Ой ва юлдузларга ошуфта, камтарин ижодкор - Муҳаммад Исмоил

[мафтун]

Сообщение от Shaxnoza Eshmirzayeva

Ҳаётнинг бир-бирига икки томчи сувдек ўхшаш кунлари

хар тунинг кадр улибон,
хар кунинг улсин навруз! А.Навоий.

[Aliya]

Сообщение от Muhammad Ismoil

Xursandman Sizday shogirdim borligidan. Ustozlarning duosi albatta ijobat bo'ladi deyishadi. Agar rostdan shunday bo'lsa sizni chin dildan duo qilaman, Iloyo baxtingiz butun, taxtingiz baland bolsin,Olloh hamisha yuzingizni yorug', martabangizni ulug qilsin! Ustozdan mehr ko'rgan shogird albatta unib - o'sadi deydilar, Iloyo shunday bo'lsin !

Mehnatingiz samarasi!

Samimiy tilaklaringiz uchun rahmat, ammo kichik bir ishimni juda yuksak baholab yubordingizki, faqat o`zi shu buyuklikka erishgan inson shunday yuksak baho berishi mumkin! Siz haqingizda yozganlarim mubolag`a emas, ayni haqiqatdir! (Nokamtarlik bo`lsa-da!) Duolaringiz ijobat bo`lishini men ham Ollohdan so`rayman

[Aliya]

Ҳурматли, Муҳаммад ака!

Инсоният бир неча асрлар давомида ўзини, ўзлигини китоб ёрдамда таниди. Китоб орқали бутун дунёни кўрди, янгидан яратди. Тарихини, адабиётини китобга жо этди.
Биз ҳам ўз ўрнида ўзлигимизни китоб сабаб англадик. Бобур-у Навоийнинг, Нодирабегим-у Увайсийнинг ўлмас адабий мероси бизгача шу китоблар бағрида етиб келди.
“Сабаи сайёр”ни ҳам, “Бобурнома”ни ҳам китоблар орқали ўргандик. Адабиётимизнинг қанчалар юксак чўққига чиққанини кўрдик.
Дунё цивилизацияси бир жойда туриб қолмаганидек, ХХ-асрнинг буюк кашфиётлари сафидан интернет ҳам ўрин олди. Ва табиийки, бу бизнинг китобларга бўлган меҳримиз бўлинишига бевосита сабаб бўлиб қолаётгандек.
Сизга саволим шундан иборатки, ҳозирги кун Ўзбекистон ёшлари ҳаётида китоб ва интернетнинг ўрни қандай бўлиши керак, деб ҳисоблайсиз?

[Muhammad Ismoil]

Сообщение от Shaxnoza Eshmirzayeva

Ҳурматли, Муҳаммад ака!

Инсоният бир неча асрлар давомида ўзини, ўзлигини китоб ёрдамда таниди. Китоб орқали бутун дунёни кўрди, янгидан яратди. Тарихини, адабиётини китобга жо этди.
Биз ҳам ўз ўрнида ўзлигимизни китоб сабаб англадик. Бобур-у Навоийнинг, Нодирабегим-у Увайсийнинг ўлмас адабий мероси бизгача шу китоблар бағрида етиб келди.
“Сабаи сайёр”ни ҳам, “Бобурнома”ни ҳам китоблар орқали ўргандик. Адабиётимизнинг қанчалар юксак чўққига чиққанини кўрдик.
Дунё цивилизацияси бир жойда туриб қолмаганидек, ХХ-асрнинг буюк кашфиётлари сафидан интернет ҳам ўрин олди. Ва табиийки, бу бизнинг китобларга бўлган меҳримиз бўлинишига бевосита сабаб бўлиб қолаётгандек.
Сизга саволим шундан иборатки, ҳозирги кун Ўзбекистон ёшлари ҳаётида китоб ва интернетнинг ўрни қандай бўлиши керак, деб ҳисоблайсиз?

