Трудности перевода - Таржима машаққатлари

[Mahmud Jurat]

Сообщение от Алижон Андакулов

Обтекаемая внешность

Таржима, бу санъат даражасида амалга ошириладиган меҳнат. Масалан бизнинг туркий тиллар имкониятидан келиб чиқиб юқорида мен келтирган иборани таржима қилсангиз силлиқ кўрк деб ўтиш мумкин аммо бу инсонларга нисбатан ишлатиладиган иборага айланади. Ҳар бир ҳолатда, ҳар бир жумлада аниқ ўзимизнинг буюк тилимиздан ва унинг имкониятларидан келиб чиқиб таржима қилиш керак. Ушбу жумлани масалан силлиқ кўриниш, ширғай кўриниш ва бошқа вариантларда ҳам деб таржима қилиш мумкин. демак, мана шу обтекаемая в. сизнинг ўзбек тилида ишлатаётган жумлангиз ва бошқа талаблардан келиб чиқиб таржима қилиниши керак. у

[Maestro]

Оффтоп:

Сообщение от Алижон Андакулов

Обтекаемая внешность (автомобилга нисбатан), бордюр (йўл четидаги бетон бордюр), вездеход, внедорожник (машина), бездорожье қандай таржима қилинади? панель приборов, интерьер, экстерьерчи?

ИМХО, умуман олганда, агар бизнинг тилдаги таржима варианти аниқ маънони бермаса, бошқа тиллардан кўп сўзларни таржима қилмаса ҳам бўлаверади деб хисоблайман (масалан: бордюр - французча, панель - немисча, педаль - грекча). Амал -тақал қилиб таржима қилиб, қулоққа эриш туюладиган сўзларни қўллашдан нима фойда? Бу кетишда "футбол" - оёқтўпи, "баскетбол" - саваттўпи, "теннис" - манаолинг кабиларгача етиб бориш мумкин ;-) Лекин бу таржималар барибир қўлланилмай кетади. Худди 25 йилча олдин матбуотимизда кенг қўлланила бошланган "мажалла", "жарида", "ойнома", "рўзнома", "овознигор", "ойнаижахон" сўзлари каби. Охир оқибат барибир қайси сўзлардан фойдаланаяпмиз? Ўша-ўша - журнал, газета, радио... ;-)

Шу билан бирга, бошқа тилларда аниқ маънони берадиган, бироқ ўзбекча варианти эриш туюладиган сўзлар ва ибораларни қўллаш мақсадга мувофиқ эмас деб ҳисоблайман. Масалан, рус тилидаги хитпарадда "горячая десятка" ибораси нормал маъно беради, лекин ўзбек бошловчилари қўллаётган "қайноқ ўнталик" ибораси одамнинг энсасини қотиради...

[Jamshid Begmatov]

Сообщение от Mahmud Jurat

мана шу обтекаемая в. сизнинг ўзбек тилида ишлатаётган жумлангиз ва бошқа талаблардан келиб чиқиб таржима қилиниши керак.

Контекст аниқ-ку, таржима санъати ва тилнинг буюклиги ҳақида лириканинг нима кераги бор? Гап машина ҳақида кетяпти, яъни харакатдаги машинанинг турғун ҳаво қаршилигини кесиб ўтишга мослаштирилган шакли ҳақида. Силлиқ сўзи тўғри келмайди, у гладкий дегани. Ширғай сузини учратмаганман.

[Bekmirzo]

Сообщение от Алижон Андакулов

Обтекаемая внешность (автомобилга нисбатан)...?

- Avtomashinaning suyriligi

Suyrilik - havo qarshiligini kesib o'tishga moslashtirilgan shaklga aytilarkan.

Yoki, ixcham ko'rinish desa ham bo'lar balki...

[Bekmirzo]

Сообщение от Алижон Андакулов

панель приборов, интерьер, экстерьерчи?

интерьер - ichki badiiy bezak
экстерьер - tashqi badiiy bezak

[Shomurodov Shohruh]

Сообщение от Bekmirzo

Yoki, ixcham ko'rinish desa ham bo'lar balki...

Ихчам куриниш - "компактная внешность"га тугри келмайдими?

[Jamshid Begmatov]

Сообщение от Bekmirzo

Suyrilik - havo qarshiligini kesib o'tishga moslashtirilgan shaklga aytilarkan.

Демак, иминна ана шу сўз экан-да

[OmoN]

Сообщение от Maestro

Худди 25 йилча олдин матбуотимизда кенг қўлланила бошланган "мажалла", "жарида", "ойнома", "рўзнома", "овознигор", "ойнаижахон" сўзлари каби

Мажалла нима дегани?

[Masud Mahsudov]

Сообщение от OmoN

Мажалла нима дегани?

Arabchadan olingan so'z, "jurnal" degani... 90-yillar boshlarida shunaqa deb ko'rganmiz oylik jurnallarni...

[Mahmud Jurat]

Сообщение от Maestro

"қайноқ ўнталик"

Таржима барибир санъат. Бошқа тиллардан атамалар кириб келаверади, бунга фақатгина ўз тилимизда ўша фикр ва иборани берадиган сўз бўлган ҳолда қаршилик қилиш мумкин ва керак. "Қайноқ ўнталикка келсак" буни ўйлаб кўриш керак. Яна навбатдаги "Қора бозорнинг иккинчи нусхасига айланиб кетмаслиги керак". Ахир ўз бозорлари билан машҳур Шарқ бугунги кундаги "қора бозор" тушунчасини "чайқов бозор" деган. Қора бозорни ўз вақтида русийзабонлашиб кетган бирор журналист киритган. Унинг кулгилигини мана бу таржимада: "Лев Толстой жив" "Шер йўғон тирик", ибораси билан изоҳдаса бўлади. Айтайлик биздаги фаросат, ибрат сўзларини бошқа тилларга қандай таржима қилишар экан.