Gap haqida gaplar

[Tulqin Eshbekov]

Gap haqida gaplar

Turkum
(Boshi o`tgan sahifalarda)

Salmoqli gapimiz shunchalik ko`p ekanki, (bu ham boylik!) ularni jamlasak, yangi lug`at paydo bo`lishi, ehtimol o`ziga xos qomusga aylanib ketishi hech gapmas.
Sevimli shoirimiz Erkin Vohidov ta’biri bilan aytganda:
El ustozim, men esam tolib,
So`z durlarin termoqdir ishim.
Odamlarning o`zidan olib,
Odamlarga bermoqdir ishim.

(Davomi bor)

[Tulqin Eshbekov]

Янги рукн: ИЗЛАНИШ ЙЎЛЛАРИДА

Ёшлигига яраша тажрибасизлиги панд бераётган болага аччиқроқ бўлса-да тўғри насиҳат қилганим яхши бўлди, наздимда. Ҳозирдан яхшиликка ярамай қолаётган болани ёмон йўллардан қайтаришнинг нимаси ёмон? Бироқ, ҳамиша ҳам яхши иш қилиш яхшимаслигини (у яхши оқибатларга олиб келмаслигини) ҳам кўриб турибман. Начора…
Ақли бўлса, у энди ўша бемаъни иллатдан ўзини халос қилади. Чайнамайди ҳам, чайналмайди ҳам! Тўғри хулоса чиқарса, етди муродга, акс ҳолда, қолар уятга…

[Tulqin Eshbekov]

Gap haqida gaplar

Turkum
(Boshi o`tgan sahifalarda)

Hozirgacha yig`ib-tergan gaplarimiz o`rni, mazmun-mohiyatini ozmi-ko`pmi izohlashga, o`ziga xos mutoyiba tarzida taqdim etishga intildik. Har bir gap o`z aksini topgan to`rtliklar orqali qandaydir badiiy obrazlar yaratishga, shu yo`sinda ibratli fikrlarni ilgari surishga, ayrim illatlarni fosh etishga, soddadil yoshlarni hushyorlikka, ogohlikka da’vat etishga, muhimi, dildagini tilga ko`chirishga harakat qildik.

(Davomi bor)

[Tulqin Eshbekov]

Gap haqida gaplar

Turkum
(Boshi o`tgan sahifalarda)

Beqiyos ma’naviy xazinamiz hisoblanmish ba’zi maqol va matallardan, donolarning hikmatlar xazinasidan foydalanib, ular mohiyatini she’riy satrlarga jo etishga jur’at etdik. Til boyligimizni chuqur o`rganayotgan yoshlar topib gapirishida ushbu to`plamda aks etgan gaplarimiz ozmi-ko`pmi asqotsa, g`oyat mamnun bo`lur edik.

(Davomi bor)

[Tulqin Eshbekov]

Gap haqida gaplar

Turkum
(Boshi o`tgan sahifalarda)

Saralangan gaplarni dastlab maqola tarzida “Ogoh” gazetasining 2005 yil 13, 20, 27 may sonlarida “Topib aytil(ma)gan gaplar” sarlavhasi ostida yoritgandik, ko`pchilikda katta qiziqish uyg`otdi. Biroq, har xil og`izdan har xil gap chiqadi, deganlaridek, bu ro`yxatga “Q. gap”, “K. gap”, “J. gap”, “P. gap” kabi kurakda turmaydigan gaplar ham kiritilsa “qiziqarli” chiqishini maslahat berganlar ham topildi.

(Davomi bor)

[Bekmirzo]

Сообщение от Tulqin Eshbekov

Gap haqida gaplar
...
bu ro`yxatga “Q. gap”, “K. gap”, “J. gap”, “P. gap” kabi kurakda turmaydigan gaplar ham kiritilsa “qiziqarli” chiqishini maslahat berganlar ham topildi.
...

"Gap haqida gaplar" deya, shunday bemaza gaplarni ham ommaga olib chiqayotgan Eshbekov domlaga olqishlar bo'lsin!

[Tulqin Eshbekov]

Gap haqida gaplar

Turkum
(Boshi o`tgan sahifalarda)

Madaniyatsiz kimsalar og`zida “ommalashgan” bunaqa gaplar bilan bir-birimizning ta’bimizni tirriq qilmasdan, bil’aks, go`zal gaplar vositasida ularga barham berganimiz ma’qulroq, deb hisoblaymiz.
Xamir uchidan patiri bo`lgan ushbu turkumning kelgusida qay darajada bo`lishi yana qancha va qanaqa gaplar eshitishimizga bog`liq.

(Davomi bor)

[Kavsar]

Ruhi toza, chiroyli insonlarning husni ham so'zlari ham chiroyli bo'ladi. Fe'li xunuk odamning o'zi ham, ruhi ham xunuk bo'larkan. Shaxsan hali shu kitobdan topishga muvaffaq bo'lmadim, lekin ustozim Sa'diyni "Guliston va Bo'ston"ida o'qidim deb aytgandilar shu gapni. Siz qanchalik qo'shilasiz bunga? Ba'zan uncha husnda tengsiz bo'lmasa-da, chiroyli fe'lli kishilar uchrab turadi-ku. Yoki aksincha, har qancha xushro'y bo'lmasin, dilozor, fe'li o'ta yoqimsiz insonlar ham uchrab turadi... Agar Sa'diy hazratlari chindan shunday degan bo'lsalar, bu fikrni qonuniyat deb olgan bo'larmidingiz, ustoz?

[Tulqin Eshbekov]

Сообщение от Kavsar

bu fikrni qonuniyat deb olgan bo'larmidingiz, ustoz?

Инсон шу қадар мураккаб мавжудотки, унинг қалб оламини кашф этишга юзлаб буюк алломалар жазм қилгану ҳеч бири унинг тубига ета олмаган. Ҳар бири миллионлаб қиррадан бирини кашф қила олган холос. Саъдий ҳазратлари ҳам шулардан бири.
Умар Хайёмнинг бу борадаги фикрини қаранг:

Кўплар донишманд деб билдилар ўзни,
Худонинг зотидан очдилар сўзни.
Ҳеч бири айтолмай азал сирларин,
Алжираб-валжираб юмдилар кўзни.

Бу борада ҳали жуда кўп улуғвор фикрлар айтилажак. Инсоният абадул абад ўзини ўзи кашф этса керак!

[Kavsar]

Ustoz, siz hamisha gaplar insonning kimligini belgilaydi deb o'ylaysizmi? Ba'zan shu borada fikrlarim adashib qoladi... Javobni balki keyingi leksiyalaringizda kutib qolarmiz, noo'rin savol bo'lgan bo'lsa uzr so'rab qolaman oldindan...
Yaxshilik umidi ila....