Порахурлик - жамиятнинг иллати

[Aaz]

Сообщение от Nigora Umarova

Тўғрироғи, маънавий саводсизликка.

Нафакат маънавий, хам илмий саводсизликка, дунекарашини торлашишига олиб келади.

[OmoN]

Сообщение от Nigora Umarova

Haqiqiy ilm kishisining ko'ziga ilmdan boshqa narsa ko'rinmaydi.

Оиласичи? Биламан бу пора олишга асос бўла олмайди. Лекин ўша пора олган домла баҳосини қўйиб бермасаям барибир баҳосини олиб "қизил" диплом оладиган талабалар керагича топилади. Зачеткасида битта фандан умуман баҳо қўйилмаган талаба ўқишни битириб диплом олганини кўрганман.
Бизнинг университетда химиядан битта ўқитувчи бўлган экан. Ўша пайтдаги ректорнинг аёли экан. Шун даражада қаттиққўл экан-ки унинг дарси бор куни энг безори талабалар ҳам оқ кўйлак, қора шимда галстук тақиб келишаркан. Битта бойвачча талаба химиядан баҳосини ололмай шахсан ректор(!!!)ни "танка" сифатида бошлаб кирган. Шунда ўқитувчи эри(ректор)га қараб "Сиз менга уйда эрсиз. Бу ер эса ишхона. Ишхонадаги ишимга асоссиз аралашманг" деган экан. Ўша ўқитувчи битта факултьтет биноси ёнидан ўтиб кетаётганда баҳосини ололмай юрган талабалар бошига 5 этаждан ғишт ташлашибди. Бахтига ғишт оёқларининг остига келиб тушибди. Ўша куни ариза ёзиб ишдан бўшаб кетган. Лекин барибир ўқимаган талабага баҳо қўймаган экан. Бу воқеа биз ўқишга киришимиздан бир йил олдин содир бўлган экан.

[Nigora Umarova]

Сообщение от OmoN

Оиласичи? Биламан бу пора олишга асос бўла олмайди.

Harom luqma bilan oila boqqandan ko'ra....

[Nigora Umarova]

Сообщение от OmoN

Бизнинг университетда химиядан битта ўқитувчи бўлган экан.

Яхшиямки, бахтимизга мана шундай фидойи, соф, ҳалол ҳамкасб-устозларимиз бор. Бўлмасам , барча ўқитувчиларни порахўр, каззобга чиқариб қўярди.

[Nigora Umarova]

Shu o'rinda ustoz yozuvchi Abdulla Qahhorning "Pora" nomli ertak-felyetoni kishi yodiga tushdi...

Pora
Ertak
Bir poraxo’r amaldor amalidan tushib g’alati dardga yo’liqdi. Uning tomog’i kundan-kun torayib boraverdi. Qirq tosh tevarak-atrofda uni ko’rib dori bermagan doctor qolmadi –ichi aptekaga aylanib ketdi; uni boqmagan tabib ham qolmadi-yantoqning gulidan tortib kaltakesakning dumigacha quritib kappa otdi; o’qimagan duoxon, rom ochmagan folbin qolmadi – kichik hamyon bo’shab, katta hamyonga qo’l ketdi. Bo’lmadi, dard brogan sari kuchayib, tomog’idan hatto suv ham o’tmay, og’ziga paxta bilan tomizilgan suv burnidan keladigan bo’lib qoldi.
Kun o’tdi, hafta o’tdi nihoyat, amaldor shiftga qarab yotganicha bir-ikki iyak qoqdi-yu jon berdi. Berdi! Porani pul, maqtov, ziyofazt, xushomad, mebel, ov miltig’I,kiyik, zotli it, yog’och, bo’yoq, tilla soat, etik va boshqa ming bir shaklda olib, olaverib berish degan so’zni esidan chiqarib yuborgan amaldor, xuddi berganiga hayron bo’lganday, og’zini, ko’zlarini katta ochganicha qoldi. Uning hayratdan ochiq qolgan og’iz va ko’zlarini yuvg’uvchi taxtada yumdi.
Taxta, kafan, tobut, go’r… Murda lahadga qo’yilib, go’rga tuproq tortilayotgan vaqtda, taomilga ko’ra kimdir xaloyiqqa yuzlanib:
- Ho yaxshilar, marhum qandoq odam edi? – dedi.
Hech kimdan sado chiqmadi. Shunda marhumdan ko’p aziyat chekkan bir kishi:
- Poraxo’r edi! – deb yubordi.
Shu chog’ qabrga tortilayotgan tuproq birdan to’zib ko’kka ko’tarildi-yu, uning ostidan boyagi murda kafanini sudrab, og’zini, ko’zlarini katta ochib chiqib keldi. Hamma tumtaraqay bo’ldi. Boyagi “poraxo’r” degan kishi qocholmay turib qoldi. Murda to’g’ri o’shaning oldiga kelib:
-Nima? Pora? Qani pora? – dedi.
U kishi shoshib u yoq-bu yoqqa qaradi; qarasa, besh-olti odim narida bir kirpi yotibdi, yugurib borib kirpini oldi-yu:
- Mana pora! – deb ikki qo’llab murdaga tutdi.
Murda kirpini shoshib oldi, qaltiragan qo’llari bilan og’ziga eltib, ko’pdan beri pora o’tmay bitib ketgan tomog’ini ochish, kattaroq ochish uchun kirpini teskari yutdi.
Falonchiga pora deb bersang tirik kirpini teskari yutadi, degan gap mana shundan qolgan.

Abdulla Qahhor

[Gulnora Voisova]

Бу баҳс мунозараларни ўша порахўр ўқитувчилар ўқимайди. Ўқиса ҳам уларда ўзларини оқлашлари учун баҳоналари тўлиб тошиб ётибди.
Турли хил мавзуларда баҳслашсакда, гап нуқул маош камлигига, ёки виждонсизликка бориб тақаляпти.
Жамиятнинг ёзилмаган қонунлари бор, буларни ўзгартириш осон бўлмаса керак.

[Aaz]

Нимага энди порахур деганда факат укитувчилар хакида гап кетади...
Агар поралар суммасини кушиб чиксак укитувчилар оладиган пора умумдан канча фоизни ташкил килади?
Менимча жуда кам, эхтимол 10% дир?
Энг куп порани кимлар оларкин?

[Gulnora Voisova]

Сообщение от Aaz

Энг куп порани кимлар оларкин?

Ким оларди, "катта"лар олишади. Улар ҳам нима қилишсин ўзларидан "катта"ларга беришади. Қолгани кетаверади пирамида шаклига ўхшаб.
Аслида бу "шакл" жудаям кенг томир отганки, бизнинг жамиятимизнинг илдизини ташкил этади.
Бу "илдиз"ни батамом қуритгунча суягимиз супурги бўлса керак

[OmoN]

Сообщение от Aaz

Энг куп порани кимлар оларкин?

Порахўрлар

[Bekmirzo]

Сообщение от Kumushoy

Бу баҳс мунозараларни ўша порахўр ўқитувчилар ўқимайди. Ўқиса ҳам уларда ўзларини оқлашлари учун баҳоналари тўлиб тошиб ётибди.
Турли хил мавзуларда баҳслашсакда, гап нуқул маош камлигига, ёки виждонсизликка бориб тақаляпти.
Жамиятнинг ёзилмаган қонунлари бор, буларни ўзгартириш осон бўлмаса керак.

Albatta oson bo'lmaydi.
Kezi kelganda ularning yuziga gapirib turish kerak. Nafaqat o'qituvchining, balki poraxo'r do'xtirning, poraxo'r prokurorning yuziga va hokazo...