Ой ва юлдузларга ошуфта, камтарин ижодкор - Муҳаммад Исмоил

[Alisher Asror]

Сообщение от Muhammad Ismoil

Шеърият ҳаммага керак! Аниқ биламанки, шоирлар бойликсиз яшаши мумкин, лекин бойлар шеъриятсиз яшолмайди!

Аввало, жавобларингиз учун раҳмат!

2- саволим бироз тушунарсиз бўлибди... мен шоирнинг бойлиги - сўзнинг иқтисоди ҳақида сўрагандим.

[Nigora Umarova]

Сообщение от Alisher Asror

2. She`riyatda iqtisodiyot haqida nima deya olasiz?

Сообщение от Alisher Asror

Аввало, жавобларингиз учун раҳмат!

2- саволим бироз тушунарсиз бўлибди... мен шоирнинг бойлиги - сўзнинг иқтисоди ҳақида сўрагандим.

Alisher aka, "iqtisod" so'zini qo'shtirnoq ichiga olib yozganingizda yuqoridagi kabi anglashilmovchilik kelib chiqmasdi.

[Aliya]

Assalomu alaykum, Muhammad aka!

Sizga ta`rif berilishicha, Oy va yulduzlarga oshufta ijodkor sifatida qalam tebratasiz. Osmon har kim uchun har xil ma`no anglatadi, kim uchundir - qora bulutlarga to`la, kim uchundir najot yo`li, kim uchundir, erkinlik, ozodlik va hurlik ramzi. Bu haqida turli ijod sohasi vakillaridan turlicha misollar keltirish mumkin:

Muhammad Yusuf ijodidan:

"Osmon cho`kib qoldi bu oqshom,
Yulduz bo`lib yog`ildi bir sas..."

Ozodbek Nazarbekov qo`shig`idan:

"Sog`inganman oppoq bulutni,
Osmoningga olib ket meni..."

va hokazo...
Osmon siz uchun nima?

[Tulqin Eshbekov]

Ижодкорнинг жамиятдаги фаоллиги ҳам муҳим ўрин тутади. У табиат гўзалликлардан баҳра олиб илҳомланса, ҳаётдан, турфа одамлар оташидан руҳланади. Ўттиз йилдирки, изланувчан ижодкор Муҳаммад Исмоилни одамлар орасида боларидек қанот қоқиб юрганини завқ билан кузатаман.

[Aliya]

Hurmatli Muhammad aka!
Hozirgi kunda hayotimizning deyarli har bir jabhasida internet tarmog`ining o`rni beqiyos. Inson aqli, ongi samarasi natijasida butun dunyo bo`ylab tortilgan ushbu to`r sizning hayotingizda qanday o`ringa ega?

Javobingiz uchun oldindan rahmat!

[Muhammad Ismoil]

Сообщение от Shaxnoza Eshmirzayeva

Osmon siz uchun nima?

Жуда чуқур маънога эга савол. Бу синглимга “Осмон тўла орзулар” китобимни туҳфа этаман. Сабаби, шундай саволни беролган экан кенг қамровда фикрлай олиши кўриниб турибди. Китоб – эҳтиромим ифодаси!
Бу саволга, ёзувчи Эркин Усмонов қуйидаги мазмунда жавоб берган. “Қизим бир куни, нега Муҳаммад Исмоил асарларининг номлари кўпроқ ой-у, юлдузларга бориб тақалади? –дея сўраб қолди. Бу саволга узоқ вақт жавоб изладим. Ниҳоят, Сирдарёга борганда, кенг дала-ю – қирларга чиқиб осмонга қараганимда топгандай бўлдим. Чунки, бу чўлларда осмон жуда яқин, юлдузлар қўл етгудек, Ой эса ёнгинангда тураркан!” – дегандилар.
Ҳақиқатдан ҳам бир неча асарларимнинг номи осмонга боғлиқ:”Янги ой чиққан кеча”, “Ой чиқмаган оқшом”, “Юлдузлари куйган тун”, “Моҳинур”, “Осмон тўла юлдузлар”...
Инсон ҳаёти Ерга қанча боғлиқ бўлса, Осмонга ҳам шунча боғланган. Инсонни Ер кўтариб туради, Ерни эса Осмон... Осмоннинг эса Эгаси бор.
Кўпинча, юрагим сиқилганида Осмонга қарайман. Осмонда муаллақ сузиб юрган Она – Сайёрамиз сўнгсиз коинотга сочилган миллиард – миллиард зарраларнинг биттаси-ку, бизнинг умримиз миллион – миллион йиллик абадият олдида, бир лаҳза-ку, жонимиз эрта тонгда майсазор баргига омонат қўнган шудринг томчиларидай, қуёш чиққач, енгил эпкин сингари учиб хаволаниб абадул – абадга осмон сари кўтарилади-ку, фасллар кўз олдимизда алмашаётгани сингари, авлодлар алмашаяпти, одамлар алмашаяпти, ҳаёт янгиланаяпти, ўзгараяпти, ҳеч нарса жойида туриб қолган эмас, ҳеч ким ҳеч нарсага эга эмас, ҳеч ким ҳеч нарсага ҳукмронлик қилаолмайди, денгиз устидаги мавжлар қанчалик тез ўзгариб, алмашиб турса, ҳаёт ҳам, унинг қонун – қоидалари ҳам шу қадар тез – тез алмашиб туради, йўқлик қаърига синггиб кетади, ўрнига янги мавжлар пайдо бўлади ва бир сониядан кейин улар ҳам йўқ бўлади, фақат Яратганнинг, Еру – Осмонларнинг ягона Эгасининггина айтганлари абадул – абад экан, нега бўйсунмаймиз, нега қулоқ солмаймиз, нега назар солмаймиз, нега жонимизни асраш илинжида яшаймиз, нега муқаррар ҳалокатни назар – писанд қилмай бўйин тавламоқ пайида бўламиз, ҳолбуки ҳар бир сониямиз ҳисоб – китобда, ҳар бир босган қадамимиз, ҳар бир олган нафасимиз, ҳар бир ўйлаган ўйимиз, ҳар бир қараган назаримиз, ҳар бир шахдимиз-у, кўзлаган мақсадимиз ҳисоб – китобда экан, ҳар бири учун жавоб беришимиз муқаррар экан, нега кўпроқ яхши натижа сари эмас, шарофат сари эмас, ҳалокат сари интиламиз, нега бош мақсадимизни олдиндан белгилаб олмаймиз, нега ҳаловат сари эмас, қабохат сари интиламиз дея ўйлайман ва ўзимни тузатишга, кўнглимни тўғри йўлга бошлашга, ҳаётимни тўғри ўзанга буришга, ўз – ўзимга насиҳат қилиб, ўзимга инсоф тилаб, адашмаслигим кераклигини ҳар дақиқа ўзимга уқтириб ва ҳар дақиқа, қалбимнинг коинот кенгликлари сингари чексиз – чегарасиз сарҳадларида ҳам мени асрашини сўрайман, юқоридан пастга қулаб кетаётган одам, ёлвориб сўрагандай, мен ҳам зориллаб, ёлвориб, овозим борича “дод” солиб, йиғлаб, инграб сўрайман! Мен осмонга Осмоннинг Эгаси борлиги, у барчамизнинг эгамиз эканлиги учун қарайман, қул эгасига итоаткорона шавқат кутиб қарагандай қарайман! Еру – Осмонларда муаллақ сузиб юрганлигимизни унутмаслик учун қарайман ! Осмон Оллоҳ даргоҳининг сoмон йўлларидан ҳам поёнсизроқ остонасидир

