Мактабларда пул йиғилиши тўғрими?

[dili]

Форумдагиларнинг фикрини ўқиб, олдин аноним ёзган ўқитувчилар билан гаплашиб кучим ҳеч нарсага етмас экан деган фикрга келдим.Мактабга бориб тинчгина хоналар таъмирини давом эттирдим. Ҳали меҳнат таътилига чиққанимча йўқ.Битта хонам тўлиқ таъмирдан чиқди. Лекин феълим ёмон: ўз ҳаққимни талаб қилавераман. Мўлжаллаган ишларимни тугатгач соат 16.30да директорга уйга кетаётганлигимни айтдим. Ўқитувчилардан кимлардир кегган, кимлардир директордан олдин кета олмаяпти. Директор одатдагидай нима сенинг учун ҳар доим яшил чироқ ёниб турадими, нега кетар экансан деди. Мен тушлик қилмай ишлаганимни, қорним очлигини айтдим. Мен сенга тушлик қилма дедимми деб давом эттирди. Жанжал қилишга ҳолим йўқ эди. иложсизлигимдан ўпкам тўлиб кетди. Ўзимни амаллаб босдим. Директор мактаб биносига кириб кетгач илмий мудирга мазам бўлмаётганини айтиб уйга кетдим. Яхши уйим яқин икки минутда етиб келдим. Уйга келиб йиғлай бошладим ва ... У ёғи худди кинодагтдек. Эсласам қўлим қалтираяпти. Шартта ўрнимдан туриб шкафдан биринчи ўнг келган дорини олиб ичдим. Охиригача ича олмадим.оғзимни куйдириб юборди. Кейинчалик билишимча хлорофилипт экан. Кейин ўзимдан кетиб қолибман, қизим мактабдаги дугоналаримга қўнғироқ қилиб бўлган воқеани айтиб берибди. Бир пасда ким уйидан ким мактабдан етиб келишди. Тез ёрдамни чақиришди. Мен эса худди наркоздагидек,эшитиб турибман, ҳеч қаеримни қимирлата олмайман, фикримни жамлай олмайман.

[dili]

Директор ҳам, илмий мудир ҳам келди.Танишим ҳам врач, қизим уни ҳам чақирибди. Сув ва қатиқни мажбурлаб ичира бошлашди. Мени эса яшагим келмасди, тезроқ меҳрибон бувижонимни(оллоҳ раҳматига олган бўлсин) олдига боргим келарди. Тез ёрдам врачи келиб суицид деди ва сабаби нима деди. Улар қизимга "отказ " ёздиришди. Танишим ўзи томчи дори қуйишини айтди. Тез ёрдам кетди. Улар нималарнидир пичирлашди. мен тушуна олмадим. Кейин билишимча тез ёрдамдагилар маҳалла нозирига манзилимни бериб нима воқеа рўй берганини айтишибди. Қизим йиғлаб нозирнинг олдига кетди. Олдимдаги одамлар камая бошлади. Томчи дорининг кучи билиниб, овозларни таний бошладим. Ҳамма келишиб "ойимнинг томоғи оғриётган эди, шунга билмай кўпроқ ичиб юборибди " дейсан дейишди. Қизим худди шундай маънода тушунтири хати ёзиб берибди. кейинчалик яна кимлардир келди у ёғини яна эслай олмайман. Нозир "Ойинг тузалса ўзи бирров чиқиб кетсин" дебди.

[dili]

Олдинлари устидан бензин қуйиб ўзини ёққан аёллар ёки суициднинг бошқача кўринишлари ҳақида ўқисам тавба деб ёқамни ушлардим. Теперь я это на себе испытала. Поверьте им было очень нелегко. Наверьное у них тоже не было другого выхода. Я жалею что не выпила пузырёк до конца. Я не оказалась такой сильной.

