Talaba nigohida o'qituvchi/domla/ustoz . . .

[Абдушукур Абдуллаев]

1. Ўқитувчи (домла, устоз, мураббий ва х-о) касбининг бошқа касблардан асосий фарқи ўз билим ва малакаларини нафақат юзага чиқариш ва қўллаш, балки уларни тингловчиларга (ўқувчиларга) узата билиш, етказиш (дидактика) маҳоратига ҳам эга бўлиши керак.
2. Лекин дарсларни сифатли ва жозибали ўтказилишида мана шу икки ташкил этувчи компонентни самарали қўллаш фактори бор - бу ҳам бўлса ўз касбига, аудиторияга меҳр. Мен кўп домлаларни биламан, улар педагогика йўналишини битирмаган бўлсалар ҳам касбига меҳр сабабли дарсларига кирган одам маза қилади, машғулотлар қизиқарли, нафақат ўзи, балки аудиторияни ҳам "ишлатади" (интерактив дарс ўтади).

Сизлар жуда тўғри кўтараётган масала бор: Домлалар бир нарсани доимо назарда тутишлари керак - иложи борича "Домланинг айтганини қил, қилганини қилма" деган гапга асос бўлдиган ҳолатларга йўл қўймаслиги лозим.

Яна муҳим масала танқидни кўтара билиши (албатта, танқид ўринли ва асосли бўлса). Бир неча йиллар олдин бизлар бир усулни қўллар эдик. Семестрни охирида, фанлар бўйича машғулотлар ва тестлар тугагандан сўнг гуруҳ старостаси талабалардан аноним ёзилган анкеталар йиғиб берарди. Унда 4 та саволга жавоб берилиши керак эди:
1. Ўтилган фан бўйича дарслар методикасидаги афзалликлар ва камчиликлар;
2. Қайси мавзуларни кенгроқ ўтилиши керак.
3. Қайси мавзулар илгари бошқа фанларда ўтилган.
4. Ўқитувчига таклифлар.
Бу саволлар жуда катта фойда берарди. Менимча ҳозир ҳам бу каби сўровлар ўтказилса яхши бўлади.
Лекин бунга ўқитувчиларимиз тайёр бўлиши керак.

[Shuhrat Ismailov]

Сообщение от Абдушукур Абдуллаев

Бир неча йиллар олдин бизлар бир усулни қўллар эдик. Семестрни охирида, фанлар бўйича машғулотлар ва тестлар тугагандан сўнг гуруҳ старостаси талабалардан аноним ёзилган анкеталар йиғиб берарди. Унда 4 та саволга жавоб берилиши керак эди.....
Менимча ҳозир ҳам бу каби сўровлар ўтказилса яхши бўлади.

Хозир бу суров хар семестрда утказилмокда. Суровнома бу ерда