Dildagi satrlar

[Биллур]

Бўз тупроққа тушаётир куз,
Хазонларнинг висоли билан.
Ёр-ёр ила олиб кетаётирлар,
Мевалари қадрдон уйдан.
О, жимгина девордан ошиб,
Мўралайди боладай дарахт.
Бу шўрликка жоним ачийди,
Меваларсиз забун ва карахт.
Бу тупроққа тушаётир куз,
Эслатиб қўй кўкламларини.
Эрта албат келади бахор,
Гулларга тўлдириб багрини.

*Тўйларини яхши ниятлар билан улуғ аёмни кузатиб, ундан сўнггина қиладиган барча ота-оналарга куч-қувват, сабр-каноат тилаб, турмуш остонасига илк қадамини кўяётган ёш йигит ва қизларимизга ҳаётлари гуллаб-яшнашини ҳамда ёш оиласининг фаровонлиги йўлида ҳамжихат бўлишларини истайман.

[Gulchehra Ibragimova]

*** *** *** ***
Деразадан боқар соҳибжамол ой,
Нигоҳлари тўла карашма, чирой.
Кечиргин, бўлибман ойга маҳлиё.
Ишон, энди унга қилмайман парво.

Ойнинг сочларини майли, ўрмайман,
Мен сени ойларга бермайман.

Сулув келинчакдек безанмиш баҳор.
Далалар ҳам гулзор, боғлар ҳам гулзор.
Гулларга боққандим. кулиб, очилиб,
Ёшларинг кетдилар нурдай сочилиб.

Баҳор гулларини майли, термайман,
Мен сени гулларга бермайман.

Шеър чорлар, бир лаҳза асир бўламан.
Ёнаман, куяман, тошиб-тўламан.
Сен-чи, унут бўлиб ғариб бурчакда
Турибсан... ғам тоши чўкар юракка...

Илҳом билан, майли, суҳбат қурмайман,
Мен сени ҳеч кимга бермайман...

Қанча ширин дамдан кечмоғим мумкин,
Фақат сен ўйнагин. қувонгин, кулгин.
Сен менинг тақдирим, охир азалим,
Сен менинг баҳорим. ойим, ғазалим.

Қалбимсан! Мен қалбсиз сира юрмайман,
Қалбимни ҳеч кимга бермайман...
Мен сени ҳеч кимга бермайман...

Усмон Азим шеъри.

***Кумуш Раззоқова қиёмига етказиб куйлаган қўшиқ..

[Биллур]

Хаёлимдан утиб турсанг кандок чидай,
Зимдан таъкиб этиб турсанг кандок чидай,
Мехрингга зор эканимни тутиб пинхон,
Бепарводай кулиб турсанг кандок чидай.

Дустларимдан мени сураб лек узимга,
Айтар сузинг ютиб турсанг кандок чидай.
Суратингга бокиб, этиб багримни кон,
Нигохингла отиб турсанг кандок чидай...

[Gulchehra Ibragimova]

ОНАМГА МАКТУБ

Ташвишларга ўралашиб қолдим чоғи,
Она, сизни қайта йўқлаб боролмадим
Юрагимда ҳамон эски алам доғи,
Сирдош бўлиб дардли кўнглим ёролмадим.

Асли ўша сиз турар жой Каъбам менинг,
Зиёратга тизлар чўкиб бормоқ фарзим.
Бир кишансиз боғлаб олган кулбам менинг,
Кўпаймоқда олдингизда қарздан-қарзим.

Бемеҳр, деб хулосага келманг она,
Борган билан ўртамизда ғам дастурхон.
Мунгли кўзим теграсида кўрсангиз нам,
Ўртанасиз не бўлди, деб куйиб пинҳон.

Ойда, йилда бир йўқлаймиз, ўшанда ҳам,
Кўрганимас , дардли дилни ёрмоқ учун.
Талончидек талаб қайтиб у кам бу кам,
Соғинч эса бир баҳона бормоқ учун...

Меҳрибоним, айбситманг келмади деб,
Рўзғорим-ғор, ушбу ғордан чиқолмасам.
Мен ҳам она, болаларим – бағримга зеб,
Бориб қолгум соғинчларга чидолмасам.

