Ҳикматли сўзлар

[Kavsar]

Сообщение от Gulchehra Ibragimova

Унда Машрабнинг айнан шу мазмунга яқинроқ "..То отанг рози эмас, тавбанг қабул бўлмас сени" деган ғазалини ҳам ўқимаган бўлишиз мумкиндир..

Afsuski Mashrab boboning kitoblari menda yo'q edi. Agar o'sha g'azalni kiritsangiz bahramand bo'lib qolardik.

Сообщение от Gulchehra Ibragimova

"Отанг ўтирган уйнинг томига чиқма" деган ҳикмат бор, эшитган бўлсангиз.. Ва шу ҳақда айрим манбаларда Ибн Синон билан айрим мавзуларда яна бошқа бир алломамиз билан боғлиқ ҳикоят бор..

"Ota rozi Xudo rozi" degan hikmatini ham eshitgandim. Hozir men ham aka rozi Xudo rozi desam-chi? Akamni ko'proq yaxshi ko'raman. Nega ona, buvi yoki singil emas, aynan ota? Nega aynan bir kishi rozi bo'lsa Xudo rozi bo'larkan? Otada bor ko'ngil onada, ukada yo farzandda yo'qmi?.. Ilgari ham shuni ko'p o'ylardim.

Alloh uchun hamma qalblar bir xil bo'lsa kerak. U faqat qalblarimizning poklik darajasiga ko'ra bizni yaxshi ko'radi. Xoh u yosh bola bo'lsin, xoh zaifa agar Alloh uchun uning ko'ngli olinsa Alloh u odamdan rozi bo'ladi. Ya'ni U bizning nasabimiz, jinsimiz va yo suratimizga emas, ko'nglimizga qaraydi. (imxo)

Otani ham onani ham Allohni rizoligini topishga intilganimizdek muhabbat bilan qarash kerak. Magaram, ular johillardan bo'lsa va jaholatga buyursa ularning buyrug'iga itoat qilinmaydi.. Johiliyat davrida ba'zi yahudiy qavmlardan islomga kirgan yoshlar bor edi, ammo ba'zilarining ota-onalari hali butlarga sig'inib yurardi. Shunday paytlarda farzand ota-onaga g'amxo'rlik qiladi ammo ularning johilona buyruqlari, butga toat qil, namoz o'qima deganlariga itoat qilmaydi.

Ota rozi Xudo rozi degani - bu otang sendan rozi bo'lsa keyin Xudo rozi bo'ladi degani bo'lmasa kerak. Bu - rizolikda shunday bo'lginki (unig farqi yo'q, kim bo'lishidan qat'i nazar. U bir miskin yo go'dakning ko'ngli bo'lsin) xuddi Allohning rizoligini topish qanchalar muhim bo'lsa sen uchun; boshqalarning, jumladan ahli oilang, onang, otangni ko'nglini topishda ham shunday harakatda bo'l deganidir. (imxo) Ya'ni otani shunday rozi qilgin, xuddi Xudoni roziligini istaganing kabi deyilmoqda. Bu bilan yaqinlarga qanday muhabbatda, munosabatda bo'lish kerakligi ifodalangan bo'lsa ehtilmol.

Tasavvur qilinsa agar ota farzandni johillikka undasa unday otaga itoat qilmasang gunohkor bo'lasan deyish to'g'rimikan? Itoat o'zi nima? Itoatning "i"sini olsak toat qoladi. Toat-ibodat esa muhabbatdan paydo bo'ladi. Qalbida muhabbati bor kishi itoatkor bo'la oladi.

Nega yuqoridagi hadis deb berilgan hikmatni qabul qila olmadim, chunki unda agar adashmayotgan bo'lsam Ota Alloh taologa tenglashtirilgandek tuyuldi menga. Vaholanki Allohning o'xshashi yo'q, U beqiyos va tanho. Uning darajasi O'zigagina xos deb qarayman. To'gri, ota-onalarni hurmat qilamiz, ular biz uchun o'z o'rnida qadrli lekin Alloh bu Alloh. U hammadan ustun turadi. Ota esa bu baribir ota, bizga o'xshagan ojiz banda. (Nozik masala bo'lgani uchun hadisingiz bilan bog'liq e'tirozimni muxtasar qildim)

Сообщение от Gulchehra Ibragimova

"Отанг ўтирган уйнинг томига чиқма" деган ҳикмат бор, эшитган бўлсангиз..

