Ватан аҳлларига деганларим...

[AbuMuslim]

Бу юртда
ҳамиша фитнадан
улуғлар йиқилур юзтубан,
пешобин оқизиб битмаган
фитначи ўтажак устидан.


Азалдан адолат ёритган
энг олий ҳақиқат йўлини,
элатлар қонлари қоришар
фитналар зулмидан бўлиниб.


Хаёлнинг гулини сўлдирган,
нуратган қанчалаб давронни,
ҳар доим панадан ўлдирган
муғамбир шайтонлар шайтони.


Самовий торлари кесилган,
худога тенглайди ўзларин,
заифлар кетидан эзитган
усталдан ололмас кўзларин.


Разиллар нафасин ҳайдаган
руҳларим, ҳурларим, қайдасиз?
Дишарнинг тубидан таланган
арғувон дурларим, қайдасиз?


Қаҳратон сувини симирган
соддадил жўралар, қайдасиз?
Мардликнинг пойига сиғинган
дарёдил жўмардлар, қайдасиз?


Қайдасиз?
Ер билан бир бўлиб,
ётибсиз фитналар қурбони,
фожиа сўнггида сир бўлиб,
фитначи тебратар дунёни.


Умримиз узилган ёғдудай
офтобга эргашиб кетади,
фитначи пиширган оғулар
тириклик бошига етади.


Ёзилур бир куни тарихда
даҳолар сийлиқлар олгани,
кўмилган замонлар қатида
фитналар очилмай қолгани.


Шавкат Раҳмон (с)

[AbuMuslim]

Туркий элим, сен азалдан буюк элдурсан,
Чунки сенда қисмати бор Соҳибқироннинг.
Мехмоннавоз, қўли очиқ, очиқдилдурсан,
Чунки сенда ҳиммати бор Соҳибқироннинг,
Сенда буюк хислати бор Соҳибқироннинг.

Амир Темур туғилган эл туркий барлосдур,
Эрон ё Рум, Хитой, Ҳинддан буткул халосдур,
Ўзбек, қирғиз, қозоқ, тожик, балки хакосдур,
Уйғур, тотор, чувош, туркман туркийга хосдур,
Тўқсон икки миллати бор Соҳибқироннинг.

Оллоҳга қул, Муҳаммадни расул билган эл,
Амир Темур давлатида тошиб тўлган эл,
Темур ўтгач ҳар тарафга тарқаб кетган эл,
Бугун келиб ўзлигини англаб етган эл,
Ўзбек деган миллати бор Соҳибқироннинг.

Темур ўтгач салтанатни буздилар узоқ,
Туркийларнинг кўксида бу аламли бир доғ,
Лекин Темур салтанатин пойдевори соғ,
Дилни поклаб, пойдеворга ғишт қўйинг оппоқ,
Шундай буюк давлати бор Соҳибқироннинг.

Миноралар Темурийлар савлатидандур,
Мадрасалар пок иймоннинг сарҳадидандур,
Алишер хам Темурийлар авлодидандур,
Шерали ҳам унинг буюк давлатидандур,
Тугаб битмас санъати бор Соҳибқироннинг.

[albatros]

Сообщение от AbuMuslim

Бу юртда
ҳамиша фитнадан
улуғлар йиқилур юзтубан,
пешобин оқизиб битмаган
фитначи ўтажак устидан.




Шавкат Раҳмон (с)

Bu bo'limda adashmasam faqat Vatan haqidagi she'rlar kiritilishi lozim.Shundaymi?

[AbuMuslim]

Сообщение от albatros

Bu bo'limda adashmasam faqat Vatan haqidagi she'rlar kiritilishi lozim.Shundaymi?

Шундай...

[albatros]

VATANIM

Men dunyoni nima qildim,
O`zing yorug` jahonim,
O`zim xoqon,
O`zim sulton,
Sen taxti Sulaymonim,
Yolg`izim,
Yagonam deymi,
Topingan koshonam deymi,
O`zing mening ulug`lardan
Ulug`imsan, Vatanim…

Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi,
Onam deymi,
Hamdardu hamxonam deymi,
Oftobdan ham o`zing mehri –
Ilig`imsan, Vatanim.

Sen Mashrabsan,
Xalqda tumor,
Balxda dorga osilgan,
Navoiysan, shoh yonida
Faqirini duo qilgan.
Yassaviysan, meniki deb,
Ko`ringan da’vo qilgan,
Ming bir yog`i ochilmagan
Qo`rig`imsan, Vatanim.

Sen Ho`jandsan,
Chingizlarga
Darvozasin ochmagan,
Temur Malik orqasidan
Sirdaryoga sakragan,
Muqannasan qorachig`i
Olovlarga sachragan,
Shiroqlarni ko`rgan cho`pon
Cho`lig`imsan, Vatanim.

Kim Qashqarni qildi makon,
Kim Enasoy tomonda,
Jaloliddin – Qurdistonda,
Boburing – Hindistonda,
Bu qanday yuz qarolig` deb
Yotarlar zimistonda,
Tarqab ketgan to`qson olti
Urug`imsan, Vatanim…

O`g`lim desang osmonlarga
G`irot bo`lib uchgayman,
Chambil yurtda Alpomishga
Navkar bo`lib tushgayman,
Padarkushdan pana qilib
Ulug`beging quchgayman,
G`ichir-g`ichir tishimdagi
So`lig`imsan, Vatanim…

O`tgan kuning – o`tgan kundir,
O`z boshingga yetgan kun,
Qodiriyni bergan zamin,
Qodiriyni sotgan kun.
Qo`lin bog`lab,
Dilin dog`lab,
Yetaklashib ketgan kun,
Voh bolam! deb aytolmagan
Dudug`imsan, Vatanim.

