdarding bo‘layin, bo‘lgan hamdardim.

Jamol Kamol

http://www.ziyouz.com/index.php?option=com_content&task=view&id=2480&Itemid=49

PS. Нигорахоннинг постини негадир кўчира олмадим.

[bekww]

KIM DESUN (Muqimiy g'azali)

****

Ul tagʻofulpeshagʻa holi xarobim kim desun?
Hajrida mundogʻ meni koʻrgan azobim, kim desun?

Kunduzi bir yerda bir dam olmay oromu qaror,
Lahzae yoʻq kechalar koʻzlarda xobim, kim desun?

Oʻz koʻmochigʻa, masalkim, tortadur kul har kishi,
Bas, kuyub ishqida chekkan iztirobim, kim desun?

Kuymagan boʻlsa birov mehru muhabbat oʻtigʻa,
Shamdek to subh oʻrtab tabu tobim, kim desun?

Hamnishindurlar ulugʻlarga xushomadgoʻylar,
Yoʻlida jononimi xayru savobim kim desun?

Gar qilich boshimgʻa ham kelsa, degayman rostin,
Soʻzki haq boʻlsa, savolimgʻa javobim, kim desun?

Doʻstlar, soʻrsang gʻizosidin Muqimiy, erta-kech,
Qon sharob ichsam, jigarlardur kabobim, kim desun?


PS. Ҳофизларимиз (айниқса Нилуфар Рахматова) ажойиб тарзда куйлашади, лекин сўзлари бошқача, сабабини билолмадим:

http://music.privet.ru/user/bekww/file/303806926?backurl=http://music.privet.ru/user/bekww/album/245851774&comments=1

[Nigora Umarova]

Филдек қомати бор, ҳўкиздек кучли дейишар уни.
Чумолидек тиним билмайди, эшакдай ишлаш билан ўтади куни.
Сўнгра итдай чарчаб, тунлар қайтиб беришар кучин,
У билмас қачон пайти келар, бир одамдек яшамоқ учун…

[AbuMuslim]

ЎЙЛАР
Замондош наслимга қарайман ғамгин,
Унинг келажаги — нурсиз, шарафсиз,
Дунё, таниш-билиш, гумонлар юкин
Кўтариб кексаяр бекор ва нафсиз.
Оталар хатосин, кеч кирган фаҳмин
Мерос қилиб олдик бешикдан бизлар,
Турмуш бизни, гўё бегона базми,
Гўё мақсадсиз йўл, чарчатар, эзар.
Яхши-ёмонликка бешарму бефарқ,
Умр бошидаёқ жангсиз сўлармиз.
Хавфлар қаршисида шарманда-қўрқоқ,
Ҳокимлар қошида манфур қуллармиз.
Шундай, зотсиз мева бемаҳал қариб,
На кўзни қувнатар, на яйрар думоғ,
Турар гуллар аро етим ва ғариб,
Чириб ерга тушар гул яшнаган чоғ.
Ақлимизни сўрди самарасиз фан,
Шубҳа таҳқир этган эҳтиросларнинг
Олийжаноб сасин, умид-ихлосларни
Ҳасад-ла яширдик яқин дўстлардан.
Фароғат жомидан сақландик, лекин
Сақлаб қололмадик ёшлик ғайратин,
Меъдага тегизмай, ҳарбир шодликнинг,
Мангуликка сўрдик асл лаззатин.
Санъат дурдонаси, шеърий орзулар
Завқидан уйғонмас бизнинг фаросат.
Биз титраб сақлаган қолдиқ туйғулар —
Хасислик дафн этган, фойдасиз бисот.
Севгимиз — тасодиф, нафратимиз ҳам,
Йўлида ҳеч нарса қилмаймиз қурбон.
Қонда ёшлик ўти қайнаб турган дам
Сирли бир совуқлик қалбда ҳукмрон.
Ота-боболарнинг болаларча жўн,
Тўкин базм, ишрати бизга мароқсиз,
Ўтмишга мазахли назар ташлаб, сўнг
Тобутга шошамиз бахтсиз, шарафсиз.
Тез унут бўлғучи мунгли тўдадай,
Давр учун бирорта доҳиёна иш,
Бирор самарали фикр қолдирмай,
Дунёдан ўтамиз беиз, бетовуш.
Мулкин сотиб ичган ота қабрида
Аламли кулгандай алданган ўғил,
Фуқора ҳаққи билан, ҳокимиз узра
Нафратли шеър ўқир келгуси бўғин.

М. Ю. Лермонтов

[Kavsar]

Ер асиралари

Ер асиралари, ер асиралари!
Олтин билакузуклар, ёқут маржонлар,
Садаф доналарими тасаллилари,
Қўрғонми, деворми насибалари,
Кун санаб ўтарми ою йиллари,
Тилга келмасларми шу қадар жонлар?

Ер асиралари, гўзал тонгларнинг
Сочидан кўнгилга қувват олингиз!
Ўзингиз тиришиб, бевиждонларнинг
Кўнглига эрк учун илҳом солингиз!

Ер асиралари, ер асиралари,
Ёш тўкиб йиғлашми насибалари?!

(с) А.С. Чўлпон, Андижон,1924

[Kavsar]

Ўтганман

Насиҳат қилма, эй воиз, бу мактаблардан ўтганман,
Тариқатни ниқоб этма, бу машраблардан ўтганман.

Нечун бу янги одатлар, муҳаббатсиз ибодатлар?!
Бу бидъатни йиғиштир, мен бу мазҳаблардан ўтганман.

Керакмас янги юлдузларки Сомон йўлини кўзлар,
Мен ул Шоҳи муҳаббат бирла кавкаблардан ўтганман.

Тариқатни ниқоб этдинг, шариатни хароб этдинг,
Риё бирла дема "ёраб"ки, "ёраб"лардан ўтганман.

Баҳоуддинни билмассан, Имом Аъзамдан эрмассан,
Менга лоф урма мансабданки, мансаблардан ўтганман.

Агар дин оламородир, унинг кўрки Бухородир,
Менга дарс ўтма диндан, мен бу матлаблардан ўтганман.


Жаъфар Муҳаммад (с)

[Masud Mahsudov]

FIROQ HAQIDA

Sen yiroqda,
Yoring yiroqda,
O`rtanadi joning firoqda,
Tugab borar bardosh — saboting,
Uchay desang, yo`qdir qanoting.
Sevar yoring vasliga mushtoq
Kechalaring o`tadi uyg`oq...
Ammo g`amdan boshingni bukma,
Shahlo ko`zdan yoshingni to`kma.
Dilbar, buni firoq dema hech,
Yorim mendan yiroq dema hech.
Chunki oro kirib joningga,
Bag`ring bir kun kelar yoningga.

Seni nohaq
Ranjitdi yoring,
Yo o`zgadan rashk etdi yoring.
Nolishingga quloq solmadi,
Izhoringdan ko`ngli qonmadi.
Ketdi boqmay hatto qayrilib...
Sen buni ham dema ayriliq.
Dil o`rtama, yig`lama aslo.
Sen bu hijron zulmati aro
Pok sevgingni aylagin chiroq, —
Visol bilan almashur firoq.

Sen sevasan,
Sevmaydi yoring,
Yor ko`ngliga yetmaydi zoring.
Sevganingni yoki bilmaydi,
Yo bilsa ham ko`zga ilmaydi.
Ayriliqda yonasan biroq —
Sen buni ham atama firoq.
Chunki sevging bo`lsa agar chin
Hijronlarni qilar chilparchin.
Ishon faqat, hech tolmay ishon,
Ishon bo`lsa chekinar hijron...

Yoring bo`lsa
Yoningda doim,
Yoring bo`lsa — ko`rkam, muloyim,
Har oningni kechirsang birga,
Birga bo`lsang butun umrga,
Hayot qurib ulab jonga jon,
Yashasang-u yillar yonma-yon —
Ammo bo`lsa ko`ngillar yiroq,
Dunyoda yo`q bundan zo`r firoq.
Bu firoqqa sira yo`q davo,
Bu firoqqa yo`liqma aslo!

(c) Erkin Vohidov

[Kavsar]

Ёмонлар яхшидан қоча бошлади

Энди билдим замонанинг озганин,
Ёмонлар яхшидан қоча бошлади.
Қайтиб баднасллар аслзодадан,
Писанд этмай, тўрга кеча бошлади.

Риё бўлди кўпнинг қилган намози,
Тангри ҳеч биридан бўлмади рози,
Пайғамбар ўрнида ўтирган қози,
Пора учун қўлин оча бошлади.

Шоҳларда қолмади ҳукми адолат,
Бир пул учун муфтий берар ривоят,
Бил, бу ишлар – нишонаи қиёмат,
Золимлар тавбасиз ўта бошлади.

Додхоҳлар турубон, юзин сарғайтиб,
Ким тўрасин топиб, рангин қизартиб,
Золимлар мазлумга, сиртин қабартиб,
Қамчисиндан қонлар соча бошлади.

Мужтаҳид сўзига амал бўлмади,
Мунофиқлар Яратганни билмади,
Сўфилар пиридан таълим олмади,
Дунё учун диндан кеча бошлади.

Бир гуруҳ сўфилар "сўфиман" дейди,
Сўрамай, золимлар таомин ейди,
"Бизни яхши киши десинлар" дейди,
Ҳар эшикда халқа қура бошлади.

Қарига айланди биз кўрган ёшлар,
Оёққа айланди биз кўрган бошлар,
Бемаҳал юк боғлаб энди қардошлар,
Охират азмига кўча бошлади.

Оқил киши ғамда юрагин эзиб,
Дардининг дармонин сўроқлаб кезиб,
Замонанинг фасод бўлганин сезиб,
Фонийдан боқийга кўча бошлади.

Не асл бекларнинг навбати ўтди,
Сохтакорга, қароқчига сўз етди,
Дунёда ким қолиб, муродга етди? –
Муҳаббат чироғи ўча бошлади.

Қози бўлган бир жавобда турмади,
Тунлар меҳнат тортиб, китоб кўрмади,
Шариат йўлинда тўғри юрмади,
Нафс учун иймонсиз ўта бошлади.

Махтумқули айтар: борҳо йўл тани,
Беш кун синамоққа юборди сани,
Сендан бурун ўтган инсонлар қани? -
Ҳар ким навбатинда ўта бошлади.

Махтумқули,
Туркманчадан Мирзо КЕНЖАБЕК таржимаcи

shu kabi boshqa she'rlar uzislam.com saytida : http://www.uzislam.com/News/article/sid=694.html

[Kavsar]

"Алиф" – аввал ибтидо

"Алиф" – аввал ибтидо, ҳамдинг етказ Худога,
"Бе" – бўш юрма қулликда, тушсанг дарду балога,
"Те" – тур хоби Ғафлатдан, умринг келмиш арога,
"Се" – сақар бор, ҳазир бўл,
"Жим" – жаҳд айла яровга,
"Ҳе" – ҳилмингнинг ҳурмати, раҳм эт мен бенавога,

"Хе" – хасорат-аламни мендан ўзга ким айлар,
"Дол" – дардимга давони Сендан ўзга ким айлар,
"Зол" – зунубу гуноҳга,

"Ре" – раҳминг марҳам айлар,
"Зе" – зор айласа хашминг, барчасин барҳам айлар,
"Син" – саҳарлар бедор эт, кўзингни тик Худога.

"Шин" – шавқингга тушганлар,
"Сод" – сабр этиб турмаслар,
"Зод" – зиёнгни олганлар, ҳей, юрарлар ҳормаслар,
"То" – талаби дийдоринг, ором-қарор қилмаслар,
"Зо" – зоҳирдир
"Ъайн" – илминг, билдирмасанг, билмаслар,
"Ғайн" – Ғафлат ичинда қўйма мени фироққа.

"Фе" – фикрингни қилганга
"Қоф" – қудратинг бас эрур,
"Коф" – "Кун!" деган бинонгга
"Лом" – ламъатинг бас эрур,
"Мим"дан маъно олганга,
"Нун" неъматинг бас эру.
"Вов" – васлингга етгунча
"Ҳо" – ҳижратинг бас эрур.

"Лом-алиф" – йўқ эътибор дунёи бевафога.
"Йо" – ёлғончи дунёнинг пешаси ол биландир,
Олин кўриб қувонма, туби завол биландир,
Чархнинг иши ҳар замон бир айри ҳол биландир,
Махтумқули, бир кўнглим юз минг хаёл биландир,
Ишим осон этмасанг, қайтар "ъалас-сало"га.

Махтумқули,
Туркманчадан Мирзо КЕНЖАБЕК таржимаcи
(www.uzislam.com (http://www.uzislam.com))

[Kavsar]

Яхши қайси, ёмон қайси, билинмас

Дардим кўпдир диёримдан, давримдан,
Хайр қайси, эҳсон қайси – билинмас.
Золимларнинг жафосиндан, жабриндан
Ислом қайси, иймон қайси – билинмас.

Суҳбатинда Ҳақ каломин сўйлаш йўқ,
Мажлисинда бир насиҳат айлаш йўқ,
Ҳалол қайси, ҳаром қайси – сайлаш йўқ,
Суд қайсидир, зиён қайси – билинмас.

Халойиқда қиёфа йўқ, кўрим йўқ,
Бойларинда саховат йўқ, берим йўқ,
Хотинларда ҳаё, қизда шарм йўқ,
Адаб қайси, аркон қайси – билинмас.

Кишининг молига кўзни солдилар,
Таассуб-ла дилга кийна тўлдирар,
Бир-бирини ноҳақ ҳолда ўлдирар,
Нажот қайси, омон қайси – билинмас.

Махтумқули, жон меҳмондир, гавда – лош,
Яхшига дўст кўп, ёмонга йўқ қардош,
Бу айёмда бош оёғдир, оёқ – бош,
Яхши қайси, ёмон қайси – билинмас.

Махтумқули,
Туркманчадан Мирзо КЕНЖАБЕК таржимаcи

http://www.uzislam.com/News/article/sid=309.html

[Nigora Umarova]

Kel ey mahbub-matlubim, sening yoshing hazor o'lsun,
Niqob ochgil ko'ray yuzing, jamoling barqaror o'lsun.

Shigufto fathi bezoring, kech-kunduz sani zoring,
Ki jannat hurlari doim qoshingda sharmusor o'lsun.

Arobi guftaam rixlat, badorsi guftaam qaddat,
Ba turk so'zlasam bo'ying, chamanda sabzavor o'lsun.

Arobi guftaam aynat, baforsi guftaam chashmad,
Ba turki so'zlasam ko'zing, saharlarda xumor o'lsun.

Arobi guftaam zihnat, ba forsi guftaam hamdat,
Ba turki so'zlasam kulking, bu olam mushki bor o'lsun.

Arobi guftaam yaddat, ba forsi guftaam dastat,
Ba turki so'zlasam qo'ling, kushodi koribor o'lsun.

Arobi guftaam rijlat, ba forsi guftaam poyat,
Ba turki so'zlasam bo'ying, Navoiy beqaror o'lsun.

Hazrat Nizomiddin mir Alisher Navoiy
Shiru-shakar usulida yozilgan she'r. Ushbu she'rni o'quvchilarimning nutqi ravon bo'lishi uchun yodlatgandim.

[Nigora Umarova]

Sukunat

sukunatni hurkitib yuborar
yurak urishing

daraxt shoxiga qo'nib
orom olayotgan qushchaning
tinchi buzilganiday
uchib ketar sukunat
janub bo'lmagan xilvat joylarga

yurak urishi kuz emas
qushni cho'chitgani janub qadar
kuz hayotning yurak urishi

har bir yurak urishi
o'lim sari bitta qadam bo'lgani yanglig'
hayot yurak urishidan
xazonlar to'kilar
yozgi shovullashlar xotirasi
qushlar sayrog'ining xotirasi
xotira bo'roni
sukunatning oromin buzar

Faxriyor

[Masud Mahsudov]

Sukunat

sukunatni hurkitib yuborar
yurak urishing...

Faxriyor

Shu satrlarni qofiyalab qo'ysa, yanayam jozibaliroq chiqarmidi... Oq sherlarga nisbatan mana shunaqa fikrlar kep qoladi, ba'zida... :)

[Nigora Umarova]

Shu satrlarni qofiyalab qo'ysa, yanayam jozibaliroq chiqarmidi... Oq sherlarga nisbatan mana shunaqa fikrlar kep qoladi, ba'zida... :)

Qofiya yo'qligi uchun ham ushbu she'r "erkin she'r" hisoblanadi.

[fahriyor]

Ассалому алайкум, Маъсуджон,
Мен Фахриёр, ўша сиз мулоҳаза билдирган шеърни муаллифи бўламан. Аввало, сизга мулоҳазангиз учун раҳмат. Ҳар бир шеърхон исталган шеър ҳақида ўз фикрини билдиришга ҳаққи бор ва бу таҳсинга сазовор, деб ҳисоблайман. Энди шеърнинг шакли ва қофияланмаганига келсак, эҳтимол, фикрингиз тўғридир. Уни қофияласак, яхшироқ ҳам чиқар, лекин мен шеър ёзаётганда, шакл янгилиги фикр янгилигига олиб келади, деган ақидага амал қиламан. Шунинг учун сарбаст жанридаги шеърлар бир оз дағал туюлиши мумкин.
Яна бир карра сизга фикрингиз учун раҳмат

[Masud Mahsudov]

Ассалому алайкум, Маъсуджон,
Мен Фахриёр, ўша сиз мулоҳаза билдирган шеърни муаллифи бўламан. Аввало, сизга мулоҳазангиз учун раҳмат. Ҳар бир шеърхон исталган шеър ҳақида ўз фикрини билдиришга ҳаққи бор ва бу таҳсинга сазовор, деб ҳисоблайман. Энди шеърнинг шакли ва қофияланмаганига келсак, эҳтимол, фикрингиз тўғридир. Уни қофияласак, яхшироқ ҳам чиқар, лекин мен шеър ёзаётганда, шакл янгилиги фикр янгилигига олиб келади, деган ақидага амал қиламан. Шунинг учун сарбаст жанридаги шеърлар бир оз дағал туюлиши мумкин.
Яна бир карра сизга фикрингиз учун раҳмат

Va alaykum assalom. Avvalambor, forumimizga xush kelibsiz, ijodkor insonni safimizda ko'rishdan mamnunman.

Samimiy javobingiz uchun rahmat. Yangicha shakldagi yangi fikrlaringiz jamlangan she'rlaringizni yana kutib qolamiz.

Albatta, har bir ijodkor o'z ijod yo'lini o'zi tanlaydi va qalam tebratadi. Sarbast janri (to'grisi, bu janrni eshitmagan ekanman, o'zimcha "erkin she'r" yoki "oq she'r" deb yurarkanman) dagi yangi ijod namunalaringiz bilan yana o'rtoqlshashasiz, degan umiddaman.

Yoshligimizdan qofiyaga asoslangan she'rlar bilan ko'proq tanish ekanimiz sabab, ko'zga boshqacha ko'ringandi she'ringiz, shunga o'z fikrimni bildirgandim, aybga buyurmaysiz.

Dag'allik haqidagi fikringizga kelsak, aslo, unday emas. Faqat ohangini men topolmadim shekilli...

Yana bir bor ijodiy barkamollik tilab,

Mas'ud

[Masud Mahsudov]

Bisotimni bog'da bir halol,
Kapalakka almashaman men.
Hayotimni ko'kdagi zilol,
Kamalakka almashaman men.

Yog'dularga ko'milgan shahar
Betonlari biqinni chaqar.
Uyim qasr bo'lsa ham agar,
Guvalakka almashaman men.

Shoirlikni suymaydi jinim,
Menga havas qilmagin inim.
Shuhratimni totli bir tilim,
Handalakka almashaman men.

Qo'shiqlarim bo'lib ovoza,
Yurtda mashhur emishman toza!..
Barcha yozgan she'rim bir kosa
Sumalakka almashaman men.

(c) Muhammad Yusuf

[Nigora Umarova]

....лекин мен шеър ёзаётганда, шакл янгилиги фикр янгилигига олиб келади, деган ақидага амал қиламан. Шунинг учун сарбаст жанридаги шеърлар бир оз дағал туюлиши мумкин.


Albatta, har bir ijodkor o'z ijod yo'lini o'zi tanlaydi va qalam tebratadi. Sarbast janri (to'grisi, bu janrni eshitmagan ekanman, o'zimcha "erkin she'r" yoki "oq she'r" deb yurarkanman) ...



Сарбаст шеър(форс тилида "эркин") шеърнинг асосий хусусияти шундаки, унда вазн, қофия, банд қурилишида анча эркинлик, қадимий қоидалардан четга чиқиш юз беради, айрим мисралардаги бўғин(сўзлар)ни (маъно ва оҳангни кучайтириш мақсадида) бир неча қаторга зинапоя тартибида жойлаштирилади. Эркин шеър мисралардаги ҳижолар миқдори, уларнинг чўзиқ ёки қисқалиги ҳеч қандай аҳамиятга эга бўлмаган шеър тури бўлиб, верлибар(французча "эркин шеър") атамаси билан ҳам юритилади. Бунда мисраларнинг турлича туроқланиши, қофияланишдаги эркинлик шоирга ўз фикрини изчил ифодалаш имконини беради.

[Kahramon Jalilov]

Сарбаст шеър(форс тилида "эркин") шеърнинг асосий хусусияти шундаки, унда вазн, қофия, банд қурилишида анча эркинлик, қадимий қоидалардан четга чиқиш юз беради, айрим мисралардаги бўғин(сўзлар)ни (маъно ва оҳангни кучайтириш мақсадида) бир неча қаторга зинапоя тартибида жойлаштирилади. Эркин шеър мисралардаги ҳижолар миқдори, уларнинг чўзиқ ёки қисқалиги ҳеч қандай аҳамиятга эга бўлмаган шеър тури бўлиб, верлибар(французча "эркин шеър") атамаси билан ҳам юритилади. Бунда мисраларнинг турлича туроқланиши, қофияланишдаги эркинлик шоирга ўз фикрини изчил ифодалаш имконини беради.
Ko'pincha ashulalarning she'rlari shunga o'hshash bo'ladi!!!

[Masud Mahsudov]

Nigora opa, rahmat...
Men ham ba'zi she'rlarni zinapoya shaklida yozaman, lekin unda ma'lum vazn va qofiya bor... Masalan "Seni o'ylayapman", "Siz uxlaysiz" she'rlari... Ularni qanay she'r ataymiz? Rahmat

[Nigora Umarova]

Nigora opa, rahmat...
Men ham ba'zi she'rlarni zinapoya shaklida yozaman, lekin unda ma'lum vazn va qofiya bor... Masalan "Seni o'ylayapman", "Siz uxlaysiz" she'rlari... Ularni qanay she'r ataymiz? Rahmat

Sizning she'rlaringiz sarbastga kiradi.
G'afur G'ulomning "Sen yetim emassan" she'ri sarbastga misolbo'la oladi.

Oq she'r-vazni aniq, lekin qofiyasiz she'r. Oq she'r atamasi misralarning qofiylanmay qolishidan, ya'ni "oq" qolishidan olingan.

[Masud Mahsudov]

Nigora opa, rahmat...
Men ham ba'zi she'rlarni zinapoya shaklida yozaman, lekin unda ma'lum vazn va qofiya bor... Masalan "Seni o'ylayapman", "Siz uxlaysiz" she'rlari... Ularni qanay she'r ataymiz? Rahmat

Sizning she'rlaringiz sarbastga kiradi.
G'afur G'ulomning "Sen yetim emassan" she'ri sarbastga misolbo'la oladi.

Oq she'r-vazni aniq, lekin qofiyasiz she'r. Oq she'r atamasi misralarning qofiylanmay qolishidan, ya'ni "oq" qolishidan olingan.

Tushunarli. Demak, sizning yuqoridagi fikringizga ko'ra Faxriyor akaning "Sukunat" she'ri ko'proq oq she'rga misol bo'lar ekan... Chunki unda men vazn va qofiyani topmadim...
Javob uchun rahmat

[Nigora Umarova]

Mas'udbek!
She'rni qafasga solib bo'lmaydi. Buni o'zingiz ham yaxshi bilasiz. Yurakdagi tug'yonlarni shaklga solaman deb she'rni "majruh" qilib qo'yish ham mumkin. :)
Har kimning ijod uslubi turlicha bo'ladi.

[Kavsar]

Sensiz ruhim bu tanda g'arib,
Qaraniydek Yamanda g'arib.
Men Vatanni Sen bilan sevdim,
Sensiz bo'lgum, Vatanda g'arib.

Ja'far Muhammad (c) 2010


Dilga eng yaqin satrlardan

[Kavsar]

BIR XIROM ETSA...

Har kishikim ul parivash zulfini yod aylagay,
Aqlu iymon tog‘ini bir pasda barbod aylagay.

Bir xirom etsa agar ul sarvqomat bog‘ aro,
Yuz qiyomatni sanavbarlarga bunyod aylagay.

Bir tabassum birla ko‘nglimni olar, halvofurush
Yig‘layotgan bolani halvo bilan shod aylagay.

Topmasa gar jannatulma’voda Shirin yorini,
Do‘zaxiylar singari Farhod faryod aylagay.

