Йўлда кечган ўйлар...

[Tulqin Eshbekov]

Кулиб туриб йиғлай оладиган ва йиғлаб туриб кулиб юборадиган одамга ўхшаб табиат ҳам ғалати бўлиб кетяпти. Ўтган куни Талабалар шаҳарчасидан 28-автобусга чиқаётганимда ёмғир шаррос қуйиб турганди, Амир Темур хиёбонига келсам, қуёш чарақлаб турибди. Ерлар қуп-қуруқ! Автобусда кўзим илиниб, бу ўзгариш чегарасини англай олмай қолгандим. Қайтишда аниқлайман, деб дилимга тугиб қўйдим. Ишим битгач, яна ўша автобусда ортга қайтдим. Кузатишга минг уринмай, уйқу қурмағур барибир илитди... Кўзимни очсам Талабалар шаҳарчасида турибман, ёмғир ҳалигача тинмабди...
Она шаҳрим жамолига чирой бахш этиб бир томондан ёмғир қуйса, унинг тароватини кўз-кўз қилмоқ учун бобоқуёш ҳам заррин нурларини бахшида этаётган экан, бу ажиб манзарадан илҳомланмай бўладими!

[Bobir Samadov]

Шаҳар кўчаларида, хиёбонларда баъзан иш юзасидан, бошқа пайтлар шунчаки сайр қилиб юрамиз, кўп ҳолатларда йўл четидаги турли хил шиорлар ва "баннерлар" кўзни қамаштиради. Масаланинг бошқа жиҳати эса ана шу баннерлардаги ёзувларда ҳамон хатоликлар мавжудлигидир. Қачонгача "саводсизлик" иллатидан қутила олмаймиз?

[Masud Mahsudov]

Сообщение от Bobir Samadov

қутила олмаймиз?

қутула олмаймиз

[Tulqin Eshbekov]

Газетада танқидий мақола ёритилгач бирор ижобий натижага эришилса, бу ҳақда албатта хабар берилади. Худди шундай бир неча ой илгари форумимизда (электрон нашримизда!) Сирдарё ва Жиззах йўллари ўйдим-чуқур бўлиб кетгани танқид қилинган эди. Ўтган ҳафта Самарқанд сари отланар эканман, ўша йўллар ёдимга тушиб кўнглим ғаш бўлганди. Буни қарангки, ўша йўллар худди Тошкентнинг замонавий, кафтдек текис йўллари билан билан бир хил бўлиб қолибди!!! Барака топгур йўлсозлар жазирама иссиқ демай йўлларни таъмирлашда давом этмоқдалар!
Йўлларимизни равон қилаётган азаматларнинг умр йўллари нурафшон, ҳаёт кўзгусига айланаётган форумимизнинг истиқболи чароғон бўлсин, дея дуо қилдим дилимда!

[pipicron]

Тонгда олис олислардан қуёшнинг илк нурларида қаддини кўрсатган тоғларга кўз ташладим. Улар қанчалар олис. Баъзида шу қадар кўкрак керишадики, гўё виқор ила олдимга келгандек.

Олис тоғларга термулиб днгизларни эслайман. Кўпгина қирғоқлар баланд қоялар билан ўралган. Уммон тўлқинлари умид билан, интилиш билан ўзини қояларга уради. Худди уларни енгиб ўтиб қоя ортидаги сахрони ташнасини босмоқчи бўлгандек. Қоялар эса мангу посбондек гавдаси билан улкан тўлқинларни уммонга қайтаради. Парча парча бўлган тўлқинлар яна бирга бирлашадилар ва яна олдинга интиладилар. Баъзан эса холдан тойиб тиниб қоладилар.

Қирғоқдаги қоялар эса парча парча бўлиб емирилаётган вужудини хатто хис хам қилмайдилар. Бир кун келиб мана шу сочилган парчалар уни денгизга ғарқ этадилар ёки ёнидаги ёш навқиронга суяб қўядилар.

Тўлқинлар қоялардан сидириб олган қум парчаларини сохилга сочадилар. Сохил эса уларни ёлғиз шамолга ўйинчоқ этгандек баъзан тарк этади. Шамол қирғоқда мағрур турган қоялардан аламини олгандек қоялардан ажраб қолган қум зарраларини осмону фалакка кўтариб яна қайта заминга уради. Қоялар уни йўлини тўсганига чидай олмай уларнинг зарралари сидириб олиб оламга сочади...

Табиатда хеч нарса ўзгармагандек....
Кирғоқдаги қоялар хамон виқор ила кўксини кериб туришибди.
Уммон гохи тинч ва осуда, гохида эса шиддатли тўлқин.
Коялардан емирилиб тушган қум зарра сахрода кезади сарсон саргардон... Уммондаги бир томчи сувга ташна-ю, қирғоқдаги қояларни орзу қилади...

[Tulqin Eshbekov]

Бобокалонларимиздан қолган мақол: шом ёт, эрта тур!
Ривоят қилишларича, кундузи йўлларга фаришталар ҳам нур таратиб тураркан, тунда гоҳо шайтони лаин изғир экан... Шул боис йўлдаги бахтсиз ҳодисаларнинг аксарияти қоронғу пайтларида юз бераркан... Хулоса шуки, жа-а зарур бўлмаса, оқшом тинчгина уйда ўтирган маъқул!!!

[barlos]

Сообщение от Tulqin Eshbekov

шом ёт

менимча, шом пайти ухлаш мумкин эмас, ҳарҳолда шундай эшитганим бор. ИМХО.

[Tulqin Eshbekov]

Сообщение от barlos

шом пайти ухлаш мумкин эмас

Бу - халқ мақоли! Унинг замирида айнан шом пайти ухлаш эмас, ҳар қалай, қоронғи тушгач, уйингда тинчгина ўтир, деган панд-насиҳат бор. Ухлаш масаласига келсак, уни ҳар ким вақтига қараб ҳал этиши табиий.

[myu]

Сообщение от Tulqin Eshbekov

Бобокалонларимиздан қолган мақол: шом ёт, эрта тур!
Ривоят қилишларича, кундузи йўлларга фаришталар ҳам нур таратиб тураркан,

Аникроги сахар эрталаб.

[Bobir Samadov]

Сообщение от Tulqin Eshbekov

Ухлаш масаласига келсак, уни ҳар ким вақтига қараб ҳал этиши табиий.

Камина шом пайтида хам ухлаб олган пайтларим бўлган. мен ҳам шу фикрдаман, бу шахсий масала ва ҳар ким ўзи белгилайди қачон ухлашни. Агар гап уйқуда бўлса, ШОМ ПАЙТИДА УХЛАМА дейдиган инсонларнинг аксарияти Тонги АЗОН пайтида мазза қилиб ухлашади, ваҳоланки бу фарзни бажаришмайди...