[Без оффтопа] Шеър азиз олам аро...

[Gulchehra Ibragimova]

***
"..кел кўр, мени ишқ найлади"
Юнус Эмро

Сенинг ўзгалардан ортиқ жойинг йўқ,
Ёки бошда танҳо юлдуз, ойинг йўқ.
Сен ҳам бир пиёда, саман тойинг йўқ,
Мен нечун ишқингда девона бўлдим?!

Бу кун номинг айтиб чарчамас юрак,
Ҳеч нарса тиламас васлингдан бўлак.
Азизим, ўйлама, шунчаки эрмак –
Мен тамом ўзимдан бегона бўлдим…

Мен ҳам бир гул эдим, тўкилди кўнглим,
Ушбу кун дилимда аламлар лим-лим.
О, фалак ўйнига келмайди кўнгим
Бунчалар ўзингга парвона бўлдим…

Ғурурим букилди, сўзим тўкилди,
Юракнинг чоклари бир-бир сўкилди.
«Биров»нинг дастидан кўнглим юкинди
Бунчалар кўзимга ягона бўлдинг…
(с)

[Aliya]

Sen ketasan...

Bari ro`yo...
Uyg`ongim kelmas,
Men uyg`onsam bas...
Ketasan sen...
Shirin tushlar sari odimlab,
Hayotimni tark etasan Sen...

Hayollarning nurli orzusi
Ro'yolarga tutash lahzada
Tushlar aro nigohlarimga
Singib ketar ishq alamzada...

Sen ketasan...
Qorong'u zulmat
Qo'llarida meni qoldirib...
Sening bilan yorug' tushlarni
"Armon" degan hisga to'ldirib...

Seni qayta ko'rmoqlik uchun
Hayotimni tunga o'rardim...
Tushlarimda takror va takror
Faqat Seni, Seni ko'rardim...

Bari ro'yo...
Ko'z yosh - vafodor,
Ko'zlarimni tark etmas abad...
Sening darding kabi to'kilar
Saroblarda so'ngan muhabbat...

Mana, yana oqarmoqda tong...
Quyosh tafti - yuragimda dard...
Ertagimdan, ro'yolarimdan
Ketasan sen...
Uyg'onmog'im shart...

Sen ketasan yorug' tushlarga,
Qora tongga qoldirib meni...

[Aliya]

Иқрор.

Тунда нур талашиб олис юлдузлар,
Менга тақдири-ю, сирларин сўзлар,
Сурайё, Фируза, Хулкар – ҳур қизлар,
Лекин мен излаган осмон бошқадир.

Ул кўкдан қалбимга Бахтлар ёғадир...

Чаманзор ичида турфа ранг гуллар,
Қошида парвона ошиқ булбуллар,
Бойчечак, гунафша, лола сумбуллар,
Лекин мен излаган райҳон бошқадир.

Райҳон ифорлари қалбга ёқадир...

Ҳаётнинг йўллари тор, равон эмас,
Билолмам, қай бири – баланд, қайси – паст,
Бахт-у ҳасратлардан юраклар сармаст,
Лекин мен излаган армон бошқадир.

Армон қуёшлари қалбга ботадир...

Сиз – менинг қуёши порлоқ осмоним,
Сиз – менинг боғимни безар райҳоним,
Сиз – менинг ҳеч қачон ўлмас армоним,
Лабларим куйдириб ўтган оҳимсиз...

Мен – сизга таслимман...
Сиз – паноҳимсиз...

[Aliya]

Сообщение от Masud Mahsudov

Vido – umididan ajralgan qayg’u,
Diydor – asrlarga tatuvchi tug’yon.
Hijron – yiroqdagi yaqin his-tuyg’u,
Sog’inch – dil tubida ajib g’alayon.

Hayot – sog’inchlardan iborat tuhfa...

Diydor - baxt cho'qqisi uzra o'sgan gul,
Sog'inch - har qadamda ortga tortgan yo'l.
Hijron - ikkimizni ajratgan yillar,
Armon - egasiga yetmagan gullar...

Diydor - tunlarni ham yoritgan ne'mat,
Sog'inch - so'nggi damda yig'lagan jur'at.
Hijron - liboslari qora rang sinov,
Armon - qalb daftarin kuydirgan olov...

Diydor - men yetmagan yuksak oliy baxt,
Sog'inch - azoblardan yaratilgan taxt.
Hijron - yuragimning qonli ko'zyoshi,
Armon - umidlarning botgan quyoshi...

Diydor - lablarimni ko'rmagan kulgu,
Sog'inch - yolg'izlikka asir bir tuyg'u.
Hijron - olis ko'kda qo'l yetmas yulduz,
Armon - "Sevdim" deya aytilmagan so'z...

[Gulchehra Ibragimova]

Тўртликлар

Мен меҳрнинг равзасидан
унган гулу рухсорамен
Ул бевафо ғамзасидан
уйқуси йўқ бедорамен.

Ҳам соғинчу, айрилиқдин
бағрим куйик, ҳам порамен,
Анинг васлига еткуз деб
Оллоҳга кўп ёлборамен.

* * *
Жустужу этма мениким,
илгинг етмас ҳилолдурмен.
Мен шамсдан баҳра олган
Равзада ниҳолдурмен

Таманно этмагил вомуқ,
кавсарда ширу болдурмен,
Мунфаилман, на иложким
ўзга оразда холдурмен.

