Фикр, таклиф ва мулохазалар китоби

[Feruza Rahmatova]

Сообщение от Tulqin Eshbekov

Ўргатиш осон, ишлаш, эплаб ёзиш қийин!
Бирор ишни эплай олмаганлар ўзига бино қўйганча ўргатимчилик қилишни боплайдилар, бу билан ўзларини нақадар ақлли кўрсатишга чиранадилар.
Ўтган асрнинг биринчи ярмида "Ўткан кунлар", иккинчи ярмининг 87 йилларида "Юлдузли тунлар"дек буюк романларга лой чаплашга чиранганлар ҳаётда бирор яхши иш қилишга ярамаганлар. Буюк карвонлар ортидан акиллаган итлар каби тарих чанг-тўзонлари ичра қолиб кетгани қолди уларнинг!..
Бизнинг ёзаётганларимиз шундай буюк асарлари қаторида бўлмаса-да, қаламни чархлашга, фикрни теранлаштиришга қаратилган саъй-ҳаракатлар эканлигини ҳам инкор этиб бўлмайди!
Асосан фикр (шу аснода ахборот) алмашишга қаратилган форумимиздаги мавзуларни бойитгиси келган одам тинчгина бойитаверсин! Нима қилади бировларнинг ёзганидан кир қидириб?
Битта жўяли гапни эплаб топиб. қиёмига еткизиб ёзиш осон иш эмас!
Қўлингдан келса, ёз! Келмаса, бировларникидан кир қидирма, нур қидир, иним!!!
Форумда фикр ёзаётганларнинг аксарияти албатта ўқувчига бирор маънавий нур улашишга интилмоқдалар! Бу нуримиз қанчалик қувватли, нурафшон бўлиши учун изланиш, интилиш ҳар кунги фаолиятимизнинг бир бўлаги эканлигини ақлирасо инсонлар англаб турганларига ишонаман.
Барча қаламкаш форумдошларга ижодий парвозлар тилаб қоламан!

Аслида ўргатиш ҳам осон эмас, айниқса, фикрлашга... Кичкинагина матнда шунча эмотив сўз фикрлашга ҳам тўсиқ...Балким бу ҳақда ёзишнинг кераги ҳам йўқдир.
Ф.Р.