Talaba nigohida o'qituvchi/domla/ustoz . . .

[Абдушукур Абдуллаев]

Сообщение от Nigora Umarova

Албатта, ўқув юрти муассасаси раҳбарияти ходимлари ўқитувчининг дарсини, маъруза матнини, талабаларга дарс ўтиш услуби ва талабаларнинг дарсдаги фаоллигини дарс соати мобайнида кузатиб ўқитувчига дарс ўтиш бўйича ва талаба-домла ўртасидаги муаммолар, талабаларнинг дарсга қизиқишини ўстириш борасида кўрсатмалар берса талабаларда ҳам дарсга нисбатан ишонч пайдо бўлади.

1. Таълим муассасаларида ўқитувчиларни бир-бирларини дарсларига кириш амалиёти бор. Шу амалиёт жиддий ўтказилишини йўлга қўйиш керак. Айрим таълим муассасаларида бу каби жараёнлар танқидий ўтказилиб, кафедра йиғилишларида объектив муҳокама қилинади. Шу муассасаларда ижобий натижаларни кузатиш мумкин. Лекин бу каби амалиёт юзаки (қоғозда) ўтказиладиган ёки умуман ўтказилмайдиган ҳолатлар ҳам бор.
2. Ўқитувчи билимни узатади, талаба уларни қабул қилиб олади. Талаба ўзлаштирган билим йирик қилиб олинганда қуйидагиларга боғлиқ:
1. Ўқитувчининг билим доираси, интеллектуал салоҳияти (бу ўқитувчининг ўзига боғлиқ);
2. Бу билимларни узатиш усули, технологияси, услубияти (бу ҳам дарс жараёнида ўқитувчига боғлиқ);
3. Етказиб берилган, узатилган билимларни қабул қилиб олиш (бу талабанинг ўзига, унинг фундаментал билимлар базаси шаклланганлигига боғлиқ).
Мана шу учта омилни бирортаси оқсаса натижа қониқарли бўлмайди.
Бир таклиф бермоқчиман. Бу балки баъзи домлаларимизга ёқмас. Лекин ўзи устида ишлайдиганларга "қўрқинчли" эмас:
Мани таклифим - домлаларга талабалардан рейтинг кўрсаткичи олиш. Буни қандай ташкил этишни, айниқса объектив баҳо олинишини бир ўйлаб кўриш мумкин.