Китоб – инсоният яратган энг улкан мўъжизалардан бири ! Гутенберг жаноби олийлари

бу мўъжизаларни кўп нусхада чоп этишни йўлга қўйгандан кейин ҳам, у ўз сеҳрини, оҳанграбосини йўқотмади, аксинча оммавийлашди, одамларга кўпроқ мафаати тегадиган бўлди, инсониятни улкан тараққиёт сари бошлади, маънавий ҳаётида инқилоб ясади.

“Китоб” – араб тилидаги “мактуб” сўзидан олинган. Қуръони карим ҳам Оллоҳ таолонинг ўз бандаларига юборган мактуби! Шунингдек ҳар бир ёзувчи китов ёзар экан, аслида ўқувчиларига мактуб ёзади. Олайлик, Абдулла Қодирий бобомизнинг "Ўтган кунлар" романи ҳар биримизга атаб ёзилган нома! Кенг қамровдаги хат ! У ҳам сиёсий,ҳам ижтимоий, ҳам маънавий, ҳам адабий, ҳам одоб-ахлоқдан таълим берувчи, тилшуносларга тил фанидан сабоқ берувчи, тарихчиларга тарих фанидан дарс берувчи мактубдир !

Бу китоб бутун бир халққа, шунингдек ҳар биримизга юборилган мактубдир !

Шахсан мен китобдаги сўз ўйинларидан, сўзларнинг биллурдай товланишидан, мавжланиб оққан дарё сувининг пўртаналари сингари, сўзларнинг зеболаниб келишидан, юракни завқу-шавққа тўлдириб, ҳайратга солишидан лол қоламан !

Шу билан биргаликда, ўз туғилиб ўсган юрти, Ватани, миллати мустамлакачилар қўлида қолган, қийналиб оҳу-фарёд кўтараётган пайтда бир ўзбек зиёлиси, бир ўзбек ёзувчиси айтиши шарт бўлган ҳамма гапни, ҳамма исённи,барча норозиликларни, барча қаршиликларни улкан маҳорат билан, улкан қалб билан, буюк тафаккур билан ушбу китоби орқали айтаолди.
Китоб – шундай мўъжиза эканки, унинг ўрнини ҳеч нарса эгаллайолмади. Театр чиқди. Одамлар осонгина томоша қилиб қўяқоламиз дейишди. Лекин театр китоб ўрнини босаолмади. Газета чиқди. Радио чиқди. Лекин улар ҳам чанқоқни қондираолмади. Телевидение оммалашиб кетди. Лекин, одамлар яна китобга қайтишди. Кино чиқди. Ҳамма ўзини кинога урди. Кейин англаб етишдики, олайлик биргина “Ўтган кунлар” романи юз серияли кино қилинса ҳам, китоб ўрнини босолмас экан. Худди арава отдан ўтолмаганидек ! Интернет чиқди. Ҳамма ўзини интернетга урди. Худди янги урф(мода) чиққанда ҳамма ўзини шу урфга ургандек. Аминманки, интернет ахборот қуроли, тараққиётнинг илғор меваси! Лекин у ҳам китоб ўрнини босолмайди.
Театр ҳам, газета ҳам, кино ҳам, интернет ҳам китоб рақобатчилари эмас, улар бари китобнинг болалари, набиралари, эвара, чевараларидир ! Уларнинг ҳаммаси шу китоб деган буюк бободан тарқалган уруғ-аймоқлардир ! Китоб деган улкан хазинадан чиққан жавоҳирлардир !

Буюк француз шоири Стефан Малларме : “Аслини олганда, одамзот биргина гўзал китобнинг дунёга келиши учун яшайди” – деган эди.
Ҳа, ҳар бир кунимиз, ҳар бир соатимиз, замонамизнинг ҳар бир дақиқаси буюк бир китобдир ! Бизнинг вазифамиз ушбу китобни яратмоқ ва авлодларга йўлламоқдир ! Токи бу китоб Тангри таоло олдида ҳам, келажак авлод олдида ҳам кечирган ҳаётимизнинг шаҳодат дафтари бўлиб қолсин!

