[Без оффтопа] Шеър азиз олам аро...

[Aliya]

Оффтоп:

Сообщение от Tulqin Eshbekov

бўлмайди...

Domla, sho`xligingiz ham bor bo`lsin!

Сообщение от Tulqin Eshbekov

"кипригим биқирлаб қайнар, сувларни майдалаб чайнар, ичаги, юраги синар" каби беўхшов, телба-тескари гапларни фалончи устоз шоир ҳам ёзган-ку...

Aytgancha, domla, yana takror aytishni lozim topdim: o`sha MENSIZLIKlar, SENSIZLIKlar, SASSIZLIKlar o`ylab topilgan so`z emas, aksincha ayni turkiy lug`atlarda, adabiyotlarda, san`atda uchraydigan so`zlardir. Agar bunga shubha qilayotgan bo`lsangiz, marhamat qilib, shaxsiy lug`atingizdan HURMATSIZLIK, ADOLATSIZLIK, TENSIZLIK, HAQSIZLIK so`zlarini o`chirib tashlashga so`z bera olgan bo`larmidingiz?! Hatto, HAQSIZLIK iborasi dinimizning muqaddas kitobi QUR`ONI KARIMning izohida ham uchraydi.

Agarda, bu so`zlarning turk tilidan kelib qo`shilishi jinoyat ekan, unda O`zbekiston Qahramoni Abdulla Oripovni ushbu satrlari uchun sudga berib yubormasangiz edi:

«BISYOR bo`lsa agar – bol ham beqadr,
Takror aytilganda rangsizdir kalom»

“Bisyor” forscha so`z axir!

Shaxsiy hayotingizga daxl qilish niyatidan yiroqman, ammo, siz men qatori bo`lgan paytlaringizda, balki, yurak sinishiga birov ishonmagandir, bizning davrimizga kelib esa, Mustaqillik shamollari esgani ko`nglimizdan o`tganlarini yaqqol namoyish etish uchun minbar yaratib berganidir.
She`riyatga bergan “qaynoq” ta`rifingizdan tushunib yetdimki, siz muhabbatning ko`chasidan anchayin yiroqlashib ulgurgan ko`rinasiz. Agarda, qalb ko`zlaringizni kattaroq ochib qarasangiz, singan, sindirilayotgan yuraklarni faqatgina she`rlarda emas, atrofingizda nafas olayotgan, bedor tunlar ichida hayot kechirib kelayotgan yuzlab, hatto, minglab insonlarda ham ko`rishingiz mumkin!
Yana shuni aytishni burchim deb bildimki, siz so`zning ko`chma va o`z ma`nosi o`rtasidagi farqni qorishtirib yuboryapsiz! Chunki, she`riyatda shoh va gadolik bor, ammo pul va moddiy boylik yo`q, yurak va qalb bor, ammo, ICHAK YO`Q! Yurak sinmas ekan, unda ko`zning qayeri ochiq tomir bilan tutashgan ekanki, undan yosh o`rniga ASHK oqsa?! So`zni o`z o`rnida qo`llash ustida avvalo, o`zingiz yaxshilab bosh qotiring!!!

Bahs mikrofonini yana sizga tutqizar ekanman, ushbu forumni kuzatib borayotgan foydalanuvchilar e`tiboriga – javob o`rnida Navoiyni ham mot qiladigan darajada sehrli va go`zal so`zlari o`z o`rnida ishlatilgan ijod namunalaringizdan birini havola etishingizni so`rab qolaman.

Hurmatsizlik qilgan bo`lsam, uzr so`rashdan uyalmayman! Zero, bahslarda HAQIQAT tug`ilajak!!!

[Aliya]

Bahs mavzusiga xos javob:

Xalq og`zaki ijodidan.

Sunbula-yu Sunbula,
O`rab olay gul bilan.
Mani ko`nglim san bilan-o,
San ketarsan kim bilan?
Qadamingga gullar ochilsin...

O`choq boshida qumg`on,
Atrofi baland qo`rg`on.
Yorginamga yetolmay-o,
Yurak-bag`rim bo`ldi qon...
Qadamingga gullar ochilsin...

Men bu yerda o`t yoqsam,
Farg`onada tutuni.
Bu dunyoda bormikan-o
Yurak-bag`ri BUTUNI?!
Qadamingga gullar ochilsin...

Bu dunyoda bor bo`lsa
Yurak-bag`ri BUTUNI
Qog`ozdan o`choq yasab,
Guldan qilay o`tinni...
Qadamingga gullar ochilsin...

Ming yillardan buyon tildan-tilga ko`chib kelayotgan ushbu qo`shiqdagi YURAK BUTUNligiga rahna solgan hodisa nima ekanligini bilishga juda qiziqyapman...

