Замонавий ўзбек журналистикаси. Таълим ва амалиёт

[Lutfillo Tursunov]

Сообщение от AZiza X

O'rtoqlar, o'zi shundoq ham muammolar ko'p,

Ҳақиқатан ҳам, биринчи муаммо - ўқитувчилар маошининг нисбатан камлиги. Фақат фидойилик билан натижага эришиш қийин. Дейлик, журналистика йўналиши бўйича катта малакага ва ёшларга чуқур таълим бера оладиган салоҳиятга эга мутахассис бугунги кунда университетда дарс беришни маъқул кўрадими ёки бирор таҳририятда бош муҳаррир бўлиб ишлашними?
Албатта иккинчиси молиявий жиҳатдан маъқулроқ вариант бўлгани учун ҳам факултетга таниқли журналистларни дарс бериш учун жалб қилиш қийинроқ, шунингдек, факултетни тамомлаётган иқтидорли талабалар ичида педагоглик йўлини танлаётганлар сони жуда кам.
Истаймизми йўқми, интелектуал салоҳиятига яраша моддий рағбат бўлиши керак, акс ҳолда, у мутахассис ўз иш жойини ўзгартириб юбораверади - бу унинг ҳуқуқи.
Таълим тизимидаги муаммолар ҳам кўп жиҳатдан шу масалаларга боғлиқ, деб ўйлайман.

[Lutfillo Tursunov]

Сообщение от AZiza X

"Jurnalist" gazetasini gazeta qilish unchalik qiyin ham emas, oson ham emas. Magistrantlarni bilasiz, deyarli hammasi ishlaydi, (tan olish kerak, buyam bir bahona) ular bu gazetani rivojlantirishga vaqt va xohish topadi, deyish qiyin....(balki unday emasdir) yechim topgandekman: Balki talabalarni gonorar bilan qiziqtirish kerakdir.

Гонарар берилсаку, яхши ечим бўлиши мумкин, лекин яна битта йўли бор.
Ҳали айтганимдек, талабалар ўртасида ижодий муҳитни, кейин рақобатни шакллантириш керак. Бунинг учун бир йил давомида (ёки камроқ вақтдир) газетанинг ҳар сонини (ёки битта сон ўтказиб) битта курс талабалари ижодига бағишлаш керак. Шундай йўл танлансинки, бу - курслар ўртасидаги баҳсга айлансин. Янги сони чиққанда декан, зам декан ва курс раҳбарлари газетани муҳокама қилишсин, камчилик ва ютуқларини таҳлил этишсин. Ўзининг яхши мақолалари билан чиқиш қилганларни қандайдир рағбатлашсин, "рақиб курс"дагилардан қолишмаслик учун кураш ҳиссини уйғотишсин.
Ишонаман, шуни тўғри йўлга қўйишса, яхши мақолалар ёзадиган талабалар ҳам, газетанинг ўқувчилари ҳам кўпаяди. Бунинг учун аввало шу муҳитни шакллантириб олиш керак.

[Bekmirzo]

Сообщение от AZiza X

"Jurnalist" gazetasi bevosita To'lqin Eshbek domlamizning sa'y-harakatlari asosida ishlangan. Gazeta juda shoshilinchda tayyorlangani uchun ham unda kamchiliklar ko'p.

Shu yerda bir savol: - biz ko'rib turgan son gazetaning To'lqin Eshbek domla rahbarligida chiqayotgan nechanchi soni o'zi?

Сообщение от AZiza X

Domla nima qilsin, talabalar maqola bermaydi, yoz desa yozmaydi. Yozadiganlar esa ishini topib bo'lgan))

Demak, domla talabalarni qiziqtira olish usulini hali topa olmabdi...