Xastadil Ja’far xarobobodida hayrondurur,
Kim xarobotiyni nechuk qayta obod aylagay?

Ja'far Muhammad (c)

http://www.ziyouz.com/index.php?option=com_content&task=view&id=4783&Itemid=217 (ziyo istagan qalblar saytidan olindi)

[AbuMuslim]

Топширдим ўзимни муҳитнинг эркига...

Муҳит гирдобида бир сомон парча,
Бир похол чўпидек оқиб бораман.
Ҳар амал, ҳар ишни «ҳақ» деб бораман,
Вазминим қолмади бир узуқ қилча...

Муҳит кучлик экан, эгдим бўйнимни,
Чақмоқдек ялтираб учиш йўқ энди.
Ёлғон хаёлларга кўчиш йўқ энди,
Оқишнинг йўлига солдим куйимни.

На исён, на тўлқин, на тўфон, на ўт!
Кўзимда оғир бир таслим нури бор.
Ай, ўтли кечмишим, юзингни беркит,
Сенда шайтонларнинг ҳақсиз зўри бор.

Мен энди худди бир сомон парчаси...
Локин зўр денгизнинг чексиз қўйнида,
Жимгина борадир кирсиз қўйнимда,
Эркин кўпикларнинг алла қанчаси!

Кирмайман кўчанинг боши беркига,
Чунки таслим бўлдим муҳит эркига...

Чўлпон Андижон, 1923

[AbuMuslim]

Билмадим кўнглимни юпатгай кимлар:
Тоғларми, тошларми ё оқар сувлар.
Ёки кишанлардан бўшалган қуллар,
Ёки севилмасдан ташланган туллар?

Ёки ойдин тунда кўзимни олмай
Кўклардан юпатқич юлдуз ахтарай?!
Ёки тонг чоғида сабо юпатғай,
Ёки ойдан томган вафосиз нурлар?

Ёку кўз ёшидан йиғилган бир кўл
Бўйида эгилган толда бир булбул
Сайраса, йиғласа, маъшуқаси гул
Кулганда юпатгай кўлдаги хурлар?

Чарчаган йўловчи йўлдан адашса,
Текис йўл қолса-да, тоғларни ошса,
Йўлни кўрсатувчи юлдуз-да қочса,
Шунда юпатгайми яланғоч чўлллар?

Эркин далаларнинг эркин султони,
Сонсиз подаларнинг ёлғиз чўпони
Най чалиб тоғлардан истаса ёрни,
Балки юпатгуси “ёр” деган куйлар?

Турмушда, хаёлда… ҳар бир нарсада
Ёлғиз алданишни кўрган бир банда
Борлиққа қарғишлар ёғдирган танда
Балки юпатгуси у аччиқ сўзлар?

Денгизлар қайнаса, тошса сувлари,
Кесилса йўлчининг истак йўллари,
Денгизга айланса ўнг ва сўллари,
Балки юпатғуси ҳўлланган кўзлар?

Кўнгилда уйғонса енгил ҳаваслар,
Узилса, бузилса олтин қафаслар,
Бирга ичишсалар бир тўда мастлар,
Балки юпатгайлар ўйноқи қизлар?

Ўйланган ўйларга кўнгил юпанмас,
Кўнгилнинг истаги ўй билан қонмас,
Айтарлар бу тунда ёруғ шам ёнмас,
Чақмаса гугуртни асл ўғиллар….

Чўлпон

[Adiba Umirova]

МАНЗАРА

Икки тобут чиқди битта кўчадан,
Қазога хос эди ғамгин манзара.
Кимлардир қараса гўша-гўшадан,
Кимнингдир қалбида силқиди яра.

Азалдан барчага таниш ушбу ҳол,
Давом этиб келар Одам Атодан.
Марҳумнинг ҳурмати бошланар дарҳол,
Гарчанд холи эмас ҳеч ким хатодан.

Лопиллаб кетарди икки тобут ҳам,
Лекин бир ҳолатдан жунжикди этим:
Бирининг ортида тумонат одам,
Бирининг кетида тўрт нафар етим.

Ҳолбуки, бир хилдир айрилиқ, фироқ,
Умр ҳам ўткинчи, оққан сой эди.
Одамлар уларни фарқлашди бироқ,
Бири йўқсил эди, бири бой эди.

Абдулла Орипов, 2010 йил.

[Husen]

Ўриндиқ

Маъюс кезар ғамгин куз,
Кўлнинг суви тип-тиниқ.
Хиёбон ичра ёлғиз,
Хаёл сурар ўриндиқ.

Мажнунтолнинг барглари,
Бошидан зар тўкади.
Бағридаги сирлари,
Дил тубига чўкади.

Эслаш қийнайди гоҳи,
Хотира – дилдаги чўғ.
Кўп кечмишлар гувоҳи,
Айтай деса тили йўқ.

Ана, бир йигит келар,
Дарбадар мажнун каби.
Ўриндиқни сийпалар,
Ором олади қалби.

Шу ўриндиқ бир вақтлар,
Хилват маскан бўларди.
Ёри билан кўп вақтлар,
Ширин суҳбат қурарди.

Сўнг... Ҳаммаси тугади,
Чил-чил бўлди юраги.
Дардин дилга тугади,
Ҳасратнинг йўқ кераги.

Хиёнат – аччиқ қайғу,
Алдовдан бағри куяр.
Ўриндиқни энди у,
Ёридан қўпроқ суяр.

Мана бу йигит аммо,
Ўзга олам тамоман.
Хиёбонга доимо,
Келар янги қиз билан

Бежо ўйнар кўзлари,
Макр билан боқади.
Лекин, ширин сўзлари,
Қизларга кўп ёқади.

Ўриндиқ ҳам мажбуран,
Ёлғонларни тинглайди.
Ожиз бир қайғу билан,
Аламидан инграйди.

Қани тилга кирса-ю,
Дилдан қувса бу дардни.
Ҳақиқатни айтса-ю,
Фош қилса бу номардни.

Аммо, тили йўқ унинг.
Ғам қалбига ўт ёқар.
Алданган юракларнинг,
Фарёдига жим боқар.

Туради у сукутда,
Дарди ҳаддан ортади.
Қалби ёнса-да ўтда,
Лек унсиз “оҳ” тортади.

Келмоқда бир оила,
Олмок-чун бироз ҳордиқ.
Ёш жувон ёри ила,
Уни танир ўриндиқ.

Шу боғда сайр қиларди,
Бир йигит билан ҳар он.
Гоҳ узоқ ўлтирарди,
Ўриндиқда икковлон.

Ҳозир эса у –бека,
Демак, турмуш қурибди.
Аммо ёнида нега,
Бошқа йигит юрибди?

Наҳот ширин орзулар,
Бариси бўлди поймол?!
Қордек оппоқ туйғулар,
Наҳот кетмишдир увол?!

Ҳа шундоқ экан тақдир,
У нима қила олар?
Тақдирга тадбир йўқдир.
Ноилож банда кўнар.

Ўриндиққа кўз тикиб,
Аёлда хомуш ҳолат.
Қалбин не ўтди тилиб,
Ўриндиқ билар фақат.

Билар, аммо сукутда,
Дарди ҳаддан ортади.
Қалби ёнса-да ўтда,
Лек, унсиз “оҳ” тортади.

Нолиш бордир оҳида,
Алам бағрин тиғлайди.
Ишонинглар, гоҳида.
Ўриндиқ ҳам йиғлайди.

Ёқубжон БОБОЖОНОВ

[Nigora Umarova]

Ҳақиқат букилар, лекин синмайди...
Халқ мақоли

“Ҳақиқат букилар, лекин синмайди”,-
Билмадим, қайси бир замон нақли бу.
Балки ноҳақликдан куйган фақирнинг
Юпанч токчасида қолган ақли бу...

Аср хазинасин ўмариб сокин,
Гердайиб юрибди семиз ёлғонлар.
Таҳқир қамчисини еган ҳақиқат,
Азоб ялоғидан ичганда қонлар.

Тилло капкирларин ўйнатиб нозли,
Ёлғонлар измида жилпанглайди Вақт.
Кимнидир йиғлатиб қурилган қаср,
Эшигида хизмат қилиб юрар Бахт.

Эски мақол кезар тош кўчаларни,
Қонини силқитиб юракларини.
Ҳар тонг супиради раҳмдил шамол,
Ҳақиқатнинг синган суякларини...

Ҳалима Аҳмедова

[Kavsar]

Маъюс кезар ғамгин куз,
Кўлнинг суви тип-тиниқ.
Хиёбон ичра ёлғиз,
Хаёл сурар ўриндиқ.

Antiqa, zo'r she'r ekan. Bu kishining boshqa she'rlarini ham o'qimoqchi edim, qayerdan online topsa bo'ladi? Oldindan rahmat.

[OmoN]

Қачонлардир қаердадир эшитгандим. Муаллифини ҳам билмайман, эсимда қолганича ёздим.
Мени ёмон кўрар баъзи одамлар
Албатта бу ғазаб бекорга эмас
Лекин яхшилигим билмайди улар
Ва ёки билса ҳам билгиси келмас

Мени яхши кўрар баъзи одамлар
Балки бу меҳр ҳам бекорга эмас
Лекин ёмонлигим билмайди улар
Ва ёки билса ҳам билгиси келмас

[Nigora Umarova]

Qo'lga o'rgatilgan bo'ri bu-kuchuk,
Qorni to'q-sarqitning har xili... Yaloq...
Sobiq bo'ri, qani dumingni uchi,
Sobiq dahshat, nega kesilgan quloq?

Bo'yningda nishonlar-obro'ying a'lo,
O'zligidan kechgn shuncha azizmi?
- Bo'ri!-deb chaqirdim-qilmadi parvo,
It!-dedim... Qaradi... Ishonasizmi?

Usmon Azim

[Nigora Umarova]

Tug'ilish-u o'lim aro
Qismat bizni kishanladi.
"Bu kishandan bo'ldim judo",
Desa inson-ishonmagin.

Bu dunyosi besh kunlikdir,
Oltinchisi-zavol, zavol.
O'tar dunyo, senga qarab,
O'qibatni aytdim halol.

Halol aytdim-shashtim ichra
Yo'qdir "oh"u "uh"im manim.
-Ayt, bir kunda necha sr
Yashash mumkin, ruhim manim?

Usmon Azim

[Nigora Umarova]

Uyingizni topib bormasin xatlar,
Yomg'irlar chertmasin derazangizni.
Sizga yo'ldosh bo'lsin eng ulkan dardlar,
Eng mitti dardlar ham o'rtasin sizni.

Sizni bo'm-bo'sh xona ishga kuzatsin,
Faqat stol suhbat qursin sz bilan.
Tunlar ko'rpangizni zulmat tuzatsin,
O't bilan yashamang, yashang muz bilan.

Omadli yo'llarning izini tashlang,
Omadsiz yo'llarda yuring qoqilib.
Meni sog'inguncha siz shunday yashang,
Men shunday yashayapman, sizni sog'inib...

Usmon Azim, 1985-yil

[AbuMuslim]

Минг таассуф

Минг таассуф, ажаб замон ўлди,
Яхши ким эрса, ул ёмон ўлди,
Баъзилар мойили занон ўлди,
Баъзи эл толиби жувон ўлди.
Дилки миллат ғамида қон ўлди,
Эмди бул кун ишим фиғон ўлди.

Ҳар маҳалла ичида тўрт самовар,
Неча нодон чиқиб қимор ўйнар.
Баъзиси маст эшак каби ҳанграр,
Ҳолимизни кўруб кулар ағёр.
Дилки миллат ғамида кон ўлди,
Кори беҳудалар аён ўлди.

Қилди бойлар тараклатиб тўйлар,
Қази-қарта кўюб, сўюб кўйлар.
Буни мадҳ этдилар ғаразгўйлар,
Тўй қилганлар фақирни кам ўйлар.
Дилки миллат ғамида қон ўлди,
Рангу рўйим куюб самон ўлди.

Айлагайлар фасоду фисқ талаб,
Қолмади ҳам ҳаёю шарму адаб.
Ҳама иш чаппасига кетти кулаб,
Билсангиз Нозима эрур ҳақ талаб,
Дилки миллат ғамида қон ўлди,
Оҳ! Эзгу орзуларим қаён ўлди?!
1914
Нозимахоним (1870-1925)

[Nigora Umarova]

O'z-o'zimdan o'ylay boshlayman
Anglab yillar sabog'in bir-bir.
Kimlar biln qadam tashlayman,
Tiriklar kim, shahidlar kimdir?

Bu o'y meni tutar bexato,
ikki karra kesarman puxta.
Tiriklardan bo'lmagach sado,
Marhum zotlar der menga:
-To'xta!

O'tganlarni o'ylasang bu kun,
Riyo qilma, o'rtangan bag'ir,
Haq to'ladik xotira uchun,
Eng katta haq to'ladik, axir!..

Taqiqlovchi belgi va qo'rg'on
Menga bo'lsin, ayturman baland,
Haq so'zimni, tilamay omon,
Xotiramning huquqi bilan.

Aleksandr Tvardovskiy

[Nigora Umarova]

Xudoyim, qovrildim... Tugaydi qachon
Bu gulxan yurakning lovullashlari.
Bu tun yana menga bermadi orom
Qonimning olovli lovullashlari.

Menchalik yonmagan hech kim... Menchalik
Hech kim o'chmoqlikni etmagan orzu.
Borayapman chaqmoqning bo'lagi yanglig'
Lahzalik umrimni falakka osib.

Hatto vulqonlarda olovlik bekor-
Mening yong'inimning yo'qdir adog'i.
Ichimda maysaning armonlari bor-
Yomg'irda o'sishning hasrati, dog'i.

O, sasing yetishdi ruh ila tanga,
Rahmat kalomlaring buncha muloyim!..
Meni o'chirtirma biror bandangga,
O'zing o'chir meni... O'zing... Xudoyim!..

Usmon Azim

[Nigora Umarova]

Xayol bo'lib misli samum,
Fikratni qumdek to'zitdi.
So'zlar qotdi bo'lib mum,
Ba'zan jonni bezitdi.
Yolg'iz oy bo'lib sirdosh,
……Osmon dengizin suzar.
Fitnakor tun erta-chun,
Qanday rejalar tuzar?..

N.begim

[Masud Mahsudov]

Tilingni avayla - omondir boshing,
So'zingni avayla - uzayar yoshing.

(Yusuf Hos Hojib)

[bekww]

Одамлар изладим
　
Уни сўзладим мен, буни сўзладим,
Одамлар ичидан одам изладим.
Шайтонларга учраб, куйдим, музладим,
Одамлар ичидан одам изладим.
　
Бир дардкаш қидирдим, бир дўст ахтардим,
Лоқайдлар бепарво тинглади дардим.
Учратиб қоларман дея, бир марта,
Одамлар ичида одам изладим.
　
Қашқирлар қутурди, кўппаклар ҳурди,
Чаёнлар чақай деб, изимдан юрди.
Ўргимчак инини кўзимга қурди,
Одамлар ичидан одам изладим.
　
Менга одам керак, ҳақиқий одам,
Топсам, юрагимдан қувилар мотам.
Оёқ яланг қўйиб, шўрларига кадам,
Одамлар ичидан одам изладим.
　
Маъюс қўшиқларим тинглайди, ким деб,
Тинглаб юрак-бағрин тиғлайди, ким деб,
Баҳодир Исони англайди ким деб,
Одамлар ичидан одам изладим.
　
Уни сўзладим мен, буни сўзладим,
Одамлар ичидан одам изладим.
Шайтонларга учраб куйдим, музладим,
Одамлар ичидан одам изладим.

PS. Гулсанам Мамазоитова қўшиғининг матни.

[Sirim]

Hali yorilmagan yangi peshonam
Qo'yaver devorlar uraversin do'q!
Qancha peshonamni axir yorganman
Hali biror devor qulagani yo'q!

Adashmasam Sirojiddin Saidniki

[Nigora Umarova]

Сен бирор марта кўзёш соясини кўрганмисан?..
У оддий сояга ўхшамайди... У юракларимизга
мутлақо бошқа, узоқ дунёлардан келади...
ХАРУКИ МУРАКАМИ

Тушларингни қиблага ўнглаб
юкунмоққа жой ҳозирладим.
Саждага мажбурланган кўнглим
гул истайдур. Қул озурдадир.

…Кўзёш сояси тусдаги
тушларингдан мен не орттирдим?
Сени кўрмоқ истагиними,
Наҳот шунга тушингга кирдим?

Бу истакни тушларингсиз ҳам
йўғирарди кўнгил армонга,
соат сай, тоат сай, дамодам...

Худо сени бермас, биламан,
ташна қилар бир савол қонга:
мен ўзимни нима қиламан?

Фахриёр

[Nigora Umarova]

...Худо сени бермас, биламан,
ташна қилар бир савол қонга:
мен ўзимни нима қиламан?

Фахриёр

Шоир Фахриёрнинг янги ижод намуналари билан мана бу ерда (http://fahriyor.livejournal.com/)танишишингиз мумкин.

[gofurov]

Танлаб танлаб улчаб буй,
Орзилаб килинар туй,
Кушилар бурига куй
Такдиргаям койилман!

Оловни сувга кушар,
Соддани кувга кушар,
Атай килганга ухшар,
Такдиргаям койилман!

Бир бадфеълга бир зебо
Бир кулмакка бир дарё
Бир нодонга бир доно
Такдиргаям койилман!

Гул билан гул булса жаъм,
Булмас эди кузлар нам,
«Мен бахтлиман» деган кам,
Такдиргаям койилман!

Сахро билан бог яшар,
Жарлик билан тог яшар,
Жинни билан сог яшар,
Такдиргаям койилман!

Эр яйрайди куй тинглаб,
Хотин утирар эснаб,
Ковушмайди гапга-гап
Такдиргаям койилман!

Булмагурга бугулик,
«Тавба!Тавба!»дегулик
Оллох, бу не кургулик,
Такдиргаям койилман!

Тиканга шунча мехр,
Гунчага шунча кахр,
Инсофданми шу ахир,
Такдиргаям койилман!

«Вакти буп колди» дейсиз,
«Такдир кеб колди» дейсиз,
Бахтсиз угил,бахтсиз киз
Такдиргаям койилман!

Килиб куйиб узимиз,
Жовдирайди кузимиз,
Кейин айтар сузимиз,
Такдиргаям койилман!

Умр тула доду-вой
Нетамиз, Мархабо ой
Ярим дунё пойма-пой
Такдиргаям койилман!
Мархабо Каримова

[gofurov]

Бир пайтлари ховлимиз
Катта эди, кенг эди.
Кынгил каби кенглиги
Дунёларга тенг эди.

Энди бола шыхлигим
Сабаб килиб жырттага
+аричлаб ер талашдик,
Девор тушди ыртага.

Тилло девор, зар девор,
/иштин девор, лой девор,
Сен сабабли мехрнинг
Ахволи танг, вой девор.

Хеч былмаса багрингдан
битта эшик оч девор.
Мен акамни согиндим
Йылларимдан =оч девор.

Худди опа-сингилдай-
Дугоналар сингари
Келинларни гаплари
Тугамасди илгари

Энди икки томондан
Кулок солиб жырттага
Ниманидир кутарлар
Девор тушган ыртага

Тилло девор, зар девор,
/иштин девор, лой девор,
Сен сабабли мехрнинг
Ахволи танг, вой девор.

Хеч былмаса ба\рингдан
Битта эшик оч девор.
Мен укамни со\индим
Йылларимдан =оч девор.

Агар бобом былганида
Тушардилар ыртага
Бобомни хам йы=лигидан
Фойдаландинг жырттага

Былинганни быри ер
Деб бекорга айтишмас
Ховли майли, мехрни хам
Былиб =ыйдинг тырттага

Тилло девор, зар девор,
/иштин девор, лой девор.........

Алишер Файз кушигидан

[Nigora Umarova]

Баҳорда бодом гуллади, кўзларни қувонтирди.
Кузда эса...
Бодом мевалари ҳали етилмай туриб, «бошқалар териб кетишмасин», деган хавотирда қоқа бошладилар. Бечора дарахт инсон боласига мева тугиб бергани учун таёқ ея бошлади. Сўнгсиз, ҳисобсиз урдилар. Дарахт барглари кўз ёши мисол тўкилди. Лекин инсон болалари бунга эътибор бермадилар. Ҳали тирик баргларни топтадилар. «Дарахтнинг таёқ еган шохлари, навдалари ҳам азобланар, озор чекар-ку», деган фикр ҳеч кимнинг хаёлига келмади.
Бу-ку, дарахт, тилсиз, бизнинг назаримизда жонсиз бир нарса. Дарахтларни савалаш билан кифоялансак кошки эди.
Ҳаётда...
Ўз биродарларимизни заҳарли сўз таёқлари билан савалаймиз. Юраклари қон қақшаб кетса ҳам савалайверамиз. Унли йиғисига ҳам, унсиз фарёдига ҳам аҳамият бермаймиз. Савалай-савалай роҳатланамиз.
Дарахтларни савалашдан мақсад — меваларни териб олиш.
Ўз биродарларимизни савалаб нималарни териб оламиз? Гуноҳлар ортилаётган қопларни тўлдирмаймизми?
Бодом тўла қопни орқалаб бозорга шошамиз.
Гуноҳлар тўла қопларни ортмоқлаб қайга борамиз?

Тоҳир Малик

[Gulnora Voisova]

Н. У га :)
Юфорумга кирмасман.
Сен бўлмасанг форумда.
Блоглар аро юрмасман.
Сен бўлмасанг форумда.

Форумнинг ҳеч файзи йўқ.
Топикларнинг мазаси йўқ.
Тўрт фаслнинг ёзи йўқ.
Сен бўлмасанг форумда.
Сен бўлмасанг форумда...:)

[Nigora Umarova]

Yomg'ir yog'ar shig'illab yog'ar,
Tomshilar, tomchilar sochimga.
Yomg'ir yog'ar shi'illab yog'ar,
Ham qayg'umga, ham quvonchimga.
Yomg'ir yog'ar, shig'illab yog'ar,
…Asta unutaman yomg'irni,
Yomg'ir yog'ar, shig'illab yog'ar,
Yog'a boshlar qog'ozga ko'ngil.

Rauf Parfi

[Colorado]

Н. У га :)
Юфорумга кирмасман.
Сен бўлмасанг форумда.
Блоглар аро юрмасман.
Сен бўлмасанг форумда.

Форумнинг ҳеч файзи йўқ.
Топикларнинг мазаси йўқ.
Тўрт фаслнинг ёзи йўқ.
Сен бўлмасанг форумда.
Сен бўлмасанг форумда...:)

Ким учирар постларни
Сен булмасанг форумда..:)))))

[AbuMuslim]

УЙҒОНИШ

Қуёшдан бир нурли кўчки қўзғотган,
Қишнинг муз чойшабин парчалаб отган,
Ғафлат уйқусидан ерни уйғотган,
Бу баҳор эмасми,
Саволим шулдир?!

Тонгга ўчоқбоши сингари шошиб,
Эшикка қўшқанот бағишлаб очиб,
Фарзандин уйғотган меҳрлар сочиб,
Бу она эмасми,
Саволим шулдир?!

Даврабоши бўлиб алдов, хиёнат,
Бурчакка қисилган пайтлар диёнат,
Виждонни уйғотган, солган қиёмат,
Бу имон эмасми,
Саволим шулдир?!

Олам бир ёқ, сени бир ёқ этолган,
Вафони юракка байроқ этолган,
Тунни юлдуз билан уйғоқ этолган,
Бу севги эмасми,
Саволим шулдир?!

Лекин бир халқ мудраб, ётинқираса,
Ҳар кимга ўз тинчи ёқинқираса,
Шоирлари қўрқиб босинқираса,
Халқни ким уйғотар,
Саволим шулдир?!

Омон Матчон (манба (http://e-adabiyot.uz/kitoblar/nazm/122-matchon.html))

[dracony]

Ayriliq

Nega meni yolgiz tawlab ketding gulim,
Ayri tushdi sening bilan endi yolim,
Aytgan eding, ajratar bizlarni o’lim,
O’lmoq qoldi endi mening gardanimda.

Senga yetmoq bo’lib qoldi faqat hayol,
Sening bilan o’tgan kunlar bo’ldi zavol,
Xato qilib adawdimmi yo ehtimol,
Yashash uchun kuch qolmadi bu tanimda.

Oramizda masofalar, yo’llar uzoq,
Bu shum taqdir ikkimizga qo’ydi tuzoq,
Dardlarimga davo bolar endi tuproq,
Ruhim chiqib, qoldi jonim badanimda.

Yuragim qon yutib yig’lar, qalbim vayron,
Telabalardek titragayman, ko’zim giryon,
Madad istab talpinaman endi har yon,
Faqat zog'lar sayrar boldi motamimda.

Feruz Yadgorov(dracony)!

[Nigora Umarova]

Ayriliq

Nega meni yolgiz tawlab ketding gulim,
Ayri tushdi sening bilan endi yolim,
Aytgan eding, ajratar bizlarni o’lim,
O’lmoq qoldi endi mening gardanimda.

