Dildagi satrlar

[Биллур]

Бахтинг болиш бошингда,
Ой ухлайди қошингда.
Осмонларда юрган қиз —
Ўн саккизга кирган қиз.

Киприкми бу найзами,
Янги чиккан майсами,
Анбари уфурган қиз —
Ўн саккизга кирган қиз.

Боққа чиқса оқшомлар,
Изларини шабнамлар
Кўзларига сурган қиз,
Ўн саккизга кирган қиз.

Сабо силаб сочини
Қирқ жуфт қалдирғочини
Қирқ ёнга учирган қиз,
Ўн саккизга кирган қиз...

Ўн саккизга кирган киз —
Баҳор билан топишиб,
Ёмғир билан ўпишиб,
Хаёл билан юрган қиз,
Ўн саккизга кирган қиз!

Раҳматли Мухриддин Холиқов кўшиғи.

Ўн саккиз ёш энди бошқача-да, шу ёшдан ўтиб кетганлар бир эсласа арзиса керак...

[Биллур]

Majnuntoldek boshginangni egmagil jonim,
Ko'zlaringden yoshginangni to'kmagil jonim.
Endi qayta uchrashmasmiz, kutmagil jonim.
Nurli-nurli nurga cho'ngan bir hayol bo'l,
O'z yoriga sadoqatli bir ayol bo'l.

Ohlar ursa tog'lar toshdek qulab-la ketdi,
Ostonangdan bir mard yigit yig'lab-la ketdi.
Dardlarini kuylariga, ulab-la ketdi.
Nurli-nurli nurga cho'ngan bir xayol bo'l,
O'z yoriga sadoqatli bir ayol bo'l.

Bu dunyodan yig'lab o'tgan ozmi jonim,
O'zing o'yla baxtsiz sozlar sozmi jonim.
Qo'ygil meni unut ko'ngling buzmagil jonim.
Nurli-nurli nurga cho'ngan bir xayol bo'l,
O'z yoriga sadoqatli bir ayol bo'l.

Majnuntoldek boshginangni egmagil jonim,
Ko'zlaringden yoshginangni to'kmagil jonim.
Endi qayta uchrashmasmiz, kutmagil jonim.
Nurli-nurli nurga cho'ngan bir xayol bo'l,
O'z yoriga sadoqatli bir ayol bo'l.

(Qo'shiqdan)

Ba`zida eshitib o’tirsam, yonimga kirib qolishadi, ovozini biroz ko’tarishmni iltimos ham qilishadi. Yana bir qaytaring deya, 4-5 daqiqa “nafas rostlandi” qiladigan aka, opalar ham topiladi. Nimalarni o’ylashadi bilmayman. Xalaqit ham bermayman…
Kimga qanaqa, lekin yoqtiradiganlar ham ko’p ekan.

[albatros]

Яхшига эш бўлиш шарти — яхшилардан суринмаслик,
Ёмондан асраниш шарти — ёмонларга кўринмаслик.

Кучук зўр чиқмоғин билса бўрилар ёприлиб ғажир,
Ўлиб довруғ солиш шарти — тирикликда билинмаслик.

Бошингга гоҳ бало келғай ихтирою ташаббусдан,
Хатосиз иш қилиш шарти — иш қилишга уринмаслик.

Болари бойимас — хотам, жим ташиб, жим ютар сичқон,
Ўзингга тўқ яшаш шарти — ўзгаларга илинмаслик.

Кичик чумчуққа дап қилмай магар турна топар иззат,
Бўрилик обрўйин шарти — қуёнга авф қилинмаслик.

Ҳаётга зоғ боқиб Кулкул ҳар қадам ғам-алам тортдинг,
Тузук шоир бўлиш шарти — дард чекишдан эринмаслик.

Анвар Обиджон

[Billur]

Har kim hunar qadrin bilmasa ko’p dod,
U quruq suvratdir, devsifat bunyod!
Alafxo’r misoli emasdir inson,
Ziyraklik, xushёrlik payida har on.
Har kim o’qimoqdan qilmasa ga or,
Toshdan la`l chiqarar, suvdan dur-gavhar.
Necha aqli tezlar qilib bexushlik,
Nodonlikdan qildi safolfurushlik.
Ammo ta`lim olib nechalar nodon,
Hokim bo’ldi yetti iqlimga chunon.
Obihayot suvin ichganing zamon,
O’zni Xizr deya aylagin gumon.

(Nizomiy Ganjaviy)

[Gulinoz]

Shoir yashay bilmas

Shoir yashay bilmas tilini tishlab,
Ko'rib, ko'rmaslikka solib o'zini.
Nomard ketar ekan vaqtini xushlab,
Mushfiq tasalli deb bilsa to'zimni,
Shoir yashay bilmas.

Tinch qaray bilmas u tog'u tosh qolib,
Insonning yuragi qular chog'larga,
Osmonning o'rniga insonni olib,
Ko'nglin to'ldirsalar qaldiroqlarga,
Shoir yashay bilmas.