Соғинаман, осмондаги ойим онам,
Меҳри малҳам, малоҳатга бойим онам.
Мени шоир қилган наво бахшим онам,
Шабнамдан пок, гулдан гўзал, яхшим онам.

Боролмасам ташвиш чекманг, келмади деб,
Шеърин устун қўйди мени билмади деб,
Ҳар бир шеърим сизнинг учун дуо бўлсин,
Балолардан асргучи – Худо бўлсин!.

Минг шукрким она бари ўтиб кетди,
Сўздан етган жароҳатлар битиб кетди.
Бу эгилмас қаддим ўсиб кўкка етди,
Не истасам, шукр, бари насиб этди!.

Бу манзилга етиб келдим ёруғ юзла,
Бахт ёритди йўлларимни Ҳақ кўзила,
Ортга қайтмоқ учун менга йўл йўқ она,
Чўққиларга етиб боргум юлдузимла.

... ташвишларга ўралашиб қолдим чоғи,
Минг бор узр, тез-тез йўқлаб боролмасам?.
Барибирам сиз уммонсиз, дарё онам,
Койимассиз бир кечага қолмасам ҳам.

Ғолиб бўлдим, ғалабанинг тоти ширин,
Ҳижрон эзар юраккинам бир яширин.
Етиб борай олдингизга, омад сирин –
Тонг отгунча айтиб бергум бирин-бирин.

Ачом қилиб ётгум сўнгра, сизни бориб,
Ўлтирасиз сочларимни силаб-силаб...
Эркаланиб ётгум қанча ишлар қолиб
Ортга қайтгум сизга узоқ умр тилаб.

Соғинганда осмондаги ойим онам
Саждагоҳим, ҳикматларга бойим онам.
Сиғинаман, пойингизни кўзга суриб –
Бориб қолгум юзларимдан бахт уфуриб.

Ҳам қувончу, соғинчлардан кўнглим тўлиб,
Бағрингизга сингиб кетгум бир тўкилиб.
Яшаяпман умрингизга умрим тикиб,
Жоним онам, осмон онам, райҳон онам.

Ўзингизсиз саранжому-сариштам ҳам,
Уйгинамнинг ярашиғи фариштам ҳам
Сизла боғлиқ жоним, дилим, ҳар риштам ҳам,
Гулим онам, менинг жону дилим онам.

«Қиз бола палаҳмон тоши», дейилгани шу бўлса керак. Юқоридаги самимий туйғулари билан қиз ўзини юпатади. Ўз-ўзини овутади. Юрагида армон, дилида соғинч уфурса-да, у ўз бахтидан сармаст. У ўзи билан бирга ушбу шеъри орқали онасини ҳам юпатмоқди. Унга Худодан умр тилайди, қарзи узилмаслигини тан олади, ўз ҳаётидан энди мамнун эканини изҳор қилаяпти, шукрона келтираяпти, бориб қолишига шаъма қилаяпти... Бир кунга бўлса ҳам боришини, онажонини «Ачом» қилиб эркаланиб ётишини, агар ўша «бир кунга» қололмаса ҳам онасининг койимаслигини билиб, олдиндан узр сўраб қўйяпти... Ҳа она учун эса қиз қаерда бўлса ҳам ўзидан тинса шу унинг бахтидир!
(с)

[Gulchehra Ibragimova]

Alpomish xususida shoir do'stim Xurshid Davronga maxfiy xat

Arpali cho’lida Alpomish uxlar.
Uni uygotmayman.
Uyg’onsa, nima ish buyuramiz unga,
Xurshid Davron?

Ukam kabi Eski Jo’vada pista sotadimi?
Akamday paxta tеradimi ikki ming tonna?
Nima ish buyuramiz unga,
Xurshid Davron?

Imonni sotmoqlikni o’rganadimi amakimizdan,
Yoki mukofot olmoqlikning yo’llarini?
Ammamizning qilmishin ko’rib,
O’zini osib qo’yadi-ku!
Nima ish buyuramiz unga,
Xurshid Davron?