Feruz Yadgorov(dracony)!

Feruzbek, dard tasvirlab berilgan yaxshi she'r yozibsiz. Biroq Sh harf birikmasini W bilan ifodalamasangiz yaxshiroq bo'lardi.

[Gulchehra Ibragimova]

Сизни соғиндим

Ёрдин айру кўзимни интизор этди фироқ,
Қолмади сабру қарорим, беқарор этди фироқ.

(Нодира)

Мен сизни соғиндим, жуда соғиндим,
Сиз ўтар йўлларга пир деб топиндим.
Умидни ёпиндим, сувдайин тиндим,
Сизни соғиндим...

Соғинчдан кўнгил ҳам эзилиб кетди,
Тоқатнинг тоқлари бузилиб кетди,
Шубҳаю гумонлар тизилиб кетди,
Сизни соғиндим...

Соғиниб қаварган юрагим дедим,
Ҳаётда бир умр тиргагим, дедим.
Сиз менга кераксиз, керагим, дедим,
Соғиниб кетдим...

Соғиндим, тополмай ўкиниб кетдим,
Ул келмас саробга юкиниб нетдим?
Чорасин тополмай тўкилиб битдим,
Сизни соғиндим...
(Чеҳрасигулбегим)

[Nigora Umarova]

Куз элегиялари

1
Октябрь ҳам оёқламоқда,
икки ой бор йил тугашига.
Шохлар бир-бир таёқланмоқда,
шамол боғда хазон ташиган…

Кўрсичқонга ўхшайди шамол,
ғамлаб олар хазонни қишга.
Тугаб борар куз ҳам. Йил – тамом!
Изтироблар тушади ишга:

шамол тўзғутгулик ё сичқон
уясига ташиб кетгулик
ёзилмабди бир сатр, ишон,
ёки тутантириқ этгулик,

кузги ёмғирлардан жунжиккан
бир дўст учун гулхан ёқмоққа.
Гарчи ҳаво очиқ, кун чиққан,
қўр беради на дўст, на боққа…

2
Шеър ёзгиси келар одамнинг
тўйиб-тўйиб, кун қатораси.
Гурсиллайди юрак қадами,
лекин кўринмайди қораси

бир манзилнинг, бўлмайди қойим.
Ҳамма нарса сарғайган – хазон…
Куз тонгида қаноти шойи
зоғлар тинмай айтади азон.

Бу азоннинг қораси йўқдир,
мўлжал тортиб боргани шахдам.
На оч унинг ранги, на тўқдир.
Териб олинмаган пахтадай

ё бутага илинган мезон
каби элас-элас кўринар…
Чир теварак бирдай баргрезон,
Қораяди фақат мўрилар…

3
Хазонлайди дарахтлар аста,
қайноқ ранглар улашар ҳаёт
тўкилмоққа чоғланган хаста
япроқларга. Интиҳо – аён.

Мовий рангдан айрилар само,
энди ранглар боғни тўлдирар.
Адолатни билар тийрамоҳ,
ҳар япроқни гўзал ўлдирар.

Фахриёр

[Kahramon Jalilov]

Армон билан карардим сенга,
Менки Мажнун, сен эмас Лайло...
Сен гавхар булдингу кузимга,
Кузларимдан чекилди дунё.

Сен бу кун кайдасан, бехуда
Хасрат билан куйингда ёндим,
Ёлгиз сенинг мехрингдан жудо
Кон ютилган сахрода колдим...

Такдиримда йук экан чоги,
Лайло, Лайло, яна учрашмок.
Эх, кандай кутарай фирокни,
Ахир ёшлик йилларим адок.

Эй, бугзимда котган сузларим,
Сочилинг, самога сочилинг!
Мана тонг. Тонгларнинг гузали,
Тонг окарди ва сочим менинг...

Рауф Парфи

Balki o'chgan edim yodingdan,
Shirin xayolingni buzdimmi?
Laylo, Laylo, sening yoningda
Yaproq kabi ko'rdim o'zimni,
Shirin xayolingni buzdimmi?

Seni o'ylab kelmaydir uyqu -
Qora tunning o'zga sehri bor.
Tushlarimda topay deb gulro'
Man uxlarman mangu ehtimol.
Go'zal tushlar tilayman, Laylo...

Yana paydo bo'lding yo'limda,
Yana yo'llaringda bo'zladim.
Bechora qalb sening qo'lingda,
Ko'zlaringda mening ko'zlarim.
Nechun paydo bo'lding yo'limda?..

(Rauf Parfi)

[Nigora Umarova]

Баҳор олиб кел

Сен умримга баҳор олиб кел,
Қайтиб кетмас баҳор бўлсин у!
Тиниб қолмас алёр бўлсин у,
Сен умримга баҳор олиб кел!..

Кўп бўлсину унда гулзорлар,
Хушбўйлари кўнглимни тутсин.
Бошларига ёғмасин қорлар,
Ҳижронларни тамом унутсин.

Сен умримга баҳор олиб кел,
Кўзларимда кузлар эрисин.
Гул атрин ол, сабо бўлиб ел,
Юрагимда музлар эрисин...

Сен умримга баҳор олиб кел,
Қишнинг қотил қиличи синсин.
Кўзларимда оқиб турган сел
Сени кўриб мангуга тинсин.

Сен умримга баҳор олиб кел,
Ҳамда ўлмас умид ва нажот!
Сенга қараб яшай олай мен,
Сенга қараб куйлай умрбод!..

Улуғбек Ҳамдам

[Nigora Umarova]

Сени кутдим,
Жуда кўп кутдим,
Кутавериб сарғарди юзим.
Йўлларингда мен қонлар ютдим,
Оқиб тушди нигорон кўзим.

Кўрмас бўлдим дунёни ортиқ,
Йўлларингни мен кўрмас бўлдим.
Лек Тангримдан
Келди-ку тортиқ -
Озод бўлган қул каби тўлдим:

Юрагимдан бериб акс садо
Чиқиб келдинг, ниҳоят, эй Сен!..
Кўрар бўлди кўрмас кўзларим,
Сен - кўзларим. Кўрадирман мен...

Улуғбек Ҳамдам

[Gulchehra Ibragimova]

Соғина-соғина соғинмай қўйдим,
Энда менга барибир келсанг, келмасанг.
Қўлингдан келса гар осмонни ташла-
Энди менга барибир севсанг, севмасанг!..
(Фарида Афрўздан)

*** *** ***



Сизни менча кутган бирор дил борми?
Ўпка-гиналарга бизда тил борми?
Борсам шариатда бирор йўл борми?
Куйганим чин бўлди, қачон келасиз
Жигарлар хун бўлди, қачон келасиз?!..

(Хосият Бобомуродовадан)

[Gulchehra Ibragimova]

Оёқ яланг чанг кўчалардан,
Болалакдан кетиб қўйибман.
Ёраб, ўзим билибми билмай,
Ўн саккизга етиб қўйибман..

Беғубор ишқ, беғубор кўнгил,
Яшар эдим дунёни суйиб.
Ўжарлигим, бебош шўхлигим,
Ортда қолди юраги куйиб.

Бугун барча ёзувлар ўчган,
Кўзларимда шўхлик эмас, ёш.
“Севаман”деб хат ёз бир яна,
Қаерларда қолдинг синфдош?

Кунлар мени чархпалак қилди,
Юрак оқиб кетди-ку куйлаб.
Нега мени ютқизиб қўйдинг,
“Оқ теракми, кўк терак” ўйнаб?.

Шунчасидан кечиб топганим,
Чорлаганим чўкканимча тиз.
Тамом мени ҳеч кимга берма,
Мен кашф қилган дунё ўн саккиз.


Г.Асқарова

[Gulchehra Ibragimova]

“Севмаган ёр билан ҳаёт кечирмоқ-
Минг дўзах азобин кўргандан ёмон
Ҳаммани ухлатиб, чекажаксан ОҲ,
Оҳ чекиб қарайсан дераза томон ” (Шукур Қурбон)
*** ***

КУЗАТИБ ҚОЛМАСА УЙДА БИР КИМИНГ,
Кутиб олгувчинг ҳам бўлмайди аён
Судралиб қайтасан уйингга томон
Вужудинг ғижимлаб борар кийиминг.. (Ш.Қ)

[Gulchehra Ibragimova]

Шу ерда бир лирик чекиниш ёки мавзудан чиқсак майлими? (Бунинг учун азиз Форумдошлардан қаттиқ узр сўрайман? Тўғриси бу яхши нарсани сизларга жуда илингим келди)


ТЎРТИНЧИ САТР
Бир ҳукмдорнинг ниҳоятда ҳусндор қизи бир фақир йигитни севиб қолади. Икки дилда севги ғунчаси япроқ очади. Қизини фақирга раво кўрмаган ҳукмдор севгисидан тонмаган дилбандини бошини танасидан жудо этишга буюрабди. Қиз ўлими олдидан тўрт қатор шеър айтишга изн сўрайди. Унга руҳсат беришади. Бироқ учинчи қатори айтиб бўлингач, чидай олмаган ота қизининг жонига қасд қилади.

“Ишқ-умрга орзу,

Кўнгилга армон,

Ишққа на тўсиқ кор

Ва на-да фармон

Бошим этсаларда танимдан жудо, ...

Тўртинчи сатри бўғзида қолиб, қизнинг жони узилади. Ҳукмдор нима қилиб қўйганини англаб, қизини нима йўл билан бўлса-да, тирилтириш истагида куяди. Донишмандларга мурожаат этганда:Қизинг айтган шеърнинг тўртинчи сатрини топиш керак, унинг учун у севган йигитни келтириш лозим, у билади, дейди. Йигитни келтиришади. Суйган гулини жонсиз ҳолда кўрган ошиқ аламидан “Оҳ” уриб қизнинг дудоғидан бўса олганида гўзал аста-секин кўзини оча бошлайди. Шунда қиз бўғзида қолган шеърнинг ҳаёт сеҳри яширин тўртинчи сатрини қўшиб айтади:

“Ишқ-умрга орзу,

Кўнгилга армон,

Ишққа на тўсиқ кор

Ва на-да фармон

Бошим этсаларда танимдан жудо-

Бўсанг зилолидан қайта топгум жон” (Анвар Исроилов)



***

“Дард дебон ким айтмиш они, дардларимга дори ишқ..”(А.Навоий)Бу ҳикояни ўқиб


демак, ишқ-муҳаббатнинг сеҳри шу даражада кучли экан-да?!деб ўйланасан..


Демак буюк алломалар ва шоирларимиз ҳам бекорга шундай сатрлар битишмаганлигига амин бўламиз: “Ишқ ичра мени йўқ айла ё Раб” (Алишер Навоий), “Севги-муҳаббат обрўли одамни хор қилади, тубан одамни эса ҳурматли инсонга айлантиради”. (Мажидиддин Хавофий) “Ўлчовларга сиққан севги-ғарибдир” (В.Шекспир), “Ишқни на билсин соғлари” Ю.Эмро, “Чин муҳаббатда меъёр ва чегара бўлмайди” (Прокеразций),“ “Фақат ишқ, фақат ишқ, бошқаси сароб, бошқаси шамолнинг оний сурони”.Шавкат Раҳмон), Қалби бандининг-ўзи банди(мақол),“Аёл ҳамма нарсани кечириши мумкин. У ишқини рад қилганни кечиролмайд:cray:и. У сизни севишини айтдими, билаверинг, шу ондан бошлаб сиз унга ё ёрсиз, ё –ЁВ”. (Виктор Алимасов)

[Nigora Umarova]

Шу ерда бир лирик чекиниш ёки мавзудан чиқсак майлими? (Бунинг учун азиз Форумдошлардан қаттиқ узр сўрайман? Тўғриси бу яхши нарсани сизларга жуда илингим келди)

Gulchehra opa!
Keyingi safar ko'ngil satrlarini "Dildagi satrlar" mavzusida chop etsangiz.

[Gulchehra Ibragimova]

“ЎЗБЕК ЎҒЛИ”
Икки дарё ўртаси кенг дастурхон,
Туз тотгансан, тузлуғингни унутма.
Дастурхонни белбоғ қилиб ўстирган
Ўзбек ўғли ўзлигинигни унутма!

Садарайҳон букилгани-сўлгани,
Эр йигитнинг эгилгани-ўлгани.
Йўл бермагил душманларга кулгани,
Ўзбек ўғли ўзлигингни унутма!

Ўзбек десам жаранглаган тор келур,
Ундан олдин номус ила ор келур.
Бургут келур, лочин келур, сор келур,
Ўзбек ўғли, ўзлигингни унутма!

Унутмагил насабингни, зотингни,
Умид билан отанг қўйган отингни.
Асра эрта кунингни-зурёдингни,
Ўзбек ўғли, ўзлигингни унутма! (Иқбол Мирзо)

[bekww]

Қуёш бўлсанг сен осмондан қулиб боқ,
Чаман бўлсанг гулларни соч хушчақчақ.

Чашма бўлсанг тиним билмай қайнаб тур,
Булбул бўлсанг сахар туриб чағ-чағ ур.

Оҳу бўлсанг оҳу кўзинг яширма,
Арслон бўлсанг босган изинг яширма.

Турна бўлсанг узоқлардан бер садо,
Бургут бўлсанг қояга қил жон фидо.

Одаммисан эзгу ишдан қўл узма,
Нокасларга шавкат қилма, қўл чўзма.

Яхшиларнинг елкасида бу олам,
Яхшиликни ният қилсин хар одам дедим.


Ўзбекистон халқ артисти Эркин Комиловдан

[bekww]

Ўзбекистон халқ артисти Эркин Комиловдан
http://video.mail.ru/inbox/n_a_g/522/558.html

[Nigora Jumaeva]

Mening muhabatim nimaga arzir
Nimaga ham arzir yonib kuyganim,
Mehr bu sunnatdir, mehr bu farzdir.
Seni Hudo suysin mening suyganim.
Eshqobil Shukur

Bugun ilk bor boshingni egding,
Balki ko`p eslading kuyganligingni.
Yana nomard bevafoni suyganligingni,
Yo`q gulim go`zalim, malagim mohim,
Marvarid ko`zligim,ko`zim qarog`im.
Aslo ranjimagin men bevafodan,
Vafoyimni visolingda sezasan chindan.
Yurakdan hohladim bahtingni seni
Yurakdan yo`linga alanga yoqdim.
Faqat qarg`amagin, qarg`ama meni,
Sendan har nigohda bir mahr topdim.
Ammo yo`lda yolg`iz qolmaydi xech kim,
Xech kim xotiridan o`chib ketmaydi.
Faqat yosh to`lmasin ko`zinga lim-lim,
Hayollaring mensiz uhlaydi.
Faqat sendan o`tinch o`ksima mendan,
O`ksima borlig`im seni qumsaydi.
Agar baht topmasang nomalum undan,
Unda qilichimni sevgi qayraydi.
Abdukarim Mirzayev

[bekww]

* * *

Хайр қилмоқ хотирингға келса, эй марди қуёш,
Ҳар кишига бермагил албатта чарлаб нону ош.

Демағил, бу яхшилиқ қилсам қилур деб яхшилиқ,
Бўлмағай осон тутуб ҳар ваҳшини қилмоқ юввош.

Эй биродар, бўлса ақлинг яхшилар даргоҳиға —
Молингу жонингни бер, остонасидин олма бош.

То тириксан қилмагил ҳар ким била жангу жадал,
Кўп савоб эрмиш уруш орқасидин қилмоқ яраш.

Кимни кўнглунг суйса хизмат айла жону дил била,
То юракдин оқса қону кўзларингдин оқса ёш.

Эй Садойи, бу ғаниматни дилу жонингда кўр,
Неча тиклаб боқса ёрингга қачон ўхшар қуёш.


Мирҳасан Садойи (1820 й. вафот этган)

[Behzod Ostonov]

Однажды Бога попросил мужчина
Создать ему объект его любви.
Бог отозвался, выяснив причины.
И создал женщину из плоти и крови.

Немного света лунного прибавил
И солнечным сияньем осветил.
Во нрав он кротость голубя добавил,
А стройность серны в стане воплотил.

Создатель так увлекся над твореньем,
Что наделил ту женщину слезой.
Вселил в нее он молнии мгновенье
И легкость пуха он смешал с грозой.

Наполнил голос соловьиным пеньем,
Болтливостью сороки наделил.
А в результате страстное творенье
Всевышний для мужчины сотворил.

Бог жизнь вдохнул в прекрасное созданье,
Просящему отдал его заказ.
"Бери и мучайся", - сказал он на прощанье.
"Люби и береги как божий глас".

С тех пор мужчина - пленник и хранитель
Прекрасной смеси, отданной ему.
Он муж, любовник, критик и ценитель.
А все вопросы - к Богу самому...

[Gulchehra Ibragimova]

Ватанга

Сақлолмайди садоқатни шу қиз дема,
Ой деб қара, мени сўник юлдуз дема,
Юлиб ташла, шу ҳам битта илдиз дема –
Ватан – сени жоним қадар севолмасам!

Кўзларимнинг қаросида асрай сени,
Қошу-қовоқ аросида асрай сени,
Сўзларимнинг саросида асрай сени –
Агар сени жоним қадар севолмасам.

Рўмолимни белбоғ қилиб тақиб ўтгум,
Хоинларинг нафратимла ёқиб ўтгум,
Юрт сотганга бир умрга рақиб ўтгум –
Ватан – сени бир умрга севолмасам.

Йигитларинг юрагида ори бордир,
Шербилаги, ҳатто шердан зўри бордир,
Тузлуғингга тупурганнинг шўри бордир –
Ватан – сени бир умрга севолмасам.

Ўзи заиф, сўзи ёвқур ғазалман-ман,
Сенсиз ҳеч ким, бир ғарибу ўсалман-ман,
Баъзи номард, алп келбатдан афзалман-ман,
Ватан – сени бир умрга севаман-ман.

[Gulchehra Ibragimova]

Отаси бор одамнинг

Отаси бор одамнинг кўнгли бошқача экан,
Бир қўли юлдузгача, бири ошгача экан.
Товонига кирса ҳам қалбига кирмас тикан-
Отаси бор одамнинг кўнгли бошқача экан..

Ўн фарзанди йиғилиб бир отани боқолмас.
Ё уйининг чироғин тинч хотиржам ёқолмас.
Ота учун ҳар бирин ўрни бўлак, йўқолмас-
Отаси бор одамнинг кўнгли бошқача экан..

Ўлимни билмас киши, дейди: "Хали отам бор",
Уникидир бахт қуши, мудом унга омад ёр.
Чиқса ҳам ақл тиши, боладек беэътибор-
Отаси бор одамнинг кўнгли бошқача экан..

Бошига иш тушса ҳам, ёв турса ҳам сезилиб,
"Воҳ орқам" деб ўртанмас, жигар-бағри эзилиб.
Бу дунёнинг ками ҳам туравермас сезилиб-
Отаси бор одамнинг кўнгли бошқача экан..

Бобур айтар: "Аё дўст, отанг-ла фахр айла,
Сотса ҳамки рози бўл, амрига сабр айла.
Дуосини олиб қол, бор пайти қадр айла-
Отаси бор одамнинг кўнгли бошқача экан"..

Бобур Бобомурод

[Gulchehra Ibragimova]

ОНАЖОН
Гоҳо сизнинг борлигингиз унутдим.
Йўлларимда зорлигингиз унутдим,
Умидлари кесилган бу дунёда
Ёлғиз умидворлигингиз унутдим
Ғаниматим, омонатим-онажон.

Ошно топдим, валекин дўст топмадим,
Оқкўнгилли бир қоракўз топмадим.
Шамолларга совурдим гул сўзларни,
Лекин Сизга бир ширин сўз топмадим.
Ғаниматим, омонатим-онажон.

Баъзан фалак менга бағритош келди,
Ишонганим ғанимга йўлдош келди.
Омад кетса, ҳамма кулди устимдан,
Фақат Сизнинг кўзингизга ёш келди.
Ғаниматим, омонатим онажон.

Фурсат ўтиб, сочга қиров қўнаркан,
Севги оташлари аста сўнаркан.
Барча туйғу алдамчи ва ўткинчи,
Она меҳри ёлғиз собит қоларкан.
Ғаниматим, омонатим-онажон.

Ҳоки пойингизни кўзимга сурай,
Ўзим ярим кўнглингизни тўлдирай,
Бир чеккага суриб қўйиб дунёни.
Ўғил бўлиб, ёнингизда ўлтирай.
Ғаниматим, омонатим-ОНАЖОн!

Иқбол Мирзо

[Gulchehra Ibragimova]

Шоир ДИЛСЎЗнинг "Онам хотирасига" туркум шеърларидан парча

"Уйланайин, хали кўрасиз,
СИЗНИ ОЛИБ ЮРАМАН БОШДА".
уйланди-ю, шўрлик онаси
Хизмат қилар иккита ёшга.

"Ҳашаматли бир уй қураман,
Яна бир оз сабр қиласиз".
Қуриса-да тиззада дармон,
Сабр қилди она, шубҳасиз.

Йўқлаганда онани фарзанд
Афсус-афсус. фурсат ўтганди...
Бутун умр Она ўғлидан-
БОЙЛИК эмас. МЕҲР кутганди.

* * *
Э-воҳ!
Йиллаб мени кўтарган онамни
бор-йўғи бир марта кўтарибман-а?!
Бор-йўғи бир марта!!.
Унда ҳам ТОБУТДА.
Унда ҳам бор-йўғи-
Тўртдан бир қисмини!..

***

Сиз кўз юмдингиз-у,
Менинг кўзим очилди.
Қалбдаги андуҳларим
Кўзёш бўлиб сочилди.

Йиллар ўтиб, кўз қотар,
Ҳайҳот қалбим овунмас.
Энди мени қишлоқда-
ҲЕЧ КИМ СИЗДЕК СОҒИНМАС..

[dracony]

Baxt

Baxt so’zin neligin anglatgin menga,
Balki baxt yo’qlikdan borlikka eshik,
To’kis baxt bormikan yorug’ olamda,
Nega baxtga bo’lar dardu g’am sherik.

Bu so’z ma’nosin tushunmoq uchun,
Baxtsizlik domiga tushmoqlikmi shart?
Yetmaymiz baxtimiz qadriga bu kun,
Ertaga chekamiz afsus, nadomat.

Inson kamchiliksiz bo’lolmasmi hech,
Xatolar qilamiz takror va takror,
Lek saboq olganda bo’lar ekan kech,
Yana baxt kulib hech boqarmi bir bor.

Ortimizda qolar uzilgan rishta
Yuraklarda qolar olovli bir iz,
Balki shu baxtsizlik bolar bu ishda
G’ururning oldida qolamiz ojiz.

To’kis baxt tilayman senga azizam,
Mayli dardu g’amni chekaman o’zim.
Senku bir farishta, baxtli bo’l erkam,
Senga dard chektirmam, ochiqdir ko’zim.

Feruz Yadgorov

[Gulchehra Ibragimova]

"Бир кунгина дунёни болаларга берайлик" Нозим Ҳикмат

Болалар қалбини бир кун кезсангиз,
Саволлар қийнамас нега, не учун?
Ҳаволарда оғир қайғу сезсангиз,
"Болаларга беринг дунёни бир кун".

Ерда ер шарини ўйнаб юрсинлар,
Тинчлик қўшиқларин куйлаб юрсинлар
Байраму тўйларда тўйлаб юрсинлар,
Болаларга беринг дунёни бир кун.

Қўлларидан тутиб айиқчаларни
Сувларга оқизсин қайиқчаларни,
Белларига боғлаб қийиқчаларни,
Болаларга беринг дунёни бир кун.

Уларга дўст бўлсин тоғда оҳулар,
Эртаклардан чиқиб келсин сахийлар,
Босмасин десангиз юртни ёғийлар
Болаларга беринг дунёни бир кун.

Юртга барокатлар тилаб беради,
Мангу фароғатлар тилаб беради,
Сизга саодатлар сўраб беради,
Болаларга беринг дунёни бир кун.

Боласиз дунёлар рўёдир рўё,
Қалбингизда сайрар булбулигўё,
Гўдак нафасидек тозарсин Дунё,
Болаларга беринг дунёни бир кун.

Гулжамол Асқарова

[Alisher Asror]

Assalomu alaykum , forum qatnashchilari!

Men bir do`stimning taklifi bilan forum bilan tanishib , ochig`i juda xursand bo`ldim, undagi ziyoli kishilarning tafti meni ham ilitdi, ham dilimda to`planib qolgan fikrlarni bayon qilish istagini paydo qildi.

Endi bu rukn uchun ayrim she`rlarimdan qoldirmoqchiman.

***

,,Ма шаир ту наҳе..." ( Ҳинд фил`мидан).
Мен шоир эмасман ,
Бу ёзганларим
Юрак чокларидан сизиб оққан дард…

Мен шоир эмасман ,
Агар ёзмасам
Тунлари йиғлашни ўргатсин бир мард .

Мен шоир эмасман ,
Шеърлар битмасам
Юрагим ноласин қайга солайин !?