[Shokir Dolimov]

Сообщение от dili

У ёғи худди кинодагтдек. Эсласам қўлим қалтираяпти. Шартта ўрнимдан туриб шкафдан биринчи ўнг келган дорини олиб ичдим. Охиригача ича олмадим.оғзимни куйдириб юборди. Кейинчалик билишимча хлорофилипт экан. Кейин ўзимдан кетиб қолибман, қизим мактабдаги дугоналаримга қўнғироқ қилиб бўлган воқеани айтиб берибди. Бир пасда ким уйидан ким мактабдан етиб келишди. Тез ёрдамни чақиришди. Мен эса худди наркоздагидек,эшитиб турибман, ҳеч қаеримни қимирлата олмайман, фикримни жамлай олмайман.

Бургага аччиқ қилиб, кўрпа куйдирибсиз. Бу билан на Ер куррасини тескари айлантириб юборасиз ва на мактаб фаолиятини ўзгартира оласиз, аксинча, иродаси бўшлар орасида суицид ҳолати оммалашиб кетишига туртки берасиз. Мактаб ёки фаолиятингизни алмаштиринг. Кенгроқ бўлинг. Аёлсиз, йиғлаб, юрак бўшатиш сизларга хос. Йиғланг. Шундан сўнг, ҳар қандай қийинчилик, машаққат ва йўқчиликни табассум ила қарши олинг. Бироқ Сиз бераётган сигнал тегишли доираларда қабул қилинди, деган умиддаман.

[pipicron]

Сообщение от dili

тезроқ меҳрибон бувижонимни(оллоҳ раҳматига олган бўлсин) олдига боргим келарди.

Ўтганларнинг охирати обод бўлсин.
Қабристонга бориб, ўтганларни зиёрат қилсангиз балки кўнглингиз таскин топарди. Негаки тупроқдан яралган эканмиз, асл тупроқ бизни қалбимизни юмшатади, ундаги дардни олади, онгни турли беъмани фикрлардан тозалайди.

Мен хам ўз вақтида хаққимни талаб қилганман. Ўз вақтида рахбарларга қарши чиққанман. Лекин вақти келиб тушуниб ета бошладим: хар қандай эзгулик учун хам ботқоқни кечиб ўтишга тўғри келаркан. Бир ишни юритиш учун билиб туриб минглаб хатоликларни бажаришга тўғри келаркан. Корхонада ишни юритиш учун ўнлаб идораларга мурожат қиласиз, пора берасиз, келишасиз, узатасиз. Негаки иш айбсиз бўлмайди. Агар сиз шу ишни қилмасангиз, юзлаб ишчилар ойлаб ишсиз қолишади. Хаммасини тўғри бажариш мумкиндир балки. Лекин хар доим хам бунинг уддасидан чиқа олмаймиз.
Мактабга комиссия келди. Сабаб нима? Адолатни қарор топтириш. Ўзларида адолат бўлмаган тафтишчилар қандай қилиб адолат ўрнатсинлар? Агар адолат ўрнатишса, юзлаб директорлар, мудирлар, ўқитувчилар ишдан хайдалишади. Бундан сўнг бошланадиган тартибсизликни ўрнига қўйиш учун яна неча йил керак бўлади? Майли, директорни ишдан хайдашсин, ўрнига адолатпарвар, ўқимишли ёшни олиб келишсин, у сизлардан тўғри ишлашни талаб қилсин. Нима бўлади? Охир оқибат ўзингиз уни тузимига дош бера олмайсиз, келишишга харакат қиласиз... Негаки туни билан конспект ёзишга, замонавий кўргазмали ўқув материаллари тайёрлашга, ўқув материаллари топишга қурбингиз етадими? Сиз дарс ўтасизми, ёки идорадан идорага мактаб учун, ўқув қуроллари учун маблағ ажратишларини сўраб югурию юрасизми? Хомийларга ялинасизми? Хомийларинг эркатойларига "2" бахо қўя оласизми?

Ха, танқид қилиш осон, айбни топиш осон, айбдорни кўрсатиш осон, лекин уни ишларини тасаввур қилиш, уни ўрнига ўзингизни қўйиб кўриш, унга ёрдам бериш қийин....

