Замонавий ўзбек журналистикаси. Таълим ва амалиёт

[Colorado]

Сообщение от OmoN

Бунинг учун Чеховни, Абдулла Қаҳҳорни, Расул Ҳамзатни ўқиш керак, фақат ўқиш эмас қайта-қайта ўқиш керак, таҳлил қилиш керак. Практика учун бошқа адибларнинг ҳикояларини Чехов тилига таржима қилиб чиқиш керак.

Мухтарама Муножот Йулчиевани учрашувдаги гаплари эсимга тушди: укув юртига талабаларни хамъёнига караб эмас. итеъдодига караб кабул килиш керак.

Оффтоп:

домлани топкага, хотя, форс мажор булишиям мумкин

[Tulqin Eshbekov]

Сообщение от Husen

онференция ишида ЎзМУ матбуот котибининг иштирок этмагани ҳайратланарлидир!

Ҳайратга тушишдан илгари домлангиз қаердалигини суриштирганингизда, ўша тадбирдан муҳимроқ иш - талабаларга маъруза ўқиётганини билган бўлардингиз. Биз учун биринчи иш - дарс бериш. Бунақа тадбирларга дарсдан бўш пайтда борилади. Аммо, Ахборот хизмати ходимлари иштирок этишган. Бу ҳақда университет сайтида ўқишингиз мумкин.

[Husen]

Тадбирдан фоторепортаж

Тадбирни ЎзМу Ректори Ғ. Муҳаммедов очди.

Тадбирнинг 1-рақамли ташкилотчиси “Интернет-журналистика ва ахборот технологиялари” кафедраси мудири Ш. Қудратхўжаев ва жонкуяр устоз Ф.Мўминов

Форумдошларимиз, э кечирасиз, конференциянинг расмий ҳамкори - ZiyoNET вакиллари!

Яна бир форумдошимиз Маъсуд ака ҳам ўз фикрларини билдирмоқда. Ёнида эса Т.Юсупов далда бўлиб турибди.

Конференциянинг асосий иштирокчилари - талабалар! Афсуски улар орасида жой етмагани боис тик туриб конференцияни кузатган айрим устозларга жой беришга эринган, ўз мулоҳазаларни қисқа ва лўнда тарзда етказишга қийналганлари ҳам бор!

[Husen]

Шунингдек, нега факультетнинг сайти йўқ деган саволимизга эътироз тарзида, fikr.uz да интернет журналистлари жамоаси блоги борлигини маълум қилган талабалар тадбирдан кейин 1 кун ўтса ҳамки, ҳамон тафсилотларни эълон қилишмади. Ваҳолангки, интернет журналистлар учун тезкорлик энг муҳим омил бўлиши керак!!!

[Tulqin Eshbekov]

Сообщение от Husen

тафсилотларни эълон қилишмади

Сиз ҳам шу факультетдан чиққан кадримиз ҳисобланасиз ва уни ҳозиржавоблик билан ёритишга ҳисса қўшиш бурчингиздир. Мана, суратлар билан яхшигина ёритибсиз. Барака топинг. Фақат, кимгадир таъна қилганингиз ярашмабди-да...

[Masud Mahsudov]

Domla, assalomu alaykum

Iltimos, o'sha konferensiyada bo'lgandek gapirmang... Biz o'sha yerda bo'ldik, nima bo'lgan bo'lsa, Husen o'shani yozayaptilar... Siz ham bo'lganingizda, buning guvohi bo'lardingiz...

Hamma o'rischa gapirib, o'rischa saytlarni, bloglarni gapirganda, Siz bo'lganingizda o'zbekcha saytlar haiqda ko'proq gapirish tashabbusi bilan chiqarmidingiz... Siz bilan tanishish baxtiga ega bo'larmizmi, deb o'ylagandik

Nima bo'lganda ham, bo'lar-bo'lmasga o'z shogirdingizga tosh otishingiz Sizga yarashmaydi...

[Tulqin Eshbekov]

Сообщение от Masud Mahsudov

shogirdingizga tosh otishingiz

Шогирдга ўргатилади! Ўқишни тамомлаб, катта ижод майдонига йўл олган ва укаларига устоз ҳисоблана бошлаган Ҳусенжонга талабалар билан тўғри муомала қилишни эслатиб қўйиш ҳам бир сабоқ-ку.

[Tulqin Eshbekov]

Сообщение от Husen

журналистлар учун тезкорлик энг муҳим омил бўлиши керак!!!

Фақат, "тезкорлик" деб шошма-шошарлик қилмаслик лозим! Лоақал, имловий хатоларни обдан кўриб, тузатиб чиққанингизда иш бошқача бўларди-да.

Сообщение от Husen

Ўзбек талабаларида эса маърузани узундан узоқ кириш сўзлари билан бошлаш, гап орасида устозларга маддоҳлик қилиш

Ҳусенбек, талаба укаларингизни бунақа ҳақорат қилманг-да.
Ўзингизнинг ҳам:

Сообщение от Husen

“Интернет-журналистика ва ахборот технологиялари” кафедраси мудири Ш. Қудратхўжаев ўз йўналишида факультетга янгилик, ғайрат, шижоат олиб киролган ва талабаларга ҳам шуни юқтиролган.

деб ёзишингизми маддоҳликми?
Фикр ёзишда маданиятли бўлишингизни истардим.