Мен шоир эмасман...
Узр дўстларим,
Шоир бўлиб бир дам ўлиб олайин.
***

[Alisher Asror]

***

Jannatdan bir meva yema dedilar,
Shayton aytgan so’zni dema dedilar,
Yo’ldan adashgan ham bizdan edilar,
Xatolar mangudir, tushunmoq mangu!

Yugurdim manzil deb chapdast, pahlavon,
Molu-tillolardan tikka-zo’ravon,
Sulaymondan saboq olmagan lodon…
Xatolar mangudir, tushunmoq mangu!

Orqamga dunyoni opichlab chopdim,
O’yladim eng aziz ne’matni topdim,
So’ng to’xtab… bu <<eski do’kon>>ni yopdim
Xatolar mangudir, tushunmoq mangu!

Suyanib ko’zaga, chaldim rubobim,
Xursandligim bunda, bunda azobim,
Shodon dilim, yana dili kabobim…
Xatolar mangudir, tushunmoq mangu!

Alisher Asror

[Alisher Asror]

Kun issiq jazira turar shahringda,
Men bo`lsam eshiging ortida muzman.
Menga peshvoz qadam qo`ymading bahor…
Qo`rqdingmi , men qishmas shunchaki kuzman.

Sunchaki silkitib hazonlar to`kkan,
Bevatan shamolning vatanidanman,
Yuzingni ko`rishni ming asr kutgan,
Sabrning so`nmagan gulhanidanman.

Bilmading kimligim , qaramading ham,
Bir odim tashlamoq shunchalar malol…
Eshiging ortida men hamon mulzam,
Muhabbat basirmi , muhabbat uvol!?!

Alisher Asror

[Alisher Asror]

***

Har ko`rganda ko`zimga nur ko`rinaver,
Har ko`rganda go`zal va hur ko`rinaver,
Har ko`rganda bebaho dur ko`rinaver,
Shunda sevay, qayta –qayta, bir o`zingni!

Mayli deyman toshmi o`sha oynaga boq,
Mayli rashkim sindiraman hammaga yoq,
Yonib turgin ko`z – ko`zlarga tushgani chog`,
Shunda sevay, qayta –qayta, bir o`zingni!

Bir kun kelib cho`p tutqizsa qo`lga Dayr,
Kunim bitib yakunlanib qolsa sayr,
Shunda senga termulsamu demay xayr,
Faqat sevsam, qayta –qayta, bir o`zingni!

Alisher Asror

[Alisher Asror]

Bir yuz ko’rdim,barno,go’zal
Husni parilardan o’zar,
Ko’zin suzib,bag’rim ezar,
Balolarga qoldimmikan?

Pardozlanib suydiradi,
Sal nozlanib suydiradi,
Olovmidi kuydiradi,
Balolarga qoldimmikan?

Borsam darvozasi qulf,
Ovoz berdim sal tutilib,
Nega kelding?- so’rdi kulib,
Balolarga qoldimmikan?

Ko’rsam havo yetmay qolar,
Sim-qaltiroq ketmay qolar,
Ofatmikin jonim olar
Balolarga qoldimmikan?

Alisher Asror

[Alisher Asror]

Do`st

O`tadi: ulfatlar, tanish bilishlar,
Goh qovoq o`yishlar, xandon kulishlar,
Bahorda ochilib, kuzda so`lishlar…
O`zim bilmay har kun kutaman seni,
Ko`ngil mehrobida tutaman seni.

“Kimdir kelmadimi”- yurak “qirs” etdi,
Bazm dasturhondan xuddi fayz ketdi,
Nimadir uzildi, tamoqqa etdi…
Ko`ngil mehrobida tutaman seni,
O`zim bilmay har kun kutaman seni.

Davron yuklarini elkaga ortib,
Umrni etaklab ,yugurib , tortib,
Ba`zan aro yo`lda kimsasiz qotib…
Oz`im bilmay har kun kutaman seni,
Ko`ngil mehrobida tutaman seni!

Alisher Asror

[Alisher Asror]

Kuzak shamollaring ila parchalanib men,
Yomg`irlaring bilan erga singdimku…
Qishning qor to`foni elkamdan bosdi,
To ko`klam kelguncha unsiz tindimku…

Bahor chechaklaring nish urgan umid,
Er bag`rin tilkalab o`sib, undimku…
Yozda pechak bo`lib ko`kka intilib,
Yana kuz ne desa shunga ko`ndimku!

Alisher Asror

[Alisher Asror]

***

Yarim tun…xonadon… Yolg`izlik
Kelib peshonamda raqs tushadi.
Jimlik sahnasida bu kimsasizlik,
Sening kelishingga o`hshadi.

Men istar do`st – yorim borga o`hshaysan,
Ba`zida ishonib ko`nglim tiladi.
Ba`zida menga ham zorga o`hshaysan,
Asli kelmasliging hamma biladi.

Mo`jiza , bilaman, bo`lmagan g`avg`o,
Aqlim ikki dunyo sirin biladi.
Seni kelishlaring falakdan sovg`a…
Yosh bola eshitsa qotib kuladi!

Xaqiqat va hayol o`rtasida jim…
Yarim tun, xonadon, yolg`iz Men…
Dunyoning teskari tamonida kim?!?
Yarim tun, xonadon, yolg`iz Sen…

Alisher Asror

[Alisher Asror]

Бошимни дастидан ёстиқ эзилди,
Оёғим тагида гилам қони бор.
Бунчалар бу қишда совуқ сезилди
Қачон қучоғимга қайтасан баҳор?!

Совуқнинг ҳукмидан этимда титроқ
Чўзилиб ётади том устида қор...
Биламан, биламан сен дўстсан- ўртоқ,
Қачон қучоғимга қайтасан баҳор?!
Тоғларнинг бошида оқ подишолик
Сумалакдан улар тикиб қўйган дор...
Гули-чечагингла гўзал, иболик,
Қачон қучоғимга қайтасан баҳор?!
Соғинчингдан сизиб қоним тўкилди,
Ўтин бўлаяпман бир ёнишим бор...
Сенингсиз бағримга гуллар экилди,
Қачон қучоғимга қайтасан баҳор?!

Алишер Асрор

[Nigora Umarova]

Alisher Asror, iltimos she'rlarning so'ngida muallifini ko'rsatib o'tsangiz.

[Alisher Asror]

Uzrlar , hammasi o`zimniki bo`lgani uchun yozmagan edim, yanagi safar ilova qilib yozib o`taman.

[Gulchehra Ibragimova]

Сўзингни манзилга етказганим йўқ,
Қачон кўнгилларни шеърга ўрайман?
Тунларимни ҳалол ўтказганим йўқ,
Тонгларнинг юзига қандай қарайман?

Покланиб олгани Нур керак менга,
Шайтоннинг қўлида чирманда қилма.
Худойим, энг гўзал Шеър керак менга,
Тонгларнинг олдида шарманда қилма!

Беҳзод Фазлиддин

[Gulchehra Ibragimova]

АЙБНОМА

БЕҲЗОД фАЗЛИДДИНГА АЙТИБ ҚЎЙИНГЛАР,
Бу тун ҳам ухламай чиқди онаси.
Узун бўлиб кетди, тилин қийинглар,
Онаси кўксида ғамлар шодаси.

Қишлар келиб бўлди, у гап тузгунча,
Бир бор ҳовлисида қор кураб берсин.
Бировга ёқай деб гуллар узгунча,
Бориб онасининг дардини терсин.

Кейин гуллайверсин, кўкарсин, майли,
Отанинг дуоси бошлагай тахтга.
Нега толеидан йўллари айри,
Онасиз ҳам бориш мумкинми Бахтга?!

Ишига ишқ қўйган қандай фарзандки,
Лоақал кўнглини очиб кетмайди.
Дарвоқе, у кишим шунчалар бандки,
Ўзидан бошқага вақти етмайди...

БеҳзодФазлиддин

[Alisher Asror]

Ko`klam…alvon lola – qizaloq,
Buncha go`zal, menga ham bir boq!
Yetmasidan nafasim hali ….
To`kiladi lolaqizg`aldoq.

Alisher Asror

[Gulchehra Ibragimova]

Билмаган дарахт


Ўз кучи, ўз бардошини билмаган дарахтман мен
Қоқилгандай
Битта жойдан жилмаган дарахтман мен.
Сершох, сербарг новдалари чақ-чақлатиб қушларни
Умри бўйи ўзи бир бор кулмаган дарахтман мен.

Ҳолбуки,
Шўх шамоллар-ла дайдиб кетсам бўларди,
Кўп ишқий қўшиқ билардим, айтиб кетсам бўларди,
Қайтиб кетсам бўларди-я, қайтиб кетсам бўларди,
Аммо, манглайига қайтмоқ
Битилмаган дарахтман мен.

Биров пичоқ билан кесди, сўрди шираларимни
Бошқа бири каллаклади, кўрди ичим, қаъримни.
Баргим пилла қурти еди, биров кийди заримни
Мен-чи,
Бировлардан бир барг юлмаган дарахтман мен.

Ўз кучи,
Ўз бардошини билмаган дарахтман мен.

Халима Худойбердиева

[Alisher Asror]

Ўз кучи, ўз бардошини билмаган дарахтман мен
Қоқилгандай
Битта жойдан жилмаган дарахтман мен.
Сершох, сербарг новдалари чақ-чақлатиб қушларни
Умри бўйи ўзи бир бор кулмаган дарахтман мен.

Juda chiroyli satrlar!!! Taqdim etganingiz uchun ,Gulchehra sizga ,rahmat!

[AbuMuslim]

ШАБИ ХАЁЛ

Жисмингда жон бўлса,
ундан ҳазар қил,
ҳақорат — хотирга санчилган найза.
Сезаман — поёнсиз қоронғиликда
чинқириб ўсади хўрланган майса.
Сезаман — бевақт кесилган дарахт
баттар кўкаришни уйлаб шайланар.
Сезаман — не йилдир заҳардан карахт
замин ўз ўйида
даштга айланар.
Хавфлидир хотирот ўрамалари,
не-не ҳақоратни ютса қаърига,
жим ютиб юрсаю
минглаб йилдан сўнг
юзага чиқарса анча наридан.
Ҳазар қил
ҳақорат зарраларини
мукофот санаган хотирасиздан.
У қайси томонга юрса, барибир,
дод ёки ҳақорат қолар изидан.
Мана, хотирасиз, хаёл кучини
бутун борлиғи-ла топтаган дажжол,
у гулдек аёлнинг ўт оғушига
ҳақорат уруғин экар бемалол.
Дунё нима ўзи,
дунё — юксаклик,
юксак манзилига қайтади хаёл
ва лекин бу аёл хокисор нега,
нега ҳақоратга чидар бу аёл?! ...
Юлдузлар бақраяр...
Ёғду бодида
солланиб чайқалар қамар — беланчак.
Ўҳ, кандай ҳақорат,
ўҳ, шаби золим,
овозсиз чинқириб келар келажак

Шавкат Раҳмон

[AbuMuslim]

БИР УМР ТОҒ ЭТАГИДА ЯШАБ, ТОҚҚА ЧИҚМАГАН ОДАМНИ УЧРАТГАНИМДА

Қорлари қиличдай ярқираб ётган
тоғларга боқарсиз,
сувдай оқарсиз.
Ёшин яшаб бўлиб уйғонган одам,
куйиб бўлган дилни қандоқ ёқарсиз.
Хўрсиниқ,
нақадар баланд хўрсиниқ,
оралиқ ойида сиздай чўллайин.
Юраги — вайрона,
кўзлари — синиқ,
армон-ла қайтётган одам бўлайин.
Гирялар тўлқини босиб келганда,
бўғзимда қушлардай куйласин титроқ.
Ёмғирлар бўзласа елкаларимда,
мушукдай суйкалса
қопағон итлар.
Илк бора — сўнг бора кўриб дунёни,
қўллар муштга дўниб,
инграмоқ бахтдир.
Жимлик саҳросида бир зум қувониб,
бўшлиққа суяниб, йиғламоқ бахтдир.
Сой соймас,
булбуллар оққан ўзандир,
зулмат салтанатин ўпирган қуёш.
Куннинг оғозида қандоқ гўзалдир
фазога қуёшдай кўтарилган бош.
Энди ният қилинг,
ният соф бўлса,
тупроқ-да одамга дўнажак бир кун,
тошдан-да одамлар унажак бир кун,
қайта тирилажак агарда ўлса. ...
Кунларга чўкаркан
мисли ҳофиза,
борлиққа кечиккан розини айтиб,
ишондим, бу одам нурдай покиза,
ишондим, бу одам келади қайтиб...

Шавкат Раҳмон

[Nigora Umarova]

Бугун Ёзувчилар уюшмасида байрамга бағишланган тадбирда шоира Гулжамол Асқарова шеър ўқиб берди. Шеър ёқиб қолганлиги учун ёзиб олдим.
Аёл қўшиғи
Эй дўстларим, шу ўт фаслимда,
Кўксим ичра бир нур тўляпти.
Шеърларимни парча-парчалаб,
Битта алла ёзгим келяпти.

У аллани боламга айтсам,
Кўксимдаги ноламга айтсам,
Дунё бешик бўлса тебратиб,
Олам ичра оламга айтсам.

Бир тарафда-ўғлим полвоним,
Бир тарафда-қизим сайроним,
Ўртасида ўтирсам ўзим,
Ўзим бахтимга ўзим ҳайрона...

Ёвқурлигим либосин ечиб,
Дубулғамни бошимдан отсам,
Тўмарисдан қолган қилични,
Бир бешикнинг нархига сотсам.

Оналикнинг хумори келиб,
Елкам узра тушганида юк.
Внгладимки-аёл зотининг
Шеъри бўлмас алладан буюк.

Гулжамол Асқарова

[Alisher Asror]

Sal erta bo`lsa-da, barcha ayollarimizni bayramlari bilan qutlayman!

Sovuq zanjirlarin bo`shatdi, sindi,
Qishning qahrlari - bo`roni tindi,
Bahorning bag`riga maysalar indi…
Ko`klamning chechagi o`zing bo`laqol,
Bayraming muborak , ey, aziz Ayol!


Sen Ona erursan, Havoning o`zi,
Mening muhabbatim sevgim yulduzi,
Singlim – jigargo`sham, suyukli qizim…
Sengadir tabrigim, gullarimni ol,
Bayraming muborak , ey, aziz Ayol!

Alisher Asror

[OmoN]

6-йил аввал қаердандир кўчирволгандим. Муаллифини билмайман.
Yaqin o'tgan zamonda, allaqaysi tomonda,
Odam bilmas bu zamin yashar ekan sisadmin.
Eski kompi yonida o'ltirarkan erta kech,
Viruslar-u yuzerlar tich qo'ymaslar uni hech.
Xatto ba'zi vaqtlar ovqat yemas, ichmas choy,
Bosh qashlashga yo'q fursat tanlamaydi uyqu joy.

Shunday kunlar birida ko'z qizargan, qorin och
Bosh qashladi sisadmin:
(Po'stak bo'lib ketgan soch).
Monitorda hayoli, bir qo'l sichqon qidirar,
Birida boshdan tolgan kichik burga pitirar.
Sisadminga burgani chaqqani qildi alam,
Jon qayg'usi ostida tilga kirdi burga ham

- Ey odamzod bolasi! Tingla burga nolasin!
O'ldirmagin oshnajon, bolam yetim qolmasin!
Quloq solgin bir nafas, ko'p sirlarni bilaman,
Qo'yib yubor sochingga, ho'p yahshilik qilaman:"

Bunda hoyron sisadmin, yelkasini uchirar
Spikerlar ovozin gox ko'tarib tushirar.
Esi og'ib sisadmin virtual deb o'ylaydi,
Monitorga anqayib o'z-o'ziga so'ylaydi:
- Ont ichaman, Windowda bunday xato bo'lmagan,
Hattoki Bill Geyts ham bunday burga ko'rmagan.
Kasperskiy viruslari ichida yo'q bundog'i,
Internetda ko'p ishlab aqldan ozdim chog'i...

O'ylanadi sisadmin, tinmay boshin qashlaydi
Kelolmay bir qarorga burga ko'nglin g'ashlaydi.
Ohir dedi, "Chidolmasman burgalar ko'z yoshiga,
Boshqa halal berma," - deb qo'yib qo'ydi boshiga:

Kun o'tqazib sisadmin kelar ishxonasiga,
Ko'rib eski kompini urar peshonasiga.
- Eh, axmoqman, o'zi men, omad kelsa bilmabman!
Hech bo'lmasa yangi komp talab qilib olmapman!
O'sha tilla burgani mendan jonga qarzi bor,
Qolaversa bunday joy, oshu-nonga qarzi bor.

Bosh qashlaydi sisadmin, izlar tilla burgani,
Topsa tilab tilagin davru-davron surgani.
Bosh dabdala bo'lgan chog' tirnoqlarning kuchiga
Burga kelib qo'nadi qoq burunning uchiga:
Deydi: "Ey olampanoh! Keching zarra qonimni,
Menga bergansiz panox, asragansiz jonimni.
Ne sabab bosh qashlaysiz? Menning dilim g'ashlaysiz?
Tilang tilagingizni! Ne savdolar boshlaysiz?!"

Admin deydi xo'rsinib: "Burga, tushun holimni,
O'zing menga yordam qil istasang kamolimni.
Kompyuter eskirgan, xuddi siniq arava,
Xotirasi yo'q hisob, ichi chigal kalava.
Vinchesterni ichiga in qurgan bad sektorlar
Viruslarni domiga tushib qo'lgan vektorlar.
Windowsni o'ylama, ishlar faqat MS-DOS,
Har bitta bayt hisobda. Ishonmaysan aytsam, do'st.
Hullas, menga Burgajon, bitta yordam berasan,
Menga atab super zo'r kompyuter terasan!
Yo'q deyishga shoshilma, sexrlisan, bilaman,
Yordam qilsang bir umr senga qulluq qilaman!"

Burga deydi: "Mayli siz aytganizcha bo'ladi
Tashvish qilmang, sovg'amdan xo'p ko'nglingiz to'ladi".
Shunday deb bir sakradi Burga burun ustida,
Birdan shovqin boshlandi Sisadminning ostida.
Kayfi o'char sisadmin, atrof tuman chang-to'zon,
Toza havo buzilgan, ko'z ochirmaydi bo'ron.
Bir oz o'tib sisadmin asta kelar o'ziga,
Bo'ron tingach, qarasa... Ishonmaydi ko'ziga:

Qarshisida yaltirab turar super terminal
To'rtta CPU! Cheksiz RAM! Xammasi original!
Og'zi ochiq sisadmin, hol qolmagan turgani
Yodga kelmas "Yo Rahmon", unutvorgan burgani.
Shundan buyon sisadmin ishlab sira tolmaydi
Qo'llar ikki sichqonda boshin qashlay olmaydi.
Kun o'tdimi yoki tun farq qilmaydi sisadmin,
Unut bo'lgan bu hayot, unut bo'lgan bu zamin.

Shunday kunlar birida kelib fikr boshiga
Urib qoldi sisadmin yag'ir peshonasiga:
- O'zi yaxshi bolamanu, aqlim oqsab qoladi
Ahir qaysi sisadmin mendek maosh oladi,
Erta-yu kech yuzerlar tegib ketar jonimga
Xar tomondan vuruslar tashna qilar qonimga.
Bir tomonda eski modem, tezlik sira oshmaydi
Ahir bunday internetda kimda sabr toshmaydi?

Bosh qashlaydi sisadmin izlar tilla burgani
Topsa tilab tilagin davru-davron surgani.
Bosh dabdala bo'lgan chog' tirnoqlarning kuchiga
Burga kelib qo'nadi qoq burunning uchiga:
Deydi "Ne gap? Ey do'stim, nega boshing qashlaysan?
Nega holing parishon, mening dilim g'ashlaysan?!

Admin deydi xo'rsinib: "Burga tushun holimni
O'zing menga yordam qil istasang kamolimni".

Shunday deya sisadmin dardin to'kib soladi
Burga esa tilagini inobatga oladi.
Burga sakrab joyidan ko'tarilar chang to'zon
Bo'lgan o'zgarishlarni bizga aytmoqqa oson.

Sisadminning bitta ham tarmog'ida yuzer yo'q,
Antivirus kerak emas viruslardan ko'ngli to'q.
Bill Geytsning o'zi unga dastur yozib beradi,
O'sha Linus Torvalds drayverlar teradi.
Hatto mashhur IBM unga qaram ishlaydi
Dam olganda virtual Alyaskada qishlaydi.
Bir yonda 3D qizlar puldan gullar dastalar
Yonida virtual Bax unga qo'shiq bastalar.
Xullas kalom ishlar besh, davron surar sisadmin
Xatto uning nomiga o'tkazildi bu Zamin.
Shunday... Qaxramonimiz, ishlamaydi, tolmaydi,
Qo'llar botgan oltinga, boshin qashlay olmaydi.

Bir kuni kayf holiga fikr kelib boshiga
Urib qoldi sisadmin yana peshonasiga.
Endi boshi qashlamas. Chaqiradi burgani
Ko'tarilgan burnida yana uni ko'rgani.

Burga kelar bag'ri hun, holi qurigan butun,
(toza joyda yashashdan ne foyda burga uchun?!)
Iltimosni unutgan, sisadmin do'q qiladi
Burnidagi burgani oyog'idan iladi:
-Endi burga, oshnajon, xamma ishni bilasan
Bugun bitta maslahatli vazifani qilasan.
Yalinmoqlik burgaga obro'yimga xos emas,
Yana bundan tashqari turqimiz ham mos emas.
Xatto chidab kelganmiz, yashasang ham boshimda,
Endi qo'lni qovushtirib turgin mening qoshimda.
"Vinchestering" eskirgan, hotirangga ishonch yo'q,
"Birdan o'lib qolsa" deb bo'lolmaydi ko'nglim to'q.
Xullas, Burga, oshnajon, sirni menga aytasan!
Shunda yana boshimga eson omon qaytasan.

Burga deydi: Ey gumroh, ko'ngling neni istaydi?
Rost. Orzuga ayb yo'q! Faqat kulgim qistaydi.
Mayli deydi, sen aytgan xar ish bo'lsin iloyim,
Faqat, shoxni gadodan qarz qilmasin Hudoyim.

Shunday deya sakradi Burga admin qo'lida
Faqat qoldi chang-to'zon uning ketgan yo'lida.
Tuman tushib olamga, ko'kni bulut qopladi,
Bo'ron bo'lib, yog'ib do'l, xammayoqni bopladi.
Ko'z ocholmas sisadmin ko'zga xas-cho'p tiqilgan
Quyun ilib oyog'in, bir chekkada yiqilgan.
Ko'kda chaqmoq tinadi... Bulut chetga qochadi...
Quyosh bilan sisadmin asta ko'zin ochadi...

Atrof jim-jit, sokinlik... Zulmatga botgan zamin...
Eski kompi yonida o'tiribdi kal admin...
Ayo do'stlar kulmangiz, Sisadminning holiga
Toki tushib qolmaylik biz uning axvoliga!

[Nigora Jumaeva]

МЕНИНГ БАҲОРИМ

Эшиклардан бир-бир тушмоқда илгак,
Анҳордек жимирлаб оқмоқда йўллар.
Ҳамма бир тарафга кўз тиккан илҳақ,
Баҳор шу томондан келармиш гуллаб.

Уйда эса, нигоҳ солиб оқ шифтга,
Битта жажжи ниҳол ёзади куртак —
У фақат баҳорнинг номин эшитган,
У ҳали баҳорни кўрмаган гўдак.

Носиржон Жўраев

Ишон, одам, баҳорга ишон,
қара, гўдак каби беғубор —
мингинчи бор оловдай порлоқ
гулларини кўрсатар баҳор.
Баҳор сенга ишонар, қара,
сузиб чиқди кўзига юрак —
қараб турар сенга интизор,
сен баҳорни севишинг керак.
Кўзига боқ, ҳайдама уни —
мингинчи бор қилмагин хато.
Остонангдан кетмайди баҳор,
сен аслингга қайтмагунча то.
Шарқиратар асов сойларин,
нафасидан ранглар уфурар,
ўйнайверар яшил қушларин,
гулларини ёндираверар..

Шавкат Раҳмон

[Alisher Asror]

Bahor

Maysalarni quyosh erkalab,
Shabbodalar tortqilab sochin,
Ko`z yoshini to`kib ertalab,
Va bittaga oshirdi yoshin.

Daraxtlarda semirib kurtak,
Sal kun o`tmay gullar sochildi,
Dalalarda , qirlarda birday
Chuchmomolar yashnab ochildi.

Soylarda suv to`lqinlab shoshar,
Nimadandir qolganday quruq.
Bobodehqon umid-la yashar,
Yaxshi kun,- deb sochganda urug`.

Yana bahor , yana yangi kun ,
Tong sabosin navosi yangi.
Ohanggini tinglang jim , beun,
Dillarda aks etar jaranggi!

Alisher Asror

[Colorado]

Мое убекское, мое родное имя,
Поймут тебя в Париже или Риме?

И примут ли голладские тюльпаны
Тюльпаны моего Узбекистана?

И банджо Запада фольклорные аккорды
Воспримут ли земли моей макомы?

