Ватан аҳлларига деганларим...

[albatros]

В А Т А Н
қасида

Ватан,
Байроғинг бир бора ўполганим йўқ,
Мадҳингни ёд билмам, уқолганим йўқ,
Кўнглимни, меҳримни тўколганим йўқ,
Ва лекин
ва лекин
ва лекин, аммо,
Жонимсан, жонимда бир оҳсан, Ватан!

Бирор бор урушда қатнашолмадим,
Ҳали бир душманинг қақшатолмадим,
Жаҳонда ҳеч юртга ўхшатолмадим,
Кўзларим нурисан, қароғсан, Ватан!

Баъзида хокисор, хору хазонмен,
Баъзан шоду камрон, баъзан гирёнмен,
Дунё бир ён эрур, мен ҳам бир ёнмен,
Нима топган бўлсам огоҳсан, Ватан!

Омадим ўзингсан, ўзингсан паноҳ,
Не ажаб, бошимда тожу гоҳ кулоҳ,
Лабда гоҳ табассум, гоҳ бўғизда оҳ,
Томирим титратган титроқсан, Ватан!

Эҳтимол, қўл юпқа, уст-бош юпунроқ,
Биримиз осмонмиз, биримиз туфроқ,
Биримиз муттаҳам, кўрнамак, олчоқ,
Барчанинг бошида паноҳсан, Ватан!

Келдик, бир ниҳолинг жуфт айладикми?
Ё ханжар ё қалам, тиғ қайрадикми?
Рост узра ёлғонни ямламадикми?
Сен бунга кафилсан, сўроқсан, Ватан!

Ер юзи турфа хил сеҳрга тўла,
Иста етти осмон-фалакни бўйла,
Ҳоҳ «Дугоҳ», ҳоҳ «Сегоҳ»,»Чоргоҳ»ни куйла,
Сен- ҳофиз, сен- мутриб, машшоқсан, Ватан!

Гарчи шеърлар битдик, гоҳ баланд, гоҳ паст,
Гоҳ куйладик маҳзун, гоҳида сармаст,
Ижобат бўлгайми, илтижо - нафас,
Шеърсан, таронасан, туроқсан, Ватан!

Отамнинг бошида қайроғочларим,
Қўқонда-Жомъеда синч, оғочларим,
Шоирим, валийим, ялавочларим,
Туфроғим ичинда туфроқсан, Ватан!

Карбало хокининг тўзонинда сен,
Муслиму муҳсиннинг фиғонинда сен,
Шохларинг, пирларинг жон жонинда сен,
Фурқатим, ғурбатим, фироқсан, Ватан!

Онамга айланган тутларинг ҳаққи,
Камларинг, кўстларинг, бутларинг ҳаққи,
Туморинг, дуторинг, удларинг хаққи,
Балою қазодан йироқсан, Ватан!

Адл тулпорига жиловдор бўлдинг,
Дашту саҳро бўлдинг, кору зор бўлдинг,
Гоҳи ғолиб бўлдинг, гоҳи хор бўлдинг,
Гўштларин зоғ еган Широқсан, Ватан!

Милтираб-милтираб бир кун сўнармиз,
Яхшию ёмонга балки кўнармиз,
Марқад, мозорларинг ичра дўнармиз,
Байтул ҳазанларда чироқсан, Ватан!

Меҳримнинг тахтида мизғиган болам,
Кўнгил бешик ичра, бешикда жон ҳам,
Сени болам дея бағримга олсам,
Бағримда абадий уйғоқсан, Ватан!

Тавоним тагида сойларинг бийрон,
Ҳар нигоҳ, ҳар қадам боғларинг ларзон,
Тоғларинг, даштларинг чамандир ҳар ён,
Жаннатим, Кавсарий булоқсан, Ватан!

Нодира, Увайсий ҳасратлар дилда,
Ҳувайдо, ҳазиний ҳазратлар дилда,
Қуръону ҳадису ҳайратлар дилда,
Томирда-қонимда тўлғоқсан, Ватан!

Чумоли жонида бир нуқра ундир,
Бу замин, бу замон гарчи кукундир,
Фақат сен борсанки, тўкис бутундир,
Замину замондан огоҳсан, Ватан!

Этни ажратолмас ҳеч ким тирноқдан,
Мангу озоддирмиз қуллик-қийноқдан,
Юзимизни чайдик Кавсар булоқдан,
Этсан, сўнгакдирсан, тирноқсан, Ватан!

Турон туфроғида ёвқур ва ёвар,
Бугун бор, эрта ҳам борсан муқаррар,
Мен сени дегайман маҳшарга қадар,
Гарчи ғариб, гарчи бебоксан, Ватан!

Макка манзилларинг кўзлаган жонмен,
Чўли Ироқ ичра «Чўли Ироқ»мен,
Оламон ичрамен, яккамен, тоқмен,
Кўнгилнинг Каъбаси- даргоҳсан, Ватан!
Тўғриси сен ҳақда шеър битмоқ азоб
Қирқ беш йил инграндим жимжит, беитоб,
Пойингга йиқилдим чечакдай шу тоб
Сочларим гуллатган бироқсан, Ватан!

Фарида Афруз

[Kavsar]

Islom qubbasi

Endi Buxoroning qaro ko’zlari,
Qalbim diyorida yashaydi faqat.
Ilhombaxsh aylagan sirli so’zlari,
She’rim mehrobida tizilar qat-qat.

Islomning eng go’zal qubbalarini,
Qurgayman, jahonning nazmi aro, Haq.
Kiyib shayx-qalandar jubbalarini,
Turgayman, sharqona ustunday faqat.

Garchi Yaman qadar yiroqda bo’ldim,
Ruhimdek jismimda eding, G’ijduvon.
Garchi osmon qadar firoqda bo’ldim,
Tuproqdek poyingda turardim inon.

Aylandi nigohim samolaringga,
Buxoro, dunyoda tanho ekansan.
Bog’landi yuragim sabolaringga,
Vafoda Majnun va Laylo ekansan.

Dilbaru samimiy, chin so’zlaringni,
Tumor deb taqqanman Qasri Orifon.
Oftobda qizargan ol yuzlaringni,
Suratin chizganman, ahli G’ijduvon.

Azaldan shunchaki bir diyor emas,
Sharif makondirsan – Islom qubbasi.
Hech kimsa maqoming sirini bilmas,
Ilmi kondirsan – Islom qubbasi.

Kavsar Shirin (c) Toshkent, 2011

Оффтоп:

bu ham bir vatan haqidagi she'r bo'la olsa kerak...

[Tulqin Eshbekov]

Ватанга ёв кўз тикса,
Иймонингни синаб кўр.
Ватан қўлдан кетмагай,
Ўғлонларинг бор бўлса!

(Машҳур қўшиқдан)

[abdurahmonaka]

Сообщение от Kavsar

bu ham bir vatan haqidagi she'r bo'la olsa kerak...

bundan ortigi bolmasa kerak!!!