Istak bo'lsa, muammoni yechish mumkin har doim.
Gazetaning barcha tashkiliy ishlarini talabalarga berish kerak. Yuklatilgan mas'uliyatdan talabaning o'zi ruhlanib ishlashi mumkin. Hattoki, ishini topib bo'lgan yozadiganlar ham jon-jon deb, fakultet gazetasiga maqolalar beradigan bo'lishadi.
- Gonorar masalasi ham hal qilsa bo'ladigan masala. Yuqorida aytganimdek, avvallari gazetada muharrir va korrektor lavozimlari bo'lar, ularga 0,5 yoki 1,0 stavkali oylik yozilardi. Bu stavkalar hali ham mavjud bo'lsa, unda oylikni gazetaning tashkiliy/ijodiy guruhi orasida taqsimlash mumkin.

- Yozma matbuot, jurnalistika janrlariga oid darslarda o'qituvchilar talabalarga "Jurnalist" o'quv gazetasida yaxshi-yaxshi maqolalar bilan chiqishlar qilishsa, bu ularning tegishli fanlardan yakuniy baholariga 1-2 ochko qo'shimcha keltirishini va'da qilishi mumkin. Natijada, darsning nazariy qismi bilan amaliyot fakultetning o'zida uzvyi bog'lanishi mumkin.
Garchi, ba'zi talabalar faqat baho uchun yozishlari ehtimoli bo'lsa-da, bu yechim gazeta atrofida ijodiy raqobat keltirib chiqarishi mumkin.

- Ijodkor talabalar uchun gazetada o'zi tanlagan mavzu bo'yicha muntazam ravishda blog yozib borish uchun imkoniyatlarni taklif qilish mumkin. Ko'p hollarda o'zi istagan mavzuda yozganini akaxon gazetalarda chiqarolmay yuradigan, muharrir aka-opalarning kayfiyatiga qarab yuradigan talabalar uchun bu ham bir imkoniyat bo'ladi.

Shu va shu kabi yechimlar haqida sizlar ham o'ylagan bo'lsalaringiz, ajabmas. Axir, bularni amalga oshirish qiyin emas-ku...

Сообщение от AZiza X

Xalqaro jurnalistika fakul'tetida esa gazeta chiqarish ishlarini uzoq vaqt kuzatganman, ishtirokchisi bo'lganman. Buning uchun hozirda 3-4kursda oqiyotgan talabalarga va Diyor Imomxo'jayevga rahmat aytmoqchiman.

Оффтоп:

Futbol sharhlovchisi Axbor Imomxo'jayevning nevarasi bo'lgan Diyorni rostdan ham faol yoshlardan biri, deb bilaman.

[AZiza X]

Bekmirzo,
siz o'zi gazetani tahlil qilyapsizmi yoki domlamizni?

Men gazetaning domla To'lqin Eshbek muharrirligigdagi 3 ta sonini ko'rganman. Avval ham gazeta chiqqanmi-yo'qmi, bundan xabarim yo'q.

[OmoN]

Сообщение от AZiza X

Avval ham gazeta chiqqanmi-yo'qmi, bundan xabarim yo'q.

Газетанинг мана бу жойига кўзингиз тушмадими?

[Bekmirzo]

Сообщение от AZiza X

Bekmirzo,
siz o'zi gazetani tahlil qilyapsizmi yoki domlamizni?

Men gazetaning domla To'lqin Eshbek muharrirligigdagi 3 ta sonini ko'rganman. Avval ham gazeta chiqqanmi-yo'qmi, bundan xabarim yo'q.

Gazetani tahlil qilyapmiz-ku. Bu jarayonga gazeta tahririyati ham qo'shilyapti, tabiiyki, domlangiz ham chetda qolmayapti.

[JUS]

Сообщение от Behzod Saidov

Bitta narsaga hayron qoldim. „Talabalarning o'quv gazetasi“ nega kirill yozuvida? Hozir universitetda o‘qiyotgan barcha talabalar maktabning boshlang‘ich sinfidan boshlab lotin yozuvida yozishadi shekilli?[/FONT]

Оффтоп:

Талабалар ўқиши учун лотин ёзувда ёзилган сўзлар ҳам турибдику

Сообщение от Tulqin Eshbekov

ТЎҒРИ ГАПНИНГ ТЎҚМОҒИ

Оффтоп:

Тўлқин ака, "тўғри гапнинг тўқмоғи" сизгаям жуда қаттиқ тегдими дейман.