Aha, eshitgandekman. Shunga qo'shimcha ham qilish mumkin. Nafaqat ota, balki umuman uyni ichida biror odam bo'lsa o'sha uyning tomiga chiqmaslik kerak.Chunki bu odamning boshida yurishdek qattiq tegadi uy ichidagilarga. Sharqda adabsizlik hisoblangan. Hozir esa bilmadim, TVni antinasi buzilib qolsa balki uyni ichidagilarga qarab o'tirmay chiqib kelishar tomga ham..

Fikr.uzdagi maqolani ko'rdim, agar fikr kelib qolsa albatta u yoqqa ham o'taman inshaallah...

[Gulchehra Ibragimova]

Сообщение от Kavsar

"Ota rozi Xudo rozi" degan hikmatini ham eshitgandim. Hozir men ham aka rozi Xudo rozi desam-chi? Akamni ko'proq yaxshi ko'raman. Nega ona, buvi yoki singil emas, aynan ota? Nega aynan bir kishi rozi bo'lsa Xudo rozi bo'larkan? Otada bor ko'ngil onada, ukada yo farzandda yo'qmi?.. Ilgari ham shuni ko'p o'ylardim.

Аллоҳ Таолога ширк келтирмоқ гуноҳлар ичида энг катта гуноҳ! Аллоҳ буюкдир! У ҳамиша дилимизда, иймонимизда!

Кавсар! Сахих ва носахих (ҳақиқий ва ёлғон, ўйлаб топилган) Хадислар борлигини инкор қилмаган ҳолда узр-ку, қисман фикрингизга қўшилолмайман, ЯЪНИ Ота -ПАДАРИ БУЗРУКВОР ҳақида! Хафа бўлманг.

..Ҳозир мани қўлимда манба йўқ..Сиз айтган Хадислар тўпламини яна бир қараб чиқиш керак, ўшанда тўғри бўлади, деб ўйлайман..
Бу мавзуга албатта қайтамИЗ, асослар билан..


Яна бир қалбларни ларзага соладиган ривоят бор, билмадим эшитганмисиз йўқми.. "Отанг чўчқа бўлса боғлаб боқ"..Эшитилиши жуда қўпол, ..аммо ушбу мақол шу ривоят замиридан келиб чиққан..манбаларда айтилишича..

Оналаримиз ҳақида жуда кўп Ҳадислар бор, буларни биласиз, таъкидламасам ҳам..чунки улар жуда ҳам машҳур бўлиб, ёд бўлиб кетган: "Жаннат оналар оёғи остидадир " , "Ота-она чақирганда аввало оналарга" жавоб бериш тўғриси"да ги каби..(Узр, ҳозир айнан қўлимда манбам йўқ..)

Нима учун ҳақиқатдан ҳам "Она рози Худо рози" эмас?..Нима учун қиз узатилаётганда айнан Отаси оқ фотиҳа тилаб қизининг елкасига уради? Она эмас?..(тўғри отаси бўлмаса, ўрнига тоға ёки амакиси беради фотиҳани)...Булар Сизга берилган саволларим..

Хуллас, Кавсархон бу мавзу жуда керак..Бу борада бошқаларнинг ҳам фикрларини кутиб қолардик...

[Shokir Dolimov]

Сообщение от Gulchehra Ibragimova

Нима учун ҳақиқатдан ҳам "Она рози Худо рози" эмас?..Нима учун қиз узатилаётганда айнан Отаси оқ фотиҳа тилаб қизининг елкасига уради? Она эмас?..(тўғри отаси бўлмаса, ўрнига тоға ёки амакиси беради фотиҳани)...Булар Сизга берилган саволларим.. Хуллас, Кавсархон бу мавзу жуда керак..Бу борада бошқаларнинг ҳам фикрларини кутиб қолардик...

Шахсан ўз фикримни келтириб кўраман:
Чунки эркак киши азалдан улуғ саналади. Одам алайҳиссаломни сўнг, Момаҳавонинг нимадан яралганини эсланг.

[Gulchehra Ibragimova]

Сообщение от Dolimov

Чунки эркак киши азалдан улуғ саналади. Одам алайҳиссаломни сўнг, Момаҳавонинг нимадан яралганини эсланг.

Раҳмат! Айнан шу фикрни "запас"да ушлаб тургандим.. Аммо бўлимимиз ходимлари билан Одам Отамиз ҳақларидаги машҳур ривоятни муҳокама қилиб тургандик..