И все же я уверена в одном -
Планета - это наш единый дом.

Цветы и песни знают. А вот люди...
Да что гадать? Как будет, так и будет.

Но как хотелось бы, чтоб все... чтоб все.... чтоб все

Стою одна на взлетной полосе.

Хосият Рустамова.
Александр Файнберг таржимаси.

[bekww]

Хосият Рустамова

***

«Дывлюсь я на небо, тай думку гадаю…»
Тарас Шевченко.

Устало небо зреть земные бездны,
безумье наше, боль и кровь веков.
Дай, Боже, мне взлететь к Твоим созвездьям,
что выше птиц и выше облаков.

Перевод Александра Файнберга

[Alisher Asror]

Mendan bir dam nari bo`lsang og`rinaman,
Senga tamon, senga tamon og`inaman.
Ayroliqdan, judoliqdan so`z ochmagil,
Quchog`imda bo`lsang-da sen sog`inaman!

Alisher Asror

[Alisher Asror]

Erta tongda Fuzuliy janoblarini eslab maza qildim va sizlarga ham ilindim...

Parishon holing o`ldim, so`rmading holi parishonim,
G`amingdan darda dushtim, qilmading tadbiri darmonim,
Na dersan , ro`zgorim bo`ylami kechsun, go`zal jonim?
Go`zim, jonim, afandim, sevdigim, davlatlu sultonim!


Asiri domi ishqing o`lali sandan vafo go`rman,
Sani har qanda go`rsam, ahli darda oshno go`rman,
Vafo-u oshnoliq rasmini sandan ravo go`rman,
Go`zim, jonim, afandim, sevdigim, davlatlu sultonim!


Degar har dam vafosiz charh yoyindin bango bing o`q,
Kima sharh aylayam kim mehnatu anduhu dardim cho`q,
Sango qoldi muruvvat , sandin o`zga xech kimsan yo`q,
Go`zim, jonim, afandim, sevdigim, davlatlu sultonim!


Go`zimdan dam-badam bag`ri uzub yoshim kibi ketma!
Sani tark etmazam, chun ban, bani san doxi tark etma!
Amondir, zolim o`lma , ban kibi mazlumi injitma!
Go`zim, jonim, afandim, sevdigim, davlatlu sultonim!

Qati go`ngling nadan bu zulm-la bedodi rog`ibdur?
Go`zallar san kibi o`lmas , jafo sandan na vojibdur,
Saningtek nozanina nozanin ishlar munosibdir,
Go`zim, jonim, afandim, sevdigim, davlatlu sultonim!


Nazar qilmazsan ahli dard go`zdan oqizan sela,
Yamonlikdur ishing ushshoq-la, yaxshimidir so`yla,
Kel Allohi sevarsang oshiqa javr etma , lutf ayla,
Go`zim, jonim, afandim, sevdigim, davlatlu sultonim!


Fuzuliy shevayi ehsoning istar bir gadoyingdir,
Dirildikcha saning ko`ying, o`landa xoki poyingdir,
Gerak o`ldir, gerak quv: hukm hukming , roy royingdir,
Go`zim, jonim, afandim, sevdigim, davlatlu sultonim!

Fuzuliy, Muhammad Sulaymon o`g`li

[Alisher Asror]

Shukur , raqib, o`zing borsan,
Og`rimagan boshga korsan.
Sen borsan-ki biz ham hushyor,
Rahmat, meni deb bedorsan.

Shukur, raqib, dushman shartmas,
Chapla loying qo`lim artmas.
G`iybat, bo`hton, yolg`on, tuhmat-
Bu balolar menga dardmas.

Shukur , raqib, men ham tirik,
Tiriklikda senga sherik…


Alisher Asror

[Nigora Umarova]

Bodom
gullariga balolar yog'di.
Bolasin
vaboga oldirgan ona.
Kurtaklar chirqirar, kurtaklar yondi,
…Nihollar kampiega aylandi, ana

Nahotku oppoq qor, qahring qarodir,
Nahotki,
bir shahdga shunchalar qurbon.
Nahotki,
ilinjning ko'ngli yarodir,
Nahotki,
taqdirlar chalkashu uryon.

Bahor
xo'rsinadi, ko'klam xijolat,
Bir lahza
hayratim guvohi -chaqin.
Nahotki,
shunchalar umr omonat,
Nahotki,
bunchalar xiyonat yaqin?!..

Farida Afro'z

[Gulchehra Ibragimova]

Эй дўст,
Нима десанг, дегил, шу бугун
Юрагингда қолмасин тугун,
Армон узун, надомат узун,
Эртага бугунни топиб бўларми?!
Айт айтақол, айтавер, шошил,
Тўкил бугун, тариқдай сочил,
Ғафлат қотил, пушаймон қотил,
Эртага бугунни топиб бўларми?!

Эй ёр!
Айтарингни тутмагил пинҳон,
Севаман, де, ёлборгин нолон,
Ишқдан бошқа ҳаммаси ёлғон,
Эртага бугунни топиб бўларми?!
Хижолатнинг умри қуроқдир,
Гумондорнинг жони қийноқдир,
Андишанинг оти қўрқоқдир,
Эртага бугунни топиб бўларми?!..

Фарида Афрўз

[Nigora Umarova]

Эртага бугунни топиб бўларми?!..

Фарида Афрўз

Давоми...

Эй дўст!
Кел, ёнимга гул очса чирой,
Этакларинг кўзимга сурай,
Сен келмасанг, мен ўзим борай,
Эртага бугунни топиб бўларму?!
Кел, елкада тоғинг билан кел,
Хазонрезги боғинг билан кел,
Дилда ҳасрат, доғинг билан кел,
Эртага бугунни топиб бўлурму?!

Эй ёр!
Ҳар коримиз тақдир азалдир,
Лабингда қон ёхуд асалдир,
Тамшанганинг балки ажалдир,
Эртага бугунни топиб бўлурми?!
Фарид Афрўз, бугунингни қуч,
Ҳар лаҳзага тутолгин ҳоқуч,
Бугун яша, топа олгин куч,
Эртага бугунни топиб бўлурми?!

Фарида Афрўз

[Gulchehra Ibragimova]

Нигорахон, қойил! Гап йўқ!

"Бу кунлар ҳам ғанимат,
Қорлар эриб битмоқда.
Келса, баҳор омонат,
Ўтса, умр ўтмоқда,
Кел,
эй,
менинг менсизим".. Фарида Афрўз шеъри. Шу каби энг ёққан сатрларини ёдлаб оламан..Юқоридаги шеър ҳам шулар жумласидан эди.

[Alisher Asror]

Ketma…

Qishda qaytgan qush misol,
Unutilgan tush misol,
Yo`qotilgan hush misol,
Ketma...

Yuragimda muz bo`lib,
Alamli bir iz bo`lib,
Ham yaramga tuz bo`lib ,
Ketma...

Yalang bosh , boshda ro`mol,
Achchiq so`z yo tili bol,
Javobmi yoki savol...
Ketma...

Ko`zi charos, yuzi ol,
Sochi tun, qoshi hilol,
Bir qadam , xatto hiyol,
Ketma...


Alisher Asror

[Alisher Asror]

Tushungil…
Bahor seni tashlab ketsa ayozga,
Ko`ngil alamlardan muzlasa,
Kuning qolsa dardsiz, aqli sayozga,
U senga duyodan so`zlasa…

Vafodor ko`rinsa eng go`zal ayol,
Qishda bo`y taratsa atirgul,
Hayronalar qolib bermagil savol,
Sen ham tushun, faqat tushungil.

Tushungil,
Tegrangda inson juda kam,
Atrofda million soyalar.
Dili bor , so`zi bor mard ko`zida nam,
Yo`lida tuganmas qoyalar.

Tushungil………………………………
……..bahor seni tashalab ketsa ayozga………


Alisher Asror

[Hero]

Yurtimda bahor

Meni orzuqib kutaman
Keldi yana o’lkamga
Tog’larimga ochilgan
Solalar-u qizg’aldoq
O’zbekiston qizining
Boshlarida jamalak
Mening ona yurtim
Bahor hidi urmoqda

[Hero]

Mening onam

Ko’rolmadim dunyoda,
Sizday aziz insonni
Ko’rolmadim tushumda
Sizday mehribon zotni
Meni yemay yedirgan
Meni ichmay ichirgan
Tunlari alla aytgan
Sizsiz aziz onajon

[Hero]

O’zbekiston

Shu Vatanda tug’ilib o’sdim,
Ona yurtim, tuzini totdim
Maktablardan bilimlar oldim
Ona yurtim O’zbekistonim!

Ustozlardan olib tarbiya
Ota-ona qadrini bildim
Minnatdorman o’la o’lguncha
Ona yurtim O’zbekiston!

[Nigora Umarova]

Яна бир бора, :)
By safar Heroga tegishli gap

Агар шеър муаллифи сиз бўлсангиз (c)-муаллифлик ҳуқуқи белгисини қўйинг ёки исмингиз(ник)ингизни келтириб ўтсангиз, илтимос

[Alisher Asror]

Хатларимнинг қанотлари хўл ,
Овозимни ютади девор,
Сизга етмас йўллар бунча мўл?
Сизга етар кун бормикан ёр!?

Кўча-кўйда сарсон оввора...
Тўртта тараф - дунёи бозор,
Ёр истаган кўзлар - фаввора,
Сизга етар кун бормикан ёр!?

Анча йўлни босиб ҳам қўйдим,
Сизсиз яна юракда озор.
Кимларгадир дил бердим, суйдим...
Сизга етар кун бормикан ёр!?

Шўх давралар, базми-жамшид, май ,
Қучоғимда титрар бўлди тор ,
Йиллар ўтди бир сониядай ,
Сизга етар кун бормикан ёр!?

[Alisher Asror]

Bundan 5-6 yil avval, bir do`stim bilan bozor aylanib yurganimizda, u do`konlarni ko`rsatib: chapga qarang - Erkin nayrang, o`ngga qarasangiz Odil nayrang , deb qoldi...

DUNYO – NAYRANG

O`ngga qarng, so`lga qarng,
Ozga emas mo`lga qarng,
So`qmoq qolsin yo`lga qarang,
Osmon yiroq , yer-chi zarang,
Dunyo – nayrang, dunyo – nayrang.

Keltirishar tovoqda osh,
Ichi g`irchqum ham mayda tosh,
Kezi kelsa yeysiz yovvosh…
Qoy bo`lsangiz unda marang,
Dunyo – nayrang, dunyo – nayrang.

Sher to`nini kiygan to`ra ,
Quyonlokni undan so`ra,
Tulki fe`llar bo`lgan jo`ra…
Mard , tantilar turar garang,
Dunyo – nayrang, dunyo – nayrang.

Oro bergan o`zlariga ,
Qora qoshu ko`zlariga ,
Nazokatli so`zlariga,
Hoy akasi birga yayrang,
Dunyo – nayrang, dunyo – nayrang.

Chalasavod , chalamulla,
Boshda shapka yoki salla,
Minbarlardan der barala:
“Yurtim, xalqim menga qarang…”
Dunyo – nayrang, dunyo – nayrang.

Besh-to`rt chaqali bandasiz,
Maqtovlardan osmondasiz,
Har kun ziyofat kandasiz,
To`rga chiqing qilmay tarang,
Dunyo - nayrang, dunyo – nayrang.

Yoki qoldingiz bir pulsiz,
Usti boshingiz yupunsiz,
Cho`g`dan keyingi kukunsiz,
O`z ukangiz tanir arang…
Dunyo – nayrang, dunyo – nayrang.

Tugatayin baytimni ham ,
Goh kulaman , goh ko`zda nam,
Aytishar-ku dunyo bir kam…
Eshak ilg`or , otlar xangrang!
Dunyo – nayrang, dunyo – nayrang.

O`ngga qarang, so`lga qarng…


Alisher Asror

[Gulchehra Ibragimova]

***
Умр оқмас бир текисда тек,
Кимларнидир хасрат енгадир.
Мен топарман иродани, лек-
Кўргим келар Сизни негадир..

Ҳаёт кўҳна доно муаллим,
Садоқатли дўст бўлар ўлим.
Гарчи Сиздан айродир йўлим,
Кўргим келар сизни негадир.

Тун кутаман ойдин, юлдузлик,
Кун кутаман нурафшон излик.
Дилни ёмон эзди ёлғизлик,
Кўргим келар Сизни негадир.

Гоҳ севгидан тошган дарёсиз,
Гоҳ меҳрга ташна саҳросиз.
Мен биламан-Сиз ҳам танҳосиз...
Кўргим келар Сизни негадир.

Муҳаббатда мазмун эрур Эрк,
Бир армонга ҳар ким эгадир.
Сизсиз менга барча йўллар берк,
Кўргим келар Сизни негадир...

(Бобур Бобомурод)

[Samarqand-uz]

Falak qulog'imga gapirdi sekin,
Qazo hukmin mendan ko'rarasan, lekin.
Aylanishim bo'lsa edi qo'limda,
O'zimni to'xtatib, olar edim tin.
Mol dunyo hasrati qilmasin afgor
Mangu yashar kishi qani qayda bor.
Bir necha nafasim tanda omonat.
Omonatga omonat bo'lmoqlik darkor.

Umar Hayyom.

***
Bir kun to'kin bo'lar yupqa dasturxon,
Zarbof bo'lmasa ham kiygaysan chopon.
Lekin odamlikni unutar bo'lsang,
Ularning barchasi hayf senga, inson!
***
Koinot gultoji insondir azal,
Undadir eng oliy tafakkur amal
Hatto u tabanlik ichra ham tanho
Yo falak ijoding buncha mukammal.

Abdulla Oripov.

[Gulchehra Ibragimova]

Хожу Кирмоний:


Шамда куйиш завқин парвона билар,

Ринд аҳли дил дардин майхона билар.

Маҳбуба гулрухсор, мен бир девона,

Калом моҳиятин девона билар.

...

Қадаҳи жон ичра шароб бўлсин, бас,

Май ўтидан жигар кабоб бўлсин, бас!

Қалаҳ тут – хароба даҳри дун ичра

Умр асоси ҳам хароб бўлсин, бас!

...

[Gulchehra Ibragimova]

Фахриддин ИРОҚИЙ:

Дардинг бўлмаса гар, дили саргардон,

Табибни беҳуда қилма андармон.

Дармон қидиргайдир кимки дарди бор,

Йўқ дардга ҳар бир он излайсан дармон.

...

Ким кулоҳни ковуш этар,

Ким ҳар сана рўза тутар.

Кўкка етса ҳам ул боши

Ким гадодай эҳсон кутар!

...

Чизилганда тархи оламнинг,

Сўралмаган фикри одамнинг.

На ортар, на камаяр ризқинг,

Нафи йўқ ҳеч чекилган ғамнинг.

...

Раббано, кимлигим билсам нетар, айт,

Умрим сенга фидо қилсам нетар, айт?!

Армонли ҳаётим учун қон йиғлаб,

Жигар-бағрим минг бор тилсам нетар, айт!

...

Таърифи ҳар икки жаҳондан келар,

Шарҳи ғам ҳар пиру жавондан келар.

Давлати дийдори армон беомон,

Латиф исми гар тўрт томондан келар!

...

Шайдолар қошингга келар-да кетар,

Бор будинг қон билар белар-да кетар.

Биз ҳануз кўйингда хоку туробмиз,

Ўзга эл ел каби елар-да кетар!

...

Хаста дилим сиррин фош айлама, ёр,

Жафо бирлан кўзим ёш айлама, ёр.

Ҳар икки жаҳонга эгмаган бошим

Пойингда, бас, дилинг тош айлама, ёр!

...

[Gulchehra Ibragimova]

Умар ХАЙЁМ:

Бор сирру асрор гар беш қўлдек аён,

Баён қилсам ногоҳ ўзимга зиён.

Дардим англайдиган бирон бир мард йўқ,

Қилиб бўлмас элга бор гапни баён.

...

Ул зотки, замину чарх афлок тузди,

Доғ солди кўнгилга ки ғамнок тузди.

Бисёр ақиқ лабу ҳилол юзларни

Ер ичра яширди – сиқим хок тузди.

...

Май ичмасанг мастни маломат қилма,

Маломат ғийбатни ҳеч одат қилма.

Сенинг қилмишларинг бундан-да батта,

Ичмаслигинг ибрат аломат қилма.

...

Сен-мендан олдин ҳам жаҳон бор бўлган,

Даҳри дун дастидан инсон хор бўлган,

Аё дўст, тупроққа аста қўй қадам,

Бу тупроқ бир замон сулув ёр бўлган.

...

Таним бода билан ювинг ўлсам гар,

Ёд айланг созу най билан ҳар саҳар.

Мендан қиёматда ким истар хабар,

Майхона тубига ташлагай назар.

...

Бамисли доира бу кўҳна жаҳон,

На боши маълуму на сўнгги аён.

Ҳеч кимса билолмас асрорин, эвоҳ,

Қайдан келиб, қайга кетар ҳар инсон.

...

Таҳқиқ ниҳоли ҳеч гул қилган эмас,

Ҳақ моҳиятин ҳеч ким билган эмас.

Вале қўл узатар шоҳига ҳар зот,

Риштаи умид ҳеч узилган эмас.

...

Қорганингда сен Ўзинг лойим,

Тайин қилдинг ройиши ройим.

Амрингсиз ҳеч қилмадим гуноҳ,

Жавобгар ким, айт, эй Худойим?!

...

[Samarqand-uz]

Эй сабо, кушгил маним хокимни хоки посина
Эл аро хуш билганим рохимни рохи хосина

Йуллагил гарди гардимни майли адам сахросина
Килма лек заррасин тортик дунёи бебакосина

Тириклар наздида юзи каро эрдим каро хоким
Сурма англаб тортмасинлар ким кузлари зебосина.

Эй сабо бир лахза очгил торткилаб ёрим хижобин
Окарсин хоким хавасдин юзидаги упосина

Гул-у гунча юзин елпиб асра гарди сиёхимдан
Хеч гулга кунмайин етмас уз ёримнинг ризосина

Дунёи бехабардурсан хабар берким тирикларга
Тушган ишим,тушмас ишким аларнинг хеч худосина

Эй сабо сендин умидим дил бериб бебахосина
Мен абас булдим вале сен ет умрим интихосина

( Угилой)

[Alisher Asror]

Қайрилма қошларинг, қаро қошларинг,
Мени соғинтирган бало қошларинг,
Раҳм-шафқат билмас дили тошларинг...
Кел букун, бир бора Сен кўнглимни оч
Менинг айвонимга қўнгил қалдирғоч.

Қишу совуғимдан безибми - кетдинг ,
Юрагим, юрагим эзибми кетдинг,
Барибир севишим сезибми кетдинг...
Кел букун, бир бора Сен кўнглимни оч
Менинг айвонимга қўнгил қалдирғоч.

Жудолиқ жонимдан ўтди нарига,
Яқинларим кетди тупроқ қаърига.
Қандоқ чидаш мумкин заҳмларига!?
Кел букун, бир бора Сен кўнглимни оч
Менинг айвонимга қўнгил қалдирғоч.

Мен сўзлай озгина меҳринг билан боқ,
Озгина яқин тут, бўл дўсту-ўртоқ,
Майли ундан кейин қанотингни қоқ...
Кел букун, бир бора Сен кўнглимни оч
Менинг айвонимга қўнгил қалдирғоч.

Чарҳ уриб осмонни кесиб учасан,
Гоҳ пастлаб, гоҳида кўкни қучасан...
Мен учун барибир ўша-ўшасан.
Кел букун, бир бора Сен кўнглимни оч
Менинг айвонимга қўнгил қалдирғоч.

Ғарибни йўқлаган савоб бўлармиш,
Ғарибни йўқлаган тавоб бўлармиш,
Келмасанг бир дили кабоб ўлармиш.
Бир бора кел букун Сен кўнглимни оч
Менинг айвонимга қўнгил қалдирғоч.


Alisher Asror

[Nigora Jumaeva]

МЕН ЎТГАН УМРГА
Ҳаёт китобимни бехос варақлаб,
Мен ўтган умрга ачинмай қўйдим.
Табассум ўрнида кулдим чарақлаб.
Суйиш керак бўлса — телбача суйдим.
Кийганим ипакми, читми ё кимхоб,
Юрак бойлигидан қилмабман парво.
Мени оғушлаган ҳаёт нақ офтоб,
Янги қўшиқ талаб унда ҳар сабоқ.
Мен ўтган умрга ачинмай қўйдим,
Ҳеч кимда кўрмайин умримга ўхшаш:
Суйдим,
Эркаландим,
Айрилдим,
Куйдим,
Иззат нима — билдим.
Шу-да бир яшаш!..

Зулфия

[Nigora Jumaeva]

СЕНСИЗ
Мана, бир умрни яшадим сенсиз,
Қайтмас шодликларнинг қайтишин кутиб,
Тобутинг бошида чўкканимда тиз,
Фарзандлар кўтарди қўлимдан тутиб.
Шундан бери тикман. Ҳар нега қалқон,
Бахтга, баҳорга ҳам, қишга, қайғуга.
Биров азасида йиғлайман қон-қон,
Тўйида яйрайман ўхшаб оҳуга.
Лекин қолганимда қалбим-ла танҳо,
Туйғулар зорига солганда қулоқ.
ўзни заиф, чанқоқ сезганда гоҳо,
Аламдан бераман жавобсиз сўроқ:
Тирик экан нега ташлаб кетмадинг?
Мендан нафисроқнинг ҳуснига ошиқ,
Мендан ёниқроғи тортмади сани,
Эди нигоҳингга бор жаннат очиқ,
Сени мажнун этиб бир ер гўзали,
Нега мени ташлаб кетавермадинг?
Тирик айрилишнинг доғи оғирмиш,
Хўрлик кемирармиш умрни чайнаб!
Бу мудҳиш эговга берардим туриш,
Кетсанг ҳам менга жон туйғунгдан айнаб.
Билардим, қайдадир оласан нафас,
Мураккаб бу дунё сен-чун ҳам тирик.
Сенга ёт-ношудлик, тунд руҳлик, қафас,
Бугунги қадаминг кечадан йирик.
Нега, нега мени ташлаб кетмадинг?
Биламан, рашк мени этарди ҳалок,
Афзал кўрганингни қарғаб ўтардим,
Изингдан юрмасдим соядай ғамнок,
Ҳаётда мен учун қолардинг тирик,
Қаламинг муждасин кутардим муштоқ.
Маъюс тақдирингга яшаб мен шерик,
Мушкул бўлаётир шодлик яратмоқ.
Нега тирик экан ташлаб кетмадинг,
Ташлаб кетмадинг-да, бошлаб кетмадинг?!

Зулфия

[Kavsar]

Ислом қуббаси...

Энди Бухоронинг қаро кўзлари,
Қалбим диёрида яшайди фақат.
Илҳомбахш айлаган сирли сўзлари,
Шеърим меҳробида тизилар қат-қат.

Исломнинг энг гўзал қуббаларини,
Қургайман, жаҳоннинг назми аро, Ҳақ.
Кийиб шайх-қаландар жуббаларини,
Тургайман, шарқона устундай фақат.

Гарчи Яман қадар йироқда бўлдим,
Руҳимдек жисмимда эдинг, Ғиждувон.
Гарчи осмон қадар фироқда бўлдим,
Тупроқдек пойингда турардим, инон.

Айланди нигоҳим самоларингга,
Бухоро, дунёда танҳо экансан.
Боғланди юрагим саболарингга,
Вафода Мажнун ва Лайло экансан.

Дилбар ва самимий, чин сўзларингни
Тумор деб таққанман Қасри Орифон.
Офтобда қизарган ол юзларингни,
Суратин чизганман, аҳли Ғиждувон.

Азалдан шунчаки бир диёр эмас,
Шариф макон бўлдинг — Ислом қуббаси.
Ҳеч кимса мақоминг сирини билмас,
Зиёларга тўлдинг — Ислом қуббаси.

http://fikr.uz/blog/ijod/

Кавсар (с) 2011.

[Alisher Asror]

Umr o`tib bormoqda…

Yurishlarim sal og`ir, yugurish-chi erishdek,
To`rt-besh yil bundan avval chaqqondik, - deb kulishdik.
Yuzlarda uch-to`rt ajin, sochlar ham olabayroq.
Oriqlar yana ozib , yumaloqlar to`lishdik.
Umr o`tib bormoqda…

Kecha o`zimiz bola , bugun ota-onamiz,
Oila bola-chaqa tashvishida yonamiz.
O`zimiz og`irlashdik, yukimiz undan og`ir,
Bir so`zla yurak sanchiq, bir so`zdan quvonamiz.
Umr o`tib bormoqda…

Sezdirmay suyuntirib,
Bezdirmay kuyuntirib,
Bildirmay, oshkor etib,
Yoshlikdan o`zib ketib,
Umr o`tib bormoqda…

“To`xta” desam, dam ketar,
Omad kelsa g`am ketar.
G`am, shodlikka to`ldirib,
Yashnatib , goh so`ldirib,
Umr o`tib bormoqda…

Bahor ketib yoz kelar, kuz so`nggining qishi bor.
Bu charhi kajraftorning o`zicha tashvishi bor.
Belimdan ketsin quvvat, ko`zimni tark etsin nur,
Ko`nglimda qolsin bahor, yoshligim qalbimda hur,
Umr, o`tib ketaver.