Сиз осонгина таслим бўлишни маъқул кўргандирсиз... Лекин бундан нима наф? Сиз ўқитувчисиз ва сизнинг бу тарбиянгиз келажакда ўкувчиларингизг ибрат бўлмасин деб қўрқаман.

Мен бежиз айтмадим: Харакат қилинг, пора беринг, узатинг, келишинг, лекин мактабингизга директор бўлинг ва барча адолатсизликларга бархам беринг.... Буюк саркардалар сархадларда адолат ўрнатиш учун қирғинбарот қилганлар. Лекин уларни хамма бойлик ва шон шухратга интилиш йўлида халққа зулм қилган дейишади.

Энг мухими, ўқитувчисиз: Сиз таълим бериш учун хар бир имкониятдан фойдаланишингиз керак. Зеро бировнинг адолатсизлиги деб сизнинг кўлингиздаги адолат синмасин.

[Nigora Umarova]

Сообщение от dili

Олдинлари устидан бензин қуйиб ўзини ёққан аёллар ёки суициднинг бошқача кўринишлари ҳақида ўқисам тавба деб ёқамни ушлардим. Теперь я это на себе испытала. Поверьте им было очень нелегко. Наверьное у них тоже не было другого выхода. Я жалею что не выпила пузырёк до конца. Я не оказалась такой сильной.

Siz juda-juda kuchli ayolsiz, ishonavering. Har kim ham o'z fikrini dadil, qo'rqmasdan bildiravermaydi. Maktabingizdagi nohaqliklarni ko'rib, chiday olmay, garchi ko'pchilik o'qituvchilar jim tursa-da, munosabatingizni bildirishingiz jasorat emasmi? Jonga qasd qilish holatiga kelsak, asablaringiz ancha charchagan: o'quv yilining oxiri, mayda-chuyda gaplar.
Maktab rahbarlari aksariyat o'qituvchilar nafaqat "o'qituvchi", balki ayol kishi ekanligini unutishmasa yaxshi bo'lardi.
Dili, sog'lig'ingizni ham, o'zingizni ham asrang, oila a'zolaringizga keraksiz. O'z hatti-harakatingizni chetdan turib mushohada qilib ko'ringchi, agar joningizga qasd qilib, hozir yonimizda bo'lmaganligingizda qizingizning ahvoli, kelajagi nima bo'lardi....
"Siz o'qituvchisiz, ta'lim berish imkoniyatidan foydalaning -deyishibdi. Menda ham shunday holatlar ro'y bergan. "Bas, yetar, o'qituvchilik qilmayman, yig'ishtiraman maktabini ham" deganimda, o'quvchilarimning jovdirab turgan ko'zlari ko'z oldimdan ketmagan. "Nahotki shularni tashlab ketsam?"-degan kuch maktabda ushlab qolgan. Sinfimni 1-sinfdan 9-sinfgacha o'zim olib chiqqanman. So'ng maktabdan o'zga maktabga o'tganman. O'z qadrini bilgan inson o'zgalarga ham qadrli bo'ladi. O'sha o'quvchilarim garchi maktabni bitirib ketishganligiga 7 yil bo'lgan bo'lsa-da hali hanuzgacha birgalikda yig'ilib turishadi, bu yig'ilishlarga meni ham olib ketishadi. Qizig'i yig'ilishlarga turmush ortog'lari bilan kelishadi, oilaviy bordi-keldiligi bor.
Kasbimizning mevasi direktor yoki maktab ma'muriyati bilan bo'ladigan mayda-chuyda gaplar emas, o'quvchilarimizning hayotda o'z o'rinlarini topib ketishlari. Qolgan mayda-chuydalarga esa umuman ahamiyat bermang. Muhii o'z ishingizni qoyil qilib bajaryapsizmi, bo'ldi.
Nahotki, o'qituvchini o'z joniga qasd qilishgacha olib borishsa?! TXTBBBsi qayoqqa qaramoqda?