Yoningda qon yig`lagan bir
Shoiringga qarab qo`y,
Gar Qo`qonga yo`ling tushsa,
Detdomlarni so`rab qo`y.
Hech bo`lmasa Usmon hokin
Keltirmoqqa yarab qo`y,
Olislarda qurib qolgan
Qudug`imsan, Vatanim…

Sen – shoxlari osmonlarga
Tegib turgan chinorim,
Ota desam,
O`glim deb,
Bosh egib turgan chinorim,
Qo`ynimdagi iftixorim,
Bo`ynimdagi tumorim,
O`zing mening ulug`lardan
Ulug`imsan, VATANIM !

Muhammad Yusuf

[albatros]

TAVALLO

Oq yo`rgakka o`ragansan o`zing bizni,
Ham oq yuvib-taragansan o`zing bizni.
Beshigimiz uzra bedor ona bo`lib,
Kunimizga yaragansan o`zing bizni.
Fidoying bo`lgaymiz seni, O`zbekiston,
Hech kimga bermaymiz seni, O`zbekiston!..

Qalqoning bor, kim qasd qilsa gar joningga,
Alpomishlar ruhi yor har o`g`loningga.
Asragaymiz giyohing ham gulday o`pib,
Yovlar yaqin yo`lolmagay qo`rg`oningga.
Adoying bo`lgaymiz seni, O`zbekiston,
Hech kimga bermaymiz seni, O`zbekiston.

Tuzing totib, unutganlar xor bo`ladi,
Ko`zlariga ikki dunyo tor bo`ladi.
Shodon daming ko`rolmagan yurtfurushlar
Bir kun bir kaft qumlog`ingga zor bo`ladi.
Yoningda turgaymiz seni, O`zbekiston,
Hech kimga bermaymiz seni, O`zbekiston!..

Gul ko`ringan dashtingdagi giyoh-xasdir,
Soddadilu ulug`vorlik senga xosdir.
Sevamizki, cho`llaring ham bizga jannat,
Tuprog`ing ham Makka misol muqaddasdir.
Onadek ko`rgaymiz seni, O`zbekiston,
Hech kimga bermaymiz seni, O`zbekiston!

M.Yusuf.

[albatros]

IQROR

O, ota makonim.
Onajon o‘lkam,
O’zbekiston, jonim to‘shay soyangga.
Senday mehribon yo‘q,
Seningdek ko‘rkam.
Rimni alishmasman bedapoyangta.

Bir go‘sha suv bo‘lsa, bir go‘sha qirlar,
Qancha yurtni ko‘rdim, qancha taqdirlar.
Qayga borsam suyab, boshni tik tut deb,
Tog‘laring ortimdan ergashib yurar.

Ko‘rdim suluvlarning eng faranglarin.
Yo xudbinman men yo bir sodda kasman men –
Parijning eng go‘zal restoranlarin, B
itta tandiringga alishmasman men.

Na gapga ko‘nayin,
Na til bilayin,
Ko‘zdan uyqu qochdi, dildan halovat -
Uch kunda sog‘insam nima qilayin,
Chala qolar bo‘ldi hamma sayohat.

Bildimki, baridan ulug‘im o‘zing,
Bildimki, yaqini shu tuproq menga.
Bahorda Baxmalda tug‘ilgan qo‘zing,
Arab ohusidan azizroq menga.

Sen bilan o‘tgan har kun bayram - bazm,
Sensiz bir on qolsam vahmim keladi.
Seni bilganlarga qilaman ta’zim,
Seni bilmaslarga rahmim keladi.

M.Yusuf.

[albatros]

Ona degan nom

Deydilar, qahrli bahodirlar ham
Janglarda jon berar chog’i mardona
Behad azoblarga chidab so’nggi dam
Bitta so’z demishlar shivirlab: Ona

Ulug’ bir donishmand olamni sharhlab
Axiyri tanibdi tuqqan elini
Zabon baxsh etganga ehtirom saqlab
Ona,deb atabdi ilk bor tilini

Bisyor bo’lsa agar bol ham beqadr
Takror aytilganda rangsizdir kalom
Bu yorug’ olamda Vatan bittadir
Bittadir dunyoda Ona degan nom

A.Oripov

[AbuMuslim]

Жувонмарг Арслонлар, ёш кетган Шерлар —
Миллий озодликка етмаган эрлар!

Бўғзимда ҳирқираб турибди бу дам
Миллий озодликка етмаган алам.

Қуриди, шўралаб жон берди, эсиз,
Миллий озодликка етмаган денгиз.

Сақлаб қолармиди миллат ҳаётин
Миллий озодликка етмаган олтин?

Миллий озодликка етмаган замин,
Кимлар ташиб кетди миллий маҳзанинг?

Келар деб ишондинг порлоқ паллалар,
Озод бўлар дединг тутқун далалар?

Миллий озодликка етмаган шамол
Ингранар, ғўзалар гирдида савол.

Шаҳидлар кўзидай очиқ, нигорон,
Миллий озодликка етмаган осмон.

Сирожиддан Саййид

[AbuMuslim]

Ўзи гулдай ўғлонларин сайлаб бериб,
Рўйхатларга номларин жойлаб бериб,
Чўлпонларин ўзи итдай боғлаб бериб,
изларидан ўзи гирён юрт эди бу.

Келгинди ном борки бунга келиб кетган,
Чўнтаклари тиллоларга тўлиб кетган,
Яна хокисор эл устидан кулиб кетган,
Меҳмони кўп, муте мезбон юрт эди бу...


Сирожиддин Саййид шеъридан