Dildagi satrlar

[Nigora Umarova]

[MOD]Mirzo Ulugbek!
Fleym tarzidagi xabarlarni qoldirmang. yuqorida fleym tarzida qoldirilgan ikki xabaringiz o'chirildi.[/MOD]

[Баходир кушаков]

Арғумоқ остингдадур,чўлларни кез,тоғларни кез,
Ногаҳон ул арғумоқ,остингда бўлғай бўлмағай.

Қарчиғай илкингдадир,айла кўнгилнинг шаърини,
Ногаҳон ул қарчиғай,дол бўйга қўнғай қўнмағай.

Бойлик қўлингдадир,овла ғариблар кўнглини,
Ногаҳон ул бойлик,қўлингда турғай турмағай.

Бўйларинг мунча узундир,дол бўлғай бўлмағай,
Лабларинг мунча шириндир,бол бўлғай бўлмағай.

Изласам оламда сендек,ёр бўлғай бўлмағай,
Бўлса бўлсин,сен каби дилдор бўлғай бўлмағай.

Ҳофизо ширин калом,айла тилингнинг борича,
Ногаҳон етса ажал,тил сўзга келғай келмағай.

[Баходир кушаков]

Қанча қанча кўз ёшларни кўрган бу жаҳон,
Аммо унинг сўкилмаган кўкси ҳеч қачон.
Кўз ёш эмас,яшаш учун яралган инсон,
Кўзларингда гар ёш кўрсам,адо бўламан.

Сен йиғладинг,мен йиғладим,йиғламас олам,
Сен билан мен ўтиб кетсак,ҳеч ким чекмас ғам.
Эй жонгинам не сабабдан кўзларингда нам,
Кўзларингда гар ёш кўрсам,адо бўламан.

Қўй йиғлама ўткинчидир ҳамма,ҳаммаси,
Ўткинчи бу умримизнинг йўқдир маъноси,
Йиғламагин,кулгин,келсин элнинг ҳаваси,
Кўзларингда гар ёш кўрсам,адо буламан.

[Баходир кушаков]

Айирди ақлу ҳушимдан,
Ғунчадек ол лабларинг.
Чиройинг минг бор оширмиш,
Нуқтадек ҳол лабларинг.

Сен инсон фарзандими ё,
Парилар авлодидан.
Шоширди қадду қоматинг,
Айлади лол лабларинг.

Неча йил мажнундайин,
Яшадим ишқинг билан.
Ҳолинг не кечди дебон,
Сўрмади ҳол лабларинг.

Куймайин ҳижрон чўлида,
Раҳм айлагил эй паризод.
Этмасин бечора мажруҳ,
Қаддини дол лабларинг.

Қандай бахтдир бир умрга,
Бирга бўлмоқ сен билан.
Қолмас дилда бирор армон,
Ўпганда бол лабларинг.

Бу ва юқоридаги шеър муаллифини билмайман.Билганлар айтворса ҳурсанд бўлардим.

[Биллур]

........ га

Мана, сенга оппоқ юрагим тутдим,
Бир бор кўрсатмайсан ўзингни нечун?
Сени эслайман деб ўзни унутдим,
Ўзимни йўқотдим сени топмоқ-чун.

Сен эса қаерда, кутяпсан нени?
Қара, кўзларимнинг соҳиллари нам.
Оламга ҳайқириб чақирсам сени,
Жавоб берар ҳатто тоғу тошлар ҳам.

Нега сукутдасан - нимага жимсан?
Тинмай беравердим шу саволларни.
Нигоҳинг акси бор фалакка қасам,
Излайвердим сенга элтар йўлларни.

Қаерга бормайин сезиб тураман
Ортимдан кузатган нигоҳинг кучин.
Боримни бераман, жоним бераман
Ўша нигоҳингни кўрмоқлик учун.

Исминг айтай десам куйди томоғим,
Бўғзим ҳамма ёғи илма-тешик най.
Ҳатто дарахтлар ҳам сенга интилса,
Мен нега туришим керак индамай.

Энтикдим номингни такрорлаётиб,
Сени ахтаришни қилмасдан канда.
Тун қора кўрпасин устига ёпиб,
Ойни ёстиқ қилиб ухлаб ётганда.

Аста чайқалади осмон денгизи,
Юлдузлар кўзимга кетмоқда сачраб.
Ҳар бир нафасимда нафасинг сезиб,
Кўзимда кўзингни қололсам асраб.

Билдим, билдирмасдан кузатаётган ким,
Энди юрагимга жойлашиб олиб,
Кўзларимга қараб тур, жимим.
Кўзларимдан қараб тур жимим...

