[Без оффтопа] Шеър азиз олам аро...

[Sparc]

Сообщение от barlos

ОЛИС ЎТМИШ

Олис ўтмиш тушади эсга,
Қорпарчадек беғубор – гўзал.
Чўлғанасан соғинчли ҳисга,
Дийдор истаб яшайсан азал.

Ўтмиш билан "дийдор истаб яшаш" деб айтиш бироз нотабиийдек туюлади. "Ўтмишни соғиниш" бошқа гап.

Сообщение от barlos

Болдан тотли ширмой кулчаси,
Ташлаб кетди қолдириб доғда.

Тушунишимча, "ўтмишдаги кулча болдек тотли" демоқчисиз, лекин "ташлаб кетди қолдириб доғда" ибораси тушунарсиздек. Ўтмиш "қолдириб доғда" ташлаб кетдими ?

Сообщение от barlos

Давом этар ҳаёт ва йиллар,
Эҳтиёт бўл, йўллар – яхмалак!
Айланади фасллар, миллар,
Кимдир боғда, ким тоғда халак.

"Кимдир боғда, ким тоғда халак" жумласи "яхмалак" ка қофия топиш мақсадида сунъий конструкциядек.

Шеър негадир равон ўқилмай, ўнқир-чўнқирга тушиб чиққандай ўқилади. Айрим сатрлар 8 та, айрим сатрлар 9 бўғиндан иборат.

[barlos]

Сообщение от Sparc

Ўтмиш билан "дийдор истаб яшаш" деб айтиш бироз нотабиийдек туюлади. "Ўтмишни соғиниш" бошқа гап.

Бу ерда болаликка қайтиш, болалик билан юзлашишни доим инсон соғиниб яшайди, деган маънода қўлланилганлиги кўриниб турибди. Сизга сўз тузилиши нотабиий кўриняпти, чамамда.

Сообщение от Sparc

Тушунишимча, "ўтмишдаги кулча болдек тотли" демоқчисиз, лекин "ташлаб кетди қолдириб доғда" ибораси тушунарсиздек. Ўтмиш "қолдириб доғда" ташлаб кетдими ?

Бу ўринда доғда дастлабки қаторларга боғланган, яъни болалик йиллар ўтиши билан бизни ташлаб кетиши кўрсатилган.

Сообщение от Sparc

"Кимдир боғда, ким тоғда халак" жумласи "яхмалак" ка қофия топиш мақсадида сунъий конструкциядек.

Бу гапингизда бироз жон бор. Лекин асло қофия учун ўйлаб топилмаган. Адабий тил меъёрларидан чиқилмаган.

Бир сўз билан айтганда, эътирозларингиз (ўз ўрнида эътиборингиз) менга маъқул. Жумлаларни қайта ишлаб, айрим ўринларини тўлдираман, насиб этса.

Энди, қуйидаги мисраларни баҳолаб ўтсангиз, бошим "кўкка етмасада", хурсанд қилган бўлар эдингиз (лозим топсангиз, албатта):

Даъфатан, ёнди қўлимда чўғ эмас, бармоқ изинг,
Ваҳ-ки жисмимдан қидир, йўқ эмас бармоқ изинг.

Шишадир кўнгил латиф, синмасин ситамлардин,
О, масиҳ, кўнглимга боқ, чандиқ эмас – бармоқ изинг.

Абру найсонинг асирин раҳм ила авф айлагил,
Тийраборонда жонга жон – ўқ эмас, бармоқ изинг.

Дилки, холис аҳбоби Ҳақ сўзила беҳажр ишқда,
Музаффармен, тутганим шод – туғ эмас, бармоқ изинг.

Макр бирла ағёр сани йўлима солдим деса,
Кўксима солмоққа чанг – буйруқ эмас, бармоқ изинг.

Ўн саккиз олам ошуби солди ошиқ жонга ўт,
Шунчаки гулхан каби ўтлуғ эмас, бармоқ изинг.

Қол, парипайкар ёнимда кетмоққа шайланма, йўқ,
Токи мендан бесабаб – форуғ эмас, бармоқ изинг.