Alisher Asror

[Masud Mahsudov]

JONING KERAKMAZMI SANGA?
Fuzuliy g'azali

G’amzasin sevding, ko‘ngil, joning kerakmazmi sanga?
Teg‘a urding, jismi uryoning kerakmazmi sanga?

Otashin ohimla aylarsan banga taklifi bog‘,
Bog‘bon, gulbargi xandoning kerakmazmi sanga?

Yela verma dog‘idub, hardam oyoqlardan ketur,
Ey pari, zulfi parishoning kerakmazmi sanga?

Ey kamonabro‘, raqiba verma g‘amzangdan nasib,
O‘q odarsan dosha, paykoning kerakmazmi sanga?

Yondurub jonim, jahonso‘z etma barqi ohimi,
Osmon, xurshidi toboning kerakmazmi sanga?

Kufri zulfindan bani man’ aylamak loyiqmidir,
So‘fi, insof ayla, iymoning kerakmazmi sanga?

Tutalimkim, ashk selobina yo‘g‘dir e’tibor,
Ey Fuzuliy, chashmi giryoning kerakmazmi sanga?

[Alisher Asror]

Mirtemir bobodan barcha forumdoshlarga salom!

Men seni injitmayman
Va lekin tinchitmayman.


Charh urib , bo`z to`rg`ayday bo`zlashim bor boshingda
Ey, sochlaring to`lqini tun singari sim-siyoh.
Xol kabi paydo bo`lgum yanog`ing yo qoshingda,
Ey , izlaring g`ubori ko`zlarimga to`tiyo…


Saratonda sel bo`lib
Lolazor yaratgayman.
Qahratonda el bo`lib
Gul atrin taratgayman.

Yo`l yurib cho`llab qolsang,
Shildiragum buloqday.
Yoki dashtga yo`l olsang
Yastangayman o`tloqday.

Istab qolsang soyabon,
Men darrov chinor bo`lgum,
Cho`mar bo`lsang nogahon,
Men darrov anhor bo`lgum.

Kezar bo`lsang bog`ingda,
Pichirlagum misli barg.
Kuyib sening dog`ingda
Bo`lmasaydim juvonmarg.

Bu dunyoda hech kim yo`q senga mendek mahliyo,
Umidim bor – qaragung ahiyri qiyo-qiyo…


Epkin bo`lib saharda
Gulzoringda kezurman.
Qo`shiqlarim avj parda ,
G`unchalaring uzurman.

Nasim kabi sezdirmay
Kiprigingga to`qingum.
Ozor bermay , bezdirmay
Suratingga cho`qingum…


Qush bo`lib qochar bo`lsang, tarlon bo`lib quvgayman,
Tog`larda sharsharadek g`uboringni yuvgayman.
Har mushkul , har xatarda har balodan saqlagum,
Qayrilsan-qayrilmasang o`lguncha ardoqlagum.


Tong payti yulduz misol oq siynangda yongayman,
Yomg`irda kamalakday yuz rangda tovlangayman,
Ko`rkingga tikilgayman to ko`zimda bor ziyo,
O`zing bilmaysan senda , shunchalar mehrigiyo!


Men seni tinchitmayman
Va lekin injitmayman…


MIRTEMIR

[Samarqand-uz]

Агар ошиклигин айтса, Машрабдайин девонаси,
Бори дунё хушёрларин куйиб жони жахон уртар.

Чекингил эй, якин келса, бир сухбати машрабнамо,
Ошик булса, даги телба, анинг охи ёмон уртар.

Васлин излаб дил дарбадар, хар йулгаки куймиш кадам
Равонликдан топмай асар, кузда ёши равон уртар.

Тож урнида кийиб охир ул шох ажал сиртмогини,
Кетди. Колган ошик ахлин, ушал шохи хамон уртар.

Етмаса гар нетсин кунгил, хеч зот анинг макомига,
Магриб дузах, машрик дузах, анингсиз турт томон уртар.

Хали куп бор бу нечук эл, девонаси Машраб магар,
Акли бутун соги ким, деб дониш ахлин савол уртар.

Агар ошиклигин айтса, дузахи деб этманг вахм,
Дузах ути эмас они, дузахни у тамом уртар.

( Угилой)

[Gulchehra Ibragimova]

***
Ўт ичинда яшаш осонми Жоним,
Нечуксиз? Жонингиз омонми , Жоним?
Айириб қўйишди йўлларимизни,
Одамлар шунчалар ёмонми, Жоним?

Кўнгилнинг юртидан кетиб бўлмайди.
Синовсиз манзилга етиб бўлмайди.
Ахир муҳаббатнинг кўчаларидан
Юракка тош солиб ўтиб бўлмайди.

Ер, Само биз билан қисинмайдилар,
Ўткинчи кучларга бўйсунмайдилар.
Тушуниб турибди Худойим бизни,
Нега бандалари тушунмайдилар?!

Одамлар шунчалик ёмонми, Жоним?..

Беҳзод Фазлиддин

[Alisher Asror]

Jumboq

Bir kunimda quyosh, bir kunim bulut.
Bir tunim yulduzli bir tunim unut.
Bir ko`zimda kulgu , biri to`la yosh,
Bir dilni ikkiga ajratdi bardosh:

Biriga shodlikdan keltirdi sharob,
Biri g`am-alam-la yozilgan kitob.
Yorug` dunyo deya jo`natib Egam,
Nechun qaro qilib yarmini bergan?

Alisher Asror

[bekww]

Алишер Навоий

Жаҳонки муқаддас нени кўрибди,
Барига онасан, эй, қодир ҳаёт.
Беш юз йил наридан боқиб турибди,
Нурли бу юзларга нуроний бир зот.

Шу буюк ўғлингни ардоқлаб тилдан,
Халқим таъзим этсанг арзигай тамом.
Унинг номи билан бирга битилган,
Дунё дафтарига ўзбек деган ном.

Нидо тингла бу кун юртинг тарафдан,
Эй йироқ - Ҳиротдан маскан топган эр.
Огоҳ бўл Алишер, сен ушбу гапдан,
Хар икки набиранг бири Алишер.

Байтинга бир бора қовушган хар лаб,
Такрорлаб кетгувси Маҳшаргача то.
Қаратиб турибсан бу ён не ажаб,
Миллиард мартабали жаҳонни ҳатто.

Жаҳон меҳробида пайдо Алишер,
Шодмон қасида айт сен ҳам, эй Қуёш.
Беш юз йил унга ҳам нима гап ахир,
Минга қадам қўйди йигирма беш ёш.


PS. Авторини билмайман

[Alisher Asror]

Erkak haqida ertak.

Kampir va qizi yashar
Emish qadim zamonda.
Toshkanmi yo Farg’ona,
Bilmam qaysi tamonda.

U zamon qirg’in bo’lib,
Podsholar urishganmish,
Kampir va qizdan bo’lak
Hammasi o’lishganmish.

Sinov uchun yaratgan
Yuboribdi bir chopar.
Bir karvon tillo bilan
Kampir uyini topar.

Kampir va qizi xomush
O’ltirgan ham edi-da.
Shu payt eshik taqqilab
Qoldi – kimdir keldi-da.

,,Bor eshikni och qizim”-
Debdi kampir umidvor.
O’ylabdi-ki urishdan
Tirik qolgan kimdir bor.

Eshik ochib qarasa,
Turar chopar – farishta.
Bir karvon tillalari
Taxlanganmish sarishta.

Chopar debdi qiziga:
,,Boylik keltirdim sizga,
Olinglar hammasini,
Va ruxsat bering bizga”.

Qiz:,,Ona, bizga kelibdi
Bir karvon boylik-tillo
Bizning g’amimizni yeb
Yubordimikin ollo”?!

Kampir: ,,Bizga kerakmas boylik,
Qo’y olmagin,qo’y,qizim.
Baxti bo’lmagan uyda,
Boylikka yo’qdir izn”.

Shunda chopar tilloni
Qayta olib ketibdi.
Yaratganga borib u
,,Baxt kerak”- deb,aytibdi.

Yaratgan olam baxtin
Jamlab tugun qilibdi.
Choparning qo’liga
Elitgin deb tutqizibdi.

Chopar kelib eshikni
Taqillatib turganmish.
Kampir qiziga:,,Eshik
Ochgin”-deb,buyurganmish.

Chopar debdi qiziga:
,,Men baxt keltirdim sizga
Olinglar hammasini
Va ruxsat bering bizga”.

,,Baxt kerkami,Onajon?!”-
Deb so’ragan edi qiz,
Kampir debdi o’ylanib
(U so’zni aytmas bejiz):

,,Bizga kerakmas baxt ham,
Qo’y olmagin,qo’y, qizim.
Boylik bo’lmagan uyda
Baxtiyor bo’lsam hech kim”.

Chopar borib barisin
Yaratganga aytibdi .
Yaratgandan er kishi
Olib yana qaytibdi.

Farishta kelib yana
Eshikni taqillatdi
Hadeb chiqavermagach,
Zulfinni shaqqillatdi.

Qizi ochsa eshikni
Farishta turgan emish
,,Erkak kerakmi?”- deya
So’z ochib so’rgan emish.

,,Erkak kerakmi, Ona”-
Deb so’ragan edi qiz.
Kampir debdi o’ylanib,
(U so’zni aytmas bejiz):

,,Erkak bo’lsa,mayliga,
Kiraversin,ho’p,bolam.
Qizginam u bor joyda
Bo’ladi baxt,boylik ham’’.


Alisher Asror

[Gulchehra Ibragimova]

,,Erkak bo’lsa,mayliga,
Kiraversin,ho’p,bolam.
Qizginam u bor joyda
Bo’ladi baxt,boylik ham’’.


Alisher Asror

"Эртак "эмас, ҳаётий десангиз ҳам бўловрардиhttp://uforum.uz/images/icons/icon7.gif Ушбу шеърдан илҳом олиб бир шоирамиз, билмадим, (хато бўлса узр) Бибисора Туробова ёки..адашмасам Хосият Бобомуродованинг шеърлари бўлиши керак..шу ёдимга келди:

Эркакларга

Тўрт мучассин соғ қил Худойим,
Рўё бўлсин ёмон хаёли,
Юрагини тоғ қил эркакнинг-
Йиғламасин унинг аёли.

Эгилмасин ҳеч қачон боши
Юрт ишқида бўлсин хаёли
Тўмарислар ўтган замин бу-
Ғурури бахт бўлсин аёлнинг.

Ор-номуси баланд йигитнинг
Кўкрагида бўлсин шер ёли
Уйида бек, майли шоҳ бўлсин
Вазир бўлсин хоким аёли.

Худо назар солган заминни,
Айтишади, жаннат мисоли,
Йигитларни кўздан асрасин
Илло бахтли бўлсин аёли
.. Йиғламасин унинг аёли..

[Nigora Umarova]

Eshikni ochaman ichkari
Qarshimda sukunat boqadi.
Umrimga mengzagan qumsoat,
Bildirmay quyiga oqadi.

Kunlarim to'kilar, tunlarim,
Yillarni to'ldirib o'ynaydi.
Afsuski, umrni soatday,
Teskari ag'darib bo'lmaydi.

Oygul Asilbek qizi

[Nigora Umarova]

Yolgo'nchi shabboda

Fransuz zodagoni, atoqli tarixchi olim, Sandikur muzofoti gersogi Maksimillian Andri Sen-Simon(1720-1799) xizmatkoriga shunday so'zlar bilan o'zini uyg'otishni amr qilgan ekan: "Graf, turing, Sizni buyuk ishlar kutmoqda!"


Ayt-chi, nima ko'rdik dunyoga kelib,
Kuzlarni yetaklab yillar o'tmoqda.
Tong chog'i shivirlar shabboda yelib:
-Turing! Sizni buyuk ishlar kutmoqda!

Bir xil holat bo'lgay mehmoning har kun,
Bir xillik sindirib sinar bardoshing.
Hech narsa o'zgarmas, yasharsan beun,
Faqat umring nurar, o'zgarar yoshing.

Buyuklik axtarib kezarsan sarson,
Nahotki, aldagan qurg'ur shaboda?!
Asli olam ichra bir nuqta inson,
Qanchalik yuksalsa-shunchalik sodda...

Na metin qonun bor, na chin aqida,
Lahzalar qarshingda chopar bepisand.
Har kun so'zlashasan odam haqida,
Odam deb atalgan sukunat bilan...

Qalbing to'la oppoq orzular- lim-lim,
Yelkalab yurarsan lek tashvishlarni.
Men kimman?
Sen kimsan?
Biz kim? Biz-hech kim!
Buyuk qo'llar qilar buyuk ishlarni!

Dod solmoq istarsan to'rt tomon giryon,
Oh bilan qalqitib bo'lmas fanoni.
Shunda koinotda tuzib keng maydon,
Koptok qilib tepging kelar dunyoni.

Lol bo'lmasin darddan ko'ksi kuyuklar,
Shabboda yanglishdi uyg'otib bizni.
G'aflat bosib uxlab yotmas buyuklar,
Uxlasa ham ochib uxlar ko'zini...

Ayt, nelar ko'rmadik dunyoga kelib,
Kuzlarga qorishib yillar o'tmoqda.
Tun chog'i shivirlar shabboda yelib;
-Uxlang! Sizni buyuk tushlar kutmoqda!

Zohidjon Olov

[Nigora Umarova]

Yomg'ir

Aldanganmi, zor yig'lar osmon,
Kiprigimda tomchilar og'ir...
Darddan zada, qayg'uga oshyon-
Yuragimga sanchilar yomg'ir,
Sanchilar yomg'ir...

Bo'g'zim ichra yonar qo'rg'oshin,
Zil ko'ksimda tuyg'ular og'rir.
O'h, o'z qo'lim mushtlagan boshim,
Bilmam, nega siypalar yomg'ir,
Siynalar yomg'ir...

Tor dunyoning to'rt tomonida,
Xiyonatlar yoygan keng tomir.
Nopoklarning kir tovonida,
Asrolmayman, yanchilar yomg'ir,
Yanchilar yomg'ir...

Umr-bir qur telbalik darsi,
Vujud-avval, ruh esa oxir.
Nomardlarning kasofat kasrin,
Yog'ar yuvib farishta yomg'ir,
Farishta yomg'ir...

Sen samoviy hur, inja hilqat,
Har qatrangda Haq vasli zohir.
Kel, tomchingda o'ldir-u, faqat
Tomchilarga ko'm meni, yomg'ir,
Ko'm meni, yomg'ir.

Zohidjon Olov

[Nigora Umarova]

Ruhim samolarga bo'ylagan,
So'z -savobim,
So'z- totli oshim.
Faqat haqiqatni kuiylagan
Tilim ko'kka ko'tarar boshim.

Sovrilmasmi havoga ochun,
Topilmasa yolg'onga malham?
Haqiqatning visoli uchun
Barcha shoir qurbon bo'lsa kam!

To'g'rilikka berilmay mansab,
Siylamasa ro'stgo'yni zamon.
Quloq bilan ko'rar-u, ajab,
Tili bilan yugurar yolg'on.

Yuzlashmoq-chun oliy baxt bilan,
Kamlik qilar birgina tilak,
Kamlik qilar shunchaki istak-

E'tiqodini muhrlab dilga
Farishtalar shakliga kirgan
Shaytonlarni fosh qilmoq kerak!

Ruhim ona-Yerga bo'ylagan,
So'z-gunohim,
So'z-chaynar toshim.
Faqat haqiqatni kuylagan
Tilim ko'kka ko'tarar boshim...

Zohidjon Olov

[Alisher Asror]

Foje`a

Oddiy sog`inish bor,
Oddiy qiynalish,
Azoblar oddiydir
Ayriliq tanish.

Oddiy barq urish bor,
Odatiy kulish.
Oddiy qurib bormoq –
Odatiy so`lish.

Hayratdan yoqani tishlashlar – oddiy,
Ezilgan dillarni mushtlashlar – oddiy.

Oddiy yolg`onchilik,
Odatiy pora,
To`g`ri so`z aytdingmi,
Bilgil sen qora.

Yana bahor kelib gullashlar – oddiy,
Do`stini bir pulga pullashlar – oddiy…

Oddiy g`alayon bor.
Odatiy tinish…
Oddiy o`lish mumkin,
Odatiy so`nish.


Alisher Asror

[Alisher Asror]

Nigora Umarova, singlim, rahmat sizga juda chiroyli she`rlar joylashtiribsiz! Hozirgi kunda did bilan tanlab olingan she`rlarni har doim ham topish mushkul...

[Gulchehra Ibragimova]

Ғирром дунё

Эл оғзида ажиб ишқим қиссаси бор,
Бу қиссада ағёрларим ҳиссаси бор.
Дам урмаса шамол олов гурлармиди,
Менинг дардим билан кимнинг ғуссаси бор?

Отасизлик қандай бўлар экан дердим,
Одам бунга қандай кўнар экан дердим,
Дод деган сўз қайдан келар экан дердим,
Қўлларимда кулфатнинг тол ҳассаси бор.

Ғирром дунё алдовига учган манам,
Бу дунё деб, у дунёдан кечган манам,
Шайтонларнинг қўлидан май ичган манам,
Шоирлар бош чаноғидан косаси бор.

Севги ёмғир эмас, кўкдан сочилмайди,
Ишқсизларга самодан гап очилмайди...
...........................................
...............................................
Иқбол Мирзо

[Gulchehra Ibragimova]

Энг аччиқ баҳона

Қорин тинч қўймайди нон топиш керак,
Ташвишлар судрайди мени ҳар томон.
Ўзини эсидан чиқарди ЮРАК,
Яшашга вақт қайда, Онажон?!.

Беҳзод Фазлиддин

[Bekmirzo]

Мутрабо

Мустабид занжирларин узган билаклар, ишга туш,
Субҳидамда ухламай айтган тилаклар, ишга туш.
Гоҳи санчиб оғриган қон юраклар, ишга туш,
Неча йил кўнглимдаги бузрук ифоринг яйрасин.

Мутрабо, созингни чал, танбурда торинг яйрасин,
.....................................
Жамики яхши-ёмон - бағрингда боринг яйрасин,
Эрк-у бахтнинг тонгида озод диёринг яйрасин.



Аббос Убайдуллаев ижро этган шу қўшиқнинг тўлиқ матнини қайдан топсак бўлади? Матн муаллифини биладиганлар борми?
Жуда чиройли айтилган.

[Nigora Umarova]

Nogahon boshiga ish tushgan paytda,
Aqli komil inson bir hikmat bildi.
N'yuton dunyoni kashf etdi qayta,
N'yutonni esa olma kashf qildi.

Biz-chi?!
Tashvish tushsa, zahrimiz to'kib,
Xayolga ham kelmas izlamoq ma'ni.
O'tgan bo'lar edik bir umr so'kib,
Peshonamiz g'urra qilgan olmani.

Zohidjon Olov

[Nigora Umarova]

Yetmish yil...

Yetmish yil...
Qo'lingdan tushmadi kishan,
Yetmish yil...
Qarg'ading qattol temirni.
U - senga qo'riqchi,
Sen-unga dushman!
Seni u, uni zang yemirdi...

Yetmish yil...
Oyoqlar tepkilab o'tdi,
Yetmish yil...
Tupuklar sachradi yuzga...
Seni har kun, har tunda o'limlar kutdi,
Umring bahorida yo'lqding kuzga...

Yetmish yil...
Diydorin qizg'andi osmon,
Yetmish yil...
Istading bir qatim ziyo.
Seni qul etdilar, qolgani yolg'on,
Ozodlik tush edi,
Ozodlik ro'yo!

Yetmish yil...
Tik turib uxlading bedor,
Teskari uchburchak edi yotog'ing.
Yetmish yil...
Betonga tiralib nochor,
Ildiz otib ketdi yerga oyog'ing!

Yetmish yil tugadi!
Kishan yechildi!
Hur sabolar esdi to'rt tomoningdan...
...Ayrilgandek qaqshab yig'laging keldi
Yetmish yillik eski qadrdoningdan.

Hadiksirab qolding hurlik otidan,
O'h, bu ne o'rgulik?
Qanday haqorat?
Qo'llaring... cho'zilib ketdi ortidan,
Sen... kishanga mehr qo'yganding!
Dahshat!!!

Zohidjon Olov

[Samarqand-uz]

Dunyoda eng qaltis, nozik nima bor,
Dunyoda eng nafis, latif va go'zal?
Nimaga doimo inson zoti zor,
Nimaga intilar azaldan-azal?

Nimani farzandga tilaydi ona,
Nimani allaga qo'shib aytadi?
Nima u har kimni qilgan mardona,
Nimani qo'shiqda jo'shib aytadi?

U baxtdir!
So'roqsiz kirib keladi,
Gul kabi muloyim, sirli kuladi!
So'roqsiz ketganin sezmay qolasan,
Ortidan ko'zingni uzmay qolasan!

Shunchalar nozikki, o'ksigan chog'da
Tavallo qilsang ham qayrilib boqmas!
Shunchalar qaysarki, qor yoqqan tog'dan
Bahorda bir tomchi suv bo'lib oqmas!

Baxt topsang, ey do'stim, hushyor bo'lib boq,
Beparvo kishini yomon ko'radi.
Yo'liga qalbingni chiroq qilib yoq,
Kutmagan yeringda pinhon turadi!

Shuhrat.

[Alisher Asror]

Матн муаллифини биладиганлар борми?


Qo`qonlik muhlislarning aytishicha matn muallifi Buhorolik Rajab Avazov ekan.

[bekww]

Sayding qo’yaber sayod.

Sayding qo’yaber sayod, sayyora ekan mendek,
Ol domini bo’ynidin, bechora ekan mendek,
O'z yorini topmasdin ovora ekan mendek,
Iqboli nigun, baxti ham qora ekan mendek,
Hijron o’qidin jismi ko’p yora ekan mendek,
Kuygan jigari-bag’ri sadpora ekan mendek.

Kes rishtanikim qilsin chappaklar otib jasta,
Hajrida alam tortib, bo’ldi jigari xasta,
Tog’larga chiqib bo’lsin yori bilan payvasta,
Kel, qo’yma balo domi birla oni pobasta,
Hijron o’qidin jismi ko’p yora ekan mendek,
Kuygan jigari-bag’ri sadpora ekan mendek.

Besh kun seni davringda bechora hirom etsun,
Ohular ila o’ynab, ayshini mudom etsun,
Yomg’ur suvi to’lganda, tog’ lolani jom etsun,
Haqqinga duo aylab umrini tamom etsun,
Hijron o’qidin jismi ko’p yora ekan mendek,
Kuygan jigari-bag’ri sadpora ekan mendek.

Sargashta bu vodiyda bir boshig’a rahm etkil,
Yoq toqati bandingga, bardoshig’a rahm etkil,
Yig’lab senga termulur, ko’z yoshiga rahm etkil,
Raxm etmasang o’ziga, yo’ldoshig’a rahm etgil,
Hijron o’qidin jismi ko’p ekan mendek,
Kuygan jigari-bag’ri sadpora ekan mendek.

Tog’da ochilib lola, yer sabza bahor o’lsa,
Ohir bu nechuk bedod, olam anga tor o’lsa?
Chiqmay desa joyidin, uzlatda figor o’lsa,
Gar chiqsa banogohi domeg’a duchor o’lsa,
Hijron o’qidin jismi ko’p yora ekan mendek,
Kuygan jigari-bag’ri sadpora ekan mendek.

Bechorani zulm aylab, qo’l, bo’ynini bog’labsan,
Har sori chekib-sudrab, o’ldirgali chog’labsan,
Ko’ksini jafo birla lola kabi dog’labsan,
Sot menga, agar qasding olg’uvchi so’rog’labsan,
Hijron o’qidin jismi ko’p yora ekan mendek,
Kuygan jigari-bag’ri sadpora ekan mendek.

Yo’q hushi, pari tekkan devonag’a o’hshaydur,
Ko’z yoshi yana to’lgan paymonag’a o’xshaydur,
G’am seli bilan ko’ngli vayronag’a o’hshaydur ,
Furqatda bu Sa’dullo hayronag’a o’xshaydur,
Hijron o’qidin jismi ko’p yora ekan mendek,
Kuygan jigari-bag’ri sadpora ekan mendek.

Furqat.

[Alisher Asror]

Bugun tongda turib bir fikr keldi:nimaga endi bahor tog`larga, bog`larga kelar ekan? Bizgachi?:)


Tog`ni qo`ying, bog`ni qo`ying,
Ko`zlarimga keldi bahor.
Kuzlarida sarg`aygan ul ,
Yuzlarimga keldi bahor.

Ochiq havo , ko`kalamzor,
Dam o`tmasdan yomg`ir, shamol…
Sovuq bezor, qishdan bezor
O`zlarimga keldi bahor.

She`rlar bitgan , g`azal bitgan,
Ming bahorni kuylab o`tgan,
Goho zahru-zaqqum yutgan,
So`zlarimga keldi bahor.