[Kavsar]

Assalomu alaykum, hurmatli domla!
To'g'risi ijodingiz bilan endi tanishyapman. Meni fikrlaringiz qiziqtirib qo'ydi va savol bersam ruxsatingiz bilan:

1.

Сообщение от Muhammad Ismoil

Китоб – инсоният яратган энг улкан мўъжизалардан бири !

Mana bu jumlaga aniq dalil keltirsangiz. Kitob haqida gapirayotgan ekanmiz, uning yaratuvchisi insonmi chindan ham? Ilk sahifalar ilohiy bo'lmaganmi, osmondan sahifa holida tushgan ilohiy kitoblarga qanday qaraysiz?


2.

Сообщение от Muhammad Ismoil

“Китоб” – араб тилидаги “мактуб” сўзидан олинган. Қуръони карим ҳам Оллоҳ таолонинг ўз бандаларига юборган мактуби!

Qur'oni karim vahiy qilingan edi adashmasam, uning maktubga, ya'ni yoziladigan narsaga o'xshatilishini qanday izohlaysiz?

3. Hamma kitoblardagi gaplarni to'g'ri deb hisoblaysizmi hayotda? "Kitobdagi hamisha rost bo'lavermaydi" degan gapga qanchalik qo'shilasiz?

Ijodingizga endi nazar tashlayotgan va fikrlaringizga qiziqib qolgan oddiy talaba sifatida qabul qiling bu savollarni.

Samimiy ehtirom bilan Kavsar.

[Muhammad Ismoil]

Salom Kavsarxon ! Savollaringizga bir necha kundan buyon javob bermaganim uchun yzr so'rayman. Tabiatan bahslashishga hech toqatim yo'q. Ba'zi insonlar o'zlari bilgan narsalarni so'rab atay bahslashaveradilar. Yoinki bilib turib jig'ingizga tegmoqchi bo'ladilar. Shunday paytlarda mashhur qo'shiqdagi : " Qaro ko'zli sanamjon, o'zing yaxshi bilasan,dilimdagi dardlarni, so'rab nima qilasan?" - degan so'zlarni beixtiyor aytib yuboraman! lekin menga sizning savollaringiz birmuncha samimiy tuyulgach javob berishga qaror qildim. Kitob haqiqatdan ham insoniyat yaratgan ulug' mo'jizalardan biridir ! Xuddi televideniya, radio, internetning yaratilishi mo'jiza bolganiday! Kitobni birinchi bo'lib 1448 -yil germaniyalik noshir Iogann Gutenberg kashf etgan. Ungacha chiqqan barcha kitoblar qo'lda, bitta - ikkita nusxada chiqqan. Ularda kitobni hashr etish mexanizmi yo'q edi. Ya'ni olmalar daraxtdan to'kilaverardi, N'yutonning butun olam tortish kuchi haqidagi qonuni hali kashf etilmagandi. Qur'oni karim ham xalifa Usmon ibn Affon tomonidan ilk bor to'rt nusxada yozma holda kitob qilingan edi. O'sha paytlarda hozirgi kitob chiqarish mexanizmi yo'q edi. Qur'oni karim - bu kitob. Uning kitob ekanligi Qur'oni karimda ham bir necha bor ta'kidlab aytilgan. Injil ham,Tavrot ham kitob. Yahudiylar,xristianlar,musulmonlar shuning uchun ahli kitob deb ataladilar. Va biror kitob osmondan varaqa holida,yoki teriga yozilib tushmagan. Hatto Payg'ambarimiz Muhammad alayhissalom Olloh taolo bilan asosan farishta Jabroil orqali bog'langanlar,vahiy olib turganlar. Olloh O'z kitobini kitob deb turgan paytda, bu kitob emas, vaxiyku desak noo'rin e'tirozga yo'l qo'ygan bo'lamiz.Men yana bir bor kitob va maktub so'zlarining o'zagi bir ekanligini ta'kidlagan holda, musulmon bandalarning asosiy kitobi Qur'on ekanligini, bo'ysinishimiz, amal qilishimiz, uning chizig'idan chiqmasligimiz shart ekanligini juda yaxshi bilishimni eslatib qo'ymoqchiman !