[Gulchehra Ibragimova]

Сообщение от Shaxnoza Eshmirzayeva

Bu dunyoda bor bo`lsa
Yurak-bag`ri BUTUNI
Qog`ozdan o`choq yasab,
Guldan qilay o`tinni...
Qadamingga gullar ochilsin...

Ming yillardan buyon tildan-tilga ko`chib kelayotgan ushbu qo`shiqdagi YURAK BUTUNligiga rahna solgan hodisa nima ekanligini bilishga juda qiziqyapman...

"Yurak-bag`ri BUTUNI". Бутуннинг антоними демак...синиқ, яримта..янаям билмадим тўғрироғи энди буёғини ҳурматли Домламиз айта қолсинлар?...

[Aliya]

Mensiz baxting.

Ko'k bag'rida so'nib bo'ldi mas'ud nurlar,
Yulduzingni yo'qotganing kech sezdingmi?
Ko'ngil uying qoplaganda qaro tunlar
Zulmatingga panoh edim - hech sezdingmi?

Seni derdim, g'iybatlarga qilmay parvo,
Yolg'onlarning ko'chasiga kirmas edim.
Menga faqat azoblarni ko'rding ravo,
Sevmoq shunday alam, deya bilmas edim...

Yoqyaptimi endi seni o'sha alam,
Qanday ekan zor qaqshamoq hijronlarda?!
O'rtamizda o'sha g'urur tog' bo'lsa ham,
Aldamay ayt -
Yig'lading-ku armonlarda...

Yolg'izsan-ku hatto yolg'iz kechalardan,
Sog'inchlardan yaratyapsan meni qayta.
Xotiralar azoblagan ko'chalardan
Eslamayin o'toldingmi biror marta?!

Men yig'lagan yo'llar seni chorladimi,
Seni ko'rdim - xotiralar orasida...?
Kunlaringda mensiz zulmat porladimi -
Senga jazo berdi ishqi norasida...

Mening bilan butun edi yarim baxting,
O'zligingni yo'qotganing hech sezdingmi?!

[Aliya]

Марғилон изтироби.
(Зайнаб ноласи)

Унсиз-унсиз йиғлайман тунлар,
Ухлаганга солиб ўзимни.
Уйқу бермас қалбдаги хунлар,
Юма олмам бедор кўзимни.
Ёнгинамда бегона ёрим,
Мени сира илмайди кўзга.
Бағрим ўртар минг оҳ-у зорим,
Лекин, ёрим қалбида ўзга.
Ҳар дам мени айлагайдир зор
Нигоҳига, киприк гардига.
Лекин, ўзга ёрни ҳар баҳор
Кўмиб ташлар гуллар атрига.
Оғу тўла ҳаёт ораси,
Гоҳо баҳтсиз, гоҳ бахтиёрман.
Мен учун у кўзим қораси,
У учун мен иккинчи ёрман.
Ҳамма ерда унинг сурати,
Ҳатто, ёрим кўзларида ҳам.
Юрагимнинг йўқдир тоқати,
Термуламан – кўзларида нам.
Термуламан – йўлларига жим,
Нигоҳларим қолади қорда.
У ағёрга бегона ёрим
Оппоқ гуллар элтар баҳорда.
Эргашади менга соядек,
Гўё юрар бахтим қасдида.
Ҳаётимни барбод этиб, лек,
Ўзи ухлар ернинг остида.

[Gulchehra Ibragimova]

ТЎРТЛИКЛАР

Менинг бахтим, дунём сен ўзинг,
Сенинг дардинг фақат мен эмас!
Мен топинар дунёмдир изинг,
Сен- Баҳорсан, Мен хазон-кузинг!

***
МЕНИ ТОПМА

Дунёлар топавер, майли беҳисоб,
Ёлғон ваъдаларинг этолмагин соб
Гўзаллар сонини қилолма ҳисоб.
Фақат мени топма! Топма илоҳа!

***
Бахт ҳақида савол сўрама(нг) мендан,
Бахтли бўлмоқ учун урундим чунон.
Бағримни ишқ чўғи ёндирди, ишон-
ТЕНГИМ ТОПИЛМАДИ, ОНАЖОН!

***
Топдим, деганимда, йўқотдим яна,
Баттол хижрон эса қилар тантана:
-Сен қандай ошиқсан, суйиб-етмаган,
Дея, юрагим ҳам қилади таъна!.

***
Хоҳла сенла тоғу тошда
Девановор юраман,
Сен тиканни гул деб узат,
Кўзларимга сураман,
Битта чимдим меҳринг учун
Дунёдан юз бураман,
ЖОНИМ, АХИР, ИШОН МЕНГА
СЕНИ ЯХШИ КЎРАМАН!.

***
Соғиндим мен сени сочим учидан,
Бутун жисму жоним, тирноққа қадар.
Сен деб яшаяпман, сен деб ўламан-
Севгилим, олдингда хорман нақадар!..

