Bahru-bayt

[Nigora Umarova]

Сообщение от Биллур

...Уятдан кафанга беркиниб олди.

Ишқдир абадийлик авжида офтоб,
Ҳаёт чаманида толедан хитоб.
Булбул каби нола қилмоқ ишқ эмас,
Ишқ-нола қилмаслик, бўлсанг юз хароб.

Умар Хайём ( форсийдан Шоислом Шомуҳаммедов таржимаси)

[Биллур]

Сообщение от Nigora Umarova

Ишқ-нола қилмаслик, бўлсанг юз хароб.

Бир хил бўлур имдод, ҳақнинг зухури
Турлича тушунар одам шуури.
Ёқуту биллурда ранг истеъдоди,
Қуёш чашмасидан барисин нури.

[Sodirjon]

Сообщение от Биллур

Қуёш чашмасидан барисин нури.

Ishq yashaydi yurak himoyasida,
Nihol sevgi yetuk g’am soyasida.
Osmon yiroq , yer esa qattiq, yo Rab,
Kunim o’tar taqdir rioyasida.


(C)

[Quvonchbek Karimov]

Сообщение от Sodirjon

Kunim o’tar taqdir rioyasida

Асли сен йироқмас, жонимдай яқин.
Кўзим гавҳарида авайлаганим.
Лекин етолмасман, кўролмасман ҳеч,
Фожеам кунда бир кўролмаганим.

Ҳозир ҳам ёнимда, ҳаётимдасан,
Сезяпман қўлларинг гулдайин нафис.
Энг яқин соғинчим, енг олис бахтим,
Юрагим тубида йиғлаётган қиз!

[Mahmud Jurat]

Сообщение от Quvonchbek Karimov

Юрагим тубида йиғлаётган қиз!

Замон, замон дедим, замон жонимда,
Туркий боболарнинг қони қонимда,
Ташвишли бу дунё қайнар қозондай,
Ҳамқадам яшайман ўз замонимда.

Субҳидам сафарга чиққан боболар,
Ҳануз мозийдан ҳур келар садолар,
Ҳазин куй чорлайди эрта азонда,
Муаззам жаранглар дилбар наволар.

Қувончла оламга қучоқ очаман,
Юртим вужудингда гуллайди чаман,
Дил тошиб куйлагин ҳар эрта тонгда,
Фақат қайда қолди мен минган саман.

Ўтган боболарнинг руҳи шод ўлсин,
Она юрт қучоғинг гулларга тўлсин,
Толеим порлаган ушбу замонда,
Озод замондошим саломат бўлсин.
(С)

[Биллур]

Сообщение от Mahmud Jurat

Озод замондошим саломат бўлсин

Не сўрайсан нафас асирларидан,
Ҳар занжир ҳалқасин бор ўз садоси.
Ҳар юрак тепишин бор ўз навоси,
Ҳар бошнинг шуъладор бордир ҳавоси.

[Sodirjon]

Сообщение от Биллур

ҳавоси.

Ishqingda ko'ngil xarobdur, men ne qilay?
Hajringda ko'zim purobdur, men ne qilay?
Jismim aro pechu tobdur, men ne qilay?
Jismimda ko'p iztirobdur men ne qilay?

(Bobur)

[Mahmud Jurat]

Сообщение от Sodirjon

Jismimda ko'p iztirobdur men ne qilay?

Йиллар орқамизга осилган бир юк,
Олдинда уларнинг узоқ садоси,
Ортдан қутулмасдан олга боқиб тик,
Маржонга бунча ўч одам боласи.
(С)

[Баходир кушаков]

Сообщение от Mahmud Jurat

Маржонга бунча ўч одам боласи.

Инсонга қаноат берилган чоғи,
Нафс ҳам ўртага калласин суқди.
-Емагин,- деса ҳам еб қўйди одам,
Нафсга қуллик ҳам ўшандан юқди.
(С)

[pipicron]

Сообщение от Баходир кушаков

Нафсга қуллик ҳам ўшандан юқди.

Инсон ризқи ила келмиш, нафси хамрох,
Ризқни нафсдан фарқ қилмаган асли гумрох,
Нафсни тиймоқ ризқдан қайтмоқ мазмун эрмас,
Ажаб, балким нафс ризқимдан топмиш панох?!
(с)