* * *

Сенга эй ёр, нома битиб
холим вуқуф этолмасман,
Сен эй қақнус ёки хумо,
ўйлаб ҳаргиз етолмасман.

Келгил фарид, қарорим йўқ,
умид узиб кетолмасмен,
Сен эй булбул, қўнганинг гул
сен-ла минбад қололмасмен.

(с)

[Gulchehra Ibragimova]

Сўз зарби

Энди мендан мурувват кутма,
Сўзлар совуқ ўққа айланган.
Кўзларимга боқма, ёнасан —
Аламлардан чўққа айланган...

Мени сўзлар билан отдилар,
Мени кўзлар билан отдилар!
Менга қумдан уй солиб бериб —
Яна кимдир мурувват тилар?!.

Суйган фаслим — ҳазонли бир куз,
Эй дилозор келма юзма-юз.
Мен қўрқаман отиб қўйишдан
Қуролим ҳам шу биргина сўз...
Сен.. сўзимнинг қурбони бўлма...

[albatros]

Сообщение от Aliye BlackANGEL

Diydor - lablarimni ko'rmagan kulgu,
Sog'inch - yolg'izlikka asir bir tuyg'u.
Hijron - olis ko'kda qo'l yetmas yulduz,
Armon - "Sevdim" deya aytilmagan so'z...

Ajoyib satrlar...,tahsinga sazovor ta'riflar ! Endi RASH, BAXT, QAYG'U, VISOL kabi tuyg'ularga ham ta'rif berib ko'raylikchi?

[Alisher Asror]

Бола “пақир”


Кўришмоқ-чун кўчангиздан,
Қайта-қайта ўтавердим.
Бир чиқар-э укасини
Еталаб , деб , кутавердим.

Зил девор бу , баттол девор,
Сизни мендан яширади,
Дарвозада турган қулф,
Истимамни оширади.

Ҳар ўтганда ҳаёлимда,
Руҳсорингиз, жамолингиз,
Тегиб ўтса қани , дейман,
Сиздан ўтган шамолингиз.

Кеч ҳам кирди, кўз тўғрига
Қарамай ҳам қўйган эди,
Тўғридагин кўрмакка у,
Ярамай ҳам қўйган эди...

Ўта туриб, кета туриб,
Сим ёғочга бошим урдим,
Ғурри битиб тузалгунча,
У кўчадан ўтмай турдим.


(С)

[Masud Mahsudov]

Ketmoqdaman,
sag’ir tarixim tashlab,
O’zim orzu qilgan so’ngsiz firoqqa.
Kichikkina umid etagin ushlab,
Halovat topgani, juda yiroqqa...
Ketmoqdaman;
Ma’yus boqadi kimdir,
Boshqasi do’ppisin otar osmonga.
Allakim xo’rsinar, aytolmasdan sir,
Va siltab qo’lini, botar armonga...
Ketmoqdaman;
Barcha kechmish-o’tmishim,
Xotira atalmish kitobga joylab
Ortimga qaramay intilgancha jim,
Qilgan gunohlarim birma-bir o’ylab...
Ketmoqdaman sekin, gohida tezlab,
Qalbimni ishqimga tuhfa etgani.
Ko’zida tuganmas tole’im izlab
Topganda, tonglarni birga kutgani

Ketmoqdaman,
taqdir tayyorlab qo’ygan,
Baxtli kunlarimning koshonasiga...

(С)

[Gulchehra Ibragimova]

Сообщение от Masud Mahsudov

Ketmoqdaman,
sag’ir tarixim tashlab,
O’zim orzu qilgan so’ngsiz firoqqa.
.....

..Topganda, tonglarni birga kutgani

...
Ketmoqdaman,
taqdir tayyorlab qo’ygan,
Baxtli kunlarimning koshonasiga...

(С)

Бир-бирини тўлдирган антипатия (қарама-қарши) усулида битилган чиройли сатрлар..
..Сўнгсиз фироқ..ва соғинч..хижрон..дан сўнг "тақдир тайёрлаб" қўйган бахтли кунларнинг кошонасидаги висол отли-бахт..Умидга етгани кетиш!

Энди бу ерда ошиқ учун "Тақдирдан келажак бахт-бир афсона" эмас..

Энди унинг қарори қатъий..

"Ketmoqdaman sekin, gohida tezlab,
Qalbimni ishqimga tuhfa etgani.
Ko’zida tuganmas tole’im izlab
Topganda, tonglarni birga kutgani"
***
"Яхши қол, эй дилбарим, дилда кадар кетмоқдаман " каби..

Ketmoqdaman,
taqdir tayyorlab qo’ygan,
Baxtli kunlarimning koshonasiga...

Мана бу сатрлар ҳам фироқ азобларидан ҳориган бир дилнинг битиклари:

Не ёзилган, нелар битилган
Тақдиримнинг тошойнасига.
Ёзуғимда не бор билмадим
Кетгум бахтнинг кошонасига (с)

Масъудбек!Тақдири азалингизда Бахтли кунларингиз кўпайиб, "Бахт кошонаси"га тезроқ етиб боришингизга тилакдошман