[Muhammad Ismoil]

Oyning aksi botqoqqa tushgani bilan Oyning qadri tushib qolmaydi. Haqiqatdan ham bugungi kunda bo'lmag'ur kitoblar ko'p nashr qilinayapti. Sizga nasihatim kitobdan hechqachon bezor bo'lmang, ularni tanlab, saralab o'qing ! Bugungi kunda juda zo'r kitoblar ham nashr etilib turibdi. O'zbekistonning yuz yillik tarixida unday kitoblar nashr etilmagandi. Yolg'onchi, noto'g'ri so'zlovchi, aldoqchi kitoblar ko'p. Ular hayot haqiqatini mutlaqo aks ettirmaydilar. Ularni yozuvchilar yolg'onchi bo'lgach kitobda nima ayb? Agar men hayotda kitoblardagi hamma gaplarni to'g'ri deb bilganimda, albatta sizning oldingizga borgan va o'zimni ko'rsatib, " Ayting, axmoqqa o'xshaymanmi?"-degan bo'lardim !

[Muhammad Ismoil]

Дуо

Тангрим, бир юрак бер, оташ бер қайноқ
Меҳру-муҳаббатим билмасин поён.
Шу элни, шу юртни, алқаб беадоқ,
Севиб яшай ҳар он, ҳар кун, ҳар қачон!

[Muhammad Ismoil]

Сени кўрмоқ баҳор, ўйламоқ баҳор
Музлар эригандай, кўзларимда ёш.
Мен сени йўқотиб, бўламан абгор
Мен сенинг пойингда гуллайман қийғос.

Дунёда қалб нима, юрак нимадир,
У сенинг ҳуснинг-ла ёнгувчи чироқ
Гоҳо юрагимни ерга кўмадир,
Умрим минг йилларга қисқартар фироқ.

Бунчалик тез ўтиб кетма, баҳорим,
Умрим бор-йўғи бир лаҳзадан кам.
Бир лаҳза англайин сен билан борим,
Сўнгра йўқлик сари бошлаб кетар ғам.

Сўнгра бари тугар. Балки дунёга,
Минг йилдан кейин ҳам келмасмиз такрор.
Лаҳзалик умримни бурка зиёга,
Эй борлиги баҳор, эй, бағри баҳор.

[Muhammad Ismoil]

Хонада ёнади хира шамчироқ,
Куй бўлиб учади лабингдан байтлар.
Сен менинг шеъримни ўқийсан бироқ,
Ғамгин юрагимга солмайсан назар.

Оламни пойингга тураман ташлаб,
Маликасан, бошим узра юрганда.
Ахир, менинг ишқим бир хасчалик гап,
Сени, бутун бир халқ, севиб турганда.

Майли сен кўкдаги юлдуз бўл, эркам,
Юлдузлар ҳаёти бешафқат, қаттол.
Бир нафас самимий қараб қўйиш ҳам,
Инсоний севги ҳам келади малол.

Ҳеч кимни ўзингга яқин олмайсан,
Ўзгалар дардини куйлайсан осон.
Мени адо қилди, мен куйлолмаган,
Сен менинг қалбимда яратган достон.

Сен менинг дилимда ёнғинсан буюк,
Сенга садқа бўлсин бу бечора жон.
Сени севишимни қўшиқ қил суюк,
Сен уни куйлагин жон, Севаражон!


-------