ZiyoNET: ОАВда биз ҳақимизда...

[Ra`noxon Xo`jaeva]

Бугун, бўлим бошлиғи Улуғбек Тайлоков билан биргаликда ""ZiyoNET" тармоғини ривожлантириш ва ундан самарали фойдаланиш" мавзусида "Ёшлар" радиоканалининг "4-студия" эшитиришида онлайн интервью бердик.

[Husen]

Маънавий таҳдидларга маърифий жавоб

[Ra`noxon Xo`jaeva]

[lolaxon]

Жудаям ажойиб ташаббус. Ёшларни рағбатлантириш ва иқтидорларни кашф қилишга қўйилган яна бир катта қадам.

[barlos]

Маънавий таҳдидларга маърифий жавоб

ЎзА, А.Рашидбеков, 13.11.2012 14:20


Ахборот технологиялари ҳаётимизнинг ажралмас қисмига айланиб бораётган бугунги кунда унинг беқиёс афзалликлари билан бирга турли зарарли таъсирлари, маънавий таҳдидлари ҳам кўпайиб бормоқда. Бу жаҳолатга қарши маърифат билан курашишни тақозо этаётир.

Президентимиз Ислом Каримов “Юксак маънавият – енгилмас куч” китобида таъкидлаганидек, “Бундай таҳдидларга қарши ҳар томонлама чуқур ўйланган, пухта илмий асосда ташкил этилган, мунтазам ва узлуксиз равишда олиб бориладиган маънавий тарбия билан жавоб бериш мумкин”.

“Мустаҳкам оила йили” Давлат дастурида бу масалага алоҳида эътибор қаратилган. Бугунги кунда ушбу дастур доирасида жамиятимизнинг маънавий негизларини янада ривожлантириш, азалий миллий қадриятларни асраб-авайлаш ва мустаҳкамлаш, миллий менталитетимизга ёт бўлган турли зарарли таъсирларнинг олдини олиш борасида қатор чора-тадбирлар амалга оширилмоқда.

Хусусан, миллий мустақиллик ғояси, мамлакатимиз тарихига бағишланган веб-ресурслар янада кенгайтирилмоқда. Жорий йилнинг ўзида “ZiyoNET” тармоғи 1,7 мингдан ортиқ мақола ва 3,2 мингдан зиёд ахборот билан бойитилди. Кўплаб маданий-маърифий, илмий ва оммабоп мақолалар, ўқув материаллари, бадиий китоблар ҳамда дарсликларни жамлаган бу тармоқдан мактаб ўқувчилари, талабалар ва турли касб эгалари кенг фойдаланаётир.

Мазкур тармоқнинг имкониятларини тарғиб қилиш мақсадида бир қатор тадбирлар, илмий-амалий конференциялар ўтказилди. Айниқса, қишлоқ жойлардаги ёшларнинг бу соҳадаги билимларини оширишга алоҳида эътибор қаратилди. Шундай тадбирлар мобайнида мактаблар, академик лицей ва касб-ҳунар коллежларининг 30 минг нафарга яқин ўқувчиси замонавий ахборот технологиялари ва интернет тармоғидан фойдаланиш бўйича ўқитилди.

Ёшлар маънавиятига таҳдидлар компьютер ўйинларида ҳам намоён бўлади. Айрим хорижий компьютер ўйинлари зўравонлик, ваҳшийлик, ахлоқсизликни тарғиб этади. Ўйин қоидасига кўра, одам ўлдирганга очко берилади, бузғунчилик қилган мукофотланади. Бу ёш авлод тарбияси, дунёқараши ва маънавиятига салбий таъсир ўтказмай қолмайди.

Бу каби маънавий хуружлар кўпайгани сайин уларга муқобил бўла оладиган фойдали дастурларни яратишни замон тақозо этмоқда. Шу мақсадда Тошкент ахборот технологиялари университети ҳузурида “Ўзбекистон компьютер ўйинлари академияси” ва Экспертлар кенгаши ташкил этилди. Бундан асосий мақсад болалар ва ўсмирлар учун миллий компьютер ўйинларини яратиш ва мусобақлар ўтказиш, бу соҳа бўйича малакали кадрлар тайёрлаш ишларини янада ривожлантиришдир.

Яқинда бўлиб ўтган “ICTExpo – 2012” ахборот-коммуникация технологиялари ҳафталигида юртимиз мутахассислари томонидан яратилган учта компьютер ўйини намойиш этилди. Ўзбек ва рус тилларида ўйналадиган “Звездочет” ўйини улардан бири. “Астрономия нимани ўрганади?”, “Мирзо Улуғбек ким бўлган?”, “Биринчи космик тезлик” каби саволларни мужассамлаштирган бу ўйин компьютер қаршисида ўтирган йигит-қизларнинг вақтини мазмунли ўтказиш билан бирга астрономияга оид билимларини бойитишга, Ватанимиз тарихига қизиқишини ошириш ва миллий ифтихор туйғуларини шакллантиришга хизмат қилади.

[Ra`noxon Xo`jaeva]

"Учитель Узбекистана" газетасининг 2012 йил 16 ноябрь сонида "Иқтидорингни намоён эт" танлови бўйича эълон чоп этилди.

[Gulchehra Ibragimova]

Сообщение от Ra`noxon Xo`jaeva

"Учитель Узбекистана" газетасининг 2012 йил 16 ноябрь сонида "Иқтидорингни намоён эт" танлови бўйича эълон чоп этилди.

Шунингдек, мазкур танлов ҳақида жорий йилнинг 19 ноябрь душанба кунида "Ўзбекистон" радио каналининг "Болалар учун" дастури эшиттиришида ҳам маълумотлар эфирга узатилади. Дастур вақти 16-15дан 17-00 гача.

[Gulchehra Ibragimova]

Ютуқларимиздан яна бир лавҳа:

"Fikr.uz" сайти http://fikr.uz/posts/8-dekabr_Konsti...uni/10250.html да айтиб ўтганимиздек Т.Н. Қори Ниёзий номидаги Ўзбекистон педагогика фанлари илмий тадқиқот Институтида жорий йилнинг "Ҳуқуқий маданиятни шакллантиришнинг педагогик муаммолари" мавзусидаги республика илмий-амалий конференцияси бўлиб ўтди.

Мазкур конференцияда бўлимимиз ходимлари ҳам ўз маърузалари билан иштирок этдилар ва тадбир иштирокчиларининг маърузалари қуйидаги тўпламда жамланган ҳолда «Сано-стандарт» МЧЖ босмахонаси томонидан чоп этилди.

[Gulchehra Ibragimova]

"Иқтидорингни намоён эт" танловимизнинг тақдирлаш маросими "Маърифат" газетасининг 2012 йил 26 декабрь № 103(8544) сонида ёритилибди.

"Миллий тикланиш" газетасида ҳам бу ҳақида ёритилибди. Аммо газетаси ҳозирча бизгача етиб келмади.

[Kadambay Saytov]

Сообщение от Gulchehra Ibragimova

"Миллий тикланиш" газетасида ҳам бу ҳақида ёритилибди. Аммо газетаси ҳозирча бизгача етиб келмади.

Обуна қилинганими?