[Aliya]

Ҳай-ҳай ўлан...

Бу кун оппоқ тонгнинг ранги
Орзулардан олингай,
Фаришталар Ҳақ аршида
Нур сочарлар бошингдан.
Бу кун бахтинг шарафига
Оқ ниятлар қилингай,
“Либосингдек оқ кўнгил бўл,
Нур ёғсин қарошингдан...”

Ҳай-ҳай ўлан, жон ўлан, тўй муборак ёр-ёр,
Бу кун бирга бахтиёрдир икки юрак, ёр-ёр...

Энди тилло остонангни
“Бахт манзили” атагин,
Бу иккинчи оилангдир,
Хурматингни аяма.
Онанг – уйнинг кўзмунчоғи,
Уни кўздек асрагин,
Табассуминг, ширин сўзинг,
Иззатингни аяма.

Ҳай-ҳай ўлан, жон ўлан, тўй муборак, ёр-ёр,
Икки ёшга оқ фотиҳа бермоқ керак, ёр-ёр...

Осмонингдек мусаффолик
Тарк этмасин қалбингни,
Сен супурган остонадан
Макон қурсин малаклар.
Келинликнинг пок нишони
Юксалтирсин қадрингни,
Муҳаббатнинг гулханидан
Ёниб турсин юраклар!

Ҳай-ҳай ўлан, жон ўлан, тўй муборак ёр-ёр,
Ҳамроҳ бўлсин қалбинг каби оппоқ тилак, ёр-ёр...

[Aliya]

Мактуб.

Олисга кетяпман – манзилим узоқ,
Ўзига чорлайди давлат, кошона.
Ҳаёлга толаман – ўйлайман шу чоқ:
Мени ким ўйлайди сиздан бегона?
Севдим-у, севилмоқ насиб бўлмади,
Дўстларим кетдилар – мен қолдим танҳо.
Гўзал орзулар ҳам сўнди туш каби,
Бахтимнинг қадрига етмадим гоҳо.
Бошимга тошларин отганда тақдир
Синашта дўстларим кетганда ташлаб
(Бир сўзни сўзладим – шу сўзим ҳақдир!)
Ҳолимга куйдингиз кўзларни ёшлаб...
Бахтимни топмадим ва кетдим бундан.
Аҳволим бундан-да бўлди баттарроқ.
Сиз барпо этарсиз бахтимни чиндан,
Нега англамадим буни эртароқ?
Ёлғизлик ортидан қувдим охири,
Ҳаётим кўмилди хотираларга.
Мени тортар эди ашъорлар сеҳри,
Тақлид қилар эдим шоираларга...
Неларни қоғозга тушурдим – билмам:
Севгими, Ватанми, ва ёки, Висол?
Лекин хотиримдан ўчибди тамом
Менинг йўлларимга кўз тиккан аёл...
Неларни қоғозга тушурдим билмам:
Бахтними, Дардними, ва ё Армонни?
Лекин, ҳатто ёдга олиб қўймабман
Йўлимда кўзлари толган инсонни...
Онажон, сиз менинг бошдаги тожим,
Кўзлари маъюсим, бахтим баҳори.
Жонимни бермоққа бўлса иложим,
Тутардим – мисоли меҳрим изҳори...
Она, ҳар сўзингиз минг дардга даво,
Келолмасам куйманг, ўтинг айбимни.
Лекин, юрагимни ёқар бир нидо:
“Жўната олмадим шу мактубимни...”

[Tulqin Eshbekov]

Сообщение от Shaxnoza Eshmirzayeva

uchraydigan so`zlardir.

Бир пайтлар қайсидир "ижодкор"лар ўйламай-нетмай ёзганлар-да... Ҳатто, бугун биз эъзозлаган устоз шоираларнинг шеърларида ҳам шундай мантиқсизликлар учрайди ва Сиз каби ёшларни УЛАРДАН ИБРАТ ОЛМАСЛИККА чақирмоқчиман. "Юрак синиқ", "менсизлик, сенсизлик" каби мутлақо беўхшов сўзларни айнан устозлик мақомидаги шоира қўллагани учун унга "эргашган"лар маломатга қолиб юрибди...

Сообщение от Shaxnoza Eshmirzayeva

turk tilidan kelib qo`shilishi jinoyat ekan

Туркий тиллардаги ҳамма сўзлар ўзбек тилида ё ўзбекча сўзларимиз бошқа туркий тилларда бир хил маъно бера олмайди. Масалан, САЙҚАЛ деган ажойиб сўзимиз қозоқ тилида қандай маънони англатишини қозоқлардан сўраб кўринг...

