Gap haqida gaplar

[Tulqin Eshbekov]

Сообщение от Nigora Umarova

jarima olasizlar.

Бу гулшанда бирор форумдошимнинг жарима олмаслигини, аксинча, ижод гулларидан баҳраманд бўлиб, кайфиятлари кўтарилиб, маънавий олами бойиб кетишини жуда-жуда истар эдим!

[Nigora Umarova]

Сообщение от Tulqin Eshbekov

Бу гулшанда бирор форумдошимнинг жарима олмаслигини, аксинча, ижод гулларидан баҳраманд бўлиб, кайфиятлари кўтарилиб, маънавий олами бойиб кетишини жуда-жуда истар эдим!

[MOD]Мен ҳам шуни истар эдим, домла.
Бироқ 338-339-хабарларни нима деб тушунса бўлади.
Кечирасиз-у, вақтинчалик форумда ижод намуналарингизни қўя олмайсиз.

Бошқа форумдошларга:

Муҳтарам форумдошлар!
Изоҳга ҳожат йўқ. "Муросаи-мадора" дейишади. Домла билан ўзаро муносабатларингизни шахсий хабар орқали ҳал қилинглар. Мавзу ижодни муҳокама қилишга мўлжалланган.

Огоҳлантириш:Домла билан шахсий муносабатларни мавзуда ҳал қилган форумдош жарима олади.[/MOD]

[Tulqin Eshbekov]

Сообщение от Nigora Umarova

Домла билан ўзаро муносабатларингизни шахсий хабар орқали ҳал қилинглар.

Барча форумдошларни шунга амал қилишларини истардим. Хатларингизни кутиб қоламан.

Сообщение от OmoN

Расулова деган синглимиз

Talaba qizning “jevachka”sini CHAYNASH sizga sira yarashmabdi...
Talaba izlanadi, o`rganadi. Ijodiy izlanish yo`llarida yozganlari goho ustozining uslubiga o`xshab ketishi ajablanarli hol emas! Unga nazariy bilim berish bilan bir qatorda amaliyot va ijodiy mahorat sirlarini o`rgatganimizdan, alalxusus, shunday ulug`vor ishlardan ham kir axtarishingiz bachkanalikdan boshqa narsa emas...
Bir paytlar ulug` ustozlardan ijodiy mahorat sirlarini o`rgandik. Endi esa gazeta va jurnallar tahririyatlarida, kitob nashriyotlarida ko`plab yosh qalamkashlarga amaliyot va ijodiy mahorat sirlarini o`rgatishga harakat qilyapmiz. Iste’dodli yosh qalamkashlar ijod maydonida o`z ovozlariga, munosib o`rnilariga ega bo`layotganidan juda-juda faxrlanamiz.
Bugun OAV orasida internet yetakchi o`rinni egallayotgan ekan, bu mo`’jizakor ijod maydonida ham qo`ldan kelganicha iqtidorli yoshlarga mahorat sirlarini amalda o`rgatish burchimdir. (Bu borada avvalo o`zim ham muttasil izlanayotganimni, mahorat sirlarini o`rganayotganimni ko`rib (yo ko`rolmay!) turibsiz, albatta).
Afsuski, ustoz ko`rmagan shogird ming maqomga yo`rg`alar, deganlaridek, birovlarga behuda loy chaplashdan boshqa tuzikroq narsa yoza olmayotganingizga juda achinaman... Bir gal, adashmasam, sizning rahbarligingizda ilmiy ish qilsam, degandek bo`lgandingiz. Agar shunday ezgu ishga qo`l ursangiz, avvalo o`sha talabalar darajasiga yetib olishingizga biz kafil!
Ishni nimadan boshlay, deysizmi? Chaynashdek bema`ni odatingizni tashlasangiz, u yog`iga ijod bo`stonining nurafshon yo`llarida boshqa qoqilmas edingiz!
Boshqa mijg`ovlik qilmaysiz, degan umiddaman.

[Tulqin Eshbekov]

Сообщение от Tulqin Eshbekov

Цитата:



Сообщение от Nigora Umarova


Домла билан ўзаро муносабатларингизни шахсий хабар орқали ҳал қилинглар.


Барча форумдошларни шунга амал қилишларини истардим. Хатларингизни кутиб қоламан.

Яна бир бор илтимос, муҳтарама модераторимизнинг огоҳлантиришига қатъий амал қилган ҳолда иш тутишларингизни сўрайман. Неки фикрларингиз бўлса почтамга юборасиз, деган умиддаман.

