Холис фикрлар минбари

[Ustoz]

Bundan 4-5 yil oldin rahmatli dadam ko`chaning narigi betidagi bekatga o`tirib olardilar-da atroflarida odam yeg`ib gurunglashib o`tirardilar. Asosan adabiyot (Umar Hayyomning deyarli hamma to`rtligini yoddan bilardilar), tarix (Dunyo tarixi, O`zbekiston tarixi, din tarixi va yana allambalo tarixlar), falsafa va qisman u yoq-bu yoqdan gurung qilib o`tirardilar. Shu darajaga bordi-ki hatto ataylab dadamning suhbatlarini olish uchun uzoqdan odamlar keladigan bo`lishidi.
Mana dadam olamdan o`tganlariga yaqinda 4 yil bo`ladi. O`sha bekat hali ham gavjum. Katta yoshdagilar ham o`tirishadi, kechqurun yoshlar to`planishadi. Bir kuni nimalar haqida suhbat bo`layotgan ekan deb bordim, oldi-qochdi gaplar. O`sha paytlarda dadam bilan adabiyot va tarix haqida suhbatlashib o`tiradigan va qiziqib savollar berib jon-qulog`i bilan eshitadigan odamlar, o`zlari bunaqa suhbat olib borisha olmas ekan. Ularning orasida bir ziyoli odam bor, ziyolichasiga gap boshlab qolgan edilar "Yana boshladingizmi, aravani quruq olib qochishni?" degan gap eshitdilar-da menga "Ana ko`rdingmi?" deganday qarab qo`ydilar. Men ularning og`ziga urganlardan hafa bo`lmadim, chunki dadam kimga gapirayotganlarini hisobga olgan holda uning tilida boshlardilar-da, keyin hech kim sezmagan holda adabiy tilga o`tib ketardilar. Mana shu yo`l bilan qiziqtirib olardilar.

[Mahmud Jurat]

Joylari jannatdan bo'lsin. Yaxshilarning nomlarini doimo yaxsh duolar bilan eslab yuraylik.

[Tulqin Eshbekov]

Сообщение от Maestro

Ростдан ҳам Сизга минг марта раҳмат Эркин ака!!!

Турли соҳада фаолият кўрсатаётган кишилар шу тарзда холис фикр билдиришяпдими, демак, бу форумимизнинг эътибор қозонаётганидан далолатдир. Уларнинг таклифларини ўйлаб кўриш сиз-у бизга ҳавола, деб ўйлайман.

Сообщение от Maestro

Конкрет нима иш қилишимиз лозим? Мен тайёр!

Бугунги ёшлар онгини тўғри шакллантиришга хизмат қиладиган серазмун асарлар, мақолалар, қуйма фикрларни кўпроқ ёзиб, интернет саҳифаларига жойлаштириб борсак мақсадга мувофиқ бўларди.
Шу кунгача Зиёнетда бу борада анча ишлар амалга оширилди. Янада кўпроқ ишлашимиз лозим, деб биламан.

Сообщение от Maestro

ўқиётганларга ҳам алоҳида раҳмат!

Ўқиса арзийдиган фикрлар ёзсангиз бош устига!

[Tulqin Eshbekov]

Ишлаб (жумладан, яхшиликка етакловчи сатрларини ёзиб) турган инсонга омад тиласангиз, унинг эзгу ишларига шерик бўласиз ва савобга қоласиз!
Асло халал берувчи бузғунчилардан бўлманг...

[Tulqin Eshbekov]

Профессор Файзулла Мўминовнинг айтишича, Илмнинг кушандаси - илмий муассасаларда амал талашишдан бошланади, одатда ҳақиқий олимлар мансабга интилмайди, илми ҳаминқадарлар эса мансабга ўтиргач, илмлилардан чўчиб, яхшиси уларни четлатишга, йўқотишга чирана бошлайдилар...
Асрлар оша Илм барибир ғолиб бўлиб келмоқда!

[Tulqin Eshbekov]

Яхши гапнинг қаноти бор, деймиз.
Ёмон гап жуда тез тарқайди...
Интернет журналистикаси мутахассисларининг фикрича, "Ҳақиқат этигини кийгунича Ёлғон дунёни айланиб чиқишга улгуради..."
Нега шундай экан-а?

[Ustoz]

Сообщение от Tulqin Eshbekov

Яхши гапнинг қаноти бор, деймиз.
Ёмон гап жуда тез тарқайди...
Интернет журналистикаси мутахассисларининг фикрича, "Ҳақиқат этигини кийгунича Ёлғон дунёни айланиб чиқишга улгуради..."
Нега шундай экан-а?

Domla, yaxshi savollar berishni boshlabsiz. Yana ozgina izlaning javobni ham o`zingiz toparsiz degan umiddaman.

[Tulqin Eshbekov]

Сообщение от Ustoz

Yana ozgina izlaning javobni ham o`zingiz toparsiz degan umiddaman.

Деарли ҳар куни изланяпмиз (жумладан, сиз, Шокиржон Долимов ва бошқалар ҳам).
Бироз тушунмаганим: яхши гаплар нега айрим форумдошларимизга ҳечам ёқмайди?
Масалан, ГУЛЛАЁТГАН ВАТАН, десам, баъзилар бир сакраб тушади... Нега?

[gofurov]

Сообщение от Tulqin Eshbekov

Бироз тушунмаганим: яхши гаплар нега айрим форумдошларимизга ҳечам ёқмайди?
Масалан, ГУЛЛАЁТГАН ВАТАН, десам, баъзилар бир сакраб тушади... Нега?

Халқимизда асални ози ширин деган нақл бор. ОАВда ёритиб борилаётган мақолаларни ўқиб, ТВда намойиш этилаётган телекўрсатувларни кўриб бориш баробарида, бундай жимжимадор, баландпарвоз, мақтовли гапларга жудаям кўп бор тўқнаш келяпмиз. Одамни меъдасига хам тегиб кетади. Шу мақолаларни оддийроқ усул билан, шаблонсиз ёзиш мумкин эмасми? Шахсан мен мақтовларсиз ҳам оддийгина ёзилган ВАТАН деган сўзни, мақолаларда ёзилаётган "жаннатмакон, ҳур, гўзал ватан" деган сўздан ҳам ортиқроқ қабул қиламан.

[Ustoz]

Сообщение от gofurov

Масалан, ГУЛЛАЁТГАН ВАТАН, десам, баъзилар бир сакраб тушади... Нега?

Sovet davriga nisbatan shunday gap bor edi: "Qayerda-ki chiroyli gap va shiorlar ko`p bo`lyaptimi, bilgin-ki o`sha yerda ahvol chatoq"