Bolarilar qo`ngan oq gul,
Sen menga ham jindek boqqil,
Men ham bahor, sen so`roq qil.
Ro`zlarimga keldi bahor.
O`zlarimga keldi bahor…


Alisher Asror

[Hero]

Ayriliq

Sizni kutyapman ko'nglimda armon
Sizni tezroq ko'rish orzusidaman
Hech narsa bo'lolmas dardimga darmon
Qayg'u alamlarning yog'dusidaman

Sizni kutyapman har lahza xar on
hozir kelar deya sizni o'ylayman
Mayli kelmasez ham yuring sog' omon
Qalbim sirlarin sizga so'ylayman

Orziqib kutyapman kutyapman xamon
umrim oxirigacha kutaveraman
Toki jismim uzra bor ekan bu jon
Yolg'iz sizni kutib yashayveraman!!!

[Hero]

Sog`inch

Sog`inch sochlari oqarib ketgan
Ishonchning ko`ksiga toshlar yig`laydi
Ishonchning qo`llari endi kesilgan
Baxtimning boshini gumon silaydi

Ruhimning yagona yopingan to`ni
Vujudimni kuydirar ayovsiz gulxan
Alanga, o`t chatnar, qolgan tanimni
Azoblar anovmas, o`zga bir sitam

Qo`llarim yetmagan olis yulduzlar
Ko`ksimga bosh qo`yib aylarmish fig`on
Tushim deb suvlarga aytilgan so`zlar
Axir hammasi ham emaku yolg`on!

Nahot quyosh umri shunchalar qisqa
Nahotki, oyning yarmi ham zulmat
Yo Rab! Bugun vafo dorga osilsa
Sevgiga go`rgov qilar xiyonat

Sevinchning suvrati sarg`ayib ketgan
Kiprikka osilib yoshlar yig`laydi
Tirnog`im ostida zindonband shayton
Ruhimga hukmdor bo`lmoq istaydi

Sog'inmayman deymanu lekin Sog'inib yashayman,
Kunlarni Tonglarni birin birga ulab yashayman.
Azizam men seni Sog'inib yashayman,
Nima qilay sog'inchim hidden qilib yashayman.
.

Hazonlarni bossam og'riydi jonim,
Bu xasis kunlardan seni so'radim.
Shu damda dunyoni unutib bir bor,
Kimnidir sog'inib ilk bor yig'ladim...

Sog'indim desam aslo ishonma.
Sog'inchga joy yo'qdir oshiq qalbimda.
Sog'inmas ekandeb sevgingdan tonma.
San doim man bilansan hayollarimda...

[Hero]

XOTIRA

Bilasanmi man nima uchun yomg’irni yaxshi ko’raman, chunki yomg’ir yoqqanda mani ko’zimdagi yoshlarim bilinmidi, shu yomg’irlar orqali boshqalardan ko’zimdagi yoshimni, yuragimdagi dardimni, sanga bo’lgan sog’inchimni yashiraman!!! Mana hanuzgacha sani eslayman!!

Esingdami birga o’tgan shirin damlarimiz, shirin orzularimiz, xayollarimiz!! Nahotki shularni hammasidan hech ikkilanmasdan vos kechding?
Nima shunchalik bag’ring toshmi!!!
Hozir kimga qalbimda kechayotgan o’ylarimni, azoblarimni aytishni ham bilmayman!!!
Hozir mani eslayotganmikan degan o’y ketmaydi hayoldan, hech bo’lmasa yomg’ir yog’ganda mani bir bor esla, yomg’ir tomchisini ko’rganda, oxirgi uchrashuvimizdagi ko’zimdagi ko’rgan bir tomchi achchiq yoshimni esla!!!

Tunu-kun ko’zlarim telefon ekranida, balki birbor eslab telefon yoki sms yozar deb!!! Lekin mani g’ururim qo’ymaydi sanga telefon qilishga, san esa mani eslamisanam!!! BU NAQADAR AZOBLI TUYG’U EKAN!!

Agar sevgi shunaqa azobli tuyg’u ekanligini bilganimda, balki bir umr sevmasdan, xissiz bo’lib yashardim!!!!

[Nigora Umarova]

Sog`inch

Sog`inch sochlari oqarib ketgan
Ishonchning ko`ksiga toshlar yig`laydi



Matn yozayotganingizda rangli shriflarni qo'llamang

[Hero]

Ko'ngil shunday xilqat ekanki
Noziklikda misol qizg'aldiq
Yerga darrov to'kila qolar
Xali qo'ling tegmasidanoq

Ko'ngil shunday xilqat ekanki
Bir so'z bilan chil - parchin bo'lar
Agar uni yo'lini topsang
Bir so'z bilan shodlikka to'lar

Ko'ngil shunday xilqat ekanki
Pok dillarga bog'lanadi u,
Ammo u dosh berolmas ba'zan
Unga to'lar g'am, alam qayg'u

[Nigora Umarova]

Ko'ngil shunday xilqat ekanki
Noziklikda misol qizg'aldiq
Yerga darrov to'kila qolar
Xali qo'ling tegmasidanoq

Ko'ngil shunday xilqat ekanki
Bir so'z bilan chil - parchin bo'lar
Agar uni yo'lini topsang
Bir so'z bilan shodlikka to'lar...


Ba'zan nozik hilqat egasi,
Bilib-bilmay otib qo'yar tosh.
Shundan ba'zan diling og'riydi,
Albat javob berursan, tugasa
bardosh.

Ba'zan so'zlar o'qdek yog'ilsa,
Nozik qalbni chandiqlar bosar.
Tomchi-tomchi suv ham yig'ilsa,
Payti kelib daryoday toshar.

[Samarqand-uz]

Mehri kamlik qilar ba'zan bittaning,
Hisoblari chigal shu umring uchun.
Hazin intiqlikda kuysada taning,
Zorman deb aytmoqqa yetmaydi kuching.

Mehri ko'plik qilar goho kimningdir,
O'zgaga bandu-band yuraging uchun.
Sen esa qalbingni saqlaysanu sir,
Ketgil deb aytmoqqa yetmaydi kuching.

Hosiyat Bobomurodova.

[Nigora Umarova]

Mehrni hovuchlab barchaga berib,
Ba'zan tomchi mehrga bo'ladurmiz zor.
O'zgaga tabassum, shodlik ulashib,
Kimningdir qahriga bo'lib giriftor-
O'tib ketadurmiz yolg'on dunyodan,
Noravon yo'llarda qadam tashlashib.
Ajdodlardan qolg'on eski "bozor"dan
Mol olib, mol berib, molni talashib.
Hazin qurumlardan zang bosib qalbni,
Hayot ranglarini sezmay qolamiz.
Rayhon bilan ajratolmay alafni,
Gul qolib chaqir tikanakni olamiz.

[Alisher Asror]

G`urur peshtoqida kibrdan bayroq,
Otlar dam olmoqda egarlari band.
Menda erkak hissi tunu-kun uyg`oq,
Yoki shu hissiyot bermoqdami pand...

Ko`ngil ishqingizga yonib bormoqda,
Muzlar tashlasam-da tutab , buriqsib,
Tilim miyamgacha tonib xormoqda...
Ko`zni yumsam faqat o`ziz turibsiz!

Dilni olov etgan ilohiy hayrat,
Oxiri ikki yo`l qoldi bilganim:
Biri ishq olovi o`chgan u siyrat,
Biri kuyub ado bo`lgan u tanim.

Alisher Asror

[Samarqand-uz]

Nasihat

Hech kimsa tanlamas ota- onani
U kimdan tugulsa sudir onasi
Qay kunga duch kelsa shu zamonasi
Yangilash mumkindir lek zamonani.

Ota-yu onani aslo hech qachon!
U mangu bitikdir umring tongida.
Ehtimol yuz karra o'zgarsa jahon,
U aslo o'zgarmas yana yangidan.

Ulardan nolima gunohdir hatto
Va ta'na toshi ham otmoqlik gunoh.
Mard bo'lsang sen o'zing bo'lganda ota
Ularning xatosin qilmagin takror!

Ularning nuqsonin ichingga yutib
Fazilat gullarin yashnat yuz bora.
Va ular chiqmqgan dovondan oshib
Ufqlar ortida deb ko'rsat marra.

Shunda ham unutma shu ota-onang
Qonidir qalbingda jo'sh urub turgan.
Ulardir yagona, aziz parvonang
Ulardir sen uchun o't suvga kirgan.

Ularning oq sochli boshlariga boq,
Yuz ko'zin qoplagan ajinin sana
Ko'zoynak taqmasdi avvallar bundoq
Tiik qaddi egilib qolibdi ana.

Bularning barchasi seni deb, o'g'lon
Seni deb yillarning jangidan o'tgan
Nimaki topibdi oqmi qora non
Avvalo qo'shqo'llab u senga tutgan.

Yemasdan yedirgan, kiymay kiydirgan
Yo'lingni tozalab balo qazodan
Aybingni kechirib bolam deb bilgan
Baxtingni tilagan kunda azondan.

Onangning sochlarin tolasi qancha?
Otang soqolining oppoq mo'yi-chi
Sening ham ulardan qarzing o'shancha
Uzmog'ing maholdir umring bo'yicha!

Shu yoshga kirib men onam qarzidan
Qutuldim degan bir zotni ko'rmadim.
Bu so'zni aytadi hayot darsidan
Bebahra, bexabar, nodon bo'lsa kim.

Qaysi bir xislati yoqmasa senga
Ularning yuziga solmoqdan tiyil.
Rahmatdan nur qo'yib mag'rur ko'ksiga,
Dunyoga keldingmi,- bo'l shunga qoyil!

Ko'zlaring ko'zidan, tiling tilidan,
Umidi ufqingda balqigan quyosh.
Duosi hamrohing bo'lsa yo'lingda,
Qahridan qum bo'lib ushaladi tosh!

Kunda yuz tashakkur aytsak ham hatto
Ularning qarzidan qutulmoq mushkul,
Ularga tosh otib sen qilma xato
Ularning nuqsonin balki ibrat bil!

Ming dono bo'lsang ham shu ota- onang
Ming go'zal bo'lsang ham ular pushtisan.
Ularni almashmas sevgan jononang
Jononga sen axir ersan, do'stisan.

Sen ular borida xizmatin qilib
Qalbida tashakkur chirog'ini yoq.
Va yaxsh nom bilan ortida qolib
Ularning yodini saqlagin porloq.

Shu sening muqaddas farzandlik burching
Farzandlik burchingni oqlab qol o'g'lon.
Ko'zingdan nur qochib ketganda kuching,
Qalbingda qolmasin achchiq bir armon!

Shuhrat

[Hero]

Bo’lgan ekan vaqtida
Ikki sevishgan baxtiga!
Yurishardi qo’l ushlashib
Doim urishib baxslashib!
Qiz borekan yigit xam
Sevishibdi juda xam
Yigit yangilik aytish uchun
Uchrashuv belgilabti
Boshlig’in ko’ndiribti
Ko’ndiribti sovchi bo’lib borishga
Sevishganlarga oq fotixa so’rashga
O’sha kun qiz kelibdi dam
Ekan ko’zlarida nam
Yig’lar emish kulmasdan
Yigitga qaramasdan
Yigit xayron qolibdi
Va qizidan so’rabdi:
Nega yig’laysan jonginam?
Nega ko’zlaringda nam?
Qiz xamon yig’lar edi
Yigitni sevar edi
Xafa qilmay yorini
ko’zlari xumorini!
Yigit chiroyli edi
Ota onasiz
Bir o’zi yashar edi
Qon-qarindoshsiz!
Katta bo’lgan yetimxonada!
O’z o’rnini topdi xayotda!
Kunlar o’tib ulg’aydi!
Erishdi yutuqlarga
Faqat sevdi yorini
Berilmay buzuqlarga!
Yana qizga qaytamiz
Davomini o’qiymiz!
Yig’laypman azizim
Dunyodagi borlig’im
Osmondagi yulduzim
Kechalarim kunduzim!
Bo’pti endi aytaman
Chidolmaysiz bilaman
Tushuning mengayam og’ir
Ne qilay taqdirim shudir…
Unashildim o’zgaga
Sovchilari orqali
Aytolmadim sizga xam!
Tez bo’lgani tufayli!
Kut dediz kutolmadim
Sevishim aytolmadim
Kechiring mani sevgilim
Sizga yor bo’lolmadim!
Qiz yigitga qarasa:.
Ko’zidan yosh oqgandi.
Yigit yig’layotgandi!
Yigitning yangiligi
Qolib ketdi dilida
Boshlig’in ko’ndirgandi
6 yil deganida!
Yigit xech nima deyolmadi
Yangiligin aytolmadi…
Nima foyda yangiligin aytishdan
Sevgilisiga sovchi yuvorishdan?
Yig’idan to’xtolmadi yigit xech
Bilardi barchasiga endi kech!
Xayrlashish oldidan
Yigit qizni quchib oldi!
Tongda quchvolib qizni
Tun deganda qoyvordi!
Nima deb xayrlashsin?
Bilmas edi bechora!
Xoxlamay ayrilishni
Ayriladi nachora???
Qiz ketdi
Yig’lab yig’lab
Faqat sevgilisin o’ylab!
Endi nima qilaman
Usiz qanday yashayman?
Yigit qizning orqasidan
qarab qoldi
uzoq-uzoqlardan
baxtlar tilab qoldi!
7-iyul erta
qizning to’yi
qiz ne qilarin bilmay yurar
yigit o’yi!
To’yi kuni ertalab yigit unga xat yozgandi
Xatni qizning o’zimas singlisi o’qigandi!
Xatda shunday so’zlar yozilgandi:
Kechir mani to’yingga xech borolmayman…
Aroq ichib sanga baxtlar tilolmayman…
bugun sani o’zga qo’llar quchadi-ku!...
Bugun o’zga sani o’zinikin qiladi-ku!...
Men baxtliman agar-da sen baxtli bo’lsang!...
Baxtliman men agar-da sen taxtli bo’lsang!...
Alam qilyapti xozir sansizligim…
Alam qilyapti xozir baxtsizligim…
Ayblamayman jonim …
Sendda xech ayb yoqdir…
Baxtli bo’lsang bilgin
sendan ko’nglim to’qdir ……
kechir mani sansiz yashash man uchunmas
xech xam sani o’zga bilan ko’rgim kelmas…
mani ko’rsang bilaman san qiynalasan
yana yarang yangilanib siqilasan…
yarang yangilanishin xech xoxlamayman…
kechir xudo men uningsiz yasholmayman...
bugun to’ying jonim seni bugun to’ying
oq libosga juda mosdir seni bo’ying!
O’ylamagin xecham mani o’ylamagin
Man baxtliman o’zga bo’lsa sening baxting!
Xoxlar edim xozir bir-bor sani ko’rsam…
Xoxlar edim xozir bir-bor sani quchsam…
Armon bo’ldi seni oxirgi bor ko’rish…
Armon bo’ldi mani kelinchagim bo’lish…
Kechir meni yangiligim aytolmadim……
Kechir meni o’zimniki qilolmadim……
Sani baxtli ko’rish uchun xar narsaga tayyorman!
Lekin afsus bu dunyoda endi yoqman!
Xoxlamadim seni bezovta qilishni…
Va sani o’zga bilan ko’rishni………………………

[Hero]

Afsus yigit yana bir bor kech qolgandi!
Chunki birinchi bunday xatni qiz yozgandi!
Xoxlamadi yigitni boshqa bilan ko’rishni!
Xoxlamadi begona yigit bilan yashashni!

Afsus o'sha damlar xayol bo'ldiku
Javobi yo'q dilda savol bo'ldiku
Vujudimda yashayotgan
Muxabbat sho'rlik qalbim.
Ichra uvol bo'ldiku.
Shumi baxtim men sho'rlikni,
Bilolmayman ich-ichimdan.
Yig'lab chindan kulolmayman.
Na tirikman, na o'libxam, o'lolmayman.
Meni balki sevar kimdir men endi sevolmayman

[Samarqand-uz]

Yod et,
Borlig'imni olib ketgan kuz
Tunda hilol bo'lib qaytganda unsiz.
Sen bu xazonlardan burib ketrma yuz,
Ular yulduz bo'lib yongaylar, yulduz...

Olis-olis ketgan pinhon so'qmoqlar
Bir kun ketgay axir dalli daryoga,
O'sha so'qmoqlarda jim yo'qolganlar
Daryo bo'lib qaytar yorug' dunyoga...

Bunda yulduzlarga ko'chgan xazonlar
Fazolarda yongan mening bir jonim
Boshingga yulduzlar to'kilgan onlar
Meni yod et pinhon,
Meni yod et jim...

Asqar Mahkam

[Nigora Umarova]

Afsus yigit yana bir bor kech qolgandi!
Chunki birinchi bunday xatni qiz yozgandi!
Xoxlamadi yigitni boshqa bilan ko’rishni!
Xoxlamadi begona yigit bilan yashashni!



Muallifi kim? Muallifini ko'rsating.

[Gulchehra Ibragimova]

СИЗГА ИШОНАРДИМ

Сизга ишонардим болаларимни.
Дилимдаги пинҳон нолаларимни,
Кўзимдан оққувчи жолаларимни.-
Сизга ишонардим,
Энди қайтаман?!

Менам онаман-ку, ойларим чўкса,
Болалар гоҳ келиб ғамларин тўкса,
Бу юклар азоби қаддимни букса,-
Кимга тўкиламан,
Кимга айтаман?!

Йўқ экан-ку Сиздай
Сир сақлагич тоғ,
Сиз ўзи мени ким қилиб кетдингиз?
Ёлғиз-ёлғиз қилиб,
Дунёда қандоғ
Сирини тўкмас хум қилиб кетдингиз.
ОНАМ-ОНАМ-А?!
..СИЗГА ИШОНАРДИМ БОЛАЛАРИМНИ.

Халима Худойбердиева

[Hero]

Men seni ko''rar edim
Ko''rganda kular edim
Rostini aytsam do''stim
Men seni sevar edim.
-------
Kimgadir orzusiz ushalmaydigan
Kimgadir xazonsiz gullamaydigan
Kimgadir oshiqsiz tiz cho''kmaydigan
Menga chin do''st bo''ling sotilmaydigan.
------
Baxtli kunimda baxtni baxam ko''radi.
G''amgin ko''nimda g''amimga sherik bo''ladi
Yig''lasa yig''laydi,kulsam kuladi
Eng yaxshi do''st sizday bo''ladi.

Laziza Azizoda

[Hero]

D"-o''stim senga eslash uchun deb,
"o`"-lmas dilga yozdim sahifa.
"S"-evgi qalbga tushar yil sayin,
"T"-ayyorladim arzimas sovg''a.
"I"-shingizda rivoj tilayman,
"M"-uhabbatda baxtiyor bo''ling.
"G"-archi qarib 100ga kirganda,
"A"-srang buni avaylab qo''ying

Laziza Azizoda

[Hero]

Osmon to`la chiroqga,
Milt-milt etib yonadi,
O`sha yongan chiroqlar,
Hayollarim oladi.

Tuni kecha osmon kezib,
Taqdirimiz izladim,
Yulduzlardan seni so`rab,
Yoshim to`kib bo`zladim.

Xotirada abad qolgan,
Sening oxu ko`zlaring,
Qayta-qayta qiynagan,
Menga aytgan so`zlaring.

Laziza Azizoda

[Gulchehra Ibragimova]

Суқрот нима учун кечирилмаган?

Инсоният, жамият тарихидаги энг ҳақсиз, адолатсиз судлардан бири файласуф, донишманд Суқротга нисбатан содир этилди. Буюк инсонларни тарбиялаган халқ қандай қилиб бу ҳолга йўл қўйган? Суқрот уларнинг олдида не айб қилгандики, 70 ёшга кирган қарияни-да кечиришолмади? Ахир бу ёшда инсонларни ўлимга ҳукм қилиш мантиқсизлик-ку?
Суқротни уч киши – Мелет, Анит ва Ликон судга беради. Айблов оддий: Суқрот шаҳар сиғинган худоларни ҳурмат қилмай, янги худоларни киритмоқда ва ёшларни бузмоқда! Бунинг учун ўлим жазосини сўрашди.
Анит – косиблар учун, Ликон – нотиқлар учун, Мелет эса – шоирлар учун Суқротдан ўч олмоқчи эди. Чунки файласуф уларнинг устидан ҳар доим кулиб келган.
Нега? Биламиз, Суқротнинг асосий шиори шундай бўлган: «Мен ҳеч нарса билмаслигимни биламан». Бироқ бу у бошқаларни ўзидан устун қўярди дегани эмас. У ҳар доим жамиятда ақлли кишиларни қидирган. Бироқ… тополмаган.
У доноларни излаб дастлаб давлат кишилари орасига боради. Одамлар мақтаган шундай шахслардан бири билан суҳбат қилиб, ҳафсаласи пир бўлади. Бу калондимоғ, ўзига берилган киши хусусида у шундай дейди:
- Мен-ку, ҳеч нарса билмаслигимни биламан, бу шуни ҳам билмас экан!
Сўнг файласуф шоирлар билан суҳбатга киришади. Шоир ҳар қандай жамиятда доно саналган. Антик даврда ҳам шундай бўлган экан... Суқрот ҳам мана шу фикрнинг тўғри-нотўғрилигини билишга қизиқади. Афсуски... баҳсга киришар экан, файласуф улар тимсолида донони кўрмайди. Улар донолик билан эмас, балки фолбинларга ўхшаб туғма иқтидор билан ва ўзлари билмаган ҳолда ижод қиларкан. Файласуф бу шоирларга ўзларини бошқалардан ақллимиз дейиш ҳуқуқини бермайди, деган фикрга боради.
- Шоирлар нима дейишаётганини ўзлари тузук-қуруқ англаб етмайди, - дейди у.
Косиблар ҳам шоирларга ўхшайди: ўз касбини яхши билганликлари учун улар ҳам ўзларини доно ҳисоблайди. Файласуф шундай хулосага келади.
Бу хулосалар ўзини ҳар недан улуғ санаб юрган жамият аъзоларига ёқмайди. Бироқ Суқротга қарши бирор чора ҳам кўришолмайди. Улар ҳеч қачон Суқротни баҳсда енголмаган. Қўлларидан келгани уни дўппослаш бўлган, холос.
Шундай ҳолларда файласуфнинг дўстлари унга бирор чора кўришни айтганда у жавоб қайтарган:
- Мени эшак тепса, уни судга бераманми?
Ниҳоят пичоқ суякка тақалгач, уни судга беришади.
Судда ўзини ҳимоя қилиш учун Суқротга нутқни Лисий ёзади ва уни ўқиб беришни сўрайди.
- Нутқ ўта жозибали ва аъло даражада экан, лекин менга тўғри келмайди, - дейди Суқрот.
- Нега? – ҳайрон бўлади Лисий.
- Ҳеч қачон менга янги бошмоқ ва чиройли плашч ярашганми? – жавоб беради Суқрот.
У судда ўзини сидқидилдан ҳимоя қилмайди. Балки кўпроқ афиналикларни жаҳл отига миндирадиган гаплар қилади.
- Ўзим учун эмас, сизлар учун ўзимни ҳимоя қиляпман, чунки мени ўлимга ҳукм қилиб худодан олган эҳсонни йўқотиб қўйманглар дейман.
Судда 501 нафар судьядан 281 нафари файласуфга қарши овоз берди ва уни айбдор деб топди. Энди жазо тайинлаш лозим эди. Ҳакамлар жазони белгиламоқчи бўлаётганда файласуф 25 драхм (арзимас сумма) тўлашни таклиф қилди.
- Қилмишим учун аслида Давлат кенгашида менга текинга тушлик беришларинг керак эди, - деди у судда.
Бу халқнинг ғазабини янада қўзғади. Унга қарши овоз берганлар сони яна 80 тага ошди. Суқрот ўлимга ҳукм қилинди.
– Бу ердан кетиш вақти келди, - дейди файласуф суд якунида. - Мен ўлишга, сиз яшамоқ учун кетасиз, қай биримиз яхши томонга кетаётганимиз эса ёлғизгина худодан ўзга ҳеч кимга маълум эмас.
Суқрот ўлимга ҳукм қилингач, дўстларининг қамоқдан қочиш тўғрисидаги таклифини рад этар экан, далил келтиради: шунча вақт у қонунларни, давлатни, ватанни ҳурмат қилди, улар ҳам ўз вақтида унга кўп яхшиликлар кўрсатди, шулар эвазига у айни даражасига эришди. Нега энди шу пайтгача яхши кўриб, амал қилиб келган қонун ва давлатини айнан ўзини ўлимга ҳукм қилишгандан кейин ташлаб қочиш керак? Агар улар ёмон бўлиб, файласуфни қонқтирмаганда бундан илгарироқ кетиш ёки уларни ўзгартириш учун ҳаракат қилиш лозим эди. Демакки, шундай қилмаган экан, энди уларга сўзсиз бўйсуниш керак...
Шундай қилиб антик даврда ўлимга маҳкум этилган биринчи файласуф Суқрот бўлди.
Бундай ҳолларда кўпинча бўладиганидек хатолар тезда англанди. Афина халқи адашгани, уни нотўғри йўлга буриб юборишганини тушунди. Аммо хатолар англашилганда Суқрот аллақачонлар бир коса заҳар ичиб, вафот этган эди. Ўлимидан сўнг файласуфга бронзадан ҳайкал тиклашади. Халқ эса ҳар доимгидай вазиятдан беайб чиқиб, гуноҳкорлар топилди: айбловчилар. Мелет ўлимга маҳкум этилди, қолган иккиси эса шаҳардан қувғин қилинди. Лекин ҳеч ким «Суқрот кўпчилик овоз билан ўлимга ҳукм этилган эди-ку», демади.
Биласизми?
Суқротнинг отаси тоштарош-ҳайкалтарош бўлган. Ўзи нима билан шуғуллангани тўғрисида аниқ маълумот йўқ. Айрим адабиётларда олибсотарлик қилиб кун кўргани айтилади. Фуқаролик бурчини бажариб, уч марта ҳарбий юришда иштирок этган. Асосий иши биринчи қарашда содда, аслида айёрона саволлари билан кўча-кўйда барчанинг бошини қотириш бўлган. Умри давомида ҳеч қачон ҳеч нарса ёзмаган. Ҳар қандай оддий, аниқ нарсаниям чалкаштириб юбораверган.
Икки марта уйланган. Айрим маълумотларга кўра, афиналиклар аҳоли сони камайиб кетишининг олдини олиш мақсадида эркакларга бир аёлга уйланиб, бошқасидан фарзанд кўришга рухсат берувчи қонун қабул қилгач, Суқрот иккинчи хотинига уйланган. Уч нафар ўғли бўлган.

