Сообщений: 156
+ 523
245/109
– 3
5/2
|
Жорий йилнинг 14 март куни "Ўзбекнаво" эстрада бирлашмасида Рэп йўналишида ижод қилувчи хонандалар иштирокида давра суҳбати бўлиб ўтди. Унда Миллий эстрада санъатини ривожлантириш ва мувофиқлаштириш Кенгаши раиси, Сенат аъзоси, Ўзбекистон халқ шоири Иқбол Мирзо, "Ўзбекнаво" эстрада бирлашмаси Бош директори Азамат Ҳайдаров, Ўзбекистон халқ артисти Озодбек Назарбеков, шунингдек, санъатшунослар, шоирлар, бастакорлар, хонандалар, радиомуҳаррирлар ва ОАВ вакиллари иштирок этишди.
Йиғилишни "Ўзбекнаво" эстрада бирлашмаси Бош директори А.Ҳайдаров очиб, давра суҳбатини ташкил этишдан асосий мақсад рэп йўналишида қўшиқ куйлайдиган хонандалар кимлар, улар қандай шароитда, кимлар билан биргаликда ижод қилаяпти, репертуарларида қайси шоирларнинг шеърлари бор, куйлашдан мақсад нима, агар ҳақиқий истеъдод эгаси бўлса Ватанимиз ҳақида, Истиқлол ҳақида, Ўзбекистоннинг табиати, экологияси ҳақида, тинчлик ва осойишталик, яхшилик ва инсонийлик ҳақида куйлаш кераклиги, ахлоқий жиҳатдан қадриятларимизга тўғри келмайдиган қўшиқларни ижро этмаслик зарурлиги ҳақида кириш сўзи гапирди.
Суҳбатни Ўзбекистон халқ шоири И.Мирзо давом эттириб, ҳозирги кунда Республикамизда рэп йўналишида ижод қилувчи хонандалар томонидан яратилаётган қўшиқлар, уларнинг мазмун-моҳияти, савияси ва унинг ёшлар онгига кўрсатаётган таъсири ҳақида гапириб ўтди. Мазкур йўналишни тартибга солиш ва ривожлантириш тўғрисида таклифлар билдирди. Хонандаларни "Ўзбекнаво" эстрада бирлашмаси ҳузурида ташкил этилган Ўзбекистон халқ артисти Озодбек Назарбеков ижодий Маркази билан яқин ҳамкорлик қилишга чақирди.
Сўзга чиқганлар, жумладан, Ўзбекистон халқ артисти Озодбек Назарбеков, “TVM” канали директори Аъзам Ҳакимов, Ўзбекистон давлат санъат институти Санъатшунослик кафедраси доценти, фалсафа фанлари номзоди Маъмур Умаров, овоз режиссёри Игорь Иосис, “A’lo FM” радиоси бош муҳаррири Олимхўжа Азимов, “Terra” радиоси бош муҳаррири, хонанда Руслан Салиев (Mr.Slan), хонандалар Шаҳриёр Аргонов (Shahrik), Шуҳрат Тошев (MS Shurik), Музаффар Мухторов (Muzaf), Валерий Марченко (Blink), Нилуфар Нурсаидова (Nilu)лар рэп йўналишида ижод қилувчиларнинг аксарияти ёшлар эканлигини, улар билан алоҳида ишлаш, тўғри йўл кўрсатиш лозимлигини, тўғри матн танлашда амалий ёрдам бериш кераклигини, бу борада Бирлашма ҳузурида ташкил этилган Ўзбекистон халқ артисти Озодбек Назарбеков ижодий Маркази айни муддао бўлганлигини, мазкур йўналишни эстрада санъатининг бир қисми сифатида ҳисоблаб, рэп услубида яратилаётган қўшиқларни халқчил, жамият манфаатларига мос ва ўзбекона рухда яратиш зарурлигини гапириб ўтишди. Шунингдек, рэп ижодкорларининг сўкиниш, ҳақорат, камситиш оҳангидаги барча қўшиқларини репертуардан чиқариб ташлаб, уларнинг ўрнига она юрт, гўзаллик, меҳр-оқибат, садоқат, севги, ота-она каби мавзуларда қўшиқлар яратиш кераклиги тушунтирилди.
Рэп йўналишининг ижодкорлари берилган тавсияларга амал қилишларини, эндиликда қўшиқлар савияси ва матнига алоҳида эътибор беришларини, бунда муаллифлик ҳуқуқини ҳимоя қилиш ҳақидаги тегишли меъёрий ҳужжатларга амал қилишларини билдиришди.
Учрашув давомида рэп йўналиши ижодкорларининг Кенгаши тузилиб, унга “Terra” радиосининг бош муҳаррири Руслан Салиев ва хонанда Шахриёр Аргонов етакчи этиб сайланди. Уларга рэп йўналишида ижод қилувчи хонандаларнинг тўлиқ рўйхатини тайёрлаш, маълумотлар базасини шакллантириш, хонандаларни ҳар ойда бир марта йиғиб, ўзаро муҳокамалар, давра суҳбатлари ўтказиб бориш, хонандаларнинг фаолиятини мувофиқлаштириш топширилди. Шунингдек, 2011 йилда Хип-Хоп фестиваль ўтказишга келишилиб олинди.
манба: anons.uz
|
Ҳеч бўлмаса шунақа сўнмас қўшиқларга тегишмасада, ким бўлган тақдирида ҳам. 
Линейный вид