[Ustoz]

Сообщение от Shokir Dolimov

Сиз бераётган сигнал тегишли доираларда қабул қилинди, деган умиддаман.

Ha, ammo men shundan qo`rqaman. Endi hammani majburan yig`ib o`z joniga qasd qilish yomon ekanligi haqida ma`ruzalar o`qishadi va kimlardir yana pul ishlaydi. Tepadagilar hech qachon to`g`ri hulosa chiqarishmagan.

Сообщение от Nigora Umarova

TXTBBBsi qayoqqa qaramoqda?

Qo`lingizga qaraydi. Hujjat topshirayotganingizda ichiga qaraydi (pul-mul bormikan deb). Boshqa narsalarga qarshga ularning vaqti yo`q. Bir marta o`zimizning tuman XTBsiga borib "Fly High" darsligining kassetasini topishda yordam so`raganimda "Mening bundan tashqari boshqa tashvishlarim ham bor degan javob olganman". Bolalarga ta`lim berish tashvishi faqat bizning, o`qituvchilarning bo`ynimizda, qolganlar faqat shundoq ilova xolos.

Shokir Dolimov, biz siz bilan erkaklarmiz, bizga uncha indashmaydi. Mana masalan, mening mushugimni birov pisht demaydi, bilmasdan deb qolgani ham tavbasiga tayanadi, ammo men ayol o`qituvchilarga qilinayotgan muomilani va munosabatni ko`rib bir necha marta aralashib, o`sha ayollarning o`zlaridan gap eshitganman "Baribir hech narsa o`zgartirolmaysiz" deb. Nigoraxon juda to`g`ri aytdilar, bolalarning javdirab turgan ko`zlari bizni maktabda ushlab turadi. Men shu singlimizni (Dilini) shu ahvolga olib borgan rahbarni sudga bergan bo`lardim, ming afsus-ki qizib turganida shu narsa rasmiylashtirilmabdi.

[Shahodat]

Сообщение от dili

Олдинлари устидан бензин қуйиб ўзини ёққан аёллар ёки суициднинг бошқача кўринишлари ҳақида ўқисам тавба деб ёқамни ушлардим. Теперь я это на себе испытала. Поверьте им было очень нелегко. Наверьное у них тоже не было другого выхода. Я жалею что не выпила пузырёк до конца. Я не оказалась такой сильной.

dili,сиз ёзмаётганингизга хавотир олган эдим, узи билан бир нарса килиб кўймадими деб. Чунки бизнинг махалламизда 5 болали аёл ўзини ўзи ёққиб ташлаган. Болалари мактабимизда ўқишади. Уйдагилар билан уришиб шундай қилди деб эшитдик, лекин аниқ эмас. Болалар етим қолди. бувиси билан отасини қарамоғида. лекин онасиз... Если человек жив и здоров, всегда можно найти какой-то выход из положения. Подумайте о своих близких, о себе. Тем, что Вы что-то сделаете с собой никому ничего не докажите. Будьте здоровы, берегите себя Вы ещё молоды, думайте освоих родных детях и своих учениках, которые Вас любят.

[Гўзал]