"Одам Отамиз икки минг йил ёлғиз юрдилар ва бир куни Аллоҳга нола қилиб: "Мен-ку сенинг қулингман. Аммо нечун ёлғизман?! Ахир танҳолик фақат Сенга ярашур!..
..Эй , парвариш қилувчи Парвардигорим, менга шундай бир жуфт ато этгин-ки, мен ундан ҳеч қачон мосуво бўлмай. Туну кун Сенинг ёдинг ҳаққи ҳамроҳим ва маҳбубим бўлсин!"..дейди..Шунда Аллоҳи Таоло Одам Отамизни ухлатиб қўйиб, Момомизни яратди.. Момомизнинг жисмини Отамизнинг чап қовурғаларидан, руҳларини эса ҳаводан бунёд этди ва исмини Ҳавво деб атади...(бу ривоятни кўпчилик билганлари учун тўлиқ келтирмадим..)

[Kavsar]

Сообщение от Gulchehra Ibragimova

Кавсар! Сахих ва носахих (ҳақиқий ва ёлғон, ўйлаб топилган) Хадислар борлигини инкор қилмаган ҳолда узр-ку, қисман фикрингизга қўшилолмайман, ЯЪНИ Ота -ПАДАРИ БУЗРУКВОР ҳақида! Хафа бўлманг.

Aslo xafa emasman, aksincha jon kuydirib menga tushuntirishga harakat qilayotganingizdan minnatdorman.

Odam (a.s.) haqidagi fikrlarni juda yaxshi keltirdingiz. Darhaqiqat Alloh erkaklarni ayollardan ustunroq qilib yaratgan. Shu bois ayol itoatkor bo'ladi. Nega payg'ambarlar ayollardan emas, ilk va so'nggi payg'ambarlar ham erkakdan bo'ldi? Chunki ayol bu zaifa sanaladi, buning hikmati Xudoga ayon. Nega qiz otaning fotihasini olish kerak degan savolingizga ham quyidagi oyat javob bo'lsa kerak.
Qur'oni Karimning Niso surasi, 34-oyati:

Аллоҳ баъзиларини баъзиларидан устун қилгани ва молларидан сарфлаганлари учун эркаклар аёлларга раҳбардирлар. Солиҳа аёллар–итоаткор ва Аллоҳнинг ҳифзи-ҳимояси бўйича ғойиб(эр)ларининг муҳофазасини қилувчилардир. Бош кўтаришларидан хавф қилинган аёлларга ваъз-насиҳат қилинг, ётоқларида ҳижрон қилинг ва уринг. Агар итоат қилсалар, уларга қарши бошқа йўл ахтарманг. Албатта, Аллоҳ юксак мақомли буюк зотдир. (Аллоҳ таоло ҳеч бир ишни беҳикмат қилмайди. Жумладан, эркак киши оила раҳбари бўлса ва у ўз раҳбарлигини шариатда кўрсатилгандек адо этса, бундай оилалар бахт-саодатга соҳиб бўлмоқда. Бу кўрсатмага юрмаган оилалар эса, бахтсизликка учрамоқда, шундайлардан ташкил топган жамиятлар ҳам бахтсизликка дучор бўлмоқда. Бу ерда гапни чўзиб ўтиришнинг ҳожати бўлмаса керак. Мўмина, солиҳа аёлларнинг табиатида эрига итоаткорлик бордир. Биз «итоаткорлик» деб таржима қилаётган сўз ояти каримада «қонитатун» лафзи ила келган. Бу сўз ўз иродаси, рағбати ва муҳаббати ила итоат қилиш маъносини англатади. Демак, мўмина, солиҳа аёлларнинг эрларига итоати ўз масъулиятини тушунган ҳолдан келиб чиққан бўлади. Қўрққанидан, мажбурлашдан ёки бошқа бирор босқидан эмас. Бу итоат ўзини тушунган, ҳаётдаги ўрнини, вазифаси ва масъулиятини ҳис этган гўзал инсоннинг итоатидир.)

shu sura 59-oyatida:
59 . Эй иймон келтирганлар! Аллоҳга итоат қилинг, Пайғамбарга ва ўзингиздан бўлган ишбошиларга итоат қилинг. Бирор нарса ҳақида тортишиб қолсангиз, агар Аллоҳ ва охират кунига иймон келтирган бўлсангиз, уни Аллоҳга ва Пайғамбарга қайтаринг. Ана шундай қилиш хайрли ва оқибати яхшидир.

