Dildagi satrlar

[Masud Mahsudov]

Сообщение от Minglar

Qo'qondan Ramazon tuhfasi.
...

*hejjalamoq – chamalamoq , o’lchamoq

Чиройли шеър учун ташаккур...

Ўзбек тилида ҳежжаламоқ, деган феъл йўқ. Ҳижжаламоқ, бор. Унинг маноъси эса сўзни, бўғинни бўлиб, тўхтаб-тўхтаб ўқишга тўғри келади.

" Тағин, бирор мисрам тушиб қолмадимикин, деган ташвишда шеърини йўл-йўлакай ўқиди. Ҳижжалаб ўқиди.
Хайрият, мисралари тугал бўлди." ("Момо ер қўшиғи" Тоғай Мурод)

[Minglar]

Сообщение от Masud Mahsudov

Ўзбек тилида ҳежжаламоқ, деган феъл йўқ. Ҳижжаламоқ, бор. Унинг маноъси эса сўзни, бўғинни бўлиб, тўхтаб-тўхтаб ўқишга тўғри келади

Bizning shevamizda borligi uchun izoh berob o'tdim. Balki bu so'z mo'ljallamoq so'zining buzilgan shaklidir, nima bo'lganda ham bizning qishloqlarda shu ma'noda ishlatishadi.

E'tiboringiz uchun tashakkur.

[Nigora Umarova]

Юрагим,
Меники эмассан бошқа,
Энди бегонадир тўлишган ақлим,
Бугун тинч, не тушар эртага бошга,
Мен ҳам яшашгами сиз каби ҳақли?

Меҳрим,
Кўзларимни очдинг уммондай,
Чўкканинг манзилда таъна, маломат,
Дунё не кўрдики мендай ёмондан,
Кутганим бўлсинми комил ҳаловат?

Сабрим,
Сизиб киргил тафаккуримга,
Жонимни қақшатган ҳислар чекинса!
Кошки ўзим топган рангсиз нуримга
Чап бериб, бир зумга дилдан ўкинсам!..

Оҳим,
Рутубатни қўмсаган хаёл,
Икки дунёсини тутар ҳасратим,
Айтинг, ҳали бор-ку топишга завол,
Қалбхўр шайтонлардан асранг, ҳазратим!

Умрим, ҳаққинг йўқ ҳеч сўнишга шамдай,
Суя, ўз қадрингни кўтар, иродам!
Оҳ, қандоқ бахтлидир ёруғ оламда
Айтиб йиғламоққа дўсти бор одам!

Аъзам Обид

[Billur]

Ignalangan ko‘ksimni
Chokidan bir-bir so‘kdim.
Yuragimni hovuchlab,
Siqib-siqib she’r to‘kdim.

Oy oy emas men uchun,
O‘zgacharoq atayman.
Yulduzning ismi boshqa,
Barin bir-bir aytay man.

Eshitaman qirlardan
Ozodlikning sasini.
Men his qilib turaman
Gullarning nafasini.

Zo‘r davralarga kiring,
Men tog‘-u, yaylov yoqda.
Siz minbarda qichqiring,
Men kuylayman qishloqda.

Baland gaplar yoz, deysiz,
Qumdan qasr qurgum yo‘q.
O‘rtacharoq, shunchaki
Gapdon shoir bo‘lgum yo‘q.

Aytilajak so‘zimni
Hali bashar anglagay.
Men qishloqdan hayqirsam,
Butun jahon tinglagay.

[Mirzo Ulugbek]

Sen sabab....

Sen sabab - ko'zimga ko'rindi quyosh,
Sen sabab - umrimning bordir mazmuni.
Sen sabab - men she'rlar yoza boshladim,
Bo'lmasa bu bahtning aslo yakuni.

Sen sabab - hayotda topdim o'zimni,
Sen sabab - angladim nedir muhabbat.
Sen sabab - quvondim, sen sabab kuldim,
Qalbdagi sevgimdir senga toabad.

Sen sabab - bugunning ertasi bordir,
Sen sabab - kulgular sof va beg'ubor.
Sen sabab - bu yerak sevgiga yordir,
Bir umr yo'lingda bo'lib intizor.

Sen sabab - kuzlar ham men uchun bahor,
Sen sabab - ko'nglim ham zavqlarga to'lar.
Sen sabab - ko'zdagi quvonchim bilan,
Ko'zingga termulib yashagim kelar...

'Hayotim' ijodidan...