[Tulqin Eshbekov]

ИЗЛАНИШ ЙЎЛЛАРИДА

Ижод жараёнида энг муҳими - ижодий изланишдир. Бу жараён қай тариқа давом этишини тушунтириш нақадар қийиндир. Санъаткор ҳеч кимникига ўхшамаган янги куйни қандай яратади, яратгунига қадар изланиш жараёни қай тариқа кечади, ижодкор ҳам янги мавзуни топиши, қоғозга тушуриши, қайта-қайта ишлаб қиёмига етказиши шу қадар мураккаб.
Турли газеталар (айниқса норасмий нашрлар)да эндигина қалами қайралаётган, ўзи чархланаётган ёш қаламкашлар ИЗЛАНИШ аталмиш ижод йўлининг бошида тургандек. Этапи билан улар "ЎзАС", "Халқ сўзи", "Ўзбекистон овози", "Миллий тикланиш", "Ҳуррият", "Моҳият", "Маърифат", "Туркистон" каби ижодий муҳит жуда яхши шаклланган таҳририятларда ҳам маҳорат сирларини ўргансалар нур устига аъло нур бўлади. Айни дамда журфакни тамомлаган ўнлаб ёш ижодкорлар ана шу таҳририятларда қалами қайралаётгани, чинакам журналист бўлиб шаклланаётгани умид уйғотади. Улардан бири - истеъдодли ёш журналист Ҳусниддин Бердиевнинг яқинда "Энг улуғ, энг азиз" танлови ғолиби бўлганини кўриб бениҳоя қувондим.
Келгусида мазкур форумимизни ҳам ана шундай ижод бўстонига айлантира олсак нур устига аъло нур бўлур эди. Бу эзгу йўлда аввало муҳтарама модераторимиз жуда кўп саъй-ҳаракатлар қилмоқда. Жумладан, майда-чуйда, икир-чикир гапларга барҳам беришга қаратилган даъвати жуда одилона бўлган. Шахсий фикрларни почта орқали йўллаб, бутун дунё кузатиши мумкин бўлган саҳифаларимизни салмоқли ижод намуналари билан бойитиб борсак мақсадга мувофиқ бўлур эди.
Германияда китобим чиқди, деган синглимиз ўша китобидан биттасини бериб турса, гапига ишониб, сўнг тақриз ёзиб "ЎзАС"да ёритардик. Унга берадиган айрим саволларимни ўшанда ўзига айтарман. (Бошқаларнинг бошларини беҳуда оғритиш яхшимас).
Ижодий изланишнинг турли йўлларини кўриб келаётган бир ижодкор сифатида ғоят мамнуният билан айтмоқчиманки, қаламингиз чархланиши, ижодингиз гуллаши учун форумимиз яратган имкониятнинг баҳоси йўқ! Унинг қадрига етайлик!

[Masud Mahsudov]

Сообщение от Tulqin Eshbekov

Talaba qizning “jevachka”sini CHAYNASH sizga sira yarashmabdi...

...izlanayotganimni, mahorat sirlarini o`rganayotganimni ko`rib (yo ko`rolmay!) turibsiz, albatta).

Afsuski, ustoz ko`rmagan shogird ming maqomga yo`rg`alar, deganlaridek, birovlarga behuda loy chaplashdan boshqa tuzikroq narsa yoza olmayotganingizga juda achinaman...

Ishni nimadan boshlay, deysizmi? Chaynashdek bema`ni odatingizni tashlasangiz, u yog`iga ijod bo`stonining nurafshon yo`llarida boshqa qoqilmas edingiz!

Boshqa mijg`ovlik qilmaysiz, degan umiddaman.

Оффтоп:

Aslida o'sha "talaba" bilan Sizning postlaringiz judayam o'xshashligining sababi boshqa ekanini ko'pchilik yaxshi biladi

Обращение к модераторам:

Moderator opamizga

Iltimos, yuqoridagi qoidalarni buzganliklari uchun chora ko'rishingizni so'rayman (So'ngra ushbi xabarimni ham o'chirib tashlashingiz mumkin)

[OmoN]

Сообщение от Tulqin Eshbekov

Talaba qizning “jevachka”sini CHAYNASH sizga sira yarashmabdi...

Агар кимнингдир ёзиш услубини бошқасиникига ўхшатиш жевачка чайнаш бўлса:
Сиздай доно одамга Префферминзенинг жевачкасини чайнаш калишга пошна қоққандай ярашиб турганда мендай "простой смертник"га нега ярашмас экан?

Сообщение от Tulqin Eshbekov

Bir gal, adashmasam, sizning rahbarligingizda ilmiy ish qilsam, degandek bo`lgandingiz.

Мабодо ўша пайтда кайфим йўқмиди?