[Sodirjon]

IQROR

Gullarini to’kib bahorlar ketdi,
Boshga qirov tashlab ahorlar ketdi,
Bulbuli kuylagan nahorlar ketdi,
Dilimning suyanchi –
Siz, ketmadingiz.

Oshimni yeganlar o’tdi tanimay,
Qo’limda don bergan bo’ldi g’anim-ey,
Yuragim og’riydi tutib jonim-ey,
Davronlar ketdilar,
Siz ketmadingiz.

Jannatda hazrati Odam adashdi,
Qing’ir ko’chalarda qadam adashdi,
Shaytonning bazmida men ham adashdim,
Ming bora kechirib,
Siz ketmadingiz.

Yoshlik tarovatin ketdi ko’tarib,
Jo’shqinlik boshqa dil yurar ahtarib,
Ketdilar chaqmoqlar osmonni yorib,
Sabrlar ketdilar ,
Siz ketmadingiz.

(C)

[Mahmud Jurat]

Сообщение от Sodirjon

Siz ketmadingiz.

қаёққа кетиши керак эди. Ким кетиши керак. Одамлар етолмаса сиз нимага уни кеткиза олмай турибсиз.

Сообщение от Sodirjon

ahorlar

бу қандай сўз??? Оҳорми, Охорми, Анҳорми

Сообщение от Sodirjon

Qo’limda don bergan bo’ldi g’anim-ey,

Бу жумлада нима дейилаяпти????
умуман ўта ғализ, бесавод ёзилган шеър.

[Sodirjon]

Сообщение от Mahmud Jurat

умуман ўта ғализ, бесавод ёзилган шеър.

Bo'lishi mumkin... balki siz uchun emasdir. She'r bo'lsa egasini topadi,(Охорми, Анҳорми) o'zbek tilini sizga o'rgatish ishtiyoqidan uzoqman.

[Mahmud Jurat]

Сообщение от Sodirjon

ahorlar

Аҳор деган сўз йўқ луғавий бойлигимизда...

[Shokir Dolimov]

Сообщение от Mahmud Jurat

Аҳор деган сўз йўқ луғавий бойлигимизда...

Имловий хатоликка йўл қўйилибди чоғи, агар оҳор назарда тутилган бўлса.

[Sodirjon]

Kechagi unumdor yerga tushgan urug’ni
Bugun pista qilib chaqib bo’lmaydi
Bugun u ko’chat
Kechagi ko’chirilgan ko’chatni
Bugun boshqa ko’chirib bo’lmaydi
Bugun u daraht … qurib qoladi

Kechagi sizni men tushunar edim
Bugun siz boshqasiz
Kechagi meni siz tushunar edingiz
Bugun men boshqaman

Dunyoni aylanishdan to’xtatayinmi
Yoki ikkimiz to’xtaylikmi

(C)

[Баходир кушаков]

Сообщение от Mahmud Jurat

Бу жумлада нима дейилаяпти????
умуман ўта ғализ, бесавод ёзилган шеър.

Сообщение от Sodirjon

Bo'lishi mumkin... balki siz uchun emasdir. She'r bo'lsa egasini topadi,(Охорми, Анҳорми) o'zbek tilini sizga o'rgatish ishtiyoqidan uzoqman.

Ўта қўпол танқидга,ўта қўпол жавоб бўлибди.Лекин фикри ожизимча шеър дуруст ёзилган.Ҳарқалай мана бу "сўзлар қатори"дан фарқли ўлароқ:
Ҳар ҳолда қуёшнинг нурида
Эски суякларин тоблаган араб
Оёғига суйканган улоқни ҳайдагандай
Сиз билан бизни ҳайдамасин ўз меҳридан
Умрбод эзилиб қурганимиз мана шу эски чайла...
(Давоми 47-саҳифада.)

[Sodirjon]

Azizlar, barchangizni YANGI YIL BAYRAMI bilan qutlayman! Mustahkam salomatlik, oilangizga tinchlik tilayman.