[Nigora Umarova]

Singan odam

Singan odam, tuyg‘ulari tingan odam,
Singan odam, qismatiga ko‘ngan odam.
Siniq kulib, siniqqina ko‘rishadi,
Kun ko‘radi, yashamaydi singan odam.

Yuribmiz-da, deydi endi o‘g‘il-qiz deb,
Qoraqozon yonidagi qorako‘z deb…
Men hamisha yoningdaman, ketdik, do‘st, deb,
Yelkangga qo‘l tashlamaydi singan odam.

Ko‘rilmagan katta xavfni ko‘rib qolgan,
Qochib borib o‘z ichiga kirib qolgan.
O‘z jonining mazasini bilib qolgan,
Senga jonin to‘shamaydi singan odam.

Ko‘rdim singan shoxni – oppoq guli bilan,
Egam goho shunday o‘ynar quli bilan.
Goho urar bandasining qo‘li bilan…
Odam isin xushlamaydi singan odam.

Unga tegma, u sendan ayb qidirmaydi,
Aybing bilsa ham birovga bildirmaydi.
Singan odam singanlarni sindirmaydi.
Begonaga o‘xshamaydi singan odam

Iqbol Mirzo

[Billur]

Mana bugun mening tug‘ilgan kunim,
Nega, nima uchun qutlaydi barcha.
Axir nima qildim, neni do‘ndirdim,
Tug‘ilganimdan to shu kunimgacha?

O‘tgan kunlarimni qilgancha tahrir,
Ko‘milib boraman tubsiz so‘roqqa.
Nega tushunmaysiz, odamlar, axir
Arzirli nimam bor tabriklamoqqa?

Hali uxloqligim, mudroqligimmi,
Ayting, qanday yaxshi jihatlarim bor?
Yoki o‘ta ketgan qo‘rqoqligimmi,
Siz jimsiz. So‘zimni qilmaysiz inkor.

Eshik taqillatdi Baxt, Quvonch, Shodlik,
Ochsam turar bari tutib quchoq gul.
Kirib keldi yangi hamrohim — YOSHLIK,
Ammo nimagadir ko‘nmasdi ko‘ngil.

Men yangi do‘stlarga qilib iltifot,
Bilmabman u meni o‘ksib kutganin.
Sezmabman, qadrdon bolaligimning
Qachon, qanday uydan chiqib ketganin.

Mana bugun mening tug‘ilgan kunim…

[Nigora Umarova]

Сообщение от Billur

Mana bugun mening tug‘ilgan kunim…

[MOD]Billur, she'r qoldirayotganligingizda har doim muallifini ko'rsatib o'tish yodingizdan chiqmasin. Agar o'zingiz muallif bo'lsangiz, u holda she'r so'ngida (C) belgisini qo'ying.[/MOD]

[Mirzo Ulugbek]

Ignalangan ko‘ksimni
Chokidan bir-bir so‘kdim.
Yuragimni hovuchlab,
Siqib-siqib she’r to‘kdim.

Oy oy emas men uchun,
O‘zgacharoq atayman.
Yulduzning ismi boshqa,
Barin bir-bir aytay man.

Eshitaman qirlardan
Ozodlikning sasini.
Men his qilib turaman
Gullarning nafasini.

Zo‘r davralarga kiring,
Men tog‘-u, yaylov yoqda.
Siz minbarda qichqiring,
Men kuylayman qishloqda.

Baland gaplar yoz, deysiz,
Qumdan qasr qurgum yo‘q.
O‘rtacharoq, shunchaki
Gapdon shoir bo‘lgum yo‘q.

Aytilajak so‘zimni
Hali bashar anglagay.
Men qishloqdan hayqirsam,
Butun jahon tinglagay.

[Nigora Jumaeva]

Аввал ҳайрон қолдинг, қувондинг, кулдинг,
Жим қотдинг. Кўзингга ёш олдинг бирдан.
Сўнг бегонадай менга термулдинг,
Йиғи нуқси урган нигоҳинг билан.

Хавотир ичинда дединг: "Мен кетдим..."
Тўхтадинг. Хўрсиндинг. Жўнадинг шитоб.
Кузги чорбоғ аро йўқолдинг, йитдинг,
Атлас либосларга беланган сароб.

Аввал ҳайрон қолдим. Бепарво кулдим.
Жим қотдим. Гўдакдай йиғладим бирдан.
Сўнгра бегонадай кўкка термулдим —
Мен ҳануз фалакка бегонадайман...

Усмон Азим