Biz bilan pivo ichishni udda qilarmikin,
Birovning kitobini ko’chirishni-chi?
Uni uygotmasdan…
O’ldirib qo’ysakmikin?

Bizga nima?
Alpomish uchun
Xun olsa,
Otamiz oladi-da…
Ammo, otamiz qanday uygonsin,
Alpomish uxlasa…

Usmon Azim
_______________

[Mirzo Ulugbek]

Sen sabab....

Sen sabab - ko'zimga ko'rindi quyosh,
Sen sabab - umrimning bordir mazmuni.
Sen sabab - men she'rlar yoza boshladim,
Bo'lmasa bu bahtning aslo yakuni.

Sen sabab - hayotda topdim o'zimni,
Sen sabab - angladim nedir muhabbat.
Sen sabab - quvondim, sen sabab kuldim,
Qalbdagi sevgimdir senga toabad.

Sen sabab - bugunning ertasi bordir,
Sen sabab - kulgular sof va beg'ubor.
Sen sabab - bu yerak sevgiga yordir,
Bir umr yo'lingda bo'lib intizor.

Sen sabab - kuzlar ham men uchun bahor,
Sen sabab - ko'nglim ham zavqlarga to'lar.
Sen sabab - ko'zdagi quvonchim bilan,
Ko'zingga termulib yashagim kelar...

'Hayotim' ijodidan...

[Aliya]

Bizni nelar kutar, azizim -
Bilib bo`lmas, aytib bo`lmaydi.
Umid endi faqat oldindan,
Endi ortga qaytib bo`lmaydi...

***

Sensiz sevinmasman, sensiz kulmasman,
Ko`nglim qurib qolgan dengiz, azizim.
Seni boshqalardan ola bilmasman,
Baxt axir hammaga aziz, azizim...

Voris. "Umidlar intihoda o`ladi..."

Оффтоп:

Ozar tilidan Iqbol Humoyun tarjimasi

[Gulchehra Ibragimova]

ДАРД ҚАЙСИДИР, ДАРМОН ҚАЙСИ, БИЛМАДИМ

Фалак менга ғам бодасин бергайдир,
Висол қайси, ҳижрон қайси, билмадим.
Ҳақ ишига тан берганман, кўргали,
Орзу қайси, армон қайси, билмадим.

Банда бўлсанг, кўзла Ҳақнинг ризосин,
Жабр айласа, чекавергил жазосин,
Ажал отар бир кун тири қазосин,
Пайкон қайси, камон қайси, билмадим.

Бир суратман, боқманг бу кун ўзимга,
Ориф бўлсанг, қулоқ солгин сўзимга,
Дунё туби йўқ кўринар кўзимга,
Давр қайси, даврон қайси, билмадим.

Ўз умримни кўп савдога сотибман,
Ўзим билмай, ул дарёга отибман,
Не уммондир, не талабдир, ботибман,
Замин қайси, замон қайси, билмадим.

Ҳар ким кирса ул талабга, уммонга,
Бошин олиб чиқа билмас бир ёнга,
Қадам қўйдим ул саҳрога, майдонга,
Жон қайсидир, жаҳон қайси, билмадим.

Мен дунёни осмондаги ранг билдим,
ҚизҚин-қизғин талашдим-у, сўнг билдим,
Энди унинг борин-йўғин тенг билдим,
Суд қайсидир, зиён қайси, билмадим.

Махтумқули, йўлнинг олди, орти бор,
Тортар юкин, ҳар кишининг марди бор,
Юрагимда пинҳон ишқнинг дарди бор,
Дард қайсидир, дармон қайси, билмадим.

[Биллур]

Ухла кизим, ой кизим,
Юзлари ширмой кизим.
Бино булдим ок кордан,
Кувват олдинг бахордан,
Ичганинг ок сут булсин,
Хар не есанг, кут булсин.
Шохи либослар кийгин,
Аклли кизча булгин...

[Биллур]

Ухла кизим, ой кизим,
Юзлари ширмой кизим.
Бино булдим ок кордан,
Кувват олдинг бахордан,
Ичганинг ок сут булсин,
Хар не есанг, кут булсин.
Шохи либослар кийгин,
Аклли кизча булгин...