Teatr - ma'naviy tarbiya maskani

[Sparc]

Сообщение от Maestro

"Андишали келинчак"ка оилавий тушса бўлаверадими, бачкана эмасми?

Бу спектакл оилавий тушиш учун мўлжалланган дейиш мумкин, чунки деярли ҳар шанба-якшанба қўйилади ва зал тўлади. Спектакл маиший "қайнона-келин" мавзусида, "томошабинбоп" бўлиши учун айрим бачканаликлар ҳам қўшилган, лекин "ўтказиб" юборилмаган.

Сообщение от Maestro

Бошқа театрларда балки бошқа спекталлар бордир?

Ўтган хафта Аброр Хидоятов номли драма театрининг март ойи репертуарини олгандим, эртага шу ерда жойлаштираман.

[Maestro]

Оффтоп:

Сообщение от Sparc

Ўтган хафта Аброр Хидоятов номли драма театрининг март ойи репертуарини олгандим, эртага шу ерда жойлаштираман.

Миллий театрда "Андишали келинчак"ка чипта колмабди((.
Зудлик билан Аброр Хидоятов номидаги театрнинг репертуарини ваъдага вафо қилиб жойлаштиришингизни талаб қиламан!!!))

[Sparc]

Сообщение от Maestro

Оффтоп:

Миллий театрда "Андишали келинчак"ка чипта колмабди((.
Зудлик билан Аброр Хидоятов номидаги театрнинг репертуарини ваъдага вафо қилиб жойлаштиришингизни талаб қиламан!!!))

[Maestro]

Сообщение от Sparc

Бу спектакл оилавий тушиш учун мўлжалланган дейиш мумкин, чунки деярли ҳар шанба-якшанба қўйилади ва зал тўлади.

Ҳаммага оташин саломлар!
Шу жумладан, "х" думли ёки акси бўлиши кераклигини таъкидлаб турувчиларга ҳам алоҳида салом;-).
Спарк, хуллас 8-9 мартда "Андишали келинчак"ка чипта тополмадим.
Ўзимча "ким ҳам хозир театрга тушарди, билет ачиб ётгандир" деб ўйлагандим...
Лекин, оилам олдида Наврўз кунлари айбимни ювишга қарор қилдим. Ишонасизми, "Андишали келинчак" ка 3 кун аввал кассага бориб зўрға балконнинг иккинчи қаторидан чипта олдим;- ) (оилавий, бола -чақам билан). Бирорта томошага умуман чипта йўқ! Театрга тушмаганимга 20 йил бўлганди ўзиям... Фарзандларим билан тушишни лозим топмаётгандим, лекин сиз "деярли нормальний")) деганингиздан кейин оилавий тушишга қарор қилдик. Шу ўринда Сизга алоҳида ташаккур, томошага аниқ баҳо берган экансиз, фарзандлар олдида деярли хижолат чекмадим.

Санъат музейига ҳам чипта ололмадим! Бир хафта кейинга сотишаётган экан (капалаклар кўргазмаси бўлаётган эди). Бир хафта кейинга чипта олишга тумонат одам навбатда турибди!

Театрга ҳам, музейга ҳам навбатда турганлар ичида бозордаги савдогардан тортиб киракашгача бор ( гаплашиб биласизда энди )).

Демокчиманки, мен ўзимча "маънавий қашшоқлашиб кетаяпмиз" деб ақллилик қилган эканман. Нигорахон очган мазкур мавзуга бироз скептик муносабатда бўлган эканман. Яъни, агар таъбир жоиз бўлса, хаётнинг бу томонларидан умуман чиқиб кетган эканман...

Музей ва театрга чипта олиш муаммо бўлаётган бўлса, демак ҳаммаси яхши. Бу муаммо ҳеч қачон ҳал бўлмасин! Санъат ҳам, ихлосмандлар ўлмайди!

Хуллас, роса хурсанд бўлдим! Музейга чипта йўқ, театрга чипта йўқ...

[Colorado]

Сообщение от Maestro

Ҳаммага оташин саломлар! Шу жумладан, "х" думли ёки акси бўлиши кераклигини таъкидлаб турувчиларга ҳам алоҳида салом;-).

Оффтоп:

фурсатдан фойдаланиб, мен хам граммар-наци (национал-лингвистларга) салом йллайман

[Bobir Samadov]

Сообщение от Maestro

Музей ва театрга чипта олиш муаммо бўлаётган бўлса, демак ҳаммаси яхши. Бу муаммо ҳеч қачон ҳал бўлмасин! Санъат ҳам, ихлосмандлар ўлмайди!

Maestro, Пойтахтда шундай манзара. Аммо вилоятларда бунинг акси... На театрга ошиққан томошабинни, на томошабинга ошиққан театр актер-актрисаларини учратасиз. Охир оқибат зални талаба-ўқувчилар билан "тўлдиришга" тўғри келинади...

[Nigora Umarova]

Сообщение от Bobir Samadov

Maestro, Пойтахтда шундай манзара. Аммо вилоятларда бунинг акси... На театрга ошиққан томошабинни, на томошабинга ошиққан театр актер-актрисаларини учратасиз. Охир оқибат зални талаба-ўқувчилар билан "тўлдиришга" тўғри келинади...