04.02.2010 даги 7х7 газетасидан олинди

[Samarqand-uz]

Shaksiz biling, bu dunyo barcha
xalqdan o'taro
Ishonmagil molingga, bir kun
qo'ldan ketaro
Ota-ona qarindosh qayon ketdi
fikr qil,
To'rt oyoqli cho'bin ot bir kun
senga yetaro
Dunyo uchun g'am yema, haqdin
o'zgani dema
Kishi molini yema, sirot
uzra tutaro
Ahli ayol, qarindosh, hech kim
bo'lmaydi yo'ldosh,
Mardona bo'l g'arib bosh, umring
yeldek o'taro.
Qul Hoja Ahmad toat qil, umring
bilmam necha yil,
Aslin bilsang, obi gil, yana
gilga ketaro.

Ahmad Yassaviy

[Gulchehra Ibragimova]

*** *** ***
Сен мени ўзингга ўргатиб қўйма.
Қошинг ўроғида жонимни сўйма.
Хаёл суриб қолсам кўнгилга йўйма-
Сен мени ўзингга ўргатиб қўйма.

Пайдосан тўкилган замонимда Сен,
"Ишқ" сўзин бор этдинг забонимда Сен.
Адашиб гулладинг хазонимда Сен-
Сен мени ўзингга ўргатиб қўйма.
..
Дил жомига оғу қуйиб толдим мен,
Бошимга минг бало уйиб олдим мен.
Наҳот тағин, наҳот суйиб қолдим мен?!
Сен мени ўзингга ўргатиб қўйма.

Қошингда жонимни тўғратиб қўйдинг,
Кўнгил кўзасини тўлғатиб қўйдинг.
Сен мени ўзингга ўргатиб қўйдинг,
СЕН МЕНИ ЎЗИНГГА ЎРГАТИБ БЎЛДИНГ!...

БОБУР БОБОМУРОД

[Alisher Asror]

“Bu dunyo arzimas fido bo`lishga…”(qo`shiqdan)

Arziydi bu dunyo fido bo`lishga,
Yaxshilar dilida qolmoqchi bo`lsang,
Avlodga go`zal uy solmoqchi bo`lsang,
Ham yurtda yaxshi nom olmoqchi bo`lsang,
Arziydi bu dunyo fido bo`lishga.

Arziydi bu dunyo fido bo`lishga.
Shirin joning sandiq solib ne qilding?
Zahmatdan yashinib , qolib ne qilding?
So`ngra sen tep-tekis joyda yiqilding...
Arziydi bu dunyo fido bo`lishga.

Arziydi bu dunyo fido bo`lishga.
Muhabbatni topsang, sevgini ko`rsang,
Visol, hijron , armon ko`yida yursang,
Song dildor qoshida jon taslim tursang.
Arziydi bu dunyo fido bo`lishga.

Arziydi bu dunyo fido bo`lishga.
Ona mehrin tuyub yashashni bilsang,
Bolang o`pib-suyub yashashni bilsang,
Sog`inchlarda kuyub yashashni bilsang,
Arziydi bu dunyo fido bo`lishga.


Alisher Asror

[Gulchehra Ibragimova]

Яшнаб, очилиб менга қараб келдингми?
Макрингни табассумга ўраб келдингми?
Ул кун кетиб эрдинг-ку, олиб қалбимни,
Бул кун яна жонимни сўраб келдингми?

Жалолиддин Румий

[Alisher Asror]

Makringni hayolimga olmayin o`zing suydim,
Sen sevdingmi bilmadim, bir jonim o`zim suydim,
Qalbimni berib qo`ydim kutmay iltifotingni,
Jonsiz qolayotganim yiqilayotganda tuydim.

(C)

[Gulchehra Ibragimova]

Суюкли ва мумтоз шоирларимиз ижодидан айрим наъмуналар:

Гоҳида қизларнинг кўз ёши бекор,
Йигит севгисидан тонгган дунёда.
Булбул ҳам чаманни ташлаб кетармиш,
Барглари сарғайган гулни кўрганда.

Гулжамол Асқарова

***
Келар кундан йўқ умидимиз,
Лек керакмиз бир-биримизга.
Топишмоқ-чун йўқ вужудимиз
Биз юракмиз бир-биримизга

Муҳаммад Исмоил

***
Қўлимда қанча мулким бор-
тўкарман мен оёғингга,
Ҳаётимни қилай қурбон,
етишсам бир висолингга

Муслиҳиддин Саъдий

***
Ёшлик шаштин шердай бўйсундир, ўғлон,
Ота-ю, онангга бўл суянч, қалқон.
Онанг берган сутни унутма асло,
Отанг тарбиясин унутма бир он!.

Носир Хисрав

[Alisher Asror]

Келар кундан йўқ умидимиз

Yana bir bor yangi oy to`lmaydi deb o`ylama,
Bunda har ishni dushvor, bo`lmaydi deb o`ylama.
To tirikmiz umid-la yashab davron quramiz,
Sabrliga omadlar kulmaydi deb o`ylama.

(C)

[Masud Mahsudov]

Келар кундан йўқ умидимиз

Yana bir bor yangi oy to`lmaydi deb o`ylama,
Bunda har ishni dushvor, bo`lmaydi deb o`ylama.
To tirikmiz umid-la yashab davron quramiz,
Sabrliga omadlar kulmaydi deb o`ylama.

(C)

OFFTOP: Alisher aka, bu mavzuda ko'proq ko'pchilikning dilidan o'rin olgan satrlarni joylashtirsangiz, iltimos... (Mualliflik ishlari uchun "She'r aziz olam aro" mavjud, o'sha yerga xohlagancha she'rlaringizni qoldiring, fikrlarimizni bildiramiz). Chunki bu mavzuning ochilishidan maqsad ham shu - birinchi xabarni o'qib ko'rsangiz, bilib olasiz... Oldindan uzr...

[Gulchehra Ibragimova]

ОНАЖОН

Гарчи бугун менга ҳамма парвона,
Хайрон кўзим бўлар яна хайрона.
Минг бир жигар бўла олмас бир она,
Ахир энди менинг бахтим Онам йўқ ...

Қайда қолди юрагимнинг шўхлиги,
Ота-онанг экан кўнглинг тўқлиги.
Ой-кун ўтиб билинаркан йўқлиги.
Дардларимни ичга ютган Онам йўқ..

Ярим гапга кўнгил тўлмай оз бўлар,
Икки гапнинг оғирлиги боз бўлар
Онанг бўлса қиш уйинг ҳам ёз бўлар
Ёзларим кетдилар, энди онам йўқ..

Уйғониб кетаман дарддан тўлғониб,
Кўз олдимдан кетмас охир кунлари..
Тақдир экан рози бўлинг, билмадим,
Кўксимга бош қўйиб суйган онам йўқ

Онам қўйган ёстиққа бош қўйгайман,
Хидлаб-хидлаб ўпиб сира тўймайман.
Онам, дея эрка қизим суйгайман,
Босган излари топилмас, Онам йўқ.

..Кўксига бош қўйиб ётгани онам йўқ,
Мушфиқим, мунисим Онам йўқ..

(Таниқли хонанда О.Назарбеков томонидан куйлаган қўшиқ. Узр, муаллифини билолмадим..)

[Alisher Asror]

Alisher aka, bu mavzuda ko'proq ko'pchilikning dilidan o'rin olgan satrlarni joylashtirsangiz, iltimos... (Mualliflik ishlari uchun "She'r aziz olam aro" mavjud, o'sha yerga xohlagancha she'rlaringizni qoldiring, fikrlarimizni bildiramiz). Chunki bu mavzuning ochilishidan maqsad ham shu - birinchi xabarni o'qib ko'rsangiz, bilib olasiz... Oldindan uzr

Hurmatli,Masud Mahsudov,ogohlantirganingiz uchun rahmat. Men "Dildagi satrlar"ning kirish qismini va albatta undagi she`rlarni (faqat she`rlarni !) o`qibman va noto`g`ri tushinibman. Shu bilan birga juda ham ko`p she`rlar joylashtirganimga ham e`tiborim
tushdi.Sal qizishib ketibman shekilli:)

[Gulchehra Ibragimova]

Бир келуб кетсун

Сабо, еткур, моҳи тобон бир келуб кетсун,
Тамоми ҳусн элини шоҳи-султон бир келуб кетсун.

Тутарга бир дами суҳбат асиру нотавон бирлан,
Дариғ тутмай нигорим бўлса имкон бир келуб кетсун.

Неча кундин бери кўрсатмайин васлин соғинтурди,
Тараҳҳум айласун ул шўҳи жонон бир келуб кетсун.

Келурға кундузи андиша қилса шум рақиблардин,
Қилубон аср ила ё шому хуфтон бир келуб кетсун.

Агар қўрқса худодин ман ғарибу зор шайдони
Йўлида қилмасун кўп зору ҳайрон, бир келуб кетсун.

Қафас ичра асирам андалибдек доғи ҳажридин,
Агар бир марҳамат қилса гулистон бир келуб кетсун.

Ва ё қилмоқ эса қурбон бу зулми кору боридин,
Олиб қўлига ханжар марди майдон бир келуб кетсун.

Фироқи фурқатидин етди бошим бистари ғамга,
Кўрарга ул ҳакими Кобилистон бир келуб кетсун.

Кетуб тандин мадорим гул юзим чун заъфарон ўлди,
Дилимни қуввати, дардимга дармон бир келуб кетсун.

Агарчи мандан ўтган бўлса ҳар саҳву хато дилдор
Кечурсин, тавба қилдим, юз пушаймон, бир келуб кетсун.

Ниҳонийга неча аҳду вафолар боғлағон эрди,
Дегил, кўп қилмасун аҳдини ёлғон, бир келуб кетсун.

Ҳ.Ҳ.Ниёзий

[Mohlaroy]

OТАШ ДАВРАЛАРДА ШУХ-ШАН ЭМИШМАН
эНГ БАХТИЁР КИЗГА УХШАР ЭМИШМАН.
Сезилмасмиш...

Танхо дамларимда узим билан банд,
Минг бор тирилганим, минг бор улганим,
Йиглаб чикканларим узун тун билан,
Ва йигидан бодом ковок булганларим
Сезилмасмиш...

Тонгда хамма дардни кунгилдан кувиб,
Сулиш билмагандай хушбахт,хотиржам,
Шур ёшларим билан юзимни ювиб.
Оппок тонгни каршилашим хам
Сезилмасмиш...

Оташ давраларда шух-шан эмишман
Энг бахтиёр кизга ухшар эмишман...

Узр, ушбу шеър муаллифини билмайман.

[Gulchehra Ibragimova]

Мен нола қилай шому сахар дод, эшигингда,
Жонимни берай, шўҳи паризод, эшигингдан.

Ул лолаву райҳону суман, тоза қизил гул
Ҳам сарв букулди, қади шамшод, эшигингда.

Хўбони жаҳон бўлса тақи Юсуфи Канъон,
Султону амир бандайи озод эшигингда.

Зулфинг сени бу жонима юз доми балодур,
Жоним қуши сайд ўлди чу сайёд эшигингда.

Олам бориси лаззати ҳуснунгни топибдур,
Гирёну фиғон, нолаву фарёд эшигингда.

Савдойи муҳаббатга тушубман сени излаб,
Ўлтурди ғаминг, кўзлари жаллод эшигингда.

Ашким тўкубон ҳажру ғамингда кеча-кундуз,
Вайрона ватан-манзили обод эшигингда.

Ул ҳусну жамолинг ўти МАШРАБга тушубдур,
Парвонасифат куйди, паризод, эшигингда.

[Gulchehra Ibragimova]

Бир келуб кетсун


Сабо, еткур, моҳи тобон бир келуб кетсун,
Тамоми ҳусн элини шоҳи-султон бир келуб кетсун.

Юқоридаги (989) постимда қолдирган Ҳ.Ҳ.Ниёзийнинг ушбу ғазали да "арзимни" сўзи тушиб қолибди. Бунинг учун азиз Форумдошлардан узр сўрайман? Қуйидагича бўлиши керак эди:


Сабо, арзимни еткур, моҳи тобон бир келуб кетсун,
Тамоми ҳусн элини шоҳи-султон бир келуб кетсун.

[Gulchehra Ibragimova]

ЯХШИ ҚАЙСИ, ЁМОН ҚАЙСИ, БИЛИНМАС


Дардим кўпдир диёримдан, давримдан,
Хайр қайси, эҳсон қайси – билинмас.
Золимларнинг жафосиндан, жабриндан
Ислом қайси, иймон қайси – билинмас.

Суҳбатинда Ҳақ каломин сўйлаш йўқ,
Мажлисинда бир насиҳат айлаш йўқ,
Ҳалол қайси, ҳаром қайси – сайлаш йўқ,
Суд қайсидир, зиён қайси – билинмас.

Халойиқда қиёфа йўқ, кўрим йўқ,
Бойларинда саховат йўқ, берим йўқ,
Хотинларда ҳаё, қизда шарм йўқ,
Адаб қайси, аркон қайси – билинмас.

Кишининг молига кўзни солдилар,
Таассуб-ла дилга кийна тўлдирар,
Бир-бирини ноҳақ ҳолда ўлдирар,
Нажот қайси, омон қайси – билинмас.

Махтумқули, жон меҳмондир, гавда – лош,
Яхшига дўст кўп, ёмонга йўқ қардош,
Бу айёмда бош оёғдир, оёқ – бош,
Яхши қайси, ёмон қайси – билинмас.

[Nigora Umarova]

Ishq-olov, sen esa-yonayotgan sham,
Erib ketayapsan g'am chekib go'yo.
Yozganlaring-hijron, qayg'u va alam,
Topganing-ayriliq, bevafo dunyo.

Zanjirband etilgan ko'zlaringga tun,
She'ring ham yig'loqi, ruhingday mahzun.
Bir chimdim ziyoga o'tayapsan zor,
Shoir, odamlarda nima qasding bor?

Inomjon Abdiyev

[Gulchehra Ibragimova]

*** *** ***

Кимлардир айтгандек, балки мен -ўрман,
Кимнингдир олдида рости- мағрурман.
Аллоҳ берган неъмат-дилда ишқим бор,
Кўнгилимда муҳаббат шундан масрурман!
*** *** ***


"ЭГАСИГА" АТАЛГАН ГАП

Бoйлигинг ўзинггa буюрсин дўстим,
Кўзимни ҳeч қaчoн oлa қилмaсмaн.
Бaxтинг ҳaм, дaвлaтинг тaxтинг буюрсин
Ундaйин ҳислaрни кўзгa илмaсмaн.

Хoҳлaсaм aмaлгa етишим мумкин,
Бунингчун эътиқoд, қудрaт етaрли.
“Кимлaр” дaн oлдингa ўтишим мумкин,
Ҳaр тугил нaсибaм бoр-ку aйтaрли.

Мaғрурмaн вa лeкин кибoр эмaсмaн,
Нa дилдa, нa қўлдa тoшим oтмaсмaн.
Кўнглим кeнг, сeни ҳaм бeoр дeмaсмaн,
Қўрқмa ўлимлигим сeнгa oртмaсмaн.

Ў, дўстим, бу дунё кeти кeнг дунё,
Ҳaр кимнинг қaричи етмaйди унгa.
Кимгa ризқ бeрсaдa, ёш бeрмaс дунё,
Мунaввaр кунингни улaйди тунгa.

Нaздимдa сeн-мeни бир бaxтсиз, дeрсaн?
Aмaлсиз, бeнaвo, бир aҳдсиз дeрсaн?
Кeчир- эй, aзизим, сeн бир лўттибoз,
Тaнқaймa тaннoзу, юрaги кирсaн!.

Oллoҳим қўш-қўллaб тутгaн нeъмaтим
Шoирмaн, билaкдa сўнмaс шиддaтим.
Ишқдa Мaжнун кaби ёр бoр, бoлaм бoр,
Сoғлoммaн, минг шукур, шу билсaнг бaxтим.

Бaлки… мeн дaврaнггa мунoсиб эмaс,
Сeн ўзинггa xoссaну, мeн ўзимгa xoс.
Мeнинг кaмтaрликдa тoпгaн дунём бoр
Қaтoрдa нoрим ҳaм шу xислaтгa мoс.

Кўргaндa юзингни бурмa, эй, дўстим
Шундaй ҳaм бу дунё биздaн қoлaди.
Қўрқмa-эй, шуҳрaтинг сўрaмaм сeндaн
Ҳaр ким эккaнини ўриб oлaди.

Ўйлaмa, ҳeч қaчoн xaвaс қилмaсмaн,
Бутунлaй ўзгaчa мeнинг oлaмим.
Сeндaйин “дoнo” ни кўзгa илмaсмaн
Бу бир кaм дунёдa бўлсa-дa кaмим!

Зиғирдeк бўлсa-дa ўрним бoр, шукур,
Зoр ҳaм қoлгaним йўқ муруввaтлaргa.
Чўққигa етмoққa эътиқoдим ёр
Ўргaниб кeтгaнмaн уқубaтлaргa!.

“Висир-висир” гaплaр, илмоқлии сўзлaр
Мeтин ирoдaмни энди букoлмaс.
Сeн ўзгa эдинг-ку, дўст эдинг aфсус
Синсa кўнгил синди, ҳeч ким бутлoлмaс.

Дўстмисан, душманми, кимсан билмасман,
Турфа сўзлар ила бағрим тилмасман.
Сен йиғлаш нейлигин қайдан билардинг
Сенинг ҳолинг абгор, менда кулмасман!

Менинг ўз баҳорим, ёзим, кузим бор,
Эл ичида айтар ҳақ- рост сўзим бор.
Бичилган кафаним шу бўйимга хос,
Қўрқма унга лойиқ мани ўзим бор.

Бўлса бўлсин сенинг остонанг тилло,
Гўримда ҳам қўшни бўлмагин илло!
Кимлардир айтгандек балки-мағрурман,
..ушбу кун бахтимдан мастман, масрурман.
..Сен қайдан биласан?!

Чеҳрасигулбегим

[Mohlaroy]

Osmonimni obod qilgan qamar eding,
Balolardan saqlaguvcha tumor eding,
Ko'zlarimga mudom ko'zi humor eding,
Yo'llarimni yoshing bilan yuvar eding ,
Meni eesa joningni ham berar eding.

Jon chekarding ozor yetsa gar jonomga,
Ming aldasam, ishonardingyolg'onimga,
Nogoh tikan botar bo'lsa tovonimga,
Tikanlarni kiprigingda terar eding,
Meni desa joningni ham berar eding.

Yo'qsan seni yo'qlab yo'llar qaragim yo'q,
Yurak yutib boray desam yuragim yo'q,
Endi meni o'zimga ham keragim yo'q
Meni hatto mendan ziyod sevar eding
Meni desa joningni ham berar eding.

[gofurov]

Гарчи шунча магрур турса ҳам,
Пиёлага эгилар чойнак.
Шундай экан, манманлик нечун,
Кибру хаво нимага керак?
Камтарин бул, хатто бир қадам
Утма гурур остонасидан.
Пиёлани инсон шунинг-чун
Упар доим пешонасидан.
Э. Вохидов

[Gulchehra Ibragimova]

Тиз чўкмa, юрaк

Ўлимни бўйнинггa oлсaнг ҳaм,
Мaлoмaт oстидa қoлсaнг ҳaм,
Ғaмлaрдaн эзилиб, тoлсaнг ҳaм
Мaғрур бўл, юрaгим тиз чўкмa.

Дeсa ким ёмoн-у, рaзил-у,
Ўзингчa дeгилки, ҳaзил-бу.
Кимни-ким aтaбди “aсил-у”,
Мaғрур бўл юрaгим тиз чўкмa.

Яxшилaр сўйлaмaс oртингдaн,
Ёмoнлaр чиққaнмaс зoтингдaн,
Эй кўнгил, ўргилaй oтингдaн,
Мaғрур бўл, ғийбaтгa тиз чўкмa!


Чеҳрасигул

[gofurov]

Куй авжида узилмасин тор,
Шеър ярмида синмасин калам.
Яшаб булмай умрини зинҳор
Бу дунёдан кетмасин одам.
Кулдан тушиб синмасин қадах,
Лаб текканда тукилмасин май.
Тухтамасин уриб турган калб,
Бошлаб куйган кушиги битмай.

Э.Вохидов

[Gulchehra Ibragimova]

Паҳлавон Маҳмуд рубоийларидан:
...

Саволим минг битта жавоб айлар ким,

Гуноҳим минг битта савоб айлар ким.

Кимлар хоки покин қилмадим тавоб,

Ғариб хоки поким тавоб айлар ким?!

...

Бурда нон кифоя, кўп нон не даркор,

Дарёда бисёр об, ризвон не даркор.

Дастим бор, не даркор ҳаммол-хизматкор,

Дилим бор, айт, шоҳу султон не даркор?!

...

Гар минг алам билан эгилгай бошим,

Гар мисли маржондай тизилгай ёшим.

Йироқми-яқин йўл, фарқсиз мен учун

Дилда на умиду на бор бардошим!

...

Дарвешман - гадою шоҳнинг фарқи йўқ,

Дарвешман - офтобу моҳнинг фарқи йўқ.

Аҳли дил билан гумроҳнинг фарқи йўқ,

Қувончу ғам-кулфат, оҳнинг фарқи йўқ!

...

Эй ишқ, алангасан вале дудинг йўқ,

Эй ғам, не навосан куй-сурудинг йўқ.

Маълум эмас, эй ком, бору йўқлигинг,

Эй айш, ҳеч сарҳаду ҳеч ҳудудинг йўқ.

...

Умримиз гоҳи шод, гоҳида карахт,

Қайда бисёр алам, қайда бисёр бахт.

Алвидо айта тез тайёрлайди рахт,

Оқиллар наздида тенг тобуту тахт!

...

Ниҳон ҳам ўзингсан, ошкор ҳам Ўзинг,

Тафаккур лол-ҳайрон асрор ҳам Ўзинг.

Васлига муяссар айлар ошиғин,

Сеҳру меҳри бисёр дилдор ҳам Ўзинг!

...

Илмсиз, амалсиз жаннат-ризвон йўқ,

Рўзасиз, намозсиз дину иймон йўқ.

Мўминга бесабаб берганга озор

Пули сирот каби ҳеч беомон йўқ!

...

Дунё қули лаҳза эмас хотиржам,

Ғаним қувган каби югурар ҳар дам.

Чодир тикма асло, йиғарсан тезда,

Мол йиғма, кўчганда қилолмайсан жам!

...

Даврон дард-ғамидан кўзларим гирён,

Минг бир ранжу бало кўрдим беармон,

Набий Нуҳ минг йилда кўрган бир тўфон,

Вале мен минг тўфон кўрдим, алъамон!

...

Аё дўст, жон десанг, берай минг бир жон,

Ҳар не азиз, айлай йўлингда қурбон.

Кофири бераҳм, бирга бўлсанг бас,

Белга зуннор боғлаб, бахш этгум иймон.

...

Ким синиқ кўнгилга мурувват қилгай,

Айбу гуноҳимиз кафорат қилгай.

Зиёрат қилмадик биз кимлар қабрин,

Ким ғариб қабримиз зиёрат қилгай?..

...

Кўп кўрдим ётганни тупроқ қатида,

Бисёр қотганлар ҳам ер зулматида.

Ичганни кўрмадим висол шаробин,

Вале бисёр кетган ёр ҳасратида.

...

Ҳаёт дарахтин ҳеч паст этма, Тангрим,

Тириклик майидан маст этма, Тангрим.

Лутфинг дариғ тутма аҳли жўмарддан,

Муҳтож-фақир айлаб, қасд этма, Тангрим!

...