Gap haqida gaplar

[Tulqin Eshbekov]

ГАП ҲАҚИДА ГАПЛАР
(Боши ўтган саҳифаларда)

БОШЛАГАН ГАП
У бошлаган гапини,
Охирига еткизмас.
Гар фойдаси бўлмаса,
Вақтини ҳам кеткизмас.

БОШНИ ОҒРИТАДИГАН ГАП
Айтсанг бошни оғритадиган гапни,
Алҳол оғриб қолар уларнинг боши.
Сўнг кўрсатиб қўймоқ учун кўзингга,
Тўлиб кетар барин қўйнида тоши…

(Давоми келгуси саҳифаларда )

[Tulqin Eshbekov]

Сообщение от Kavsar

Domla, rahmat javobingiz uchun. Uzr, sukut va uning foydalari haqida ham leksiyalaringiz bormi, mumkin bo'lsa bizlarni undan bahramand etib borsangiz.

Сукут ва сукунат ҳақида мазкур туркумнинг кириш қисмида айтиб ўтганман. Бир бошидан ўқиб чиқинг.

Сообщение от Kavsar

Gap va uning turlari haqida anchagina gaplarni eshitdik, rahmat ustoz. Mumkin bo'lsa, qo'shimcha qilgan bo'lardim: rost gaplar, yolg'on gaplar, chiroyli va xunuk gaplar, iyhom va samimiy gaplar... Xullas, tushuniladigan va tushunilmaydigan gaplar.. vhk.

Сиз айтган ва айтмаган гапларнинг ҳаммасини тўплаганман. Эътибор билан кузатиб борсангиз, кирилл алифбоси тартибида бериб борилади.

Сообщение от Kavsar

Yana bir savol: Siz gaplar insonni boshqaradi deb o'ylaysizmi? Yoki uning kimligini hal qiladi deysizmi?
Chunki hammaning gapi hamisha to'g'ri bo'lavermaydi. Gap ham saviyaga yarasha bo'ladi..

Бу саволларингизга ҳам кириш сўзимда батафсил жавоб ёзилган.

Сообщение от Kavsar

(savolim jiddiy)

Жиддий саволлар ҳамиша жиддий жавоб талаб қилади, албатта. Фақат уларни қандай савияда ва қанақа кайфиятда қабул қилишга ҳам боғлиқ, деб ўйлайман.

Азиз талабам сифатида мени топиш сизга қийин бўлмаса керак. Душанба, сешанба ва жума кунлари журфакда бўламан. Бошқа кунлари қайси муассасада бўлишимни ҳам биларсиз. Бир кўришсак ғоят мамнун бўлардим. (Ота-оналар қаторида устозларни ҳам йўқлаб туриш хайрликдир). Кутаман.

[Tulqin Eshbekov]

ГАП ҲАҚИДА ГАПЛАР
(Боши ўтган саҳифаларда)

БОШОҒРИҚ ГАП
Бошоғриқ гап ҳар жойда,
Бошга доим балодир.
Бўлмасангиз эҳтиёт,
Не кўйларга соладир.

БОШҚА ГАП
Бу бошқа гап, деб қўяр,
Гар қалбига топсанг йўл.
Дилга малҳам гапларнинг,
Истаганга таги мўл!

(Давоми келгуси саҳифаларда )

[Kavsar]

Сообщение от Tulqin Eshbekov

Азиз талабам сифатида мени топиш сизга қийин бўлмаса керак. Душанба, сешанба ва жума кунлари журфакда бўламан. Бошқа кунлари қайси муассасада бўлишимни ҳам биларсиз. Бир кўришсак ғоят мамнун бўлардим. (Ота-оналар қаторида устозларни ҳам йўқлаб туриш хайрликдир). Кутаман.

Hurmatli ustoz, sizni forum orqali yo'qlab turish ham o'zi bir ziyorat bo'lsa kerak. Agar bizlarga xizmat bo'lsa, rizoligi yo'lida bajonu dil... Hali qolgan talabalaringiz ham bu forumga kelishadi, Xudo xohlasa..

[Kavsar]

Сообщение от Tulqin Eshbekov

Китоб масъулияти жуда катта эканлигини яхши тушунасиз. Ҳозирча мен учун муҳимроғи: ушбу машқларим ҳақида адабий жамоатчилик фикрини ўрганишдир.

Domla, agar kitob qilish niyatlaringiz jiddiy bo'lsa, albatta bunga ijobiy qarayman, bizda "Mumtoz" nashriyot yaxshi yo'lga qo'yilgan, o'zimizni qizlar bexato terishyapti.. Balki yordamimiz tegib qolar degandim.

[Tulqin Eshbekov]

Сообщение от Kavsar

"Mumtoz" nashriyot

"Мумтоз"ми ёки "Мумтоз сўз" нишриётими?

[Tulqin Eshbekov]

ГАП ҲАҚИДА ГАПЛАР
(Боши ўтган саҳифаларда)

БОҚИЙ ГАП
Яралгандан буён тил,
Қанча боқий гап бўлган.
Йиллар оша дунёмиз,
Шундоқ гапга ҳам тўлган.

БУ ГАП
Аврамоқчи бўлдингми, ошна,
Бу гап билан кўзга чўп тиқиб?
Гап шу, энди нуқта қўяйлик,
Не қиламиз юракни сиқиб?

(Давоми келгуси саҳифаларда )

[Kavsar]

Сообщение от Tulqin Eshbekov

"Мумтоз"ми ёки "Мумтоз сўз" нишриётими?

Uzr, domla "Mumtoz so'z"ni nazarda tutyapman. Yaqinda S. Sodiq domlamizni ham "Radiojurnalistika asoslari Audiovizual jurnalistika" kitoblari chiqdi, xabaringiz bordir.

[Tulqin Eshbekov]

ГАП ҲАҚИДА ГАПЛАР

(Боши ўтган саҳифаларда)

БОШҚА БИР ГАП
Таваккалнинг боши кал,
Бўлар унинг сўзича.
Бошқа бир гап бор, дейди,
Йўл изласа ўзича.

БОШҚАРАДИГАН ГАП
Бошқарадиган гап-ла,
Бошқариш ҳам одобдан.
Бошбошдоқлик ҳақида,
Эшитасиз нодондан...

(Давоми келгуси саҳифаларда )

[Tulqin Eshbekov]

Сообщение от Kavsar

xabaringiz bordir

Бор. Жуда хайрли иш қилгансизлар. Бу китобга яқинда тақриз ҳам ёзамиз. Кўз тегмасин, "Мумтоз сўз" ўз номи билан мумтоз ишлар қилмоқда. Устоз Ҳамидулла Болтабоев барака топсинлар.