Сообщение от Tulqin Eshbekov

Agar shunday ezgu ishga qo`l ursangiz, avvalo o`sha talabalar darajasiga yetib olishingizga biz kafil!

Етиб олмай қўя қолай. Менга ўзимнинг позициям жудаям ёқади.

Сообщение от Tulqin Eshbekov

Unga nazariy bilim berish bilan bir qatorda amaliyot va ijodiy mahorat sirlarini o`rgatganimizdan, alalxusus, shunday ulug`vor ishlardan ham kir axtarishingiz bachkanalikdan boshqa narsa emas...

Домла, мен талабаларингизга бераётган билимингизни муҳокама қилаётганим(сизнинг тилингиз билан айтганда кир қидираётганим) йўқ. Талабалар Сизники. Хоҳласангиз билим беринг, хоҳласангиз қовуриб енг. Мен фақат мана бу

Сообщение от Tulqin Eshbekov

Xulosa shuki, “Pfefferminze” – shu atrofdagi qitmir forumdoshlardan birining qo`shimcha niqobidan boshqa narsa emas!

фикрингизга (Сизнинг тилингиз билан айтганда Префферминзенинг сақичини чайнашингизга) жавоб қайтарганман холос.

Сообщение от Tulqin Eshbekov

Bu borada avvalo o`zim ham muttasil izlanayotganimni, mahorat sirlarini o`rganayotganimni ko`rib (yo ko`rolmay!) turibsiz, albatta

Домла, гадонинг душмани гадо бўлади дейишади. Бизнинг манфаатларимиз кесишмаганидан кейин нима учун Сизни кўролмаслигим керак?

Сообщение от Tulqin Eshbekov

Ёшлигига яраша тажрибасизлиги панд бераётган болага аччиқроқ бўлса-да тўғри насиҳат қилганим яхши бўлди, наздимда. Ҳозирдан яхшиликка ярамай қолаётган болани ёмон йўллардан қайтаришнинг нимаси ёмон?

Тўғри. Бундай эзгу ишингизда омадлар тилайман.

Сообщение от Tulqin Eshbekov

Ақли бўлса, у энди ўша бемаъни иллатдан ўзини халос қилади. Чайнамайди ҳам, чайналмайди ҳам! Тўғри хулоса чиқарса, етди муродга, акс ҳолда, қолар уятга…

Агар гап мен ҳақимда бўлса:
Ақлим бўлганида шу ерда тортишиб ўтирармидим... Менимча уятга қоламан-ов...

[Nigora Umarova]

Сообщение от Nigora Umarova

Бошқа форумдошларга:

Муҳтарам форумдошлар!
Изоҳга ҳожат йўқ. "Муросаи-мадора" дейишади. Домла билан ўзаро муносабатларингизни шахсий хабар орқали ҳал қилинглар. Мавзу ижодни муҳокама қилишга мўлжалланган.

Огоҳлантириш:Домла билан шахсий муносабатларни мавзуда ҳал қилган форумдош жарима олади.[/MOD]

[MOD]Ёдингизда бўлса, огоҳлантиргандим. ;(
Огоҳлантиришга риоя қилмаганлар жарима олдилар.
Айбга буюрмайсиз.[/MOD]

[Tulqin Eshbekov]

