Мактабларда пул йиғилиши тўғрими?

[Mahmud Jurat]

Сообщение от Баходир кушаков

Ҳозирги пайтдаги энг катта муаммо,ўқитиш савиясини кўтариш билан боғлиқ

Сообщение от Баходир кушаков

Мактабда пул йиғиш,ҳатто социал таъминотга эга бўлган Германияда ҳам бор экан.

Мактаб ва мактабдаги тарбия масалаларида бир неча китоб муаллифи сифатида бу тортишувларга аралашмай турган эдим. Масала ўқитиш савиясига бориб тақалгандан кейин қўшилдим. Мактабларда ўқитиш савияси ҳар доим ўқитувчига бориб тақалади. Демак, бугунги куннинг "ҳазрати ўқитувчиси" қай даражада фаоллик кўрсатаяпти. (Унга талаб ва ортиқча "талабчалар" масаласи қандай.) Ишонч билан айтаманки у ҳар доимгидай, кеча қандай ишлаган бўлган бўлса бугун ҳам шундай ишлаб келаяпти. Мустақиллик йиллари давомида бошқа бирор давлатдан мактабларимизга ўқитувчилар келиб қолган эмас. (Аксинча мактабдан савияли ўқитувчиларнинг кетиш ҳоллари учраб турипти.) Савияли ўқитувчилар ҳар доимгидай ишлаб келаяпти, савияси ўртачалар талабни пасайтирган, савияси пастлар эса талаб ва ўқитишни умуман тушириб юборган бўлиши ёки ўз ички талабларидан келиб чиқиб ўз ёғида ўзи қоврилиб ишлаяпти, деб ишонч билан айта оламан. Шу билан бир вақтнинг ўзида ички талаблар анча бугунги кунда пасайганроққа ўхшаяпти. Бунга биргина мисол келтириб ўтаман. Мактабда эмас, боғчада болаларга тарбиячиси ўз шевасида гапираётганини кўриб, синглим, адабий нормада гапиринглар, булар ҳали ёш, сиз қандай гапирсангиз улар ҳам шунга ўрганиб кетади, сиз ўз шевангизда уйингизда гапиришингиз мумкин, сизнинг сўзингиз сизнинг иш қуролингиз, ундан иш жараёнида тўғри фойдаланинг, деб насиҳат бердим. Талабим кўпинча мени кўрган пайтларда бажарилаётганини неварамнинг ҳаракати ва гапларидан сезиб турибман. Демак, умумий талаб жиддий назоратга олиниши зарур. Талаб пасайган жойда иш сусаяди.

Сообщение от Баходир кушаков

Мактабда пул йиғиш,ҳатто социал таъминотга эга бўлган Германияда ҳам бор экан.

Пул йиғиш масаласи ҳар доим бўлган ва бошқа давлатларда ҳам бўлганлиги, борлиги янгилик эмас. Масала пул нимага, қайси мақсадлар учун ва қай ҳажм,миқдор ва унинг тез-тезликларида. Айниқса йиғилган пул нима мақсадларда ишлатилаётганлигида.
Давлатимизда халқ таълими тизими қандай, у давлатимизнинг Мустақиллик ўзгаришларига мутаносиб равишда ўзгартирилиб, зарур янгиликлар киритилдими? Мана бу масала яна бир неча йиллардан кейин биз ўйлагандан ҳам жиддийроқ бўлиб юртимиз, жамиятимиз, ватандошларимиз олдидан чиқиши аниқ. Менимча мана бу масалада бош қотирилса янада яхшироқ бўлар эди.