Сообщение от Tulqin Eshbekov

Минг афсуски, ўша мушрикларнинг авлоди бугун ҳам орамизда ивирсиб юрганини жажжигина “Журналист” ўқув газетасига (интернетни ҳам булғалаб) лой чаплаётганидан билса бўлади…

Оффтоп:

Кечиразизу, бу ерда сизнинг ҳақиқатдан ҳам таҳлилга арзирлик газетангизни таҳлил қилишиб интернетни булғаб, лой чапланмаган, аксинча сиз "гўзал", "самимий" ва "ўта нозик" фикрларинигиз билан балчиқ чаплаяпсиз.
Бир вақтлар қайсидир мавзуда ўқитувчини хатосини тўғирлаш мумкин ёки мумкинмаслиги тўғрисида фикр алмашгандик. Аслидаку бу ерда сизнинг хатоингизни тўғирлаб, сизнинг нозик кўнглингизни ҳеч ким оғритиш нияти йўқ, аксинча газетангиз янада оммабоп бўлиши учун бир-иккита маслаҳатлар бўляпти холос назаримда.
Қаердан форумдошларни бунчалик "меҳр" билан кимларга ўҳшатяпсиз ҳайронман. Тушунишимча сиз "Журналист" газетасининг ҳозирги ҳолатига қаттиқ меҳр қўйгансиз ёки ўзингизни форумга кирганингизда университет аудиториясидаман деб ҳис қиляпсиз. .
Нима бўлганда ҳам, қаерда ва қай ҳолатда бўлмайлик, оғзимизга келган гапни ёпиштираверишимиз ҳам ....

[Bekmirzo]

"Matbuot tahlili" dasturimiz davom etadi

Bugungi qurbonimiz - "Jamiyat" ijtimoy-siyosiy gazetasining "To'rtinchi hokimiyat" rubrikasi.
Gazetaning bugun, 19-fevral kuni chiqqan sonining ushbu rubrikasida huquqshunos Muzaffar Soliyevning "Qonun ijodkorligi samarasi" va tadqiqotchi (qaysi sohada?) Maqsud Do'stmetovning "Fuqarolik jamiyatining faol ko'makchisi" maqolalari e'lon qilingan.

Gazeta tahririyatining bu rubrikadagi xatosi: yuqoridagi ikkala maqolada ham mazmuni bir xil bo'lgan shapka berilgan.

Qonun ijodkorligi samarasi
Bugungi axborot-kommunikaciya texnologiyalari, axborot vositalari yuksak rivojlangan davrda fuqarolarning siyosiy madaniyatini oshirishda OAV faoliyati tobora muhim ahamiyat kasb etib bormoqda. Ta'kidlash joiz, mamlakatimizda OAVning erkin va samarali faoliyat yuritishi uchun keng huquqiy asoslar yaratilgan.

..........

Fuqarolik jamiyatining faol ko'makchisi
Jamiyatda oshkora fikr almashinuviga erishish va fuqarolarning axborot olish imkoniyatlari kengayishida, shuningdek, jamoatchilik nazoratini ta'minlashda OAV faoliyati muhim ahamiyat kasb etadi. Mustaqillik yillarida mamlakatimizda erkin, adolatli va farovon hayot qurish jarayonida OAV faoliyatini rivojlantirishga alohida e'tibor qaratib kelinmoqda.

Ikkala muallif o'z maqolalariga shunday shapka yozib yuborgan bo'lishi mumkinligini tushunish mumkin, ammo, tahririyat shulardan hech bo'lmasa bitta umumiy shapka yozsa bo'lardi-ku...
Sahifaga mas'ul muharrirning ko'zi qayoqda ekan? (gunohga qolishimga sababchi gap aytmadim, deb umid qilaman...)

