Нимага саводсизлашиб кетаяпмиз?

[haoshen]

Сообщение от Masud Mahsudov

Siz bilan tortishishdan foyda yo'q... Chunki, menejer so'zini men atayin shunday yozgan , zero ruslarning o'zlaricha j harfining oldiga d harfini qo'yib olishi noto'g'ri hisoblayman... Siz manager (eng) so'z'ining kelib chiqishini bilganingizda edi, bilardingiz nega bunday yozganimni...Baynalminal so'zlar qanday bo'lsa, shunday qabul qilinishi kerak (Convention - Конвенция, Strategy - Стратегия)... Qandaydir d harfini qo'yilishi, ma'lum ma'noda noto'g'ri va bu haqda rus filologlarining ham bir necha maqolalarini o'qiganman... (Imkon qilsam, topib, pm qilib yuboraman)...
Alhamdilullah, ingliz tilini mukammal bilaman va rus tilidagi bunday buzilishlarga men tanqid nuqtai nazari bilan qarayman... Sohangizni yahshi bilmasdan turib, boshqalarning bilimini baholash bu bema'nilik...
Hamma narsani yozishdan oldin, sal chuqurroq o'ylab ko'ring... Filologsiz, har holda...

Яхши. Демак Сизнинг ўз фикрларингиз ва қарашларингиз мавжуд. Бу жуда яхши. Бироқ бу Сизни барча учун баробар бўлган умумий қоидаларни бузган ҳолда исталганча иш тутиб, менинг ўз қарашларим бор қабилида иш тутишга ундар экан, нега унда бошқаларнинг саводи бор йўқлиги масаласи қизиқтиради? Ахир барчанинг Сизга ўхшаб ўз қарашлари бордир? Мен хали хам чуқур ўйлаб, фикрларимни бу ерда иложи борича аниқ ифодалашга уринаяпман. Тилга қандай сўзларнинг қай ҳолда кириб келиши борасида: Шубҳасиз яхши фикрларингиз бор экан уларни Фанлар Академияси қошидаги ўзбек тили бўйича махсус қўмитага юборинг. Тарихан кириб келиб ўрнашган сўзлар тилда ўз ўрнини топиб бўлган, ва бу Сизга ёқадими йўқми, бу билан хеч кимнинг иши йўқ. Лекин бу умумий қоида, ва Сиз ҳам биз ҳам бу қоидаларга бўйсинишим керак. Акс ҳолда умуман ҳамма нарса бефойда. Бу анархия деб аталади.

Мен ўзбек, рус, немис, ўзбек тилларида ўз фикрларимни изҳор қила оламан. Шу туфайли Сиз айтаётган муаммолар менга ҳам таниш. Бироқ тилдаги қоидалар йиллаб юзага келади ва бу тил анъанасига айланади. Келинг энди анъаналарни бузмайлик. Ахир Сиз ҳалқимиз удумларини бузмасангиз керак, менга ёқмайди деб?

Яна битта савол: Қандай қилиб инглиз тилини мукаммал биласиз? Сиз нима Оксфорд ёки Кэмбриджда инглиз тили бўйича профессормисиз? Чунки менинг фикримча (буни кўпчилик филологлар тасдиқлайди) саноқли одамларгина ҳатто ўз она тилини ҳам мукаммал (бў сўзнинг маъносини ҳам яхши биласиз деган умиддаман) билади. Чет тилларини эса мукаммал ўрганиш бу анчайин мушкул муаммо. Бунинг албатта иложи бор. Камида 15 ё 20 йил кетади.