Boburbek, iloji bo'lsa o'z hududingizdagi teatrning ahvoli-repertuari, hech bo'lmaganda biror spektaklning tavsifini mavzuda yozib qoldirsangiz viloyat teatrlari haqidagi Siz keltirgan umumiy tasavvurdan tashqari tasavvurga ega bo'la olardik.

Оффтоп:

O'zingiz istiqomat qiladigan Sirdaryo viloyatidagi Olim o'jayev nomidagi viloyat teatri haqida ma'lumot bersangiz,iltimos.

[Masud Mahsudov]

Нигора опанинг таклифлари билан ўтган жума куни Дийдор студиясига "Нодирабегим"нинг премьерасига бордик. Анча йиллардан бери театрдан бу қадар завқ олмаган эдим. Ёш актёрлар ролларни шу қадар маҳорат билан ижро этишдики, ўзимни ҳудди катта театрда, тажрибали ижрочилар олдида ҳис этдим. Режиссернинг лавҳлар билан безаган саҳнаси ҳам алоҳида таҳсинга лойиқ. Кичиккина саҳна имкониятларидан шунча катта саҳнани ярата олганларига хайрон қолдим. "Илҳом" театри деб ҳамма айюханнос соладилар, ўзимизникилар ҳам бор экан-ку

[Sparc]

Сообщение от Masud Mahsudov

"Илҳом" театри деб ҳамма айюханнос соладилар, ўзимизникилар ҳам бор экан-ку

"Ильхом" театри ғарбда кўрсатиш учун мўлжалланган театр, ўзимизда ҳам унинг доимий томошабинлари бор. Бу театр йиллар давомида оммавий воситаларда реклама қилиниб келинган, сайти ҳам жуда яхши ишланиб, керакли маълумотларни бемалол топиш мумкин.

"Ўзимизникилар" эса афсуски ўз ёғида ўзлари қовурилиб ётишибди, менимча. Бир иккита санъатшунос-театршуносдан ташқари бу театрнинг борлигини ҳеч ким эшитмаган ҳам. Ўзим интернетни роса титкилаб, қаерда жойлашганини тополмадим. Сайти йўқлигини гапирмаса ҳам бўлади. Тўғри, театр ташкил этилганига 1 йил бўлган холос, лекин театр ўз томошабинини жалб қилишни мақсад қилган бўлса, бу масалаларни ҳал қилиши лозим.

Агар театрда сайтни яратиш учун маблағ етишмаётган бўлса, кўпчиликлашиб керакли маблағни йиғишимиз мумкин, Узинфоком маркази эса сайтни жойлаштириш ва дизайнини ишлаб чиқишда ёрдам берар.

[Nigora Umarova]

ЎЗБЕК МИЛЛИЙ АКАДЕМИК ДРАМА ТЕАТРИНИНГ
2013 ЙИЛ ИЮНЬ ОЙИ РЕПЕРТУАР
Р Е Ж А С И

1 Шанба “Ўзбекча рақс” Н.Аббосхон
2 Якшанба “Кўнгил” Э.Хушвақтов
3 Душанба ДАМ ОЛИШ КУНИ
4 Сешанба “Ойдин” ПРЕМЬЕРА Р. Муҳаммаджонов
5 Чоршанба “Ойдин” ПРЕМЬЕРА Р. Муҳаммаджонов
6 Пайшанба “Ойдин” ПРЕМЬЕРА Р. Муҳаммаджонов
7 Жума “Халала” Р.Н.Гунтекин
8 Шанба “Қирмизи олма” Э.Хушвақтов
9 Якшанба “Кўнгил” Э.Хушвақтов
10 Душанба ДАМ ОЛИШ КУНИ
11 Сешанба “Омонат дунё” Т ва Д.Махмудовлар
12 Чоршанба “Яраланган оққуш ноласи” С.Сирожиддинов
13 Пайшанба “Ойдин” ПРЕМЬЕРА Р. Муҳаммаджонов
14 Жума “Сенга бир гап айтаман” А.Иброхимов
15 Шанба “Танхо юлдуз” Н.Аббосхон
16 Якшанба “Андишали келинчак” Э.Хушвақтов
17 Душанба ДАМ ОЛИШ КУНИ
18 Сешанба “Кундузсиз кечалар” У.Азим
19 Чоршанба “Рустам” У.Исмоилов
20 Пайшанба “Имкон” Л.Махмудов
21 Жума “Омон бўлгин азизим!” В.Дельмар
22 Шанба “Тақдир синовлари” Қ.Норқобил
23 Якшанба “Йиғлама қиз” Р. Муҳаммаджонов
24 Душанба ДАМ ОЛИШ КУНИ
25 Сешанба “Ойдин” ПРЕМЬЕРА Р. Муҳаммаджонов
26 Чоршанба “Огох бўлинг одамлар” У.Азим
27 Пайшанба “Ойдин” ПРЕМЬЕРА Р. Муҳаммаджонов
28 Жума “Қуёшни сен уйғотасан” Қ.Норқобил
29 Шанба “Сизсиз ўтмас кунларим” Э.Хушвақтов
30 Якшанба “Андишали келинчак” Э.Хушвақтов