Oyatdan ma'lumki, anglashim bo'yicha (yana ojizman) : Allohga itoat qiling, Unga (Allohga) itoat qilganingiz kabi payg'ambarlarga, o'zingizdan bo'lgan ishboshi ya'ni rahbarlarga itoat qiling (rahbar bu yerda ota bo'lsa kerak) deyilmoqda ekan.

69 . Ким Аллоҳга ва Расулга итоат қилса, бас, ана ўшалар Аллоҳ неъмат берган набийлар, сиддиқлар, шаҳидлар ва солиҳлар билан биргадирлар. Ва уларнинг рафиқлари қандай ҳам яхши! (Niso, 69-sura)

80 . Ким Пайғамбарга итоат қилса, Аллоҳга итоат қилган бўлади. Ким юз ўгирса, Биз сени уларга қўриқчи қилиб юборганимиз йўқ.

116 . Албатта, Аллоҳ Ўзига ширк келтирилишини кечирмас. Ундан бошқани, кимни хоҳласа, кечиради. Ким Аллоҳга ширк келтирса, шубҳасиз, қаттиқ адашган бўлади.

117 . Улар ундан бошқа фақат аёл-санамларга ибодат қиладилар ва фақат бебош шайтонга ибодат қиладилар. (Яъни, араб мушриклари Аллоҳдан бошқа, фақат аёл-санамларга ибодат қиладилар. Жоҳилий арабларнинг бузуқ эътиқодлари бўйича, фаришталар Аллоҳнинг қизлари ҳисобланар эди. Улар шунинг учун ҳам бутларини аёл киши шаклида ясашар ва уларга аёлларнинг исмини беришар эди.)

168 . Албатта, куфр келтирганлар ва зулум қилганларни Аллоҳ зинҳор мағфират қилмас ва йўлга ҳидоят ҳам қилмас.

171 . Эй аҳли китоблар! Динингизда ҳаддан ошманг ва Аллоҳ ҳақида ҳақдан бошқани айтманг. Албатта, Масиҳ Ийсо ибн Марям Аллоҳнинг Пайғамбари, Марямга илқо қилган калимаси ва Ундан бўлган руҳдир. Бас, Аллоҳга ва Унинг Пайғамбарларига иймон келтиринг. Уни учта деманг. Тўхтанг, ўзингизга яхши бўлади. Албатта, Аллоҳ ягона илоҳдир, ўзга эмас У Ўзининг боласи бўлишидан пок бўлди. Осмонлардаги нарсалар Уникидир, ердаги нарсалар Уникидир. Вакилликка Аллоҳнинг Ўзи кифоя қилур. (Ислом дини инсониятнинг ақидасини тўғри йўлга солишга келган. Бу ўринда насороларнинг ақидасини тўғриламоқда. Маълумки, насроний дини янгилиги вақтида ақида тўғри бўлган. Лекин замон ўтиши билан бу ақида аста-секин бузила борган. Милодий олтинчи асрга келиб, Рим императорларининг тазйиқи остида насроний ақидаси тамоман бузилиб бўлган эди. Насоролар ўз динларида ҳаддан ошиб кетдилар. Аллоҳнинг бандаси ва Пайғамбари Ийсо алайҳиссаломни, Аллоҳнинг ўғли, дедилар. Сўнгра, Аллоҳ уч аслдан–ота, ўғил ва муқаддас руҳдан иборатдир, деб даъво қилдилар. Шунингдек, Биби Марямни ҳам илоҳлик даражасига кўтардилар. Худонинг табиати ҳақида битмас-туганмас ихтилофларга тушдилар. Охири келиб, ўзлари ҳам тушуниб етмайдиган ақидавий машмашаларга гирифтор бўлдилар. Уларнинг ушбу ва шунга ўхшаш кўплаб ишлари динда ғулувга кетиш–ҳаддан ошиш эди.)