[Bekmirzo]

Сообщение от Tulqin Eshbekov

шошма-шошарлик қилмаслик лозим! Лоақал, имловий хатоларни обдан кўриб, тузатиб чиққанингизда иш бошқача бўларди-да.

Domla, nega hadeb imloviy xatolarga yopishaverasiz? O'zingiz bexato yozsangiz ham mayliga edi...

Сообщение от Tulqin Eshbekov

Ўзингизнинг ҳам:

деб ёзишингизми маддоҳликми?

[Bekmirzo]

Media-konferensiyani Husen va Masud qatori men ham kuzatgani bordim.
Husen ta'kidlab o'tgani singari hozirgi kun talabalarida oliygohda biz o'qigan davrimizga nisbatan ancha katta imkoniyatlar mavjud.
Media-konferenciyaning ketma-ket ikki yildan beri o'tkazilayotganini ham shu imkoniyatlar natijasi deb baholash mumkin.
Konferensiyada tilga olingan mavzular albatta qiziqarli edi:

1. Интернетда анъанавий жанрларнинг ўзига хослиги
2. Блог журналистикаси: анъанавий ёҳуд халқ журналистикасими?
3. "UzNet"da спорт сайтларининг таҳлили

Bu yerda ham Husen xolis fikr aytib o'tdi. Talabalarning mavzu bo'yicha yondoshuvlari ancha yuzaki. Ilmiy yondoshuv deyarli sezilmadi. Darsda o'tilgan mavzularni qaytarishdimi, harqalay tinglovchi talabalar savol berish, fikr-mulohaza bildirishda ancha sust ishtirok etishdi.
1-mavzu borasidagi ma'ruzalar tinglab bo'lingach, moderator Alina Dadayeva O'zbekistondagi OAV saytlarida jurnalistikaning asosiy janrlaridan bo'lmish fel'eton, ocherklarning o'rni, mavjudligi haqida talabalarga savol berganida, hech kimdan sado chiqmaganligi konferensiyaga yetarlicha ilmiy tayyorgarlik bo'lmaganligini isbotlab berdi.

Blog jurnalistikasi borasidagi mavzuda chiqish qilgan talabalar hamda fikr-mulohaza bildirgan tinglovchilar salkam bir ovozdan "Blog va jurnalistikaga alohida-alohida narsalar sifatida qarash kerak", degan xulosa berishdi. To'g'risi, hayron qoldim. Na bir ilmiy asos keltirishdi, na shuni tasdiqlaydigan biror aniq misol. O'zDJTUning Xalqaro jurnalistika fakultetidan tashrif buyurgan talabalardan biri bunga o'rinli e'tiroz bildirib o'tdi.
To'g'ri-da, internetni o'z jamiyatiga singdirib yuborgan Yevropa davlatlarida blogning jurnalistika tarkibiga kirish-kirmasligi masalasida anchadan beri ilmiy izlanishlar, kuzatuvlar olib borilayotgan hamda blogdan soha jurnalistikasi vositasi sifatida keng foydalanib kelishayotgan bir vaqtda, internet yo'nalishini yaqindan boshlab o'rganib va o'rgatib kelayotgan jonajon fakultet jamoatchiligi "Blog va jurnalistika alohida-alohida narsalar", deb da'vo qilib qo'yishsa, g'alati tuyularkan.
Kelgusi yillar media-konferensiyalarida tanlangan mavzular bo'yicha jiddiyroq va ilmiy tomondan yondoshuv bo'ladi, degan umiddaman.

3-mavzuni sport saytlariga bag'ishlashibdi. Sport mavzusi, albatta, qiziqarli. Lekin, kelgusi yillarda ko'proq ijtimoiy-siyosiy, madaniy va iqtisodiy yo'nalishda faoliyat yuritadigan saytlarimizni tahlil qilishga o'tishsa, foydaliroq bo'lardi.

"Caravan group" restoranlar tizimi rahbari T.D. Musinning "Restoran biznesida axborot texnologiyalarini tadbiq etish va qo'llash" mavzusidagi chiqishi konferensiyadagi mavzular ichida lirik chekinish bo'ldi.
Konferensiya tashkilotchiligi biroz tartibsiz bo'libdi. Ayniqsa, tushlik uchun vaqt ajratilmaganini ko'pchilik ishtirokchilar tanqid qildi.

Talabalarning intermediyalar taqdimoti, ya'ni, KVN konferensiyaning yorqin va esda qolarli qismi bo'ldi. Ilmiy qismdan farqli o'laroq, kunning bu qismida talabalarning iqtidorlari boricha namoyon bo'ldi. Rosti, intermediyalarni miriqib tomosho qildim. O'zbek guruhlari talabalari KVNda rus guruhlari talabalariga qaraganda qiziqarliroq va yumorga boy chiqishlar qilishdi.
Aytmoqchi, KVN yakunida 16 nominatsiya bo'yicha sovrinlar topshirildi. Meni eng qiziqtirgan narsa "Eng yaxshi blog" nomnatsiyasida kim g'olib chiqishi bo'ldi. Fikr.uz saytiga berildi. Nima uchun aynan Fikr.uz blogiga berildi va qaysi blog-saytlar orasidan tanlab olindi degan savolimning javobi mavhumligicha qolaverdi...