Ҳикматли сўзлар

[pipicron]

Мақсаднинг ортида мақсад бўлмаса жуда кўпчилик мақсадига етишиб хаёт зерикали бўлиб қоларди. (С).

[Billur]

Ey aziz! Kishi uchun kitobdan azizroq va yoqimliroq suhbatdosh yo’qdir. Kitob fasoxat, balog’atda, latofatda tengi yo’q, munofiqlikdan holi hamrohdir. Yolg’izlikda va g’amli ayyomlarda munis ulfatdir. Unda na nifoq boru, na gina. U shunday hamdamki, so’zlarida yolg’on va xato bo’lmaydi. Suhbatidan esa kishiga malollik yetmaydi. U o’z do’stining dilini og’ritmaydi. Yuragini esa siqmaydi. U shunday rafiqdirki, kishi orqasidan g’iybat qilib yurmaydi. Uning suhxbatidan senga shunday fayzli foydalar yetadiki, bunday foydani odamlardan topa olmaysan. Aksincha, aksar odamlar suhbatidan kishiga zarar yetadi. Kitobdek do’st ichida barcha ilmu hilm mujassamdirki, u kishilarni o’tmishdan va kelajakdan ogoh qilib turadi. Shuning uchun ham arablar: «Kitob aql qal`asidir», deganlar.

Muhammad Jabalrudiy.

[Биллур]

Абу Бакр ал-Хоразмий ўлим тўшагида эди. Ундан:
- Кўнглинг нимани хоҳлайди, иштаҳанг нимани тусамоқда? - деб сўрадилар.
- Китоб юзига бир қарасам, - деди у.

(Фавоқиҳ ал-жуласо)

[barlos]

Мен ва менинг вақтим: бир-бирига сира тўғри келмайди.
Шопенгауэр

[Nigora Umarova]

Сообщение от Биллур

Абу Бакр ал-Хоразмий ўлим тўшагида эди. Ундан:
- Кўнглинг нимани хоҳлайди, иштаҳанг нимани тусамоқда? - деб сўрадилар.
- Китоб юзига бир қарасам, - деди у.

(Фавоқиҳ ал-жуласо)

Абу Райҳон Беруний ҳақида арабшунос олим Абдусодиқ Ирисов келтирган шундай бир ривоятни ўқигандим. Беруний ўлим тўшагида ётганида ёнига Жузжоний хабар олгани келади ҳамда Абу Райҳон ўзи тополмаган масаланинг моҳиятини сўрайди, Жузжоний масаланинг моҳиятини айтиб уйдан эндигина чиқиб кетаётган чоғида Берунийнинг жони узилади. Аждодларимиз ҳақиқий маънода "Бешикдан то қабргача илм излагувчи" бўлганлар.

[Nigora Umarova]

Сообщение от barlos

Мен ва менинг вақтим: бир-бирига сира тўғри келмайди.
Шопенгауэр

Дейишар: Вақт ўтмоқда. Вақт жойида турибди-аслида биз ўтмоқдамиз.

Асқад Мухторнинг "Тундаликлар"идан

[barlos]

Гётенинг фикрича: "Вақт нафақат одамлар, балки ёдгорликлар устидан ҳам ҳукмронлик қилади".

[Nigora Umarova]

Сообщение от barlos

Гётенинг фикрича: "Вақт нафақат одамлар, балки ёдгорликлар устидан ҳам ҳукмронлик қилади".

Вақт-олий ҳакам.

Ўзбек халқ мақоли

[Shokir Dolimov]

Сообщение от pipicron

Мақсаднинг ортида мақсад бўлмаса жуда кўпчилик мақсадига етишиб хаёт зерикали бўлиб қоларди.

Шу боис, киши кўзлаган мақсадлар орасида:
яқин келажакда эришилиши режалаштирилган, миқёсан кичикроқ – тактик;
узоқ келажакда эришилиши режалаштирилган, йирик миқёсли – стратегик мақсадлар бўлиши лозим .

[Биллур]

Аристатолис ниҳоятда қариб ва букчайиб қолганда, ҳаётнинг гулзорида ҳазон мавсуми бошланганда ва ўлим элчиси хавфу-хатар солиб турганда мусиқа илмини ўрганишга киришди. Дўстларидан бири унга: "Ғўр-у кафан ҳақида ўйлаш лозим бўлган бир пайтда танбур чертишдан уялмайсанми?" - деди. Ҳаким унга: "Билмаслик оғир айбдир. Ана шундан уялиш керак", - деди. (Баёний)

Шу тариқа ўқиган одам инсон табиатини тузукроқ англай бошлайди, ўқимаган эса уни дам ундай, дам бундай кўради ва ҳар бир киши унга ўзича (ўз йўсини билан) тақлид қила бошлайди. (Й.В.Гёте)