Bahor bayramlari

[Tulqin Eshbekov]

Юртимизда энг ажойиб байрамлар кўпроқ баҳор фаслига тўғри келаркан.
1 март куниёқ "Баҳор байрамингиз муборак бўлсин!" дейиш таомилга айланган.
2 март - Ўзбекистоннинг БМТга аъзо бўлган кун юртимиз номини жаҳон узра жаранглаб туришини дилдан истаганлар учун катта байрам, дейишга ҳақлимиз!
8 март - наинки азиз онажонлар, опа-сингиллар, мунис қизларимиз байрами, балки, чинакам оилавий байрамга айланади!
21 март - Наврўзи олам наинки курраи заминга, балки барчамизнинг қалбларимизга беқиёс қувонч бахш этади!
22 март - буюк бобокалонимиз Мирзо Улуғбек таваллуд топган кун!

(Байрамлар, қутлуғ кунлар саноғида "адашиб" кетмаслик учун қолганларини кейинги саҳифаларда ёзишни лозим топдик)

[Tulqin Eshbekov]

Азиз ва мунис онажонларимизни, азиз опа-сингиллар, дилбар қизларимизни 8 март байрамлари билан чин дилдан табриклайман. Бахтимизга ҳамиша соғ-омон бўлсинлар.
Форумимиз пештоқида маънавий нур сочиб турган азиз ҳамкасабаларимизга ижодий парвозлар тилаб қоламиз.

[Abdusalim Nursaidov]

Тулкин ака эслатганингиз учун рахмат. Мен хам юртимизни барча хотин-кизларини чин юракдан табриклайман. Уларга абадий гузаллик ато этсин.

[Husen]

Шунингдек, март ойида бир қатор муҳим аҳамиятга молик саналар ҳам нишонланади. Жумладан, бугун Халқаро ёзувчилар куни, 15 март - Халқаро истеъмолчилар ҳуқуқларини ҳимоя қилиш куни, 27 март эса Ҳалқаро театр куни ҳисобланади.

[Anvar Atakhanov]

Сообщение от Husen

Шунингдек, март ойида бир қатор муҳим аҳамиятга молик саналар ҳам нишонланади. Жумладан, бугун Халқаро ёзувчилар куни, 15 март - Халқаро истеъмолчилар ҳуқуқларини ҳимоя қилиш куни, 27 март эса Ҳалқаро театр куни ҳисобланади.

24 март - Бутунжахон сил касаллигига карши кураш куни. Эх Гуляй Рос... Узбекистан!

[Tulqin Eshbekov]

Сообщение от Husen

15 март - Халқаро истеъмолчилар ҳуқуқларини ҳимоя қилиш куни, 27 март эса Ҳалқаро театр куни ҳисобланади.

Бундай халқаро кунлар бизнинг халқимизга ҳам татий бошлагани нур устига аъло нурдир!

[Gulchehra Ibragimova]

НАВРЎЗ МУБОРАК

Қизғалдоқ баргидек учар дилдан ғам,
Тошқинларкирадиқалбимгаманим.
Баҳорингмуборакбўлсинушбудам,
МенингЎзбекистон-дилбарВатаним!.

Димоққа ялпизлар нафаси урар,
Юракда муаттар чечаклар кулар,
Бир сулув келинчак саломга келар –
Остонага бош ур, азиз меҳмоним!
Наврўзинг муборак, Ўзбекистоним!

Азиз дўстлар, ҳамкасблар, муҳтарам форумдошлар!
Истиқлолнинг ушбу навбатдаги баҳори ҳам ўзининг кумушранг қанотларида байрамларга бой элимизга Наврўзи оламни-Янги кунни, Янги йилни ва албатта Яхши кунни олиб келмокда.

Аввал юрагингга мўралайди у,
Сўнгра куртакларга ўргатади сўз.
Заминнинг кўзидан қочади уйқу,
Демак, Баҳор келди,
Келмоқда Наврўз

Неча асрлардан буён ота-боболаримиз интизорлик билан кутиб олган бу қутлуғ айём биз учун нақадар қадрдон, ҳаётбахш ва дилларимизга яқинлигини сўз билан ифодалаш қийин.

Эзгуликнинг умрбоқийлиги, уни на замон эврилишлари, на давр довуллари, на-да кўнгли қора ва нияти бузуқ касларнинг махв этолмаслигига Наврўзи оламимиз яққол мисолдир.

Бу кунлар қутлуғ кунлар, сурурли кунлар. Мана бугун ҳам баҳорнинг, Наврўзнинг сўлим нафаси, майин эпкинлари юртимизда кезиб юрмоқда. Барчанинг дилида Янги кунлар, яхши кунлар умиди.

Чунки Наврўз-биз учун, аввало, энг қадимий, асл миллий, ғоят ардоқли байрам. Гулу чечак иффоридай хушбўй, сумалакдай тотли, Хумо қуши қанотида олиб юриб, уни биз учун, бизнинг халқимиз учун ардоғлаб юриб, бизга илинган таровати мўл, этаклари гул айёмдир.

[Colorado]

Сообщение от Tulqin Eshbekov

Бундай халқаро кунлар бизнинг халқимизга ҳам татий бошлагани нур устига аъло нурдир!

Халим зиёфат хам шу каторда..

Оффтоп:

эрта-индин бир катор халкаро театр кунига багишлаб расм жойлаштириш ниятим бор (факат кечаси, чунки эрталаб модер хоним учириб ташласалар керак)

[Tulqin Eshbekov]

Сообщение от Colorado

учириб ташласалар

Яхши гаплар ҳеч қачон ўчирилимайди! Саҳифадан ўчирилса-да қалбларга мангу муҳрланиб қолади умрибоқий гаплар!! Муҳтарама модераторимиз яқинда икки форумдошнинг ўзаро тортишуви аянчли тус олишининг олдини олиб, яхшиси, ўчириб ташлагани рисоладагидек бўлди. Биринчи томон хато қилгани ҳамоно вақтлироқ ўчириб ташлаганида янаям яхшироқ бўлур эди.

[Gulchehra Ibragimova]

Барча Онажонларни, гўзал қизларимизни, азиз опа-сингилларимизни Баҳор айёми, Аёллар-Онажонлар байрами билан "Ziyonet" бўлими ходимлари самимий муборакбод этадилар:

ТИЛАЙМИЗ ГУЛЛАРНИНГ ИФФОРЛАРИНИ,
САЛОБАТЛИ ТОҒЛАР ВИҚОРЛАРИНИ,
УНУТИНГ ДУНЁНИНГ ҒУБОРЛАРИНИ,
БАҲОР АЙЁМИНГИЗ МУБОРКА БЎЛСИН!! (Г.Ш)


Абдулла Ориповнинг "АЁЛ" тўртлиги ҳам Сиз азизлар учун!
Бугун ва тўлиқ уч ой биз ўзимизни мадҳ этиш учун асосимиз бор, чунки ижодкорларимизнинг ўз шеърларида айтишларича, БАҲОР аёлдан андоза олган, бу ёғи баҳор ва қўшалоқ байрамлар:

Кимдир бир юмушдан юзини бурди,
Кимдир ваъда берди, кимдир ўй сурди.
Аёлга эҳтиром навбати етгач,
Ҳамма бирданига оёққа турди. (А.О)