IZLANISH VA SABOQ

Har kimki hayotdan olmasa ta’lim, unga o`rgatolmas biror muallim, deganlaridek, o`rganaman degan odamga hayot o`zi istaganidan ko`prog`ini o`rgatib qo`yarkan. Hech kim onadan shoir yo kuychi bo`lib tug`ilmaydi. Dard (masalan, ishq dardi!) chekkan – shoir, kuygan – kuychi bo`laverar ekan.
Yoshlikda qanchalik sodda va ishonuvchan bo`lganimni eslab entikaman. Qon bilan kirgan jon bilan chiqadi, deganlaridek hamon o`sha soddalik va ishonuvchanlik tark etmadi. Biroq, hayot ozmi-ko`pmi shumlikka ham o`rgatib qo`ydi. Bu – yaxshilikka, ezgulikka xizmat qiladigan “shumlik”. Undan hech kim ozor chekmaydi hisobi. Ozroqqina bo`lsa-da vijdoni borlarga tegishli xulosa chiqarishlari uchun yordam beradi.
Murg`ak qalbimda ijodga ishtiyoq paydo bo`lganidan buyon ko`p aziz ustozlardan saboq oldim. Ijodning nozik sirlarini o`rganishda hamon davom etyapman. Hozir ham ustozlarning har bir durdona so`zini qalbimga jo qilishga intilaman.
Gul bor joyda tikan ham uchragani misol o`sha ustozlarni topgan ijod maskanlarida goho bitta-yarimta “tikan”ga ham duch kelaman. Agar uning “maslahati” o`rinli bo`lsa, har qancha achchiq bo`lsa ham jon deb qabul qilgan bo`lur edim, afsuski...
Ilk “tikan”ga roppa-rosa 35 yil ilgari, beshinchi sinfda o`qib yurgan kezlarim duch kelganman. Undan avval maktabimiz devoriy gazetasida, so`ng respublika bolalar nashrlarida (hozirgi “Tong yulduzi”, “Turkiston” gazetalari va “Gulxan” jurnali) ancha-muncha she’r, ertak va maqolalarim chiqqandi. O`sha tahririyatlardan ijod sirlari bayon etilgan xatlar kelardi. Ijod bo`stonida adabiyot o`qituvchimizdan keyingi ustozlarim menga e’tibor bilan xat yo`llashgan o`sha aziz insonlar bo`lgan!
Beshinchi sinfda o`qib yurgan kezlarim o`qituvchimiz tuman gazetasiga ham yozishimni maslahat berdi. Pochta orqali maqola jo`natsam, butunlay o`zgartirib (o`zlaricha “tahrir” qilib) yoritishdi. Ochig`i, ba’zi “tahrir”lar sira yoqmasdi. Undan o`zim yozganlarim tuzukroqligini his etardim.
Axiyri bir kuni o`ntacha she’rimni ko`tarib o`sha tahririyatga bordim. Kimdir “Madaniyat” bo`limiga kirishimni aytdi. Qiya ochiq eshikdan sekin mo`ralasam, qoshi qalin bir kishi savlat to`kib o`tiribdi. Salom bergancha iymanibgina kirdim. (Olloh rahmat qilgurlarning nomlarini aytmay va ruhini bezovta qilmay qo`ya qolaylik…)
U qo`lyozmalarimni hijjalab o`qirkan, barmoqlari bilan nimanidir sanardi. Chamasi, sanog`i to`g`ri chiqdi. Demak, she’rlarning vazni joyida! Qofiyasiga ham e’tiroz bildira olmadi. Baribir, u aftini bujmaytirgan sari mening yuragim g`ijimlanib ketayotganga o`xshardi. Xuddi gunoh ish qilib qo`ygandek his etardim o`zimni. Nihoyat, “Madaniyat” bo`limi mudiri menga g`alati yuzlanib, shunday dedi:
– Ulug` shoir ...ning she’rlarini ko`chirib kelgani uyalmadingizmi?
Bu tuhmatomuz ta’nadan xafa bo`lish o`rniga xursandligimdan boshim shiftga tekkudek sakrab ketdim:
– Ming rahmat, sizga! Demak, she’rlarim ulug` shoirniki darajasida! Men hech qachon birovdan ko`chirmayman, boshqalar mendan ko`chirsin! O`sha shoirning darslikka kiritilgan she’rlaridan boshqasini o`qimagan edim...
– Muncha chuldiraysiz?!– Gapimni cho`rt kesdi mudir.– Sizdan shoir chiqmaydi, she’r yozish texnikasini bilganingiz bilan orginal fikr yo`q. Yaxshisi, maqola yozing. Faqat, birovlar bilan gaplashganda muxbirman deb osmondan kelmang, balandparvoz gaplarni yig`ishtiring!..
– Qachon, qaerda, kimga osmondan kelibman? Kimga muxbirman, debman? Balandparvoz gap, deysizmi?. Pastparvoz gap qanaqa bo`ladi?!
– Muncha jizzakisiz?– Mudir boshini sarak-sarak qildi.– Sizga kasb etikasini tushuntirdim. Xohlamasangiz muxbirlik qilmang...
Bo`g`zimga nimadir tiqilgandek indamay chiqib ketayotgandim, karidorda istarasi issiqqina kishi to`xtatdi. Gazeta muharriri ekan. She’rlarimni olib, meni xonasiga boshladi. Qo`lyozmalarimning u er-bu eriga qalam tekkizgan bo`ldi-da mayingina boqqancha shunday dedi:

(Davomi navbatdagi sahifada)

[Tulqin Eshbekov]