[Gulchehra Ibragimova]

ГУЛ БИР ЁН, ЧАМАН БИР ЁН
Чаман ичинда бир гул, гул бир ён, чаман бир ён.
Сарви, санобармидир? — соч бир ён, суман бир ён.
Саҳар, субҳи содиқда мушк бир ён, мужгон бир ён.
Тун пардасин тортса гар, он бир ён, осмон бир ён.

Ўсган боғига олқов, ўстирган боғбонига,
Хавфу хатардан сақлай келган соябонига.
Андалиб қўнар, зоғлар қўнолмас бўстонига.
Мақтовига мен бир ён, борлиқ сухандон бир ён.

Ҳаким зоти бор ерда дард бир ён, дармон бир ён.
Ёринг жафокаш бўлса уй бир ён, зиндон бир ён.
Икки жон бир бўлмаса шам бир ён, шамдон бир ён.
Айри бўлса йўллари—туғ бир ён, шамдон бир ён.

Қўриқчиси бўлардим боғимда унар бўлса,
Кузим келмай баҳорим қайта бошланар бўлса,
Солномачиси бўлай магар у Қамар бўлса,
Қасам ичиб айтаман: намак бир ён, нон бир ён.

Қумри, саъва ошиён айлар бир гулафшон бу.
Бир кокили Сир бўлса, у бири Зарафшон бу.
Илоҳий санамлардан бир зурёд, бир нишон бу.
Керак бўлса магар жон, жон бир ён, жаҳон бир ё

Бу оламда Ой танҳо, муборак Қуёш танҳо.
Бўй қизларнинг ичинда шу бир эгма қош танҳо.
Унингдек ҳеч ким менга бўлмаса сирдош танҳо
Гўрўғли султон бир ён, Тўра Сулаймон бир ён.

[Биллур]

Севги садоси

Гулим, меҳр кўзда дегани ёлғон,
Менинг дилимда ҳеч ўчмас ёлқинсиз,
Қанча кўришмасак шунча қадрдон,
Қанча олис бўлсак шунча яқинсиз.

Девона ошиқман, мен бир девона,
Айтинг, сиздан бўлак кимим бор яна?..
Сиз йўқ чоғимдаги дунём бегона,
Сиз йўқ боғимдаги гуллар ёқимсиз.

Сиз аччиқ қисматим, сиз изтиробим,
Сиз ширин дардимсиз, ширин азобим,
Сиз менинг кўклардан топган офтобим,
Ерларда йўқотган кўзмунчоғимсиз.

Ёдимда кечаги шўхликларингиз,
Кўксимни куйдирган киприкларингиз,
Сиз ўша - орзуси ойдан ойдин қиз,
Сиз ўша - кулгуси қўнғироғимсиз.

Сиз ўша кўзимнинг кифтида юрган,
Сиз ўша кўнглимга кўнгли ин қурган,
Тўкилай деб тилим учида турган
Шеъримсиз, бир умр битмас оҳимсиз...

Муҳаммад Юсуф

[dracony]

Toliqtirdi meni bu dunyo tashvish, g'amlari,
Bag'ri dilim tirnaydi o'tmishim alamlari,
Bu dunyoni hech qachon tugamaydi kamlari.
Orzularimni ko'msam, qoldiku armonlari.

Do'st qidirsam yonimda soxta do'stlar behisob,
Sotilganda ozimga hech ham bermabman hisob,
Zavol bo'lgan umirimni qilib oxir sarhisob,
Shubhalarimni ko'msam qoldiku gumonlari.

Sevdim bevafo yorni berib jonu jahonim,
Xiyonatning tunida oysiz qoldi osmonim,
Tanamda borki zarra yashamoqlik imkonim,
Sevgim bogini ko'msam, qoldiku xazonlari.

Ne kuylarga solmadi meni nafsim balosi,
Tortaverdi oziga molu davlat havosi,
Ko'zlarim qamashtirdi zebu ziynat jilosi,
Nafsim otashin ko'msam, qoldiku isyonlari.

(Feruz Yadgorov)

[Billur]

Dunyo, meni anoyi bilma,
Kamolim baxt bo‘lib gullaydi.
Mening sabrim tugagunicha,
Sabrning ham sabri tugaydi.

Bir o‘zimni tashlab qochsang ham,
Boshimdan balolar sochsang ham,
Men senga gul sovg‘a qilaman.
…

[barlos]

dracony, ажойиб! Лекин bogini жумласи тўғрилаб қўйилса, янада чиройли бўларди...

П.с. Иқтибос олиб бўлмади.