Yasholmaydir ermas, dil qolsa muzlab,
Ko'rib payhon bo'lgan ishq iqbolini.
Bolariga gulmas, inson bo'lsa daf,
So'rib tugatsalar shira bolini,
Shoir yashay bilmas.

Yashay bilmas qay bir fahmi ko'ru kar,
Taroqni sochgamas fikrgsha ursa,
Chetlab sho'x, qiyqiriq nafasli qushlar,
To'ti savlat to'kib bog'larda yursa,
Shoir yashay bilmas.

U yashay bilmaydir o'tmas, qay bir on,
Oq-oydin tuyg'ular ketsa o'rilib.
Shilliqurt misoli sip-silliq yolg'on,
Haqiqat yonida tursa kerilib,
Shoir yashay bilmas!

Tug'yon ko'tarar ul bo'lib bag'ri qon,-
Mayli, usiz ham mo'l beg'amlar, go'llar,
Ishqilib, uzunroq umr ko'r, isyon,
Tug'yon tugagan kun shoir ham o'lar.

Halima Xudoyberdiyeva

[albatros]

Kecha kitob do'konini "aylanib" yurib, shoira va tarjimon bir forumdoshimizning kitobini ko'rib qoldim:

Ortiq menga oshyon kerakmas.
Mol-dunyoga hamyon kerakmas,
Elting meni, do‘stlar oldiga,
Faqat menga nodon kerakmas.

* * *

Bobur sog‘inchida qolgan she’riyat,
Usmon xayolini olgan she’riyat
Bu kun meni yana asira aylab,
Jonimga o‘tli ishq solgan she’riyat.

Vazira Shodiyeva

[Gulinoz]

Baxt kutmasman, o'zgadan zinhor,
Birovga baxt berolmasman ham.
"Sen baxtimsan" demagin ey Yor,
Baxt berolmas odamga odam.

Ko'ryapsanmi... gavjum butoqdan,
Chirt uzilib tushdi bir yaproq,
Barglar yig'lasada firoqdan,
Qutqarolmas do'stini biroq...

Abdulla Oripov.

[Биллур]

Бозорлардан савдо қилдим боламга деб,
Ширинлигу новвот олдим боламга деб
Гўзал гуллар, сарпо олдим ёримга деб
Мен бағритош нима олдим онамга деб
Фарзанд булиб нима олдим онамга деб
Ҳокисорим меҳрибоним онамга деб
Ёлғизгани ғамгузорим онамга деб

Ҳашаматли уйлар қурдим болам учун
Дабдабали тўйлар қилдим болам учун
Оёк ости қўйлар сўйдим кимлар учун
Ҳокисорим, ғамгузорим онам учун
Ёлғизганим дуогўйим онам учун

Ўзи емай едирган ҳам онам эди,
Ўзи киймай кийдирган ҳам онам эди
Йўлларимга кўз тутган ҳам онам эди
Қўлин очиб дуо қилган онам эди
Бу дунёди чин дўстим ҳам онам эди
Ёлғизгина чин дўстим ҳам онам эди

Мен багритош нима қилдим онамга деб
Ёлғизгина ғамгузорим онамга деб
Мен нотовон нима қилдим онамга деб
Ёлғизгина қадрдоним онамга деб
ОНАМГА ДЕБ, ОНАМГА ДЕБ...

(Исоқжон-Она қўшиғидан)

[Nigora Umarova]

O’lim

Ochilаdi gullаr... So’lаdi.
Suvlаr tinib аdo bo’lаdi.
Bir kun ingrаb tug’ilgаn odаm
Biror kechа sаssiz o’lаdi.

Hаmmа bilаr – аniq kelаdir!
Hech kim bilmаs – kelаdir qаchon?
Odаmzodgа olаm to’lаdir –
Ertаgаchа kim qolаr omon?!

Hаmmа uning qoshidа tengdir,
Hаmmа ojiz kelgаndа ochqin.
Bemor uzrа ming kishi yig’lаr –
O’lolmаydi o’rnigа hech kim.

Qаrаmаydi puling, molinggа,
Dаrgohidа tengdir hаr bir jon.
Bu dunyodа shudir – аdolаt,
Hаqiqаt shu, qolgаni – yolg’on!

Gаpirmаydi birov bu hаqdа,
Gаrchаnd hech kim qutulib qolmаs.
Тirik аytmаs – o’lib ko’rmаgаn,
O’lgаn bilаr – аmmo аytolmаs...

Abdulkarim Bahriddin

[albatros]

Сообщение от Nigora Umarova

O’lim

Bahor o'tdi,
O'tdi yoz, kuz,qish.
Yer aylandi,o'tdi ko'p yillar.
O'z farzandin yutib birma bir,
Ona Zamin hamonki yig'lar.

(c)