[Aliya]

Сообщение от Muhammad Ismoil

<<нега кўпроқ яхши натижа сари эмас, шарофат сари эмас, ҳалокат сари интиламиз, нега бош мақсадимизни олдиндан белгилаб олмаймиз, нега ҳаловат сари эмас, қабохат сари интиламиз дея ўйлайман ва ўзимни тузатишга, кўнглимни тўғри йўлга бошлашга, ҳаётимни тўғри ўзанга буришга, ўз – ўзимга насиҳат қилиб, ўзимга инсоф тилаб, адашмаслигим кераклигини ҳар дақиқа ўзимга уқтириб ва ҳар дақиқа, қалбимнинг коинот кенгликлари сингари чексиз – чегарасиз сарҳадларида ҳам мени асрашини сўрайман, юқоридан пастга қулаб кетаётган одам, ёлвориб сўрагандай, мен ҳам зориллаб, ёлвориб, овозим борича “дод” солиб, йиғлаб, инграб сўрайман! Мен осмонга Осмоннинг Эгаси борлиги, у барчамизнинг эгамиз эканлиги учун қарайман, қул эгасига итоаткорона шавқат кутиб қарагандай қарайман! Еру – Осмонларда муаллақ сузиб юрганлигимизни унутмаслик учун қарайман ! Осмон Оллоҳ даргоҳининг сoмон йўлларидан ҳам поёнсизроқ остонасидир>>

Koinot qadar cheksizliklarni o`z tasavvur dunyosida jamlagan buyuk Qalb sohibi bo`lgan shunday Inson har birimiz uchun ustoz bo`lmoqlikka loyiqdirlar!!!

[Aliya]

Сообщение от Muhammad Ismoil

... Бу синглимга “Осмон тўла орзулар” китобимни туҳфа этаман. ... Китоб – эҳтиромим ифодаси!

Ushbu kitobingizni o`qish sharafiga muyassar bo`lsam, boshim o`sha Siz ta`riflagan Osmonlarga yetgan bo`lardi!!!

[Aliya]

Hurmatli Muhammad aka!
XXI asr bilimga chanqoq, she'riyatga ixlosmand O'zbekiston yoshlari shoir.uz saytini qiziqish bilan kuzatib borishmoqda. Bu sayt qaysidir ma'noda yosh va havaskor shoir-u shoiralar uchun maktab vazifasini o'tayapti, desam, mubolag'a bo'lmaydi. Va bu saytni shu darajaga yetishida sizning xizmatingiz beqiyos. She'riyat ixlosmandlarini nafaqat chop etilgan kitoblaringiz, balki, internet tarmog'ida yaratgan saytingiz ham naqadar xushnud etmoqda. Sayt yaratilish jarayoni, qiyinchiliklari, yutuqlari, ma'naviy ahamiyati va mas'uliyati haqidagi fikrlaringiz bilan o'rtoqlashsangiz. Hozirda biz har kuni kirib, sevimli va qadrdon nazmiy va nasriy asarlarimizni o'qiyotgan saytimiz Shoir.uzning yaratilishi ostida qanday mehnat va mashaqqatlar yotibdi?

Javobingiz uchun oldindan tashakkur!

[Tulqin Eshbekov]

Бугунги кунда яхши киносценарийларга эҳтиёж тобора ортиб бормоқда. Бу борадаги изланишларингиз ҳақида ҳам билишни истардик, қадрли Муҳаммаджон!