[Husen]

Яхшиси, форумдошларимиз фаолият юритадиган нашрлар ҳақида тўхталсак, самаралироқ бўлади.
Камина Лутфилло акага "тош" отмоқчиман!
"Хабар"нинг 19 феврал 8 сонида эълон қилинган Собит Аҳадовнинг "Давлат ахборот ресурслари: уларнинг веб-сайтлари бугунги кун талабларига жавоб берадими?" номли мақоласи сарлавҳасидан чуқур таҳлилий мақоладек туюлди. Чунки, ростдан ҳам давлат идоралари веб-сайтларининг аҳамиятини тобора кучайтириб боришни замон талаб этмоқда.
Аммо, сарлавҳага жиддийроқ эътибор берайлик. Давлат бошқарув идораларининг ахборот ресурслари хилма-хил ва у катта тушунча ҳисобланади. Веб-сайтлар эса шунчаки уларнинг таркибига киради, холос. Шу боисдан сарлавҳани бошқачароқ қўйиш мумкин эди:
Давлат ахборот ресурслари, хусусан веб-сайтлари бугунги кун талабларига жавоб берадими?
Мақолага газета саҳифаларидан (бош саҳифани ҳам инобатга олсак) жуда катта жой ажратилган - деярли А3 форматда 1.5 саҳифа. Аммо, муаллиф асосий мақсадга кўчиш ва ўртага қўйиладиган саволни ташлаш учун қисқаси кириш сўзи учун (www.uz даги тайёр маълумотлардан фойдаланган ҳолда) мақолага ажратилган жойнинг деярли 50 фоизини (суратларни чиқариб ташласак, албатта)"сарфлашига тўғри келган".
Сарлавҳадаги савол турли шаклларда мақолада 3 маротаба такрорланган?
...бу борада давлат органлари фаолиятларини ўз веб-сайтларида тўлақонли намоён этишяптими?
...давлат органлари веб-сайтлари интернетдан фойдаланувчилар орасида қандай мавқега эга?
...давлат органлари веб-ресурслари мавжуд талаб-эҳтиёжни қондира оляптими....
Тўғри, саволлар бир-бирига ўхшамаган тартибда ўртага қўйилган, Аммо тан олайлик уларнинг мазмуни, жавоби деярли бир хил-ку!
Эътироф этамиз, муаллиф мақоланинг мақсадини таққослаш орқали қизиқарли тарзда очиб берган. Аммо, ўзи томонидан ўртага қўйилган юқоридаги саволларга батафсил жавоб бера олмаган, назаримда. Мақоланинг охирги устунидагина асосий мавзуга кўчилади ва атиги биттагина муаммога нисбатан кенгроқ урғу берилади - сайтлардаги тил масаласига! Наҳотки, давлат бошқарув идоралари веб-сайтлари фаолиятининг оммалашувига фақатгина шу муаммо тўсқинлик қилаётган бўлса? Шунингдек, қуйидагиларни ҳам атрофлича муҳокама қилиш мумкин эди.
- сайтларнинг техник имкониятлари, дизайни
- сайт орқали онлайн тарзда йўлга қўйилган хизматлар
- сайт фаолияти ва маълумотлар янгиланишининг тезкорлик даражаси
- Давлат бошқарув идораларининг Gov.uz билан ҳамкорлиги ҳолати ва бошқалар...
Назаримда, бу йўналишдаги маълумотларни топиш катта муаммо эмас - тадқиқот обеъкти қилиб танлаб олинган бир нечта сайтларни кузатиб чиқиш кифоя эди.
Шунингдек, бош саҳифадаги суратдан ичкарида ҳам фойдаланиш қанчалик зарур эди? Ўрнига, мақола мазмунини бойитадиган бошқа суратлардан фойдаланилса яхши бўларди. Қолаверса, WWW.UZ маълумотлари асосида тайёрланган жадваллар учун ҳам жуда катта жой ажратилган.

[OmoN]

Оффтоп:

Сообщение от Husen Tangriyev

Камина Лутфилло акага "тош" отмоқчиман!

"Гадонинг душмани гадо бўлади" деб нақадар тўғри айтишган доно аждодларимиз...