Мактабга эркак ўқитувчилар керак(ми?)

[gofurov]

Сообщение от Masud Mahsudov

Мактабларда эркак ўқитувчилар камайгани сари ўғил болаларнинг характерлари аёлсифат бўлиб кетаяпти... биз ўқиган пайтлар эркак ўқитувчиларимиз билим, тарбия билан биргаликда ЭРКАК бўлишни ҳам ўргатишар эди...

".......Мутахассисларнинг кузатишича, ўғил болаларнинг хис-туйғуларида, феъл-атворларида (характерларида) илмий тилда «феминизация» деган холат кузатиляпти. Лотинча «фемина» - «аёл» маъносини билдиради. Мазкур илмий атама ўғил болаларда қатъиятсизлик ошиб бораётганини англатади. Кенгрок маънода шархласак, ўғил болалар жиддий бир қарорга келишда сустлик қиладилар, уларда масъулиятга нисбатан қўрқув мавжуд, бошқаришдан бўйин товламоқлик, мустақил қарорга келишдан қочишга уриниш, иродасизлик ва ўта таъсирчанлик сезиляпти. Булар эркакларга хос бўлмаган холатлар эканини таъкидламасак хам бўлар. Бунинг асосий сабаби қилиб олимлар мактаб ўқитувчиларининг асосан аёллардан иборат эканини кўрсатишади. Мактаб ўқитувчиларининг 80-90 фоизи аёл экани ва бунинг мухим ижтимоий муаммо экани дунёдаги кўп мамлакатларга хосдир. Қизиқда, ўғил болани уйда онаси, мактабда яна аёл муаллима тарбияласа, улардаги айрим одатлар ўтмайдими?......"

Тохир Малик “Жиноятнинг узун йўли”