IZLANISH VA SABOQ

– Mashqlaringiz yomonmas. Gazetaning keyingi sonida beramiz.
Qurg`oqchilikdan so`liy boshlagan nihol suv ichganida qanday yashnab ketsa, bu ajoyib muomaladan shu qadar yayradimki, asti qo`yaverasiz!
Birinchi uchragan “tikan”ga ko`rsatib qo`yish istagi tinchlik beramadi. Qandaydir qitmirlik paydo bo`la boshladi. Maktabimiz kutubxonasidan o`sha shoirning kitobini olib, to`rt-beshta she’rlarini ko`chirdim-da tagiga ism-familiyamni yozdim. Tahririyatga borib “Madaniyat” bo`limi mudiriga uzatdim. Qoshi qalin amaki yana barmoqlari bilan har bir “satrim”ning bo`g`inlarini sanab chiqdi-da bosh chayqadi.
– Umuman she’rga o`xshamabdi,– dedi g`alati qarab.– Sizga maqola yozing, dedim-ku. Bu tuman gazetasi! Ko`proq xabar, maqola yozish kerak...
Qo`lyozmalarimni qaytarib olgach, qayta ko`z yugurtirgan kishi bo`ldim-da atay boshimni changalladim:
– Voy, kechirasiz, sizga boshqa narsani ko`tarib kelibman. Bu she’rlarni o`sha shoirning kitobidan ko`chirib olgandim. Shunchaki mashq qilish uchun,– dedim sumkamdan kitobni chiqarib ko`rsatib.– Mana, ishonmasangiz…
Mudir shunday vajohat bilan qaradiki… o`zimga kelganimda avtobusda uyga qaytayotgan ekanman.
O`shanda “IZLANISH va saboq” degan maqola yozdim. IZLANISH, bu – o`ziga xos ijodiy IZLANISH bo`lib, o`rischasiga aytganda, ayrim “tupoy”lar yo`limga to`siq bo`lganida uning basharasini ko`rsatib qo`yish uchun topgan usulim. Saboq – “tikan”ning basharasini fosh qilgach, chiqaradigan xulosa! Bu xulosani avvalo o`zi, keyin ijod muxlislari chiqaradi, degan umiddaman.
Keyinchalik o`sha “Madaniyat” bo`limi mudiri bilan apoq-chapoq bo`lib ketdik. Menga ko`p yaxshiliklar qilgan bo`ldi. “Mang, manavi olmani eng,– degan gapi sira qulog`imdan ketmaydi.– Bu redakstiyaning bog`idan! Tatib ko`rsangiz, umringiz redakstiya bog`larida o`tadi!”
Chindan ham umrim ijod bog`larida o`tmoqda!
Qachonki biror muvaffaqiyatga erishsam, farishtadek ustozlar qatorida o`sha “tikan”ni ham eslab, ruhiga duo qilib qo`yaman…
Ijod bo`stoniga kirib borar ekanman, tangrimning o`zi biri-biridan oqilu dono, fikri teran, bag`rikeng ustozlarga oshno qila boshladi. Onda-sonda biri-biridan beso`naqay, o`zini dono ko`rsatishga chiranadigan nodon, kaltafahm, “tikan”larga ham duch kelaverdim. O`shanda bu usul Umar Xayyom iborasi bilan aytganda, ko`p mushkul tugunni hal etishda qo`l kelaveradi.
Jurnalistika fakultetini tamomlagach, boshqa bir tuman gazetasida faoliyatimni boshladim. Yana yangi ajoyib ustozlarga va yana qandaydir “tikan”larga duch kela boshladim.
Farishta nurdan, odam tuproqdan yaralgan, deyishadi. Biroq, bu gazeta muharriri rosa mag`zava to`kilgan tuproqdan yaralgan ekan, desam jizzakiga chiqarmang... Yo`llanma bilan kelgan yosh jurnalistni g`oyat mehribonlik bilan kutib olgan muharrir ko`zimga avval farishta bo`lib ko`rindi. Bir kuni u menga shunday topshiriq berdi: “Gazetamizning o`tgan haftada chiqqan uchta sonini obzor qilib keling. Tanqidiy fikr bo`lsa tortinmay aytavering. Tahririyatimizga yangi kuch kelgani sezilsin!”
O`shanda muharririmizning oppoq sochlari ostida qanday qora fikrlar g`ujg`on o`ynaganini qayoqdan bilibman. Ustamon sinab ko`rayotganini sal bo`lsa-da sezganimda qulfi dilimni bu qadar ochmasmidim, ularning g`ij-g`ij xatolarini xaspo`shlab gapirishga o`rganarmidim …
Xullas, gazetamizning uchta sonini qip-qizil qilib bo`yab tashladim. Letuchkada bamisoli bulbuligo`yo bo`lib ketsam, deng…
– Shunaqa shablon gazeta chiqargandan chiqarmagan...– deb boshlagan navbatdagi ta’nali gapimning yarmi bo`g`zimda qoldi.

(Davomi navbatdagi sahifada)