Yuqorida aytilgani kabi otaning ulug'ligini rad etmadim. Hadis deb berganingiz dalilsiz ifoda etilgani uchungina menda shirk bo'lib qolgandek shubha uyg'otgan edi. Ota ulug', aziz. Ammo banda u Yaratgan bilan qanday barobar bo'lsin deb o'ylanib qoldim. Alloh O'ziga sherik qilishlarini yoqtirmaydi, nega ulug'likni otaga nisbatan me'yordan oshirib ko'rsatildi degan xayolga borib qoldim. Aniqrog'i shu yerida tushunmaganim uchun u hikmatning chindan hadismi o'zi yoki yo'qmi degan joyiga e'tiborimni qaratgan edim. Shu bois uning dalilini so'ragan edim. Chunki hujjatsiz narsaga e'tirozlar ko'payadi. Shubhali narsaga esa ergashib ketilmaydi. Ilk savolim shu tufayli qo'yilgan edi. Lekin mavzu boshqa tomonlargacha chalg'ib ketdi..

Sizning bee'tiborlik qilishingiz esa ayni damda yana izlanib yuqoridagi haqiqatlarni topishimizga ko'mak berdi. Har holda baribir bu hadisning manbasini muallifning o'zlaridan aniqlashtirib olgan ma'qul deb o'ylayman. Va bu olimlarimizni yanada hushyorroq bo'lishlariga undaydi nazarimda.

Yuqoridagi oyatlarning bari Niso surasidan olindi, uni kim qanday tushunishi har kimning o'zigagina havola.

Hammangizga kattakon rahmat, bir masalani oydinlatishga ko'mak berganlaringiz uchun...
Alloh rozi bo'lsin, samimiy hurmat bilan Kavsar..

[Pfefferminze]

Сообщение от Gulchehra Ibragimova

Яна бир қалбларни ларзага соладиган ривоят бор, билмадим эшитганмисиз йўқми.. "Отанг чўчқа бўлса боғлаб боқ"..Эшитилиши жуда қўпол, ..аммо ушбу мақол шу ривоят замиридан келиб чиққан..манбаларда айтилишича..

Yo'q, bu rivoyat emas, bu haqiqat...Otang cho'chqa bo'lsa bog'lab boq degani haqiqat...Muso.a.s so'ragan ekanlar Alloh s.v.t men kim bilan Jannatda birga bo'laman deb...Shunda Muso a.s ga ko'rsatilgan ekan...chap tomonalrida bir kishi turar ekan...u kishining otasi adabi xunuk inson bo'lib, Xudoni qaxriga uchragan ekan, Xudo uni jazolab cho'chqaga aylantirib quygan ekan. Ammo, o'g'il bu otatanda qaytmasdan, Otasi garchi cho'chqa holiga kelgan bulsa ham, uni sevib, quchoqlab boqar ekan...Shu o'g'il o'z farzandlik burchini a'lo bajargani uchun u jannatda Muso a.s. ninig chap tomonlarida turar ekan..

Muso. a.s ning o'ng tomopnlarida esa onasini rozi qilgan boshqa kishi turar ekan...buning hikoyasi uzoooq, yozmay qo'ya qolay....

Xullas, shu.....

R

[AbuMuslim]

Сообщение от Pfefferminze

Yo'q, bu rivoyat emas, bu haqiqat...Otang cho'chqa bo'lsa bog'lab boq degani haqiqat...Muso.a.s so'ragan ekanlar Alloh s.v.t men kim bilan Jannatda birga bo'laman deb...Shunda Muso a.s ga ko'rsatilgan ekan...chap tomonalrida bir kishi turar ekan...u kishining otasi adabi xunuk inson bo'lib, Xudoni qaxriga uchragan ekan, Xudo uni jazolab cho'chqaga aylantirib quygan ekan. Ammo, o'g'il bu otatanda qaytmasdan, Otasi garchi cho'chqa holiga kelgan bulsa ham, uni sevib, quchoqlab boqar ekan...Shu o'g'il o'z farzandlik burchini a'lo bajargani uchun u jannatda Muso a.s. ninig chap tomonlarida turar ekan.. Muso. a.s ning o'ng tomopnlarida esa onasini rozi qilgan boshqa kishi turar ekan...buning hikoyasi uzoooq, yozmay qo'ya qolay.... Xullas, shu.....

Шу ривоятнинг манбаси керак...

[Pfefferminze]

Сообщение от AbuMuslim

Шу ривоятнинг манбаси керак...

Abu Muslim aka, manbasi esimda yo'q...to'g'risi... hadislarni 13 yoshimdan beri o'qib kelaman, uyda bo'lsa o'sha kitoblar, Buxoroda, Toshkentda emas...
men harakat qilaman manbasini topishga...lekin va'da bermayman