Сообщение от Shaxnoza Eshmirzayeva

O`zbekiston Qahramoni Abdulla Oripovni ushbu satrlari uchun sudga berib yubormasangiz edi:

«BISYOR bo`lsa agar – bol ham beqadr,
Takror aytilganda rangsizdir kalom»

“Bisyor” forscha so`z axir!

Бу бутунлай бошқа мавзу. Ўзингиздан катталар ҳақида бунақа ҳақоратомуз гаплар ёзманг. Асли шу гапингиз жиноят...

Сообщение от Shaxnoza Eshmirzayeva

Shaxsiy hayotingizga daxl qilish niyatidan yiroqman

Илтимос, шахсиятимга бу "усул"да тегманг!

Сообщение от Shaxnoza Eshmirzayeva

men qatori bo`lgan paytlaringizda, balki, yurak sinishiga birov ishonmagandir

Бу гапингиз қанчалик мантиқсизлигини мен қатори муаллимларингиздан сўраб кўрсангиз хатоингизни англаб оласиз.

Сообщение от Shaxnoza Eshmirzayeva

Mustaqillik shamollari esgani ko`nglimizdan o`tganlarini yaqqol namoyish etish uchun minbar yaratib berganidir.

Бу минбарда мантиқсиз "юрак синиши"ни эмас, юрак қанчалик малҳам топганини ёза олсангиз мақсадга мувофиқ бўларди!

Сообщение от Shaxnoza Eshmirzayeva

Bahs mikrofonini yana sizga tutqizar ekanman

Мирафонни бир дам йиғиштириб қўйиб, кутубхонага киришингизга, ҳали кўп китоблар ўқишингизга ва мазмунли, мантиқли асарлар ёзишни ўрганишингизга тилакдошман.

[Gulchehra Ibragimova]

Сообщение от Bekmirzo

Shoir emasman-ku, ijodni yarim yo'lda tashlab ketsam...

************
Momomga bag'ishlov

Momom mening pari edi, hur edi,
Har bir so'zi gavhar edi, dur edi.
Diydoriga to'yolmadim, yetmadim,
Mehribonim yuzi to'la nur edi.

Шунчаки, "шоирликка даъвогар эмасман-у, аммо ижод ва адабиёт жону дилим" денг, тўғрироқ бўлади, камтарлик яхши хислат..

Ажойиб мавзуда шеър битибсиз..Болаликни, бувижонларимизни ёдга солиб қўйдингиз..Бунинг учун ташаккур!

Ҳа, ёшликда барчамизни меҳрибон, сиз айтгандек оппоқ қарс рўмол ёпинган (паридек) ораста бувижон-моможонларимиз бўлишган. Энди Аллоҳ уларни ўз раҳматига олган бўлсин!.. Қариси бор уйнинг файзи бўлакча бўлади..

Болаликда бир машҳур шеър бўларди, ёдингиздами "Бувижон" деган..Адашмасам "Ўқиш китоби"да эдими..

"Оқ пахтададай сочингиз
Омон бўлсин бошингиз.
Айта қолинг бувижон
Ҳозир қанча ёшингиз?"..

Қайта-қайта шу шеърни севимли бувижонимизга укаларим билан тортишиб “мен айтаман”, “мен айтаман” билан гоҳо жўр бўлиб ҳам айтиб берардик..Ҳозир шу сўзларни ёзяпман-у, бувижонимнинг сиймолари, кулиб хурсанд турган холатлари кўз ўнгимдан ўтяпти..

Кечроқ бўлсаям шу мавзуга жавоб бергим келди..Чунки.. “айрим” одамларнинг..охири йўқ, тутруқсиз ва бачкана тортишувлари, ўзи билмаган нарсаларга “бурнини тиқавериши”дан зерикдим... Ахир бу бўлим ижодкорлар учун эмасми? (Танқид учун алоҳида: “Танқид келажак меваси..ми” мавзуси очилган-ку?!)

Ўзи шундоқ ҳам инсонни айрим муаммолар тинкасини қуритган, асаблари чарчаган вақтларда ортиқча гаплар кимга керак?!

Форум "жанг майдони" эмас..Ундан бундай пайтларда маза қилиб кимларнингдир қолдирган ажойиб фикрларидан бахра оламан, ўқийман, билмаганимни биламан, деб кирсанг ёки дилдан фикрингни қолдираман, ўртоқлашаман, десанг..юқоридаги ҳолат- "айрим" "билағонлар" .. дастидан..

Ҳа, майли ...улар ҳам керакдир-да..(ахир бурунни кесиб ташлаб бўлмайди-ку...деб) бундай пайтларда "Болалик-подшоҳ кунлар"ига қайтгиси келади инсоннинг..

Кулгулари шарқираган шалоладай,
Ифорлари гулу-райҳон тоғ лоладай,
Эрка тили бунча ширин, бир ҳолвадай-
Болаликка қайтгим келди бир зумгина..