Ассаламу алайкум!
Шу мавзуда фикр билдирмай туролмадим...
Кўпчиликка маълумки, мактаб битирувчиларини таълимнинг кейинги босқичига жалб қилиш мақсадида мактаб психологи томонидан бир нечта сўровномалар ўтказилиб, натижалари интернетда www.uzedu.uz сайтида киритиб борилиши раҳбар идоралар томонидан таъкидланиб келинди. Бизнинг мактаб қишлоқда жойлашган. Ҳали интернет тармоғига уланмаганмиз. Шу сабабли ўтган йиллар битирувчилардан 500 - 1000 сўмдан йиғиб районога (шу соҳа билан шуғулланувчи кишига) юборилган экан. Мен шу йил хабар топдим бундан.. Бундан жуда жаҳлим чиқди, ахир интернет-клубларда интернетнинг 1 соати 1000 сўм, улар айтган маълумотни эса ярим соатда киритса бўлади, намунча инсофини еган булар деб, бу йилгиларини ўзим киритаман, пулларинг ҳам керакмас дегандим.
Хуллас, маълумотлар киритилиб, охирги далолатномаларни чиқариб, ўзимизга бириктирилган ўқувчиларнинг ҳужжатларини олишга мактабга борсам, синф раҳбари 2000 сўмдан пул йиғиб оляпти. Нега эмиш: 1000 сўм китоблари марафони ва 1000 сўм интернет учун! Мактабни 52 та ўқувчи битиряпти, йиғадиганинг бир мири ҳам эмас-у, энди шунга кунинг қолдимии деб, қаттиқ ранжидим...
Кетиш олдидан директорга индамай кетмадим: "Устоз, ўша, мен ўқувчилар маълумотини интернетга киритганим учун кетган пулни берсангиз, синф раҳбарлар йиғиб оляпти экан" дедим.. Ишқилиб, узоооқ "маслаҳат оши"дан кейин, ҳартугул йиғилган пул менга берилди. Секиин икки синфнинг сардорларини чақириб, пулини бериб, синфдошларингга тарқат деб, ўқувчиларим билан коллежга йўл олдим.. Кайфият ҳам энди ўзгача эди....

[Гўзал]

dili опа, нега иш билан боғлиқ муаммоларни Ҳаётингиздан устун қўясиз а? "Бу дунё арзимас фидо бўлишгааа" деган эди бир хонанда... Нима қиласиз бунчалик куюниб? Сизнинг 1 дақиқалик асаб бузишингиз ўша мактаб раҳбари-ю, ремонтига арзирмикан?! Мен ишга совуққон қаранг демоқчи эмасма, йўқ, асло! Лекин опажон, ҳаёт фақат ишдан иборат эмас-ку! Кейин Сиз 1-2 йиллик ўқитувчи эмассиз, шарт-шароитни, ишлаётган коллектвингизни, ким қанақалигини биласиз! Била туриб яна асабингизни бузишингиз, нотўғри!
Мен 1-йил ишлаганимда, жуда жуда қийналганман! Дарс беришда эмас, раҳбарият билан муносабатда. Уларнинг ўлчовлари билан меники ҳеч тўғри келмас эди. Сиз айтган ҳолатлардан ҳам ёмонроқ аҳволда қолган пайтларим бўлган. Лекин ўшанда ҳам бунақа хаёллар келмаган. Кейинги йилларда эса анча-мунча ўргандим.. "Менга барибир" - менинг шиоримга айланди. Бу ҳолатда иш, дарс бериш жараёнига "барибир" эмас, балки раҳбарларнинг гапи барибир деган маънода иш тутдим. Ҳар қандай мажлисда, ҳар қандай тадбирда танқидни ҳам, мақтовни ҳам аямадим.
Биласизми нима? Ўзи ҳаамма ўқитувчилар ана шунақа "Йўғон чўзилиб, ингичка узиладиган" паллаларда сабрсизлик қилиб қўйишади. Баъзида бу амалда ҳам намоён бўлади. Ўзига келганда эса, хижолатдан тик боқолмаймиз яқинларимизга..
Опажон, қўйинг уларни ҳаммасини! Бунақа фидокор бўлманг! Бирор иш қилмоқчимисиз, қўрқманг: "Вой директор нима дейди? Вой иш вақтим тугамади!" деманг асло... Ишдан безиб кетганингизда эса юқорида айтишганидек, ўқувчиларингиз кўз олдингизга келсин! Уларнинг биргина "Устооз..." деган сўзи ҳамма - ҳамма ташвишни аритиб юборади, ишонаверинг.. Ҳаётга ҳамиша кулиб боқинг, у ҳам Сизни кулиб қаршилайди!